&& حمــــلت جثمان ابتسامتي...&&

[بحرينية (قمر)]

الجزء [1] من قصة حملت جثمان إبتسامتي

 

 

 

 

 

 

 

عّذابه بنت فيها كل المعاني الخيالية بنت جميلة وتجنن بنت اجتمع فيها الحب والقسوة عمرها 18 سنة تحب اليهال واااااايد ..... وتحب الرسم وايد وعندها6أخوان..

اكبر واحد عبدالله وعمره 26 سنة وهو هب متزوج لانه الشغل ماخذ كل وقته..

وراشد وعمره 24 وهو حبوووووب وايد ومتخرج من كلية الطيران وشايف عمره شوي هب وايد لانه طيار..

وخالد عمره22 سنة يحب الشعر والخواطر وااايد ورومانسي وانسان كله احساس .... وهو سنة ثالثه جامعه تخصصه محاماه ..

مايد انسان طيب وهاااادي وايد يدرس برع في أمريكا عمره 20..

وفهد عمره 19 سنة يدرس بالتقنية تخصصه ادارة أعمال ..

وحمد انسان طيب بس لسانه متبري منه وعمره 16سنة اول ثانوي ....

 

 

امايه امااااايه ..... وينج؟؟؟ يت البشكاره تربع ....

 

جيني : yes mama athaba what u want ??

 

عّذابه : انتي بلاج حد زقرج انا ازقر امايه فديت روحها هب انتي .... تدرين اني مااحبج ليش دومج مجابلتني روحي .... يالله

 

خالد : له لا بلاه القمر زعلان شوفيج حبيبي ليش تزاعجين على البشكاره ... توج يايه من المدرسة قولي السلام عليكم ....

 

عّذابه قاطعته) لحووول انت الي بلاك بعد..... ابي امايه ..... هب انت .... اول هذيج والحين انت ؟؟؟

 

خالد : الشرهه ماعليج الشرهه علي انا اللي عاطنج ويه زيييين ...

 

عّذابه : لحظه ...خالد لحظه..

 

خالد : ( وهو رايح فوق صد صوبها).. آمري ....

 

عّذابه : بغيت اسالك امايه وين ؟؟؟

 

خالد : ....................

 

عّذابه : اشفيك ساكت .. لاتقول زعلت يالحساس يالرومانسي ....

 

خالد : طالعها بنظره وراح عنها ...

 

عّذابه : ربعت حجرتها وحطت جنطتها وبدلت ملابسها ودخلت الحمام تتمسح وصلت وبعد ماخلصت طلعت من الحجرة .... ونزلت تحت ..

 

عبدالله وراشد وفهد يالسين في الصاله يسولفون ويا بعض ...

 

عّذابه : السلام عليكم .

 

عبدالله + راشد + فهد + بوعبدالله : وعليكم السلام ..

 

بو عبدالله انسان قووووي وصبوووور وطيب القلب واااااايد والكل يحبه .. اول ماشافته عّذابه ربعت حق ابوها وباسته على راسه ويلست حذاله ...

 

بوعبدالله : فديتج .. ولهت عليج وايد حبيبتي ... هلا فيج توه نور البيت ..

 

عّذابه : فديت روحك يابوي كنت بالمدرسه .... انت الي ماتنشااااف ابد كله باهالشركه متعبل بها وشاغلتك عن بنتك القمر بنتك الوحيده ...

 

راشد : اقووووول عّذابوووووه لاتدلعين وايد زين ... ترا دلعج شراتج يلوع بالجبد .خخخخخخخخخخ..

 

فهد : هههههههههههاي تستاهلين زين .... عطها رشوووود زيدها درر ههههه..

 

عّذابه: (تسوي عمرها تصيييح ) باباتي حبيبي شوف عيالك ... شوف يالسين يضحكون علي ..

 

بو عبدالله : ماعليج تدرين تراهم مغتاضين ليش انتي دلووووعتي وبس ...

 

عّذابه لوت على ابوها وباسته) الله يحفظك ياكل اهلي ...

 

وهني تدخل ام عبدالله : السلام عليكم ورحمة الله وبركاته ..

 

الكل : وعليج السلام ..

 

عّذابه : (تربع لامها وتلوي عليها وتبوسها )...هلا ماماتي ..

 

ام عبدالله : هلا حبيبتي هلا ببنيتي الوحيده ... اشحالج حبيبتي ..

 

رشووود : ( بقلبه يقول ول عليج ... صدق ان كيدهن عظيم ...) زين يام الدلع انتي خوزي عن امايه فديت روحها

 

حمد يدخل : امايه ....... انا يوعان ...حطوا الغدى بسررعه ..

 

ام عبدالله : ( تزخه من اذنه ) الناس تسلم اول ... حشى هب ولد انت ماتعرف السنع ..

 

الكل : ( يضحك عليهم ... وعلى هالموال الي يسونه كل يوم ..)

 

عبدالله : امايه فديتج روحج مابتغدينا اليوم ....

 

عّذابه : اووووووووه سكتوا ... سمعتوا عبدالله اخوي حبيب قلبي هني ...

 

عبدالله : ( يطالعها بنظرات ....) ...................

 

ام عبدالله : دقايق وازهب الغدى ..

 

عّذابه : فديتك اخوي والله مااتمصخر عليك ... انت حبيبي والله فديتك احبك وااااايد..

 

(رشود وفهد وحمد وبوعبدالله يضحكون عليهم ...)

 

والكل يالس على الغدا ...

 

ام عبدالله : (تشهق ) يمه فديت روحه خالد ولدي وين ؟؟؟

 

عّذابه : ( منزله راسها )... امممم اماية انا بسير ازقره..

 

بوعبدالله : بنتريا خالد وعذابه شوي ...

 

حمد : لا والله انا ياي من المدرسه تعبان اريد اتغدى وانت تقول اتريا .... لابوي انا باكل ماروم اصبر..

 

حمد بدا ياكل : ( مندمج في الاكل من اليوع )..

 

عبدالله : حشى شنك هب ماكل من سنين .. شوي شوي ترا الاكل مابيطير...

 

(فوق وحذال حجرة خالد ..)

 

عّذابه : خالد ممكن ادخل ؟؟

 

خالد : هلا تفضلي ..

 

عّذابه : اخوي ممكن ايلس حذالك ؟

 

خالد : هيه ممكن طبعا ...

 

عّذابه : حبيبي خالد انا اسفه على تصرفي وياك اليوم ...بس هذي البشكاره يوم شفتها انقهرت ..

 

خالد : ......................

 

عّذابه : شو زين ... اكيد زعلان من رمستي البايخه..

 

خالد : ( زين يوم تعرف انه رمستها بايخه ) احم احم يعني يايه تراضيني صح.

 

عّذابه : هيه حبيبي والله اسفه( وتبوسه على يبهته) والله هب قصدي والله اني طيووويه ..

 

خالد : خلاص غناتي هب زعلان منج ...

 

عّذابه : يلا نش نروح نتغدى ترا ماماتي تسال عنك ..

 

خالد : لا حبيبتي ماروم قولي لامايه اني اريد ارقد ...( تقاااطعه )..

 

عّذابه : لا حبيبي اذا مانزلت تتغدى ويانا انا هب نازله اتغدى وبزعل ...

 

خالد : .............

 

عّذابه : يلا عااااااد يلا نش ...

 

(وينزلون خالد وعذابه ويروحون عسب يتغدووون ...)

 

خالد : السلام عليكم ..

 

الكل : وعليكم السلام ..

 

ام عبدالله : هلا حبيبي بلاك عسى ماشر ...

 

بوعبدالله : وينك يابوي ؟؟

 

خالد : ابوي كنت فوق شوي تعبان بس هالمفعوووصه اصرت انزل اتغدى وياكم ..

 

الكل: (يضحك ).. ههههههههههه ..

 

خالد : امايه حمود وين ؟؟ مااشوفه !!

 

ام عبدالله : هذا اللي ماعنده مذهب كل وراح مايروم يتريا حد ...

 

الكل : هههههههههههه ...

 

(بوعبدالله وام عبدالله راحوا ينامون بعد الغدى )

 

(وفي الصاله فهد وراشد وخالد وعبدالله يطالعون أخبار ...)

 

عّذابه : ( يالسه وياهم ... يرن التلفون ... نش فهد يرد ) ..

 

فهد : الو

 

المتصله : ............

 

فهد : الو ... الووووو

 

المتصله : السلام عليكم ..

 

فهد : ( تجمد مكانه ) ..

 

المتصله : اخوي ...الو

 

فهد : ........... ( بقلبه يازين صوتها روووعه ) عليكم السلام هلا اختي ..

 

المتصله : ممكن عّذابه ..

 

فهد: .. يعطي التلفون حق عذابه من دون ماينطق باي كلمه ...

 

ريم : السلام عليكم ........ اشحالج الغاليه

 

عّذابه : عليكم السلام .... الحمدلله اشحالج انتي ..

 

ريم : تمام .. يسرج الحال .

 

عّذابه : مسرع ..... شو ولهتي علي ..

 

ريم : هيه تصدقين وياويهج .... اقولج اشرايج اليوم نظهر ...

 

عذابه : امممم على حسب البليس ...

 

ريم : اوكي .... بنسير المارينا مول ... اشرايج ..

 

عّذابه : خلاص غناتي بشاور باباتي وبشوف ...

 

ريم : خلاص الغاليه ...فمان الله..

 

عّذابه : فمان الله..

 

ريم اعز ربيعه عند عّذابه طيووووبه وروحها كلها فرفشه بس حساسه وايد وقلبها كبيررررر... ووماشاء الله عليها كشيخه وهي من عايله غنية وايد تسوق سياره وابوها له مركز عالي وتحب الخيل وايد وعندهم مزرعة خيوول وفيها جمال طفووولي وهي بعد وحيده امها وابوها .... وهي في سن عّذابه يعني عمرها 18 سنة ... ماعندها اخوان أو قرايب كل اللي عندها أمها وأبوها وبس..

 

فهد : عّذابه في شو بتشاورين ابوي ..

 

عذابه : لاتحشر عمرك بشي مايخصك اذا تسمح ...

 

فهد : ول عليج حشا هب لسان تردين الكلمه عشر ... عفانا الله..

 

عّذابه : احسن زين .........

 

عّذابه : وهي تنش رايحه حجرتها ترتاح .

 

(بعد صلاة العصر ...)

 

فهد:يدق باب حجرة عّذابه ......... ويدخل ..

 

فهد : عّذابه الدلووووعه .... يلا نشي عّذابه حووووو ويليس حذالها وينطط على شبريتها عسب تنش ...

 

عّذابه : ( تصرخ) امايه .... لحقي علي ...... شوفي فهووووود ..

 

خالد : ( يسمعها ويربع يدش حجرتها ويشوف فهد واقف على شبريتها ..)

 

عّذابه : ( تصيح وتصرخ ظهروووووه مااحبه اكرهه السخيف .... ظهروووه من حجرتي ..)

 

خالد : ( يزخ فهوووود من اذنه .... ) انت شو تسوي ؟؟

 

فهد :آآآآي ...بلاك عورت اذني وياراسك ..

 

خالد : ( يظهر فهود برع ) شوف اياك ثاني مره تدخل حجرتها وتأذيها فاهم ؟

 

فهد : والله بتشوف ياخلوووود انت وهذيج العّذابه ... مسوي عمرك محامي .. ها..

 

خالد : ( يدخل يشوف عذابه ) حبيبتي ماعليج غناتي ترا فهود حركات تعرفينه ( وهي مبوزه )..

 

خالد : خلاص حبيتي فريته برع ...

 

عّذابه : (تضحك ) .. ههههههههههه

 

خالد : هي هذي القمر الي مافي اغلى منها ومن هالضحكه ..

 

عّذابه : خالد تدري انا احبك وايد واتمنى يكون فارس احلامي شراتك بكل شي ....

 

خالد : فديتج والله لايحرمني منج يالدلوعه .....

 

عّذابه : خالد باباتي وينه ؟؟

 

خالد : اظني تحت حبيبتي.....

 

عّذابه : هيه ... اوكي ..

 

(في الصاله )

 

بو عبدالله : عبدالله ولدي شحال عمك بو سعود ...

 

عبدالله : الحمدلله يسلم عليك ....

 

بو سعود اخو بو عبدالله بس هم ساكنين في العين ... وهو عنده ولدين وثلاث بنات ولده سعود وعمره 22 سنه وسلطان عمره 20 ولولوه وعمرها 18 سنه و روضه وعمرها 16 سنه ... وأمل عمرها19 بس متوفيه من سنتين وخالد كان خاطبنها بس توفت بمرض خطير.. سرطان في الدم ( لوكيميا) .

 

بو عبدالله: الا اقول ياولدي اشرايك اخر هالاسبوع نروح العين عند عمك ... ولهت عليه والله ..

 

عبدالله : ياريت يابوي حتى انا ولهت عليه .....

 

حمد : ( يدخل ) السلام عليكم ..

 

الكل : وعليكم السلام ....

 

بوعبدالله : هلا ولدي .... اشحالك ..

 

حمد : تمام ابوي ...(و ييلس حذال ابوه ) ..

 

(خالد ينزل من حجرته )

 

خالد : السلام عليكم ... اشحالكم ... اشحالك حمود ..

 

حمد : ( ينش ويبوس راس اخوه ) .. بسرك الحال ..

 

فهد : (بقلبه اش طاري عليه صاير عنده مذهب ) ..

 

خالد : وينك اليوم ماشفتك من الظهر والحينه المغرب .. شو وين كنت ؟

 

حمد : ترا كنت برع ويارالربع ....

 

خالد : زين ...ثاني مره خذ فهود وياك خله يحل عن عّذابه شوي ..

 

عبدالله : ابوي انا بظهر تامر بشي ..

 

بوعبدالله : لا الغالي خذ بالك على عمرك ...

 

حمد : احم احم ابوي حبيبي .... بغيت اغير موبايلي ( هو مايصير عنده ذوق الا اذا بغى شي ) ..

 

بوعبدالله : ياولدي انت جابل دراستك هب كل يوم تغيرلك تلفون ...

 

حمد : يعني مستخسر فيني ... يابوي ..

 

بوعبدالله : لاياولدي ..... انت ولدي ومااستخسر فيك شي ..

 

حمد : .......... ( يسوي عمره بريء) على راحتك ابوي ..

 

بوعبدالله : فديتك .... آمر جم تبي ...

 

حمد : ****

 

بوعبدالله : هاك ياولدي ...

 

حمد : فديتك يابوي الله لايحرمني منك ...

 

بو عبدالله : (ينش ) انا بروح عند بو جاسم ...

 

فهد + خالد + حمد : الله يحفظك ..

 

حمد : اقول امايه وين ؟؟

 

خالد : عند ام احمد يارتنا ....اظن ..

 

فهد : ( يطالعه خالد بنظرات ) ..

 

خالد : ( يرن تلفونه ) ... : السلام عليكم ... هلا والله مبارك ... اشحالك عساك بخير ..

 

مبارك : هلا بك .... انا تمام ... اشحالك انت .. وينك ماتنشاف ؟

 

خالد : انا والله يالس عند اخواني ...

 

مبارك : اشحالهم ... ان شاء الله تمام..

 

خالد : بخير يالغالي ..

 

مبارك : خالد اشرايك امرك البيت ونروح الكوفي شوب..

 

خالد : اوكي اترياك ...

 

مبارك : فمان الله ..

 

خالد : فمان الكريم..

 

(الساعه 7 الا ثلث تنزل عّذابه من حجرتها وتروح الصاله ..)

 

عّذابه : السلام عليكم اشحالك حمود ...

 

حمد : شو أصغر عيالج حمود... بخير اشحالج انتي يالدلوعه ...

 

عّذابه : لا أكبرهم وييو ..تمام ...

 

فهد: (يرمس عّذابه) زين نشيتي .... ياام الرقاد..

 

عّذابه : ( محرجة ) حل عن سماي ولاترمسني زين..

 

فهد : اول صيحي خلاف بحل عنج ( يضحك) ههههههههه

 

حمد : بسم الله ... اشياكم..

 

عّذابه : حمود.. وين باباتي ؟

 

حمود : ظهر ...

 

عّذابه : (تزاعج ) لااااااااااا لاحوووول وتيلس ..

 

حمد : اشفيج ... شتبين فيه ؟؟

 

عّذابه : خلاص بتصل فيه ( وتتصل في ابوها ) وتستأذن منه انها بتروح وياربيعتها ريم ساعه وبترجع ..طبعا بو عبدالله وافق...

 

عّذابه : (مستانسه ) ياهووووو فديت باباتي انا ...

 

حمد + فهد : بلاج مستانسه ؟

 

عّذابه : بظهر وياربيعتي ..

 

فهد : نعم نعم .... منو قال بتظهرين هالحزه ...والله شي ...

 

عّذابه : انت منو خذ رايك اصلا ؟؟

 

حمد : عّذابه صدقه فهد الوقت هب مناسب عسب تظهرين وياربيعتج حتى لو مستأذنه من ابوي..

 

عّذابه : مالكم خص باباتي راضي زين ..

 

فهد : شوفي كلمه وحده قلت لج مافي طلعه انتي فاهمه ..

 

عّذابه تزاعج ) بظهر زين رضيت ولا لا انا خذت شور باباتي..

 

فهد : لو فيج خير اظهري ..

 

(وتروح عّذابه فوق وتتلبس وتنزل ...)

 

فهد : ردي احسنلج حجرتج قلت ماتظهرين يعني ماتظهرين .. (محرج واااايد وواصل حده ) ..

 

حمد : انا بظهر احسن لي ...

 

عّذابه : جيني ... جيني .. ( تزقر البشكاره )

 

جيني : yes madam what u want ?

 

عّذابه : جيني وين ماماتي..

 

جيني: out..

 

عّذابه : زين فارجي ...

 

فهد : قلت لج ردي ولاماتشوفين خير ..

 

عّذابه: ( تتجدم وتفتح الباب تظهر ) ..

 

فهد : (يزخها من ايدينها ويسحبها ) قلت مابتروحين كلام يوصلج ويتعداج ..

 

عّذابه : آآآآآآي ... ايدي فهود وهي (تصرخ ) لحقوا علي ... حرام عليك ...

 

فهد : انا تكسرين كلمتي شو اتحرين انتي ماوراج حد .. ( يضربها كف ويسحبها من شعرها وويوديها حجرتها ويضربها ضرب في حياتها ماانضربته من اي حد وقفل عليها الباب وخذ المفتاح )

 

عّذابه : آآآآه ... امايه ( وتصيح ) ..

 

فهد : (حبس اخته وظهر.. وهو هب مستوعب اللي سواه وكيف تجرأ يمد ايده على اخته و يتصل تلفون بربيعه خليفه وهو متضاااايج وايد ) ..

 

فهد : الو السلام عليكم ..

 

خليفه : هلا والله وعليك السلام ..

 

فهد : خليفه انت وين ؟؟

 

خليفه : برع ويالشباب ..... خير فهد صوتك هب طبيعي بلاك ..

 

فهد : .... متضايج وايد ....( ويسكت ) ..

 

خليفه : خلاص الغالي انا بييك الحينه .. انت وين ؟؟

 

فهد : قريب الكاسر ... اول ماتوصل دق لي ...

 

خليفه : اوكي بباي ..

 

(وفي بيت بوعبدالله)

 

جيني : oh my God what I should do to "Athaba"..( منصدمه كيف تجرأ فهد يمد يده على عذابه )

 

ريم: ( تدق تلفون ومحد يرد ) ياربي وين راحت هذي وانا اترياها ... بسير لها البيت احسن ..

 

ريم : (توصل بيت بوعبدالله وتدق الباب) ..

 

جيني : Hi Reem ( تعرفها لانها ربيعة عذابه من الطفوله ) ..

 

ريم : Hi Jeen how r u ?...

 

جيني : Fine thanks

 

جيني : .............

 

ريم : where is Athaba ?? ..

 

جيني : Athaba is cry in his own room cuz mister fahad bitch Athaba

 

ريم : شووووووووو....شو تقولين خوزي اشوف ( تربع حجرة عّذابه ) ..

 

ريم : عّذابه حبيبتي فجي الباب انا ريم ...

 

عّذابه : (من كثر الضرب هب رايمه تتحرك )

 

ريم : عّذاااابه ..

 

عّذابه : (تصيح) ريم لحقي علي ....( ويعلى صوتها ) ..

 

ريم : ( واقفه حذال باب حجرة عذابه وجيني حذالها)

 

جيني : mister fahad close the door & take with him the key...

 

ريم : شووو .... مااصدق هذا أكيد ين شياه عليها ؟!

 

عّذابه : ( تصيح ) ..

 

ريم : (محتاره ) ...عّذابه حبيبتي لاتصيحين فديتج ..

 

ريم تحب عّذابه وتعتبرها توام روحها وعذابه شراتها تموت في ريم لانها اروع صديقه عندها وتعتبرها اختها وكاتمة اسرارها وكل شي في دنياها ..

 

جيني : ( تسمع الجرس يدق وتروح تفج الباب) Hi mister khaled

 

خالد : هلا وين امايه ؟... وعّذابه في البيت ولا ..

 

جيني : o0oh khaled o0oh khaled Athaba was died ..

 

خالد : ...( يقاطعها) شووووو ... شو تخربطين انتي ؟

 

جيني :Mister Fahad bitch Athaba & lock her room& take the key with him ..

 

خالد): يربع من دون مايدري انه ريم فوق وهو ماشافها من يوم ماكان عمرها 7 سنين )

 

ريم : ( وشيلتها على جتفها وهي تحاول تفج الباب ) ..

 

خالد : (يشوفها ويرجع ورى ) هود هـــود ..

 

ريم بسرعه تعدل شيلتها ) هدا هـــــــدا خوي ..

 

خالد : شو صار اختي ... بلاها عّذابه ...

 

عّذابه : ( من كثر ماهي تعبانه يغمى عليها) ..

 

ريم : ( وهي تصيح ) مدري انا توني وصلت وقالت البشكاره انه اخوك ضربها وحبسها .... الخ

 

خالد : شووووو .... والله اراويه ....

 

ريم : ...........

 

خالد : ( يحاول يفج الباب بس مافتح يكسر الباب وهو منصدم يوم شاف عّذابه على الارض)

 

ريم : ( تربع عند عّذابه وهي متروعه ) عّذابه نشي حبيبتي ( وتكمل صياح) ..

 

خالد : ( يشلها ويحطها على شبريتها ) عّذابه غناتي ...( ويمسح على راسها ويحضنها وهو متروع عليها ) ..

 

ريم : ( تربع وتروح تييب ماي ) .. هاك..

 

خالد : هاتي اختي مشكوره ...( وهو يحاول يوعيها ) ..

 

عّذابه تنش وشوي شوي تفتح عيونها اللي مليانه دموع) ... خالد ... خالد( وتصيح) خالد بس غناتي ... انا هني

 

ريم : والله حرام ... حشى هذا ماعنده قلب كيف يسوي جي بها ( وتصيح ) ..

 

عّذابه : بس حبيبتي انا مافيني شي ... اسفه والله اسمحيلي زيغتج علي ..

 

ريم : لاتتاسفين حبيبتي ....( وتيلس عندها) ..

 

خالد : (ينش ويخليهم بروحهم ... ويروح يتصل بفهد ) ..

 

ريم : اشحالج حبيبتي .. شو يعورج ..

 

عّذابه : كل شي ...

 

خالد : ( يتصل بس محد يرد وهو بتخنقه الغصه على اخته وحالها وهو اول مره يشوفها جي تصيح ) ..

 

ريم : عّذابه حبيبتي أنا بسيرالحينه وبتصل فيج في الليل اوكيك غناتي ..

 

عّذابه : خلاص الغاليه اترياج ..

 

ريم: اخذي بالج على عمرج .... فمان الله ..

 

خالد : ( متضايج ) ...لاحول لله ولاقوة الا بالله ..

 

ريم : (نازله وهي تشوف خالد يالس وفي ايده التيلفون ) فمان الله ..

 

خالد يشوفها وهو يفكر هب في جمالها في قلبها الكبير والحساس) فمان الله اختي ..

 

خالد : (يربع عند اخته عّذابه ويدخل وهو واقف عن الباب ) اشحالج حبيبتي ..

 

عّذابه : تعال خالد .. اقرب ( وتصيح ) ..

 

خالد : لاتصيحين حبيبتي ... فديت قلبج مافي حد يستاهل دموعج الغاليه ...وهذا فهووود انا بادبه ومحد غيري وغلاتج عندي..

 

عّذابه : والله العظيم انا ماسويت شي ولاغلطت عليه ( تقوله اللي صار )..

 

خالد : (محرج ) هو اشله انتي مستأذنه من ابوي ... ولا يبى يسوي عمره ريال عليج ..

 

عّذابه : .................

 

خالد : خلاص حبيبتي ارقدي الحينه ..

 

عّذابه : (تقاطعه ) لاتروح فهد بيي ... اخافه ينازعني مره ثانيه ..

 

خالد : ( منصدم ) بلاج حبيتي وهو في خير يقرب صوبج ..

 

عّذابه : الله يخليك لاتروح بيذبحني فهد ...( وتصيح ) ..

 

خالد : (وهو يشوف اخته لهدرجه عّذابه تخاف منه ) خلاص بتم يالس عندج لين ماترقدين اوكيك ( ويبوسها على يبهتها)...

 

(عند الكاسر )

 

فهد: (يالس هو يرمس وربيعه ويقوله كل شي صار بينه وبين اخته ) .. وهذا كل اللي صار ..ياخليفه ( وهو يطالع تلفونه والمكالمات اللي من خالد ويغلقه) ..

 

خليفه : خلاص الغالي ولايهمك ولاتكدر عمرك ..

 

خليفه انسان طبعه هب زين ومغروور ويدخن وعصبي ومغازلجي درجه اولى بس فهد دوم وياه لانه ربيعه من من الطفوله ....وهو متأثر برببعه لدرجه انه وايد ياخذ من صفاته ... خليفه صح من بوظبي بس هو مايعيش ويا اهله وعنده شقه وابوه مدلعنه وايد لانه ابوه غني وايد فيعطي ولده كل شي يطلبه ومايحاسبه على شي ابد ...

 

خليفه : اشرايك نروح الشقه ومنها تنسى اللي صار شوي .. في البيت ..

 

فهد : مااريد ارد البيت اليوم ..... ( من سواد ويهه) بيلس عندك ياخليفه .. اذا ماعندك مانع ..

 

خليفه : حياك الله الغالي ...

 

(في بيت بوعبدالله )

 

(الساعه 9 ونص المسا ترجع ام عبدالله تشوف خالد في الصاله يالس بروحه وهو متضااااايج وماله خلق حد )

 

ام عبدالله : السلام عليكم .... اشحالك الغالي ..

 

خالد : عليكم السلام .. بخير..

 

ام عبدالله : خالد وين اختك واخوانك عنك ؟؟ اشوف بروحك يالس ..

 

خالد : اخواني محد وعّذابه فوق بحجرتها راقدة ..

 

ام عبدالله : ( فاجه عيونها ومستغربه) عذذابه راقده خير ...بلاها بنتي هذي اول مره تنام هالوقت ...

 

حمد يدخل وهو يدندن ) وهو رايح حجرته..

 

خالد : (يقاطعه خالد ).. تعال حمود بغيتك بشي ..

 

حمد : ها آمر ياخلووود ..

 

خالد : تعال وياي بغيتك بسالفه ...

 

حمد : لحووول ....اشعندك ...

 

خالد : تعال حجرتك ... عن اذنج امايه ..

 

(ويروحون حجرة حمود) ..

 

حمد : ها وصلنا حجرتي شو بغيت ؟

 

خالد : تدري اخوك المصون شو اسوى بعّذابه بعد مارمست انت وياه وسويتو اعماركم رياييل عليها ..

 

حمد : (زايغ ) شو فيك عن شو ترمس هب فاهم شي ..

 

خالد : ( ويقوله كل شي ) اشرايك الحين يااستاذ ؟؟

 

حمد : (وهو متلوم ) خاااا خالد انا مالي دخل زين تفاهم ويا هذا أخوك اللي ما يتسمى ..

 

خالد : (يتحلف لفهود بعد ماعطى حموود درس في الاخلاق والادب ) شوف بطوفها لك بس فهود حسابه عندي هب حد غيري ... ( ويطلع ) .

 

(الساعه 10 وربع المسا يوم الثلاثاء) ...

 

بوعبدالله : ( يدخل البيت ) وعند الفيلا يشوف راشد وعبدالله و يدخلون البيت ويا بعض ..

 

بوعبدالله + عبدالله + راشد : السلام عليكم ..

 

حمد : عليكم السلام ... هلا والله

 

راشد : اشحالك يالدب وينك اليوم ماييت عن الربع تونسنا تراهم اسالوا عنك ....

 

عبدالله : انا بسير حجرتي ....

 

بو عبدالله : حمود ياولدي ... وين امك ..؟

 

حمد : بحجرتها .. يابوي ..

 

بوعبدالله : ( وهو رايح حجرته فوق يوقف على الدري ) حمد ولدي اختك وين ؟

 

حمد :راقده لانها تعبانه شوي..

 

(في حجرة بوعبدالله )

 

ام عبدالله : (تصلي وتدعي) يارب تحفظ عيالي وتحفظ ريلي يارب اشوف احفادي قبل مااموت ..

 

بوعبدالله : (ماحب يقاطعها اترياها لين ماخلصت ) آمييييييييين يالغاليه ويحفظج لنا يارب.. (وينش يبوسهاعلى يبهتها )

 

ام عبدالله : يالله يابوعبدالله نروح نتعشى ...

 

بوعبدالله : يالله ياكريم ...

 

(في الصاله)

 

(حمد وعبدالله وراشد يشوفون اخبار .... )

 

عبدالله : اقول فهووود وينه ؟

 

حمد : برع يهيت ( بقلبه متلوم لانه تذكر اخته واللي صار لها ) ..

 

خالد : (نازل بعد ماتطمن على اخته) .. مرحبا ..

 

(يرن تلفون البيت والكل يالس يتريا العشى .... ينش عبدالله لانه الاقرب ويرد ...)

 

عبدالله : السلام عليكم ورحمة الله وبركاته

 

سعيد : وعليكم السلام ورحمة الله وبركاته ....... هلا والله باخوي هلا بالغالي..

 

عبدالله : هلا والله اشحالك ...... وينك يالقاطع ولهنا عليك . ها .. هيه ههههههه..وحمد مأذي عبدالله : منو منو هذا ؟

 

عبدالله يغصص به ومايقول ...

 

مايد : ولهت عليكم وايد والله اني افكر بكم دوم وامايه الله يخليها دوم اتذكرها واتذكر اكلها اللي مافي منه ..

 

عبدالله : هيه مبين ترا تلفونا مايسكت من زود ماتتصل فينا ... ( يضحك) .

 

مايد : الله يغربل ابليسك بس انشغلت شوي وكان عندنا امتحانات المهم امايه فديت روحها وين ؟؟ ولهت عليها...

 

عبدالله : امايه ..... امـــــايه تعالي اخوي مايد ...

 

حمد : عطني ارمسه دقيقه بس( ويعطيه عبدالله التلفون ) ..

 

حمد : هلا والله مايد اشحالك ان شاء الله تمام ولهت عليك وايد وايد ..

 

مايد : (يضحك ) عطني فرصه زين ارد عليك ههههههه حتى آنا ولهت عليك ...

 

ام عبدالله : تربع يمه ولدي .....(.ودموعها في عيونها وتاخذ السماعه من حمد) ...

 

مايد : امايه حياتي ... فديتج الغاليه اشحالج ... والله ولهت عليج موت (العبرة بتخنقه) ..

 

ام عبدالله : هلا بعمري ..هلا بدنيتي ... امايه فديتك اشحالك ولهت عليك يالغالي ولهت عليك ياحبيبي (وتصيح )

 

راشد : بدى الفيلم الهندي وينك يافهوووود (ويضحك) ..

 

بوعبدالله : عطيني ارمسه ياام عبدالله ...

 

ام عبدالله :هاك (وتعطيه السماعه ) ..

 

بوعبدالله: السلام عليكم هلا ولدي اشحالك .. يالغالي ..

 

مايد : وعليكم السلام ... مرتاح يابوي يوم سمعت صوتكم وتطمنت عليكم ...

 

بوعبدالله : فديتك ياولدي اخوانك يسلمون عليك وايد مااوصيك ياولدي هالله هالله بالصلاه وخذ بالك على عمرك .

 

ام عبدالله : ( ودموعها في عيونها ) الله يحفظك ياولدي يالغالي ... (وتنش عسب تحط العشى) ..

 

(في حجرة عّذابه )

 

عّذابه : (وهي نايمه تعبانه وايد لانها يتها حمى قوية ... وجسمها كلها يعورها ) .. آآآه .... آه ... ماماتي ..آه وتصرخ مامـــــاتي ...

 

خالد : ( لانه حجرته جريبه منها سمعها وربع لاخته... ) ..

 

خالد : (فج الليت ) ها حبيبتي يغيتي شي ...( وشاف الدموع بعيونها وويها غادي احمر من الحمى ) ..

 

عّذابه : آآآه خالد جسمي كله يعورني احس بموت من الحر..

 

خالد : (حط ايده على يبهته وشاف انها مريضه وايد ومحمومه ) فديتج يعل فيني ولافيج ..

 

عّذابه تهذي من الحمي) ...

 

خالد : (ينزل تحت ويزقر امه وابوه ويخبرهم انه عّذابه مريضه وايد ) امايه ... ابوي لحقوا ..

 

ام عبدالله : يمه بنيتي اشفيها...

 

وبوعبدالله: ( يربع حجرة بنته) ... خالد ابوي روح شغل السياره عسب نوديها المستشفى بسرررعه ..

 

ام عبدالله : يمه بنتي (وتصيييح) بوعبدالله انا بيي وياكم (وتكمل البجي )..

 

بوعبدالله : ياام عبدالله .... ان شاء الله مافيها الا العافيه انتي يلسي في البيت ونحن بنطمنج ..

 

عبدالله : بلاها اختي ...

 

ام عبدالله : اختك مريضه ياولدي (وتصيح وتحضن عبدالله )..

 

خالد : (شغل السياره وراح هو وابوه وعّذابه الطواري) ..

 

بعد ماوصلوا مستشفى خليفه الطواري

 

(الممرضات اول ماشافوها شلوها ... وعّذابه ياحليلها في دنيا ثانيه ودخلوها يفصحونها ..)

 

الممرضه : we will do for her exmanation, please saty outside and we well

 

 

يتبع >>>

 

 

[ولد بن رجب]

مشكورة اختي على القصه

 

لله يعطيش العافيه

 

 

 

 

 

 

تحياتي ولد بن رجب

[سيهامو]

شكرا جزيلا

[deep life]

يسلموو على القصه

ننتظر التكمله

[بحرينية (قمر)]

الجزء [2] من قصة حملت جثمان إبتسامتي

 

 

 

 

خالد : اوكي ثانكس we will wait..

 

بوعبدالله : شو ياولدي ...اشفيها اختك ... شتقول الممرضه ..

 

خالد : اهدى يابوي ..تقول اتريوا برع لانهم بيفحصونها وبيطمنونا عليها ...

 

بوعبدالله : (يدعي) .. يارب تشفي بنتي .. يالله ..

 

(في شقة خليفه ...) ..

 

فهد : خليفه احس اني غلطت على اختي وايد ... احس بالذنب .

 

خليفه : ماعليك ... البنات دلوعات ولازم انت توقف اختك عند حدها ... عشان تعرف انك ريال ولازم تطيعك ثاني مره...

 

فهد : باجر برد البيت ... وبتصل احينه ف اهلي عسب مايحاتوني ...

 

(في البيت ...) ..

 

حمد : ( بقلبه اول مره يحس انه اخته غاليه وانه مايروم يفقدها ) ...

 

راشد : خلاص امايه ... ان شاء الله مافيها الا الخير ...

 

ام عبدالله : (يالسه حذال النلفون تتريا ) يارب تطمني على بنتي (وتصيح ) ..

 

(وشوي ويرن التلفون ... وتشله ام عبدالله بسرعه .) ..

 

ام عبدالله : الوووو .... خالد طمني على اختك ييمه ... (من دون ماتتريا تسمع منو المتصل...او المتصله )

 

ريم : خالتي السلام عليج .... اشحالج ..

 

ام عبدالله : هلا بنيتي ريم ... ( وتصيح )..

 

ريم : خالتي بلاج .... عّذابه بها شي ... (وتتروع لانها تسمع ام عبدالله تصيح ) ..

 

ام عبدالله : ..........

 

ريم : خالتي ... خالتي ام عبدالله اشفيج ..

 

ام عبدالله : وياج ياريم ... عّذابه في المستشفى مريضه ..

 

ريم تسكت ) امممم... خلاص ياخالتي ... ان شاء الله مافيها الا العافيه ...

 

ام عبدالله : آمين يابنيتي ..

 

ريم : خلاص انا بدق باجر بتطمن عليها فمان الله ..

 

(ام عبدالله تبند عن ريم وتتريا يطمنونها عن بنتها ..)

 

(في مستشفى خليفه .. الطواري )

 

الممرضه : come in , we finish the exmantion and the doctor ask for u inside.

 

المترجم : تفضلواخلصنا الفحوصات الدكتور عم بدووو ياكم داخيل..

 

خالد وابوه يدخلون عند عّذابه ..

 

الدكتور :,she is well but she has little vevar . I will give her some tablet and she will I inform u

be well tomorrow , but she must stay at night for continue her suituation . I

 

المترجم : الدكتور بيطمنكم وبيؤول هي شوي حرارتا عاليه وهو راح يعطيها شوي مسكنات عشان تخفف الحراره وان شاء الله بكره راح تصير منيحه بس هلأ راح نخليها تنام هون عشان الدكتور يشوف حالتها اذا بتتحسن ..

 

بوعبدالله : الحمدلله يارب .... الحمدلله ..

 

خالد : (مستانس) مشكور دكتور..

 

الدكتور : أفون .. رايت هههههه ...

 

الممرضه: ith her? who want to saty w

 

خالد : انا بتم ..

 

بوعبدالله : لا يابوي انت عندك كليه انا بتم عندها ..

 

خالد : بس .. يقاطعه بوعبدالله : خلاص ياولدي انا بتم وانت روح البيت وطمن امك .. وانا بتصل بطمنها بعد .

 

خالد : (يقرب من عّذابه ويبوسها ) ...

 

بوعبدالله : يالله ياولدي ... تراها امك تحاتي..

 

خالد : خلاص يابوي ... تصبح على خير وفمان الله ...

 

بوعبدالله : (يالس ويقرا عليها ) ...

 

(في البيت )

 

(الكل يالس يتريا اي خبر عن عّذابه .. يرن تلفون البيت ..)

 

فهد : السلام عليكم ..

 

عبدالله : هلا وعليكم السلام ..

 

فهد : عبدالله قول حق ابوي اني ببات عند ربيعي اليوم لانه مسوي حادث (جذاااااب مسود الويه) وطمن امي علي..

 

عبدالله : سلامته ... بس ابوي في المستشفى ..

 

فهد : شوووو خير اشفيه ابوي شو صار...

 

عبدالله : عّذابه طاحت علينا مريضه ...

 

فهد : (وهو متولم على اللي سواه ) خير اشياها (يغطي على عمره عسب محد يعرف باللي سواه )..

 

عبدالله : مدري والله راحوا من ساعتين وللحين مادقوا ...

 

فهد : خلاص فمان الله سلم ..

 

عبدالله : فمان الله

 

ام عبدالله : منو فهد ...؟

 

عبدالله : هيه يقول انا بيبات عند ربيعه لانه مسوي حادث..

 

(وهني يدخل خالد بروحه ..)

 

ام عبدالله : ( تنش ..) ..

 

خالد : سلام عليكم ..

 

ام عبدالله : عليكم السلام طمني ياولدي .. وينها بنيتي وين ابوك ؟

 

خالد تطمني امايه عّذابه مافيها شي ..

 

ام عبدالله : شو تقول عيل ليش ياي بروحك .. وينهم عنك ..

 

عبدالله : خير ياخالد ..

 

خالد : تطمنوا عّذابه بخير والله بس الدكتور قال لازم ترقد عندهم عسب يشوف حالتها .. مافيها الا العافيه ان شاء الله ( وهو تعبان وايد ) .. انا بسير حجرتي ..

 

ام عبدالله : وابوك عندها ياولدي ..

 

خالد : هيه امايه ..

 

الكل: الحمدلله ....

 

ام عبدالله : (وهي رايحه حجرتها) ... الحمدلله .. الحمدلله يارب ..

 

(تروح ام عبدالله حجرتها وتصلي ركعتين شكر لله ...)

 

خالد : (وهو بعد رايح حجرته ) ..

 

حمد : خالد ...خالد اتريا ..

 

خالد : خير ياحمد والله تعبان منهد حيلي ..

 

حمد: بغيتك في شي ..

 

خالد : اوكي تعال حجرتي ...

 

وبعد ماوصلوا حجرة خالد ..

 

خالد: آمر ياحمد ..

 

حمد : متضايج ياخالد ... احس اللي صار لعّذابه بسببي ..

 

خالد : ..............

 

حمد : انا اسف ...اسف ياخالد ...مستعد اسوي اي شي عسب تقبل اسفي..

 

خالد : ليش انت غلطت علي ولا على اختك ...؟ لاتتاسف مني تاسف من عّذابه هب انا ...

 

حمد : خلاص ان شاء الله ..

 

خالد (يبتسم ) يلا روح أرقد وراك مدرسة باجر..

 

حمد : لاتذكرني .....اففففففف يا لوعة الجبد..

 

خالد : قبل ماتطلع بند الليت وياك ...

 

حمد : من عيوني تصبح على خير ..

 

خالد : فتح الاباجورة وشاف صورة اخته فتذكرهالـقصيده ويلس يررددها ...

 

 

فديت اسمك انا ورسمك

وارض تشرفت بخطاك

فديت عيونك ولونك

فديت احساسك وقلبك

وريحة عطر انفاسك

وذيك الضحكه اللي منك

عن الدنيا تغيبني

 

(للشاعرمحمد بن خادم الكتبي )

 

(في شقه خليفه ..)

 

فهد : (يلس يفكر في اخته طول الليل... ) ...

 

(يوم الاربعاء الساعه 9 الصبح )..

 

عّذابه : (تفتح عيونها على صوت الممرضه وهي تزقرها) اذااااابه ويك اب (وتحط يدها على ويهه ) ميس اذابه .

 

عّذابه : أنا وين ؟؟ وشو اللي يابني هني ؟؟

 

الممرضه : wait please

 

بو عبدالله : (ينش) بنيتي حبيبة بابا ... اشحالج حياتي ( يحبها وايد لانها بنته الوحيده ) ..

 

عّذابه : باباتي .. فديتك ..شو صار ؟؟

 

بوعبدالله : ماشي الغلا بس تعبتي شوي ويبناج المستشفى .. انا واخوج خالد ..

 

عّذابه : هيه .. فديتكم والله ..

 

(كانوا مقررين خالد وراشد وعبدالله وامه يسون لها مفاجأه من الصبح وكل شخص يشل وياه باقة ورد ..)

 

وهنيي ... يدخل خالد : هلا والله ... ياختي الغاليه هلا بحبيتي .. (وهو شال بايده ورد جوري احمر يجنن) هذي لج يااحلى ورده واحلى قمر ...

 

عّذابه : فديتك والله هذا احلى صباح عندي ياخالد بوجودك ..

 

بوعبدالله : احم احم ..... (يضحك)...

 

عّذابه : فديتك وبوجودك يااروع اب في الكوووون ...

 

وتدخل ام عبدالله : ( وهي بعد شاله باقة ورد بس هب جوري ولونه ابيض واصفر ) وانا ... (وتضحك ) ..

 

عّذابه : (بتموت من الوناسة ) ماماتي حبيية قلبي وانتي احلى واروع ام بالكون كله ...

 

ام عبدالله : (تدمع عيونها بس من الوناسه ) .. فديت روحج يالغاليه ...

 

عبدالله وراشد: ( يدخلون وبايدهم بعد باقة ورد تجنن وكبيرة وايد ) ونحن شووووو (ويضحكون )...

 

عّذابه : (ودموعها بعينها من الفرحه) انتوا امممممم (بفكر ) امممم ... ههههههههههه

 

عبدالله وراشد : ياااااااااسلام ...

 

عّذابه : فديتكم والله بوجودكم اليوم انا فرحانه وايد واريد اطلع الحينه .....

 

عبدالله وراشد : الحمدلله على السلامه الغاليه ..

 

عّذابه : الله يسلمكم من الشر عيل حمد وفهد وين ؟؟

 

خالد : (بقلبه فديتج شو هالقلب اللي عندج تسالين عنهم وهم سبة اللي صار ) ..

 

حمد : ( يدخل ولكل يتحرا في المدرسه ) ممكن ادخل ياقمر ...

 

عّذابه : هلا حبيبي اقرب ..

 

(الكل مستغرب لانه هب في المدرسة ..)

 

ام عبدالله : حشى انت ساحر اكيد شو كيف عرفت ان نحن بنيي عند اختك ..

 

حمد : ليش ان شاء الله يالعيووووز ... (ويضحك ) ..

 

ام عبدالله : زين زين انا عيوز ....وبعديين ليش هب ساير المدرسه ..

 

حمد : امايه اختي اولى ( هو مايصدق يصير شي عسب مايروح لمدرسه) صح ...عّذابه ..

 

عّذابه : هيه اكيد ( وتبتسم ).. ماشاء الله الكل يايب ورد ..

 

حمد : انا بعد يبتلج شي بس سبيشل ...

 

عّذابه : شوووووو ... لاتقول ورد .. ههههههههه

 

حمد : يبتلج هذي (ويبوسها ) ..

 

الكل يضحك ...

 

الدكتور : (يدق الباب ويدخل ) today we well let u want to the home and we hope some one take the prescription for u from the phramcy.

 

عبدالله : Thanks ..

 

الدكتور : Will comed

 

عّذابه مستانسه ) هييييييييييه بسير البيت هي هي ..

 

راشد : لابتسيرين المدرسه هههههههه ..

 

حمد ينغز رشود) سخيف ماتضحك ..

 

(الكل يروح البيت ...)

 

(في شقة خليفه الساعه 1 الظهر )

 

خليفه : فهد نش فهووووود نش حشى هب رقاد عافانا الله رقاد اهل الكهف يالله نش ..

 

فهد : اووووووه خلني انام ... والله هب نايم عدل ..

 

خليفه : محد جبرك تسهر يالفالح ...

 

فهد : جم الساعه ؟

 

خليفه : الساعه 3 الظهر ..

 

فهد : يفز من الفراش ... شوووووووووووو ...لالاه احلف ..

 

خليفه : (يضحك عليه ) ههههههههه جي عندك موعد .. ههههههههه

 

فهد : والله بتشوف ياخلووف... والله اردها لك ..( وينش ) ..

 

خليفه: ( في المطبخ) شو تبى اسويلك كوفي ... ولا شاهي ..

 

فهد : كوفي .. اخبرك الحينه بسير البيت ..

 

خليفه : اوكيك..

 

(في بيت بوعبدالله )

 

(بوعبدالله وام عبدالله والكل يالسين .... في الصاله )

 

ام عبدالله : نسيت اخبرج يابنتي ترا اخوج سعيد اتصل وسلم عليج وايد .

 

عّذابه : الله يسلمه يارب .... والله ولهت عليه وايد ..... الا اقول هو متى بيرد؟؟ متى اجازتهم تخلص ؟؟

 

عبدالله : والله تصدقين نسينا نساله بس يوم نتصل فيه بنشوف متى بيرد ....

 

بوعبدالله : الله يحفظه يارب ...

 

عبدالله : الا شو رمست عمي وقلته انه نحن بنسير عندهم هالويكند ...

 

بو عبدالله : لاياولدي ... انت تدري اختك تعبت ... ونسيت اتصل ...

 

ام عبدالله : اتصل فيه ... وخبره ان بنزورهم ... خلنا نغير جو وبعدين ولهت على سوالف ام سعود حليلها ..

 

رشود : اففففف انا مااريد اسير مااطيق عيالهم .....

 

عبدالله : راشد ... خل عندك مذهب زين ....

 

راشد : ............... ( لانه يحترم اخوه ويطيعه )... ان شاء الله ..

 

حمد : ( مستانس ) لانه وايد يحب شهد ....

 

عّذابه : حموووود ليش فرحان خخخخخخخخ ...

 

حمد : ها لا ولاشي .... ابوي متى بنسير ..

 

الكل : هههههههههه ....

 

خالد : انا بسير حجرتي .... السموحه ...

 

عّذابه : خالد خذني وياك ... يلا بعد انا السموحه...

 

الكل : مسموحين ....

 

ام عبدالله : اقوووول عبدالله يايمه متى بتتزوج ...تراني ابشوف عيالي قبل مااموت ياولدي ..

 

عبدالله : امايه الله يخليج ... هب فاضي انا ... والله يخليج لنا يارب... بعيد عنج الموت يابعد عمري ..

 

ام عبدالله : ياولدي ... انا بتكفل بكل شي بس انت قول لي وانا مستعده اخطبلك من (يقاطعها )

 

عبدالله : خلاص امايه تريي شوي ...

 

ام عبدالله : على راحتك حبيبي ..

 

عبدالله : انا بسير حجرتي يوم تحطون الغدى وعوني ...

 

حمد : رشود نش خلنا نلعب بلاي ستيشن ...

 

راشد : يلا قمنا ....

 

(في بيت بو سعود )

 

لولوه : الو هلا حبيبي ... اشحالك

 

خليفه : هلا والله حيااااااتي ... تمام يووم سمعت هالصوت فديت قلبج .. انا ..

 

لولوه بنت طيبه وايد لدرجة السذاجه وهادية وايد تعرفت على خليفه من الشات وامها وابوها مايسالون عنها وايد لانه ماتيلس مع اهلها وهي دوم بحجرتها ابوها شرالها الموبايل يوم عمرها 16 سنة يعني من سنتين ...

روضة حبوبه ورقيقه في كل تصرفاتها وماتعرف الزعل ابد ....

 

روضة : لولوه ...... لوووووولوه فجي الباب امايه تزقرنا للغدى ... (تدق ) لولوه ..

 

لولوه : حبيبي انا ببند الحينه ... اختي تزقرني بباي وتبند بسرررعه ..

 

روضة : (تدق ) ...

 

لولوه : ووويعه ان شاء الله ... اشفيج يالدبه ... كسرتي الباب زين ... شو اتحريني صمخه ..

 

روضة : (شلت بخاطرها من قسوة اختها ) شو مدري اتحراج راقده ... حبيبتي لولوه لاتقولين مره ثانيه ويعه ... (حليلها ماتعرف الزعل بس قلبها يعورها اذا حد يرمسها جذي تشبه اختها المرحومه بكل شي .... )

 

لولوه : خلاص زين ....( وتمسكها من ايدنها) يلا تعالي ننزل ...

 

(في الصاله )

 

سعود : هلا والله عمي يامرحبا الساع اشحالك ... اشحال الاهل ..

 

بوعبدالله : هلا فيك الغالي ... تمام اشحالك انت واشحال ابوك واخواتك ..... واخوك سلطان ..

 

سعود : كلهم بخير عمي ..

 

بوسعود : هذا عمك عطني ارمسه ...

 

سعود : عمي ... ابوي يبغي يرمسك .. لحظه شوي ..تفضل ..

 

بوعيدالله : هلا والله اخووووي هلا الغالي..

 

بو سعود : هلا فيك ... يامرحبا بك وينك ماتزورنا قطعتنا ...

 

بوعبدالله : والله يااخوي كنا مشغولين شوي ... بس ماقطعت والله يعلم اني ولهت عليك

 

بوسعود : الله يخليك يابوعبدالله ...

 

بوعبدالله : بغينا يااخوي نمركم اذا هب مشغولين ... او عندكم التزامات ثانيه ...

 

بوسعود : افاااااااا تستأذن عسب تزور اخوك ... لالا ترا ازعل انت صاحب البيت والبيت بيتك يااخوي ويامرحبا بك اي وقت ..

 

بوعبدالله : خلاص الغالي ولاتزعل ... ونحن ان شاء الله باجر نمركم ..

 

بوسعود : حياك الله اخوي ..

 

بوعبدالله : الله يحيك سلم سلم ..

 

بوسعود : وصل فمان الله ..

 

روضة : هذا عمي صح ...

 

بوعبدالله : هيييييييه يابنيتي عمج ويسلم عليكم ...

 

روضة: فديته والله ولهت عليهم ..

 

سلطان : ولهتي عليهم ....ها (ينغز بااخته لانها محيره حق ولد عمها وهي تحبه وايد )..

 

الكل : هههههههههههه

 

لولوه : يالله نشوا عشان نتغدى ... ترا متنا يوع ..

 

الكل : يالله ...

 

(في بيت بوعبدالله )

 

بوعبدالله : يلا يعيااال نشوا بيأذن المغرب الحينه ...بسكم لعب ..شو ماتملون ..

 

حمد وراشد : ها بوي شوو (اونهم ماسمعوا رمسة ابوهم )..

 

عبدالله : رشود يلا نش سمعتوا ابوي .... يلا حمود ترا بقطع الواير ...

 

حمد : خلاص زين ...دقيقه ... خلني افوز على رشود الغشاش..

 

بوعيدالله : يالله عاد ...

 

(في حجرة عّذابه ..)

 

عّذابه : هلا حبيبتي ريمووو ... اشحالج ولهت عليج ..

 

ريم : بعد انا يالغالية ... الحمدلله على السلامه..

 

عّذابه : الله يسلمج اخبرج شو سويتوا في المدرسة وشو قالت مس اليازية سالت عني ولا..

 

ريم : كل المسات سالوا عنج وبالذات مس اليازية وقالت هي بتتصل بج ..

 

عّذابه : شوووو .. بتتصل فيني ... هي ماتعرف رقمي كيف بت( تقاطعها)

 

ريم : عّذابه انا عطيتها ... اسمحيلي مااستأذت ... بس شفتها مستهمه عليج عطيتها استحيت اقول لها اني مااعرفه وهي تدري ان نحن ربيعات الروح بالروح ...

 

عّذابه : هب مشكله ... عادي بس استغربت يوم قلتي انها بتتصل بس اقولج شو بتسوين هالويكند ..

 

ريم : بسير دبي اتشرى بس .. وانتي ..

 

عّذابه : مدري يمكن نسير بيت عمي ..

 

ريم : هيه ... عّذابه تدرين اخوج ماشاء الله عليه احسه وايد يحبج ويخاف عليج ..

 

عّذابه : منو ؟

 

ريم : اللي دوم يكتب اشعارر اعتقد مااحيد اسمه..

 

عّذابه (تفكر ) خالد فديت روحه ... دومه طيب وحنون وحساس..

 

ريم : هذا اللي توفت خطيبته من سنتين صح ..

 

عّذابه : هيه الله يرحمها ..

 

ريم : الله يرحمها ... بس تدرين احسه انسان غامض شوي ..

 

عّذابه : لا ابد بس هو جذي ... تعرفين كل اللي يكتبون شعر جي فيهم غموض بس قصايدهم هي صراحتهم ومو اي شخص يفهمهم ..

 

ريم : هيه..

 

عّذابه : بسج اسئله عنه اش طاري عليج .. ها..

 

ريم : ابد ولاشي ههههههه

 

عّذابه : هههههه اقول ريمو بغيت انقل دروس امس اذا ماعندج مانع ...

 

ريم : ان شاء الله .... ماعندي مانع يالخبله هههههههههه

 

عّذابه : ههههههههههههه تصدقين ماتضحكين وياراسج ...

 

ريم : زين زين ... ههههههه

 

عّذابه : بيي بيتكم بعد شوي عسب انقل الدروس اوكي حبيبتي..

 

ريم : اوكي اول ماتوصلين دقي لي ...

 

عّذابه : خلاص فوداعة الله ..

 

وتسكر عنها وتروح تتمسح عسب تصلي ...

 

(في بيت بوسعود .... في حجرة لولوه )

 

روضة : لولوه ... بتيلسن عّذابه في حجرتج ؟؟

 

لولوه : لا مااريد ... يلسيها عندج ...

 

روضة : بس هي هب وايد وياي واهي بسنج ... يمكن هي تبى تيلس عندج

 

لولوه : افففففففف كيفي ماابيها بحجرتي وبعدين البيت في حجر وايد زين ..

 

روضة : على راحتج ..

 

( في بوظبي ف بيت بوعبدالله)

 

عّذابه : ماماتي .....ماماتي( وهي تتحرطم عسب تاخرت على ربيعتها) وتشوف خالد بطريجها ..

 

خالد : هلا والله عّذابه ..... بلاج تتحرطمين ؟؟

 

عّذابه : تاخرت على ربيعتي ... والله حاله ..

 

خالد : زين الحينه بتروحين ؟

 

عّذابه : هي بسير عند ربيعتي بس اريد اقول حق ماماتي ... بس مدري وينها ...شو انت توك واعي صح ..

 

خالد : (يتثااااااوب ) هيه والله حلاة الرقاااد..هههههههههه..

 

عّذابه : هيه ترا مبين ويهك مصفع .. انا بنزل تحت اشوف ماماتي ..

 

خالد : وانا بعد بنزل بسير المطبخ ..

 

(في الصاله)

 

عّذابه : ماماتي انتي هني... اشحالج .. انا ساعه ازقرج ..

 

ام عبدالله : ماسمعتج كنت اشوف المسلسل يابنيتي .. هاآمري وش بغيتي .. اشوفج كاشخه.. (يقاطعهم خالد )..

 

خالد : هلا امايه اشحالج (ويسير المطبخ )..

 

عّذابه : يالله امايه .. اريد امر عند ربيعتي ..ريم عسب انقل دروس امس ..

 

ام عبدالله : هب مشكله حبيبتي .. بس منو بيوديج .. ترا محد في البيت راحوا يصلون وماردوا وابوج محد ..

 

عّذابه : ( مكشره) شو يعني ... ربيعتي تتريا .. لو كنت ادري كنت قلت لها تيي تاخذني.

 

ام عبدالله : اتخبري خالد ... يمكن يروم يوديج ..

 

عّذابه : زين (وهي معصبه تروح المطبخ ) خالد .. خالد ..

 

خالد مندمج يسوي عصير برتقال )..ومايسمع ..

 

عّذابه : (تقرب منه وتصرخ ).. خااااااااااااااالد ..

 

خالد : بسم الله ... اشياج روعتيني يالمفعوصه .. وبعدين ليش مبوزه.. ها ..

 

عّذابه : اباك تاخذني بيت ربيعتي .. يالله ترا تاخرت ..

 

خالد : الحينه ..

 

عّذابه : لا باجر ..

 

خالد : (اونه مايدري انها تتمصخر ) خلاص باجر يصير خير .. (وفيه ضحكه عليها ) ..

 

عّذابه : زين الحينه بسير بتاكسي زين ...

 

خالد : اتمصخر وياج تعالي شو تاكسي انتي بعد أونج تبين يجتلج أبويه ..

 

عّذابه: زين يالله ..

 

خالد : بس بشرب العصير و (شاف اخته خلاص صدق واصله حدها) اقصد لين ماتلبسين عباتج (من الزياغ)..

 

(ويوم بتظهر عّذابه عند الباب اول مافجته شافت )

 

عّذابه : ف فهد ( تذكرت اللي سواه ابها) ..

 

فهد : وين رايحه ؟؟ ( وهني شاف خالد وراها خاز عن الباب ) ..

 

خالد : يالله ياعّذابه .. (وهم يظهرون ) فهد خلك في البيت ابيغيك ..

 

فهد : اوكي( ويدخل البيت) .

 

(في سيارة خالد ) .

 

عّذابه : خالد ... شوي عطني تلفونك

 

خالد : هاج..

 

عّذابة : ألو هلا الغلا ..

 

ريم : الو .. .. ليش تاخرتي من ساعه وانا اترياج ..

 

عّذابه : انزين اسمعي يالدبه .. انا في الطريج

 

ريم : اوكي ..

 

عّذابه: بباي . (وتعطي خالد التلفون) شكرن ..

 

خالد : عفون زين ليش مكشره حبيبتي ..

 

عّذابه : (تبتسم ) ماشي ..

 

خالد : هههههههه ..

 

( وبعد ماوصلوا بيت ريم ) ..

 

عّذابه : يالله خلوود .. مشكور (يقاطعها )

 

خالد : بس متى مابغيتي تردين اتصلي فيني عسب اردج اوكيك ..

 

عّذابه : ان شاء الله .. بباي.

 

( عّذابه تدق الجرس) وتطلع ريم ..

 

ريم : هلا والله ... هلا حبيبتي تفضلي ...

 

عّذابه : تسلمين غناتي ..

 

(ويدخلن الصاله ..)

 

عذابه : السلام عليج خالتي .. اشحالج ..؟

 

ام ريم : وعليج السلام حبيبتي ... تمام اشحالج انتي ؟

 

عّذابه : بخير وسهالة يسرج الحال ..

 

ريم : امايه تحيدينها ؟

 

ام ريم : اكيد يابنيتي هذي بنت سيف سعيد الرميثي ( تقصد بوعبدالله ) صح ..

 

ريم : هيه امايه هذي عّذابه سيف الرميثي

 

ام ريم : والنعم ابهم .. الا اشحال امج يابنيتي ..

 

عّذابه : تمام خالتي . . تسلم عليج ..

 

ام ريم : الله يسلمها و يسلم غاليها ..

 

ريم : يالله عّذابه انسير حجرتي .. عن اذنج امايه ..

 

عّذابه : يالله .. السموحه خالتي ..

 

ام ريم : مسموحات ..

 

(في بيت بوعبدالله )

 

فهد : السلام عليج امايه ... اشحالج (وييلس حذال امه )..

 

ام عبدالله : وعليكم السلام .. بخير الغالي .. اشحالك انت ؟

 

فهد : يسرج الحال ..

 

ام عبدالله : اشحال ربيعك اللي سوى حادث ؟

 

فهد : حادث منوهذا ؟( نسى من جذبه )..

 

ام عبدالله : بسم الله عليك ياولدي ... ربيعك اللي كنت عنده امس ..

 

فهد : (تذكر وهو متفشل ) هيه بخير امايه .. زين بس شوي تعبان ..

 

ام عبدالله : الله يشفيه ياولدي ..

 

(في بيت ريم وفي حجرتها الساعه 8 ونص )

 

عّذابه : نقلي وياي ساعديني .... افففففف

 

ريم : امممممم بفكر ( عّذابه متغصصه منها) اممم خلاص بنقل عنج (وتضحك)

 

عّذابه : ههههههههههه بتخبرج ..

 

ريم : ها ..

 

عّذابه : ماجت حد قالج انه دمج ثقييييييييييل وتبطين الجبد ..

 

ريم : امبلا تدرين منو انتي يالمفعوووصه هههههههههه

 

عّذابه : هههههه مالقيتي الا المفعوصه ... ذكرتيني بخالد خلني ادق له ..ممكن تلفونج؟؟

 

ريم : هاج ...

 

عّذابه : شكرن .... (وتدق حق خالد )

 

(في بيت بوعبدالله ..)

 

خالد : (يدخل ويشوف اخوانه وامه وابوه وفهد اكيد ) السلام عليكم ..

 

الكل : وعليكم السلام ..

 

خالد : ( ويبوس راس امه وابوه وييلس حذال عبدالله) اشحالكم ...

 

الكل : يسرك الحال ...

 

ام عبدالله : ليش تاخرت ياولدي ؟؟

 

خالد : ترا وصلت اختي بيت ربيعتها وبعدين دق لي واحد من الربع ورحت عنده ..

 

ام عبدالله : هيه .. زين اختك مادقت بك ..

 

( وهني تدق عّذابة على تلفون خالد )

 

خالد : لحظه امايه .. السلام عليكم ..

 

عّذابه : عليكم السلام .. هلا خالد ..

 

خالد : هلا عّذابه ...

 

عّذابه : خالد حبيبي انا خلصت بتيي تاخذني الحينه ولا اخلي ربيعتي توصلني ..

 

خالد : لا الغلا انابمرج عشر دقايق .. اوكي ..

 

عّذابه : اوكيك ..

 

ريم : عّذابه تدرين مرات وايد احس بالوحده .. مع انه ابوي عاطني كل شي بس مااحس بوجوده دومه مشغول .. (وهني ريم حزينه وايد لانها تتمنى يكون عندها اخت ولا اخ ...)

 

عّذابه : (وتضربها على جتفها ) صدق انج حماره وانا وين رحت ... ها ..

 

ريم : فديتج والله .... انتي شواقول انتي بدونج مااروم اعيش انتي اختي وحبيبتي وكل اهلي و طوايفي ..

 

عّذابه : ( وهي غامضتها ربيعتها) الله يخليج لي ولايحرمني منج يالغاليه ..

 

(في بيت بوعبدالله )

 

بوعبدالله : يالله ياولدي لاتبطي على اختك ..

 

خالد : ان شاء الله ... ابوي ..

 

(في بيت ريم ..)

 

عّذابه : ريمو بسير الحمام ..( عزكم الله)

 

ريم : اوكيك تعالي ادلج الطريج ...( وتسير عّذابه ) ..

 

ريم يدق تلفونها ) الوو.. السلام عليكم ..

 

خالد : وعليكم السلام .. هلا..

 

ريم : هلا اخوي ..

 

خالد : ممكن ارمس عّذابه .. اذا تسمحين .. (وهو مستحي وبقلبه ياريت ماخذه واحد من تلفوناتي )..

 

ريم : ( بقلبها ياربي ياعّذابه طلعي فشلتيني ....) ان شاء الله دقيقه ..

 

عّذابه : (طلعت ) ريم .... ريم .. وينج؟؟

 

ريم : هني تعالي اخوج متصل يباج ...

 

عّذابه : حلفي .... عطيني ...

 

ريم : هااااااج ....

 

عّذابه : هلا خالد ..

 

خالد : يالله حبيبي نزلي انا عند الباب ..

 

عّذابه : اوكيك يالله نازله ...

 

ريم : شووو وصل ...؟؟

 

عّذابه : هيه .. يالله تعالي دليني الطريج .. ترا بيتكم ماشاء الله وايد كبير ..

 

ريم : تفضلي .. (وهي حزينه عسب ربيعتها بتروح)..

 

عّذابه : (تبوس ريم على خدها ) يلا غناتي اشووفج يوم السبت ..

 

ريم : ان شاء الله .. فمان الله ..

 

(في سيارة خالد )

 

عّذابه : ( يالسه وسرحانه تفكر في ربيعتها وكلامها انها وحيده من دون اخت او اخ ) ...

 

فهد : (يشوفها هيه سرحانه ) عّذابه غناتي بلاج..

 

عّذابه : (بعدها سرحانه ) ..

 

خالد : (يزاعج ) حوووووووووو ...

 

عّذابه : ها ... شو صار ..

 

خالد : (يضحك ) فديتج والله كنت اقولج بلاج شكلج متكدره ..

 

عّذابه : ريم ..

 

خالد : بلاها ...

 

عّذابه : تكسر خاطري .. اليوم تقول لي انها تحس بوحده فظيعه تتمنى لو عندها اخت ولا اخ ..

 

خالد : ليش ماعندهم قرايب .. ماعندها حد ..

 

عّذابه : لا ...

 

خالد : ياحليلها الله يعينها ... ها وصلنا تبين اشلج وادخلج ..

 

عّذابه : لا الله يخليك .... مشكوووور ويزاك الله خير ...

 

خالد : هههههههههههه ههههاي ..

 

عّذابه :... (وتبتسم ) ..

 

(وهني دخلت ّعذابه واخوها ... البيت )

 

عّذابه + خالد : السلام عليكم ...

 

الكل : عليكم السلام ..

 

عّذابه : (شافت فهد وهو يطالعها بنظرات ) امايه اشحالج وتروح وتبوسها ..

 

ام عبدالله : هلا الغاليه ... اشحال ربيعتج ..

 

عّذابه : تمام ماماتي ... امها بعد تسلم عليج ..

 

ام عبدالله : الله يسلمها حبيبتي ..

 

بوعبدالله : احم احم ....

 

عّذابه : تربع لابوها وتحضنه باباتي حبيبي اشحالك ..

 

بوعبدالله : تمام بشوفتج ...

 

راشد : عّذابه انتي صراحه نايس يعني اذا تتكرمين بغيتج تعطيني دروس في الدلع والقردنه .. هههههههه

 

حمد : هههههههههههههههه ...

 

عّذابه : ههههههههه سخيف ..... وماتنكت ...

 

راشد : زين .... يالدبه ياللي تتصنعين الدلع يالممثله ...

 

عّذابه : باباتي ماماتي شوفوا من اللي يبدا ....

 

بوعبدالله : رشوووود بتحل عن اختك ولا ايي اغسل شراعك الحينه ....

 

راشد : ابوي انت محامي عنها ... ههههههههههه

 

ام عبدالله : رشوووووود اسكت احسن لك وبلاها طولة اللسان...

 

فهد : امايه نبى نتعشى .... يالله عاد ..

 

ام عبدالله : من عيوني ... يالله دقايق وازهب العشى ..

 

فهد : تسلمين ... الغاليه ( ويصد على عّذابه .. وخالد يشوفه) .. عّذابه روحي عقي عباتج وساعدي امايه ...

 

عذابه : .............( وتطالع خالد ... وتصد على فهد) ... امايه بس بتغرف الاكل وجيني عندها زين ..

 

فهد : انا جم مره قلت لج لاتردين على رمستي ...ها ..

 

(الكل لاحظ انه فهد متغير اسلوبه وصاير متكبر ...)

 

فهد : ابوي تراك انت مدلعنها وايد والدلع هب زين ... يفسد البنت ويكبر راسها ...

 

خالد : ( وهو مستغرب من رمسته) ..

 

عّذابه : (وهي حزينه من تصرف اخوها وتحس به انه يكرهها وتمشي والدموع بعيونها) .. انا بسير حجرتي ارقد ولاتزقروني للعشى .. تصبحون على خير ..

 

خالد : (متضايج من فهد ويبغي يذبحه على رمسته ) .. لاحوووول..

 

بوعبدالله : ليش ياولدي قلت جي ... هذي اختك الوحيده ... لاتزعلها وانا ابوك اهيه مالها غيركم..

 

فهد : .................... ( وهو مايدري ليش سوى جي )..

 

ام عبدالله : يالله ياعيالي ... يالله نشوا للعشى ...

 

(والكل في حجرة الطعام ..)

 

ام عبدالله : وينها اختكم .. ليش مايت اتعشى ..

 

حمد : امايه .. قالت بتسير ترقد ... وقالت مانزقرها للعشى ...

 

راشد : باجربعد ورانا طريج ...

 

عبدالله : كلها ساعه وربع .... وتقول طريج .

 

فهد : جي وين بتسيرون ؟

 

راشد : بيت عمك بعد وين ...

 

فهد : كلكم بتسيرون ؟

 

بوعبدالله : هيه ياولدي كلنا بنسير ان شاء الله ...

 

(بعد العشى ام عبدالله وبوعبدالله راحوا حجرتهم يرقدون عسب ينشون وقت )..

 

عبدالله : انا بسير ارقد .. تصبحون على خير .. (ويصد على اخوانه ) لاتسهرون وايد ترا وراكم نشه ..

 

حمد : ان شاء الله .

 

راشد : فهد اشفيك ... اشوفك ضايج ..

 

فهد : (وهو يتطالع الفيلم ) لالا ماشي ..

 

راشد : زين حمود روح ييب الورقه ... عسب نلعب ..

 

حمد : هاك .. (ويعطي راشد الورقه ) ..

 

راشد : بل مزهبنها, فهد ، خالد اقربوا خلنا نلعب ...

 

فهد : لا ماريد العبوا انتوا ... انا بسير ارقد احسن.. حمد اذا دخلت الحجرة لاتسو ازعاج ( لانه فهد وحمد بحجرة وحده ).. تصبحون على خير .. (وينش ويروح حجرته ) ..

 

خالد : (وهو بعد ينش ( ..

 

حمد : (وهو يدري انه خالد مانسى اللي سواه فهد ) خالد ..

 

فهد : لا ماريد العبوا انتوا ... انا بسير ارقد احسن.. حمد اذا دخلت الحجرة لاتسو ازعاج ( لانه فهد وحمد بحجرة وحده ).. تصبحون على خير .. )وينش ويروح حجرته( ..

 

خالد : (وهو بعد ينش) ...

 

حمد : (وهو يدري انه خالد مانسى اللي سواه فهد ) خالد ..

 

خالد : (ويصد صوب حمد ) هلا ...

 

يتبع >>>>

[بحرينية (قمر)]

الجزء [3] من قصة حملت جثمان إبتسامتي

 

 

 

 

حمد : وين بتسير ..؟

 

خالد : (وبضيج ) بسير عند فهد شوي ..

 

حمد : (وهو خايف من اللي بيصير بين فهد وخالد ).. هيه ..

 

راشد : العب حمود ...

 

حمد : (سرحااااااان( ..

 

راشد : حوووو وين وصلت يالعاشق ..

 

)في حجرة فهد وحمد ..(

 

خالد : (يدق باب حجرتهم ( ...

 

فهد : (وهو مغمض عينه يبى ينام ) افففففففف حمود تبى تدخل ليش الازعاج انا شوقلت .. ادخل وفكنا ..

 

خالد : (يفج الباب ويدخل طبعا فهد ماصد ولاشاف منو لانه يتحراه حمد).. فهد ... فهد .

 

فهد : (خالد... ويفج الاباجورة ( ..

 

خالد : اشرايك ..

 

فهد : آمر بغيت شي ؟؟

 

خالد : هيه بس نش واييلس عدل لاني اريد ارمسك بشي مهم ..

 

فهد : انا اريد ارقد الحينه

 

خالد : ( ويقاطعه خالد يالله اعتدل ( ...

 

فهد : خير شو عندك .؟

 

خالد : اسمعني ولاتقاطعني اوكي ويوم اخلص قول اللي عندك انا عرفت باللي سويته بعّذابه ... وشفت اليوم بعد كيف رمستها ... اريد اعرف منو سمحلك تمد ايديك عليها .. وكيف تتجرأ وهي اصلا ماغلطت هي مسـتأذنه من ابوي .. اشلك انت تحبسها وتضربها ... شو تتحرى عمرك باي عصر ... ها ولا تتحرا محد يروم يوقفك عند حدك ولا تتحرى الرجوله بانك تتصرف تصرفات بايخه يكون في علمك يافهد انا ماخبرت حدابوي وعبدالله عليك لانه عّذابه طلبت هالشي ولا شان عرفوا كيف يأدبونك ... المهم اسمع رمستي وحطها زين اف بالك ... اذا في يوم تعديت حدودك وياها ماتلوم الا نفسك ... والله يشهد على رمستي .. الحينه قول اللي عندك يالريال ... (وهو ينغز فيه ( ...

 

فهد : اوكي اذا خلصت رمستك .... تفضل اظهر برع ...

 

خالد : (منصدم حشى حتى ماسوا لرمستي اي اهمية ( ...

 

فهد : تشوف الباب اعتقد..

 

)وهني يدخل حمد ..(

 

خالد : (ظهر من دون مايقول شي ) ..

 

(في حجرة عّذابه في ملحق كبير ابوها مسونه لها على حسب طلبها مرسم ) ..

 

عّذابه : مبنده ليت حجرتها ويالسه في المرسم وترسم خيووول ومحطيه موسيقى كلاسيك ..

 

وطبعا لابسه قميص طوووويل وبنطلون وكله ملابسها الوان شنه لوحه ...

 

خالد: ( وهو رايح حجرته يفكر يروح لاخته ويخبرها باللي سواه ولالا) اممممم خلني اسير اطمن عليها بالمره ..

 

عّذابه : (وتصيييح من الخاطر عسب تصرف فهد وتودر لوحتها وتيلس على الارض في الزاويه ) ياربي ليش ... ليش يافهد ... شو صار بك يااخويه .....

 

خالد : (يدق الباب وبصوت واطي).. عّذابه ..( طبعا هي ماتسمع لانها قافله على عمرها بالمرسم وتصيح )... عّذابه عّذابه .. ( خالد بدى يرفع صوته ) عّذاااااابه ... عّذابه ...( بس ماترد راح حجرته لانه خاف ابوه امه يوعون )... وينها هذي ...

 

(في حجرة خالد )

 

خالد : (بند الليت وفتح الاباجوره ويلس على شبريته يكتب خاطرة ... وكانت هذي )

 

هناك ... تقف دائما .. قلوب عاجزه حائرة .. مترددة .. لاتقوى نزيف الجرح... ولاأنين الألم .. ولاطعنات الغدر..

تقف .. ولكنها خالية من الشكوى .. من البوح .. ربما تعشق الصمت .. تناجي السكون .. تركن للوحده بهدوء .. انها طبيعة هذا القلب .. الذي يحمل في ثناياه بوحا محرقا .. يحاول أن يهدأ ولكنه يختنق .. يصارع ويضرخ مرددا ..

أما لهذا الجرح من آخر !

أما لهذا النزيف من نهاية !

الى متى يحمل هذا القلب نوائب حزن مولع بالألم ؟

الى متى .. متى .. متى ؟؟

عندها فقط هل سيبقى هذا القلب حيا ؟

هل سيشفى هذا القلب المثقل بالهموم .. المثخن بالجراح ..؟

حتما انهم لايعلمون ان لهذا القلب .. رحيق من الوفاء وعبق من الكبرياء ..

 

(الساعه 5 الفجر ..)

 

خالد : ( كان بعده هب راقد فنش يتمسح عسب يروح المسيد ويوعي اخوانه ..)..

 

عّذابه : ( من زود مابجت ومن التعب غفت في المرسم ) ...

 

(بعد صلاة الفجر وفي بيت بوعبدالله )

 

بوعبدالله : ( وهو رايح حجرة عّذابه يوعيهاللصلاه يدق الباب ) عّذابه ... عّذابه يابنتي فجي الباب ... يلا نشي للصلاة ياربي هذي وينها ماتنش ... ( شاف خالد ) يابوي ياخالد .. دق على اختك خلها توعى للصلاة انا دقيت بس مافجت الباب يمكن ماسمعت ..

 

خالد : ان شاء الله يابوي .. (ويدق باب حجرتها) عّذابه ... عّذابه ...

 

عّذابه : (تنش ووهي مستغربه انها راقده بالمرسم وتسمع حد يدق الباب وتنش تفتح ووعيونها متورمة من البجي) لحظه ... يايه .. زيييييين ..

 

(وتفج الباب ..)

 

خالد : حبيبتي وينج ... شو هالرقاد الثجيل ..

 

عّذابه : لا فديتك رقادي هب ثجيل بس كنت راقده في المرسم .. غفت عيني وانا هناك .. عسب جي ماسمعت ..

 

خالد : وبلاها عيونج ( وهني تنزل راسها ) رفعي راسج ( ويرفع ويهها عسب يشوف عيونها ) شو شكلج كنتي مسويه مناحه ... (ويضحك)...

 

عّذابه : هههههههه زين شو بغيت ؟؟

 

خالد : ماشي ياي يسلم عليج ... يعني شو كنت ياي اوعيج للصلاه ..

 

عّذابه : (تبى تغلس به ) مشكور يالمطوع .. هههههه

 

خالد : الله يسمع منج ياحجيه .. ههههههههاي .. يالله ... روحي صلي ..

 

عّذابه : زين ...

 

(في العين ف بيت بوسعود ... الساعه 8 الصبح .. يالسين في الحوش يتريقون ... )

 

ام سعود : اقول يابوسعود ... اشرايك نخطب لولدنا سعود ...

 

بوسعود : ليش هو رمسج عسب تخطبين له ...؟

 

ام سعود : ياريت يابو سعود ... ياريت ..

 

بو سعود : يوم تبين تخطبين له ... شاوريه وشوفي شو يقول ..

 

ام سعود : يصير خير ...

 

(في بوظبي ف بيت بوعبدالله الساعه تسع الصبح )

 

عبدالله : اقول فهد انت لاتييب موترك انت وراشد وحمد بموتري .. وابوي واماية وعّذابه بموتر خالد ..

 

عّذابه : ( وهي نازله ) صباح الخير ..

 

الكل : صباح النور ...

 

عّذابه : شو اشوفكم ماشاء الله ناشين مبجر ..

 

عبدالله : هيه ياقلبي ... احسن جي ..

 

عذابه : اشحالك عبادي .. اشحالك خالد ..

 

عبدالله : يسرج الحال .

 

خالد : الحمدلله ..

 

عّذابه : وين ماماتي ...؟

 

خالد : حبيبتي اعتقد انها تزهب الاغراض ..

 

عّذابه : بسير اشوفها ..

 

عبدالله : فهد سير وع حمود ...

 

فهد : خله يولي ... هذا ماينش .. روح انت وعه ..

 

عبدالله : اوكي ( ويسير يوعي حمد) ..

 

بوعبدالله : ها شو زهبتوا اغراضكم ..

 

فهد + راشد + خالد : هيه ابويه ..

 

(في حجرة فهد )

 

عبدالله : حمد ... حمود يلانش ... (ويسحب الفراش عنه) ..

 

حمد : اووووه .... عبادي الله يخليك ... بس خلني ارقد دقيقه..

 

عبدالله : سخيف ... حد يرقد بدقيقه ... يالله نش لا نبطي على عمي ..

 

حمد : شوي بس خلني اكمل حلمي ... بس شوي بشوف شو النهايه ..

 

عبدالله : تدري شنو ... اشهد انك هب صاحي ... ويفج الليت ويشل حمد ويحطه جدام الحمام ..

 

حمد : ايييييييييييييه .... عبادي ... شو تسوي تخبلت ...

 

عبدالله : ادخل الحمام جدامي .. يالله

 

حمد : والله حاله شو ها ... افففففففف ماتخلون حد يتهنى برقاده متى اتزوج واتهنى برقادي واكون سيد قصري..

 

عبدالله : (وهو ميت من الضحك على رمسة حمد ) ...هههههههههههه

 

(في الصاله ..)

 

عّذابه : بابا حبيببي (وتبوسه ) اشحالك ...

 

بوعبدالله : هلا يابعد عمري ... تمام حبيبتي شو زهبتي كل شي ..

 

عّذابه : هيه .... وبعد ساعدت ماماتي ...

 

بوعبدالله : زين شو الحينه منو اللي بيودينا بموتره ..

 

فهد : ابوي انا وحمد وراشد بنسير بموتر عبدالله .. وانت وامايه وبنتك بموتر خالد ..

 

عّذابه : اكيد بنته ههههههههاي ...

 

فهد : وين عبادي وحمد بعدهم ماخلصوا ؟؟

 

راشد : هاكهم خلصوا ..

 

ام عبدالله : انا خلصت ... ولبست عباتي .. يالله مشينا ..

 

)في سيارة خالد(

 

عّذابه : بوعبدالله ... باباتي حبيبي ...

 

بوعبدالله : هلا والله الغلا ...

 

عّذابه : باباتي نحن اليوم بنسير بيت عمي .... اشرايك يوم الخميس نسير العزبة ...

 

خالد : المفعوصه شو تخططين .. هههههههههههه ..

 

عّذابه : بعدين بتفاهم وياك ... هاباباتي شو قلت .؟؟

 

بوعبدالله : بنشوف حبيبتي ...

 

عذابه : اوكي ..

 

خالد : اشرايكم اعيشكم جو اثارة شوي ( يقصد يسرع بسيارته لانه يدري عّذابه تتروع وايد من السرعه( .

 

ام عبدالله : خلووود اذا تعبت من السواقه تراني حاضرة ... (وتغمز لبوعبدالله(..

 

عّذابه : لا ماماتي ... مشكوره مانبى سواقتج ....

 

خالد : اشوفكم مارديتوا خلاص عيل اعيشكم بالاثاره هب لازم رايكم هههههههههههه ..

 

عّذابه : شوووو ... اثاره ... شو اتحرى نحن بايعين اعمارنا ..

 

خالد : تمسكووووا ..

 

عّذابه ( تصرخ) باباتي شوف خالد ...... ايييييييييه... ياربي ..

 

بوعبدالله : خالد خلاص عاد ...

 

خالد : ابوي شوي بس .... شو انت تخاف بعد ...

 

بوعبدالله : هههههههههههه ...

 

عّذابه : والله لو سرعت ازعل منك .....

 

خالد : معليه تراني براضيج ... هههههههههاي ...

 

عّذابه : (محرجة ) خالد ...

 

خالد: الرجاء من المسافرين ربط الاحزمه ... هههههههه ..

 

عّذابه : (متروووعه ( ..

 

خالد : (ويسررررررع ) ههههههههه ..

 

عّذابه : خالد ..... خالد دخليك خفف ... خااااالد (تصرخ (..

 

ام عبدالله : خلاص ياخلود بتذبحنا .......

 

عّذابه : ( مغمضه عيونها من الخوف ) خالد ..... وهي تصيح ....

 

)وفي سيارة عبدالله ..(

 

حمد : ول وين يبى هذا .... بيذبحهم ..

 

راشد : الله يعينهم ....... اكيد عّذابه الحينه مسويه حفله بالسياره هههههههه ..

 

عبدالله : بتصل بخلوود ... اشوفه ... هذا اكيد ين ..

 

خالد : (يرن تلفونه ...) هذا عبدالله ... هههههه

 

عّذابه : والله بخبره بتشوف ... (وتاخذ تلفون خالد وهي تصيح (...

 

خالد : يزيد السرعه ...

 

عّذابه : حرام عليك ... والله مابرمسك بتشوووف ..

 

عبدالله : الووو ... عّذابه ..

 

خالد : وهو يخفف السرعه .... اشرايكم بالاثاره ...

 

عّذابه : الووو هلا عبادي ... (وهي تصيح ) شفت هالخبل اش سوى بنا ..

 

عبدالله : خلاص حبيبي لاتخافين ... اذا تبين تيين موتري بخلي فهد يروح عند خلود وانتي تيين عندنا ... زين

 

عّذابه : هي بيي عندك ..

 

خالد : افاااااا تودرين موتري وسواقتي الحلوه وتروحين عند عبادي ...

 

عّذابه : (صدق زعلانه ).. جب زين ...

 

عبدالله : شو اوقف عسب تيين ..

 

عّذابه : هيه ...

 

عبدالله : شو اوقف عسب تيين ..

 

عّذابه : هيه ...

 

( وويوقفون وتروح عّذابه عند عبدالله وفهد ايي عندهم ... الساعه 11 وربع وصلوا قوم بوعبدالله بيت بوسعود)

 

بوسعود : هلا والله باخووي .. هلا والله الغالي ... حياالله من ياناا..

 

بوعبدالله : هلا بك .... تسلم .. اخويه الله يحييك ..

 

سلطان : هلا والله عمي ... يامرحبا بكم ...

 

بوعبدالله : هلا ولدي ... اشحالك ...

 

سلطان : تمام عمي وين الشباب ...

 

بوعبدالله : برع ينزلون الاغراض ...

 

سعوود: عمي .... فديتك والله ... هلا والله فيك ...

 

بوعبدالله : هلا والله ... هلا حبيبي ...

 

عّذابه : ( تدخل وتسلم عمها و مرت عمها وبنات عمها) ..

 

ام عبدالله : اشحالكن بنات .. ماشاء الله عليكن ... كبرتن الله يخليكن ..

 

روضه ولولوه : تسلمين خالتي ..

 

(الكل يالس في الصاله بوعبدالله وبوسعود والشباب والبنات وام عبدالله وام سعود)..

 

ام سعود : ماشاء الله ... صار ريال حمد ..

 

حمد : (استحى من رمسة ام سعود ) ...

 

راشد : (يصاصر حمود ) يالله يالله .. يمدحونك جدام ال(يقصد روضه ويغمز له)

 

حمد : ( بتشوف ) .. اشحالكن بنات ..

 

روضه ولولوه : تمام ياولد العم ..

 

سعود : اشحالج عّذابه ... ماشاء الله عليج كل مره يتغير شكلج ..

 

عّذابه : هههههه تقصد كل مره ازيد حلاه ..

 

سعوود : ههههه هيه اكيد يابنت عمي ...

 

ام سعود : لولوه قومي يايمه يبي الفاله ...يلا حبيبتي ..

 

لولوه : ان شاء الله امايه ..

 

عّذابه : روضه تعالي يلسي حذالي ( ويسولفن البنات )

 

وبوعبدالله : سوالف هو وبوسعود ... عن الشركه والربع .. والعزبه..

 

والشباب : مندمجين بسوالف السباقات والسيارات ... والربع..

 

لولوه : (وتييب الفاله ) .

 

ام سعود : تسلمين حبيبتي .. تفضلوا ..

 

لولوه : (ويرن تلفونها والمتصل طبعا خليفه وهني ترتبك لانه الكل يطالعها ) وتبند بويهه ..وحبت تلفت انتابهم عنها وخصوصا فهد اللي كان يطالعها .. اقول روضه عّذابه اشرايكن نروح فوق ..

 

عّذابه : على راحتج ..

 

روضه : (وهي تطالع حمد اللي ماشل عينه عنها ) برايكن .. يالله ..

 

( ويروحن البنات فوق)

 

عّذابه : لولوه ... اقول شو شكلج متغيرغاديه حلوه ..

 

لولوه : نعم نعم ... شو تقصدين ..اني قبل هب حلوه ...

 

عذابه : هههههههههه ياحماره ... اقصد حلويتي زيادة ..

 

لولوه : هيه اتحرى ... وتطلع لسانها حق عّذابه ..

 

عّذابه : صج انج ياهل هههههههه ..

 

روضه : عّذابه ترا غيرنا ديكور حجرتنا ...انا ولولوه ..

 

عّذابه : هيه حبيبتي .. اشوف حلو وايد الا اخبرج ذوق منو ..

 

لولوه : ذوقي هههههههه ..

 

روضه : جذابه ... ذوق سعود ..

 

عّذابه : هيه ماشاء الله عليه ..

 

روضه : اخوج حمد احسه احلى واحد بكم هههههه ..

 

عّذابه : لا حبيبتي ... غلطانه ههههه شكلها عيونج انتي اللي فيها شي ,,, هذا الساحر وسيم ...

 

لولوه : بسكن عاد حش بالريال ..

 

عّذابه : عادي ... ماكلناه ههههههههه ..

 

لولوه : الا اشحال ربعيتج اممممم مااحيد اسمها بس اللي شتفتها في بيتكم مره ...

 

عّذابه : منو تطرين ريم ..

 

لولوه : هيه ..

 

عّذابه : فديتها والله .. الحمدلله تمام ..

 

روضه : عّذابه تبين تيلسين بحجرتي ولا حجره لولوه ..

 

عّذابه : (حست انه لولوه تغير شكلها لما قالت روضه بحجرتها تقصد لولوه ) ممم مادري برايكن ..

 

روضه : انتي وين تبين ؟؟

 

عّذابه : عادي ... اي مكان ..

 

روضه : خلاص تعالي عندي ...

 

عّذابه : زين اذن ولا بعده...

 

روضه : هيه يلا تعالي نروح نصلي ..

 

( بعد الصلاة)

 

ام سعود : انا بروح ازهب الغدى ..

 

ام عبدالله : بيي اساعدج .. (تقاطعها ام سعود)..

 

ام سعود : لاحشى ماتنشين من مكانج..

 

ام عبدالله : يلا عاد انا هب غريبه ولا انتي تعتبريني غريبه ..

 

ام سعود : لا والله ... البيت بيتج ياوخيتي ... خلاص برايج اذا بتساعديني ..

 

(الحريم يزهبن الغدى .. والرياييل في الصاله سوالف)..

 

والبنات نازلات من فوق .. طبعا عّذابه لابسه جلابيه حلوووه ولونها عنابي ومحطيه شال بشعرها ومتشيله بشيله بيت ومتكحله طبعا هي حلووه وايد شعرها اسووود سواد الليل وعيونها كبار وسوود وبشرتها بيضه وايد .. هب شرات بنات عمها هن سمر بس حلوات بعد ... بس عّذابه مميزه لانه شعرها اسود وهي بيضه ..

 

 

( سعود وخالد وعبدالله .. في الصاله)

 

عّذابه +شهد + لولوه : السلام عليكم ..

 

سعود : وعليكم السلام هلا والله ...

 

خالد : عليكم السلام ..

 

لولوه : اشحالك عبدالله ..

 

عبدالله : تمام .. اشحالج انتي ..

 

لولوه : الحمدلله ...اشحالك خالد .

 

خالد : يسرج الحال ..

 

روضه : عبدالله ليش ماتزوجت ...

 

سعود : روضه ..( وهو محرج ) ..

 

عبدالله : خلها اشتبا بها .. يااخت روضه مالقيت وحده تقبل فيني ..( ويضحك ) الا اذا انتي تبيني هذا شي ..

 

عّذابه : عبادي ...

 

سعود : يزاج خخخخخخخخ ..

 

روضه : ههههههههههه ( وهي منحرجه ) .... انا بسير اساعد امايه ..

 

خالد : حرام عليك ليش سويت جي ... ( تدري انها تبى حمود) ..

 

عبدالله : هههههههههههههه ... ياحليلها ..

 

سعود : عّذابه .. شو ناوية تدرسين يوم تخلصين المدرسه ولا مابتدخلين الجامعه ..

 

عّذابه : امممممم صراحه بتخصص فنون جميله ...

 

سعود : ليش بالذات هالتخصص ..

 

عّذابه : لاني احب الرسم وايد ..

 

سعود : حتى انه فرص عمل قليله ونادره ..

 

عّذابه : ادري بس حبي للرسم ... مايمنعني اتخلى عنها حتى لو مافي شغل ... عادي المهم ... شي احبه ويحبني ههههههههه...

 

سعود : هيه والله .... انتي عجيبه ...

 

عبدالله : لاتتمدح في اختي وايد لاشلك الحينه واطيرك ..

 

سعود : هههههههههههه ... شو اتحرى عمرك سوبرمان ههههههه ..

 

عبدالله : لا سبيدرمان وياراسك .. هههههههه

 

خالد : ( يطالع عّذابه اللي هب مسويه له سالفه ) .. احم احم اشوف القمر زعلان ...

 

سعود : خالد .... اي قمر ... مافي هني قمر ... اذا تقصد ضفادع فيه ..هههههههههه ..

 

عّذابه : ماتضحك زييييييين..

 

سعود : اكيد ... جي شو اتحريني مهرج ... ههههههههههههه ..

 

لولوه : دمك ثجيل ... ياسعودووو ..

 

سعود : مشكوره طويلة العمر ... وشهادتج افتخر ابها ... هههههههههه ..

 

عبدالله : الله يغربلك ... انت وسوالفك ...

 

خالد : انا بسير اشوف سلطووون وينه ...

 

سعود : يتلاقيه ويا حمد وراشد يلعبون بلاي ستيشن ..

 

بوعبدالله + بوسعود : السلام عليكم ..

 

بوسعود : انا ميت يوع ... روحي يالولوه خلي امج تستعيل لنا ف الغدى ..

 

لولوه : ان شاء الله ..

 

عّذابه : هلا عمي اشحالك ... (وتبوسه) وتربع لابوها ... بابا حبيبي ... تولهت عليك وايد ..

 

بوعبدالله : مسرع انتي لو دقيقه اروح عنج تتولهين علي ... هههههههههه ..

 

الكل : هههههههههههه ..

 

عّذابه : جي زين ... خلاص مااحبك ...

 

بوعبدالله : فديتج .... احبج بكل سوالفج ... هههههههه ..

 

عّذابه : تفداك سنيني ... يااروع انسان ..

 

سعود : ( بقلبه والله صدق هالبنت ملاك هب قادر اشوف فيها عيب واحد ويتأملها وهي ترمس ) ..

 

عبدالله : سعود .... الووووووو ... سعود .. سعوووووود ...

 

سعود : (ينتبه ) شو صار ..

 

الكل : هههههههههههه ...

 

عّذابه : ماصار شي ... بس عبدالله يرمسك من ساعه وانت ماترد ... شو عاشق يمكن ههههههه ..

 

سعود : ( آآآآآه لو تدرين ... اني عشقتج انتي )

 

عبدالله : عمي ولدك هب طبيعي ..

 

بوسعود : هههههههههههه

 

ام سعود : يلا تعالوا الغدى زاهب ..

 

عبدالله : بسير ازقر سلطان و(تقاطعه ام سعود) ..

 

ام سعود : تعال ياولدي هاكهم يالسين من زمان ..

 

سعود : ول عليهم ..

 

( بعد الغدى في الصاله ... راحوا الشوااب ينامون ... وتموا الشباب ... في الصاله)..

 

خالد : ( يالس وهو سرحان في روضه لانها تذكره في خطيته بنت عمه ... آآآآآآآه ياجرح قلبي ... آآآآآآآه ياامل الله يرحمج)

 

حمد : روضه .... تعالي بنلعب انا وانتي بلاي ستيشن ..

 

روضه : ( وهي تطالع سعود ) ...

 

سعود : روحي ياماما ....

 

حمد : مسوي رعب للبنيه ... وياراسك ..

 

عبدالله : يلا شباب بنلعب حكم .... زهبوا الورقه..

 

سعود : يالله .. لولوه نشي هاتي الورقه ... محطيه عند التلفزيون ...

 

لولوه : زين .. ( وتروح ومن دون قصد تمط واير البلاي ستيشن من دون قصد ..) اوووووه سوري ..

 

حمد : احلفي انتي بس ... سوري في عينج ماتشوفين ...

 

روضه : هههههههههه

 

حمد : سكتي انتي بعد .... والعبي عدل بعد اعلمج بلاي ستيشن ...

 

روضه : شووووو زين انا شسويت .. (وتسوي عمرها زعلانه ) خلاص مابلعب انا مااعرف العب بلاي ستيشن وتقلده وهو يقولها .. ( العبي عدل بعد اعلمج بلاي ستيشن)..

 

حمد : لا حبيبتي ....

 

سعود : شوووووووو ..

 

حمد : اقثد لا اوووووووووه اقصد لا ياروضه ههههههه ..

 

راشد : ههههههههههههههههههههه حلوه اقثد ههههههههههههه ..

 

فهد : هههههههههههههههه طاخ طيخ ون زيرو..

 

سعود : حشى لهدرجه زغت وخربطت بالرمسه ياحمود ..

 

حمد : زين انتوا فكونا خلنا نلعب .. تعالي روضه ..

 

روضه : ( وهي تدلع ومحطيه ايديها على خصرها ) ماابي مااعرف العب .. رح اجر وحده تلعب وياك ..

 

حمد : كل من هذيج الساحره اللي مطت الواير ...هب منج انتي ..

 

لولوه : تستاهل ياحمود .... روضو لاتلعبين وياه ....

 

روضه : (حبت تكسر برمسة لولوه )... حمد يالله نلعب ... هههههههههه ..

 

لولوه : مالت عليج ...

 

عّذابه : يلا سعود اخبص بسرعه..

 

سلطان : مانلعب بنات ويانا ...

 

عّذابه : بلعب زين ..

 

حمد وروضه : ههههههههههه ..

 

لولوه : وع مالت منو اصلا يتنزل يلعب وياكم ...

 

راشد : ههههههه شو اتحرين لو قلتي جي بنلعبج انتي بعد ..

 

لولوه : مالت زين ...

 

سعود : بس عاد يالولوه ... فكينا واسكتي ..

 

لولوه : انا بروح حجرتي ... احس من مجابل هالويوه ..

 

لولوه : انا بروح حجرتي ... احس من مجابل هالويوه ..

 

عّذابه : لولوه تعالي .... بيلعبونا ... شفت ياسعود زعلتها ... زين جي ..

 

سعود : ماعليج منها ... مازعلتها ..شوفي .. ..( ويزقرها ) لولوه... لووولوه ..

 

لولوه : ( وهي رايحه فوق حجرتها ) هلا حبيبي شو بغيت ..؟!

 

سعود : انتي زعلتي ..

 

لولوه : انا لااااااااااا طبعا ...

 

سعود : شفتي ...

 

عبدالله : يالله أنا وسعود وراشد فريق وخالد وفهد وسلطان فريق ...

 

عّذابه : لاوالله ... وانا (وهي ماده بوزها ) ..

 

فهد : ماشوفين ماصير اذا لعبناج بينقص من الفريق الثاني ..

 

عّذابه : والله ... ترا لو خليتوا لولوه شان ماصار جي ... زين ..

 

سلطان : ياماما روحي عندها وفكينا ... (يقصد لولوه)..

 

سعود : جب ياسطلوووون ... (ويصد صوب عّذابه ) ... تعالي عندي بخليج سكرتيرتي ..

 

عّذابه : شكرن ...

 

سعود : افاااااااا جي ياسلطان تزعل هالضفدعه.. اقصد هالملاك ..

 

عّذابه : مااريد اتدافع عني ياقوطي صلصه اقصد ياسعود ( وتطلع لسانها ) ..

 

راشد : اووووووووهو انتوا بتلعبون ولالا ...

 

خالد : اذا تبين تلعبين مكاني تعالي ..

 

سلطان : لالا مانباها ..

 

عّذابه : انا للي ميته الحينه بلعب في فريقكم الي دايم يخسر ...

 

سعود : خلاص عّذابه تعالي فريقنا جوله انا وجوله انتي ..

 

عّذابه : زين ... وتيلس عند سعود وعبدالله ..

 

سعود : ههههههههه فزنا بالجوله الاولى ياهوووووووووو ..

 

فهد وسلطان : لانك غشاش ..

 

سعود : غشاش بس فزت ههههههههه ..

 

خالد : تعترف انك غشيت ..

 

سعود : والله هب غاش ...

 

عّذابه : صح فريقنا مايغش ...

 

سلطان : انتي وش دراج اونه صح مايغش ... ضفدعه ... وحده ..

 

عّذابه : سخيف والله اذا ماخسرتكم الحينه زين ...

 

(ويلعبون وعّذابه تلعب الجوله الثانية)

 

سعود : ترا لو خسرتي بذبحج ..

 

عّذابه : اسكت خلني اركز ...

 

راشد : هههههههههههاي فزنا ..

 

عّذابه : صدق هييييييييييييييه وتنط وهي ميته من الوناسه ومن دون قصد تحط ايديها على جتف سعود ..

 

سعود : ( منصدم ومنحرج ) بس محد لاحظ الا فهد ..

 

عّذابه : بعد ماانتبهت ... ( استحت ونزلت راسها )..

 

فهد : مبروك عّذابه وهو يضحك عليها ... ههههههههه ..

 

عّذابه : انا بسير مابلعب خلاص ...

 

راشد : نعم نعم .. شوعلى كيفج ...يلا لاتخربين علينا خلنا نكمل اربع جولات ..

 

سعود : ليش .. تعالي ..

 

عّذابه : (وهي منحرجه ) كيفي خلاص مليت ..

 

راشد : والله لو مايتي لاغسل اشراعج الحينه ..

 

خالد : رشود .... خلها عاد ..

 

سعود : خلاص انا بكمل عنها ... عادي ..

 

عبدالله : اففففف الحينه بيأذن يلا عاد ..

 

راشد : السخيفه ...

 

عّذابه : ( محد غيرك ) ..

 

(بعد ماخلصوا لعب نشوا لصلاة العصر ... ورجعوا .... )

 

سعود : هلا ام عبدالله انتي هني ... عيل وين امايه عنج ..

 

ام عبدالله : فوق راحت ترقد .

 

سعود : خلاص بيلس اونسج ...

 

عّذابه : ( تزقر) ماماتي ... ماماتي وين راحت ..؟؟

 

ام عبدالله : تعالي انا هني ...

 

عّذابه : (وتعدل شيلتها وتذكرت اللي صار اول ماشافت سعود ) احم ... هلا سعود ..

 

سعود : هلا فيج ... اقربي ..

 

عّذابه : مشكوور..

 

(في العين مول .. فهد وعبدالله وسلطان وحمد .. )

 

سلطان : واو شوفوا هالغزاله ...

 

عبدالله : سلطان اصطلب .. قبل لا انحرك هني ..

 

سلطان : لاحوووول يااخي يوم انت جي ... لاتخاوينا مره ثانيه ..

 

عبدالله : تدري تعمد بطلع عسب اغصص بك وتيوز عن سوالفك البايخه ... حشى ريال طول وعرض وماتستحي ياخي احسبهم ... شرات خواتك ...

 

فهد : ههههههههههه تستاهل ...

 

حمد : اقول انا مليت .... خلنا نظهر احسن ..

 

سلطان : احسن بعد ... هذا عور راسي ويا محاضراته ..

 

عبدالله : قوموا نظهر .. يالله ..

 

فهد : (ويرن تلفونه ) .. الو .. السلام عليكم ..

 

خليفه : وعليكم السلام ... هلا والله ... اشحاااالك

 

فهد : تمام يالغالي ...

 

خليفه : شو وين انت ؟؟

 

فهد : في العين يايين زياره بيت عمي ...

 

سلطان : فهد منو ؟

 

فهد : اففففف تريا زين ... ها.. لاوياك خليفه .. هذا سلطان يتخبر عنك ..

 

خليفه : هيه ... سلم سلم ..

 

فهد : وصل الا اخبرك ... شكلك اليوم مستانس ... اش طاري عليك ....

 

خليفه : بارك لي يالحبيب ...

 

فهد : مبروك .... بس على شو ....

 

خليفه : خطبت وباجر ملجتي ...

 

فهد : لاوالله ... مبروك .... وعقبالي عاد ليش باجر ملجتك ... يعني ماتباني احضر ..

 

خليفه : هههههه شو اسوي ...

 

فهد : الا قول مستعيل ... هههههههه ..

 

(ويوم وصلوا البيت ...)

 

فهد : خلاص خليفه اخليك بتصل بك بعدين ..

 

خليفه : اوكيك ... فمان الله ..

 

عبدالله : السلام عليكم ..

 

الكل : وعليكم السلام ..

 

سلطان : اشحالج خالتي .....

 

ام عبدالله : بخير ياولدي ...

 

سلطان : هاسعود اشوفك يالس في البيت ...

 

سعود : بعد كيفي ...

 

سلطان : اشحالج عّذابه ...

 

عّذابه : بخير ... عن اذنكم بسير ارقد ...

 

ام عبدالله : تو الناس ... الحينه بيأذن المغرب خمس دقايق ..

 

فهد : عّذابه ..

 

عّذابه : هلا ...

 

فهد : تعالي يلسي لين يأذن ابغيج شوي ...

 

عّذابه : اوكي (وتسير وتيلس عند فهد ) ..

 

حمد : امايه وين روضه...؟؟

 

ام عبدالله : اشتبى بها ...

 

سعود : صح اشتبى باختي ..

 

حمد : ابي اكلها ... والله شو يعني بس جي متوله على سوالفها ..

 

الكل : هههههههههههههههههههه ..

 

لولوه : نازله ... مساء الخير..

 

الكل : مساء النور..

 

ام عبدالله : هلا والله ببنيتي ... تعالي يلسي عندي ...

 

فهد : عّذابه ... انا اعتذز لج عن اللي صار بيني وبينج ... اسمحي لي اختي ..

 

عّذابه : عادي فهد ...

 

فهد : متاكده (وهو يمط غزوزها ) .

 

عّذابه : هيه الغالي ..

 

فهد : بلاج ... ولااا كل هذا الضيج عسب خلود ..

 

عّذابه : لا يافهد ... مدري ليش احس قلبي مقبوض متروعه وايد ..

 

فهد : خير غناتي ... تعبانه شي ...

 

عّذابه : ( ودموعها بعيونها وتحاول تخفيها ببسمه ) لا ماشي ... خلاص انا بسير اصلي وارقد ..

 

فهد : برايج حبيبتي ولو بغيتي شي قولي لي.. (ويبوسها على راسها) ..

 

عّذابه : اوكي ...

 

ام عبدالله : هايابنيتي ... بلاج ..

 

عّذابه : ماشي ... لاتوعوني للعشى مااشتهي (وتربع فوق )..

 

وتدخل حجرة روضه ... (وروضه يالسه على النت) ...

 

روضه : بسم الله ... بلاج ..

 

عّذابه : ...............

 

روضه: ( وتبند النت وتيلس على الشبرية حذال عّذابه) .. بلاج حبيبتي ...ليش تبجين ..

 

عّذابه : مدري احس قلبي يعورني ... مدري احس بخوف .. احس بيصير شي هب زين ..

 

روضه : فديتج والله ... لاتحطين ف بالج شي ..

 

عّذابه : انا برقد ... اوكي ..

 

روضه : على راحتج ... (وتظهرمن الحجرة ما حبت تضغط عليها إلا شان هيه تبى.. بتقول لها شفيها ) ..

 

(بعد صلاة المغرب .. الساعه 8 ونص.. الكل بالصاله ..)

 

روضه : (تنزل )... السلام عليكم ...

 

الكل : وعليكم السلام ...

 

بوسعود : هلا والله بحبيبتي ... تعالي يلسي عندي ... غناتي ...

 

لولوه : ( طرش لها مسج خليفه ويقول لها انه بيتزوج وانه مايباها تدق فيه وانه بغير رقمه لولوه اول ماشفت المسج دمعت عيونها وراحت فوق بسرعه ودخلت حجرتها وقفلت عليها ..ويلست تبجي من خاطرها ).. ياربي ليش ياخليفه سويت جي ليش وانا اللي حبيتك ... ليش (ويزيد صياحها ) يارب اموت ... انا اكرهك .. اكرهك وتشل البطاقه وتكسرها )

 

ام سعود : يلا العشى جاهز تفضلوا ..

 

(عند العشى )

 

بوعبدالله : عّذابه وين ... ليش مايت تعشى ويانا ؟

 

فهد : راحت ترقد ... تقول تعبانه تدري هي مارقدت اليوم وواعيه مبجر ..

 

ام سعود : روضه ... نشي حبيبتي وزقري اختج ..

 

روضه : ان شاء الله ...

 

(حذال حجرة لولوه )

 

روضه : (تدق الباب ) لولوه .... لولوه ... تعالي العشى زاهب ... لولوه

 

لولوه : (وصوتها رايح من البجي) .. ماااابي ..

 

روضه : لولوه .... اشفيج .

 

لولوه : خليني ارقد قلت لج ماابي عشى ..

 

(روضه تنزل وتخبر امها ان لولوه ماتبي عشى .) ..

 

ام سعود : خلاص على راحتها ..

 

(بعد ماخلصوا عشى ..)

 

روضه : حمد .. خل نلعب بلاي ستيشن ..

 

حمد : يالله بس لعبي عدل ...لادافشين ..

 

عبدالله : انا بسير ارقد ...

 

راشد : انا بعد ...

 

يتبع .......

[شمس الاصيل]

ياااي كل جزء احلى من الثاني

[looleeta]

يسلموو على القصه

ننتظر التكمله

[بحرينية (قمر)]

الجزء [4] من قصة حملت جثمان إبتسامتي

 

 

 

 

فهد : خالد نش خلنا نحن بعد نسير..

 

خالد : ووين ؟

 

فهد : انت تعال وياي ..

 

خالد : يالله ..

 

سعود : روضه لاتسهرين وايد ..

 

سلطان: انا بتم عندكم ... محرم ههههههههه ..

 

حمد : سخيف ..

 

سعود : تصبحون على خير ..

 

سلطان : روضه انتي ليس مستسحره روحي ارقدي ...

 

روضه : (تطالع حمد ) ..

 

حمد : سلطانو نش لاقوم واذبحك .. ولا اايلس وحط بطيخه ببطنك ..

 

سلطان : بيلس على جبدكم .... ههههههههه ..

 

حمد : زين.... مبروك ...

 

سلطان : منو عرس ههههههههههه ..

 

حمد : روضه خلاص باجر بنلعب سيري رقدي احسن خلني اسوي جريمه باخوج ..

 

سلطان : خلاص بروح ...

 

حمد : تعال ... بنطالع فيلم رعب مابسوي بك شي..

 

روضه : احم بيلس وياكم ..

 

حمد : لالا ممنوع ... اخاف تتروعين..

 

سلطان : روضه حبيبتي روحي رقدي انتي تشوفين حد من الجنس اللطيف واعي غيرج ..

 

روضه : لاتفلسف وايد ... حمد ... تصبح على خير ..

 

سلطان : فكه ..

 

حمد : وانتي من اهله الغاليه ...

 

(الساعه 2 ونص ..)

 

روضه : ( شافت عّذابه بعدها راقده ورقدت روضه وهي تفكر في حمد )...

 

(في الصاله ...)

 

حمد : شوف هذا ... صدق شكله يروع .. بس احس الفيلم خيالي وايد .

 

سلطان : هههههههههه ...

 

حمد : انا بسير ارقد ... باجر ورانا نشه من الصبح ... يالله سلطان نش ..

 

سلطان : زين يالله .....

 

(الساعه 3 في الليل ..)

 

خالد : ( يتجلب في الفراش وهب رايم يرقد ظهر ويلس في الصاله يطالع تلفزيون )...

 

عّذابه : ( نشت من رقادها لانها ميته يوع ... وحطت الشيله على راسها ونزلت وراحت المطبخ على طول حتى ماشافت منو يالس في الصاله )

 

(في المطبخ )

 

عّذابه : اممممم ... شو اسوي لي ... بسوي نودلز اسهل شي ...( سوت وخلصت ) خلني اطلع برتقال عسب اسوي لي عصير ..... آآآآآه ياراسي ...

 

خالد : (شاف عّذابه وهي رايحه المطبخ بس هو يتحراها طنشته بس هي ماشافته اصلا )... اكيد زعلانه مني .. خلني ايلس اشوف شو سالفتها ...

 

عّذابه : ظهرت من المطبخ وراحت الصاله .. فجت عيونها ) خالد ...( حطت النودلز والعصير ويلست) ...

 

خالد : بلاج اونج مستغربه ... تراج شفتيني وطنشتي بعد ليش هالحركات ...

 

عّذابه : شو تقول ... انا اصلا ماشفتك زين ... وتودر الاكل وتروح فوق وهي فيها غصه من رمسته ( لانها اصلا بروحها كانت متضايجه ) ...خالد يربع يزخها من ايدينها ... تريي وين رايحه ليش تزعلين من الحق ...

 

عّذابه : (هني انفجرت وماقدرت تتحمل اكثر يلست على الارض وهي تصيح من الخاطر) ...

 

خالد : زين ليش تصيحين ... شو صار ... شو ماتعرفين ترمسين ...

 

عّذابه : تزيد ...بجي

 

(ويطلع عبدالله وفهد وسعود وراشد لانهم بيسيرون يصلون الفجر ويشوفون عّذابه تصيح وخالد واقف حذالها ..)

 

عبدالله : خالد ...شوفيها تصيح ...

 

خالد : ..................

 

(عبدالله وراشد وفهد يطالعون بعض ... وهب فاهمين شو صاير ..)

 

سعود : عّذابه ... ليش تصيحين يالغاليه ...

 

خالد : يربع ويظهر برع البيت ....

 

فهد : خا خاااالد ويروح وراه ... بس خالد ربع بسيارته وفهد يلحقه ...

 

(في البيت ...)

 

راشد : شو فيج اختي ...

 

عّذابه : ربعت حجرة روضه وهي تصيح من الخاطر ... يارب اشفيه هذا ... هب كفايه اللي انا فيه ..

 

(وقف خالد في مكان ويلس على صخره كبيره .. وقف فهد ...وتجدم شوي ويلس حذاله ..)

 

فهد : خالد .... اشفيك ...

 

خالد : .................( وهو منزل راسه )... مدري يافهد ...

 

فهد : زين شو اللي مضايج بك وعّذابه ليش تصيح ...

 

خالد : (يتنهد ) ماشي سالفه تافهه ...

 

فهد : معقول هذا كله وسالفه تافهه ... هههههههه ..

 

خالد : بعد ربك .... شو اسوي ماشي ضايجت عّذابه وهي شكلها كانت اصلا متضايجه فيلست تصيح ...

 

فهد : هييييه .... زين يلا نش الحينه عسب نسير نصلي ...

 

خالد : يالله ...

 

عّذابه رقدت وهي تصيح وبعد ميته من اليوع ...) ..

 

(بعد الصلاه رجعوا الشباب البيت وبوعبدالله وابو سعود ... )

 

(في بوظبي في بيت ريم بالتحديد ) ..

 

ريم : صلت وخلصت ... امايه انتي هني ... في حجرتي ... شو فيج ..

 

ام ريم : مدري يابنتي احس متضايجه ابوج من يا من المسيد وهو يطالعني والدموع بعيونه مدري بلاه ...احس به تعبان... بخليه ينام بروحه احسن وانا برقد عندج ...

 

ريم : على راحتج امايه ... (وتنام )

 

(الساعه 7 الصبح ...)

 

ريم : (تشهق ) اعوذ بالله من الشيطان الرجيم .... لاحول ولا قوة إلا بالله ..

 

ام ريم : ريم غناتي بلاج ....

 

ريم : .......................

 

ام ريم : ريم ...... ريم ... ارمسج ...

 

ريم : تسير حجرة ابوها وتشوفه راقد ... تقرب منه تبوسه وتشوف ويهه غادي بااااارد شرات الثلج ... ( تتنهد ) ... ابوي ... ابوي ... ابوووووي يلا عاد نش شو بردان ..... .. ابوي بس شافت انه مايتحرك ابد ... لامافي شي .. ابوي .. ابوي لالا ...لاااااااااااااااااااااا ابوي ... ابوي ... نش ... ابويه اشفيك ... (وتصيح )

 

ام ريم : (تسمع صراخ بنتها) بسم الله بنتي وتربع وتشوف ريم تصرخ وتزقر ابوها ...

 

ريم : لاااااااااااااااااا ابوووووي لالالاااااااااااااااا (وتصيح ) .... لاتروح يابويه انا مالي غيرك ... يابوي مابعيش من دونك ... ابوي ... ابوي نش الله يخليك ... ابووووووووووي ...

 

ام ريم : ريم ... ريم اشفيج لاتروعيني ....

 

ريم : ( وهي هب قادره تقول شي )... لالا..ا مستحيل ابوي يحبني ابوي مابيودرنا ... ابوي نايم ابووووويه ... آآآآآآآآآآآه يايمه ... آآآآآآآآآه ياربي ...ليتك خذتني انا ....يابوي وش دنيتي بلياك ... وهي تمسح دموعها .. لا اصلا ابوي مافيه شي .. ( بقلبها انا ليش رافضه انه ابوي راح ) لاااااااااااااا... وتحضن امها وهي تصرخ ... امايه .ابوي ... امايه لحقي ....امااااااااااااااااايه ... (وهي تصرخ ) ...الام قربت من ريلها زخت ايدينه ... وهني انصدمت عرفت انه راح ... راح ولللابد .... وطاحت على الارض ...

 

ريم : اماااااااااايه ... امايه ...شو وفيج... وتربع تتصل بالاسعاف ... وخمس دقايق اهم يم البيت ...

 

عّذابه : نشت من رقادها وهي شافت كابوس .. (وصرخت ) ...

 

روضه : بسم الله .... شو فيج عّذابه ...

 

عّذابه : ..............

 

روضه : عّذابه ...

 

عّذابه : ها ماشي ..

 

روضه : زين نشي عشان ننزل نتريق وعشان مانتاخر شوفي ا لساعه 8 الصبح ... يلا اتغسلي ونزلي ... انا بسير اوعي لولوه ..

 

روضه : (تدق الباب ) ولولوه كانت واعيه .... ومستانسه ولاكانه خليفه طرش شي ... هلا روضه.. تعالي الباب مفتوح ...

 

روضه : اول مره احس اسمي يظهر منج جي حلو.. .انت من متى واعيه ...

 

لولوه : من صلاة الفير........

 

روضه : شو هالتطور ..... هههههههه ..

 

لولوه : يالله .. لاتفلسفين وايد ... وينها عّذابه ...

 

روضه : توني وعيتها بس يمكن تغير ملابسها ... والحينه بتزل ..

 

لولوه : زين يالله... تعالي ننزل ...

 

(الكل في الصاله .... زاهب ومخلص الا البنات ....)

 

روضه ولولوه : صباح الخير ...

 

الكل : صباح النور ...

 

ام عبدالله : اشحالكن بنات بلاكن متاخرات ف النشه ... شو سهرتن ...

 

روضه : انا سهرت بس .. ههههههههه.. الا اخبرك حمد ... انت هب سهران من متى واعي ..

 

حمد : خبرج عتيج ... انا من الساعه 6 الصبح واعي شو اتحريني كسول شراتج ..

 

روضه : ههههههههه ...

 

لولوه : اشحالكم شباب ...

 

الكل : تمام يسرج الحال ...

 

بوعبدالله : لولوه يابنتي وينها عّذابه ...

 

لولوه : الحينه بتنزل .... عمي ..

 

(وهني تنزل عّذابه وهي تعبانه وايد .. وتسمع ابوها يتخبر عنها)

 

عّذابه : فديت اللي يسال عني ......

 

بوعبدالله : هلا والله بعمري ...

 

راشد : حشى كل الدلع حقها ...

 

بوعبدالله والكل : ههههههههههههههه..

 

عّذابه : اشحالج ماماتي ...

 

ام عبدالله : بخير حبيبتي ...

 

ام سعود : يلا خلنا نتريق ونخلص ... ونسير نحط اغراضنا بالسياره ...

 

بوسعود : يالله ... استعيلوا ..

 

(في دبي في المستشفى...وبالتحديد في الطواري ...)

 

ريم : (تصيح ) ياربي شو اسوي من غيركم .... يارب تشفي امايه ... ( وتصيح ) لالالااااااااااااا ابوي .. لا مارحت ... لاياربي ... ابوووووووووي .. انا بموت من غيرك ... لا انت مامت لااابوي ... اا مااصدق ..(وتصرخ) آآآآآآآآآآآآآآآه ياامايه ... آآآآه نشي شوف كيف بنعيش ...ابووووووووووويه ... آآآآه

 

 

الممرضه : ربعت لريم .. اهدي حبيبتي ... اهدي ...

 

ريم : تصرخ .... شو اهدي هذا ابوي ... هذا كل اهلي ... شو اسوي آآآآآآآآآه ياربي ... ابوووووووي (وتصيح )

 

(والكل يطالعها ويشفق عليها ..)

 

وتربع وحده من الحريم كانت يالسه تطالعها .... استهدي بالله يابنتي ...

 

ريم : وهي خلاص تحس بعمرها بتموت ... ابوي .... ابوي اكيد هذا انا احلم .. انت مارحت ..

 

 

(طبعا في واحد كان يطالعها من يوم مادخلت .... وهو دكتور ...)

 

د. محمد : يوم شاف البنت وحالها ربع عندها وهو يزاعج على الممرضه ( اشفيج واقفه هني شو تترين اييها انهيار عصبي ... يالله روحي زهبي كل شي وخلي حد ايي يساعدنا عسب ناخذها ... البنت بتموت بتين ..(يصرخ عليها ). .يالله ..

 

الممرضه : (تربع وتيي ممرضه ثانيه ويشلونها ويحطونها بحجره .. )

 

الدكتور : هاتي مغذي.. بسرعه ..

 

الممرضه : تفضل ..

 

ريم : وهي خلاص هب في وعيها .. ابوي .. لاتموت .. ابوي ..انا محتاجه لك .. ابوي لاتموت ..

 

د. محمد : هاتي ابرة مسكن عشان احطها بالمغذي ..

 

الممرضه : ان شاء الله ..

 

د. محمد : خليج عندها واي شي يصير .. دقي علي ..

 

(ٍبعد ماظهر من عند ريم ..)

 

د. محمد : لاحول لله ولاقوة الا بالله ... الله يعينج .. (ويهز راسه ) ..

 

د. بسام : شو صار للمخلوقه ياد. محمد..

 

د. محمد : والله حال هالبنت هب زينه ابد ... هب رايمه تتقبل موت ابوها صدمة امها اللي صارت لها ..

 

د. بسام : ليه شو بها ..

 

د.محمد : تراها ماعندها قرايب ابد ولااخ ولااخت ماعندها الا امها وابوها خلاص الله يرحمه .

 

د. بسام : ياحرام ... الله يعينها ..

 

د. محمد : انا بسير اتصرف واخلص اجراءات ابوها كلها والدفن مره وحده ..

 

د. بسام : الحمدلله انه الدنا لسه بخير يالله ... انا بدي روح خلص دوامي .. ازا احتجت شي دق لي مس كول ..

 

د . محمد : يالله ... الله حافضك ..

 

( في العين ... )

 

بوسعود : سعود ... انا وبوعبدالله بنسير بموتر عبدالله اوكي ..

 

سعود : (يزقر عليه ) عبدالله .. عبادي..

 

عبدالله : ياي لحظه ... ها شو تبى ؟؟

 

سعود : ابوي وعمي بسيارتك .. والباقي ..

 

عبدالله : اممممممم شوووف حمود وسلطان اييون عندي .. بنيلسهم ورا ههههههه..

 

سعود : هههههههههههه ... سلطان .. حمود تعالوا ...

 

حمد وسلطان : ها شو ..

 

سعود : يالله انتوا سيروا بموتر عبادي ..

 

حمد : لاااااا والله .. احلفوا انتوا بس ... مااريد انا ..

 

عبدالله : شوف حموووود هي الا ساعه ... لاتيلس تسو لي فيها مااريد ومدري شو ... اوكي ... يالله جدامي..

 

حمد : حكم القوي على الضعيف المسكين ... ياريت امي يابتني قبلك عشان اكسرك يالوحش ... ( وطلع لسانه )

 

سلطان : افااااااا يالخاين تخليني بروحي ...

 

سعود : نعم ... لا تطمن بترافقه في حله وترحاله ...

 

سلطان : نعم ..... لا اسمح لي يالطيب انا لو ينحروني ماسير ويا عبادي ... مابيخلينا نرتبش وبيعطينا محاظرات

 

عبدالله : زين ... احسن اصلا ... على بالك ميت فيك ...

 

سعود : افففففففففف والله حاله ... سلطان انت هب ياهل ... يلا عاد لانبطي عليهم ..

 

سلطان : اقولك هب ساير ...

 

حمد : انا عندي اقتراح ... خل روضه اتيي عندنا ...

 

سلطان : لا والله ... اخلى اختي وياك ..

 

حمد : اظني انا ولد عمها وفارس احلامها مستقبلا ..

 

سلطان : مستقبلا ... بروحك قلت .. بس روضه هب سايره وياك ..

 

سعود : سلطان .. ماتبى تسير ... مالك شغل بروضه تروح ويا منو.. ولا يا تروح انت ياروضه ... واذا ماتبى روح مشي .. والله ..وياراسك ..

 

سلطان : خلاص ... خل روضو تسير وياهم انا مابسير وياعبادي ..

 

بوسعود : سعووووود ... ( يزاعج ) اشفيكم انتوا الساعه صارت تسع ..

 

سعود : خلاص ابويه ... يالله ..ويروح عند روضه .. وقوم ام عبدالله ... ها زهبتوا..؟ روضه حبيبتي انتي روحي بموتر عبادي اوكي ... لانه سلطان مايبى .. عادي..

 

روضه : امممم عادي بسير ..

 

سعود : امايه انتي وخالتي ام عبدالله ولولوه وعّذابه بسيارتي ..

 

راشد : احلف بس .. وانا سلطان وخالد وفهود وين نسير .. ها .. نطير .. ههههههه

 

سعود : اوووووه خلاص ... تراكم بتسيرون وياخالد ...

 

فهد : وااااو فشلوه هههههه

 

راشد : هههههه ماتضحك .. يالله خلنا نسير ..

 

(وبعد ماكل ركب السيارات .. في الطريج للعزبة )

 

حمد : روضه تبين تلعبين ( ويظهر الورقه )

 

عبدالله : ههه شو يتلعبها بلاي ستيشن .. هههههههاي

 

بوعبدالله وبوسعود : ههههههههههه

 

حمد : ههههههه مايضحك يلا روضه.. خلنا نلعب ورقة ..

 

روضه : مااعرف ..( وهي تضحك)

 

عبدالله : ههههههههههههههاي حلوووه ياروضه ..

 

حمد : زين جي .. خليتيه يضحك علي ...الحينه مابيخلي حد في الامه العربيه مابيقوله ..

 

روضه : زين ... عادي هب قاصده .. افشلك ههههههه

 

حمد : جي.. وبعد تضحكين ... زين جلبي ويهج .. انا الغبي اللي عاق عمري عليج ..

 

روضه : ( بما انها حساسه وايد ... فكيف يوم شخص تحبه ويغلط عليها بالرمسه ) حمد شو تقول ؟؟

 

حمد : ..................

 

عبدالله : ماتستحي على ويهك صح ..

 

بوعبدالله : خلاص ياعيال اشفيكم ...

 

عبدالله : ابوي ماتشوف شو قال لها ... زعلها زين جي..

 

بوسعود : لا روضه ماتزعل ..

 

روضه : ( وهي اول مره تعصب ) لا هب زعلانه ..( وتسكت وماترمس بعدها )

 

حمد : عبدالله وقف شوي لاني بيلس عند عمي .. (وهو متلوم لان زعلها )..

 

بعد ماوقف عبدالله ويلس حذال عمه..

 

(وفي سيارة راشد يلا خالد اشخطها خلنا نوصل قبلهم ..)

 

خالد : افا عليك ... انا في هاالشغلات فنان... بس قول لي وانا بيطرك ... هههه

 

فهد : خبل .. هههههه

 

خالد : طالع عليك يالاخ ...ههههههه

 

سلطان : وهو يتطالع المسج اللي واصلنه من رقم غريب وكان هذا المسج..

 

ياصاحبي في وقتنا وقت الألم ..

من يسمعك

مهما حكيت؟؟

من ينصفك

مهما شكيت؟؟

منهو اللي مايضحك إذا ذلتك دنياك وبكيت؟؟

في وقتنا مابه وفا ..

 

سلطان : ( وهو يتأمل الكلمات ويقرا المسج ويعيده .. )

 

فهد : (يزقر ) سلطان ... سلطان ..

 

سلطان : ها

 

فهد : حوووووه بلاك ..

 

سلطان : مسج ..

 

فهد : شووو.... شو فيه..

 

سلطان : لالا ماشي ... شو ماوصلنا..

 

خالد : هاذو وصلنا وانت كله سرحان ماتدري عن شي ..

 

( والساعه عشر وربع وصلوا العزبة وكان قوم خالد واصلين قبلهم بربع ساعه ..)

 

عّذابه : الله تجنن .. روووعه ..

 

فهد : واقف ورى الباب .. يبى يروع اول شخص يدخل ...

 

سعود : اكيد روووعه ... بوجودج ..

 

عّذابه : مشكوووور هههههههه وياراسك..

 

(وآخر من وصلوا قوم عبدالله ..)

 

روضه : نزلت من السياره وهي تمشي ومعصبه ..

 

حمد : (يزقرها ) روضه ... روضه

 

روضه : دخلت وماردت عليه...

 

فهد : وااااااااااااااااه .... (طبعا روعها وكانت المسكينه روضه الضحية )

 

روضه: وتيلس على الارض من كثر الزياغ وهي فاجه عينها وساكته ..

 

حمد : هيييييه روووضه بلاج ..

 

روضه : من الزياغ ماتروم تنش ..

 

فهد : آآآآآآفا كنت اتمنى تكون لولوه ولا عّذابه بس خلاص هب مشكله هههههههههه

 

حمد : ماتستحي على ويهك ..

 

روضه : تنش ... وهي رايحه فوق ..من دون اي تعليق او ردة فعل ..

 

فهد : اخاف صار بها شي ...

 

حمد : والله لاذبحك زين ..

 

سلطان : حوووو انتوا هني ونحن يالسين في الميلس نترياكم ..

 

فهد : يالله خلنا نسير عندهم ...

 

(في العزيه ... في الصاله)

 

ام عبدالله : ماشاء الله العزبة متغيره صايره احلى عن اول ..

 

ام سعود : ترانا كبرنا فيها وعدلنا ... عسب جي تشوفينها متغيره ..

 

لولوه : عّذابه تعالي نسير فوق ..

 

عّذابه : هيه يالله الا روضووو وين ؟؟

 

لولوه : مدري اكيد فوق تراها وصلت فبلنا ..

 

روضه : يالسه على الشبرية وهي معصبه وايد ...

 

عّذابه : هييييه بسم الله روعتيني ... بلاج جي يالسه ... شنج ساحره ..

 

لولوه : قلتلج انه بنشوفها فوق ..

 

روضه : ..................... ...

 

لولوه : يالله تعب بس وناسه الطريج ...

 

عّذابه : (لاحظت انه روضه ماترمس.) روضه ... بلاج ..

 

روضه : .......................

 

لولوه : ايييييييييه روضووو اشفيج ماترمسين ...

 

روضه : شلت بعمرها ونزلت الصاله ...

 

عّذابه : ايييييه لولوه بلاها اختج اشياها ...

 

لولوه : مدري انا اخبر هي ماتصرف جي الا اذا متضايجه ...

 

عّذابه : ببدل ملابسي وبنزل اشوفها ...

 

لولوه : اوكي انا بعد شوي بنزل ..

 

(في دبي .. في المستشفى )

 

ريم : تفج عيونها ... وماتشوف عندها اي حد .. آآآه انا وين ؟؟ شو صار؟؟ (بعد ماتذكرت نشت وشلت ابرة المغذي من ايديها ... والدم في كل مكان بالحجرة .. وايديها كلها دم تزقر).. أمايه ...

 

(ظهرت ريم من الحجرة وهي ماتروم تمشي من كل اللي صار ... وتحاول تذكر امها وين مكانها .. وشافت دكتور )

 

الدكتور : (فاج عيونه ) لوسمحتي ايديكي كلها دم اأدر اساعدك ..

 

ريم : لا .... مشت ريم واثر الدم على خطواتها .. في كل مكان ..

 

الدكتور : استني ... انتي رايحه فين ... (وربع مسكها من ايديها ..)

 

ريم : ( تزاعج )لالا اااااا اريد امايه ... الله يخليك دكتور .. ودرني

 

الدكتور : (ينادي على الممرضه ) لوسمحتي ممكن ..

 

ريم : وهي تعبانه وتفكر بأمها .. خلوني اريد امايه (وهي تصرخ )

 

الدكتور والممرضه : (زاخينها من ايديها يبون يشوفون شو سالفة كل هالدم ..)

 

(في حجرة ريم في المستشفى )

 

الممرضه : ( مستغربه ) شو هيدا الدم كله ... يالله وينها المريضه ...( وتربع للدكتور محمد اللي يشرف على علاجها ..)

 

(تدخل مكتب الدكتور محمد .. وهي زايغه ..)

 

الممرضه : دكتور الحق ... المخلوقه الي كانت بالغرفه 2 مش موجوده ...

 

د. محمد : شو ....شوتقولين وينش .. وهو رايح حجرة ريم ..

 

الممرضه : يادكتور تعى وشوف الغرفه كلايتها دم .. مابعرف شو صار..

 

د. محمد: وانتي وينج في .... ( ويزاعج على الممرضه ) ..ها ..

 

الممرضه : رح روح دور عليهاا ... يالله ...

 

د. محمد :......................

 

الممرضه: دكتور هيدا الممر كله اثار دم ... بلكي راحت عند امها ..

 

د. محمد : خوزي اشووووف.. (ويروح العنايه ) ..

 

ريم : خلووووني اشوف امايه .... اااه يابوي ... ااااييمه ...(وتصيح وهي يالسه عند باب العنايه )

 

الدكتور : طيب ياانسه مافيش فايده الي بتعلميه..

 

(وهني يشوف الدكتور محمد ريم )

 

د. محمد : (فاج عيونه) ريييم ..

 

ريم : ( تصيح) خلوني اشوف اماية ..

 

الدكتور : اهلا يا د. محمد .. هي مالها البنت ..

 

د. محمد : ( وهو متضايج ) ماشي يادكتور .. ماشي

 

ريم : ( تنش من على الارض ) دكتور الله يخليك اريد اشوف امايه .. الله يخليك ..

 

د. محمد : ان شاء الله ... بس سيري ويا الممرضه عسب تعالجج ... وانا بروحي بيي باخذج لامج ..

 

ريم : اوكي يالله ...

 

الممرضه : خذتها وياها ... وعالجت الجرح ...

 

ريم : يالله خلاص بسير لامايه ..

 

الممرضه : دقيقة وحده بليز ... رح ناديلك الدكتور .. ( وتزقر الدكتور محمد )

 

(ريم يالسه وويها شاحب وعيونها متورمه وا فكار توديها وافكار ترجعها وهي هب مستوعبه شي..)

 

د. محمد : ها ريم ... اشحالج الحينه ..

 

ريم : اريد امايه ...( وتصيح )

 

د. محمد : اوكي ترومين تمشين ولا انييب لج كرسي ..

 

ريم : لا اروم ..

 

وفي العين .. العزبة

 

شهد : وهي نازله ومتضايجه ... يلست على الكنفه وفجت التلفزيون ويلست تطالع من دون ماترمس ..

 

ام سعود : شهوده ... حبيبتي .. اشحالج ..

 

شهد : بضيج .. زينه

 

ام عبدالله : شهد .. حبيبتي بلاه ويهج غادي جذي ..

 

شهد : ماشي خالتي ... عشان تعبانه ..

 

الساعه 1 الظهر..

 

ام عبدالله : انا بسير اصلي ...

 

ام سعود : تعالي يالله ... ياوخيتي ...

 

وهني اتم شهوده بروحها في الصاله .. و يدخل سعود وراشد وعبدالله

 

عبدالله : هههههههههه الا تصدق رشود .. انت اعجوبة زمانك ..

 

سعود : هههههههههههههه

 

عبدالله : شهوده .... انتي هني ..

 

شهد : ..................

 

سعود : شهوده وين عذابه ولولوه ..

 

شهد : وتطالعهم بنظرات ..

 

سعود : بلاج ... شو القطوه كلت لسانج ..

 

عبدالله : سعوووود ..تعال بنيلس على يم اباك شوي ..

 

سعود : شوووو.

 

عبدالله : تعال انزيييين ..

 

راشد : اشحالج يابنت عمي ..

 

شهد : منزله راسها وهي شوي وبتبجي .. يسرك الحال ..

 

راشد : شهوده ..وييلس حذالها ... شهد بلاج متضايجه..

 

شهد : ماشي .... وتنش .. ( ويزخها رشود من ايديها ).

 

وهني يدخل حمد وفهد وسلطان وخالد ..

 

حمد : وهو فاج عيونه ومستغرب كيف راشد زاخنها من ايديها ..

 

شهد : زايغه ... أأنا

 

راشد : من كثر الزياغ من اللي صار زاخ شهوده بقو و ناسي عمره

 

حمد : معصب وااااايد ... ويبى يسير حق راشد .. ويزخه سلطان من ايده .. عسب مايصير شي ..

 

شهد : تفج ايديها من ايد راشد وهي مرتبكه وخايفه ... ( وتربع حجرتها ) وفي طريجها تشوف لولوه وعذابه بس دموعها فضحتها وربعت من دون ماتشوفهم وفجت الباب وبندت الليت وقفلت الباب وانسدحت على شبريتها وهي تصيح ... ليش جذي صار..

 

عبدالله : سعود تدري بلاها شهوده .. زعلانه

 

سعود : ليش يعني .. اشدراك ..

 

عبدالله : صار بينها وبين حمووود تج .. هذي السالفه ..

 

سعود : هيه ... انا اقول هي ماتصرف جذي الا متضايجه وايد ..

 

عبدالله : يالله نش خلنا نسير الصاله ..

 

سعود : يالله ... يالدب.. هههههههههه

 

عبدالله : محد غيرك وياهالويه ..

 

حمد : انا بسير حجرتي ...

 

سلطان : بيي وياك ...

 

ويسيرون سلطان وحمد حجرتهم ..

 

راشد : وهو مستغرب من اللي صار .. اففففففففف ..

 

فهد : رشود ... بتيي نلعب بلاي ستيشن ..

 

راشد : .............

 

خالد : يالله رشوود .. يالله عاد عادي تراك هب قاصد ..

 

راشد : اكيد هب قاصد ... بعدين اصلا مافيها شي تراها شرات اختي ..

 

فهد : تدرون خلنا نلعب ورقة احسن ..

 

عبدالله وسعود : السلام عليكم ..

 

فهد وخالد وراشد : وعليكم السلام ..

 

سعود : انا يووووووعان وايد ..

 

عبدالله : ها .... بين منو الدب فينا .. هههههههههههه

 

سعود : هههههههههه دب اونك ... عاد الواحد اذا ماتغدى اكيد بيوع وياراسك ..

 

راشد: ههههههههههههههه..

 

عبدالله: وين حمود وسلطانو .......

 

فهد : ههههههههههه...

 

سعود : ليش تضحك فهود ...

 

فهد : والله كيفي بضحك .. لان الضحك ببلاش هههههههه

 

سعود : بسير اقول حق امياه تغرف الغدى ..

 

وهني ينزلن لولوه وعذابه ..

 

لولوه وعذابه : السلام عليكم ..

 

الكل : وعليكم السلام ..

 

سعود : تعالن وحده منكن تسير تقول لامايه تحط الغدى ..

 

لولوه : بل ... اشياك لهدرجه يوعان ..

 

سعود : بموت من اليوع ... هب يوعان وبس ..يالله روحي بسرررعه..

 

لولوه : زيييييييييين .. وتمشي على راحتها لانها تبى تغصص به ..

 

عذابه : هههههههههههههههههه

 

سعود : يالله ... لاطيرج ..

 

لولوه : وهي رايحه هههههههههههههه..

 

سعود : والله ... غبيه ..

 

عذابه وتيلس عن عبدالله وهي بعدها ماترمس خالد ..

 

عبدالله : اشحالج اختي حبيبتي ..

 

عذابه : بخير وسهاله ...

 

راشد : اووووووووه ... شو هالحلاه شو القمر اللي يالس امبينا ..

 

سعود : احم ... احم ..

 

عذابه : ( وتصد صوب سعود ) اشحالك سعود ..

 

سعود : تمام بشوفتج ...

 

راشد : ليش تغيرين الموضوع ولا تستحين يوم حد يمدحج .. هههههههههههه

 

فهد وخالد وعبدالله : ههههههههههههههههاي..

 

عذابه : هههههههههههه مايضحك اوكيك ..

 

سعود : كيك خخخخخخخخخخ

 

وهني يدخل بو عبدالله وبوسعود ..

 

بو عبدالله + بو سعود : السلام عليكم ..

 

الكل : وعليكم السلام ..

 

بوعبدالله : اشحاااالكم ..

 

الكل : تمام .. يسرك الحال ..

 

عذابه : تنش وتبوس ابوها على راسه ... وتسلم على عمها وتبوسه على راسه .. اشحالك عمي ..

 

بو سعود : تمام غناتي ... اشحالج انتي ..

 

عذابه :.. ( تصد صوب سعود وتقول ) اوكيك ..

 

سعود : هههههههههه..

 

بوسعود : بلاك تضحك ..

 

سعود : لا سلامتك ابويه ..

 

عبدالله : اشحالك ابويه ...

 

بوعبدالله : والله مستانس الحمدلله ..

 

وتيي لولوه : السلام عليكم ... اشحالك ابويه .. اشحالك عمي ..

 

بوعبدالله وبوسعود : يسرج الحال ..

 

لولوه : يالله تفضلوا الغدى زاهب ... انا بسير ازقر امايه وخالتي ...

 

عذابه : انا بسير اشوف شهوده ..

 

الكل : يالس على الغدى ...

 

بو عبدالله : خالد ...يابوي ..ز سير ازقر اخوك وولد عمك ..

 

خالد : ان شاء الله ....ابوي .. ويسير ..

 

عند الغدى

 

أم سعود : اقول لولوه وينها أختج عنج ..

 

لولوه : شهد راقده ..

 

ام عبدالله : هيه وحليلها تعبانه من الطريج ..

 

حمد : احح ..احم ..

 

راشد : لولوه .. لو سمحتي ممكن التبوله ..

 

لولوه : تفضل ياولد عمي ..

 

خالد : رشووود ... يموت في التبوله .. يعشقها بس ناقص شي واحد ..

 

حمد : هههههههههههه

 

سعود : شو ناقص ...

 

خالد : يكتب فيها قصيده ..هههههههه

 

راشد : ههههههههه ( وهني يبى يغلس بأمه ) أماااايه

 

ام عبدالله : هلا ... حبيبي آمر ..

 

راشد : أماااايه أنا بتزوج ..

 

سلطان : ههههههههههههههههاي ..

 

حمد : ههههههههههه

 

ام عبدالله : هذي الساعه المباركه ياوليدي ..

 

راشد : امايه .. بتزوج وحده سيريلانكنية عيبتني .ز

 

الكل : ههههههههههههههههه

 

ام عبدالله : زين يارشود ... وينها اذا ماازوجك اياها

 

الكل : هههههههههههههههه

 

حمد : فديت امايه زين تسوين فيه هههههههه

 

راشد : خلاص مابتزوج ..

 

ام عبدالله : احسن ...

 

في دبي وبالتحديد في المستشفى

 

ريم : امايه ... امايه ..( وتصيح )

 

د. محمد : مافي فايده ... ترمسينها تراها في غيبوبه

 

ريم : آآآآآآه يازمن ليش تسرق البسمه مني... (وتصيح )

 

د. محمد : ريم ...شرايج تنشين وتسيرين تصلين تدعين لامج احسن ..

 

ريم : هيه ... ان شاء الله ..بس ممكن تقولي وين المسيد ..

 

د. محمد : تعالي وياي .. ويدل ريم طريج المسيد ..

 

ريم : يزاك االله خير ...

 

 

د. محمد : ريم أنا خلصت الاجراءات ودفنا ابوج ..

 

ريم : ....................

 

د. محمد : ياريم ... صدقيني انا يمكن مااحس في اللي انتي فيه .. بس صدقيني في كل مكان في لعالم شخص يعاني ... هذي سنةالحياة ياريم .. وانتي لازم تصبرين ... صدقيني هذا ابتلاء من الله وانا ادري ماعندج غيره وغير امج .. بس صدقيني مثل ماقلتلج ... خلي عندج امل ... هذي الحياة ياريم ونحن ماانخلقنا الا ونحن ندري وين بنسير في النهاية كلنا بنسلك هالطريج صغير وكبير ... قولي الحمدلله ..

 

ريم : الحمدلله ...

 

د. محمد : خلاص انا بسير واذا بغيتي شي انا في مكتبي ..

 

ريم : ان شاء الله ..

 

( في العين .. في العزية .. الساعه 5 العصر .. الكل يالس برع .. )

 

ام عبدالله : عذابه ... ناوليني القهوه ..

 

عذابه : هاج ..

 

سلطان : يلا شباب نشوا عسب نسابق في الدراجات ..

 

لولوه : انا بعد ..

 

سعود : شو انتي بعد ..

 

لولوه : يعني اريد اركب

 

سعود : هيه شو تركبين ياماما كملي ..

 

لولوه : اقول .. بس لاتعصب زين ..

 

سلطان : والله تن وحده منكن قربت ولا قالت اريد اركب ... صدقن بعطيها كف حلوووووووو ..

 

فهد وراشد : هههههههههههههه

 

لولوه : والله بتشوفون ..

 

عبدالله : يزقر من بعيد ... يااااااااااالله ..

 

سعود : ها هاكو الشايب يرخ علينا ... يالله نشوا ..

 

عذابه : انا منو بيخليني اركب دراجته ... احو احم

 

راشد : محد يالله ... خليج عند هاللولوه .. هههههههه

 

لولوه : غبي ....

 

راشد : ماعليه ... بتشوفين ..

 

خالد : انا بخليج .. اشرايج

 

عذابه : .............ز

 

راشد : يالله امش خلها ... بعد عذابو تنعطى ويه ..

 

يتبع >>>>

[بحرينية (قمر)]

هلاا ...

 

اولا عيدكم مبارك وايامكم سعيده

 

 

وثانيا اسفه على التاخير لاني كنت مشغوله ...

 

 

الجزء [5] من قصة حملت جثمان إبتسامتي

 

 

 

 

بو عبدالله : اقول بو سعود ماشاء الله شو فيها مزرعتك ..

 

بوسعود : كل شي زرعت ..

 

بوعبدالله ماشاء الله ...

 

عذابه : عمي انا اريد اركب الخيل ..

 

ام عبدالله : يلسي مكانج ... هب ناقصين .. يصير فيج شي

 

لولوه : انا بعد اريد اركب الخيل ..

 

عذابه : انا وانتي بنركب خيل واحد ..

 

ام عبدالله : يلسن مكانكن ... يالله .. ماتركبن ..

 

عذابه : ماماتي حبيبتي .. انتي ماتبين استانس ..

 

ام عبدالله : ابيج تستانسين .. بس مابخليج تركبين الخيل انا اخاف عليج ..

 

عذابه : ماما ... حياتي الله يخليج ..

 

بوعبدالله : خلاص يام عبدالله .. لاتخافين ... هذي ماينخاف عليها .. طالعه على ابوهاا..

 

عذابه : هيه صح ..ز بس ماماتي اسير ..

 

ام سعود : خليا تروح ... روحن بس تحملن على عمركن ..

 

لولوه : ها ... خالتي تسير عذابه ويانا ..

 

ام عبدالله : الله يحفظكن ..

 

وعند الدراجات

 

عبدالله : يالله اول الصغار يتسابقون .. بعدين نحن ..

 

سلطان : تطري منو اللي صغار .. يالشايب .ز

 

حمد : ههههههههههههه

 

عبدالله : يالله ... واللي يفوز يتحداني انا وسعود ..

 

راشد : يالله زين ..

 

حمد : يالله ...

 

فهد : يالله خالد ...

 

خالد : اوكي ..

 

بعد ماتسابقوا ...

 

عبدالله : ها ياسلطان زمانك ..؟؟

 

سلطان : اصلا هذي الدراجه مدري بلاها ..

 

عبدالله : لاتطلع حجج ..

 

سلطان : انا بسير عند ابوي وعمي احسن ..

 

حمد : انا اعترف اني خسرت بس عشان اصلا عقلي هب في الدراجات في مكان ثاني ..

 

راشد : جي خبل ..

 

حمد : تصدق ... هب خبل الله يخليك بس عشق .. ويسير ...

 

خالد : من قدك ابويه ... سير ... سير ياعنتر.. ههههههه

 

راشد : هيه والله من قدك ياحمود ..

 

شهد : اشحالج امايه .. اشحالج خالتي ..

 

ام عبدالله : بخير وسهاله .. اشحالج انتي ..

 

شهد : زينه ..

 

ام سعود : ها ياشهود .. اشفيج .. ماتغديتي ويانا ..

 

شهد : كنت تعبانه ..

 

ام سعود : هيه وهني يوصلون الشباب كلهم ..

 

سعود : شهوده حبيبتي ... تولهت عليج ..

 

شهد : حتى انا ولهت عليك ..

 

سلطان : امايه صبي لي اقهوه ..

 

ام سعود : ان شاء الله ..

 

حمد : ( يريد يكسر حاجز الزعل بس بطريقته ) شهوده .. حتى انا ولهت عليج ..

 

ام سعود وام عبدالله : ههههههههههه

 

عبدالله : احرجتها الله يغربلك ..

 

شهد : اوكي مبروك ..

 

راشد : ههههههههههههههه حلوه مبروك

 

حمد : الله يبارك فيج الغاليه ..

 

خالد : امايه .. وين ابوي وعمي ..

 

ام عبدالله : هاكهم ياولدي .. يايين راحوا يشوفون ازرع .

 

شهد : امايه وين عذابه ولولوه ..

 

سعود : هيه صح انا اقول ... ليش اليلسه غييييير.. صح وينهن ..

 

ام سعود : راحن ويا ابوك وعمك .. هاكهم وصلوا ..

 

بوعبدالله : فاتج يا عبدالله ... لو شفتي الزرع ماشاء الله تبارك الله ... معليه كلام ..

 

ام عبدالله : تراكم ماعزمتونا وياكم ..

 

سعود : ابويه .. وين لولوه وعذابه ..

 

بو سعود : هناك عند الخيول ..

 

شهد : وليش ماين وياكم ..

 

ام عبدالله : هيه والله الحينه مغرب الساعه 6 وربع.. هب زين يتمن هناك ..

 

شهد : لاتخافين .. الساحره لولوه ... تعرف كل شي ..

 

عند الخيول ..

 

لولوه : يالله عذابه ركبي ..

 

عذابه : انا احب الخيول وايد .. بس اخاف ..

 

لولوه : بعطيج كف .. يالله هناك تصيحين علينا تبين تركبين .. ركبي اشوف ..

 

عذابه : ذكرتيني بربيعتي ريم .. ولهت عليها ..

 

لولوه : بتركبين .. ولا نرد .. ترا صار المعرب ..

 

عذابه : لا طبعا .. بركب بس ركبي وياي ..

 

لولوه : زييييين يالله خلصينا ..

 

خالد : ابويه ليش تمن شو يسون ؟؟

 

بوعبدالله : مدري ... قالن بيركين الخيول ..

 

ام عبدالله : والله اني خايه عليهن ...

 

عبدالله : انا بسير اشوفهم ..

 

سعود وفهد : نحن بعد بنيي وياك ..

 

حمد : شهوده .. تعالي يلسي حذالي بقولج شي ..

 

شهد : ماعندي سالفه ..

 

بوعبدالله : يالله نشوا خلنا نسير نصلي..

 

بوسعود : يالله سلطان ... راشد .. يالله

 

ام عبدالله : يلا حمود ..نش عاد ..

 

حمد : انتوا سيروا انا بيي وراكم ..

 

خالد : انا بسير اشوف عذابه ولولوه ..

 

حمد : شهد ...

 

شهد : خير ..

 

حمد : ( يصاصرها ... بكتب شي على الرمله شوفيه ) زين ..

 

شهد : زين يالله سير صل ..

 

حمد : ( كتب على الرمله والله اموت فيج ياشهوده ) يالله شهد .. ( ويغمز لها ) بسير اصلي.

 

شهد : يلست مكان حمد ويوم شافت الي كاتبنه استانست رزقرت على حمد .. حمد .. انا بعد

 

حمد : طبعا طار من الوناسه ..

 

لولوه : عذابه ظلام مااشوف شي ...

 

عذابه : هيه صح .. وبعد المكان هني يخوف .. الا اقول هذا ليش يمشي جذي كانه رويله تعوره ..

 

لولوه : مدري ...

 

وهني الخيل كانت رويله مجروحه ... فداس على خشب ودخلت بريوله وصار الخيل يربع ..

 

عذابه : ( تصرخ ) امااااااا

 

لولوه : اييييييه اشفيه هذا ين .. وين بيودينا ..

 

عذابه : لولوه .... آآآآه لحقوا علينا ..

 

لولوه : سعووووووووووووود ..

 

عبدالله : سعود ... وينهم ..

 

سعود : مدري خيل واحد هب موجود ... وهذا الخيل اصلا هب مروض للحين ..

 

عبدالله : هاه ... تتحرا انهم ركبوه ..

 

فهد : اكيد لانهم هب موجودين والخيل هب موجود ..

 

سعود : هذي لولوه ... مينونه .. هي اصلا منو سمح لها تيي وتركب .... شواتحرى عمره فارسه ..

 

عبدالله : خل تعليقاتك لعمرك ... الحينه امش خلنا نشوفهم ..

 

عذابه : اييييييييييييييه لولوه بلاه هالخيل الخبل...

 

عبدالله : ها شوفهم ... مسويات اعمارهن فارسات..

 

سعود: والله لو يعقهم هذا بيكون شوي ... لو يكسرهن احسن..

 

خالد : يالله عاد.... خلصونا فاتتنا الصلاه ..

 

وهني يعق الخيل لولوه... وعذابه ويربع ...

 

عبدالله : (يصرخ)... سعووود

 

ويربعون يشوفونهم...

 

لولوه : آآآآآآآآي ظهري... ماروم انش...

 

عذابه: آآآآخ ريولي ... (وتصد وتشوف عبدالله) عبدالله ... انت هني..

 

ويربع خالد وسعود ..

 

خالد : عذابه حبيبتي ...انتي بخير ... شو صار فيج..

 

عذابه : ................

 

لولوه : آآآآآآآي... هذا الخيل غبي... الله يغربله ..

 

عبدالله : ها شو.. انتوا بخير..

 

لولوه : اي بخير ... كل من اختك اللي الي تبى تركب خيل..

 

سعود: غناتي لولوه ... شي يعورج...

 

لولوه : ماروم ارمس الحينه ... ساعدني عسب... انش.. والله بقول لابوي يبعيه ..

 

فهد: ههههههههههه

 

عذابه : وياراسك تضحك بعد ...

 

فهد : ماروم اشكالكم هههههههههههههههه

 

عذابه : شلوني ماروم امشي..

 

فهد : شو حضرة الاميرة عذابه ...

 

عذابه : انت اصلا ليش ياي... شو فلم هو ...

 

فهد : (اونه معصب) تدرين تستاهلين انتي وياها ... بسير احسن لي ... فاتتني الصلاه..

 

عذابه : احسن فكه.. يالله عاد عبادي شلني..

 

خالد : انا بشلج...

 

عذابه : زين..

 

سعود : لولوه .. انتي ماتبين حد يشلج ترومين تمشين..هههههه..

 

لولوه: سير لا مابى حد يشلني وبعدين لاتتفلسف وايد... يالله خلنا نسير..

 

عبدالله : عذابه حبيبي .. امايه بتزعل عليج وايد...

 

لولوه : ياحليلها خالتي كانت حاسه اصلا... انه بيصير شي.. بس هذي العنيده..

 

عذابه : خلاص .. فكينا .. زين..

 

لولوه : انتي ساحره هب بنيه..

 

عذابه : ها انا يالمتخلفه انتي..

 

سعود : شو عفانا الله يارات...

 

عذابه : انت اشعليك .. ليش ترز ويهك ..

 

عبدالله : عذابه سكتي عاد .. عيب عليج..

 

سعود : عادي برايها ادري تمزح..

 

عذابه : يعلني ماانحرم منك ياولد عمي ... ليت كل الرييايل شراتك..

 

لولوه : ايييييييييييه ... ويايهج لاتقردينين اخوي.. ياللي ماتستحين..

 

عذابه : جب .. فكينا يالمشعوذه ...

 

لولوه : اتريي خل نوصل .. براويج ..

 

خالد : يالله وصلنا ...

 

عذابه : شكرن ... خالد..

 

(ويدخلون كلهم ...)

 

ام عبدالله: (تشهق) بلاكم ...

 

لولوه : أأأ مابلانا شي خالتي..

 

عبدالله : انا بسير اصلي ..

 

خالد : بيي وياك..

 

ام سعود : اشفيكن ... شو سويتن باعماركن ..

 

سعود : انا بخبركم ... الله يسلمكم ... الفارسات عذابه ولولوه ركبوا الخيل اللي هب مروض وعقهن ...ونحن الابطال.. انقذناهم ...

 

ام عبدالله : انا قلت .. لاتركبن ماسمعتن الرمسه وخصوصا انتي يالعنبده ..

 

عذابه : ماماتي ... زين الحينه ليش تنازعيني جدام سعود ...

 

سعود : ههههههههه

 

ام سعود : سعود ...سر صل ...

 

لولوه : امايه ظهري يعورني ... بسير ارقد شوي..

 

ام سعود : سيري غناتي انا بعدين بيي بطمن عليج..

 

ام عبدالله : عذابه ... تعالي ايلسي حذالي..

 

عذابه : ماماتي ... والله اسفه..

 

ام عبدالله : (تزخها من اذونها) ... ثاني مره بتسمعين الرمسه ولالا..

 

عذابه : ان شاء الله ماماتي... بس ودري اذوني..

 

(وهني اتيي روضه)

 

روضه : ... مسا الخير.. اشحالكم..

 

عذابه : روضوووو لحقي علي ...

 

روضه : بلاج ..

 

عذابه : الخيل عقني انا ولولوه..

 

روضه : ها .. حلفي... وينها لولوه...

 

عذابه : راحت حجرتها...

 

روضه : تعورتي ...

 

عذابه : هيه شوي ريولي تويعني ... يعل ريوله الكسر..

 

روضه : حرام عليج ..لاتقولين جي..

 

عذابه : انا بسير حجرتي شوفي حالتي ...

 

ام عبدالله : ام سعود ...اقول لولوه .. محد خطبها ...

 

ام سعود : لاياأم عبدالله ... ليش ياوخيتي...

 

ام عبدالله : لا بس جي اتخبر عنها ..

 

( يدخلون الشباب ... الصاله..)

 

حمد : السلام عليكم ..

 

ام عبدالله وام سعود: وعليكم السلام ..

 

روضه : اشحالك حمد..

 

حمد : يسرج الحال ..

 

سلطان : اشحالكن ...

 

ام عبدالله : تمام .. الله يخليك ..

 

سلطان : حمود ... نعال نسير نلعب ورقه في الميلس..

 

حمد: اممم زين يالله ..بس بنتريا خالد وفهد وعبدالله

 

سلطان : لا ياريال عبدالله ... هذا الانسان احسه كابوس دايمن اشوفه جدامي ..

 

حمد: جب عن هالرمسه... اصلا ودك تصير شراته .. فديت اخويه انا ...

 

سلطان : جب انت لااعطيك بكس اطيرك ..

 

حمد : ههههههههههه ضحكتني .. شو اتحرى عمرك انجل...خخخخخخخخ

 

سلطان : يخسي الا هو... يالله عن الهذربه .. خلنا نسير .. ابويه وعمي هناك ..

 

روضه :أمايه ... بغيتي شي بسير عند لولوه وعّذابه...

 

ام سعود : لا غناتي ....

 

روضه : اوكيك...(وهي رايحه فوق.... يزقر عليها خالد )

 

خالد : روضه ... روضوو..

 

روضه : (تصد صوبه) .. هلا خالد ... اشبغيت..

 

خالد : بيي وياج عشان ابى عّذابه ..

 

روضه : اوكيك ... حياك ..

 

خالد : رضووو ... سيري شوفي اول عّذابه شو تسوي بعدين بدخل..

 

روضه: انت ليش تقول رووضوو ... شو شايفني بيبي..

 

خالد : لا عيووووز .. يالله غناتي سيري شوفيها ..

 

روضه : زييييييييييين ...(وتدخل وتشوفها) عّذابه انتي راقده..

 

عّذابه : لا بغيتي شي..

 

روضه: اممم خالد واقف برع يباج..

 

عّذابه : خالد...( مستانسه) زقريه خليه يدخل .. يالله ..

 

روضه : روضووو زين ياعّذابوووو..

 

عّذابه : يالله ياهبله ...

 

روضه : بخبر حمود عليج ..

 

عّذابه : سيري لاااااه ... شوفي ارتجف من اسمع طاريه ... بعد حمود وتسوينا سالفه ... يالله زقري خالد ..

 

روضه : خالد ... خاااااااالد .. اقرب .الاميره عّذابه قررت تستقبلك..

 

خالد : ههههههههههه ... والله انتي فنانه ..

 

روضه : شو تشوفني ادق على العود ههههههههه

 

عّذابه : الهبله بلاج اليوم ...

 

روضه : ماشي غناتي .. بخليكم الحينه ... بسير اشوف اختي حبيبتي ..(وتظهر لسانها لهم)

 

عّذابه : الحمدلله صدق ياااااااااهل..

 

خالد: امممممم عّذابه .. اشحالج ...

 

عّذابه : يسرك الحال... اشحالك انت..

 

خالد : بشوفتج زين...

 

عّذابه : تسلم الغالي..

 

خالد : عّذابه ... ابغى ارمسج بشي مضيج صدري..

 

عّذابه : خير خالد ..بلاك؟؟

 

خالد : عّذابه لين متى نحن بنتم جي ... نتعامل ويابعض برسميات كانه اغراب هب خوان ... يعني عايبنج هالوضع..

 

عّذابه : (منزله راسها وعيونها تدمع وتقول بقلبه آآآه ياخالد)

 

خالد : ( يرفع راسها)... عّذابه غناتي انا يااي اعتذر لج اذا زعلتج أو غلطت بحقج...

 

عّذابه : ودموعها تنزل من على خدها.. خالد اسفه (وتحضنه) ..

 

خالد : فديتج والله ... خلاص حبيبتي ...انا مالي غيرج بالدنيا هذي .. مسحي دموعج ... نحن اخوان...صح ولا

 

عّذابه : ( تبتسم ) اكيد ... انتي اخويه وكل شي ... الله لايحرمني منك..

 

خالد : زين بغيتي شي بسير عند عمي وعيال عمي..

 

عّذابه : لا بس ممكن تلفونك شوي...

 

خالد : اكيد غناتي خليه عندج ويوم تخلصين انا تحت..

 

عّذابه : اوكيك...( عّذابه بقلبها ... خلني ادق في ريمو... الحماره مااتصلت فيها ولهت عليهاوتدق)

 

عّذابه : هذي بلاه تلفونها مغلق...غريبه... بتصل بيتهم في دبي.. بشوف ...( وتتصل بس محد يرد )... بسم الله ان شاء الله خير ... وتطرش لها مسج عشان يوم تفتحه تعرف.. وهذا هو المسج ..

 

(ريم انا عّذابه .. غناتي اشحالج ... ليش غالقه تلفونج .. اذا وصلج المسج دقي اترياااج ..)

 

روضه : عّذابه انتي هني ...

 

عذابه : تعالي روضوو ...

 

روضه : رضووو الحينه بذبحج ... وتنقز على شبريت عّذابه ...

 

عّذابه : ايييييييييه الغبيه بلاج..

 

روضه : تزخها من خدودها .... بتقولين روضووو مره ثانيه ..

 

عّذابه : ايييييييييييييييه روضووو خوزي عني ذبحتني...

 

روضه : برتكب بج جريمه لو ماقلتي روضه شيختي وتاج راسي ... يالله قولي..

 

عّذابه : ااااااااااااي والله حلمج يالساحره روضوو

 

روضه : وتزخها من رقبتها والله بزنطج.. قولي شيختي وتاج راسي روضه ...

 

عّذابه : اااااااااي لحقوا علي ... هالمجرمه ينت...

 

(وهني تدخل لولوه حجرتهن ) ..

 

لولوه : ايييييييييييه انتن بلاكن تصرخن ... اول عندنا ياهل وحده الحينه صارن ثنتين..

 

روضه : (تسوي عمرها عاديه وتبوس عّذابه) ههههههههه نحن مابلانا شي يالسين نلعب...

 

عّذابه : تلعبين في عينج يالياهل ..

 

لولوه : العبن ياليهال بس لاتصارخن ...

 

عّذابه : لولوه تعالي وين بتسيرين ؟؟.

 

لولوه : بسير تحت اشوف زهبوا العشى ولالا.. لاني يوانه وايد ..

 

روضه : اخبركن وشرايكن اليوم نلعب..

 

عّذابه : اممممممم هيه صح بس هب الحينه نص الليل..

 

لولوه : هيه صح نص الليل احسن عشان الاشباح صدق تطلع..

 

روضه : سكتي عاد.. لاتيبين هالطاري..

 

لولوه : براويج يام لسان عند سعود..

 

روضه : باجر بنقول لهم ياخذونا العين مول..

 

عّذابه : هيه صح..

 

لولوه : يالله زين نشن خلنا ننزل ...

 

(ونزلن البناات...)

 

عّذابه : مرحبا .... اشحالكم...

 

ام عبدالله : هلا والله غناتي ... الحمدلله.. اشحالكن بنات ..

 

لولوه وروضه: تمام خالتي...

 

عّذابه : غريبه وينهم ... مااشوف حد ...

 

ام عبدالله : بالميلس... يالسين...

 

لولوه : وين امااااااااايه انا يوعانه وايد...

 

روضه : انا بسير اشوف امايه...

 

لولوه : خالتي ... قولي شي من اشعار اول تعرفينها ...

 

عّذابه : انا بقولج ... هههههههههههههههههه

 

لولوه : مشكوره مابى اسمع منج ..

 

ام عبدالله : لولوه ... تعالي يلسي حذالي وبقولج ..

 

لولوه : يالله خالتي اسمعج

 

ام عبدالله : بسير صوب الذي يفرح بطلاااتي لي ضاق صدري يسمع حكاياتي.. وسلمتي

 

لولوه : الله روعه ... صح لسانج ... قولي بعد ..

 

ام عبدالله : زين يابنيتي ... سمعي .. هذي دايمن اقولها حق عّذابه ... ربيتج صغيونه وعلمتج على طباعي ... لاتنشرالي ولا للغير تبتاعي.. تعال ياطير بطرشك لبوظبي عاني بلغ سلامي لأكحل الأعياني محزون قلبي كم انا اللي بعاني ... يبطي علي الطير مدري شو اللذي صار..

 

روضه : تفضلوا العشى زاهب .... يالله خالتي ام عبدالله..

 

لولوه : ايييييييييييييييه اشفيج اتريي شوي ... خل خالتي تكمل ...ابي اسمعها..

 

عّذابه : انا بسير برايكن ..

 

روضه : لولوه ... يالله عاد العشى زاهب..الحينه شو غيرتي رايج..

 

لولوه : بصراحه اليلسه ويا خالتي شبعتني ...

 

روضه : وييييينج ياعّذابه ..

 

ام عبدالله : هههههههههههههههه يالله انسير خلاف بكملج يالولوه ..

 

لولوه : اوكيك ... خالتي حبيبتي ... تفضلي...

 

(بعد العشى الكل يالس في الصاله ....الشياب والشباب)

 

عبدالله : عمي... منو يقضى اشغالك اللي في العزبه ...

 

سعود : انا ...

 

سلطان : صح ..

 

بوسعود : والله ياعبدالله كله شي انا بروحي اشرف عليه .. والعمال ... يساعدوني ..

 

سعود : ................

 

عبدالله : افاااااا ياسعود ... تخلي ابوك بروحه يشتغل بالعزبه ... المفروض انت تساعده هب الغريب ..

 

سعود : ترا الجامعه وانت تدري بس ان شاء الله كل ويكند بساعدك ابوووويه اشرايك ....

 

بوسعود : يعلني ماانحرم منك ياولدي ...

 

سلطان : وانا ...

 

بوسعود : كلكم والله غالين عندي ...

 

روضه : عّذابه تعالي بنلعب بلاي ستيشن ...

 

عّذابه : يالله ....

 

حمد : لو سمحتن خلاف نحن بنلعب ... قصدي انا وسلطان ...

 

سلطان : لا ماابي ...

 

عّذابه وروضه : ههههههههههههه

 

راشد : زين جي ياحليك ياحمود يضحكن عليك...

 

حمد : كله من سلطانووو ...

 

ام سعود : لولوه انتي اشعندج اقوووول اليوم اشوفج ماتنشين من عند ام عبدالله ...

 

لولوه : جي امايه تغارين ..

 

روضه : ماعندها سالفه ...

 

خالد : ههههههههههه روضووو صراحه انتي مسكته اذونج في كل مكان ههههه

 

روضه بتشوووف ياخلود منو بيسوي لك معكرووونه اليوم ...

 

خالد : عّذابه بتسوي ...

 

عّذابه : اكيييييد ...

 

روضه : اوكي بنشوف ..

 

عذابه : روضوووو مبروووووووووووك خسرتي هههههههاي

 

حمد : احسسسسسن ...

 

روضه : انا مابلعب بسير ايلس عند عمي الغالي ...

 

راشد : شوووفواا من الفشله هههههه ...

 

خالد : ابويه انا بظهر تامروني بشي ...

 

بوعبدالله : الله يحفظك ياولدي ..

 

عّذابه : خالد بيي وياك ..

 

فهد : اييييييييييه ماتستحين يمكن بسير عند حد من ربعه ..

 

عّذابه : انت اسمك خالد ولا فهد ؟؟

 

حمد : هههههههههههههههه

 

فهد : مالج خص وياراسج يالضفدعه ...

 

عّذابه : مالي خص انتوا قلتوا بتاخذونا العين مول ... مالي خص ...

 

لولوه : هيه صح ...

 

ام عبدالله : انتن بلاكن ماتشعبن من الحواطه وخصوصها انتي ( تقصد عّذابه ) ...

 

عّذابه : ماما شووووووو زين نحن نبى نستانس باجر اليمعه بنسير بوظبي خلنا نظهر الحينه... باباتي الله يخليك قول حق ماماتي ...

 

بوعبدالله : زين غناتي بس لاتبطون اوكي تسع ونص في البيت اشوفج ...

 

لولوه : خلاص انا بسير اتزهب يالله روضه عّذابه ... يالله عشان يكون عندنا وقت ..

 

عّذابه : مشكوووور باباتي ... ( وتبوسه على راسه ) ...

 

بوعبدالله : الله يخليج غناتي...

 

حمد : الحينه منو بياخذهن ؟؟

 

سعود : انا وخالد وفهد بس ..

 

حمد : لا والله روضوووو وياكم انا بيي ..

 

سعود : لحوووول ....انت اشفيك .... يعني انا وياها اختي يعني بيطير مثلا ..

 

حمد : يمكن اتطير وماتشوفها هههههههه

 

سعود : سير لااااه ...

 

فهد : سعود ... انا مابيي وياكم ...

 

سعود : برايك ...

 

(في العين مول ..)

 

سعود : روضوو تغطي ...

 

خالد : انا بسير بشتري شي وبرجع اوكي ... يوم بتمشون دق لي اوكيك..

 

روضه : مابى اتغطى ... والله مااشوف ..

 

لولوه : تبين تسوينا سالفه نحن ماصدقنا ظهرنا ....

 

عّذابه : روضوو تغطي احس عشان محد يطالع ..

 

سعود : روضووو ..

 

روضه : والله مااشوف ...

 

سعود : لاتخافين بزخ ايديج ...

 

روضه : لا والله جي عيوز ماروم اشوف الدرب ..

 

سعود : بتغطين احسن لج ولااااااااا

 

روضه : ( مبوزه )... زين والله بتشوفون ...

 

سعود : بنات مايستح ..

 

عّذابه : سعود .... شو تقول ؟

 

سعود : ها لا ماشي انتن وين تبن تسيرن ...

 

لولوه : لايف ستايل ...

 

سعود : تعالن يالله ...

 

( وبعد ماخلصوا ....)

 

عّذابه : سعود .. دق في خالد شوفه وين ... ترا خلصنا ...

 

سعود : اوكيك...

 

روضه : ابى مفتاح السياره لو سمحت ...

 

لولوه : اشفيج ... سكتى ويا منو بتسيرين ... بنتريا خالد ...

 

روضه : مالي خص ... ابسير ايلس في السياره ...

 

لولوه : خلاص سعود ...انا بسير وياها هذي امبونها جي ..

 

روضه : كيفي ....زين

 

سعود : زين ياروضووو ... هاج لولوه ...

 

لولوه : يالله لاتبطون اوكي..

 

عّذابه : تطالع سعود ... سعود اخبرك خلنا نيلس مكان .. بدال ماواقفين في نص الطريج..

 

سعود : تعالي ... ( ويلسون في الكوفي ...)

 

عّذابه : سعود ...دق في خالد شوفه ...

 

سعود : اوكي ...

 

خالد : الووو هلا سعود ..

 

سعود : انت وين ؟؟

 

خالد : خلصت ياي انتوا وين ؟؟ ...

 

سعود : يالسين في الكوفي ...

 

خالد : اوكيك ..

 

سعود : يقول ياي ..

 

عّذابه : هيه ..

 

سعود : عّذابه ...

 

عّذابه : هلا سعود ...

 

سعود : تفضلي ...

 

عّذابه : شو ها... وليش .؟؟

 

سعود : حقج ... ممكن تقبلينه ...؟؟

 

عّذابه : اممم ... اوكي مشكور..

 

سعود : يالله هاذو خالد ... وصل..

 

خالد : انتوا هني .... وين لولوه وروضه ...

 

سعود : سارن السياره ..يالله خالد مشينا ..

 

(في العزبه ... في الصاله ...)

 

فهد : عمي ... اباك بسالفه ممكن ...

 

حمد : شتبى به ....

 

راشد : انت ليش جي رزه ... عفانا الله ..

 

فهد :حشى هب اذون عليك تلعب وعقلك ويانا ...

 

حمد : حوووو صل على النبي ... ها اللي ناقص تصكني بعين ..

 

فهد : انت منو يروم اصلن يصكك بعين ... انت ساحر..

 

راشد : هيه والله ... هههههههههه

 

حمد : امايه ... شوفيهم ...

 

ام عبدالله .: بس عاد بلاكم ماتحشمون حد ... وتنش ..

 

راشد : زين جي ياحمود خليت امايه تضايج ...

 

فهد : عمي خلنا نسير اي مكان نرمس فيه ..

 

بوسعود : تعال يافهد حجرتيه ..

 

فهد : يالله ..

 

(وفي حجرة بوسعود )

 

بوسعود : ها يافهد شو السالفه المهمه اللي تباني ابها ....

 

فهد : عمي قول اشرايك فيني.. فيني عيب ناقصني شي ..

 

بوسعود : لا ياولدي ... ريال والنعم فيك اخلاق وماعليك زود ..

 

فهد : هيه زين ..

 

بوسعود : الحينه يابني وسالفه وهذي هي ..

 

فهد : امممممم عمي انا بدخل في الموضوع على طول.. انا ابى اتزوج ..( ويبتسم ..)

 

بوسعود : هذي الساعه المباركه .. اخيرا حد بيعرس في هالعايله .. مبروك يافهد ..

 

فهد : عميييي جي على طول ماتبا تعرف منو العروس..

 

بوسعود : منو ؟؟

 

فهد : لولوه ..

 

بوسعود : والله ..هذا احلى خبر سمعته ..

 

فهد : يعني موافق ..

 

بوسعود : اكيد ياولدي ... اصلن يشرفني ...

 

فهد : والله ...( ويبوس عمه على راسه ) مشكوووور عمي ... يعلني ماانحرم منك الحينه بسير ابشرهم ..

 

بوسعود : تعال وين مستعيل ... خلنا نخبر لولوه اول ... وبعدين يصير خير ... هههههههه ..

 

فهد : هيه صح ... يالله عمي انا بخليك ...

 

بوسعود : الله يحفظك ...

 

فهد : ( ظهر وهو مستانس ... )

 

حمد : اشفيك طاير من الوناسه ...

 

فهد :هههههههه الا بموت من الوناسه ...

 

راشد : جيه شو صار طلع لك بيت شعبي هههههههههههاي..

 

فهد : سخيف ... ماتضحك ..

 

حمد : ههههههههههه ويييييو فشلوووه ..

 

فهد : جب سد حلجك واسكت ...

 

حمد : انا بسير ازقر سلطان .... اليلسه وياكم ... تييب لي صداع ... ههههههههه

 

(وهني يوصلون قوم خالد وسعود .. وروضه تمشي وماتسلم وتربع حجرتها )

 

راشد : اييييييه رواضي ....روضوو... اشفيها منو مزعلها ..

 

خالد : السلام عليكم ..

 

فهد : عليكم السلام ... اشفيها هاي محرجه ..

 

سعود : خلها تولي ...

 

راشد : جي اشسويتبها ؟؟

 

عبدالله : ها حمد وين سلطان ؟؟

 

حمد : سلطان شوي وبيي ... اوووه انتو رجعتوا زين ماتاخرتوا ... روضه وينها ؟؟

 

لولوه : راحت فوق ... محرجه ..

 

حمد : شووووووووووووه ... اشفيها ...

 

سعود : خلها تولي ... انا مااداني البنات اللي مايسمعن الرمسه ...

 

حمد : محرج ... شو قلت لها ..

 

عبدالله : حمد ... خل سعود يرمس زين ...

 

لولوه : يالله عّذابه انسير فوق ... عن اذنكم ..

 

عّذابه : وين ماما ؟؟

 

حمد : حجرتها ...

 

عّذابه : اوكي ..

 

سعود : انتوا اسمعوا واحكموا ... الله يسلمكم دخلنا المول وهي هب متغطيه ... قلت لها تغطي ...

قالت لي مابى ... اقولها استحي على ويهج تغطي وهي هب راضيه تتحرى اخيرها ... تقولي مااشوف

قلت لها بزخج من ايديج وبمشيج قالت لا جي عيوز ... وبس هب طاعت اخر شي تغطت ومن هذيج الساعه وهي محرجه ...

 

راشد : اصلن كل شي ايي بالسياسه ..

 

سعود : سير لاه سياسه ... عيل تبى تمشى ويانا وهيه هب متغطيه والله لانحرها ...

 

حمد : تخسي والله لاذبحك قبل ماتلمسها ..

 

سلطان : حووووو اشحالكم ..

 

عبدالله : هلا والله بسطانو تصدق ولهت عليك ...

 

سلطان : انت عبدالله متاكد ...

 

عبدالله : ههههههههههه لا نسخه عنه خخخ

 

سعود : ها سلطان وينك كله مختفي ...

 

حمد : يحب الاخ .. هههههههه

 

فهد : الله على الحب ... انا اليوم بموت من الوناسه اللهم لاحسد ..

 

حمد : خالد هذا اخوك اليوم هب طبيعي ..

 

فهد : انت اشلك ... هب كفايه زعلت امايه ..

 

خالد : امايه بلاها ؟؟

 

راشد : زعلوها ..

 

خالد : منو فيكم اللي زعل امايه ..

 

فهد : حمود ورشود ..

 

يتبع >>>