أحمد منصوري Posted أغسطس 8, 2007 Report Share Posted أغسطس 8, 2007 بسم الله الرحمن الرحيم هذه اول قصة من كتابتي --------------------عايلة بو عبدالله-------------------- بو عبدالله: 50 سنة و يشتغل في شركة ابوه ام عبدالله: 47 سنة و ربة بيت يعني ست الكل منال:21سنة و في جامعة البحرين طبعاً دلوعة ابوها و هي سمرة و عينها سودة و تشذ الناس .. الي يشوفها يقول مغرورة لكن هي طيوبة و طموحة تدرس اكاونت و عنيدة مريم:20سنة و في جامعة دلمون طبعاً طبجة من اختها منال و هي بعد حلوة و طيوبة و طموحة و تدرس اكاونت مثل اختها و فيها شي لو يتعدل تصير احسن بنت انها عنيدة و الي في راسها تسويه يعني تسويه عبدالله:17سنة و في مدرسة احمد العمران مساق التجاري .. كله يهرب من المدرسة بس فيه شي انه لما يتكلم كأنه عيوز خبركم يده صقر كان ياخذه معاه الميالس و صار يتكلم كأنه كبير اسماء: 5سنين .. طبعاً لسانها اطول منها ما تقدر تقول شي ردت عليك بعشرة و هي طالعة على يدها صقر --------------------عايلة بو محمد-------------------- بو محمد:31سنة اخو بو عبدالله و يشتغل في مركز الشرطة ضابط ام محمد:30سنة و تشتغل في بتلكو مديرة محمد: 5سنين الطفل المدلل عند امه و ابوه و شيطان ويحب يقعد مع اسماء بنت عمه و إذا اجتمعو هالأثنين انقلبت الدنيا فوق حذر --------------------عايلة صقر الي اهو ابو بو عبدالله-------------------- صقر:70سنة و هو المدير العام حق اكبر شركة في البحرين علياء:68سنة و هي ربة بيت ما شألله محمد(بو عبدالله):50 سنة و يشتغل في شركة ابوه عبد العزيز(بو محمد):31سنة اخو بو عبدالله و يشتغل في مركز الشرطة ضابط رنا: 20سنة و هي كله مع بنت اخوها مريم (كأنهم صديقات الروح بالروح) بس في شي ما تحب احد يقوله ان مريم اكبر منها بأربعة اشهر و مريم كله تتطنز عليها و لكن في لها احترام و هي تدرس مع مريم في نفس الجامعة و كل شي نفس الشي اتمنى انكم تعجبكم الشخصيات --------------------البارت الأول-------------------- في بيت بو عبدالله الساعة 10 AM منال: يمـــــه انه ييت ام عبدالله: هلا يمة بشري شسويتي في الأمتحان انشألله زين؟ منال: امبيــــــه يمه كان سهل حده .. انه خلصته كله بس في بعضهم ما خلصوه ام عبدالله: الحمدلله يا بنيتي .. هذه البنت السنة منال: فديتج يا يمه (باست راسها) الله لا يحرمني من ام عبود ام عبدالله: عيل وين اختج مريوم؟ منال: ويه مسكينة عليها امتحان .. تقول ما راجعت عدل ام عبدالله: الله يكون في عونها .. هذه آخرة التفرفر في التلفزيون إلا يرن تلفون منال على رنة راشد الماجد (تنحط على الجرح يبرى) و هذه رنة خاصة حق اختها مريم منال: فديت صوتج فديتج.. مريم: وي شدراج يالكريهة اني متصلة منال: مضبطة الرنة عليج يالحلوة مريم: انزين منول طلبتج قولي تم منال: تم مريم: سيارتي بنجرت في باركات الجامعة تعالي لي منال: اوجي يالحلوة مريم: اوكي يالكريهة و صكت التلفون ###########في الشركة الساعة 12:30PM########### بو عبدالله: يبه ابي اشتري ارض و ابي شورك فيها صقر: انشألله يبه بس من منو تبي تشتري؟ و في وين؟ بو عبدالله: في الرفاع صوب المنتزه .. ارض حلوة حق زبون و عرض علي سعر حلو صقر: من هذا الزبون؟ بو عبدالله: بو حمد التاجر الكبير صقر: و النعم .. هذا الريال السنع .. توكل على الله يا وليدي و إذا احتجت فلوس انه مب مقصر بو عبدالله: تسلم لي راسك يا يبه بس باخذك اليوم فرة على المكان علشان تشوفها صقر: انشألله يا وليدي توه بو عبدالله بيطلع دخل عليهم بو محمد بو محمد: السلام عليكم صقر و بو عبدالله: عليك السلام بو محمد: اليوم ياي حق بو عبد العزيز بموضوع يو عبدالله: اولاً بو محمد مب بو عبدالعزيز ثانياً عن اذنكم بو محمد و صقر: اذنك معاك بو محمد: شفيه حمود عندك؟ صقر: يبي يشتري ارض في الرفاع صوب المنتزه .. تعال معانا بو محمد: انشألله يبه .. انزين باقولك شي .. في واحد متقدم حق رنوي و انه سألت عنه و قالو خوش ريال .. الكل يتمناه .. بس رنوي مب موافقة انت شتقول يا يبه صقر: إذا رنا مب موافقة انسى الموضوع (طبعاً صقر ما يحب يغصب اولاده بشي ما يبونه) بو محمد: الي تقوله يا يبه .. ما عاش من ينزل كلمتك بالقاع صقر: تسلم لي يا وليدي .. إلا شخبار حمود ولدك العتوي؟ بو محمد: بييه ذابحنا .. المدرسات يشتكون عليه بس انه شغلي الضحك صقر: لا تدلعه وايد تره يمصخها بو محمد: انشألله يبه ###########في بيت بو عبدالله الساعة 1:30PM########### مريم اوصلت و كانت معاها رنا عمتها مريم: رنوي دخلي .. ما في احد .. يمـــــــــــه عمتي رنوي اوصلت رنا: السلام عليكم ام عبدالله: و عليج السلام شلونج رنا رنا: انه زينة انتي شلونج و شلون العيال؟ ام عبدالله: انه زينة و العيال كلهم زينين مريم: انزين رنوي مم..(قاطعتها) رنا: انه عمتج قولي عمتي (تسوي روحها تزعل بعد ههه) مريم: صارو يتغلون علينا رنا: اي كيفي و راحت مريم فوق تبدل و تاخذ شور عبدالله وصل من النادي عبدالله: هلااااو ام عبود ام عبدالله: هلا يمة شخبار النادي معاك ؟ متى المباراة (تسوي روحها مهتمة في الرياضة) عبدالله: يوم السبت مع الرفاع (يلعب في نادي المحرق) ام عبدالله: انشألله المحرق عبدالله: ون ون ون محرق نمبر ون ام عبدالله: روح تسبح بعد شوي بيي ابوك عبدالله: اوكي مام تشاو (شعنده ولد الأنجليز) ###########في الرفاع الساعة 1:45PM########### بو عبدالله يتصل في ام عبدالله بو عبدالله: انه الحين مشغول يمكن اتأخر ام عبدالله: انشألله بس مو تصيف بو عبدالله: تامرين امر جم ام عبدالله عندي .. وحدة(بدا الغزل) ام عبدالله: اي وحدة .. ليكون متزوج علي و انه ما ادري بو عبدالله: ما عاش من يتزوج عليج .. انتي الكل بالكل يا ام عبود ام عبدالله: بس فديتك ما يصير وايد تغازلني .. تره الحين بنتحر من الخجل بو عبدالله: فديت الخجولين انه .. انزين يالله اكو وصلت الرفاع بتصل فيج بعدين بو عبدالله: يبه هذه الأرض الي تكلمت عنها بو محمد: مبروووك عليك الأرض مقدماً بو عبدالله: الله يبارك فيك بس خلنا نشوف راي الوالد صقر: توكل على الله يا ولدي ارض حلوة .. اشترها و بيع الي في المحرق بو عبدالله: انشألله بس لازم آخذ راي العيال صقر: الي تبيه يصير يا ولدي ###########في حديقة بيت بو عبدالله الساعة 2 PM########### بو عبدالله توه واصل و كانت اسماء تلعب بره بو عبدالله: حيالله اسوووم اسماء:بو عبادي بادي بادي وصل هيييييييييييييي بو عبدالله: شقاعدة تسوي دلوعتي المدللة في الحديقة اسماء: العب مع قطوتي بو عبدالله: انزين يالحلوة دخلي داخل و غسلي يدج لأن نبي نتغدة اسماء: انشالله يا بو عبادي بادي بادي سمعت ام عبدالله صوت اسماء و عرفت ان بو عبدالله وصل ام عبدالله: حيالله راعي البيت بو عبدالله: الله يحييج .. نجبتي الغدى؟ ام عبدالله: اي .. اختك رنا عندنا بو عبدالله: حياها الله رنا: السلام عليكم بو عبدالله: و عليج السلام رنا .. قعدي رنا: تسلم .. اخوي .. كلمك عبد العزيز عن موضوع الي ياي يخطبني رسمي؟ بو عبدالله: لا .. اشوفه راح حق ابوي .. اهااااااا رنا: اي .. يبيني اتزوج من واحد ما اعرفه و يقول سأل عنه .. قلت له انه ابي اكمل دراستي بعدين يصير خير بو عبدالله: زين زين .. اكلي ###########في بيت صقر 2:30PM########### علياء: ليش صيفت يا طويل العمر صقر: ولدج محمد يبي يشتري ارض في الرفاع صوب المنتزه علياء: و شرايك فيها صقر: خوش ارض .. الله يعطيه خيرها و يكفيه شرها علياء: انزين و انت ما فكرت حقنا في ارض احلى؟ احنا من 50سنة و احنا ساكنين في البسيتين .. الناس صارو مب زينين و انه متضايقة منهم صقر: انه قاعد ادول على ارض حلوة في الرفاع جريب من السوق علياء: زين تسوي ###########الساعة 4PM########### الكل راح يصلي .. رن تلفون مريم .. عمتها رنا مريم: رنوي شتبي هالحزة رنا: وي نايمة انتي؟ سوري ما كنت ادري مريم: اي (بصوت نايم) كلش تعبانة كنت رنا: سوري .. تبيني اصك التلفون عادي تره مريم: ايه ولي يسلمج اريح لي رنا: ما دام السالفة جذي مب صاكة التلفون حرة مريم: انزين خلاص لا تصكين .. شتبين يا الكريهة رنا: ابي اروح السوق .. بشتري عباية مريم: إذا سوق المحرق تره لاعت جبدي منها ابي اروح رفاع رنا: و هذه انه بروح الرفاع مريم: عيل تم .. مري علي عقب نص ساعة رنا: اوكي صكت التلفون ###########في سوق الرفاع الساعة 5:30PM########### رنا: شرايج في هذه العباية؟ مريم: تينن .. خذيها رنا: و انه شنو باسوي غير آخذها مريم: اوكي يالله ابي رايكم و توقعاتكم Quote Link to comment Share on other sites More sharing options...
أحمد منصوري Posted أغسطس 8, 2007 Author Report Share Posted أغسطس 8, 2007 وينكم يا جماعة Quote Link to comment Share on other sites More sharing options...
بنت مملكة بوسلمان Posted أغسطس 8, 2007 Report Share Posted أغسطس 8, 2007 وايد حلوة القصة صراحة وانا في انتضار الجزء الثااااااااااااااااني يعطيك العافية اخووووووووووي Quote Link to comment Share on other sites More sharing options...
حبيبة ابوها Posted أغسطس 8, 2007 Report Share Posted أغسطس 8, 2007 وااايد حلوة القصة تسلم اخوي امير العجم وكلنا في انتظار الجزء الثاني والله يعطيك العافية Quote Link to comment Share on other sites More sharing options...
أحمد منصوري Posted أغسطس 8, 2007 Author Report Share Posted أغسطس 8, 2007 --------------البارت الثاني-------------- رنا: بجم ذي؟ الهندي: This is 40 BD رنا: وااااايد غالية .. ما في تخفيض .. انه زبونه عندك الهندي:سوري مدام بس في ارباب يقلل معاش رنا: مشكلز الحين .. يالله عطني 30 الهندي: آسف رنا: يالله انزين 35 الهندي: سوري رنا: يالله مريم امشي دخل واحد المحل و كان شاب وسيم اسمه حمد ولد صاحب الأرض الي بيشتريها بو عبدالله حمد: السلام عليكم رنا: و عليك السلام حمد: كومار ييب آخر الأفلوس حق المحل الهندي: اوكي ارباب رنا: اخوي انت صاحب المحل حمد: (بخجل و نزل راسه) نعم اختي رنا: اسعاركم وايد غالية .. هذه العباية بأربعين دينار حمد: سويتها لج بـ30 دينار بعد شتبين رنا: (بخجل) تسلم اخوي حمد: حاضرين و كانت رنا تجهز الفلوس .. بعدين عطت حمد الفلوس عاد صار شي فضيع .. حمد لمس يد رنا و صار ويه رنا احمر مثل الطماط حمد: مشكورة (بخجل) رنا: ح ح ح حاضرين ########في السيارة الساعة 6PM######## رنا كانت ساكتة مريم: رنووي شفيج؟ رناسكوت) مريم: رناااااااااااااااااااااااااااااااااااااااااااااااااا(بصراخ) رنا: بسم الله الرحمن الرحيم .. ويعة شفيج خوفتيني؟ مريم: شفيج سرحانة في وادي رنا: بقول لج شي .. شفتي صاحب المحل ؟ مريم: اي .. تبيني اخطبه لج رنا: بلا استهبال .. المهم يوم سلمت الفلوس لمس يدي مريم: و قامت القيامة رنا: الشرهة مب عليج .. الشرهة علي انه الي احاجيج مريم: فديت الزعلانين انه ########في بيت بو عبدالله 6:30PM######## اذن اذان المغرب و راح الكل يصلي رن تلفون عبدالله عبدالله: الووو السلام عليكم .. منو معاي .........: الووو انت منو؟ عبدالله: (بخجل) شتبين اختي و صك التلفون قعد عبدالله في غرفته و هو يفكر في الصوت الناعم ولا صوت الباب يقطع حبل افكاره طق طق طق عبدالله: من مريم: من غيري عبدالله: بل بل بل العيوز اوصلت مريم: يالكريه انزل تحت تعشى عبدالله: اوكي يالحلوة ########في الصالة في بيت بو عبدالله 7:30PM######## بو عبدالله: يا عيال انه بشتري ارض في الرفاع صوب المنتزه و ببيع هذه الارض عبدالله: بس يبه انه متعلق بالنادي و المدرسة في المنامة بو عبدالله: مب مشكلة ننقلك للرفاع و المدرسة بعد عبدالله: الي تقوله يا يبه (ما يقدر يعارض لأنه يحترم ابوه وايد) بو عبدالله: يعني خلاص كلكم موافقين الكل: نعم كلنا ########اليوم الثاني الساعة 7AM######## بو محمد: حمود يالله تأخرنا على الروضة محمد: بابا ابي اروح حق اثماء بنت عمي بو محمد: مو مثكلة بابا بس خلني اوثلك الروضة بعدين يصير خير (يمزح معاه) محمد: بابا ليث ما تتكلم عدل؟ بو محمد: لأنه هذه لغتك يالله ابي توقعاتكم جاوبو شنو بسوي عبدالله ويا هالبنت؟ شنو بصير مع رنا ؟ شنو تتوقعون تصير في الحلقة القادمة؟ Quote Link to comment Share on other sites More sharing options...
بنت مملكة بوسلمان Posted أغسطس 8, 2007 Report Share Posted أغسطس 8, 2007 ثانكيووووووووو على البارت الثاني الحلوووووو وانا اتوقع قصة حب حلوة بين رنا وحمد واحنا في الانتضار لاتتأخر عليناا Quote Link to comment Share on other sites More sharing options...
أحمد منصوري Posted أغسطس 8, 2007 Author Report Share Posted أغسطس 8, 2007 مشكورة اختي و انه قاعد اكتب البارت الثالث و انشألله انزله بعدين بس ابي تفاعلكم مع القصة Quote Link to comment Share on other sites More sharing options...
بنت مملكة بوسلمان Posted أغسطس 8, 2007 Report Share Posted أغسطس 8, 2007 انا في انتظار البارت على احر من الجمر ويعطيك العافية Quote Link to comment Share on other sites More sharing options...
أحمد منصوري Posted أغسطس 9, 2007 Author Report Share Posted أغسطس 9, 2007 (edited) ---------------البارت الثالث---------------- #######في الشركة الساعة 9AM####### بو عبدالله: اقول بو حمد .. انه بشتري الأرض انشألله بس وين اقدر اشوفك؟ بو حمد: تقدر تييني محلي في المحرق بو عبدالله: صار عيل .. بامرك الساعة 1 بو حمد: اوكي #######في بيت بو عبدالله الساعة 9:30AM####### البنات في سابع نومهم رن تلفون مريم تعرفون بعد من مريم: الوووو مرة ثانية اتصل في وقت ثاني رنا: ههههههههه شقاعدة تهرين انتي يالعيوز مريم: حسبي الله على بليسج قطعتي نومتي الحلوة يالكريهة رنا: انزين بروح المحل الي في الرفاع .. العباية طويلة و يبي لها تعديل مريم: اوكي مري علي عقب ساعة رنا: اوكي عقب ربع ساعة مريم: لالالالا عقب ساعة بكمل نومتي نص ساعة و النص الثاني حق اتجهز لج رنا: اوكي حبيبتي #######في المحل الساعة 11AM####### كان حمد يالس في المحل حمد: السلام عليكم مرحبا اختي رنا: و عليكم السلام مريم: احم احم فلصتها رنا مريم: أييييي شلفيج يمة رنا: روحي السيارة مريم: اوكي بس مو تخمرين وايد رنا: روحي راحت روحج حمد: شنو بغيتي اختي رنا: هاه .. بغيت اعدل العباية وايد طويلة (بخجل) حمد: اوكي .. ربع ساعة و تكون جاهزة رنا: اوكي قعدت رنا في المحل .. عقب خمس دقايق من الهدوء حمد: اختي عندج الرصيد (يبي ياخذ رقم التلفون) رنا: أي أي عندي تبيه؟ حمد: أي بس بغيت اشوفه رنا: تفضل حمد: زاد فضلج سجل حمد الرقم في التلفون و بعدين اخذت رنا العباية و مشت #######في السيارة 11:30AM####### مريم: شفيج ساكتة رنا: ولا شي رن تلفون رنا رنا: الووو من معاي .......:الوو السلام عليكم رنا: من معاي حمد: معاج حمد رنا: أي حمد؟ حمد: صاحب المحل الفلاني للعبايات رنا: هااااه .. الرقم غلط صكت التلفون في ويهه مريم: شفيج مستحية رنا: تدرين من ذي؟ مريم: الحبيب رنا: عن الطنازة .. هذا صاحب المحل الفلاني للعبايات مريم: من وين له رقمج؟؟ رنا: علمي علمج #######في محل بو حمد الساعة 1PM####### بو عبدالله: قوة بو حمد: الله يقويك بو عبدالله: انه عازمك انت و الأهل بمناسبة شرائي ارضك بو حمد: اوكي بس متى؟ بو عبدالله: السبوع الياي يوم الخميس الساعة 7 الليل بو عبدالله: بسأل العيال و برد عليك بو عبدالله: تم شنو تتوقعون تصير في العزيمة .. و هل راح تكون رنا موجودة؟ Edited أغسطس 9, 2007 by امير العجم Quote Link to comment Share on other sites More sharing options...
دلـــوعـــه مــووت Posted أغسطس 9, 2007 Report Share Posted أغسطس 9, 2007 في الانتظااار البارت الثاني Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.