بنت الحداده Posted يناير 28, 2008 Report Share Posted يناير 28, 2008 السلام عليكم شلونكم شخباركم انشالله بخير ! الموضوع القبلي حبايبي اتقفل لأن وصل 30 صفحه بس انشالله راح اكمل لكم في هل موضوع والبارت اليوم راح انزله وشكرا على المتابعه Link to comment Share on other sites More sharing options...
حلوه اموره Posted يناير 28, 2008 Report Share Posted يناير 28, 2008 احنه ننتظر الباااارت بس لا تتأخرين علينه Link to comment Share on other sites More sharing options...
بنت الحداده Posted يناير 28, 2008 Author Report Share Posted يناير 28, 2008 شيخه : اي واحد فيهم سوسن .. : خالد .. شيخه : اي اي وافقي هيام .. : بس انتي توج اصغيره يعني كملي مدرسه بعدين يصيير خير شيخه : ما باقي الا كوورس تسوي خطوبة والعرس بعدين .. ريم .. : انه بعد تقدم لي ولد جيرانا .. ساره .. : عادل ؟؟ ريم : ايه .. هيام .. ياخيبتك يا هاني .. عسى بس ما تحبه البنت . : ونتي شرايج .. ريم : مادري والله بس يعني ماحمل له اي احساس لا حب لا اعجاب ولا انجذاب .. وصار لي مده افكر ولازم ارد عليهم امس قلت لرامي يقوله ان مو مشكله لو نقرا فاتحه بس العقد والخطوبة وهل سوالف يأجلها لين اكمل مدرسه ... ساره . : ونتي شلي حادج تاخذين واحد ما تحملين له ولا احساس . ريم : مافي شي حادني .. بس عادل مافيه ولا عيب يعني ريال والنعم فيه وشاريني يعني بس انه محتاره محتاره وايد .. هيام .. : ريم لا تستعيلين .. انتي توج اصغيره .. يعني يمكن باجر اتحسفين على انج وافقتي يمكن علاقتكم ببيت جيرانكم تخترب لا رديتيه من بعد الفاتحه شيخه .. : انتي اتشوفينه بين الفتره والثانية ؟؟ ريم .. : اي يعني ايي بيتنه يقعد معا رامي .. سوسن .. : انه ما شجعج يعني اهم شي بين الزوجين الانجذاب او الاعجاب او الحب .. حياتهم مستحيل تدوم اذا هل عوامل ما اتوافرت يعني بيصيرون بدون احساس جافيين ريم .. : يعني الحين شسوي ؟؟ هيام .. : قولي لخوج انج ما تبينه !! ريم .. : بيسألني شله ما بعرف اجاوبه .. شيخه : مو لازم في سبب .. ساره .. : بقولج قولي له انج تحبين غيره ريم . : وي وي احب غيره مره وحده !! بيسألني منو ومن وين عرفتيه وبيفتح لي تحقيق لا يبة هيام : لا مب اتقولين له اتحبين غيره .. قوليله انج مو مرتاحه حاسه يعني بضيج وانج ما تبينه وخلاص شيخه .. : انه شكلي بعنس ما شوف حد خطبني! هيام : ههههههههههه توج اصغيره انه بعد ليحين محد تقدم لي شيخه : ذلفي انتي عن ويهي انتي بس اشري بيونج طوابير مب انه هيام : وشلي يخليج متأكده جذي محد يا عشان اتحكمين .. سوسن .. : افا شيخوه تعنسين والخطابة سبوج جارتنه ؟؟ شيخه : اييييي شخبااارها ؟؟ سوسن : ابخييير اتسلم عليييج شيخه : ها شنو المعاريس الي عندها عسى تغيروا بس سوسن : اي تغيروا عندها صورهم تعالي بيتنه اليوم وبنروح لها شيخه : اف ما بقدر سوسن : شله ؟؟ شيخه : خالي سلمان بيي اليوم هيام : اي بيي خالي وعقلي انتي وياها شنو اتروحون للخطابة انتو لين دخلتو العشرين شبتسووون ؟ اذا من الحين هلون .. شيخه : امم يمكن يعني نعسكر عندها لين تعرسنه سوسن : هههههههههه اي وهي خب ارملة ما عندها عيال قعدتنه بتصير شحلوها ساره : هههههههههههههههههههههههههههههههه خطابة وارملة ؟؟ شله ما اتعرس اهي ؟؟ سوسن : انتي شفتي شكلها ؟؟ عليها ويه يطيح الغراب من السمى شيخه : هههههه اي ونتي الصاجه وعليها بعرض ما تدخل من مدخل السيارات الا بالعزر هيام : وي وي !! قامو يبالغون .. سوسن : هههه ما نبالغ وزنها 290 ريم !!!!!!!!!!!!!!!!!!!!! : جم ؟؟؟؟؟؟؟؟؟؟؟؟؟؟؟؟؟ شيخه : 290 ساره : العن قفدها !! هذي لو يذبحونها تشبع مجاعة افريقيا هيام : مريضة اهي يعني ؟ سوسن .. : مادري والله بس شفتي زكية زكريا ؟؟ هيام : ههههههههههههههههههههه اي سوسن :: تشبها ساره .. : يعني معقول في انسانه بهل مواصفات شيخه : اهي من مات ريلها قامت بس تاكل وتطالع التلفزيون يوم كمل الورث عل الاكل اشتغلت خطابة ريم : هههه لهل درجة ؟ سوسن .. : وأكثر اهي اصلا كانت تاكل من حرة قلبها ليش انها تحبه وايد شيخه : يعني لازم الوحده ما تاخذ واحد تحبه عشان ما يصير فيها هلون لين مات ساره : ههههههه خوش تعليل ريم : مسكينه كسرت خاطري هيام : لا شنو يعني الوحده ما تاخذ واحد تحبه عشان ما يصير فيها هلون يعني كل وحده تاخذ واحد تحبه بيموت وبيصير فيها هلون شيخه : ايي اكيد ما بيعجبج التعليل مهو انتي من الي يحبوون هيام فلصتها : جب سوسن : ها هيوووم من ورانه هيام : ما عليج منها تمزح ساره : الحب مبين في عيووونج هيوم اعتررفيي هيام : صدقيني مافي شي هذي شيخووه اتخرف شيخه : اخرف هااااا هيام : لا لا وي حشاج انه الي اخررف ولا انتي سوسن : شيخووووه قولي قولي بعد اذا هيوم تحب يعني خابت آمال الملايين !! هيام : تراكم وايد تبالغوون الي يسمعكم يقول جرس بيتنه ما يسكت من كثر الخطابة شيخه اتطالع ريم : لا الله يسلمكم هيوم للحين ما اعترفت يعني انطرها انه لين تعترف ساره : هااا اتطالعين رريموووه !!!!! هيام .. لا بالله فضحتنه هذي الي ما تعرف اتيود السانها .. : ماعليج من شيخه اتحب تمزح ساره : ها ريموو اشوفج ساكته انتي الثانيه !! ليكون بس الغاوي مان ؟؟ ريم طالعت هيام .. وابتسمت : لو هذا الكلام صحيح فـ يبخته الغاوي مان بهيوم . سوسن : انه اكره شي علي اكون مثل الاطرش بالزفه بتفهموووني ولا شلووون ؟؟ شيخه : هيوم انه ماقدر على زعل سوسنووو ضرب الجرس كملة الحصه الاولى .. ريم عشان تنقذ هيام .. : اقووول هيووم تعالي وياي انه ابي اسأل معلمة زهره اذا بتدرسنه السنه ولالا راحت هيام وياها .. مشوا مسافة وثنتينهم ساكتين .. هيام .. : ما بتروحين للمعلمة .؟ ريم .. : يعني بتسوين روحج ما تدرين اني قلت جذي عشان افكج هيام : ....... ريم .. : تراه يسأل عنج وايد .. هيام .. حمرت ... :,,,,,,, ريم .. : بتدشين اليوم ع المسن .؟؟ هيام .. اليوم خالي سلمان بيرد بس ... : اي بدش ريم .. : عيل اهو عنده شي يبي يقوله لج .. هيام .. : شنهو ؟؟ ريم .. : لين كلمج بتعرفين هيام وهي تلعب بأصابعها .. : اقول ريم .. ريم: هلا هيام : شلونها بنت جيرانكم .. ريم .. : والله حالها ما يسر هيام : ليش اشفيها ؟؟ ريم ...:يعني ابوها ضاغط عليها والفريج كله يتكلم عليها .. هذا غير حبستها بالبيت .. هيام .. : اهي شنهي السالفة بالضبط ؟ ريم : هذا يا اختي .. دلال بنت جيرانه ويعني اتيي بيتنه تقريبا كل يوم تقعد معاي .. وكاننت اتشوف رامي كل يوم تقريبا .. ويعني صارت تحبه .. الناس قامت تتكلم عليها ليش انها متغشية وتدش بيتنه بالغشوه وتطلع من غيرها واحنا عندنا ريال يعني الفريج كله درا .. وابوها كان يمنعها بالبداية بس اهي ما تسمع وزادت سوالفها وطلعت عليها الاشاعات .. ويعني ابوها يبي رامي يتزوجها عشان يستر عليها .. ويسكت الناس .. هيام .. ياكرهي لهل انسانه .. :: وو هي حلوة؟؟ ريم فيها الضحكه .. بس يودت عمرها .. : عينها عسلية وشعرها اشقر ماشالله عليها وايد حلوة .. هيام .. اااااااااااااااااااف .. : اهاا ريم ما قدرت اتيود روحها اكثر : ههههههههههههههههههههههههههههههههه هيام اتطالعها بحمق : اشفيييج اتضحكين ضحكتي من سرج بلا ريم مو قادره تتكلم : هههههههههههههههههههههههههههههههههههههههه هيام انقهرت اكثر : وبعدين يعني فهميني على شنهو تضحكين ؟؟ ريم ... : ههههههه علييييج انتي وياه تضحكووووون هيام .. : لا ولله شنهو شايفتنييي مهرررج جدااامج ريم :: ههه لا لا بس انتي تغيرين وهو يأذيني من كثر ما يسأل وأنه اطفشه استهبل واتغيبة هيام انحرجت .. : انتي منو قالج اني اغير!! ريم .. : كل هذا وما تغيرين ؟؟ هيام انتي حاطه بيني وبينج حواجز شيليهم عامليني كأني اختج ممكن .. هيام بتوتر .. : صعب حطي روحج بمكاني؟ ريم .. فهمتها .. : صدقيني ماقوله كل شي وانه محايده معنه اخوي وغالي عندي بشكل جنوني هيام .. : حلفي انج ما تقولين له ماصدق انج ما تقولين له كلشي ريم .. : يعني اقوله بس مو كلشي واذا تبين اشيه ما قولها له ترا صدقيني ماقوله هيام .. : انزين انتي تتعاملين معاي بدون حواجز؟؟ ريم : اي انه اتعامل معاج كأني اعرفج من زمان ليش مادري معني يعني عادتاً ما آخذ راحتي معا اي احد هيام .. : ازين ايصير اقولج شي بصراحه وتتفهمينه ؟؟ ريم : افا عليج خذي راحتج .. هيام .. : لو طلب اخوي يدج توافقين ؟؟؟؟ ريم !!!!!!!!!!!! اخوها ؟؟؟؟؟ اي اخوو ؟؟؟؟؟؟؟؟؟ : ها!!!!!!! هيام : لو طلبنه ايدج حق اخوي توافقين ؟؟ ريم ..؟؟؟؟؟ : اي اخو ؟؟ هيام .. : هاني . ريم ... : انه ماعرفهم بالأسامي وصفي لي!! هيام . :الي وصلنه المستشفى ريم ؟؟ : فاجئتيني صراحه !! هيام : ريم .. اخوي مو ملاك مكلم بنات بس محترم نفسه يعني عمره ما غلط ومن شافج بأمانه ها خلى كل الي يعرفهم وهو ما قالي بعد أنه من حركاته عرفت وهو مستعد يتقدم لج اليوم قبل باجر ريم .. معقول ما حسيت بنظراته ولا حسيت فيه ؟؟ ..:,,,,,,,, هيام .. : ماجاوبتيني ؟ ريم .. : مادري هيام .. : ريم هاني يحبج وشاريج ريم ....:شبيكون موقف عادل ؟؟ هيام .. :شوفي الرسميات تتم بعد التخرج عشان ما يحس انج رفضتيه عشان واحد ثاني ريم .. :انه مالي ويه اقول لبيتنه ان في واحد بيخطبني هيام : هههههههههه ماعليج خلي هل موضوع علي ريم ....:.... تأخرنه مو ؟ هيام .. : انزين يلا نرد .. ردوا الصف والحاله قايمة فيه الي تسوي لرفيجتها تسريحه بشعرها والي اتغني والي اتكتت على ربعها ماي وهمه بعد والي يتفالعون بالمقاالم وحالة الصف حاله ا هيام .. : بووو الحين اذا دشينه يا بيحوشنه ماي يا ضربه على الراس تسبب ارتجاج في المخ ريم : ههههههههههه هذي صفية وربعها هيلق هيام .. : وميانين بعد انزين يلا ندش فتحو الباب .. امطار كثيفة تتجه بسرعه على ويه ريم .. وهيام وتسبحهم ريم .. : اااااااااااااااااااااااااااااااااففففففففففففففففففففففففففففففففففففففففففففففففففففف هيام ... : شهل حاله شلون بنطلع الحييين ريم .. : لا بس هذي سخافه راحت ريم لصفية .. ريم .. : انتي ما تشوفين يعني ؟ صفية اتلف لها : لا ما شوف ريم .. : ماتشوفين لبسي نظاره حبيبتي مب اتسبحين الرايح والياي هيام راحت لعند ريم .. : ريم خلاص ريم : لا مو خلاص .. هذي مب اول مره وجانزين بس شوي شوفي شلون ارطوبه صفيه .. : تشمسي هههههههههههههههههههههههههه هيام .. : صفية لو سمحتي احترمي نفسج صفية .. : وييييييي شوف من ياي ايتكلم شيييييخه .... الي يايت تركض ..: هي هي انتي يل هيلقية اشعندج معاهم صفيه : هيلقيه محد غييرج سوسن .. : جب جب يلا ويا هل ويه ساره ..: صلو على النبي يا جماعة الخير هيام .. : لحظة اشفيني انه الي تقولين عني شوف من ياي ايتكلم صفيه .. : دلوعة وبايخه وسخيفه وما تنطاقين شيخه : انتي هيييي لزمي حدودج هيام .. : ههه مشكله اذا اتسمين الانوثة دلاعه يل بوية صفية .. : جب ريم ..: اي شنو مو عاجبج ؟ صفية .. :لا عاجبني افا عليج وحليل البويات شيخه : وع وع وع شوفي روحج بالمنظره كأنج .... ولا ما ابي اقول افهميها بروحج قامت صفية وعطة شيخه كففف .. شيخه .. : انتي يل قذره تعطيني كف ؟؟ انتي يلي ما تسوين ظفري راحت شيخه وعطتها كف ودزتها وصار الضرب شيخه ما اقدرت عليها هيام وسوسن وريم وساره يفاججونهم بس ماحد قدر لين يات المشرفه .. واخذتهم كلهم للحجرة المشرفات .. المشرفه وهي معصبه .. : ممكن اتفهموني سبب الهوشه .. كلهم ياو بيتكلمون في وقت واحد .. المشرفه : وحده وحده عشان افهم شسالفه هيام تكلمي مب من عوايدج اتيين هني متاهوشه هيام ..: معلمة صفية كتت علي انه وريم ماي رحنا كلمناها شله اتكتين علينه ماي وهذي مب اول مره حتى شوفي مراييلنه شلون رطبة صفية ... : لا اتجذبين اصلا مب انه الي كتيت ريم .. : احنه بعينه شايفينج هيام .. : قامت اتقول شوف من ياي يتكلم مادري شتقول يات شيخه وسكتتها قامت عطتها كف وصار الطق المشرفه : ونتي صفية شمسوية في البنية شهل وحشيه احنه في غابة؟ شيخه لأول مره في تاريخها تصييح .. جدام العالم والناس << من الطق مسكينه صفية .. : اي اهي يات تبي تتهاش تبينها اتطقني واسكت لها المشرفه مو عاجبها اسلوب صفية .. : تكلمي بأدب ولا ماتحشمين حد انتي صفية : الحين انه شقلت ؟؟ المشرفه .. : احترمي نفسج ونتي تتكلمين .. وبتوقعين على انذار لنه هذي مب اول مره لج وماتيين باجر الا معا ولي امرج صفية .. : الحين كل الي سووه وانه الغلطانه ؟ المشرفه .. : اهمه اشسوو صفية : هاي شيخوه طقتني وذي ريم يات اتفلسف المشرفة .. : شيخه بتوقع على تعهد وريم ما سوت جذي الا لنج كتيتي عليها ماي شيخه وهي تشهق من الصياح .. : مايصير انه ما سويت شي المشرفة .. : ماكان لج حق اتطقين شيخه : اهي الي عطتني كف بلأول المشرفه .. : بعد راح اتوقعين على تعهد شيخه : مب موقعه هيام .. : مشرفه شيخه مالها خص اهي الي بدت المشرفة .. : كانت تقدر اتيي اتقول لي هيام .. : عاد حزتها صار الي صار ريم .. : اي معلمة حتى بعد ما طقتها شوي شيخه قامت هذي المينونه اتطق وماقدرت عليها شيخه شوفيها شلوون سوسن .. حاضنه شيخه وتصيح وياها .. المشرفه .. : وهذي شله اتصيح بعد هيام .. : على شيخه .. المشرفة .. : ولله عاد محد قالكم تطاققو كأنكم صبيان ريم .. : معلمة قلنالج ان صفية الي بدت وبعدين الي صار كله كان دفاع عن النفس يعني هذي اتطقها اتقوم اهي بدال ما تدافع عن روحها تدزها وتيي لج تركض؟ المشرفة .. : انتي جنج اتطنزين ؟ ريم .. : لا معملة .. بس هذا الحق المشرفة .. : بتوقع على التعهد وغصبن عنها شيخه بصياح : مب موقعه مب موقعه اتصلي في خوي المشرفة .. : جم رقمة ؟ شيخه ..: ******* اتصلت المشرفة .. ناصر بالدوام .. ناصر .. : الو ؟ المشرفة : الو السلام عليكم ناصر ..: وعليكم السلام ؟؟ من معاي المشرفة : معاك المشرفة الاجتماعية من مدرسة اختك .. ناصر .. : اي وحده فيهم المشرفة .. : شيخه ناصر ..: ياهلا صاير شي؟ المشرفة .. : اي اختك متهاوشه ومب راضية اتوقع على التعهد ناصر ... : دقايق واكون عندكم .. المشرفة .. : مع السلامة صفية .. : انه تأخرت ابي اطلع فسحه الحين المشرفة : لا ولله ؟ مسوييه سواتج وتبين تطلعين منها جذي ؟؟ صفية .. : يه شتبيني اسوي قلتي بتعطيني انذار مادري شنهو قالت لج انزين يلا عطيني بوقع وباطلع المشرفة : صج جليلة حيا .. مافي اتطلعين وعطيني رقم ولي امرج صفية .. : اي واحد فيهم المشرفة : اتمسخرين !! امج ابوج صفية ... : انه امي متوفية الكل طالعها !!!!! هيام عورها قلبها عليها .. شيخه الي من مساعه للحين اتشاهق بالصياح وقفت وقعدت اتطالعها .. مسكينه امها ميته .. المشرفة ... ارتبكت ماعرفت شتقول .. : انزين ابوج .. صفية .. : ابوي .. ابوي ماعرف رقمة المشرفة ... : شلون ما تعرفين رقمه مب ابوج !! صفية .. : تزوج وقطنه ببيت ما نشوفه كلش . المشرفة .. : اخو ؟؟ صفية .. : اخوي مريض وبالمستشفى المشرفة : اخت !!!!!!!! صفية . : ****** اتصلت المشرفه وهي فيها الصيحه .. صج حالها يقطع القلب .. الاخت .. : الو المشرفة .. : الو السلام عليكم الاخت .. : من وياي؟؟ المشرفة .. : انه المشرفة من مدرسة اختج الاخت .: صفوي ؟ شمسوية هل عله بعد المشرفة .. : متهاوشه ممكن اتيين المدرسه .. الاخت : لا ماعندي وقت انه الحين طالعه وبعيد اذا كلش فصلوها اهي جذي جذي مب فالحه المشرفة ..: !!! بس .. الاخت قاطعتها .. : مب بس فصلوها يمكن تتعلم لها صعنه في البيت المشرفة ..: مع السلامة.. صفية اضحكت ..: ههههههههه قالت لج مب ياية لا المشرفة وهي مو عارفة شتقول ..: عندج اخت غيرها صفية .. : لا المشرفة .. : صفية تقدرين تطلعين وووو بناديج بعدين .. صفية .. : والانذار ؟؟ المشرفة .. : بعدين بخليج اتوقعين تقدرين تطلعين الحين وهي يايه بتطلع .. ناصر داش شافها !! اتقزز!! اطلعت .. ناصر .. شاف اخته والدموع في عينها ومشمخه وحالتها لله !! ناصر .. قعد بعصبية .. : ممكن اعرف شلي سوى في اختي جذي؟ المشرفة .. : صارت هوشه بينها وبين طالبة ناصر طالع هيام .. واحشتني واحشتني واحشتني .. لف عنها وطالع المشرفة ..اونه ما يبي يشيل عينه من عليها ناصر ..: هذي خشونه غريبة شلون بنت اتسوي جذي!! انه ماراح اسكت .. المشرفة .. : ياخوي البنت مالها سند بهل دنيا .. ناصر .. : وانه شكو شحقه اتطق اختي بهل غجرية المشرفة .. : معليه امسحها هل مره في وهيهي وانشالله هذي آخر مره ناصر .. : انزين انه بردها البيت اهي وبنت خالتي .. المشرفة .. : اهي تعبانه مافي مشكله بس بنت خالتك شكو ؟ ناصر .. : عندنا اهل بيردون من السفر وردوا بالسلامة ويبون يشوفونهم المشرفة .. : خوي اهي جم ساعه يرن جرس الهده اظن ان هذا دوام مدرسي مب لعبة ! ناصر .. : وانه مو كل يوم ايي واطلعهم من المدرسه .. كفاية الي مسويته هذي الي ماتستحي بأختي المشرفة .. يأست منه .. : طيب تقدر تاخذهم .. قاموا كلهم راحوا الصف .. هيام .. : بس انه مابي ارد البيت الحين شيخه وهي تمسح دموعها .. : احسن من القعده في المدرسه .. هيام .. : اي بس انه مابي شيخه .. : يعني شنو ما بتيين؟ هيام : لا مب ياية باجي ثلاث حصص وانه يايه شيخه .. بس براحتج بقوله انج ماتبين اتيين هيام : انزين شيخوه حبيبتي مب اتروحين البيت اتكملين صياح .. خلج قويه شيخه احضنت هيام .. بعدها راحت وسوسن وياها وتمت هيام معا ساره وريم .. تحت .. ناصر متونس بتركب معاه بالسياره وبيشوفها في البيت شي يوونس .. شاف شيخه بدون هيام عقد حواجبه يات شيخه .. ناصر ..: وينها هيام .. شيخه : اتقول مب ياية .. ناصر بعصبية : شله ؟؟ شيخه .. : مادري اتقول ماتبي اترد البيت ناصر .. تحرك وهوسيب حظه وبخته وحالته القشره .. ركبو السياره وحركو السكوت معمم شيخه اتفكر بالي صار معا الي سوته فيها صفية لكنها كاسره خاطرها الام محد يعوض مكانها صج انه ابوي متوفي لكن امي حاله مكانه وناصر مو مقصر غير الاهل الي منسيني انه متوفي .. اهي لا اهل ولا ابو ولا ام الله يعنيها .. العيال ينحرفون لنه مافي وعي اهل هل يومين مهملين .. يارب احفظنه .. ناصر .. حظي زفت عمري ما توفقت معاها في شي .. غير جذي انه ما اقدر اسمع صوتها واتصل .. شهل حاله ياربي بس محلوة وصايره احلى حليلها حلوة وهي معصبه وهي مهمومة وهي مستانسه وهي مبتسمه الله يخليها انشالله .. Link to comment Share on other sites More sharing options...
فنكوش Posted يناير 28, 2008 Report Share Posted يناير 28, 2008 (edited) ولله مسكينه صفية صج بالأخير كسرت خاطري و عورني قلبي عليها فديتها ولله و اعتقد من الاسباب اللي خلتها جذي شيطانه و تسوي تصرفات صبيانية : 1- سوء الحاله النفسية اللي تعيشها 2- المشاكل اللي تعاني منها اللحين انا اندمجت معاها يعني مدري شلوون انفعلت لدرجة اني حسيتها قصة واقعية فعلآ بس اللي خلاني اعصب صج صج اختها ,, يعني شلوون مو مهتمة فيها و متجاهلتها جذي و ما تهمها مصلحتها !!!! هذي يعني تسمى اخت بلى عليكم !!! اما ناصر ههههههههه ولله يضحكني هالصبي يعني للحين مو مقتنع ان هيوووم ما تبيه ,,, يا اخي في الف وحده غيرها " مافي في هالبلد الا هالولد" ؟؟ ولله حاله!!!! يسلموووووووووووووووو بنووته الحداده على البارت العجيييييييييييب و الحلوووووووووووو ,, صج صج فــــــــــــــن بس عااد لا تنسين تحطين لنا مواقف حلوووه بين سمر و طارق Edited يناير 28, 2008 by فنكوش Link to comment Share on other sites More sharing options...
reeeeem Posted يناير 28, 2008 Report Share Posted يناير 28, 2008 مشكووورة عمري على هالبارت الحلوو وننتظر البارت الياي Link to comment Share on other sites More sharing options...
بنت الحداده Posted يناير 28, 2008 Author Report Share Posted يناير 28, 2008 فنكوش .. شكككككككككككككككككككككرا على تفاعلك الحلو بصراحه ردك يشرح القلب هههههه اشمعنى طارق وسمر ؟؟ لا تخاف انشالله البارت الياي فيه سموور وطارق رييم ..يسلمو حبيبتي على الرد Link to comment Share on other sites More sharing options...
أم حماني Posted يناير 29, 2008 Report Share Posted يناير 29, 2008 باااااااااااااااااااااارت ولا احلللللللى عجيب يسلمو وننتظر البارت الياي Link to comment Share on other sites More sharing options...
maiooo Posted يناير 29, 2008 Report Share Posted يناير 29, 2008 ثااانكس عل بااارت صج انه قصيير بس حلوووو وفييييه واااايد اكشين ومسكينة صفية.. الله يعينهاا.. وحتى نااصر مسكين.. يحيب وحدة ما تحبه,, صج قهر! وتسلمين عل باارت و ننتظر البااارت الياااي لا والله تصدقين طلع مب قصير... بس ماعرف ليش حسيته قصير Link to comment Share on other sites More sharing options...
Duck2007 Posted يناير 29, 2008 Report Share Posted يناير 29, 2008 Link to comment Share on other sites More sharing options...
غصون المحبة Posted يناير 29, 2008 Report Share Posted يناير 29, 2008 يسلمووووو خيوو على البارت ننتظر البار ت الجاي Link to comment Share on other sites More sharing options...
Recommended Posts