الدموع الضائعة Posted يونيو 27, 2008 Report Share Posted يونيو 27, 2008 (edited) بِسم اللهِ الرحـمَن الرحـيِم ] . . شتـآت حُـب . . [ مسـآئكـُم سُكـر تتنـاثـر مشاعـِـري في الصفحات البيـضاء للـ WorD .. وأُلـمـلمُهـا لآكـون رواية .. روآيـة كتبتها من واقعـي من احداث مُــرة .. وسعيـدة .. دمجتُهـا بخيـالي الوآسع .. لآكـون خيـوط قويـة وآسـاس هذهِ الروآية ... رواية تصيغ آحداث جنونية كـ.. العشق.. والحنـان ..والسعادة ..والجروح.. والحزن .. والالآم .. والامـل .. حكـآيـه حُـب .. كصـفاء المـاء .. و كـالوردة البيـضاء المتفتحة .. هـيَ حكـاية حُـب .. تدمج روحـان .. لـيكونـان قلبـاً واحداً... حِكـاية مفـعمة بالصعوبـات والعثرات .. فهـل من تقـابل؟! ::.: هُـنـا البِِدآيـه :.:.: \ / \ "الدموع الضائِعة" Edited يونيو 27, 2008 by الدموع الضائعة Quote Link to comment Share on other sites More sharing options...
الدموع الضائعة Posted يونيو 27, 2008 Author Report Share Posted يونيو 27, 2008 (edited) ] الجزء الاول [اليوم: الثـلاثاء الساعة: 06:05 كآنت قاعدة تطالع التلفزيون وهي مندمجة . "والحب" جنبها .. ابتـسمت مرة وحدة وهـي تشوف لقطة ان البطل يرجع للبطلة تأثـرت وتلآلات عيـونها .. شـافهـا اخوها وظـل يضحك ضربته بالوسادة اللي كانت جنبها وقالت بعصبـية: ليش تضـحك ؟ مافي داعي للضحك فاهم .. وزاد ضحكه عشان يقهرها انقهرت وكتمت غضبها .. لما شافته يعاند.. وتكلـم بتقاطع وهو يضحك: زن.. وب مااقدر ياربـي وظل يضحك تكلم مرة ثانية وكلماته كانت غير مفهومة : كأن اللا لش الحدث صاير تضحك وتصيح وياهم انقهرت وسكرت التلفزيون ومشـت عنه .. وظل يراقب تحركاتها .. وهو يضحـك .. ابتسم .. لما اختفت .. ودخلت غرفتها ..((دآخـل الحجـرة)) قعدت على الكرسي وهي منقهرة من حركات اخوها .. كانت تبي تكمل الفيلم لاخره .. بس خرب عليها!.. قامت فتحت ايميلها وظلـت تشابك في اصابعها بهدوء وهي منزلة راسـها .. نزلت منها دمعة ومسـحتها بسرعـة كبيـرة تحس بآلـم ووجع كـبير دآخـل قلبها حمـل كبيـر مثل الجمـرة .. شـي مايخـليها تبتسـم ابتسـامتها الحقـيقة .. كتمها لآلامها يخليـها تتوجع اكثـر بـس ماتقدر .. انها .. تبوح لآيـاً كـآن .. !.. طالعت روحها فـي "المنـظرة" وحاولت تخلـي ثغر منها يدل على فرح .. الدنيـا كلها مآ تسـوى إني انـكد على نفـسي .. بـشي .. قامت من الكرسي بهدوء ورآحت الحمام "الله يعـزكم" تغسـل ويها .. بعد ماطلعت فتحت دفتر .. وقرت اخر صفحة كـآن عنوانها:]وردة حمراء ذابلة [آهدآء ’ ’ ’ وردةٌ حمراء تلـك الى حُـبي واخلاصـي .. إلـيكـ وإلـى حُـبي الأبدي فـي أحشاء روحي متغلغل .. وردةٌ ذابلة تلـك لـعطـش حُـبي الى ماء عِـشـقكَ.. إلـى روحـكـ .. لـِ عيـنيـك التـي هي موطِنـي.. ولـِ نـظراتكـ التي اشتاقُـها .. هسمة: هُنـا نهـاية كِتابـة قلـمـي إلـيكـَ يـآعزيزي فقد جف الحُـبر وضاعت الاحرف .. وانتهى حُـبك هُنـا في اوراق دفاتـِـري .. التي اصبحت تملـك حروفه لشخـصك .. لآ آريـد الضياع اكثـر في متاهةً اعـرف انها ليـست لـي في نهايتها ... ودآعاً يـآ اسيـر قلبـي.. سـآتذكركَ دوماً.. دمعت عينيها مرة ثانية .. بس حاولت انها تتحاشاها .. وسكـرت الدفتـر هالدفتـر بيظل ذكرى حلـوة لحُبـي لك لكن هذي نهاية هالدفتر .. حضنت الدفتر وقالت بهمس : بشتاقك ..."زيـنب" مُـراهقة شقية .. عمرها .. 15 سنة .. في اول ثنوي .. بتروح مسار علمـي .. حبوبة .. وحساسة لدرجة .. رومانسية .. وتفتقد الحنان وايد .. مزاجية بعض الشيء.. واجتماعية .. دايماً البسمة في شفايفها .. حتى لو كان في قلبها مكتومة الفرحة .. كشكل بيضاء البشرة عيونها عسليـه وكبيـرة رموشها طوال وخفاف .. فمها ممتلي .. ورودي .. شعرها لنهاية ظهرها ولونه بنـي .. آكتفـي بهالحد للتعريف عنها((بيت آلـخال احمد )) ..: شمسوي في الدراسة .. ؟ عادل بهدوء يرد عليه: الحمدلله يوبه .. ..: ابيك هالمرة ياولدي تشد على روحك لا تضيعها عليك وتعيد السنة يعني .. الدنيا قصيرة لمتى جدي .. بتظل تعيد السنوات! بتخلص سنينك وانت على هالمدرسة .. هز راسه بالايجاب .. وظل مندمج بالكمبيوتر .. سوى اظافة وابتسم ابتسامة عريضة يحس براحة شوي ..! جت اخته جنبه وقالت: شتسوي عدول ؟ .. رد عليها بابتسامة: فاتح المسن صار ايميلي غبرة مب قاعد عليه من زمان .. طالعته بهدوء .. والاصفرار على ويها.." عادل" عمره 17 سنة في ثاني ثنوي .. عايد سنة .. بشوش .. يحب يتكلم ويا الناس .. حساس وايد .. وطيوب .. وكشكل .. ابيض وخدوده حمران .. طويل وضعيف.. عيونه عسلية وصغيره .. وشعره مب اسود .. ومب ناعم عدل .. "ايمان" عمرها 18 سنة .. اخر فصل لها .. حبوبة وتحب تضحك الناس .. ضعيفة وايد وقصـيرة .. ويها شكله بيضاوي .. وسمرة .. ملامحها حلـيوة .. وظل سرحان وهو .. يحرك الماوس .. بلا شعور .. وهو يفـكر بالاظافة .. ومتحيـر كانت ايمان جنبه وتحس ان هو مب .. معاها ... وقفت .. ومشت عنه .. دخلت الحجرة .. وظلت مبتسمة .. ومرة وحدة ضحكت .. طالعتها اختها بسخرية وقالت: صدق المثل اللا يقول الجنون فنون وقلة العقل مصيبة .. وظلت تضحك وتقول بهدوء: عدول كبر لا .. رفعت حواجبها وقالت: هرارة .. انتين على فكرة وسكتت عنها .. وهي متحيرة .! بالفعل من آخوها .. علاقتها أبه قوية .. لان مافي فارق مابينهم .. في العمر ويفهمون على بعض .. وتفهم اخوها .. بكل حركاته .. حتى لو خبى عليها .. هي فاهمته ..((فـي المجـلس)) كانو الصبـيان .. كلهم متجمعين في بيت "علي" والسوالف عامة المكان .. والضجيج .. والازعاج .. طلعت فاطمة بره والسرحآن يحتويها .. ظلت تطالع القمر ببسمة واسعة .. و هي تتحلم بآحلامها الواسعة .. تبـطل الباب بسرعة وتقدم خطوة وحدة ولما شافها ظل واقف متجمد .. وهو يشوفها سرحانة ووجها لفوق يطالع .. فتح عيونه على اخرها ويحس ان حرارته ارتفعت قعد يتآمـل وابتسامة رآودته .. ولما لفت ورا شافته وانصدمت .. وركضت بسرعة لداخل الصالة وقلبها يدق بسرعة .. ووقفت ورا الباب .. ومغمصة عيونها .. صدق غبية انـي ادري ان الصبيان اهني ياربي .. جّـان مايـسوي لي مشكلة هالعلـي وتآفآفت .. بحرة .. وطلعت فوق لغرفتها .. "فاطمة" مراهقة عمرها 19 سنة قاعـدة في البيت تدرس ترفيع مستوى عشان تدخل الجامعة .. شكلاً طفولـية بيضة.. .. وجهها دائـري وعيونها سودان وصغار وكل شي فيها صغير .. وشعرها .. يوصل لنص ظهرها .. وجسمها اوكـي وقـصيرة ..((دآخـل الصالة)) احتسـى من الجّـاي رشفه وحدة .. وقال لزوجته: عيل زنوب وينها؟ ابتسمت له وردت عليه بهدوء وهي تطالع التلفزيون: والله مااشوفها طلعت من حجرتها على غير عوايدها .. هز راسه .. ولما سمع تيلفونه يرن .. طلعه من جيبه.. وتباعد عن الصالة .. لان لقى الازعاج فيها "ابـو علي" ابو حنون لعايلته .. ماديته ممتازة .. يشتغل في البا .. عمره 48 .. ويحب عايلته وزوجته وتتكون عايلته من 4 بنات .. وصبيين .."ام علي" آم طيبة .. عمرها 44 سنة .. جت منى وقعدت جنب امها وقالت لها بهدوء: روحي شوفي زنوب ماادري شفيها ماطلعت من الحجرة اليوم .. تآفآفت .. منى وقالت بهدوء: خلها قاعدة في الحجرة شصاير يمه يمكن نايمة شي نزعجها يعني .. طالعتها الام بنظرة.. وخلتها تقوم .."منى" عمرها 17 سنة .. اخر سنة توجيهي .. شكلها حلو .. خشمها حاد وعيونها كبار وبنيين .. شعرها يوصل لنص ظهرها .. وبشرتها حنطاوية مخمليـة وخدوها ورديين .. طقت الباب ودخلت لقت الحجرة ظلمة وكانت زينب منسدحة وغافية وصوت الايسي يهف عليها .. سكرت الباب بهدوء مرة ثانية ورجعت الصالة وقالت لامها بهدوء: يمه نايمة قلت مابقعدها هي تتنرفز إذا احد يقعدها .. قالت الأم بحره: أنتي مافيج نفعة انه بروح أشوف بنتي ابرك لي .. وقامت .. وصلت الحجرة و بطلت الباب بهدوء.. وراحت فوق السرير ومسحت على شعرها البني بحنان وظلت تناديها : زينب زنووب .. زينب .. لما سمعت صوت نداء امها .. واستوعبت الأمر .. قامت بخبلة وقالت: نعم يمة؟ .. وحطت يدها ع جبهتها تحس بعوار في راسها .. يصير لها لما تنام غصب عنها .. وابتسمت لها الأم بحنان : قومي بسش حكره في هالحجرة .. قعدي ويانا في الصالة ومرة وحدة تعشي بعدين نامي .. هزت راسها .. بالإيجاب وطلعت الأم وعطتها ابتسامة رضى .. قامت بسرعة وحست بدوار فيها .. حطت يدها مرة ثانية ع راسها .. ولما حست بالتوازن .. رآحت الحمام "الله يعزكم" .. وغسلت ويها .. بدلت ثيابها ولبست شي خفيف للبيت .. وقعدت على السرير .. شافت ايميلها مفتوح وقالت: يارب حتى ايميلي سهيت وماسكرته .. راحت قعدت على الكرسي .. وشافت اظافة .. "فارس" طالعت بصدمة لا ! ونطقت اسمه بصعوبة: ع ادل .. وقبلت الاظافة لا شعوريا وتحس بجسمها كآنه شلل ! ليش قبلته زينب مو انتين طويتين هالصفحة ليـش تبين تسوين صعوبات اكثـر كفاية يازينب كفاية .. وقالت بهدوء: هو ولد خالي يعني عادي اني اكلمه ويكلمني .. شافته متصل وقلبها دق بسرعة .. ودق اكثر لما شافته داخل عليها المـُحادثة:. فـارس: السلام عليكم بـشروه إني آ بـرحل: وعليكم السلام والرحمة .. فـارس: اخبارج زنوب؟ بـشروه انـي آ بـرحل: الحمدلله بخير وانت؟ فـارس: نسال عنج يالغالية .. انه بخير.. بمكالمتج .. ارتبكت من كلماته دوم عادل .. يربكني بكلماته ليش جدي ياربي .. مشكلتي اني ادري مابنساك بسهولة .. فما ابي اكلمك ليش ظفتني مرة ثانية تنهدت بصوت ملحوظ وسمت بالله فـارس: شفيج ساكتة بـشروه انـي آ بـرحل: مافيني شي .. بس ماعندي شي اقوله فـارس: قولي ماتبين تتكلمين معاي حست .. بالغصة داخلها وقالت غلطان ياعادل انا ابي اكلمك بس مااقدر في حواجز لازم تنبني بيني وبينك ولازم اكون انسانة ثانية خلاص .. مايصير .. اكمل هالطريق واخون ثقة اهلي .. اهلي عطوني الحرية بس هذا مو يعني اني العب في هالحرية مثل ماابي .. شافت السكوت مابينهم طول .. وحاولت تتهرب .. بـشروه انـي آ بـرحل: اوكي عادل بروح اقعد مع امي مع السلامة فـارس: الله يسلمج سكرت أيميلها .. ومشت .. و الارتباك باين عليها .. ليش لما قررت انساك جيت .. كنت بستانس لما كنت احبك بجنون وعندي آمل انك تحبني .. سكتت .. وليش انتي الحين يعني ماتحبينه زينب بسج .. أنتي تدرين إن قلبج يغليه عن باقي البشر .. ليش هالتهرب اللي فيج .. ليش مااقوله اني احبه طردت هالافكار من نفسها وقالت في نفسها مو ممكن اني اتخلى عن كرامتي واقوله احبـك وحتى لو هو اعترف انه نفسي مابقوله هالكلمة لان هالشي مستحيل في مجتمعنا وحرام بالاساس ماابي اغضب ربي اكثـر كفاية الذنوب اللا انه مرتكبتها .. كملت طريقها وراحت قعدت جنب اختها منى .. وحاولت تلاشي ... الحزن منها .. وتزيف ابتسامة .. من ابتساماتها ..((من الصوب الثاني)) سكر المحادثة وهو منقهر من معاملتها له .. صرتي جافة معاي يا زينب ليـش .. شمسوي لج انه ماتوقعت ان اول محادثة بتكون لنا هالجذي أبدا.. تنهد .. وسم بالله .. وسكر ايميله .. ((في بيت الخالة مريم)) سناء: شرايش في هذا حلو؟ زينب: أي طالع عليش حليو يالبـصوة ضحكت سناء على كلمتها وقالت: مخليتنه لعرس حميدة رفيقتـي زينب: مشترتنه من وين ..؟ سناء: رحت ويا زنوب ومنوي بنات خالاتي .. مجمع اللولو .. واشتريته .. هزت راسها زينب .. وقالت بهدوء: من وين الفلوس .. سناء: أمي عطتني من وين يعني من أبوي مثلاً .. وخنقتها العبرة وقالت لها بهدوء: زينب رجاءاً لا تذكريني كفاية كارهة العيشة في هالبيت .. انطق الباب وقالت زينب: هه منو اللي يعرف الادب في هالبيت .. دخلت الام وهي تحك راسها بهدوء: زينب ابوش يبيش.. قامت .. وطلعت الحجرة .. وهي ساكتة .. وتدري شيبي منها طبعاً.. سناء: شيبي فيها بعد .. ردت عليها الام بعصبية وقالت: هذا أبوش يا سناء عيب تتكلمين عنه جذي .. حركت شفايفها وقالت: عشتو .. الله ويا الابو .. تنهدت الام .. بآلـم وسكتت .. وصلت زينب .. وراحت لبست عبايتها وشيلتها طالعتها سناء وقالت: شيبي فيج هذا؟ زينب: شيبي يعني "جقايـر" وهي تحرك .. يدها .. مشت وطلعت طالعت امها اللي كانت سرحانة وقالت: هذا اللي يعرفه الأب الكريم .. يدز أولاده اللي حتى مايفتكر فيهم يوم ويقول شيبون .. هذا أبو يمه هذا مزبله .. ماتحملت القعدة مع بنتها وطلعت .. حز بخاطر سناء .. هي مو قصـدها تضايق احد بس والله العيشة في هالبيت صارت مستحيلة في احد عيل .. أمهم اللي تصرف عليهم والابو عايش في قلب بهالقساوة اللي هو فيها مافي والله مافي .."سنـاء" إنسانة اجتماعية عمرها 18 سنة عايدة السنة .. تحب الجمعات.. متربية مع بيت خالتها .. تحب وايد تقعد معاهم وتروح بيتهم وايد .. تُعتبره بيتها الثاني وبنات خالتها متعلقين فيها بعد .. تحمل حقد كبير على ابوها ومـاتسميه ابوها ابداً.. وتقول دايم ان هذا مو ابوي .. شكلها هادىء سمرة .. وعيونها صغار وعسليين .. وشعرها اسود غامق وناعم يوصل لكتفها.. وبـس "زينب" انسانة طيوبة .. عمرها 15 سنة .. في اول ثنوي .."الخـالة" تعجبـني هذي الشخصية هي مثال الصبر .. للجميع .. على اللي هي فيه .. متحملة الامها .. وكتمتها .. وظلت مؤمنة بربها .. وقعدت تنتظر من زوجها الظـالم .. رغم انه مايصرف عليهم .. وهي مصدر الصرف على اولادها .. اللي تعدى .. عددهم الـتسعة .. ظلت متحملة زوجها سنين .. وللحـين تتحمل اكثـر واكثـر .. فـي الصبح الساعة 07:01((دآخـل حجرة زينـب)) عدلت حجآبها الاسود .. وحطته ع راسها .. وحطت الإبرة بشكل مرتب .. وربطته .. ومسحت عليه بهدوء بيدها الطويـلة ..وحملت شنطتها ووجها .. باين عليه التعب .. مشت بهدوء .. وحست بالدوار مرة ثانية .. ولما حست بالتوازن .. كملت طريقها وركبت الباص .. ركبت و لقت كرسي فاضي .. دخلته .. وقعدت بهدوء .. ونزلت راسها .. بإرهاق .. صايدنها ارق ومب قادرة تنام .. تعبانة .. بس لازم اتحمل هذي اول خطوة اقوم بها .. لقتها صديقتها زهرة .. وابتسمت وياها وبادلتها زينب بابتسامة .. باهتة .. وقعدت جنبها وظلت تسولف وياها ... وتارة .. زينب تكون معاها وتواصل وياها وتارة ماتدري شتقول ((علـي+حسين)) ..: تعرف انا ماعرفت قيمة الصداقة ياعلي .. اللا معاك انت اللي حسستنـي .. أبها ابتسم علي معاه وحط .. يده ع كتفه وقال: حسين .. أنا كنت أدور .. الصديق اللي أوثق فيها وما اعتقد أبدا إني بلقى .. غيرك .. ارتبك حسين .. لما سمع كلمة "ثقة" .. وتذكر موقف امس يتذكر تقاسيم ويها الطفولـي .. وويها الـدائري.. تسارعت دقات قلبه .. هالانسانة غيرت فيني اشياء بس ماادري ليش كل مااشوفها ارتبك .. حتى لو تجيب سيرتها علي .. والله ارتبكـ تنهد بخفة .. وحاول يكون طبيعي .. ضحك علي وقال: تذكر اول ماصرنا مع بعض في صف واحد .. كنت اذكر اني مااواطنك ولا تواطنـي .. ولا على كرسي كنا متهاوشين ياربي هههه .. ضحك حسين وياه وقال: أي والله .. شلون كنا جهال وتفكيرنا شلـون .. هز راسه علي وقال: السنين تمضـي .. بسرعة .. وماعاد في وقت .. كبرنا .. وتفكيرنا كبـر وعقولنا نضجت وصار تفكـيرها يختلف عن قبل .. حسين: تدري كل مااتذكر مواقفي وانا في ايام المدرسة اضحك شلون كان اسلوبي جذي وشلون .. كنت اتعامل مع الناس بهالعنف .. علي: الزمن يمضي .. وراحت ايام اللعب واللهو وجا الجد الحين هز راسه بالايجاب .."حسـين" هالشخصية تجذبـني .. او بالاحرى تعجبنـي .. عمره 21 سنة .. كبر علي .. وصديقه الروح بالروح .. اجتماعي .. وفيه غموض .. وايد .. "علي" انسان انطوائي قليل ماتشوفه يضحك معاك .. يحب يقعد مع خواته وبالاخص اخته زينب .. قريب منها بس ماتقوله عن اسرارها ولا هـو .. يحب صديقه حسين .. ويعتبره صديقه الوحيد اللي يوثق فيه .. هذا اللي اقدر اقوله الحـين عن هالشخصية .. الساعـة: 03:33 م اليوم: الخميـس((فـي الصالة)) كانـو كعادتهم متجمعين في الصالة .. والابو بعده مايوصل من الشغل .. زينب: بقوم اسوي لي كوفي من يبي..؟ مُـنى: مي .. طالعت زينب امها وقالت: يمه ماتبين .. هزت راسها بـالنفـي .. وكملت طريقها زينب .. انفتح باب الصالة والكل توجه عيونه عند اتجاه الباب .. ودخل منه علي .. ابتسم وياهم .. وقعد جنب منى.. منى: علي خاطري اطلع ضحك وقال: وين تبين؟ منى: أي مكان مجمع حديقة .. ابا اغير جو حتى لو عسى بحر .! قابلة.. هز راسه وقال: زنوب وين عيل؟ منى: راحت تسوي كوفـي .. تبي؟ هز راسه بالنفـي وقال: روحي اساليها وين تبي تروح وبوديـكم استانست منى وراحت المطبخ .. وقالت بسرعة: زنوب علي بيطلعنا وين تبين تروحين .. لما سمعتها زينب ابتسمت .. كان خاطرها تطلع تغير جو من اللي هي فيه يمكن ينفع .. ونفـسيتها .. تتحسن وتصير نفس الناس .. زينب: آممم ماادري كيـفش وين بتروحين منى: يعني .. آي مكان نروح .. ماعندي اشكال .. زينب: اوكي خلينا نروح اي مجمع واختاريه انتي .. هزت راسها منى وقالت: نروح الدانه زينب: اوكي بس شوفي علي ... راحت منى وردت رجعت لما سمعت احد يناديها وقالت: شنو بعد؟ تكلمت زينب وهي تحط الشكـَر "السكـر" في الكوبة وقالت بحذر: بتصل لسناء تجي ويانا تتونس ويانا .. عن الاقل مسكينة .. ابتسمت لها وقالت: اكيد يعني مابنطلع بدونها وحملت زينب كوبة .. وعطتها منى .. واخذت كوبها وكملت طريقها للصالة .. علي: همم .. قررتون .. منى: أي نبي نروح الدانة علي: سينما ماابي .. طفشت ! زينب: ولا انا .. بس رايحين نتسوق يعني ضحك وقال: عيل نجهز نفسنا للتفلس ضحكت زينب وقالت: افا الفلوس تغلى علينا علوي علي: أي تغلى ونص فتحت عيونها ع الاخر وظلت تضحك .. وقالت بهدوء: مالت اقول .. ضحك وقال: .. بس عيل .. انا انطركم الليل ها الساعة 7 ونص انتو بارزين ماابيكم تغربلوني .. هزو راسهم بالايجاب .. وقام .. طلعت زينب تيلفونها .. من مخباها .. "موتريلا" وردي .. كان لونها بناتي .. و ظغطت على اسم " سنوي " .. وقامت من الكرسي .. لما جاها صوتها ابتسمت وقالت: الو السلام عليكم سناء .. سناء: وعليكم السلام .. اهلين والله بقمورتي .. ضحكت زينب بنعومة وقالت: شخبارج عساج بخيـر سناء: طيبة والله ونتي زينب: الحمدلله تمام اللا اقول ناوين نطلع الليلة تجين معانا؟ سناء: آمم والله بكرة اجازة .. ليش مااطلع بس منو بيطلعنا ووين ؟ زينب: بيطلعنا علي .. وقررنا الدانة اللا اذا ماعجبـش المكان نغيره سناء: لا اوكي .. زينب: اوكي عيل الكردت بيخلص ها .. سلمي على خالتي وعلى زنوب .. سناء: لحظة زينب: نعم تكلمت والعبرة .. خانقتها: زنوب مشكوورة .. انتو كل شي بحياتي ماادري شنو كنت بسوي بدونكم .. ضحكت زينب وقالت: يالله سناء تنكدينها علينا .. الساعة 7 ونص بارزة وبلا هالتغيلظ أي صح قولي لزنوب تجي معانا عشان الطلعة تحلى اوكي؟ تكلمت برجفة من الصيحة وقالت: اوكي .. سكرت التيلفون .. وحطته في مخباها مرة ثانية((من الصوب الثاني)) حضنت يدها وطاحت دموعها بغزارة ليش احنا حالنا جدي ليش ياربـي " وكـَـم من الآهـات يـآإلـهي انـه اتحمـل ارحمـني برحتمـك ياربـي " انتـهـى الجِزء " " Edited يونيو 27, 2008 by الدموع الضائعة Quote Link to comment Share on other sites More sharing options...
danat aldonya Posted يونيو 27, 2008 Report Share Posted يونيو 27, 2008 بداية حلوه اتمنى انج تكملينها وبانتظار الجزء الثاني يسلموووووووووووو بداية حلوه اتمنى انج تكملينها وبانتظار الجزء الثاني يسلموووووووووووو Quote Link to comment Share on other sites More sharing options...
السمكة المفترسة Posted يونيو 27, 2008 Report Share Posted يونيو 27, 2008 روووووعة ناطرين الجزء الي بعده Quote Link to comment Share on other sites More sharing options...
بدون اسم احسن Posted يونيو 28, 2008 Report Share Posted يونيو 28, 2008 روعة بانتظار البارت الياي لاتتأخرين.. Quote Link to comment Share on other sites More sharing options...
مينونة ومخرفة ومخرخشة Posted يونيو 28, 2008 Report Share Posted يونيو 28, 2008 بداية القصة حلووه .. احنا ناطرينح تكملينها .. لاتتأخرين علينا .. يسلمووو .. Quote Link to comment Share on other sites More sharing options...
الدموع الضائعة Posted يونيو 28, 2008 Author Report Share Posted يونيو 28, 2008 danat aldonya شُكـراً ع المـرور لكـ جزيـل الشُكـر ع التشجيع السمكة المفترسة الأروع تواجدكـِ ... شُكراً لكـ من قلبـي بدون اسم احسن .. احسنت\تِ غالي\تي .. شُكراً.. مينونة ومخرفة ومخرخشة تعقيـبكـِ الاحلـى اشكركِ كُل الشكـر .. شكْراً لكـم جميعاً على الـحضـور .. البـآرت .. سيكـون قريبـاً بين يـديـكُم .. Quote Link to comment Share on other sites More sharing options...
الحب الضياع Posted يونيو 29, 2008 Report Share Posted يونيو 29, 2008 روعة بانتظار البارت الياي Quote Link to comment Share on other sites More sharing options...
القطوة !! Posted يونيو 30, 2008 Report Share Posted يونيو 30, 2008 يسلم عالقصه بانتضار جديدك يا الغلا =) Quote Link to comment Share on other sites More sharing options...
الحب الضياع Posted يوليو 1, 2008 Report Share Posted يوليو 1, 2008 ننتظر Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.