Jump to content
منتدى البحرين اليوم

|| هيـــــــــــــــامـ قلبيـــــ || ((3))


Recommended Posts

 

 

 

السلآآآآآآآآمــ, عليكــــمـ,

 

راح تتـــمـ,, موآآآصلــــة القصـــهــ, في هل موضوووعــ,

 

وشكراً لكل من تابعني وصبر على القصه :ph34r: ,, >> تدري انها طولت ويمكن ملييتوو ,,

 

تحياتي ,,

 

|| هـــيـــــام قــــلبـــــي || (( 2 ))

 

بنت الحدادهـ,

 

Edited by bo_samraa
Link to comment
Share on other sites

  • Replies 552
  • Created
  • Last Reply

Top Posters In This Topic

و عليكم السلام يا هلا ولله

 

انشالله و احنا بإنتظار البارتات

لا ولله انا ما مليت بنووته ودي القصة ما تنتهي ولا تكمل الى نهاية السنه بعد خخخخ

بعديين عااد انا بتملل اذا ما شفت شي عدل علشان اقراه :ssm11:

 

يعطيج الف عافية و عساج عالقوه :up:

Edited by فنكوش
Link to comment
Share on other sites

ايوااااااااااااا

فدييييييتجـ بنتوووو

صجـ عشنا جوووووو معـ القصة

انا بصراحة ما مليييييييييييييييييتـ

فديتجت

زينـ البارتـ اليـ طافـ ما مدانيـ ارد

بسـ كااااااااااانـ رووووووووووووووووووووووووووووووووووووووووووووووعة

و لا العرسـ فلتهـ

طروقـ و سكور فديتهمـ

و لا الشيخ عليـ مصدقـ تتكلمـ عنهـ ككـ

زينـ زينـ انا حديـ مستعيلة بسـ ابي ـمواقفـ بينـ علويـ و شيخووووووو تكفييييييين طلبتجـ

و العيايز لا تنسييييييييينـ

المدرسة بعد ما صار شيـ فيها

و الاهمـ رموووووووي و هيامو تكفييييييييييين رجيتج ابي موقفـ بينهم

ميريييييـ و العاشقـ الولهاااااانـ

و نصووووووووووور؟؟ شروووووووووفـ

عاد عاد كثرررررررريـ منـ المواقفـ و الاكشنـ امانة

سامحينيـ ما اقدر اطولـ

Edited by أسيرة الورد
Link to comment
Share on other sites

ايوااااااااااااا

فدييييييتجـ بنتوووو

صجـ عشنا جوووووو معـ القصة

انا بصراحة ما مليييييييييييييييييتـ

فديتجت

زينـ البارتـ اليـ طافـ ما مدانيـ ارد

بسـ كااااااااااانـ رووووووووووووووووووووووووووووووووووووووووووووووعة

و لا العرسـ فلتهـ

طروقـ و سكور فديتهمـ

و لا الشيخ عليـ مصدقـ تتكلمـ عنهـ ككـ

زينـ زينـ انا حديـ مستعيلة بسـ ابي ـمواقفـ بينـ علويـ و شيخووووووو تكفييييييين طلبتجـ

و العيايز لا تنسييييييييينـ

المدرسة بعد ما صار شيـ فيها

و الاهمـ رموووووووي و هيامو تكفييييييييييين رجيتج ابي موقفـ بينهم

ميريييييـ و العاشقـ الولهاااااانـ

و نصووووووووووور؟؟ شروووووووووفـ

عاد عاد كثرررررررريـ منـ المواقفـ و الاكشنـ امانة

سامحينيـ ما اقدر اطولـ

 

 

من عيووووني تامرين على عيوني انتي والله ,, لا تترجيني ولاشي انا جم اسيروو عندي ! ,, انتي تامرين عيوني ,, مشكوره على الرد والمتاابعه حبيبتي ,,

 

 

 

 

 

Link to comment
Share on other sites

هلا هلا بكاتبتنا المبدعة .. المتميزة .. الغالية ع قلوبنا

اصلا اللي يقرا قصتج ماوده ينساها ابد لانه فيها روح وتراث ديرتنا الغالية البحرين ،، تخلي القارئ يحس فيه لانه انفقد بهالوقت .. حتى الحب طعمه غير بقصتج ويحس القارئ كأنه عايش مع ابطال القصة تماما .. واحنا مابودنا هالقصة تنتهي لأنه تعودنا عليه وع كل كلمة فيها اللي مثل العسل ع القلب

ومهما امدح ماوفيج بحقج يا أروع كاتبة بمنتدى بحرين تودي

وبانتظار بارتاتج الحلوووة ع احرر من الجمررر

تحياتي

Link to comment
Share on other sites

تسلمين حبيبتي والله انه احنا عمرنا ماراح انمل من قصتج

 

بلعكس على طول متابعينه بس ساعات مايصير عندنا وقت انرد على البارتات

 

بس والله حبيبتي قصتج روعه وننتظر بارتاتج اليديده دايما

 

وننتظر البارت هاي والاحداث الكشخه

Link to comment
Share on other sites

هههههـ

فديتجـ

جفتيـ منـ العيلة جمـ حرقة قطيتـ خخخخـ

السمووووووحة

خخـ

ما تقصرينـ :$

 

 

عاااددي حبيبتي ,, :smile:

تسلمين حبوبه ع القصة الروعة :n6:

 

وننتضر جـديـدج :LL

 

 

نسلمين عيوني على الرد

 

هلا هلا بكاتبتنا المبدعة .. المتميزة .. الغالية ع قلوبنا

اصلا اللي يقرا قصتج ماوده ينساها ابد لانه فيها روح وتراث ديرتنا الغالية البحرين ،، تخلي القارئ يحس فيه لانه انفقد بهالوقت .. حتى الحب طعمه غير بقصتج ويحس القارئ كأنه عايش مع ابطال القصة تماما .. واحنا مابودنا هالقصة تنتهي لأنه تعودنا عليه وع كل كلمة فيها اللي مثل العسل ع القلب

ومهما امدح ماوفيج بحقج يا أروع كاتبة بمنتدى بحرين تودي

وبانتظار بارتاتج الحلوووة ع احرر من الجمررر

تحياتي

 

وااااييي وردوووووه خدودي صاااارو حمممر \\احرجتيني والله ,,

 

والله قصتي بدونكم يا اروع قراء بالعالم ما تسوى شي ,,

 

أنتي الي روعه وعسل وكلشي حلو والله ,, الله يعلم بمعزتج عندي

 

تسلمين غناتي تسلميين

 

 

تسلمين حبيبتي والله انه احنا عمرنا ماراح انمل من قصتج

 

بلعكس على طول متابعينه بس ساعات مايصير عندنا وقت انرد على البارتات

 

بس والله حبيبتي قصتج روعه وننتظر بارتاتج اليديده دايما

 

وننتظر البارت هاي والاحداث الكشخه

 

 

حبيبتي والله ,, وأنه عاذرتكم اكفايه انتو تقرأونها بين الوقت والثاني وهذا اكبر شهاده لي ’,,

 

تسلمين عيوني على الرد

Link to comment
Share on other sites

أما هااااااني كان مو قادر يسد حلجه من كثر الهدزه والأبتسااامة الي كأنها علامة على ويهه بس شاق حلجه وبسس ,,

 

وجاسم قاعد وفرحااان لخووه جاسم غير عن ابووه بسيييييط يحب البساطه حتى انه بالدوام يوقف بالساعات يسولف مع الفراشين ومرافجهم ,,

 

وعند الحريم بالصاله ,, هيام مستااانسه بأن هاني بياخذ ريم وقااعده وتمدح برييم ,, ام طارق ريم عاجبتها ومستانسه علييها ,,

 

 

ام رامي ,,: حياكم الله ,,

 

ام طارق ,,,: الله يحييج ,,

 

ام ناصر ,,: ماشالله عليها بنيتج قمر منزل من السما ,, ماقول غير يابخته ولدنه

 

ريم محممممممممره ومستحييييه ومو عااارفه شتسوووي ,,

 

شيخه ,, بهمس ,,: بسج اعنبوو اشاره مو ويه ,,

 

ريم ,, : شيخه يووزي عني الله يخليييج ,,

 

كانت سوالف الحريم حلووة وما تنمل وكلهم حابين القعده ,,

 

لكن عند الرياييل ,,

 

مطر ( بو عبدالله ) قاعد جنب بو رامي ,,

 

بو طارق ,,: أحنا جاهزين بالي تطلبون لو تبي تسوي عرسها برا الديره وبدال بطايق الدعوة انطرش للمعازيم تذكرة سفر هم ما عندنا مانع ,,

 

رامي تضايق كأنهم يايين يشترون اختي شروة ,, مثل اي سياره مايدرون ان لو يوزنون ريم كنوز الدنيا ما ساوتها ,,

 

 

رامي ,,: أحنا مانبي شي خيالي ,, احنا ناس عاديين ونبي شي عادي ,,

 

بو طارق ,, بغرور ,: المهم انا بس حبيت ابين لكم ان احنا حاضرين وما بنقصر ,,

 

طارق تدارك الوضع ,,: يه رمووي اصلا انا ياي على بالي اسوي لهم العرس مثل المصريين ,, في الطريج وانييب لهم فرقه اتزفهم ولا اشرايك ؟؟

 

رامي ,,: هههههههههههههههه والله خووش فكرة

 

بو طارق طالع طارق بعصبية ,, وتم ساكت ,,

 

بو رامي ,, وهو يطالع هاني ,,: أحنا نشتري ريال يابو طارق ,,

 

بو طارق ,, ريال مو من مواخيذكم ولا من مستواكم ,, اشهل حاله ,,

 

بو طارق اسطنع الأبتسامه من بعد ما شاف الفرحه بويه ولده هاني مو سايعته الدنيا ,,

 

بو طارق ,,: انزين نبي نتفق على التفاصيل يابو رامي ,,

 

بو رامي ,, : قبل ايشي البنت عندها كم شرط

 

 

بو طارق تغيرت ملامحه بعد بتشرط! ,, رضينا بالهم والهم ما رضا فينا ,,: قول

 

بو رامي ,,: تبي اتكمل دراستها ,, وتشتغل بعد ما اتكمل دراستها ,,

 

هاني نط ,,: من عيوني ,, اهي تامر ,,

 

بو طارق حز ولده ,,

 

الكل لاحظ على بو طارق انه موعاجبه شي ,,

 

ورامي كان متضايق وخايف على اخته ,, مهما حبج هاني يا ريم ما بيحبج اكثر من هله ,,

 

 

 

 

اتفقوا على كلشي ,, والتخوف في قلوب الصوبين ,,

 

هاني كان مستعيل على الملجه وطلب انها اتكون عقب اسبوع ,, وحفلة الخطوبة والعرس يكونون بعد التخرج ,,

 

 

 

خبروا الحريم ,, بكلام هاني

 

وطبعاً ريم انصدمت !! اسبوع بس!!!!!!!!!

 

قاموا الحريم ايببون ,, ووصل الصوت لي الميلس

 

وأحساس هاني كان مثل الريال الي ناطر مرته توولد ,,, اول ما سمع اليباب ماصدق عمره وشق حلجه عدل وحضن ابوه وباسه على راسه ,,

 

طارق ,,: مبرووك يا خوي زين ما خترت ,,

 

هاني وهو مو مصدق روحه للحين ,, معقوله ! حبيت وانا اليوم ياي اخطب بنت احلامي الي تمنيتها طول حياتي ,, والي ملكت قلبي وروحي وعقلي ,, الحمدلله الحمدلله ,, : الله يباارك فيك

 

طلعوا الرياييل ,

 

راح بو طارق و الخال سلمان والخال محمد ,, وجاسم ,, وتم طارق مع هاني في الميلس مع رامي ,,

 

 

طارق ورامي يسولفووون وهاني سرحآآن وبعالم آخر ,,

 

طارق ,,: يلا هاني نمشي

 

هاني ما يسمعه ,, رايح بسرحااانه ,,

 

طارق ,,: هااني!

 

هاني ,,: هلا ,,

 

طارق ,,: وين رحتت يببه

 

هاني ,, ابتسم والفرحه باينه بكل تفاصيل ويهه ,,, : ولا مكان,

 

طارق ,,: قومم بسك احلااام يا معرسنناا ,,

 

 

هاني ,,: وين اروح ؟

 

طارق ,,: بيييه شوف رااامي شسوت اختك بخووي اتسودن الريااال ضيييييع !!

 

رامي ,,: هههههههههههه ايييييه الله يهنيكم ,,

 

هاني ,,: ههههه صج طارق وين بنروح ؟

 

طارق ,,: الكورنييييييييييش

 

هاني ,,: من صجك هل حزه ! .؟

 

طارق ,,: بااااال صج انك رايحه عليك قوم قوووم بنروح البيت ,,

 

 

هاني ,,: شنهووو ,, انا مب متحرك من هني غير لمى اشوفها واكلمها ,,

 

رامي ,,: هههههه لا تخليني اسوي لك متعصب ما تشوفها الا بعد العرس

 

 

هاني ,,: لاااا ارجوووك مو وقته تتعصب علي ,, خلني اشوفها والله قلبي بيطلع من مكانه ودي اشووفها ,,

 

رامي ,, : بييه قام التغزل ,, تراها للحين ما صارت امرتك ,,

 

هاني ,,: خلاص بعد شنهو انا اثبت لك حسن نيتي ويبت العايلة الكريمة كلها وخطبنا البنت والملجه عقب اسبووع ,, مافيها شي لو شفتها وتكلمنا ,,

 

رامي ,, ابتسم ,,: امممزح اشفيك مشوووط

 

هاني ,: آآخ يا رامي لو تجرب الحب انت بس تعذرني ,,

 

رامي ,, أنا ! ,, صح ما حبيت ,, لكني عشقت وهويت ,, ولو تامر على عيوني عطيت ,, ما تعرف الي داخلي شنهو ,, هذا اكبر من الحب شي اعلى وارقى ,, شي تملكني ,, صار دنيتي كلها ,,

 

 

طارق ,,: شدرااك يمكن الأخ يحب بس ماندري عنه ,,

 

هاني ,,: اي والله يسويها ,,

 

رامي ابتسم ,, الي بقلبي اقرب لكم من ما تتصورون ,,: كل انسان يحب ,,

 

طارق ,,: ها رموووي يعني في وحده !

 

رامي ,,: لكل قلب رجل سجانه واحده مهما تعددت النساء

 

هاني ,,: أوووف تحجى قيس بن الملووع ,,

 

رامي ,,: ههههههههههه

طارق ,,: أنزين من هاذي ومن وين تعرفها ؟

 

رامي ابتسم له بثقه وهدوء ,,: كلشي بوقته حلو ,, بقولك لا تخاف ,,

 

هاني ,,: الحين انا مب فاااضي لهل سووووالف ابي اشووف ريم

 

رامي ,,: الحريم للحين ما طلعوا شلون اردعم !

 

هاني ,,: امي وخالتي راحوا مع ابوي وسلمى مع ريلها وسمر كاهو ريلها ,, وهيام وشيخه ياخذهم طارق ,,

 

طارق ,,: الله الله على التوزيع ,,

 

هاني ,,: ايي يلا يلا ,,

 

طارق ,,: انزين ,, بتصل في سمر عشان تطلع ,,

 

رامي وده يشوف هيام ,,

 

رامي ,,: خلاص طارق ما يحتاي تتصل وأحنا بنفس البيت ,, انا اطلع اقولهم أنك بتمشي ,,

 

طارق ,,: أوكي ,,

 

 

 

 

 

 

طلع رامي من الميلس وكح عشان لو في وحده ماخذه راحتها تعتدل ,, لأنه بيدخل ,, الصاله ,,

 

 

هيام سمعت الكحه شرقت ,,

 

شيخه ,,: وي اشفيييج

 

هيام وهي اتكح ,,: ولااشي بس شرقت ,,

 

دخل رامي ,, مافي غير امه وهيام وشيخه وريم وسمر ,,

 

رامي ببتسامه ,, : طارق يقولكم اهو ينطركم في السياره ,,

 

سمر تطالع هيام الي محمرره وقامت على طوول ,, وتطالعه يطالعها بحب غرييييب ,, كانت عيونه اتعبر وتقول كلام وكلام ,,

 

سمر ,,: يلا عن اذنكم ,,

 

شيخه تهمس لهيام ,,: مسوي ديرتي( مربي الحية على خفيف ) الغاوي ماان ,,

 

 

هيام حاقرتها ما تبي تسوي حركه تفشل جدامهم ,,

 

طلعوو البنات بعد ما سلموا على ام رامي و ريم ,,

 

 

تم رامي مقااابل البااااب وسرحااان ,,

 

ريم ,, تطبل على جتفه ,,: انه بقوللها عنننككك ,,

 

رامي طالعها ؟ ,,: شنهي !

 

ريم ,, وهي اتقلده : يمة قلبي

 

رامي ,,: هههههههههههه اي والله يمة قلبي ,,

 

ام رامي ,,: ها يمة طلعوا كلهم ؟

 

رامي ,,: اي يمة ابوي طلع مع الشيخ مطر يوصلونهم لنهاية الفريج ,, مادري شله ,, وقالوا انهم بيروحون القهوه عقبها ,, وطارق طلع الحين ,, بس

 

 

ريم ,,,,,,, اتطالع رامي ,, معقوله هاني ما قاله انه يبي يشوفني ؟

 

رامي ,,: اشفيج اتطالعيني هلون !

 

ريم ,,: ها لا ولا شي ,,

 

ام رامي ,: أنزين انه بروح اشيل المواعين من الميلس ,,

 

رامي ,,: اي يمة واخذي ريم اتساعدج ,,

 

ريم ,, اففف كان ودي اشووفه ,,

 

رامي ,,: ريم جدمي بقول لأمي شي ,,

 

ريم ,,: وما تبيني أسمه ليش ليكون في اسرار عني ,,

 

رامي ,,:لا بس هذي سوالف كباار ,,

 

ريم ,,: بيييييييه تحجه الكبييير مالت عليك اشكبري وللحين معتبرني ياهل,,

 

رامي ,,: هههههه يلا ذلفي اشووف

 

ريم راحت ,, وهي اتحنده على خفيف ,, اففف الحين باشيل المواعييين وأنه وراي اختبار رياضيااات المفروض يخلوووني آدرس مب اشيل المواعين والله ملل ,

 

هاني كان واقف وعينه على الباب ,, سمع الهذره من ورا الباب ,,

 

ريم فتحت الباب ,,

 

وحست ان في احد موجود رفعت راسها ,, انصدمممممممممممممممممت ,,

 

هاني شق حلجه ,,,,,,,,, ومو عارف شيسوي وتوتر ,, ونسى شكاان بيقووول ,, وين جرأتك يااهاااني !!

 

 

في الصااااله ,,

 

رامي ,,: اي يمة

 

ام رامي ,,: انت ما تيوز عن سوالفك! ,,

 

رامي ,,: ههههههههههههه انزين روحي لهم مب عدله يتمون بروحهم ,,

 

أم رامي ,,: راامي لاتصييير لي ريال شرقي الحين الريال اليوم يايب هله وبيخطب البنت ,, مافيها شي لو تكلموا بأحترام بروحهم ربع ساعه ,,

 

رامي ,,: ههههههههههه عيل شصير اذا مو ريال شرقي ,, والله هاني مبين عليه انه جاد ,, وانه مآمن لها ,, بس مادري يمة اتعرفين اختي وأخاف عليها من الهوى ,,

 

ام رامي ,,: خلاص ,, انه ربع ساعه واسير عليهم ,, اسلم عليه واقعد معاهم شوي انكد عليهم استانست ؟

 

رامي ,,: اي هلووون اتفقنا ,,

 

 

في الميلس ,,

 

ريم اريووولها مو شايلتها ,, وهاني مو عارف ايتحجه بس يطالعها ومبتسم وسرحااان بكثر ماهي حلوة شوفتها تريح هاني وتحرك كل احاسيسه ,,

 

 

ريم ,, : أ ,, أ ,, نه كنت ياية اشيل الـ,,

 

قاطعها ,,

 

هاني ,,: بس انا هني عشان اشوفج ,,

 

ريم ,,,,,,, وهي حممممممممممممممممره ,,: انه رامي قالي انكم رحتوا ,

 

هاني ابتسم من خاطر كل كلامها حلو حتى لو ما تقول شي ,, احب اسمع صوتها ,, تم يطالعها وهو سرحااان ومبتسسسم ,,

 

ريم ,, افف هذا بيتم هلووون يطالعني ,,,,,, انه بااطلع ,,

 

ريم فترت يودت الباب بتطلع ,,

 

 

هاني ,,: وييين !!

 

ريم ,,: ها !

 

هاني ,,: قعدي عاد والله بقلبي كلامممممم وايد ,,

 

ريم ,, وهي مو قادره تحط عينها بعينه ,,: أتصل لي ,,

 

هاني ,,: لا ابي اشوفج وأنا أكلمج ,,

 

ريم ,,,,,,,,,,,,,,,,,,,,

 

هاني ,, : يلا لا تكسرين بخاطري ,,

 

ريم ارفعت عيننها وطالعته ,, وكأنها تقصد انها تجبر بخاااطره ما تكسره ,,

 

هاني ,, : قعدي يلاا

 

ريم اقعدت ,, على الغنفة بهدوء ,,

 

هاني قعد مقابلها ,, وهو يطالعها ومبتسم وساكت ,,

 

ريم متوتره ونظراته اتوترها اكثر ! ,, ليمته يعني بيتم يتمقل فيني وساكت ,,

 

 

هاني ,, : اقولج ريم ,,

 

ريم وهي ومحممرره ,,: هلا ,,

 

هاني ,,: انتي احلى انسانه شافتها عيني ,,

 

ريم ,,,,,,,,,,,,,,,,

 

هاني ,,: احبج ,,

 

ريم ارفعت راسها بصدمة ,,

 

هاني ,, ببتسامه ,,: ايه لا تستغربين ,,

 

ريم ,,,,,

 

هاني ,,, : انزين علقي قولي ايشي ابي اسمع صوتج ,,

 

ريم ,, : شقول؟

 

هاني ,,: قولي احبك ,,

 

ريم رفعت حواجبها ! ,,

 

هاني ,,: أممم للحين يمكن ما تحبيني انزين قولي لي بحبك ,, يعني في المستقبل

 

ريم ,,: هههههههههههه

 

هاني ,,: فديت هل ضحكه وراعيتها والله ,, والله لهل عيون اروح انا فدوة

 

ريم ابتسمت بحياااا ,,

 

شوي ودقت الباب ,, ام رامي ,,

 

هاني رفع راسه كأن الفلم العربي خلص !!

 

طالع ريم بنظرة وكأنه يقول فيها لاااااااا

 

ريم ضحكت عليه على خفيف ,,

 

ام رامي ,, اقعدت ,,: اشلونك يمة.

 

هاني ,,: هلا خالتي انا بخير والله بشوفتكم

 

ريم اتطالع ملامح هاني وتضحك .,,:هههههههههههههههه

 

ام رامي ,,:اشفيج يمة !

 

هاني يتموت بضحكتها ,,: خليها تضحك خالتي والله صوت ضحكتها يرد الروووح ,,

 

ام رامي ,,: اي بس من غير سبب هلوون؟

 

هاني ,,: المهم تضحك ,,

 

 

ريم يودت ضحكتها ,,,

 

طولت ام رامي ,, وهاني فقد الأمل ,,

 

هاني قام ,,:انزين أنا اترخص ,,

 

ريم ,, وييين !! ,, قامت ,,

 

ام رامي ,,: وين يايمة ,و ما قعدت شي

 

هاني ,,: معليه خالتي ,, انا لازم اروح الحين معنه ماودي

 

ام رامي ,,: دام ما ودك شلي حادك .,

 

هاني وهو يطالع ريم ,,: اليايات اكثر خالتي ,,

 

ريم احمرت ونزلت عييينها ,,

 

 

 

أم رامي ,, : انشالله ,,

 

طلع هاني وراحت ريم اتوصله للباب ,,

 

هاني وهو ميود الباب ,,: ودي اتم واقف هني وبس اطالعج ,,

 

ريم ,,,:هااني ,, لا تحرجني وايد بعدين ماعرف ارد عليك ,,

 

هاني ,,: فدييتها انا والله انزين بتصل فيج اليووم ,,

 

 

ريم ,, وهي تباعد قصتها عن عينها ,: أوكي ,,

 

هاني ,,: ياااااااااااقلبي انا

 

ريم ابتسمت ,,,

 

 

طلع هاني ,, وهو مو مصدق روحه ,, صج ان الدنيا حلوة ,,

 

وريم تسندت على البااااب ,, وتمت سرحااانه ببتسامه ,,

 

 

 

في بيت بو طارق ,,

 

هيام ,,: ايييه الحين شيشلع عنتووور من بيت عبلة

 

ام طارق ,,,: هههه واعليه عليه وليدي مستانس ,,

 

بو طارق من رد البيت وهو ساكت ,, للحين موقادر يصدق انه وافق على هل زواج ,, بس ما يقدر يرجع بكلمته ,, اييه شبتقول الناس ولد النوخذه ماخذ له وحده موب من مستوااه ,,

 

 

سمر ,,: بصراااحه ام رامي دشت قلبي صج ان سوالفها ما تنمل ,,

 

ام طارق ,,: تدرين بمنو اتذكرني ام رامي ؟

 

سمر ,,: ابمنو ؟

 

ام طارق ,,: بياارتنه زليخة كانت ارفيجتي ,, ومثل خفة الدم وطيبة القلب

 

سمر ,,: ووينها هذي عنج ؟

 

ام طارق ,,: تزوجت قطري وسافرت معاه قطر ومن يومها أنقطعت اخبااارها ,,

 

هيام ,,: واعليه يعني ما تدرين عنها الحين ,,

 

ام طارق,,: آخر مره شفتها كانت قبل عشر اسنين كانت ياية البحرين وشفتها في الفريج ,,

 

طارق ,,: بااال يمكن ماتت

 

ام طارق ,,: وي وي لا تفاول على المره حرام عليك !

 

طارق ,,,: أنا ما فاولت انا خمنت , ولله شله انقطعت اخبارها ,,

 

ام طارق ,,: يمكن مب فاضية اتيي البحرين

 

طارق ,,: يه يمة شمشاغله ليكون الملكة الزبث وانا مادري

 

ام طارق ,,: يوز يوز بس عن المره ,, بو طارق اشفيك ساكت؟

 

 

بو طارق وتعى ,,: ها لا مافيني شي بس الشغل شاغلني شوي ,,

 

أم طارق حست ان ورا بو طارق انه ,,

 

بو طارق ,,: أنزين أنا اترخص الحين عندي شغله لازم اقضيها ,,

 

طارق ,,: يبه تبيني ايي معاك ؟

 

 

بو طارق ,,: لا معليه انا بخلصها وراد مب متأخر ,,

 

طلع بو طارق ,,

 

في القهووه ,,

 

علي ,,,: بصراحه هي مزيونة

 

جمال ,,: هااااا علوووووي

 

علي ,,: مادري يا جمال ,, بس انا مو متأكد من مشاعري

 

جمال ,,: أنت قولي شتحس فيه ؟

 

علي ,,: مادري بس يوم تفتح الباااب حسيت بأحساس غريب ,,

 

جمال ,,: وصفه لي ,,,

 

علي ,,:يعني ,, كأني تجمدت مادري شلون اوصفه لك ,,

 

جمال ,,: ههههههههه انزييين شصار فيك يوم قالت لك انها ما تقصدك ,,

 

علي ,,: أوووف اسكت تفحم ويهي !

 

جمال ,,: قولي الصراحه ما تحسها غير عن باقي البنات .؟

 

علي ,,: يعني عااادي اقولك مافي شي ,, بس الي عجبني فيها شكلها ورقتها ,,

 

جمال ,,: شسمها ؟

 

علي ,,: اظن سوسن

 

جمال ,,: والله حلو الأسم انزين ذكرني فيها اي وحده فيهم ,,

 

علي ,,: الي كانت كله صوب هذيج اللي ما تتسمى عديمة الذوق الي ما تستحي على ويها ,,

 

جمال ,,: ههههههه مادري ليش كل ما ايي طاريها تنفعل ,,

 

علي ,,: شلون ما انفعل أنا على آخر عمري اتيي وحده مثل هذي وتشرشحني ,, وتضحك علي!

 

جمال ,,: ماقدر على الغرور انا ,,

 

علي, ,,: مو غرور بس مب حلوة في حقي يعني ,,

 

جمال ,,: الا غرور ونص ,, البنت ما سوت شي انت الي مطيحها ,,

 

علي ,,: هذا انتوا كله تووقفون ضدي وبس ,,

 

 

 

عقب صلاة المغرب في المسيد ,,

 

مطر ,,: والله انا قلبي مو متطمن ,,

 

بو رامي ,,: أنت تدري هذي ريم الغالية وأنا ما قطها لو شنهو يصير بس انت لو شفت فرحتها وفرحته عذرتني ,,

 

مطر ,,: بس هذا ابوها وايد شايف نفسه ,, انه ما ارتحت لنظراته ,,

 

بو رامي ,, : الي مقدره رب العالمين بيصير والزواج قسمة ونصيب ,, وانا اهمشي عندي ان الريال شاريها ,,

 

مطر ,,: انشالله مايصير الا الخير ,,

 

 

في بيت بو ناصر ,,

 

 

ام ناصر ,,: الفال لك يولدي ,,

 

ناصر ببتسامه ,,: هانت يمة ,,

 

شيخه ,,: وايي العروس اتكتت علينا ونااااسه ,,

 

ندى ,,: شيخووووووووووووووووووووووووه ,, شفت لج ذاك الفسان الي كاااان خااطرج فيييه

 

شيخه ,,: اي لوووووون؟

 

ندى ,,: لو اقولج يغمى عليج هنييي

 

شيخه .,,: قولي قوووولي بطير اشتريه ,,

 

ندى ,,: بنفسجي والدرجة الي تحبينها

 

شيخه ,.,: واااااااي واي واي واي ,, لازم نرووح نشتريه

 

حنان ,,: عاد آنننه ودي اسوي شي سبشل ,,

 

شيخه ,,: اشلووون بالله ,,

 

حنان ,,: البس ملابس تنكرية ,,

 

ندى ,,: صج ما عندج سالفة ,, وشبتصيرين لنا سنو وايت ولا المرأة القطة مادري شسمها هذي الي في سبيستون ,,

 

حنان ,,: وااااااااااااااااي يا ثقل طيييييينتج ويا ثقل تعليقااااتج ,, يبة ملابس تنكرية ارتقي شوي ارتقي صج متخلفه ,,

 

ندى ,,: طاااااااع هذي قامت تغللط!!

 

ام ناصر ,,: مب حزتكم هااا ,,

 

ناصر ,,: والله انتوا اتموتون بالهوااش

 

شيخه ,,: الحين نصووري متى بتودييينا نشتري فساتين .

 

ناصر ,,: مو لمى اروح اخطب اول ؟

 

شيخخه ,,: وراااااااا ما عندنا غيرك يبة هنوي بيملج نبي نلبس حالنا حال الخلق ,,

 

ناصر ,,: حشى كلتيني بقشووري تسوى علي انا اتحجى !

 

شيخه ,,: ايي ما بباجي شي مصرووع عنتر زمانه ملجته الأسبووع الياي ,,

 

ام ناصر ,,: والله عرف يختار هاني ,,

 

شيخه ,.,: اي يمة شفتي ريماني فديتها ماخذه من حلاي ليش انها ارفيجتي ,,

 

حنان ,,: بييييييييييه تحجت نانسي عجرم ,,

 

شيخه ,,: ها حنوووووون اشوف قمتي اتعيلين علي ,, خسيتي انتي ونانسي مالتج أنا أحلى منها غصبن عليج ,,

 

ام ناصر ,,: لا وأنتي الصاجه ما تيي شي صوب جمال شوواخه

 

شيخه ,,: احم احم ااحم ,, اي هلوونن الوالده ,,

 

حنان ,,: ويييه الحين عاد انتفخت يبي لي ابطها ,,

 

شيخه ,,: حنووون اجعمي احسن لج لتخليني احط عليج ترا ما بتخلصين مني ,,

 

حنان ,,: أنه بقوم اكلم ربعي علمسن احسن من مقابل ويهج قال احلى من نانسي قااال ,,

 

 

شيخه ,, افلعت حنان بالمخده الي على الغنفة ,,: غصبن عنج ,,

 

حنان افلعتها ابها ,,: اتخسين

 

وركضت دارها واقفلت الباب ,,

 

 

 

نررد لبيت بو طااارق ,,

 

 

في دار سمر وطارق ,,

 

سمر ,,: أنزين يعني بتطلع من دوامك؟

 

طارق ,,: اي بامرج وبنروح انشالله ,,

 

سمر ,, وهي اتطالع الارض ,,: أنا خايفة ,,

 

طارق لمها ,,: لاتخاافين وأنا موجوود

 

سمر ,,: اتهقى فيني شي ,,

 

طارق ,,: لا انتي الي موسوسه وبتشوفين انج ما فيج شي

 

سمر ,,: أنشالله ,

 

 

في داااار هااني ,,

 

قاعد على كرسي الكمبيوتر ويفتررررر ,,

 

هاني ,,: يعني تحسين بأعجاب تجاهي .؟؟

 

ريم ,,: أممم اي تقدر تقول جذي,,

 

هاني ,,: ياويلي حاااالي ما اقدر انا ما اقدررر

 

ريم ,,,, ,,,,,,

 

هاني ,,: انزين يعني اول ما شفتيني شكان شعوورج

 

ريم ,,,: تبي الصج أنا ماحسيت بشي اول ما شفتك ,,

 

هاني ,,: واعليه على رووحي انا الي استخفيييت وز عقلي

 

ريم ,,: يعني انت شفتني قبل لا ايي بيتكم ,,

 

هاني ,,: لا والله بس كنت هلون متسبب قاعد بروحي وابي احد معااي ,,

 

ريم ,,: أمم يعني متعوود اتسوي هلون اذا اييون لأختك بنات ؟

 

هاني ,,: لا لا تفهميني غلط ,, صدقيني انا من شفتج وأنا مو أنا ,, تغيرت 360 درجة ,,,

 

ريم ,,: لا ما فهمتك غلط ,, قالي اخووي ان عندك مااضي

 

هاني ,,: ادري ان مافي شي يغفر لي بس انا عقب هل يوم ما بقدر اشوف بنت غيرج ,,

 

ريم,,,: أنا ما اعاتبك على شي صار وأنتهى ,, المهم الحين ,,

 

هاني ,,: صدقييني ريم أنا ادري ان مو شي سهل تتجاهلين ماضيي ولو أنا مكانج ما بقدر

 

ريم ,,: بهل زمن ينعدون على الأصابع الصبيان الي ماعندهم سوالف ,, وطبعاً سوالف عن سوالف تفرق في شي ممكن تتغاضا عنه الوحده وفي شي لا ,, وأنا شفت ان ماضيك شي ممكن اقطه ورا ضهري بشرط انك تتغير ,,,

 

هاني ,,: تسلمين يل غالية انتي ,, وألله انا شكلي بحسد روحي عليج ,, ادري تستاهلين احسن مني

 

ريم,,: لا تقول جذي ,, كل واحد ما ياخذ غير نصيبة بهل دنيا ,, وبعدين مثل ما قلت لك ,, لازم بتتغير حياتك لأني دخلت فيها وماتفكر تعيش ثانية من حياتك القبلية ,,

 

هاني ,,: حياتي بين ايدينج مثل العيين شكليها مثل ما تبين ,, بعد ما خذتي قلبي أنا ما يهمني بهل دنيا غير رضا الله ثم رضا الوالدين ثم رضاج ,, صدقيني ريم ,, ما راح أكون غير ريال تستندين عليه يوقف معاج يحبج ويصونج ويحميج

 

ريم احمرت ,, تحس انها حصلت الشي الي تتمناه كل بنت ,,!! ريال يحبها ومستعد يسوي ايشي عشان يرضيها ماضيه واضح !! تعرف عنه كلشي ,,, تزوجها بأختياره وبحبه ,, حبه لها أهو الي غيره ,, وخلاه يتخذ قرار مصييري مثل الزواج ,,

 

 

هاني نطرها اتررد ماافي صوووت ,,

 

 

 

 

هاني ,,: الووو ريييييم وييينج ؟

 

ريم ,, بحيااا : هلاا

 

هاني ,,: وييينننج صخيييتي ,,

 

ريم ,,: مكاااني ,, بس يعني شتبيني اقول؟

 

هاني ,,: مادري علقي قولي شي قولي أنا راضيه فيك ومستعده ابتدي معااك حياة مافيها مااضي ,, قوليلي انج متقبلتني .,, طمني قلبي

 

 

ريم ,,: طمن قلبك ,,

 

هاني ,,: افهم من كلامج انج راضية فيني ومتقبلتني؟

 

ريم ,,: اذا انه مو راضية ,, اخليك اتيي بيتنه وتتفق مع هلي ليش ,,

 

هاني ,,: عاااد انا غبي ستحملييني ,,

 

ريم ,,: لا تقول جذي

 

 

هاني ببتسامه ,,: ما ترضين علي؟

 

ريم ,, بحيا ,,: مو عقب اسبوع بتصير ريلي؟؟

 

هاني ,,: يا هل اسبوووووووووووع انا الود ودي اليووووم نمللللللللج

 

ريم ,, محمممررره ,,: كلشي بووقته حلووو ,,

 

هاني ,,: عاد بيمر علي جنه دهررر ,,

 

 

 

مر اليووووم ,, وكــــــــلن يغني على ليـــــــلاهــ

 

 

في بيت بو نواااف ( بو شرييفة )

 

شريفة راااقده ,,, ومتأخرره على المدرسه محد وعااها ,,

 

شوي ورن تلفووونها ,,

 

فزت شافت الساعه شهقت ,,

 

طلت على التلفون ,,

 

حبيبي يتصل ,,,

 

رنتهـــا مالووومة

 

 

شافت رقمه ابستمت وشالته على طول ,,

 

شريفة ,,: هلاا ,,

 

ناصر بالسياااره رايح الدوااام ,,: هلا والله ,, شلووونج حياتي ؟

 

شريفة ببتسامه ,.,: بخير انت شلوونك ,,

 

ناصر ,,: عاااد وأنا في الطريج يا في خاطري اسمع صوتج ,, وقلت الحق عليج قبل لا اتروحين المدرسه ,,

 

شريفة ,,: تصدق عااد لو مو متصل فيني جان ما رحت ؟

 

ناصر ,,: اوف ليش عاد؟؟

 

شريفة ,,:راحت علي نووومة ,,

 

ناصر ,,: هههههه زين عيل اتصاللي منه فايده ,,

 

شريفة بحب ,,: دايماً اتصالك منه فايده ,,

 

ناصر رسم على ويهه ابتسامه حلوة ,,: وشنو فايدته .؟

 

شريفه ,,: يحسسني بأهتمامك ,, وهل احساس يخليني مستانسسسه ,,

 

ناصر ,,: الااااه عيل بتصل فيج بالدقيقة ,,

 

شريفة ,,: هههه ترا مب مانعتك ,,

 

ناصر ,,: هههههههههه ناوية اتييني الفاتوره جم؟؟

 

شريفة ,,: هاااااا اشوف البخل طللع ,,

 

ناصر ,,: ههههههههههههههههههههه لا حرام عليج ,, امزح معااج ,,

 

شريفة ببتسامه ,,: ههههه انه بعد امزح معاك ,,

 

ناصر ,,: انزين عيوني امر اوصلج المدرسه ؟

 

شريفة ,,: لا ,, بصفتك من ؟

 

ناصر ,,: افا !! خطيبج !!

 

شريفة ,,: بس انت ما ييت خطبتني!

 

ناصر ,,: لعيوووونج حددي اليوم حبيبتي وبتلاقيني ياييب العشيره كامل العايشين والميتين ,,

 

شريفة ,,: هههههههههه الميتن خلهم في قبوورهم خطبة ولا جنااازة !

 

ناصر ,,: ههههههههه ياااحلووووج ويا حلوو سوالللفج والله ما تنمل ,, اتخليني أطمع اعطلج عن المدرسه ,,

 

شريفة ,,: لا دخيييلك علي اختبااااار

 

ناصر ,,: انزيين اتصل فيج في الفسسحه ؟

 

شريفة ,,: لاا نااصر لين رديت البيت مب مودية تلفوني انت تعرف كلام الناس ما يرحم ..

 

ناصر ,,:: أفف ألله يصبرني انا بس لين ما تردين البيت ,,

 

شريفة ,,: من قلبك ؟

 

ناصر ..: من اعمممااقه بعد ,,

 

شريفة ,, ببتسامه ,,: الله يدووم عليك هل حال ,,

 

ناصر ,, : طول ما انتي معاي ,, أنا بكون بأحسن حال ,,

 

شريفة ,,: انه بكون معاااك دايماً , في الحلوة والمره ,,

 

ناصر ,,: تسلمين لي والله الله يخليج لي ,,

 

شريفة ,,: بيييه ناااصر الحين السااعه سبع ونص ,, وأنا للحين ما لبست ,, يلا لين رديت ,, أكلمك

 

ناصر ,,: افف انزين يلا مع السلامة ,,

 

سكرت الخط ,,

 

ناصر في السياره مبتسم ,, لأول مره هيام ما تطري على باله طول هل فتره ,, لأول مره يحس بالأستقرار العااطفي ,, لأول مره يحس انه يحب وينحب! ,, وياريت ما تكون آخر مره يا ناصر ,,

 

 

 

 

في المدرسة ,,

 

 

شيخه ,,: معملة ,, عاد درجتييين ,,

 

المعلمة ,,: شلووون ازييدج من وين اييب لج يعني ,,

 

شيخه ,,: انزين معلمه درجة ونننص ,,

 

المعلمة ,,: لا حول ولا قوة الا بالله العظيم ,, اقولج مايصيير

 

شيخه ,,: خلاص معلمة زيديني درجة ,, وكان الله غفوراً رحيما ,,

 

المعلمة ,,: شيخه اشفيييج من مسلطج علي قلت لج ما يصير ,,

 

شيخه ,,: اقووولج معلمة انا قنوووعة خليها نص درجة ,,

 

المعلمة ,,: افا عليج من عيوني بس بزيدج اياها بالساالب ,,

 

شيخه اسحبت ورقتها بسرعه ,,: افا معلمة ,, لا لا موب هلوون هقوتي فييج ,,

 

المعلمة ,,: اقولج شيخه روحي قعدي مكانج احسن لج تراج رفعتي عندي الضغط والسكر ,,

 

شيخه ,,: السكرر اي يمكن بس الضغط ما خبري في روحي ماالحه بعدد ,,

 

المعملة مسكت راسها ,,: شيخه ,, ذلفي عن ويهي احسن لج ,,

 

شيخه ,, راحت وقعدت

 

 

هيام ,,: اشفيج انتي المعلمة شوي وتمجع شعرها منوين اتيبين كل هل حنه مادري ,,

 

شيخه ,,: يعني مو حرااااااام آخذ 8 من 10 في الديين !

 

هيام ,,: محد قااالج لتدرسييين هاذي ال 8 حمدي ربببج عليها ,,مب دارسة كلها تلقط اجابات من هني وهناااك ,,

 

شيخه ,,: وييييه عاد ما كان لي باارض ,,

 

ريم ,,: واعليه على المعلمة شوفيها شلووون البناات مسندرينها

 

شيخه ,,: اييه لو مزيدتني نحشتهم عنها ,,

 

سوسن ,,: شيخوووووووووووووه نسيت ما قلت لج ,,

 

شيخه ,: شصااير بعد شمن مصاايب صايره ؟

 

سوسن ,,: اشهل فاااال الي عليج ,, لا حبيبتي مب مصيبة ,,

 

شيخه ,,: سمعييينه ,,

 

سوسن ,,: اممس وأنه قاعده أطالع التلفزيوون ,, دق الجرس ,,

 

شيخه ,, : انزين ؟

 

سوسن ,,: هههه اشعندج هلوون مصرووعه صبري يايتج بالحجي ,, جان اقوم وافتح الباب ,, قوولي من يايينه ,,

 

شيخه ,,: من ؟؟

 

سوسن .,,: علي ,,

 

شيخه ,, تذكرته السخيف التافه عديم الذووق : ثجيييييييل الطينة عديم الذووق ماغيييره ؟؟

 

سوسن ,,: هههههههههه ايي ياي يايب لنا صينية مجبووس ,,

 

شيخه ,,: قطع ويه

 

سوسن ,,: انتي سمعي المقللب الي صاار ,,

 

شيخه بأهتمام ,, : شصاار ؟

 

سوسن ,,: خذت الصينية وصكييت البااب ,, عااد آآنه خدددية صكيت الباب جان اقوول والله ما دري يا شيخوووه شلون تقولين عنه موو وسيييم تخيلي شصاار ,,

 

شيخه ؟: شصااار ؟؟

 

سوسن ,,: شوي الا اهو يدق الباب فتحته ,, جان يقولي قلتي شي؟ قلت لها لا ما قللت ,, قالي انا سمعتج قلتي شيي ,, قلت له شقلت واتصدقين كأنه مسجل قالي الي قلته بالحررف ,, جان يقولي تقصديني ؟ قلت له لاا واحتررررق ويهه

 

شيخه ,,: صج ملقووووف شهل لقااافه واهو شله قاط اذوونه اعنبووو مب اذوون هذي ,,

 

سوسن ,,: انه بعد استغررربت شلوون سمع ! ,,

 

هيام ,,: عاد سوسن ,, ما لقيتي تفتحين موضوع هل ريال الا جدام شيخه ,, الحين شي سكتها عنه ,, اهي من ذاك اليوم واهي فيها حرة ,, عليه مادري شيبردها ,,

 

شيخه ,, : الي سواه مب هيين ,, أنا شفت ناس قليلين ذووق وايد بس بهل مستوى ما شفت ولا بشووووووف ,,

 

ريم ,,: بس تبيين الصج ,,

 

شيخه ,,: قووولييي الجذذبب احلىىى

 

ريم ,,: هههه لا صج صج ,, اهو غلطاان وأنتي بعد غلطااانه ,,

 

شيخه ,,: وأنه شسويت اهو مطيحني ,,

 

ريم ,,: أنتي بالغتي بردة فعلج وأهو ما تحكم بأعصاابه ,,

 

شيخه ,,: ريمووو لا تصفييين معاااه احسن لج ,,,

 

ريم ,,: هههه أنه مو صافة مع حد بس اثنينكم غلطانين ,,

 

شيخه ,,: يارب يااارب تراويني فيه يوووم يده وريله مكسرين في وقت وااحد عشان ترد له دعوته الي دعااها علي ,,

 

سوسن ,,: حرام علييييج ,, اصلا يوم ايي كان هاادي ويتكلم غير عن ذاك اليوم ,,

 

شيخه ,,: وييي عاد اذا بتيين لهل اشكااال يتلونون بألف لون ولون ,,

 

 

Link to comment
Share on other sites

ثـانكس ع البـااارت الحلو ..

عاد شلـون جذيييي علـي يعجب في سوسن :ssm11:

وبو طارق يقهررررر :dde1:

البارت حده حده روعه

يعطييج العافيه ..
Edited by دمووع الورد
Link to comment
Share on other sites

علووووي باااذبحه لو انعجب بسوسنوو :@ خخخخ

 

 

البااااارت ولا احلللللللى

 

 

يعطيييج مليوووووووووووووووون الف عاااااااااافيه غنااتي

 

 

 

 

تحيــاتي..

Link to comment
Share on other sites

تستاهلين حبيبتي المدح والشكر والثناء كله بعد ع هالبارتات اللي تينن والقصة الرووعة .. الله يخليج ويسلمج ويحفظج يارب .. ويعطيج العافية ع هالبارت الحلو .. تحياتي لج وبانتظار جديدج

Link to comment
Share on other sites

 

اولآ مبرووك جميعآ عودة المنتدى بعد انقطاع دام 5 ايام عشنا فيه الملل بكل أنواعه :ssm11:

ثانيآ احلى باك لبنووته على احلى و اكشخ بارت ,, ماشاء الله فيه رومانسية زايده اجووف :n10:

 

امممم مدري شفيه بوطارق صاير مغرور جذي بس علشان انه غني !!! الغرور نهاية الإنسان يا بو طارق على الاقل وزع ابتسامات و لو كانت مجاملة مو تقعد و انت عافس ويهك و تخز في ولدك و اهو في يووم فرحه و وناسته حتى بورامي و رامي تضايقوا !!! الخووف اذا هاني تزوج ريم و عاشت معاه في بيتهم ,, بو رامي ما راح يتقبلها و اتوقع بسيء معاملته لها بس الله لا يقوله و انشالله تتصافى القلووب و يبعد عنه غروره و كبريائه و اذا هو خايف على كلام الناس ,, الناس مردها بتسكت و الي يسمع و يهتم حجي الناس يتعب !!

 

ههههههه ويلي على هاني بعد متلهف يشووفها و اهو للحين ما ملج عليها :de20:

بس عجبتني حركة رامي على اخته باااااااااال صج صج حطها بموقف محرررج من قلب ,, ولااا بعد قاعد يتمقل فيها و اهو ساكت اكيد بتنحرج البنيه و بتقووم ,,, آآخ متى اجرب هالإحساس بس خخخ :n5:

بس ام رامي خربت عليهم جو الرومانسية اففف صج مو وقته هههههه يعني الواحد ما ياخذ راحته مع حبيبته :ssm9:

يله الله يهنينهم و يسعدهم و ما يفرقهم عن بعض :up:

 

امممم علي هو فعلآ انعجب في سوسن بس عندي احساس قووي ان شيخه بتكوون من نصيبه ,, و اتوقع يعني اذا شاف شيخة في مكان بالصدفه و يرووح و يعتذر منها ,, علي طيب و حنوون بس سلبيته الغرور و اعتقد حتى شيخه فيها هالصفة يعني القلوب عند بعضها هع هع :ssm16:

 

هههههههههههههههه فن فن حنانوووو انتييكه هالبنيه اهي و شيخووه ,, يعني بالرغم من صغر سنها بس عليها لساااان خخخخ انا لو عندي اخت جذي مثلها كليوم تكفخ فيها :angry: ولله خاطري آخذ ايميلها و اسولف معاها بالمسن ,, بنووته في البارت الياي حطي ايميلها علشان اضيفها عندي خخخخ :ssm9:

 

مثل توقعت ما بنسي ناصر هيام الا البنت الي راح تسعده و تهنيه و تحبه و من البارت واضح فعلآ ان حب شريفه بنسيه هيام خصوصآ ان اول مره يكوون مستانس و سعيد و يحس بالإستقرار العاطفي و انشالله تكون آخر مره :up:

 

ههههههههههههههههه بووووووووووووه صج شيخووه حناااااااااااااااانه عدل و فوق ذي عليها لسان يبي لها قصصصصصصصص ههههههه مسكين المعلمة حسيت فيها صج صج بتمجع شعرهامن حنتها الزايده ,, بعد طمااااعه يعني لازم تبي العلامة الكاملة انزين 8 من 10 خير و نعمة شتبين بعد ياحظي :de20:

بس ألاحظ وايد كانت مهتمة في سالفة علي ,, يمكن يعني حاسه بإنجذاب له !!! اممم او يمكن فضوول بعد ما يندرى ولله ,,

 

يعطيج الف عافية على البارت يا بنت الحداده

و عساج عالقووه ,, و يله عااد نبي نعرف شبصير في سمر اذا راحت للدكتور علشان الفحص

و نبي بعد موقف حلوو جذي بين سلمى و الجسمي :n10:

 

شكرآآآآآآ بنوتته و بإنتظار بارتات احلى و احلى :up:

Link to comment
Share on other sites

ثـانكس ع البـااارت الحلو ..

 

عاد شلـون جذيييي علـي يعجب في سوسن :ssm11:

 

وبو طارق يقهررررر :dde1:

 

البارت حده حده روعه

 

يعطييج العافيه ..

 

 

 

هههههه ,, تسلمين حياتي على هل تفاااعل ,, الله يعافيج

 

 

علووووي باااذبحه لو انعجب بسوسنوو :@ خخخخ

 

 

البااااارت ولا احلللللللى

 

 

يعطيييج مليوووووووووووووووون الف عاااااااااافيه غنااتي

 

 

 

 

تحيــاتي..

 

يسلمووو جمالي على الرد الحلوو ,, الله يعافيج عيووني ,,

 

يسلموووووووو حبوبة على البارت الروعة

ننتظر الباقي

 

 

الله يسلمج حبيبتي مشكوره على الرد ,,

 

 

 

ثااانكس ع الباارت الحلوو...

 

 

العفو حبيبتي ,, ومشكورة على الرد والمتابعه

 

تستاهلين حبيبتي المدح والشكر والثناء كله بعد ع هالبارتات اللي تينن والقصة الرووعة .. الله يخليج ويسلمج ويحفظج يارب .. ويعطيج العافية ع هالبارت الحلو .. تحياتي لج وبانتظار جديدج

 

تسلميييين عيووني ,, والله انتوا كلكم الي تستاهلون الشكر لولاكم ماوصلت في القصه للي وصلته ,,الله لا يحرمني منكم أن شاء الله ,, مشكورة على الرد حبيبتي

 

اولآ مبرووك جميعآ عودة المنتدى بعد انقطاع دام 5 ايام عشنا فيه الملل بكل أنواعه :ssm11:

ثانيآ احلى باك لبنووته على احلى و اكشخ بارت ,, ماشاء الله فيه رومانسية زايده اجووف :n10:

 

امممم مدري شفيه بوطارق صاير مغرور جذي بس علشان انه غني !!! الغرور نهاية الإنسان يا بو طارق على الاقل وزع ابتسامات و لو كانت مجاملة مو تقعد و انت عافس ويهك و تخز في ولدك و اهو في يووم فرحه و وناسته حتى بورامي و رامي تضايقوا !!! الخووف اذا هاني تزوج ريم و عاشت معاه في بيتهم ,, بو رامي ما راح يتقبلها و اتوقع بسيء معاملته لها بس الله لا يقوله و انشالله تتصافى القلووب و يبعد عنه غروره و كبريائه و اذا هو خايف على كلام الناس ,, الناس مردها بتسكت و الي يسمع و يهتم حجي الناس يتعب !!

 

ههههههه ويلي على هاني بعد متلهف يشووفها و اهو للحين ما ملج عليها :de20:

بس عجبتني حركة رامي على اخته باااااااااال صج صج حطها بموقف محرررج من قلب ,, ولااا بعد قاعد يتمقل فيها و اهو ساكت اكيد بتنحرج البنيه و بتقووم ,,, آآخ متى اجرب هالإحساس بس خخخ :n5:

بس ام رامي خربت عليهم جو الرومانسية اففف صج مو وقته هههههه يعني الواحد ما ياخذ راحته مع حبيبته :ssm9:

يله الله يهنينهم و يسعدهم و ما يفرقهم عن بعض :up:

 

امممم علي هو فعلآ انعجب في سوسن بس عندي احساس قووي ان شيخه بتكوون من نصيبه ,, و اتوقع يعني اذا شاف شيخة في مكان بالصدفه و يرووح و يعتذر منها ,, علي طيب و حنوون بس سلبيته الغرور و اعتقد حتى شيخه فيها هالصفة يعني القلوب عند بعضها هع هع :ssm16:

 

هههههههههههههههه فن فن حنانوووو انتييكه هالبنيه اهي و شيخووه ,, يعني بالرغم من صغر سنها بس عليها لساااان خخخخ انا لو عندي اخت جذي مثلها كليوم تكفخ فيها :angry: ولله خاطري آخذ ايميلها و اسولف معاها بالمسن ,, بنووته في البارت الياي حطي ايميلها علشان اضيفها عندي خخخخ :ssm9:

 

مثل توقعت ما بنسي ناصر هيام الا البنت الي راح تسعده و تهنيه و تحبه و من البارت واضح فعلآ ان حب شريفه بنسيه هيام خصوصآ ان اول مره يكوون مستانس و سعيد و يحس بالإستقرار العاطفي و انشالله تكون آخر مره :up:

 

ههههههههههههههههه بووووووووووووه صج شيخووه حناااااااااااااااانه عدل و فوق ذي عليها لسان يبي لها قصصصصصصصص ههههههه مسكين المعلمة حسيت فيها صج صج بتمجع شعرهامن حنتها الزايده ,, بعد طمااااعه يعني لازم تبي العلامة الكاملة انزين 8 من 10 خير و نعمة شتبين بعد ياحظي :de20:

بس ألاحظ وايد كانت مهتمة في سالفة علي ,, يمكن يعني حاسه بإنجذاب له !!! اممم او يمكن فضوول بعد ما يندرى ولله ,,

 

يعطيج الف عافية على البارت يا بنت الحداده

و عساج عالقووه ,, و يله عااد نبي نعرف شبصير في سمر اذا راحت للدكتور علشان الفحص

و نبي بعد موقف حلوو جذي بين سلمى و الجسمي :n10:

 

شكرآآآآآآ بنوتته و بإنتظار بارتات احلى و احلى :up:

 

 

 

تسلم فنكووش على هل رد الي بصراحه اكثر من حلوو وعطاني افكاار شوي للبارت الي بيي ,, مشكوور على هل متاابعه المميزة ,,

 

الله يعافيك ,, انشالله البارت الياي بتعرفون فيه شبيصير ,, البارت الحين تحت الأنشاء وانشالله ما راح اطول , ,

 

ههه انشالله بيكون في موقف بينهم بس ما اظمن لك يكون بالبارت الياي لأنه البارت الياي فيه اكشنات واايد ,, فــ لا تستعيلوون على رزقكم ,.,

 

 

Link to comment
Share on other sites

ثنكس حبيبتي على البارت وايد حلو

 

 

ونتتظر بارتاتج اليايه ...

 

 

 

تسلمين عيوني على المرور

يسلمووو ع الباارت

اعرف رديت متأخرة بس بحاول مرة ثانية ارد بسرعة خبرج المدارس و التقارير الي ما تخلص

 

لا عادي حبيبتي ,, المهم انج رديتي :smile: وألله يسااعدج على المدرسة ويساعدنا

 

يسلموووووووو فديتج عشت الجووووو وانتظر بارن احلى واحلى يعطيج العافية

 

 

الله يعافيج حبيبتي ,, مشكوره على الرد ,,

 

 

 

انزين جمــــــــــاعـــة انا كتبت جزء حلو من القصـــة بس للحين ما وصـــلت للحدث الي ابيـــه يكون بهل بارتــ, ,,

 

فـــما ادري انتو شرايكم تبون انزل لكم البارت ,, ؟؟ ولا تنطرون لين ما اوصل للحدث الي كنت امخططه انه يكون بهل باارت ؟؟

 

ولا تخافون حجم الي كتبته بحجم البارت الأعتيادي ,, كل ما في الأمر اني كنت مخططه ان يكون في حدث ثاني موجوده بهل بارت وللحين ما وصلت له ,,

 

 

Link to comment
Share on other sites

ثااانكس عل بااارت الحلووو :up:

وسووري ماارديت عل بااارت..

والله عبااالي ان رديت لان الي اتذكره ان كتبت الرد بس مادري وين رااح :ssm11:

وعلى الباارت الياااي.. اذا تحسينه بكووون احلى بالحدث خليه ليما تكتبينه..

بس انا احس احسن ننتظر لما تكتبين الحدث عشاان يصيير اطووول واحلى..

Link to comment
Share on other sites

انزين جمــــــــــاعـــة انا كتبت جزء حلو من القصـــة بس للحين ما وصـــلت للحدث الي ابيـــه يكون بهل بارتــ, ,,

 

فـــما ادري انتو شرايكم تبون انزل لكم البارت ,, ؟؟ ولا تنطرون لين ما اوصل للحدث الي كنت امخططه انه يكون بهل باارت ؟؟

 

ولا تخافون حجم الي كتبته بحجم البارت الأعتيادي ,, كل ما في الأمر اني كنت مخططه ان يكون في حدث ثاني موجوده بهل بارت وللحين ما وصلت له ,,

 

بل بل احنا مو عميان ترى نشووف ما يحتاي هالخط :ssm16:

ولله انا من رايي توصلين للحدث الي تبينه و بعدين تحطينه

علشان يكون البارت كاااااااااامل مافي شي ناقص و يمكن هالحدث مهم يعني لازم نجووفه

 

و انا عن نفسي عاادي مو مستعيل و خذي راحتج :up:

Link to comment
Share on other sites

ريم ,,: هههه أنه مو صافة مع حد بس اثنينكم غلطانين ,,

 

شيخه ,,: يارب يااارب تراويني فيه يوووم يده وريله مكسرين في وقت وااحد عشان ترد له دعوته الي دعااها علي ,,

 

سوسن ,,: حرام علييييج ,, اصلا يوم ايي كان هاادي ويتكلم غير عن ذاك اليوم ,,

 

شيخه ,,: وييي عاد اذا بتيين لهل اشكااال يتلونون بألف لون ولون ,,

 

 

دق الجرس وطلعت المعلمة ,,

 

البنات ورا مسوين بسطه ويغنون ,,

 

ساره ,,: وي اشصااير ,,

 

سوسن ,,: شصااير بعد بنات صفنا طربانين ,,

 

هيام ,,: قوومو نقعد معااهم ,,

 

قاموو ,,

 

شيخه ,,: بنااات وسعو وسعو ياتكم شيخة الطرب ,,

 

الكل ,,: ههههههههههه

 

قعدت شيخة ويودت القوووطي الي يطبلوون عليه ,,

 

صفية ,,: شبتغنين لنا ,,

 

شيخه ,,: وه وه صفووي هني وينج يل قاطعه ما تسألين عني

 

صفية ,,: أنا هني معاج بالصف يحظي انتي الي مفهيه ,, مادري بمن اتسرحين ,,

 

شيخه ,,: وااااااااااي اهو في غيره آسرح فيه ؟؟

 

هيام رفعت حاجب وسوسن تعدلت بعدتها وقابلت شيخه ,, وكل البنات فققوا عيووونهم !

 

صفية ,,: من ذيي ؟؟

 

شيخه ,, : كوماااااااار حبيبي

 

الكل ,’,: هههههههههههههههههههه

 

صفية ,,: وعع سايق هيام ما غيره ,,

 

شيخه ,,: ههههههه اييي ميريوو مناشبتني عليه !!

 

هيام ,,,: والله هل يومين كله اصيدهم يسولفوون شكلي بقول لأبوي ,,

 

شيخه ,,: آآيلي ما تستحي ولا تخيل تحاجي ريلي ,,انا اورييها حلييب كاكو وووحده ,,

 

سوسن ,,: هههههه اتخيلج متزوجته في طقوس عرس هنديه ,,

 

شيخه ,,:هههههههههههه بلبس لج ساااري , وبندوور على الحريقة مادري على شنهووو وبنركب على فيل بدال السيااره

 

صفية ,,: هههههههههههههه ما اتخييلج

 

شيخه ,,: طاع ذيلييين مصدقيين بعد

 

سوسن ,,: ها ها من صدددق ؟؟

 

شيخه ,,: مادري شوفي حلوووجهم كل وحد حنجها وصل لي ركبتها ,, عبالهم صج ,,

 

 

هدى , وحده من بنات الصف ,,,: مااعندج سالفة انتي محد صدق يلا عطييينا اغنية ,,

 

شيخه تعدلت بقعدتها ,,: هاا شتبوني آآغني ؟؟

 

هيام ,,: مادري غني يامحمد ,,

 

 

 

تموو يغنون شووي ,,

 

لين طاحت عليهم مشرفة االقسم ,,

 

المشرفه : ياحليييلكم فرقة فطووومة عندنا بالمدرسه وأنا مادري؟

 

شيخه ,,: لااااا فرقة شواااخييي ,,

 

المشرفة ,,: ومستانسه على رووحج بعد ! ,,يلا نزلوا للمشرفة الأجتماااعية جدامي ,,

 

شيخه تساسر هيام ,, : عااد الله والمشرفة الي يسمع يقول حلالة المشااكل كل ما سوينا شي تسحب فينا لها ,,

 

نزلوا البنااات ,,

 

المشرفة شافت شيخه وصفية وهيام وريم تذكرتتهم ,, وتذكرت هذاك اخو وحده فيهم !

 

مشرفة القسم ,,: هااج مسوين لنا فرقة غانئية واصواتهم واصله لآخر المدرسه ,,

 

المشرفة ,,: اصلا هاذي الصف ,, كل يوم طالعين لنا بسالفة ,, من الي كانت تغني ,,

 

شيخه ,,: آآآآآنه ,,

 

المشرفة شافتها تذكرت سواتها فيها ذاك اليوم ,, الا اطلع حرتي فييج ,,: وقعي على تعهد ,,

 

شيخه ,,: شله ؟

 

المشرفة ,,: ماتدرين شله ؟

 

شيخه ,,: لا والله

 

المشرفة ,,: على العرس الي مسويته ,,

 

شيخه ,,: صج معلمة ! منو معرس ! نحيي له العرس ما نقصر احنا ,,

 

المشرفة ,,: جب ,, ووقعي لا فصلناج ,,

 

شيخه ؟؟! ,,: شنو جب ! وتفصليني شعليه ما سويت شي يستحق الفصل آنه ,,

 

هيام ,,: معملة ,, معليه هذي آخر مره ,,

 

المشرفة ,,: وانتي كله معاهم ! ولا كأنج من الأوائل وبنت ناس ؟؟

 

هيام ,,: معلمة انه ماسويت شي ,, وبعدين مو بس انا بنت ناس !! كل البنات بنات ناس ,,

 

المشرفة ,,: انتي عارفة أنه شقصدي ,, وبعدين انتي عاجبج الي سويتوه ؟

 

هيام ,,: أحنا غلطانين , ,, بس ما اعتقد كلشي بتحلونه بتعهد يضر البنية اذا تخرجت ,,

 

المشرفة ,, بستهزاء ,,: شتشوفين لازم انسوي ؟؟

 

هيام ,,: مادري بس ما تعطونا تعهد شوفي شكثرنا وهاي آخر فصل لنا بالمدرسه ,, ونتخرج واذا كلشي سويناه عطيتونا عليه تعهد مافي وحده فينا بتدش الجامعه ,,

 

شيخه ,,: وعااد حزتها شوفوا الأمميين بيزيدون في البحرين والتخلف بينتشر في البلاد وبتبلى البلاد بداء جهل البنات نتيجة تراكم التعهدات

 

 

ريم ,,: ههههههههههههههههههههههههههههههههههههههه

 

الكل ضحك بس ريم ما قدرت اتيود روحها ,,

 

 

المشرفة انقهرت هل شيخه اتنرفزها ,,: وانتي شعليه ميته من الضحك انشالله ,,

 

ريم ,, : مسامحه معلمة بس ماقدرت ايود روحي ,,

 

المشرفة ,,: واحليلج ! شلي يضحك بكلامها ,, !!

 

 

ريم ,,: انا آسفة ,,,

 

المشرفة ,, : هذي آخر مره لكم ,, وأنتي ترا اذا مصختيها اكثر بتشوفين شي ما يعجبج ,

 

شيخه ,,: معلمة انتي كله ما تشتهيني ,, ايييه الله لي ,,

 

المشرفة تنرفزت اكثر ,,

 

طلعوا البناات ,,

 

شيخه .,,: ريييم شله تسكتين لها اتخلينها اتشرشحج هلون عشان شي ما يسوى ؟؟؟

 

ريم ,,: مابي اسوي لروحي مشاكل وبعدين اهي اكبر مني احترمها ,,

 

شيخه ,: تدق راسها بالطوف الحقوده ,,

 

صفية ,,: شيخوووو طلعتيها من طوورها

 

شيخه ,,: هههه من دق الباب ياه الجووواب ,,

 

خلص اليووم الدرااسي ,,

 

 

في بيت مطر ( بو عبدالله )

 

مطر ,,: شلك بالكلافة ياوليدي اذا ما تقدر اي صالة ارخص اهمشي انت شاري بنيتنه هذا الي يهمنا ,,

 

عادل بفرحه ,,: لا انا ابي افرح دلال ابيها تفتخر جدام ارفيجاتها ,,

 

مطر ,,: الله يهادك بس لا تحمل نفسك فوق طاقتك ,,

 

عادل ,,: لا تخااف ,, كلشي لعيون دلال يهون ,,

 

دلال قااعده وتسمع ,, بس ما تسمع في نفس الوقت ,, اهي سرحااانه برامي ,, اي برامي ,, كلشي يصير تستبدل عادل برامي ,, وتشوف شكان ممكن يكون تحس بفرحتها لو كان رامي مكاان عادل ,,

 

مطر ,,: وانتي يبة شرايج ,,

 

دلال سرحااانه ,,

 

مطر ,,: دلال يبة ,,

 

دلال ,, اوتعت ,,: هلا يبة ,,

 

 

مطر ,,: شرايج بكلام عادل ؟؟ انتي موافقة يدفع هل كثر بس عشان يفرحج ؟

 

دلال ,, ابتسمت ,,: يبة خله يدللني الحين بااجر ما بيفتكر فييني ,,

 

عادل ,,: اففاااا والله لا يمكن ايي هل يوم دام عيني بج بصيره ,,

 

مطر ابتسم ,,: ههههه الله يهنيكم انشالله ,,

 

 

ام عبدالله ,,: يلا تفضلو الغدا جاهز ,

 

تغدوا ,, وعادل مستانس وعينه على دلال ما تنشاال ,, مبتسم ويسوولف ,, وناسي نفسه بالعسل ,,

 

 

عند بيت جيراااانهم ,,

 

بيت بو رامي ,,

 

ام رامي ,: يلا حبيبتي الغدى جاهز ,,

 

ريم ,,: انزين هاني اكلمك بعدين,,

 

هاني ,,: أوهوو سحبي لج الأكل وكلميني وانتي تاكلين ,,

 

ريم ,,: لا ماعرف آكل برووحي ,,

 

هاني ,,: ماودي اسكر والله ,,

 

ريم ,,: معليه بعدين اتصل ,,

 

هاني ,,: اتصل فيج عقب ربع سااعه ؟

 

ريم ,,:لاا علي واجباات بحلهم ,, اتصل فييني هلوون عقب ساعتين ,,

 

هاني ,,,: باااااااال واايد ,,

 

ريم ,,: يلاا هااني ينادوووني بيعصبون علي الحيين ,,

 

هاني ,,: أفففففففف انزين قبل لا اسكر ,,

 

ريم ,,: هلا ,,

 

هاني ,,: ابي اسمع منج كلمة اتصبرني ساعتين ,,

 

ريم ... انحرجت !1 ,,: اي كلمة .؟؟

 

هاني ,,: قوولي بشتتاااق لك ,,

 

ريم ,,: بس هااذي مو كلمة ,,

 

هاني ,,: والله انا طمعاان بالكلمة بس برضى بالجمله ,,, لين تقولين لي الكلمة ,,

 

ريم ,, :: ههههههه ياقنووووع ,,

 

هاني ,,: يلا قوولي ,,

 

ريم بحيا ,, : بشتاق لك,,

 

هاني ,,: آخ قللبي

 

ريم !! ,,: اشفييك!!

 

هاني ,,: قلبي قلبي قلبي

 

ريم ,, حست انه مافيه شي بس هلوون حركااات ,,: هههه اشفيه قلبك ؟؟

 

هاني ,,,: يحبج .,

 

ريم ,, احمممممرت ,,: انزيين يلا اكلمك بعدين ,,

 

هاني ,,: مع السلامة حبيبتي ,,,

 

سكر الخط ,,

 

وراحت رييم ,,

 

رامي ,,: اعنبوو كل هاي اتقولين له مع السلامة ,,

 

ريم اقعدت ,,: شسووي يطلع من سالفة ويدش بسالفة

 

رامي ,,: اخااف الا من مسااعه للحين ماعنده الا سالفة وحده ,,

 

ريم ,,: هاا ؟؟ شنهي !

 

 

رامي وهو يمثل ,,: احبج ,, اموت فيج ,, انتي احلى انسانه شفتها ,, ويمة قلبي ,,

 

ريم اتحرجت قدام امها وابوهاااا ,,: يمة قلبي هذي مالتك ,,

 

رامي ,,: هههههههههه اي صج الحقوق محفووظة

 

بو رامي ,,: يوز عن اختك

 

رامي ,,: بعد بو راامي ما ترضى علييها وانا مسكيين ,

 

ريم ,,: اييي لازم ما يرضى علي حبيبي بو ريم فديته ,,

 

رامي ,,: شووف يبة هذي مستانسه على روحها وايد مسميتك بو رييم ,,

 

بو رامي ,,: خلاااص ولا تزعلون بورامي وريييم ,,

 

رامي ,,: لا مايصير عيل انا ياي قبلها شلللللله

 

ريم ,,,: بيييه تحجى تحجى الكبيير,, الي ياي قببببببلي

 

رامي ,: هااا اييب لج اورااق تثبت هل شيي

 

ريم ,,: لا لا تييب شكرا ,, اصلا العمر مب في السنين في العقل

 

رامي ,,: هههههههههه والله انتي عيارة تتقلبين على بطنج وضهرج ,, انا قلت ياي قبلج مب افهم منج معني افهم منج طبعاً ,,

 

ريم ,,: اففف يبة شوفه متسبب علي

 

 

في بيت بو طااارق عقب الغدى ,,

 

 

جاسم ,,: اي يمة ياات بس مادري سلمى تقول انها كله راقده يمكن فيها شي,,

 

ام طارق ,,: سويتوا لها تحاليل ليكون مريضة ولا شي,,

 

جاسم ,,: امبله يمة ,, سوينا لها كلشي بس للحين ما طلعت النتيجه ,,

 

ام طارق ,,: لا تخلونها تشتغل الا لمى تتأكدون

 

سلمى ,, ,,: اي انه قلت لجاسم هلون بعد ,,

 

جاسم ,,: بس يمة سلمى هالكه روحها ما تلحق شغل البيت بروحها اهي وسلكا ,,

 

ام طارق ,,: يمة اذا تبون ميري كاهي خذووها ,,

 

سلمى : لا خاالتي جاسم يبالغ كاني مافيني شي ,, بالعكس احسن من القعده هلون بدون شي ,,

 

هيام ,,: سلمووووه شلون عايشة بالبيت برووووحج انا مو قادره اتخيل ,,

 

سلمى ,,: وألله أنه ارد من الجامعه ,, اخلي السايق يمر على بيت ابوي آخذ مروة معااااي لأنه فقيره قاعده بروحها بعد ,, نتونس مع بعض ,,

 

جاسم ,,: اي يمة خالي داش بمشرووع حلوو ,,

 

ام طارق ,,: الله يوفقه انشالله ,,

 

هاني ,, نازل من فووق ,,: يمةةة الغدى وينه ,,؟

 

ام طارق ,,: توك تفرغت تسأل عن الغدى ,,

 

هاني ,: يه يممممة ,, قاعد اسوولف مع الحبب ,,

 

ام طارق ,,: تغد وسولف معاها مايصير هلوون ,,

 

هاني ,,: اصلا مو انا الي سكرته بعد اهي ,,

 

ام طارق ,,: الله يهديك بس ,, انه رفعت لك ,, روح بتحصله محطوط على الطاولة ,,

 

راح هاني المطبخ ,,,

 

 

شوي وسمر وطارق ناازلين ,, لابسين عشان بيطلعوون ,,

 

ام طارق ,,: وين يمة ؟؟

 

سمر ,,,,,

 

طارق ,,: يمة بودي سمر تبي تشتري شي ,,

 

ام طارق ,,: حاسب للطريج حبيبي ,,

 

طارق ,,: انشالله ,,

 

طلعوا ,,

 

ركبوا السياره ,,

 

 

سمر ,,: زين ما قلت لها ,,

 

طارق ,,: ليش ؟؟؟

 

سمر ,,: مابيها تحاتي ,,

 

طارق ,,: الله يهدااج بس ,,

 

 

طول الطريج وسمر سااكته طارق يحاول يسولف بس اهي صااخه ,, ومن الخوف بس سرحااانه ,,

 

 

وصلوا ..

 

سمر مغمضه عينها ,,,: طارق انا خايفة خااايفة,,

 

طارق ,,: حبيبتي ,, اليوم ما بيقولون لنا بعد التحاليل بنعرف كلشي لا تخافين ,,

 

سمر ,,: صج!!

 

طارق ,,: اييه ,,

 

نزلت معاه وهي ميووده يده بالقووة ,,

 

 

في بيت بو براهيم ,,( يد علي )

 

ام ابراهيم ,,: صج يمه تتكلم من صجك؟

 

علي ,,: انا مااااااااقلت شي للحين بس اقولج يعني ان شكلها دش خاطري ,,

 

ام ابراهيم ,,: بالمباارك يولييدي بالمبااارك ,,

 

 

ام سلطاان ,,: طاع هااذي كأنه بيعرس عليها الحين ,, الولد يقولج البنت عاجبته مب بيتزوجها ,,

 

أم ابراهيم .,: اشفيها لو تزوجها يعني ,,

 

علي,,: يممة ,, أنا قلت لج ما اقدر اتزوج بهل طريقة ,, لازم اعرفها قبل ايشي ,,

 

ام ابراهيم ,,.: يعني شلون تبي اتعرفها ,,

 

علي ,,: مادري يمة بس اهي بيت ييرانا يعني بشوفها بين الوقت والثاني وشوي شوي بحاول اعرفها ,,

 

ام ابراهيم ,,: الله يقدم الي فيه الخير انشالله ,,

 

ام سلطان ,,: كان ودي آآنه الي ادور لك العروووس

 

علي ,,: هههههههههه للحين ما خذتها انزين يمكن ماتعجبني شخصيتها أفكارها وارد لج عشان اتدوورين لي ,,

 

ام سلطاان ,,: ههههههه عاد انت ذووقك صعب

 

علي ,,: لأني انسان فريد من نووعي ,,

 

ام ابراهيم ,,: عيل تدرين شلون ,, كل مره بخليك انت تاخذ شي اذا ابي اطرشه لبيت بو ضاري ,, عشان يمكن تشوفها ,,

 

علي ,,: ههههه اووكي

 

 

عقب يووومييين ,,

 

 

في الجااامعه ,,

 

 

هيفاء ,, : سلااام ,,

 

شيماء ,,: وعليكم السلام ,,

 

عالية ,, : هلا هيووف ,,

 

هيفاء ,,: شلوونج عالية وينج ما تبينين ,,

 

عالية ,,: موجوووده بس انتي ما تسألين عني ,,

 

هيفاء ,,: سامحيني والله ايام اختباارات ,,

 

عالية ,,: أنا احسد الي تخرجوا افتكوا من الهم ,,

 

شيماء ابتسمت ,,: في بعضهم الهم لاحقهم لي عقب الدرااسه ,,

 

هيفاء طالعت شيماء بخوف ,, وتمت ساكته ,,

 

عالية ,,: شلون يعني ؟؟

 

شيماء ,,: في ناس يفتكون من هم الدراسه وتخترب حياتهم كلها ,

 

عالية ,,: ! ,,: شيماااء شتقولين مو فاهمه قصدج ,,

 

شيماء ببتسامة شر ,,: مردج اتفهمين ,,

 

عالية ,,: هيفااء انتي فاهمه شي؟

 

هيفاء ,, قامت ,, وراحت ,,

 

عالية ,,: شسااالفه شبينج وبينها؟

 

شيماء ,,: ماعليج منها هيفاء اتييها دقات هلون

 

هيفاء في طريجها واهي تمشي بسرعه ,,

 

دعمت في عماار ,,

 

 

عمار ,,: هيفاااء حاسبي اشفييج

 

هيفاء شافته ,, وتذكرت هاني ومشت عنه بسرعه ,,

 

عمار ,,: اشفيها هذي!!

 

هيفاء اركبت السيااره ,, : شسوي الحين شسوي ,, حياة الريال بتخترب وانا لي يد في الموضوع ,, اخاف اقوله وتخترب حياتي آنه بعد , شسوي ياربي شسوووي ,,,

 

 

 

في بيت بو طارق وفي دار سمرر وطااارق ,,

 

سمر ,,: يعني معقوله كل هل مده عشان تطلع النتيجه ,,

 

طارق ,,: مادري والله اهمه قالو لي

 

سمر ,,, بحزن ,,: يعني مب انت تقولي هلون عشان تمر ملجة هاني على خير ؟

 

 

طارق التفت لها بأستغراب ,,: ليش اتقولين جذي !!

 

سمر ,,: مادري احساس ,,

 

طارق ,,: احساسج غلط ,,

 

سمر ,,,,,,,,

 

طارق ,,: سمر والله انا مو متحمل اشوفج هلووووون من مده وانتي مو انتي كله متضايقة وودج تبجين ,,

 

سمر ,,: انت ماتدري يعني شنو ممكن يكون فيني شي!!

 

طارق ,,: اول شي انتي مافيج شي وحتى لو فيج ,, في علاج لكل شي ,,

 

سمر ,,: لمتى بتعالج ولمتى بنحاول ,,؟؟؟ لين ما اشيب وتشيب! واذا ما ياب العلاج نتيجه !

 

طارق ,,: سمر انتي ليش متشائمة ,, انشالله ما بيصير الا الخير ,,

 

سمر وهي تمسح دمعتها ,, : لأأني احبك وخايفة اخسرك ,, لأني مو متخيله اشوفك مع غيري لأني بمووت لو فكرت بيوم بالعيال وأنا حارمتك منهم ,, لأني مستحيل ارضى اخليك بدون ذرية ,,

 

طارق حس بألم ,, أول مره سمر تتكلم بهل طريقة ,, اول مره يحس ان يمكن قصة حبه مع سمر تنتهي ! ,, وكأنه الشريط شير ,, في مقطع اهو مو حابه ,, يبي يتخلص من هل موقف ,, اهو مو قد دموع سمر ,, وكل دمعة تحسسه بضعف ,,

 

 

ماقدر يرد عليها ,, بس حس انها محتاجه تبجي محتاجه تطلع الي داخلها , ,, لمها ,, واهي زادت بصيااحها ,, وأهو ساكت مو قادر ينطق ,,

 

 

في داار هيام ,,

 

 

قاااعده وتتأمل بالرساالة ,,

 

 

غريبة ,, كل ما اقرا هل رساله , احس اني اقراها لأول مره ! ,,

 

 

تمت اتفكر ,,

 

 

يعني احبه ! ,, أنا للحين مو قادره استوعب شلون بهل سرعه حبيته ومو اي حب ,, انه احس ان حياتي من دونه مالها اي طعم ولا لزمة ,, اشتاااق له أحبه ,, انه احبه ,, شلون حبيته ! ,, لحظة ! بس انه أحبه ! اي اي احبه ,,, كل الي اعرفه ,, اني احبه ,, ومابي اشوفه مع اي مخلوقه غيري ,,

 

قامت وفتحت الكمبيوووتر ,,

 

شافت السيدي الي فيه الأهداااء وخذته على طوول ,,

 

وشغلتته ,,

 

وتمت اتشوووفه وسرحاانه ,, ياربي احبه ! صج صج صج احبه ,, يانااس أنه احب هل انساااااان ,,

 

 

خذت تلفووونها وطرشت لشيخه مسج ,,

 

 

احبه شيخه احبه ,,

 

 

شيخه شافت المسج استغربت ,,

 

 

اتصلت فيها ,,

 

شيخه ,,: الووو

 

هيام ,, ببتسامه ,,: أحبه ,,

 

شيخه ,,: وي وي !! , اشفيييج !!

 

هيام ,,: أحبه أحبه أحبه ,,,

 

شيخه ,,: بييييي هيوووم اشفييج انا أخاف زر عقلج ,,

 

هيام ,,: شيخوووووه صدقيني احبببه ,,

 

شيخه !! ,,: من هااذييي!! رووميووو؟؟

 

هيام ,,: والله احبه ,,

 

شيخه ,,: لا حول ولا قوة الا باالله العلي العظيم ,, معليه نطريني بيي وبييب وياي سيارة مستشفى الميانين ما تمنيت هل يوم ايي ,, لكن للأسف ,,

 

هيام ,,: ههههههههههههههههه شيخووو تعالي بيتنا ابي اسولف معااج ,,

 

شيخه ,,: قووومي زيين الحين بااروح مع النصري اشتري فستاان ,,

 

هيام ,,: اوووف انا بعد ما شرييييت ,,

 

شيخه ,,: هااا انمر عليج ؟؟

 

شيخه تذكرت اخوها ما صدق على الله يهدأ ,, ما تبي اتخرب كلشي ,

 

شيخه ,,: ولا تدرين ,, خلي سايقكم يمر علينا ونروح سوىى ,,

 

هيام ,,: أنزين بالبس ووباييج ,,

 

 

شيخه ,,: يلا أنه بارزه مب اتعطليني ,,

 

هيام ,,: انزين يلا بااي ,,

 

شيخه ,,: بااياات ,,

 

سكرت الخط ,, وقامت تلبس ,,

 

لبست تنووره طويلة بنية ,,,,,, وفوق تووب حرير بيج وعليه اكسسواار بني ناااعم ,, وفلت شعرها ,, سشورة قدلتها ,, ولبست النظااارة الشمسية الي شكبرهااا ,, وطبعاً كحل غااامج ,, وبودره خفيفة ,,

 

 

ونزلت ,,

 

 

هاني ,,: أوه أوه شعندهاااااااااااااا

 

هيام ,,: باارووح آشتري فستاان لملجتك ,,

 

هاني ,,: بوو هيووم طالعه كأنج ممثله ولا شي مهم ,, خاطري خاطري اشووف عليج الحجااب ,,

 

ام طارق ,,: اكيد بتلبسه مردها له ,,

 

هيام ,,: اكيد يمة ,, بس انا مابي البس الحجاب بس هلون مثل باجي البنات ,, ابي البسه من داخلي ومن برا ,, اعرف قيمته واحترمه قدامكم ووراكم ,,

 

ام طارق ابتسمت لها ,,: هذي بنيتي ,,

 

هاني ,,,: انزين اوصلكم؟؟

 

هيام ,,: لا بااروح مع شيخووه كومار بيوديينا ,, انت مافيك شدة دووواره ,,

 

هاني ,,: ههه انزين ,, تحملوا بروحكم ,,,

 

ام طارق ,,: انزين حبيبتي عندج فلووس ؟؟

 

هيام ,,: اي يمة عندي ,,

 

ام طارق ,,: سلمي لي على شيخه ,, وقوليلها تقول لخيتي تييني باجر عشان نروح احنا بعد نشتري لنا جلابياات ,,,

 

هيام ,,: انشالله ,,

 

طلعت هيام ,,

 

وكووماار واحليلة ميوود يد ميري ,,

 

هيام ,,: لا هاذييلة مصخووها ,,

 

 

هيام ,,: كوومار؟!؟؟

 

ميري بسرعه سحبت يدها ,, وركضت البيت ,,

 

كومار سااكت ,,

 

هيام ,,: تبي اقول لأبوي ؟؟

 

كومار ,: أنا في قصد شريف انا يبي يسوي زواج ,,

 

هيام ,,: والله هل كلام قوله لأبوي أنه مايخصني ,,

 

كومار ,,: خلاص انا في قول حق بابا ,,

 

هيام ,,: يلا ودني بيت عمي بو ناصر ,,

 

كومار ,,: انشالله ,,

 

 

وصلت ودقت لشيخه رنه ,,

 

وطلعت اهي وندى ,,

 

 

شيخه ,,: هلووو كووومار ,,

 

كومار هز راسه ,,

 

شيخه ,,: وي اشفيه مبرطم !

 

هيام ,,: قاعد مسوي لي فلم هندي اهو وميري قلت له باقول لأبوي ,, برطم شاسوي فيه ,,

 

شيخه ,,: هههههههههههههههههههه واعلللللللللليه ,,

 

ندى ,,: من صجج ؟

 

هيام ,,: اي والله !

 

شيخه ,,: انزين هيوم مري على سوسنو بتيي ويانه ,,

 

هيام ,,: روح بيت سوسن ,,

 

 

وصلوا بيت سوسن ,,

 

 

ونزلت شيخه ,, اتسلم على ام سوسن وتنادي سوسن ,,

 

دقت الجرس ,, وتمت وااقفة ,,

 

على حظظها ,, جمال كان ياي لعلي عشان يطلعوون ,,

 

جمال شافها ,,

 

جمال والله هل بنت مزيونه وايد حلوة أحلى من ارفيجتها مادري شفيه علي ,,

 

دخل بيت بو براهيم ,,

 

وشيخه دخلت ,, بيت بو ضااري ,,

 

 

سلمت على ام سوسن ,,

 

وطلعت ,,

 

سوسن ,,: اووف شيخووو نسيت تلفووني لحظة باييبه ,,

 

دخلت سوسن ,,

 

وعلى طلعت علي وجمال ,,

 

علي شافها عقد حواجبه ,, كاهي الدفششه الي ما تستحي ,,

 

جمال ,,: علي اشفيك واقف ,,

 

شيخه ,, اسمعت صوت جمال لفت ,,

 

شافت علي ,, السخييييييييف عيدم الذووووووق وع وع وع اكيد ما بحصل الفستان هاذي ويه احد يشووفه قبل لا يقضي حاجته ,, بو حووووواجب ,,

 

علي ,,: مافيني شي

 

طلعت سوسن ,,

 

علي شاف سوسن ,, ابتسم ,,: هذي الي اقولك عليها ,,

 

 

جمال ,,: آدري ,, اللحين تحرك خلنا ننرووح ,,

 

علي مشى مع جمال وراح السياره ,,

 

وركبوا البنات السيااره ,

 

شيخه ,,: شفتيييه السخيف التافه الي ما يسوى ضفري ,,

 

سوسن ,,: بعد بعد بعد عطينا من الصفاات ,,

 

شيخه ,,: اووف حدي منقهره ,,

 

 

مشووا ,,

 

وعلي مشى وراهم,,

 

 

جمال ! ,,: علي!! انت شناوي عليه !

 

علي ,,: ولاشي ,, أنا ما الحق ورا هل سخيفة الدفشه ,, انا ابي اشوف تصرفات سوسن ,,

 

جمال ,,: يحلييلك والفلم الي عزمتني عليه !

 

علي ,,: لا تخاف باخذك بدال الفلم فلمين ,,

 

جمال ,,: علي لا تسوي لروحك سوالف ,, ترا اكيد عندها اهل ولو قالت لهم بتروح فيها ,,

 

علي ,,: اتخسي الا اهي وبعدين أنا قلت لك انا مو قاعد الحق وراها اهي ,,

 

جمال,: اشك فيك ,,

 

في السيااره الثانية ,,

 

سوسن ,,: مو كأنه علي يلحقنه !

 

ندى ,,: أي أنه بعد لاحظت ,,

 

 

شيخه ,,: صج انه مايستحي على ويهه وما يسوى بيزه ,,

 

وطوووول الطريج وهو وراااهم ,,

 

 

لين وصلوا بركن كوومار ونزلوا ,, البنات ,,

 

علي ما حصل بارك قريب بسرعه بسرعه على عجل بركن سيارته بعيد ,, ونزل بسرررعه لين لحق عليهم ,,

 

 

جمال ,,: علي ترا انا ماحب هل سوالف ,, لين شافني احد يعرفني وراح قال لخطيبتي شبتقول عني! ,,

 

علي ,,: اففف جمال لا تحن ,,

 

 

دخلووا البنات المحل الي فيه الفستان وشيخه شقت حلجها ونست علي وملاحقته لهم وخذت الفستااان على طوول ,,

 

علي ,, لاحظ انها تبي الفستان ومستانسه عليه ,,

 

علي ,, والله لحرق قلبج ,,

 

 

هيام ,,: انزين شيخو خلي الفستان هني ,, وبندور في المحل انشوف اذا في شي بعد حق كل وحده فينا ,,

 

 

شيخه خلت الفستان عند الكيشر وراحت مع البنات يشوفون الفساتين ,,

 

دخل علي بسرعه ,,

 

علي ,,: بجم هذا ؟؟

 

الكيشرية ,,: هزا حق هزا مدام ,,

 

علي ,,: ابجم اقولج ؟

 

الكيشيرية ,,: 120

 

علي ,,: انه بعطيج 240 وبيعيني اياه ,,

 

الكيشيرية شقت الحلج ,, وعطته اياه ,,

 

علي خذه وراح لجمال ,,

 

 

جمال ,,: ليش شاري الفستان!

 

علي ,,: عشان احرق قلبها ,,

 

جمال ,,: ياربي عليييييييك مو انت قلت أنك ياي عشان اتشوف تصرفات سوسن اشعليك من البنية!

 

علي ,,,!! : ها ! اي انا ياي عشان سوسن بس قلت بالمره اطلع حرتي ,,

 

 

هيام وندى لقوا لهم فساتين ,,

 

وراحوا بيدفعون ,, شيخه !! ,,

 

 

شيخه ,,: وين الفستان!

 

الكيشرية ,,: هزا في واحد يشتري ,,

 

شيخه شبببببببببت نااااااااااار لفت الا اهو ميود الجيس ومسوي نفسه يسولف مع جمال ومو مسوي شي ,,

 

 

شيخه ,,: شقول شقول عنه ! هذا انسان مينون مريض صدقوووني مريض ,, انزين مافي واحد ثاني.؟

 

الكيشرية ,,: لا مدام هزا last pice

 

شيخه شوي وبتصيح ,,: لاااااااا

 

هيام ,,,: وي شيخه اشفيج بنحصل احلى منه ,

 

شيخه ,,: لا لا لا انه ابي هاذييي من متى وأنه خاطري فيه ,,

 

سوسن ,,,: تبين اروح اكلمة اسأله ليش شارية!؟؟

 

شيخه ,, بقهر ,,: لا ,, هذي صفعه ,, وما بسامحه عليها ,, وبيشوف شباسوي له ,,

 

ندى ,,: شيييخه ! اشبتسوين!! خليه يولي لا تعطينه ويه بعدين بيتمادا ,,

 

شيخه ,,,: اهو الي بدى والبادي اظلم ,’,

 

 

علي لف وهي اتطاالللللعه بنظرررررات

 

 

علي انقهر ورد لها النظره بنظره مثلها ,,

 

طلعوا من المحل ,,

 

وعلي بالعماله قام يضحك ,,

 

شيخه واااااااااي بذبحه بذبحه بذذذذذذذذذذذذذذذذذبحه ,,,

 

 

سوسن مستغربه من تصرفااات علي اشفيه الريال استخف !

 

تمو يمشون ,, وعلي وراهم ,,

 

جمال ,,: اقوولك ,, أنا ماحب هل سوالف وما ظنيتك بتسويها , ردني البيت ,,

 

علي ,,,: جمال اشفيك ! ليكون عبالك انا معجب فيها وقاعد الاحقها عشان اتغزل فيها !

 

جمال ,,: ادري ان فيك حره وتبي اتطلعها بس هل طريقة غلط ,, وبعدين شفايدة هل حركااات!

 

 

علي ,,: خلاص استحملني هاذي آخر مره ,,

 

جمال ,,: اففف ,,

 

عند البنات ,,

 

شيخه مكتأبة ان الفستان راح عليها بسبة الي ما يتسمى علي ,,

 

شيخه ,,: خلاص انه آبي آرد البيت ,,

 

 

نزلوا البناات ,,

 

وعلي للحين يتناقش مع جمال وسهى عنهم ,,

 

شيخه ,, : سوسن عطيني مفتااح بيتكم ,,

 

سوسن ,؟! :/ليش ,,

 

شيخه ,,: أنتي عطيني !!

 

 

لفت شيخه وراها ,, ويوم شاافة الدرب امااان ,,

 

 

حطت المفتاااح وتمت تسحببببببببه وهي اتشمخ السياااره لي نهاايتها ,,

 

 

هيام !!!!!!!!!!,: شيخووووو اشسويتي!

 

شيخه ببتسامة شر ,,: الي يلعب بالنار تحرقه ,,

 

سوسن ,,: امببببببببيه السياره يديه ما صار لها اسبوووع حرام عليج ,,

 

شيخه ,,: يلا يلا نمشي ,, اهو الي بدى وخله يتحمل عاد ,,

 

راحوا البنات السيااره ,, وطار فيهم راجوو ,,

 

 

يوم خلص النقااش الي بين علي وجماال نزلوا تحت ,,

 

علي ,, وهو يتمشااا ومستانس وأخيرا طلعت حرتي ,,

 

 

 

شوي وكأنه الشريط شير!!!!!!!!!!!!!!!!!!!

 

 

علي !!!!!!!!!!!, : شنو هذاااااااااااااااااااااا

 

جمال ,,: هههههههههههههههههههههههههههههههههههههههههههههههههههههههههه

 

علي ,,: اشعلللللللللليه تضضضضضضضحك!!!

 

جمال ,,: والله هل بنية موب هينه ,,

 

علي ,,: شوووف من البدااية للنهاية شوهة السياااااااااره

 

جمال ,,: اشلك اتعلف فيها ,, خلااص الحين ارتاااح قلبك كا تشمخت سيارتك ,,

 

علي ,,: السيااره ما صار لها اسبوووع ,,,

 

جمال ,,: واهي كانت ميته على الفستاان قمت خذته منهاا ,,

 

علي ,,: معليه انا اوريها ,,

 

جمال ,,: لا حول الله ,, ما بنخلص احنا ,,

 

ركبو السياره ,,

 

علي قاعد وعاقد حواجبه ,, يعني وحده بوحده هاااا!! , أنا براويييج ,,

 

جمال ,,: ها علووي ما قلت لي شفت تصرفات سوسن ولا لا ,,,

 

علي وهو سرحان ,,: ها؟

 

جمال ,,: البنت الي معنينا عشانها ما اشوفك لاحظت تصرفاتها!

 

علي ,,: ايي لهيت بهلي ما تتسمى ,,

 

جمال ,,: يعني الي تحسه لها مو اعجاب!!

 

علي ,,: جمال اشفيك اقولك البنت شكلها عاجبني رقتها عاجبتني مب يعني معجب فيها ,,

 

جمال !! ,: عيل اذا مو معجب فيها شتطلع ؟

 

علي .,,: مادري مادري المهم الحين ارد لها الصاع صاعييين ,,

 

جمال ,,,: علي خل عنك هل سوالف ,, باجر بتصير لك سالفة شكبرها ,,

 

علي ,,,: انت ماعليك انا لازم اردها لها ,,,

 

 

في سيااارة البناات ,,,

 

شيخه ,,: هاهاهاهاهاهاي ,, بصرااحة كنت احس براااااااحه وانه اشمخ السياره ,,

 

هيام ,,: والله انج انتي وياه ما ينعرف لكم ,

 

شيخه ,,: وع وع لا تجمعيني وياه ولا حتى بجمله قطع ويه ,, بو حواجب ,,

 

ندى ,,: حرام عليج شيخووووووو حواجبه حدهم عذاب ,,

 

شيخه ,,: مالت عليه بس مالت عليه ,,

 

سوسن ,,,: جان ما تصير لي آنه الحين سالفة ,,

 

شيخه ,,: اشبيصير لج يعني !! ,,

 

سوسن ,,: اخاف ايي ويقول لأمي ,, وتصير لي سالفة ,,

 

شيخه ,,: لا تخافين ,, ما بيسويها ,,

 

سوسن ,,!!! ,,: وأنتي شدراج !

 

شيخه بنظرات شر ,, : الحين اهو يفكر شلون يردها لي!! موب يشتكي ,,

 

سوسن ,, : وانتي شلي يخليج هلون متأكده !

 

شيخه ,,: بتقولين شوااخه قالت ,,

 

هيام ,,: الله يهداكم بس ,,

 

 

 

 

علي وصل جمال ,,

 

ورد البيت وهو معصب وشارد ومنقهرر,,

 

دش بدون ما يسلم وقعد ,,

 

ام ابراهيم !!,,: اشفيك !!

 

علي ,,:متنرفز يمة متنرفز

 

ام ابراهيم ,,: ليش!! شصاير؟

 

علي ,,: في احد شمخ سيارتي ,,

 

ام ابراهيم ,,: من هاذي؟؟

 

علي وهو يعض على اسنانه ,,: احد يمة احد ,,

 

ام ابراهيم ! ,,: خلاص يمة ولا اتزعل روحك ,, ودها القراج وترد لك مثل ما كانت,,

 

علي ,,: اففف بس أنا منقهر متنرفز ,, مختنق من حرتي ,,

 

ام ابراهيم ,,: علي!! اشفيك اول مره اشوفك هلون وعلى سبب ما يسوى,,

 

 

علي ,,: انا يمة بروح داري تامرين على شي؟؟

 

ام ابراهيم ,,: لا سلامتك بس لاتحر روحك مب زين عليك ,,

 

علي هز راسه وركب فوق ,,

 

دخل داااره الوسيييع الملكيية ,, كل شي بالدار اخضر وبني وتدرجاات اللونين ,, لون الجدار الي ورا السرير اخضر غامج والفرااش احضر فيه زخرفات بالبني ,, ولون خشب السرير بني داكن ,,

 

والغنفة الي بالدار خضره تفاحية وعليها مخدات بنيين ,,

 

ارضية الدار خشب وعليها زولية خضره ,,

 

طبعاً كتب الجامعه مرمية في كل صوب والأورااق مالية الدار ما يرضى الخدم يدشون يرتبونها ويسوي سالفة لو دشت يدته تعدلها ,,

 

الكبت بيباانه مفتحه والثياااب منثررره ومعفووسه عفاااس

 

 

دش شاف العفييسه تنرفز اكثر ,,

 

 

معليه ,, معليه ,, عيل وحده بوحده هااا على بالها اني بخاااف ولا بعيز والله ما برتاح الا اذا رديت لها الصااع صاعين عيل انا علي تسوي فيني هلدقة غيرها ما قدروا ,,

 

 

اففففف صج قهر صج قههههههر انا وحده اتسوي فيني هلوون ! اشدخ وتهزأني وارد اشدخ وتضحك علي ولاااا تطالعني بحتقااار ,, واليوووم تشمخ سيااارتي ,, آآآخ يالقهر ,,

 

 

في بيت بو نااصر ,,

 

شيخه قاعده بدارها اتنتف في شعر الدب ,,

 

راح علي الفستاااان راااح راااح رااااااااااااااااااااح ,, الله لا يوفقك لا دنيا ولا آآآآآخره جانك خربت علي وخذت مني الفستاان ,, الله يوريني فيه يوووم الله يوريييني فيييه ,,

 

 

قليلة في حقه اشمخ السياره ,, كان لازم افخخها عشان يموت وأفتك من ويهه

 

قطعت عليها افكارها الأرهابية حنان ,,

 

حنان,,: شيخه ,,

 

شيخه ,,: هاا

 

حنان ,,:انه ضايق خلقي ,,

 

 

شيخه : شمنه؟

 

حنان ,,:كمبيوتري اخترب,,

 

شيخه ,,: روحي زين عبالي شي يسوى,,

 

حنان ,,: انتي تدرين ان النت حياتي كلها ,,

 

شيخه ,,: غلط ,, المفروض ما يكون حياتج كلها!

 

حنان ,,: يعني بالله عليج اذا ما قعدت على النت شباسوي؟

 

شيخه ,,: مادري ايشي المهم انج ما تصيرين مدمنه على النت!

 

حنان ,,,,: افف الحين الددبره ؟؟

 

شيخه ,,: انتي ياية وهل تمثيلية والحزن عشان كمبيوتري موووو

 

حنان ,, وهي اتحك رااسها ,,: يعني تقدرين اتقولين جذي ,,

 

شيخه ,,: روحي عني تراني متسببة وواصله حدي,,

 

حنان تحبها على راسها ,,: شكرااا

 

شيخه ,, خذت لابتب وشاالت ليه ,,

 

شيخه ,,: طااع هذي!! خذته بدون ما اقولها ولا بدل ما تواسيني شالت عليه خوش اخت والله!

 

 

 

 

في بيت بو عاادل ,,

 

 

ام عادل ,,: لا انه هلشي ما يرضيني ,,

 

عادل ,,: يمة هذي حياتي وأنا حر فيها ,,

 

ام عادل ,,: أنت من صجك ! ,, توك متوضف وتاخذ قرض هل كبر بس عشان تونس ست الحسن والدلال!!

 

عادل ,: يمة ,, دلال مرتي ,, وأنا سويت هلشي بروحي بدون ما اهي تطلب ,,

 

أم عادل ,,,: اكيد بتقولي انك سويت هلشي منك ومن نفسك لكن انه اعرف انها الي قايلت لك واتلاقيك يا نظر عيني مو راضي بس عشانها ساكت ,,

 

عادل ,,,,: اشهل كلام !!! انا مو ياهل ! ,, وبعدين انتي ليش تكرهينها

 

ام عادل ,,: أنه ما اكرها ,, بس ما احب اشوف احد يستغلك ,,

 

عادل ,,: هذي مرتي وهذا زواجي وأنا اخذت كل قرار مني ومن نفسي ودلال بس تقول حاضر حرام عليج تظلمينها

 

ام عادل ,,: تبي تعلمني بالحريم ! ,, اتلاقيها لمحت لهل شي وتدلعت عليك شويتين وخلاص صار الي تبيه ,,

 

عادل ,,: لا حول ولاقوة الا باالله يمة الله يخليج سدي المووضوع وقرار انه خذته وما برجع فيه

 

ام عادل ,,: ابوك لازم يعرف

 

عادل ,,: ابوي يدري ,,

 

ام عادل ,,: وراضي؟؟

 

عادل ,,: ابوي يحترم قرارتي ,,

 

ام عادل ,,: شقصدك أنه ما احترم قرااراتك!

 

عادل ,,: أنا ما قلت جذي ,,

 

ام عادل ,,: عيل !!

 

عادل ,,: ولاشي ولاشي ,, أنا بطلع تامرين على شي؟

 

ام عادل ,,: بتروح لها!! وبتشتكيني لها!! هذي آخرت تربيتي يا عادل؟؟

 

عادل ,,: لا مب رايح لها

 

ام عادل,,: عيل وين رايح ,,

 

عادل ,,,: بمر على رامي ,,

 

ام عادل ,,: ليش اهو في احد ضيعك غير هل رامي ,,

 

عادل ,,: يمة!! بتيين على رامي بعد!

 

ام عادل,,: أنا من بعد ما شار عليك بهل بنية وأنه مو طايقته ,, لو اهو صج ارفيجك ما انصحك ابها ,,

 

عادل ,,: يمة الأنسان ما ياخذ غير نصيبة بهل دنيا ودلال نصيبي وانا احبها يايمة لا تغلطين عليهاا الله يخليج ورامي اخو دنيتي ورفيجي وعمره مافكر يضرني ,,

 

ام عادل ,,: ونصيحته لك بأنك تااخد دلال تعتبرها مصلحه ,,,

 

عادل ,: وأكبر مصلحه ,, يمة انا طالع ,, مع السلامة

 

 

طلع عادل من البيت وهو ضايق خلقه ,, أمه ما تحب دلال ولا رامي , وأهم اعز الناس له ,

 

 

دق الجرس على بيت بو رامي ,,,

 

 

وطلع له رامي ,,

 

رامي ,,: هلا عااادل

 

عادل بضيج ,,: رامي خلنا نطلع شوي ,,

 

رامي شاف عادل متضايق ,, : اوكي يلا ,,

 

 

وفي الكوفي شوب ,,

 

عادل ,,: أنا تعبت والله تعبت ,,

 

رامي ساكت حاس انه السبب في كلشي,,

 

عادل ,,: دومها معترضه على كلشي ما تشتهي دلال مادري ليش

 

رامي,,: والله مادري شقولك بس سامحني يا عادل

 

عادل ,,:لا تقول جذي ,, انت ما سويت شي انا ابي اشكرك من اليوم لآخر يوم في حياتي لأنك قلت لي على دلال ,, أنا الحين بس صار في حياتي طعم ولون ,,

 

رامي ,,: بس صارت لك مشاكل مع امك ,,

 

عادل ,,: امي مردها تتعود على دلال ,,,

 

رامي ,,: انشالله ,,

 

 

رن تلفون عادل ,,

 

عادل ,,: هذا طارق ,,

 

 

رد عادل ,,

 

عادل ,,: هلاا

 

 

طارق ,,: اهليين بالي ما يسأل فييني

 

عادل ,,: هههههه شلوونك؟؟

 

طارق ,,: بخير الحمدلله اسأل عنك ,,

 

عادل ,,: اسألت عنك العافية ,,

 

طارق ,,: هاا فاضي؟

 

عادل ,,: اي

 

طارق,,: عيل الحين اتصل في رامي عشان انتيمع ,,

 

عادل ,,,: أحنا متيمعين ناقصنا انت

 

طارق ,,: آ يالخوونه شلون ما تقولون لي ,,

 

عادل ,,: عاد لو متأخر شوي اتصلت فيك ,,

 

طارق ,,: اي اي رقعها ,,

 

عادل ,,:ههههه يلا ننطرك احنا في الكوفي شوب الي ييناه آخر مره ,,

 

طارق ,,: يلا يايكم ,,

 

 

 

سكر الخط ,, وتم رامي يسولف مع عادل لين ما وصل طارق ,,

 

 

طارق ,,: السلام علييييكم ,,

 

رامي وعادل ,,: وعليكم السلااام

 

طارق,,: هاا شقلتوا قبل لا ايي ,,

 

رامي ,,: ولااشي

 

عادل ,,: كنا نحش فيييك ,,

 

طارق ,,: اي انا اشووف عيني ترف اثريكم مقطعين فيني

 

 

رامي ,,: هههههههههههه طروووق صج انك عتيج ,,

 

 

طارق ,,: هههه لييش؟؟

 

رامي ,,: سوالف العياييز عينك ترف مادري شنهو ,,

 

طارق ,,: ههههههههههههه شسوي بعد

 

تموو يسوولفووون ,,

 

وايام هل اسبوووع مرت حلوة لناس ومرة لناس ثانية في ناس مشغوول بالهم وفي ناس تخطط وناس خايفة من الأيام الياية ناس تبي الأيام تركض ,, على كل حال ,, مر الأسبوع غير كل الأسابيع ,, كان هل اسبوع مميز وحاافل ,,

 

عفسة عرس جاسم وطارق ما اييون شي صوب الدندره الي سوااها هاني عشان ملجته ,, لاج الكل ومزعزعهم ,, عشان يتجهززوون لملجته ,,

 

 

 

وفي اليوم الموعوود ,,

 

 

في دار ريم ,, قااعده بفستانها لأزرق النااعم ,, وتسريحتها الي يااات على شعرها كأنه باارووكه من كثر ماهي ضاابطه لأنه شعرها غليض وناعم وطووله حلوو

 

 

ام رامي كل شوي تمسح دموعها ,, معقوله ! بنتها الصغيره !! الي امس كانت بحضنها ,, تسحي شعرها ,, وتزهب لها اغرااضها اليوم عروس؟؟ !! الأيام تركض بدون ما نحس! ,,

 

 

وام طارق مستانسه ,, مو مصدقة ان ولدها بيعرس هذا الولد الطايش بيستقر واختار شيخة البنات ,, بنت حلاة واخلاق وسمعة مثل المسك ,,

 

 

هياام ,,: حلاااة ريمااانيي حلاااة شهل زين والله انج غاااوية

 

ريم وهي اتيود يد هيام ,,: هيوووم انا متووتره مو عارفه اصلب رووحي احس بطييح ,,

 

هيام ,,: هههه يحيلكم كل الي يعرسووون يسوون هلون نفس الأسطوانه ,,

 

ريم ,,: وااي قلبي بيطلع من مكاانه ,,

 

هيام ,, ببتساامة ,,: هاا من الفرحه ؟؟

 

ريم احمرت ,,: افف هيام صج مو وكتج ,,

 

شويي ودخللت عليهم شيخه واهي مادة البرطم ,,

 

هيام ,,: عاد شيخه بتبوز ليوم القيامة ,,

 

شيخه ,,: وليش ما بوز ! ,, انا لابسه اكره شي ,, شوفي حتى ميري لابسه احلى مني ,

 

سوسن ,,: ههههههههههههههههههههه والله لابسه ساااري يبررق من بعييد ,, ولااا لونه وردي فلااش بعد ,,

 

هيام ,,: ههههههههههه حسبي الله على بليسج بالعكس احسج طالعه نعووومي ,,

 

شيخه ,,: بسج لا تقصين علي ,, أصلا أنه ادري اني طالعه اجكر من الجكر ,,

 

سمر ,, دخلت ,,: يلا ريييم قوومي قامت السااعه ,,

 

ريم اتغيرت الوانها ,, ومو عارفة شتسوي ,,

 

سمر ,, اتساسرها ,,: قومي قومي ادري بج فرحاانه بس متوتره ,, قولي لنفسج ان كلشي بيصير تمام وتحركي ,,

 

 

طلعت ريم ,,

 

والكل ورااها ,,

 

وملج الشيخ ,, وهاني كأنه حصل حلم حياته ,, كان كلشي بعيونه حلو ,, كلشي بدون استثناء ,, مو قادر يصدق انه ريم صارت مرته !! ,, خلاص ريم له , محد يقدر ياخذها منه ,, تحقق حلمي ! ,, الحمدلله الحمدلله ,,

 

 

 

وطلع صووت اليباب يرقققع ,,

 

 

ودخل هاني ,, وصور مع ريم ,,

 

الي من شاافها بالمكيااج والفستان افتر مخه ,, سبحان من صورها !! , جميلة بطريقة تخلي هاني مايعرف يتكلم لين شافها ,, يبي بس يتأمل هل ويه ,, ولا يضيع دقيقة ,, من غير ما يشوفه ,, هذا غير انه يموت عليها وعلى التراب الي تمشي عليه ,, كانت هل ليلة ,, الحلم الي تمناه هاني من كل قبله وبكل قووة ,,

 

 

رامي ماسك دمعته ,, الله يالريييم ,, كبرتي وصرتي مره ,, ومو اي مره الله يهنيك ياهاني بزين البناات ,,

 

 

الكل كان فرحان ,, بستثناء بو طارق ,, الي كانت نظراته تقول كلام وكلام ,, ووجوده كان كأنه بالأجبار ,,

 

 

 

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
الرد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...

×
×
  • Create New...