ناقش معانا

[كابوس بحريني]

بسم الله الرحمن الرحيم

السلام عليكم ورحمة الله وبركاتهـ

شخبـآركمـ؟

 

 

 

في هذا الموضوع ومع قسم الفنان حسن يوسف سوف نناقش بعض المشاكل الأجتماعية

وشعارنا (( اختلاف الرأي لا يفسد للود قضية ))

 

وراح تكون طريقة المناقشهـ أن انا أطرح مشكلة وألي بعدي يناقشني فيها ويطرح مشكلة للي بعدي..

 

وأنشالة تستانسون معانة في هالموضوع البسيط والجميل

وأنا أحاول أني أفتح لهذا القسم جميع الأبواب

حتى نرتاح وتستانس فيهـ...

 

 

 

 

 

ورآح تكون أول مناقشة للي بعدي:

((ممثلات هذا الجيل))

 

طبعاً الحين طلعوا ممثلات صاقطات ومايهمهم تمثليهم وتجسيد الدور بالطريقة الصحيحة كثر مايهمهم جمالهم ومشختهم ونظرت الناس لهم.. وهذا الشي وايد منتشر عندنا هالأيام وماشالة الحين كاليوم وجه جديد وفنانة جديدة ولحد الآن قليلين الممثلات الصغار المحترمات والرزينات...

 

ومابي أكثر كلآم عشان الي بعدي يقول الي عندهـ

 

 

ولكمـ حبي وأحترامي

كابوس بحريني

Edited نوفمبر 12, 2008 by كابوس بحريني

[اللبؤة الحنونه]

لي العوودة ثانكس كابووس

[صف صف]

وخصوصآ ان اهم يهتموون بمضهرهم اكثر..يعني ينفخووون برااطمهم..يسوون لهم اقزوووووز..ومدري شنو يسون ف عمرهم..

 

وهالشي اعتقد صاروو يتناافسون عليه..

 

والصراحه ما احبهم..والسبب غيروو شي من خلقت الله..

 

يعني ربكم خلقكم في احسن صوره..ليش تبدعون ف خلقت ربكم..

 

الله سلم لكم جسمكم اماانه وانتوو تسوون ف عمركم جي..

 

معليش مو انا الي احاسبهم ربي بيحاسبهم..

 

اسمحووو لي..

[اللبؤة الحنونه]

طبعاً الحين طلعوا ممثلات صاقطات ومايهمهم تمثليهم وتجسيد الدور بالطريقة الصحيحة كثر مايهمهم جمالهم ومشختهم ونظرت الناس لهم.. وهذا الشي وايد منتشر عندنا هالأيام وماشالة الحين كاليوم وجه جديد وفنانة جديدة ولحد الآن قليلين الممثلات الصغار المحترمات والرزينات...

 

ايي كل الممثلات الي طلعوا بالصراحة بالصراحة لا يعرفون يمثلون ولا يعرفون يعني شنو الفن

بس يبون يشهرون روحهم على اشكالهم استغفر الله

بالصراحة انا اذا اشووف مسلسل في وييووه يديدة

انقهرر حددي طبعا مو كلهم بس بعضهم يعني الي توهم مبتدئين 2% يعرفون يمثلون >> بالنسبة للبنات الخليج طبعاا

 

 

 

[كابوس بحريني]

يعطيج العافية أختي صفصف

وماقصرتي أختي اللبؤة

مناقشات مماتزة...

 

 

 

حبايبي

ياريت تطرحون مشكلة جديدة

حتى نناقش المشكلات الي نقدر عليها

وانشالة المرة الياية راح نضع حلول للمشاكل

 

 

أتمنى أجوف جديدكمـ

مع السلآمهـ

[ريم الإمارات]

 

 

 

 

 

 

مشكووووور أخوي الغالي كابوس بحريني على هالأبداع

 

وانا واااايد معجبه في اسلوبك في طرح المواضيع .. وأتمنى

 

أنك تنور منتدانا مو بس في المسابقه بعد نبغيك تكون معانا في غير أيام

 

المسابقه ..

 

 

أكييييد يالغالي الفنانه لما بتدخل الفن شو هو هدفها .. اكييييد بيكون هدفها الشهره

 

فعلشان تحقق هالهدف بتقوم بتعمل عمليات تجميل من نفخ وشفط وجيه

 

ما تعرف أنا الجمال الحقيقي هو الأخلاق الحسنه مو جمال الوجه والانف والعيون

 

وما راح تعرف هالشي إلا بعد موتها بشهرين او ثلاث ان كل اللي سوته مالها فايده ..

 

وراح أتوب وتوقف عن الشفط والنفخ .. أنزين الايام اللي قضتها في المعاصي شو عنها

 

بتقولك أنا الله غفور رحيم ..

 

 

 

 

سؤالي

 

 

كيف بتقيمون الفنان .. هل عن طريقة أستايله ولا خبرته ؟

 

 

 

[كابوس بحريني]

يعطيج العافية أختي ريم على هالكلام الحلو والجميل

وكل هذا من ذوقج وآنه عضو بكون معاكم في وقت المسابقة وبعدها

 

 

 

 

والله جوفي أختي آنه عن نفسي اقيم أي فنان على حسب أبداعة وتجسيدة الدور بالطريقة الصحيحة وحتى ماتهمني خبرتة لأن في وجوه جديدة في الفن تجيد الدور أكثر من ألي كانوا في الفن من سنين وخبرتهم طويلة..

ومثل ماقلت في هالموضوع من قبل فنانات هالأيام أهم شي عندهم أستايلهم ومايهمهم جسدوا الدور صح أو جسدوا غلط...

 

 

يعطيج العافية

 

 

 

 

 

 

شنو رأييك/ج بالمعجبين ألي يأذون الفنان بأتصالاتهم ووين مايروح يلاقيهم؟