مقابلآت مع الاعضآء

[كابوس بحريني]

بسم الله الرحمن الرحيم

السلام عليكم ورحمة الله وبركاتهـ

شحآلكمـ حبآيبيـ؟

 

 

طبعاً آنه نزلت من قبل موضوع للي يبي يشاركـ في مفاجآت كابوس

حيآآكمــ

 

واليومـ أنشالة بنبتدي في الموضوع الأول: مقابلآت مع الاعضآء

وشاركوا معايwhenever و ريم الإمارات...

 

 

ونبتدي مع العضوة whenever

 

1- شنو سبب مشاركتج في قسم الفنان حسن يوسف؟

لانه فنان شاب ومبدع في تمثيله ومن الامارات من بلادي ولازم ادعمه واسانده وهذا اقل شي اسويه

 

2- لو سمحت الفرصة وصرتي مراقبة على قسم الفنان حسن يوسف شنو أول شي بتسوينة؟

اممم ما ادري الصراحة بس حاليا القسم بدا يتفاعل وينشط بفضل مراقبين ومشرفين الله يعطيهم الصحة والعاافية ...

 

3-عرفينا عن نفسج من ناحية شخصيتج و هواياتج؟

اختكم whenever من دولة الامارات هواياتي القراءة وتصفح الانترنت شخصيتي هادية جدا و طيبة وما احب ازعل حد واحب الكل ويمكن انتوا لاحظتوا هالشي

 

4- من هم أهم الفنانين المفضلين لج؟

الفنانة حياة الفهد و شيماء سبت وطيف وهبة الدري و الفنان طارق العلي و حسن يوسف

 

5- من هم الأعضاء المفضلين لج؟

واايد منهم :ريم الامارات وأسير دبي و S_hooj_love ومس جوجو و فطوم7 و صف صف و اللبؤة الحنونه و كابوس بحريني وأميرة الجوري و حمد المسعد والصايغ و بنوته كول .... وايد ما اريد انسى حد وعذروني اذا نسيت اسم عضو ..

 

6- ماهية حكمتج في الحياة؟

إذا ما طاعك الزمان طيعه

 

7- هل تأمنين بالقضاء والقدر؟ ومتى لاتأمنين؟

اكيد اؤمن بالقضاء والقدر ..

 

8- شنو سر تمييزج في بعض أقسام منتديات بحرين تودي؟

والله يمكن انت كابوس تشوفني متميزة وغيرك لا .....وهذا شرف لي

اول شي لاني احب المنتدى ..واحاول قد ما اقدر اشارك باكثر من قسم واحتك بالاعضاء واتفاعل معاهم

 

9- كلمة توجهينها لأعضاء قسم الفنان حسن يوسف؟

اممم..أحبكم كلكم ..واشكركم على هذا التفاعل الحلو منكم بالقسم وان شاء الله دايما تكونون جذيه والله يعطيكم الصحة والعااافية

 

10- كلمة توجهينها للفنان حسن يوسف؟

اشكره على تواصله الدايم معانا بالقسم ... و الله يحفظه و يعطيه الصحة والعافية

ويوفقه في حياته ....ويحقق كل أمانيه ..

 

 

 

والحين مع المشرفة ريم الإمارات

 

1- شنو سبب مشاركتج في قسم الفنان حسن يوسف؟

لانه ولد بلادي وحبيت أني أخدمه ويكون منتداه من ارقى المنتديات ..

 

2- لو سمحت الفرصة وصرتي مراقبة على قسم الفنان حسن يوسف شنو أول شي بتسوينة؟

راح اقوم بتكريم الاعضاء اللي كانوا قبلي فيالقسم واللي كانوا هم سبب رقي هالمنتدى وتطوره

 

3-عرفينا عن نفسج من ناحية شخصيتج و هواياتج؟

أنا ريم الإمارات من ديار بابا زايد أعمل حاليا إداريه في مدرسه حاصله على شهادة البكلوريوس تخصص تاريخ وآثار وعلى شهادة الدبلوم في العلوم الإدايه والأن أحضر رسالة الماجستير عملت في البدايه معلمة مادة التاريخ ومن ثم تم ترقيتي لإداريه في نفس المدرسه ..

هوياتي : القراءة .. حفظ القرأن الكريم .. الرياضه .. تصفح الشبكة العنكبوتية

 

4- من هم أهم الفنانين المفضلين لج؟

واااايد ومنهم الفنانه طيف والفنانه حسن يوسف ,, وهبه الدري .. وشيخه زويد ..طارق العلي ... داود حسين ..حياة الفهد .. سعاد عبدالله ..عبد الحسين عبد الرضا

 

5- من هم الأعضاء المفضلين لج؟

أميرة الجوري واسير دبي .. وكل اعضاء منتدى الفنان حسن والفنانه طيف

 

6- ماهية حكمتج في الحياة؟

عـــامـــل الــنــاس كـــمــا تـــحــب أن تـــعــامـــل بــه

 

7- هل تأمنين بالقضاء والقدر؟ ومتى لاتأمنين؟

أكيييد يالغالي بأمن بالقضاء والقدر لاني هالشي مكتوب علينا لازم نرضخ له

 

8- شنو سر تمييزج في بعض أقسام منتديات بحرين تودي؟

بسبب رضا الله ثم رضا الوالدين , وأني إذا فكرت اسوي شي لازم أتقنه علشان ينال رضا الجميع ..

 

9-كلمة توجهينها لأعضاء قسم الفنان حسن يوسف؟

صحيح أني أول ما دخلت منتدى الفنان طيف ما أعرف واااايد منهم.. لكني وبكل أمانه حبيبتهم من كل قلبي .. ولي الشرف أني أتعرف عليهم لانهم بالفعل حبايب قلبي ويارب إن شاء الله نكون اسره وحده وعلى قلب واحد وايدينا دااايم في ايد بعض وراح يرتقي منتدى الفنان حسن اكثر واكثر بوجودهم وإبدعاتهم ..

 

10- كلمة توجهينها للفنان حسن يوسف؟

أنا من اشد المعجبين بفنك الراقي .. وبهالفن رفعت راس الإمارات فوق وكلي فخر أنك ولد بلادي .. حسن يوسف نجم سطع في سماء الفن وبقوه واثبت وجوده .. يعجز اللسان عن وصفه ووصف شخصيته الراااائعه وأدواره الاروووع وإلى الأمام يالغالي .. ومهما قلت فيه من أعجاب وثناء ما راح أوفيه الصراااحه والله يوفقك في كل عمل تقوم فيه .. ويحفظك يارب من كل سوء والله يخليك لنا ولا يحرمنا منك يالغالي ..

 

 

وطبعاً لهم أوسمة على مجهودهم وأجوبتهم الصريحة

وأختي whenever أتفضلي

 

وأختي ريم الإمارات أتفضلي

 

 

وطبعاً نشكر العضوهـ بحر الاحزان على الأوسمة الجميلة

وأنشالة تعجبكمـ

 

والعضوة أو العضو ألي حاب يشاركـ في المواضيع الباقية ماعلية أله يدخل الموضوع الأصلي ويقول هناكـ

 

 

 

أتمنى الموضوع نال أعجابكمـ

وأنتظروا المزيد القادمـ

في الأيام المقبلة

 

ومعاً نرقي القسمـ

 

أخوكمـ

كابوس بحريني

Edited نوفمبر 16, 2008 by كابوس بحريني

[بحر الأحزان]

ألف ألف مبروووك لكم خواتي تستاهلون

 

 

ويعطيك العافيه كابوس

[whenever]

 

 

تسلم يا كابوس

 

ويعطييك ألف عااافية على المجهووود اللي تبذله للقسم

 

لك مني كل الشكرالاحترام والتقدير

 

 

ومشكووور على الوسااام الراااائع والموضووع الارووع

 

وشكرا لبحر الاحزان على التصميم

 

 

 

[كابوس بحريني]

بحر الأحزان: يعطيج ألف عافيهـ ع المرؤووؤر

 

whenever: يسلمؤو على مرؤرج وكلكمـ تستاهلون واللهـ

وهذا أقل شي أقدمة لكمـ في هالقسم الجميل

وأنشالة أجوفج في المواضيع الباقية

 

 

ماقصرتوا

[Aseer_Dubai]

 

 

عن جد ما اعرف شو اقولك يالكابوس

 

كلمة ابداع قليله في حقك

 

انت كبير ويفخر القسم فيك

 

عن جد موضوع 10 على 10

 

قمة في التميز الصراحة

 

ابدعت وعيني عليك بارده والله

 

 

[كابوس بحريني]

عن جد ما اعرف شو اقولك يالكابوس

 

كلمة ابداع قليله في حقك

 

انت كبير ويفخر القسم فيك

 

عن جد موضوع 10 على 10

 

قمة في التميز الصراحة

 

ابدعت وعيني عليك بارده والله

 

تسلم أخوي أسير على هالرد الجميل

والكلمات الروعهـ

 

بصراحة أحرجتني

وأنتظر جديدي

القادمـ

[صف صف]

تسلمين لي قلبي..وين إيفر..

 

مشكوور كابووس ع هالمفاجئات..

[كابوس بحريني]

يسلموؤوؤ صفصوفهـ

ع مرؤورج

نورتينا

[اللبؤة الحنونه]

شهالابداع كابووسو ننتظر مزيدك ..

وثانكس حبيبتي وين ايفو والله انا الي امووت علييج والله

شكرا ريم الامارات على الاجووبة الصريحة كك

[كابوس بحريني]

يعطيج العافية أختي اللبؤهـ

على مرؤورج {نورتينا واللهـ

 

يسلمؤوؤو