شباب .. شنو اكثر مقلب أو مقالب تتذكرونها سويتوها في المدرسه ؟؟

والله مساكين المدرسين .. ههههههههههه

كح كح شكلي بابتدي اول وحده هني

احلى مقلب واللي عمري مراح انساه سويناه انه وربعي كان يوم الاربعا وفي الفرصه وكنا متمللين ولايعه جبدنا من الحصه الرابعه وحده من البنات قامت تنبش في خزانه الصف وجان تحصل فليت بيف باف دعايه كنت انه موديته حق الشرح وجان ناخذ الفليت انرش الصف كامل ليما استوه الضباب والا يات المعلمه وجافت الصف هلون وجان اتطنقر وجان اقوم انه واهد شلخه قلت لها انه كان في وزغه عووودة في الصف وكنا نبي نذبحها ورشينا الفليت عليها واخرتها شردت ما ماتت وضيعنا الحصه كامله وكان احلى شي سويناه

وشي ثاني كنا دايما نقصص المحايات ونتحاذف
ومرة من المرات حذفت المعلمه بالغلط وهالموقف عمري مراح انساه
مسكينه يومها عورت قلبي

ذكرتني بايام حلوة يا غرباوي

ميرسي لك على هاللفته!!!

باااااااااااي

لوووول والله ايام ماتنسى


بقول لكم سالفة معلمة الكيميا
كانت الحصه الخامسه ولايعه جبدنا من الدراسه عاد خصوصا هي تشرح ولا ماتشرح سيم سيم اتفقنا كل البنات وطلعنا من الصف وهي يات المسكينه واحنا نتطلل عليها
وهي يالسه بروحها تنتظرنا رحت لها انا طبعا ماتعرفني او ماتذكرني لأن ماشافتني الا 3 او 4 مرات ((بس نجحت ويبت في ال90 )) قلت لها قووه معلمه
وين بنات ذي الصف قالت والله مادري انا انتظرهم قلت لها اوكي باااي
انتظرت الجرس وتوكلت على الله
كنا نسميها موستنج نسبه الى سيارتها موستج وردي وشتري بعد

مشكوووور غرباوي ذكرتني بأحلى ايامي

احلى مقلب امممممممم. مقلب يومي متكرر في الفصل ...
المكان: مدرسه الرفاع الشرقي الثانويه للبنين
الصف : 5 علم 3
: الحصه : عرب 202
الاستاذ : عارف (لوووووول)
التفاصيل : طاقينها سوالف ... الصف نصه محد .. الاستاذ قاعد يشرح و حواليه دايرة من الطلاب ... انه قاعد اربط غترته في الكرسيي

بسكم من المقالب

مب شطاره ولا فخر انكم اتسوون مقالب للمعلمين زين

خخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخخخخخخخخخخخخخخخخ

ههههههههههههههههههه
نسينا ان كوكيز هني..

سلام شباب .. اشكركم على المشاركات الظريفه ..

واذا على مقالبي ويا الاستاديه يبي لي حلقات وانشالله راح تنعرض عما قريب .. بس أخلص امتحانات واعرضها

المهم .. سمارت سبيريت .. شخبار مدرستنا ؟؟ ايه عليها ولهت عليها ..

سلم على استاد عارف .. اللي كله يشرب شاي في الحصه خخخخخخخخ

ومشكورين شباب على المشاركات الحلوه

الله ليت ايام الدراسة تعوووووووووووووووووود اتذكر المقالب الي سويناها في المعلمات هيهيههيهيهي اتذكر مرة في الصف الساعة 10.. وكنا نطلع اصوات مثل امممممممممممممممممم يعني مثل الحنة خخخخخخخخخخخخخخخخخ الا تقول المعلمة هذي صوت اذان
خخخخخخخخخ عاد يلا خذ اذان الساعة 10 الحمد لله والشكر عموما في مقالب وااااااااايد وبصراحة الله يعين المدرسات.... [php][b][color=royalblue][/color]

فعلا ايام الدراسه هي احلي ايام العمر

ومانعرف قيمتها الا عقب ماتروح

واتيي علي بالنا الذكريات الحلوة

اللي عمرها ماتنسي

انا لي ذكريات حلووووووووووووه في المدرسه

بس ماتذكر ان سوينا مقالب في المدرسات

يمكن كنا اشوي انخاف اكثر من التلاميذ الحين

ونكن للمعلمه احترام اكثر

مشكور غرباوي علي هلموضوع

مواضيعك دايما حلوه

شمعة الجلاس .. هتانه .. اشكر مروركم

بقولكم سالفة على الطاير بس انشألله ماتطيح علي كوكيز ... وتطردني من المنتدى



السالفة مو طويلة كل الي فيه اني مرة عندي في الدرج غرشة ماي وكنت حاط فيه ماي حار من حجرة الفراش مال الشاي ههههههه فصارت صغيرة تقلصت مسكينة

المهم وانا في الحصة العب فيهة وقاعد اخطط اني احذفهة على البانكة ( المروحة ) هع

اول مالف الاستاذ يكتب على السبورة حذفته ابي اعرف وين تروح من سووء حظي صفكت الاستاذ على راسة من ورى قعد نص ساعة يهمز في راسة وانا طول النص ساعة اضحك

عاش استاذنا المصري المهم بعدين ياكم الشرف والمدير وساحب معاه مساعدة ... هع هع هع

يبون يعرفون من حذفهة ... وانا قاعد انتفض ... خايف يعرفوني ... هع هع هع هع

مر اليوم على خير وماعرفوني اليوم الثاي عرفوني شلون مادري

اشكرة واحد من اليهاال الي في الصف علمو علي ولي يومكم متحلف في الي علم علي بدوس في جبدة هع هع هع

المهم وانا قاعد انطر على نار شيبون يسون فيني

كان المدير ومساعدة والاستاذ الي فلعتة مسكين داخل مكتب المدير وانا على الباب اكل سنكرس هع

عقب نص ساعة .. طلع الاستاذ وقال تعال دش ... الى الشلة متفقين علي ... تعهد وورقة فصل مدة اسبوووع

وجان اقعد اريح في البيت والوالد والوالدة ماقصروو فيني

وعاد عقبهة حدي تبت ... صرت في الصف اقعد مثل الصنم ما اتحرك .... من كثر التهزيء الي هزئيني الوالد الله يحفظة


ودمتم سالمين

هههههههههههه

سلط الله على بليسكم كل هذي مقالب هذي اجرام

خخخخخخخخخخخخخخخخخخ


ما أقول الله يعين المدرسين

صار على بالي اكتب موقف
و اول موقف لي في الثانوي
من اسبوع يوم الأربعاء ..
كان في طبق الخير في المدرسة حق بنات التوجيهي .. لحفلة التخرج
كانوا يبيعون نفيش
و كانت الفرصة شوي و تنتهي
وعندي الحصة السادسة انج 101
و المعلمة تنتظر عند الباب
رحت شريت لي نفيش ..
و طق الجرس .. و المعلمة تقولي دخلي الصف
قلت لها مابي .. شريت نفيش لازم اكمله
قالت لي خليه لنهاية الحصة
قلت لها بيخترب ومو عجيب آكله
و وافقت اكله برع الصف ..
و بأتفاق مع البنات
4 بنات طلعوا ياكلون معاي نفيش
و بعد 5 دقايق حسينا بالحر
قلنا حق المعلمة ممكن ندخل ناكله في المكيف
قالت اوكي بس عند الباب
دخلنا ناكل و طولنا الى ربع ساعة واحنا ناكل نفيش بنص ربية
و قالت لي اخر شي قطيه في الخمام
ولكن بأصرار مني اخذته وياي لي مكاني ووزعت على بنات الصف كامل نفيش
و تموا كلهم ياكلون طوال الحصة و المعلمة تشرح









انت خمسة دينار تستاهل

خخخخخخخخخخخخخخخخخ


نورو الشرها مو عليج الشرها على الأبله الي معطيتج وي

المهم

تذكرت شغله في مقلب كله نسويه بالمدرسين اهو مو مقلب مقلب بسسسسسسسس

أنا اقولكم و انتو كيفكم

احنا مدرسنا الانجليزي السنه الي طافت حيل حيل قوي و مظبطنا قواعد و معطينا أسئله من تحت القاع مطلعها

و خبركم مدرسين الانجليزي بالخليج أغلبهم ( )

فاحنا لي دش علينا مدرس احتياط انجليزي نسأله بالقواعد أسئله انعرف اجاباتها

بس اتكون أسئله صعبه

أسئله المدرس يتبلعم لي سألنا

ولا مدرس ليلحين سألناه عرف يجاوبها

و من هالأسئله في هالسؤال

I have a car (change focus

اتصدقون ولا مدرس يعفر اجابته

يقولولنه الجمله ناقصه

انقولهم الفاعل و الفعل و المفعول به موجودين شلون ناقصه

يقولولنه بس جذي اهيا الجمله ناقصه و بس

خوش مدرسين

لووووووووووووووووووووووووول خوش خوش

غرباوي مدرستنه زفت و لله الحمد 7000 مشرف ا17 مدير 14 مساعد سكرتير واحد عن 8 =استاذ عادل
استاذ عارف للحين تمام ما تنامرنه بشي

ابيك سالم عزيزي سمارت سبيريت ..

استاد عادل == ماريو == الجمس

قبل يسمونه الصبيان ماريو أو الجمس خخخخخخخخخخخخخخخخخخخخ

ايه على مدرستنا والله .. وتسلم عزيزي على التواصل

loooooool el7eeen 3ndah ford looooool wo ll7eeen yesmonah mareiooooo

بي بي ...

إذا عالمقالب ... فحدث ولاحرج ...

ماآبي آفضح روحي ...

لا لا غايه كلنا سوينه مقالب لازم تقولينلنا مقلب

III SmartSpirit III...

أول مغلب ماآنساه قالته لكم نوف

وثاني مغلب بعد قالته نوف ...

وثالث مغلب عاااد ورابع وخامس وسادس ... ماينعدون ...

بس صج ايام ها نوفووووون

slam
ashloonkm ??

almohem bagool lokm salfeeh 9adatney anh oo '3arbawey

ga3deen fee 9aaf 3ogb ma6ala3 almodares oo at5abroon malal chaan angoom an6abel anh oo '3arbawey oo b3d weyanh shabab oo chaan agoom anh oo arkab 3la 6awleeh oo arda7 oo arge9 mn galb ela machoof ela almoshref daash 3leenh al9aaf oo anh ga3ed arge9 oo ayabeb oo chaan ya36eenh TA3AHOOD bs 9ij kanat ayam wla shetgool '3arbawey

هالموضوع يذكرنا بذكريات واايد حلوه

المواقف الي اتكرهااا واااااايد وادا بتم اعدها ماتخلص
بس بذكر لكم احدها

كان عندنا مدرس كيمياء مصري بمدرسه الشيخ عبدالله شيبه ريله والقبر المفروض تقاعد من زمان بس ماندري ليش كانو مخلينه !!
هاي المدرس نادرا يشرح واهو كان عندنا الحصه الثالثه او وقتها يكون فسحه تجاري بروحهم وانا متملل وحبيت اطلع معاهم
الاستاد هاليوم تم يشرح ويكتب على السبوره قام سال سؤال وطلع الطالب الي يم النافذه يحله على السبوره انا قلت خش فرصه
ناديت الاستاد وقلت له الجواب غلط اهو قام يشوف وانا بسرعه رحت وطلعت من النافذه بره الصف من غير مايحس
*****ولما كملت الفسحه رديت الصف وكاني ماسويت شي لانه مايقبض شنو صاير حواليه مايدري اني طلعا من الصف
...سالني من وين ياي قلت له الاشراف وقعدت مكاني كملت الحصه

كلكمم لووووووووووووووووووووول الشيبه من المشرف اكيد استاذ خمييييس العوي لوووووووووووول ها غرباوي لحقت عليه

سمارت ..
استاد خميس مال الأدبي .. احنا مشرفنا يعرفه الشيبه زين .. اللي خلصنا تعهداته .. محمد جعفر

ومسامحه اذا حد يعرفه والا يصير له

لوووووووووووووول عشرة ديناار لكنك تستاهل والله
آنه اسوي مقالب بس مو هلووون اخاااف هع بس ما بقولكم عنها
بس احنا مدرستنا خراااطه كل شي عاادي على طوول شرد من الحصص ...
الحصص اللي ما تعجبني اطلع منها واقول للبنات قول حق المعلمة غايبة والمعلمة شايفتني قبل الحصة لووووووووول

محمد جعفر لوووووووووووووووووووول الحين خلاص مهب مشرف لووووووووووووول كسر ضروووس صبي الله يهديه ....... صج بخيل في العلامات بطلعه الرووح يزيد ك لوووووووووووووووووووووووووووووووووووووووووووول

loooooooooooooooooooooooooool 8rbawey lazm tzorna

سمعوا سالفتي

هذي اكبر شي سويته في المدرسة لي حد الان يوم كنت في ثالث اعدادي والشطانة زايدة
العام كان عندنا الفصل الثاني مجالات وانا قاطينه في قسم الرسم ولا والرسم عااد
المهم ما اطول علييكم معلماتنا محد يشتهيها كله تهذر وتسندر وتعور الراس
عااد احنا الخمسة ميتين من القهر عليها ودنا انقطها من الدريشة
عااد كانت اخر حصتين عندنا لها الحصة اللي قبلها تاخرنا وما دشينا لها الا قبل ما يصيح الجرس بربع ساعة
والحصة الاخيرة شردنا وقعدنا في الصف مانبي انرووح لها المهم المشرفة طرشت لها ورقة وقالت لها كتبي اسامي البنات اللي شاردين وكتبت المعلمة اسامينا عااد انا ووحدة منالربع قعدنا اندور ما جفنا الا ربعنا مال الصف اللي يمنا عندهم فراغ وقاعدين برع وتبسط اخت القمر معاهم ورفيجتي هدتني وراحت الصف المهم قعدت طاقتها سالفة معاها ماوعيت الا المشرفة ياية وميودة ورقة في يدها الورقة فيها اسامينا وعلييه عليها المشرفة عبالها اني معاهم في الصف زفتنا وقالت يلا دخلوا الصف وراحت حق صفنا ويوم راحت حق صفنا اتشيل عليها اخت القمر ركيض فوق حق معلمة المجالات ولا تسوي لي مادخلين الصف قتلها شوله قالت جوفي الساعة جم انا ماكثرت معاها حجي وطلعت واروح حق ربعي واقوول قوموا المشرفة ادور علينا وبعدين اروح حق ربعي اللي فوق صفهم وكان عندهم مجالات والمعلمة محد وانخش عندهم وبعدين ياوي ربعي الا يسون لي روحي حق المشرفة علشان تكتب اسمج وادخلين معانا قلت لهم ماباروح اهيا جافتي قاعدة تحت معا ربعي عباله انا معاهم في الصف وانا بروحي مافيني شدة تعهد
المهم دخلنا حق المعلمة وقعدت تهذر علينا ولا اسكتت وكانت الساعة وحدة يعني ماباقي الا عشر دقايق ويصيح الجرس الا تسوي اوقفوا عند الطوفة مناك الا اسوي حق ربعي يلا اشورنا الا عشر دقايق ونذل عن ويها المهم كلهم عطوها ويهم الا انا عطيتها ظهري واسولف ولا علي منها الا تسوي لي روحي اوقفي هناك قتلها اوكي واروح اوقف وانا طاقتها سالفة معا ربعي عااد اهي هني ماتت من القهر وقعدت تقول في ناس مو هلمهم الحجي الي اقوله قلت لها اشقصدج يعني الا تسوي انتي من حاجج قتلها اتحجين وطالعين وماتبيني اطالعج اهني ربعي ماتو من الضحك الا تسوي انزين انا باحبسكم ومابطلعكم الا اخر ناس قتلها انزين انتي بتوصلين بينتا الباص بيمشي عنا اي باص انا اصلا امي اتيني وقعدت معاها كل ماتقول كلمة رديتها بعشر لين صاح الجرس
وطلعنا اول ناس اهي ماتت من القهر ويوم طلعنا قتلها هذي ذكرنا منا لانه اخر حصة لنا عندج وانا ساكة الباب وماشية



اسفة على التطويل

هذا المقلب صار لغيدري بس في صار لي الحين لغيري

في واحد ضخم خبير بالتلفونات كنا في حصة الرياضيات و هو نايم ورا

هذا استاذ الرياضيات ما يسكت لازم يتقشمر يقول له :عدم المؤاخذة إذا قعدناك او ازعجناك

و احنا ميتين من الضحك





و المقلب الي صار لي

كان في حصة استاذ كلكليتر خخخخخخخخ

هذا استاذ العربي جا لي يقول لي ليش تتكلم عني قلت له اللهم اني صائم استاذ انت استاذي و انا احترمك و انا ما كنت اتكلم عنك كنت اناقش اصدقائي

مو مصدق يقول جذاب سكت عنه





و في بعد مقلب احترمت الاستاذ في هذا استاذ كلكليتر خخخ انا متين و كان في واحد متين على الجهة الثانية انا على جه

سأل الاستاذ عنه قالو غايب قام يعيب ها اجوف الصف مايل

و انا قلت له:استاذ انا احترمك و ما اقول عنك شي و انت احترمني

سكت

بو على ... لو أنا من الإستاذ بقول لك "أقعد في نص الصف"

يعطيك العافيه .. خوش مقلب

بعد بيقول لي اكو الصف بيطيح على الاساتذة الي تحتنا

ههههههههههههههههه

هههههههههههههه والله برناااااااااااامج

انا كنت لي ثاني ثانوي حـــــــــــــــــــــــــــــــــدي سيده ... يعني ولا مرة سويت شي او طولت لساني على معلمه..... اختي مرة يايه تاخذني سمعتني شلون اكلم المشرفه صار ويهها انه شلوون انه ام لساااااانين هلون مأدبه في المدرسه .....

بس هالسنه بصراحه انا ادميه فلتــــــــــــــــــانه بس والله من هالقهر وبط الجبد اللي اجوفه كل يوم في هالمدرسه ...... يعاملون الطلبه مثل الحشرات...

اول السنه كانوا مقعدينه اسبوعين بدون كهربه وعاد خبركم الحررررررررررر وشلون يذبح...... قمت انا رحت عند مساعده المديره ( حسبي الله عليها) اقولها ما يصير هلون على الاقل دوروا لنه صف ثاني .. قالت لي مافي( اشكره شلخ في صفين خاليين)

اهو مافيه كهربه لانه مسويين مبنى يديد حق المشرفات ..... يعني المبنى اللي قاعده اهيه فيه.. تقول لي اصلا المدرسه كلها مافيها ايسيه قامت صكت الايسي اللي على راسها وتقول لي جووفي حتى انا ماعندي ايسي...... ( استهزاااااااااء حقير مثل ذي ماقط جفت بصراحه) .....


المهم انا طااااااااالعه وحدي مشوطه من عندها الا رحت بامشي من صوب مكتوب عليه ( ممنوع دخول الطالبات) بس خراطه الكل يمر من هالمحل..... الا يايتني معلمه طولها شبر واذا فيها 5 كيلو باقول الحمدلله..... قاعده تطالعني من فوق لي تحت وتخصرت لي تقول لي انتي عميه ؟؟ جوفي شنو مكتوب على الباب.. يعني بس احنه نمر وانتوا ( تأشر علي بصبعها) تحاوطون ذاك الصوب......... قالت لي جذي وانا بروووووووحي كيجي على الاخر واصل الا اسوي لها شنننننننووووووووووو؟؟؟ قلت لها انا مب حشـــــرة تحاجيني هلوووووووون و لاني اطر هني .. اللي خلقج نفسه خلقني مافي داعي تقولين هالحجي وانا بااااااااااامر ولانيب ماشيه في طريجج زييييييييييين....... صخت فقيره ومشيت عنها...

هاذي هب مقلب...... هاذي موقف بس صج صج صج قهرتني ...

انا طووول عمري مؤدبه في المدرسه لكن على اخر سنه عرررررررفت ان بعض المعلماات ما يمشوون الا بالعين الحمره


فديتهااااااااااا والله كووووكيييييييز ... درستني وعلمتني ولا جفت عليها ولا سمعت لي حس في الصف....... الله يكثر امثاااااااااااااالها قوولووا اميــــــــــــــــــــــن

لووووووووووووووووووووول كلكم ...... اخ بطني من زمان ما دخلت على ذا الموضوووع احس اني بانفجر لوووووووووووووووووووووووووووووووووووووول ...... الله يغربل بليسكم

الله على الفضايح

عااد انا من دخلت المدرسه ودهم يطردوني

اذكر في ثالث اعدادي
وحده من الربع يايبه معاها جراخيات اللي ينفقعون على الارض
كانت المدرسه للحين مايات وحنا تفقع صاير عندنا
قمت وانا فقعت وحده
عاد على من
على المدرسه
شافتني وانا اقطها عليها وهي داخله من باب الصف
عاد هني انا تقلبت الواني
واروح بسرعه اقعد مكاني يزعم ماسويت شي

عاد اهي خلتني انا وربعي
طاحت فينا زززززززززف

وتقول من بعد عنده جراخيات غير بحرينيه
الكل سكت من ربعي
عاد انه هني انبطت جبدي

لان السالفه طاحت في راسي
مسكينه انا
وحده من ربعي كانت حاطه يده في الدرج وتنفقع جراخيتها
قامت سحبتنا احنا الشله للمشرفه

طبعا المشرفه زفتنا
وعطونا تعهد


وبعد في دواهي اكبر ماابي اتكلم عنها
كفايه الشردات اللي اشردها وانخش ورا صاله الرياضه اللحين في الثانوي

يسلموووو على الموضوع

هههههههههه
ههههههههههههه
هههههههههههههههههه

حلوه مواقفكم

اذكر يوم كنت بالثانوي كان عندنا يوم الاربعا محاسبه الحصه الرابعه لازم ماادش الا بعد ربع ساعه لازم اطول الفسحه عاد قبل لا ادخل الصف اروح للمشرفه اقولها ابي بندول تعطيني اقولها ابي وقه تصريح لان المدرسه قالت لي تبي تصريح تعطيني وادخل الصف

والشردات اللي خبركم اشكثرها

بس عاد كل هذا راح
الحين ما نقدر نسوي هالحركات بالجامعه

والله صادفني موقف عمري ما انساه
كنت في ثاني ثانوي .. حزه الفصحه كنا قاعدين آنه وبنات الصف ويا بعض .. والحصه الرابعه كان عندنا انجليزي وما كنا حالين الواجب ويا كرهنا لمدرسه الانجليزي قررنا بنات الصف كامل يشردون من الحصه .. عاد اشلون ؟؟
رحنا الصف وبندنا swich الكهرباء وأحنا في عز الحر .. ورحنا قعدنا في صف غير قريب من صفنا .. وقعدنا نراقب من الدريشه مدرسه الانجليزي وهي رايحه الصف ومسكينه قاعده تنتظر .. واحنا في صف ثاني قاعدين نغني ونطبل .. ومره وحده ما جفنا الا وحده تبطل الباب طرااااااااااااااخ .. اهني اشوي وبيوقف قلبي .. ما جفنا إلا مدرسه الانجليزي داخله علينا .. وتقول الحين انتوو قاعدين اهني وآنه صار لي ساعه انتظركم في الصف .. ما تستحون على ويهكم .. خبري اعرف طالبة او طالبتين يشردون مو الصف كامل وهي تقول وأعصابها واصل حدها عاد .. قلنا لها معلمه احنا غيرنا الصف لأن صفنا مافي كهرباء..ما عطتنا ويه وبندت الباب في ويهنا وراحت ونقصتنا 5 درجات
للحين صوت الباب في اذوني

انتو تعالو شوفو موقفي انا ....

اليوم : عقب عيد الفطر مباشرة
المدرسة : الرفاع الغربي الثانوي للبنات !
المعلمة : معلمة الكيمياء (( اللي الكل ينام في حصتها ))

عقب العيد يت المعلمة مستانسة بملابسها اليدد !! و ياريت حلوين
بدت الشرح ...
بس انا و رفيجتي ما سكتنا فقالت لي قومي تعالي جدام .. (( اول وحدة ))
انا سكت و قمت !!
يعني ورة و جدام كلة واحد
كنت قاعدة العب ابقلم الحبر !!
الا مرة وحدة اهز القلم و يتطشر على ويه المعلمة و ثيابها !!
انا كنت امنزلة راسي و لمة رفعت راسي و شفت ويه المعلمة ... مت من الضحك ...
و كل الصف ضحكو .....
اتعرفون المعلمة المسكينة شنو سوت !! عقب ما تلعوزو ملابسها اليدد !!
قالت لي ليش سويتي جذي ؟!!
انا ابصراحة كسرت خاطري بس المشكلة اني ما قدرت اسكت !!
فقلت لها : معلمة اصلا من حلات ملابسج .. اللي لابستهم ... علشان تزعلين !
اهني عاد قالت لي طلعي برع ..
فانا قمت و طلعت !!

بس اليوم الثاني نادتني و قالت لي ان الحبر قام عن القميص و قالت لي ايي معاها علشان تشرح لي درس امس اللي طوفته !!
انا ابروحي امس افتكيت !! بس يلا ما نقدر انقول شيء
مسكينة !!

صج انكم مجرمين
انا الطالب المؤدب ما سويت شي غير
بس مرة كانت باب الصف مكسور وواحد قام حطاه بس جذي صار جنه صجي المهم الاستاذ المسكين جا ولين فتح الباب الا وهو يطيح على الباب وميود غترته وله يهده شكله اقرع

احسن شي سويت في خياتي اني اهرب من الصف وافتك من وجه المعلمة بس صادوني ودوني الى المشرفة سويت روحي بريئة وضليت أصي

لا والمشرفة صدقتي واني مستانسة ادور وأكل على كيفي


مع تحياتي الى مدرستي سوري ما تدري اني هربت من الصف معنها تاخذ غياب كل حصة
بس يمكن وجودي وعدم وجودي نفس الشي معني في حصتها لازم اسوي شي يرسخ في بال الجميع شلون نستني ما ادري

هاااااي شباب آنا ابتسامة جرح ان شا الله اكون عضوة خفيفة عليكم

بقولكم سالفة سويناها آنا وربعي قبل جمن يوووم

حطينا بالنا على باب الصف خاطرنا نكسره نجلعه انزين عاد أول شي قمنا ندخل ونطلع بشغل وبدون شغل ونشدخ فيه لين ما قام يتقلقل وبعدين يبنا مطرقه وشلنا الكيلون مال الباب والقفل ((بدخله في السكنر وبدخله لكم براويكم اياه))
انزين والبتات كامل شغل عدل
لين ما ظل معلق على البتة الوسطية بس والمعلمة ذاك اليوم يات كالعادة منخفسة ومتستحمقة وشدخت بالباب ويطيح

والحين حاطين بالنا على الدرايش بني نجلع الشباك علشان لما المعلمة تطرد وحدة ما ندخل من الدريشة ((مو تقولون أحنا شياطين وصبيان لو سمحتو بس الله يسلمكم بنات التجاري ومايسوون)) والدريشة مع الارض تقريبا
يلااا ان شا الله دخل قلبكم الموقف

اهو الموقف الي صار مب انه مسويته بس وايد كان صراحه مضحك
كنا في سنة اولى ثنوي ومعلمة العربي 101 تشرح وتشير كان ذاك اليوم يعني بالغلط مب محضرة فكان وايد تعطينا ظهرها, البنات المشاغبات نوو عليها نية ففلعوة بالمحايات ولسوء حظها شبكة المحاية في شعرها يعني دخلت فيها من كثر ما اهو مجعد كل الي سوته المدرسة انها قعدت اتصيح خربتون شعري.
والسنه وحنا في توجيهي يت المدرسة بعد ما نقلوها مدرسة ثانية فلما شافتنا قالت تذكرون لما عفستون شعري بالبراية ههههههههههههههههههه

هههههههههههههههههه مواقف مضحكة عن جد..

هههههههههههههههههه ..

شيطاين ..

بس خوش مواقف ..

يلا نبي بعد

واحنا في الصف صار لنا موقف عجيب
احنا كل يوم غير عن الناس بعد الفرصة كل من يبي يتاخر عن الصف بس احنا نتسابق من يروح قبل عشان يحبس الثاني برع يعني نيود الباب وما نخلي احد يدش واهم يدزونه وبعد ما يصورون وااايد بنات برع وكل من يحاول يدز الباب نفتح الباب مرة وحدة ويطيحون كلهم على بعض ويتكسرون وشكلهم عجيب جنهم طراروة واخيرا الباب انكسر فسالتنا المديرة وسوينا روحنا ولا ندري عن شي.....

وكانت مرة معلمة بطيح من الباب لانه حطت وزنه عليه....
مع تحياتي....
fa6oom

المدرسة:النور الثانويه التجاريه بمدينة عيسى
المعلمة:الريض

مسكينه معلمتنا الريض اقولكم البنات شيسوون لها يبوقون اقلامها تدخل باقلام تطلع من صفنا بدون اقلام ..


العام اللي راح كنا في صنادق جابوا لينا طاولتان مال معلمة ونكسرهم نقعد فوقهم ونضرب الجوتي بالطاوله مكان الحديد لحد ما تنكسر

وناخذ الباب ونصكه على الطوف لحد ما صار مكانه حفرة..
صفنا ما فيه مساحه بالطوفه ما فيها كتابه صفنا العام عاد مال الصنادق


هالسنة مرة كنت اعلج علوج كالعادة وانجان ابحلس على المعلمة بالعلوج وشافتني مو قصدي انجان تكتب تسمي وتقولي صفر
ما تسويها معلمة الريض



هذا بس شوي من اللي نسوه تجاري بعد شنسوي