******آهــــــــات*****

آهات من طول العنا طاولتني
...............ونفسي من الفرقا وحالي صخيفة
جارت علي من الفراق وقصتني
...............غــزت ولـكن مانـوت بالنكيفة
بهمومها اللي شفت منها كوتني
............... هـذا الـذي خـلا حياتي مخيفة
باكر يروّعني وانا فيه فتني
............... وأقول ليت الغيب يبخل بحيفه
خيل السعادة بالهوى خالفتني
............... خالفت معها عيـد قلبي وريفه
هـبت هـبوب بالـنـيا عطشتني
............... وكم غالي قبلي ظما من وليفه
ليت الليالي عن غرامي نهتني
............... ولا بـدا زرع الأمـل منك هيفه
ولا أنها في غايتي خيّـرتـنـي
............... واختار أنا مرباع قلبي وصيفه
خل جـيوشـه بالمحبة غـزتـني
............... وأنا أسير للعيـون العـفيـفة
أغلي هـجـوس طول الأيام جتني
............... هاك الهجوس اللي تجيني بطيفه
الماضـيات أبغيها ماأنصفتني
............... والمقبلات أرجى عدلها خليـفـة
أتبع ظنون بالهوى ماشـفتني
............... أحسب حمولي بالمـحـبـة خفيفة
واليوم ظالمة المحبة طوتني
............... طي الورق يوم انطوى به خريفه
وأشباح ياسي بالهموم اعترتني
............... وأنا عليّ أسبـاب صـدك كليـفة
أشيـل حتفي راضـي فـوق متـني
............... واروح نفسي من حياتي معـيـفة
واقــول للي بالجفاعـذبـتـني
.............. عسى الشقا من بيننا بالنصـيفة
شربت من فيض الشـقا واشبعتني
.............. دنـيـاً مع الأحزان ضـدي حلـيفة

تسلمييييييييييييييين يالغاليه
على الكلمات الحلوووة
يعطيج ربي الف عافيه
ونحنا في انتظار احلى مشاركاتج وابدعاتج
تحيتي لج
بنت البحرين

يعطيج ألف عافية الغالية

فعلا اغنية آهات حلوه وخصوصا إنه مخاوي الليل هو اللي يغنيها