سلام عليكم ..


آبي المواد اللي ياخذونها أول ثنوي في المسار الموحد ضروووري ..

آنه سويت قبل موضوع بس محد رد عليي ..

بلييييييييييز ردوا عليي هالمرة .. معقوله محد فيكم يدري



يلا ردوا

مدري صراحة عن هالشئ

ما ادري و الله

والله ما ادري انه علمي ...

التوحيد لحد الان ماطبقوه على الطلاب الي راحو ...
شلون بنعرف المواد ؟

اختي angel face
عندي طلبج
طبعا احنا العام كانو مقسمينا مجموعتين ا و ب
وكل مجموعه تاخذ مواد كورس والمجموعه الثانيه تاخذ مواد غيرها

بتاخذين مقرر فيز 101 ، حيا101 ، كيم101 ،عرب 101-102، انجليزي101-102،ريض106-107(مقررين خاصين بالموحد فقط)،اجا103-102،اسر101،والبدن مقررين بعد ، والدين بعد مقررين اظن انهم 101 و 103 مو متذكر بالضبط

والمقررات كلها سهله نسبيا
ومجال الموحد من وجهة نظري من اسهل التخصصات نظريا وحتى نسبيا والدليل نسبة الناجحين هالسنه وخاصة فمدرستنا الهدايه

اتمنى اني اكووون افدتج اختي
واي سؤال عن الموحد تبين تعرفين جوابه اساليني عنه وان شاء الله اقدر اجاوبج عليه


تشاواويتا

مشكوور أخوي هلوووو ما تقصر ..بس ذيلين المواد مال المجموعتين صح ؟.. يعني أهو سهل هالمسار ..لأن من أسامي المواد اللي قلتهم .. شكله يخوف .. اساميهم ما يبشر بالخير صراحة .. و مشكوووووور الله يعطيك العافية

السلام عليكم....

اكيد اسامي المقررات تخوف لكن اذا عندج عزيمة وارادة على انج تدرسين كل شي يكون سهل وانا درست هالمقررات وماكانو صعبين بالعكس كانو اسهل من اللي توقعته بوايد والمعلمات ماقصرو معانا وساعدونا والحمدلله مشينا هالسنة على خير ونجحنا واتمنى انج تاخذين هالنصيحة مني ومو بس حقج لكن حق كل الطلبة اللي بيدشون المرحلة الثانوية ونصيحتي لكم اهي ان انتو تحطون على روحكم قد ماتقدرون من اول كورس لان في معدل تراكمي ولازم ترفعونه كل كورس وانا الصراحة ندمت اني ماحطيت على روحي وايد لكن الحين ان شاء الله احط على روحي وانجح بامتياز .




اختكم فطومة

اختي angel face
شفتي اللي خذيتووه فالمرحله الاعداديه
نفس الاشياء بتدرسونها بالضبط
ويمكن في بعضها تفصيل اكثر
يعني شوفيني انا جدامج مثلا ما فتحت كتااب حتى ليلة الاختبار
بس على التقويه ليلة الاختبار اللي فالمدرسه ومعدلي 79
هذي بس على اللي في عقلي
يعني ما بالج لو درست وحطيت على روووحي


والموحد ترااه ما يخوووف ولا فيه شي اصعب من الاعدادي
والله من وجهة نظري ثالث اعدادي اصعب من اول ثنوي موحد بمرتين او ثلاث حتى


والمواد اللي حطيتها فوووق اهي مواد المجموعتين
يعني كل الموااد اللي بتاخذينها طووول السنه
وبالنسبه لمواد العلووووم
الحيا والفيز بتاخذينهم في فصل واحد
والكيم في فصل بروحه



وانا بصراحه ما كرهت الا الحيا بس اشوى ان الاستاذ كان اوكي معاي
بس اهي سهله لكن انا ما احبها


واذا فيه شي مو واضح قولي لي


تشاواويتا

مشكوورين فاطمة المزيونة وهلووو عل الرد .. طمنتوني ..

و الله يوفقني و يوفقكم ان شاء الله