شرايكم بالمعلمات او المعلمين الي يايبينهم الحين ؟؟؟؟
اخر زمن.......
معلمات يسبون الطلاب على انهم قالوا لهم عيدوا السؤال والله ما فهمنه هالشي ويقعدون يفشلون الي سالهم جدام الطلاب الي قاعدين ولين ردييتوا عليهم قالو انتو الغلطانين ونزلونكم للمشرفه......
هالمعلمات يايبينهم عشان يدرسون الي ما يفهمون ولايفشلون وقطون عليه كلام غلط.......

اي والله هاذي معلمات اخر زمن عبالهم اهمه لي يعرفون خلاص الكل يعرف

لكن البعض كعلمات والنعم فيهم

هلا يا ريف العين

المعلمات والمعلمين كل واحد وتصرفاته ولكل مسؤل عن تصرفاته
المشكلة ما اقدر اقول الحين رايي انا لانه مو في المدرسة
بس عن جد يعني كل شى جايز في هالزمن

انزين يمكن المعلمة الا غلطت على اى طالبة يمكن اسلوبها جذى مع طلاب
بس في معلمة ثانية اكيد معاملتها غير ويحبونها طلا ب

يعني ما نقدر نغير شى لانه لو قلنا ان طريقة التدريس وعدم فهم طالب حق
الماده اهني نقدر نقول ان المعلمات او المعلمين ما يقدرون يشرحون
حق طلاب وبس يبون الفكة وخلاص

بس على فكرة يا ريف العين الحين ان شاء الله تتحملون شوى
وما تعصبون على المعلمات

وتحيااااااااااااااااااتي
القلب الحزين

مشكوره اختي بوليس واخوي قلب الحزين وتسلمون على الرد ...................

والله عاد وحده قلت لها تعالي شرحي او عيييدي لي او سوي جذي وتقووم تتنرفز علي

والله لافلعها بالكتاب اللي عندي
معليش بيودوني المشرفه بيعطووني تعهد او فصل تعودت عاادي
بس مو تقعد تفشلني او تنرفزني

لا واللي يقهر اكثر اذا قلنا لها مافمهنا عيدي مرة ثانيه تقوول لانكم مو منتبهين
!!!!! مادري افلعها بالشنطه ولا شنو اسوي ؟؟

الله يعينا بس
تحياااااتوووو

معلمات هل الزمن طرطنكية حدهم يضلون في بيوتهم احسن
ويربون اعيالهم ابرك لهم

ومعلمتنا عندها شعار تقولة (((احنا في وزارة التربية التعليم)))
اي تربية واي تعليم يتكلمون عنها.
ويه هم ادب في الكلام ما في والله يبليه مدرسة انعلمهم فيها اتكيت وآداب وشلون يقدرو ويحترمون الطالب
والله لو تصيح في ايدي معلمة جان اسوي فيها الي ابغية بس مو اي معلمة في بعضهم وهم قلة من يحترمون ويقدرون.

بنات مدرسة أميمة

يقهروني المعلمات


من جم يوم جايتني معلمة تقول لي انتي ليش تحتقريني والله ليش تعامليني جدي
معنه اهدء من في الصف ما في
ويش اسوي اليهم اغير قلبة وجهي من شوفني معلمة تقول لي ليش نضرة أحتقار الي عليش ما ادري هم نضارتهم لينا ويه وهم اخس منا بس اقول عساهم مرنح بس مو كلهم

<div align="center"> الله يرحم ايااام زمان يوم كان الطالب يحترم المدرس ويقدره ويعرف انه اذا قسى عليه بعض الشيء لمصلحته ...الله يرحم ايام ما كان ولي الامر ايودي الطالب اوالطالبه وايقول حق المعلمة هذي مثل بنتج علميها وربيها ...والتربية طبعا تحتاج الى الشدة في بعض الاحيان .....على فكرة ليكون عبالكم المدرسة تشتغل عتدكم ؟؟.....ياللي تقولين اذا رفضت اتعيد اكفخهه بالكتاب .....((والله لافلعها بالكتاب اللي عندي )),,ليكون شغاله عندج عبالج .؟؟؟....

او اتقول : (( مادري افلعها بالشنطه ولا شنو اسوي ؟؟ )) ... ليش يبه تفلعينه ؟؟؟ علشان قالت حق سعادتج ماكنتي منتبهه ؟؟؟ اشفيها؟؟ ...لا اكيد اجرمت في حق جنابج ؟؟؟


..(( والثانية اتقول

(( شرايكم بالمعلمات او المعلمين الي يايبينهم الحين ؟؟؟؟))..من وين يايبينهم الله ايسلمج ليكون من الهند ؟؟؟ هذي اسلوب تتكلمين به عن المدرسات ...


ابصراااحة كلااااام يفشل ويثير الحسرة على الجيل الجديد اللي ما يحترم اللي اكبر منه ...المفروض ان المعلمة ذي في مكان اختج ....ويمكن انتي بعدين تصيرين في نفس موقفهه ...وطبعا اكيد بتنرفزين اذا وحدة ما كانت منتبهه .....يعني لاااازم تاكل المعلمة تبن وتسكت ؟؟.....والله حااااله ...ما هذا التعااااالي وما هذه اللهجه الفوقية ...؟؟؟..



طبعاااا كلااااامي ما عجبكم ....عيل اشلون كلامكم على المعلمات اللي بتكفخه بالكتااااب؟؟؟ انتو راااضين عن نفسكم وانتو تتكلمون بهذا الاسلوب ....؟؟


واخيرااا حطو بالكم على هذه العباااارة ..((..معلمات هل الزمن طرطنكية ))...هذي الوصف رااااقي جداااا .. ...طبعاا العكس ....
</div>

لا تعليق

والله جان تبون الصرااحة اهمه من اسلووبهم يخلونا نقول جذي عنهم مع انهم يقدرون يحاجونة احسن من جذي بواايد
وهم في مدرساات يكسبونا بأسلوبهم الحلو ومعاملتهم الطيبة
ولا لين ياتج وحدة معصبة على مادري من وتحط حرتها فينا بالصرااخ والزف والتفشل ولا بعد يبونا نسكت
ولا بعد لو سألتج شي وهي معصبة حدها ورديتي عليها تقول شهالقلة الادب
شنو احنا يايين من السكة حق تقول لنا هالحجي
الله يتممها على خير ونتخرج ونفتك من الحنة


مسامحة

انه الصراحه مااسكت للمعلمات الييسبوناوالي يتفلفسون علينا اعطيهم اللسان-----*(دفاع عن النفسس)*

اهم جاين يعلونا والله يصايخون علينا و... و..
في معلمات الحمدلله والشكر يفلتون كلام ولايثمنونه

elkadi

كفيت و وفيت

لكن العيب في من قوهم على المدرس

الله يرحم اول ابهاتنا ايقولون للمعلم لكم الحم و لنا العظم.

والله عجل معلمة اتجي وتقول الى طالبة انتين قليلة أدب اهلش ماربوش وين عايشين احنا
في أي عصر عايشين

والله تقول انتون على طول تغلطون واني اسكت عنكم يعني طنش احنا ويش انقول وبل عكس يصير هي سب واحنا طنش تعش تنتعش

هي لو في خاطرها تبيني أرد عشان الى المشرفة بس ما رديت
والله اني مارديت عليها كل الحجي الي قالت لانه تربيتي ما تسمح ارد على طرطنكيكة مثلها



مه تحيات بنات أميمة بنت النعمان

لما يجي المعلم زين ويحترم الطالب احنا بنعاملة أحسن ما يكون اذا جت معلمة ......
ويش انسوي فيها معنى تغلط واحنا ساكتين ما اقدر ارد عيها مو علشان خايفة يسون لي فصل بس احترام اليها لانها اكبر مني

صراحه صراحه اني احترم المدرسات الى ابعد حد ولا اقدراغلط على اي وحدة لانه المدرسات ما يغلطون على الطالبات الى ادا كان في سلوكهم شي خطأ
مع تحياتي الى كل مدرسة ادرسني او درستني

اي والله صاجه مجنونه ثريا

المهم مجنونه ثريا حبيت اقول لج شي حبيبتي

الله يسامح المعلمات كلهم بس المفروض ما تفضحينهم في المنتدى عندكم شي روحوو اشتكوو عند المشرفه او المديره لان هذي سمعه وجذي انتوو راح تسون حق روحكم مشاكل من فضلكم لا تذكروون اسم مدرسه لان جذي راح تتأثر سمعتهاا وبالعكس مدرسه اميمه من افضل مدارس البحرين شكروو ربكم تدرسون في هل المدرسه والله اناا سمعت فضايح بس ما اقول الا الله يستر على الجميع ويستر عليناا

تحياتي

تحية الى كل معلم ومعلمة


بنحبكوووووووووووووووووو أوي

لو انروح نشتكي اصلا من بيسمعنا

لو نتكلم بقلون احنا قليلات أدب حتى يمكن يفصلونا

مع احترامي الى كل مدرساتي بس مو كلهم بس الي قدرون الطالبة اقدم ليهم احترامي

مجنونة ثريا

والله

المعلمه ما تنلام لي يت قالت واحد زائد واحد يساوي أثنين و يت وحده قالت لها شنو شالسالفه أبله ما فهمت ممكن تعيديلي هالخطوه من وين يت


أصلاً باجي الطالبات يتضايقون من هالأسئله الي تضيع وكتهم


عالعموم الله يعينه و يعينكم عالمدرسات و الأساتذه بس هم حاولو اتركزو و ما تشردون

اصلا لو معلمة اقول ليها ما فهمت الدرس حتى لو كنت منتبه بتقول لي اني ما اعيد وبتصرخ علينا والله معلمة تشرح تمرين واحد وكملو البقاية احنا وية ما نزلنا من بطن امنا عباقرة والله اجيني الصيحة اذا ما فهمت واقول عيدي وما ترضى اتعيد

ما في غير معلمة الريض تعيد لينا والله يخليها لينا
والباقي يعصبون

الي درسونا فصل أول اتمنى يردون يدرسونا والله ابغيكم

يجب ان يكون الى الطالب حقوق واتمنى ينفذون يعطونا حقوقنا لانا بشر ونحس اذا هم ما يحسون احنا انحس

معلمات أخر زمن الي تتكلمون عنهم جابوا لي العقد ما ابغي اكمل دراسة بسبتهم والله ما ابغي معلمة اني افصلها


مع تحياتي الى مدرستي المحاسبة المفضلة .................

معلمات وأساتذة هزمن كلهم غلط وكله عبالهم صح واهما مايعرفون شي

والله المعلمين فيهم ناس يستاهلون كل خير و لو بودي ايدرسوني كل المواد وكل يوم ..
لكن في مدريسن في نفس الوقت حرام يحطونهم في هلمنصب انهم يدرسون ويعلمون طلاب لانهم نفسهمم يبيلهم تربية وتديس..

أنا باقول لكم قصة صارت لوحدة من ربعي الكورس اللي طاف

هالبنت وايد شاطرة في التعبير وللعلم بس المدرسة مرشتحها عشان تكتب كلمة الخريجات في حفلة التخرج

وفي الكورس اللي طاف درستها مدرسة مو شي وعطتها درجة أقل مما تستحق ولما راحت تدافع عن حقها ودرجتها بأدب صرخت عليها المعلمة في غرفة المدرسات جدام كل المدرسات اللي هناك وقالت لها "موقاصر الا انتي يالحمارة تعلميني شلون اصحح الاوراق"

وبدل ما تعطيها حقها نقصتها درجة زيادة

وراحت للمديرة بس مافي فايدة

درجتها هذي هي ما تغيرت

واحنا خاصة مستوى ثالث في مدرستنا نعاني من مدرسة وللاسف هي مدرسة اولى يعني اي ورقة تطيح في يدها تعفسها فوق تحت

كلمناها وكلمنا المديرة والمشرفة بس ماحصلنا حقنا

اضطرينا الى المظاهرة وعطونا تعهد

بعدين يابوا لنا رئيس التعليم التجاري واخذ أقوال بعض الطالبات ولا في خبر يذكر للحين

والكورس بيخلص ودرجاتنا ظاعت في الهوى

بللللللللللللللللللللللللللللللللللللللل

بس لازم ما تسكتون عنها بعد تقول حماره؟؟
واشتكو عليها
والله لو انا ماخليها تنقصني معلي بعد تسبني
والله اشرشحها

مدرساتنا صج منهم ناس ما في مثلهم لكن في بعد معلماااات !!! شنقوول عنهم !!!! انا في معلمة كانت ميودة علي يا الغبية ويا الغبية لكن رديت عليها بس بدون ما اقل ادبي عليها !! كانت دايما اتحب اتفشلني جدام البنات !! كلش ما كنت احبها !!! لين ما قلت حق امي اتروح لها واتشوف آخرتها معاها ,,, لكن انقلوها المعلمة ...
لكن صج كانت مسويه لي احبااااط !!!
ويقولون الطلاب مستواهم نازل !! اذا ما بيحصلون الا الاهانة والزف زين ايحبون المدرسة ؟؟؟!!!

هلا
بس خلوهم في حالهم
مع تحياتي عاشقة الثريا