مو فرحك انت وبس هاليوم بالذات
احس كل العالم ايعيش بي عيد
الورد وقلوب الحبايب والآهات
والناس من فرحك وسعدك مساعيد

ياكوكبٍ هيهات ينطال هيهات
ياظبية تجفله قلوب الغواريد
غنت لك الحان القصايد والابيات
يعل الفرح في عمرك يزيد ويزيد

اقولها مـــرة ومـــرة ومرات
هالليله امست لك شموع وتغاريد
في يوم فرحي لك يزف التحيات
واتبارك لقلبك ب هاليوم وتعيد

يامن سمعتو الصوت ردو بالاصوات
يالله ارزفو له وانعشن ياظبى البيد
هنوا وقولو له بهاليوم بالذات
عسى حياتك في سعاده وفي عيد