وهاذي الكلمات لعيونكم ..
مرحبا والنفس طربانه للقصيد وشاعرن ياها والكتابه بطيب عنوانه والحروف ابطيب مجناها
شفت دانه في وسط دانه في البحور السبع منشاها بوحمد الروح ولهانه شفقتن في شوفة روياها
يوم بن كردوس قيفانه جت على كيفه وغناها يشتكي من الحب والوانه والهنوف وكم عاناها
لي نظرها ضاع برهانه والمحال امحال ينساها والعيون السود فتانه والخدود ورود محلاها
والهوى ياكبر شيطانه كم عيونن مر واعماها صاحبك ياصاحبي عانه ماقدر يوصف مزاياها
والعجب في قوس حيانه والهلاك بجمرة اشفاها والشعر لي يرسي امتانه كنه جنح الليل يغشاها
ان بغيت العود روعانه وان بغيت الحسن وياها وان بغيت العين سكرانه شوفه ناصر من ضحاياها
والشعر لي يرسي امتانه كنه جنح الليل يغشاها لانه رب البيت سبحانه عابنا بالحور بداها
والشعر والليل خلانا والنفس جاتك من اقصاها والختام اقول سبحانه ربنا ع العور بداها
شفت دانه في وسط دانه في البحور السبع منشاها بوحمد الروح ولهانه شفقتن في شوفة روياها