السلام عليكم ورحمة الله وبركاته
تحياتي الخالصة لكل من فتح الموضوع واتمنى مشاركاتكم المميزة

اوشكت المدرسة على الأنتهاء والأمتحانات على الأبواب وراح تنقضي ايامها ونتمنا لكم اجازة سعيدة
اما في موضوعي هذا فحبيت انكم تشاركونا شعوركم في آخر يوم دراسي وشنو سويتوا فيه ؟

اما مدرستنا الكشخة سووا لنا حفلة فريدة من نوعها .. المهم استانسا فيها وسوينا ازعاج ولعوزنا المكان وصورنا معلماتنا واخذنا صور للذكرى وفي نهاية الحفلة كل وحده ودعت رفيجتها. عاد اهنيي ابتدا الفلم الهندي .. مساكين بنات صفنا رقيقاات قاموا يصيحون >> اللي يسمعني الحين يقول ما صحت ,,


مع السلامة تحياتي .. Lilly rose

والله عن روحي أول شي ابتدأ المشوار من الفسحة ..

رحت آنه و رفيجتي سوينا شهادات شكر و تقدير حق معلمة العرب و معلمة الريض .. لأن صج صج تعبوا ... و في الحصص عطيناهم الشهادات هدايا ..
و في الفسحة شريت جلكسي ووزعته على الشلة كلها لأن جريب عيدميلادي >> باجر .. وزغت عليهم و عطيتهم كلمة مؤثرة ..

يوم طق جرس الفسحة .. قعدوا البنات يصيحون .. بس آنه كنت قوية ما صحت ...

و الحصص الأربع الأخيرة كله رسائل نتب حق بعض علشان ما ينسونه ..

و في الهده صار الصياح .. ... و البنات كلهم راح عنهم الباص بس الحمد الله آنه ما أروح في باص فما راح عني

أهلين أختي angel face عالمرور
شكرا .. تحيااتي
Lilly rose

انا الصراحة ماصحت..لأنه ادري عقب بنلتقي ويه بنات صفنا وبنطلع..بس اكييد بصيح في حفل تخرجي

انه بالنسبة لي ما وحشتني ولا طالبه من صفناا
ولا ودعتهم اصلا
وكلج عاادي لاني ما احتك فيهم اصلا
بس معلماااتي وااااو !!
فضييييع المنظر
والله مب خااطري تمشي عنه معلمة العرربي
والله امووت فيهاا
بس الحمد الله عدت ع خير

غريب أمرج

احنا غايبين من زمان ..

بس اخر يوم لاصارت دلاعة بنات ولا شي ..

الي يتهاوش و الي هارب ..

حتى حفلة ماسووا

بس في ناس اكييد ما بنشوفهم الي اخدوا مواد غيرنا و الي راحوا تخصصات غيرنا ..

بس نشوفهم ايام الامتحانات و نودعهم

ههههه اشك ان الصبيان عندهم مشاعر واحاسيس
مع احترامي لكم

تحياتي .. Lilly rose

ايوووووووواااااااااااااااا فكه خلصت المدارس

بس لا صج انا عورني قلبي على ربعي وعلى استاذ العربي

ومادري يمكن لاني تعودت عليهم كل يوم وياي

بس يلا هذي الدنيا شنسوي بعد

بل مال اول تخرج ومادري شنو يلا الله يوفقكم وكل واحد او وحدة يصيرون ويسوون الي يبونه بس ماوصيكم في هالفترة ذاكروا زين لاتهدون الكتب ترا مابينفعكم شيء غير كتابكم

أهـــــئ ما اتخيل شلون بترك مدرستنا عقب ما قضيت فيها 9 سنين
والله مو عدله عليهم خل يرسبونا يسوون اي شي اهم شي مابي افارق ربعي ومابي افارق معلماتي الكشخة .. الله يخليهم لي ..
راح احن لصراخ معلمة الأجــا .. حدها طيبة تصرخ علينا وعقب شوي تمزح ويانا
ومعلمة العري اللي دايما تساعدنا في كل شي نطلبه منها حتى تتوسط لنا عند المعلمات اذا نبي نأجل اختبار ولا شي
ومعلمة الريض اللي اذا وحده منا مافهمت نقطة تعيد لها الدرس كله بس عشان تبري ذمتها
ومعلمة العلوم اللي تحب الكل وشرحها فوق التمام

خلاص بسكت لا اصيح مرة ثانيه
ماي سكوول

انا ما رحت المدرسة اليوم بس ما صحت اخر يوم اللي رحت فيه المدرسة لاني عارفة اني راح اصيح في حفلة التخرج ودموع اهوا صج صعب الوداع بس شنسوي هذي الحياة

اولا :يسلمو عالموضوع

ثانيا : بيوحشوني البنات لان تعودت إني اجوفهم كل يوم ومره وحده نقاطعم
المهم آنه اليوم رحت المدرسه خذيناها لعب ونااسه وبعدين على نهاية الدوام خبركم يعني بناات استقلال ما يصيحون يعني انزين على النهاية خذيناها طق وتكفخ ((خوش ودااع))

يسلموو عالموضوع

اما انه من الصبح الحصه الثانيه ويا رفيجتي قلعنه الدفاتر و غيرناهم و كتبنه عليهم و يوم كل وحده بتقرا الي كتبته لها الثانيه عيونها امتلت دموع و خايفه تطالع الثانيه و تصيح قدام معلمه الرياضيات فضليت ويهي في صوب و ويهها في صوب و ابتدت الرسايل طول الحصص و يوم يت السادسه لحظه الوداع لان السنه اليايه كل ناس في غير شي بس حضنوا بعض البنات انه صحت >>> انتي شكو عاد بعدين كل البنات سلمت عليهم غرقت ثيابي دموع ماودي افارقهم خصوصا بنات السنه احبهم وااايد فديتهم

2/5 و بس و الباقي كله خس خخخخ

تحياتي ...

هلا خويتي
بصراحة شعور عادي واحنا ما بنفترق

لانه ثاني ثانوي خصلناه وبنلقتي في ثالث ثانوي

يسلمو عالمرووور

اكيد انا مستانسة لأني بفتك من المدرسة و من المعلمات و الدراسة و من عواار الراس ,,

ههههههههههههههه والله ذكرتوني ,,, اول شي كنا في الفسحه و كنا الشله شله المسخره,,
نغني و نرقص و انة على الكرسي واقفه ارقص لهم مصري و شكيرا لانة كانت فسحتنا ساعه لانة كان اجتماع مدرساات,,
و قالت المديره خلهم قاعدين يعني في الفسحه,,
بعدين قلنا خلنا نسوي دائرة و نبسط,, بسطنا و نعوم تمت اتقول كلام و انة دمعت عيني وانة على اقل شي اصيح اوف المهم,, و يوم وصل دوري قلت لهم احم احم سمعوا:(( والله احنا لازم نكون ربه مثل الحين ولا مرة تهاوشنا و اربعه و عشرين ساعه التلفون في اذاينا نسولف و نشبك خطوط مع البنات و نطلع و نقز قز و خلنا مانبي نتفارق )) و هني بس يعني تمينا مع بعض و رحنا حق مدرسه الرياضه لانها نادتنا بنات العرض و رحت و تمينا نتدرب خخخخخخخخخ ,,,, شرايكم في الفلم الهندي ولا اروع ها هههههههههههههههههههههههههههه,,
يالله باي باي تيك كير

والله انا ماودي اتيي العطله صج المدرسه كله دراسه وعوار راس بس المدرسه احلى
تعودت على ربعي والشرده من الصف والهوااش في الفرصه بيوحشووني وايد بنات صفنا بس الحمد لله بيكونون معاي توجيهي اخر سنه :(

يا ربي
صراحه صدق اني توني اول ثانوي
بس بعد بشتاق الى المدرسه والمدرسات
وخصوصا مرشدتنا
وبشتاق الى شلتنا الله يخلينا لبعض يا رب

لا الصرراحة تبوون اهناا سوينه حفله وكل شي وبس كان كله صيااح في صيااح مو بس من يووم الثلثااء من يووم الاثنين والبناات يصيحووون
ولكن هب عن شي بس لاان مووضوعن في الحوار في العربي كان عن لحظة الفراق فيعني اهني ابتدا الصيااح
والسمووحة