هاااااااي هلا والله شخباركم انشاءالله كلكم بخير
انا حبيت انقل لكم اغنية رووعة ابكت كل مواطن اماراتي وخليجي
لانة المرحوم كان ابو للجيمع وكان الكل يشهد لفعاله الكبير والصغير
بس هذا اليوم مكتووب على الكل والله يرحمك يا زاايد الخير
واتركم مع الاغنية

أوبريت «زايـــــد في القلب»

اللوحه الأولى:

الطلاب:


في القلب زايد.. حي ما مــات..
الى الأبد بيعيش..قايـــد..
ذكــراه في قلب الإمــارات..
تنبض و تهتف بإسم زايـــد..

حسين الجسمي:


http://www.moeya.ae/upload/jasmy_zayed-fel-galb.ram

وقف نبض المسـا فجأه..
وفجـــأه كــل شي مهموم..
و من وقع الخبر صارت.. تنكس نفسها الأعلام..
رحل زايــد..رحل و الليل يتساءل..... بعد هاليوم..
صبــــاحك كيــف يــا بلادٍ
شعبـــها كـــلهم أيــتام..؟؟


أصاله:
تــرجل فــارس الأمه..
قدر..و أمر القدر محتــــوم..
ترجل من على خيــله..
و صـــــاحت أمـــة الإسـلام...
رحـل و انجازه الأكبــر..
بـــلادٍ ما بها مظـــلوم..
حكمها الفارس القــايد..
و مــــات الفارس المقــدام..

فايز السعيد:

سمــعتك يا الخبر..و أمري..
ما بين مصدق و موهــوم..
و أمشي خطوه مصدق...و خطوه تشـبه الأوهام..
و يسري شي في دمي....كأني بالحزن مسمـــوم..
و أشــوف الناس من حـولي.... وجــوهٍ تشـبه الآلام

رجاء بالمليح:

أشــوف رجال مكبــرها..
بكـت كنها طفل محــروم..
و أنـا يــادوبي مصدق..
و أقــــول................... الله يــا الأيام..
خـــذيتي زايد.... و كأنك...خذيــتيه من مســا للنوم..
و لكن حكمتك ربــي..
وحكمك سيـــّد الأحكـــام..

علي إسماعيل:

رحـل واحـد...نعم
واحــــد..
ولــكنه
يســــاوي قـوم..
رحــل..
بس بعد ما حقق طموح الشعب و الأحلام..

جاسم محمد:

فمــان الله يا زايـد..كثـر ما هالخبر مشؤووووم..
فمــان الله يا الوالد..كثر خيرك في هالأعوام...

علي إسماعيل:

كثر حزني و انا أشوفك.. تروح و موكب مزحوم..
كثر ما نظرت محمد... بها بها غبنه...و ما تنلام..
كثر ما صورتك بكت عيون الناس يا المرحوووم...
أبدعي لك فمان الله.....و براحه..عساك تنام...
فمــان الله يا القايد......وبراحه....عسـاك تنام

الطلاب:

في القلب زايد.. حي ما مــــات..
الى الأبد بيعيش..قايـــــد..
ذكــراه في قلب الإمـــارات..
تنبض و تهتف بإسم زايـــد.. ----

اللوحه الثانيه:

أصاله:

لو الموت وقف..بس لحظه و سألنها..
وش رايكم عن زايدٍ طولٍ و طول..

فايز السعيد:
إن كان متنا.. عنه نحنا و اهلنا..
و إن كان عن زايد تعوض بمليـــون..

حسين الجسمي:

ليته قبل زايد.. تخيــّر أجلنا..
إن كان قلنا..له لأجل زايد يهون..

رجاء بالمليح:
يا ربنا..ما غيرك أنته سألنا..
نسألك تجعل..جنتك لأجله تكون..

علي إسماعيل:

لا الدمع صبرنا... ولا هو غسلنا..
نحتاج لو نبكيه..عيونٍ...عيون..

جاسم محمد:

من الذي من حزنا..ينتشلنا..
و اللي نحبه... في الثرا صار مدفون..

الطلاب:

يا رب..يا اللي عليك اتكلنا..
و اللي لأمرك...يشهد الكاف و النون..
عن شيخنا...المرحووم..
راضيين كلنا..
نسألك ترضى عنه... يا خـالق الكون...

أصاله:

من يوم فتحنا و شفنا.. أملنا...
نسمع أهلنا...بالخير لك دوم يدعون..

رجاء بالمليح:

هو كان قـايدنا.. أبــونا.. مثلنا...
هو كــان فينا..شمس و ظلال...و مزون..

علي اسماعيل & فايز السعيد:

عنا رحل..زايد...و بعد فرقاه..ظلنا...
عنا رحل ..غمض جفون..

حسين الجسمي:

من بعد ما...ضحى..و لملم شملنا..
و أهدى لنا..قاده...بمداه يمشون..

علي اسماعيل:

يا رب..يا اللي عليك اتكلنا..
و اللي لأمرك...يشهد الكاف و النون..

جاسم محمد:

عن شيخنا...المرحووم..
راضيين كلنا..
نسألك ترضى عنه... يا خـالق الكون...

الطلاب:

في القلب زايد.. حي ما مـــات..
الى الأبد بيعيش..قايـــــد..
ذكــراه في قلب الإمـارات..
تنبض و تهتف بإسم زايـــد.. ------

اللوحه الثالثه:

رجاء بالمليح

ما يموت اللي ترك خلفه رجال..
ما يموت اللي مثل زايد يكون..
ما يموت الخير مع حسن الفعال..
والملا له يدعون..و يشكرون..

علي اسماعيل:

ما خطا المرحوم زايد يوم قال..
حكمةٍ من هالبشر يتعلمون..

حسين الجسمي:

"المصانع ماهي لي تصنع رجال..
الرجال اللي بيديهم يصنعون" (من أقوال زايد)

الطلاب:

ما يموت اللي ترك خلفه رجال..
ما يموت اللي مثل زايد يكون..
ما يموت الخير مع حسن الفعال..
والملا له يدعون..و يشكرون..

أصاله:
زايد اللي كان مجهوده يبان..
غاليٍ ما هو من اللي يرخصون..
أسألك يا ذا المعزه و الجلال..
ترزقه الفردوس و أنهار وعيون..

الطلاب: ما يموت اللي ترك خلفه رجال..
ما يموت اللي مثل زايد يكون..
ما يموت الخير مع حسن الفعال..
والملا له يدعون..و يشكرون..

جاسم محمد:

ثبته يا ربنا عند السؤال..
و ارحمه و ارفق بعبدك يا حنون..

فايز السعيد:

زيد القدوه بعدله و المثال..
أخلص لشعبه و حطه في العيون..

الطلاب:

ما يموت اللي ترك خلفه رجال..
ما يموت اللي مثل زايد يكون..
ما يموت الخير مع حسن الفعال..
والملا له يدعون..و يشكرون...

مشكورة اختيه ع الأوبريت الرايع بكل معانيه واحاسيس الفنانيين

الله يرحم ابويه زايد ويغمد روحه الجنة انشاالله

يعطيج ألف عافية يالغلا

تحيااااتي

تسلمين يالغلا..
يعطيج ربي ألف عافيه

يعطيج العافيهـ ..
وتسلمين ع الاغنيهـ الحلووهـ ..
رحمة الله على الشيخ زايد ..

يعطيج العافيه
الله يرحمه و يغمد روحه الجنه

الله يعافيكم ويسلمكم
والله يرحمه ويغمد روحه الجنه
قولوا آمين

آاااااه ه....رحل زايد