غناوي المحرق
Jul 20 2007, 07:55 PM
السلام عليكم
اول شي اليوم موضوعي مغاير
شتعنيلكم هند البحرينيه تفتخرون بوجودها كفنانة البحرين الأولى
طبعا قبل كل شي بذكر معلومات لهند
هند غنت عن البحرين 13 اغنية وطنية
هند شاركت في 8 اوبريتات وطنيه
وللعلم مافي اي فنانة بالخليج شاركت في حب وطنها اب هالعدد من المناسبات
هناك اغاني وطنيه هند سجلتها في الشهرالثامن قبل لاتولد واذكر كلمتها لعيون البحرين
راح اخلص تسجيل الأغنيه وهلأغنيه كانت بعنوان حلوة يالبحرين
وقفت على مسرح اوبريت يوم الوفاءوغنت واهي حامل وتعبانه
الي مستغرب منه ليش مافيتشجيع من البحرينيين لبنت ديرتهم
شكلها ؟؟يعني هند تعدلت الحين وصارت اروع مايمكن
هي تمتلك اجمل صوت خليجي وهذا بكلام فنان العرب
لكن مستغرب ليش انتو ياهل البحرين ماتوقفون معا بنتكم هذي البنت غنت للملكه من سنين ورا سنين
ضحت بصوتها لاجل هلارض
واخر شي اتيي هالمجنسه اصالة واسمع ناس من البحرين يقولون انها فنانة البحرين الأولى !!
بالنهاية ترضون هالكلام ينقال ووين حب عيال هالمملكه لفنانتهم ؟
landcruiser
Jul 20 2007, 11:42 PM
السلام عليكم ..
اخوي او اختي ..
انا بس ابي اقول شئ .. انت تقول ضحكت بمادري شنو ..
وغنت وتعبت وهي حامل .. كل هاي على شان الوطن ..
انت مطلعها كأنها باقي شوي وبتحرر فلسطين ..
مو مشكلة بحرينية على عيني وراسي..
وهم أغانيها الوطنية من أحسن الأغاني عندي ..
بس الموضوع مو مستاهل .. لآن هم أصالة لها مكانتها
وعاشت ديرة هل الخير
بحريننا الغالية
تحياتي
كرستي
Jul 21 2007, 10:25 PM
امممممم
بالعكس بالنسبة لي هند احلى صوووت
نسائي خليجي وايد صوتها حلوو وحنون
وفيه احساس يسلمووو اخووي عالطرح
انا دلوعه
Jul 22 2007, 12:56 AM
هند على عينا وعلى راسنا ونفتخر فيها بنت يرتنا
وصوتها حلو واغانيها حلوه
بس اصاله عمرها مابتكون بحرينيه
كفايه ان جوازها البحريني ماعترفوا فيه في دوله من الدول العربيه
ولا نفتخر حتى انها تكون بنت ديرتنا
ohayooo
Jul 22 2007, 06:27 AM
هند من احلى الاصوات الموجوده عالساحه وكلها احسااس انا من متاابعينها
من غير مجامله هند فنانة البحرين الاولى واقوولها من غير تردد
وبالنسبه حق اصاله (( اصاله فنانه وصوتها روعه بعد وما عليها كلام بس مو اهي فنانه البحرين الاولى )) الجواز مو معناته انها صارت بحرينيه الناس تشووف الاصل ما تشووف الجوازز
سحاب الليل
Jul 22 2007, 01:46 PM
طبعآ احنه نفتخر بفنانتنه البحرينيه هند
وعلى عينه وراسنه دامها من ديرتنه البحرين
وعلى فكره تره البحرين اهيه ديرة الفن ..
واكثر المواهب الفنيه والأصواات والعزيفين
في البحرين ومايحتاي نذكر اساامي
.
.
الله يخليهم للبحرين
mas89
Jul 22 2007, 07:46 PM
بييييييييييي
هند فنانة و صوته ولا اروع
بس هالصوره عيب تطلع ظهره
قنله فنانة بس لنه عادات و تقاليد
اشناله محد ياخر ردي بعدوانيه
غناوي المحرق
Jul 22 2007, 10:20 PM
اخوي لان كروزر
باختصار انت تفتخر باصاله بحرينيه ؟
هالبنت حبت ريلها جدام خلق الله وبالتلفزيون مباشرة
واهي تحمل جنسية ديرتك ترضى ؟؟
bant_al_shaikh
Jul 29 2007, 01:42 AM
الصراحه كل الفخر له رافعه راس البحرين
landcruiser
Aug 5 2007, 06:51 PM
يا خوي غناوي المحرق السالفة ما تستهال كل هالضجة !!!!!!!
يعني في ذمتك العربي او العجمي بديرتنا وحتى لو عنده جواز بحريني
ما بينعرف !!!!! ... الكتاب يبين من عنوانه .. يعني مب شالت جواز ديرتي خلاص انتهت الدنيا !!
أنا ما ادافع عن أصالة .. وإذا بتقول حبت ريلها جدام الله وخلقه.. جوف انت الصورة اللي حاطها .. نص ظهرها طالع !!!!
أنا كان كل هدفي .. أن ما تستاهل السالفة..
لآن في من يحب هند .. وفي من يحب أصالة ...!!!
ربـيـع الـقـلـب
Aug 19 2007, 09:24 AM
اولا تسلم اخوي غناوي المحرق على الموضوع الاكثر من رائع
وسمحو لي الظاهر ردي متأخر
بس حبيت اقول لكم هند من افضل الاصوات العربية بشهادة كل من محمد عبده رباب احلام اصالة نوال احمد الجميري خالد الشيخ والكثير من الفنانين الخليجيين والعرب
مع الاسف كل الاسف
الفنانة الفراشة هند مو لاقية الدعم الفني والاعلامي مثل الي تلاقيه برع ديرتها
يعني اشوف اهتمام لبنان الامارات السعودية الكويت وايد اكثر من اهتمام البحرين
وهند شهادتي مجروحة بصوتها لو اقول شنو ماقول ماراح اوفيها جزء
هند افضل صوت خليجي مثل ماقال عنها الملحن والشاعر الكبير ابراهيم جمعه وهذي شهادة نعتز فيها كبحرينيين
والف شكر لكم
اخوكم ربيع القلب(عاشق هند)
بس ماعرفت من انت غناوي الظاهر انك من الفانز الي بالمنتدى الرسمي للفراشة؟؟
فراولة كيوووت
Aug 20 2007, 06:45 AM
إقتباس(ohayooo @ Jul 22 2007, 06:27 AM)
هند من احلى الاصوات الموجوده عالساحه وكلها احسااس انا من متاابعينها
من غير مجامله هند فنانة البحرين الاولى واقوولها من غير تردد
وبالنسبه حق اصاله (( اصاله فنانه وصوتها روعه بعد وما عليها كلام بس مو اهي فنانه البحرين الاولى )) الجواز مو معناته انها صارت بحرينيه الناس تشووف الاصل ما تشووف الجوازز
Sko0oN
Aug 24 2007, 12:06 PM
بتبقى الفنانة البحرينية رقم 1
وهند من أحلى الاصوات النسائية الخليجية ..