شخبـــاركم
المهم من الملل قلت آبي انزل موضوع في القسم .. ييه في بالي فكره موضوع
اني سويت لقاء مع فنانين وسألتهم كم سؤال بخصوص محمد الصايغ
اول فنان معانـا
الفنان محمود الشيخ
هل التقيت في الفنان محمد الصايغ شخصيا ؟
نعم التقيت فيه مرتين اثناء تصوير مسلسل ملامح بشر
شنو رايك فيه ؟
بصراحه يعني بحكم اني ماحتكيت فيه وايد بس طبعا ترك عندي انطباع حلو من تعامله
شنو الايجابيات والسلبيات اللي تشوفها فيه ؟
طبعا ايجابياته متواضع حبوب مرح يعجبني هدوءه في بعض اللحظات
اما سلبياته مادري والله ماكتشفتها بس شعره طويل
كان لمحمد الصايغ ظهور في عده مسلسلات منها
( ملامح بشر .. ظل الياسمين .. جنون الليل .. بعد الشتات .. عندما تغني الزهور .. الخ )
شنو افضل مسلسل كان لمحمد ظهور حلو فيه ؟
حبيت دوره في بعد الشتات..
شنو الدور اللي تعتقد يناسب محمد الصايغ ؟
دور الدنجوان ....اسر قلوب العذارء
دور اختاره انت للفنان محمد الصايغ ؟
حاب اجوفه في شخصيه معقده ومركبه وفيها عدة حالات نفسية مختلفه احس بيبدع فيها
لو قالوا لك قدم نصيحه له شنو راح تكون هالنصيحه ؟
والله نصيحتي له ان يجرب يختار كركترات مختلفه ومتنوعه تخلينا نكتشف اشياء يديده فيه كممثل
كلمه اخيره للفنان محمد الصايغ ؟
اتمنى لك التوفيق اخوي محمد وانشالله يجمعني معاك عمل عما قريب
كلمه لمراقبين القسم واعضاء قسم الفنان محمد الصايغ ؟
يعطيكم العافيه على الجهود الي تبذلونها لاظهار المنتدى باحلى صورة وطبعا نقل كل اخبار الفنان محمد الصايغ مشكووره ييعطيج العافيه
الف شكر حق اخووي محمود الشيخ .. يعطيك العافيه وماقصرت
وانتظرونا مع فنان ثاني
تحيـــاتنا
اسحاقي
الصـــــايغ
