مرحبااا
ممكن لو سمحتوا احد يساعدني في شرح مسائل قوة وحركة
المسئلة الكتاب صفحة 58 تمرين رقم 19 و20 و23
المعلمة عطتنا الحل بس مو فاهمة اشلون صارت هذي القوانين وليش استخدمناها

الله يساعدنا على نيوتن وربعه

مسألة 19 صفحة 57
لازم أول شي تطلعين المعادلات

معادلة ك1:
ش = ك1×ج ----------------> 1
( لأن ما في إلا قوة شد وحدة حق ك1)

معادلة ك2:
و- ش= ك×ج ----------------->2
( لأن قوة الشد لأسفل من جذي خلينة الوزن قبل )

تالي نقوم ونجمع المعادلتين معا بعض 1+2
بتروح ش معا ش
بيبقى
و= { ك1+ك2 }×ج
3×10= {7+3}×ج ،، (( و = الكتلة ×10))
10 ج = 30
ج = 3

تالي بالتعويض في المعادلة 1 لإيجاد قوة الشد

ش = ك1×ج
ش = 7×3
ش=21




وإنشاء الله فهمتي

وسمحيلي على التقصير

انه عندي الحل بتاعهم بس مو عارفة اشلون اشرح لج ..
يعني بالكتابة لو كتبت لج يمكن ما تفهمين علي ,,
خللي وحدة من ربعج او المعلمة تشرح لج ..
او قولي لي اي قانون موب فاهمة شلون حطيناه و بقول
لج


يختي هذا بدية لكتاب الله يستر من التالي و من امتحان
النهائي

و اذا معلمتكم مثل حالنا ما اقول الا درسي المقرر ذاتي من الحين
لان هذا اللي احنا مسوينه

أحنة باجر الأربعاء علينة أختبار من جذي أعرف دارس



توه أول الكتاب وليحين مو فاهمة الله يعينج بس حق اللي ياي

احنا بكره تطبيق في المقذوفات ..
اللي يسالني فيه اعرف ..
و السبت اختبار طوييييييييييييييييييييييييييييييييييييييل
وش هالملل .. و الله بلشة و لا ازياده كيم يعني ما
نستانس في عطلتنا ...

جوفي قطر الندى اول شي باعطيج طريقة سهلة ومعاها قانون لازم تحطينه ترجية في اذونج وخصوصا لأن هذي القانون مايي الا في حالة مسألة 19

يعني لو ياتج في التست مثلها كتلتين متصلتين ببكرة ملساء لازم تحطينه اختصارا للوقت والجهد

القانون:

جـ = ك2×ج
---------------
ك1 + ك2

ماعطينه ك1= 7 كجم الي فوق، وك2= 3كجم الي تحت
وج طبعاً تعرفينها = 9.8 م/ ث(تربيع

اخذي القانون وعوضي يطلع لج:

3×10 30
-------- = --------
7+3 10


= 3م/ث(تربيع)

والمطلوب الثاني يبون قوة الشد وعندي لج قانون بعد مطرة تسوينه ترجية ثانية

ش = ك1 × ك2 × ج
----------------
ك1 + ك2وبس تالي عوضي يصير 7 × 3 = 21 نيوتن

بس يعني القانوين ذيلين ماييون في كل المسائل الا في حالة ذي المسألة

**************************************


مسألة 20 شرحها لج حزين تقريبا نفس الحل الي عطاج انج تجمعين المعادلات

اول شي الجسم الاول تجوفين وين اتجاه الحركة وطبعا وزن الجسم بيكون اتجاهه تحت ولين صار تحت بتكون اشارته سالبة
والجسم الثاني نفس الشي والثال بعد

*********************************************
مسألة 23 بتكون ج = صفر لأن الكرة متزنة
ومحصلة القوى = صفر

وبتعويض محصلة القوة ق = و - ش جتا @

اذن و - ش جتا@ = صفر

وبتطلع الشد وركزي على الرسمة

مشكورين يا جماعة على الرد والتوضيح ،، شكرا محرقية نعم نعم



انا مشكلتي اني ما اقدر احضر حصص الفيز باستمرارلان يدي مكسورة وتحتاج لعلاج طبيعي
يعني المقرر عندي اياه شبه ذاتي

الله يساعدنا على هذا المقرر

مع تحياتي
قطر الندى

انزين وشمعنى حصص الفيز الي ماتقدرين تحظرينها ؟

وهو عندنا بعد احنا ذاتي ههههههههه خبرج المعلمة والشرح فناتق


الله يعينه كلنه عليه

انا ما قلت جميع الحصص
بس جدولنا كل يوم الاحد والاثنين وثلاثاء يكون عندنا في الحصة السادسة او السابعة
انا ما اطلع اروح تقريبا نص اليوم وبعدين اروح المسشتفى
يعني نص الحصص تطير علي ...خاصة ان العلاج الطبيعي يومين بالاسبوع

ان شاء الله اقتنعتي ؟؟

شفيكم الكل يشتكي من معلمات الفيز

افهم شعوركم لأن احنا بعد نفس الحالة
الله يعينا

مع تمنياتي للجميع بالتوفيق والنجاح

وأتمنى الى أختي الغالية قطر الندى الشفاء العاجل