الاخت العزيزه هيفاء حسين انا من متابعينك ؟

لكن عندي ملاحظات على مسلسل غصات الحنين

هل يتسع صدرك للنقد ام اكتفي بالمجاملات ؟

اذا وافقتي بتكلم

المهم أنا بكتب اللي في خاطري لاني ما ادخل وايد

اول شي انتي فنانه ذكيه شلون تقبلين بهذا الدور ؟

دور صحيح انه جديد و مغامره منج لكن اتحدى اي انسان فهم اي شي من الدور ؟

مره اتكلمين بحريني و مره باللغه العربيه الفصحى و مره بالهندي !!!!!

و بعدين المواضيع اللي يتناولها المسلسل ما قط سمعنا فيها قبل علشان نربط الاحداث ( قصدي المواضيع اللي في الهند )

و الاخراج فقيرررررررر جداااااااا ( يعني مب متعوب عليه )

يعني وانتي تمثلين احسج تبين تفتكين من التصوير و تطلعين ( كانه ما لج نفس ) او مو مقتنعه من الدور !

و في ملاحظات ثانيه ما راح اقولها لانها فنيه جداا و تخص التصوير

و الله يعلم ان هالملاحظات حرصا مني على مستواج اللي عرفناه منج

و الانسان يتعلم من كل شي

و يمكن المسلسل عجب الناس و هذي وجهة نظري فقط

و الله يوفقج في المسلسلات القادمه 0


حمد

شكرا يا الشمالي على صراحتك
بالعكس انا اتقبل منكم اي شي
المسلسل يبين لك شلون التجارة بين الخليج والهند عن طريق البحر
ومن خلال هذي التجارة ودخول ضاحي في مجتمعنا الهندي راح تصير احداث
واحنا عبارة عن عصابة تهجم على السفن اللي سرقت قوت الفقراء وناخذ هذا القوت بالقوة لمساعدة المساكين
هذي بداية واليايات اكثر من الروحات تابعوا العمل وان شاء الله تتضح لكم اشياء كثيرة كانت غامضة

بالعكس حلو دورهه
انه يات عله بالي فكرة هلمسلسل وكنت باعطيهه وحده اتصير حق فجر السعيد
بس لحسن الحظ البحرينيين خذوهه
ويايت انه في الهند من بدالهه لاني اموت في الهند ودي اروحهه
وماشاء الله هيفاء اتقنت الدور
واتمنى لهه كل التوفيق

شكرا يا هولية اشوة ان عجبكم الدور الصراحة انا احاتي دايما
لان الدور غريب شوي وموب متعودين علي في هالنوعية من الادوار

شكرا اختي هيفاء على الاجابه و على سعة الصدر

و الله من وراء القصد

و انشالله بننتظر لي النهايه

مدري انا عندي احساس غريب انج مب مقتنعه من الدور و من المسلسل و فكرته وفي فرق كبير بين دورج في مسلسل يوم آخر و في هالمسلسل 0
في مسلسل يوم آخر احس بتمثيلج من القلب و بعفويه و اندماج كااااااامل حتى في لحظات الغضب احسها كأنها صج و فعلا عشنا معاكم 0

لكن في هالمسلسل تباعد بين الاحداث كبير 00

ااااااالله يوفقج اختي دايما و ابدا و الله وياج

و طبعا مكانج محفوظ في قلوب الكل و مسلسل واحد ما ظن بيفرق معاج و اتمنى تكون الحلقات الجايه قويه و تمسح الفكره اللي عند الناس 0

لين اللحين مصره على رأيج اختي هيفاء في المسلسل 00؟

ما لاحظتي شي ان محد يجيب طاري المسلسل كلش من الجمهور

حتى لحظة اصطدام المحمل بالباخره و الانفجار اللي صار و اللهب و الحريق اللي طلع حتى مخرج مبتدأ ما يغلط هالغلطه 00
كان واااااضح انه مركب بطريقه بدائيه كلش حتى الهنود ما يسوونها !!

و حتى فنايلهم يوم كانوا في المحمل يبين انها جديده و كاتين عليها شي اسود علشان تبين قديمه !!

مدري شقول و الله

بس سقطة عيال المنصور كانت كبيره هالمره

و انتي طبعا ما لج ذنب في الاحداث و السيناريو الضعيف جداااااا

الاحداث حاولت اتقبلها بس ما قدرت كلش 00 شي غير منطقي !

طبعا هذا ما يقلل من قيمتج ابدااا 00 و الانسان عباره عن تجارب

و اتمنى انج تستفيدين مستقبلا من هالتجارب و تشاورين قبل لا تقدمين على اي دور و في ناس كثير راح يساعدونج لأنج بالفعل ممثله مبدعه جدااااااااااا

اتمنى ما تزعلين من كلامي و انشالله مستقبلا بتشوفين انه صح

و ساااااااامحيني على الصراحه

و الله يوفقج في كل الاعمال القادمه و يوفقج في حياتج






حمد

هلاوي

بالنسبة لدورج في مسلسل " غصات الحنين "

أعتقد وبكل صراحة ان دورج ما عجبني بس هم مو فاشل يعني في النص

هو مب لازم يكون دورج دور بطولة لكن مب يصير ثانوي

لكن كل واحد يبغى ينوع في أدواره

والجمهور مرة لك ومرة عليك

اتمنى انج تتقبلين هالإنتقاد برحابة صدر


بايوووووووووو






هتلّـــو

اكيد انا احترم وجهة نظركم بس الناس اذواق
في ناس عجبهم المسلسل وفي ناس ما تقبلو المسلسل وايد
لان الفكرة غريبة شوي والفنان لازم يغير وينوع في ادواره
لكن اليايات اكثر من الروحات

الله يوفقج يا رب

و مشكوره على سعة الصدر و الذوق في الرد

و اللي ما يغلط ما ينجح

شكرا يا الشمالي على الرد الطيب

صدقتيني ان المسلسل ما نجح

و لا حد ياب طاريه كلش و انا قريت انتقادات وايد عليه في الصحف الكويتيه

كان الانتقاد موجه للاخراج و السيناريو و ليس للممثلين

في احد المشاهد كانوا في البحر وكانوا متجهين للجزيره و كانت الجزيره واضحه قريب و احد منهم سأل متى بنوصل الجزيره الا يقوله الثاني يبي لنا يومين !!!!!

سندرتج مع هالمسلسل هههههههه بس الصج لازم ينقال

تصدق يا الشمالي وايد ناس لاقيتهم عجبهم العمل ووايد يمدحون فيه
لكن هذي وجهة نظرك وانا احترمها
شكرا على الرد

مشكوره اختي على رحابة صدرج و تقبلج النقد

اعتقد اللي مدحوا كانوا يجاملونج في ويهج 00 و الله اعلم

اشكرج مرة ثانيه

و اتمنى اشوفج في مسلسل غانم السليطي الجديد لانه مبين متعوب عليه

بالتوفيق اختي

هذا الرابط فيه مقابلة غانم السليطي مع الصحافه امس

و فيه تكلم عن المسلسل الجديد

http://www.raya.com/site/topics/article.as...31&parent_id=28

بصراحه انا اشوف العمل حلو

وانا من متابعينه كنت

ومشاهده حلوة والقصة

والفكرة

وتصويره حلو

وحلو من نوعه

وشئ اخر بعد التوع في شخصية الفنانة هيفاء


بس احلى شئ يوم تشردووون من السجن هع


تحياتي

تسلمين حبيتبي هيوفه ادوارج كلها حلووووووه بس هذا الدور كنت احسة ان الدور موحلوووو وايد

شكرا اخوي فامو رفعت من معنوياتي صح انا بعد اشوف ان العمل حلو احداثه موب وايد حارة لكن
كقصة حلوة
وشكرا على المرور والرد اللي يسر الخاطر

وشكرا يا ريحانة على المشاركة انتي تحسين ان الدور موب وايد حلو لان الدور غريب شوي
مو متعودين تشوفوني في هالنوعية من الادوار

انا عندي وجهت نظر..... وبقولها ...

(((( انا اشوف ان العمل حلو وناجح وفية مجهود واضح ......


لاكن اكثر الناقدين والمتابعين هم من فئة الشباب .....


لانهم اكثر المتابعين للأعمال في رمضان وغيرة .... (((( وانا مالومهم ...

((( وانا تراني شباب لاتفهموني غلط ... يعني حول الستين بشوي ....

المهم هم يبون شي في وقتنا.. يعني فية سيارات واسواق وفلل فاخرة وتليفونات نقالة ....

ومطاعم علشان ينجح في نظرهم ويعجبهم ..((( يعني يبون حياة فارهه )) موب حياة كلها تعب ,,, وجبال

وبالنسبة للغلطات في الاخراج كل عمل مايخلى منها ...

(((( طبعا هذا من وجهت نظري ... ولا احد يزعل ,,,,, تحياتي للجميع ...

رأيك اخوي خالد و يجب احترامه

شكرا اخوي خالد محمد على وجهة نظرك وشكرا على المشاركة

شكرا اخوي الشمالي على الرد الطيب

شكرا ياخوي الشمالي ... وشكرا ياهيفاء ..

العفو اخوي خالد محمد

مشكور اخوي .........واتمنى لها التوفيق

وانا اتمنى التوفيق لكم كللللللللللللللللللللللللللللكم

فديتج والله يا الجازي شكراااااااااااااا

اكيد كل واااحد يحب النقد ونقد عن نقد يختلف
وبالنسبة الى غصات الحنين
ماعجبني ولكن دور الفنانة هو الا عججبني
لانه كل دور تقوم ابه الفنانةليه معنى