اليوم كان وايد متعب وخصوصا اني رحت السكول وانا متابعه مو راقده شي
انزين اول مارحت المدرسه بده فلم كل كورس عند البنات تلملم وتحبب جنه
وبعدين يزعم مدرستنه وايد مثاليه من أول يوم طابور وقفونه في ساعه على بال ماينادون البنات وبعدين هذرت علينه المعلمه عن الانضباط
وبعدين خلص الطابور ورحنه الصف وزعت علينه مربيتنا الجداول والكتب اول حصه والحصه الثانيه يات لنه معلمة المال اشوه ذي المعلمه درستنه ذاك الكورس وكنت وايد لحبها وتبسط الماده
والحصه الثالثه كان فراغ المعلمه مايات تمينه نسولف ونهذر
اما الحصه الرابه هي القنبله يات لنه معلمة انج من اول مادخلت لي ماطلعت مابتسمت وطول الحصه قعدت تهذر على راسنه عن القوانين وتوزيع الدرجات والبوجكت كلش مارتحت لها الله يعينه عليها
الخامسه والسادسه كان علينه آي سي تي يات لنه معلمه شكلها ازكي اصلا الماده بالكمبيوتر يعني اي معلمه عادي
والحصه السادسه خلاص خلص الباور مالنه وتمينه نحسب الدقايق علشان نرجع البيت
وبعدين صاح الجرس 2وربع وقفونه عند الباب عشر دقايق مب راضييين ايبطلون لنه الباب
واحين باروح المكتبه اشتري لي اغراض وانا حدي فيني النوده بس قلت مبارقد عشان ارقد فليل من وقت
يلا انشاءالله باجر يكون يوم دراسي ممتع للجميع