مدخل{
تعال الشوق ذابحني ..//.. وكلّي بيسمعكـ شفقان
أذّن اذان العيد والخلق تكبير
.............. كن الخلايق كبّرت هول فرقاكـ
فرقاكـ والله ماتوقعته ايصير
.............. وشلون خلق ٍ تحسب ايّاي ايّاكـ
اياكـ انا ماتبي زود تفسير
.............. حبي وحبكـ خارج احدود الادراكـ
الادراكـ يعني لو تبي شوي تفسير
.............. اقصى حدوده عاجز ٍ يوصف القاكـ
القاكـ يوم ٍ غير عن دنيتي غير
.............. اضيع كلّي وارتبكـ لحظة احكاكـ
احكاكـ مملي بالغزل بس تشفير
.............. وبسمتكـ ليّا تزّود احساسي ارباكـ
الارباكـ وشّو كيف ابكتب له تعبير
.............. وانا كياني انهدم يوم خلّاكـ
خلاكـ!! ابداً اذكركـ جيته امغير
.............. وهدمت قلب ٍ كان بالحب يرعاكـ
يرعاكـ وهامل نفسه وناسه اكثير
.............. ماقول الا ربي بالخير يجزاكـ
يجزاكـ ربي ما لفعلتكـ تبرير
.............. ويعود عيدكـ ويملى بالخير دنياكـ
دنياكـ مهما يكون فيها مقادير
.............. تأكّد اني بانتظر يوم لقياكـ
ويرّن باذني صوت هالخلق تكبير
.............. كن الخلايق كبّرت هول فرقاكـ !
مخـرجـ :
كل عيد .. وانته اتصير .. اقسى من اوّل ..!
وكل عآم وانتم بخير