القيثارة الحزينة

مرحباااا بصراحة استنكرت من اللي يقولون عادي هو بس ياخذ قياسي والعذر اقبح من ذنب عذرهم انه ماكو حد معاهم او اهو ياخذ القياس مضبوط !!! باجر اذا حاسبج ربج وقالج ليش تسمحين لرجل مو من محارمج يلمس جسمج بتجاوبينه بكل براءة لان ياخذ قياس مضبوط؟؟؟؟؟ يا اخوات .. انتي تفكيرج جذي .. شدراج اهو تفكيره شنو .. حتى لو ما تقولين ما لمسج او سوا حركات غلط انتي شدراج هذا اسمه ( رجل ) .. يعني انسان من لحم ودم ويحس مو جماد .. بمجرد وقوف بنت يمه وبهذا القرب لا ويمسكها بيدينه ويلمسها يمين ويسار وهو يقايس .. هذا بحد ذاته يمكن يخلي تفكيره يروح بعيد .. انتي شدراج انه ما ينظر لج بنظرة غلط وهو يقايسج .. بتشيلين ذنبج وذنبه ذيك الحزة .. بالنسبة لي انه عساني عمري ما فصلت لي شي ولا اخلي حد يلمسني .. شنو وكالة من غير بواب على ما يقولون .. الله يستر علينا دنيا و آخرة زمن تشوف فيه العجايب عجبي في تفكير ناس لوين وصل !!!!!!!

مرحبااا اذا كان يلعب بتلفوني عادي من باب الفضاوة انه صار بيده بالصدفة وقام يقلب فيه .. عادي اما اذا جاي وماخذنه وبنيته انه شاك ويبي يتأكد او يفتش وراي .. فأنا ما ارضى طبعا اهم شي نيته بس في النهاية ما احبذ احد يطلع على تلفوني فيه اشياء خاصة فيني وخصوصياتي مابي احد يجوفها مو شرط خصوصياتي تكون شي غلط بس كل شخص لازم عنده خصوصيات .. و اذا يبي يتأكد من اخته او زوجته بشي شاك فيه .. ما اظن ان هذي هي الطريقة الصحيحة .. هذي طريقة اقل ما يقال في حقها قليلة ادب ..

وايد ناس تخلط بين شعور الإعجاب وشعور الحب يمكن يكونون قريبين من بعض هالشعورين ولكن هناك فرق هذا ماهو الا مجرد إعجاب بإسلوب الشخص .. وبطريقته اما حب؟؟ مستحيل احس الحب بعيد عن هالشي .. ومعظم اللي يخلطون بين الاعجاب والحب هم المراهقين .. !!!

له له له وش هالخبر المو شي سلاااامااات ياخوي ماعليك شر ان شاء الله طمنا عليييك .. وحاسب مرة ثانية

مرحبااا انا ما احب ارد بهالقسم ابدا .. و اذا تصفحته يجيني الضغط بس قهرني رد اخوي ريكو .. اخوي صل ع النبي .. اذا ما تدري عن شي خلك نايم في بيتكم .. قال شنو قال .. يدرسون احتياجات سوق العمل .. هم خلو فيها احتياجات .. ما تجوف شمسوييين .. ولا كأنك تدري بالحال . . انه اللي باط جبدي وقاهرني ان مصريين يدرسونا بالمدارس اخخخخخ قهرررررررررر .. تجيني حررررة اناااااااااااا اناااااااا اخر عمري تدرسني صعيدية ؟؟؟؟؟ صعيدية ما عرفت في حياتها الا الغنم اللي يرعونهم والبقر اللي يحلبونهم .. اتيي اتدرسني انجليزي ورياضياااااااااااااات .. الحمد لله تخرجت من المدرسة وما لحقت الا على مصرية وحده درستني .. طفت بها صراحه بس انخاف على عيالنا بالمستقبل .. لان اجوف تدريسهم دمار درستني هالمصرية ريض .. طلعت روحي ليما قدمت الفاينل و انا ايدي على قلبي خايفة ما اسوي فيه زين .. لكن الحمد لله المعاهد موجودة وساعدوني ايه هذا اللي يبونه هم .. نقط فلوسنا بالمعاهد .. ونروح المدرسة اخرطي .. بس نسجل حضور .. عيييييييشة تقرف الواحد بهالديرة ... ياخوي اللي تقول محد يدرس هالتخصصات انا بقول لك .. انا شفت خبر من كم يوم ان بييبون مدرسين للفنون بعد من مصر اختي صار لها سنين متخرجة من فنون وقاعده بالبيت قاصين عليهم صار لهم كم سنة يقدمون امتحان وكله يقولون لهم رسبتوووو في ذمتك اللحين 50 واحد مقدمين امتحان .. كلهم رسبو؟؟ معقولة ولا واحد نجح لو ع الحافة؟؟؟ ياخي العبو غيرها .. ولا تتخذون اعذار واهية عشان تغطون على افعالكم .. لان حتى المغفل ما بيصدقكم .. اسمحو لي انفعلت من هالمسخرة اللي صايرة واللي قاهرني اكثر ان بعض عيال البحرين نفسهم موافقين على هالمسخرة .. وخصوصا اللي اهني بقسم هنا البحرين اييبون لي الضغغط .. مادري يتحجون على اي اساس .. كل واحد يقط حجي وهو خبر خير ..

الاختلاط صار شي طبيعي في كل مكان .. وشي طبيعي بتكون بينهم علاقة بالشغل او بالجامعه !! يعني اذا شخص مقابله طول اليوم .. شي طبيعي بيكون بينكم احتكاك .. اهم شي كل واحد محترم نفسه وعارف حدوده و اذا انا واثقة بخطيبي وعارفة انه عارف حدوده ويعامل كل واحد باحترام .. اسمح له .. ليش لا؟؟؟ ما اجرم ولا سوا شي غلط .. اشوفها من باب الذوق او اذا كان منحرج بعد .. عادي !!

مرحبا اختي انا من رايي دراستج اولى حبيبتي .. و بوليتكنك رسومها جدا رخيصة .. ارخص من AMA فأنا اقول لج ادرسي هناك .. ودوري لج شغل ثانية فترة مسائية اذا حابة تشتغلين وتدرين بنفس الوقت و اذا جربتي وشفتي نفسج ما قدرتين ع الاثنين في وقت واحد فخلج على دراستج هي اللي بتفيدج .. اذا ما اشتغلتي بشهادتج .. فإنتي اكتسبتي خبرة ومعلومات .. في النهاية انتي المستفيدة .. و الله يوفقج

ايه كيفها عاد جان اطردها اهي بكيكتها هههههههههه لا بس بتضايق اللحين انه العروس .. وهاي عرسي اخرتها يخلوني الناس ويلتمون حولها خير ان شاء الله انه سمعت ان يسوون للعروس نفسها عيد ميلاد اذا كان بنفس اليوم بعد مو وحده من المعازيم

مرحبا اختي الكل اهني يعطيج رايه بالموضوع .. ووجهة نظره .. وطريقته في حل الموضوع لكن في النهاية انتي أخبر شلون تحلين مشكلتج .. لان انتي عايشة معاه وتعرفينه اكثر مننا .. ومن خلال هالمدة اللي عشتيها وياه اكيد تعرفين شلون تدخلين له من أي باب وبأي طريقة عشان تقدرين تتفاهمين معاه .. بس حبيبتي السالفة يبي لها تروي وهدوء شوي وتفكرين قبل و أخر حل تفكرين فيه اهو ( الانفصال ) .. خليه اخر شي و أخر حل ممكن تلجأين له اذا تعبتي و عرفتي ان ماكو فايدة اما اللحين لا تسعين الى انج تخربين علاقة زوجية انتي متمسكة فيها وحابة الطرف الثاني .. ممكن الأسباب تكون عكس ما تتوقعين .. أول شي سويه .. اهو الشي اللي قالته لج اخت حشمة .. تسوين اللي قالته بس حبيبتي ما انصحج تطولين بهالوضع .. ممكن يكون مدة قصيرة .. تدرين ليش؟ لان في وحده طرحت موضوع انه قريته بمنتدى ثاني .. قالت انها اتبعت هالشي مع زوجها عشان يحس فيها .. وصارت تسوي الواجبات اللي عليها بس .. و اذا كلمته مجرد رد على سؤال أو شي بسيط .. لكن الزوج ما استجاب لها .. بالعكس قام يعاند وبادلها المعاملة .. شنو النتيجة؟؟؟ صارت بينهم فجوة كبييييرة جدا و صارو رسميين جدا في التعامل مع بعض الى ان كل واحد نسى الثاني ووجوده معاه بنفس البيت لمدة سنين طويلة .. و انتهو بزواج الزوج من وحده ثانية !! فعشان جي قلت لج بالبداية اختي اختاري الحل اللي تحسينه يناسب شخصية زوجج .. مثلا يمكن المثال اللي عطيتج اياه ع هالبنت .. زوجها من النوع اللي ما يهتم ويعاند .. يمكن انتي زوجج يطلع مثله او يمكن نوع ثاني .. يمكن يثير فضوله الشي ويحاول يتقرب لج ! انتي ادرى بزوجج .. لكن في شي واحد انصحج فيه .. اذا ما لقيتي تجاوب من زوجج بالطريقة اللي ذكرتها اخت حشمة .. لا تستمرين بالشي .. اتبعي حل ثاني الا وهو ( المصارحة ) .. اقعدي معاه قعدة مصارحة .. حاولي تجذبينه بأي اسلوب تعرفين انه يميل له .. وتستميلين عواطفه تجاهج عشان تقدرين تخلينه يتجاوب معاج ويفتح لج قلبه .. وتناقشينه بوضعكم .. لا تنفعلين .. لا تبجين .. خليج واثقة من نفسج وثابتة و انتي تتكلمين معاه ..و استخدمي معاه الاسلوب اللي تعرفين انه يحرك مشاعره ... ناقشي معاه وضعكم بهدوء .. وأعرفي اسبابه .. و اسمعي تبريراته .. حتى لو كان مالها داعي .. لا تنفعلين .. حبيبتي احنا ما نعرف عنج شي .. يمكن اهو يجوف تقصير من ناحيتج .. انتي مو ملاحظته .. يمكن شي ثاني ... حاولو تحطون النقاط ع الحروف بحياتكم .. احسكم كل واحد بصوب .. بيني له موقفج من خيانته .. و ان شلون تنجرحين .. ذكريه بلحظاتكم الحلوة .. حطي له صورة جميلة لمستقبل تسعون له .. اجذبيه ناحيتج بهالاشياء من خلال نقاشكم غير جذي .. مادري ماعندي حل ثاني .. انتي ادرى بزوجج شلون تكسبينه .. الله يوفقج اختي ..

مرحبا طبعا هاي الفئة اهم المراهقين اللي توهم كبرو شوي .. والاسباب اللي ذكرتها فوق اهي اللي تهمهم بهالعمر !!! اما بعدين اعتقد كل شي يتغير اما اذا ما تغير فما اقول الا الله يخلف عليه .. بالعكسسس .. حلو اذا اجوف شاب جذي ماخذ امه او خواته ويتمشى معاهم .. مستانسين .. يكبر في عيوني ..

مرحباااا ما اظن ان العمر مقياس للزواج .. ولا شيء اشساسي يحدد مصير الزواج .. سواء بالنجاح او الفشل ياما جفنا ناس متزوجين ناس اكبر منهم بأكثر من 10 سنوات .. ومرتاحين وياما جفنا ناس ماخذي ناس اكبر منهم بكم سنة وتعيسين .. انا طبعا ما اقول ان الفارق الكبير افضل .. بس ابين للناس اللي يقولون ان الزواج من شخص بفارق عمر كبير اهو زواج فاشل .. العمر ماهو مقياس اهم شي ((( الاحترام والتفاهم المتبادل ))) .. اهم نقطة في الحياة الزوجية .. تضمن النجاح .. شكرا ع الموضوع

ليش هالمماطلة وليش هالتأخير الله يكون بعونه يارب والله اني ادعي له الله يرجعه لأهله سالم ياااارب

اممممم اول شي احترت وايد وايد .. وحلم حياتي اكون دكتورة .. بس اعرف نفسي عيارة بالدراسة .. والطب يبيله مجهود وصبر صحيح انه معدلي فوق الـ 95 .. بس احس نفسي ماحب ادرس وايد .. بالزور افتح كتاب .. تغاضيت شوي عن الطب وفكرت في الـ جرافيك ديزاين لان احبه .. لكن اكتشفت انني ممكن اشتغل فيه حتى بدون شهادة ما يحتاج اروح اتعب روحي .. لان بإمكاني اشتغل بروحي .. بدون شركة او جهة مختصة .. امممم بفكرت في اشياء واجد بعدين رسيت على الفيزياء الطبية .. قريبة من الطب وقريبة من تخصصي بالمدرسة ( فيز وريض ) بس للحين افكر بالطب ان شاء الله احصل بعثة ..

مرحبا اختي موضوعج وايد حلو .. انا وايد افكر بهالشي .. ووايد اتمنى ان ما اكون شخص مر بهالدنيا والسلام .. هالشي يفكرون فيه الاشخاص اللي يسعون للتميز غالبا .. او بداخلهم هدف يبون يحققونه و ارادتهم تكون قوية .. الكلام بهالموضوع بيخليني اطول وايد لكن بختصر وبتكلم من الناحية اللي ذكرتيها انتي بس شبابنا البحريني .. انتي قلتي ان اهم شي يحصل شهادته ويتوظف ويكون اسرة سعيده .. اختي العمر يمضي والظروف ما تساعد لو كان امر الحصول على الشهادة و الوظيفة سهل .. جان الشاب البحريني ما كرس كل حياته وتفكيره بهذي الاشياء .. هذي اشياء اساسية ومقومات حياة الشخص .. اللي المفروض تكون حق من حقوقه يحصل عليه بسهولة .. ومن عقبها يبدا يفكر بطموحات ثانية .. لكن فما بالج بشاب في مجتمع صعب .. في حياة صعبة .. يموت ويخلص عمره وهو ما قدر يحصل على المقومات الاساسية لحياته !!! متى راح يفكر متى راح يبدع متى ومتى .. والوقت يمضي وهو الأساسيات ما حصل عليها .. ومات الشخص وللحين ما سوا شي ينفع فيه البشرية !! اذا كنتي تتكلمين عن واقع الشاب البحريني فأقول لج الظروف ما تساعد ابدا .. في شباب طموح .. وايد مو شوي .. بس الفرصة ما تتواجد .. الظروف ما تساعد .. ولو انني اتمنى اكون من الناس اللي تتكلمين عنهم .. لان احس بدونها .. بكون انسان زايد بهالمجتمع .. وش قدمت له ؟ وش سويت؟؟ تسلمين حبيبتي ع الموضوع الجميل

رد يبرد القلب الحمد لله للحين في ناس تفكر بهالطريقة في الزمن اللي ظنيت ان ضاع فيه معنى الرجولة !!!!

اممممم وايد قريت يمكن نص الروايات اللي بالنت ههههههه بس اللي عجبتني من قلب صج اول مرة اجوف كاتبة بهالمستوى .. اهي شمس السديري .. سعودية من كتاباتها سعوديات في بريطانيا >> ما قريتها عشاق من احفاد الشيطان >>> شي خيالي ورود في مزبلة الواقع >> للحين ماكملتها بس فكرة جديدة و اسلوب خيال اسلوب عجيب بصراحه .. انا تذوقت جميع انواع الكتابات والاسلوب .. بس الأفضل كانت هذي .. ومتابعينها بالملايين .. انصحكم تقرون لها وووو في قصص وايد بعد قريت بس ما اذكر موعد مع السعادة خل العذول موطي الراس منكوس لمني بشوق و احظني بشروه اني ابرحل مادري مو جاي على بالي شي اللحين بس اذا تذكرت اقول لكم

مرحبا خيتووووو اممم ما اتذكر المقررات عدل بس انج عرب ريض ( متجهات ) >>> احلى ريض اخذته ريض ( مصفوفات ) >>> مئة بالساهل .. حيا ( ايض و اتزان ) >>> بس عن الانسان .. حده حلو .. احلى من الأسود هع فيز ( كهربا ) >>> المقرر ماي .. بس الامتحان لعنة .. اصعب امتحان دشيته بحياتي .. فيز ( الاطياف ) >>> سهل .. بس حفظيه وروحي كيم ( التحليلية ) >>> كله حل مسائل .. عادي يعني دين ( السلوك الاجتماعي ) >>> هههه عادي يعني .. وتحسين معلومات من عندج تقدرين تييبينها .. ما بتتعبين في مراجعته .. لان اشياء عارفتها بدن ( العاب قوى ) >>> هرار .. ناططي .. وبتييبين مئة واااايد سهل الفصل ارتفع فيه معدلي وايد .. عموما مواد هالفصل اوكيه يعني .. صحيح فيهم اشياءا وايد .. بس وايد سهلين لا تخافين ولا شي يمكن بس امتحان الفيز كان ياي صعععععععععععععب .. من قلب صعب .. لكن الباقي ايزيييي اللله يوفقج

مرحبا اخوي اي والله انه مادري شلون يفكرون هالبنات اللي يسوون هالحركات ههههههههههه انزين و انخطبتي؟؟؟؟ ع قولة عاشقو انجاز يعني؟؟؟ وخير ان شاء الله؟؟؟ كل الناس والعالم تتزوج وتنخطب .. يعني اللي انخطبت خلاص فوق راسها ريشة؟؟؟ ولا فيها شي زود؟؟ يعني مادري تبي تقول للبنات انه احسن منكم لان اخطبوني؟؟؟ ههههههههه لا حبيبتي .. في بنات احسن منج بمليون مرة .. بس يمكن ما يبون ينخطبون .. او يمكن حظهم جذي .. يعني شرط انتي احسن منهم؟؟؟ او اللي ينخطبون وينسون العالم كله .. وينسون الاهل والربع والدنيا كلها .. مادري اهيا طايحه على كنز ولا وش السالفة .. عشان جذي مستغنية عن دنيتها كلها انه في بنت اعرفها جذي .. البنت غشمرجية وحبوبة لأخر درجة .. وعلاقتي فيها مب كلوز وايد بس يعني كانت من رفيجاتي .. انخطبت !!! خلاص ما جفت ويهها يمكن الا مرتين ثلاث وبالغلط بعد .. يمكن من سنين اللحين .. وبس سلام عليكم .. عليكم السلام .. وكل شي ولا تقولون لها شي .. تزعل وتعصب .. !!! قبل كنا ما نخلي شي ما نقوله لها .. عادي يعني ربع وبيننا حركات .. احين مادري شصار يعني انه ما اقول جافت نفسها .. بس ناسية العالم بما فيه محور حياتها خطيبها !!! خلاص مافي غيره شي بدنيتها .. مع ان صار لهم كم سنة !!!!!!!! انه من رايي ماحب هالشي ان البنت تلغي حياتها الخاصة بعد الزواج .. انا صحيح تزوجت .. بس اظل محتفظة بشخصيتي الاستقلالية عنه .. عندي حياة خاصة لي .. وهذا من حقي .. وحيات يهذي فيها ناس ثانين .. ربعي اهلي وكل الناس .. مادري صراحة للحين ما طحت على السر الموضوع خخخخخ

حبيبتي انه بانصحج شي لا تقولين هاي سهل وهاي صعب انتي شوفي شتحبين شنو حابة تصيرين بالمستقبل شنو ميولج؟؟؟ شنو الشي اللي تحبينه وتحسين نفسج تقدرين تعطين فيه اذا اخترتي الشي اللي تحبينه اختي بتقدرين تعطين فيه وتييبين زين لانج تحبينه ومستمتعه فيه طبعا الدراسة مافيها شي يونس ههههههه بس كل شخص عنده شي اهون من شي يعني مثلي انه اتمنى كل مقرراتي ريض بصراحه ماحب احفظ .. احس نفسي كأني آله .. بس للتخزين والتفريغ !!! ما استفدت شي انه احب الأشيه اللي فيها تفكير وأفكار .. طبعا في ناس مالهم خلق هالسوالف بس انه بطبيعتي احب هالأشياء .. أحس بمتعة فيها .. شي ممتع انج تفكرين وتستنتجين .. وخصوصا المسائل اللي بالفيز مثلا .. وايد فيها أفكار .. ههههههه مابي اتفلسف عليج بس انه لان احب هالشي دخلت فيز وريض مستمتعه فيه وايد بس لولا الكيم اللي منكد حياتي .. ياريت ما يعطوني وياه لاني ماحبه .. كله حفظ .. الحيا بعد حفظ .. بس انه طبيعتي أحب الحيا .. احب مادته العلمية .. لكن ماحب فيه ان انه اقعد احفظه !! بس هو عجيب .. في البداية ماكنت احب الفيزيا ودشيت فيز وريض عشان الريض بس اللحين حبيت الفيزيا .. احسه نصه ريض .. مجرد فكرة .. وبعدين تحلين رياضيات .. انه مستانسة بتخصصي وحابتنه وايد .. بس تعرفين ضغوطات الامتحانات والزحمة .. والامتحانات النهائية اللي كل سنة يصدمونا فيها ... لازم بيتأثر المعدل شوي .. جوفي انه اللحين شرحت لج انه ليش دشيت تخصصي .. جوفي انتي بعد شتحبين وسوي اللي عليج .. الله يوفقج اختي

مرحبا امممم بصراحه انه متوقعه ينزل جم بوينت بسبب امتحان الانج 301 لانه بو 4 ساعات لان وايد زفتت فيه .. اما باقي الامتحانات كان مستواهم اوكيه .. بس التفاضل شوي عندي مسألتين الله يستر منهم .. بس بشكل عام وايد بذلت جهد في المراجعه هالفصل غير عن كل الفصول ... بس مع هذا اظن معدلي بينزل .. مع اني ماخذة مادة تحسين وسويت فيها فوق التمام .. الحمد لله بس الله يستر .. متيم عراد احصااااء؟؟؟؟؟ صعععععععععععععب؟؟؟؟؟ المقرر تافه .. بس اذا قصدك الامتحان يابوه صعب .. فيجوز يعني .. لانهم وايد متنيذلين السنة فينا .. مع اني قدمته اللعام كان واجد زين .. يلا الله يوفق الكل ... بقى الجبر وعلوم بحار =(

مادري اختي .. بس انه خبري يحطون الدرجة الاحسن .. وبما انج بتييبين صفر فيمكن يخلون لج الدرجة القبلية لانها بتكون الاحسن !!! مادري بس اعتقد هيك روحي التسجيل اسألي ..

مرحبااااا الامتحان اليوم شوي ياب لي اكتئاب حليته كامل بس 3 مسائل شيرت فيهم و ابدعت وفي النهاية وحده منهم طلعت صح .. في الامتحان شدخت بالورقة والطاولة ليما قلت بس حتى المعلمة المصرية تقول لي هدي يا حبيبتي تعوزي من الشيطان .. قلت بداخلي ذلفي لا كفختج احين .. الوزارة السنة مستخفين كل ما لهم ويخرفون اكثر خلاص انه احين بايعتها موب محاتية معدل ولا هم يحزنون نازلة يعني نازلة كل امتحان ادشه اخس من الثاني الله يستر من الجبر .. يقولون مال اللعام ياهم صعب !! حتى هالكتاب التافه يسووي له سوالف بعد .. اااه بنتحر

مرحبا للامانة يعني ما حسيته صعب ... بس موب سهل ماي .. يعني ماشي حاله اهو مافيه شي صعب مجرد انا انه تخربط مخي لان معادلات وايد وكلهم يتشابهون فلازم بننسى شوي .. وبنتخربط .. بس الحمد لله سويت زين يعني .. انه احين موب خايفة الا من التفاضل .. اما الباقي ماشي الحال .. اختي احلى بنوتة .. المقرر ماهو صعب ماعليج منها اصلا اسهل مقرر كيم اخذته !!! واضح .. بس يبيله حفظ وايد .. وهذا الشي مب من صوبي هههه .. اسهل شي التحليلية والعضوية .. اما الباقي يععععععع >>> تكره الكيم بشكل مو طبيعي

اممممم اهو سالفة المصروف زينة حق البعض والبعض الثاني لا .. يعني في حالتي انه مب زينة لي ههههههههههههه انه بيتنا يعطوني مصروف شهري حق المدرسة بس .. يعني اكل و خرابيط .. اما اذا ابغي اشتري اشياء ثاني او اروح مكان و اشتري شي .. اهما يدفعون لي او يعطوني فلوس .. بس انه ما احب جي .. انه احب عندي مصروف وا شتري منه كل شي براحتي بس امي ما ترضى هههههه تقول لي انتي مب ويه واحد يعطيج مبلغ وقدره .. عشان تخلصينه بيومين .. لان احين مصروفي اللي حق المدرسة .. اروح اشتري فيه اشياء ثانية بعد .. اذا مثلا امي موب راضية اشتري شي ولا تعطيني فلوس .. يعني شي ماله داعي وخرابيط ههههه .. اروح اشتري من مصروف المدرسة .. وبنص الشهر اخلصه ويرجعون يعطوني مرة ثانية .. عشان جذي ما يرضون يعطوني مصروف كامل .. عشان اخلصه باسبوع لووووووووول .. لان انه بنظرهم مسرفة .. وتصدقون ولا احس بقيمة الفلوس اصلا .. المفروض احد مكاني يحاسب ويخطط ان هذا المبغ لشهر كامل .. لازم اعرف شلون اتصرف فيه .. لكن انه لا .. اشتري اي شي .. و اخلصه بنص الشهر .. ويرجعون يعطوني .. وحتى لو زادوه نفس الشي !!!! يلا متى نشتغل ونخفف عليهم ونفكهم مننا هههههه تسلمين خيتو ع الموضوع

مرحباااا اختي نسنس الكل متفق على ان الاعراب اللي ذكرته صحيح وسألت ناس وايد .. ومثلي بعد هو ضحى هو مبتدأ وضحى خبر .. ووووو حبيبتي هم يبون مضاد انصرفت ههه شلون حطيتي معناها؟؟ ( تحققت ) اما بالنسبة لأختي ورد ابيض مخملي فأقولج انصرفت يعني موب راحت!!!! معناها غير بالقصيدة معناها تحققت .. والشرح يقول تحققت الأماني فهم يبون مضاد تحققت .. معناها بالقصيدة .. موب معناها اللي نعرفه .. اختي ليلي روز .. هلا والله ربعنا مال فيز وريض هاع ايييه الله يعيننا هو سهل بصراحة الكيم اسهل كيم خذيناه .. مع ان الكيم عقدتي ماحبه .. امممم لا سهل بس الوحده الاخيرة شوي تعبت فيها لان ما عطونا فيها اختبارات ولا درسناها والمعلمة شرحتها بسرعه بسرعه اخر الفصل يعني شوي هاه بذلت جهد فيها ههههههه كأننا لفينا للكيم .. ان شاء الله يجي سهل يارب