°•±¼ Sar7anh ½±•°

مو بس اهل القرى اللي يعترضون على حف الحواجب حتى اهل المدن عندهم هالشي حرام بس الفرق ان في القرية بيحشون فيج وبيقولون انج "صايعة" وفي المدن بيقولون كيفها مالنا شغل وترى انا اعاني من نفس هالمشكلة اللي انتي تعانين منها بس انا تعبت وصرت اتبع المثل الي يقول "طنش تعش" ومن ناحية العادات والتقاليد سواء الحفاف وغيره حاولي انج تلتزمين بها قد ما تقدرين حتى تتجنبين مضايقاتهم وخاصة ان هذرتهم بتأثر على سمعتج بعد يعني مثلا اذا كانو حواجبج مرتبين ماله داعي تعدلينهم من الحين الا اذا كانت الحالة مستعصية هاي شي ثاني او مثال ثاني اذا كنتي تحبين تحطين ميك اب خفيف واهم ما يعجبهم هالشي حطي وقت اللي تكونين طالعة مكان ابعيد بس وقت اللي تكونين في الفريج لتكثرين وجذي يعني والله يوفقج

اي انا سالت ربعي بعد اليوم و قالو لي عن العروسة و انتو الحين طمنتوني بعد مشكورين وما قصرتو

اي انا مشكلتي بعيد ماقدر اروح لان ايام العيد زحمة وايد ولازم بتأخر يبيله صالون قريب اول مرة رحت نور العين اللي في جدعلي بس حق الحين ابي في محرق يلا مشكورة على ردج و اتمنى اجوف ردود من الباقي

السلام عليكم .. لو سمحتو يا بنات المنتدى ابيكم تشيرون علي بصالون زين حق حفاف يكون في منطقة المحرق يعني محرق او عراد و المناطق اللي حولها بسرعة بليز لان ابي احف حق العيد و ما في وقت و متوهقة مادري وين اروح ومابي اتهور واروح اي صالون و يخربون لي حواجبي مشكورين مقدماً

مب شرط الاسرار ان تكون عندي علاقة مع واحد بس انا وحدة نص سوالفي مع ربعي بالمسجات يعني لين اهلي جافو مسجاتي ما بيعرفون سوالفي بس لا سوالف ربعي بعد و الحين التلفونات صارت جنها مذكرات نحط كل سوالفنا فيها يعني مو بس مسجات والواحد يحب تكون له خصوصيته مو كل شي يدرون عنه الاهل ادري انك مو قاعد تنقز حق احد بس كلامي كان مجرد تعقيب للدفاع عن النفس و تبادل وجهات النظر السوالف اللي ماتبين امج مثلا تعرفها عطينا ابسط سالفه شنو الشي اللي ما ودج امج تعرفه اسرار على اهلج ماتبين يعرفونها وراح تحرجج؟ صعب اشرح لك شنو نوعية السوالف بس الحين زمننا تغير يعني قبل لبنية ما عندها غير بيتهم و امها لكن الحين انفتحنا على العالم الخارجي و قمنا نبعد عن اهلنا شوي يمكن بعض البنات يعتبرون امهاتهم حسبة صديقاتهم و يقولون لهم كل شي و بعض البنات تلاقي علاقتها مع امها مب ذاك الزود يعني حتى لو كانت سالفة بسيطة ما تحب تقولها حق امها على حسب ظروف الوحدة و طبيعة شخصيتها ومن ناحيتي امي مقدرة هالشي وما عمرها طلبت مني تلفوني اهي طول هالسنين ما تعرف عن سوالفي بتيي الحين تسالني عنهم ! صعبة ... ولتقول ان هالشي اهمال منها او ما شابه بس اهي اسلوبها جذي ان تعطيني استقلاليتي وما تتدخل في كل كبيرة و صغيرة على اساس ما تصك علي مجرد انها تسالني في الشهر مرة من تحاجين في التلفون او من متصل لج واذا بالغت في الاسئلة اكيد راح انزعج

مب شرط الاسرار ان تكون عندي علاقة مع واحد بس انا وحدة نص سوالفي مع ربعي بالمسجات يعني لين اهلي جافو مسجاتي ما بيعرفون سوالفي بس لا سوالف ربعي بعد و الحين التلفونات صارت جنها مذكرات نحط كل سوالفنا فيها يعني مو بس مسجات والواحد يحب تكون له خصوصيته مو كل شي يدرون عنه الاهل ادري انك مو قاعد تنقز حق احد بس كلامي كان مجرد تعقيب للدفاع عن النفس و تبادل وجهات النظر

درر كلامج و الله الله لا يبلينا برياييل جذي

لهم الحق عاد مو القبيلة كلها الام و الابو بس و هالشغلة يبيلها شطارة بحيث انهم يطلبون التلفون بطريقة مناسبة و ياخذون عيالهم بالسياسة و ما يحسسونهم انهم شاكين فيهم او شي لان انا عن نفسي مجرد ان امي تسالني من متصل لج او من تكلمين اتنرفز الا تاخذ تلفوني بعد !! كلنا واثقين من نفسنا و تلفوناتنا ما فيها شي غلط بس المسألة مسألة خصوصية و الانسان بطبعه ما يحب احد يتعبث باغراضه و خاصة التلفون و هذا كان رايي

معاكم حق في الفترة الأخيرة جرأة البنات وايد زادت .. بس هالشي ما يعني انهم أجرأ من الشباب الجنسين منهم الجريء و منهم الملتزم بس لصبي لو شنو يسوي كله عادي و عاذرينه من جذي ما تبين الجرأة غير لبنية أقل كلمة تقولها تتحاسب عليها

مهما كان عاقل و فاهم يظل عمره صغير و لوينتظر ليما يكمل دراسته و يعتمد على نفسه احسن اهو صح في هالزمن الواحد المفروض يدور على انسان يحبه و المفروض ما يفرط فيها و خصوصا انها عاجبته بس مادام قلت انها تحبه يعني اكيد بتنتظره و ماظن يحس بقيود دام انه ضامنها يعني وبعدين دام انه يبيها ليش يكلم غيرها تناااقض ..

انا اللي اعرفه ان الدرجة الاولية تنحذف خير شر و يحطون الدرجة اليديدة بدالها و اذا بتاخذين مواد ذاتي حدج 4 ساعات يعني اما مادة وحدة 4 ساعات او مادتين بو ساعتين و يساعد وااااااايد واااااايد انا عن نفسي جربت اخذ ذاتي مرة و ساعدني و الكورس الياي بعد باخذ

جفت مركز تحميل الصور اللي في الموقع من فوق ؟ نزلهم اهناك في قسم حق الاغاني ..

بعض النساء يفضلون الريال يمكيجهم و يعدلهم لان المرأة بتغير منها و ما بتطلعها حلوة تخاف تصير احلى منها غير الريال ما يفتكر

و الله اذا تبين الصج جفتي شلون كانت حالتج قبل ؟ انا الحين اخس و خاصة عقب ما يات الاجازة 24 ساعة نوم و اكل و انترنت و حتى و انا قاعدة على كرسي الكمبيوتر نفس المنسدحة بس مب قاعدة امتن بالعكس امي تزفني تقول لي انتي كلما لج جسمج يخلص الله يستر الظاهر فيني مرض

انا في وقت الفراغ ارقد و اذا ما فيني نوم احط حرتي في الاكل اتمنى اشغل وقتي باشيه اكثر إفادة بس حزة الحزة اكون متنرفزة و ضايق خلقي و مالي مزاج اقعد اقرا و مادري شاسوي يكفي اني اقعد اتحلطم على عمري و املل اللي وياي