بسبوووسة بالجالكسي،،، يمي يمي
بسم الله الرحمن الرحيم
السلام عليكم ورحمة الله وبركاته
صبحكم الله بالنور والرضا والسرور ..
معي لكم حلى جديد للقهوة ..
بسبوسة بالجالكسي .. غير شكل ..
أتمنى إنها تعجبكم وتدعون لي بدعوة صادقة بظهر الغيب ..
نشوف المقادير ..
- 4/1 1 كأس سميد .
- 1 بكيت بسكوت الشاهي ( اولكر ) .
- 6 حبات جالكسي .
- 1 ملعقة صغيرة بكنج باودر .
- فانيليا .
الخلطة ...
- 3 بيضات .
- 2/1 كأس زيت .
- 1 فنجال سكر .
- نصف علبة قشطة .
للوجه ...
- حليب مركز .
- شعيرية مهران .
الطريقة ...
- نخلط مقادير الخلطة البيض + الزيت + السكر + القشطة بالخلاط لين ينخلط زين ..
- نقطع الجالكسي لقطع صغيرة والبسكوت نكسرة لكسر صغيرة ونخلطهم مع السميد والبكنج باودر والفانيليا ..
- نصب الخليط السابق على المقادير الناشفة ونعجنهم زين ..
- ندهن صينية بايركس ونصب فيها الخليط ونخبزها بالفرن ..
- بعد ماتستوي نسقي البسبوسة بالحليب المركز ونرش عليها شعيرية مهران ..
وعليكم بالف صحة وعافية ..
جربوها وقولوا لي رأيكم فيها