▓ღثلجه مشويهღ▓

كل عام وانت بخير ونجبيل.. وعقبال 100000000000000 قرن...

شي كشخه.. تسلمين ع الصوورة بنكيو ....

ثلووووجه

توني صاحيه من الرقاد.. عطشانه..

اييييييه عليييييييييييه.. فديييييته هيثمي.. صاير كالعاده حدددددددهـ كيوووت.. تسلمين بنت الصايغ ع الصور...

▓ღثلجه مشويهღ▓

يه انا صدقت بعد.. شوي وبقوم اقول للي في البيت ..

2

2

اي والله نبي جزء ثاني للقناص..

▓ღثلجه مشويهღ▓

مساكم الله بالخير.. شحالكم..؟؟

& الجــــزء الـــتـــاســـع.. في بيت بو محمد بالصاله الساعه اربع العصر ..كانت هند زايره صديقتها سارهـ (اخت علي).. ساره: هلا والله بهنوده.. هند: هلا فيج.. ساره: تو مانور البيت. هند: منور بأصحابه حبيبتي.. ساره: شنو تشربين؟ هند: لا ولا شي .. ساره: يلا عاد بلا دلع.. بجيب لج عصير.. هند (تضحك): ههه..اوكي.. اهني راحت ساره تجيب العصير الا جاسم كان نازل الدري متجه صوب هند صديقه ساره.. هند(تقول في نفسها): وينه اليوم ماشفته معقوله اهو مو اهني.. جاسم(بأبتسامه): قوه.. هند(بخجل):قوتين.. جاسم: فديت الخجولين انا .المهم ماعلينا شخبارج؟ هند: انا بخير ..انت شخبارك؟؟ جاسم(طاير من الفرح): اااا انا بخخير.. اهني ساره يات يايبه معاها العصير لها ولهند.. الا شافت جاسم واقف يسولف مع هند راحت صوبهم الا هند وجاسم سكتوا ساره حطت العصير ع الطاوله وقالت حق جاسم... ساره(تطالعهم بنص عين): جسوم شتسوي اهني.. جاسم(واهو مرتبك): كـ كـ كنت ياي اسلم على هند.. ساره(مومصدقه): لا.. جاسم: بس والله.. وبعدها جاسم راح وساره عطت العصير حق هند وقعدت وقالت لها.. ساره(تطالعها بنص عين): شكان يبي جسوم.. هند: امم بس ياي يسلم بس.. ساره: امم..يجوز.. هند عشان تغير الموضوع.. هند: شكنتي مشغوله فيه ؟؟ ساره: لان كنا نجهز حق عرس اخوي امس تزوج.. هند خافت يوم سمعت اخو ساره تزوج.. ياتراا شفيها؟؟ هند(بخوف): اخوج خالد؟؟ ساره: لا علي.. • هند توقعت خالد لانها ماجافته واعو اكبر من علي وصح ان جاسم اكبر من خالد وعلي بس ماتوقعته تزوج لانه من شوي كان طالع بروحه وساره قالت ان اخوها تزوج امس.. يعني مو معقوله يكون جاسم.. ياتراا شنو بين هند وجاسم ؟ وليش هند خافت يوم ساره قالت ان اخوها تزوج ..معقوله مافي شي بين هند وجاسم .. بس يمكن يكون في شي بين هند وخالد ..اكيد راح انعرف مع مرور الاحداث.. هند: ع ع ع علي اللي تزوج؟ ساره(بأستغراب): أي علي شفيج؟؟ هند:يعني مو خالد؟؟ ساره: لا..ليش؟؟ هند: لاولا شي انا تأخرت بروح البيت .. ساره: وين توها الناس.. هند: لابروح باي.. وعلى طول قامت .. ساره: باي.. ياترى شنو اللي صاير ؟ وهند شسالفتها؟ اكيد لولوه وعلي وحشوكم خلونا نسافر لهم ماليزيا.. *في ماليزيا.. لولوه وعلي وصلت طيارتهم ماليزيا الساعه (2) ونص الظهر بتوقيت ماليزيا وبعدما خلصوا اجراءات المطار تقريبا الساعه اربع الا ثلث العصر بعدين راحوا عشان بيرتاحون في الفندوق من تعب السفر راحوا الفندق وطبعا السكيورتي وصل اغراضهم الغرفه واهم راحوا الغرفه .. علي فتح باب الغرفه.. علي: تفضلي عمري.. لولوه دخلت الغرفه ودخل علي بعدها وسكر الباب.. علي: تعرفين انا شكثر مستانس احس من كبر الفرحه اللي بقلبي الارض موشايلتني مادري لولوه انا بحلم ولا بعلم..تعرفين يالولوه ان حبج يسري في دمي ..غلى شي كنت اتمناه اني اكون معاج ودامي انا معاج مابي شي ثاني.. لولوه: وانت بعد ياعلي حبك يسري بدمي وانت الهوى اللي اتنفسه .. لما عبدالله قال لي انه بيتصل عشان يقول ان احنا مو موافقين ع الزواج اغمى علي وعرفت ان انا مستحيل اقدر اعيش بدونك.. علي: اوعدج يالولوه اني راح اسعدج طول حياتج ولا راح اخليج تندمين انج تزوجتيني وحبيتيني ..اوعدج اني اخليج تنسين كل الهم والعذاب اللي جفتيه بحياتج.. لولوه: وانا بعد اوعدك اني ماراح اضايقك بأي شي و مستعده اسوي أي شي بس عشان اكون معاك .. علي: اوعدج اني ابقى معاج لآخر يوم في عمري.. لولوه: وانا اوعدك اني راح ابقى معاك واحبك لآخر لحظه من عمري.. علي: يا عل يومي قبل يومج..انشالله.. لولوه: علي لاتقول جذي ..يعل يومي انا قبل يومك.. علي: لاياعمري ..انشالله نكون مثل عصافير الحب نموت مع بعض.. لولوه (تضحك): هه.انشالله.. علي: ماعلينا الحين ..اللي كاتبه رب العالمين بيصير.. لولوه(الدمعه بعينها):علي.. علي(بأبتسامه ورومانسيه): ياعيون علي آمري تدللي.. لولوه: احبك.. علي(بغشمره): و شنو اللي يثبت انج صج تحبيني؟ لولوه: افتح قلبي وجوف ..والله ياعلي ان قلبي عمره مانبض ولا راح ينبض لأحد غيرك.. علي: هه.. واثق مئه بالمئه انج تحبيني المهم.. آهـ يالولوه مادري احس اني ابي اطلع بالشارع واصرخ مثل الميانين واقول للعالم كله اني احبج ومستحيل احب وحده غيرج.. لولوه(تضحك بخجل): ههه علي(بغشمره): انزين عشان اصدق انج تحبيني قومي خل نرتاح.. لولوه: ههه..يلا.. انتظرونا بالجزء العاشر.. \ \ \ \ \ \ نهايه الجــــــــــــــــزء التــــــــــــاســـــع

& الـــجـــزء الـــثــامــــن... اليوم التاريخ 21/12/2007م .. اكــيد عرفتوووا اليوم زواج لولوه وعلي... • في بيت بو محمد اول واحد قعد من النوم اهو علي من الفرحه ماكان عارف ينام ..كان ينام شوي ويرد يقعد لحد ماصارت الساعه ثمان قعد من النوم وبعده البنات قعدوا عشان يروحون الصالون يتعدلوون.. • في بيت بو عبدالله بغرفه لولوه الساعه ثمان الصبح.. ام عبدالله: لولوه يما قومي لانتأخر على الصالون .. لولوه(بأبتسامه): صباح الخير يما.. ام عبدالله: صباح النور..بسرعه يلا قومي تعالي انا واختج تحت ننتظرج يلا عشان لانتأخر عن الصالون.. لولوه: انشالله.. • الساعه تسع الصبح في الصالون .. اهني كل من ام عبدالله و نور ولولوه راحوا عند الكوافيره الخاصه لكل وحده فيهم.. • اما علي خذ اخوانه محمد و خالد وجاسم و راحوا الحلاق.. • مر اليوم حتى الساعه ست ونص المغرب في بيت بو عبدالله بغرفع لولوه.. لولوه ماشالله عليها حلوه بس مع التسريحه اللي رافعه فيها شعرها ومكياجها الناعم والفستان الابيض الطويل الللي من تحت واسع ومنفوش ويزحف على الارض من ورا لولوه .. اما علي صاير كيوت بالبدله والنكتاي (السموكن) وكان مودي شعره الغليظ على ورا وكان شكله مبين انه وسيم اكثر من ما اهو وسيم.. • الساعه ثمان ونص يالليل ابتدت الحفله وابتدت المعازيم تزيد حتى الساعه (11) بالليل صار وقت دخول العروس والمعرس (الزفه) ... * راحوا البنات وام محمد وام عبدالله ورا لولوه وعلي.. وكانت انظار المعازيم كلها على لولوه وعلي.. وكانوا يمشون كانت لولوه منزله راسها من الخجل وعلي نفس الشي كان منزل راسه من الخجل وكان مستحي واهو يمشي وسط الحريم .. كان علي ماسك يد لولوه حتى وصلوا عند المسرح علي مسك لولوه من يدينها بقوه عشان تركب ع المسرح وبعدها وقفوا صوب الكراسي ع المسرح ورفع علي الطرحه عن وجه لولوه .. واهو يقول بأبتسامه: ماشالله شنو هالجمال.. • لان لولوه كانت بالفعل طالعه تطير العقل ..كانت اجمل من الملاك .. *اما لولوه كانت منزله راسها من الخجل ..بعد ماعلي رفع الطرحه عن وجه لولوه باسها على راسها احتراما لها وبعدها قاموا يصورون والفلبينيه اهيا اللي كانت تعطيهم الحركات للصور ..بعد ماخلصوا تصوير بروحهم نادوا اهلهم وصوروا معاهم وبعدين قاموا الناس يباركون لهم .. والساعه ثلاث الفييير خلص اعرس وعلي و لولوه طلعوا بالسياره مع السايق عشان يروحون البيت طبعا البيت هو بيت بو محمد لانهم مقررين يعيشون اهناك ولما دخلوا البيت والاهل كلهم وراهم بعد ماباركوا حق لولوه وعلي راحوا فوق عشان يروحون غرفتهم .. • اهني علي فتح الباب وقال لها .. علي: دخلي بريلج اليمين ياااحلى عروس.. طبعا لولوه دخلت بريلها اليمين ..بعدها دخل علي وسكر الباب وقفله وفصخ جاكيته .. وقعد عند لولوه اللي كانت قاعده ع السرير منزله راسها قام علي رفع الطرحه وبعدين رفع راسها وحط عينه بعينها وقال لها.. علي: مبروك يااحلى عروس بالدنيا.. لولوه(بخجل): الله يبارك فيك.. بعدها لولوه نزلت راسها لكن علي رفع راسها وباسها على راسها .. * في اليوم الثاني اللي عقب الزواج علي قعد من الساعه تسع الصبح وجهز الفطور حق لولوه قعد ع السرير وحط الاكل صوبه الا لولوه فتحت عينها .. اهني علي راح باسها على خدها .. علي(بأبتسامه): صباحيه مباركه .. لولوه: ليش حبيبي يايب الاكل اهني؟؟ علي: عشان نفطر بروحنا ... لولوه: يه.. وبعد ماتفطروا وجهزوا اغراضهم لشهر العسل راحوا مع اهلهم المطار وودعوهم وركبوا الطياره .. الساعه (11) ونص الظهر ..ياترى هل بيصير شي ولا لاء؟؟ • في بيت بو محمد الساعه ثلاث الظهر وبالتحديد بغرفه ساره.. يرن جوالها : روح للي غيروك000000 ساره: الوو هندك الوو. ساره: هلا والله .. هند: هلا فيج يالقاطعه.. ساره: سوري بس الايام اللي طافت كنت حدي مشغوله.. هند: ماعلينا متى اشوفج ؟؟ تعالي اليوم بيتنا؟؟ ساره: لامالي خلق اطلع انتي تعالي؟؟ اوكي؟؟ هند:اممم اوكي.. ساره: عيل اخليج الحين.. هند: اوكي باي.. ساره: باي .. . . . . . . . نهــــــأيـــه الجـــــزء الثــــــامــــن..

& الـــــــجـــــزء الــــــســـابـــع.. *في المستشفى الساعه 11 ونص في الليل محمد وامه واخته(سحر).. واقفين ينتظرون سعاد عند غرفه العمليات ياترى سعاد شنو راح يصير فيها...؟؟ محمد(بخوف بسيط): يما من الساعه تسع مدخلينها ليش تأخرووا؟؟ ام محمد:ويه انتظر يايما بعد الولاده يبي لها جذي..الله يهداك بس ... *اهني طلعت الممرضه.. محمد:خير بشري سعاد ولدت ولا لا؟؟ الممرضه: لا للحين ..عن اذنك.. محمد: اذنج معاج.. الانتظار اصعب شي على الانسان ..ياترى شنو راح يصير معقوله يصير شي حق سعاد ويتعطل زواج لولوه و علي..؟؟ *من بعد طول انتظار طلع الدكتور.. محمد: ها دكتور بشر ؟؟ الدكتور:مبروك يالك ولد.. محمد(بفرح): مشكور يادكتور.. الحمدالله والشكر لك يارب الف مره .. الدكتور: لاشكر على واجب.. محمد: انزين دكتور سعاد انشالله بخير؟؟ الدكتور: لاياخوي تطمن زوجتك والولد بخير.. محمد: الحمدالله لك يارب الحمدالله.. مشكور يادكتور وماقصرت.. الدكتور: شدعوه ..ماسويت شي..وهاي واجبي.. عن اذنك.. محمد: اذنك معاك.. محمد: يما سعاد يابت ولد واخيرا روان صار عندها اخو.. ام محمد: مبروك يايما مبروك.. سحر(بأبتسامه مليانه حزن): مبروك ياخوي.. محمد(بفرح): الله يبارك فيكم.. يرن جوال محمد وكان المتصل علي.. محمد: الوو. علي: الوو ها بشر سعاد ولدت ولا لا؟؟ محمد: أي ولدت يابت ولد.. علي(بفرح): صج مبروك..يتربى بعزكم.. محمد: اله يبارك فيك.. علي(بفرح): اوكي عيل خل اروح ابشرهم باي.. *اكيد مليتوا من جو المستشفى..واكيد لولوه وعلي وحشوكم..خلونا نروح بيت بوعبدالله بالتحديد بالصاله .. بو عبدالله: ها جهزتوا كل شي بعد يومين عرس لولوه.؟؟ ام عبدالله: أي كل شي جاهز.. *والحين خلونا نروح بيت بو محمد بالصاله.. علي: يبا.. جسوم..ساروا.. خلادين.. سعاد يابت ولد .. بو محمد: الحمدالله.. ساره: صج؟؟ جاسم وخالد:احلف؟ علي: والله من صجي.. جاسم: يــس.. علي: ههه.. يلا عن اذنكم بروح غرفتي اريح.. الكل: اذنك معاك ... • علي واهو رايح غرفته نادته روان بنت سعاد ومحمد: روان : عمي علي.. علي: هلا بــ رواني الحلوه... روان: ماما وبابا وين؟؟ علي: اممم في المستشفى..راحوا لان امج يابت لج اخو صغير.. روان: متى بيرجعون البيت؟؟ علي: بابا عقب شوي بيي بس ماما صبري شوي.. وبعدين راح غرفته وتركها من بعد ماابتسمت له .. *دخل علي الغرفه وقال قبل لاينام خل يتصل يجوف يمكن لولوه ترد عليه.. علي اخذ جواله واتصل حق لولوه.. علي(يكلم نفسه): ردي يالولوه ردي.. لولوه: الوو.. علي: الوو لولوه وينج؟؟ لولوه: هلا حبيبي.. علي: وينج هالايام ماتبينين ولا تتحصلين؟؟ لولوه: بعد ..مشغوله بتجهيزات العرس ..نسيت ان العرس بعد يومين.. علي: نسيت؟؟ مينون انسى ؟؟ لولوه(تضحك بخجل): ههه.. علي: ها خلصتي تجهيزات العرس كلها .. اشتريتي كل شي؟؟ لولوه: أي .. علي: اوكي حبي انا الحين بسكر عشان بنام اوكي تعبان حدي واليوم صاحي من الصبح.. لولوه: اوكي..براحتك.. علي: يلا انا بسكر وعلى طول بنام.. لولوه: اوكي حبيبي نوم العوافي.. علي: يلا تصبحين على خير.. لولوه: وانت من اهله .. علي: تحملي بروحج.. لولوه: اوكي وانت بعد.. علي: يلا باي.. لولوه: باي.. • في بيت بو محمد بغرفه سحر.. الساعه وحده ونص الليل.. كانت ممبطحه ع السرير والغرفه كانت ظلام ..مافيها الا ضوء الابجوره.. سحر (تكلم نفسها بصوت مسموع): آهـ ياربي ..ليمتى انا بتم جذي؟؟ الكل يعايرني يالعانس يالعانس..حتى امي.. اخوي اللي اصغر مني بيتزوج لقى له بنت الحلال واختي ساره اللي اصغر مني بتتزوج وانا بتم جذي..اوووف ياربي.. ساعدني ياربي وفكني من كلام الناس.. • مر اليوم الاول على خير بدون مشاكل ماصار شي جديد غير طلعه سعاد من المستشفى.. واليوم اللي بعده مر بخير .. راح نعرف مصير لولوه وعلي.. ومصير باقي ابطالنا.. بالاجزاء اليايه اكيد.. انتظرونا  .. مع الاحداث الاكثر تشويق ومتعه.. والقصه كل ماتكبر تحلى ..تصير احلى واحلى.. انتظرونا مع الجزء الثامن.. ترى حده خطيييير.. . . . . . نــــهـــايــه الــجـــزء الـــســابـــع

$ الـــــــــــجـــــزء الخــــــامـــــس: • في بيت بو محمد الساعه عشر ونص الليل : كان علي رايح وياي ينتظر امه ترد من بيت اهل لولوه عشان يعرف شنو صار ومتى الخطوبه والعرس << واايد مستعيل.. * بعد فتره قصيره يمكن بعشر دقايق .. دخلت ام محمد البيت مع البنات وسعاد .. اهني علي استانس لكن يوم جاف وجه امه ووجوه خواته حس ان صاير شي وانهم مااتفقوا.. ياترى شصار؟ خل نجوف.. علي(بأبتسامه لطيفه): ها يما بشري شصار؟ ام محمد(بعصبيه غير واضحه): وخـر انت.. • اهني علي تضايق وقال اكيد صاير شي ..ام محمد راح قعدت مع بو محمد والعيال.. اما علي لحقها.. علي: يما شصاير؟؟ ام محمد: تمت ساكته وماردت عليه .. لكن اخته سـحـر.. سحر: لاتخاف الخطوبه والزواج في يوم واحد واتفقنا على كل شي .. علي(بأستغراب): عيل شفيكم معصبين ؟ سحر: احنا مو معصبين بس امي اللي معصبه ههه.. علي: يما شفيج معصبه جذي؟ ام محمد: ولد الجيران قليل الادب يغازل ساروا جدامي.. علي: اوف اشوه ..خرعتوني عبالي صار شي.. ام محمد: بس هاي اللي هامك لولوه وبس.. علي(بدلع يهال): انزين يما متى الخطوبه والعرس؟ ام محمد: اووف بيذبحني هالصبي.. علي: شوي شوي يا ام محمد.. ام محمد: تاريخ 21/12.... علي: اهـــ.. باقي وااايد.. ام محمد: صج ان انت مينون.. علي: أي يما مينون لولوه.. ام محمد: بروح انام انا احسن من مجابل ويهك.. علي(بأستهبال): يــه.. شفيه ويهي؟؟ • مرت ايام على زياره ام محمد لام عبدالله بخير وماصار شي ... ياترى هل الحين بيصير شي او لاء؟ *انتوا عارفين طبعا ان تاريخ الزواج 21/12.. اليوم التاريخ 16/21.. يعني باقي اربعه ايام على الخطوبه.. • في بيت بو عبدالله وبالتحديد بغرفه لولوه..الساعه خمس ونص العصر رن جوال لولوه: صدفه ومن بين ....... لولوه: الوو.. .....: الوو.. لولوه: هلا من معاي؟ .....: انتي لولوه ؟ لولوه: أي بس انتي منو؟ ......: انا نوال.. لولوه: من نوال؟ نوال: ..................................... لولوه(بعصبيه واهيا تصيح):انتي شتقولين ؟ نوال: .................................... لولوه(بعصبيه): انتي وحده حقيره ومنحطه.. نوال:رجاءا احترمي نفسج.. لولوه(بعصبيه): انا محترمه نفسي بس الاشكال اللي مثلج مايستاهلون الواحد يحترمها.. نوال: ................................ لولوه(بعصبيه): والحين شلمطلوب مني؟ نوال:.......................................... لولوه: تحلمين ..مستحيل اللي فبالج يصير. نوال: ............................................؟ لولوه(بعصبيه غير واضحه): سمعيني زين انا واثقه فيه واعرف ان اهو ما يسويها .. ولو شنو تسوين ماراح اصدقج .. *واهني على طول سكرت لولوه الخط بوجه نوال... عموما فهمتوا شي من اللي فوق؟<< حتى انا للحين مافهمت لوول.. *وقعدت تصيح الا يرن جوالها وكان المتصل علي... بس لولوه ماردت عليه وتمت تصيح.. _ ياترى شصار وشنو قالت نوال هاذي ؟ اصلا من وين طلعت ؟ • في بيت بو محمد الساعه سبع الليل بالتحديد بالصاله ... (الجو حدهـ متكهرب)... _ ياترى هل اللي مكهرب الجو نفس الشي اللي لولوه عرفته من نوال .. خل نجوف.. بو محمد( ينادي علي من غرفته): علي..علي.. اهني علي وصل ... علي: خير يبا؟؟ بو محمد(بعصبيه): اللي يجوفك يجوف الخير... علي(بأستغراب): ليش يبا شصاير انا شسويت..؟؟ بو محمد اهني فلت ورقه على علي واهو يقول : بو محمد(بعصبيه): شنو هذا ؟ ما تفهمني شنو هذا..؟ علي بعد ماجاف الورقه.. علي: يبا..انا اسف ..بالغلط..ماكنت منتبه.. • ياترى شنو اللي في الورقه وعلي سواه بدون ما ينتبه ..وشنو سر نوال؟ ام محمد: خير يا يما شفيكم؟ علي: ساكت.. بو محمد: ولدج.. جوفي ولدج شمسوي.. • بس بدون مايعطيها الورقه .... ام محمد: خير شصاير؟ علي: ساكت.. بو محمد: قول حق امك شمسوي؟ ام محمد: قولوا لي شصار طيحتوا قلبي.. بو محمد: ولدج على اخر عمري الظاهر انه ناوي يفضحني ويبهدلني.. _ ههه ادري طولت عليكم تبون تعرفون شنو ؟ معقوله نوال وسالفتها لها دخل بسالفه علي ولا شلون علي بيفضح ابوه؟ بو محمد: ولدج الظاهر انه يبي يذبحني.. علي: ماله كل هاي اللي قاعد تسويه يا يبا .. بو محمد: لك عين تتكلم عقب اللي صار؟ ام محمد: شصاير فهموني؟؟ بو محمد: ولدج كان بيورطنا بيودينا في داهيه ..موقع على اوراق غير قانونيه ..جان طلعنا مهربين بسبب ولدج وتهوره .. << ههه ادري خرعتكم بس لازم هالحركات بالقصه لوول.. • اهني ام محمد تأشر حق علي عشان يروح غرفته.. • اهني علي راح غرفته.. ام محمد: هد اعصابك يا بو محمد اهم شي انت جفت الورقه قبل لا تودونها يعني ماصار شي.. • ههه ادري خرعتكم بس لاتتطمنون لان للحين ماعرفنا شسالفه نوال.. • انتهت سالفه علي مع ابوه على جذي و بس... ياترى شنو اللي راح يصير؟ معقوله سالفه نوال تخرب عرس لولوه وعلي او تأخره او شنو السالفه؟ شنو مصير لولوه ؟ وشنو مصير علي؟ راح نعرف مصيرهم ومصير باقي ابطالنا بالاجزاء اليايه.. اعرف ان نور وحشتكم وخالد واحمد وباقي الابطال اللي ماجفتوهم بالجزء.. بس انتظرونا ..مع الاحداث الشيقه و الممتعه .. . . . . . . نــــــــهــــايـــه الجـــــزء الــخـامــس.. & الـــــــــجـــــزء الـــســادس: مر اليوم وطبعا انتهت سالفه علي مع ابوه..لكن شسالفه نوال؟ في اليوم اللي عقبه الساعه ثلاث ونص الظهر لولوه قررت انها تحسم موضوع نوال..خلونا نجوف شنو بتسوي؟؟ راحت لولوه غرفه اخوها عيسى وطقت عليه الباب: طق طق طق.. عيسى: مــن؟ لولوه: انا لولوه.. عيسى: دخلي.. دخلت لولوه غرفه عيسى وسكرت الباب وقعدت ع الكرسي.. وكان عيسى ممبطح ع السرير.. لولوه: اقدر اتكلم معاك ولا مشغول؟؟ عيسى: لامب مشغول ..وان كنت مشغول افضي روحي عشانج..خير شصاير؟؟ • ياترى شنو دخل عيسى بالموضوع؟؟ تتوقعون انها يايه تاخذ رايه باللي راح تسويه؟ لولوه: نوال.. نوال ياعيسى نوال00 عيسى(بأستغراب): من نوال؟؟ لولوه: مادري امس اتصلت لي وقالت لي(.............................)... • هههه بيننكم شوي لووول.. عيسى(بأستغراب): شسالفه والله مادري بشي انا ؟ عموما انتي عطيني الرقم وانا بعرف السالفه بس انتي لاتضايقين روحج... لولوه: انا خايفه ومحتاره يا عيسى.. عيسى: انتي عطيني الرقم.. لولوه: هاي الرقم 39000000... عيسى: خلاص انتي لا تحاتين انا اليوم بعرف شنو السالفه .. لولوه: اوكي انا رايحه غرفتي ارتتاح شوي اذا عرفت شي تعال طمني00 عيسى: اوكي لاتحااتين. • ههه طلعت لولوه من غرفه عيسى وراحت غرفتها ترتاح.. واحنا مافهمنا شي لوووول.. • اما في بيت بو محمد الساعه خمس العصر بغرفه علي.. علي( يكلم روحه): ليش لولوه مااتصلت ولا اهيا قاعده ترد ... • معقوله علي له علاقه بسالفه نوال و زواج علي ولولوه بعد ثلاثه ايام ... علي(يكلم روحه): الله يستر ليكون صاير شي.. خلني اتصل لها..يمكن ترد.. • اخذ علي تلفونه واتصل حق لولوه .. .......: لا يمكن الاتصال حاليا بالرقم الذي طلبته ... The n... *اهني علي سكر الجوال و زاد خوفه ..ياترى ليش لولوه ماترد والحين مسكره جوالها... *اما في بيت بو عبدالله وبالتحديد بغرفه عيسى الساعه ست المغرب.. * عيسى اخذ جواله واتصل على رقم نوال.. ياترى شنو راح يصير ... عيسى: الوو.. نوال: هلا.. عيسى(مرتبك):هـ هـ هلا فيج.. نوال: خير اخوي بغيت من؟ عيسى: انتي نوال؟ نوال: أي ..انت من ؟ عيسى: معاج عيسى.. نوال: أي هلا عيسى.. عيسى: انتي منو ؟؟ انا اعرفج ؟؟ انت تعرفيني؟؟ ماعلينا منهم بس لحظه شنو دخل عيسى و شلون عيسى يسأل نوال اذا اهيا تعرفه واهو يعرها او لا؟؟ • خلونا نروح شوي بيت بو محمد..وبالتحديد بغرفه محمد وسعاد الساعه ثمان ونص الليل.. سعاد(تصارخ): آهـ آهـ الحق علي يامحمد الحق علي.. محمد: خير سعاد شصاير شفيج؟؟ سعاد: الظاهر اني بولد يامحمد..الحق علي بموت ..موقادره اتحمل.. • اهني محمد خذ سعاد وراحت معاهم ام محمد وسحر.. • خلونا نروح بيت بو عبدالله ..الساعه تسع بالليل .. عيسى راح غرفه لولوه و طق الباب: طق..طق..طق.. لولوه: انفضل.. *اهني عيسى فتح الباب.. عيسى(بأبتسامه): اقدر ادخل؟؟ لولوه: تعال تعال.. • اهني عيسى دخل غرفه لولوه وسكر الباب وراه وقعد ع السرير.. عيسى: اتصلت حق نوال وعرفت السالفه كلها .. لولوه: خير بشر شنو السالفه؟؟ عيسى: هههه.. لولوه: الحين البنت متصله تقول لي بيني اخوج عيسى سووه شي كبير ولازم يتزوجني طبعا انت فاهم .. وانت حضرتك قاعد تضحك ؟؟ شسالفه؟؟ عيسى: تتبلى علي.. لولوه: شنو تتبلى عليك ؟ عيسى: أي .. مادري منو دازها بس من حاجيتها انا فالجوال اعترفت بكل شي .. لولوه: شلون ؟؟ عيسى: بطريقتي الخاصه ..حبي انتي لاتحاتيني ولا شي .. لولوه: انزين وانت بعد مااعترفت لك شسويت ؟ عيسى: عطيتها كم زفه محترمه ..زسكرت الجوال في ويها .. لولوه: زين سويت فيها..بس انت تتوقع السالفه بتنتهي على جذي؟؟ مويمكن يدبرون شي ثاني..؟؟ عيسى: مادري والله ..بس انشالله ماراح يصير شي ..انتي تطمني. انا داير بالي منهم .. • ههه ادري ان ماعندي سالفه اكيد توقعتوا ان نوال وسالفتها لها دخل بـ علي.. اعرف ان الجزء كان طويل وكان يبي له تفكير شوي واكيد قعدتوا تفكرون من هاذي نوال ههه.. انتظرونا بالجزء الياي ... وخل نعرف اخبار سعاد اللي بتولد شراح يصير فيها ؟؟ ولولوه وعلي شنو اللي ينتظرهم؟؟ وعيسى شراح يصير معاه ؟؟ وباقي ابطالنا شنو راح يكون مصيرهم انتظرونا مع الاحداث الاكثر تشويق ومتعه.. . . . . . . . نهــــأيــــــــــه الجـــــــــزء الســــادٍٍس

$ الجــــــــــــزء الـــــــــرابع..(4).. • اليوم اللي طاف مر بمشاكل وايد بس انتهى بخبر حلوو لــت علي ولولوه.. خل انجوف شنو راح يصير بهالجزء.. • من الصبح الساعه ست في بيت بو محمد وبالتحديد بغرفه جـــاســم (ثقيل الدم).. اكيـــد عرفتوهـ.. ام محمد: جاسم يما قوم ابوك ينتظرك تحت.. جاسم(نايم): ماابي يما مابي مابي.. ام محمد: شنو ماتبي قوم يلا بسرعه بروح بقعد اخوانك .. جاسم: روحي قعديهم بعدين تعالي قعديني.. ام محمد: بجوف انا بتقوم ولا لاء... • عند غرفه محمد وسعاد ..ام محمد تطق الباب: طق طق طق.. بطلت سعاد باب الغرفه.. سعاد: هلا خالتي.. ام محمد: هلا.. سمعي بقول لج قعدتي محمد؟ سعاد: أي خالتي قعدته اكاهـ بياخذ اغراضه وبينزل.. ام محمد: اوكي عيل بروح اقعد الباقي.. سعاد: خالتي..ساره قعدت.. ام محمد: عيل بربوح اجوف الباقي.. *ام محمد دخلت غرفه علي عشان تصحيه بس تفاجأت انه مالقته نايم..بس كان طالع من الحمام مستانس وقاعد يغني.. علي(يغني): يامعيريس عين الله تراهـ القمر والنجوم تمشي وراهـ.. • اما يوم جاف امه.. علي( بأبتسامه): صباح الخير يما.. ام محمد: صباح النور .. ابوك بنتظرك تحت .. علي: الحين بنزل له.. • اهني ام محمد طلعت من غرفه علي بتروح حق خالد لكن اهو طلع من غرفته.. خالد: صباح الخير يااعز واغلى ام فالدنيا.. ام محمد: صباح النور.. بو محمد: خالد..خالد.. خالد: عن اذنج يما بروح اجوف ابوي.. ام محمد: اذنك معاك... وبعدين دشت غرفه بنتها سحر.. بطلت الباب لقتها قاعده عند المنظره تجوف روحها.. ام محمد: صباح الخير.. سحر(بأبتسأمه): صباح النور.. ام محمد: ها يا سحر شفيج للحين مانزلتي.. سحر: الحين بنزل.. بس كنت.... ام محمد: بس كنتي شنو؟ سحر: امم..كنت اجوف انا كـم عمري صار00وانا للحين عندج اهني.. ام محمد: ماعليج يابنتي.. انشالله اييج نصيبج.. سحر: يلا يما تعالي خل ننزل..احسن من ما نبطي عليهم.. ام محمد: انا بروح اقعد اخوج جاسم.. • وطلعت من غرفه سحر... • وطبعا ردت حق جاسم غرفته.. ام محمد: جسووووم يلا قوم.. جاسم: قعديتيهم كلهم؟ ام محمد: كلهم قاعدين قبل لا اقعدهم ولا جاهزين بعد .. مافي الا انت.. • قام جاسم من ع السرير ودخل الحمام وام محمد طلعت من الغرفه.. • في بيت بو عبدالله الساعه ست (6) ونص الصبح بالصاله.. • بو عبدالله وعبدالله طالعين من البيت : بو عبدالله و عبدالله: مع السلامه.. ام عبدالله ونور: مع السلامه.. • اهني كان عيسى نازل الدري.. عيسى(بأبتسامه): صباح الخير.. ام عبدالله و نور: صباح النور.. عيسى: يلا يما انا رايح الجامعه تبين مني شي؟ ام عبدالله: لايما مابي غير سلامتك.. عيسى: الله يسلمج يما.. وانتي نور ماتبين شي؟ نور(بغشمره): لاء..مابي.. عيسى: ولاحتى سلامتي؟ افاا تبيني امووت؟ نور(بعصبيه غير واضحه): اووووه عيسوو لاتقعد تملغ علي من الصبح..كلش موب فارغه.. عيسى: انزين تبين سلامتي ولا لاء؟؟ نور: لا .مابي لا سلامتك و لا شي ثاني.. عيسى: يعني لو اموووت شنو تسوين..؟؟ نور(بعصبيه مصطنعه): عيسووووووا.. عيسى: ههه .. يلا باي.. نور: باي.. • بغرفـــــه احمـــــــــد... دخلت ام عبدالله بترتب السرير لقت احمد نايم.. ام عبدالله: احمد..احمد قوم ليش مارحت المدرسه؟ احمد: مب رايح اليوم.. ام عبدالله: ليش؟ ليكون المدرسه مدرسة ابوك؟ احمد: خلاص يما مابروح اليوم..وعد مني باجر بروح.. ام عبدالله: شكلك هالسنه بعد تبي ترسب وتعيد السنه.. اللي كبرك بالجامعه.. احمد: انزين انا بالتوجيهي.. مب اول اعدادي عشان تقارنين عمري بالصف اللي انا فيه.. ام محمد: اووف. اخمد..اخمد.. احسن لك ولي.. • في المستشفى.. بغرفه لـــــولــــــوه .. الساعه اربع العصر( لولوه وبو عبدالله)... بو عبدالله: يلا يبا لا نتأخر.. لولوه: يلا انا جاهزه.. • طبعا عرفتوا ...اهني طلعت لولوه من المستشفى.. • في بيت بو عبدالله.. • الساعه خمس العصر دخلت لولوه البيت ولقت اهلها كلهم ينتظرونها.. ام عبدالله: الحمدالله على سلامتج يا يما.. لولوه: الله يسلمج يما.. عيسى: تو مانور البيت.. ماتتصورين شكثر كنت انتظر ردتج بالسلامه.. لولوه: تسلم منور بوجودك.. احمد: الحمدالله ع السلامه حبي.. لولوه: الله يسلمك.. نور: ماتتصورين البيت شلون ملل بدونج..واخوج طول هاليومين واهو يملغ علي.. لولوه: ههه.. عبدالله: مستانسه الحين ؟ وافقنا ع اللي تبينه بس من الحين اقول لج أي باجر يصير بينكم لا تقولين تعال ساعدني.. لولوه: أي مستانسه .. وماراح يصير شي بأذن الله لان احنا نحب بعض.. • واهني لولوه ع طول راحت غرفتها.. • في بيت بو محمد الساعه (9) تسع وخمس الليل وبالتحديد بالصاله.. بو محمد: سمعيني يا ام محمد باجر اخذي بناتج وسعاد وروحووا بيت بو عبدالله حددووا كل شي عشان نعرف.. لان ولدج بيستخف اذا ماتزوج لولوه.. ام محمد: ههه..انشالله ..بقوم اتصل حق بدور اقول لها باجر اتيي عشان انروح.. في اليوم اللي بعده .. الساعه ثمان بالليل في بيت بو عبدالله بالصاله عند الحريم... مانبي نطول عليكم الاجزاء عشان جذي ماراح اكتب الحوار اللي صار بين الحريم بس راح تعرفون شصار وحددوا شنو واتفقوا على شنو في الجزءؤ الياي. انتظرووا الجزء الخامس .. ترااا الاحداث بدت تصير احلى واحلى والقصه كل ماتكبر تحلى لووول.. • ياترى شراح يصير؟ • راح يتفقون اهل علي مع اهل لولوه ؟ • ولا راح تصير بينهم خلافات ومشاكل وراح يتعطل زواجهم ؟ بتعرفون كل هاي بس تابعوا معانا احداث القصه .. ابي تفاعلكم معاي يالحلوين .. ابي توقعاتكم.. ورايكم بالشخصيات وبالذات علي ولولوه.. . . . . . . . نهـــا يــــه الجـــزء الــــرابـــــع...

$ الـجزء الثـالـث: في بيت بو عبدالله وبالتحديد بغرفه لولوه اللي مانامت طول الليل واهيا تصيح وتفكر شنو ممكن يصير: يرن جوال لولوه: صدفه ومن بين كل النا... يرن الجوال مره ومرتين وثلاث... وعششر بس اهيا ما ترد لان المتصل علي وماتعرف شنو تقول له.. • اما في بيت بو محمد وبالتحديد بغرفه علي اللي قام يفكر ويحاتي واهو خايف على لولوه ليش ماترد.. ام محمد: شفيك يما يا علي؟ علي: مافيني شي.. ام محمد: انزين ابوك ينتظرك تحت عشان تفطر وتروح مع اخوانك الشركه.. علي: انشا الله يما الحين اييكم.. • في بيت بو عبدالله الكل قاعد بغرفه الطعام قاعدين يفطرون عشان كل واحد رايح ع شغله وجامعته.. ماعدا لولوه.. بس و اهما قاعدين يفطرون فجأهـ... تجيهم لولوه واهيا منهاره وقاعده تصيح.. لولوه(واهيا تصيح): يبا انتوا اكيد وافقتوا عن علي صح ؟ عبدالله: لا يا لولوه ..ماوافقنا وبعدين بتصل وبقول له ان احنا مب موافقين.. و اهني لولوه لما حست ان بعد شوي راح تخسر علي و راح يضيع منها .. حست ان الارض تدور من تحتها وطاحت على الارض مغمى عليها.. اهني الكل قام من مكانه .. وراح عند لولوه.. الكل(بخوف): لولوه..لولوه..لولوه.. • في بيت بو محمد علي واهو على طاولة الطعام يفطر.. مره وحده حس كأنه سجين قطعت قلبه وحس ان لولوه فيها شي.. علي: بسم الله الرحمن الرحيم.. ام محمد: خير بايما شفيك؟ علي: لا يما ولا شي ولا شي.. *في المستشفى الساعه ثمان ونص الصبح وبالتحديد ..الكل واقفين بالممر عند الغرفه اللي فيها لولوه.. ينتظرون الدكتور ايي يطمنهم... شنو تتوقعون صار في لولوه ؟؟ *الدكتور طلع من الغرفه واهو في حال مايطمن ..ملامح وجه الدكتور تقول ان لولوه فيها شي.. بو عبدالله(بخوف): خير دكتور طمنا بنتي لولوه فيها شي؟ الدكتور: والله مادري شقول لك بس الظاهر ان البنت ياتها صدمه قويه وهاي اللي خلاها بهالحال.. بوعبدالله( بخوف): خير يادكتور..شصاير..لولوه شفيها ؟؟ الدكتور: بصراحه البنت صايدها انهيار عصبي واكيد هاي من الصدمه اللي ياتها ولا صار لها شي ضايقها.. *اهني بو عبدالله حس ان اهو و عبدالله السبب باللي صار لبنته لولوه وفكر ان اول ماتصحى راح يقول لها ان موافق بس صج راح يوافق ولابيصير شي وبيغير رايه.. الدكتور: عن اذنك... بو عبدالله: اذنك معاك.. *اما اهل لولوه كلهم كانوا في حاله ذهول من اللي سمعوه ما كان في حد متوقع ومتصور ان لولوه تحب علي لهدرجه.. • في المستشفى بعد فتره الساعه عشر وربع الصبح ..الدكتور طالع من غرفه لولوه ..واهو مبتسم والكل توقع ان لولوه بخير ..فقال بو عبدالله ماله داعي يوافق دام ان لولوه بخير و ما فيها شي.. الدكتور: اطمنكم البنت صحت وتقدرون تدخلون تجوفونها... بو عبدالله: مشكور يادكتور... الدكتور: لاشكر على واجب..عن اذنكم.. الكل: اذنك معاك.. • الحين بو عبدالله ما راح يوافق على علي ان ياخذ لولوه دام ان لولوه بخير ..خل نجوف شراح يصير.. عيسى: يلا خلونا ندخل نتطمن على لولوه.. بو عبدالله : يلا.. *الحين الكل مشى متجهين صوب غرفه لولوه.. • اهني بو عبدالله طق الباب : طق ...طق ...طق ... لكن محد رد عليه.. فأطر بو عبدالله يفتح الباب.. فتح الباب وكانت لولوه قاعده ع السرير تصيح ومدخله راسها بين ريولها و حاضنه ريولها..و ما كانت تنطق بشي غير ( ابي علي..ابي علي).. اهني عاد بو عبدالله لما جاف بنته بهالحال راح بو عبدالله صوب بنته ومسك ايدينها واهو يكلمها... بو عبدالله : لاتسوين بروحج جذي يابنتي.. لولوه(واهيا تصيح..تتكلم بصوت متقطع): يبا ابي علي ..والله انه يحبني وانا انا بـ بـ بعد احبه.. • اهني بو عبدالله لما شاف ان حالتها كل مالها وقاعده تسوء اكثر قال والدمعه بعينه.. بو عبدالله(والدمعه بعينه): خلاص يا يبا انا موافق تاخذين علي.. لولوه(فرحانه وبنفس الوقت تصيح): وعبدالله؟ عبدالله(من غير نفس): شفيني؟ لولوه: يبا و عبدالله موافق؟؟ عبدالله(بعصبيه):زين فكونا عاد بعد دام ابوج وافق احنا شنو نقدر نقول.. بو عبدالله (بعصبيه): عبداللـــــــــه ..وهاي انت ولدي العود ..عناد فيك بوافق.. • اهني عبدالله انقهر من كلام ابوه وطلع من الغرفه ومن المستشفى بعد وراح البيت.. • الحين الساعه 12 الظهر بالمستشفى ..انطق باب غرفه لولوه: طق .. طق .. طق.. بو عبدالله: تفضل.. الممرضه: السلام عليكم.. الكل: وعليكم السلام.. الممرضه(بأبتسامه): لو سمحتوا انتهى وقت الزياره ممكن تروحون وتردون بأوقات الزياره.. بو عبدالله: خير انشالله يابنتي.. الممرضه: عن اذنكم.. الكل: اذنج معاج.. بو عبدالله: يلا يابنتي احنا ماشيين تامريني على شي؟ لولوه(بأبتسامه): لا يبا سلامتكم.. بو عبدالله : الله يسلمج .. الكل: يلا مع السلامه.. لولوه: مع السلامه.. اهني الكل طلع من الغرفه.. ماعدا عيسى .. عيسى(بأبتسامه): تطمني يا لولوه علي بيكون لج يعني لج ومحد راح يمنعج دامي واقف معاج.. لولوه(بأبتسامه): انشالله ياعيسى.. الله كريم.. عيسى: يلا انا الحين بروح.. تحملي بروحج.. لولوه(بأبتسامه خفيفه): اوكي.. وانت بعد.. عيسى: انشالله.. بس عاد خل اروح باي.. لولوه: باي.. • اهني طلع عيسى من الغرفه.. اما لولوه اهني تسطحت ع السرير.. • بغرفه الدكتور.. عند الدكتور وعيسى.. عيسى: السلام عليكم.. الدكتور: عليكم السلام.. عيسى : والله يادكتور مسامحه ع الازعاج بس حبيت اعرف عن وضع اختي لولوه.. الدكتور: والله يا اخوي مثل ماقلت لكم.. كان صايدها انهيار عصبي.. بس الحين اهيا بخير.. عيسى: الحمدالله: يعني ممكن يصيدها هالشي مره ثانيه ولا لاء؟ الدكتور: أي ياخوي احتمال اذا شي ضايقها او ياتها صدمه يرد لها الانهيار.. واحنا هالمره قدرنا نسوي اللي علينا بس المره اليايه لاقدر الله ماندري شراح يصير.. عيسى: خير انشالله.. والحين يادكتور متى نقدر نطلعها من المستشفى.. الدكتور: باجر انشالله.. بس لازم تحاسبون عليها وماتزعلونها .. والا الانهيار بيرد لها مره ثانيه.. عيسى: انشالله.. يلا الحين انا استأذن.. واسمح لي خذت من وقتك.. الدكتور: لا شدعوه هاي واجبي.. عيسى: اوكي يلا ومشكور مره ثانيه.. الدكتور: لاشكر على واجب.. عيسى: يلا مع السلامه.. الدكتور: الله يسلمك.. في بيت بو محمد الساعه (2) ونص الظهر..و بالتحديد بغرفه علي.. علي: وينج يا لولوه وينج.. رحت ورديت من الشركه وانتي للحين ماتردين مو من عوايدج..اكيد لولوه فيها شي.. والله لو يصير حق لولوه شي اموت..آهـ اكيد اهلها ماوافقوا.. • في بيت بو عبدالله الساعه ثلاث ونص الظهر بالتحديد بغرفه لولوه... يرن جوال لولوه اللي كان مقطوط ع الارض: صدفه ومن بين... وطبعا المتصل كان علي.. بس مافي فايده هم لولوه ماردت عليه لانها بالمستشفى.. • اما في بيت بو محمد وبالتحديد عند باب غرفه علي كان خالد رايح حق علي ..وطق خالد الباب: طق طق طق.. علي: من؟ خالد: انا خلود.. علي: ادخل تعال.. خالد: فتح الباب ةدخل وسكر الباب وراه وراح قعد عند علي.. خالد: علاوي.. شفيك؟ علي (بصوت مخنوق): ولا شي.. خالد: يه شنو ولا شي قول لي شصاير ؟ ولا بتخش علي؟ علي(بصوت مخنوق): لولوه ياخالد لولوه.. خالد(وعيونه اربع اربع): لولوه ؟ شفيها؟ علي(بصوت مخنوق): مادري.. خالد(بأستغراب): ماتدري؟ يه شسالفه؟ مضايق نفسك ومن مساعه لولوه ولولوه.. والحين ماتدري ؟ يعني شنو ماتدري؟ * اهني لأول مره .. نزلت دمعه علي على خده بحرقه لاشعوريا منه..بدون مايحس.. • توهـ علي بيتكلم الا جاسم يبطل الباب ويدخل .. جاسم(يزعم ينكت): علووي شصاير؟ منو متوفي؟ خالد: جسووم.. وقتك الحين.. جاسم: أي وانا صاج اللي يشوف حالته هلون ليش يعني شفيه؟ اكيد في حد متوفي عنده.. • اهني علي انقهر من كلام اخوه جاسم.. علي(بعصبيه): اطلع براااااااااااا. جاسم(بأستهزاء): وي اعصابك علووي .. • اهني جاسم ثقيل الدم طلع من الغرفه وسكر الباب وراح.. خلونا بغرفه علي.. خالد: علي لاتزعل من جسوم .. انت تعرفه اكثر مني .. علي(بصوت مخنوق): أي ادري ما كان قصده ..بس انا اللي زودتها عصبت عليه وطردته من غرفتي.. مهما يكون اهو اخونا العود.. خالد: الحين خلنا من جسوم وقول لي شفيها لولوه؟ ولا بتخش علي ؟ تراا انا بعد اخوك العود ولا نسيت؟ علي(بصوت مخنوق وضيق صدر): مادري بس من رحت تقدمت لها لليوم اتصل ما ترد علي و لا اتصلت ولا حتى سوت مسكول ..قول لي شسوي؟ يمكن اهلها ماوافقوا ؟ واهيا مستحيه تقول لي.. خالد: اذا مثل ماتقول خذ اتصل من جوالي.. بتشوفه رقم غريب بترد.. علي: أي صج انا ليش مافكرت فيها من امس.. * في بيت بو عبدالله وبالتحديد عند باب غرفه لولوه ..كانت نور طايفه صوب الغرفه الا تسمع الجوال يرن: صدفه ومن بين.... • فتحت نور باب غرفه لولوه بترد ع الجوال.. الا انقطع ..راحت نور خذت الجوال ولقت الرقم رقم غريب من دون ماتدقق فيه عدل.. توها حطت الجوال بتطلع.. الا يرن الجوال مره ثانيه ..خذت الجوال طالعت المتصل منو.. كان مكتوب اسم المتصل طبعا ... • علي لما اتصل من رقم اخوه شاف ان مافي فايده اتصل من رقمه .. • خذت نور الجوال عشان ترد شافت الاسم ..( علياء يتصل).. يعني علي يتصل بس لولوه ..مسميته بالجوال علياء.. نور: الوو.. علي: الوو. • اهني نور لما سمعت صوت صبي استغربت فالبدايه.. نور(بأستغراب): مــن ؟ علي: انتي اكيد نور؟ نور(مبطله عينها اربع اربع): امبلا.. مــن؟ علي: انا علي ..ممكن اكلم لولوه.. نور: اييي. بس لولوه الحين بالمستشفى.. علي(بخوف): شنو؟ لولوه بالمستشفى؟ من متى ؟ ليش؟ نور: اليوم الصبح وديناها المستشفى.. علي(بخوف): ليش؟ شفيها؟ نور: لولوه صادها انهيار عصبي.. علي(يتكلم بصوت متقطع والدمعه بعينه): لو لو .. لولوه صادها انهياااا..انهيار عصبي؟ ليش من شنو؟ نور: بصراحه ابوي وعبدالله مو مواقين عليك.. واهيا ماقدرت تتحمل انها ممكن تكون لواحد غيرك.. من جذي صادها انهيار عصبي..علي لاتترك لولوه.. علي: شتقولين يانور مااترك لولوه..لولوه روحي لولوه نصي الثاني مااتركها.. اكيد ما راح اتركها انا بدومها اموت.. نور)ساكته): علي: والحين لولوه شخبارها؟ نور: لا تخاف انشالله باجر بتطلع والحين اهيا وايد احسن.. • بس نور المسكينه ماتدري ان ابوها وافق عن علي.. عشان تطمن علي. علي: الحمد الله ..انا الحين بروح لها.. نور: لا الحين اكيد ابوي و اخواني عندها.. اذا رحت بتصير سالفه.. علي: اللي بيسوونه خلهم يسوونه اهم شي اجوف لولوه واتطمن عليها يلا باي.. نور: باي.. • اما علي طلع من البيت وركب سيارته وحرك من صوب البيت رايح المستشفى.. • وصل علي المستشفى.. وراح سأل عن الغرفه اللي فيها لولوه .وراح طق الباب: طق..طق..طق.. لولوه: مـــن؟ علي: انــا.. لولوه لما سمعت صوت ريال مو صوت ابوها ولا واحد من اخوانها لبست شيلتها وقالت.. لولوه: اتفضل.. علي فتح الباب ودخل وسكر الباب وراح عند لولوه.. علي( الدمعه بعينه): لولوه حبيبتي لاتخافين انا معاج وماراح اتخلى عنج .. لولوه(الدمعه على خدها): علي احبك.. علي: ليش يالولوه.. ليش تسوين بروحج جذي مافي شي يستاهل دمعه من عينج.. لولوه: انت ياعلي تستاهل كل شي املكه تستاهل دموعي وقلبي وروحي وكل شي.. علي: بس يالولوه مابي مره ثانيه اسمع انج بالمستشفى بسببي.. لولوه(بأبتسامه): انشالله... * لولوه من فرحتها يوم جافت علي نست تقول له ان اهلها وافقوا.. • توهـ علي بيقول حق لولوه لاتخافين اهلج مردهم بيوافقون لانهم يحبونج بس رنه جواله قاطعته: خذني بساط الريح.... علي: الوو.. خالد: علي ابوي يبيك ضروري.. علي: خير شصاير؟؟ خالد: مادري بس شكله معصب انت شمسوي ؟؟ علي: ماسويت شي.. الحين انا ياي.. خالد: أي واللي يسلمك يلا باي.. علي: باي.. * علي بعد ماسكر الجوال قال حق لولوه.. علي: لولوه حبي انا الحين لازم اروح اوكي .. لولوه: اوكي.. علي: يلا عمري تحملي بروحج.. لولوه: وانت بعد .. علي: انشالله .. يلا باي.. لولوه: باي... • في بيت بو محمد كان الجو عندهم فالبيت متكهرب حدهـ.. وقت وصول علي البيت.. دخل علي البيت والكل قاعد ينتظره.. اهني علي مات من الخوف وحس ان صايره مصيبه.. وحس انه مسوي شي من دووون مايقصد.. علي: خـ خـ خير يبا ؟ بو محمد: اتصل فيني بو عبدالله.. • معقوله يكون بو عبد الله عرف عن روحة علي لـ لولوه المستشفى وقال حق ابوهـ عنه ؟ ولا شصاير ؟ كملوا وبتعرفون .. علي( بخوف): أي.. بو محمد(بأبتسامه): شنو أي؟ اخيرا وافقوا بتتزوج اللي تحبها يا ولدي.. مبروك .. الكل قام يبارك حق علي .. وعلي مومصدق والفرحه موشايلته.. علي(طاير من الوناسه والارض موشايلته): الله يبارك فيكم .. يرن جواله: خذني بساط الريح.. المتصله كانت لولوه... علي : هلا والله بزوجه المستقبل.. لولوه(تضحك بخجل): زوجه مره وحده.. علي(يضحك): .... لولوه: نسيت اقول لك ان اهلي وافقووا.. علي: ههه.. معليش حبي.. علي: سمعي انا الحين بسكر اوكي وبحاجيج بعدين.. لولوه: اوكي يلا مع السلامه.. علي: الله يسلمج... • بجذي نكون خلصنا الجزء الثالث .. انتظرونا فالجزء الرابع ترااا حدهـ خطييير.. اهل لولوه وافقووا.. وكل شي صار مثل ماكانوا يتمنون .. بس ياترى راح يصير شي ويخرب وناستهم ولا لاء؟؟ شراح يصير بحياتهم ؟ شلون بتمشي امورهم؟ بتيم علي يحب لولوه بعد الزواج اذا تزوجوا ؟ ولا بتتغير مشاعره اتجاهها ؟ وشنو راح يكون مصير باقي ابطالنا.. اكيد بنعرف كل هاي بس بالاجزاء اليايه... انتظروووووونااااااااا.. . .. .. . .. . نهايه الجزء الثالث..

اعذرونـــــــــــــي تأخـــــــــــرت عليكــــم بس انشالله.. راح ينزل الجزء الثالث..

بسم الله الرحمن الرحيم السلام.. شحالكم..انشاالله بخيير.. اممم المهم ... حبيت احط لكم قصه بعنوان [ اســـيـر الاحـــزاان ] واهيا من كتاباتي وتأليفي وهالقصه من بداياتي يعني آبي ارائكم وتشجيعكم اذا عجبتكم القصه ..... وعند النقل الرجاء ذكر المصدر مع اسم الكاتبه (▓ღGadeeRღ▓) لي اهيا انا لووول.. لكم القصه... اســـــــــير الاحزااااااان $الجزء الأول: صدفة ومن بين كل الناس علقني من يوم شفته... *طبعا هاي رنه الجوال: لولوه: هلا و الله.. علي:هلا شخبارج حبي؟ لولوه:بخير أنت شخبارك؟ علي:بخير دامج بخير.. لولوه: دوم أنشاء الله .. علي: سمعي حبي كلمي أبوج وقولي له أن أحنا باجر بعد صلاة العشا بنييكم.. لولوه(بخجل):أوكي يلا باي.. علي:باي.. *أهني لولوه طارت من الو ناسه لأن اللي تحبه راح بخطبها... *أهني لولوه راحت غرفه أختها (نور) وطقت الباب : نور:من عند الباب؟ لولوه:أنا لولوه. نور:دشي الباب مفتوح.. *دخلت لولوه الغرفة وسكرت الباب ورآها... لولوه: نوروا باركي لي.. نور(بثقاله دم وبدون نفس): على شنوه؟ لولوه:علوي حبيبي وي فديته أتصل وقال أنه باجر بيي مع أهله يكلم أبوي.. نور (بفرح):صج؟ألف ألف ألف مبروك.. لولوه (بخجل مصطنع):الله يبارك فيج. نور: عدال يالخجولة.. (تقول في نفسها): آه أنا نصيبي متى أوف.. لولوه: تتوقعين أبوي يوافق؟ نور:اممم يمكن أي ويمكن لا.. لولوه(بعصبيه مصطنعه): أوف يعني يمكن ما يوافق.. نور: مادري بس علي أنا أشوفه اوكي لأنه يشتغل و أبوه عنده أملاك وما عليه قصور.. لولوه(تتنهد بشده): قولي أنشاء الله يوافق. نور:أنشاء الله.. *أما في بيت بو محمد وبالتحديد بالصالة: بومحمد: هايايبا كلمتها؟ علي(بفرح): أي يبا كلمتها .. بومحمد(بشبه عصبيه ): اشفيك انت جذي اثقل شوي.. علي(بدلع يهال مصطنع): شنو.شقلت انا . *رجعنا بيت بوعبدالله وبالتحديد بغرفه بوعبدالله... بوعبدالله: خير يابنتي..؟ لولوه (بخجل): في واحد يبي ايي باجر مع اهله عشان يخطبوني.. بوعبدالله: عساه ولد عايله وناس معروفه .. لولوه: أي يبا .. (تقول في قلبها ): لاتخاف عندهم فلوس. بوعبدالله : ماعلينا متى اهم بيون يابنيتي؟ لولوه :باجر بعد صلاه العشا.. بوعبدالله: انشالله خير يابنتي.. ننتظرهم باجر بعد صلاة العشا مثل ماقالوا .. لولوه: انشالله يبا ..عن اذنك .. بوعبدالله: اذنج معاج.. • بيت بو محمد وبالتحديد بغرفه ساره اخت علي 00 ساره(طايره من الوناسه): صج يما اخوي علوي بيخطب؟ ايه عليه الااااي وناسه.. ام محمد: أي صج.شفيج انتي موصاحيه اخوج الي بيخطب موب يايين يخطبونج..الحمدالله والشكر.. ساره(بدلع يهال): يه مايصير نستانس يعني.. ام محمد: يصير تستانسين بس مو تستخفين علينا جذي.. * بيت بو عبدالله وبالتحديد بغرفه نور اللي كانت قاعده ع طرف السرير وتحوس بجوالها ... • لقى غيري ولاهمه .... • قالوا نساك وراح قلت... • والله احبك احبك يشهد .. نور: اووف محتاره شنو احط الرنه الحين . عيسى بدون مايطق الباب على نور ..فتح الباب بقله ادب ودخل الغرفه .. عيسى: صج بيون يخطبون لولو؟ نوروي يما خرعتني جذي احد يبطل الباب عنبوا ماتعرف تطقه قبل لاتدخل .؟ عيسى(بضحكه مصطنعه): هاهاها لا ماعرف. نور(بغرور وعصبيه مصطنعه): ههه بايخ ولاحدك سخيف بعد.. توه عيسى بيرد على كلام نور الا يقاطعه رنه جواله.. جواله: عسى مايوحشك غالي... عيسى(واهو رايح غرفته ): هلا والله اهني راح قعد ع الكرسي ..بغرفته. محمود: هلا فيك ..اشرايك اليوم نطلع ؟ عيسى: لاحبيبي سوري بس اليوم مشغول حدي ماقدر . محمود: اوكي عيل نخليها باجر ؟ عيسى:لا والله حتى باجر مابقدر لان بيون يخطبون اختي .. محمود: عيل مت اشوفك ؟ عيسى: اممم مادري والله .بس اكيد من اليوم ليباجر بينا الوو. محمود: اوكي عيل اخليك يلا باي.. عيسى: بااياات. بيت بو محمد وبالتحديد بالحديقه عند علي اللي كان قاعد ع المرجحانه ويطالع السما يفكر بحبيبه القلب "لولوه".. وفجأه .تجيه اخته ساره وتخرعه.. ساره (كأنها متخرعه): علوووووي مبرووووك. علي (واهو يضحك ع خفيف): ههه. الله يبارك فيج ..عقبالج.. توها ساره بتتشقق من الوناسه الا علي يقاطعها ابتسامتها.. علي: بس انتي توج صغيره عقبالج ماتخلصين الثنويه مو عقبال الزواج. ساره(بضحكه مصطنعه من الفشيله): هاها .. عن اذنك بروح غرفتي.. علي(بغشمره): اذنج معاج؟ ساره(بغشمره): لاتخاف معاي .. اهني رن جوال علي: خذني بساط الريح وديني.... وعلي كان حده مستانس.. طبعا عرفتوا من المتصل ..اكيد حبيبه القلب لولوه.. علي: الو ..هلا الحب.. لولوه(بخجل): هه. كلمت ابوي واهو ينتظركم باجر مثل ماقلت بعد صلاه العشا . علي: اوكي يانظر عيني..عاد انشالله يوافق .. لولوه(بخجل): انشالله.. لولوه: اوكي انا الحين لازم اسكر.. علي: اوكي براحتج حياتي.. لولوه(بخجل): تحمل بروحك.. علي: انشالله .. تحملي بروحج حياتي. لولوه(بخجل): اوكي0. يلا مع السلامه. علي : مع السلامه .. / / / / / / ياترى شراح يصير اهل لولوه بيوافقون على علي ولا لاء؟ راح تستقر حياتهم ولاوشو راح يصادفهم ؟ وشو مصيرهم ؟ وشو راح يكون مصير بطلتنا نور؟ اكيد بتعرفون كل شي بس بالاجزاء اليايه ... ترقبوا الاجزاء.. الجزء الثاني (2)... بيت بو عبدالله وبالتحديد بالصاله وكانوا الاهل كلهم موجودين..(بوعبدالله- ام عبدالله- عبدالله- عيسى- احمد – لولوه – نور)... بوعبدالله: سمعوني ياعيال .باجر بعد صلاة العشا ابيكم كلكم تكونون موجودين.. عبدالله: ليش يبا ؟ عيسى: خبر خير هذا.. ولايدري بالدنيا.. بوعبدالله: باجر بيتقدمون لأختك.. عبدالله (بأستهبال): أي وحده فيهم.. بوعبدالله: اختك لولوه .. عبدالله (في راسه النومه): اوكي. يلا تصبحون على خير.. الكل: وانت من اهله.. بيت بو محمد كله ظلمه وهدوء والكل راقد... اما علي ..... علي: اوف وينها اليوم مااتصلت الساعه ثنتين للحين ماقالت لي تصبح على خير ..خل ارقد احسن من مااحاجي روحي كأني مينون.. يرن جواله: خذني بساط الريح ...... علي: يس اتصلت.. يرد ع الجوال.. علي: الوو لولوه: الو علي:هلا عمري لولوه: ماقدر اطول الحين بس متصله اقول لك تصبح على خير .. علي: وانتي من اهله.تصبحين ع خير حبي ههه.. لولوه: ههه وانت من اهله ..يلا مع السلامه.. علي: في امان الله وحفظه.. في اليوم الثاني.. من الصبح الساعه ست ..في بيت بوعبدالله بالصاله عند الباب.. بوعبدالله: جهزوا كل شي ..عقب صلاة العشا ابي كل شي جاهز.. ام عبدالله : خلاص انت رووح ولاتحاتي.. بوعبدالله: ولدج عبود ذي للحين راقد قوميه خليه يلحقني الشركه.. ام عبدالله: انشالله .. الحين بقومه وبخليه يلحقك .. بوعبدالله : انزين يلا مع السلامه.. ام عبدالله : مع السلامه.. بيت بومحمد.. بغرفه محمد وسعاد.. سعاد:محمد يلا قوم الحين عمي بيعصب عليك لازم انت تكون بالشركه الحين .. محمد: اوف انزين انزين الحين بقوم.. سعاد: شنو انزين يلاقوم.. محمد (بعصبيه): يشيل اللحاف ويقوم من ع السرير يدخل الحمام بصمت.. سعاد: اوف ياربي هالريال شكثر يحب النوم. بيت بوعبدالله وبالتحديد بغرفه عبدالله.. ام عبدالله : يما عبدالله قووم. عبدالله(بعصبيه): اوف نابي اروح الشركه اليوم .. ام عبدالله: يايما قووم لايعصب علينا ابوك.. عبدالله(بعصبيه): اوف الواحد مايرتاح ..ولايتهنى بنومته.. ام عبدالله: يلا يما قوم بسرعه.. عبدالله (بعصبيه): يشيل اللحاف ويدخل الحمام وهو يتحلطم مع روحه .. في بيت بو محمد وبالتحديد بغرفه علي.. يرن جواله: خذني بساط الريح ... علي: الوو.. لولوه: عسى بس ماازعجيتك؟ علي: لاافا عليج شهالحجي يا لولوه ..انتي تزعجيني؟ لولوه: انزين عيل ..صباح الخير.. علي: صباح الورد والفل والياسمين.. لولوه: مابتروح الشركه اليوم ؟ علي: لا اليوم ماخذ اجازه.. لولوه: آهـ.. اوكي عيل اخليك تنام دامك ماخذ اجازه.. علي: لاعادي شدعوه.. لولوه: لاصج دامك ماخذ اجازه اكيد تبي تنام .. علي: براحتج حبي.. لولوه: اوكي باي.. علي: بااياات.. في بيت بوعبدالله وبالتحديد بغرفه احمد.. الساعه 12 الظهر واهو راقد.. رن جواله : افا ياقلب تخدعني وانا ساقيك ماي عيني..... احمد: الوووو امل: الووو احمد: هلاوالله حبي. امل: هلا فيك.. رااقد.. احمد: أي.. امل: اوكي. عيل اخليك ترقد بعدين بتصل .. توهـ احمد بيقول لاعادي.. لكن ياهـ خط ثاني.. احمد: اوكي اموله الحين بسكر لان ابوي متصل اوكي.. امل : اوكي باي.. احمد: باي.. احمد يصك التلفون من امل ويرد من صوب ثاني للخط اللي يقول انه ابوهـ.. احمد: هلا والله .. مريم: هلا فيك.. احمد: شلونج حبي.. ونفس سالفه امل مع مريم وغيرها .. طبعا عرفتوا احمد.. لعوبي .. يحاجي الف بنيه.. في بيت بوعبدالله بعد صلاة العشا الساعه ثمان ونص وبالتحديد بالميلس عند الريايل.. بوعبدالله: حيا الله من يانا. بومحمد: الله يحيك ..عموما ياخوي يابو عبدالله مثل ماانت عارف احنا ليش يايينكم اليوم.. بوعبدالله: أي نعم ياخوي.. بومحمد: طبعا يايين انخطب بنتكم لولوه لولدنا علي.. بوعبدالله: والله والنعم فيكم.. بو محمد: ها يا بو عبدالله ؟ اشرايك ؟ بوعبدالله: والله من ناحيتي انا ماعندي مانع.. عبدالله : يبا.. بوعبدالله: بس مثل ما انت عارف الاصول الاصول ..احنا لازم نجوف راي البنت واخوانها.. وانشالله خمسه ايام بالكثير وبنرد عليكم خبر.. بومحمد: خير انشالله.. علي(بصوت واطي): يبا مب كأنه خمسه ايام وايد.. بومحمد(بصوت واطي): لاوايد ولاشي بس انت اسكت.. بومحمد: وكل الي تطلبونه احنا موافقين عليه قبل لانسمعه.. بوعبدالله: لاياخوي احنا نشتري الريال مانشتري فلوسه.. في بيت بو محمد وبالتحديد بالصاله الساعه (11) الليل من بعد مارجعوا من بيت بو عبدالله .. بومحمد: امبين عليهم ناس طيبين واياويد.. ام محمد: أي واللع والبنت ماشالله عليها ادب واخلاق وجمال ماشالله عليها صج جميله.. بدور : يلا نواف يما ابوك ياي بالطريج.. نواف: انثين (انزين).. يرن جوال بدور: بعيد انت وبعيد النوم وملت .... بدور(تتكلم في الجوال): الوو. اوكي الحين يايين ..يلاباي. بدور: يلا تصبحون على خير ..سعود براا ينتظرني.. مع السلامه.. الكل: الله يسلمج.. في بيت بوعبدالله بالصاله الساعه 12 ونص ..بعد منتصف الليل.. ام عبدالله: امبين عليهم ناس سنعين .. بوعبدالله: أي. اهم شي عندهم فلوس ومن مستوانا..بس هاي الي اسمه علي ماعجبني كلش حسيته ثقيل دم.. عيسى: بالعكس يبا .. وبعدين احنا شلنا بدمه ثقيل ولا خفيف.. احمد: انا بعد يبا رايي منراي عيسى علي بالعكس وايد طيب وحليو.. عبدالله: وووع الا بايخ.. ومايناسب حق لولوه كلش..يبا رفضوا احسن.. بوعبدالله: انا بعد اقول جذي يمكن لارفضناه يجيها واحد احسن منه.. ام عبدالله: خلونا نسأل البنت يمكن عاجبها وتبيه ..يمكن هي مرتاحه له.. بو عبدالله: أي ناديها خل نجوف رايها.. عبدالله: لايبا شنو نجوف رايها دام احنا بنرفضه مب لازم.. عيسى: لاياعبدالله لازم نسأل لولوه اهي اللي بتتزوج مب انت.. عبدالله:عيسووا اذا الكبار يتكلمون اليهال يسكتون.. ام عبدالله: الحين اناديها ولاشنو.. احمد: يبا نادوها وخل تستخير وتجوف ترتاح له ولا لاء.. بو عبدالله: انزين نادوها وخلصونا من هالسالفه.. ام عبدالله: لولوه..لولوه.. تعالي يما.. اهني لولوه يات الصاله ..واهيا منزله راسها واهيا عارفه راح يسألونها عن رايها بـ علي.. لولوه: نعم .. بوعبدالله: يابنتي احنا نبي رايج بـ علي.. لولوه(بخجل): مادري يبا اللي تجوفونه.. عبدالله: خلاص عيل خل نرفضه.. لولوه(تتكلم بسرعه): لا .. بوعبدالله: شنو الي لا؟ لولوه: يبا انا موافقه. صليت استخاره وارتحت له.. عبدالله: بس هاي مايمنع ان احنا نرفصه يمكن اييج واحد احسن منه.. لولوه(بنبرة صوتها الحزن والدمعه بعينها): يبا..يما.. عبدالله.. انا احبه ويحبني.. عبدالله: يالولوه احنا خايفين عليج.. لولوه: تخافون علي من شنو انا احبه واهو يحبني.. عبدالله: شنو هالخرابيط تحبينه ويحبج احنا فالبحرين مب في امريكا.. لولوه(بأستهزاء والدمعه بعينها): ليش الحب مايصير الا بأمريكا.. عبدالله: ماراح تاخذينه يعني ماراح تاخذينه.. لولوه(بنبرة صوتها الحزن والدمعه بعينها): يبا تكلم قول شي تكفى قول لك كلمه ليش ساكت؟ بوعبدالله: يابنتي انا رايي من راي اخوج عبدالله.. لولوه راحت عند ابوها وقعدت على ركبها ومسكت يدينه .. واهيا تصيح ومنهاره ..ليش انها ممكن تخسر علي.. لولوه(واهيا تصيح): يبا ابوس ايدك ابوس ريلك لا ترفضون علي والله انه وايد زين وصدقني انه بيسعدني.. بوعبدالله ما هان عليه يجوف بنته بهالحال.. اهني بوعبدالله مسك لولوه من يدها وقومها من على الارض.. بوعبدالله: خلاص يالولوه الحين روحي نامي وباجر يصير خير.. عبدالله: لا يبا انا الحين بتصل حق بو محمد وبقول له ان احنا مو موافقين .. لولوه(بقهههر): انت ماتحس؟ ماعندك ضمير؟ توها بتكمل كلامها الا يقاطعها صطار عبدالله.. طرااااااااااااااااااااااااااااااااااااااااااااااخ واهو يقول : جـــــــــــــب.. بوعبدالله(بعصبيه): عــــــبد الله شنو هذا ؟ مالي أي احترام ولاكأني ابوك ..تمد يدك على بنتي جداااامي.. عبدالله: انا آسف يبا لك الحشيمه والكرامه بس اهيا استفزتني.. لولوه من بعد الصطار الي خذته من عبدالله راحت غرفتها وقفلت عليها الباب وتمت تصيح..ونور بعد ماحاولت مع لولوه انها تفتح الباب بس مافي فايده ..راحت نور غرفتها ونامت.. والكل راح غرفته عشان ينام.. اما في بيت بو محمد الساعه ثلاث الفييير الكل نايم ماعدا علي اللي كان قاعد يفكر ليش لولوه مااتصلت وهل اهلها بيوافقون او لا ...واذا ما وافقوا شنو راح يصير بحياة لولوه وعلي وشنو راح يكون مصيرهم.. اعرف ان هالجزء طويل وصارت فيه احداث بس اكيد الاجزاء اليايه راح تكون فيها احداث اكثر واحلى.. اكيد راح نعرف مصير لولوه وعلي ومصير باقي ابطالنا.. والاحداث راح تكون اكثر من شيقه.. انتظرونا بالجزء الياي .. \ \ \ \ ابي ردودكم عاد ..لاتحرموني من ردودكم ولا ماراح اكمل باقي الاجزاء لووول..

ثلجه مشويه

كـــــردت ســـــم ســــم .. ديـنــــار .. (( بنت الصايغ )) تــــوقيــــــــــــــــــــــــع (( كوفي مورا )) 10 نــقـــــاط ذهــــبــيـــــــــــــــــة (( خيال طفله )) 5 نــقـــــاط ذهــــبــيـــــــــــــــــة (( عاشقة ريماس# )) 3 نــقـــــاط ذهــــبــيـــــــــــــــــة (( اسحاقي )) 2 نــقـــــاط ذهــــبــيـــــــــــــــــة (( عاشقة مراوي )) 1 نــقـــــاط ذهــــبــيـــــــــــــــــة (( love H girl )) اغنيــــــــة مــــن اختيـــــــاري (( شيخه زويد )) مــــســــــــــــج مــن اختيــــاري (( الاكرم ))

تسلمين حبي اسحاقي وتسلم يمناج ili احلىمس ili استاااهل

في انتظارج