الاصفر

شكرا علئ الطرح الجميل بكل بساطة لمن إلاانسان يكون في محيط ناس ويحس أن محد فاهم له يعطيكم العافيع

السلام عليكم . شكرا على الطرح الحلو اي ممكن واكثر شي انه ممكن يكون ، كفاية وثقتو في بعض بدون ماتجوفون بعض مثلا او انه من الانترنت لا علشان وضع ولا شكل ولا اي شي فيه مادة . يعطيكم العافيه

السلام عليكم. شكرا على الموضوع الشيق والجميل . هل ترون الإنتقام أفضل وسيلة لمداواة الجروح العميقة ورد الاعتبار ؟ لا . أم الطيبة والتسامح تفرض عليك أسلوب أفضل وحضاري ؟ اي . مو في كل وقت. أم ترون كلاهما الانتقام وحل سوء الفهم هما الدواء معا ؟ الانتقام : اني انتقم يعني اتصرف تصرف يسبب لشخص جرح او شي يضره من دون ماافكر فيه او يمديه يتصرف . امها حل سوء الفهم : تفاهم وتحاول واكيد هو الافضل نتفاهم ونصفي القلوب ونطلع حبايب ونضحك ولا جنه شي . يعطيكم العافيه

السلام عليكم شكرا على الموضوع الحلو. طبعا في حدود لكل شي ولازم يكون في حدود واهم شي الي يتعامل معاك او صديقك او كان من يكون يعرف حدوده وتعرف حدودك . انا بالنسبة لي عندي خطوط حمرة وماتنازل عنها ... وعندي قاعدة بتمزح خلك قدها وبين الي اعزهم ويعزوني الزعل مرفوع يعني دام اني مزحت لازم اتحمل وهو لازم يتحمل ... واذا مايتحمل لايمزح ولا بمزح معاه وينتهي موضوع المزح هاي ... طبعا كل واحد وكيفه وطبعي مزوح بس مو مع الكل . يعطيكم العافيه

مرسيدس 560 sec B)

السلام عليكم ... شكرا للطرح الجميل والافضل من رائع الاوليين يتمنون ان يرجع زمنهم نظرا لبساطة العيشة وقربهم من بعض لانه العدد كان اقل من الحين مو شوي بوايد. واذا يتكلم احد من الكبار ويقول انه الجيل فاشل ( جيلنا يعني ) ان كان يقصد انه كـ:اغلبيه اعتماديين واتكاليين اقول له على العين والراس . واذا كان يقول عنه جيل فاشل مجرد يردد كـ:بالبغبغاء حشرة مع الناس عيد ... اقول له الله يستر عليك. وان كان المقصود يطلب بس الحياة وتجمع الاسري الي اغلبه متفكك من حيث اكثر من شي ( اهم شي صلة الارحام)زيارة الاهل والاقارب فـ: اقول له عالجرح ومانفكر انزور احد الا في المقابر من بعد وفاتهم ولا في المناسبات ولي زعلنا نزعل ونقاطع ... هذا عند الاولين موجود بس بنسبة قليلة جدا ... وعدنا في جيلنا الحالي موجود بس بنسبة كبيرة. هاي الي خطر في بالي حاليا. مجرد راي وحروف ... ان عجبتكم على العين والراس وان ماعجبتكم على العين والراس ، فـ: هاي رايي. ويعطيكم العافيه

السلام عليكم ... شكرا لهذا الطرح الجميل . لماذا الناس تغيرت ؟ لانه التغير اساس الحياة في من يتغير ايجابي ( الى الافضل ) وفي من يتغير الى السلبي ( الاسوء طبعا ) - لماذا أصبحت المشاعر الصادقة شيء نادر لو خليت خربت ...يعني تختلف من المقصود المطلوب ماادري فيه بالضبط شنو بس بشكل عام . يعني نفترض بداية العلاقة تكون صادقة وكل شي تمام ومن احسن مايكون مجرد اتمر عليهم مطبه خفيفه تلاقي العلاقة تتدهور ولا جنهم يعرفون بعض ولو بينهم ثار ماحاسبو بعض جي ... اممم , يعني في هالموقف انه المشاعر الصادقة موجودة بس ابتدت بان كل جديد لذيذ يعني ابتدو بنزوة قوية واندفاع شديد لبعض ليمن انهم ملو من بعض وصارو يجوفون عيوب بعض وجي. ياريت انحصل الموقف المطلوب علشان لانتشتت وياكم . لاأنكر أن للمشاعر الصادقة وجود..ولكن عند من ؟؟ اصحاب القلوب الصافيه. لماذا أصبحت المشاعر صفقة رابحة للحصول على مايريدون ؟ لاتعليق. والأسوء أن تكون لعبة .. !!!! ... تدور بذهني تساؤلات كثيرة ... ياريت انحصل الاسئلة بالضبط علشان مانتشتت مثلكم حددو اسئلتكم ماعليكم امر وانا حاظر وبيكون الموضوع افضل واشيق من الوضع الحالي. مجرد راي * لماذا هناك اناس هكذا يحبون التلاعب باحاسيس الغير ؟ مرض يمكن ... * اين تكمن المتعة في ذلك؟ هل في جرح الناس و الاساءة اليهم و تدميرهم نفسيا ؟؟؟ اممم. ماجربت مااعرف بس يمكن من باب الانتقام او الكبرياء واللعبه في ناس تستمتع وتعتبرها هوايه بس بعض الاحيان لازم انه انت تنصح واكثر من مرة شخص عزيز عليك وماتنفع معاه النصيه فـ:تقوم وتحولها الى اساءة يمكن تنفع يعني الاسائة تكون ايجابيه. * هل من المعقول ان تكون مشاعر الناس وسيلة ترفيه لهؤلاء؟؟ ... *ام مجرد انعكاس لحالة قد تعرضوا اليها ويحاولون الانتقام و جعل الكل يعيشون ذلك الاحساس المرير؟ كلام منطقي ... بس مايتطبق على الكل ... في منهم من يسامح وفي منهم الي يحاول انه ينتقم لكن في منهم المريض او انه ينتقم للغير او انه مايبي يطيح نفس غيره... فـ:يختصر الموضوع ويستمر. يعطيكم العافيه

السلام عليكم ...شكرا على الطرح الجميل أيهما تستطيع التعبيروإيصال الفكره بلسانك أم قلمك ؟ على حسب الموقف يعني مثلا عن نفسي انا مااحب اخلي في قلبي شي الي في قلبي على الساني بس في اوضاع واوقات لازم الانسان يكتمها وينتظر الوقت المناسب يعني انه الكتابه حتى لو انه كتب الانسان وعبر عن الي في داخله بيظل بينه وبين نفسه او بين اشخاص معينين وعلى حسب من بيجوف الكلام طبعا انا في رايي مع احترامي للكل بس مااعتبرها من باب الشجاعة بس اجوف انها جرأة انه الواحد يمشي في الدنيا كاش باي كش وقليل هالناس والسموحه يعطيكم العافيه

السلام عليكم ...اولا شكرا على الموضوع الحو والشيق هل كلام الناس يلعب دور في حياتك؟؟ والــى مدى يوثر كلام الناس عليك ؟؟ ياثر علي 100% اذا كان في الصح اما اذا كان في غير الصح ولا يهزني وهل من الممكن ان تتخلى عن اهداف وضعتها امامك بسبب الخوف من كلام الناس؟؟ طبعا لا اذا كانت تتماشى مع الوضع الي وصلنا له وهل النااااس ستتحدث سواء كان فعلنا خطأ ام صوااب؟؟ اذا كان خطا اكيد بيتكلمون واذا كان صح احتمال يتكلمون خصوصا الي من حولي ...لكن ( ان الناقد لبصير ) يعني الناس تجوف عيوب غيرها ماتجوف عيوبها او ماتحس في الغلط الي يسونه هل كلام الناس يشكل عقبه نخشاها جميعا؟؟ يمكن لانه عايشين مع الناس وشي طبيعي لازم نحاسب للناس مو في كل شي هل نهمل كلام النااس ولا نهتم به من باب رضى الناس غاية لاتدرك؟؟ هـ‘ـع ... كلام سهل انقوله بس لو بنلاحظ ترانه انحاسب من وعلى كلام الناس ككونه احنا من الناس هل اصبح النااس يبحثون عن فريستهم للتحدث به؟؟ يمكن بس اعتقد انها غيبه والسموحه عالاطاله ويعطيكم العافيه

السلام عليكم ... مستعدين لبناء جميع أنواع المنازل وصيانة عامة صباغة سباكة نجارة ترميم بلاط المنيوم وديكورات قديمه ( تعتيق ) الرسم على الجدران ( حسب الطلب) وكل تتمناه تجده لدينا للتواصل بومحمد 36366599

السلام عليكم ... طبعاً انا اليوم كاتب لكم موضوع عن المرور وراح نتناقش فيه وبشروط وقبل الموضوع الشروط هي : 1- مايجوز انك تطعن في اي شخصيه سواء كانت فوق ولا تحت ولا تذكر اسامي ولا اشكال. 2- نتناقش في السلبيات والايجابيات. 3- والي عنده مواقف ويبي يقولها يقولها بكل صراحه من دون بهارات. موضوع النقاش ... هم حدين الايجابي والسلبي. الايجابي : طبعاً احنا ماننسى فضلهم في تنظيم حركة السير وضبطها وفضل الجهه المسؤوله عن تطوير واقتراح تعديل وتشيد الشوارع والخ... من مدراء الى العمال يعطيهم العافيه. انا اختصرت الايجابيات لاني بزودها في السلبيات طبعاً انا راح اتكلم عن السلبيات مااراح اشمل الكل بس اتكلم عن البعض عسى الله يصلحهم انا راح اكتبها على طريق مواقف وانتوا تقدرون تتناقشون عن المواقف او عن اي شي يخص الجزئيات المذكورة او حتى الغير مذكورة. - مثلا المرور الي على باله انه الشارع ملك له ( خخخخ ) يعني اغلبهم يتكلمون من خشمهم ويمشي الي يعجبه ويوقف الي مايعجبه>====== مشكله عوده لو كل واحد اشترو له شارع خخخ - مثلاً لو انا خالفت من دون حزام الامان ولا نسيت الانارة ولا شي من هالاشياء وجل من لايسهوا ... الحوار راح يكون شلون ؟ . . . انا اقول لكم ... راح توقف سيارتي خلف سيارة المرور وراح ننزل اثنينه . السلام عليكم يمكن يرد السلام ويمكن مايرده خخخ ( السلام لله ورسوله ( ص) ماراح يعطيك جانس على طول راح يقول لك الليسن والبيمه والملكيه انا راح اسال انا شسويت يرد يعيدهم جنه شريط ومن خشمه راح يتكلم طبعاً >= جنه صايد مخدرات خخخ المهم اعطيهم اياه وفي طريجين يا انه يمشيني او يخالفني وفي الحالتين المنه علي خخخ ... طبعاً في مواقف وايد وراح اتعب وانا اكتب ... والسموحه عل الاطاله يعطيكم العافيه

تسلم اخوي على ردك الجميل وطعباً هذي امنيه نتمناها وانشاءالله يصير خير والله كريم... شكرا اختي على ردج يعطيكم العافيه

ثنكسو عل الموضوع الحلو الواقعي وموضع تكرار في هالايام... اممممم... طبعاً لازم اخذ نفس طويل قبل لا اتكلم في الموضوع هاي خخخ واحد م الصبيان ماصار له شي من تزوج تقريباً 3 شهور . . . وزوجته الله يهديها اذا المشخال يخر وايد فهي اكثر ... ههه طبعاً انا ويه رفيجي وايد كلوووووووووز يعني اكثر من اخوان عل الحلوة والمرة المهم يقول لي انه اي شي يدور بينهم يوصلهم بالضبط من دون نقصان بس زياده مو مشكله واي شي يصير في بيتنا يروح لهم .. يقول لي شسوي تعبت وكل ماكلمها يافلانه عيب الي تسوينه الزواج سريه الزواج يربط بين اثنين والي يهمني يهمج والي يخصني يخصج ومن هالكلام يحاول يقنع فيها بس البنت مالها حل اتوصل الكلام حتى بالمسجات ... يقول فتح تلفونها بالغلط كان داز بلوتوث وحركات جذي الا امها امطرشه لها انزين جان سويتي له جذي وقلتي له جذي رجع على المرسله الا طلع الاخت اتوصل اول باول ولا والقهر انها تاخذ التوجيهات من اهلها الي المفروض يعلمونها انه هاي غلط والريال تعبان نفسياً لانه شريكه حياته بخوره ... ولي درجه انه قعد مع اهلها وكلمهم في الموضوع ولصقوه بالكلام ومشوه ... والمشكله يقول لي رفيجي انه الي بينهم اكثر من زواج انه الي بينهم وبين بعض انه زوجته حامل الحين يعني عياله شبيصير فيهم اذا طلعوا على امهم خخخ... هاي اقتباس من الواقع ... والسموحه عل التطويل ... يعطيكم العافيه

الله يكون في عونكم يالاخت الكريمة ... انشاءالله انحلت وماعليكم شر انشاءالله ومايصيبكم من بلاء فهو ليس الا بأمتحان من الله عز وجل ليختبر فيه ايمانكم وصبركم. وبالنسبه عن المستشفيات حدث ولا حرج وانا ترى صار لي سنين واجوف اشياء ماينسكت عنها بس مانقدر انقول الا الله كريم ... وهذه ماينفي انه لازم يكون في رقابه عدله على الدكاتره وغيرهم من موظفين ومشكلة الواسطات والدعايات وانه في ناس الله يهديهم مايشتغلون بذمه وضمير ولا يحللون رواتبهم ... الله يهديهم ودلهم على السراط المستقيم... ويعطيكم العافيه

مشكورة على مشاركتج الخفيفه اختي كويتية للابد حيالله اهل الكويت حبايبنه واخوانه... انا اتكلم عن البحرين لاني عايش فيها بس انتي بمشاركتج خليتنا انعرف عن الموجود بالكويت الحبيبه ... طبعاً احنا موضوعنه عن الاجراءات والشكليات الي يتبعونه هل معقده عندكم وهل اهناك الواسطات ماشيه في المستشفيات وهل عندكم دكاترة او موظفين يشتغلون من دون ذمه وضمير ؟ . . . يعطيكم العافيه

شكراً عل الموضوع الحساس يا مس فطومه... الموضوع هذا يرجع على التربيه اولاً ... والمشكله في ناس متربين بس هم عندهم السالفه عاديه ... البنت الي تتحجب علشان ابوها قال لها او امها او اي حد يقرب لها اكبر منها من دون مايفهمها معناة الحجاب ليش >==== اهو الغلطان الاساسي وبعدين نقدر انقول البنت اهي غلطانه ولا ولد الخاله الي مايحس برجولته او اي شي من هالكلام... لانه الواحد اذا بيتعلم على شي مايعرفه المفروض يتعلم عليه عدل وكامل وعلى اصوله علشان يقدر يستعمله من دون نقصان فيه ويكون مقتنع فيه واذا ماكان باسلوب حضاري يعني بالطيب يكون باساليب ثانيه ... ويعطيكم العافيه

مشكورة على الرد... انا عندي تعليق عن معاشاتهم ... انا اعتقد انه الواحد ليمن يكون مو مرتاح من معاشه يقدر يغير مكان شغله او انه يفتح له عياده بروحه فـ : البعض منهم يشتغل دكتور في السلمانيه مثلاً وعنده عيادة خاصه واذا دش عليه احد يقول له اهني ماراح اتحصل فايده تعال العيادة الفلانيه عندي وماراح يكلفك شي بس انا عندي العياده امجهزة حق جذي وجذي ... شدعوى يالحبيب انت بتيب اجهزة واغراض احسن من الحكومه ؟. . . في بعض الاحيان يكون الجواب ... اي ( نعم ) يعني الاشخاص المكلفين عن شراء هذه الاجهزة يتعاملون مع جهة معينه ولهم نسبه معينه او اي شي من هالكلام >======= الله العالم... انا دشيت عيادة اسنان مركز صحي قال انه ابرة البنج امخلصه .... هههه هاي كلام وحشوى دايمه ماعنده لازم اتروح المكان الرئيسي شدعوى اهي وش بتفرق لو صرفوا هالحشوى حق المركز الصحي علشان يخففون الضغط عن المكان الفلاني ... ليش الدكتور الي في المركز الصحي مو مأهل حق انه يحط الحشوى الدايمه خخخخ ... واذا فيهم فرق طبعاً خل احد يفهمني او يقول لي علشان يوضح البس الي عندي... هذي عن مكان معين او شي معين ... والله يستر على الباقي خخخ... ويعطيكم العافيه

اشكرك يا برشلوني حتى النخاع على ردك وترحيبك يالغالي >======= تراني ماتوقعت انه في ناس ليمن الحين يذكروني خخخخ احم احم ... اجر وعافيه لو انها يات متأخرة... هذي مشكله من المشاكل الي يتعرضون لها المرضى الله يكون في عون الكل انشاءالله ، اما بالنسبة عن حالتك انا بسالك جم سؤال ... انت لو كنت ضعيف مادياً او انك ماتقدر اتروح مستشفى خاص لأي سبب ان كان شنو تقدر اتسوي في وقتها ؟ ... وبالنسبه عن ملاحظتك عن الاطباء انهم يايين ايحللون معاشاتهم وبيمشون وتفكيرهم مب في الشغل هاي اهون من انه ولا على بالى شي يعني لاتحليل معاش ولا همك الله... انا املاحظ غرفه مكتوب عليها والله ماتذكر بالضبط بس انه يعني المسؤول ماعمري جفت اليت مالها يشتغل في المستشفيين الحكوميين ليشششش؟؟؟؟ وعن الشرطه : لاتفكر انه الشرطة موجودين علشان ينظمون شيء او انهم يسوون شي معين... تراهم محدودين بمسؤوليات معينه مثلاً الي عند الطوارئ يكون انه مايدخل اكثر من مرافق مع المريض او انه يحافظ على الهدوء والنظام في القاعه الي هو فيها مثلاً ... انا مااتهم جهة معينه من الناس ولا من المستشفيات انهم مقصرين انا اتكلم عن الي مايشتغلون بذمه وضمير ... اعتقد انهم مايدرون انهم كما تدين تدان ... انا جفت موقف يوم من الايام في طوارئ السلمانيه عن وحده تشتغل نرس او ممرضه في طوارئ السلمانيه واذكر في هاليوم انا كنت شايل واحد من فريجنا كان امسوي حادث وكانو ينطرون الاسعاف انا وصلت بعد الحادث بوقت قصير ونطرت تقريباً ربع ساعه معاهم وليمن الحين ماوصل الاسعاف فخذيته ورحت فيه السلمانيه على طول ويوم وصلت السلمانيه اتصلوا فيني الصبيان وقالوا الاسعاف وصل ويسال عنكم قلت له يقول لهم صبحكم الله بالخير خخخ المهم نرجع حق الممرضه ... طبعاً اذا شخص امسوي حادث سيارة شي طبيعي انك اتسوي له فحوصات كامله من تحاليل واشعه وغيره وهاي شي معروف ... طبعاً كان زحمه >===== وهو امتى صار فاضي خخخ تمينا ننطر اكثر من نص ساعه والصبي مايقدر يتحرك ومن الالم يون انا جفت الممرضة جان رحت ولصقت علشان اني اكلمها عربي وقلت يمكن اتمشينه >====== يازعم واسطه خخخ المهم جان اقول لها رفيجي حالته جذي وجذي وامسوي حادث ومنقلبه فيه السيارة وكيت وكيت جان تقطع كلامي واتقول لي يعني الي واصلين قبلكم مب امرضى انا قلت لها اكيد امرضى بس في الطوارئ حالات من الاهم لي المهم قالت لي اتعلمني بشغلي قلت لها مسامحه وتميت انطر ويه صاحبي ... جان يخلص زامها انا جفت ناس دشو وناس يطلعون من الموظفين وعرفت انه تبديل شفت ... شوي الا اهي نفسها بعد نص ساعه من طلعتها ماصار لها الا اهي داشه حق مريض ايصير لها واتصرخ واتسب واتقول برفع فيكم تقرير ومادري شنو طبعاً انا سكت وهي شابه نار نطرتها تهدء ورحت من يمها وانا اقول يوم لك ويوم عليك وزفيت الدكتور الي اهناك وقلت له من شوي المرضى الي كانت اهني اتقول انه الطوارئ مثل الخباز وبالدور شلون الحين في اقل من ساعه تغير الكلام خلاصة الموضوع انت جوف الكلام الي تبيه وقط الي ماتبيه خخخخ وانشاءالله المستشفى اليديد يكون لنا مب حل بديل الا وسيله اتخفف الضغط عن المستشفيات الموجودين حالياً ... احنا مانقول انهم مايشتغلون ولا انهم قاعدين كل ابوهم من دون شغل لا احنا انقول البعض ولا في ناس محد كفو يتكلم عن شغلهم وكفائتهم واسمح لنا طولنا عليك يالغالي ... ويعطيكم العافيه

السلام عليكم... شكراً عل الموووضوع ... اصابعنا ماهم سوى [ لماذا الشاب لا يفي وعده بالزواج من فتاته التي عرفها ...... ] سبحان مغير الاحول ... يمكن جاف شي وماحب يقوله لها ولا اي شي ... مافي شي ثابت في هالدنيا غير وجهه سبحانه وتعالى ... في قاعده اتقول مابنيه على باطل فهو باطل ولين الله وفقهم وتزوجوا الله يسعدهم واغلب علاقات الزواج من بعد الحب تكون مشاكل وعفسه ... الغلط الاساسي انه البنيه اتسلم الخيط والمخيط حق فلان حبته من اسبوع او شهر او شهرين ... هاي كلام [ لماذا الوعد من أساسه طالما أنت أيها الشاب لن تتزوجها ....؟؟؟؟؟ ] انا ماادافع عن الشاب بس الزواج قسمه ونصيب ... وبعض العلاقات ماتتسمى حب لها اي اسم ثاني مثلاً انهم تعودوا يكلمون بعض او تعودوا يجوفون بعض او اي شي ثاني ... [ لماذا الأغراض الدنية تتملك الشباب فارغوا العقول حتي يصلوا لمرادهم ....؟؟؟؟ ] هذي غريزه في الجنسين ... ويد وحده ماتصفق ... صحيح في غلط من صوب الشباب وفي غلط من صوب البنات ... بس اهني البنت اهي الي تقبل من البدايه يعني مايصير واحد يحب وحده ويحلم فيها من دون رد ايجابي من جانب البنت صح ؟ ... [فلقد رأي أسرع وسيلة للوصول لقلب الفتاة التي يعجب بها هو وعد الزواج ..... ] لاتعليق [ وأول ما يقترب الوعد يهرب كالجبان .... ] [تكون هي أخلصت معه في كل شيئ ... نعم كل شيئ لأنها أحبته ....] [يقول لها : لا تلبسي هذا .... لا تضعي هذا .... وهي تطيعه لأنها رأته زوج المستقبل ..] [وبلحظة يغدر بقلبها ومشاعرها وحياتها ويختفي من حياتها تماما أو يتهرب أوي أي شيئ] [ المهم أن لا يتزوجها ..... ] اهني المشكله انه البنت لي حبت عطت الي جدامها والي وراها >========== اغلبهم... [سؤالي لكم ....] [لو لك أخت هل سترضي أن يطعنها شاب في حياتها كما طعنت بنات الناس ......؟؟؟؟؟] اكيد لاء ... بس كما تدين تدان [صدقوني هناك تجارب وأمثلة كتيييير من هذا النوع في الحياة ....] [ رأيكم يهمني يا بنات ويا شباب في هذه القضية التي كثرت هذه الأيام .....] مو بس هالايام اهي من زمان وفي تزايد والله يستر ... بياع قلوب محرقي : لاتعليق الصراحه والسموحه عل الازعاج وهذي وجهة نظري ... والاطاله يعطيكم العافيه

اشكر الاخت جمـــا "معذبهم" لـــي ... واتمنى مشاركتها معانه بالنقاش والجماعه الي ردوا من قبل ... 1- يعني الاجراءات المعقده والشكليات الي يستعملونها المستشفيات. 2- واضحه مثل الشمس. 3- يعني ليش يخلون المريض على قولت اخوانه ( زي الاطرش في الزفه ) واعتذاري للأخوان الي شاركوني وللي بيشاركوني ان بدر اي غلط ويعطيكم العافيه

السلام عليكم ورحمة الله وبركاته... طبعاً موضوع اليوم المستشفيات والنظام الي فيهم ( هاي اذا كان فيهم نظام ) قبل فترة قلنا البركة في المستشفيات الخاصة وصرنا ندفع لهم علشان البندول السيلان والابرة وهم موجودين في مستشفيات الحكومة والمراكز الصحيه ياحرام ليش الواحد يدفع وجان زين اتخلص على الدفع الا قاموا يتدخلون في المستشفيات الخاصة ويحكمون عليهم المراد ... الحين صارو المستشفيات الخاصة مثل مستشفيات الحكومه ( بعضهم ) والمشكلة مو العيب في المستفشى العيب في اغلب الناس القائمين عليها ( الموظفين من دكتور لي فراش ) صرت حتى علشان تاخذ دوى تحتاج واسطه يعني بكرة حتى حق القبر نحتاج واسطه علشان يحطونه تحت شجره او مكان زين خخخخخ طبعاً انا ماابي اقول لكم سالفتي المأساويه بس انا بتركم مع الاسئلة الي ابيكم تتناقشون معاي فيها والا انا اذا تكلمت عن المستشفيات وخصوصاً ( الس..... ) ماراح اسكت لي بكرة اكثر من موقف والله كريم. 1- ابي اعرف المرض فيه شماته علشان ؟ طبعاً مافيه ... اذا بتروح المركز الصحي وعطاك تحويل ورحت عل التحويل وانت حالتك خطرة يمكن اتزيد او اتروح فيها ليمن اتوصل الله يعلم وش راح يصير واذا وصلت عل التحويل تنطر دبل الوقت الي نطرته و وقت الطريج فوقهم ... عيل ليش حاطين المراكز الصحيه علشان البندول ولا البروفين ؟؟ ... 2- اذا كان الدكتور موظف فـ:ليش ماعليهم رقابه ويخلونهم يلتزمون بدوامهم او يحاسبونهم على عدد معين من المرضى لازم مايقل عنه مثلاً لازم اتعالج او اتعاين اكثر من 20 مريض في دوامك ؟ مو كل شوي بريك ولا سوالف ويه المتدربين ولا التلفونات الي بزودها >======= اتصير جنك طرار مب مريض او مراجع ؟ 3- واهم نقطة ليش مايخلون المريض ينطلع اول بأول على حالته الصحيه وبصراحه ويخلونه ويخلون اهله في حيرة لي ساعات عدة مثلاً يدش المريض ويسون له تحليل واهو مايدري ليش سوو التحليل ( يقول له علشان نتاكد ) انزين ياخي قول له بتتاكد من شنو ؟. وياخذ له ساعه زايد قاصر وبعدين يقول له دش المكان الثاني ولا الفحوصات الفلانيه ... واخر شي بعد مايخلص الفلم الرعب ينتهي عند المريض والمرافقين الي وياه انه انت مافيك شي اخذ بندول ولا مضاد ولا اي شي من هالخرافات؟ والسموحه اذا طولت عليكم الي في قلبي ازيد من الي كتبته بالف مرة بس شسوي لا حياة لمن تنادي انا مايهمني موضوعي شكثر يردون عليه انا الي يهمني انه القى واحد اقدر اتناقش معاه بالفعل وانوصل حق حل يرضي او يقنع واتمنى انه يكون في وعي اكثر من ناحية الطوارئ انا اقول يعطيهم العافيه الي يشتغلون كلهم الجاد منهم والعيار بس السالفة يبيلها شوية ذمه وضمير نص صاحي عل الاقل ويعطيكم العافيه

السلام عليكم .. .. .. الموضوع حلو ويعطيج العافيه بس هالاوادم في لحظه من غير مايدرون انهم يخربون بيوت غيرهم ولا يفتكرون يصير اهم شي نفسهم وانانيتهم تطلع فوق كل شي والاناني الي يبي ياخذ الي في باله من دون مايهمه اي شي طبعاً بيسوي المستحيل علشان يوصل له فهاي الشي مرض والله يشافي مرضانه كلهم انشاءالله وتنقضي هالعادة من المجتمعات العربيه والمسلمه انشاءالله هذي وجهة نظري والسموحه.. يعطيكم العافيه

والله نحمده ونشكرة عايشين . . . وانتو اخباركم واخبار المنتدى معاكم ؟

والله نحمده ونشكرة عايشين . . . وانتو اخباركم واخبار المنتدى معاكم ؟

والله نحمده ونشكرة عايشين . . . وانتو اخباركم واخبار المنتدى معاكم ؟