LAISH

سلام عظم الله اجرج الغاليه .. وعسى الله يصبرج ويصبر الاهل اجمعين ان شاء الله

سلام عظم الله اجرك اخوي مشعل .. وعسى الله يصبرك ويصبر الاهل ان شاء الله

سلام حياهم الله والروم والمنتدى لهم وينورون في الاثنين ! انتهى !

سلام مشكور بوعلي على الصور والتغطيه الحلوه .... ومشكورين شباب الرومين ماقصرتو والله واستانسنه معاكم والله يجمعنه على المحبه دايما ولا يفرق بينه امين! انتهى !

سلام وانتو بخير وصحه وسلامه فديتكم والله لايحرمني منكم هالسنه وكل سنه ! عمري صار 33 سنه حمراء الوجنتين ..... وكل عام وانت بخير برذر وسوري لاني مادشيت النت هاليومين علشان ابارك لك !! انتهى!

سلام كل عام وانتي بخير نونو ... وعقبال مليون الف مئة عشرطعش سنه ان شاء لله! انتهى!

سلام ميرسي يافيصل وهذا العشم فيك .. وتستاهل كل خير ! انتهى!

سلام ميرسي على الصور والتغطيه! انتهى!

سلام موضوع حلو مايطلع الا من الحلو ! انتهى!

سلام سؤال وينيو ! انا ماطلع اشاعات ... انتي اللي تسوين في روحج فعايل الاشاعات وتحطين روحج في مواقف باااااااايخه كخخخخخخخخخخخخخخخخخ ! انتهى ! سلام اسألة ولد الرفاع ! ليشووو اتحبني والله اتحب الدراهم ؟ 1.. احبك انت في الشتا .. وباقي السنه احب الدراهم ! اشكثر اتحبني ؟ 2.. وايد !! اشكثر اتحب سويتو؟ 3.. وايد !!! شنو اكلتك المفضلة ؟ 4.. اللوز و التوت !!!! شنووو الي ماتحبة وتكرها ؟ 5.. الزفر يعني اي شي من البحر !!!!! لووو يخيرونك اتزوج في البلتوك من تاخذ؟ 6.. ولا وحده !!!!!! انتهى!

سلام اسألة حمراء الوجنتين ! 1. من تحب اكثر شوق ولا عمر ؟ 1.. اثنينهم ! 2. عيالك ما شاء الله عليهم للحين صغار، والله يخليهم لك ان شاء الله، انت قلت انك خططت حق مستقبلهم، شلوون يا ترى؟ هل سويت لهم تامين على الدراسه الجامعيه؟ اذا ما سويت نصيحه من الحين سوو لهم لان الاسعار وايد غاليه،، عشان ما يضيعون بعدين . 2.. لا كل اللي سويته اشيا عاديه مثل مايسويها اي ابو .. ومشكوره على النصيحه باحاول اسويها في اسرع وقت !! 3. عمي ليشو شنو لونك المفضل؟ وليش؟ 3.. البنفسجي .. وبدون سبب بس يريحني هاللون واحبه !!! 4. وبعد شنو رقمك المفضل؟ وليش؟ 4.. خمسه .. وهم بس احبه لان احب العب دفاع في كرة القدم واحب البس هالرقم !!!! 5. انت ما شاء الله عليك شخصيتك وايد تعجبني ووايد مثقف وخفيف دم في الروم، هل انت برع النت خفيف دم بعد ولا غير؟ 5.. مثل ما انا بالظبط لاني ماعرف اتصنع اي شخصيه لا في النت ولا برع ولا في التلفون ولا في الدوام ولا ويا اهلي ولا ربعي ... يعني في كل مكان مثل ما انا الا وانا راقد غير اصير وايد حليو !!!!! 6. شنو هو السر اللي خاشه في قلبك من سنين ومو راضي تقوله لاحد؟ 6.. ماعندي اسرار لان في ناس جراب مني يعرفون عني كل شي !!!!!! 7. سؤال شخصي شوي ما ادري اذا ممكن، زوجتك الله يحفظها ويخليها لك ولعيالك، كانت اختيارك انت؟ ولا كانت زواج تقليدي من اختيار الوالده الله يرحمها؟ 7.. والله يخليج لاهلج ويخليهم لج ويحفظج امين ... كان زواج تقليدي!!!!!!! 8. هل انت فاتح قلبك لها؟ تقول لها كل شي؟ وتاخذ رايها في كل شي؟ ولا تسوي اللي في راسك وبس؟ 8.. ايه فاتحه لها .. و ايه اقول لها كل شي الا سوالف الشباب والريايل طبعا .. ومن ناحية اللي في راسي ايه اسويه بس اخذ رايها في المواضيع الاسريه والخاصه اللي بيني وبينها !!!!!!!! 9. من أكثر واحد من اخوانك تحبه، وتطلع وتروح واتيي وياه؟ ومن أكثر واحد تتهاوش وياه؟ 9.. كلهم وماعندي فرق بين اي واحد فيهم لاني اصغر واحد وعلاقتي اوكي مع الكل !!!!!!!!! 10. رايك فيني لو سمحت عمي ليشو . 10 .. بنيه عزيزه وغاليه حالج حال البنات اللي في الروم !!!!!!!!!! انتهى !

سلام اسألة مناميه! 1) ليشو ممكن تكتب لنه البطاقه الشخصيه؟ 1.. اسمي بوعمر .. موظف حكومي .. عمري 32 .. متزوج .. عندي ولد وبنت .. ساكن في مدينة عيسى ..... بس كفايه وشدعوه ماتعرفون عني كل شي اصلا ! 2) ليشو ليش احس انك تكرهني .؟ وشنو اعني لك بالروم؟؟ 2.. بالعكس احساسج غلط انا ماكره احد واحترمج واعزج وايد .. وبالروم عزيزه وغاليه حالج حال باقي البنات !! 3) امنيه تتمنى تحققها؟ 3.. اعيس وربي راضي علي واكون بصحه وسلامه واموت و ربي واهلي وربعي والناس راضيين علي وعيالي بصحه وسلامه ومرتاحين ومايجوفون قصور !!! 4)الحياة خير معلم .. فماذا تعلمت منها ؟ 4.. ان الحياه قصيره .. عيشها صح .. علشان تموت صح !!!! 5)إذا وجدت نفسك ضعيف في بعض المواقف ماذا تفعل ؟؟ 5.. ما صار لي اني ضعفت الا في وفاة امي الله يرحمها .. وكل اللي سويته اني ترحمت عليها ودعيت لها !!!!! 6)متى يقول ليشو ( لا ) بدون تفكيــر ,, ومتى يقول ( نعـم ) بدون تفكير أيضاآ؟! 6.. اقول لا اذا صار موقف جدام فيه مضره حق اي احد .. واقول نعم بدون تفكير اذا قالولي تبي لوز و توت !!!!!! 7)هــــل اجبـــرت نفســـك او اجبــــرتــــك ظـــروفــك ان تتخلى عـن احســاآآســـك يومـــاً...؟؟ 7.. لا .. اسوي اللي احسه صح لو كنت مجبور ولا يهمني شنو بيصير بعدين !!!!!!! 8)ماذا لو نظرتِ للمراه فلم تجدِ نفسك ؟ 8.. هاااا ؟؟؟؟؟؟؟؟ ماتصير هالسالفه الا اذا الليت مصكوك !!!!!!!! 9)ماذا يعني لك الليل: وقتي اللي اعيشه الشمعه: دودو بابا البحر: ماحبه كلششششششششششش السماء: بعيده 10)على اي اساس تحكم على الشخص الذي امامك....؟ 10.. ماحكم الا اذا تأكدت !!!!!!!!!! 11)لو قال لك المصباح السحري اختر ثلاث اماني في الدنيا واحققها لك . . ماذا تتمنى ؟ 11.. باقوله مابتقدر تحقق لي ولا امنيه .. لاني قلت مساعه اماني واهيه اول امنيه ان ربي يكون راضي علي في الدنيا .. ثانيها اني اكون بصحه وسلامه .. و ثالثها اموت وربي واهلي وربعي والناس راضيين علي وعيالي بصحه وسلامه وماعليهم قصور !!!!!!!!!!! 12) اسئله على الطاير جم مقاس نعالتك وشنو تفضل تلبس زنوبه لو جوتي؟ 41 وماتفرق عندي النعال ولا الجوتي كل له دوره ... يكرم القاري طبعا شنو فصيله دم؟ A+ شنو اكثر شي تحب تلبسه جينزات لو بوانطلين خلق؟ جينز اخر شي 13) لو قلت لك اكتب لي رساله احفتظ فيها مدى العمر ؟ شنو بتكبت لي؟؟!! 13.. خافي من الله .. وحبي الناس !!!!!!!!!!!!! انتهى !

سلام اسألة حشمه او بالاصح السؤال الوحيد اللي ماحبه لان صج صج صج يتعبني! عضو خجول .. حسون ففتي عضو اناني .. محد عضو عنيد .. سكتو عني عضو حبوب .. وايد عضو غشمرجي .. انا عضو مغرور .. وحده ماشتهي حتى اكتب نكها .. وجان زين ادري على شنو عضو ماينعرف له .. انا عضو تحلى القعده وياه .. ملك الحلوين عضو تحس شكله حلو .. فامو <<<< احاول اجذب عضو لا له ولا عليه .. دلمون عضو كله مهموم .. مكسي عضو يحاول يستضرف .. الكل حليو بطريقته واسلوبه عضو قريب لقلبك .. وايد عضو تشوف نفسك فيه .. العاشق عضو حساس .. نونو كات عضو رومانسي .. سويت اند شوقر <<< احاول اجذب مره ثانيه عضو عصبي .. فايو اخوي عضو مزاجي .. احمدو عاشق الاخوه عضو هادئ .. علوي رن عضو راعي فزعات .. بوشنب عضو اندفاعي .. حمني عضو دايما وياه على اتصال .. وايد عضو تغيرت نظرتك له .. موزو عضو مثقف .. مرعوب عضو تحس فيه روح سياسيه .. انا عضو كله يتحلطم .. ملوك عضو لسانه طويل .. يسوري عضو كله يشايط ويناقش .. تازو عضو ماتدري عنه خخخ .. جهنمو واضافه من عندي عضو احبه بس غبي .. هاه بحرين انتهى!

سلام اسألة ملوك! - شنو اكثر موقف اثر فيك ؟؟ 1.. وفاة امي ! - شنو اكثر صفه تتمنى تغيرها في نفسك ؟؟ 2.. ولاشي !! - ما هو الشيء الذي تعتقد ان يميزك عن كل الناس؟ 3.. اني احب كل الناس حتى اعدائي .. مع ان ماعندي اعداء !!! - عندما تضطر لمجالسة شخص لا تحبه ماذا تفعل .. ؟ 4.. احسسه اني احبه .. واكسره باحترامي له .. ولا اخليه يكسرني بثقالته !!!! - أجمل مكان زرتـه .. وشنو شد انتباهك فيه .؟؟ 5.. بيت الله الحرام والحمدلله واكثر شي شدني كله !!!!! - تخيل العالم كله يسمعك بهاللحظة , شنو بتقولهم ؟؟ 6.. الحياه حلوه .. والاخره احلى !!!!!! - شخصيه الانسان تنعكس او تتضح من خلال الاشياء التي يفضلها "ماهو عطرك المفضل" 7.. دهن العود !!!!!!! - مارأيك في مقوله (( كلمآ زاد الرجل عِنداً .. زادت رجولته؟ 8.. باطل !!!!!!!!

سلام صباح الورد حبي الغالي فروس .. وهاذي اسألتك! 1. ليش عصبت اول ماخلوني ادمن؟ وقلتوا لا مايصير ادمن 1.. لان حطوك بدون مادري وانا اساسا حزتها كنت ماعرفك! 2. انت ليش كله تضطهد دحووووم؟ والا على طاري دحووم جم تعطيه نسبة من الذكاء؟ 2.. انا ماضطهد الا اللي يستاهل الاضطهاد .. ودحوم يتصرف تصرفات وايد وايد غبيه وتنرفز .. ونسبة ذكاءه ممكن ماتتعده 20% .. لكنه خدوم ويحبني 120%!! 3. شنهو يعنيلك العضوو هاه بحرين؟؟؟؟ وانزين في يوم من الايام تتوقع ان يصير سوبر ادمن في روم بحرين تودي؟؟ 3.. هاه عزيز وغالي واحبه وايد ونفس كلامي عن دحوم ينبطق عليه 100% .. ايه ممكن يصير سوبر ادمن ليش لا .. بس اذا تلاقو القرقاعون وعيد الاضحى في يوم واحد!!! 4. لو خاطرك تكفخ 3 من الاعضاء خاطرك تكفخ من؟؟؟ 4.. احمدوووو عاشق الاخوه .. تازوو علشان أأكله زبيب واطبق طق الحبيب مثل اكل الزبيب وبالعافيه عليه .. هاه بحرين لان وايد يستهبل عليه وبالمره هم أأكله زبيب!!!! 5. وبالاخير رايك فيني بما لا يقل 1000 كلمة 5.. اخوي الصغير الف مره!!!!! انتهى!

سلام اسألة حشمشم! - تعتقد انك انسان ناجح وحققت طموحاتك؟ 1.. اغلبها والحمدلله! - شنو الشي اللي فشلت فيه او حاولت انك تسويه وتوصل له بس ماقدرت؟ 2.. الحمدلله اغلبها سويتها!! - متى آخر مره صحت وعلى شنو؟ 3.. ماذكر والله .... بس دمعت عيني على وفاة امي الله يرحمها السنه اللي راحت!!! - تشوف نفسك انسان رومانسي او واقعي؟ 4.. شدخل الرومانسيه في الواقعيه ؟؟؟ رومانسي في اوقات الرومانسيه على قدي ... واغلب حياتي واقعي لاني ماحب الخيال ولا احب اكون خيالي!!!! - بما انك من مرتادي البالتوك ومن الناس المتعلقين فيه هل حصل وتسبب لك البالتوك في مشكله بينك وبين زوجتك لا قدر الله؟ 5.. لا والحمدلله !!!!! - جزء يومك لنسبات مثال : 10% للشغل 40% للربع 30% النت وهكذا؟ 6.. دوام 25% 6 ساعات .. بولنق 25% 6 ساعات تقريبا .. البيت والرقاد 50% زايد ناقص!!!!!! - انت من النوع اللي يخطط حق مستقبله ومستقبل عياله او عايش على الله .. يعني اللي الله كاتبه بيصير ما يحتاج تخطط؟ 7.. مستقبلي على الله ..... و عيالي اخطط لهم والحمدلله!!!!!!! - شرايك في الرئيس الشهيد صدام حسين؟ 8.. كقائد تعجبني شخصيته واحبه وايد ... بس كشخص ماحبه!!!!!!!! - من الشخصيه السياسيه اللي ودك تلتقي فيها؟ 9.. اكييييييييييد ملكنه الشيخ حمد بن عيسى الله يطول بعمره ويخليه ذخر وسند لنا ولديرتنا!!!!!!!!! - ثلاث اشياء مهمه عندك لازم تاخذها وانت طالع .. شنو؟ 10.. اهمه اربعه اساسيين لازم اطلع بهم ... موبايلي .. بوكي .. مفاتيحي .. جقايري !!!!!!!!!!

سلام اوكي حشمشم من اسألة والله طرطره ورايح باكتب الاسئله ان شاء الله! 1- شنو هدفك في حياه ؟ 1.. اني ارضي ربي .. واكون بصحه وسلامه .. وماخلي عيالي يجوفون اي قصور .. واهلي وربعي يكونون راضيين علي ويحبوني! 2- شنو احلى موقف صادك هلسنه ؟ 2.. وايد .. ومنها تخرج بنتي شوق من المرحله الروضيه .. وبتروح المرحله الابتدائيه!! 3- شنو الموقف المحرج الى صادك للحين تتذكره ؟ 3.. موقف في الجامعه و وايد قلته مع وحده و وايد صعبه اقوله!!! 4- جم عمرك ؟ 4.. 32 !!!! 5- جم وزنك ؟؟ 5.. 51 كيلو !!!!!

سلام اسألة طرطنقيه! 1.. وايد مقتنع ومو شوي اني مال المدينه ! 2.. صعبه اني اعصب .. واذا طلعت عن طوري وعصبت صج .. اسكت !! 3.. وايد .. ومن كثرهم ماذكرهم لان اللي يزعلني معناها اني ما اهمه.. فشي طبيعي اهوه مابيهمني ومابتذكره ولا باتذكر ليش زعلني !!! 4.. وايد وايد وااااااايد ناس جريبين مني واكثر من خمسه .. واذا انتي مصممه اني اختار وانا مابي اختار اساسا فباقول ...... انا و ليشو و معروف و بوعمر و بوشوق !!!! 5.. لان المنتدى بالنسبه لي وايد بطئ .. وانا احب التفاعل السريع والاخذ والعطا في نفس الوقت .. وسبب ذيه كله عيب فيني واللي اهوه ... صبري ضعيف !!!!! 6.. لا !!!!!! 7.. عني انا وايد صفات ماحبها وبالذات مثل ماقلت مساعه صفة اني ماعرف اعتذر .......... وعنج مافي شي في بالي .. لان كل مره اكتشف فيج صفه يديده وساعات زينه وساعات شينه وكل صفه فيج مردود عليها لان انا احب اعطي كل واحد على قده وقد صفاته يعني مر علي اللي احسن منج وهم مر علي اللي اخس منج ..وكل واحد ارد عليه بمثل صفاته معاي.. اللي بيحبني باحبه واللي بيكرهني باكرهه وهلون يعني باختصار .. بس اخر صفاتج اللي اكتشفتها كانت شينه واللي اهيه ... المذله !!!!!!! 8.. ولا شي ,, ولا وحده .. ولاصفه !!!!!!!! 9.. انا اخترتهم .. لاني من قبل لا اتزوج احب اسم شوق .. وعمر سميته على اسم يدي الله يرحمه !!!!!!!!! 10.. ليش؟ <<< كرريها بروحج مئة مره وجاوبي انتي عليها مئة مره !!!!!!!!!! انتهى!

سلام اسألة تازو 1.. انت اللي تحط روحك في مواقف الاضطهاد مو انا اللي احطك فيها! 2.. بالعكس لا افرض رايي ولاشي اذا انا احس اني غلطان والكل اجمعو على عكس رايي معناها انا غلطان ومايصير كلهم غلط وانا صح .. الا في السوالف الدين اذا كنت متأكد من كلامي مافتكر في راي اي احد لاني متأكد اني صح وماعلي من الناس اللي يسوونه او يتبعونه واللي سووه ابانا واجدادنا على قولتهم .... الصح صح والغلط غلط ماروح اصغر الغلط واقول ذنب اخف من ذنب!! 3.. لا ماعتذر .. مو لاني متكبر ... لاني ماعرف شلون اعتذر و عمري ماسويتها واخاف اسويها واطينها اكثر!!! انتهى!!!!

سلام ميرسي سوني على الموضوع! ولاتتعب روحك .. كلامك مابيغير شي في ناس ماتبي تغير نفسها ولاتخاف من الله ورسوله عليه الصلاة والسلام .... فخلهم يتصنعون وينفخون ويركبون ويشيلون ويحطون الحين ......... والوعد في مسيد المقبره لين بيصلون عليهم!! انتهى!

سلام كل عام وانت بخير الغالي نوافي وعقبال مليون الف مئة عشرطعش سنه ان شاء الله! انتهى!

سلام الف مبروك لبحرين تودي هالسنه وكل سنه .... وللامام ان شاء الله! انتهى!

سلام عظم الله اجرج الغاليه وينيزززز .. وعسى الله يصبرج ويصبر الاهل اجمعين ان شاء الله!

سلام كل عام وانت بالف خير اخوي الغالي عليوي .. وعقبال مليون الف مئة عشرطعش سنه ان شاء الله! انتهى!

سلام الف مبروك اختي الغاليه حشمشم .. ولاتحاتين القلب راضي عليج .. وعسى ربي يسعدج دنيا واخره! انتهى!