انحطاط
المصطلح الصحيح لهالقصة الي صارت اليوم ...!!
تعزيمة محششين(عيون الحب مع صاحبه) لزيارة البحرين نشوف فلم ونرجع بنفس اليوم
اسم الفلم : The Twilight
طبعاً الفلم ماعجبني بالمرة
المكان : سينما سيتي سنتر
القصة الي شفناها اليوم بالسينما كانت بالنسبة لي فلم ثاني .. حتى قلت لصاحبي ذكرنا ندفع ثلاثين ريال واحنا طالعين ( مانبي شي بذمتنا) حق فلم الي جالسين جنبنا
سمعنا عن زوجين صادين بزاوية في السينما وصارت بينهم قبلة على الطاير وسمعنا عن شخص مع الغيرل فرند صارت لمسات ويمكن جم قبلة .. بس نشوف موعد وبوسط السينما يكون الغرض منه اشبه مايكون درس عملي كامل وبالتفصيل عن فن التقبيل فهذا شي حتى بالخارج ما اتصور يصير بين زوجين ..
انا واثق بحكم انهم كانوا جالسين جنبنا بدون مبالغة .. بمجرد وصول البنت ( ماعتقد عمرها يتجاوز 17 او 18 سنه) وجلوسها جنبه ان الشاب مالتفت على الشاشه مدة دقيقتين
بدون ذكر جنسيتهم ..الشاب من دولة خليجية تختلف الي منها البنت ..
يعلمني صاحبي قبل انتهاء الفلم .. الشاب المحترم فتح محفظته وسحب كم من الوسخ وعطاها البنت الي قعدت نص ساعة على ماتعدل شيلتها ووضعها على ماكان عليه اول ماجات قبل لا تمشي مع صاحبتها الي كانت جالسه جنبها بالجهة الثانية مع صديق بطل فلمنا الي مايندرى بعد اذا كانو عملوا فلم ثالث من نفس الماهية .
مجرد علامة استفهام
لهالدرجة وصلنا من الانحطاط .. قدام العالم بس محسوب انو الانوار طافية ........... ؟
والله شي مخزي