رزوف

قصه حلوه حياكم

مراحب اختي ،، انزين وعن مستخدمي بولي وال مم؟؟؟؟؟؟؟؟ هم نفس الشي .......؟ بصراحه عني انا كنت استخدم بولي لفتره طويله والسبب انهم يقولون يبيض و فعلا هذا الي حاصل مع الي يستخدمونه وبعدين تميت فتره وقطعته لاني سمعت انه فيه مواد كيماويه طبعا خفت على عمري ورديت للمم اوكيك سؤالي اهنيه هم بعد المم فيه نفس الطبخه الله يستر الله يكافينه الشر عموما مشكوره اختي على هالموضوع الحيوي المفيد تحياتي لج ،،،

الله يرحمه ويرحم جميع موتى المسلمين شكرن لك اخوي أحمد9999 :"( بس تصدق حلوه صور بشار اذا تبي زود قولي تحياتي لك ،،،

كل الشكر لك اخوي عطر الليل انشالله عجبتك وشكرن لك مره ثانيه عالمرور تحياتي لك ،،،

حياكم قصه عجيبه لاطوفكم

Bahraini_In_UK فيك الخير خيوو ماتقصر شكشوكه الشكر لج حبيبتي وشكرن لج على مرورج مره ثانيه دمعة حزن كلج ذوق والله يعافيج ريم المحرق العفووو حبيبتي ((القصة بس نهايتها مؤلمة وايد )) :"( :"( انشالله قدرت اقدم لج شي تحياااتي لكم /// رزوف

الله يرحمه ويغمد روحه الجنه ويسكنه فسيح جناته

مرحبا اختي ... اقدر اشاركج في هالموضوع انا اقول مو بكل الحالات يشتاق ... انا اقوولج متى يشتاق ... يشتاق اذا كان هالجرح من شخص عزيز عليه ويعزه ذيج الساعه تكون جروحه غاليه عليه لانها تذكره بالشخص الي جرحه :"( :"( شكرن تحياتي لج // رزوف

smart girl & chicwow &PoLice Woman & ملقوف & زهور & بنـت الامــارات & ريمانس & «°°°راما°°°» كل الشكر لكم حبايبي واشكر كل من تابع القصه بنت الامارات شكرا لج عالمرور شكر خاص للاخ المشرف bahraini_in_uk تحياتي لكم /// رزوف

حياك اخوي نور المنتدى ياهلا ويا مرحبا

وهذااااااااا الجزء الأخيـــــــــــــــــــــر :"( :"( :"( :"( ________________________ كانت بشاير يالسه على الكوشه ... ويت أخت علي ... ( ميثة ) وسلمت على بشاير وباستها .. وقالت .. علي يسلم عليج .. يهديج الأغنية الثانية اللي بتدقها الفرقه .... تعرفين منو اللي بيغني ؟؟ علي يا بشاير .. علي اللي بيغني ... على شانج ... لأنها آخر مرة تسمعين صوته بها ... ويتأسف لج على أي ضرر سببه لج اسمحيه .... ومبروووكه عالملجة .. عقبال العرس ... الله يهنيج فحياتج ... بشاير قلبها بدى يدق بسسسرعه .. خايفه .. متألمه .. ماتدري شو شعورها بالظبط .. تنتظر بأحر من الجمر الغنيه اللي بيقدمها لها ..... تنتظر تسمع صوته الرقيق ... اللي انحرمت منه مدة طووووويله ... لكن ... مع اول كلمة تلفظ بها .. وقف قلبها .. وذرفت دموعها ... واختلطت احاسيسها .... و تأكدت انه هذا اليوم اللي بتودع الدنيا فيه لا محاله .... تعرفوووون شو غنى لها علي ....تعرفووون ؟؟؟؟؟؟؟؟؟؟؟؟؟؟ غنى لها اغنية ( باودعك ) بس اهو قال المقطع الاول من الاغنية ... و ما تمالكت بشاير اعصابها .... قامت تصيح بطريقه تعق القلوب.. والكل تراكض لها ... ويقولون للفرقه يوقفون دق .... ومحد درى ان اللي أثر بها صوت ... علي .. وكلمات الاغنيه .. بس الأم بررت الموقف بأن البنيه ما يهون عليها فراق اهلها .. حليلها الوالدة ما تدري عن شي .. بس الملجة تمت ... وعقب ما رجعت بشاير للبيت .. قبل ما تدخل وتتسبح .. بطلت الموبايل ... وكللللل المسجات مطرشه لها من علي ... وفجاة يرن تلفووونها .... وكان المتصل؟؟؟؟؟؟؟؟؟؟؟ ؟؟؟؟؟؟؟ ريلها نواف ... تدرون النذل شو يبه ؟؟ نواف : ألوووو هلا بشاير بشاير : أهلين نواف ... هاه غريبه متصل مب عادتك ؟ نواف : ليش صحتي فالملجة ؟؟ بشاير : ولا شي تأثرت بالغنيه .. نواف : بسسس ؟؟ بشاير : هيه بسس نواف : أوكي ... بس انا جم مرررة قلت لج خفي وزنج صح ... ؟ بشاير : زين حاولت ... بس شو تبه اكثر .. وزني صار 56 .. نواف : ههههههههههههه شويه ... والله فشله شكلنا ونحن عالكوشه ... ههههههه بشاير : انت تتحجج يا نواف .... شو ؟؟ تبه تخلق مشكله ؟؟ نواف : تدرين اني ما حب المتاااان ... يالمتيييييييينه ... بشاير : @-@ فاجه حلجها ؟؟؟؟ نواف : أقولج .... تراج لا تغترين بعمرج واااااايد ... وتتباهين انج قمر ... انا احلى منج وبظل احلى بشاير : شو هالرمسه المخبقه ؟؟؟ اقووول اعدل رمستك ويايه ..أنا حرمتك ... و انا ادري اني مب احلى عنك بس على الأقل لي قلب واحسسس بطعناتك هذي .... و الحمدلله راضيه بخلقه الله نواف : والله ان جفتج بالعرس ما خفيتي لطلقج على طوووووول بدون ذكر أي سبب بشاير : شووووه .. حسبالك انا ميته عليك .. ( تصيح ) انا ما اجبرتك تاخذني .. كلمتك بخصوص السالفه وقلت لك انت مجبووور عليه .. قلت لي لا ... قلت لك تبه آمنه ..وقلت لي لااااا .. شو بعد ..تبه تتحكم فكل شي فحياتي انشالله .. انشالله ... انشالله .... بس تذكر اني لحد احينه فبيت اهلي ... و أقدر ... ( يقاطعها نواف ) شو تقدرين ؟؟ ترفضيني ؟؟ هههههههههااااي .. خلاص يا حبيبتي انتي صرتي حرمتي ما تكمل رمستها وياه ... وتصك عنه بسسرعه .. جنه شي خبرها وقالها افتحي كبتج ... فتحته ... وجافت رساله محطوطه على علبه المكياج ... ووياها ورده حمره.... .. هذي الورده اهي الورده نفسها اللي اهي أهدتها له من مدة .... أيام الحب .. الأيام اللي عمره ما رح ينساها ...لكن هالورده ذبلانه .. وانتوا اكيد فاهمين شو معنى ان الورده تذبل ؟؟! قرت الرساله .. كانت بخط ايد حبيبها علي .. مايهم جفف دموعك ..ما يهم اضوي شموعك ..ما بقى شي يا قلبي يسوى دمعة من دموعك ... مشكوووورة يا غناتي .. على أحلى هدية قدمتيها لي ... مشكووورة على الحلم اللي عيشتيني فيه مشكوووورة على كل الوقت اللي ضيعتيه ويايه ... لكن للأسف حبج فقلبي كالسم دساسي .. لاني قادر أنسى هالحب .. ولا قادر انساج و انسى ذكرياتج .... غدر بج نواف ... وبالتالي ... غدرتي بي ... بس ما قول غير.................... الله يرحم حبنا اللي قتلتيه .. جفت دموعي والبقا في حياتـــــج ياللأسف كل الأسف مابكيتيه انتي الغرور أعماج مع حب ذاتج انتي بديتي الحب وانتي نهيتيه اقري عليه الفاتحة في صلاتـــــج انتي رعيتي الحب وانتى طعنتيه توي دريت إن الغدر من صفاتج انتى شريتي الحب مني وبعتيه عســـــا الثمن يكون سبة عنــاتج انتى بنيتي الحب وانتـى هدمتيه الله وأكبر من يسـوي سواتــــج انتي رسمتي الدرب بس مامشيتيه أعماج عن درب الغرام التفاتج انتي كتبتــي العهد وانتــي مسحتيه محـاوله تزوير في ذكرياتــــج خلــي جمالج ينفعج واستغـليه روحي ورا اللـى قالج يا حـــــلاتج اخذى الهوى وياج ليش أحتفظ فيه؟ يمكن يجيله يوم يهدم حياتج .. تذكرين انج دووووم كنتي تغنين لي ... اغنيه استحاله انساها ... أحينه انا اللي فخاطريه اغنيها .. وبكل معاني الألم .. اهديها لج .. ( لا يا قلبي لا اتكلللم .. لا يا قلبي لا اتألم .. هذا هو اللي تحبه .. لو نسيته ..آآآآآآآآآآآآه لو نسيته كان أرحم ) وانشالله فعرسج .. بهديج شي احلى .. صدقيني ... بس يمكن انا ... كنت عقبة ..بينج وبين نواف .. وصيتي لج ... الابتسامة ..... .لا تخليها تفارق شفافج ... اتمنى لج كل السعادة .. لان اللي يحب .. عمره ما يكره لج كلللل الشكر اللي تكرهينه المجروح ... تألمت واااايد من كلام علي .. بس داست على مشاعرها وتحملت الألم .. لكن علي معذور بكلامه .. لأنه محطي كل آماله وأحلامه فحبيبة عمره ... فشو شعوركم اذا غرستوا نبته ،، رويتوها واعتنيتوا بها ليييييين ما كبرت ... وفالنهاية يقطفها شخص عديم احساس ... بكل سهوله ... ؟ شو احساسك وانت محطي شخص معين فمكان عزيز وغالي على قلبك ... واكتشفت ان هالشخص غدر بك ... وتركك من عقب كل اللي كان ... عرفت ان هالشخص ما يستاهل هالمكانه ..؟ شو شعورك ... بشو بترد عليه .. معقوله بتم متمسك به وحاط عليه الآمال .؟؟ هذا علي ... الانسان اللي واجه الصعوبات ... تركوه الغاليين وراحوا .... وفوق هذا .. تم متمسك بآخر أمل ... انه ياخذ بشاير حتى لو تزوجت ... حتى لو يابت عيال .... حتى لو ...حتى لو ... !! بس لييش كل هذا ؟؟؟؟ لأنه يحب بصدق ... محد يلومه ..... وفعـــــــــــــام 2003 وفيوم عرسها.. ظهرت بشاير للمعازيم واهي بكااامل كشختها .. والكل يحسد ريلها عليها ... ظهرت ببياضها .. وشعرها الأسود الحرير .. اللي ياخذ العقل ويخلي كل من يجوفها .. ينفتن بجمالها ورقتها .... لكن للأسف محد درى شاللي فخاطرها .. الكل يزفها .. وما يدرون انها تعاني من قسوة هاللحظة ... تمشي ..وتمشي .. والكل من حولها ... فاللحظة اللي قلبها يودع السعاده .. ويودع برائتها وأحلى أيام عمرها ... تمشي وفقلبها سجاجين .. تعذبها .. وتقطعها .... على فراق أعز مخلوق .. أعز انسان ... العزيز الغالي .. علي .... من عقب ما ظهرت من الفندق اللي سوو فيه العرس .. راحت ويا ريلها لفندق ثاني ... اللي حاجزين فيه لثلاثة ايام ... حذال الفندق .. سيارة ستيجن عنابيه .. دمرانه وشاحنه ... دخلت بشاير للجناح اللي حجزه ريلها ... وعلى طوووول اتصلت باهلها تطمنهم عليها .. وكلمت خواتها اللي ما اسكتن من الصياح ... بشاير : بس عاده مريووووم .. انا ما مت بعدي حيه .. كل اللي صار اني تزوجت .. خذت نصيبي من الدنيا .. ومثل ما انا تزوجت بيي يوم بتتزوجين انتي بعد ... مريم : لاااااااااااااااااا يا بشاير .. الموضوع اكبر من اللي تتكلمين عنه .. بشاير : ليش؟؟ شو تتقصدين ؟؟ رمسي مريووووم ... مريم : اول ما رجعت انا وخواتيه .. جفت هدية كبيره لج على شكل قلب وتدرين عاده من منوووو ؟؟ من علي يا بشاير .. من علي ... و كاتب لج رساله وداع ... وجنه الله كتب عليه ... بشاير : مريوووووم طيحتي قلبي كملي .. شو فيه ؟؟ شو مستوي ... لا تذبحيني ارجوووج مريم : علي مات يا بشاير .. مات .. فحادث بشاير تشهق شهقه حست ان روحها بتفيض : شوووووووووووووه ؟؟؟ مريم : هيه والله .. فصول اتصل بي و خبرني .. وميت صياح .. تدرين شو كان علي بالنسبه لفيصل .. تدرين انه ربيعه الروح بالروح ... بشاير .. بيدفنون علي اليوم الفير ..... بشاير دارت فيها الدنيا وماقدرت تيود عمرها ... وصاحت بصوت عالي حتى نواف فز قلبه قال يمكن صار شي بأهلها لا سمح الله.. ونواف قاعد على راسها يسألها شو صاير ومب راضيه تقوله أي شي بشاير : مريووم قولي كيف استوى الحادث ؟؟ لا تعذبيني اكثثثر مدخله الله مريم : مادري مادري بس الغلط مب منه .. من الشاحنه اللي دخل تحتها .. والله مب قادره أصدق انه مات .. --------------------------------- تدروووون شو كاتب لها بالرساله .. كاتب لها .. انتي كنتي وردة فبستاني واقطفوج .. كنتي شمعتي .. ذبتي .. وذابت احاسيسي معاج .. وصرت معدوم الاحساس... كنتي كل شي فحياتي .. وبكل سهوله خذوج ... كنتي السعادة اللي احلم بها .. وتلاشت .. محكوم عليّ وانا علي بالحرمان .. سعادتي مستحيل القاها ويا غيرج .. انتي وبس القلب و أحاسيس هالقلب .. ونبض قلبي ..مادري كيف بعيش بدونج ؟؟ .. منج انتي وبس عرفت معنى الحياة .. من عقبج منو اللي بيسأل عني .. منو اللي بيواسيني .. كل أحبابي راحوا .. وفالنهاية ... رحلتي عني للأبد .. بس مازال الأمل فيني.. يمكن ألاقيج فيوم من الأيام ... و يحلى اللقا ...........،،، فالجنه ..انشالله اتمنى لج السعاده .. ..مع اني أشك فإن غيري يقدر يسعدج ...والرساله طويله ..بس هذا القدر .. والمكتوب .. وحكم الله ونحن مسيرين ... ما تدري شو الله يريد لك ... صحيح يعز على نفسي اودعج .. لكن أنا ماريد اكون الشخص اللي يوقف فطريج سعادتج ... وتأكدي .. سعادتج من سعادتي ... وهذا كل اللي اتمناه لج والحياة ممرات .. وعقبات ... والقوي .. اللي ما له ملاذ غير الله .. فأكيد بيصبر وبيتحمل .. وبيكمل المشوار ،،،، المجروح انجرح مرة ثالثة .. رابعة .. وأكيد في المرة العاشرة ... بس ربي يصبرني على بلواي .. ---------------------------------- خلصت بشاير من المكالمة ... وبالليل ما غفت ولا ياها رقاد.. والكلمة اللي على لسانها وترددها ( دفنوه) .. وهي تعضضض باللحاف وقلبها يتمزع .. ظميرها يأنبها ..............علي........................... علي راح .. و اهو مادرى ان بشاير حبته من كل قلبها .. راح وكانت آخر فكره محطنها فباله ان بشاير تكرهه .. حست انها حرمته من السعادة وفرضت على نفسها انها تعيش ويا انسان انــــاني ... لكن راح اغلى حب فحياتها ... وابتدت حياه يديده ... و اهي حامل احينه وفالشهر الرابع .. بس.. حامل ببنيه .. واهي متوعده نفسها انها لو احملت فبطنها ولد .. بتسميه علي وهذي نهاية حب .. حب ما اكتمل .. وحكمت عليه الظروف بالموت .. يـــا راحل ٍ عنـــي غصب ... يعز علي أودعـــك اعفيني من حرق الدمـــع .. ماقول غيـر الله معك و السموحه يا اخواني واخواتي وفي بعض الأشياء فالقصة ما ذكرناها .. بس للتحفظ ... واتمنى من أي واحد قرى القصة .. يترحم عالريال .. ما بتخسرون شي ............................................................................

«°°°راما°°°» انشالله من عيوني ريم المحرق شدراااج انتاي؟؟؟انشالله الحين بتعرفين النهايه وانشالله تحبين الكعبه Rabbit اوكيك من عيوني PoLice Woman اقولج منو جاف امممممممم ولا اقولج انتاي فكري smart girl جفتي اشلون :"( :"( :"( وانشالله خليج معاي Rabbit تروح وترجع بالسلامه بس هاا ماوصيك صوغتي مو تنساها (er) مشكورين عالمتابعه حبايبي والحين بحط الجزء العاشر والاخير واتمنى تنال اعجابكم وانشالله قدرت اشارك بشي مفيد وحلو للمنتدى تحياتي // رزوف

وهــــذا الجـــــزء التــاسع حبايب استمر علي يتصل بها واهي ما ترد .. فغلقت الموبايل ... وما فكرت تفتحه أبد .. اتصل لها عالبيت .. لكنها معانده وما ترد ... وعقبها .... راحت بشاير لبلكونة اختها مريم .. لأنه هالبلكونه مطله على بلكونة علي ... اللي فلته حذال فلة قوم بشاير كانت دايما ً تتردد على هالمكان ... وفجاة .. لقت رساله ... مضمونها ذهبت إلى البحــر ... ومشيت على الشاطيء بخطوات يجوبها الخوف من الوحده.. أحلم بوجودك قربي.. وأتلمس طيفك الحالم .. لعل الجراح تبرى .. رحت أتحامل على نفسي .. و أجر الخطوات .. لعلي أجد ملاذي .. وخذلتني بهذه اللحظات دموعي .. فانسكبت على وجنتي .. و أحسست بقربك مني وبعدك ... وياللأسف .. أيقنت أني وحيد ... وفجأة ... تهاتفت الأمواج .. وغصب البحر .. فلطمتني موجة ... وصفعتني .. فقالت لي : لماذا تذرف الدموع .. لا شيء في هذه الحيــاة يستحق ان نبكي لأجله .. فقلت : بلى .. ففي بستاني ورده .. يستحيل على أي مخلوق قطفها .. وفي دربي ..شمعة .. تضيء لي طريقي .. ويستحيل عليها أن تنطفيء .... وفي حياتي ... بسمة ... علمتني معنى الحياة .. وأن الانسان لابد ان يستمر فالحياة .. مهما كانت الظروف ومهما واجه من صعاب ... فأحببتها ... نعم احببتها .... وكل دموعي رهينتها .. وكلي ملك لها .. فلا تغضبي مني .. فهذا هو الحب الذي يستحق ان أذرف من اجله دموعي .... المجروح A ------------------------- استمرت الأيام .. ولا حس ولا خبر ... علي تايه .. مب عارف شاللي يصير من حوله ... يبه حد يطمنه ... قلبه مب مرتاح .. لا اكل ولا شرب ... حتى النوم ما تهنى به ... فالنهاية اضطر لأنه يخبر اخوها ... فعصصصب عليه فيصل .. وقاله .. اترك اختي فحالها .. انت تدري عن منو ترمس ؟؟ عن اختي .. اختي ..اختي لو سويت هالحركة بإختك بتستانس وبتساعدني أرجع لها ... علي : بس انت تدري اني هب غاوي العب عليها .. فيصل : هه عيل تعال واخطبها يا فالح ... شو منتظر .. علي : والله مستعد اليوم قبل باجر .. بس انت تدري ان أمايه اتوفت من جم شهر( توفت بالسرطان ) وما أقدر ... منو المسؤول عن خواتيه واخواني .. تدري ان من عقب ما اتوفى اخوي الاكبر صرت انا المسؤول عن عيلتي .. تدري ان الوالد والله يذكره بالخير .. مرقد فالمستشفى وعنده القلب ... يعني .. لازم أواجه الواقع و أمشي الحال وعقب يصير خيييير .. فيصل : عقب يصير خيييير ؟؟؟ عقب بتتفاجأ يا علوووه .. وراح فيصل عنه .. قام علي وطرش لبشاير رساله ويا اخوها الصغير .. ( ثلطان ) .. و اكد عليه انه يسلمها لها ايد بإيد فراح الحبوووب لبشاير وناولها الرساله ... وكان مضمونها سلام عليج ورحمة الله وينج حياتي لاحس ولا اخبار ... مدخل الله اطمنيني عليج .... أرجووووج والله الليل ما انامه والسبة هالأفكار اللي تدووور فخاطري قلت يمكن زعلتج فشي او ظايجت فيج ... ( اشقـــد احبـــج وانتي تدرين . قد الفرح فاليوف وقد السنين .. اشقد أودج لا تسإلين .. لأن كل شي انكتب فوق الجبين ) واذا تحبيني صج مثل ما تقولين ... أرجووووج خبريني .. افتحي تلفونج ... أرجوووووج .. تدرين انج الهوى اللي اتنفسه .. تدرين انج مثل الماي اللي أشربه .. وبدووون كل هذا ما اعيــــش .. مالي حياة بدونج لا تجرحي المجروح .. يكفيه جرحه .. يكفيه من وقته ... لوعاه وحرمان المجروح A احتضنت بشاير هالرساله .. اللي فيها من ريحة ظناها ... وبأنامها الصغار ... مسحت عالرساله .. تتلمس الكلمات .. واللي بين السطور تتلمس احساس علي وهمساته ... و ... انزلت عبراتها ... وتركت أثر عالرساله ... بكت بكثر ما تعذبت ... بكت .. وبكت .. وما زالت همومها فصدرها ... مستحيل تروح .. او تنمحي بكل سهووووله .... لكن بشاير ..... ما قدرت غير انها تمززززع الرساله .... لأنها ما بتقدر تنفذ أي طلب طلبه .... لأن ملجتها جرييييييبه ... وما تبي تظلم الريال وياها ... بس احتفظت بذكراه ... بكرى احلى حب فحياتها .. بحرف A .. اللي تحمله قلادتها .. اللي أهداها اياها .. مروا الاسبوعين ... ويه موعد الملجة .. وعلي مايدري عن شي ... اتصل فيصل بعلي .. وقاله ... فيصل : هلاااااااااااا بو الشباب .... علي : هلا بالشييييخ ... مرحباااااااااااااا مليوووووون ولا يسدن ... فيصل : هههههههه وينك يا ريال .. كل ماروح المقهى ما جوفك ... مب من عوايدك .. علي : شقولك يا ريااال ... انت عارف ... ظروفي ما تسمح ... فيصل : لا بس اذا فصوووول طلب منك شي استحاله ترده .. علي : انت تامر الشيخ .... تفضل اطلب وانا حاااااااااااااااظر وفالشوفه ... فيصل : اوكي ... توصل الطلبيه للبيت والا الوقت متاخر ..؟؟ علي : ههههههههههههه شووووو متصل كافتيريا يالدحااااااااااح .. فيصل :هههههاااي لا لا صج .... عقب باجر ملجة اختي ... و أنا من احينه أعزمك .. ابه اجوفك اووول المعازيم ... تعال انت واخوك نوفل ... كل الشباب بيتواجدون وقوم عبود كحيل .. وسلوم صنقور تعال ياريااال ..ترى الشباب كللللهم بيووون لا يكون تتغيب .. علي : هههههه اكيد اختك مريم ... فيصل : لا وانت الصاج .... اختي بشاير صخخخخخخخ علي ... حس ان جسمه كلللللللللله تشلل ... ما نطق ولا بكلمه فيصل : علوووووووه ... بلاك صاخ .. ؟؟ الوووووو علووووووه عاد لا تتمصخر ..رد يا ريااااال .... هاه خبرني بتحظر ؟؟ علووووووه ... علي ... اوكي براحتك جان ما تبه ترد .. انا سويت الواجب .. واذا تعزني صج بتحظر..... يالله باي ومع الأيااااااااااااام راحت بشاير و اتصلت على ... مسج موبايل علي ..... فسمعت ... مسجه .. (( تاخرتي )) لراشد الماجد وانتابها حزن شدييييد .. وقلبها آلمها .. على الكلمات .. وعلى فقدانها لعلي.. ادمعت عينها .. ونزف قلبها .. تحطمت أحلامها وآمالها .. خذت فخاطرها على أهلها وعالكل لأنهم بيدهم يروها للقبـــــر .... دفنوها واهي بعز شبابها.. يوم ابعدوها عن قلبها ونبضه ... بس الله يرحم هذاج الحب ... ... ويه يوم الملجة وكانت الملجة بفندق ... واتزهبت بشاير ... و طااااااااالعة قمر 14 ماشالله عليها .. .. ظهرت بشاير عالكوشه وهي بكامل كشختها وزينتها .. يخزي العين عليها ... لكن نظرتها تحمل كل معاني الحزن .. والألم ما ودها تروووح ... ولا ودها تظهر للناس ... ما فخاطرها تكون يم نواف .. اللي ما همه فالحياة غير نفسه ... الله يسامح اللي كان السبب فالألم اللي سببه لبشــاير وعلي .. علي .. الانسان اللي حب بكل صدق واحساس خالص .. لكن ياللأسف .. مثل هالحب .. محكوم عليه دووم بالموووووت .. بس ليييش ؟؟ لأنه حب صادق ؟؟ او ان الزمن غدر بهالأشخاص ؟؟ !! المهم مشت .. بخطوات متثاقله ... شايله وياها حزن وهموووم توزن هموووم الناس كلها .. قعدت بشاير عالكوشه .. واهي كلها حزن .. حاولت تخفي عبراتها .. حاولت تنسى انها ملجت .. حاولت تنسى اللي صار .. لكن ملامح وييها .. تحكي اللي فقلبها .... بنظرات حزينه قامت تناظر الناس الموجودين .. اللي يحتفلون بيوم مماتها ... وانصدمت ... لمحت شخص .. شخص ومب أي شخص .... تفاجات بشاير بشخص موجود فالملجة .. ما توقعت وجوووده بالأساس .. منو هالشخص يا ترى ..؟؟ وهل بتكتمل ملجتها على خير ؟؟ ؟؟؟؟؟؟؟؟؟؟؟؟؟ انشالله بتعرفوون فالجزء (( العاشــــــر والاخيـــــــــر :"( :"( :"( :"( :"( :"( :"( :"( :"( :"(

Rabbit & ريم المحرق انشالله عمري من عيوني بس جزئين مع بعض مايصير عمري عمرج انتي جفتي يحطون حلقتين مع بعض ؟؟؟ لاز م كل جزء بروحه وبعدين هانت مابقى الا الجزء الاخير مشكورين عالمتابعه

الف الف مبروووك

انشالله حبوب بس بعد عضويين يردون وراك وبنزل الجزء ماقبل الاخير

حيالله اهل قطر :lol: غربي هواكم ياهل الدوحه خذاني الشوق غصب شسوي ياربي

وهذا الجزء الثامــــــــــن : يالله بالبركة باجي جزئين الرساله : السلام عليكم والرحمة هلا نواف .. اشحالك ؟؟ أكيــد بخيييير و بألف صحة وعافيه دامك فأحضان أمووونه ... ما فنيتي اخرب سعادتكم فبعض .. بس فقلبي جمن كلمة فخاطريه أبوح بهن وأريح ظميري أدري ان الحجة اللي ابتكرتها عسب تتخلص مني ... ما أثرت فيك .. لكنها أثرت فقلبي وحياتيه اللي أرخصتها لجلك وانت والله ولا مهتممممم ... يا خسارة والله ... خسارة وقتي وعمري اللي ضاع وياك .. ويا انسان ما عرف غير حب نفسه .... وحبه لهالدنيا واللي فيها .... كلامك اللي تفضلت به كان أقوى من طعنات السيف فصدري .. ولا ولا حسيييييت بتأنيب الظمير .. واللي ما يأنبه ظميره مستحيل يكون انسان ... لا تستغرب من كلامي .. بس من حقي و انا بدعيلك ان الله يسعدك فحياتك .... و تلاقي الانسانه اللي تسعدك .. وتصبر على العيشه وياك .. خســــرتك ... !! مستحيل أصدق اني خسرتك .. بعدما كنت احارب العالم عشانك .. خسرتك وبكل جدارة .. وخسارتي لك بسبتك .. فضلتها عليه .. حبيتها وتركتني مخدوعه و أعانـــي .. هجرتني يوم اني بأمس الحاجة لك .. خليتني بدمعي و احزاني .. متمسكنه الآلام فضلوعي .. سهيرة الليالي بلا من يواسيني .. شو الذنب اللي اقترفته ؟؟ شاللي اخطيت به ؟؟ انـــــــــي حبيتك بأمانه ؟؟؟ ما اظن ارتكبت ذنوب غير هذا ..... قلبي بذاته حبــّــك ... كيف أمنعه ؟؟ كيف امنع القلب يحب .. وهو مخلوق للحب .. مشكلتي فاختياري ... حبيت لي واحد أناني .. زيف احساسه بحبي .. ما عرف معنى مكانه .. لكن أعاهدك بحبي وحياتي وبكل معاني الصدق ... اعاهدك وربي يشهد عليه .. أوعدك انا انساك و أقتل شعوري اللي انغرس فصدري وفالخفوق .. و أمحيك منحياتي وذكرياتي .. بمحيك شروى مسح كتابات القلم .. وما سطرت بالاوراق ببدا حياتي من يديد من غير أي هم او أي ألم .. بس ما اخبي عليك شي .. بتبقى لي ذكرى وحيدة .. ذكرى مستحيل انساها . . . . . . . . . . . إنــــــي خسرتـــك .... أرسلت الرساله وريحت ظميرها .. و ابتدت حياتها من يديد .. مع علي .. اللي ما حطت فبالها انها ترجع له او تكوّن وياه أي علاقه لكن فسنة 2002 يعني قبل سنه ... استوى شي .. ماكان فبال ولا فخاطر أي حد من قوم بشاير تدروووون شو صاااااااااااااار ؟؟؟؟؟؟؟؟؟؟؟ اتقدم نواف لخطبة بشاير .... والكل منصدم .. مع ان اهله قبل كانوا يحاولون وياه بكل الطرق انه يرجع لها .. ويخطبها لكنه رااافض الفكره .. بس شاللي رجعه لبشاير ... كان يحب أموووونه على قولته ... وكان محطي فباله ان بشاير تكلم واحد من دبي .. ليش شاللي غير تفكيره ؟؟؟ الله أعلم .. بشاير ... ما وافقت ...عليه ... اهلها استغربوا ...؟؟؟ ليش ... يدرون باللي صار بينهم بسسس ما توقعوا منها هالشي .. لكن بشاير أصرت انها ترفض .. و قالت لاهلها أنا ما أبييييييييييييييييييييييييييه يستحيل عليه أني آآآآآخذه .. و فنفس اليوم ------------------حزة العصـــــرانيه ------------------- ياها أخوها فيصل ... فيصل : بشووورة حبيبتي باجر الصبح بروح معرض السيارات والله محتااااار فخاطري أخذ مرسدس بو عيون وفخاطري بي ام ... شو رايج ..؟؟ بشاير : والله مادري بك ... بس البي ام هذي كشششخة وزقرتيه ... ما يركبونها الا الشيوووخ طال عمرك فيصل : هيه والله صجج .. بس لازم بتمدحينها دام عندج بي ام .. بشاير : هههههههه والمرسدس بعد زينه .. خصوصا ً انك على ويه زوايه .. جيه ما تخطب وترتاح من اللف والدواره فالمراكز والتسكع ويا الشباب اللي ما بينفعونك بشي ؟؟؟ فيصل : شوووو وين تبين انتي .. مينون انا اخطب .. لالالالا خلني بعيد عن هالسوالف احسن .. تعالي بشورة على سالفة الخطبه جيه ما تبين نوافوووه ؟؟... ماشالله عليه مافيه شي .. بشاير : فصووول .. السالفه هذي انتهينا منها من زمان وانت تدري باللي صار بيني وبينه .. فيصل : أدري بشورتي بسسسس ... أمووون ما تسوى ظفر من ظفووور ريلج حبيبتي .. وبعدين دامه خطبج يعني شارنج ويباج .. بشاير : أنا نسيته خلاص .. ما عاد له أي أثر فحياتي فيصل : بشاير .. مهما لفيتي ودرتي .. انا أدري انج تحبين علي .. صح بشاير مرتبكه .. فيصل: انا أدري .. لا تحاولين .. جفت اتصالاته لج .. وجفت ردة فعلج هذاج اليوم اللي اتصل فيه حزة ما كنا فالسوق .. ووووو لو اعدد لج ما بخلص .. وباختصار أدري بج وانتي اختي بشاير : كل هذا تعرفه من وراي . فيصل : ههههههه والله لو ما الولد ولد ناس و أصول .. وربيعي الروح بالروح وادري انه انسان محترم... والله ما سمحت بهالشي لانه اذا يباج .. صدقيني بإمكانه ياخذج .. لكن لا تتحلمين ... تدرين ان اهلي ما بيوافقون ... بشاير : لييييييش ؟؟؟ فيصل : تسإليني ليش وانتي تعرفين .... تدرين انه يوم صغير كان اكبر سفاح فالبلاد .. وغاوي مشاكل بشاير تقاطعه : لكن اول غير واحينه غير .... ادري بك تبه تدهن سيري وتقربني من نواف... لا ما باه فصووول.. فصيل : بالنسبة لنا تغيييير .. لأانا عرفناه ... لكن أهلي ... بتظل الفكره راسخة فبالهم .. ودريه يا بشاير خلاص ... انتي مالج غير ولد عمتج .. وتمت بشاير تفكر فكلاااام اخوها .. والعشا ... عقب ما خلصوا من العشى .... طلب الوالد يجوف بشاير .. ياته .. بشاير : هلا بويه ... طلبتني الوالد : يلسي يا بنيتي ... بشاير : خير ابويه في شي ؟ الوالد : انتي كبرتي يا بنتي .. دشيتي الجامعة .. ودخلتي تخصص زين .. وشرفتينا كلنا ... و انا مستانس فيج .. انتي البنيه اللي حلمت بها .. كبرتي على ايدي .. وعلمتج وما قصرت عليج بشي بشاير : و انا أشكرك من كل قلبي أبويه... والله انت تاج راسي الوالد : بنيتي ........................................... بخصوص ولد عمتج ... حطي فبالج يا بنتي انج كبرتي .. والكل طالبنج ويباج .. لكن مالج غير ولد عمتج .. محد بيخاف عليج أكثر من ولد عمتج .. ومثل ما يقولون الأقربون اولى بالمعروف .. و انا ما أقدر أرد عمتج .. تعرفين شالمشاكل اللي بتيينا اذا رفضناه ... انا بوافق يا بنتي .. وانتي فكري وردي علي .. مالج غير ولد عمتج .. مالج غيره عقب ماخلص الوالد كلامه وياها ... ركضت بشاير على حجرتها وصكت الباب وراها بقووو ... وكالعاده ... ابتدت تصيح دخلن عليها خواتها .... كل وحدة تحاول تواسيها و تقنعها بالفكره .. كل وحدة تحاول تخفف عنها فدخلت عليها امها ... و ركضت بشاير ولوت على امها ... كلمتها الوالده عن الموضوع و الكل أقنعها انها تاخذ ولد عمتها .. لكن بشاير ما تريده .... كفاية انه اعترف بانه ما حبها بالأساس .. احينه يباها .. عقب ما قلبها صار للغير .. عقب ما زيييف احساسه .. وعيشها بدنيا كلها اوهام ... كانت تحبه ... بكل صدق تحبه ... لكنه تركها بالرغم من انها بامس الحاجه له ... كانت تبه قربه .. تريد الانسان اللي عاشت سنيــــــــــن واهي تتنظره ... وفالنهاية يقولها وبكل سهوله .. كنا صغار ونقص على عمرنا .؟؟؟ شو من الظمير عنده هذا ... شو من الاحاسيس يمكتلك ....... قلبه شوووو ؟؟؟ والله الحجر على الأقل يتفتت .. لكن قلبه .. أقسى من الحديد .. كفاية أسلوبه وطريقة كلامه وياها ! انجبرت انجبرت أقنعوها حاولووووا وفالنهاية وافقت عالفكره ... واقنعت روحها مع انها تكره نوااااف .. تكككككرررررره ... وافقت عليه مغصوبه ولا خبرت علي .. لأنها ما تبه تأذيه ..بس طرشت له مسج ... صدقني أككككككرهك من كل قلبي .. وفحياتي ما حبيتك ... انا جاااااده فكلامي .. اكرهك اكرهك ..انساني طرشت المسج واهي تقول فخاطرها مع كل دمعة تسيل من عيونها ... والله اني احبك .. ولأني احبك .. أسوي جذي والله يا علي ..... خل قلبك يقرى اللي فقلبي ... وبتعرف اشكثر عزيتك في حياتي .. اتصل بها على طوووووول يبه يعرف شاللي استوى بها .. من جم يوم مكلمنها ولا فيها شي ... مستانسة وطااايره من الفرحه بعد و احينه ؟؟؟؟ يتصل يتصل ويتصل لكنها ما ترد عليه أبد ... يا ترى .... شو آخرتها ... شو اللي بيصير ؟؟؟ هل بترد عليه بشاير ؟؟ هل بتخبره عن السالفه ؟؟ هل بتظل بشاير تحب علي ؟؟؟ او .... بتعرفووون فالجزء التاسع انشااااالله __________________

بنت القمر انشالله من عيوني (( ولالحاى بعد ان انت اللي ناقلتها)) ترا مافهمت شنو؟؟ القلب المجروح هلا فيج حبي انشالله عمري ترا كلها جزئيين وبتنتهي يعني لاتستعيلين وايد راح الكثير يا لقلب ومابقى الا القليل ali_koo الشكر لك حبوب والله يشرفني هالشي انك مشتاق ولمثل قصتي ريف العين ((انا اقول لكم ان اهو تزوج وقال لها انه نساها هاي عاده القصص )) خخخخخخخخخخخخخخخ لا كل هذا راح تعرفه بالجزء الاخير وانشالله من عيوني مشكورين عالمتابعه حبايبي وانا الحين بحط لكم الجزء الثامن اطيب الاوقات اتمناها لكم مع قراءة قصتي

«°°°راما°°°» :angry امبيييييييييييييييييييييه «°°°راما°°°» عاد ليش معصبه هالكثر عاد انا مااستاهل احد يعصب علي :"( الي فيني كافيني :"( :"( _____----_____---____---____---____---_____----_____---____ دمعة فرح الله يسلمج قلب نويره انتاي اروع ولا شكر على واجب وانشالله قدرت اقدم لكم شي اعتبرتو منه بحياتكم VVVVvvvVVVvvvVVVvvvVVVvvvVVVvvvVVVvvvVVV فارس المحرق مرااحب هلا والله اخوي شكرن هذا من ذوقك حبوب والله يااخ فارس انا فكرت ومو بس فكرت الا فكرت وايد وصلت لشي انه ليش ماكلم فاامو يكلم لي مخرج ويخليه يتعاون معاي (er) خصوصا عاد فاموو له خبره بالوسط الفني وترا انا ماقول لا لوووووووووولز ***vvvv***vvvv***vvv****vvvv****vvvv****vvvv****vvv** ريم المحرق هلا عمري تقعدين 17 ساعه عيل يامن حظي انا ××××______××××_____××××______×××××______ Bahraini_In_UK هلا حبوب انشالله من عيوني انشالله الحين بحط لكم الجزء الثامن ومشكورين عالمتابعه اطيب الاوقات اتمناها لكم مع قراءه قصتي

وهذا الجزء السابع .... =========== واستمر نواف يجرح بالكلام .. وبشاير صاخه تسمع لكلامه .. ومن عقب ما خلص .. قالت له : خلصت كلامك ؟؟ نواف : لا ما خلصت ... ،، لا تقولين اني اعاتبج لأني احبج !! لااااااااا وستين غلطانه بعد .. أنا أعاتبج لأنج بنت خالي.. وبمثابة الاخت لي .لا اكثر ولا أقل ..........لكن ............... . منو الشخص اللي تكلمينه ؟ من دبي ... بشاير : من دبي ... مادري به والله ولا عرف عن شي .... نواف : بسسسس .. توقعت ردة فعلج .. لكن .. يأسفني اقولج هذا آخر اتصال .. وبعدين مافي مجرم بيعترف بجريمته بكل سهوله .. بس لاتنسين ........ اني ما حبيتج من الأصل .... ولا يهمني شو مكاني فحياتج .... او... موقعي من الاعرااااااااب ... مادري هذا الثالث والا العاشر اللي تكلمينه .... الله يستر بس ... وما خفي اعظم ...... هه هه ... يأسفني انج بنت خالي بشاير وهي تصيح من خاطرها وفلبها حسراااااااااااااات على العمر اللي ضاع وياه هدر .................. : اوكي يا نواف ... خذ راحتك .. وقول اللي فخاطرك ... بس لا تنسى ان بشاير حبتك بصدق وامانه .. لا تنسى بنت خالك اللي عاشت أحلى أيام عمرها وياك .. أنا اللي المفروض اقولك ... الله يهنيك فحياتك .. وداعت الله .... و اول ما سكرت ... اتصل بها علي عقب 5 دقايق تقريبا ً .. ترددت بشاير ترد او لا ... بشــــــــــاير : الوووه ... ه ... ه علي : مرحباااااا مليووووووووووون ولا يسدن 000 اشحالج الشيخة ؟ بشايــــــــــــــر ساكتــــــــــــه علي : ألوووو ..بشاير.. حبيبي ........؟ حبيبي ردي .. ألو .. بشاير : هلا علي علي و أهو خايف : بشاير .... اشفيج ؟؟ شو صاير ... صايحة ؟؟ في حد زعلج ؟؟ صار لج شي لحظة صمت علي : بشاير ردي أرجوووووج لا تذبحيني ، خيييير شو مستوي ... بشاير : ولا شي .. بس أنا جم مرة قلت لك لا تتصل .. أرجوك أنا بغنى عن المشاكل اللي فيني كافيني أرجووووووووووووووووووووووووووووووووووووووووووووووو وووووووووووووووك علي : أفاااااا ....... ليش ؟؟ أحينه انا بسبب لج مشاكل .. والله ما توقعتها منج بشاير : بصراااااااااحة ... أنا أحب ولد عمتي والظاهر انه ما يحبني ..... تشهق وتصييييييح من خاطرها علي : كيييييييف ؟؟ تحبينه وانا آخر من يعلم .. بشاير : والله ما فخاطريه أجرحك .. أرجوووووك تفهمني علي : بس انا احبج وانتي تدري من زماااااااان .... تصيح بشاير علي : حبيبتي ،،،،،، على شان خاطر علي هدي اعصابج ، والله الدنيا ما تستاهل ،، بسج صياح دموعج غالييين عليـّه ،، على شان خاطري بس.. بشاير : انشالله يا علي ... صج انك ولد حلال وقلبك كبير .. أدري صبرت عليه وايد ... علي : حبيبتي انا مالي حد أغلى عنج .. من عقب عيون الوالده الله يرحمها .. انتي الوحيده الغاليه ... تاخذ نفس عميق و تقول .. بشاير: زين علي .. ليش كل اللي نتمناه ما ناخذه ؟ علي : هه ... شؤال صعب .. بس اتوقع انج تعرفين اجابته مع الأيام .. علي : بشاير اذا انتي خايفه على مصلحتج ... لا تفكرين بنواف .. مجرد التفكير بس .. ترى والله بزعل .. كفاية انه نزل دموعج ودموعج بالنسبة لي أغلى من الدنيا ما فيها ... اغلى من الماس والذهب .. وحرام واحد مثل نواف ينزلها من عيونج اللي ما قول عنها غير عيون غزلان .... خلينا من سالفه الزطي ولد عمتج .... المهم علي : بشاير حياتي.. حبيبي .. اذا خذتج انشالله ... شو فخاطرج تسمين النونو ؟ بشاير : ههههههه مب جنك مستعيل وااايد ؟؟ تتكلم عن العيال مرررة وحده .. علي : علشاني عيون علاوي جاوبيني .. بشاير :اممممم .. اذا كانت بنيه ...بسميها فتون او حور ... واذا ولد ... فزاع .. ريسان .. مروان هههه علي : اممممم حلو .. و انا يعني مالي راي ؟؟ بشاير: هههههههههه انت اللي سألتني بعد شوووه؟ هههه ، والله فيك الخير يا علي .. رجعت لي البسمه واستمرت المكالمة أكثر من ساعتين و مع مرور الأيام .. حست بشاير ان قلبها يميل لعلي .. واتمسكت فيه اكثر واكثر وما يمر يوم دون ما تسمع بشاير صوت علي .. وعلي وعد بشاير انه يخطبها .. بس تنتظره جم شهر .. وما عادت بشاير مهتمة بنواف أبد ... لان اللي سواه وياها مب شويه .. لكن قبل لا تنهي علاقتها بنواف .. حطت فخاطرها انها تاخذ جزء من حقها على الأقل ... لأنها اعرفت انه يكلم ربيعتها .. و يعشق بنت عمها اللي بكككككل وقاحه ... تقربت من نواف .. و خذته من بشاير .. واللي شلل أفكار نواف و دس فيها هالسوالف ما كان غييييييييير .... ( آمنه ) بنت عم بشاير ... -------------------- فـــــــــــــــــي حجرة بشـــــــــــــــــايـــــر ---------------------- بشاير قاعدة عالكمبيوتر ... وفاتحة ايميلها .. تبه تطرش لنواف رساله وتغني بأعلى صوتها .... ( لا يــا قلبــي لا اتكلم .... لا يــا قلبـــي لا اتــــألم ... هذا هو اللي تحبـــه .. لو نسيته .. آآآآآه لو نسيته كان أرحم ) وتدخل عليها امها ... بشاير يا أميه اشبلاج .. صوتج واصل لآخر الشارع .. بشاير : لا ولا شي يا امايه ... بس كل اللي فالسالفه ان بت عميه أمووون خذت مني نواف .. وسممت له أفكاره و أمس اتصل بي يشتمني .... ويجرح بي ... هذي جزاتيه يوم اني رفضت كل واحد يتقدم لي على شانه .. هذي جزاتيه يوم اني ضيعت وقتي وعمري و انا أسأل عنه .. ومتعلقه فحبه ... والدموع ابتدت تغرغر فعيونها .. أم بشاير : أموووون هذي ما غيرها ... يعل ربي ينتقم منها ... و انا أقول فخاطري ليش كل ما أروح بيتهم ما تيلس مثل قبل .. أحيدها كانت دوم تنشدني عنج .. و اطرش لج سلام .. و احينه ... ما عليج منها يا أميه .. ولا عليج من نواف مليوووون واحد من امثاله وأحسن بعد يحبون التراب اللي تمشين عليه .. هوني عليج يا أميه .. و قعدت الوالدة ويا بنتها بشاير ... و هدتها و خففت عنها .. وعقب راحت وهني قعدت بشاير تلتقط انفاسها .. وتستعد لكتابة الرساله لنواف .. اللي بطرشها له عالايميل فيا ترى .. شو بتكتب بشاير لولد عمتها ؟؟؟ وشو فخاطرها تسوي .. شو المصير ؟؟

انشالله حبايبي من عيوني مشكورين عالمتابعه يا...... Bahraini_In_UK smart girl ريم المحرق

مشكورين حبايبي عالمتابعه وهذي انا يبت لكم الجزء السادس اخليكم معاه الجزء السادس ----------------- تفاجأت بشاير ان ولد عمتها نواف مطرش لها رسالة عالايميل .. وطبعا ً كلها مكتوبه بالانجليزي Hi DEER :that's me How are you ?? ana el7emdelellah tmaaaaam ow enty wen ma tselen ? Elmohem deer ana raje3 elemarat yooom eljm3a enshalla .... slme slme Babaaaaaay ويوم الجمعة قريب وما باجي عنه شي ... مب عارفه بشاير شتسوي .... نواف رجع ... مع انه ما افتكر فيني قبل ليش ؟ انا شو سويت له ؟؟ فـ يا يوم الجمعة ... رجع نواف من السفر ... من عقب 4 سنين ... راحت بشاير واهلها بيت عمتها ... جافت نواف... متغيييير 360 درجة .. مب بس شكلا ً حتى تصرفاته مب مثل قبل ... تغيير وايد .. مب مهتم لها .. أبد حتى علي .. مهتم بها أككككككثثثثثثر من نواف .. بس فوق كل هذا ... الحب الأول استحاله يتعوض بأي حب بشاير : هاه نواف... متغير واااايد ... نواف : لا متغير ولا شي ... انتي اللي كبرتي وااااايد ... واحلويتي اكثر بشاير : نواف ... شاللي غيرك .... انت منت الأولاني .. نواف : صرت أجوفك شخص ثاني .. انت متغييييير حبيبي .. انت منت الاولاني بشاير تنزل راسها : أنا جاده يا نواف ... نواف : أقول بشاير .. أنا مشغول شوي .. بروح أقعد ويا الأهل .. أجلي هالكلام الفاضي لوقت ثاني بشاير مستغربه من ردة فعله : كلام فاضي ؟؟؟ نواف : .... بشاير ... أجوفج على خير ----------- .. المهم لاحظت بشاير ان علي قطع اتصاله بها .. عالأقل كان متعود يطرش لها مسجات .. لكن هاليوم .. ليش ؟ اكيد فيه شي ... فيصل وهو يربع لبشاير للطابق الثاني .... بشايرووووووووووه .... بشوره يالله خلصيني افتحي الباب .. بشاير : زييييييين لحظة ... فيصل : بشاير لو سمحتي ممكن سيارتج شوي ؟؟ بشاير : غريييييييبه اول مرة تستأذن فيصل : هههه ترى هذي اول مرة أستأذن وآخر مرة بعمري كلللللللله بشاير : بس انا عندي مشوار .. لزمن علي أروح واخلصه ... فيصل : اوكي .. بس على شرط انا اللي بسوق.. بروح المقهى شوي باخذ شي ناسيه ويا واحد من الشبيبه وعقبها بروح المطعم باخذ لي والربع اكل .. وعقبها ..... بشاير: لاااااااااا والله طرار ويتشرط ما خلا مكان ما قلت لي بروحه ... و انا ؟؟ مشواري فيثل : خليني اكمل ... ... وعقب ما اخلص نزليني المستشفى .... اخذي السيارة وروحي بها .. بشاير : المستشفى ؟؟ خير اللهم اجعله خير شو صار ؟؟ شو مستوي فيصل : ولا شي .. بس خبرج علوووه ولد الجخ ... مريض وحالته لا تسر عدو ولا صديق ... بشاير : الله يكون فعونه .. حليله محد مداري عالبيت وخوانه غيره ... الله يعافيه انشالله فيصل : يالله .... فالرجعة اتصلي بي اوكي ... ظل بال بشاير مشغووول على ... علـــي .. الانسان ..اللي بالنسبة لها غير عن كل الشباب ... راقي .. له أسلوب حلو .. وقلب احلى .... حاولت تتجنب هالأفكار اللي تطري على بالها .. حاولت تخفي اهتمامها بعلي .. وحزنها على مرضه .. لكنها ما قدرت ... لأنه غييير .. غييييييير ... بشاير فخاطرها : شو هالغبااااء .. انا عندي نواف ... وليش أفكر بعلي ؟؟ نواف وغيره محد فقلبي ... هو الحب الاول والاخير .. اهم يومين على هالرمسة اللي صارت بينهم ... واتصل فيها نواف نواف : بشاير ..... بشاير : هلا نواف ... هههه غريبه .. أحينه فكرت تسأل نواف : يا آنسه بشاير انا ما بطول فكلامي ولا بلف وبدووووووور مثل ما تسويين انتي بشاير واهي متخرعه .... نوااااااااااااف .... لو سمحت حاسب على كلامك .. نواف : بتلعبين العبي على غيري يا آنسة ... أنا أكبر من انج تلفين وتدورين علي ... أدري بكل تصرفاتج .. تتحسبين اني سافرت خلاص يعني .. صدقيني أنا ما بحاسبج على شي لأني أساسا ً لغيتج من حياتي .. انتي من حياتي انتهيتي ومن زمااان .. ويأسفني اني أقولج واعترف لج .. إني ما حبيتج بالأساااااااااس .. صدق والله ما حبيتج .. كنا صغار .. نقص على عمارنا .. اصحي يا بنت النااس .. بس بقولج الله يهنيييييييييج ويا حبيب الروح بشاير : شوووووووووه ؟ كييييف ؟؟ نواااااااااااااااااااااف ؟ هذا استحالة يكون كلامك ....... اذا انت اقرب الناس لي وحبيب عمري وقلبي ......... تقول هالكلام بكل سهوله .... وللحديث بقية ... بس يا ترى شاللي اكتشفه نوااااااف !! وليش معصب عليها ؟؟ يعني معقوله عرف عن سالفة علي ؟؟؟ تهقون درى ؟؟؟ يمكن تكون السالفة اكبر من جي .... من يدري بس أقولكم ... بتعرفون بالجزء السابع بإذن الله __________________

انشالله بكملها من عيوني بس هم ابي عدد اكبر من القرااء