هاااي شباب شخباركم ؟؟
الصراحة اهي المشكلة مو مشكلتي اهي مشكلة رفيجتي المقربة وحبيت اعرف رايك بالموضوع ..
الله يسلمكم من جم شهر رفيجتي داشه موقع وكان فيه ايميل صبي قامت سوته ادد ..للعلم ان رفيجتي ما تكلم صبي يعني قصدي انها ما تحب صبي معين عندها عقده منهم مسكيينة
المهم تكلمت مع الصبي وطلع انه من اصل غير بحريني وعايش في دولة غير بعد المهم كانت تكلمه عادي في البداية للعلم انه جاف واسلوبه ((وقح))ما يعجبني يعني ..المهم انها كانت تتحجه معاه عادي ..قصت عليه بأسم غير اسمها واهو طبعا كان مصدق ..و وراوته صورة غير صورتها يوم طلب انه يجوف صورتها ..طبعا من اول ما جاف الصورة الي اهي عرضتها له تشقق وتغير 180 درجة
صار يحاجيها بأدب ويحترمها وما ادري شنو لكن اهي كانت ما تهتم له لأن وايد صبيان يسوون جذي طلب منها تكله في المايك وقال لها انها عجبته وانه يبيها حبيبه اهي انصدمت وخذت الموضوع على اساس انه طنازة لكن الصبي كان من صجه وقام يعبر لها عن حبه وجذي وللعلم ان الصبي ما كلم اي بنت قبل يعني الشيخة كانت اول حب له
المهم ما ادري شنو صار وعطته رقمها كان كله يتصل لها ةاهي ما ترد عليه والمشكلة انها ما كانت تدري اذا اهي تحبه او لا مرة تقول لاحبه ومرة لا احتاريت وياها
المهم قالت انها ما تبيه حتى لو كانت تحبه لكن ما تقدر تحب واحد ما تجوفه وقالت له انها مو البنيه الي في الصورة و ان اسمها بعد غير اهو انصدم المهم عدى الموضوع على خير مع انه يحبها لكن احيانا يتصرف فيها بحقاره نفس ما تقوول بمعنى ان اسلوبه ينرفزها
ما مر جم شهر الا واحد من ربعه ضايفها ويقول لها ان عنده وحده يحبها غيرج
اهي انصدمت وغيرت اسلوبها وياه بدون ما تتأكد لانها شكت ان اهو الي مطرش الصبي لها من جذي صدقت وقالت تبي تفتك منه لكن اهو للحين يحبها وكل يتصل فيها اهي اتقول انها ما تحبه لكن تهتم له يعني انتو فهمو شنو اقصد يعني انها ما تبي تجرحه الله يخليكم ساعدوني نلاقي حق رفيجتي حل
تحياتي :نونو العنيدة