دنيا الخيانة

9th janu they say 24 Dec they r kiding with us ?? what ever ,, thank u

السلام عليكم لو سمحتوا اخواني واخواتي اللي عندة خبر متى راح يطلع القبول لجامعة البوليتكنيك للمسجلين للفصل القادم ،،، لأن قالوا تاريخ 24 وللحين ماااااااااااااشفت شي اللي يقدر يخبرنا في وين يطلعون بعد ومشكورين ماتقصرون

شكرا بابا خليفة بس الصراحة فيه ناس يضحكون، يطلعون حرتهم في كل مكان خخخخخخخخخخخخخخخخخخخخخخخخخ

لا ماقدمته باجر بقدمه ,, لأن مكتوب عندي في الورقة اللي عطوني اياها ,, ان بكون في الانج والماث والايتي ,, بس ان شاءالله يكون بس انج وماث مشكووور ماتقصر wish me a good luck

مرحبا ,, شلونكم شخباركم؟؟ لو سمحتو الله لا يهينكم ,, بس بغيت اللي عنده امتحان قدرات تبع بولتكنيك ابيه ضروري لان عندي امتحان يوم السبت وابي اشوف نموذج او اذا ماعندكم ممكن تقولون لي شلون كان الامتحان وشنو نوعية الاسئلة مكتوب لي بالورقة ان الامتحان بيتضمن الماث و الانجلينزي و IT ابي اعرف الـ IT بظبط شلون بكوون ؟؟ لا هنتو اللي يعرف اي شي يخبرني !!

يعني معقولة ماتعرفون كلكم الي رديتو ان المهر هو هدية من الزوج للزوجة، فقط، لا غير لاتجهز فيه لزواجها ولاشي والاخت الي قالت ان المهر مرده للزوج عاجلا ام آجلا، اسمحيلي اقووولج انج غلطانة،،، المهر للزوجة والزوج ماله حق ياخذه من عندها، والنبي قال ان عقوبة الي ياخذ مهر زوجته مثل عقوبة الزاني،،، و تأكدو في هالموضوع قبل لاكل وحدة تفتي وتقول عشان العروس تجهز فيه ليوم زواجها وثااانكس ...

الشرف عند المرأة والرجل على حد السواء،،، والي يقول الاشيا الي تسويها المرأة تنقص من شرفها دون التنقيص من شرف الرجل في حالة فعله لمثل الاشياء،،، حدة غلطان ... اثنينهم سوا سوا في الشرف والا جان الله ماعاقبهم بمثل العقاب،،، السارق والسارقة، والزانية والزاني الاجر والثواب كلة واحد عند الله ...... بس ترى الشرف يختلف عن العرض ،،، الشرف يتصل اتصال مباشر بذمة الانسان وضميره،،، مثل مانقول ان الحرامي ماعنده شرف، والا الي ياكل اموال الايتام ماعنده شرف ولاضمير،،، بس اللي مايخاف على اهله مثلا ولايفتكر فيهم والاخوة والخوات الي مايهتمون ببعض وعادي عندهم كل شي يصير، في هالحال نقول انهم مايخافون على عرضهم

لان الاجر والثواب والعقاب ينكتب بس برمضان بس زين منهم احترموا الشهر الفضيل والله يهديهم

دام فلوسهم زايدة لعمليات التجميل، خل يتصدقون فيها عشان تشفع لهم بالآخرة،،، وهالصبيان بعد الي ذابحين البنات، كل ما واحد راح بيخطب، قال يبي وحدها بيضة، ضعيفة، خشمها سلة سيف اسنانها لولو صفة،،، الصراحة يتفلسفون ويخلون عقبات في طريجهم فالبنات يتعقدون الحمدلله على نعمته الي انعمها علينا العقل والدين والشكل بعد

اهو الطبخ عادي مافيه شي، بس نسوان اول تغيرو عن بنات اللحين،،، لان الاكل نفسة تغير،،، يعني قبل كانوا يسوون السمج بكل انواعه وطبخاتة، بس اللحين اغلب البنات مايحبون السمج اصلا،،، وبعدين مافيها شي لو الريل قام وطبخ،، ليش يعني شبيصير؟؟ لا شي عيب ولاحرام لو ساعد مرته بالطباخ،،، انا احب اطبخ، بس يعتمد على المزاج، مب على طول،، و حتى لو زوجي يوعان والا يبي ياكل وانا مالي خلق اطبخ، إما يشتري من برة واما اهو يسوي، مافيها شي كلش

اي اي سمعت بهالشي والصراحة يضحك خرافات احس يعني ماله دااعي شنوووو ينامون مع المعاريس يعني، يضحكووون القصة إن الي يصيدها هالشي مايصير زوجها يدخل عليها الا عقب الفجر،،، والسبب يقولون إن يصيدها في جسمها بقع اوو ماادري شنوو، بس انا عن نفسي ماصدق

اي والله كل كلمة صحيحة الله يهدينا ويهدي جميع المؤمنين والمؤمنات يارب العالمين

استغفر الله العظييييييييييييم قاعدين تتكلمون على شرف بنات الناس على كيفكم،،، صج يعني ماعندكم سالفة،، اللحين بنات الي يدشون شات حثالة، وصبيان الي يدشون شات بس يبون يستانسون؟؟؟ سبحان الذي خلقنا من طين وخلقكم من نوووووور الله يهديكم والله العظيم شلون تفكرون بس انا ماعرف اللحين شالفرق بين بنية داشة الشات وبين صبي داش الشات؟؟؟؟؟ وترى الأصابع في الإيدين الواحدة ماهي سوى

فديتني طول عمري رشيقة خخخخخخخخخخخ بس يارب نتم على طول هاللون عاد إذا كانت كتلة الجسم من 20 – 25 فهذا هو الوزن المناسب شكرا عالموضوع المفيد والصحي

والله الحلال حلال والحرام حرام والكل يدري ان هالشي حرام مافيه متعودين مامتعودين،،، والحساب عند رب العالمين،، يرقصون مع ناس غير محارمهم، كأنهم في كباريه، شالفرق يعني

بدل مايقطونهم بالسجن جم شهر عشان يتأدبون يقومون يصلحون لهم سيارتهم بعد،،، صج البحرين اهل طيبة وكرم، حتى على العرض مايعاقبون لكن زين الي الله فاضحهم، وصبيان البحرين زين تسوون فيهم، واي احد يسوي حركات هاللون لاترضون على عرضكم وشرفكم، محد لنا غيركم ترى

اشكر الجميع على مشاركتي النقاش في هذا الموضوع المتواضع،،، والحمدلله قدرت اعرف افكار ناس مثقفة وواعية وجديرة بالثقة على عكس من تكلمنا عنهم في الموضوع ،،، شاكرة لكم تواجدكم مرة اخرى ...

شارب ببسي جاوب انت لاا

سواء بنات والا شباب الله يهديهم وهذي فعلا ماعتقد إنه شي طبيعي

رمز الجمال عندي الطبيعة الأوروبية

الله يهدي الجميع نساء و رجال ...

مس بيشو، فكرتي ان فشيلة المرة تسوق تاكسي، بس مب فشيلة تحتاج للناس؟؟؟؟؟؟؟؟؟؟؟ فشيلة انها تكسب رزقها من شغلة توفرت لها وماقدرت تلاقي غيرها؟؟؟ اهي لو مب محتاجة لهالدرجة ماشتغلتها والله العظيم انتو تفكرون في الواجهة الاجتماعية بدون ماتفكرون في الحالة الاجتماعية، هكاه يشتغلون يوصلون الناس في باصات، محد قال فشيلة؟؟؟؟؟؟؟؟؟؟؟؟ يطروووون عند المسايد محد قال فشيلة؟؟؟؟؟؟؟؟؟ خلكم واقعيين، اهي انسانة و من حقها تكسب رزقها بطريقة حلال، ومثل ماوضحوا الاخوة والاخوات سابقا، ان السيارة مجهزة للنساء والعوائل والاطفال يعني وفي حاجز بين السائق و الراكب ،،، مافي عذر ولا حجة ....

مشكورين أخواتي على تواجدكم ومشاركتكم بموضوعي، واي احد منكم تمر عنده هالخصلة من الأخلاق، اتمنى ان يردها وبكل مايستطيع من قوة عشان نحاربها، وليش يتقفل الموضوع، ما اظن انه تجاوز نطاق الأخلاق والآداب وماتلفظنا بكلمات غير لائقة يعني

شكرا اختي عالمشاركة، وفعلا، الله يهديهم بس

السلام عليكم و رحمة الله و بركاته انا عضوة من بعيد ليبعيد، يعني اقرء و ارد بشكل قليل ودائما اتمنى إني اخلي مواضيع حلوة بهالقسم، واليوم، لقيت الموضوع الي يستاهل الطرح واتمنى انه يكون عند حسن ظنكم، لأن هالموضوع وايد جريء وحساس بنفس الوقت والله يوفقني في طرحه بصورة جيدة. بدخل بالموضوع مع إني محرجه أخليه، لكن لا بد منه، ففي الآونة الأخيرة وبكل صراحة أغلبية الشباب المتزوجين يتكلمون بينهم وبين بعضهم عن مغامراتهم أو تجاربهم الجنسية، سواء مع زوجاتهم وإلا مع أخريات في غير نطاق الشرع، وهذا شي واقع بصراحة، فتلاقي واحد مع صديقه يتكلمون شنو صار و شنو ماصار، و إن زوجته ماتعجبه لأن هاللون وهاللون، و إنه يروح لوحدة ثانية لأن تعطيه شي ثاني، ويتكلمون بهالاشيا بدون خجل و كأنه شي عادي، فهل هو كذلك؟؟؟ يعني لو مثلا هالريال و زوجته كانو رايحين مكان وشافهم صديقة الي كان يتكلم معاه، بيتخيل منظرة مع زوجته لما كان يتكلم له عن علاقتهم الخاصة، صح والا لا؟ و اكرر مرة ثانية بأن هذا الشي واقع، و المصيبة الأكبر، إنهم يتكلمون بطريقة غير محترمة، يعني يستخدمون كلمات غير راقية وغير محترمة، تدل على تعامله مع زوجته بأنه cheap مثل مانقول، حتى هاى الكلمات انا استحي اكتبها لكم والله العظيم، يعني ليش وصلوا لهاى الدرجة؟ يتكلمون عن علاقاتهم الخاصة وكأنها شي علني و يخلون الكل يتطلع على اعراضهم و عورات نساءهم، وهذا الشي ترى حرام والله العظيم ومايجوز، والا شنو يعني؟ القصد منه كل واحد منهم يفتخر بمنجازته والا شلون، والا مسوين عندهم المرأة مجرد آلة لتفريغ الشهوة بهالطريقة، مع ان النبي وصاهم بالنساء خيرا و المفروض اظهار احترامها جدام كل الناس، ترى احنا شعب مثقف وواعي و متعلم، وبالنهاية هالامور تتدخل بيننا وتخرب بيوتنا؟؟ يعني تتخيل شنو شعور زوجتك لو عرفت إن صديقك على علم بكل مايدور بينها وبين زوجها؟؟ وبإنه يستخدم لوصف العلاقة كلمات رخيصة غير محترمة سواء بقصد الهزل والا الجد؟؟ آسفة على الإطالة، بس الموضوع مأثر فيني من فترة ومنقهرة عليه بصراحة، لأنها تصرفات غير لائقة، واتمنى من الكل يشاركني فيه، وهالشي واقع في مجتمعنا والله العظيم ومحد يقدر ينكره، يمكن انتو ماتدرون عنه، بس بين الشباب بشكل رهيب ... وبانتظار مشاركاتكم ....