Jump to content
منتدى البحرين اليوم

سارونة البحرينية

الاعضاء الفعالين
  • مشاركات

    1186
  • انضم

  • آخر زيارة

Everything posted by سارونة البحرينية

  1. 1. جم مرة سافرتي ؟ وين رحتي 2. شنو الجريمة اللي سويتيها في المدرسه ؟ 3. جم تعهد عندج ؟ 4. جم مرة انزفيتي في المدرسه 5. شنو ستايلج اللي دايما تحبين تلبسينه
  2. السلام عليكم شخباركم ؟ حصلت لكم صور يديده للي بتمثل في عيون من زجاج جوفوها شنو رايكم بصراحه
  3. بسم الله الرحمن الرحيم السلام عليكم ورحمة الله وبركاته،، يؤسفني اليوم أن أقرر هذا القرار الكبيـر الذي ألمني كثيراً .. لفراق هذا المنتدى الضخم الجميل الرائع .. بسبب وفاة خالتي رأيت أن الدنيا لا تساوي شيئاً فقررت أن أنسحب من المنتدى ولن أرجع مرة أخرى لجميع المنتديات لطالما تعلقت بالمنتدى ونزل مستواي الدراسي بسبب حبي وتعلقي الشديدين به وبالفنانين الرائعين الموجودين فيه .. أكرر شكري لمن ساهم في رفع وتطوير البحرين اليوم وجعله نجمة تضيئ بين المنتديات الأخرى .. أتمنى إني مازعلت أحد ولا ضايقت أحد و اذا احد زعل او تضايق مني في يوم أقوله آسفة وحقكم علي وسامحوني .. والدنيـا ماتسوى .. معليش بتقولون ليش اهني .. لأن بسبب حبي واعجابي بالفنانة فاطمة مع تمنياتي لها بالتوفيق والنجاح الدائم وسأكون دائماً متابعة لأعمالها المتميزة .. مع تمنياتـــي للأعضاء بداوم التوفيق والنجـاح والتقدم والأزدهـار يابحرين تودي زهــرة من بحرين تودي رحلـت اليوم 22 / سبتمبر / 2006 ربمـــــا أعود .. مــــع السلامة جميعاً
  4. عظـم الله أجرج حبيبتي والبقى براسج وماتشوف شر الوالدة إنشاءالله .. و أحـلى ولكم باكـ
  5. حياكم الله كلكم والله تنورون الجات بس عندي ملاحظة يعني ناس تقرأ وماترد ليش ما أستاهل كلمة شكر !! الموووهم هاذي الإيميل النيو Oo القطـوة { كوكـي} مرسال الحبايب Oo أنا يالربع في حالة حب ، والحبيبة مسويه لي بوطناش ، كل يوم تقعد في البلكونه مع قطوتها كوكي المريّشة ، وانا آمر تحت البلكونه واتليوس ولكن محد يعطيني ويه . لين فكرت اشلون آلفت نظرها . مريت ذاك اليوم وقلت لها : يابختج يالقطيوة عندج ناس إيحبونج ويدلعونج وعليه الّي ماعنده أحد . طالعتني الجاره بنظره وقالت : ويه ، ياكره الي مايعرف إيغازل ، شـ هالدم الثقيل . آنه بق ويهي . ماسمعتها إلا تقول : كوكي ( القطوة ) تعالي خل اندش داخل عن الثقال . أنا قلت لها : والله ياكوكي وايد شعرج ناعم وخصوصاً القصه اليديده ، بعد اللون اللي لابسته وايد حلو ، وخصوصاً البانطلون . طلت علي وابتسمت وقالت : ويه ، بعد قطوة تلبس بانطلون . قلت : بس غمزت السناره . في اليوم التالي : رحت آدور شريط عدويه في كل محلات الأشرطة لين حصلته على سيدي (CD) وخذيت السيدي (CD player ) مالتي ورحت تحت البلكونه وكانت قاعده في الدورفه مع قطوتها كوكي . والهوا يتكتكت ، وشعرها ايطير . آنه ماعطلت . شغلت السيدي بلير على عدويه وهو ايقول : يا أهل الله اللي فوق ماتبصو على اللي تحت . اهيه ماتت من الضحك وقالت : أتقول أمي أول الناس أتدور على السياكل وكل واحد حاط له مسجلة أكبر من السيكل علشان إيغازل خلق الله . أما اليوم فتقدموا الشباب ، إيغازلون بالسيدي بلير . ذاك اليوم إنزلت القطوة في الشارع ، قمت وصدتها وحطيت في رقبتها ورده ، وراحت القطوة فوق ، طلت علي جارتنا وقالت : يا أهل الله ياللي تحت بسكم من اللواسه ، ترى الناس الي فوق لاعت جبدهم منكم . كانت بالنسبة لي الضربة القاضيه ، وقررت بعدها ما اروح تحت البلكونه ، ماوعيت ذاك اليوم إلا القطوة محولة وفي رقبتها مرسال مكتوب فيه ، يا أهل الله اللي تحت رضوا عنكم اللي فوق . أنا طاريت حق الجارة وتميت مثل روميو طول الليل أكلمها ، وقلت : أخيراً طاحت الجارة . يبت الربع علشان ايشوفوني من بعيد وافوشر ان بنت الذوات طالعتني . طخيت القطوة وحطيت في رقبتها ورقه مكتوب فيها : ميلي عليه ميلي ، يم المريول النيلي . رفعت راسي والربع ايطالعون . إلا بجيس خمام اسود متروس طحين ، ينهد على راسي ، وعقبه زيله ماي بارد كاتته الخدامة علي . طلت أم الجارة علي وقالت : أقطع الله لقاك ، إذلف ذلفك الله ، صج ماتستحي ولا تنتخي . باجر باقول حق امك شيخه تأدبك ، هاذلين جيران ! التفتيت إلا الربع ميتين من الضحك ، وهم يعلقون ويقولون ، بس حطوه في التنور ويصير صمون ، هه هه . وثاني يقول : خلاص مايحتاي عيان بس انتف واكل من هلخبز الحار ، لأن رفيجكم احترق من الفشيله . وقالوا لي : عيل ميلي عليه ميلي ، صج مالت عليك ولكن بطحين وماي ، ناقصك بيكن بودر واتصير كيك . ولكن صدق المثل اللي يقول : خبزِ خبزته أكله ، وصرت مطنزة في الفريج . ( الله يرحمك يا عبد الحليم ، الحين أنا صرت ، خالي الألب ) آرائكمـ مصدر سرور دائمـ لي لاتبخـلون عليّ
  6. يسلموو حبيبتي ، اليوم الإيميل بعنوان oO كازنوفــا في يد البنات Oo ذاك اليوم رحت حق بدرية صديقتي وكانت أتسولف مع واحد معجب في الشات روم ، بعد شويه إلا مطرش ها صورته وكاتب لها في Greeting card أنه وايد يحبها وبيتقدم لها أول مايشوفها ويقابلها وأن عمره ماكلم وحده في التلفون أو في الشات روم وانها أول حب في حياته . أتقولينه أنا سمعته من قبل فترة قصيرة . شسمه هالمعجب ؟ قالت الأسم : قلت لها : لا الإسم غير بس الرسالة بالضبط نفس اللي جاتني . كلها دقايق إلا دشت علينا سنوي ( سناء ) وقالت شفيكم مندهشين !! قلت لها السالفة . قالت : ما أصدق حتى أنا وصلتني نفس الرساله . فتحت بدور الإيميل مالها وراوتنا صورته . قمنا نضحك ونضحك . قالت أشفيكم ! قلنا لها هاذي السبال الظاهر مطرش حق كل بنات البحرين . قلت لهم : شوفوا لازم أنعلمه درس ماينساه ، عباله بنات خلق الله لعبة ! أنا رديت على الإيميل ماله وقلت له : طبعاً ياعمري باشوفك وأنا بعد معجبة فيك وأبي أشوفك عند محل التصوير في المجمع التجاري وقلت له اني بالبس جاكيت أحمر وباحط ورده بيضه . وحددت له الساعة . صار وقت المقابلة ورحت ودخلت محل التصوير وقلت له أنا بشاير اللي تواعدت معاك . وأهوه ميت من الوناسة ويحلف لي انه ماعرف وحده غيري وأنه هذي المكان مب مناسب حق السوالف ، ولازم انروح مكان هادي علشان نتفق على سالفة الزواج . كلها دقايق إلا ودخلت بدريه وقالت له : أنا بشاير اللي واعدتك ، وكانت لابسه جاكيت أحمر وحاطه ورده بيضه . أهوه تبلعم وقام ايطالع فيها وفيني . بعد دقيقه دخلت سنوي وبعد سوت نفس الشيء . الصبي مات من الفشيله وعرف غلطته وقال : سامحوني والله أنا أبي وحدة بنت حلال وما كان قصدي الجذب عليكم . واحنا علشان نطفره قلنا له : ماعليه احنا بعد نبي ولد حلال وكلنا موافقين على الزواج منك . يا أما تزوجنا كلنا وإلا بنصرخ وانقول أنك تعديت علينا وأنك اتلاحقنه . وأنت تعرف شبيسون فيك السيكورتيه اللي كل واحد زنده يمشي عليه التيس . قال : أتزوج ؟ أنا اله كنت اتغشمر وأنا ماعندي فلوس حق الزواج من وحده إلا ثلاث . توه بيطلع ، وأنطقها صوت : لحقونا يا أهل الشيمة ، هاذي الصبي أيتنقرش ابنه . دشوا عليه الرياييل وطاحوا فيه طق . طاحت غترته الكوبرا وتنتفت أزرته وقامت كشته . وجد احنا قايلين حق المصور لين هاذي نفر سوه جنجال أنت سوي صوره . ماقصر الرفيق خذ له صوره فوريه . وقبل لا نطلع من الدكان قلنا له : ايانه وإياك تلعب ابنات خلق الله . ترى بتشوف شي ماشفته . ترى صورتك بهالكشة بننشرها على كل سايت في الإنترنت . قال : سامحوني والله توبة . أنا بغيتها طرب وصارت لي نشب . هاهاهاهاهاها ، بنات هاذي القصة صارت لي آنا و رفيجاتي وسويتها على شكل إيميل علشان الصبيان ايتأدبون و مايتحدون البنات
  7. الله ياسيدي مرة ثانية قوليلي إذا بتروحين بروح وياج بنخطف فطووومـ .. نياهاهاهاهاها وثـانكس ع الصور النـايسه
  8. تسلموووون على ردوركم حبايبي ،، ولكم هالإيميل العودة للمدرسه والقرطاسية المزركشه كله يومين وترجع اليهال للمدرسة ، و عليه ، ماتدرون حال هل الأم والأبو المساكين ، صايرين جنهم بنانين ، يترسون في هل الجواري من هل الدكاكاين . من القرطاسية والأدوات المدرسية والعروض التجارية ، إلي تينن اليهال وتكسر ظهور الريال . أهيه جلادات وشنط مدندشة وأقلامه ودفاتر مزركشة . والله يعين هل الأبو الفقير ، كل راتبه يطير . مب بس أنا يالربع إلي عياله عندهم هل الطبع . ذاك اليوم يوم ركبت مع راعي التاكس . إلي وداني يم مصنع البيبسي . وأنا محمل بالشنط و الكوارتين بتشق ، قام أهوه أيتحنده ويقول : أنا اسمي يوم روحتي للمكتبات بيوم قصف الربيات . أيقول لك راعي المكتبة طلع ماعندك ترى أنت محاط بالعيال ولا بنخلي في مخاباك أي ريال . مساكين الأبهات ، بعض اليهال من أولاد وبنات مايهمهم إلا المفاخر بالشنطات وأحلى القلامه و الجلادات ، هاذي باربي فوق المقلمة و هاذاك سلام دانك فوق المحيات . وليه يت حق البنات المراهقات ، عاد حدث ولا حرج . من المرايل المخصرة ، ليه الشيلات المفصصة . والحجابات المفننة والقمصان المزمهه . الله يعين من عنده هل المراهقات ، إلي مرايلهم على أحدث الموضات . أنتوا رايحين المدرسة ، مب عرس سبيجة والمكرفسة . ذكرتوني بأيام زمان ، يوم الوحده أتروح المدرسة على أرويلاتها مب بسواق وسيايير مهندسة . كانت البنت تمر علينا مجندسه ، تلبس دفه وغشوة أم رضفين ، ماتبين منها العين . تستحي ترفع راسك فيها . تكسر الخاطر من هل المناظر . أم اليوم فالبنات أمبلتعه ، أتطالعك جنه ضفدعه ، ماتنكسر عينها من الحيه ولا من التربية المدلعه . كلها جم يوم ، وبدل ماتحنون ، راجعوا جدول الضرب قبل لا يفوت الفوت وماينفع الصوت . والله يكون في العون وجدوا علشان أتخرجون . بناات ترى آنا كاتبتها بس آنا وياكم مب ويا الريال وكيفنا أحنا بنات اليوم لؤؤؤؤؤؤؤؤؤلز شو رأيكم ؟
  9. السلام عليكم ورحمة الله وبركاته ، شلونكم عساكم طيبين ؟ اليوم يبت لكمـ صورة حلوة من حبيبتي محبة زينب لـ فراولة الشاشة الخليجية زينب العسكري من مجلة المجالس لكمـ ، شرايكم ؟؟
  10. تروحين وتردين بالسلامة حبوبة ،، عمرة مقبولة إنشاءالله
  11. ولكم آخر إيميل مع صديقتنا جاكي وبه ننتقل إلى إيميل جديد في يوم ثاني .. جاكي في السعودية آظن اتذكرون أختي هيفاء البراري واتذكرون صديقتنا جاكي ، ماكملت لكم شصار يوم رحنا عرس بنت خالتي في السعودية . كان يوم الخميس . بخترنه جاكي بالدفه والشيله وقعدناها معانا وره في السيارة . وصلنا هناك المغرب . عاد جاكي ماكلت غداهه علشان تقدر تتعشه ، خبركم الأجانب وايد يحافظون على أجسامهم . المهم ، دخلنا العرس والناس اتحببنا وريحة العود اتعوطي . الكل كان يدخل مغطه من باب ويطلع متشخلع من الباب الثاني . اتعرفون البنات المتحجبات بس يبون إيصير عرس علشان يطلعون المواهب النسائية. جاكي كانت منبهره ، بالشمعدانات فوق الطاولات وبعلب الكلينس اللي مكشكشه وبالشموع اللي متروسه شرايط ، وبالمضيفات الفلبينيات ، اللي كل ساعة يابولنا شيء ، إدلال الشاي والقهوة المفصصة ، وصحون الحلوه والمكسرات ، اللي مذهبة، قالت جاكي : Is it Gold & Diamond ? ، واهيه اتغلب فيهم . قلت حق أمي تقول هالدلال ألماس والصحون ذهب؟ قامت أمي تضحك وقالت : صج يا يمه عندنا بترول بس عاد مب ليدرجة ناكل في ذهب ودلالنه من ألماس ، وعليه مغترين فينه ! قولي لها ايه ، قولي لها ايه . كانت جاكي عيونها طايره في هالبنات وإللي لابسينه ، والورود والزينة والهدايه إللي اتوزع علينه ، لما صارت الساعة 12 نص الليل ، أشوي أشوي قامت البنيه اتدوخ من قلت الأكل ، وكل ساعة وقالت حق أختي هيفاء ؟ When are they going to bride ? When are they going to serve the food ? قالت لي أمي : شفيها صديقتكم تتحلطم . قلت لها يوعانه، اتعرفين يمه أهمه ياكلون عشاهم الساعة ست المغرب ، ويكون شي خفيف . قالت أمي : ويه ، دياي، عشه الساعة ست ! ، وراه إرمضان ! اتعرفون عروسنه، بعد ماتتملل الأوادم وتنترس ابطونه من الشاي والقهوه والعصير إللي على الطاولة ، والعيال اتسدح، والمكياج يخترب والعين ينشف مايهه ، بعدين ايبون العروس وكلهه دقايق ويفتحون البوفيه إلي تلتل وحمض . والناس بس تاكل وتطلع . عيل كل هالخساير ، اشحقه ، إذا العروس والمعرس مايستانسون بهالحفلة ، عيل شفايده ! إنزين ما عليه ، تعالوا الساعة تسع أو عشر ، خليها الساعة عشر ونص . ما أدري والله من طلع هالموضه في تأخير العروس إللي صارت يازعم من شروط العرس الراقي هالأيام . أش ميدكم صارت الساعة تنعش ونص ، يالله يابوا العروس وفتحوا البوفيه ، اللي طاحت فيه جاكي المفيوعه . بعد نص ساعة جاكي توتبت (توعكت) وقامت تقلب ألوانهه ساعات اتصير حمره وساعات اتصير صفره . وأنا خفت اتصيدهه غثيثه من الأكل اللي كلته ولكن أول مادشت العده بالدزه والناس ترقص ، ماوعينه إلا وجاكي طابه في الوسط وتردح ، قالت أمي : ويه ، ليكون استنزلت ؟ قلنا لها : يمه ، هاذي عبالهه الكل يرقص مب بس أهل العروس ، وماوقفت جاكي عن الرقص إلا الساعة أربع الصبح، يوم الطقاقه تسدحوا والخمامه قاموا ينفضون الطاولات . قالت أمي : يامال لضعفه .. ول ، ماهيعت رفيجتكم ، ممغوطه جنهه قلم ولكن هلقد فيها شده تردح ! .. بس أمي ماكملت حجيهه ، إلا البنيه متكرفسه ومنكسره ريولهه . الويعه ، ان هالكسر خلاهه تقعد عندنا أسبوعين ثانيين . هاذي كله من عين أمي . هالمره باسمي نفسي السن الباكي ، على مابيصير لي مع جاكي . لؤؤؤؤؤؤؤؤؤؤؤؤؤؤؤؤلز ،.. عسى أعجبكم هالإيميل إنشاءالله وهالله هالله بالردود الوايدة وترقبوا الإيميل الياي
  12. الله يرحمه ويغمد روحه الجنة ، ويصبر أهله وأعياله وهنيئاً له ع الشهادة ،،
  13. ألف ألف ألف مبروك حبيبتي عقبال أستاذ الكتاب إنشاءالله ،
  14. لحظة لحظة ..! هاذي منى عبدالمجيد ولا آنا حولة؟؟
×
×
  • Create New...