ريفا المحرق

مسا الورد برشوو اشكرك انك طرشتلي الرابط ع الايميل ومثل ما وعدتك اني باتمعن فيها وباكتب رايي.. بس قبل حبيت اقول.. كل سنة وانت بالف خير وراحة وطمأنينة يا سوسوووو صج كبرتي شويونة بس ترى بعد اتمين صغنوووووووونتي لو شنو صار خخخخخخ وان شا الله نسمع عنج كل خبر حلو هالسنة... وما تشوفين فيها اي شر وحزن بالنسبة حق المجلة.. يعطيكم الف عافية عليها.. تينن والله شغل متعوب عليه عجبني كلامك يا برشوو والاحلى منه انه طالع من قلب ومن نفس صافية عاد مشا الله عليك من تيود الكيبورد تستنى وتكتب اللي مايطري ع البال.. بس تستاهل سوسو بنت ناس وماشفت منها الا خوش اخلاق وشخصية واطباع.. فأنت ما يبت من عندك.. بالنسبة حق فقرة الدنيا لحظة.. الحلو فيها ان الاحداث الحلوووة غطت على الحزينة يه يه جمالي من قدج خذتي الليسن.. بس هالله هالله في شوارع الرفاع مابي نشوفج كله شاخطته.. مبروك ع الليسن وع التميز في الجامعة ولو انها متأخرة سامحيني والله ع القصور.. فقرة اقلام مشالله اسلووووب الكتابة وايد بليغ.. وشفنا بعدين اشعار وكتابات جمالي يه يه كلشي ولا الشاعرية يا شاعرية انتي القصة اللي كاتبتها متى ان شاء الله نشوف التكملة؟؟؟؟ ولا تبي بس تحارينا!! وعن الحفيد.. الله يحفظه لكم ان شا الله يله ذي بروفة لج ع التربية خخخخخخ فقرة 25 الماسة الكترونية فن.. بس لو خليتو اللنكات تتبطل اسهل حق نفتحها وبالاخير مفاجأة حلوة حق برشو هالمجلة.. يا شيتونة انتي يا بحر تلعبين ع الصوبين هااااا بس حركة حلوووة وفرحتي الاثنين.. وما نقدر برشووو جدامك بحر وتتأمل وكلك روحانية خخحح.. مابي اطول اكثر.. بس ماحبيت اطلع بدون كلام وانت مراويني التوبك.. ففرصة اعطيه حقه.. ولو اني ماعطيته حقه ورادة ع اسرع من السريع.. بس شغل حلوو ولفتت نظري التصاميم التواقيع كشخة .. الاسلوب راقي.. بس عيبها الوحيد ان كنا نبي نشوف صفحات اكثر واكثر.. يعطيكم الله الف الف عافية ان شا الله.. وتصبحون على خير.. * ملحوظة ترى مللني المنتدى ماعرفت استخدمه خخخخ

تـــمـــ احتكيت فيج وايد من زمان ع ايام الدردشة كنتي كووول وحبيتج والحين بعد.. ممكن صرتي اكثر صراحة بس كلٍ وله اسلوبه في النهاية على راسي الشيخة..

تسلمين يا الشيخة،، كل من يرى الناس بعين طبعه،، واجمعين

بلى اقدس الصداقة ولكن اللي تكون من المدرسة او الجامعة او الشغل اما الوسائل الثانية ما اؤمن انها تولد صداقة متماسكة،، نقدر نقول معرفة اخوة بس مو صداقة لان اغلبها نفاق السبب كان انها نقلت لي كلام عن عضو اعتبره اخوي كانت فاهمته غلط بان يذم فيني ولما كلمته عن الموضوع اهي زعلت اني قلته من باب ان طلعتها تمشي وتتكلم يعني انا لازم باستفسر واعرف بنفسي واخرتها طلع فهمت غلط،، فانا لما سالت على الاقل تبينت الصج من المو صج ومن حقي بس هي ما رضت محرج السؤال كككك بس يله نحن لها يعني نحن لها السالفة تتعلق بالقبول بخطبة او رفضها والقرار طبعا محير شوفي الغلطات وايد،، بس منهم اني عصبت على والديني وقطيت كلام عاد من زمان،،

1-عرفينى على شخصيتج .. ؟ ماعرف يعني امدح روحي ولا اذم ما يصير لا ككككك بس باقول صفتين ايجابيتين وصفتين سلبيتين "طموحة ع ارض الواقع.. اتبع حدسي دائما.. جريئة.. مزاجية" 2- متزوجة لو لا ؟ ماحصل لي الشرف 3-صادج هالمواقف رحتى الحمام والماي كان مخلص ؟ اووووو واااااااااايد وهقة صراحة ككككك 4-شنو احلى صفه فيج ؟ وشنهو الصفه اللي مب حلوه فيج ؟ هاي نفس اول سؤال لا.. الاحلى الايمان واللي مب حلوة مزاجية 5-كم مره رسبتى في حياتك؟ يعتمد على نطاق الرسوب في دراسة او تجارب بس الاغلب تقصدين الدراسة ولا مرة لا في المدرسة ولا في الجامعة دراستي كلها تمام التمام 6-عضو تتمنى اتعرفه شخصيا بالمنتدى ؟ مافكر ولا يطرى ع بالي بتاتا 7- عضو تهاوشتيي معاه ؟ العضوة من أنا ،، بس عقب تكلمنا عادي كلش 8-متى اخر مره صحتى فيهااا وشنهو السبب؟ أول امس لاني كنت محتارة بخصوص أمر يخصني ومالقيت له جواب 9-شو الغلطة الي سويتيها وماندمتى عليها ؟؟ شوفي اي غلطة باسويها اكيد باكون ندمت عليها من قلب فـ ردي ان ما في عندي غلطة ما اندم عليها 10- تعثرتى في مجمع تجاري وقدام الناس ؟ لا ماعتقد صار حاسبة خطواتي كككككككك

هلا هلا ملكووو مانقدر ع هالاحصائية الفن اللي سوتها ع العموم مرحبا فيك الشيخ ع راسي وولكم باك

هالحركة انا وايد اسويها لما ادش اون ككككككككك يمكن يكون فيه توبك كان وايد عاجبني من سنين وارجع اقراه ومن الاعضاء اللي ياو ع بالي مهاوي المحرقية.. بوحصة.. باونتي.. محروم25.. وبس عاد تخوني الذاكرة

اختيارج للتوبك حلووو يله نحن لها بس خفي علينا الجيلة شوي

ومدام عندج كيمياااا شلج اون ع المنتدى يبيلج طق تعرفين اني كبرت عن هالسوالف مصروف وصرت اصرف ع روحي بس باتكلم عن ايام قبل في سن صغيرة كنت اخذ المصروف يومي وتالي مع السن خذته شهري واقدر اقولج ان اليومي كان احسن بوايد كككك لان الفلوس مو بيدي وما اصرفها بسرعة نفس الشهري.. كنت صرافة من الزين وكل شي عندي تبذير في تبذير بس الحمدلله ويا الوقت ولما اشتغلت صرت اعرف شلون ايمع حق اليوم الاسود الله هداني

تعديت مرحلة المدرسة والجامعة ولكن حبيت اشارك برايي الطالب سواء درس علمي ادبي تجاري.. فالعبرة بالاخير مو بمساره المدرسي لانه في النهاية لما يخوض بيئة الجامعة راح تختلف اتجاهاته وافكاره وقد تكون المعلومات اللي تعلمها نسيا منسيا على الاغلب.. خصوصا وان الدراسة بمدراسنا تعتمد على التكديس فطالب العلمي او الادبي او التجاري باجر لما ينتهي من مدرسته ويدش بيئة الجامعة ويخوض من بعدها مرحلة العمل هني هي العبرة بالنهاية.. لان العبرة مو بشهادة مدرسية بيدي لان بليب مي ترى شهادة المدرسة بتكون ( Nothing) أمام التخصصات المتشعبة.. فالطالب لازم ما يفاخر بنفسه انا طالب هالمسار الفلاني وذكي ووو.. لان الذكاء هو الذكاء العملي في الاخير الدراسة ممكن تصنع شخص عنده معلومات لكنها مب شرط تصنع شخص ناجح يعرف يطبق اللي درسه عموما لا ننسى ان كل وظيفة بالحياة مكملة لبعضها فهناك الكاتب وهناك الدكتور هناك المحامي وهناك المهندس وهناك رجل الاعمال والمستشمر وكل وظيفة منها تدش في مسار معين لولا وجودها ما مشت الحياة كلها وظائف مرموقة

1-هل تؤمن بالحب؟ يس اؤمن بالشي نفسه بعض النظر عن الاشخاص 2- أتعتقد أن هناك زمان أو مكان للحب؟ يس ولكن الحب الواقعي طبعا مو حب الاساطير 3- هل الحب رواية شرقية بختامها يتزوج الأبطال؟ يعتمد على الاثنين ويا بعض وتمسكهم بهالحب وتتويجه بالزواج 4- هل بكيت عند مشاهده تايتنك او تريستان اند ايزولد او غيرهم من قصص الحب الحزينة؟ يس بس في قصة الحب في فيلم The painted Veil 5- أتفضل الزواج التقليدي الذي يعتمد على السؤال أم الزواج الذي يرتبط بمعرفة سابقة وليس من الضروري أن تكون علاقة حب؟ التقليدي افضل ولكن يسبقه فترة تعارف بحدود شهر شهرين قبل الخطوبة الرسمية 6- ماذا ستكون ردة فعلك إن تزوج حبيبك بغيرك رغما عنه باكون حزتها مؤمنة ان هالشي باختياره لان بالنسبة للرجل مافي شي يصير دون ارادته

تسلم مناقشنا الفذ ع طرح هالتوبك >>> تذكر هاللقب عاد بالنسبة لايام الدراسة سواء في المدرسة او الجامعة في السابق كنت اذا تبي الصج اعاني خخخخخخخ يعني انا وايد مهتمة بتحصيلي مني ومن نفسي ولكن مو اللي تقول آكل الكتب وو.. اقرى بالمعقول يعني بس الله يهداه الوالد لو ربع ساعة يشوفني مو ميوده الكتاب خذ انت النصايح عاد.. والمشكلة كله كلام اعرفه واقوله ما يحتاي تعيده انا بس باسجل صوتك عشان بروحي باسمعه كل مرة ليش اتعب نفسك كل مرة خخخخخخخخ عاد انا ويا ابوي كول يعني وعادي.. ماعلينا.. ابي اتكلم بالمهم.. بالنسبة للوالدين صج ان من واجبهم يحثون ابناءهم ع الدراسة وبذل الجهد الكافي في المذاكرة الا ان لازم ما نغفل ان لكل شي حدود.. بمعنى ان هالحث يجب ان ما يكون مبالغ فيه بحيث يأثر تأثير عكسي على الأبن.. وحتى هالحث له اسلوب وفن لازم يحط الوالدين ببالهم بمعنى ان يكون مطعم بالكلمة اللينة والحنية .. الخ يعني كمثال حلو لما الوالد اييبها بهالاسلوب " ولدي حط ع روحك وخلني ارفع راسي فيك،، انا عارف انك قدها وقدود" وما شابه.. لان هالاسلوب مختلف عن لين يقول للابن " ادرس بلا كسـل.. ادرس لا ترسب ادرس لا تفشلنا.. لا تصير فاشل" الخ.. لازم ايي بشكل محبب يدش القلب بسرعة.. وبالنسبة لالقاء اللوم ع الوالدين فبيكون بالتأكيد في حالة انهم قصروا في اتباع الاسلوب المحبب اللي ذكرته اعلاه.. لان النصيحة ومتابعة تحصيل الابن مو هو الواجب بحد ذاته كثر انه ايي بالطريقة المثالية المحببة المذكورة فوق.. يعني يمكن وعوه قالوله بس بجفاف لدرجة انه ما استجاب ولا حس بضرورة الدراسة.. فهني بيكون التقصير في تحبيبه في واجبه الدراسي.. وبالنسبة للكلمة للي باعماري ما اعتقد يدرسون الا اذا ماستر خخخخ بس باقول هالكلمة للي اصغر حطوا ع روحكم ترى شهادتكم سواء المدرسية ومن ثم الجامعية هي اللي راح تمثل قدركم بالحياة وهاي عن تجربة.. لان الشخص اللي ينتهي دراسته وينهي الجامعة دائما يكون متفوق على غيره ودايما اللي يكون تحت الانظار وله من الاحترام والهيبة الكثير في بيئة العمل وهو اللي يكون مترشح لاحسن الفرص المتوفرة.. وهاي الكلام عن تجربة شخصية.. وبالنهاية برشوو ادري طولت عليك كالعادة خخخخ بس كنت باقول شي ببالي.. الطالب بسن الدراسة ما القي عليه ذاك اللوم تدري.. يعني ملووم بس مو لذيك الدرجة لو قصر لان الطالب بيكون حزتها قاصر يعني بيوصل الـ 15 او الـ 16 لازم يحدد مساره ويتحدد معدله التراكمي بسن صغيرة ويتخرج بـ 18 وكله يكون قاصر وبهالسن ما يكون العقل ناضج كفاية من ناحية معرفة طبيعة الحياة ومتطلباتها كثر لي كبر من جذي نشوف وايد طلبة يقصرووون والسبب قصر النظر اللي عندهم بسبب قلة الخبرة والعمر..

عزيزتي شيفا.. ماقريت التوبك الاول الا قبل شوي.. وعندي عليه بعض الملاحظات اتمنى انها توصل بالشكل المطلوب.. مفروض انج ما تستغربين ان الاغلبية ماوصلت لها الفكرة والمغزى منها والسبب يرجع للغموض والابهام اللي فيها.. يعني انا بنت الـ 23 وقرأت تحفة من الكتب وتذوقت اشعار فصيحة لا تعد ولا تحصـى وماوصلت لي الفكرة الا لما انتي شرحتيها والسبب مثل ما قلت لج كانت غامضة.. وبالنسبة لي اذا باحكم عليها باقولج هالكلمتين ( التنسيق حق التوبك حلو بس اذا تبين الصج هو من الناحية الادبية مب ذاك الزود لانج ما توفقتي في شرح الفكرة اللي تبينها يعني شرقتي وغربتي وقلتي اشياء اشوفها (حجي مصفوف) وبالنسبة لكلامج بالتوبك هاي بعد عندي تعليق عليه.. حطي في بالج ان مستحيل تلقين الاهتمام بالرد من كل الاعضاء.. طبيعي ناس ترد رد معتبر وناس ترد رد مختصر لان الناس اجناس.. يعني عضو قرى ماعجبه الموضوع ماحب يعلق ويطول،عضو عجبه وحب يعلق عدل، عضو ماعجبه وحب ينتقد وعضو عجبه ماعرف يعلق.. يعني مب كل عضو له قدرة ان يعبر عن رايه بشي ولا كل عضو اعجبه التوبك ومدح من صجه ولا كل عضو ما مدح وسكت التوبك ماعجبه انتي كتبتي التوبك بأسلوبج مثل ما قلتي،ما تقدرين تجبرين الكل ان يهتم والكل ان يعبر.. كل واحد يرد بالاسلوب اللي يريحه لو كلمتين.. هو صج حلو الواحد يهتم بس بعد هاي بالنهاية حرية شخصية لو ردوا مشكورين ما ردوا ع راحتهم واذا الواحد رده قصير وع قده ع قولتج مب معناها انه ياهل.. لان الرد مو هو اللي يحدد انه طفل.. يعني رد في منتدى بيحدد ذات العضو؟ يمكن اييج واحد يكتب لج رد شطوله ومعبر ووو واخرتها تلاقينه ناقله من مكان مني مناك او احد نقله الكلام وبتقولين بوو ذي ناضج.. وعن سالفة خلق الحماس.. ترى مب كل من يفتكر بالنقود الالكترونية عشان يخلق له الدافع ان يتميز مثل ما تقولين.. وع سالفة الكتاب اذا تقصدين المسمى فوايد من المشاركات تصير في دردشة او في الالعاب الخ مب شرط كلها ردود لها ذيج القيمة واذا تقصدين اللي صار كاتب بمسابقة وتكرم فمو كل توبك يخلي الشخص يكتب رد مثل اللي بخاطرج يعني لو كرموني ككاتب خلاص كل رد لي لازم يكون ذاك الرد الشي اللي ع مستوى؟!! واخر شي فعلا كلامج الله عطانا العقل ولكن العقل ما بنحكم ع العقل في نطاق المنتدى.. يعني هاللي ما عجبك رده ممكن يكون شخص مفكر عقلاني ويستثمر عقله ع اتم وجه في واقعه الاصلي ويحتفظ بردوده لامور واقعية ثانية اكثر اهمية.. وبالنهاية اتمنى تاخذين كلامي من الناحية الموضوعية مو الشخصية وسوري ع التطويل

تسلمين بنوتة كول ع التوبك.. ماعندي فكرة دقيقة عن الخلاف بس قلت باقول هالشي " ع راسي انتي" مو المهم الخلاف نفسه.. المهم انتي شلون ختمتي هالخلاف.. ومشالله عليج بنت اصل واعترفتي بالخطأ ثاني شي.. صج انا مو ذاك الزود ويا المنتدى.. بس مو معناها ان لو شخص تكلم عن شخص بيكون عادي.. خصوصا ان فيه ناس هني تعرف اسامي بعض وجذي.. عشان جذي هني يكون الاشكال والتشـــويه.. بشكل او بآخر فالعلاقة بالمنتديات تبقى سطحية.. فمادري ليش احيان في فئة تنقل كلام او تطلع كلام يعني انا لو سمعت كلام من شخص يمس شخص.. يمكن صج يمكن مب صج بس ما بصدق بتاتــا والسبب ان العضو اللي نقل لي الكلام ماعرفه زين عشان اوثق لهالدرجة في صدق كلامه.. واللي طلع الكلام عليه بعد ما اعرفه ذيج المعرفة عشان احكم عليه ان الكلام عليه صحيح وفعلا اهو هلووون.. المسألة ترى ما يحتاج لها الا عقول تفكر بنضج شوي وتترفع عن أمور القيل والقال اللي عمرها ماتخلص تشحط صوتنا واحنا نقول دشو شاركو سالفو وبس.. THAT'S IT وخلاص.. ولكل شي حجمه..