solidad555

انا اعتقد ان ذي الشي يكون ردة فعل عكسية فمثلا الشخص اللي فاقد حنان الاب لين هو يصير اب يمكن يصير حنون علشان مايحس ابنائه بالحرمان اللي هو عاشه ولكن في حالات هذه المقولة تصير صحيحة في اشحاص اذا تربو وتعودو على شي حتى لو هو غلط مايقدرون يغيرونه فمثلا هذا الاب اللي فاقد الحنان يمكن يعتبر ان الحنان يخرب الابناء ويسير هو على نفس منهاج الاب اعتقد ان ذي الشي يعتمد على المحيط والبيئة اللي تربى فيها الانسان وشكرا

الصراحة راحة ولكن مب كل الناس تتقبل الصراحة ولازم بعد الواحد يراعي مشاعر الآخرين يعني ما يتحول من صريح الى وقح في فرق بين الصراحة والوقاحة الواحد لازم يكون صريح ولكن في حدود الادب والاحترام وانه يكون عنده اسلوب حلو في الكلام وشكرا

solidad555

اعتقد ان الكعب يعطي مظهر جمالي واذا الوحدة قصيرة تلبس الكعب علشان تبين طويلة صج ان الكعب يسبب مشاكل والالام في الظهر ولكن لا غنى عنه

solidad

مافي فرق بين غلطة البنت وغلطة الولد لان اثنيناتهم محاسبين عند الله سبحانه وتعالى للاسف في ناس صارو يخلطون بين العادات والتقليد وبين الدين الواحد لازم يترك العادات ويتمسك بالدين والله يهدي الجميع

solidad

المراة هي مخلوق رقيق مرهف خلقت من ضلع الرجل في هذا الزمن المراة وصلت الى كل الميادين من ام وربة منزل الى عاملة الى مستشارة الى وزيرة الى حاكمة الى رائدة فضاء كل مكان دشت فيه المراة ربما تريد الوصول الى مكانة اكبر من الرجل ولكن هذا مستحيل لان الرجال قوامون على النساء اعتقد ان الدين الاسلامي انصف المراة وعطاها كل حقوقها نعم المراة حصلت على ك ل حقوقها بفضل الاسلام ماعتقد ان المراة بتذبح روحها وتشتغل فقط لتنافس الرجل انا من وجهة نظري انها تعمل لتساند الرجل انا اجوف ان المراة حشرت روحها في كل شي في اعمال لاتليق بالمراة ولكن نجوف انها تعملها في دول الغرب عادي انك تجوف مرة تشتغل في كراج وفي اعمال لازم المراة ماتشتغلها كان تكون وزيرة وحاكمة لان المراة بطبيعتها عاطفية وماتناسبها هالاشغال اما شنو بيصير عقب 10 سنوات العلم عند الله اذا المراة تبي حقوقها عليها ان تتقيد وتتفهم الدين الاسلامي لان هو الوحيد اللي يحفظ حقوق المراة وشكرا على الموضوع

اعتقد اني بختار الاخ لانه صج الاخ مايتعوض وانا ماعندي غير اخ واحد فاكيد بختاره هو شكرا

مافي شي في الاسلام اسمه محجوزة اذا الشاب يبي يتزوج البنية يقدر يخطبها وبعدين يكون نفسه طبعا اذا كانت البنت موافقة بس انها تم محجوزة بدون مسمى شرعي اكيد لا بالنسبة لي مارضى وثاني شي يمكن هلن البنت تضيع على روحها فرص احسن شكرا

جيل اليوم للاسف ضايع طبعا مب الكل بس نقدر نقول نسبة كبيرة والسبب تقليد الغرب في توافه الامور وغياب رعاية الوالدين والحرية المطلقة فصار الجيل هش وتفكيره سطحي يلاحق الموضة وماعنده احترام للغير ولكن في فئة ثاني من هالجيل تبرد القلب مثقفة ومحترمة وحاطين جدامهم اهداف لازم يحققونها نتمنى الاصلاح للجيل الضايع

ماعتقد ان كل النساء مايجافظون على الاسرار ولا كل الرجال بعد هذي الشي مايتعلق ان كان الشخص ذكر او انثى يتعلق باخلاق الواحد لان المفروض اذا احد امنك على سر ماتقول لشخص ثاني بس مانقدر نقول ان النساء يفشون السر اكثر من الرجال او العكس

ماعتقد ان كل النساء مايجافظون على الاسرار ولا كل الرجال بعد هذي الشي مايتعلق ان كان الشخص ذكر او انثى يتعلق باخلاق الواحد لان المفروض اذا احد امنك على سر ماتقول لشخص ثاني بس مانقدر نقول ان النساء يفشون السر اكثر من الرجال او العكس

التمريض عمل مقدس الممرضة هي التي تسهر على راحة المرضى وتحرص على رعايتهم هذه المهنة صعبة جدا وعلى من تتمرسها ان تكون تحب هذه المهنة لان المرضى يحتاجون الى رعاية لاادري لماذا ينظرون الى الممرضة بهذه النظرة كانها خادمة بالعكس فهي ملاك الرحمة ولكن قلة مانجد الممرضة التي تستحق ان تكون ملاك الرحمة للاسف اتمنى ان تقوم كل ممرضة بواجبها على اكمل وجه وشكرا

كيد ارفض هالفكرة لان هالنوع من المسابقات اهانة كبرى للمراة الاسلام كرم المراة وعطاها كل حقوقها وحرم عليها انها تظهر بلباس غير اسلامي فمابالك بان تظهر شبه عارية هاي النوع من المسابقات اللي تستعرض جسد المراة تحط من كرامة المراة والبحرين دولة مسلمة فشلون نخالف ربنا ونرضى بهالنوع من المسابقات لا والف لا شكرا على الموضوع الجرئ

solidad555

solidad555

لشهادة مب مقياس اشخصية الانسان يمكن اللي ماعنده شهادة جامعية احسن من اللي عنده ياما ناس جامعيين بس في الحياة مايعرفون يتصرفون بالنسبة لي الشهادة الجامعية مب مهمة اهم شي ان الزوج يكون ريال ويقوم بمسؤوليته تجاه بيته باكمل وجه وشكرا

solidad

الحياة الزوجية تكافل فلازم يكون في تعاون بصراحة في رياييل يعتبرون الزوجة خدامة هي اللي تييب له الماي وهو قاعد يعني مافي شدة ييب حق روحه ماي الزوجة مب خادمة وهذي البيت مسؤولية الزوجين في اشغال في البيت الزوجة ماتقدر تسويها مثلا مايصير الزوجة تطلع الخمام برع او انها تركب الليت اذا احترق او انها تشيل شي ثقيل المفروض مثل هالاشياء الزوج يسويها واذا حب الزوج ان يساعد زوجته مافيها شي وهو يقدر يساعد زوجته بانه مايفلت ثيابه واغراضه او يشرب شي ويحطه ومايشيله واصلا الزوج اذا ساعد زوجته بيكبر في عينها وبتحس ان مايبي يتعبها ويحس فيها خصوصا اذا كانت تشتغل وشكرا

solidad

في اشخاص مثل رجال الاعمال يحتاجون اكثر من تلفون بس في اشخاص مالهم سالفة بس يبون يفاشرون اما البعض يسوون جذي اذا يبون يسوون علاقة مع اكثر من شخص بدون ماينكشفون مهما تعددت الاسباب الواحد لازم مايسرف اذا تلفون واحد يكفيه بس خلاص مايحتاي اكثر من واحد

solidad

المدرسة مكان للدراسة مب لعرض الازياء والتعدل والمكياج وثاني شي توهم صغار على سوالف المكياج كلشي في وقته حلو المسؤولية تقع على الاهل اللي يخلون بناتهم يطلعون حق المدرسة بالميك اب والمدرسة لازم تمنع هالشي بوضع قوانين صارمة مثل الفصل والحرمان من الامتحان يمكن يكون رادع لهم وشكرا

solidad