آهات قلب

تم .. أم البنــــــــــــــــــات بلا منازع .. اقوى مسلسل خليجي هالسنة .. تحياتي

غانم الصالح .. افضل ممثل تراجيدي على الاطلاق .. ودوره في أم البنات فظيع وادائه خلانه نكره من قلب وهذا اكبر دليل ع انه اتقن الدور بكل حذافيره واكثر .. عبدالحسين عبدالرضا .. افضل ممثل كوميدي في الخليج ع الاطلااااااق .. ودوره في الحب الكبير جميل جدا .. وكوميدي بشكل جميل .. ومع عبدالحسين ماتفارق شفاهنا الابتسامة ... كل واحد فيهم فيه شي معين .. يميزه عن الثاني ... الله يخليهم ان شاءالله ويطول في اعمارهم ويمتعونه اكثرواكثر كل سنة ان شاءالله .. تحياتي آهات قلب

السلام عليكم جميعا.. مطلوب شقة في الحجيات بصفة خاصة او في الرفاع الشرقي ... غرفتين حمامين ومطبخ وصالة في حدود 200 لي 230 دينار .. اتمنى اني احصل اي معلومات تفيدني .. باسرع وقت .. وجزاكم الله خير ... اختكم آهات قلب

سواءقالها جدامي او من ورى ظهري .. ماراح يهز مني شعره ... لاني واثقة بنفسي اكثر من اي شي في الدنيا ... وشكرا

الله يرحمه ويغمد روحه الجنة ان شاءالله هم السابقون ونحن اللاحقون لا حول ولا قوة الا بالله العلي العظيم ...

شكرا على الموضوع الحساس بالنسبة لي لاني انا وزوجي شفتات فعلا ... ولكن الحمدلله اهم شي التفاهم في الحياة الزوجية .. دام انه الطرفين متفهمين ظروف بعض وشغل بعض ماراح يكون فيه اي صعوبة وبالعكس في تعود على هالشي والحياة تستمر .. ولازم الحياة مشاركة بين الاثنين .. فيعني هالاشياء متوقع انها تصيرالشفتات .. عاجلا ام آجلا .. ولكن مافي مانع انه الشخص ينظر للبعيد ويخطط انه يحصل له شغل افضل انه مايكون شفتات عشان بعدين لما تكونت عنده اسرة من اطفال وكثرت المسئوليات ماراح يتعب في هالحالة .. والله ولي التوفيق .. وتسلم اخوي دراغون ع الموضوع ..ويعطيك الف عافية اختك آهات قلب

عفوا .. بس ظل الياسمين الي خذاه اقل من حقه بوايد ... لان بصراحة المسلسل اكثر من روعة .. من حيث القضايا الي طرحها .. من حيث تمثيل الفنانيين المبدعين .. احداث المسلسل الي في كل حلقة .. واحساس المبدعين الفنانين في توصيله لنا .. غير هالشي .. التصوير الاكثر من رائع من كل زاوية .. كل هالاشياء .. لها الدور الاساسي .. في نجاح المسلسل .. ومافي ولا راح يكون فيه اي مسلسل يقدر انه يقارن في ظل الياسمين .. او بالاحرى .. مافي مقارنة للعملاقين وداد الكواري واحمد المقلة على ابداعهم مع اي مخرجين واي كتاب غيرهم .. مع احترامي للكل .. ومثل ماقالت (جفا الاشواق ) الاختلاف في الرأي لا يفسد للود قضية وتسلمين ع الموضوع .. الف تحية ..

الحجاب فرض على كل مسلمة مثل الصوم والصلاة .. ولا مانع من ظهوره في التلفزيون في اعلان او حتى مسلسلات .. لان المتحجبة الملتزمة الي تحترم حجابها .. ما تاخذ ادوار انها تلمس يد رجل او تتقرب منه وايد .. الخ من هذا القبيل ... ولكن راح تاخذ دور يناسبها ويناسب مكانة الحجاب عندها .. طبعا مو كل من حط الحجاب ملتزم .. لان حجاب عن حجاب يفرق ... يعني مثلا الي تلبس حجاب .. وتظهر بكامل زينتها بجينز وقميص يفصل الجسم .. هذا ماله داعي الحجاب ... الي بتلبس تلبسه باحترامه .. وتحترم دينها فيه ... الله يجزيج خير اميرة ع الموضوع الرائع .. تحياتي اختج آهات قلب

تسلمين حبيبتي الريم ع الوسام الرائع والعزيز ع قلبي ... وكل عام وانتي بخير وعساج ع القوة ان شاءالله ... الف تحية ود آهات قلب

اغنية حزينة ورائعة ومعبرة لآخر حد .. احساس لا يوصف .. ولحن جذاب .. وتمثيل ولا اروع للرائعة شهد .. وصوت في قمة الاحساس .. للمبدعة هند .. الف شكر .. تستمر المتابعة ..

مرحبا .. مسامحة امبراطور المنتدى .. بس النهاية موصح ... لان لو تلاحظ في بداية الاسامي.. انه جاسم راح يرجع من السفر وعليه بدلة .. هاذيج قصة حقيقة فعلا صارت وقاريينها من زمان .. لكن قصة وداد غير .. والنهاية راح تكون فيها مفاجاءات ومثيرة جدا ...

بصراحة كل شخص مثل في هالمسلسل بإخراج احمد المقلة طلعه بطل الحلقة .. وكل واحد ابدع في دوره ... واخص بالذكر ... الفنان القدير ،، ابراهيم الصلال .. محد يقدر يجيد الدور نفسه ماشاءالله عليه من اعمدة الفن الخليجي .. الفنان الرائع ،، محمد الحجي .. شهادتي فيه مجروحه .. فنان بمعنى الكلمة ورومانسيته تخطف قلوبنا من نظراته واحساسه الصادق في التمثيل ... شهد الياسين ... ماشاءالله عليها ابداع ابداع ابداع .. شخصيتها وتمثيلها روعة كأنه صج مو تمثيل ... الفنانة القديرة ... هدى سلطان .. لها نكهة خاصة وجميلة جدا في المسلسل .. هي ملح المسلسل .. تمثيلها لا يعلى عليه روعة روعة روعة .. الفنان الرائع .. يوسف بو هلول ... شهادتي مجروحة فيه .. فنان لايعلى عليه من تمثيل واتقان وروعة .. يبهر كل من يشوفه بتمثيله ... بنه .. وايد حلو دورها واتقنته ... الفنانة نجوى .. هيه و سلطان ولطيفة .. تمثيلهم رائع رائع .. جاسم دور قاسي بس تمثيل مقنع وحلو ... يعطيهم العافية جميعا ... تحياتي

مرحبا .. احداث رائعة قاعدة تصير ... انا ملاحظة انه كل ما نوى مهنا يطلق لطيفة تطلع حامل !! ... من جذي هالشي شوي ميوده ... المتابعة تستمر بشغف ... احلى تحية ..

آآآه يا مهنا .. عورت قلبي .. فعلا من اروع الحلقات لحد الآن حلقة اليوم الي لمست قلبي وعورته نفس الوقت .. مشهد دخول ياسمين بيت مهنا .. ولما كانت تتذكر كلام مهنا في الرسائل . .. قطع قلبي .. وعجبني وايد وايد نفس الوقت .. يابخت ياسمين بحب مهنا .. الحب العذري .. النقي .. المخلص الي نادر في هالدنيا والاقرب للمستحيل انه تحصل مثله .. تمثيل رائع يالغالي ( محمد الحجي ) .. اتقان اروع .. احساس نقي شفاف .. يصل للقلوب من نظراتك وكلماتك ..ز لا اطلق عليه تمثيل .. بل حقيقة .. تتجسد في ظل الياسمين .. رائع بكل معنى الكلمة .. ويشهد الله انه ولا كلمة مجاملة بل .. حقيقة وواقع .. وتستاهل كل خير يالغالي .. الف تحية مودة واحترام .. اختك آهات قلب

تستاهل يالغالي كل هالاعجاب والتهاني .. ع اتقانك للدور وبراعتك في تجسيده .. الف تحية .. وان شاءالله الى الامام دائما ... اختك آهات قلب

مرحبااا.. للتوضيح .. مهنا لما بيتزوج .. بييب ولد بيسميه جاسم ... لان مكتوب .. جاسم مهنا الصغير .. بالنسبة لي الحلقة (15) ... بصراحة اختلطت مشاعري .. عشت صراع اني اوقف مع من .. مع ياسمين او مهنا ... او اتعاطف مع الجد .. بصراحة الي حسيته .. انه الجد يستاهل الي يصير له .. لانه انسان غير مبالي بشكل غير طبيعي .. واذا كان متريث من طلال انه بيعطيه معاشه كل شهر فهو غلطان .. لان مثل ماشفنا ومثل ماكنت متوقعه .. انه راح يقطع او يقلل عليه المصروف شوي شوي .. اما بالنسبة لياسمين وموقفها مع مهنا .. المفروض انها ماتكون ضعيفه .. وكفاية ظلم من الي حصلته من يدها .. وكانت لازم تدافع عن حبها وتاخذ مهنا .. اما بالنسبة لولدها فمثل ما قالها مهنا .. بيكبر وبيلهى في حياته ويدها مو دايم لها ع طول يعني في النهاية بتم بروحها .. اهي صج محظوظة انها محصلة شخص يحبها بهالقدر .. وهالتضحية الي ضحاها عشانها .. اما موقف مهنا من موافقته ع زواجه .. بدرت منه الموافقه ظنه انه بيتناسى ياسمين وبيقدر يلهى بالزوجه والعيال .. ولكن في قرارة نفسه مستحيل ينساها وماراح يحب غيرها و لو كانت ام عياله .. ياسمين كسرت خاطري يوم عرفت بالخبر .. بس هي الي اختارت هالقرار اهي تتحمل .. بالنسبة لي عمر مهنا .. ترى عمره معقول ... لان في هالزمن ترى 41 مو كبير .. واكيد للمخرج رؤية في وضع العمر .. بنشوفها في الحلقات القادمة .. عمل قمة بكل حذافيره .. يعطيكم الف عافية .. جاري متابعة المسلسل ... الف تحية آهات قلب

كما تعودنا على الابداع دائما .. اليوم حلقة 14 انطرحت قضيه مهمة جدا غافلين عنها الكثيرمن الآباء ... الا وهي الخدم .. ووجودهم في البيت .. في وجود الاطفال بروحهم معاهم .. بصراحة مشهد بنه لما تشوفها ام طالب .. هذا بروحه قضيه .. تشكر عليها الكاتبة الرائعة وداد على تسليط الضوء عليها لان الكثير من الناس غافلين عنها .. ولاننسى فنانا الرائع ( بوخليفة ) على اضافته كل يوم للحلقة جمال وتألق .. الى الامام دائما ... الف تحية آهات قلب

بصراحة .. في كل العملين .. نعم ولا .. وظل الياسمين .. ابدع (محمد الحجي ) في نعم ولا ... دوره اكثر من رائع .. وتجسيده للدور أروع .. فنان بمعنى الكلمة .. ولا المشهد الاخير في المسيد .. قلب الموازين .. كلها .. وخلنا نفرح ونحزن نفس الوقت .. نحزن عليه لانه كان ليلة عرسه .. ونفرح لخاتمته الحسنة الي يتمناها كل شخص ... اما في ظل الياسمين .. شهادتي فيه مجروحه .. تمثيل راقي بمعنى الكلمة .. اخلاق عالية جدا .. وهدوء جدا جميل في تجسيد الدور ... الله يعطيه العافية ان شاءالله ... أحمد المقلة ووداد الكواري .. اشهد انه كل الخليج تفتخر فيهم .. وفي واقعيتهم في المسلسلات ... الف تحية .. آهات قلب

مرحبا .. فهد الامارات ... مشهد حلقة اليوم .. انه ام طالب سمعت ضحك بنه مع احد الخدم في المطبخ لما كانت تبي تودي الماي حق جاسم .. فوقفت ومرة وحدة افتحت الباب ع الخدام والا اتشوف بنه معاه ... وبدت ع ملامحها الدهشة وراحت بسرعة .. خبرت ياسمين .. خلاصة المشهد .. يهدف انه الكثير من الناس هالايام يتركون عيالهم في البيت ويكون فيه خدم رياييل .. مايعرفون شيسوون .. وشيصير من وراهم .. لما مهنا .. قال حق بنه .. اعترفي .. قصده انه .. هل في شي حصل بين الخدام وبنه .. !! هل انه قص عليها في شي .. او تحرش فيها !! ... .. الله يستر علينا من الخدم .. وشكرا اخوي اتمنى انه شرحي واضح ... تحياتي اختك آهات قلب

تسلم .. يالغالي ( محمد الحجي ) ... على الرد ... وفعلا مثل ماذكرت .. الكاتبة وداد انسانة بمعنى الكلمة لما يملك قلمها الحس الصادق الواقعي الي يمس المجتمع ... بافكار جديدة كل عام ... الف تحية ود .. وان شاءالله الى الامام دائما .. اختك آهات قلب

السلام عليكم ورحمة الله وبركاته ... في البداية احب اني اهني الفنان الرائع والمبدع .. محمد الحجي .. على التمثيل الراقي والهادئ ،، الي في الحقيقة امتعنا العام .. والسنة بشكل اروع .. اهني فيك الطلة الهادئة .. الرومانسية .. الخلوقة على الشاشة .. .. عندي سؤال .. ليش هالرفض من قبل الجد لمهنا .. هل في شي صاير من قبل..؟؟ مع انه مثل ماعرفت انه ابو مهنا كان صديق الجد ..؟؟ ولا بس من الله مايحب مهنا..؟؟ وشنو قصده انه مو من مواخيذنا .. ليش هو شنو فيه زوود .. ؟؟ مايبين عليه الغنا ولا العايلة .. ولا شي ... ارجو التوضيح ... ويعطيك الف عافية يالمبدع محمد الحجي ... الف تحية اختك آهات قلب

صباح الخير .... يعطيكم الف عافية ... انا بصراحة اليوم وايد عجبتني الحلقة .. وجدا احب المشاهد الي تجمع بين المبدع يوسف بوهلول والفنان القدير ابراهيم الصلال .. لانهم يضيفون ع الحلقة نكهة خاصة جدا ... والمشهد الي ضحكني وعجبني وايد .. ( لما طلال كان يقول حق جده .. تصدق انك ولد حلال .. اقصد شيبة حلال هههههههه .. ) الله يعطيك العافية يالغالي بو خليفة .. واتمنى لك التوفيق والنجاح من كل قلبي ... اختك آهات قلب ...

تستاهل كل خير .. ( بو خليفة ) ... ويشرفني اني اتواصل في منتداك الغالي .. تقبل مني احلى تحية .. اختك آهات قلب

السلام عليكم ... بصراحة انا افتخر انه الممثل الرائع يوسف بوهلول من ديرتنا .. لانك ماشاءالله عليك أكثر من مبدع ومو من احين .. من زمان .. واعمالك كلها ترسخ في الاذهان ولاتروح عنا .. اما بالنسبة "لظل الياسمين" فشهادتي فيك مجروحه لا شك .. اتقنت الدور بكل حذافيره .. وابدعت فيه لابعد حد .. وهالشي ابد مو بغريب عليك يا ( بوخليفة ) لانك دائما مبدع .. وانا جدا احب تمثيلك .. فيعطيك ألف عافية ع المجهود الكبير الي بذلته .. ويعطي العافية المخرج المبدع دائما وابدا أحمد المقلة على هالاخراج الخيالي .. الي تفوق فيه على كل المسلسلات .. الله يعطيك الف عافية اخوي والى الامام دائما ان شاءالله .. تقبل شوشرتي المتواضعة .. اختك آهات قلب

تسلم اخوي عمار ع الموضوع المميز .. بكل صراحة وشهادتي مجروحه في المبدع دائما وابدا الاستاذ المخرج أحمد المقلة والاستاذه الكاتبة وداد الكواري .. في اتقانهم وحرصهم على عرض كل ما هو مفيد وله مغزى يمس قلوب المشاهدين ويطغي تفوقهم على جمييييييييييييييييييييع المسلسلات الرمضانية بكل انواعها ولهجاتها .. فظل الياسمين هالسنة ماشاءالله .. يعجز لساني عن التعبير عنه من كل النواحي .. قصص واقعية .. حساسة .. محترمة .. مؤلمة بما يناسب الواقع الاليم الي نعيشه .. قصة روعة بكل ممثل فيها .. وبكل ركن فيها .. واخراج لايعلى عليه .. يمكن تقولون شوي بالغت لكن الله يشهد انه هالكلام نابع عن اعجاب شديد بالمسلسل والمخرج والكاتبة لدرجة اني ماقدر اشوف اي مسلسل ثاني هالسنة مقارنة بظل الياسمين .. فأغلب المسلسلات الثانية يطغي عليها نفس القصص القتل ، الثأر ، الاغتصاب ، المرض .. اشيه تعبنا واحنا نشوفها . لكن ظل الياسمين .. قصة فظيعه بكل معنى الكلمة ... وماقدر اقول غير الله يعطي العافية لمخرجنا المبدع والمتميز دائما احمد المقلة والكاتبة الرائعة جدا .. وداد الكواري .. والى الامام دائما .. سمحوا لي ع الاطالة .. اختكم آهات قلب