Jump to content
منتدى البحرين اليوم

بحرينية_عسل

الاعضاء الفعالين
  • مشاركات

    438
  • انضم

  • آخر زيارة

عن بحرينية_عسل

Previous Fields

  • الجنس
    انثى
  • سنة الميلاد
    1984

بحرينية_عسل الانجازات

Newbie

Newbie (1/14)

0

الشهرة

  1. دانه: انا ماعندي سياره هبه: انا بامر عليج..اشقلتي؟؟ دانه: ماادري... باسأل اخوي وامي وبارد عليج هبه: اوكي..بس لاتتأخرين دانه: ان شاء الله راحت حق امها وقالت لها...امها رضت انها تروح بس قالت لها تستأذن من اخوها بعد لي قعد من الرقاد... بشقة خالد وساره...بعد صلاة العشا خالد: اوصلج بيت امج؟؟ والا مابتروحين اليوم ساره: لا باروح... ابي ابارك لسلمى على الحمل... بعدين اتم هني بروحي شاسوي خالد: انزين.. بسرعه برزي.. لان مواعد علي رفيجي في يم يم تري ساره: ان شا ءلله.. ثواني بس دخلت ساره الغرفه عشان تبرز روحها... خالد قاعد ينتظرها في الصاله...واتصل فيه رفيجه علي خالد: هلا هلا علي... الحين باطلع علي: ههههه...لا خذ راحتك خالد: وين انت الحين؟؟ علي: انا للحين في البيت .. شوي واطلع خالد: عيل اشله متصل؟؟ علي: كنت باقول لك احمد ومحمد ونواف بييون؟؟ خالد: اي كلهم بييون...ليش؟؟ علي: لان باحجز لنا طاوله في المطعم اللي صاير داخل بيم يم خالد: اي زين تسوي... عشان ناخذ راحتنا علي: اوكي عيل.. انتظركم هناك.. بس لاتتأخرون خالد: اوكي خالد: ساره.. ساره.. ماصارت... ساره وهي طالعه من الغرفه: كاني كاني... يالله قوم خالد: ساعتين الله يهداج ساره: تبيني اروح بيت امي بثياب البيت خالد: مافيها شي ساره: لالالا الا فيها خالد: انزين يالله خل نروح.. ماابي اتأخر عليهم ساره: على من؟؟ انت قلت لي بتطلع مع علي خالد: علي واحمد اخوج ونواف ومحمد ساره: اها...زين تغيرون جو شوي راحت ساره بيت امها..... خالد والبقايا تلاقون بيم يم تري وتعشوا هناك.... اليوم الثاني.. اليوم اخر يوم لامتحانات الجامعه.... هنادي وهيا قدموا الامتحان وطلعوا منه مستانسين.. كان وايد سهل..... هنادي: اشوه.. عالاقل عوضنا عن الامتحان اللي زفتنا فيه هيا: اي اشوه... ووووه. الحين احس براحه.. مابغينا نخلص هنادي: اي والله.. اخيرا باطلع مع نواف براحتي... من ابتدينا امتحانات ماطلعت معاه ولاجفته هيا: يابختج.. عيل انا .. اللي بقى 3 اسابيع لي مايرد هنادي: ماعلي.. غمضي وفتحي بتجوفينه ياي هيا: متى بس.. متى الظهر دانه طلعت مع صديقاتها هبه وشمه...دخلوا السينما.. بعدين تغدوا...راحوا سينما مجمع السيف على الغدا... دانه: جوفي عينج شلون حمره صارت... كل من الصياح هبه: اي...ليش البطل يموت... عور قلبي شمه: هههههه الحمدلله والشكر.. اللي يقول صج الحين هبه: تبين تقولين لي انج ماصحتي؟؟ شمه: لا ... انا مااصيح على الافلام هبه: لانج ماتعرفين لهم عدل شمه ودانه: هههههههه وهي تضحك انتبهت لواحد يتبسم لها من بعيد....قاعد على طاوله مجابلتهم دانه فز قلبها ودق بسرعه بسرعه.....رنة مسج ياتها..بطلت المسج ( فديت هالضحكة انا... اشحلوج صايره) دانه ردت بمسج ( هههه.. انزين لا تطالع وايد.. بعدين احد ينتبه لنا... فديتك) محمد اللي كان مطرش لها مسج... هو يدري انها بتيي السيف تتغدى.. عشان جذي يه تغدى هني.. بس هي ماتدري ان بيي.. مرت الايام... طلعت نتايج الجامعه ونتايج الثانوي.... هنادي وهيا نجحوا.. بس هنادي نزل معدلها وايد.. اما هيا فماتغير...نفس الشي... اميره يابت نسبة عاليه... وأهلتها لدخول بعثة الشيخ سلمان لامريكا....بس وين تجوفون دلعها وغرورها الحين.. مافوقها فوق.. اما عن محمد... كل المواد ياب فيهم امتياز ماعدا وحده ياب جيد جيدا.. بس الحمدلله معدله مانزل. بالعكس ارتفع ... واللي بلندن الفرحه موب شايلتهم.. كلهم نجحوا.... وليد ياب معدل زين وتخرج...بس يعد الايام عشان يرد البحرين .... في مكتبة الجامعه. بعد ماخذوا نتايجهم... عبدالله ومنى قاعدين عبدالله: مااتخيل ماجوفج لي ردينا البحرين.... منى: انا بعد.. تعودت كل يوم اكون معاك... عبدالله: شيصبرني على فراقج هناك.. مااقدر منى: هههه.. هالكثر تحبني؟؟ عبدالله: واكثر بعد منى: انا بعد...بس بنقدر نكلم بعض في التلفون عبدالله: لكن مااقدر اجوفج منى: اصبر.. كلها شهرين وبنرد لندن مره ثانيه عبدالله: وانا شيصبرني لي مانرد لندن... بس يالله... كلها شهرين منى: اقتنعت الحين عبدالله: اي اقتنعت منى وهي قايمه من عالكرسي. عبدالله: وين وين؟؟ منى: بامشي... اخاف وليد يمر ويجوفني قاعده معاك... عبدالله: اوكي... تحملي بروحج منى: انت مابتقوم؟؟ عبدالله: لالا .. انتظر عادل اييني هني منى: اوكي.. باي عبدالله: باي عبدالله..... ههه.. صدقتي اني بانتظرج شهرين... انا من ارد البحرين باكلم اهلي عنج.. عشان نرد واحنا مخطوبين.... احبج.. احبج... عادل: ههههههههههههههههههههههههههههههههههههههههههههههههههههههههههههه... الحمدلله والشكر عبدالله: اشفيك!!!! عادل: من ذي اللي تحبها؟؟؟ الهوا؟؟ عبدالله: شنو؟؟ عادل: تكلم من تقول لها احبج احبج عبدالله: انا؟؟ عادل: لا امي عبدالله مايدري عن روحه لما تكلم... كان سرحان بمنى عبدالله انحرج من عادل: قوم قوم.. خل نروح..عن السخافه عادل للحين يضحك عليه.... في بيت يدة محمد.... محمد واليده قاعدين بالملحق يشربون شاي... محمد: ماما نينه اليده: خير يمه محمد: بغيت اكلمج بموضوع اليده: قول يمه محمد موب عارف يكلمها.. حده متوتر اليده: اشفيك موب عارف تتحجى؟؟ قول محمد نينه.. انا بغيت اتزوج اليده حدها مستانسه... نزلت استكانة الشاي من يدها: هذي الساعه المباركه... تبيني اخطب لك محمد: لالا.. نينه.. انا البنت اللي ابيها اخترتها بروحي اليده: من بنته؟؟ نعرفهم؟؟ محمد: ابي اخطب دانه اخت احمد اليده: ونعم الاختيار يمه... خوش بنت والله محمد مستانس من ردة فعلها: صج نينه؟؟ اليده: اي صج... البنت واهلها موافقين؟؟ محمد: عاد هذا عليج انتي.... ابيج تخطبينها من اهلها اليده: زين... اكلمهم ونحدد يوم نروح نخطبها فيه محمد: متى؟؟ اليده: ههه.. لهالدرجه مستعيل عليها... محمد: اي مستعيل اليده: ان شا ءلله.. باجر اكلمهم واجوف شيقولون محمد وهو يبوس راس يدته: بعد عمري والله... احبج اليده: هههه... في بيت وليد... اميره: يمه انا بروح بيت سلمان اليوم ام وليد: من بيوديج؟؟ اميره: سلمان بمر علي... ام وليد: بس لاتتأخرين.. محد بييبج بعدين اميره: يمه انا بارقد هناك ام وليد: انتي ماتستحين... كل يومين وراقده في بيتهم اميره: بعد اجازه... اسلي روحي مع خوله ام وليد: اخر مره ترقدين .. تثقلين عليهم بعدين اميره: لا مااثقل... بعدين خلود هي اللي تقول لي ارقد معاهم.. موب بروحي ارز ويهي ام وليد: انزين لا تاكليني بلسانج الحين... روحي خلاص بووليد توه ياي من بره.. بووليد: السلام عليكم ام وليد واميره: عليكم السلام بووليد: توه منى مكلمتنتي.. سلمت عليكم ثنتينهم: الله يسلمها اميره: متى بيردون يبا؟؟ بووليد: عقب اسبوعين ان شاءا لله ام وليد: حجزوا خلاص.؟؟ بووليد: اي خلاص ام وليد: الله اييبهم بالسلامه اليوم الثاني... يدة وليد اتصلت في ام دانه وقالت لها ان بتيي تزروهم يوم الجمعه بعد صلاة العشا هي وبنتها.... محمد ماخبر دانه عن سبب زيارة يدته... قال لها حابه تيي لامها وتقعد معاها بس... طول هالايام مالمح لها اي شي عن الخطوبه او اي شي... قعدت دانه تبرز طبخات للعشا باجر.. كل عشان يدة محمد.... وطلبت من هنادي تيي تساعدها..اللي ماصدقت خبر ويات... تبي تجوف اهل محمد.... على العشا... دانه ماعرفت تاكل ... طول الوقت اليده تطالعها وتتبسم لها....ونفس الشي خالة محمد....اللي حبت دانه من اول قعده لها معاهم.... بعد العشا.... تحجت اليده في الموضوع... وطلبت يد دانه لمحمد..... دانه شوي ويوقف قلبها من الفرحه...موب مصدقه.... حتى على طول وافقت من سألتها امها...وامها بعد ...لانها كانت تتمنى واحد مثل محمد لبنتها.... انملى البيت بالتيبب... والكل بارك لهم على الموافقه... ام دانه الفرحه موب شايلتها... عرست عيالها كلهم.... .... حددوا ان اسبوع الياي اييون الريايل ويتقدمون رسمي...... دانه من الفرحه دخلت غرفتها وقعدت تصيح.... لحقتها هنادي هنادي وهي ضامتها: مبروك دانه دانه: الله يبارك فيج.... هنادي: ليش تصيحين الحين؟؟ المفروض تستانسين دانه: من الفرحه.. موب مصدقه اللي سمعته.. هو بعد ماياب لي طاري عن هالسالفه هنادي: حب يسويها لج مفاجئه دانه سمعت تلفونها يرن: هنادي... اكا هو متصل هنادي: ردي عليه... دانه وهي تمسح دموعها: الو محمد: مبروك حبيبتي... دانه: ليش ماقلت لي؟؟؟ محمد: حبيت افاجئج دانه: اشدراك ان بيتنا وافقوا؟؟ محمد: خالتي طرشت لي مسج.. واحمد اخوج اتصل فيني دانه: صج!! محمد: اي... احبج احبج احبج احبج احبج احبج دانه: ههههه.. اشفيك استخفيت محمد: اكيد باستخف...ويوم العرس باستخف اكثر هههه ( محمد يبي يتزوج على طول...دام كل شي متوفر عنده ليش يتأخر بعد...ودانه بعد موافقه على هالشي ...كانوا متفقين من قبل) دانه: انزين عمري...اكلمك بعدين... هنادي معاي الحين محمد: اوهوووووووو.. ابي اسولف معاج دانه: ههههه.. بعدين بعدين محمد: اوكي...باي.. احبج دانه: باي احمد لما اتصل في محمد وقال له عن الموافقه.. دار بينهم هالحجي... احمد: مابغيت ياخي.... من زمان انا انتظر منك هالشي محمد وعلامات استفهام على ويهه: شنو؟؟؟ احمد: اي.. عبالك ماعرف انك تبي دانه من زمان محمد: ها...محمد موب عارف يتحجى احمد: ههه.. اشفيك تبلعمت... ادري انك تحبها....كنت اراقب حركاتك كلها... قعد يقول له كل شي لاحظه عليه.... ومحمد ماقال له ان هو ودانه يكلمون بعض... مايبي احمد يحط في خاطره على اخته ويعصب عليها..... احمد: عالعموم.. مبروك....اختي مابتحصل واحد احسن منك محمد وايد مستانس: تسلم والله احمد: حطها في عيونك... هذي دانتي قبل لاتصير دانتك....واذا زعلتها بأي شي ياويلك مني محمد: هذي في عيوني من غير ماتقول لي احمد: الله يهنيكم دانه ومحمد ماعرفوا يرقدون.... طول الوقت يفكرون شلون راح يجتمعون مع بعض.... بعد هالمده الطويله..... علاقتهم صار لها سنه تقريبا...وقعدوا مع بعض بس مره وحده لما كانوا بجسميز.... دانه تتقلب يمين ويسار... ونفس الشي محمد.. يتقلب يمين ويسار دانه قامت من على سريرها...خذت تلفونها عشان تتصل في محمد ... وبنفس الوقت محمد خذ تلفونه عشان يتصل لها... بس اثنينهم ترددوا اخر شي.... لان الوقت كان متأخر وكل واحد فيهم عباله ان الثاني راقد هالحزه....ردوا على سريرهم مره ثانيه وحاولوا يرقدون....بس دانه ماياها رقاد... بطلت اللاب توب وقعدت تكتب عن احداثهم.... مرت الايام عليهم بسرعه... بلندن كلهم لاهيين بالتسوق... يتشرون لهم ولاهلهم قبل لايردون ديرتهم....وليد ماتم شي ماشراه لهيا.... اي شي حلو ويحسه يشبهها ياخذه.... دانه لاهيه بتجهيزات العرس اللي بقى شهر واحد بس وتصير زوجة محمد للابد... هم راح يتزوجون مباشره لان محمد كل شي متوفر عنده... مع ان ام دانه عارضت هالشي اول... كانت تبيهم يتمون فترة خطوبه... بس بعدين اقتنعت بروحها.. ووافقت... نواف مشغول مع البنيان... اللي ابتدوا فيه من شهر تقريبا.... ساره دبتها ابتدت تبان الحين.... سلمى تعاني من اعراض الحمل ( النساي)... ومغربله احمد من طلباتها اللي ماتخلص... كل يوم تتوحم على شي.... هيا ووليد منتظرين بعض على نار... ...اللي اليوم راح يتلاقون مره ثانيه... في مطار لندن... عادل سلم على عبدالله ووليد...وهيفا سلمت على منى وسوزي.... طائرة عادل وهيفا بتطير قبل... منى: مبروك مقدما هيفا هيفا: الله يبارك فيكي... الفال ليكي منى: ان شا ءالله سوزي وهي تسلم على هيفا: مبروك حبيبتي هيفا: الله يبارك فيكي... وانتي كمان مبروك سوزي: متشكره... وليد: يالله.. مبروك عادل.. منك المال ومنها العيال عادل: هههه.. الله يبارك فيك عبدالله: مبروك... بس خساره مابقدر اكون معاك وقت العقد عادل:لالا من قال... باسوي حفله لي رديت البحرين.. وبتكون معاي انشاء الله.... بس عاد ترقص لي رقص عبدالله: ههه.. جايفني رقاصه عادل: بعد لازم ترقص بعرسي.... وليد: ولايهمك .. انابرقص.. اذا عزمتني عاد عادل: انت مايبي لك عزيمه.... وهو يطالع عبدالله... جفت هذي الاودام .. موب انت ماتبي ترقص كلهم: ههههه سلموا على بعض.. وطارت طيارة هيفا وعادل... بعدين طيارة منى ووليد وسوزي بنفس الوقت... في المطار العايله كلها متيمعه... حتى محمد... لان منى وووليد وعبدالله بنفس الطياره.... محمد واقف مع احمد ونواف... احمد: ها مستعد للعرس؟؟ محمد: ههه.. اي نواف: زين والله بتعرس على طول... عالاقل تكون معاك طول الوقت... ماتضطر تروح وتييها كل يوم محمد: ههههه.. شكله متأذي الحبيب نواف: هههه.. لا اشوه اللي عندي عندها سياره احمد: بس بعد مبتلش... تمر عليها بيتهم عشان تطلعون الكل: هههههههههههه دانه عينها كانت كله على محمد... اميره: بسج دانوااا... خزيتيه خز هنادي: ههههههههههههه.. هذي ماتنط الا في المواقف الحرجه دانه: هههههههه.. اشدراني فيها اميره: بس تصدقين.. من عذر تخزين فيه.... اينن ماشاء الله.... مااحصل لي واحد مثل وسامته وحلاوته هنادي: هههه.. انا اموت واعرف انتي شلون يبتي نسبة عاليه جذي.. دام تفكيرج هلون اميره: تف تف تف... عين الحسود فيها عود.. قولي لا اله الا الله الكل: ههههههههههههههههههههههههه ساره: ترى عين هنادي قويه اميره: صج!!!!راحت علي عيل الكل: هههههههههههه هيا قاعده على اعصابها... تنتظر رجعة وليد بسرعه.... صار لهم اكثر من ساعه ينتظرون..... بووليد: وايد تأخرت طيارتهم بوهنادي: الحين بتوصل... لاتحاتي... ام وليد: هههه.. صاير اخس مني... من البارحه وهو ينتظر ردته ام احمد: ليش ماخليتوا سلمان ايي؟؟ ام وليد: بنخليها مفاجأة لمنى... سلمان ينتظر في البيت ام احمد: هههه.. والله انتوا عليكم حركات بعد هيا لمحت وليد من بعيد.... هيا: كاهم كاهم هناك.. وهي تأشر لوليد بيدها.. اميره: من بعيد لمحتيه...ماشاء الله ماشاء الله اميره من جافتهم جربوا شوي.. على طول ركضت يمهم وحضنت منى بقوه.... اميره: الحمدلله عالسلامه... وحشتيني وايد منى: هههه..الله يسلمج.. انتي بعد... شوي شوي علي. كسرتي عظامتي قامت من منى وسلمت على وليد..... ام وليد حضنت بنتها وسلمت عليها سلموا عليهم كلهم....والكل فرحان لرجعتهم.... وليد: الله يسلمج حبيبتي... وحشتيني ...وحشيني وايد هيا: انت بعد... وحشتني وايد بووليد: وهو يلم ولده: الحمدلله عالسلامه وليد: الله يسلمك يبا.. بعدين امه يات لمته بقوه: الحمدلله عالسلامه.... منى: دانوااااااااااااااا... حبيبتي والله دانه: هلا والله.. شخبارج؟؟ شمسويه؟؟ منى: تمام.. انتي شخبارج؟؟ دانه: الحمدلله... مثل ماتجوفيني محمد: الحمدلله عالسلامه عبدالله عبدالله: الله يسلمك الريايل كلهم سلموا على وليد وعبدالله...وتحمدوا لهم عالسلامه.... عبدالله ومنى سلموا على بعض بنظراتهم.....محمد نفس الشي مانزل عينه عن دانه...... والاهل نفس الشي. سلموا على وليد وعلى منى... طلعوا من المطار عشان يروحون بيت وليد... كلهم يبون يجوفون ردة فعل منى لما تجوف سلمان.... في بيت وليد...سلمان وخلود ينتظرون ردتهم... خلود: وايد تأخروا صح سلمان: في الطريج هم.... خلود: وايد متوتر شكلك سلمان: ههه.. اي وايد خلود: لا تخاف... اكيد منى بتكون متقبلتك مثل اميره سلمان: ان شاء الله سلمان خايف ان منى تستثقل وجوده بحياتهم.... من جذي حده متوتر.... خلود: كا وصلوا... خلك طبيعي سلمان: انزين.... شال بنته من حضنه وعطاها خلود... منى دخلت واستغربت من وجود شخصين غريبين ببيتهم جافت وليد يسلم عليه.... والمره اللي معاه بعد الكل يسلم عليها منى علامات استفهام على ويهه كله..... ام وليد: منى ماعرفتي هذي من؟؟ منى: لا يمه... وهي تضحك بس على خفيف ام وليد: تعالي تعالي يمي... راحت يمها.. والكل قعد بالصاله... اما باقي الريايل قعدوا بالميلس ام وليد: جوفي ويهه عدل... مايذكرج بأحد سلمان وخلود والكل مستغربين من طريقة كلام ام وليد بس بووليد يعرف لها اميره: يمه هي اشعرفها ام وليد: انتي سكتي... ها منى.. ماتذكرين؟؟ منى باستغراب: لا يمه.. ام وليد: انزين لحظه...... راحت غرفتها يابت صوره معاها وقعدت مره ثانيه يم منى... ام وليد وهي تروابها الصوره: الحين؟؟؟ عرفتيه؟؟ منى بدهشه قويه: سلمااااااااااااااااااااااااااااااان!!! اخوي سلمااااااااااااااااااااااااان كلهم مستغربين شلون منى تعرف عن سلمان ام وليد: اي يمه سلمان على طول قامت من مكانها وسلمت عليه وعلى مرته... وخذت بنتهم وخلتها على حضنها.... منى تدري ان عندها اخو من ابوها واسمه سلمان... لان مره سمعت امها وابوها يتكلمون عنه... وقالوا لها كل شي عنه... بس ماتوقعت يوم بالايام ان راح تلتقي معاه بعدهالسنين... وقعدوا يسولفون ويضحكون مع بعض اشكثر..... في بيت عبدلله... بالميلس محمد: والله وبنصير نسايب عبدالله: هههه.. تصدق عاد.. من كان يتخيل محمد: لو الحين عادل هني.. بيقول احنا طابخينها عبدالله: ههههه.. محمد: ومتى بتخطبها ان شا ءالله؟؟ عبدالله: باكلم اهلي بعدين بنجوف محمد: ان شا ءالله خير... عبدالله: ان شا ءالله محمد: يالله سولف لي... اشسويتوا هناك؟؟؟ وشلون اللي بياخذها عادل؟؟ شقره مثل مايبي؟؟ قعد عبدالله يسولف له عن احداث لندن كلهااااااااااااااااااااااا بعد اسبوعين بغرفة دانه... منى: خلصتي اغراضج كلهم؟؟ دانه: بقى بس الفستان هنادي: اسبوعين بس وبتعرسين هااا اميره: بس موب جنكم استعيلتوا... اقصد ان على طول بتعرسون دانه: لالا ... تعرفين محمد بروحه في البيت ومحتاج لوحده تكون معاه اربع وعشرين ساعه منى: الله يهنيكم ان شا ءالله هنادي: امووور... متى نتايجكم بتطلع؟؟؟ اميره: بداية 9 بيعلنون اسامي اللي ترشحوا للبعثه.. ادعوا لي اكون معاهم كلهم: ان شا ءالله هنادي: ياحظج... بتروحين امريكا اميره: خل يطلع القبول اول هنادي: ان شاء لله بيطلع... بمطعم قيصر هيا ووليد يتغدون.... وليد: اخيرا رديت لج...والله واحشتني وااااااااااايد هيا: تعرف.. كنت اعد الايام ... احسب متى ترد لي وليد: انا بعد.... هيا: ماقلت لي شنو الخبر الحلو؟؟؟ وليد وهو ميود يدها: الخبر الحلو ياحبيبتي.. ان هالاسبوع عندي 3 مقابلات لشغل هيا: صج!!! الله يوفقك ان شا ءالله وليد: والخبر الثاني... هيا: بعد في خبر ثاني؟؟ وليد: هههه اي... الخبر الثاني... ان ابوي بيعطينا بيت يدتي الله يرحمها عشان نسكن فيه لي تزوجنا هيا حدها فرحانه: صج عمري.... بعد عمري عمي.. الله يخليه لنا وليد: بس عمج؟؟ هيا: اكيد انت بعد وليد: فديتج.. هيا: ان شا ءالله تحصل شغل بسرعه...ونبتدي نجهز في البيت وليد: ان شا ء الله بيت يدة محمد.... الاهل كلهم متيمعين اليوم يوسف: والله وبتصير معرس محمد: الفال لك يوسف: لا تفاول علي... انا تو الناس علي... مافيني شدة الحنه وعوار الراس من الحين جاسم: الحين الزواج عوار راس يوسف: اي عوار راس... الا وين رحت.. ييب لي ذي... ودني هني... وسكت هالياهل...وطق هالياهل جاسم: هاي اللي تفكر فيه.... اذا كل واحد فكر جذي محد عرس يوسف: احسن لهم... اشله يبلشون عمرهم محمد: هههههههه.. اقول اكرمنا بسكوتك احسن اليده: خلصتوا اغراض البنت؟؟ ام جمانه: اي كل شي خلصنا....ماخليناها تحتاج لاي شي اليده: زين سويتوا يمه جمانه: انا بعد .. مريت علهيا جم مره وسألتها اذا محتاجه شي اليده: طول عمرج تعرفين الاصول.... محمد من تقدم لدانه... ماسكن ببيتهم.... عشان يدخله مع حبيبة عمره... طلب من خالته تتكفل بأثاث غرفته... بس ماغير اي شي في البيت... لان ريحة اهله فيه.. خلاه مثل ماهو الاستعدادات ماخذه الكل لعرس دانه..... لان راح يكون اكبر عرس يصير في العايله..... عرسهم بيكون بفندق الخليج بقاعةة المؤتمرات.... وقبل العرس بليله بينصبون خيمه عوده للريايل عند بيت يدة محمد للعشا..... الفرحه موب شايله الكل... دانه ومحمد من جهة...... عايلة دانه وعايلة محمد من جهة ثانيه...... بعد عرس دانه.. عبدالله بيتقدم لمنى..... وعادل بيرد قبل عرس محمد بيوم مع هيفا.. اللي خطبها اول ماراح لبنان..... بغرفة دانه... قاعده تشيل اخر اغراضها اللي تحتاجهم بغرفتها......واشكثر قاعده تصيح ان بتفارق بيت امها...وراح تبتدي حياة جديده... بس غرفتها بتم مثل ماهي.. تقدر تيي اي وقت تقعد فيها... مااصدق اني راح اجتمع مع محمد ببيت واحد... احس اني بحلم ......يومين بس ... يومين بس وراح نكون تحت سقف واحد وللابد.... محمد نفس الشي...موب مصدق هالشي.... بعد كل اللي صار راح يجتمع معاها.... صج لي قالوا الواحد ماياخذ اللي نصيبه.. وانا نصيبي انتي... باعيشج عيشه ماحلمتي فيها.. باعيشج عيشه تنسيج كل الهموم والاحزان اللي عشتيها قبل.... باخليج اسعد وحده بالدنيا.... اااااااااه الله يقدرني على هالشي لابسه فستانها الاخضر....والقبقب على راسها.....قاعده بوسط اهلها....والاغاني كلها عليها...والحنه مليانه يدها ...وشوي وشوي توصل لريلها... اليوم حنة دانه....العايله كلها متيمعه في بيتهم....حتى اهل محمد متواجدين... الفرحه موب شايلتهم.....عافسين البيت فوق تحت من الرقص والغشمره مع بعضهم.... واكيد الفرحه العوده بقلب دانه....وايد مستانسه...تطالع حنه يدها وتجوف الحنايه شلون تحني ريلها....بكل فرح..الابتسامه مافارقت ويهها طول اليوم.... منى سحبت هيفا وقعدتها يم دانه...تراويها شلون الحنه...هيفا ميته كانت تبي تجوف حنه... هيفا وعادل اليوم الصبح وصلوا البحرين... يدة محمد ويدة دانه....قعدوا يغنون اغاني الاول على دانه..... اما الريايل فهم متواجدين بالخيمه اللي نصبوها عشان العشا.... محمد وايد مستانس بوجود عادل اليوم معاه..... الفرقه المتواجده بالخيمه...يوسف يابها هدية لمحمد..... استغلوا الشباب وجود الفرقه....وقعدوا يرقصون طول الوقت من بعد العشا.... عادل ويوسف ووليد ماقعدوا ولادقيقه.... بووليد وبوهنادي تعرفوا على بوجاسم خال محمد.... ام احمد...طول الوقت سرحانه ببنتها.... والله وعرستي يادانه.....الحمدلله اللي خلاني اجوف هاليوم.....وهي تفكر فيها طاحت دمعه من عينها....ساره مسحت دمعة امها وضمتها بقوه...... ساره: الله يخليج لنا يارب.. ام احمد: ان شا ءالله... دانه تطالعهم وعيونها مليانها دموع...تعرف امها ليش صاحت.... خلص اليوم ويه اليوم الثاني.. اللي الكل قاعد يستعد للحفله.... البنات راحوا الصالون عشان يتعدلون للعرس... اليده والخالات وام دانه راحوا مع سلمى نفس الصالون... الكل يبي يتألق بهاليوم..... بغرفة الفندق.... دانه قاعدين يمكيجونها.....وقلبها يدق بقوه.... بالقاعه.. الكل متألق.... والعرس منظم اخر تنظيم.....وكل وحده بموديلها تقول الزود عندي.... طبعا اميره وهنادي كالعاده... مشلخين عمرهم بالرقص....ماقعدوا ولادقيقه.. مع ان نواف منبه على هنادي ماترقص هههه يغار عليها من الناس ام احمد الناس كلها يايه عرس بنتها تبارك لها... ...صايره قمر امها... حتى خالاتها كل وحده متصقله من الزين سلمى وخلود ومنى وهيفا... كلهم اشحلاتهم صايرين..... ولاعاد ساره اللي صايره حدها كيوت بدبتها.... ودنيا تينن.... ماخذه حلاة امها وابوها الله يرحمه.... منى من جافت هيفا يايه..على طول استقبلتها..... منى: متى صبغتي شعرج؟؟؟ هيفا: اليوم منى: سوا اللي براسه وخلاج تصبغينه اشقر هيفا: ههههه..اي ..تعرفي شو...قال مابدو اياني احضر العرس الا وشعري اشقر منى:ههه..ليش يعني؟؟ هيفا: قال بدو نتصور قبل لانجي هون...ومابدو الصور تحترق بسبة شعري الاسود منى: ههههه..عادل وحركاته بميلس الريايل... محمد حده على اعصابه.. مستعيل يبي يجوف دانه.... الكل متواجد بعرسه.... بالميلس مسويين لهم جو بروحهم..... عادل وعبدالله ووليد وخالد رقصوا رقص.... احمد: ههههههههه.. خلوا شوي طاقه لداخل الصاله خالد: لا تخاف عليهم.. طاقتهم ماتخلص... بيرقصون هناك بعد احمد: لا ويرقصون حلو بعد ههههه خالد: هههه اي والله... خالد: سلطان.. وانت ماتعرف ترقص سلطان: لالا.. انا بعيد عن سوالف الرقص علي: بعدين بعدين... مع الليوه بنرقصك كلهم: هههههههههههه تموا يطالعون الشباب شلون يرقصون....بس يوسف ماقدر يقعد يموت عالرقص... سحب جاسم وشاركوهم برقصهم.... بو هنادي وبوليد... قاعدين مع بوجاسم خال محمد.. انعجبوا بشخصيته وايد... طول العرس صاروا يتحجون في البزنس... بالصاله.. هيا وامها توهم واصلين ام وليد: وينج من مساعه هيا: صادنا السيد خالتي ام وليد: هلا ام حمد شخبارج؟؟ ام حمد: الحمدلله... مبروك ام وليد: الله يبارك فيج ام وليد: هيا يمه... من يابكم؟؟ بروحكم؟؟ هيا: لا خالتي.. يينا مع ابوي وحمد اخوي حياكم هني ... تفضلوا.... سلمى تدور بنتها...: وين دنيا ساره: تعلمت من بنت خالها الرقص,,, كاهي ترقص هناك منى: ههههههههه... تقلد على هنادي بعد في رقصها خلود: ههه.. لها مستقبل في الرقص بنتج.... يدة محمد قاعده مع يدة دانه....ثنتيناتهم اخر شياكه.... بحلاتهم جنهم امهاتهم موب يداتهم.... جمانه كانت متألقه وايد... ضمت روحها لهنادي واميره في الرقص.... هبه وشمه صديقات دانه وصلوا الصاله... كل وحده صايره احلى من الثانيه..... هنادي من جافتهم على طول راحت لهم وقعدتهم بطاوله جريبه من المسرح عشان يجوفون دانه وهي تجوفهم.... وردت هنادي مره ثانيه ترقص.. كان حاطين اغنية يامحمد.... ماتقدر تيود روحها بعد ماخلصت اغنية يامحمد.. حطوا اغنيه سواح... اميره وهنادي سحبوا شمه عشان ترقص لهم مصري... وشمه ماصدقت ان سحبوها.. خذت شيلتها وربطتها على خصرها وقعدت تهز لهم بذاك الرقص الشرقي هز.... محد كان يرقص معاها... فضوا المسرح كله لها.... والناس كلها تصفق وتشجعها على رقصها الحلو...... دانه قاعده تنحط لها اللمسات الاخيره من المكياج....بعد ماخلصت لبست شنيولها الابيض اللي كله شك....روعه الفستان عليها...والمكياج مخليها تصير ملكة جمال.....وقفت عند المنظره تطالع روحها..... دانه: هذي انا؟؟!!!!!!هههه الكوافيره: ماشاء الله..لااله الا الله.... عيني عليج بارده....وايد حلووووووووووووه دانه استحت من كلامها.... الكوافيره: الله يبعد عنج عين الحساد..ويحفظج دانة بحيا: مشكوره يابت لها باقتها وخلتها بيدها.....بقى شوي بس وتنزل الصاله.... بميلس الريايل.... احمد: يالله.. الليوه جاهزه...خل ندخل الحين.... محمد بدت ضربات قلبه تتزايد...موب مصدق ان راح يجوف دانه..... تيمعوا الشباب كلهم عشان يزفونه لي داخل الصاله..... انعزفت موسيقى الليوه.... ورقص الشباب ابتدى معاهم....ومشوا للصاله.. بالصاله لبسوا حجاباتهم النسوان والبنات.. عشان الليوه تدخل..... الفرقه والدي جي وقفوا اغاني لليلوه.... محمد تقدم في دخلته بالثوب والبشت ...علي يمينه احمد. ويساره خال ... وراهم باقي الشباب اللي منحشرين بالليوه... الرقص زاد من دخلوا الصاله... اليدات والاهل كلهم يصفقون ... مستانسين بالليوه.... محمد وده يرقص معاهم من الفرحه اللي فيه... اللي منعه ان هو معرس ههههه يوسف وعادل مخرطينه لاخر شي.... بس يرقصون رقص.... وليد طول ماهو يرقص عينه تلاحق هيا...... يه نواف غطه عينه بيده...نواف: بسك خز.. هذي لو ماتجوفها ماندري اشبتسوي....وليد من الفشيله سحب نواف ورقصه معاه.... هيا وهنادي مستخفين على شياكتهم اثنينهم وخفة دمهم ..... عبدالله عينه قاعده تدور منى.... بس في الاخير جافها قاعده على طاوله جريبه من المسرح.....وابتساماتهم لبعض ماخلصت..... وصلوا محمد للمسرح...ورقصوا شوي مع الليوه... نواف ووليد راحوا يم اليده ورقصوا لها شوي....ونفس الشي جاسم ويوسف رقصوا يم يدتهم..... بعدين طلعوا من الصاله عشان دانه تيي... دانه...حدي خايفه.. الكوافيره: هههههه... طلعت دانه من الغرفه.. والكاميرات تلاحقها عشان تصورها وهي تنزل لي ماتوصل عند محمد.... كل خطوه كانت تخطيها تحس قلبها بيطيح من الخوف...... امها تمشي وراها ميوده شنيولها.. وايد طويل ماتقدر تمشي..... حطوا اغنية هب السعد.. لزفتها.... وصلت لباب الصاله... عينها كلها دموع من الفرح... بس يودت روحها ماصاحت عشان مايخترب مكياجها هههه... محمد من دخلت دانه...حس بماي بارد عليه....دانتي قاعده تييني....بعد عمري والله... الناس عينهم كلها عليها... منبهرين بجمالها وبحلاة فستانها اللي صممته خالة محمد..... مع التيبب.... والتصفق..... وصياح ام احمد واليدات من الفرحه.... وصلت دانه للمسرح.... محمد قام من على كرسيه... وراح عند بداية المسرح.... مد يده لدانه .. باسها.. ركبها عالمسرح... حط يده بيدها..ومشوا لكرسي المسرح ووقفوا للتصوير..... بعد شوي رفع طرحتها... بس من رفعها شير بمكانه...( ماشاء الله لا اله الا الله....قمر قمر) دانه حدها مستحيه منه: ههه يالله الناس تطلع باسها على جبينها... وشال الطرحه من عليها....حط يده بيدها وقعدوا عالكرسي.... دانه تحس جسمها كله منشل من يودت يد محمد... ومحمد نفس الشي... شعور غريب ياه من يات يمه دانه وجاف هالجمال اللي هي فيه..... كل واحد فيهم مستخف على حلاة الثاني.... محمد لما جاف اهل دانه كلهم متواجدين ...تذكر اهله... كان وده ابوه واخوه واخته يحضرون هاليوم.....كان وده هم اللي واقفين معاه بهاللحظة..... تنهد بقوه...... ااااااااه.. الله يرحمكم ويدخلكم الجنه ان شا ءالله دانه انتبهت لحزن محمد....فرد عليها بابتسامه صغيره منه هي عرفت سبب حزن محمد..عشان جذي ردت على ابتسامته له ( راح اعوضك ان شا ءالله) وايد مستانس محمد منها...تفهم عليه بسرعه... هيا وهنادي سرحانيين فيهم.. كل وحده تتخيل روحها مكان دانه بالشنيول... دنيا من جافت دانه ركضت عالمسرح لها.....مارضت احد يشيلها عنها....فخلتها دانه معاها شوي... اميره: منووووووووي....ايننون ... اثنينهم حلوين منى: ههههه.. الله يعطيج انتي بعد جذي اميره ترفع يدها فوق تدعي: الله يسمع منج هنادي وهيا: هههههه.. الحمدلله والشكر عالمسرح وحده قاعده تتقرب منهم شوي شوي... شعرها طويل اسود...وجمالها بارز...دانه كانت وايد مستانسه لييتها.. محمد نفس الشي....تدرون من؟؟؟؟ ( ابتسام.. اي ابتسام لا تستغربون) دانه جافت ابتسام قبل عرسها باسبوع في خياط خالة محمد... كانت رايحه تفصل لها فستان خطوبتها لان بتنخطب الشهر الياي.... وقعدت تسولف مع دانه.. وقالت لها ان يوم كانوا في حوار كانت بتقول لها ان مافي شي بينها وبين محمد... وحاولت اكثر من مره تحصل رقمها وتكلمها بس ماقدرت..... دانه وايد استانست من صراحة ابتسام....ووعدتها انها تكون صديقتها وهي موب شايله في قلبها عليها....وابتسام استانست لما سمعت خبر زواجها من محمد... عشان جذي دانه بعد مااستأذنت من محمد عزمتها على عرسها....ونفس الشي ابتسام عزمتها على خطوبتها..... حطوا البوفيه... وتعشوا الناس..... دانه ومحمد قاعدين يصورون فيهم هالحزه..... وهم يصورون... محمد ميود كتف دانه من ورا ظهرها.. ودانه نوع اللي يايه على صوب ...( لقطة للصوره) همس يم اذنها...( احبج) دانه حدها منحرجه منه...ماردت عليه بشي...فرد همسها مره ثانيه ( احبج اقول لج)....كل شوي يخرب الصوره.. دانه ويهها صار احمر من الزين... محمد بصوت خفيف: اجوف حاقرتني... موب معدل لقطتي للصوره الا اذا رديتي علي دانه بحيا وصوت وااااااااااطي: انا بعد احبك محمد: فديـــــــــــــتج... تعدل بوقفته للصوره.... على الساعه 12:30 دخلوا اهل المعرس والعروس للتصوير.....بعد ماخلصوا تصوير... رقصوا مره ثانيه الشباب.. وطلعوا حرتهم بالرقص عدل..... وليد ونواف سحبوا خطيباتهم وصوروا معاهم مع المعاريس.... ونفس الشي احمد وسلمى, خلود وسلمان, يوسف وجمانه,خالد وساره..بعد عادل وهيفا صوروا معاهم بعدين صوروا صوره عائليه للطرفين... بعد ساعه ونص من الرقص والعفسه....خذوا معاهم محمد اللي بالزور تحرك من مكانه... وراحوا الميلس عشان البنات ياخذون راحتهم بالرقص.... وماصدقوا البنات.... فصخوا شيلاتهم وعباياتهم... وعدلوا من روحهم... وابتدوا الرقص مره ثانيه.... طبعا في المقدمه هنادي واميره...ودنيا بعد معاهم ههههه حتى اليدات سحبوهم وخلوهم يرقصون بوسط المسرح.. دانه ميته من الضحك عليهم... صوروا البنات مع دانه.....وصورت مع صديقاتها اللي ياين عرسها.... بآخر الحفله...رد محمد مره ثانيه...حط يده بيد دانه....طلعوا من الصاله وركبوا فوق لغرفتهم.... اهلهم تحركوا من الصاله.. بعد ماسلموا عليهم... وردوا كلهم بيوتهم......كان يوم شاق للكل... بغرفة دانه ومحمد... محمد ميود يد دانه.. وقاعد يمها عالكرسي.... محمد: احس روحي بحلم...موب مصدق ان انا وانتي اجتعنا مع بعض دانه بحيا: ولا انا... محمد: اوعدج اني اخليج اسعد زوجه...وماراح ينقصج اي شي دانه: انا بعد .. الله يقدرني اسعدك طول عمرنا محمد وهو يبوس جبينها: هذا شي انا متوقعه منج.. دانه نزلت راسها مستحيه....حط يده ثنتين على شعرها..ورفع راسها لفوق شوي شوي.... محمد: احبج دانه: انا بعد ا حبك محمد: بس انا اكثر دانه: لا انا اكثر محمد: انا اكثر دانه: انا اكثر محمد: قلت لج انا اكثر دانه: لا انا اثنينهم: هههههههههههههههههههههههههههههههههه محمد: اخرتها بنغني اغنية محمد عبده ( اختلفنا من يحب الثاني اكثر) دانه تدندنها بصوتها ( اختلفنا من يحب الثاني اكثر... من يحب الثاني اكثر) محمد رد عليها: ( واتفقنا انتي اكثر وانا اكثر.. ) محمد: بعد عمري والله دانه: فديتك... ......................................................................................................... الكل فرح لزواج دانه ومحمد....اخيرا اجتمعت قلوبهم مع بعض..... يوم ثاني طارت طيارتهم لفرنسا عشان يقضون شهر عسلهم..... عبدالله خطب منى بعد اسبوع من زواج دانه..... عادل سوا له حفلة خطوبه اللي الكل حضرها..... ووليد بعد شهر كامل حصل له شغل يليق بشهادته....وراح يتزوجون هو و هيا بعد مايخلصون تعديل البيت.... هنادي ونواف مثل ماقلت لكم راح يتزوجون بعد ما تخلص هنادي دراستها اللي بقى لها سنه بس... اميره تأهلت لبعثة الشيخ سلمان لامريكا...اللي بتسافر في شهر سبتمبر... ساره وخالد ينتظرون المولود الجديد .. اقصد المولودين.. لان ساره بعد ما سووا لها سونار طلع فيها توأم..بنت وصبي واتفقوا يسمونهم وليد وولاء بعد شهر عسلهم....ببيتهم الكبير... محمد سلم على دانه بعد ماتريقوا اثنينهم مع بعض..وطلع من البيت ..حرك سيارته للشغل... دانه ماعندها شي تسوي....امها ماتخليها تطبخ.. هي كل يوم تسوي لهم الغدا....حتى شغل البيت محمد ياب لها خدامه تشتغل عنها.....لانه بعد شهر راح تبتدي دراستها الجامعيه...مايبي اي شي يشغلها... ركبت غرفتهم...بطلت اللاب توب....وطبعا فتحته على مذكرتها اللي كتبتها...وختمتها بـ ( هذه كانت قصتي.... اتمنى انها عجبتكم...تحياتي) حطت لها عنوان..كان في بالها من زمان... ( شــــــــمـــــعـــــــــــة حيــــــــــــــاتـــــــــــــــــي) نهاية الجزء الاخير... تحياتي اتمنى ان حاز على اعجابكم
  2. الجزء العشرين والأخير..... محمد: عمري قاعده تصيحين؟؟؟ دانه: لاتقول لي عمري.... هالحجي قوله لخطيبتك محمد موب عارف شالسالفه: حياتي.. اي خطيبه؟؟؟ من قال اني خاطب؟؟ دانه: بلى انت خاطب بنت خالتك محمد على طول ضحك: هههههههههههههههههههههههههههههههههههههههههههههههههههههههههه دانه باستغراب: ليش تضحك؟؟؟ انا قلت شي يضحك الحين محمد: بعد عمري والله... الحين عرفت بس انج للحين تحبيني دانه: اشتقصد؟؟؟ محمد" ياحبيبتي... شلون اخطب وانتي ماخذه قلبي؟؟ شلون اخطب وانا احبج انتي دانه: والحجي اللي سمعته انا شنو؟؟ محمد: انا ماخطبت.. ولد خالي اللي خطب بنت خالتي.... اكيد هنادي اللي قايلة لكم دانه: اي.. اشدراك؟؟ محمد: لانها جافتني يوم خذيت جمانه من الجامعه دانه بغيره: ليش انت تاخذها؟؟ محمد: بعد عمري اللي يغارون... قعد يقول لها السالفه بالكامل... من سافرت لي ردت... دانه: كل ذي صار في غيابي.... محمد: اي .. جفتي شلون كنتي معذبتني دانه: ماعرفت قدرك عدل محمد: لا تقولين جذي... اللي صار كان غصبن عنج دانه بصوت كله حنيه: احبك محمد: اااااااااااااااااااااااه... لو تعرفين اشكثر كنت مشتاق لهالكلمه دانه: بس!!! محمد: ومشتاق لج انتي بعد.... خاطري اجوفج.. خاطري اكلمج دانه: : بس انا للحين مامشيت.. للحين استخدم الكرسي محمد: صج!!! العلاج مافاد يعني؟؟ دانه يازعم حزينه: لا محمد: مردج يوم من الايام بتمشين... بس هالشي مااراح يقطع علاقتنا دانه: اي بس... محمد: لا بس ولاشي... كفايه هالفتره الطويله اللي خليتني اعيشها بدونج...لو شيصير فيج بعد ابيج دانه.... حبيبي والله... دانه: حتى لو تميت طول عمري عالكرسي محمد: اي حبيبتي.. اللي يحب صج.. مستحيل يستغنى عن اللي يحبه لو مهما صار دانه: امووووووت فيك محمد: انا بعد محمد: اخيراااا.... اخيرااا ردينا لبعض دانه: وللأبد تمت دانه تسولف له عن المانيا وشنو سوت هناك.... بس ماقالت له ان هي تمشي... تبي تخليها له مفاجأة.... لان هو باجر بيي يزورهم بتحاول بأي طريقه تجوفه عشان يجوفها تمشي وتعطيه اللي شرته له.... اليوم الثاني.... بيت دانه فوضى عدل.. الكل متيمع عالغدا اللي امها مسويته عشانها... بغرفة دانه.. اميره: حلو الدكتور اللي عالجج؟؟ هنادي: الحمدلله والشكر.. جوفوا عن شنو تسأل اميره: اوف كيفي..قولي لي دانه..كان حلو؟؟ دانه: موب بس حلو.. الا اينن.. تبين تجوفين صورته؟؟ اميره: ليش صورتيه بعد دانه: اي صورونا هناك لما نجح العلاج معاي ومشيت اميره: يالله راويني .. بسرعه بسرعه قعدت دانه تدور الصوره بشنطتها... سمعوا طقة الباب... هنادي: من؟؟؟ محد يرد عليهم هنادي: اكيد دنيا... من؟؟ بطلت الباب كانوا ساره وهيا يايين هنادي: واشله ماتحجون... هيا وساره: السلام عليكم الكل: عليكم السلام هيا راحت لدانه وسلمت عليها...: الحمدلله عالسلامه دانه: الله يسلمج هيا وايد مستانسه ان دانه قدرت تمشي مره ثانيه هيا وهي تسلم على اميره: قوه اميره... شخبارج؟؟ اميره: الحمدلله بخير.. دانه: هيا شخبار وليد ؟؟ هيا: بخير... يسلم عليج وااااااااااااااااااايد دانه: الله يسلمه ساره: دانوا اكا تلفونج جنه يرن دانه: هذي مسج يايني.. دانه بعد ماحصلت الصوره.. طلعتها عشان اميره تجوفها دانه: اكا جوفيه خذتها اميره وقعدت تطالعه.. دانه خذت تلفونها عشان تجوف المسج اميره: دانواااااااا.. اينن... ابي واحد جذي ساره: الحمدلله والشكر...ولا بأحلامج تحصلين خليجي جذي اميره: جانزين فيه هنادي: اجوف راويني خذت الصوره قعدت تطالع فيه هنادي: اشتبين في واحد اشقر.. حلاته الواحد اسمر... مثل لون نواف اميره وهي تسحب الصوره من يدها: ييبي..خلي السمر لج المسج كان من محمد..( عمري انا جريب من بيتكم... السلطه بارزه ههه) دانه ماكانت تدري ان محمد بيي عالغدا والا جان سوت له السلطه.... دانه: باروح اشرب ماي وبايي.... خذت معاها هدية محمد بدون ماينتبهون لها...ولبست شيلتها على اساس نواف قاعد بالصاله... راحت المطبخ تشرب ماي.. وسوت روحها تدور شي في السياج....توه محمد بيطق الجرس....بطلت الباب بسرعه عشان مايطقه... محمد موب مصدق ان دانه اللي جدامه..... يطالعها من فوق لتحت... جافها واقفه على ريلها... محمد: دانه؟!!!!!!!!!!!!! دانه بصوت واطي عشان محد يسمعها: اي دانه.. مدت له الهديه.. عطتها اياه محمد يود يدها...ماخلاها.. دانه حست كانه كهربا بيدها...: محمد خل يدي .. ماابي ااحد يجوفنا محمد: تجذبين علي ها... دانه وهي ميته من الضحك: محمد.. خل يدي محمد: موب مخليها الااذا قلتي احبك دانه بحيا: احبك ترك يدها.. وركضت على طول داخل قبل محد يجوفها... محمد: فديتج.. وايد مستانس ان جافها تمشي .....طق الجرس ..طلع له احمد سلم عليه..ودخله الميلس... بلندن بالجامعه... بعد المحاضره...منى وسوزي وهيفا قاعدين مع عادل وعبدالله بالسكشن سوزي: فاضل شهرين بس وينتهي الكورس منى: متى يخلصون بسرعه.. ولهانه وايد على شوفة اهلي عبدالله: بل... بسرعه تبين الفكه منى منى: هههه.. لالا.. بس اهلي وحشوني وايد عادل: انا بعد... اشكثر وحشوني... حمود واحشني وايد بعد عبدالله: حتى انا هيفا: انا ميته بدي اشوف هالمحمد.. اللي ملوع شبدي عليه عبدالله: هههههههه.. هذي من البدايه قامت تخربط في الحجي منى: ههههههههههههههههه.. هيفا موب شبدي.. جبدي هيفا انحرجت منهم شوي.... عبدالله.......فديت هالضحكه انا.... متى ارد البحرين واطلبج من اهلج... عشان تكونين على طول معاي عبدالله مخطط ان من يرد البحرين يكلم اهل منى... يبي يرد لندن وهم مخطوبين... مايبي يحس ان الناس كلها تطالعهم لمايقعدون مع بعض.... مثل مايحس الحين.... عادل كلم ابوه عن هيفا .. ووافق عليها لما عرف انها دخلت الاسلام وتحجبت.... فعشان جذي اتفق مع ابوه يتلاقون بلبنان اللي عايلته بتقضي اجازته هناك... ومره وحده يخطبون هيفا ويخلصون الاجراءات كلها.. ويردون البحرين مع بعض.... اما عن وليد... فقاعد بغرفته يشتغل عالمشروع اللي يبي يكون بيرفكت.... وبنفس الوقت قاعد يطرش السي في ماله لشركات ووزارات بالبحرين... عشان من يرد البحرين يحصل شغل بسرعه ويتزوج... مستعيل على عش الزوجيه.... في بيت دانه بميلس الريايل.... بوهنادي: احمد شلون الاوضاع الحين؟؟؟ ان شاء موب ناقصك شي؟؟ احمد: الحمدلله عمي... الفلوس اللي كنا شايلينها احتياط ماصرفناها ... حتى فلوس خالد ما احتجناهم... صرفنا بس من فلوس الوالد الله يرحمه بوهنادي: الحمدلله.... بووليد: والله كنا نحاتيكم على هالشي... بس الحمدلله دام كل شي مر على خير احمد: اي .. الحمدلله.... نواف: واهم شي..ان استفدتوا من العلاج وردت لنا دانه مثل قبل محمد فز قلبه من يابوا طاريها.... فديت هالاسم.. وراعية الاسم... وطوايف هالاسم... نواف لمح محمد يبتسم بروحه..: حمود.. اشفيك تتبسم بروحك؟؟؟ محمد انتبه لروحه... وانحرج وايد: هههه.. لالا مافيني شي احمد بخاطره... اي مافيك شي!!! انت من اييبون طاري دانه تختبل من فوقك لي تحت... عبالك ماعرف انك تحبها... ههه... كنت اراقبك بكل حركه تسويها من يوم دانه سوت الحادث لي المطار قبل لا نسافر... قعد يتذكر شلون محمد كان... يوم عرف انها بالمستشفى... وردت فعله لما عرف انها كانت مسويه حادث.... والصدمه اللي صادتها لما سمع انها انشلت..... ونظرته لها من عند باب غرفتها بالمستشفى لما يدته طلعت ....وبالمطار لما يه ودعها بنظراته بس.... محد لاحظ لوجود محمد بذاك الوقت غير احمد.. ودانه طبعا... بس الشي اللي مايعرفه احمد.. ان دانه بعد تبادله نفس الشعور... وان هي على علاقه معاه... لو يدري بهالشي جان ذبحها.... احمد... لو تيي تخطبها من الحين.. انا ماعندي مانع.. وين اختي بتحصل واحد مثلك؟؟ قطع عليه.. بووليد بووليد: ومتى ان شاء الله بترد الدوام مره ثانيه؟؟ احمد: عقب اسبوع ان شاء الله بووليد: باعطيك سي في وليد مره وحده...يمكن يكون عنده حظ ويشتغل معاكم خالد: ههههههه... اي عمي.. عشان الشله كلها تلتم مع بعض.. ويعفسون الشركه سلمان: لا وانت الصاج...الشركه بيسمونها عايلة **** للكمبيوتر الكل: هههههههههههه محمد: عطني السي في ماله باقدم له بشركتنا... يمكن يحصل له معانا بووليد: ماعليه... باجر بطرشه لك بالايميل... اتفقوا كلهم ياخذون سي في وليد ويقدمون له بأشغالهم.... بالصاله... اليده قاعده يم هيا.. وتمسح على شعرها الطويل: اشحلاتج بالشعر الطويل.... لايقص عليج وليد ويخليج تقصينه هيا بحيا: هههه... يمه وليد يحب الشعر الطويل.... بروحه موب راضي اقصه اليده: اي زين... عشان يوم عرسج البسج القبقب على راسج مثل ماسويت لهنادي وساره...موب اميره.. اللي كأنها صبي قاصته لي رقبتها الكل: هههههههههه هنادي: اليوم عليج الدور اميره: يدتي... هذي الموضه الحين اليده: شنو؟؟؟ اميره: الـــــــــــــموووووووووووووووووضه اليده: خل تفيدج هالموضه... الوحده حلاتها بشعرها الطويل... جوفي شعر هنادي شلون.... هنادي تحرك شعرها بويه اميره تحرها... اليده تكمل: جوفي شعر دانه.. شعر ساره.. كلهم شعورهم طويله.. موب انتي اللي ماتقدرين حتى تحطين فيه ريشه.... اميره: يدتي .. ماحصلتي احد تحطين عليه اليوم.. دورتيني انا البنات ميتين من الضحك عليها... ام وليد: انتي يام لسان طويل.... ماتستحين تحاجين امي جذي.. اميره قامت من مكانها وراحت يم يدتها.. باستها على راسها: انا ووضحه كيفنا كلهم يضحكون... ام وليد بس معصبه عليها: ياللي ماتستحين..بعد تنادينها باسمها اليده وهي تضحك: اشفيج معصبه على بنتج.... تتغشمر معاي.. والا انتي تحترين لي جفتها تضحك معاي الكل يضحك... ام احمد: هههه.. كا افترت عليج انتي الحين.. هههههههههه خلود حاطه بنتها على حضنها وتلعب معاها.... دنيا حدها مستانسه عليها... طول الوقت بس تطالع فيها.. حتى ماتحركت من مكانها... خلود: تبين دادا؟؟ دنيا: اي خلود: قولي حق ماما تييب لج انزين دنيا: ماما ماتبي خلود: ليِش؟؟؟ دنيا: ماما تدول... انا ثيطانه... مابتعتيني دادا الكل: هههههههههههههههههههه خلود: لا بتييب لج... انتي صيري حليوه عشان تييب لج دادا انزين دنيا: انا حليوه خلود وهي تبوسها: فديتج... ماتقول بعد بتصير حليوه.... تقول هي حليوه سلمى: ههه.. هذي ولا شي... ماجفتي لسانها الطويل شلون اليده: يمكن انتي لسانج طويل كان... فطلعت عليج الكل: هههههههههههههههههه اميره: اليوم يدتي ماادري اشفيها.. قاعده تحط على وحده وحده...يدتي... يدي الله يرحمه كان جذي بعد؟؟؟ ام هنادي: ههه.. يدج كان اخس... ام احمد: اي والله... كان يموت عالغشمره والضحك.... مسكين ابوج اشكثر كان يعاني منه اميره: هههه.. يدتي خذت مكانه الحين بالليل... في بيت محمد... قاعد على سريره.. وميت من الضحك... ههههههههههههههههههههههههههههههههه... الله يغربل بليسج ... وهو يطالع التحفه اللي من عند دانه....خذ تلفونه بسرعه وطرش لها مسج... ( تتطنزين علي ها... شلون حصلتي تحفه جذي بس؟؟؟ ههههه مشكوره حبيبتي... هذي احلى هديه استلمتها في حياتي.. بدون مجامله.... احبج) دانه كانت قاعده مع هنادي لما ياها المسج.... قعدت تضحك اشكثر من قرته هنادي: اشفيج تضحكين.. ضحكينا معاج دانه: هذي رفيجتي... مطرشت لي مسج يضحك هنادي: اكيد شمواا دانه: ها.. اي اي دانه كانت خايفه توهقها هنادي وتقول لها ييبي باقرا.. بس الله ستر ماقالت تبي تجوف هنادي: متى بيونج ربعج؟؟ دانه: باجر بيوني... لازم تيين هنادي: اكيد حبيبتي... انا اموت على شموا.. استانس لما اقعد معاها.... دانه: هي بعد تستانس عليج.... وهي تسولف طرشت مسج لمحمد...( انا بعد احبك).... بنفس الوقت يه مسج لهنادي... دانه بطلت عينها لما جافت الريبورت ان المسج واصل لهنادي... هنادي.. في البدايه عبالها نواف مطرش لها... بس لما جافت الرقم.. تفاجأت ان من دانه.... دانه حدها متخسبقه..... هنادي: اقول دانه دانه بتوتر: خير هنادي: ابي اجوف النكته اللي مطرشتها لج شموا دانه تدري ان هنادي فهمت الموضوع : ليش؟؟ هنادي : يا حماااااااااااااااااااااااااااااره.... تخشين علي ان عندج حبيب؟؟؟ لهالدرجه ماتوثقين فيني؟؟؟ دانه انحرجت وايد من هنادي: لا والله موب عشان ان انا ماوثق فيج.... وهي تبي ترقع الموضوع.. بس انا ماكنت واثقه من هالحب... من جذي ماقلت لأي احد هنادي: عاد انا موب اي احد..انا هنادي... اللي اسراري عندج واسرارج عندي... على هاي خشيتي علي... هنادي زعلت من دانه.. دانه وهي ميوده كتف هنادي: والله هنادي... ماكان قصدي... انا خفت اقول لج ويزل لسانج عند نواف هنادي: افا دانه... ماهقيت منج هالحجي دانه: والله والله هنادي... لازم تعذريني بهالشي...وهذي بوسه على خدج امواااااااااااح هنادي: والله لو مااحبج.. واعزج اشكثر.. جان ماسامحتج دانه: حبيبتي انتي والله.. اعرف ان قلبج طيب هنادي: قولي لي من؟؟؟ وشلون عرفتيه... وكل شي... ابي اعرف كل شي دانه: هههههه.. بل بل بل عليج... انزين باقول لج كل شي الحين قعدت دانه تقول لها شلون تعرفت على محمد من البدايه للحين.... في بيت وليد.. اميره قاعده تكلم منى بالماسنجر.... منى: شلون دانه الحين؟؟ اميره: الحمدلله بخير... منى: بقى لي شهرين بس وارد.... اميره: متى يمرون بسرعه.. ابي اجوفج.. وحشتيني وايد منى: انتي بعد... قعدت تسولف معاها شوي... بعدين بندت الماسنجر... على السرير اميره تفكر بمنى.... ياترى شنو راح تكون ردة فعلج لما تعرفين ان عندج اخو؟؟؟ بتنصدمين مثل ماانا انصدمت؟؟؟؟ لا وبعد صرتي عمه.. هههه منى للحين ماقالوا لها عن سلمان.... يبون يسوونها لها مفاجأة لما ترد البحرين....مع ان هم كانوا مخططين في البدايه ان وليد يقول لها ....بس غيروا رايهم بعدين... نرد لهنادي ودانه... هنادي: كل هالمده ... والله حرام عليج دانه: شاسوي... غصبن عني.. انا ماتوقعت اني امشي مره ثانيه هنادي: حتى لو... الصبي شاريج... وين تحصلين واحد يحبج هالكثر... دانه: اووووووه.. لاتحسسيني بالذنب هنادي: اي حسي... عشان ماتسوين له مره ثانيه جذي... والله حرام.. كفايه ان هو يتيم.. دانه: اوهووووو.. هنادي.... هنادي: والحين رديتي له بعد مكالمتج له؟؟ دانه بحيا: اي.. هنادي: اي عبالي بعد....والله طلعتي من تحت لي تحت يادانوا دانه: ههههه... اسرني بحبه هنادي: عدال يا عبله دانه: هههههههههههههههههههههههههههههههه... تبين تلزقين فيني لقب عبله مثل مالزقت فيج ليلى هنادي: اي... عبالج بس انتي تحطين علي... انا بعد احط عليج بعد شهر ونص تقريبا..... الكل مشغول بالامتحانات.... هنادي واميره بالبحرين.... ومنى وعبدالله والباقي بلندن..... دانه حدها متملله....مافي احد تسولف معاه....ساره واحمد بالدوام... سلمى وبنتها ببيت امها اليوم... وام احمد لاهيه بشغل المطبخ... ومحمد ماخذ اجازه يدرس لامتحاناته... ماتبي تتصل له وتشغله عن الدراسه..... اوف... ياربي ليش ملل جذي؟؟؟ حتى برامج عدله في التلفزيون مافي...شاسوي انا.. الكل لاهي بدراسته....خل اقعد عالنت اسلي روحي شوي دخلت غرفتها ... بطلت اللاب توب.. سرحت بذكرياتها بمحمد.... ولاشعوريا فتحت برنامج الورد وقعدت تكتب احداث حياتها من عرفت محمد.....واندمجت بالكتابه..... بلندن .. اليوم عرض مشروع وليد...حده على اعصابه وخايف.... ينتظر دوره ايي... لما يجوف الطلاب يطلعون وعلامات اليأس والاحباط في ويههم من بعد عرض مشاريعهم....يزداد خوفه اكثر.. بعد خمس طلاب.... ايي دور وليد.... دخل وليد.. بعد ماقرا كل ايات القران اللي حافظهم.... سم بسم الله الرحمن الرحيم يوم خطى اول خطوه داخل غرفة العرض... برز اغراضه للعرض.... عشان يبتدي ... قعد يشرح لهم بالتفصيل عن المشروع اللي مسويه.....استغرق العرض ساعه ونص....الكل كان مندمج معاه وعاجبهم اسلوبه.. وهالشي ساعده وايد ان يتوسع اكثر واكثر في شرح المشروع.... بعد ماخلص... لم كل اغراضه وطلع من الغرفه وهو مرتاح من تقديمه للبروجكت....منى كانت تنتظره بره...اول ماطلع... منى: ها اشسويت؟؟؟ وليد بابتسامه: سكتي... اول شي كنت ميت من الخوف.... بس بعدين عادي منى: انزين... حسيتهم متجاوبين معاك؟؟؟ وليد: اي... حتى في دكتور طول الوقت يهز لي راسه ويبتسم....وهالشي وضح لي ان البروجكت عاجبهم منى بابتسامه: الحمدلله... متى النتايج؟؟ وليد: اسبوع الياي.. .بعد ماتخلص امتحاناتكم منى: الله يوفقك ان شاء الله وليد: ان شاء الله,,, ابي اتخرج بسرعه وارد للنعومه منى: ههههه.... شكله ماخذه عقلك كله وليد: موب بس عقلي... قلبي بعد خذته منى: ههههههه.. الله يهنيكم في مدرسة اميره... بعد الامتحان منال: ها اشسويتوا؟؟؟ اميره: حده سهل.... ماتوقعت الاسئله سخيفه جذي سحر: من صجج انتي؟؟؟ لا سهل ولا شي ... بالزور انا قدرت اجاوب منال: بعد اللي مايدرس اكيد مابيقدر يجاوب سحر: من اللي مادرس؟؟ كليت الكتاب وانا ادرس... بس ماعرفت اجاوب منال وهي تطالع اميره: اي... ببين في النتايج بعدين شلون كليتي الكتاب سحر: تتظيرفين مع ويهج اميره: انزين.. لاتبتدون مره ثانيه.... سكتوا شوي بعدين سحر نطت في الحجي.. سحر: اقول اميره اميره: خير؟؟ سحر: شخبار اخوج؟؟؟ اميره تطالع منال: زين... يسلم عليج سحر والفرحه موب شايلتها: صج؟؟؟ اميره: اي صج... سحر: شلون سلم علي؟؟ شلون قال لج تسلمين علي منال: هههه.. الحمدلله والشكر... اشفيج مختبله على اخوها.. حبيبتي الريال متزوج.. وتوه يايبين له بنت سحر بصدمه وضيج: اخوج متزوج؟؟؟ هي ترى انا مااقصد وليد اميره: اي اعرف... تقصدين سلمان..بس صج هو متزوج سحر بعصبيه شوي: ليش ماقلتي لي؟؟ اميره: ههه.. كاعرفتي الحين... بعدين شنو بتستفيدين اذا عرفتي ان متزوج اولا؟؟ سحر انتبهت لروحها انها وايد تمادت في الحجي: ها؟؟ لالا؟؟ مابيهمني شي... وانا اشعلي من اخوج منال ميته من الضحك: هههههههههههههههه... توج معصبه ان متزوج .. الحين مايهمج؟؟؟ الحمدلله والشكر بس اميره تطالع منال عشان تسكت عنها سحر: انتي مايخصج انزين... لاتحشرين روحج بعدين اميره: ياربي عليكم... وانتوا ماتقعدون بمكان الا تتهاوشون... وينج يايمه تجوفينهم...موب حاطه علي بس... منال: ها بتيون بيتنا باجر عالغدا اميره: اي اكيد... نبي نغير جو بعد ماخلصنا امتحاناتنا سحر: اي والله.. انا وحده لاعت جبدي من المدرسه.... ابي اغير جو شوي في الجامعه... هيا وهنادي توهم طالعين من الامتحان... هنادي: وايد صعب الامتحان... هيا: يحطون لنا اسئله تعجيزيه هنادي: ياربي.. ماابي ارسب.. ولاابي انجح عالحافه... ابي درجه زينه.. مافيني شده ينزل معدلي زود هيا: انا بعد... بس تصدقين خوفي.بعدين يسون لنا كيرف دوان هنادي: واحنا اللي نروح فيها هيا وهي تطلع تلفونها من شنطتها. جافت مسكولين من وليد هيا: بعد عمري... متصل لي مرتين هنادي: من ؟؟ وليد هيا: اي.... حطت يدها على حلجها.. وووووووي.. اليوم بيعرض البروجكت ماله.. اكيد متصل يقول لي اشسوى هنادي: مسكين... اتصلي فيه جوفي اشسوى توها بتتصل له,,, هو اتصل فيها هيا: صج عمره طويل... هيا: هلا والله وليد: هلا حياتي.. شخبارج؟؟ هيا: الحمدلله.. انت شخبارك؟؟ وشلون كان العرض؟؟ وليد حده مستانس: عجيب...حسيت روحي وايد مسوي زين هيا مستانسه لوليد: صج؟؟ زين زين... وليد: انتي اشسويتي بامتحانج؟؟ هيا بحزن: وايد صعب... الاسئله تفر المخ عدل وليد: ماعلي حبيبتي... ان شاالله تييبين فيه درجه زينه هيا: ان شا ءالله وليد: انزين عمري.. اكلمج بعدين انا.. تحملي بروحج هيا: ان شا ءالله... انت بعد وليد: سلمي لي عالاهل... هيا: يوصل وليد: احبج.. مشتاق لج هيا بصوت حده واطي: انا بعد احبك وليد ضحك عليها.. يدري انها ماتقدر تتكلم عدل في الجامعه: هههه... مع السلامه هيا: مع السلامه هنادي: ها.. اشسوى؟؟ هيا: يقول وايد زين.. ينتظر النتيجه بس هنادي: الفال لنا احنا بعد هيا: ان شاء الله... هنادي: بتردين البيت.. والا بتقعدين شوي في الجامعه؟؟ هيا: لا برد البيت.. شاسوي اقعد... وراي امتحان باجر هنادي: متى ايي باجر ونخلص هيا: ونفتك من عوار راس الامتحانات هنادي: ونسافر عن الحر ثنتينهم: هههههههههههههه محمد كان يدرس بغرفته... بعد ماخلص من الدراسه لامتحانه اليوم... خذ تلفونه وطرش مسج لدانه... ( دانتي قاعده والا راقده؟؟) دانه من جافت المسج على طول ردت عليه من الملل اللي هي فيه ( قاعده وحدها متملله) محمد من قرا المسج اتصل فيها بسرعه محمد: هلا بهالصوت.. هلا بالورد... هلا بحبي.. بحياتي دانه: هههههه.. هلا بيك عمري محمد: شخبارج؟؟ دانه: الحمدلله محمد: ليش متملله؟؟ اشفيج؟؟ دانه: قاعده في البيت بروحي... الكل لاهي بامتحاناته.. ومااقدر ازعجهم محمد: حبيبتي..اذا الكل لاهي عنج...انا مااقدر انشغل عنج دانه: اي حبي... بس انت عندك امتحانات..وماابي اشغلك محمد: افا عمري... هالجم دقيقه اللي بتكلميني فيهم بتشغلني عن دراستي الحين.؟؟ لالالا..هذا كلام موب مقبول كلش دانه: فديتك محمد: انتي اللي فديتج دانه: خلصت دراسه؟؟ محمد: اي خلصت.. ولاعت جبدي من كثر مادرست بعد دانه: يعني تييب فيها امتياز ان شاء الله محمد: فوق الامتياز بعد دانه: الساعه جم امتحانك؟؟ محمد: الساعه 5 دانه: متى اخر ماده؟؟ محمد: اليوم اخر ماده دانه: زين ... بتفتك ها محمد: اوف ان بافتك دانه: وبتبدي دوام باجر؟؟ محمد: لا .. من يوم السبت دانه: تعرف شنو... افكر اخذ صيفي محمد: ليش يصير؟؟ دانه: ماعرف والله... بس ان شاء الله يصير... لان جذي بتروح علي سنه كامله... محمد: انتي جذي جذي..بتروح عليج سنه كامله... فابتدي من السنه اليايه احسن دانه: تهقى جذي يعني؟؟ محمد: اي... بعدين وايد حر. والجو مايساعد على دراسه كلش دانه: بس عيل برايك محمد في باله ان ايي يخطب دانه نهاية هالشهر... فمايبيها تنشغل عنه بأي شي... عشان جذي اقترح عليها تبتدي من بداية السنه...هو ماقال لها للحين..يبي يسوي لها مفاجأة..... في بيت اليده.... نجاة: اقول خالتي اليده: هلا نجاة: اشرايج يبتدون البنيان من اسبوع الياي؟؟ اليده: اي انا كنت باقول لكم بعد جذي... عشان يخلصون بسرعه.. نجاة: اي...عالاقل يبتدون يبنون... ولي خلصوا يأثثونها على راحتهم... وتكون هنادي خلصت الجامعه ويعرسون بعدين اليده: هههه.. هالكثر مستعيله على زواج نواف نجاة: ههه اي.. ابي اجوف احفادي بسرعه اليده: الله يعطيج على حسن نيتج نجاة: ان شاء الله... اليده: بس بعدين ماوراج الا عوار الراس من حنة احفادج وطولة للسان نجاة: خالتي... شكلج متعقده منهم اليده: لا والله....اشحلاتهم احفادي انا...صج فيهم بعض الحركات ههه بس ايننون نجاة: الله يخليج لهم..ويخليهم لج اليده: الله يعطينا طولة العمر .. في مكتب احمد ونواف قاعدين يتحجون بنفس السالفه.... احمد: زين زين... ومتى بتبدون ان شا ء الله نواف: ماعرف والله... ننتظر المحكمه العليا تصرح لنا احمد: هههه.. يدتي؟؟ نواف: اي.. بعد من غيرها احمد: لا تحاتي.. دام هي اللي قال لكم تبنون.. يعني بتخليكم تبتدون بسرعه نواف: ان شاء الله احمد: والله وتفتح لك بيت يانواف نواف: ليش انت احسن مني احمد: ههههه... الله يهنيكم ان شاءالله وهم يسولفون رن تلفون احمد.. امه اللي كانت متصله احمد: هلا الغاليه ام احمد كانت تصيح: احمد.. تعال البيت بسرعه.. ماادري اشفيها سلمى... احمد بخوف: اشصاير يمه؟؟ ام احمد: ماعرف والله.. يات من بيت امها.. وقعدت بالصاله معاي.. توها بتقوم بتروح فوق طاحت علي مره وحده.. انا ودانه ماعرفنا شنسوي.. قلت اتصل فيك احمد: الحين الحين بايي.. بس انتوا خلوا بالكم عليها ام احمد: ان شا ءالله يمه... نواف: خير احمد.. اشصاير؟؟ احمد: ماادري.. امي تقول سلمى طايحه عليهم في البيت نواف: صج!! ان شا ءالله مافيها الا العافيه احمد: ان شا ءالله طلع احمد من المكتب بسرعه.. استأذن عشان يطلع وراح البيت.. مع ان باقي عشر دقايق بس وينتهي الدوام في بيت دانه... دنيا قاعده تيصيح على امها.. دانه تحاول تسكتها ام احمد حدها خايفه عليها.. ماتدري اشفيها سلمى كانت راقده عالكرسي... بعد شوي احمد يه البيت... وهو يركض يم سلمى احمد: وينهي سلمى؟؟ ام احمد قاعده تشمم سلمى ليمون اسود عشان توتعي: شوي شوي يمه..كاهي بدت توعى الحين... احمد يكلم دانه: دانه لبسيها عباتها وشيلتها خل نوديها المستشفى بسرعه دانه: اوكي اوكي... نزلت دنيا من يدها.. اللي ركضت على طول لاحمد... ولبست سلمى شيلتها ودفتها بعد ماوعت.. ام احمد واحمد راحوا معاها المستشفى... دانه ودنيا تموا في البيت... حدهم خايفين عليها.... موب عارفين اشصادها... في السياره.. ام احمد قاعده تقرا عليها ايات وادعيه...واحمد حده مرتبك وهو يسوق. .. ويدعي ربه مايكون فيها شي.... بلندن بشقة البنات... سوزي: ايه رأيكم نحجز بكرى؟؟؟ منى: وايد من وقت هيفا: لا مش بكير... بعدين ماراح تلاقي حجز.. الكل بدو يرجع على ديرتوااا منى: صج؟؟ هالكثر زحمه يصير؟؟ سوزي: آه كتير أوي منى: اي بس بقى 3 اسابيع تقريبا سوزي: ومالواا... الاحسن نحجز من دي الوأتي منى: اوكي.. اليوم انا باكلم وليد اخوي هيفا: بدنا نسافر كلياتنا بيوم واحد... مابدنا حد يبأى هون لحاله سوزي: وانا كمان بأول كده برضواا منى: خلاص... اخلي وليد يحجز لنا بأسرع وقت سوزي: وماتنسوش تأولوا لعادل وعبدالله هيفا: لا ماتخافي... لأنوا عادل لازم يكون معي بنفس الطياره... وأكيد عبدالله راح يرجع معوا بنفس اليوم منى فز قلبها من اسم عبدالله: بعد عمري.... ان شاء الله يكون معاي بنفس الطياره سوزي: طيب... كده نبأى خالصين في بيت هنادي... هنادي قاعده تدرس بغرفتها...موب مستوعبه كلش هنادي: اووف..انا موب فاهمه ولاشي... شاسوي... باجر الامتحان...خل اتصل في هيا عشان تشرح لي شوي... اتصلت فيها بس ماردت عليها هنادي: اوووف.. وين راحت هذي بعد.. الحين شاسوي انا.. ماابي ارسب في الماده... تمت تروح وتيي في الغرفه موب عارفه شتسوي.. مخها ماقاعد يستوعب اي شي بعد عشر دقايق اتصلت فيها هيا هنادي: وينج انتي؟؟؟ هيا: كنت اصلي العصر... قولي اشتبين؟؟ هنادي: هيوااا.. موب فاهمه ولاشي... ابيج تشرحين لي هيا: مادرستي ولاشي؟؟ هنادي: لا... ماقاعده افهم هيا: انزين انا بقى لي فصل واحد.. اخلصه واييج. عشان نبتدي نحل التمارين مع بعض.. بس انتي قعدي درسي على ماايي لج هنادي وهي مستانسه ان احد بيشرح لها: اوكي.. بس لاتتأخرين هيا: انزين.. انتي لاتحاتين بس سكرت من هيا وقعدت تدرس لي ماتييها... في المستشفى... بعد ماعاين الدكتور سلمى... احمد: خير دكتور.. اشفيها؟؟ الدكتور بابتسامه: حضرتك جوزها؟ احمد: اي نعم... وهذي امي الدكتور: ماتخافش يابني... مافيهاش حاجه... دي بتدلع بس ام احمد: شلون تدلع دكتور وهي طايحه علينا في البيت الدكتور وهو يضحك: آه.. مهو دي اعراض الحمل ياستي احمد وامه موب مصدقين: حامل؟؟؟ الدكتور: ايوه.. زي ماسمعتوا بالضبط احمد الفرحه موب شايلته.. حتى امه... على طول لمته: مبروك يمه.. مبروك احمد: الله يبارك فيج.... على طول راح يم سلمى.. احمد: مبروك حياتي...مبروك سلمى بابتسامه: الله يبارك فيك ام احمد وهي تبوسها: مبروك.. مبروك... سلمى: الله يبارك فيج خالتي احمد: جذي تخرعينا...وهالعيار يخرعنا عليج جذي بعد سلمى: هههه.. الفرحه موب شايلتهم ثلاثتهم.... دانه حرقت التلفون وهي تتصل.. بس احمد مايرد عليها لان تلفونه ناسيه بالسياره من التخسبق اللي فيه... لما ركب السياره جاف اشكثر مسكولات من دانه. بس مااتصل فيها.. يبي يفاجأها بالخبر لي ردوا البيت.. مع ان امه وسلمى حنوا عليه اشكثر يتصل فيها يطمنها بس هو مارضى... ببيت اليده... نواف خبر امه واليده ان سلمى تعبانه.. بس مايعرف اشفيها.... على طول نجاة شالت سماعة التلفون واتصلت ببيت دانه.... نجاة: الو... قوه دانه دانه: هلا هلا خالتي.. شخبارج؟؟ نجاة: الحمدلله... عسى ماشر.. اشفيها سلمى؟؟ دانه: ماادري والله خالتي.. ودوها المستشفى وللحين ماردوا... وانا عيزت اتصل في احمد بس مايرد نجاة: لا تحاتين.. باتصل فيهم الحين.. واجوف اخبارها دانه: خالتي اذا ردوا عليج طمنيني عليها نجاة: ان شاء الله اليده: ها ... شقالت لج؟؟ نجاة: ماتدري..للحين ماردوا من المستشفى.. نواف: باتصل في احمد اسأله عنها اتصل نواف في احمد....اللي رد عليه من اول رنه نواف: ههه.. خل يرن عاد احمد: يالله بسرعه بارك لي.. بسرعه بسرعه نواف: ها بتصير ابو؟؟؟ احمد: اي... سلمى حامل بيوسف ههههه نواف: بالبركه بالبركه... اليده ونجاة حدهم مستانسين من الخبر... نواف: زين جان طمنت دانه عليكم... حدها على اعصابها احمد: لي رحنا البيت بنخبرها.. لاتتصلون فيها نواف: انزين... لحظة لحظة يدتي تبيك اليده: مبروك يمه... الله يثبته ان شا ءالله احمد: الله يبارك فيج خالتي...كلها جم شهر ويوسف بيكون بين ايدينج اليده: الله اييبه بالسلامه... وين امك خل اسلم عليها سلمت على ام احمد وعلى سلمى وباركت لهم عالحمل... دانه على اعصابها قاعده... دنيا من كثر ماصاحت رقدت....اوووووووف حتى خالتي ماردت علي... اكيد فيها شي.. والاجان ردوا علي.. الله يستر بس... شوي الا بدخلتهم البيت... دانه بسرعه راحت يم الباب...: ها اشفيها؟؟؟ سلمى بصوت واطي وتعب: بتصيرين عمه دانه شقت الحلج من الوناسه: صج!!!!!!!!!!!!!!!!!! احمد: هههه.. اي صج باست سلمى وباركت لها.. وباركت لاحمد... دانه: باصير عمه وخاله بسنه وحده ههههههه... بس انتي ييبي يوسف وساره تييب بنت... ام احمد: هههه... موب بيدهم .. هالشي بيد الله دانه: جانزين يصير.... ام احمد: اللي ايي من الله زين... اهم شي صحتهم سلمى: وين دنيا؟؟؟ دانه: مسكينه من كثر ماصاحت رقدت سلمى: بعد عمري... ام احمد: روحي انتي ارتاحي الحين.... ولي قعدت بنييبها لج فوق احمد: اي روحي ارتاحي..خذاها احمد وراحوا فوق عشان يرتاحون اثنينهم... دانه على طول دخلت غرفتها.. خذت تلفونها وطرشت مسج لمحمد.... ( حبيبي... باصير عمه....سلمى حامل) محمد رد عليها بمسج ( مبروك حبيبتي... الفال لج هههههه) دانه طرشت مسج لهنادي بعد..... هنادي يوم اييها المسج كانت هيا تشرح لها,,,, هنادي: هيوااا... سلمى حامل هيا: صج!! بالبركه بالبركه هنادي: الله يبارك فيج.. دانوا مطرشت لي مسج.. حدها مستانسه ان بتصير عمه هيا: ماتعطل ها... بسرعه تطرش لج الاخبار هنادي: اكيد... احنا جذي اي شي نعرف على طول نقول حق بعض هههه هيا: زين... يعني مافي شي ينخش عليكم هنادي: لا.. ولاشي... حتى اميروا علمناها.. اي شي تعرف تقول لنا هيا: آه منكم.... بس انا بقول حق اميره اي شي عني ماتيي تقول لكم هنادي: يل... اشلي قايلة لج... هيا: بل بل بل .. صج فضوليه انتي هنادي: هههههههههه... طالعه عليج هيا: حشى علي... ماصرت مثلج للحين هنادي: مردج بتتعلمين منا هيا: سكتي انزين... خل نخلص... بقى لج وايد هنادي: انزين... لاتزفين هيا وهي تقطها على راسها: جب زين... يالله انتبهي هنادي: عبالها صج بعد ههه الساعه اربع و55 دقيقه.... دانه طرشت لمحمد مسج قبل لايبتدي الامتحان.... ( ادعي لك من قلبي ان يكون الامتحان سهل وتييب امتياز بالماده.... احبك) محمد وايد استانس من المسج... رد عليها ( الله يسمع منج عمري.... احبج) بطلت اللاب توب مره ثانيه... وفتحت الورد .... وواصلت كتابة احداثها هي ومحمد.... كانت حافظة اللي كاتبته بدون عنوان...مايه في بالها تحفظه باسم..... في بيت سلمان وخلود.... خلود: منى للحين ماتدري؟؟؟ سلمان: لا... ماقالوا لها خلود: احسها بتتفاجئ ان طلع لها اخو بعد هالسنين سلمان: اتخيل ردة فعلها...لا وصارت عمه بعد هههه خلود: مابقى شي وترد سلمان: اي... على بداية الشهر الياي بتكون هني خلود: انا اللي مستغربه منه.. شلون اميره للحين ميوده لسانها وماقالت لها سلمان: ههه لو عليها من زمان قالت.. بس وليد مهدد عليها ماتييب لها طاري خلود: هههه.. ياحليها اموووور سلمان: كا خوله قاعده تصيح... قومي جوفيها خلود: يوعانه مسكينه... من مساعه راقده قامت خلود من الصاله وراحت لخوله عشان ترضعها... دانه كانت حدها مندمجه وهي تكتب.. بس قطع عليها اندماجها تلفون من هبه رفيجتها... دانه: اهلين هبه: شخبارج؟؟ دانه: الحمدلله.. انتي؟؟؟ هبه: تمام...اقول دانوا دانه: هلا هبه: باجر بنروح السينما تيين؟؟ دانه: باجر؟؟ هبه: اي باجر دانه: بس باجر الاربعا... اكيد احمدي مابيرضى.. بيقول لي زحمه هبه: بنروح الظهر... بنتغدى بعدين بندش فيلم او العكس.... بنرد البيت قبل اذان المغرب
  3. نواف: كلهم جذي لي يكبرون.. بس عاد لا تصيرين انتي مثلها بعدين هنادي: هههه.. الله يحينا لي ذاك اليوم بألمانيا.. بالمستشفى دانه قاعده تخطي اول خطوه لها بدون مساعدة اي احد ولو ان خطواتها شوي بطيئة... احمد وايد مستانس من ايجابية العلاج ....الفلوس اللي صرفناها عليج ماراحت هدر... الحمدلله اللي مشيتي.. وين امي تجوفج الحين.. دانه: احمد قاعد تجوف؟؟؟ تجوفني شلون امشي؟؟ احمد:ههه اي اجوفج... حاولي بعد تمشين اكثر دانه قاعده تخطي خطوه ورا خطوه لي ماوصلت لاخوها.. مسكها بيدها احمد: الحمدلله عالسلامه دانه والدموع بعينها: الله يسلمك.. جانزين امي معاي تجوفني شلون امشي.... بقلبها ( ومحمد بعد.. جانزين هو هني يجوفني.. متى ارد البحرين عشان تجوفني) احمد: يالله كلها اسبوعين بس ونرد البحرين دانه موب مصدقه: صج احمد؟؟ احمد: اي.. الدكتور لما خطيتي اول خطوه قال لي خلاص.. بجذي انتهى علاجها.. الباقي عليج انتي دانه: ياااااااااي.. موب مصدقه اني برد ديرتي بعد هالمده... ( متى ارد.. متى اجوفك؟؟ شلون صرت؟؟ تغيرت؟؟ للحين تحبني والا نسيتني؟؟ ) بمكتب محمد... رن تلفون المكتب محمد: شركة *** نعم المتصل: السلام عليكم محمد: عليكم السلام المتصل: اكلم الاخ محمد محمد: معاج.. تفضلي المتصل: معاك دانه من... قطع عليها محمد : دانه؟؟!!!!!!!! المتصل باستغراب: دانة من مكتب **** للمحاماه بلحظة محمد عباله دانته اللي متصله.. محمد: هلا هلا اختي.. اقدر اساعدج بشي؟؟ بعد ماخلص مكالمته محمد... رجع راسه لورا على الكرسي... ااااخ دانه... ياريت انتي اللي كنتي متصله صج!!! طول هالاشهر حاولت انساج بسبة رفضج لي بس ماقدرت... ياترى للحين تتذكريني؟؟ تتذكرين اللحظات اللي كناها مع بعض؟؟ لو تعرفين اشكثر حبج ذابحني.. بنفس الوقت دانه كانت بغرفتها تتذكر كل المواقف اللي مرتها مع محمد... ابتدتها بالصدف اللي جمعتهم... في يم يم تري لما كانت نظراته تلاحقها.. بمحل زارا لما طقته بالعلاقه.. بسيارته في الشارع... بمجمع السيف لما عطاها الكرت.. بكويت... كل شي تذكرت... ... ياني وحشتني سواليفك... وحشني صوتك.... وحشني كلامك الحلو لي... ياترى للحين تحبني بعد ماصديتك؟؟؟ متى ارجع واجوفك ... سكتت شوي وتذكرت بنت خالته.. معقوله يكون خطب بنت خالته؟؟ معقوله رفضي له يخليه يخطبها؟؟ والله اموت لو تاخذ وحده غيري.. مستحيل اتخيلك مع بنت غيري انا ..غير دانتك... بشقة ساره.. ساره قاعده تنظف الصاله... جافها خالد.. خالد بسرعه يه يمها: ها ها ها .. شقاعده تسوين؟؟ ساره: قاعده انظف.. شاسوي بعد خالد: لالالا.. من اليوم ورايح مافي تنظيف... باييب لج خدامه ساره: ومن بنظف لي ماتيي الخدامه خالد: انا ساره: هههه انت؟؟ خالد: اي انا مافيها شي.. كل شي ولايصير شي بوليد ساره: من وليد؟؟ خالد: ولدي بعد اي وليد ساره: ههههههههههه.. على طول سميته.. وانت ماتعرف اذا بنت او ولد خالد: اي.. بعد اسمي خالد... يعني بووليد ساره: واذا بنت؟؟ خالد: اذا بنت انتي سميها على كيفج مر الاسبوعين على خير .... ودانه قامت تمشي طبيعي بس بعد في ثقل بمشيها شوي... بقى يومين بس وترد البحرين... طلعت مع احمد السوق عشان تتشرى اغراض لامها وواهلها..... وهم يتمشون بالسوق لمحت محل تحف... دانه: احمدي خل ندخل هالمحل.. ابي اجوف شنو عندهم احمد: ياذبحتج حق هالسوالف... انا مابادخل بانتظرج يم الباب دانه: يالله عاد تعال معاي احمد: لا مااحب ..انتي دخلي وانا بوقف مني.. دخلت دانه المحل.. وقعدت تجوف كل التحف الصغيره اللي عندها.... ركزت عينها على تحفه وحده.... لا شعوريا ضحكت بقوه... صاحبة المحل تطالعها مستغربه... انتبهت لروحها وسكتت.... فديتك والله.... شالت التحفه وعطتها صاحبة المحل عشان تغلفها. دفعت وطلعت بره... احمد: شريتي شي؟؟ دانه: اي شريت لرفيجتي هديه وغلفتها... احمد: زين خل نروح الجهة الثانيه نجوف شنو عندهم... ( التحفه اللي جافتها دانة كانت عباره عن وحده تطق واحد على راسه ونوع دم ينزل من راسه) تذكرت الموقف اللي صار بزارا لما طقت راس محمد بالعلاقه.. فشرتها عشان تهديها لمحمد بمجمع السيف.. نواف وهنادي دخلوا محل ذهب عشان يشترون هدية لدانه... كان بالمحل وايد حريم. نواف موب عارف يوقف مع هنادي داخل... فوقف بره المحل ينتظرها... على ماهو واقف.. طاف محمد مع ولد خاله جاسم.... وانتبه لنواف محمد: قوه نواف نواف: هلااااااااااااااا.. وينك انت... وهم يسلمون على بعض محمد: في الدنيا.. جاسم ولد خالي.. نواف ولد خال رفيجي احمد نواف: هلا.. شخبارك؟ جاسم: الحمدلله.. محمد: ها شتسوي هني؟؟ شموقفك مني بروحك؟؟ نواف: انتظر خطيبتي.. بالمحل محمد: شخبار احمد؟؟ متى بيرجع؟؟ نواف: بخير.. عقب باجر بيرد محمد: صج؟؟ دانتي بعد بترد نواف: اي... محمد: شلون اخته الحين؟ نواف: الصراحه ماقال لنا وضعها بالضبط... بس العلاج خلص .. لكن يقول هي بخير احمد ماقال لاحد انها تمشي.يبي يسويها لهم مفاجأة.... محمد.. يعني للحين ماتمشي؟؟؟ معقوله؟؟؟ بعد عمري والله محمد: الله يشفيها ان شاء الله.. هنادي طلعت من المحل وجافت نواف يسولف مع محمد محمد: يالله عيل اخليك... سلم على احمد وايد.. واذا رد البحرين خبرني نواف: ان شاء الله.. محمد: مع السلامه نواف: مع السلامه بعد مامشوا. هنادي تكلم نواف... هنادي: محمد خطب صح؟؟ نواف: لا.. ماادري بعد.. انتي اشدراج؟ هنادي: يدته ذاك اليوم جافتني انا و امي ... عاد امي تسألها عن بنت بنتها اللي خطبوها له.. انا سمعتها قالت انها انخطبت نواف: انزين انتي اشدراج ان محمد اللي خاطبها هنادي: لان هم خاطبينها له نواف : بس ماقال يعني هنادي: ماادري.. حتى انا قبل جم يوم جفته ياي الجامعه ماخذ وحده.. قلت اكيد هي نواف: الله يهنيه.. هنادي يوم تجوف محمد في الجامعه.. كان صج ياي ماخذ جمانه لان جاسم ماكان يقدر ياخذها وهي سيارتها بالكراج ومن الحجي اللي سمعوه من يدته عبالهم ان هو اللي خطبها في بيت دانه... ام احمد: يالله اميره... ماصارت اميره: الحين باخلص.. مايصير دانه تيي والمكان عفسه م احمد: مافي شي عفسه. الا انتي تبين تسوين لج حركات اميره: اكيد... غرفتها يديده ولازم احط فيها اللمسات الاخيره سلمى: هههه... عدال ياانسه ديزاينر اميره: بتجوفون لي ماصارت اكبر مصممة ديكورات في البحرين؟؟ وباذكركم ام وليد: انزين ذكرينا بعدين...بس الحين يالله خلصي وارانا شغل وايد اميره: انزين انزين في الصاله... ام احمد: يمه سلمى.. ماقالج احمد اذا مشت او لا؟؟ سلمى: لا ماقال.. قال انها احسن من الاول ام وليد: ان شاء الله كل شي خير.. واذا مامشت هناك راح تمشي هني لان لو ماتحسنت جان احمد مابيرد اميره وهي تقفل باب غرفة دانه.. كاني خلصت.. هاج خالتي المفتاح... ام احمد: يعطيج العافيه... نخدمج في عرسج ان شا ءالله اميره: غصبن عنكم خالتي ام احمد: هههه.. حسبي الله على ابليسج ام وليد: صج ماتستحين .. تحاجين خالتج جذي اميره: اشقلت انا؟؟ ماقلت شي سلمى: تتغشمر خالتي.. ماتقصد اميره: بووو.. متى اتيي دانوا تجوف غرفتها اليديده ام وليد: الله اييبها بالسلامه مروا هاليومين.. واحمد على اعصابه قاعد ينتظر مكالمه من نواف او احمد يخبرونه بوصولهم... بالطياره... دانه: اشكثر متشوقه لهم... ابي بسرعه نوصل احمد: انا بعد.. اشكثر مشتاق لهم.. مشتاق لسلمى .. ومشتاق لشطانة دنيا دانه: ايه عليها... انا بعد وحشتني وايد.. سكتت دانه شوي ... ووحشتني انت بعد.. احمد لاحظ سكوتها مره وحده...: اشفيج سكتي؟؟ دانه بسرعه كلمته: محد يدري اني مشيت صح؟؟ احمد: لا.. نبي نسوي لهم مفاجأة دانه: بيجوفوني في المطار امشي احمد: الكرسي معانا نسيتي... باقعدج عليه ولي وصلنا البيت راويهم ان تمشين دانه: حرام احمدي... امي بتتضايق؟ احمد: هي تدري انج للحين مامشيتي.. فخليها تتفاجئ في البيت دانه: هههه.. اتخيل ردة فعلهم بعدين احمد: هههههه.. انا بعد في المطار... العايلة كلها متيمعه ينتظرون وصولهم.... ام احمد: اشكثر وحشتني بنتي..متى يوصلون بسرعه.. ابي اجوفهم دنيا: بابا بعد بيي كلهم يضحكون عليها... سلمى: اي بابا بعد بيي... بس انتي لاتسوين شطانه.. هنادي: ياربي.. متى يوصلون.. ابي اجوف دانواااا... نواف: ها من الحين .. يعني لي يات انا باصير في الطقاق هنادي: هههه.. تغار نواف: اي اغار.. هنادي بصوت واطي: احبك مزاف: اموت فيج اميره سمعتهم وحشرتها: ياعيني عالحب انا.... نواف انحرج: بل بل بل.. انتي من وين طلعتي؟؟ اميره: من هني بعد من وين بلندن.. بشقة البنات... منى: اليوم بتوصل دانه البحرين.. سوزي: هي خلصت علاج؟؟ منى: اي .. من جذي بيردون هيفا: يعني مشيت خلاص؟؟؟ منى: اي مشت.. بس محد يدري ..يبون يسوونها لهم مفاجأة سوزي: وانتي اشعرفك؟؟ منى: وليد قال لي... كان متصل في احمد وخبره بهالشي هيفا وسوزي: الحمدلله على سلامتها منى: الله يسلمكم نرد البحرين... في بيت اليده... اليده: للحين ماوصلوا؟؟؟ نجاة: لا للحين... توني مكلمه نواف قال لي اول مايوصلون بيكلمني اليد: الله اييبهم بالسلامه نجاة: ان شاء الله محمد موب عارف يقعد... معقوله للحين ماوصلوا؟؟؟ نواف قال اليوم بيوصولون.. الحين الساعه عشر ... يمكن يوا بس نسى نواف يقول لي.. خل اتصل فيه... محمد: الو... قوه نواف نواف: هلا هلا الحمد.. شخبارك؟؟ محمد: الحمدلله.. انت شخبارك؟ نواف : الحمدلله محمد: وصل احمد ؟؟ نواف: لا للحين.. احنا في المطار ننتظرهم محمد: صج؟؟ نواف: اي. محمد: لاتنسى تخبرني... اول مايوصلون قول لي نواف: هالكثر ولهان عليك احمد محمد: ها..اي.. اي.. تعرف 4 شهور الحين.. نواف: ههه ان شاء الله.. بس يوصل اخبرك محمد: اوكي... مع السلامه.. .... اوف للحين ماوصلوا.. خل اروح المطار بحجة اني اجوف احمد... توه بيقوم من عالكرسي.. بس قعد مره ثانيه..لالالا.. شلون اروح واهل احمد بس هناك... بيكون موقفي سخيف بينهم.. ماله داعي روحتي لهم.. خل اقعد هني وانتظر.. بعد نص ساعه وصلت طيارتهم... خلصوا الاجراءات كلها.. قاعدين يتمشون لكراسي الانتظار...دانه قاعده عالكرسي.. واحمد قاعد يدزها. يازعم للحين ماتمشي دانه... ياترى انت هني معاهم؟؟؟ قاعد تنتظرني مثل ماودعتني؟؟؟ احمد: كاهم هناك دانه: وين؟؟ احمد: اشفيج تخرعتي... هناك هناك دانه: بعد عمري امي.. الكل كانت علامات الحزن في ويوهم لما جافوا دانه للحين عالكرسي..... بس وصلوا للانتظار.. ام احمد على طول ركضت لمت بنتها.. وقعدت تصيح بقوه... بعدين لمت احمد بقوه: الحمدلله عالسلامه.. الحمدلله عالسلامه دانه احمد: الله يسلمج هنادي لمت دانه بقوه وحشتيني.. وحشتيني دانه: انتي بعد... نواف: الحمدلله عالسلامه دانه دانه: الله يسلمك. كلهم سلموا عليهم وتحمدوا لهم عالسلامه... احمد يكلم سلمى: وحشتيني مووووووووت سلمى: انت بعد دنيا : وانا؟؟؟؟ احمد: هههه..فديتج... انت بعد وحشتيني وايد... وهويبوسها... ام هنادي: يالله خل نروح بسرعه.. يدتي قاعده تنتظرنا في البيت... دانه: مسكينه يدتي.. وحشتني طلعوا من المطار وركبوا سياراتهم عشان يروحون بيت اليده... دانه واحمد.. ركبوا في سيارة بووليد الفان..بس اللي يمشيها خالد.. معاهم ساره وسلمى وهنادي ونواف وام احمد هنادي: ها شلون المانيا؟؟ دانه: تينن.. صج فظيعه بلدتهم نواف يكلم هنادي: اشرايج اوديج شهر العسل هناك؟؟ هنادي: صج؟؟ دانه: مااقدر عالغيره... جافني رحت قال يبي يودي مرته نواف: ههههههههههه.. انتي للحين ماتيوزين عني دانه: شاسوي.. وحشني مناجري معاك نواف: تناجري مع ريلج اللي بتاخذينه دانه... متى بس؟؟ احمد: شلون الشغل نواف.. وشلون الربع نواف: تمام .. الموظفين كلهم يسلمون عليك... سلطان كان وايد يسأل عنك احمد: اي كلمته جم مره نواف: حتى محمد...وايد سأل عنك.. حتى قبل لا توصلون اتصل يسأل عنكم دانه فز قلبها من سمعت اسمه.. بعد عمري والله... يعني للحين يحبني.. احمد: صج؟؟؟ شخباره.. والله وحشني هالصبي نواف: تمام... بس يقولون خطب دانه .... شنو!!!!!!!!!!! خطب؟؟ معقوله؟؟؟ لالالا... مستحيل مستحيل احمد: صج والله؟؟؟ زين زين دانه... اي زين ياخوي... قلبي احترق وتقول زين؟؟ ليش يامحمد؟؟ ليش؟؟ احمد: انت اشدراك ان خطب؟؟ نواف: هنادي تقول يدته قالت لعمتي خالد: الله يهنيه ان شاء الله دانه تمت طول الطريج ساكته... موب مستوعبه اللي سمعته من نواف... محمد خطب؟؟؟ بسرعه نسيت الحب اللي كان بيننا؟؟؟ نواف: اي صج خل اتصل له اقول له ان وصلت.. اتصل نواف ومحمد وخبره عن وصولهم... محمد قال له ان باجر ايي يزور احمد.. وصلوا بيت اليده.. اللي فرحت وايد على وصولهم.. سلمت على دانه واحمد بحراره...ونفس الشي نجاة... قعدوا يسولفون ويقولون لهم اشسووا في المانيا غير العلاج...دانه كانت تتكلم قليل... هم عبالهم من تعب السفر.. ماحطوا بالهم ان فيها شي... احمد راح يم دانه... احمد: ها.. الحين دانه بابتسامه صغيره: يالله.. بس عاد شلون؟؟ احمد: قولي تبين تروحين تقعدين بغرفة يدتي.. وانا باوديج دانه: اوكي ام احمد: اشفيكم تتساسرون؟؟ احمد: ها.. مافينا شي.. بس دانه تقول تعبانه.. بتروح تريح بغرفة يدتي ام احمد: تعالي بوديج يمه احمد: لالا عنج يمه.. انا باوديها دز الكرسي . .. ووصلها لغرفة يدتها... بغرفة اليده... احمد: ها مستعده.. دانه: يبتخرعون مساكين احمد: انتي ماعليج.. يالله ابتدي.. دانه: ههه. اوكي عدلت روحها.. عشان تبتدي التمثيليه.... دانه تصارخ بقوه: يـــــــــــــمه.. يـــــــــــــــــمه... احمد بعد: يـــــــــــــمه... يــــــــــــــــــمه كلهم تخرعوا في الصاله من صراخهم... على طول ركضوا لغرفة اليده.. ام احمد : اشصاير؟؟ اشصاير... وقفوا عند الباب بذهول وتعجب... دانه واحمد بس يضحكون اميره: شالسالفه؟؟؟ احمد: الحين بتعرفون... دانه كانت واقفه لم وصلوا للغرفه... احمد: يالله دانه.... دانه: حركت ريلها.. ومشت للمكان اللي واقف فيه امها من الفرحه كلهم صاحوا....ام احمد على طول لمتها... الكل: الحمدلله عالسلامه... نواف: يالشياطين اثنينكم.. جذي تخرعونا؟؟ اكيد فكرة دانوا هذي دانه: انت بس.. اي شي تحط علي.... هذي فكرة احمد نواف: هههه.. طلعت موب هين دنيا كانت للحين تصيح.. تخرعت من ركضتهم وصراخهم احمد: بس بابا.. قاعدين نلعب احنا سلمى: الحين ولا بتسكت... ردوا الصاله مره ثانيه.. والفرحه موب شايلتهم لما جافوا دانه تمشي... ساره: عيل ماسمعتي الخبر الحلو دانوا... دانه: شنو؟؟؟ ساره: خالد اقول لها خالد: ماادرري... اشرايج عمتي.. نقول لها؟؟ ام احمد: بكيفكم دانه: اوهوووو.. يالله بسرعه قولوا ساره: انا حامل احمد ودانه: صج؟؟؟؟ دانه: باصير خاله.. اللااااااااااااي.. مبروك مبروك.. وهي تسلم على اختها احمد: مبروك ساره ساره: الله يبارك فيكم... احمد: دانه..لاتنسين.. لازم تمشين مرتين بالاسبوع دانه: من بيروح يمشي معاي؟؟ مافي احد هنادي: انا بايي امشي معاج اميره: انا بعد نواف: انا بعد بايي دانه: لهالدرجه ماتقدر تفارق ليلى نواف: هههه.. اي عندج مانع دانه: اي عندي مانع... نواف: بايي غصبن عنكم... ماابي احد يغربلكم وانتوا تمشون... واخاف على خطيبتي بعد دانه: اي قول خايف على ليلى... موب احد يغربلنا نواف: هههه.. يام لسان طويل انتي... صج بايي عشان مايغربلونكم دانه: اي اذا جذي اوكي... بس لاتقول تعبت بعدين نواف: لا ما باقول على الساعه 12 طلعوا من بيت اليده.. والكل رد بيته عشان يرتاح... بلندن.... وليد قاعد يكلم هيا وليد: ورب الكعبه وحشتيني.. وحشتني النعومه كلها هيا بحيا: ههه. انت بعد وليد: متى يخلص هالكورس وارد هيا: اشكثر بقى؟؟ وليد: شهرين بس... ياربي يخلصون بسرعه هيا: عمري.. دريت ان دانه وصلت ؟؟ وليد: اي دريت.. جفتيها؟؟ هيا: لا ماجفتها.. باجر باروح لها وليد: سلمي عليها وايد هيا: يوصل وليد: احـــــــــــــــــــــبج هيا بنعومه: انا بعد... احبك وليد: ياربي عالنعومه.. مااقدر انا مااقدر في بيت دانه.. دانه وايد استانست على الغرفه اليديده... بس هي وايد متضايقه ان محمد خطب... انبطحت عالسرير وقعدت تصيح اشكثر.... كل مني انا.. انا السبب.. انا السبب.... بس هو لو يحبني صج جان ما خطب... قامت من عالكرسي..خذت تلفونها من عالطاوله... وكتبت مسج لمحمد من القهر اللي فيها... ( ماتوقعت الحب يتنسي بهالسهوله... مبروك عالخطوبه) محمد كان في حالة هدوء بالغرفه لما طرشت له دانه... موب عارف يرقد.. ينتظر باجر ايي عشان يروح لاحمد... لما ووصل له المسج بطله وقراه.. رقم من هذا؟؟؟ ؟؟ اي خطوبه.؟؟ اكيد احد مطرش لي بالغط؟؟ طرش مسج على نفس الرقم ( مسامحه.. بس من معاي؟؟؟) دانه قرت المسج.. اوه نسيت ان مايعرف رقمي....اقول له ان انا دانه؟؟؟ خل اقول له... لالالا.. يمكن خطيبته معاه.. .. قعدت تفكر وايد اذا تقول له او لا... بس في الاخير قررت تطرش له.... تبي تقهره بأي طريقه... كتبت له... ( شمعة كانت مضيئة... بس للأسف انطفت... انطفت لما سمعت خبر خطوبتك) محمد قرا المسج... على طول عرف انها دانه... دانتي.... دانتي مطرشة لي مسج... مااصدق؟؟؟ اي خطوبه اللي قاعده تتكلم عنها.. انا ماخطبت... على طول اتصل بالرقم.... دانه ماتوقعت ان يتصل فيها... ترددت وايد انهاترد عليه.... ارد عليه؟؟؟ لالالا... بس انا ابي اكلمه.. ابي يعرف اني مشيت.... لكن ليش يعرف.. ماعاد يهمه هالشي.. هو انسان مرتبط الحين... بس ليش قاعد يتصل لي؟؟؟ محمد للحين يتصل فيها... ياربي.. ردي عاد... واللي يسلمج ردي... بالاخير دانه قررت ترد عليه... تبي تسمع صوته ولو للمره الاخيره.... دانه: الو.. محمد: فديت هالصوت... وفديت راعيته دان باستغراب.. اذا هو خاطب.. ليش يكلمني جذي؟؟؟ محمد: اشفيج ساكته؟؟ دانه بعصبيه: مبروك عالخطوبه محمد علامة استفهام على ويهه: خطوبه؟؟؟ اي خطوبه؟؟.... سمع دانه قاعده تصيح محمد: عمري قاعده تصيحين؟؟؟ نهاية الجزء التاسع عشر... انتظروا احداث الجزء الاخير... اعذروني عالتأخير.... الكاتبه قالت بتتأخر في تنزيل البارت الاخير لان راح يكون وايد طويل.... فأتمنى تعذروني لي تأخرت .... هالشي بيد كاتبة القصة مو بيدي انا... اشكركم عالمتابعه... تحياتي
  4. الجزء التاسع عشر... على الغدا سالفتهم كلها كانت عن دانه... حتى دانه ماعرفت تتغدى عدل من فرحتها... سلمى: دنيا عالجتها لكم بعد اشتبون الكل: هههههههههه سلمى: الحين لازم تعطونها اتعاب العلاج دانه: اعطيها اللي تبيه هههه بلندن.. بالمطعم الصبيان قاعدين بطاوله جريبه من البنات... عادل: حلوه الخطوبه وليد؟؟ وليد: اوف انها حلوه.. بس حرام ماقعدت مع خطيبتي الا اسبوع واحد عبدالله: بس شلون خطبتها وانت للحين مااشتغلت؟؟ وليد: خفت البنت تطير من يدي خطبتها عيسى: زين اهلها رضوا تخطبها وانت للحين مااشتغلت وليد: هم رضوا لان ظروفي تسمح لي.. بعدين يعرفون اهلي من جذي الكل: الله يوفقك ان شاء الله عادل وهو يطالع هيفا: متى انا بعد.. وليد: هالكثر مستخف عالخطوبه عبدالله: ميت موب بس مستخف وليد: ليش ماتخطب عيل عادل: لي خلصت السنه باخطبها وليد: زين زين... وهو يطالع ربعه.. الفال لكم انتوا بعد عبدالله في قلبه: ان شاء الله.... الله يسمع منك وهم يسولفون .. يه مسج لوليد.. على طول بطله وقراه...ابتسامه عريضه ارتسمت في ويهه عادل: اكيد من خطيبتك.. من جذي شاق الحلج وليد: هههه.. لالا عادل: عيل اشفيك مستانس جذي وليد: هذا احلى خبر سمعته اليوم عادل: سمعنا خل نستانس معاك عبدالله: صج حشور... انت اشعليك من مطرش له مسج.. وليش مستانس... كيفه ياخي.. يمكن مايبي يقول لك عادل: وانت من قال لك تكلم الحين وليد: ههههه.. ابتدوا اثنينهم... وليد: هذا ولد خالي مطرش لي.. ان بنت خالتي ابتدت تحس بريلها عادل: صج.. زين زين عبدالله: الحمدلله على سلامتها وليد: الله يسلمكم جهة البنات... سوزي: دول اخر شياكه منى: اي حدهم.. كل واحد ستايله احلى من الثاني... هيفا: منى.. وليد بيأشر عليكي منى افترت على وليد.. جافته يأشر عليها يبي يكلمها... قامت من عالطاوله وهو بعد قام.. وقفوا مابين الطاولتين... عبدالله مانزل عينه من على منى.. مستخف بشياكتها.. منى: نعم وليد: تدرين شنو نواف مطرش لي الحين؟؟؟ منى: شنو؟ وليد: يقول ان دانه ابتدت تحس بريلها.. يعني بتقدر تمشي مره ثانيه منى: صج والله؟؟ هذا احلى خبر سمعته اليوم وليد: اشفيج.. بتصيحين علينا هني منى: هههه.. شاسوي من الوناسه وليد: عيل روحي ردي لطاولتج احسن.. منى: هههه.. اوكي ردت منى للطاوله حدها مستانسه لبنت خالتها.. قالت لسوزي وهيفا عن الخبر.. وبسرعه طرشت مسج لدانه تتحمد لها على سلامتها... في بيت محمد بعد الغدا.... خال محمد: شمسوي محمد مع الشغل؟؟ ان شاء الله كل شي اوكي محمد: الحمدلله... بس وايد ضغط صاير علينا هالايام خال محمد: يعطيك العافيه ياولدي محمد: الله يعافيك خال محمد وهو يأشر على ولده اللي بعمر محمد: عيل ذي .. اللي موب فالج لي بشي... فالح بس في الصياعه مع ربعه من مكان لمكان محمد: بل.. صار الحط عليك اجوف جاسم: تتطنز مع ويهك...قوم قوم... خل نروح نلعب بلي ستيشن احسن لنا خال محمد: اي.. هذا اللي فالح فيه بس ام جمانه: اشفيك اخوي على ولدك اليوم... خله براحته خال محمد: لي متى بعد باخلي على راحته... لي مايصيع لي زود مع ولدج المدلل اليده: صح كلامك يمه... لاتسكت عنه.. لي مايعدل من روحه.. وانتي بعد.. انتبهي لولدج لايضيع لج بعدين ام جمانه زعلت شوي لما قالوا عن ولدها المدلل... جاسم يكلم يوسف اخو جمانه: هههههههههههههههههه.. افتروا على الاخ الحين يوسف: تتظيرف مع ويهك... قوموا قوموا خل نلعب هناك.. محمد وجاسم ويوسف راحوا الصاله الثانيه عشان يلعبون بلي ستيشن... الصاله مبطله على الصاله اللي متيمعين فيها العايله.. يعني يجوفون بعض... يوسف: جمانه.. جمااااااااااانوا.. ام جمانه: قومي جوفي اخوج اشيبي لا يصمخنا الحين جمانه: يعني ماعنده الا انا ... ذبحني ولدج ذي محمد: هي انت صمخت اذنا..نادها بالعدال .. تسمعك هي جمانه يات عند اخوها..وهي تلعب بشعرها جمانه: خير.. اشتبي؟؟ يوسف: تحجي عدل لا بالكلينكس الحين جمانه: اشتبي قول خلصنا.. يوسف: هذي اللي يبي لها طق اليوم محمد وجاسم بس يضحكون عليه.. يوسف: ييبي لنا شاي وبسكوت جمانه: اوووف.. مافتك منك في البيت... هني بعد تتأمر يوسف: روحي ييبي وانتي ساكته يالله جمانه: قول حق سيتي تييب لك يوسف: تدرين حبيبتي. اني مااحب الخدم يسوون لي شي محمد يكلم جاسم: اشعنده مايحب الخدم يسوون له شي يوسف: اي مااحب.. احس بقرف منهم لما اجوفهم يوسف: انتي للحين واقفه هني.. روحي بسرعه ييبيهم.. جمانه: انزين لا تصارخ يوسف: جب... غسلي يدج قبل لاتحطين اي شي محمد: ههههه.. الله يعين اللي بتطيح في جبدك يوسف: ماجفتها من مساعه يدها بشعرها...... طلعت من عندهم عشان تروح المطبخ... كلمتها اليده اليده: اشفيه اخوج يصارخ جمانه: ماما نينه...قولي له يعدل اخلاقه معاي... كله يكلمني بصراخ خال: اخوج ماعنده اخلاق...لاهو ولا جسوم... شلون تبينه يكلمج عدل جمانه: بس جاسم مايصارخ جذي الخال: لان ماعنده اخت يناجرها جذي... بس الشره على امج اللي ساكته عنه ام جمانه: عيزت وانا اقول له يعدل من اخلاقه...شاسوي فيه اذا هو جذي العيد مر بسرعه عالكل.. ... دانه ماحست بالعيد مثل كل سنه... اللي تقضيه مع بنات خالاتها في طلعاتهم مع بعض... كانت حابسه روحها في البيت.. ماتبي الناس تجوفها وهي بالكرسي المتحرك... ماتحب نظرة الشفقه من احد.... تسلي روحها بقعدتها مع امها .... وزيارة بنات خالاتها لها بعض الوقت... محمد قضى ايام العيد مع عيال خاله اللي عمره ماقعد معاهم هالكثر... اكثر طلعاته كانت مع عادل وعبدالله.... بس هالشي خلاه يقرب علاقته فيهم اكثر ويحاول من صوبه ان يعدل من حياتهم المستهتره اثنينهم......وطبعا اليده استغلت هالشي عشان محمد يتقرب من جمانه... ونفس الشي الخاله... كان يتمنى الصدف تخليه يتلاقى مع دانه... مع ان هو اكثر من مره تلاقى مع احمد ونواف... اليوم دانه عندها موعد مع الدكتور.. بالمستشفى.. بغرفة الدكتور.... الدكتور قاعد يحرك في ريل دانه... : تحسين هني دانه: لا حرك لفوق اكثر: الحين؟؟؟ دانه: بعد مااحس الدكتور دغدغها في قاعة ريلها دانه: هههه.. الدكتور يضحك: تحسين بس هني دانه: اي بعد ماعاين حالتها... احمد: الحين شنو دكتور؟؟ الدكتور: الامل وايد قوي انها تمشي مره ثانيه... بس العلاج بياخذ وقت..لانها هي تحس بقاعة ريلها بس... لازم تحس بريلها كامل دانه: بس المهم اني راح اقدر امشي الدكتور بابتسامه: اي.. ان شاء الله قعد الدكتور يقول لهم شنو العلاج اللي لازم يتبعونه..وشرح لهم الحاله اللي وصلت لها دانه الحين كلها... بعد موعد دانه... احمد رجع الشغل مره ثانيه... نواف: ها بشر؟؟ احمد: الحمدلله... الدكتور يقول الامل وايد قوي انها تمشي مره ثانيه.. بس بياخذ وقت نواف: متى بتودونها المانيا؟؟ احمد: وانا ياي الشغل اتصل فيني خالد.. قال لي ان لازم نوديها عشان يكشفون عليها نواف: متى؟ احمد: المفروض اسبوع الياي.. عشان مانتأخر اكثر نواف: ما بقى شي.. وانت للحين ماخلصت امورك هني احمد: انا سالفة السفره خلصتها.. يعني الفلوس الحمدلله تكفينا.. بس المشكله اني للحين ماقدمت على اجازه ولااادري اذا بيوافقون عليها او لا؟؟ نواف: قدم عليها الحين... عشان تحصلها بسرعه احمد: بس تهقى بيعطوني كثر الاجازه اللي ابيها؟؟ نواف: خذ اجازه مفتوحه احمد: انا في بالي جذي بعد.. عشان لو صار اني تأخرت هناك.. مايأثر على شغلي هني نواف: اي .. بعدين المدير يدري بحالتك.. يعني ماراح يعارض على اجازتك احمد: عيل باروح الحين اقدم عالاجازه نواف: بالتوفيق في بيت دانه... ساره كانت في بيت امها اليوم... ساره: دريتي ان اسبوع الياي لازم تسافرون المانيا؟؟ دانه: صج؟؟ ماقال لي احمد خالد: لاني اتصلت فيه بعد مايابج البيت هني دانه: من بيروح معانا؟؟ خالد: احمد وسلمى دانه: بس هم مايعرفون شي هناك خالد: سلمى كانت تتعالج هناك.. يعني تعرف شتسووون بالضبط ام احمد: الله ييبج لي تمشين على ريولج الكل: ان شاء الله دانه: ودنيا؟؟ بتروح معانا بعد خالد: لالا.. دنيا بتم هني... تعرفين هناك يبي لها مصرف .. فصعبه يودونها بعد... ساره: مسكينه... هذي المره الثانيه تسافر امها عنها دانه: اي مسكينه خالد: هي ماراح تطول هناك.. بس بتكون معاكم اول الاسبوع.. بعدين بترد ام احمد: عشان بس تدلهم الاماكن؟ خالد: اي ام احمد: بيتملل احمد بروحه هناك خالد: شيسوي بعد... قاعدين نحاول نتحكم في ميزانية العلاج قد مانقدر دانه... مساكين بيتنا... اللي مدخرينه لهم.. كله بيصرفونه عشاني...الله يخليكم لي ان شاء الله العصر احمد اتصل في محمد.. احمد: قوه محمد محمد: هلا هلا.. احمد: شخبارك؟ محمد: الحمدلله.. انت شخبارك؟ احمد: بخير...اقول محمد محمد: هلا احمد: انت رحت المانيا من قبل صح؟ محمد: لا انا مارحت... عبدالرحمن الله يرحمه اللي راح احمد: اها... انا عبالي انت بعد رحت محمد: ليش؟؟ احمد: قلت باسألك عن جم مكان... لان اسبوع الياي باودي اختي لعلاجها محمد فز قلبه بسرعه: صج؟؟؟ متى بالضبط احمد: يوم الاثنين الساعه 8 الليل محمد... بعد عمري.. محمد: اها...والله الصراحه ماعرف الاماكن اللي راحها هو... احمد: موب مشكله.. محمد: اذا تبي باسأل لك احمد: لالا مايحتاي.. سلمى راحت من قبل .. بس انا حبيت اعرف اكثر منك.. محمد: بتمون وايد هناك احمد: ماعرف والله.. بس قالوا لي ان العلاج بياخذ وقت محمد: اذا محتاج شي انا حاضر.. لاتستحي احمد: ماتقصر والله... بس الحمدلله الامور كلها اوكي بعد ماسكر احمد.. محمد سرح في دانه.. اللي ماخذه كل عقله وفكره... يوم الاثنين بتسافر؟؟ ابي اجوفها .. ابي اكلمها. بس شلون؟؟ قعد يفكر ويفكر.. لقى احسن طريقه يروح المطار بنفس اليوم.. على الاقل بس يجوفها قبل لا تسافر.. احمد وافقوا الشغل على اجازته.... وابتدوا التجهيزات للسفر ..... بغرفة دانه... دانه حاطه اللاب توب على حضنها.... بوووو من زمان مااستخدمتك.... تذكرت انها من قامت تكلم محمد عالتلفون ماتستخدمه وايد ولا تشبك النت.... حركت الكرسي لي عند فيشة التلفون... ركبتها وشبكت النت عشان تجيك ايميلاتها مثل قبل.... جافت في ا لصندوق الوارد اكثر من 50 رساله... بس معظمها مشاركات من المنتديات.. فقعدت تمسح فيهم وحده وحده....لي ماوصلت لرساله من محمد... ترددت وايد ن تفتحها وتقراها.. بطلتها وقعدت تقرا اللي فيها... كل حي ٍ ترجا طول الايام غايب ينكسر في مطاريد الهوى والغرام ميت الحب ما تركزعليه النصايب وما بقا غير روحه والعصب والعظام موتة الحي من بين الاهل والقرايب ابشع الموت مافيها جدال وخصام كلما طاحت الايام باحلام شايب ماتقول السنين المقفيه ياحرام ياخذ الوقت عمره بالدقايق غصايب فيه آهة محبة بي عز الكلام المحبه لها شان يسوق الركايب سلطة الحب ما يقدر عليها الملام المحبه حظوظٍ والسعاده وهايب وميت القلب له عينٍ تشوف وتنام قبل تقضا سنيني خاطري منك طايب مات حبك وانا حيٍ وارد السلام الابيات من كلمات السامر بعد ماقرت الابيات قعدت تصيح اشكثر.... انا مامات حبي لك.. ولاراح يموت... هي انقهرت ان محمد عباله انها نسته... خذت تلفونها بسرعه عشان تطرش له مسج... بس تذكرت كلامها معاه.. وكلام يدته انها تبي بنت خالته له... نزلت تلفونها مره ثانيه... وماطرشت له شي.. في المطار.. اليوم راح يسافرون لالمانيا.... الاهل كلهم معاهم.. ام احمد: تحملوا بروحكم هناك... واي شي يصير خبروني اول بأول.. احمد: ان شاء الله يمه.. بس انتي لا تحاتين اميره تكلم دانه: اللااااااي دانوا.. بتروحين المانيا... عالاقل تغيرين جو عن هني دانه: هههه.. تيين معانا اميره: جانزين والله اميره: منى تسلم عليج وااااااااااااااااااااااايد دانه: الله يسلمها...طرشت لي البارحه مسج هنادي: بتوحشيني يالكريهه دانه: انتي اكثر هنادي: يالله اهم شي تردين لنا بالسلامه دانه بحزن: ان شاء الله نواف يبي يغير الجو: لاتغربلين اخوج هناك... شوي شوي عليه دانه: ليش قالوا لك ياهل انا؟ نواف: اي لحينج صغيره.. دانه: هههه خفيف نواف: ادري... دانه: هنادي.. قولي لقيس يكرمنا بسكوته الكل: هههههه احمد: انتوا للحين جذي... ماتيوزون عن بعض نواف ودانه بنفس الوقت: هي/ هو اثنينهم: ههههه قعدوا يسولوفون ويضحكون شوي لين ايي موعد طيارتهم... من بعيد.. دانه لمحت مشية كئيبه. .ومتردده... وعلامات حزن تغطي على الويه.... مااستوعبت اللي جافته.... محمد!!!!!!!!!!!!!!!!!!!!! شسوي هني؟؟؟ محمد كان واقف يطالعها بطريقه ماتخلي اهلها ينتبهون لوجوده... كل الاصوات توقفت بالنسبه لدانه.. تحس روحها ماتسمع شي... بس تجوف محمد وتسمع قلبه اللي يردد احبج... احبج... .احبج.... دانه: ليش تعذبني بييتك هني... ليش تخليني اضعف بجوفتك محمد: قلبي ماطاوعه تروحين بدون مايجوفج.. ماطاوعه اغلى ماعنده يسافر بدون مايقول له دانه: ياليتني اقدر اقول لك اشكثر احبك... اشكثر محتاجة لك محمد: ياريت تقولينها بس... وتجوفي قلبي شنو راح يسوي لج دانه: صعب علي اقولها الحين... صعب علي بعد ماقسيت عليك بكلامي محمد: مهما قلتي.. مهما قسيتي.. مااقدر ازعل عليج... اقدر احبج بس دانه: ياطيب قلبك وحنيته... ياريت قلبي مثله محمد: قلبك هو قلبي.. دام احبك.. يعني تحبيني لو مهما صار دانه: حبك هو اللي بيشفيني... بس ابيك تدعي لي محمد: بدعي ليل نهار .. بس عشان تردين لي مثل ماكنتي دانه والدمعه طاحت على خدها: مع السلامه يالغالي... مع السلامه يا... قطعت عليها سرحانها هنادي,, هنادي: اشفيج سكتي مره وحده؟؟؟ دانه ونظراتها تلاحق محمد: ها..لالا. مافيني شي.. هنادي: مسحي هالدموع بسرعه.. مانبي صياح دانه وهي تمسح دمعتها: هههه.. اوكي محمد طلع من المطار وهو حده متضايق عليها... سلموا عليهم... ودخلوا المغادره عشان يخطون خطوتهم الاولى لعلاج دانه... ام احمد اشكثر صاحت .. اول مره بتكون بعيده عن بنتها... بسيارة محمد.... خوفي تتأخرين هناك وتنسيني للأبد.... شنو بيكون مصيري لي كانت هذي النهايه؟؟؟ ييت ودعتج وانا ماعرف شنو شعورج اتجاهي الحين... نظرتج لي كانت كلها حزن.. هل هي حزنا على حالتج ام حزنا على رفضج لي؟!!! ليش انا حظي في الدنيا جذي... الناس اللي احبهم يبتعدون عني.. ليش؟؟ ليش؟؟؟ في الطياره.. دانه كانت تصيح بهدوء... سلمى واحمد عبالهم تصيح على فراق اهلها .. بس هي تصيح على حالة محمد... معقوله جذي صار؟؟ شكله هزيل.. وايد صار ضعيف؟؟؟ كل مني انا.. انا اللي خليته يصير جذي... سامحني محمد. ماكنت ابيك توصل لهالمرحله... كنت ابي لك الافضل.. ومبين اني غلطت لما فرضت عليك هالشي... خذت نفس قوي... بس اول ماارجع بالسلامه ان شاء الله راح اغيرك من الحاله اللي انت فيها الحين... سلمى: دانه.. اشفيج؟ دانه بابتسامه صغيره: مافيني شي.. بس اول مره افارق اهلي سلمى: ماعلي.. تحملي عشان مصلحتج ام احمد من ردت البيت.. على طول دخلت دارها ترتاح... ساره وخالد راحوا شقتهم يرتاحون شوي.. الساعه 11 بيمرون على ام احمد عشان ياخذونها معاهم.. بتقعد معاهم في الشقه لي ماترد سلمى...دنيا بتقعد في بيت ام سلمى.... بيت ام وليد,,, بووليد: انا اتوقع راح يتمون وايد هناك اميره: يعني اشكثر يبا بووليد: على الاقل يبي لهم 6 اشهر هناك ام وليد: صج؟؟ بس هي تحس بريلها الحين.. يعني بسرعه بيعالجونها بوو ليد: لا موب شرط... انا اعرف واحد صاده مثل حالة دانه بالضبط.. واستغرق علاجه 8 شهور تقريبا اميره: 8 شهور خالتي مابتجوف بنتها؟؟ ام ووليد: جذي فلوسهم ماراح تكفيهم.. الفلوس اللي عندهم تكفيهم لثلاث او اربع شهور بس بووليد: اي انا اتوقع جذي بعد... ام ووليد: يعني بيتوقف علاجها بعدين؟؟ بووليد: لا ماارح يتوقف... لان خالد ريل ساره شايل لهم فلوس احتياط في حالة قصرهم شي ام ووليد: خوش ريال والله خالد... يابخت ساره فيه اميره: يبا يعني كلش مايقدرون اييون البحرين خلال هالفتره؟؟ بووليد: بلى يقدرون بس جذي بيكلفهم وايد . يعني يتمون هناك لي مايخلص العلاج احسن ام وليد: وشنو عن شغل احمد بووليد: خذ اجازه مفتوحه بدون راتب ام وليد: مسكين.. بس الله بيجازيه خير على وقفته مع اخته في بيت هيا... هيا تكلم امها: يمه لو تجوفين دانه اشكثر صاحت ام حمد: مسكينه.. موب متعوده على فراق اهلها.. هيا: اي يمه.. حتى خالتي ام احمد.. كانت تعور القلب ام حمد: الله يرد لها بنتها بالسلامه ان شاءا لله وهم يسولفون رن تلفون هيا.. وليد كان متصل.. ام حمد سمعت رنة وليد.. قامت عن بنتها عشان تاخذ راحتها وهي تتكلم... هيا: هلا والله هلا... اليوم الثاني... بلندن ... وليد ومنى يتمشون باسواق لندن... منى: شخبار هيا؟؟ وليد: الحمدلله .. تسلم عليج منى: الله يسلمها.... انا جفتها مره وحده قبل مع هنادي بنت خالتي وليد: اشرايج فيها؟؟ منى: خوش بنت والله وليد: عشان تعرفين اخوج مايختار الا الخوش منى: ههه....دريت ان دانه البارحه سافرت المانيا؟؟ وليد: اي .قالت لي هيا.. منى: زين. .يعني الاخبار ماتنخش عنك الحين وليد: ههه.. ولاعليج دام اميره هانم اختج اثنينهم: هههههه بالمانيا... بالفندق سلمى ودانه بغرفه وحده... احمد قاعد بالغرفه اللي يمهم... دانه: صج حلوه بلادهم... نظيفه... حتى ماتجوفين ولا شي صغير مقطوط في الشارع سلمى: اي.. هني اذا تقطين اي شي في الشارع يعطونج مخالفه دانه باستغراب: صج!!! سلمى: ههه.. اي لا تستغربين دانه: عيل احنا.. كل مكان تمشين تجوفين وصخ سلمى: الاجانب يهتمون لهالاشيا وايد... اكثر من العرب دانه: وين احمدي؟؟؟ سلمى: بغرفته يحط اغراضه دانه: تعرفين.. انا وايد مستحيه من احمد سلمى: ليش؟!! دانه: على وقفته معاي... حتى اخذ اجازه بدون راتب عشاني سلمى: هذا اخوج.. اذا ماوقف معاج من بيوقف؟؟؟ دانه: الله يخليه لنا يارب...ويعوضه بخير سلمى: ان شاء الله شوي احمد طق عليهم الباب.. سلمى: نعم؟؟ احمد: انا احمد.. ادخل؟ سلمى: اي اي .. احمد: ها عدلتوا اغراضكم؟؟ سلمى: اي حطيناهم.. احمد: بنتم هني لي مانحصل شقه جريبه من المستشفى.. عالاقل تطلع علينا ارخص من قعدة الفندق سلمى: انا بعدين باتصل في راعية الشقه اللي سكنت عندها... بالضبط يم المستشفى احمد: بس في شقق فاضيه عندها؟؟ سلمى: اكيد بنحصل... لانها ماتأجرهم على المواطنين.. تأجرهم بس على السياح احمد: اهااا دانه: احمد احمد: هلا دانه: متى بنبتدي علاج؟؟ احمد: باجر الصبح لي رحنا بنعرف متى.. سلمى: اتصلت في خالتي طمنتها علينا احمد: لا .. الحين باتصل اتصلوا في ام احمد اللي وايد استانست لما سمعت صوتهم.. طمنوها عليهم.. وقالوا لها ان باجر بيروحون المستشفى.... بالليل في بيت اليده... هنادي: اليوم دانه اتصلت في خالتي نجاة: صج؟؟ شخبارهم؟ هنادي: الحمدلله بخير.. يسلمون عليكم وااااايد نجاة: الله يسلمهم اليده: متى بيبتدون علاج؟؟ هنادي: باجر الصبح بيروحون المستشفى... اليده: الله يردها بالسلامه الكل: ان شاء الله نواف: هنادي.. بتعشين هني والا نتعشى بمطعم هنادي: على راحتك نجاة: تعشوا بره اليوم.. صار لكم فتره ماطلعتوا مع بعض اليده: اشلهم بأكل المطاعم.. خل يتعشون هني.. والا اكلنا مايعجب الست هنادي نواف: ههههههههههههههههههههه... قلبت عليج يدتي اليوم هنادي: هههه.. افا يدتي... ليش مايعجبني . من يوم انا صغيره اكل عندكم... شبيفرق الحين اليده: بعد تاكلون في المطاعم نجاة: ههه... خالتي هذا يسمونه تغيير جو اليده: لا تغيير جو ولا شي.. هذا يسمونه دلع واسراف الكل: هههههه نواف: بس دام يدتي ماتبينا نتعشى بره.. مانروح خلاص هنادي طالعته بنص عين نواف: او... خل نروح اليوم وباجر نتعشى هني.. اشرايج يدتي؟؟؟ اليده: خفت من نظرتها لك؟؟؟ الكل: ههههههههههههههههههه اليده: قوم قوم ودها.. لاتاكلك بلسانها بعدين هنادي: افا يدتي اليده: لا افا ولا شي.. هذا انتوا بنات الحين لي الريال مارضى يسوي لكم شي تتدلعون عليه بعدين نواف: سمعتي هنادي: اسكت... يالله قوم قوم خل نروح في بيت محمد...يوسف وجاسم معاه اليوم...قاعدين يلعبون بلي ستيشن محمد: يالله قوموا صلوا العشا.. من مساعه مأذن وانتوا تقولون كل شوي بنقوم جاسم: الصلاه مابتشرد محمد: اي مابتشرد... مابقى شي وندخل يوم ثاني يوسف: اوف لوعت جبدنا مع حنتك... تبي الصج.. احنا مانصلي ولانعرف القبله وين تصير محمد: من صجكم!!! جاسم: انا كنت اصلي... بس من مشيت مع يوسف قطعت يوسف: والله اللي يبي الصلاه .. ماتفوته محمد: الله يهداكم بس... تعرفون شنو ذنبكم عند الله اثنينكم يوسف: لا تصير لنا شيخ اسلام الحين.. كفايه ابوي محمد: الحين اللي ينصحكم ماتحبون تسمعونه جاسم: الصراحه انا اذا اكون بروحي اصلي... واذا معاه اقطع يوسف: اشفيك انت حاط علي من مساعه... بعدين بعد لي سويت شي غلط بتقول مني انا جاسم: من عاشر القوم... يوسف: والله هذا انا.. موب عاجبك عندك الف طوفه محمد: اشفيكم الحين... لاتقعدون تتهاوشون موب مستعد اسمع صراخكم يوسف: عيل اسكت وخل نكمل لعب هز محمد راسه وقعدوا يكملون لعب... جاسم كان قاعد يجوفهم شلون يلعبون... ( انا من مشيت مع يوسفوا ماادري عن الصلاه... ابي ارد مثل قبل.. ابي اصلي كل فرض بوقته مثل ماكنت ... تقرب محمد لنا هو اللي خلاني احس بهالشي... خل ابتدي من الحين اعدل من روحي واقوم اصلي احسن لي من متابع يوسف اللي ماراح يفيدني بشي... لله يهديك بس يايوسف) جاسم وهو قايم من يمهم... يوسف: وين بتروح؟؟ جاسم: بروح اصلي... محمد استانس من جاسم... يوسف: اوه. حل عليك الاسلام الحين جاسم: اي.. موب عاجبك يوسف: ليش مايعجبني... محمد: زين لا تبتدون مره ثانيه الحين.. روح جاسم صل... والله يهدي اللي هني بعد يوسف: ليش انا مينون عشان يهديني؟؟ العب العب بس مرت الايام و ومرت 3 شهور على وجود دانه بالمانيا... خلال هالفتره ... سلمى بعد اسبوع من راحت المانيا ردت البحرين وطمنتهم على حال دانه ان على حسب تقديرهم علاجها بيستغرق 4 شهور بس... دانه وايد كانت متجاوبه مع العلاج اللي يتبعونه معاها... من اول يوم راحت لليوم....على الرغم من ان هو وايد يرهقها... كل يوم تقريبا تتبع علاج المشي اللي يحاولون يوازنون ريلها فيه.... والسباحه بعد كانت تساعدها وايد عالحركه.... محمد فقد الامل ان دانه تتصل فيه وتطمنه على حالها... لدرجة صار تفكيره الحين بس في الشغل وفي دراسته.. هو الحين في باله ان دانه راح تعتبره من الماضي..... فماحب تفكيره فيها يأثر على حياته.... خلص الكورس الاول وابتدى الكورس الثاني للمدارس والجامعات... جمانه انخطبت قبل شهر لجاسم ولد خالها.. بعد ماجافت اليده ان مافي امل محمد ياخذها خطبتها لجاسم... في بيت اليده... محمد: ها شمسوي مع الخطوبه جاسم: تمام والله... محمد: شلون جمانه معاك؟؟ جاسم:... حدها طيبه هالبنت.. تعرف على كثر روحاتي ويياتي بيتهم قبل لا اخطبها ماكنت اعرفها عدل.. لما خطبتها عرفتها زين وعرفت اشكثر انا محظوظ لما خذيتها.. مع اني كنت مستكره ان اخذ وحده من الاهل محمد: الواحد ماياخذ الا نصيبه.. الله يوفقكم ان شاء الله في الصاله الثانيه... اليده: جمانه يمه... شلون جاسم معاج؟؟ جمانه بحيا: الحمدلله.. مرتاحه معاه اليده: الحمدلله .....( كان ودي تكونين من نصيب محمد... بس يالله جاسم بعد خوش واحد) الخاله: متى اعرس يوسف بعد اليده: بيه.. جان على يوسف ... بتصيرين يدة عيال جمانه ولا بتجوفينه معرس الخاله: يمه.. لاتقولين جذي اليده: بعد هذا اللي اجوفه... بس الله يهديه في بيت سلمان... اميره: واااااااااااااااااااي تينن ماشاء الله عليها..... خلود: اكيد طالعه علي سلمان: ههههههههههه... من قال.. الكل يقول طالعه علي.. خلود: لا طالعه علي... ام وليد: هههه.. الحين الياهل صار عمرها وشي... وانتوا للحين تتهاشون طلعت على من خلود: بعد شاسوي .. موب راضي يقتنع انها تشبهني اميره: لا عليك ولا عليها... اصلا طالعه على عمتها.... الكل: ههههه بووليد: بس لاتطلع على لسانج الطويل اميره: يباااااااااااااااااااااا سلمان يقلد عليها: يبااااااااااااااااااا اميره: وين منوي ووليد يجوفونج... وهي تهز الياهل على ريلها.. سلمان: شوي شوي.. لا تطيح من على ريلج اميره: اشفيك .. ماعرف ايود يهال عبالك... ميودتها عدل انا... هذي خوله حبيبتي... متحمله فيها زين انا.... بيت دانه... دخلت البيت والفرحه موب شايلتها.. موب قادره تصدق اللي سمعته.... ساره: يمه... يمه... سلمى.... سلمى وام احمد: خير خير.. ساره والدموع مليانه عينها: باركوا لي.. طلعت صج حامل ام احمد على طول صاحت من الفرحه ولمت ساره: الف الف مبروك..... الله يثبته ان شاء الله سلمى: الف مبروك... ساره: الله يبارك فيكم.. ام احمد: جم شهر قالوا لج؟؟ ساره: الدكتوره تقول ان لي شهر ونص سلمى: الله يثبته ان شاء الله ام احمد: وين خالد عيل... ساره: بيه نسيته واقف عند الباب... ههههه بنادي لحظة راحت ساره تناديه: خالد. خالد.. تعال خالد وهو ياي: تقعتيني اكثر من ربع ساعه ساره وهي تضحك: نسيتك خالد: من الحين خلاج تنسيني ساره: مافي احد يقدر ينسيني اياك دخل خالد البيت.. وباركوا على حمل ساره... في بيت هنادي.... نواف: حبيبتي اشرايج؟؟؟ هنادي: انا ماعندي مانع... بس الله يعيني على حنة يدتي بعدين نواف: ههههه.. احنا بنسكن فوق يعني مابنسمع حنتها طول الوقت هنادي: هي راضيه نبني شقه كامله فوق؟؟ نواف: اي هي اللي قالت لي عدلوا فوق وسووا لكم شقه هنادي: بعد عمري يدتي... نواف: هههه الحين هنادي: انا اموت عليها بس لو ماحنتها
  5. الجزء الثامن عشر... محمد: مابغيت اسمع صوتج دانه بس تصيح ماقاعده ترد عليه محمد: دانه.... حبيبتي...ليش ماتتحجين؟؟ دانه اشهقت مره وحده وقعدت تصيح بقوه...ماقدرت تيود روحها... محمد تخرع من سمعها تصيح: عمري اشفيج؟!! ليش تصيحين؟؟؟... دانه: محمد واللي يسلمك لا تتصل لي مره ثانيه.. مابي اكلمك محمد: شنو.؟!!!!!!!!!! ليش؟؟ دانه تحاول تهدي روحها عشان تعرف تتكلم.. تنهدت بقوه وتكلمت: محمد .. انا مابي اظلمك معاي... انت مالك ذنب تكمل علاقتك مع وحده.... اسكتت شوي بعدين كملت... مع وحده مشلوله ماراح تقدر تسعدك محمد: انتي من قلبج هالحجي؟؟... شنو يعني مشلوله.. انتي موب مشلوله بالنسبة لي... بعدين الشي اللي فيج مؤقت وبالعلاج راح ترجعين مثل الاول.... حتى لو مارجعتي انا ماراح اخليج.. مثل ماكنت متمسك فيج قبل... الحين وبعدين نفس الشي... دانه: لاتحاول تأثر علي بكلامك ذي... انا اعرف انت لو بتواصل معاي..بتواصل بداعي الشفقه.... محمد قطع عليها كلامها: انا اواصل معاج بداعي الشفقه.. الله يسامحج بس... كل هاللمده اللي عرفتج فيها ماعرفتي قدر حبي لج....انا اعرف ان الكلام اللي قاعده تقولينه الحين من تأثير الحادث بس.. ماتقصدينه دانه: لا محمد.. انا اقصده... اذا تحبني صج انساني... انساني ودور لك وحده طبيعيه مافيها شي يعيبها...هي اللي راح تقدر تسعدك انا ماراح اقدر اسوي لك شي... محمد حده متضايق من كلامها: دانه ... لاتقولين هالحجي.. واللي يسلمج لا تخربين العلاقه اللي بيننا.. مافي ولاوحده تقدر تاخذ مكانج بقلبي... ولاوحده راح اقدر ارتبط فيها غيرج... بليز دانه.. غيري الموضوع.. وخل نرد مثل الاول... دانه وهي تصيح: محمد مااقدر... مااقدر احرمك من السعاده اللي تتمناها على حساب سعادتي ... اعرف بتقول اني قسيت عليك بهالحجي.. بس بعدين بتعرف ان كل ذي صح.... محمد: لا موب صح... كلامج كله ذي موب عدل... دانه تبي تنهي المحادثه اللي بينها وبين محمد بسرعه.. ماتقدر تتكلم معاه اكثر.. تخاف تضعف جدامه.. : محمد... من قلبي اتمنى تلاقي البنت اللي تقدر تسعدك بدالي... انا راح احبك لطول عمري... مستحيل انساك بيوم من الايام محمد: دانه.. ليش تسوين لي جذي؟؟؟ حرام عليج... تدرين شلون.. اليوم باكلم يدتي عنج واخليها تيي تخطبج دانه تعرف ان يدته تبي بنت خالته: محمد.. انا ماقلت لك هالحجي عشان تكلم يدتك... انا ابيك تنساني.... واذا تبي نصيحتي.. وافق على بنت خالتك... لان هي الانسانه اللي راح تقدر تسعدك وتنسيك اياني... محمد استغرب ان دانه قالت بنت خالته: يدتي قالت لكم انها تبي بنت خالتي لي؟ دانه: موب مهم هالشي الحين..... انا لازم اسكر مااقدر اتكلم اكثر محمد: باخليج تسكرينه عشان ترتاحين وتفكرين بالكلام عدل.. باجر اكلمج دانه: مايحتاج افكر.. انا قراري خذيته خلاص.... ابيك تمسحني من قلبك ومن بالك محمد: دانه انتي تعرفين شنو قاعده تطلبين.. تطلبين مني ان اذبح روحي.. اذبح قلبي... دانه: مع السلامه محمد... تحمل بروحك... محمد قعد يصيح : ليش صرتي قاسيه علي جذي... ليش؟؟ معقوله ماراح اقدر اسعدج وانتي بهالحاله... دانه انا احبج.. دانه : دانه انتهت خلاص... محمد: لا تقولين جذي... دانه: محمد .. مع السلامه... باسكره خلاص.. سكرت دانه التلفون من محمد..وقفلته للأبد.... وقعدت تصيح بقوه وبحسره على الكلام اللي قالته... ظلمت محمد بقرارها هذا.. وقتلت حبهم معاه..... محمد موب قادر يستوعب كل الكلام اللي قالته دانه الحين.... وحاط بباله انها قالت هالحجي بس من تأثير الحاادث.... دانه في بالها انها راح تتم مشلوله طول عمرها.. مستبعده فكرة رجوعها طبيبعه مثل الاول.... فماتبي تحرم محمد من ان يجوف مستقبله مع اي بنت طبيبعيه.. وخصوصا بنت خالته اللي هي في بالها ان راح تعوضه عنها.... مر اسبوع تقريبا من دانه قطعت علاقتها بمحمد..... محمد طول هالفتره كان بحالة اكتئاب... اشكثر حاول يكلمها بس تلفونها مغلق... ماكان يطلع ابد.. من البيت للشغل ومن الشغل للبيت بس...موب قادر يصدق ان خسر دانته للأبد... يدته كل يوم تفتح له سالفة بنت خالته.. بس هو مطنش لها... اليوم وليد راح يرد لندن ... وايد متضايق من بعاده عن حبيبته وخطيبته هيا.. مايبي يبتعد عنها ولا دقيقه.. هيا بعد نفس الشي... اشكثر قاعده تصيح... هيا بس راحت مع وليد المطار..... الاهل كلهم سلموا عليه قبل لا يروح المطار...وهو كان يبي بس هيا تكون معاه.. اللي طول الدرب كانت تصيح في المطار... وليد ميود يدها: عمري بس لاتصيحين.. مابي جمالج يروح بعدين هيا: هههه... وليد: فديت الضحكه انا.. اي جذي ابيج تضحكين هيا: بتوحشني.. وليد: انتي اكثر حبيبتي... هيا: تحمل بروحك... ولاتطالع البنات هناك وليد: هههه.. ان شاء الله.. وانتي بعد لاتخلين احد يغازلج هيا: ههههه يه موعد طائرة وليد .. فلازم يودعها الحين: حضنها بقوه.. باسها على جبينها.. ماكان وده يباعدها عن احضانه.. خاطره يتم معاها... وليد: تحملي بروحج.. كل يوم باتصل فيج هيا: انت بعد تحمل بروحك... وليد: يالله مع السلامه هيا: في حفظ الرحمن... بلندن... البنات راحول يتعشون بره اليوم... يغيرون جو بعد ماخلصوا امتحانات المنتصف.. هيفا: اخيرا... منى: اي والله اخيرا.. مابغينا نخلص الامتحانات.. والله لاعت جبدنا من الدراسه سوزي: يابنتي.. ده منتصف بس.. بأى علينا نهاية الكورس منى: اي والله .. الله يعيننا هيفا: اليوم راح يرجع وليد؟؟ منى: بيوصل الفجر... سوزي: يوصل بالسلامه ان شاء الله منى: ان شاء الله هيفا: شو اخبار بنت خالتك؟؟؟ صارت منيحه هلأ؟؟؟ منى: الحمدلله.. بس للحين مارخصوها من المسشفى... سوزي: بتتكلمي جد؟؟؟ حتعمل ايه برمضان ؟؟ حتفضل بالمستشفى؟؟ منى: ماادري والله... هيفا: اسبوع الجاي رمضان صح؟؟؟؟ منى: اي والله.. مابقى شي على رمضان.. شلون الجو يكون في رمضان هني تتوقعون؟؟ سوزي: بفتكر انو عادي.. يعني مش راح نحس بوجود رمضان.. لان الناس اللي هنا محدش بيعرف يعني ايه رمضان هيفا: كيف بتحسوا لما تصوموا؟ منى: ههههه.. راح تعرفين لما تصومين... كلها اسبوع وتجربين الصيام قعدوا يقولون لها شنو الاشيا اللي لازم يسوونها برمضان...وهي كانت حدها مستانسه من هالشي...تحس شي جديد راح يدخل بحياتها... مثل لما دخلت الاسلام... بشقة عبدالله وعادل.... عبدالله يفكر بوصول وليد.. ومتضايق ان ماراح يقدر يكلم منى على راحته عادل: ايه.. مالك ياعم؟؟ عبدالله: اشعنده حنفي؟؟؟ عادل: ههههه.. اشفيك.. شايل هموم الدنيا جذي؟؟ عبدالله: وليد اخو منى الفجر بيوصل عادل: صج؟!! زين زين والله عبدالله: اي زين.. عادل: صج ماتستحي.. بدال ماتقول الله اييبه بالسلامه .. عبدالله: الله اييبه بالسلامه... بس انا متضايق اني ماراح اقدر اكلم منى بعدين عادل: اها.... انزين باخلي هيفا تكون واسطه ما بينكم عبدالله: اشفيك انت خبل.. اقول لك ماراح اقدر اكلمها.. لو على جذي.. باجوفها في المحاضره... بس انا مااقدر بس جذي عادل: يعني اشبتسوي.. بتكلمها جدام اخوها؟؟ عبدالله: مينون انا.. مابي عمري.. عادل:: بس اسكت عيل.. صج ماعندك سالفه عبدالله: اووووووووووووووه.. اقوم عنك احسن عادل: براحتك... الحمدلله والشكر في بيت دانه.... خالد وساره يايين يتعشون اليوم معاهم... ساره: صج يبين مكانها دانه... متى يرخصونها بس ام احمد: الدكتور قال بعد اسبوع تقريبا خالد: يعني.. بتم لي رمضان هناك ام احمد: يمكن اول يومين رمضان بس موب اكثر سلمى: اشوه بعد... رمضان حلاته الواحد يكون في بيته ساره: اي والله... احمد: خالد!! خالد: هلا احمد: افكر اودي دانه بره حق علاجها خالد: وين في بالك توديها؟ احمد: انا سمعت ان المانيا ناجحين بهالاشيا... خالد: ميزانيتكم تسمح لكم تودونها حق علاج احمد: ماعرف والله بس اذا نقصتنا نكمل عليهم بقرض خالد: افا احمد بس.. تاخذون قرض وانا موجود... ام احمد: مانبي نكلف عليك ياولدي... انت وراك مسئوليه الحين... خل فلوسك لك انت وساره يمه خالد: تزعليني جذي عمتي.. فلوسي هي فلوسكم... مثل مادانه بنتكم.. هي اختي بعد ساره مستانسه من كلام خالد... احمد: ان شاء الله ماتنقصنا فلوس... بس انا خوفي ان نوديها ومايفيد علاجها هناك خالد: انت عطني تقاريرها.. بادزهم المستشفى هناك ونجوف شنو يردون علينا احمد: اوكي.. باجر اطلبهم من الدكتور عشان اعطيك اياهم سلمى: دنيا... جوفي اشسويتي الكل: هههههههههههههههههههه سلمى: تضحكون ها... لو كابته عليكم زين الكل: ههههههههههه دنيا تجوفهم يضحكون .. هي بعد تضحك معاهم سلمى: والله توني مسبحتها ومبدله ثيابها.. وفوق ذي ماكفاها ثيابها.. ثيابي بعد لعوزتهم دنيا كبت العصير على ثيابها وثياب امها خالد: جوفو شمسويه في ويهها.. لعوزت روحها من الزين.. جبن... عصير... كاتشب...كل شي دنيا: هههههههههههههههههههه احمد: فديتهم اللي يضحكون انا.... سلمى: اي دلعها انت بعد خالد: ساره.. ابي بنت مثلها... عشان تغربلج وانا اضحك عليج الكل: ههههههههههههههههه ام احمد: الله يعطيكم ان شا ءالله ساره: يمه تفاولين علي احصل وحده مثل شطانتها ام احمد: ههههههه.. اشفيها .. تينن ماشاء الله عليها.. على الاقل مسوية لنا جو هني بالمستشفى دانه حدها متملله من رقدتها هناك....فوق هاي للحين متضايقه على محمد... بس تستبعده من بالها لما تجوف حالتها شلون.... دانه طلبت من احمد اييب لها رقم ثاني.. بحجة ان بطاقتها احترقت ... كان بيطلع لها بدل فاقد بس هي قالت له انها تفضل رقم يديد... خذت تلفونها واتصلت في هنادي... اللي كانت مندمحه بسوالفها مع قيس (نواف) هنادي: عمري.. هذي دانه متصله.. باجوفها اشتبي.. واكلمك بعدين نواف: اوكي.. بس لاتتأخرين علي... والا بارقد هنادي: ياحبك حق النوم....يالله خل اجوفها بسرعه اشتبي بندت من نواف وردت عالخط الثاني دانه: اوف... مابغيتي تردين... كل ذي عشان قيس هنادي: ههههه... شاسوي.. ذابحني بحبه دانه: الله يعينج ياليلى بس اقول هنادي: هههههه.. عن التمصخر يالله دانه: ههه.. هنادي.. حدي متملله.. ابي ارد بيتنا بسرعه هنادي : اعرف شعورج عدل... كريهة قعدة المستشفى دانه: وايد... هنادي: ماقالوا متى بيرخصونج؟؟ دانه: الدكتور يقول بعد اسبوع تقريبا هنادي: وي .. يعني بيي رمضان وانتي للحين مرقده دانه: اوف سكتي.. حدي منقهره على هالشي.. هنادي: يالله ماعلي استحملي... بعد شتسوين دانه: خلصتي سالفة انسحابي من الجامعه هنادي: اي خلاص... اليوم خلصت كل شي دانه: مشكوره حبيبتي... ماعرف بدونج شاسوي هنادي: عشان تعرفين انج ماتقدرين تستغنين عني دانه: عدال بس... تموا يسولوفون مع بعض اكثر من نص ساعه... نواف كان ينتظر هنادي لي مارقد عنها.. بعد ماسكرت دانه التلفون على طول اتصلت في نواف... اللي بعد عشر رنات رد عليها نواف: الوووووووووووو هنادي: عمري رقدت!! نواف: اشدراني فيج... نسيتيني من جفتي دانه اتصلت فيج... رقدت انا هنادي: بعد عمري والله.... عيل خلاص اخليك تكمل رقاد... سوري ازعجتك نواف: هي هي... شنو تخليني ارقد... خربتي رقادي تبين تسكرينه الحين هنادي: ههههههههه.. صج عيار.. قول تبي تسولف نواف: اي ابي اسولف... في بيت وليد... ام وليد: مسكينه هيا.. اشكثر صاحت اليوم اميره: اي مسكينه.. كسرت خاطري.. خلود:بعد اسبوع تموا مع بعض بس...تعرفون توهم مخطوبين خاطرهم يقعدون اكثر بووليد: يالله.. كلها جم شهر ويرد لها ولنا ان شاء الله خلود: سلمان وايد تأخر ام وليد: الحين بيي.. اشله مستعيله جذي... توها الناس اميره: اي قعدي معانا... باجر اجازه خلود: مسكين ماتعشى... من الصبح هو في الشغل بووليد: اي هالاسبوع صايدهم شغل وايد مساكين.. الله يعينهم ام وليد: قعدي... خل ايي هني وتعشوا معانا خلود: لا خالتي.. مانبي نكلف عليكم ام وليد: هو... شتكلفون علينا... هذا بيتكم.. حالكم من حالنا خلود: مشكوره خالتي اميره: خلاص تقعدون تتعشون معانا... بغرفة محمد... مشغل اغنية ترحل لعلي بحر.. داش فيلينغ حده وهو يفكر بدانه.. لهالدرجه طاوعها قلبها تقطع العلاقه اللي بيننا... بس عشان اللي صادها.... ياما ناس صادهم اخس من اللي هي فيه بس عايشين حياتهم... ماخربوا سعادتهم على حساب شعورهم بس... ياريت تعطيني فرصه اكلمج بس... احاول اقنعج ان اللي سويتيه غلط...شلون راح اقدر اعيش من دونج انا... مستحيل اتخيل روحي مع انسانه ثانيه غيرج.. مستحيل..... وهو يفكر فيها طاحت دمعه من عينه .... بعد ماشعلتي شمعتي تطفينها بيدج مره ثانيه..... ااااااااااااااااااه... بغرفة سلمى واحمد ... سلمى: احمد.. اذا تحس الفلوس بتنقصكم لعلاج دانه.. اقدر اعطيك فلوس ايجار البيت.. احمد: هذي فلوسج وفلوس دنيا.. مستحيل انا اخذ منهم فلس واحد سلمى: احمد.. فلوسنا هي فلوسك احمد: بس مايصير المس منهم فلس واحد.. ذلين موب من حقي.. سلمى: انزين اعتبرهم سلف.. لي صار عندك فلوس بعدين رجعهم احمد: لاتحاتين انتي.. اذا نقصتنا فلوس ماراح اخذ من احد غريب.. باقول لج سلمى بابتسامه: وعد؟؟ احمد: اي وعد احمد وهو يقعد على السرير يم سلمى: الله لايحرمني منج.. سلمى: ولايحرمني منك مر اسبوع كامل... خالد دز تقارير دانه المانيا.. وينتظرون ردهم الحين ... وليد من وصل لندن ابتدى يشتغل على مشروع التخرج...( يبي يخلص بسرعه,, مشتاق لهيا) منى تمت مع سوزي وهيفا بالشقه... وليد سكن مع ربعه اللي كان قاعد معاهم قبل.... طول هالاسبوع.. وليد كان يوميا يتصل بهيا يسولف معاها.... بغرفة هيا.. بعد ماسكرت التلفون من وليد... قعدت عالكرسي.. مدت ريلينها على طول الكرسي.... تفكر بوليد وهي تلعب بشعرها.... تذكرت يوم الملجه.. وشلون كانت مستحيه منه.. ويوم كانوا قاعدين بالميلس.. لما كان يجوف شعرها ناعم والا لا... تذكرت طلعتهم مع بعض من اول يوم لي قبل لايسافر......لما كانوا في المطعم يتغدون... يوم راحوا محل الساعات وشروا ساعه مثل الشي.. عشان يتذكرون بعض طول ماهم بعيدين ...... تذكرت طلعتهم عالبحر..... قعدت تذكر كل لحظة عاشتها وقضتها مع وليد.... بالمستشفى... دانه: اووووف.. متى يخلصون هاليومين واترخص هنادي: هالكثر متملله؟؟ دانه: اكثر بعد ام احمد: ماعلي يمه.. مابقى شي ساره وهي تتحسس راس دانه: جوفي شلون مخيطين لج دانه: اي جفته مساعه في المنظره... اميره: افتكيتي من العمامه اللي كانت على راسج هههه دانه: هههه.. اي والله.. وايد كانت مضايقتني... احس شعري خاس بدون ماي وشامبو... بس اروح البيت بافركه فرك... باطلع وسخ هالمده كلها الكل: ههههه.. ساره: الله يعين الحمام عيل ام هنادي:..باجر رمضان ها ام وليد: صج الايام تركض بسرعه ام احمد: كل من عمرنا ام وليد: خلصتوا اغراضكم؟ ام احمد: انا خليت سلمى واحمد يشترون الاغراض هالمره ام هنادي: انا بقى لي جم شي.. اليوم باروح مع ابوهنادي نكمل اغراضنا.. وانتي خلصتي؟؟ ام وليد: اي من زمان...الله يخلي هيا.. ماقصرت معاي.. هي اللي ودتني الجمعيه هيا ابتسمت لام وليد.. ام هنادي: فيها الخير هالبنت والله... يعطيها العافيه هيا: مشكوره خالتي هنادي: عدال ياللي تستحين عاد هيا بصوت واطي: جبي زين.. هنادي: اي ..خلي خالتي تسمع طولة لسانج.. موب خادعتها بنعومتج اميره: ههههه.. هيا.. دام هذي رفيجتج راحت عليج هنادي: جبي زين انتي.. ياحبج حق التشوش بس اميره: كيفي دانه: ههه. اجوف رديتوا مثل قبل اميره: لالا.. بس نتغشمر رن تلفون ساره... كان خالد متصل فيها ساره: ان شاء الله... الحين باطلع ساره: مع السلامه قامت من على الكرسي,, سلمت على اختها عشان تطلع.. ام احمد: وين يمه.. تو الناس... ساره: باروح مع خالد نشتري اغراض.. ماشرينا ولا شي لرمضان دانه: بتيين بعدين؟؟ ساره: اذا خلصنا من وقت.. بايي ام احمد: سلمي على خالد... وتحملوا بروحكم ساره: ان شاء الله.. يالله مع السلامه الكل: مع السلامه بيت يدة محمد... اليدة تتحجى في التلفون.... اليده: ان شاء الله ...بس انتي ادعي ان هو يوافق اليده: اي انا حاجيته... بس هو للحين مارد علي اليده: ماعلي... بس ايي باكلمه في الموضوع مره ثانيه... اليده: ان شاء الله... ان شاء الله اليده: مع السلامه سكرت التلفون ... ومحمد كان توه داخل بيت يدته محمد: السلام عليكم اليده: عليكم السلام وهو يبوس راس يدته: شخبارج نينه؟؟ اليده: الحمدلله.. اسأل عنك.. وينك هاليومين... لامريت علي ولااتصلت؟؟ محمد: مشغول مع الشغل.. اليده: اقعد يمه.. باخلي سيتي تييب لك شي تاكله محمد: مالي نفس يدتي اكل الحين.. بعدين اليده: مايصير يمه جذي.. محمد: مابي شي.. تغديت متاخر اليوم اليده: وهي تعدل بقعدتها: توه خالتك مشاعل سكرت التلفون من عندي محمد: صج؟؟ شخبارها؟؟ اليده: الحمدلله.. بخير.. سلمت عليك محمد: الله يسلمها اليده: يمه فكرت بالموضوع؟؟ محمد: اي موضوع؟ اليده: موضوع جمانه محمد اتنرفز من يابت له طاري السالفه مره ثانيه: نينه.. انا قلت لج رايي بهالموضوع من قبل اليده: لا ماقلت لي... محمد: قلت لج اني ماافكر في بنت خالتي... اليده: واشفيها بنت خالتك ماتفكر فيها.. محمد: مافيها شي... بس انا مااحبها اليده: يمه... الحب ايي بعد الزواج.. يعني راح تحبها بعدين... كا احنا تزوجنا من غير ما نحب..بس الحمدلله عشنا مرتاحين محمد: قبل غير والحين غير اليده: لا غير ولا شي.. محمد: انا مابي اتزوج بنت خالتي.. هذا قراري وخلاص اليده بعصبيه شوي: بس انا عطيتهم كلمه.. وقلت لهم انك موافق محمد حده عصب منها: شلون تعطيهم موافقتي.. وانتي تعرفين رايي بالموضوع زين... اليده: لان اعرف ماراح تاخذ وحده غير بنت خالتك محمد: نينه.. سكت شوي.. تدرين شلون.. انا ارد بيتنا احسن لي... وهو قايم من على الكرسي عشان يطلع اليده وهي تناديه: يمه وين بتروح.. تعال اقعد معاي.... محمد: باروح اقعد في البيت احسن.. ولي شلتي هالسالفه من راسج بارد لج.. مع السلامه.. اليده: محمد.. محمد... تعال يمه. وين بتروح مارد عليها.. على طول طلع من البيت.. ركب السياره وهو معصب عليها.. اليده: اووفف.. اشسويت انا... بدال ماخليه يوافق عليها بروحه.. قعدت اغصبه...فوق ذي خلاني وراح... بالسياره.. محمد يفكر بكلام يدته...وهو معصب عليها.. شلون تعطيهم موافقتي... انا مستحيل ارتبط بوحده غير دانه... حتى لو هي شايلتني من بالها الحين.. ماراح افكر باحد غيرها.... لو اقدر اكلمج بس... جان كل شي بتغير.... بيت اليده...بالصاله نجاة:افتكينا.. خلصنا اغراضنا كلهم اليده: اي اشوه... متى ايي باجر.. ياني متشوقه حق شهر الخير نجاة: انا بعد..... وحشني جو رمضان بالبحرين.... نواف: انا بعد.. مع اني ماتذكر شلون كان نجاة واليده: ههههه اليده: عيل وين عصفور الكناري عنك اليوم نواف: طاير عني.. رايح المستشفى لبنت خالته اليده: اجوفك... قاعد في حضنا نواف: افا يدتي... مثقل عليج بقعدتي.. خلاص باروح اقعد بغرفتي عيل اليده: اقعد زين.. يازعم تزعل بعد.. اقعد لا اطقك الحين نواف: ههههه.. لالا دام السالفه فيها طق.. باقعد عيل الكل: هههههه نجاة: بتودينا المستشفى لدانه؟؟ نواف: متى تبون تروحون نجاة: وقت ماتقدر نواف: بعد صلاة المغرب زين؟؟ اليده: لا .. شنو بعد صلاة المغرب.. وايد متأخر الوقت.. الحين ودنا نواف: دام الغاليه طلبت اوديكم الحين.. اوديكم... اليده: الله لا يحرمنا منك... نواف وهو يفرص خدودها: ولايحرمنا منج اليده وهي تطقه على يده: نزل يدك عني... وهي تكلم نجاة: جوفي شطانة ولدج نجاة: هههههه.. اقعد عن يدتك اليده: تضحكين بعد انتي ها... نواف ونجاة بس يضحكون اليوم اول يوم رمضان.....الناس كلها عايشه بجو رمضان ... اللي مشغول بالمطبخ يجهز الفطور.. واللي يقرا قران وادعيه بوقت فراغه.. واللي راقد مايدري بالدنيا.. واللي مجابل التلفزيون بس يتابع برامج القنوات ... في بيت دانه... سلمى في المطبخ قاعده تطبخ معاها دنيا اللي مغربلتها... سلمى: ماما دنيا.. قعدي عاقله.. والا قعدتج في الصاله بروحج دنيا: ماابي سلمى: شنو ماتبين دنيا: ماابي الوح الصاله سلمى: عيل قعدي عالكرسي هني. .وانتي ساكته . يالله شالتها من عالارض قعدتها عالكرسي عشان ماتغربلها... احمد كان نازل من فوق .. راح المطبخ لسلمى احمد: ها اشطابخت لنا عالفطور... سلمى: كل اللي تبي احمد وهو يطالع دنيا: اوووه. والله زين قاعده ساكته.. موب مأذيتج سلمى: االحين بس.. ماجفتها من مساعه شتسوي احمد: ماعلي استحمليها الحين.. لي رخصوا دانه باجر.. بتقعد معاها ومابتغربلج سلمى: بعد مابتقعد عاقله احمد: امي بتفطر هني والا بتقعد مع دانه؟؟ سلمى: لا بتفطر معانا.. قالت لي اقول لك تييبها قبل الاذان احمد: اها.. اشوه بعد اليوم الجمعه.. ولا جان ماحصلت احد يوديها المستشفى الصبح سلمى: جان طلبت من ساره توديها بسيارة خالد.. نسيت ان هم اجازه شهر احمد: اي صج بالمستشفى... دانه: يمه... لي رديت البيت اصوم عادي صح؟؟ ام احمد: ماعرف والله...بنسأل الدكتور بعدين دانه: حتى لو قال لي مايصير.. بعد باصوم.. ام احمد: بعد اذا مايصير ماتصير تصومين.. دانه: عيل اتم فاطره طول رمضان.. لالالا.. ماابي.. ماباحس فيه ام احمد: خل نجوف الدكتور شيقول اول في بيت هنادي... هنادي بغرفتها تقرا قرآن...... بوهنادي.. قاعد في الصاله يتابع برنامج ديني... ام هنادي بالمطبخ.. تطبخ الفطور... في بيت ام وليد... اميره قاعد تساعد امها بالمطبخ... وتتفنن بالطبخات اللي مبرزتهم لشهر رمضان... بووليد في الميلس يقرا قرآن... بيت هيا... هيا مع امها بالمطبخ... هيا: يمه.. ام حمد: خير هيا: ابوي وحمد بيروحون ميلس عمي بووليد الليله؟ ام حمد: ليش؟ هيا: عمي قال لي ان كل سنه يبطل ميلسهم يقرون قرآن فيه طول شهر رمضان لي مايختمونه.. وقال لي اقول حق ابوي وحمد عشان يروحون ام حمد: وابوج ماقال لج اذا بيروح او لا؟؟ هيا: قال لي ان شاء الله.. بس ماأكد علي ام حمد: دام قال لج ان شاء الله يعني بيروح.. بشقة ساره... العفسه مليانه المطبخ.. خالد قاعد يطبخ مع ساره الفطور.. ساره: بعدين موب تخليني بروحي.. تنظف معاي خالد: ههه.. ان شاء الله.. انتي تامرين بس ساره: انزين انتبه للي في يدك لا يحترق بيت اليده... اليده بدارها تقرا تقران.. نجاة خلصت من تجهيز الفطور .. قاعده تبرز الحلاوه.. نواف بالصاله يطالع التلفزيون بيت يدة محمد... اليده قاعده تتصل في محمد اليده: للحين زعلان علي؟؟ اليده: عيل تيي تتفطر معاي اليوم... وكل يوم بعد اليده: ماراح افتح لك السالفه مره ثانيه... بس انت لا تقطعني اليده: الله يخليك لي يايمه.. لا تتاخر اترياك انا خلود قاعده تسوي حلاوه في المطبخ... ام وليد قالت لخلود ماتدش المطبخ وهي حامل.. هي راح تسوي لهم الفطور كل يوم سلمان بالصاله يطالع تلفزيون بلندن...بالجامعه.. سوزي: امتى نرجع البيت.. عشان نطبخ لينا؟ منى: انا ماعرف اطبخ هيفا: بالله؟؟ منى: اي.. اعرف اسوي بيض وطماط بس.. سوزي وهيفا: ههههه هيفا: راح نعلمك شلون تطبخي.. بنعلمك اكلات لبنانيه ومصريه منى: يا سلام... هيفا: مساكين عادل وعبدالله.. كيف راحوا يتفطروا؟؟ شو راح ياكلوا؟؟ سوزي: فاست فود.. متل الايام العاديه منى: لا حرام.. رمضان حلاته الواحد ياكل من البيت سوزي: اكيد حيطبخوالوحدهم منى: هم مايعرفون يطبخون سوزي: ماتخافيش... حنديهم وصفات كتيره منى: مايصير نكلمهم في رمضان.. مانبي نخرب صيامنا سوزي: حبيبتي.. انتي مش راح تكلميهم .. حتديهم الوصفه بس في المحاضره... يعني مش راح تؤعدي معاهم منى: اي اذا جذي اوكي قعدوا سوزي وهيفا يكتبون وصفات لعادل وعبدالله وليد كان قاعد مع عادل وعبدالله.. وليد: شنو بتتفطرون اليوم؟؟ عادل: بنشتري فاست فود وليد: من صجك بتتفطر فاست فود.. موب زين.. ثقيل عالبطن عبدالله: بعد شنسوي... مالنا الا اجذي وليد: تعالوا تفطروا معانا.. احنا نطبخ بروحنا عادل: تعرف تطبخ؟؟ وليد: بعد تعلمنا من يينا ندرس هني عبدالله: من علمكم؟ وليد: بروحنا عادل: والله زين وليد: ها تيون اليوم عندنا عبدالله: لالا فشيله.. احنا مانعرف ربعك .. موب حلوه نيي عندكم وليد: مافيها شي عبدالله: لالالا.. خلنا جذي احسن وليد: عيل تدرون شلون... تعالوا اخذوا من عندنا فطور.... عمارتكم يم عمارتنا عادل: اي جذي اوكي.. عبدالله: بس اليوم انزين وليد: يصير خير بعدين طق المدفع.. واذن المغرب..... ابتدت الناس تتفطر... بعد الفطور الناس راحت المساجد لصلاة التراويح... واللي يتيمعون في الميالس عشان يبتدون يقرون القرآن... واللي في القهاوي الشعبيه اللي عدلوها لرمضان.. ومتابعة البرامج الرمضانيه... اليوم الثاني.. دانه رخصوها من المستشفى... الدكتور قال لها تبتدي تصوم بعد يومين... كانت وايد متضايقه من الحاله اللي هي فيها.. كانت روحتها وييتها في البيت على الكرسي المتحرك... بس سوت روحها عاديه جدام بيتهم.. عشان ماتضايقهم معاها.... اكثر الوقت تقضيه مع دنيا اللي منسيتها الحاله اللي هي فيها... دانه كانت حاطه دنيا على ريلها وتدغدغها... ونفس الشي دنيا .. تدغدغ ريل دانه.. دانه كانت تحس بريلها لما تدغدغها دنيا,,, بس ماكانت تعرف ان هالشي دليل على انها تقدر تمشي مره ثانيه.. عبالها شي عادي.. فماقالت لاحد.. حسته شي موب مهم مر نص رمضان... ويه القرقاعون.. اللي الكل مستانس بهاليوم.. اليهال تدور عالبيوت تقرقع... والاغاني القديمه اللي يرددونها الصبيان في الفرجان... عادل وعبدالله تعلموا يطبخون من الوصفا ت اللي عطوهم البنات... يه العيد.. والفرحه شايله الكل بهاليوم... العايله كلها اجتمعت في بيت اليده حق غدا العيد اليوم....سلموا وعايدوا على بعض... نواف: شحلاتج صايره... هنادي: انت بعد.. صاير احلى من القمر دانه طلبت من امها ان تقعدها عالكرسي.. ماتبي تقعد عالكرسي المتحرك.... مقعده يمها دنيا وتلعب معاها.... الكل متضايق من حالة دانه.. بس خلوها تستنانس بقعدتها معاهم و بالعيد وماتفكر باللي فيها ... اليده: ليش مايبتوا هيا معاكم ام وليد: تروح بيت يدتها اول العيد.. قالت بتيي العصر اميره تكلم ساره: اينن خالد صاير... باغازله خلاص ساره: هههه.. لاتحطين عينج على ريلي,, لاابطهم لج اميره: بل بل بل... هالكثر تغيرين عليه اميره: واكثر بعد قعدا يسولفون كلهم.. ضحك وغشمره... في بيت اليده.. محمد وهو يسلم على يدته: عيدج مبارك اليده: عساك من العايدين السعيدين تيمعوا خالات محمد في بيت يدته.... حتى جمانه كانت معاهم.... بس محمد كان عادي معاها.. موب مستثقلها لان خطبوها له.... مهما كان هي مالها ذنب... مع ان اليده وخالته حاولوا اكثر من مره يقربونهم من بعض ... محمد وهو يطالع جمانه.... هي صح حلوه.. ويبين عليها مأدبه واخلاقها زينه على معرفتي فيها... بس ماتيي صوب دانتي... جمانه انتبهت ان محمد قاعد يطالعها... استحت ونزلت راسها.. هو لاحظ ان هو قاعد يطالع فيها وان هي انتبهت لهالشي.. فعلى طول نزل راسه وعدل من قعدته بلندن.. البنات تعدلوا وكشخوا اخر كشخه... واتفقوا يتغدون بمطعم عربي عادل وعبدالله كانوا اخر شياكه... بيتغدون بنفس المطعم اللي بيروحونه البنات...بس موب معاهم بيكونون مع وليد وربعه... وليد بعد ماكشخ حده اتصل في هيا وليد: صباح الخير هيا: صباح الورد وليد: لاحلى هيا بالدنيا هيا: كل عام وانت بخير وليد: وانت بخير هيا: ها شلون العيد عندكم هناك؟ وليد: للحين ماطلعت والله.. بعدين باطلع.. بنجوف شلون الاجواء عندهم.. مع انها عاديه هني هيا: احنا هني عجيب وليد: لاتحريني..بروحي ميت ابي اكون في البحرين هيا: ليش؟ حق العيد؟ وليد: لا... لج...لانج واحشتني هيا: انت بعد وليد: احبج في بيت اليده... دنيا كانت قاعده عالارض يم كرسي دانه تلعب بالمكعبات اللي يايبتهم معاها.. وهي تلعب وحده من المكعبات اللي عندها راحت فوق على كرسي دانه... باخر الطرف من ريل دانه اللي مادتها عالكرسي... وهي رايحه تشيلها جافت ريل دانه شلون ممدوده.. تذكرت ان دانه كانت على طول تدغدغها في قاعة ريلها.. فحبت تسوي لها نفس الشي... قعدت تدغدغ ريل دانه بيبدنها بقوه.. دانه: هههه.. دنيا لاتسوين جذي يدغدغ كلهم سكتوا من سمعوا كلام دانه..على طول احمد راح لها.. احمد: ريلج تدغدغج؟ دنيا للحين تدغدغها.,, دانه: ههه.. اي.. شيلها عني.. مااقدر احمد: صج؟؟؟تدغدغج دانه: اي.. اشفيك ؟ احمد: يمه .. سمعتي دانه اشقالت...كلكم سمعتوها اشقالت دانه: ههه.. اشفيك احمدي.. ؟؟ احمد: يعني تحسين بيد دنيا دانه: اي.... كل مره تدغدغني دنيا احس فيها احمد: يعني في امل تمشين مره ثانيه.. دانه: صج؟؟ احمد: اي صج؟؟ الدكتور قال اذا حسيتي بأي حركه في ريلج.. راح تقدرين تمشين دانه على طول صاحت ماصدقت كلام اخوها... ام احمد: ليش تصيحين يمه.. لازم تستانسين.. هنادي: خالتي من الفرحه تصيح الكل استانس لها... وقعدوا يصيحون من الفرحه... احمد اتصل في الدكتور وقال له اللي صار مع دانه... فطلب منه يجوف دانه بعد يومين.. في بيت يدة محمد... محمد قاعد بغرفته اللي في بيت يدته... يفكر بدانه.. ياربي... الحين اكثرمن شهر وانا ماادري عنها ولاعن حالتها... حتى مافكرت تتصل وتعايد علي... معقوله نستني بهالسرعه....لالالا.. مستحيل.. خل اتصل في احمد واعرف اخبارها منه... اتصل في احمد عشان يعايد عليه.. ويعرف اخبار دانه مره وحده.. احمد كان في ميلس بيت يدته مع الريايل... نواف: الحمدلله الحمدلله.. يعني في امل من العلاج خالد: بس بنوديها المانيا احسن احمد: اي لازم نوديها... بوهنادي: ردوا عليكم هم؟؟ خالد: اتصلت فيهم امس انا.. قالوا لي بعد اسبوع.. بس دام هي تحس بريلها الحين.. باتصل فيهم اليوم وقال لهم عن حالتها رن تلفون احمد... احمد: هلا عليكم السلام محمد: عيدك مبارك احمد: عساك من العايدين محمد: شخبارك؟ شمسوي؟ احمد: والله الحمدلله.. ادري مافيني خير.. بس تعرف انشغلت مع علاج اختي محمد: لا عادي.. شخبارها هي الحين؟؟ ان شاء الله احسن احمد: الحمدلله بخير... قلنا بنوديها المانيا لعلاجها محمد: صج؟؟ زين والله.. بس بتطولون هناك؟ احمد: مانعرف والله اشكثر بياخذ وقت... للحين ماقالوا لنا محمد: الله يشفيها ان شاء الله... شخبار الاهل؟؟ شمسويين مع العيد احمد: الحمدلله.. كلهم بخير تكلم معاه شوي وسكره... محمد.... بتسافر؟؟؟ يعني ماراح اقدر اكلمها حتى قبل ماتسافر؟؟؟ ياربي ليش جذي؟؟؟ ليش يصير فيني جذي؟؟؟ اكيد راح تطول هناك. ومع الايام بتنساني.. وبتنسى الحب اللي كان ما بينا.... نهاية الجزء الثامن عشر
  6. الجزء السابع عشر هيا تكلم هنادي: مسكينه دانه.. والله ماتستاهل هنادي: لو تجوفين هيا حالتها شلون كانت لما قالها اخوها عن حالتها.. تقطع القلب.. هيا: الله يشفيها ان شا ءالله هنادي: تعرفين.. شالت المستشفى شيل بصراخها....هنادي ماقدرت تكمل قعدت تصيح بقوه...على طول هيا لمتها وتمت تهدي فيها... ام وليد خذت ام حمد على جهة عشان تكلمها... ام وليد: ام حمد ام حمد: خير ام وليد: ابيج تعذرينا ياوخيتي... تعرفين الحاله اللي احنا فيها الحين ... فمابنقدر نخلي وليد يعقد على هيا الحين ام حمد: هووو... من غير ماتقولين يام وليد... انا بروحي كنت باقول لج ان ناجل العقد شوي...حتى هيا طلبت مني هالشي... بعد اللي صادكم موب شي هين... ام وليد: تسلمين يام حمد.. بس ان شاء الله دانه يتحسن وضعها هاليومين .... نخلص الامور كلها ام حمد: ان شا ءالله... الله يشفيها... قبل اذان المغرب هيا وامها استأذنوا منهم وردوا البيت... جافوا ان وجودهم ماله داعي الحين.. لانهم ماراح يقدرون يجوفون دانه.. باجر اييون يزورونها... على اذان المغرب الريايل طلعوا من المستشفى .. راحوا المسيد يصلون بعدين يردون البيت يرتاحون... تموا في المستشفى النسوان والبنات.. واحمد... ام احمد: يمه احمد.. قول للدكتور نبي ندخل نجوفها...ابي اطمن عليها.. والله قلبي مايطاوعني مااكون يمها احمد: يمه ماعتقد الدكتور راح يسمح لنا نجوفها بعد الحاله اللي صادتها اليوم ام احمد: واللي يسلمك روح قول له... وهي تصيح احمد: ان شاء الله .. انتوا روحوا صلوا الحين...ولي رديتوا اقول له ام هنادي: يالله ام احمد.. خل نروح نصلي..هنادي.. منى.. يالله يمه قوموا صلوا راحوا غرفة الصلاة.. وصلوا المغرب... في بيت يدة محمد بعد صلاة المغرب... محمد حده مستعيل يبي يروح المستشفى يجوف دانه.. محمد: يالله نينه.. مابقى شي واتخلص الزياره اليده وهي نازله من على الدري حامله دفتها بيدها: كاني ييت... اشفيك يمه كليتني جذي محمد: بعد مابقى الا ساعه على الزياره.. نخاف تصيدنا زحمة الشارع اليده وهي تلبس دفتها على راسها: هذاني برزت... يالله طلعوا من البيت.. وركبوا السياره عشان يروحون المستشفى بغرفة دانه... دانه بعد اربع ساعات من عطوها المهدئ صحت...كلام اخوها احمد للحين يدور براسها... صادج شلل..صادج شلل..صادج شلل...قعدت تصيح بحراره على اللي صادها... وتتذكر الحادث شلون صار .. عاشت لحظة الحادث مره ثانيه بفكرها... ( كانت طالعه من الصالون عشان تروح الاستوديو تصور... صادتها زحمة الشوارع .. لما وصلت الاستوديو جافته مغلق.. حركت سيارتها بسرعه عشان ماتتاخر على العرس.. كانت الساعه عشر الا ربع... واكيد امها وبيتهم يحاتونها الحين.. على الشارع السريع كانت تمشي فوق 120 وتتجاوز السيارات بسرعه... على نهاية الشارع طلعت عليها سيارة مجاري من الشارع الثانوي .. طقت بريك قوي.. بس ماقدرت تتحكم بسياقتها... طقت بالسياره وصار اللي صار)... شالت فكرة الحادث بسرعه من بالها.. ماتبي تزعج روحها باللي صار لها....... تحس بألم شديد في جسمها كله... وخصوصا يدها اللي طقتها في ريلها....تحاول تطلع صوتها عشان تنادي على امها بس ماقدرت... صوتها كان وايد ضعيف... مدت يدها شوي شوي... وطقت الجرس عشان تنادي الممرضه... بعد خمس دقايق يات الممرضه.. الممرضه: خير دانه؟؟ دانه بصوت ضعيف: ابي امي... نادي امي لي الممرضه: ان شاء الله.. هدي روحج شوي.. الحين اناديها.. من طلعت الممرضه يم الباب على طول يات يمها.. ام احمد: اشفيها دانه؟؟ الممرضه: مافيها الا العافيه ان شاء الله... بس صحت وكانت تناديج ام احمد: بعد عمري بنتي.. على طول دخلت لها... الخالات وبناتهم تموا بره ساره تكلم الممرضه: لو سمحتي اختي.. الممرضه: نعم ساره: مانقدر نجوفها احنا بعد الممرضه: باسأل الدكتور اول.. داخل الغرفه: ام احمد وهي تمسح على راس بنتها وتتلمس ويهها المشوه: شلونج يمه الحين؟؟ ان شا ءالله احسن دانه بس تصيح بصمت.. ماترد على امها.. ام احمد فهمت من صمتها انها ماتبي تتكلم بالموضوع.. فحاولت تغير الجو عنها شوي ام احمد: اييب لج ماي يمه دانه تهز راسها على تحت ان تبي ماي يابت لها ماي وشربتها... ام احمد وهي تمسح دموع بنتها بالكلينكس: هيا وامها يوج مساعه.. كان خاطرهم يجوفونج.. بس بيونج باجر عشان يتطمنون عليج نفس الشي دانه للحين ساكته.. ماتبي تتكلم ام احمد: الحين بعد يدة محمد رفيج احمد بتيي تزورج دانه من سمعت اسم محمد قلبها قام يدق بسرعه.. ودموعها تطيح بسرعه من عيونها...على طول نطقت لامها.. دانه: مابي اجوف احد ام احمد تفاجئت من رد دانه: يمه. موب عدله.. المره طلعت من بيتهم عشانج دانه: مابي احد يجوفني وانا بهالحاله ام احمد عورها قلبها على بنتها.. يودت يد بينتها وقعدت تكلمها بكل حنان وحب ام احمد: سمعيني يمه....اللي صادج الله كاتبه لج... وهذا امتحان من رب العالمين يختبر في صبرج وايمانج..بعدين زين يات على جذي .. قطعت كلامها دانه دانه: الحين اللي صادني زين... انشليت وتقولين لي زين اللي يات على جذي ام احمد: اي ..ناس غيرج حالهم اخس منج.. وبعد صابرين... يمه اللي فيج الحين موب شلل دائم.. الدكتور قال لنا مؤقت تقدرين تردين مثل الاول بالعلاج وهالشي يعتمد عليج... حاولي قد ماتقدرين ماتخلين المرض يسيطر عليج دانه ارتاح بالها لما سمعت كلام امها.. وان اللي فيها مؤقت .. بس بعد احتمال انها ترد مثل الاول ضعيف.. يعني موب اكيد... ام احمد: واذا بتمنعين الناس تجوفج الحين.. مردهم بيجوفونج بعدين.. فليش تعيشين روحج بالنكد والاكتئاب من الحين.. دانه: انا مابي اللي يجوفني يشفق على الحاله اللي انا فيها ام احمد: محد ياي لج بداعي الشفقه... كل اللي ياين .. ياين لج لانهم يحبونج. ويبون يتطمنون عليج.. اسكتت دانه وماردت على امها فواصلت ام احمد كلامها: عيل خلاص.. لي يات يدة محمد استقبليها.. وبسج صياح.. جوفي عيونج شلون متورمه من الصياح.. وويهج شلون صاير ماساه....ابيج تبتسمين.. يالله ابتسمي بسرعه.. دانه موب قادره تغير تعابير الحزن اللي بويهها ام احمد: يالله بسرعه ابتسمي.. والله اذا تميتي جذي باطلع من الغرفه وباخليج تقعدين بروحج دانه: لالا.. لاتخليني بروحي ام احمد: عيل ابتسمي بسرعه دانه ابتسمت ابتسامه خفيفه كلش ام احمد وهي تبوس بنتها: اي.. هذي دانه اللي اعرفها.. الله يخليج لي ان شا ءالله.. باخلي خالااتج الحين اييون يسلمون عليج دانه ردت تعابير الحزن على ويهها مره ثانيه لما قالت لها امها ان بتخليهم ايوونها ام احمد: ها .. اشقلنا احنا... دانه بصوت حزين: خليهم يدخلون. بس مابي احد اييب لي طاري اللي فيني ام احمد: ان شاء الله طلعت وقالت لهم يدخلون بس بدون مايذكرونها بالحادث ولا الي فيها في الشارع.. محمد: حزتهم ذلين بعد يدعمون بعض اليده: شوي شوي يمه.. اشفيك مستعيل جذي.. الحين بيمشي السيد وبتطوف محمد: نينه.. جوفي الساعه جم... مابقى شي عالزياره اليده: مابتشرد المستشفى.. شارع بس من هني وبنوصل ... بغرفة دانه... تموا يسولفون معاها عادي.. وقد مايقدرون حاولوا يغيرون جو الحزن شوي... بس دانه ماكانت معاهم كلش... سرحانه بحالتها.. هنادي: اللي ماخذ عقلج دانه ماسمعتها.. هنادي: اللي ماخذ عقلج بس دانه بابتسامه: من ماخذ عقلي؟؟ هنادي: اللي تفكرين فيهم الحين الكل: هههههههههههههههههههه بعد عشر دقايق اليده ومحمد وصلوا.... محمد اتصل في احمد عشان يقول له ان وصلوا ويوقف له بره الغرفه.. احمد كان توه طالع من غرفة الصلاه... فانتظر محمد يم الغرفه.. مادخل لدانه محمد: قوه احمد احمد: هلا محمد.. وهو يسلم على اليده.. قوه يمه .. شلونج؟؟ اليده: الحمدلله بخير.. انت شخبارك؟؟ وشخبار دانه؟؟ احمد: الحمدلله.. اليده: الله يشفيها ان شاء الله وترد مثل الاول.. بس انتوا تحملوا فيها زين... ولاتخلونها تحتاج شي احمد: ان شاء الله.. الله يقدرنا عليها وعلى اللي فيها محمد.. الله يشفيج ان شاء الله يادانتي.. وترجعين مثل الاول.. وحتى لو مارجعتي ماراح اخليج.. راح اوقف معاج.. لي ماتوقفين على ريلج مره ثانيه احمد: حياج يمه ... .. طق الباب على غرفة اخته عشان يدخل.. عدلوا البنات من قعدتهم وشيلتهم دخل احمد مع اليده.. ومحمد تم واقف بره اللي ميت على جوفة دانه.. ولو بس لمحه منها.. اليده: السلام عليكم الكل: عليكم السلام ام دانه والخالات على طول قاموا لها يسلمون عليها.. ويابوا لها كرسي عشان تقعد.. بس بالاول سلمت على دانه.. اللي قلبها تم يتضارب بقوه من جافت يدة محمد اليده: الحمدلله على سلامتج يمه... خطاكم الشر دانه بابتسامه: الله يسلمج يمه... اليده: خلج دوم ويهج بشوش جذي... طلعي جمالج كله فيها دانه مستحيه من يدة محمد.. اللي من دخلت غيرت جو الغرفه من حالة اكتئاب الى ضحك وفرفشه...وهالشي ساعد دانه وايد ان تغير نفسيتها... ام احمد: محمد شلونه؟؟ شمسوي؟؟ اليده: الحمدلله... كاهو بره ينتظرني مع احمد ام هنادي: خوش ريال محمد.. ماقصر معانا البارحه اليده: عشان تعرفون تربيتي شلون الكل: هههههههه... ام وليد:الله يخليكم لبعض ان شاء الله اليده: ان شاء الله ام احمد: ويرزقه بالبنت الحلال اليده: امين... والله توني اليوم اكلمه عن هالسالفه... دانه فز قلبها.. معقوله محمد قال لها عني؟؟ وانا بهالحاله الحين؟؟ اليده: بس موب راضي يقتنع... دانه ويهها صار علامة استفهام ام هنادي: اشله موب مقتنع.. الحين الواحد يحاول يستقر بأي طريقه اليده: قلت له والله... حتى انا خاطبة له بنت خالته .. شحليلاتها والله.. ادب وجمال واخلاق...مايعيبها شي.. دانه بدت تتنرفز اكثر من الحجي اللي قاعده تسمعه اليده: بس يقول البنت اللي بيستقر معاها هو بيختارها ام وليد: شباب هالزمن.. هم ينقون لهم الحين.. ويمكن وحده في باله.. اليده: لا ماعتقد محمد.. احد في بااله... بعدين ياخذ بنت خالته احسن من الغريب ام احمد: الواحد ماياخذ الا نصيبه... اليده: على قولتكم... دانه دمها قاعد يغلي من القهر... يبون يخطبون له بنت خالته؟؟ وانا وين رحت؟؟ اليده قطعت سرحان دانه.. اليده: يالله يمه.. شدي حيلج... عشان تقومين بالسلامه دانه: ان شاء الله اليده: يالله مع السلامه الخالات: وين .. تو الناس.. ماقعدتي شي معانا اليده: اهم شي تطمنت على دانه... ان شاء الله نييكم في الافراح الكل: ان شاء الله اليد: يالله مع السلامه.. الكل: الله يسلمج وصلتها ام احمد لبره الغرفه.. وسلمت على محمد محمد كان واقف بويه الباب بالعمدا.. عشان من يبطلونه يجوف ويه دانه.. وفعلا لما تبطل الباب.. على حظه الستاره اللي بالغرفه كانت منزاحه شوي.. وصار ويهه بويه دانه.. اللي نظرتها له كانت الم وحزن وقهر محمد.. ماتوقع يجوف دانه بهالحاله.. والتشوهات اللي بوييهها.... ليش نظرتها له جذي..... على الساعه تسع طلعوا الاهل من عند دانه.... ام دانه مابترقد معاها اليوم.. بتروح البيت تاخذ شاور وتبرز لها اغراض.. وتييها باجر من الصبح.. مع ان قلبها ما كان مطاوعها تخليها وتروح.. بس دانه بعد ماخلتها ... لانها تبي تقعد بروحها.. ماتبي احد معاها اليوم... في بيت ام وليد.. سلمان ووليد وابوه كانوا قاعدين بالصاله.. ام وليد ومنى توهم داخلين: السلام عليكم الكل: عليكم السلام بووليد: ها شلونها الحين... قدرتوا تجوفونها ام وليد: اي الحمدلله.. وايد احسن.. اميره: سلمان شلونك؟ سلمان: الحمدلله.. انتي شخبارج؟؟ اميره: اسال عنك... وين خلود؟؟ ليش مايبتها معاك سلمان: راحت بيت امها.. اميره: اها.. انزين عن اذنكم بادخل داري ارتاح وليد: الحين لو خلود هني.. جان قعدتي معانا اميره: اكيد.. بعد مرت اخوي... سلمان: ههههههه دخلت اميرة غرفتها.. خذت شاور سريع.. نشفت شعرها.. بطلت الماسنجر عشان تكلم منى..اليوم تاخرت وايد على اختها.. توها داخله ,,على طول منى طرشت لها منى: وينج انتي.. من مساعه انتظرج اميرة الاحلام: الناس تسلم اول منى: السلام اميرة الاحلام: عليكم السلام منى: قولي لي اشله متاخره؟؟ اميره الاحلام: كنت بالمستشفى منى: ليش؟ اميرة الاحلام: ليش ماتدرين ان دانه سوت حادث البارحه وهي مرقده بالمستشفى الحين منى بخط عريض : شــــــــــــــــــــنــــــــــــــــــــــــو؟؟؟ دانه مسويه حادث!!!!!!! اميره ماقدرت تيود لسانها وماتقول لاختها... فقعدت تقول لها اشصار لدانه بالكامل.. الشي اللي خلى منى تتضايق على بنتها خالتها.. وقعدت تصيح طول الوقت... حتى ماتكلمت وايد مع اميره.. على طول بندت الماسنجر ودخلت غرفتها تصيح.. سوزي وهيفا قعدوا معاها وحاولوا يهدونها... اميره كانت ميته من الخوف ان منى تتصل في امها وتقول لها انها قالت لها. مع انها حلفتها ان ماتتصل... في بيت دانه... ام احمد: ساره يمه.. جان رحتي بيت ريلج .. حرام تخلينه بروحه ساره: يمه شلون اروح وانتوا بهالحاله.. لي ردت دانه البيت باروح له احمد: من صجج بتخلينه بروحه لي مايرخصون دانه... والله حرام عليج سلمى: حرام ساره.. خالد ماله ذنب... روحي له .. اكيد هو محتاجج بعد ساره: خالد بروحه قال لي اتم هني مع امي احمد: اكيد بيقول لج.. بس عاد انتي لا تصرين على اللي قال لج .. المفروض تكونين معاه ام احمد: عدل كلام اخوج ومرته يمه. اتصلي فيه خل اييج.. موب زين بعدين اتم الشقه خاليه مافيها احد.. من كثر ماحنوا عليها بيتهم ان تتصل لخالد عشان ايي ياخذها.. اتصلت فيه وقالت له.. كان حده مستانس لما ساره قالت له ايي ياخها ويروحون شقتهم.. حده مشتاق لزوجته.. وللمتهم في شقتهم الصغيره اثنينهم بس...فماصدق خبر. على طول ياها هههه( ياحليلهم) بغرفة دانه... دانه كانت تتذكر كلام يدته.. وعن خطبتها لبنت خالته.. معقوله محمد بيوافق على بنت خالته؟؟ وانا؟؟ تمت الافكار تودي وتييب فيها..اخر شي.. حطت روحها جدام الامر الواقع اللي خذته من جهتها بس.. انا شنو بافيد محمد في حياته؟؟ ولاشي.. مابقدر اسعده وانا بهالحاله... اشيبي بوحده مشلوله ماتقدر تسوي له شي.. ولاتعتمد على روحها... قعدت تصيح وتصيح.. بنت خالته احسن له.. عالاقل بتقدر تسعده وتسوي لي اللي انا عاجزه اسويه.. بتطبخ له.. تبرز ثيابه.. تطلع معاه.. يروحون واييون براحه.. بدون اي شي يعيق عليهم طلعتهم... وهي تطالع ريلها .. هه. وانا؟؟ ماراح اقدر اسوي له شي بهالريلين ..وهي تصيح .. ماارح اقدر... وقعدت تصيح وتصيح. وتقنع روحها ان محمد بنت خالته احسن له منها ... لي مارقدت وهي بهالحاله... في شقة ساره وخالد... واقفين يم الباب للحين مادخلوا...خالد حاط المفتاح في الباب ومتردد يبطله ساره: اشفيك خالد.. بطل الباب لا.. حر خالد: ساره ساره: عيون ساره خالد: قبل لا ندخل الشقه ابيج تتمنين في قلبج من اول ليلة نسكن هالشقه يتبعها فرح .. وتبعد عنا الهموم والاحزان.. مانبي شي ينكد علينا عش الزوجيه ساره طالعته في عينه وابتسمت: ان شاء الله.. وانت بعد تمنى هالشي خالد: من زمان تمنيته.... حرك المفتاح وبطل الباب .. توها بتدخل يودها من يدها ساره: اشفيك؟؟ خالد: ابيج تدخلين بريلوج اليمين... بس اول تحطين يدج بيدي .. وندخل اثنينا مع بعض ساره: هههههه.. صرنا هنود .. بس ما عليه حطت يدها بيده .. ودخلوا الشقه بريلهم اليمين..بعدين صكوا الباب خالد ميود يد دانه: اخيرا بنسكن بشقتنا... بعشنا الصغير انا وانتي... ساره: انت موب زعلان من اللي صار؟؟ اقصد اني كنت ببيت امي بليلة زواجنا؟؟ خالد: لا حبيبتي... بعدين انتي كنتي ببيت امج بسبب دانه.. بس لو كنتي هناك بس جذي جان زعلت عليج.. وهو يسحب خشمها بيده ساره: هههه.. الله لا ييب اليوم اللي ازعل عليك واروح بيت امي.. حتى لو تزاعلنا ماراح اروح.. باتم في البيت مجابلتك خالد : بعد عمري والله.. خذ يدها وباسها.. بعدين باس جبينها... احبج ساره بحيا: انا بعد احبك.. يوم ثاني الصبح بلندن بالجامعه... منى حدها حزينه على اللي صار في دانه.. ماقدرت ترقد من كثر ماكانت تفكر فيها.. كل هالشي يصير وانا ماادري؟؟ حتى دخلت المحاضره متأخره اليوم.. عبدالله كان وايد يحاتيها... دخلت بسرعه وقعدت عالكرسي... ابتسمت ابتسامه كلش عاديه لعبدالله.. بما معنى ابتسامه اصطناعيه.. عبدالله تم طول المحاضره يفكر... اشفيها منى؟؟ انا مازعلتها بشي؟؟ ليش كانت ابتسامتها جافه جذي معاي؟؟ يمكن هي في شي؟؟ لالا ماعتقد والا جان سوزي او هيفا قالو لي... بس ليش مايات معاهم بنفس الوقت!!!!!!!! عادل تحيشر عليه: هي روميو.. اشفيك؟؟ انتبه للمحاضره.. الدكتور من مساعه عينه عليك عبدالله: اشفيك خرعتني.. انا منتبه اصلا عادل: اي منتبه.. وعينك بتطيح على اللي جدامك عبدالله: اوووه.. اسكت عني هيفا افترت عليهم: شو بكم؟؟ شويش شويش.. بدنا ننتبه للمحاضره.. الدكتور: اشششششششششششششششششششش تعدلوا في قعدتهم وانتبهوا للمحاضره.. عبدالله رد لسرحانه يفكر اشفيها منى.. .ومنى ردت لسرحانها في بنت خالتها.. بعد ماخلصت المحاضره.. عبدالله: منى.. منى افترت عليه منى: هلا عبدالله: اشفيج؟؟ منى: بعدين باقول لك عبدالله: قولي لي اشفيج.. جوفي ويهج شلون اصفر.. وحالتج حاله منى عينها امتلت من الدموع.. على طول عبدالله راح يمها وقال لها تقوم معاه.. طلعت معاه من السكشن وراحوا الحديقه عشان يتكلمون.. عادل: اشفيها منى؟؟ سوزي: بنت خالتها عملت حادث وصادها شلل عالد: صج والله؟؟ قالوا له هم بعد السالفه كلهااااااااااااا عبدالله يكلم منى: لا حول ولا قوة الا بالله.. الله يشفيها ان شا ءالله منى تمت تصيح ماقدرت تيود روحها عبدالله: حبيبتي.. لا تسوين بروحج جذي... بدال ماتصيحين ادعي لها تقوم بالسلامه... يالله مسحي دموعج.... الكل قاعد يطالعج.. الحين عبالهم انا مزعلج منى وعبدالله: ههههههههه العصر هيا وهنادي كانوا بغرفة دانه.... دانه: متى بتعقدون انتي وليد؟؟ هيا تغير ملامح ويهها ماتبي توضح لها ان عشانها مأجلين العقد دانه عرفت الشي بروحها.. بس بابتسامتها حاولت تغطي شوي عالموضوع: اعرف ان عشاني مأجلين العقد.. بس انا الحمدلله صرت احسن الحين.. يعني ماله داعي تأجلون.. وليد مابقى له شي ويرد لندن.. لازم تقعدون مع بعض شوي هيا: لالا.. بس لاني ماخلصت اغراضي للحين..من جذي تأخرنا دانه: عينج بعيني اجوف هيا وام دانه وهنادي.. قعدوا يضحكون على دانه وهم يضحكون ام وليد ووليد كانوا يايين: السلام عليكم الكل: عليكم السلام ام وليد: ان شا ءالله دوم هالضحكه.. وليد بعد عمري النعومه: هيا شلونج؟ هيا بحيا: الحمدلله بخير.. هيا: وااااااي قلبي.. مااقدر مااقدر على نعومتها.. الله يعيني لي خذيتها.. وليد: على شنو تضحكون؟؟ ضحكونا معاكم هنادي: نضحك عليك وليد: صج؟؟ !!! دانه: ههه. اي وليد: ليش تضحكون علي؟؟ دانه: اقول لهيا الله يعينها عليك ليعقدتوا وليد انحرج من هيا ونفس الشي هي.. تموا بس يضحكون دانه: يالله وليد متى العقد ان شا ءالله؟ وليد وامه اسكتوا ما عرفوا يردون عليها.. ام احمد على طول تكلمت ام احمد: باجر او عقب باجر خل يعقدون. مافي وقت بعد ام وليد: بس ياختي.... ام احمد: لا بس ولا شي.. دانه هي اللي تبي جذي وليد ابتسم لدانه وهي بعد نفس الشي.. وتشقق وليد على العقد ههههه دانه: هنادي.. عيل وين قيس اليوم عنج هنادي: بالشغل مسكين.. دانه: لا مسكين ولا شي.. بيينا بعدين بلسانه الطويل هنادي: ها.. حدج على نواف الكل يضحك.. والكل متفاجئ من اسلوب دانه اليوم.. وامها بالاخص.. امس ماكانت تبي تجوف احد.. واليوم تسولف وتضحك كانها مافيها شي... ان شا ءالله دوم جذي دانه ماتبي تبين لاهلها انها ضعيفه من اللي صادها.. تبي تبين لهم انها قويه.. خصوصا محمد .. اللي مايندرى شنو مخبية له من اخبار.. دانة: يمه ليش مايات ساره اليوم؟؟ ام احمد: ساره البارحه رقدت مع خالد بشقتهم. ام وليد: صج والله... زين زين.. الله يهنيهم ان شاء الله بغرفة الدكتور.. احمد كان موجود احمد: يعني في امل والا لا دكتور؟؟ الدكتور: قلت لك هالشي يعتمد عليها هي.. وعلى حالتها النفسيه.. اذا هي مستعده تقاوم المرض.. راح تقدر ترجع مثل الاول... بس اكيد بالعلاج طبعا احمد: يارب تشفى الدكتور: ان شا ء الله راح تشفى.. اذا مثل ماقلت لك ...70% راح ترد لكم مثل الاول احمد: الله يسمع منك دكتور قبل المغرب بغرفة دانه.. سمعوا احد يطق الباب...وليد بطله... وليد: عليكم السلام... حياكم حياكم... طلع وليد من الغرفه عشان يدخلون اللي يايين اللي يايين كانوا رفيجات دانه.. هبه وشمه.. هبه وشمه: السلام عليكم الكل: عليكم السلام سلموا على دانه وعلى اهلها... وقعدوا معاها نص ساعه تقريبا...دانه وايد استانست من ييت رفيجاتها.... مر يومين على وجود دانه بالمستشفى... محمد يبي بأي طريقه يجوف دانه ويكلمها.. يبي يطمن عليها.. بس ماحصل هالفرصه... هيا ووليد اليوم الصبح عقدوا على بعض... وليد طاير من الفرحه احمد مع محمد ونواف يتغدون بمجمع السيف ... نواف: شلونها الحين.. ان شا ءالله احسن احمد: الحمدلله... حتى هي ماقاعده تبين لنا انها متضايقه من اللي فيها.. تقدر تقول انها قاعده تتقبل وضعها محمد.. بعد عمري: الله يشفيها نواف: اخيرا خطب وليد ههههه احمد: ههه اي مسكين.. ماجفت شكله اليوم الصبح شلون كان متخرع محمد: هههههه.. الله يهنيه ان شاء الله وهم يسولفون دانه اتصلت في احمد احمد: هلا والله هلا.. هلا بشيخة البنات.. هلا بدانة احمد محمد.. دانتي متصله... ياليتني انا للي اسمع صوتج الحين واكلمج.. والله وحشتيني دانة: ههههههه.. كل هالغزل لي انا.. عيل اشخليت لسلمى؟؟ احمد: سلمى لها غزل ثاني دانه: ههههه.. احمدي اطلب منك شي؟؟ احمد: انتي تطلبين اي شي من غير ماتستأذنين دانة: لاعت جبدي من اكل المستشفى... ابي تييب لي غده معاك احمد: ماطلبتي شي... شنو خاطرج فيه؟ دانة: خاطري بورق عنب.. احمد: الحين غده وغده.. اخرتها تبين ورق عنب بس؟؟ دانة: لان امي بتيين لي عيش بعد شوي.. احمد: ان شاء الله... اخلص غدا واييج دانة: شكلك موب في اليبت... وين قاعد تتغدى؟؟ احمد: لا .. ياي مع نواف ورمحمد رفيجي السيف نتغدى.. سلمى اليوم في بيت امها دانة.. محمد معاك؟؟ !!!!!!! احمد: وينج؟ اشفيج سكتي؟؟ دانة: ها..لا مافيني شي.. بس لا تتأخر اوكي احمد: اوكي.. مع السلامه نواف: من وين متصلة لك دانة؟؟ احمد: من تلفونها؟؟ نواف: اهااا محمد... تلفونها عندها؟؟!! يعني اقدر اكلمها!!! لازم لازم اليوم اكلمها.. ابي اسمع صوتها بس... العصر..بميلس بيت هيا.. وليد قاعد مع حمد اخو هيا وابوها ينتظرها.... يبي يجوف خطيبته بسرعه بغرفة هيا... ام حمد: يابخت وليد فيج... ماشاء الله لا اله الا الله.. صايره احلى من القمر هيا: يــــــمــــــــه... لاتبالغبن عاد ام حمد:لا ابالغ ولاشي.. بعد هاي الصج.. متى اجوفج بشنيول عرسج هيا: وليد يه؟؟ ام حمد: اي.. من زمان قاعد ينتظرج تحت هيا: بروحه قاعد؟ ام حمد: لا مع ابوج واخوج نزلت تحت عشان تقعد مع وليد ... حمد وابوها طلعوا من الميلس. عشان يخلونهم بروحهم هيا من بطلت الباب.. استخف وليد على جمالها... هيا كانت لابسه جلابيه تركواز قطعتها هنديه... موديلها كله طالع بالقطعه... فاله شعرها الكستنائي الطويل اللي يوصل لي تحت ظهرها.. حاطه ميك اب ذهبي ناااااااااااااااعم... وليد: ماشا ءالله لا اله الا الله.. الله نعم علي بهالجمال كله!!! هيا استحت من وليد ونزلت راسها راح يمها.. يودها من يدها.. قعدها عالكرسي.. رفع راسها بيده.... وليد بصوت خفيف: مبروك هيا بنعومه وحيا: الله يبارك فيك وليد: هذي اللي بتذبحني بنعومتها... هيا: هههههه وليد: فديت هالضحكة وراعيتها حط يده على شعرها اللي ريحة البخور فايحه منه.. : زين شعرج ناعم... يعني ضمنت مستقبل عيالي هيا: هههههه.. انت بعد اشوه شعرك ناعم.. يعني اثنينا ضمنا مستقبل عيالنا اثنينهم تموا يضحكون... وليد باس جبينها.. ويود يدها: راح احاول اخليج سعيده معاي طول عمرج.. ماتندمين من اختيارج لي هيا: انا بعد راح احاول اخليك سعيد وماتحتاج اي شي وليد: ان شاء الله اعوضج بحفلة العرس عن الخطوبه هيا ردت عليه بابتسامه منها المغرب بغرفة دانه.. الكل متيمع عندها... حتى يدتها اليوم ياتها.. اليده معورها قلبها على حفيدتها.. انصدمت من شكلها لما جافتها.. ماقدرت تييها قبل لانها ماحبت تنزعج بحالة دانة اول الايام.. نجاة: لا ماشا ءالله.. اليوم وايد احسن صارت سلمى: اي الحمدلله.. دنيا: ماما.. ماما سلمى: نعم حبيبتي دنيا: ابي الوح حق عمو دانه الكل: هههههه دانه: فديتها... ييبها سلمى يمي هني سلمى: بتيننج... مابتخليج في حالج دانه: ماعليه ييبيها. وحشتني جم من يوم ماجفتها سلمى خذت بنتها وقعدتها يم دانه.. دانه: عطيني بوسه بسرعه بسرعه دنيا: اموااااااااااااح دانه: فديتها الجميله.. شلونج؟؟ دنيا: انا دينه دنيا تطالع راس دانه شلون لافينه.. ويدها المجبسه.... دنبه وهي تأشر على يد دانه: شنو ذي؟؟ دانه: هذي جبس دنيا: تبس دانه: اي... ييبي يدج جوفي شلون خشن دنيا تطق على الجبس.. عجبها الصوت تمت تطق وتطق دانه: ههههه. عبالها باب.. الكل: هههههه شوي الا وليد وهيا دخلوا غرفة دانة: السلام عليكم الكل: عليكم السلام.. هلا هلا سلموا عليهم وباركوا لهم عالخطوبه دانة: مبروك هيا,, وهي تبوسها هيا: الله يبارك فيج.. دانة: وليد مبروك.... وليد: الله يبارك فيج دانه وايد استانست ان وليد وهيا انخطبوا... وماخلوا اللي صادها عائق مابينهم... بلندن.. منى متردده تتصل في دانه وتتطمن عليها.. تخاف لي دروا بيتهم يزفون اميره.. بس بعدين تشجعت واتصلت في دانه.. ماتقدر تقعد بس تحاتي بدون ماتعرف حالتها... دانة جافت رقم خارجي بس ماعرفت من: الو منى على طول صاحت من سمعت صوت دانه: هلا دانه.. شلونج شخبارج؟؟ دانه: هلا هلا منى.. انا الحمدلله .. انتي شخبارج؟؟ الي بالغرفه مستغربين من اتصال منى لدانه.. اميره قاعده على اعصابها وخايفه هههه منى: شلونج الحين؟؟ ان شا ءالله احسن دانه: الحمدلله.. انا بخير.. ماصادني شي وليد وامه يطالعون اميره.. ويأشرون لها انها هي اللي قالت ههههه منى: متأكده...!! دانه: يعني لو ما كنت بخير شلون كلمتج الحين وهي تضحك منى ارتاحت من كلام دانة وضحكتها: الحمدلله... والله اني تضايقت من سمعت الخبر.. ماقدرت حتى ارقد دانه: لا تحاتيني الحين.. انا بخير وبعافيه.. كلها يومين وارد البيت منى: ان شا ءالله... يالله تحملي بروحج زين.. دانة: ان شا ءالله .. انتي بعد منى: مع السلامه دانة: الله يسلمج من سكرت دانة التلفون على طول وليد تحجى لأميره: وانتي ماتعرفين تيودين لسانج؟؟ اشله تقولين لها عن دانه اميره: انا اشدراني انكم ماتبونها تعرف,, محد قال لي ام وليد: لازم احد يقول لج يعني.. لازم تعرفين بروحج ام احمد: ماعليه.. ماصار الا الخير... دانه: اي خالتي.. اميره مالها ذنب مسكينه.. بعيدن منى لو مادرت الحين.. بتعرف بعدين .. وهي تطالع ريلها اليده سحبت اميره من يدها لما جافتها مبوزه: يالله سكتوا عن امورتي.. لحد يزفها ويصارخ عليها.. قالت لكم ماتدري اميره باست راس يدتها: محد يعرف لي الا انتي ام وليد: يالله اخذو الدلع الحين اليده: خلها تتدلع.. يحق لها.. هذ اميره الغاليه. وهي تغمز لهم الكل: هههههههههههههه اليده سكتت اميره عشان ماتمد لسانها.. يعرفون لسانها طويل.. ههههه محمد قاعد بغرفته.. ينتظر الوقت يمر بسرعه وتيي الساعه عشر عشان يتصل بدانة.. يدري انها بتبات بروحها اليوم .. سمع احمد يقول لنواف هالشي.. بسيارة نواف... عند بيت هنادي هنادي: عمري.. اعرف اني مقصره معاك هاليومين.. بس تعرف الظروف شلون نواف حط يده على حلج هنادي: اووووش.. مابيج تقولين مقصره معاي.. انا اعرف الظروف عدل... واعرف دانه شنو تعني لج... بالعكس. انا وايد مستانس من وقفتج معاها حتى لو على حسابي... هي محتاجتج الحين.. ولازم توقفين معاها.. والكل بعد نفس الشي... هنادي: بعد عمري والله.... اللي يعجبني فيك انك متفهم وتعرف الواجب عدل نواف: بس؟؟ هنادي: ههههه.. بعد احبك... واحب كل شي فيك و متعلق فيك نواف بصوت دافي: اشكثر!! هنادي: وايد.. وبدون حدود نواف: احبج هنادي: انا بعد.. بغرفة محمد... طقت الساعه 10... يعني اكيد دانة بروحها الحين.. خل اطرش لها مسج اتأكد عشان اكلمها... طرش لها ( حبيبتي.. انتي بروحج الحين؟؟ اقدر اكلمج) دان من قرت المسج. عورها قلبها على محمد... بس ماتبي تظلمه معاها.. فتجاهلت المسج وماردت عليه.. تبي بأي طريقه تخليه ينساها محمد تم ينتظر منها رد لاكثر من نص ساعه بس ماردت... طرش لها مسج ثاني ( عمري اعرف انج بروحج الحين.. بس واللي يسلمج خليني اسمع صوتج... ولو شوي بس) دانة على طول صاحت من قرت المسج.. تعرف شلون محمد قاعد يحاتيها الحين.. وتدري اشكثر هو خايف عليها... ماقدر يصبر اكثر.. على طول اتصل فيها.. فوق الخمس مرات اتصل بس هي ماترد.. محمد.. اوووووف.. ليش حاقرتني؟!! هذي اخر مره. اذا ماردت باروح لها المستشفى الحين طرش لها( اذا مارديتي علي باييج المستشفى الحين) دانه... ها!!!!!!!!!!!!!!! اتصل فيها وردت عليه بسرعه عشان مااييها .. محمد: الو دانة بصوت واطي: الو ........................................................................................................................... نهاية الجزء السابع عشر انتظروا البقيه
  7. الجزء السادس عشر........ بمستشفى السلمانيه........ احمد على طول نزل من السياره دخل قسم الطوارئ.. مانتظر محمد ايي معاه.. كان حده خايف على اخته.... محمد على طول قفل سيارته ولحق وراه..... لما دخل قسم الطوارئ... قلبه حده قاعد يدق... خايف على دانه... ونفس الشي محمد اللي يحس ريله مشلوله من دخل القسم.... احمد جاف ممرض في القسم على طول راح له... احمد: السلام عليكم الممرض: عليكم السلام احمد: اخوي...دانه يوسف بأي غرفه؟؟ الممرض: ماعرف والله.. هم قالوا لك هي هني؟ احمد: اي .. اتصلوا فيني من المستشفى قالوا لي انها بقسم الطوارئ.. الممرض: لحظة اخوي باستفسر لك.. دقيقه بس احمد: بسرعه لو سمحت محمد يكلم احمد اللي هو حده على اعصابه بعد.. اكثر من احمد" ادعي ربك مايكون فيها شي... ان شاء الله كل شي بخير احمد و هو يطق يدينه ببعض : ان شاء الله... الممرض كان ياي عندهم احمد: بأي غرفه؟ الممرض: بالقسم الثاني... تروح يمين بعدين يسار.. الغرفه اللي على يدك اليمين احمد: مشكور اخوي على طول راحوا للغرفه... توه بيدخل بس الدكتور ماخلاه احمد: دكتور اختي اللي هني... دكتور: ماعلي.. انتظر شوي لما اعاين المريضه... دخل الدكتور الغرفه... وصك الباب من وراه.. وهم واقفين بالممر... احمد جاف سلطان ياي يمه سلطان: السلام عليكم محمد واحمد: عليكم السلام احمد: هلا هلا سلطان... سلطان: جفت دانه احمد؟ احمد باستغراب: انت اشدراك ان دانه هني؟؟؟ محمد بعد مستغرب..منو هذا الصبي... وش عرفه بدانه؟؟؟ سلطان: الحادث صار يمي... وانا اللي قلت للمستشفى يتصلون فيك.... ماقدرت انا اتصل محمد واحمد بطلوا عينهم.. احمد: اختي مسويه حادث؟؟؟ سلطان : ليش هم ماقالوا لكم؟؟ احمد: لا .. محد قال لنا؟؟ شلون سوت الحادث... اشصار قول لي سلطان قعد يقول لهم شلون صار الحادث... انا لما كنت اسوق في طريجي للفندق... جفت الشارع زحمه.. ومرور واسعاف... لما جربت من الحادث جفت سياره متقلبه.. وقاعدين يحاولون يبطلون الباب عشان يطلعون اللي فيها..... لمحت السياره.. جفتها سيارة ساره اختك اللي كنت انت تسوقها ساعات... على طول نزلت من السياره.... رحت يم الحادث... لما بطلوا الباب جفت دانه اختك اللي بالسياره... الدم مغطيها من فوق لتحت.... ومغمى عليها..... احمد قطع كلامه: بس شلون صار الحادث؟؟ ماتعرف؟؟ سلطان: لما سالت اللي هناك.. قالوا لي ان سيارة مجاري طلعت عليها... وهي كانت يايه مسرعه.. فماقدرت تتحكم بالسياقه.. طقت بريك قوي .. افترت عليها السياره ... طقت بالرصيف وانقلبت اكثر من مره... محمد: اااااااااخ... بعد عمري... ياربي ماصار فيج شي.. احمد حده كان خايف عليها وخاف زود لما سمع شلون كان الحادث: انزين ماقالوا لك اشلونها الحين؟؟ سلطان: لا والله.. من يابوها المستشفى وهي بالغرفه... ادعي ربك انها تقوم بالسلامه احمد: يارب.. في العرس... ام احمد خلاص ماقدرت تيود روحها....قعدت تصيح على دانه.. حاسه ان فيها شي... الكل قاعد يهديها... مايبون ساره تتضايق.... ساره تكلم هنادي لما يات يمها: هنادي.. وين دانه؟؟ اشفيها امي تصيح؟؟ هنادي ماعرفت ترد على ساره.. هي بروحها ماتدري اشفيها دانه: ها... لابس دانه صادها هبوط مره وحده وطاحت علينا بالصاله... ياربي .. باكحلها عميتها.. اشقلت اانا ساره: صج؟؟؟ من شنو صادها هبوط.. هي مافيها شي هنادي: لا تحاتينها.. ان شاء الله مافيها الا العافيه.. ساره تمت متضايقه على اختها وايد.. وخالد قاعد يحاول قد مايقدر ان يهديها.. ومايخليها تتنرفز... بعد ساعه ساره وخالد طلعوا من العرس.. وراحوا الغرفه اللي حجزوها بالفندق.. ماقدروا يواصلون العرس من كثر ماكانوا يحاتون دانه... على الساعه 12 العرس خلص.. مسكينه ساره ماتهنت بعرسها.. نرجع المستشفى مره ثانيه.. اللي احمد ومحمد قاعدين على اعصابهم ينتظرون الدكتور يكلمهم...بس يجوفون الممرضات تطلع وتدخل بالغرفه حاملين بيدهم ادوات مستشفى... بعد شوي نواف, سلمان , وليد وريايل خالاتهم يو المستشفى... ابووليد: الله يهداك احمد.. جان قلت لنا من البدايه... خليتنا على اعصابنا نحاتي البنت وليد: اشصار لها؟؟ ان شاء الله هي بخير؟؟ احمد: ماعرف والله ... من يينا الدكتور معاها بالغرفه ابو هنادي: بس ما عرفت ليش هي بالمستشفى؟؟ سلطان تكلم عن احمد وقال لهم السالفه... في بيت دانه.. الكل متيمع هناك.... ام احمد قاعده تصيح من قلب على بنتها.. اللي ماتدري شنو حالتها بالضبط.. ام احمد: خلوني اروح لها.. ابي اجوفها... اكيد هي محتاجتني هناك ام وليد: هدي بالج ياختي... لا تسوين بروحج جذي.. ان شاء الله مافيها الا العافيه.. الحين يتصلون فينا ويقولون اشفيها اليده وهي تصيح: شلون تروحين لها وانتي بهالحاله... استهدي بالله يابنيتي.. الكل قاعد يصيح على دانه.. اللي للحين مايعرفون اشفيها.. .. بغرفة ساره وخالد.. ساره: قلبي قابضني على اختي... اكيد صاير لها شي.. ومايبون يقولون لي... خالد: لا تقولين جذي... اكيد مافيها شي ساره: خل اتصل في امي عشان اطمن عليها خالد: ان شاء الله....طق رقم بيت ساره.. عشان يكلمون امها... ردت عليه هنادي هنادي وهي تصيح: الوو خالد: هلاهنادي.. اشفيج تصيحين؟؟ هنادي: ماقدرت تيود روحها..قعدت تصيح زود... دانه سوت حادث.. وهي بالمستشفى الحين خالد موب مصدق: شنو؟؟؟ ساره كانت واقفه يمه: اشصاير خالد.. عطني عطني السماعه.. سحبت منه السماعه وكلمت هنادي اللي ماعرفت تيود لسانها وقالت لها كل شي... ساره على طول طلبت من خالد ان يوديها بيت امها... راحت ساره بيت امها وخالد اتصل في احمد وراح لهم المستشفى... بالمستشفى... طلع الدكتور من غرفة دانه بعد ساعتين... اللي الكل كان قاعد على اعصابه على طول راحوا يم الدكتور... احمد: بشر دكتور... اشفيها اختي دكتور: ابوها وين؟؟ احمد: الوالد متوفي... انا اخوها... انا ولي امرها الدكتور: بس اذا تيي المكتب معاي اشوي الكل: خير دكتور دكتور: خير ان شاء الله...وهو يكلم احمد.. تعال معي راح احمد مع الدكتور مكتبه عشان يقول له حالة دانه.. هنادي كل شوي تتصل في نواف... هنادي: للحين ماعرفتوا حالتها نواف: عمري .. لي قالوا لي باتصل لكم.. لاتتصلين كل شوي.. بروحج جذي تخرعيني هنادي: عمري.. خالتي ماتخليني.. هي كل دقيقه تخليني اتصل.. خايفه على دانه نواف: قولي لها بس نعرف اي شي.. بنخبركم هنادي: ان شاء الله..يالله مع السلامه في مكتب الدكتور.. احمد: خير دكتور... طمني على حالتها.. الدكتور: هي بخير... بس.. الدكتور ماعرف شلون يقول له عن دانه احمد: بس شنو دكتور؟؟؟ الدكتور: احنا الصراحه للحين موب متاكدين اذا اللي صادها مؤقت او دائم احمد حده متنرفز: اشفيها اختي دكتور... قول لي بسرعه الدكتور: اختك صادها شلل بريولها احمد حس كأن ماي بارد صبوا عليه... موب قادر يستوعب كلام الدكتور احمد: شنو؟؟؟ اختي انشلت؟؟؟ متاكد؟؟ الدكتور وهو يحاول يهدي: ياولدي.. انا قلت لك للحين موب متاكدين اذا كان مؤقت او دائم...انت ادعي ربك ان يكون مؤقت احمد: دكتور انت عارف اشقاعد تقول... اختي انشلت.. ويعني احتمال انها ماتمشي.. شلون راح تتقبل الموضوع... شلون راح اقول حق امي ان بنتها انشلت...شلون... ماقدر يستحمل على طول قعد يصيح .. موب مصدق ان دانه الصغيره.. اللي للحين ماكملت 18 سنه. انشلت.. الدكتور: ياولدي .. لاتسوي بروحك جذي.. خل ايمانك بربك قوي... كل شي بيد الله سبحانه وتعالى... وان شاء الله اللي فيها بس مؤقت ونقدر نعالجها.. احمد على طول طلع من غرفة الدكتور وراح لاهله وعينه حمره مليانه دموع.... محمد من جافه على طول طاحت دمعته من عينه حس ان دانه فيها شي والا احمد مابيصيح... خالد: احمد اشفيك؟؟ اشفيها دانه؟؟ احمد موب قادر يتكلم بووليد: وليد يبا.. ييب ماي لولد خالتك...وهو يكلم احمد.. تعال ياولدي قعد هني... نواف: احمد.. قول لنا اشفيها دانه.. لاتخرعنا جذي... توه بيتحجى الا امه والخالات يايين المستشفى... اليده مايات لانها ماتقدر على يية المستشفى.. فتمت معاها نجاة ومرت سلمان ببيت ام احمد ام احمد جافت احمد يصيح خافت اكثر: احمد يمه.. اشفيها بنتي...قولي لا تخبي علي نواف يكلم هنادي: اشله انتوا يايين.. ماقلت لج انا باتصل هنادي: خالتي ماخلتنا... طلعت من البيت الا تبي تيي بو هنادي: بنتها ولازم تيي تجوفها.. زين سوت انها يات ام احمد: ماتقول لي اشفيها دانه؟؟ احمد وهو يصيح : يمه.. دانه صادها شلل كلهم علامة الاستفهام والاستغراب على ويههم.. موب مستوعبين اللي سمعوه: شنوووووووو محمد خلاص.. حس روحه بوادي ثاني.. كأن ريله اللي انشلت موب ريل دانه ام احمد بحسره: شنووووو؟؟ بنتي انشلت؟؟ شلون؟؟ وليش؟؟؟ قعدت تطق على راسها بقوه ... ايا عليج يابنتي .. ايا عليج ماتهنيتي بشبابج... ااااااااااااااااااااااه يودوها الخالات قعدوها عالكرسي... مسحوا على راسها بماي وقعدوا يهدونها... ساره كانت ميته من الصياح على اختها.. كلهم حالتهم ماتسر من سمعوا اللي صار في دانه... بووليد: لا حولا ولاقوة الا بالله... لاتسوون بروحكم جذي.... والله حرام... هونوها وتهون... ان شاء الله بقدرة قادر تقوم لكم بالسلامه ام احمد: ماسمعت اشقال..قال انشلت.. يعني خلاص ماراح تمشي مره ثانيه سلمان: خالتي ام احمد... انا الحين ياي من الدكتور.. قال احتمال انها تمشي مره ثانيه.. انتوا ادعوا لها.. ترجع لكم مثل الاول ام احمد: ودوني لها ..ابي اجوفها... ابي اتطمن عليها بو هنادي: اذا بتدخلين لها وانتي بهالحاله.. ماراح يدخلونج ام احمد: ابي اجوفها.. ماراح احسسها بشي.. بس ابي اجوفها دخلت ام احمد على دانه بعد موافقة الدكتور...معاها احمد وساره ( دانه طلعوها من قسم الطوارئ وخلوها بغرفه خاصه لها ) دانه كان راسها بالكامل ملفوف.. لانها تعرضت لضربة بالراس وسببت لها نزيف خارجي بقوه.. ويدها اليسار مكسوره... واليمين صادها رض... وتشوهات بويهها بسبب الجروح اللي صادتها... من دخلوا انصدموا بشكل دانه... على طول ام احمد راحت يمها احمد: يمه شوي شوي... لاتخلينها تحس بوجودنا.. خليها ترتاح ام احمد وهي تمسح على راس بنتها وتتلمس ويهها: بعد عمري بنتي... شاللي صار فيج.. ياريت فيني ولافيج احمد: صلي على النبي يايمه... ساره بس تصيح على الحاله اللي فيها اختها... مانطقت ولاكلمه... حتى ماقدرت تقعد اكثر وتجوف شكل اختها على طول طلعت من الغرفه وهي تصيح... ام وليد: صلي على النبي يابنيتي..لا تسوون بروحكم جذي خالد راح يمها بسرعه.. خذاها ووقف معاها على جهة بروحهم.. خالد وهو يمسح دموعها بيدينه: حبيبتي.. لاتسوين بروحج جذي... الله يقومها بالسلامه ان شاء الله... انتوا ادعوا لها بس ساره تصيح بقوه : انت ماجفت الحاله اللي هي فيها... تعور القلب... كانها وحده غير موب دانه... ماقدرت تكمل قعدت تصيح زود خالد عوره قلبه على زوجته.. على طول لمها بين يدينه وحاول يهديها... بلندن بشقة البنات.... منى اشكثر قاعده تتصل ببيتهم بس محد قاعد يرد عليها... كان خاطرها تسمع فوضى العرس من جذي متصله منى: اووووووووف... عيزت وانا اتصل محد يرد علي.. سوزي: تلاأيهم مشغولين بالرقص والاغاني منى: من متى وانا اتصل.. معقوله محد انتبه لاتصالي هيفا: ايه اكيد محد منتبه... كل وحده هلأ بتفرجي التانيه موديلها ومكياجها ورأصها منى: ههههه.. تتوقعون جذي يعني؟ هيفا: اي اكيد منى: اكيد ساره صارت حلوه.. هي من غير شي حلوه ماشاء الله عليها سوزي: الفال ليك ان شا ءالله منى بابتسامه: ان شاء الله بغرفة دانه.... احمد: بس يمه قومي عنها خل نطلع.. ام احمد: اطلع واخلي بنتي بروحها هني... لالا.. بارقد معاها.. ماابيها تتخرع لماتجوف روحها بالمستشفى.... احمد: يمه مايصير... الدكتور ماراح يخليج.. بكلامه دخل الدكتور الغرفه مره ثانيه.. على طول راحت يمه ام احمد ام احمد: دكتور واللي يسلمك.. خلني ابات معاها الليله.. مااقدر اخليها بروحها الدكتور بابتسامه: ان شاء الله.. بس اذا بتمين طول الوقت تصيحين جذي ماراح اخليج ام احمد وهي تمسح دموعها بدفتها: خلاص.. ماراح اصيح بعد.. بس خلني ارقد مع بنتي الدكتور: ان شاء الله...بس أي شي تحتاجينه خبري الممرضات ام احمد: ان شاء الله عند الغرفه... احمد كان طالع من غرفة دانه... الخالات: شلونها الحين احمد: للحين ماصحت والله.. بس حالها مايسر ابد وليد: عيل وين خالتي؟ احمد: بترقد معاها.. بوهنادي: زين سوت.. اكيد بنتها محتاجة لها بهالوقت.. وهي ماراح تعرف ترقد بالبيت وتحاتي بنتها بنفس الوقت سلمان: الله يشفيها ان شاء الله محمد حالته ابد ماتسر.. من سمع عن شلل دانه وهو بعالم ثاني... مانطق ولا بكلمه من ذاك الوقت... محمد: يالله انا ماشي احمد.. تامرني بشي؟ احمد: سلامتك محمد.. ماقصرت محمد: يالله مع السلامه الكل: الله يسلمك الخالات والريايل: ماقصرت ياولدي.. يعطيك العافيه.. تحمل بروحك محمد: ماسويت الا الواجب... مشى محمد عنهم وبقلبه قهر وحزن ثقيل على حالة دانه... كان خاطره يجوفها ولو من بعيد.. بس ماجافها.. حتى لما طلعوها من قسم الطوارئ ماقدر حتى يلمحها... بعد ساعه تقريبا طلعوا من المستشفى وردوا بيتهم... اليده ونجاة من سمعوا عن حالة دانه.. تضايقوا وايد... محد قدر يرقد بهالليله... كلهم متضايقين عليها... هنادي وايد تأثرت باللي صار لدانه.. هي اكثر من بنت خالتها بالنسبة لها... طول الليل تقرا قرآن وادعيه عشان الله يشفيها بسرعه وترجع مثل الاول... ام دانه ماغمضت عينها ولادقيقه,, طول الليل تراقب بنتها...وتصيح من قلب عليها... محمد راح بيت يدته اليوم.. هو مواعدها يرقد معاها .. بعدين ماقدر يروح بيتهم .. عشان مايتذكر هله مره ثانيه.. ولايعيش حالة الحزن بروحه بالبيت على دانه... اليده كانت تنتظره مارقدت.. وايد خايفه عليه.. عبالها صار في شي... محمد بحزن لما جاف يدته قاعده: نينه.. للحين قاعده مارقدتي؟؟ الساعه 2 الفجر اليده: يمه وين ارقد وانت للحين مارديت البيت.. عيزت وانا اتصل لك بس ماترد تذكر تلفونه.. ناسيه بالسياره محمد: كنت مع احمد رفيجي بالمستشفى اليده: ليش يمه؟؟ عسى ماشر محمد والغصه واقفة له ببلعومه: اخت محمد الصغيره سوت حادث وانشلت اليد وهي تطق على صدرها: ووووووووي... انشلت؟؟ أي وحده فيهم يمه محمد: دانه يمه اليده: دانه؟؟ اللي يات الخلف عندنا؟؟ محمد: أي يمه اليده: مسكينه هالبنت... توها في شبابها... مااقول الا الله يصبر اهلها على اللي هم فيه.. لاحول ولاقوة الا بالله.. انا لله وانا اليه راجعون محمد: انا رايح غرفتي ارقد.. تامريني بشي اليده: سلامتك يمه... اقعدك لصلاة الفجر؟ محمد: لا مايحتاي.. ياقعد بروحي انا اليده: يالله تصبح على خير محمد: وانتي من اهله دخل محمد غرفته .. قفل على روحه الباب.... خذ دش سريع.. وتيدد.. طلع القران قعد يقرا.. ويصيح من قلب.. تم جذي لصلاة الصبح.. صلى ورقد... يوم ثاني الصبح بالمستشفى.... ام احمد قاعده يم دانه.. ميوده يدها.. وتقرا عليها قران وادعيه..... وهي تقرا حست بيد دانه تضغط على يدها.. طالعت بويهها..جافتها تبطل عينها شوي شوي... على طول راحت يم راسها... دانه بصوت واطي: ابي ماي...ماي ام احمد ركضت يابت لها ماي: هاج يمه.. بطلي حلجج.. وهي تشربها.. شوي شوي دانه بعد ماشربت الماي وانتبهت لامها: يمه انا وين؟؟ اشصار لي؟ ام احمد: انتي بالمستشفى يمه... ماصار لج شي.. كلها جم يوم بس وتردين البيت بالسلامه... حمدالله على سلامتج دانه تطالع يدها مجبسه.. ريلها ماتقدر تحركها. وتحس بالم في جسمها كله: يمه كل هاي اللي فيني وتقولين مافيني شي... قعدت تصيح من الالم... يمه ليش مااحس بريلي؟؟؟ ليش مااقدر احركها؟؟ ام احمد: ماعرفت شتقول لبنتها...وميوده روحها عشان ماتصيح جدامها: يمه ريلج من الالم اللي فيها ماتقدرين تحركينها الحين.. الدكتور قال لنا جذي دانه: يمه تقصين علي... اكيد ريلي فيها شي ماتبين تقولين ام احمد: لا يمه مااقص عليج... اهدي انتي الحين.. الحمدلله يوم قمتي لنا بالسلامه.. بلندن... على الساعه 11 الظهر منى قاعده تتصل ببيتهم بس محد يرد... بعدين اتصلت على تلفون وليد...اللي من جاف رقمها تخسبق موب عارف يشيله... وليد كان قاعد مع بيتهم بالحوش... منى ماكانت معاهم راقده بغرفتها..شلون انا ارد عليها الحين ام وليد: رد عليها يمه.. بس لاتبين لها صاير شي وليد رد على منى وتكلم طبيعي: هلا والله.. هلا بمنوي منى: هلا وليد... وينكم انتوا من البارحه .. عيزت وانا اتصل فيكم وليد: بعد تعرفين.. لاهيين بعرس ساره منى: عالاقل ردوا علي... خليتوني احاتي وليد: لاتحاتين ولا شي... احنا الحمدلله زينين .. مافينا شي. كاهي امي بعد هني كلميها ام وليد: هلا يمه هلا.. شلونج .. شمسويه؟؟؟ تكلمت ام وليد مع بنتها وبعدين بووليد كلمها.. ماحسسوها ان صاير شي ابد... عشان ماتتضايق على بنت خالتها... بعد ماسكرت التلفون.. بووليد: اشوه انها ماحست بشي... ام وليد: أي الحمدلله بعد عشر دقايق من الحجي.. وليد تذكر ان باجر عقده على هيا.. وليد: اقول يبا بووليد: خير وليد: بتكلم ابوهيا عشان يأجل يوم العقد بووليد: أي ذكرتني ياولدي... لازم ناجله.. موب عدله بعد تعقدون الحين وبنت خالتك بهالحاله ام وليد: خل نأجله يومين..لي مانجوف حالة دانه شلون..بعدين تعقدون.. تعرف انت بقى لك اسبوعين هني وترد لندن.. يعني لازم تعقد عليها قبل لا تروح... ومااعتقد خالتك وعيالها راح يزعلون.. لان ماراح نسوي شي.. بتعقدون بالمحكمه بووليد: أي صح.. بعد يومين ان شاء الله.. نجوف الاوضاع شلون وليد: على رايكم في بيت يدة محمد... محمد قاعد من الصبح.. يفكر بحالة دانه.. نزل من غرفته وراح الصاله قعد مع يدته محمد وهو يبوس راس يدته: صباح الخير نينه اليده: صباح الظهر قول... اليده: اقعد تريق معاي... باخلي سيتي تييب لك شاي محمد: لا نينه. مالي خلق اتريق..والحين موب حزة ريوق ... بعدين لي حسيت باليوع باكل لي شي اليده: اتصلت في احمد..وسالته عن حالة اخته؟ محمد: لا والله.. للحين.. بعدين باتصل فيه اليده: أي اتصل يمه.. عشان روح ازورهم في المستشفى محمد استانس لما سمع يدته بتروح تزورهم... اكيد راح يجوفها يعني محمد: صج نينه؟؟ تبين تروحين تزورينها؟ اليده: اكيد يمه... بعد هم ماقصروا معانا في الخلف واادوا الواجب معاي.. الحين دوري ارده لهم محمد بابتسامه: صح كلامج نينه... بعدين اتصل في احمد اساله عن حالتها.. واذا مسموحه الزياره اوديج لها بعد حالة من الصمت لمدة خمس دقايق.. تكلمت اليده لمحمد اللي كانت متردده تكلمه بالموضوع اليده: اقول يمه محمد كان يتصفح الجريده: خير نينه اليده: بغيت اخذ رايك بموضوع.. محمد نزل الجريده من يده: افا عليج.. قولي اليده: انت الحين الحمدلله تشتغل .. وتدرس مسائي..... وماناقصك شي.. وقاعد بالبيت بروحك... محد معاك... محمد: انزين؟؟ اليده: يعني اقول.. ان البيت محتاج لوجود حرمه معاك... احسن من قعدتك وحيد جذي محمد: هههه..انا بعد اقول جذي اليده: صج يمه... محمد: أي صج اليده: عيل اسمعني... اشرايك ببنت خالتك جمانه؟؟ خوش بنت والله.. ادب واخلاق وجمال... ماراح تلقى احسن منها محمد تضايق لما قالت له يدته جذي: نينه.. انا البنت اللي ابي اتزوجها بروحي باختارها اليده: بنت خالتك مافيها شي.. احسن من ماتجوف لك وحده موب من ثوبك محمد: نينه.. بنت خالتي على عيني وراسي.. واعرف ان أي واحد يتمنى ياخذها.. بس موب انا... انا .. قطعت عليه كلامه يدته قبل لايقول لها ان هو مختار وحده وهي دانه.. اليده: وليش ماتكون انت الواحد من اللي يتمنونها.. انت بعد أي وحده تتمناك.. محمد: أي نينه.. بس اليده: لا بس ولا شي... انت فكر فيها عدل وجوف شنو تقرر بالاخر محمد: نينه.. حبيبتي... سمعيني بس... قلت لج انا ماافكر بجمانه اليده: لا تتسرع بالرد علي.. قلت لك فكر وخلاص... محمد كل مايحاول يكلمها ويفهمها ان في بنت بحياته.. بس هي ماتعطي فرصه.. اخرتها من القهر قام عنها وراح غرفته مره ثانيه... في بيت دانه..العصر ساره: يالله احمد لانتاخر.. الحين امي تحاتينا.. ماجافتنا من الصبح بالمستشفى احمد: انزين .. كاني كاني ياي سلمى: يالله انا بعد بارزه ساره: عيل وين دنيا؟؟ سلمى: دنيا من البارحه وديتها ترقد ببيت امي احمد: يالله بسرعه .. شيلوا باقي الاغراض ولحقوني بالسياره ساره مارقدت بشقتهم البارحه.. خالد بعد مارقد فيها.. قلبه مايطاوعه يسكن بالشقه اول يوم من غير زوجته.. فرقد ببيت امه ... بغرفة دانه... ام هنادي وام ووليد توهم يايين.. ام هنادي وام وليد: السلام عليكم ام احمد ودانه: عليكم السلام ام وليدك الحمدلله عالسلامه دانه.. شلونج يمه اليوم؟؟ دانه: الحمدلله خالتي بخير ام هنادي: الحمدلله على سلامتج يمه دانه: الله يسلمج خالتي ام هنادي: شلونج اختي؟؟ ان شاء الله احسن اليوم ام احمد بضيج: الحمدلله بعد عشر دقايق احمد وساره وسلمى وصلوا: السلام عليكم الكل: عليكم السلام ساره وهي تبتسم لاختها: شلونج اليوم؟؟ ان شاء الله احسن؟ دانه بألم وتعب: الحمدلله احمد: لا ماشاء الله... مافيج شي اكو.. تدلعين بس دانه: ههه..اي بس متكسره الكل: ههههه سلمى: الحمدلله دام قمتي لنا بالسلامه احمد راح يم امه يوم جافها راحت يم المغسله: درت انها صادها شلل؟؟ ام احمد: لا يمه.. ماعرفت اقول لها.. ولااعرف شلون اقول لها احمد: انا باقول لها بعدين.. انتوا لا تحسسونها بشي ام احمد: ان شاء الله شوي ويرن تلفون احمد.. احمد: عليكم السلام محمد: شخبارك احمد؟ احمد: هلا محمد.. الحمدلله .. انت شخبارك؟؟ دانه فز قلبها لما سمعت اسم محمد... احمد: لالا الحمدلله.. اليوم وايد احسن... احمد: حياكم الله... تيون باي وقت انتوا احمد: الله يسلمك.. وسلم على يدتك.. يوصل ان شا ءالله احمد بعد ماسكر التلفون: محمد يسلم عليكم الكل: الله يسلمه احمد: يقول بيي المغرب مع يدته عشان يطمنون على دانه ام احمد: حياهم الله ام هنادي: مابغت تطلع يدته مسكينه.. من الحادثه لليوم ماطلعت من بيتهم ام وليد: بنت اصول والله.. فيها الخير دانه.... محمد بيي مع يدته لي!! شلون اييني وانا في هالحاله...ويدته بتجوفني بعد هالحاله... صج فشيله!!! العاليله كلها يات عشان يطمنون على دانه ويتحمدون لها السلامه... بعد ساعتين تقريبا.. احمد طلب منهم ان يطلعون من الغرفه عشان يقول لدانه حالتها بس من غير ماتحس هي بهالشي... وفعلا كل شوي احد يستاذن ويطلع من الغرفه.. لي مابقى احمد ودانه بالغرفه بروحهم... دانه: ليش راحوا كلهم .. محد يبي يقعد معاي؟!!!!!!! احمد: ههه..لالا.. بس يبونج ترتاحين دانه: انا مافيني شي الحمدلله احمد: لا تخافين.. هم برع في الانتظار ماراحوا البيت دانه: قول لهم خل يردون مره ثانيه... اتملل هني بروحي احمد: ماعلي... باقول لهم الحين اييون احمد موب عارف شلون يقول لها اللي فيها.. حده متردد.. دانه حست من ويهه ان فيه شي دانه: اشفيك احمد؟؟؟ احمد: ها .. لالا مافيني شي دانه: علي... عبالك ماعرف اذا فيك شي اولا احمد: دانه.. انا ابي اقول لج... بس توعديني.. ان ماتنفعلين دانه خافت من كلام اخوها وطريقته: خيراحمد؟؟ احمد وهو ميود يدها: دانه.. انتي انسانه مؤمنه وتعرفين ربج زين... وتؤمنين بقضاء الله وقدره دانه حست ان فيها شي جايد من ذي احمد يكلمها بهالطريقه.. على طول صاحت قبل لا يقول لها شي... وتوتر اكثر لما جافها جذي دانه بعصبيه: احمد.. انا اشفيني.. اشصار لي؟؟ احمد وهو منزل راسه.. ماقدر يطالعها بعينها ويقول لها: الدكتور قال لنا ان صادج شلل دانه من سمعت كلمة شلل..صارت بوادي ثاني.. تمنت الارض تنشق وتبلعها اولا تسمع هالخبر..: شــــــــــــــــلل؟؟ احمد: أي شلل بريلج... لاتنفعلين دانه ارجوج... دانه: انت عارف اشقاعد تقول لي .. صادني شلل؟؟ شلون تبيني ماانفعل.؟؟ يعني خلاص ماراح اقدر امشي.. باتم طول عمري كسيحه.. واعتمد على الغير في كل شي... قعدت تصيح بقوه ومن قلب...وهي طق بيدها اللي فيها رض على ريلها.. تحاول تحس فيهم.. بس ماحست بشي.. يعني خلاص انشليت!!!!!!!!!!!.. امي تقول لي ان فيهم الم من جذي مااحس؟؟ ليش ؟؟ ليس انا بالذات؟؟ ياريتني مت ولا صرت بهالحاله؟؟؟ ياليتني مت ولاصرت بهالحاله... اااااااااااااااااااااااااااه.. اااااااااااااااااااااه.. احمد ماقدر يسيطر على اخته لما جافها بهالحاله.. على طول ناده الممرضات عشان يجوفونها... دانه كانت تصارخ عليهم: طلعوا بره.. ماابيكم.. ماابي اشوف احد هني.. طلعوا بره الممرضات واحمد.. وامه وخالاته يحالون يهدونا. بس مافي فايده... طلبوا الممرضات منهم ان يطلعون من الغرفه ويخلونهم معاها عشان يهدونها... بعد عدة محاولات عطوها ابرة مهدئ خلتها ترقد... .. وخبرو اهلها ان محد يدخل عليها الحين.. لي ماتستقر حالتها شوي الكل خايف على حالتها اكثر الحين... ان يمكن تتدهور حالتها زود لما عرفت هالشي.. بس كان لازم تعرف الحين.. قبل لا تكتشف الشي بروحها... اليده: الله يهداك احمد.. ليش قلت لها عن حالتها؟؟ الحين يمكن تزيد حالتها اكثر من جذي بوهنادي: لازم يقولون لها الحين.. احسن من ماتعرف بروحها بعدين وتنصدم بالشي بووليد: هدوا بالكم الحين.. الي صادها شي طبيعي.. لو ماصادها جذي الحين.. بيصير فهيا بعدين.. نواف: صح كلام عمي... انتوا ادعوا لها بس.. وان شاء الله كل شي بيصير هيا كانت يايه مع امها عشان يجوفون دانه هيا وامها: السلام عليكم الكل : عليكم السلام وليد جاف هيا واتخسبق زود عليها.. : عليكم السلام.. بعد قلبي النعومه اللي يايتنا هني.. طالع بعينها وابتسم لها.. هي بعد نفس الشي ام حمد: شلون دانه الحين؟؟ ان شا ءالله بخير؟؟ ام هنادي: والله حالتها ماتسر يام حمد ام حمد: ليش؟؟ عسى ماشر؟؟ ماقلتوا انها صحت والحمدلله بخير ام هنادي: أي ..بس لما درت انها صادها شلل.. انعفست حالتها فوق تحت.. والحين هي راقده بغرفتها بعد ماعطوها المهدئ ام حمد: لاحول ولاقوة الا بالله.. الله يشفيها ان شاء الله الكل: ان شاء الله هيا تكلم هنادي: مسكينه دانه.. والله ماتستاهل هنادي: لو تجوفين هيا حالتها شلون كانت لما قالها اخوها عن حالتها.. تقطع القلب.. هيا: الله يشفيها ان شا ءالله نهاية الجزء السادس عشر...
  8. الجزء الخامس عشر.... في الجامعه... هنادي قاعده مع هيا ودانه بالكافتيريا.... دانه: اخيرا انخطبتي .. افتكينا من حنتج انتي وقيس هنادي: فديته.... الفال لكم هيا: احنا موب متخرعين عالعرس مثلج.. تو الناس علينا هنادي: لي حبيتوا..... وحصلتوا واحد يستاهل .. بعدين بتحنون هيا: لا نبي نحب ولاشي.. احنا جذي مرتاحين هنادي: يعني لي يه احد طق باب بيتكم الحين مابتوافقين هيا: ماادري... يعتمد والله هنادي: جفتي.. يعني ماقلتي لا.. دانه: الواحد ماياخذ الا نصيبه.. هيا: صح... وهم يسولوفون يو بنات يعرفون هنادي يباركون لها عالخطوبه... وهي حدها مستنانسه في شركة الكمبيوتر.. بمكتب نواف واحمد احمد: جان خذيت اجازه... احد يخطب .. وايي يداوم نواف: ماعندي اجازه.. تعرف ماصار لي وايد من اشتغلت... زين بعد هالثلاثة ايام اللي خذيتهم احمد: اهااا..... نواف: شخبارك مع سلمى؟ ان شاء الله مرتاح من الزواج احمد: الحمدلله....مو مقصره معاي في اي شي.... نواف: الحمدلله... وشلون دنيا؟؟ متقبله وجودك في حياتهم احمد: فديتها ... اي متقبلتني.. حتى تنادني بابا الحين نواف: صج؟؟ ياحليلها احمد: تعرف شنو متعلق في هالبنت انا.. احس كانها بنتي صج,, حتى امي وخواتي وايد يحبونها نواف: الله يخليكم لبعض في بيت دانه... ام احمد: دنيا.. دنيا.. تعالي حبيبتي.. اشفيج دنيا واقفه في زاوية الصاله تصيح ام احمد وهي رايحه يمها: تعالي حبيبتي... اشفيج تصيحين دنيا بس تصيح ماتتحجى ام احمد حملتها على يدها, ودتها الحمام تغسل ويهها: اشفيج ماما تصيحين.. قولي لي دنيا: ماما تقتني ام احمد: اكيد مسويه شطانه.. دنيا: ماثويت راحت ام احمد الصاله .. قعدت عالكرسي وقعدتها على حضنها: عيل ليش طقتج دنيا: لانها ثيطانه ام احمد: هههههه.. الله يغربل ابليسج... الحين امج شيطانه دنيا: اي سلمى نازله من فوق.... يات قعدت في الصاله مع ام احمد ام احمد: ليش طاقتها يمه... ييت الصاله جفتها حاشره روحها في الزاويه تصيح سلمى: من شطانتها... دنيا: انتي ثيطانه ام احمد: عيب ماما... مايكلمون امهم جذي سلمى: والله خالتي لو جايفه شمسويت لي فوق ام احمد: شمسويه؟؟ سلمى: خذت البودر مالها ..بطلته ونثرته كله في الصاله... بعدين خذت ماي من الحمام كبته عليه...سوت لي المكان لغلاغه ام احمد: دنيا.. ليش تسوين جذي ماما.... كل هالشطانه وتنكرين شطانتج دنيا: انا العب ام احمد: مو جذي عاد... لي بتلعبين تعالي معاي تحت زين سلمى: لا تدلعينها خالتي وايد.. بتغربلج بعدين ام احمد: ماعلي يمه.. توها صغيره.... سلمى: وين ساره خالتي؟ ام احمد: راحت تييب فستانها من الخياط سلمى: مابقى شي ها... اربعة ايام وتزفونها بيت ريلها ام احمد: اي والله... سلمى: الفال لدانه ان شاء الله ام احمد: ان شاء الله في بيت ام وليد.... ام وليد تكلم ام هنادي عالتلفون... ام وليد: انتي برايج يوافقون اهلها لي بنحجزها بس ام هنادي:... ماعتقد اهلها بيرضون ان تحجزونها بس ... هم ناس وايد ملتزمين.. اكيد ماراح يوافقون بهالشي ام وليد: تهقين جذي ؟؟ ام هنادي: احنا نروح نكلمهم ونجوف شيقولون ام وليد: صار.. بس متى تقدرين تكلمينهم؟ ام هنادي: باكلمهم الحين... اجوف اذا باجر او عقب باجر يناسبهم ام وليد: اي زين.. وليد يبي يخلص الموضوع قبل ردته لندن... تعرفين يوم السبت بسافر ام هنادي: ان شاء الله.. ام وليد: عندج رقم تلفونهم؟ ام هنادي: اي عندي اياه.. ام وليد: انتظرج... لاتتاخرين علي ام هنادي: ان شاء الله.. اتصلت ام هنادي في ام هيا.. واتفقوا ان يزورنهم باجر بعد صلاة العشاعشان يتكلمون بالموضوع... كلمت ام وليد وقالت لها.. بعدين اتصلت في ام احمد واليده عشان يروحون معاهم باجر.... بلندن... عبدالله قاعد يشرح لمنى المحاضرات اللي فاتتها... عبدالله: جوفي.. لازم نرجع المعادله لاصلها.. منى: وايد صعب عبدالله: بالعكس وايد سهل.. مايبي له شي منى: اي مايبي له شي.. انا كنت تجاري.. مافهم شي بالعلمي عبدالله: انتي ركزي معاي.. وكل شي بيصير سهل... منى: ماشاء الله عليك.. تعرف كل كبيره وصغيره بالمقرر عبدالله: انا احب الرياضيات... بعدين ناسيه ان انا كنت علمي... يعني موب صعب علي.. غير جذي ماخذ هالمقرر في الدبلوم منى: ان شاء الله انجح فيه.. مع اني ضامنه الرسوب عبدالله: دام انا معاج لا تخافين... ماباخليج الا لين تفهمين كل شي منى: فديتك والله عبدلله: تعرفين شنو؟ منى: شنو؟ عبدالله: مابقى شي وايي وليد اخوج... بعدين ماباقدر اكلمج منى بضيق: اي.. انا بعد... لازم ارجع لشقته بعدين عبدالله : يعني من الزين ماراح اقدر اكلمج الا بالمحاضره منى: انا ابي اقعد مع سوزي وهيفا.. اتملل في قعدتي مع اخوي.. تعرف هو صبي وانا بنت ماعندنا شي نسويه مع بعض عبدالله: ليش هو مابيرضى تسكنين معاهم لي رد؟ منى: مااعتقد...هو طلع بشقه بروحه عشاني انا عبدالله: قولي له ان تبين تقعدين معاهم... واذا عن الشقه مافيها شي... بنخليه ايي يسكن معانا.. على الاقل يقل عليكم الايجار انتوا الاثنين منى: صج؟؟؟!! عبدالله: اي..بس عاد ان شا ءالله يرضى اخوج منى: ان شاء الله العصر .. دانه قاعده بغرفتها تدرس... عندها امتحان عقب باجر.. وهي مندمجه بدراستها ياها مسج من محمد ( الحلو ناسيني اليوم... والا مشغول بشي عني.. والا فيه شي) دانه بابتسامه .. ردت عليه بمسج ( الحلو عنده امتحان عقب باجر , قاعد يدرس) طرش لها مسج ( الله يوفقه ان شاء الله,,, وحشتيني موووووووووووووت) دانه نفس الشي طرشت له مسج ( انت اكثر) ماكلموا بعض في التلفون,, لان اذا اتحجوا دانه مابتدرس.. بتقعد بس تسولف,,, فبتكلمه بالليل قبل لاترقد.... وليد مع اميره قاعدين بالصاله يتكلمون عن هيا... وليد: تهقين بتوافق علي؟؟ اميره: ههههههههههههه.. هالكثر ميت عليها وعالعرس وليد: مابيها تضيع مني... اميره: وينج يا هيا.. تجوفين شلون معذبه اخوي... يابختج حصلتي لج واحد ميت عليج جذي وليد: تتظيرفين مع ويهج اميره: انا؟؟ لا والله هههه وليد: هاهاهاه خفيفه وليد على اعصابه .. ينتظر باجر الليل ايي بسرعه... في بيت اليده... بالليل... هنادي ونواف قاعدين يتعشون ... اليده ونجاة يطالعون تلفزيون نواف ماد الكفشه (ملعقه) لهنادي ياكلها ... هنادي حدها منحرجه من يدتها ومرت خالها هنادي: نواااااااف.. استحي نواف: من منو تستحين.. مافي احد غريب.. يدتي وامي بس.. بطلي بطلي حلجج هنادي: اي منهم استحي نواف: يه. مافيها شي.. خطيبتي وااكلج.. بعدين هم موب حاطين بالهم معانا.. مندمجين في التلفزيون هنادي: اي لي كنا بروحنا. بس موب جدامهم نواف وهو يحط الاكل بداخل حلجها: اجوف شلون بتستحين الحين هنادي: هههههههههههههه اليده تطق بريلها في ريل نجاة.. التفتت عليها ... اليده: جوفي عصافير الحب... قاعد ياكلها نجاة: هههههههه.. ياحليلهم... مستانين بالخطوبه اليده: محد دلعنا جذي قبل.. الا عيال هالزمن كل شي يسوون نجاة: ههههه.. قبل غير والحين غير... بعدين اكيد عمي دلعج.... هو كان يموت عليج.. معقوله ماسوى لج هالحركات... وهي تغمز بعينها اليده بخجل: هههههه.. الله يغربل بليسج... هنادي: جوف يدتي.. اكيد تضحك علينا نواف: هههههههه,, اشفيج شاكه بروحج الحين... تدرين شلون.. مره ثانيه ناكل بمكان بروحنا.. عشان ماتستحين من اي شي اسويه هنادي: اي احسن.. عشان انا اقدر ااكلك بيدي بعد نواف: بعد عمري والله في الصاله في بيت دانه... دانه: عيل وين دنيا؟؟ سلمى: راقده دانه: اوووه. اشطاري عليها راقده من وقت سلمى: قاعده من الصبح.... احمد: ماخلتني الصبح اطلع.. لزقت فيني لزقه سلمى: انت ماجفتها بعد ماطلعت اشسوت.. سندرتني بصياحها,,,, فوق ذي عفست لي المكان فوق تحت ساره: ياحليلها... ههههه سلمى: ساره.. خلصتي اغراضج كلهم ساره: اي خلاًص... كل شي بارز دانه: انا ثيابي باجر باروح اييبهم... سلمى ثيابج متى بيجهزون؟ سلمى: عقب باجر.. مع ثياب خالتي ام احمد: عاد ان شاء الله مافيهم علل سلمى: لا تحاتين خالتي.. الخياط اللي وديتج له وايد زين.. انا على طول اخيط عنده دانه: بتيون معاي نفس الصالون؟ سلمى: ليش انتي ماحجزتي معانا بنفس المكان؟ دانه: لا انا باروح صالون في القضيبيه سلمى: لالا.. انا هالصالون اللي حجزنا عنده على طول اروحه,, ليش ماتيين معانا دانه: مايصير الحين.. خلاص انا حجزت ودفعت عربون احمد: من بيوديج الصالون؟ انا سيارتي بتاخذها سلمى ساره: بتاخذ سيارتي.. احمد: تحملي فيها عاد دانه: انزين... اللي يقول ماعرف امشي الحين احمد: بعد لازم نقول لج تحملي فيها... دانه: ان شاء الله.. باتحمل فيها احمد: اقول يمه ام احمد: خير احمد: باجر بتروحون تخطبون لوليد؟ دانه بطلت عينها: وليد بيخطب؟ ساره تكلمها بعدال.. اي بيخطب دانه مستانسه له: صج..زين زين ام احمد: اي يمه.. باجر بنروح انا وخالاتك دانه: بتخطبون له من؟ ام احمد: هيا رفيجة هنادي دانه: صج والله؟؟... خوش بنيه.. بس اليوم احنا معاها.. ماقالت لنا ان احد بيخطبها سلمى: للحين البنت ماتدري... باجر بيروحون يكلمونها ويكلمون اهلها دانه: اهااااا... ياحليلح يا هيا.. اليوم بس هنادي تكلمها بهالمواضيع ساره تهمس لدانه: جفتي.. جان الحين يايين يخطبونج انتي دانه: سكتي زين... بعد ساعتين دانه دخلت غرفتها عشان ترقد... بس قبل اتصلت في محمد... محمد: هلا بهالصوت... هلا بالورد.. هلا باللي وحشني صوته طول اليوم دانه: هلا بيك محمد: شلونج حياتي؟ دانه: دام انت بخير انا بخير محمد: فديتج دانه: للحين مارقدت؟ محمد: لا عمري للحين... عندي شوية شغل دانه: يعطيك العافيه محمد: الله يعافيج حبيبتي دانه: عندي لك خبر,, انما ايه محمد: شنو؟ دانه: باجر بيروحون يخطبون لوليد محمد: صج؟!! زين زين دانه: اي محمد: متى ايي دورنا احنا بعد دانه: كلمت يدتك بالموضوع؟ محمد:لا للحين... ان شاء الله جريب دانه: تهقى ماراح تتضايق؟؟ اقصد.. يعني ماصار شي من توفوا اهلك محمد: لا عمري.. بعدين احنا ماراح نسوي شي الحين... بس بنملج.. سكيتي يعني.. دانه: اي اعرف.. بس قلت يمكن تتضايق او شي محمد: لالا. عادي.. بعدين هي بروحها تبيني اعرس اليوم قبل باجر عن الوحده اللي انا فيها الحين دانه: ان شاء الله ماراح تكون وحيد. دام انا معاك محمد: توعديني ..انج ماتتخلين عني.. لو شنو صار دانه: وعد.. محمد: يااااااااااااااااااي.. اموت عليج انا.. احبج احبج احبج احبج احبج دانه: ههههههههههههه.. انا بعد محمد: انتي شنو؟ دانه: اموت فيك محمد: بعد عمري والله يوم ثاني بالجامعه... هنادي ودانه بالمكتبه ينتظرون هيا تييهم دانه: هيا تعرف ان وليد اللي يبي يخطبها؟ هنادي: لا ماتدري..لي راحوا اليوم بيتهم بتعرف دانه: هي قالت لج ان بييون يخطبونها اليوم؟ هنادي: قالت لي ان في ضيوف بيزورن امها الليله.. بس ماتدري من دانه: اها.. زين خلها لها مفاجأة هنادي: بس خوفي ان مايوافقون اهلها دانه: ليش؟ هنادي: اهل هيا وايد متحفظين وملتزمين.. يعني ماراح يرضون ان وليد يحجزها لي يخلص دراسته ويشتغل.. بعدين لاسمح الله يصير شي في هالفتره مابينهم وماخذوا بعض.. بيصير الموقف كلش حساس للبنت واهلها.. دانه: صح كلامج,, بس ليش مايعقد عليها قبل لا يسافرون... هم الحمدلله بخير... يعني يقدرون يخطبون البنت هنادي: وليد خايف ان يرفضون والسبب ان هو مايشتغل للحين دانه: مافيها شي.. هو يخطبها الحين.. ولي رد ان شاء الله واشتغل يتزوجزن بعدين... ابوه مابخليه يحتاج شي..ولا خالتي بعد هنادي: اعرف.. بس مايندرى.. كل شي بنعرفه الليله دانه وهي تجوف هيا يايه من بعيد: زين صكي الموضوع .. كا وصلت يات هيا وقعدت معاهم... بلندن... بشقة البنات هيفا: سمعتوا عادل شو طلب مني؟ منى: شنو؟ سوزي: ايه؟ هيفا: آل بدو اياني اصبغ شعري اصفر والبس عدسات زرق بعيني منى وسوزي: هههههههههههههههههههههههههههههههههههههههههههههه منى: اشفيه اختبل سوزي: والله..بتتكلمي جد؟ هيفا: ايه منى: بعدين انتي تلبسين حجاب الحين.. ليش يبيج تصبغين شعرج؟ هيفا: مو هلاء... بعدين لي تزوجنا سوزي: يااااااااه.. ده بأى وقت كتير هيفا: هو قال انو راح يخطبني نهاية السنه منى: صج؟!!! زين .. مبروك مبروك سوزي: مبروك هيفا: الله يبارك فيكو.. الفال ليكو منى: ان شاء لله سوزي بخجل ومنزله راسها بالارض: وانا كمان السنه دي منى وهيفا: صج؟؟ سوزي بحيا: آه... منى: من سعيد الحظ؟ سوزي: ابن خالتي... امبارح ماما آلت انو طلبني للجواز هيفا: بالله؟؟ سوزي: آه منى: تحبينه؟ سوزي: من واحنا صغيرين. بس ماكونتش متوآعه انو بيحبني كمان منى: حب يسويها لج مفاجاه.. وخطبج من ماماتك هيفا: اي باين عليه هيك منى: طلعتي من تحت لي تحت واحنا ماندري سوزي: يعني ايه من تحت لي تحت دي؟ منى: هههههههه.. يعني ياما تحت السواهي دواهي سوزي: انا دواهي... خذت المخده اللي تحت يدها وقطتها على منى منى وهيفا: هههههههههههههههههه بالليل .. وليد حده على اعصابه بالبيت.. رايح راد بالصاله...معاه اميره وابوه... بووليد: اشفيك ياوليد .. زغللت عينا بروحتك وييتك.. اقعد الله يهداك اميره: اشدراني فيه... اقعد لي يات امي بتعرف اشصار وليد: ماعرف... حدي على اعصابي اميره: واذا ماوافقوا ان تحجزها بس الحين ,, اشبتسوي وليد: اوهووو.. لاتفاولين علي بووليد: اذا ماوافقوا .. بنخطبها رسمي وليد: ها؟!!! بس انا للحين مااشتغلت يبا.. شلون اخطبها؟ بووليد: ماعليك انت.. انا باتكفل بكل شي... ولاتطير منك البنت دام عاجبتك وليد على طول راح يم ابوه: صج يبا؟؟ وهو يبوس يده: الله يخليك لنا ان شاء الله اميره: ماصدق.. هههههههههههههه بووليد: بس انت انثبر بمكان واحد.. تراك عورت راسي بروحتك وييتك وليد: ان شاء الله.. كاني قعدت في بيت هيا.. ام وليد: والله يا ام حمد. احنا يايين نطلب بنتج لولدي وليد ام هنادي: اذا ماكان عندكم مانع يا ام حمد ام حمد: دامه يصير ولدكم.. اعطيكم بنتي وانا مغمضه...لكن لازم ناخذ راي البنت اول ام وليد استانست من كلامها...اكيد ام حمد: بس الولد وين يشتغل؟ ام وليد: ولدي للحين يدرس... اخر سنه له بلندن.. وان شاء الله لي اشتغل على طول بنخطب البنت رسمي ام احمد تكلمت ورا ام وليد بسرعه: ياختي يام حمد.. احنا بغينا نحجز البنت لوليد لي مايخلص دراسته ويشتغل... طبعا بعد موافقتها وموافقتكم ام حمد تغيرت ملامح ويهها لما سمعت ان هو مايشتغل ... ويبون يحجزونها لي مايرد.: اي ..بس صعبه شوي جذي... يعني الولد للحين ماخلص دراسته ولااشتغل.. غير هذي تبون تحجزون البنت لي مايخلص.. لاسمح الله صار شي وماانكتب لهم ان ياخذون بعض... الموقف بيصير وايد صعب علينا وعليكم.. ويتوقف نصيب البنت بعدين... اليده: انا معاج بعد يام حمد.. بس البنت احنا شارينها.. ام حمد: يا جماعه.. حتى لو انا وافقت.. ابوها ماراح يوافق بهالشي... ام وليد جافت ان يتقدمون رسمي ويعقدون احسن طريقه: زين اشرايج اذا ملج عليها الحين قبل لا يسافر.. ولي رد ان شا ءالله يتزوجون... ام حمد: بس هو مايشتغل.. شلون راح يخطبها ويصرف عليها؟؟ ام وليد: بهالشي لا تحاتين... ماراح يقصرها شي دام انا وابوه موجودين...بعدين وليد عند حساب في البنك يقدر يعيشه ... ماراح تضيع البنت ام حمد: خلوني اخذ راي البنت وابوها بالموضوع ونرد عليكم ام وليد: لا تطولين علينا ياختي.. وليد بيسافر يوم السبت.. ياريت تردين علينا بهاليومين ام حمد: ان شاء الله.. مايصير خاطركم الا طيب اليده: عيل وينها هيا؟ ام حمد: بغرفتها تدرس... عندها امتحان باجر الكل: الله يوفقها ان شا ءالله ام حمد: ان شا ءالله هنادي تكلم نواف بالتلفون هنادي: وحشتني اليوم نواف: انتي يعد هنادي: متى اخلص امتحانات.. عشان اتفرغ لك بعدين نواف: ماعلي عمري.. كلها جم يوم بس وتخلصين.. حطي على روحج زين.. عشان تييبين مجموع عدل هنادي: ان شا ءالله نواف: مسكين وليد.. حده على اعصابه ينتظر امه ترد... سندرني باتصالاته هنادي: ههههه مسكين... يبي يضمن حياته الزوجيه من الحين نواف: اي والله.. بس تعرفين تفكيره سليم... ماطلع مثل هالشباب اللي يدرسون بره وتفكيرهم بالبنات بس.. لو واحد ثاني جان جفتي مطيح عشرين الف وحده بحياته هنادي: هههههههه... مع ان شكله يوحي بهالشي خخخخ نواف: حرام عليج..وليد كلش غير هنادي: انا قلت يوحي.. ماقلت هو جذي في بيت وليد... اميره دخلت غرفتها .. فتحت الماسنجر عشان تكلم منى وتنقل لها اخر الاخبار اميرة الاحلام: هلوووووووووووووو منى: هلا اميرة الاحلام: شخبارج منى: الحمدلله, انتي شخبارج اميرة الاحلام: تمام والله.. بس عندي لج خبر شي منى: شنو؟؟ اميرة الاحلام: اول شريتي لج كام؟ منى: اي شريت لي.. ليش؟ اميرة الاحلام: بطليها. ابي اجوفج عشان اقول لج الخبر كانج قاعده يمي منى: ههههه.. انزين لحظة ركبت منى الكام وشغلتها... اميرة الاحلام: اشفيج جذي صايره ضعيفه؟؟ ماتاكلين منى: لا ضعيفه ولا شي.. نفس الشي سوزي وهيفا يو يم الكام عشان يجوفون اميره هيفا تسال منى: هيدي اميره؟ منى: اي سوزي: دي شبه وليد بالضبط.. اشروا لها يسلمون عليها منى: ربعي يسلمون عليج اميرة الاحلام: الله يسلمهم.. سلمي عليهم... هيفا وسوزي راحوا الصاله عشان منى تاخذ راحتها وهي تكلم اختها... اميرة الاحلام: والله حلوين رفيجاتج بعد منى: اي.. ماعلينا الحين قولي لي.. شنو تبين تقولين اميرة الاحلام: راحوا يخطبون لوليد اخوي اليوم منى: حـــــــــــــــــــــــلفـــــــــــــــــــي اميرة الاحلام: والله... حتى للحين ماردوا امنى: من؟؟ قعدت اميره تقول لها كل شي عن خطبة وليد.... بعد ساعه تقريبا يات ام وليد البيت.. اميره كانت بغرفتها... وليد وابوه بالصاله.. وليد: ها يمه بشري ام وليد: اشفيك متخرع جذي.. اصبر علي شوي خل اتنفس بووليد: خل امك تقعد اول عاد.. اميره من سمعت صوت امها على طول طلعت من غرفتها وراحت الصاله...: ها يمه بشري ام وليد: اشفيكم .. شوي شوي بعد خمس دقايق تكلمت ام وليد: احنا حاجينا ام البنت... قالت بتاخذ راي البنت وابوها وترد علينا بووليد: يعني هي راضيه بس حجز؟ ام وليد: الصراحه امها مارضت بهالشي... قلنا لها بنخلي الشي رسمي... وهي قالت بيردون علينا وليد: متى بيردون عليكم؟ ام وليد: خلا ل هاليومين .. بس انت لاتحن وليد: انا شيصبرني يومين اميره: صج حنان.. توها تقول لك لاتحن... ماتفهم انت وليد: سكتي عني انتي.. ياربي يوافقون بس كلهم قعدوا يضحكون عليه... اول مره يجوفونه جذي في بيت هيا... هيا بعد ماخلصت دراسة نزلت تحت حق امها.. اللي جافتها تسولف مع ابوها.. ام حمد: اشرايك؟؟ موافق؟؟ بوحمد: والله ماادري... هم ناس ماعليهم كلام ولا قصور.. ويبين عليهم شارين البنت.. بس لازم ناخذ رايها بالاول هيا وهي يايه يمهم بوحمد: هلا والله بابنيتي.. خلصتي دراسه؟ هيا: اي يبا خلصت.. قلت انزل اسولف معاكم شوي ام حمد: زين سويتي.. حتى انا كنت توني بنادي عليج هيا: خير يمه بوحمد: خير بويهج.. بس بغينا نتكلم معاج بموضوع؟ هيا: تفضلوا.. كلي اذان صاغيه.. وهي تبطل اذنها بيدها اثنينهم: هههههههههههههههه بوحمد: بتتحجين انتي والا انا اتحجى ام حمد: انا باتحجى ... هيا: شكله موضوع خطير... هههه ام حمد: اليوم يو ناس يخطبونج هيا مبطله عينها (بل, تو امس اتكلم مع هنادي ودانه بهالموضوع): يخطبوني انا؟ ام حمد: اي يمه.. انتي هيا: ومنو هالناس يمه؟ ام حمد بابتسامه: اهل هنادي رفيجتج هيا موب مصدقه: هنادي رفيجتي؟؟ من فيهم؟؟ ام حمد: خالتها ام وليد خاطبتج لولدها وليد هيا: وليد؟؟ بس انا سمعت ان هو للحين ماخلص دراسه ولايشتغل بوحمد: اي يابنيتي..... هم يبون يخطبونج الحين.. لي رد واشتغل تتزوجون هيا: الحين؟؟ متى يعني؟؟ اذا هو اسبوع الياي بيرد لندن على قولة اخته بوحمد: سمعيني يابنتي.. هم كانوا بس يبون يحجزونج لي مايخلص ويرد.. بعدين يخطبونج... بس احنا مارضينا.. تعرفين موب عدله تكون بينكم علاقه بدون اي شي رسمي... هيا: صح كلامك يمه بو حمد وهو يكمل كلامه: عشان جذي امه اقترحت ان يتقدمون رسمي وتملجون.. بس طبعا بعد موافقتج.. ام حمد: اي يمه.. هذي حياتج وانتي تقررين... احنا مانبي نضغط عليج... ورايج اهم من راينا بهالموضوع.. هذا زواج مو شي ثاني.. يعني بالقرار اللي تقررينه راح يحدد مصيرج بعدين هيا ماعرفت ترد على امها ابوها.. .. تمت ساكته ام حمد: ها اشقلتي؟ هيا: هم متى يبون الرد؟ ام حمد: خلال هاليومين.. قبل لا يسافر هيا: عطوني فرصه افكر وارد عليكم بوحمد: خذي راحتج يمه... استاذنت من امها وراحت فوق غرفتها... ام حمد: احس استعيلنا لما كلمناها بالموضوع.. تعرف البنت وراها امتحانات بوحمد: اعرف هيا بنتي عدل.. هالشي ماراح ياثر بدراستها... البنت تعرف شلون تفكر هيا بغرفتها تفكر بكلام امها وابوها .... وبخطبة وليد لها.. معقوله.. وليد خطبني انا؟؟؟.. ليش هنادي ودانه ماقالوا لي عن هالشي؟؟ يمكن مايدرون؟؟ لا مااعتقد.. يمكن ماحبوا يفتحون الموضوع معاي .. عشان انا اقرر بروحي و براحتي... وليد مافي شي يعيبه.. حتى لو هو مايشتغل الحين.. احنا مابنتزوج الحين.... وهو لو ماكان مقتدر جان مايو اهله يخطبوني..ولا ابوي وافق... اووووووووووف .. مادري شاقرر... اخاف اقول اي واتسرع بالخطبه.. اخاف اقول لا... اضيع فرصه زينه علي.... وقعدت تفكر طول الليل اذا توافق عليه او لا... بهاليومين اللي قعدت هيا تفكر فيهم... ماكلمت هنادي ودانه بهالموضوع ولا هم كلموها عشان تاخذ راحتها بقرارها... اما وليد فسندر امه من الحنه.. طول الوقت يسالها اذا وافقوا او لا... ساره مزحومه باستعدادات العرس اللي بقى عليه يوم واحد بس.. .. خالد ماجاف ساره من عقب ملجة هنادي.. عشان توحشه وايد ههه.. .. بعد صلاة العشا. ام وليد كانت في بيت هيا.. بعد ماطلبت منها ام حمد تييها.... ام وليد ماقالت لولدها عن روحتها هناك.. عشان مايحن على راسها اكثر.. ام وليد: بشري يام حمد.. اشقالت البنت ام حمد: لحظة يام وليد . سمعي الرد من البنت مباشره ام وليد قاعده على اعصابها.. طول الوقت تدعي ربها ان هيا توافق.. نادت ام حمد بنتها عشان تيي الصاله هيا قلبها حدها يرقع.. موب عارفه شلون ترد على ام وليد: السلام عليكم ام وليد: عليكم السلام.. هلا يمه هلا.. شخبارج؟ هيا وهي تبوس ام وليد: الحمدلله خالتي... بخير قعدت هيا عالكرسي.. االي يم امها.. ام حمد: هيا يمه.. ام وليد يايه تسمع رايج بالخطوبه.. اذا كنتي موافقه او لا هيا حدها مستحيه.. اام وليد: قولي يمه.. لاتستحين... شنو ردج؟ هيا باخر نعومه وباخر حيا: انا موافقه ام وليد بابتسانه عريضه: صج؟ موافقه؟؟ ام حمد: بس بشرط يام وليد؟؟ ام وليد: شنو ؟؟ هيا: اذا يصير يمدد اجازته اسبوع بعد قبل لا يسافر.. عشان يتعرفون شوي على بعض في هالفتره.. تعرفين بقى بس ثلاثة ايام ويرد لندن.. يعني موب حلوه يملجون اليوم وباجر يسافر ام وليد: عدل كلامج يام حمد,, هو كان في باله هالشي بعد. اذا وافقت هيا.. وهي تطالعها هيا استحت ونزلت راسها.. ام حمد: عالبركه عيل.. جوفوا متى ايون الريايل يتكلمون..عشان نجهز كل شي بهالجم يوم ام وليد: ان شا ءالله.. بس انا اقول نخلي الملجه يوم السبت اذا صار.. عقب عرس ساره بنت اختي ام حمد: براحتكم.. حبوا بعض وباركوا حق روحهم على الموافقه... في بيت دانه.. هنادي كانت متصله لها هنادي: دانوااااا.. قولي مبروك دانه: على شنو؟ هنادي: هيا وافقت على وليد دانه: صج؟ هنادي: اي توها الحين متصله فيني وقالت لي... للحين محد يدري .. احنا الثنتين بس دانه: هههه.. الله يهنيهم ان شاء الله هنادي: حتى يمكن يمدد اجازته اسبوع بعد دانه: صج.. !!1 هنادي: اي..يالله اخليج الحين.. خل اتصل في نواف ابشره دانه: ههههههه.. اوكي ساره كانت يم دانه: اشفيها هنادي؟؟ دانه: تقول هيا وافقت على وليد ساره: صج!!!! يستاهل وليد... الله يهنيهم انتشر خبر موافقة هيا على خطبة وليد لها..... وليد حده مستانس .. مو مصدق ان هيا وافقت.. كان وايد خايف انها ترفض...ومدد قعدته في البحرين اسبوعين بعد.. كان وده يمددها اكثر بس مايقدر.. ام وليد حدها مستانسه لولدها.. والكل فرح بهالشي.. خصوصا دانه.. اللي كانت تتمنى ان يحصل له وحده تقدره وتستاهله... تقدموا رسمي للبنت واتفقوا يوم الاثنين عقب يومين من خطوبة ساره يعقدون في بيت الشيخ.. ماراح يسوون أي شي.. بيخلون كل شي لحفلة الزواج.... اليوم .. عرس ساره ... الليله راح تعيش هي وخالد حياة جديده.. ومسؤلية اكبر.. .. الفرحه موب شايلتهم هم الاثنين.. صار لهم مده ينتظرون هاليوم.. ينتظرون لمتهم بشقتهم الصغيره.. اللي راح تجمعهم مع بعض... اجتمعوا المعازيم بفندق الدبلومات.. واجتمعوا الاهل.. بالرقص والاغاني عبروا الاهل عن فرحتهم.. الساعه 9.00 دانه للحين بالصالون تتعدل... هنادي اتصلت فيها لما جافتها تاخرت: الوو.. دانه: هلا هنادي: وينج؟؟ الناس كلها هني وانتي للحين ماييتي دانه: الحين باطلع.. خلصت هنادي: قلنا لج تعالي معانا.. الا انتي تعاندين.. الحين شلون بتسوقين بمكياجج دانه: باسوق عادي... صكي الحين انتي.. عشان انا اطلع.. قولي حق امي اني يايه في الطريج هنادي: اوكي.. لاتتاخرين دانه: انزين,, اقول اقول هنادي: شنو دانه: صورتي؟؟ هنادي: ههه. أي صورت مع نواف في الاستوديو دانه: انا بعد باصور وبايي هنادي: بروحج متاخره.. بتتاخرين زود دانه: لا ماباتاخر.. اذا جفت الاستوديو زحمه بايي الفندق على طول هنادي: اوكي سكرت هنادي من دانه وقالت لامها انها يايه بالطريج.. في بيت دانه.. سلمى: يالله ماما. بنتاخر.. تعالي بسرعه لبسي الصندل يات دنيا ولبست الصندل.. احمد كان ينادي عليهم من تحت: ها برزتوا؟؟ سلمى: اي خلاص.. الحين بننزل نزلت سلمى ... وصلهم احمدالفندق.. وهو راح ميلس الريايل في ميلس الريايل.. احمد يكلم خالد : مبروك مبروك خالد: الله يبارك فيك وليد: مبروك خالد خالد: الله يبارك فيك.. الفال لك ان شا ءالله وليد: ان شاء الله جريب نواف: جوف شلون مستعيل هههه,, يوم انا كنت باخطب كل يقول لي احن.. طلع اخس مني الحين هههه سلمان وهو يغمز لنواف: من عاب استعاب وليد: ههههههههههههه,, وهو يعدل غترته .. منحرج احمد: محمد رفيجي مايه؟؟ محمد كان توه داخل. نواف: بل.. صج عمره طويل.. كاهو يه احمد قام من مكانه عشان يسلم على محمد: هلا والله هلا محمد: هلا بيك.. شخبارك؟ احمد: الحمدلله.. والله توقعت ماتيي محمد: مااقدر مايي .. خالد بيعرس ومايي ابارك له.. وهو يسلم على خالد خالد: الله يخليك, الفال لك ان شاء الله محمد: ان شاء الله في صالة العرس... هيا: هنادي وين دانه تاخرت؟ هنادي: توني مكلمتها قالت الحين بتيي ام وليد تكلم هيا: صايره قمر.. ماشاء الله عليج هيا انحرجت من ام وليد: مشكوره خالتي ام وليد تكلم خلود..: ليش مايات امج معاج؟؟ خلود: صايدتها انفلونزا.. ماقدرت تيي.. بس سلمت عليكم وايد ام وليد: الله يسلمها.. ما تجوف شر خلود: الشر ماييج ام وليد: سلمان يه معاج؟ خلود: أي... راح الميلس,, وين اميره؟ ام وليد: من يات ماقعدت..طول الوقت ترقص خلود: ههههه.. . بلندن.. منى: الحين هاي ثالث عرس يصير عندنا ماكون معاهم.. والله قهر هيفا: ههههه.. حظك صار هيك منى: حتى وليد اخوي بيخطب هالاسبوع واناموب هناك سوزي: بس اخوك.. مش حيعمل حفله.. عقد بس منى: اي .. بس حلاته اكون معاهم.. سوزي: ماعليش.. الافراح الجايه ان شا ءالله منى: ان شاء الله في صالة العرس,,, ام احمد تكلم هنادي: يمه هنادي دانه وايد تاخرت.. الحين صار لج ساعه من اتصلتي فيها..للحين مايات.. قمت احاتيها.. اتصلي فيها جوفيها.. الحين بيدخلون المعاريس وهي للحين مادخلت.. هنادي: ان شاء الله خالتي... اتصلت هنادي في دانه اكثر من مره... بس ماكانت ترد... اوف وين راحت هذي.. ليش ماترد ام احمد: ها يمه . وينها؟؟ هنادي جذبت على خالتها: ها.. اي قالت هي جريب.. الحين بتيي..لان راحت تصور من جذي تاخرت طقت الساعه عشر ونص ودانه للحين مايات.. ساره وخالد دخلوا الصاله على الزفه... بس هي للحين مايات.. ام احمد قلبها ماكلها على بنتها.. ماتعرف وينهي وليش تاخرت,,, راحت مره ثانيه يم هنادي.. : هنادي قلتي هي يايه في الطريج بس للحين ماوصلت هنادي: باتصل فيها مره ثانيه الحين الكل متوتر على دانه.. مايعرفون ليش تاخرت.. ماقاعده ترد على تلفوناتهم.. ساره كانت تدور على اختها.. تبيها يمها.. بس ماجافتها.. كل شوي تسال عنها.. بس محد يعرف مكانها بره الفندق... عند ميلس الريايل.. احمد ومحمد قاعدين يسولفون,, ينتظرون سلطان رفيج احمد...... رن تلفون احمد احمد جاف رقم غريب: الو. المتصل: السلام عليكم احمد: عليكم السلام المتصل: هذا تلفون احمد يوسف؟ احمد باستغراب: اي نعم.. خير المتصل: اختك دانه يوسف. احمد حده مستغرب من اتصاله ويسال عن دانه بعد: اي نعم .. دانه اختي محمد مستغرب بعد. من متصل يسال عنها المتصل: اختك عندنا بالمستشفى... بس ,, قطع عليه احمد: اختي بالمستشفى.. شلون؟؟ وليش؟؟ محمد.. دانتي بالمستشفى؟؟ شلون؟؟ المتصل: اذا ييت المستشفى تعرف كل شي.. احمد حده مرتبك وخايف على اخته.. : اي مستشفى؟ المتصل: مستشفى السلمانيه,, بقسم الطوارئ احمد: خلاص الحين ياي عندكم.. مع السلامه احمد موب مستوعب كلام المتصل... دانه اختي بالمستشفى.. شلون.. اشصاير؟؟؟؟؟؟؟؟ محمد.. عسى ماشر احمد.. اشفيها اختك؟ احمد: ماعرف.. ماعرف.. باروح المستشفى باعرف اشصاير محمد: استهدي بالله احمد.. يمكن اختك بالعرس.. وهذا واحد يبي بغربلك احمد على طول اتصل في سلمى وسالها عن دانه... قالت له انها للحين مايات والكل يحاتيها هني.. احمد: محمد.. اختي موب هني.. يارب تكون بخير. مافيها شي محمد: شوي شوي احمد. لاتربك احد هني.. ولاتبين لهم في شي صاير.. اصبر. بايي معاك المستشفى.. احمد: بسرعه بسرعه.. خل نروح.. ابي اجوفها محمد موب قادر يصدق اللي سمعه ان دانه بالمستشفى... قاعد يحاول يجذب اللي سمعه.. داخل العرس الكل يحاتي دانه..بس باي طريقه مايبون يربكون ساره وخالد. مع ان ساره قلبها قابضها على اختها وايد... محمد واحمد راحوا بسرعه المستشفى عشان يجوفونها.. الشباب والريايل بالميلس كلهم مستغربين غيبة احمد ومحمد بنفس الوقت... هنادي كلمت نواف وقالت له عن دانه انها للحين مايات....نواف اشكثر اتصل في محمد واحمد بس محد كان يرد عليه... نهاية الجزء الخامس عشر... ياترى شنو صار حق دانه؟؟ شنو اللي صار وخلا دانه تكره حياتها, وليش عايلتها عايشين بضيق والم... محمد.. شنو ذنبه باللي يصير؟؟؟ ترقبوا الاحداث بالبارت اليديد تحياتي
  9. الجزء الرابع عشر: في مطعم هونغ كونغ... ساره: تصدق عمري كل يوم يخلص يدق قلبي بسرعه خالد: ليش؟ ساره: مابقى شي على يوم العرس خالد: ههههههههههه... انا بعد جذي.. ماتعرفين اشكثر متشوق ان نكون في بيت واحد يلمنا احنا الاثنين بس ساره: انا بعد خالد: كلها جم من يوم بس ساره: اي... حتى انا قلت في ملجة هنادي باسوي لي شي بسيط.. عشان اتغير في العرس... تعرف ملجة هنادي قبل عرسنا بسبعة ايام يعني مابقى شي... خالد: اي يوم تصير ملجة هنادي؟ ساره: يوم الخميس اسبوع الياي خالد: اهاااا... عيل احمد اخوج متى بيرد؟؟ ساره: عقب عقب باجر...يعني يوم السبت الساعه 12 الليل خالد: يوصل بالسلامه ان شاء الله ساره: ان شاء الله خالد: ساره!!!!! ساره: هلا خالد: موب زعلانه ان مابنسافر؟؟ ساره وهي تضحك: لا.. قلت لك من قبل.. انا موب مهم عندي اروح شهر العسل.... دام عندنا شهر عسل بشقتنا ... هاي كفايه خالد: فديتج والله.. اوعدج بهالشهر اللي باخذه اجازه ادلعج تدلع... اخلي جنه صج مسافرين ساره: بعد عمري والله, عاد بس في هالشهر بتدلعني؟؟ خالد: ههههههههههههه.. طول عمري باتم ادلع فيج.. بس اول شهر غير في بيت دانه... دانه موب عارفه ترقد من الوناسه... حست هم ثقيل وانزاح من على قلبها لما كلمت وليد... قاعده تنتظر ساره ترد عشان تقول لها .. بس راحت عليها نومه وهي تنتظرها بالصاله... ام احمد جافتها راقده عالكرسي بالصاله... ام احمد: دانه... دانه دانه بتعب: هااا ام احمد: قومي يمه رقدي بدارج.... اشفيج راقده هني؟؟ دانه: مايات ساره؟؟ ام احمد: لا للحين مايات.. قومي رقدي بدارج احسن... دانه: انزين.... قامت من الصاله وراحت غرفتها......... توها بتقعد عالسرير رن تلفونها دانه: الو... هنادي: بل بل بل اشهالصوت دانه: خلصينا اشتبين؟ هنادي: اشهالنفس الخايسه... باجر ابيج تيين وياي الخياط دانه: ليش؟ هنادي: عندي بروفه... قالت لي الخياطه اروح اجرب ثياب الملجه دانه: انزين.. عيل وديني انا بعد الخياط.. ابي اجوف اذا ثيابي اللي حق ملجتج وعرس ساره برزوا او لا هنادي: اوكي.. بس الصبح باييج دانه: اشله من الصبح.. متخرعه هنادي: بنروح الساعه عشر... يعني يمديج ترقدين دانه: اووووف.. انزين.. بس لي طلعتي من بيتكم طقي لي رنه هنادي: اوكي في بيت وليد... بالصاله... كلهم متيمعين ام وليد: جفتي مرت سلمان؟ اميره: اي يمه... ماشاء الله عليها جميله... عيني عليها بارده بووليد: عشان تعرفون ولدي عنده ذوق مثلي اميره: يمه لو تجوفينها بدبتها.. تينن... متى تولد بس...ابي اجوف البيبي وليد طول الوقت ساكت.. يفكر برد دانه.. وبنفس الوقت يفكر بهيا ام وليد: اشفيك وليد ساكت.. بشنو سرحان؟؟ وليد: ها؟؟ مافيني شي اميره: اي ما فيك شي.. ماتجوف ويهك شلون صاير.. وليد يبي يرقع الموضوع : لا.. بس متضايق ان مابقى شي وارد لندن بووليد: ماعلي ياولدي استحمل.. كلها جم شهر وترد لنا اميره بضيق: يعني بعد باتم هني بروحي.. متى بتسافر؟ وليد: بعد اسبوعين اميره: مابقى شي... بووليد: ماعليه ياولدي.. لا تتضايق.. ام وليد: يمه اتصل بمنى خل اكلمها.. يومين صار لها ماكلمتني.. اخاف صار فيها شي بووليد: لا تفاولين عالبنت.. مافيها الا العافيه.. يمكن مشغوله مع الدراسه اميره: اي اتصل وليد لها.. عاد وليد: انزين انزين.. طق رقم منى واتصل فيها منى بالمستشفى لما جافت الرقم اتخسبقت... ماتعرف شلون تكلم بيتهم.. بعد خمس رنات ردت عليهم منى: هلا والله هلا وليد: هلا هلا... وينج انتي.. اشله ماتردين بسرعه منى: ما كان يمي التلفون.. الحين سمعته وليد: المهم .. شخبارج؟؟ شمسويه؟؟ منى : الحمدلله.. انتوا شخباركم؟ وليد: كلنا بخير نسال عنج اميره سحبت التلفون من اخوها: قوه منووووي.. شخبارج؟؟ وحشتيني يالكريهه.. وينج يومين ماجفتج عالماسنجر؟؟ منى: ههههه.. اشفيج انهديتي بالحجي جذي.. شوي شوي علي اميره: قولي لي اول.. ليش ماشبكتي يومين.؟؟؟ منى: كان عندي امتحانات اميره: اذا جذي عاذرتج... اما عندي لج خبر.. بمليون على طول ام وليد سحبت التلفون منها: وانتي ماتعرفين تيودين لسانج وليد: ههههه.. مسكينه زفوها ام وليد: قوه يمه.. شخبارج؟ قعدت ام وليد تكلم بنتها , بعدين بو وليد كلمها...وتطمنوا عليها... بس ماقالت لهم انها بالمستشفى عشان مايتخرعون عليها ويحاتونها... كان عندها فضول تبي تعرف عن الخبر بس امها قالت لها لي وليد راح لندن بيقول لها كل شي... بتايلند... سلمى: بقى يومين بس ونرد البحرين احمد: بسرعه مر الوقت.. سلمى: دنيا وحشتني وايد احمد: هههه.. اي والله. .وحشني لسانها الطويل... شكلها طالعه عليج سلمى: هاااااااا.. انا لساني طويل؟؟ ماعلي ماعلي احمد: فديت اللي مادين بوزهم شبرين... سلمى حاقرته.. يازعم مبوزه عليه احمد: سلمى... حياتي... عمري سلمى: انا لساني طويل لا.. خلاص ماباتحجى عشان مايطول زود احمد: هههههههههههههههههههههه... بعد تعرفين تتظيرفين سلمى: اكيد... تعلمت منك اثنينهم: ههههههههههههههههه يوم ثاني الصبح... دانه لبست دفتها وشيلتها.. تنتظر هنادي تمر عليها.. ساره لما قعدت جافتها قاعده بالصاله ساره: شمقعدج من الصبح؟؟ دانه: بسم الله الرحمن الرحيم.. اشهالويه ساره: عن الطنازه... شمقعدج من الصبح؟ دانه: باروح الخياط مع هنادي ساره: اهااا.. ذكرتيني .. يوم السبت لازم امر الخياط اجوف فستان العرس دانه: متى رديتي البارحه؟ ساره: متاخر والله.. الساعه وحده جذي ... ليش؟ دانه: كنت انتظرج...ابيج ساره: خير... توها بتحجى دانه... هنادي طقت لها رنه يعني هي بره تنتظرها دانه: لي رديت باقول لج.. بتيين العصر؟ والا بتقعدين بيت خالد؟ ساره: ماادري... دانه: المهم لي جفتج اليوم باقول لج اوكي.. يالله باي ساره: باي بيت اليده.. نجاة واليده قاعدين يبرزون اغراض الملجه... معاهم ام وليد , ام احمد وام هنادي نجاة: برزت اغراضها هنادي؟ ام هنادي: اي خلصت كل شي... بس الحين راحت مع دانه الخياط تجوف فستان الملجه نجاة: اهاا.. اليده: ان شاء الله دوم حياتنا كلها فرح جذي... اسبوع الياي ملجة هنادي واللي عقبه عرس ساره الكل: ان شاء الله ام وليد: ساره بتسافر شهر عسل؟ ام احمد: لا.. تعرفين عقب اسبوعين من عرسهم رمضان.. يعني مايمدي... قالوا بيسافرون بعطلة الربيع ام وليد: الله يهنيهم ان شا ءالله... الكل: ان شا ءالله... نجاة: ماتعرفون نواف اشكثر متخرع على الملجه.. كل يوم ايينا و يقعد يقول لنا جم يوم بقى على هاليوم ام هنادي: ههههه.. حتى هنادي.. ذابحتنا... نجاة: الفال لوليد ان شا ءالله ياام وليد ام وليد: ان شا ءالله.. ودي اخطب له الحين والله اليده: اشله مستعيله عالصبي.. خلي يكمل دراسته ويشتغل بعدين ام وليد: موب مستعيله... بس خوفي البنت اللي في بالي تطير من يدنا ام هنادي: ليش .. هو قال لج يبي يخطب الحين؟؟ وفي بنت براسه؟؟ ام وليد: لا هو ماقال لي.. بس انا البنت اللي جفتها عجبتني.. واتمناها تكون من نصيبه ام هنادي: نعرف البنت احنا ام وليد: انتي تعرفينها عدل ام هنادي: انا؟؟ من؟؟ ام وليد: هيا رفيجة هنادي بنتج ام هنادي: هيا... ماشاء الله عليها هالبنت.. صج ادب واخلاق وجمال... اي والله يستاهلها وليد ام احمد: بس شلون تخطبين له وانتي ماتعرفين رايه بهالموضوع.. وهو للحين بعد ماكون روحه ام وليد: كلامج صح ياختي.. عيل تعرفين شلون.. انا باكلمه عنها... واذا عاجبته البنت.. نجوف شيصير بعدين اليده: عاد لا تضغطين على الولد... هذا زواج موب لعبه ام وليد: اي اعرف يمه.. انا بس باخذ رايه.... وهي ترفع يدها فوق تدعي.. يارب تكون من نصيبه نجاة: هو جاف البنت؟؟ ام وليد: جافها لما ودتني مع هنادي اشتري اغراض نجاة: اهاا.. ام وليد: باجر بتجوفونها عالغدا.. قلت لها تيي مع هنادي في المكتب نواف حده متملل.. لان قاعد بروحه.. محد معاه يسولف ... خل اتصل بهنادي اجوفها وين؟؟؟ هنادي كانت قاعده تبدل بغرفة الخياط لما اتصل فيها... فردت عليه دانه نواف: هلا بهالصوت.. هلا بهالورد.. هلا بعمري كله دانه: هههههههههههههههههههههههههه نواف تخسبق: من؟ دانه: الحمدلله والشكر.. اشفيك متسحسح جذي (يعني ذايب في الحب).. انا دانه موب هنادي نواف من الفشيله: وانتي اشله تردين عالتلفون اصلا... تلفون موب تلفون ترزين ويهج اشله دانه: جزاة الخير باقول لك انها قاعده تبدل ماتقدر تكلمك الحين... نواف: وين تبدل؟؟ دانه: في الخياط .. قاعده تجرب ثيابها نواف: اهااا.. زين لي خلصت خل تتصل فيني دانه: ان شاء الله.. يا مجنون ليلى نواف: خفيفه دانه: ادري.. مايحتاي تقول لي نواف: تتظيرفين مع ويهج دانه: احلى من ويهك نواف: اجوف لسانج وايد صاير طويل دانه: بعد.. من عاشر القوم نواف: اشقصدج؟؟ دانه: قصدي .. ليلى.. اللي معذبه قيس نواف: حدج على خطيبتي... والله ماتعلمت طول للسان الا منج دانه: هاهاهاهاهاها.. يالله انزين.. اتصل فيها بعدين... مشغولين احنا الحين نواف: زعلتي دانوا؟؟ دانه: لا اشدعوه.. اتغشمر معاك مثل ماتتغشمر معاي نواف: زين عيل.. خل تتصل لي اذا فضت دانه: اوكي بعد ماسكرت دانه... هنادي تحاجيها من داخل الغرفه هنادي: تتهاوشين مع من انتي؟؟ دانه: مع قيس بتاعك هنادي: وانتي ماتيوزين عنه.. لازم تحطين دوبج ودوبه دانه: والله هو اللي يحط دوبه... خلصتي والا للحين.. ماصارت تبدلين هنادي: خلصت.. قاعده البس شيلتي في بيت سلمان... سلمان: يالله خلود ماصارت.. امج من مساعه للحين تتصل تقول تاخرنا عالغدا خلود: خلاص عمري خلصت... كاني البس شيلتي..... سلمان: اوووف اخيرا.. والله انتوا البنات غربال.. ساعتين تتعدلون خلود: عيل نطلع مبهدلين سلمان: يالله انزين خل نروح بسرعه خلود: اقول سلمان سلمان: عيوني خلود: العصر خل نروح نشتري هديه حق بيت ابوك.. فشيله نروح يدنا خاليه باجر سلمان: اي اي اكيد.. العصر بنروح انا وانتي نشتري خلود: اوكي العصر بلندن وبغرفة منى... عبدالله طبعا ساكت... قلبه يدق بسرعه بسرعه.. خايف من رد منى في الرساله... هيفا: ليش لهالوقت بالمستشفى... مش كان لازم الصبح ترجعي عالبيت منى: اي.. بس قال الدكتور بخليني لي باجر بعد.. عشان يتاكد اني صرت احسن عادل: الحمدلله على سلامتج مقدما منى: الله يسلمك... ليش مايات سوزي معاكم عبدالله: راحت عند وحده تشرح لها درس موب فاهمته منى: جان شرحت لها .. بس عاد ها.. بدون ماتاخذ عليها شي عبدالله: ههههههه... ان شاء الله مره ثانيه قعدوا معاها يسولفون لاكثر من ساعتين... لما كانوا بيطلعون من غرفتها... نادت على عبدالله وعطته الرساله... عادل وهيفا ماجافوا الرساله لانهم كانوا واقفين بره عند الباب ينتظرون عبدالله.... في بيت دانه... ساره قاعده بغرفتها بعد ماردت من بيت خالد.. دخلت عليها دانه دانه: ليش رديتي؟ مابتروحين تكملين اغراض شقتج؟؟ ساره: بلى . بعد شوي باروح... خالد بمر علي دانه: اهااا ساره: قولي لي.. شنو كنتي بتقولين لي الصبح؟ دانه وهي تقعد عالكرسي: امس اتصلت في وليد وقلت له ردي ساره: وشنو كان ردج؟ دانه: قلت له اني اعتبره مثل اخوي.. ومااقدر ارتبط فيه ساره: من صجج؟؟؟ اشقال؟؟ دانه: عادي... تقبل ردي... كان وايد متفهم ساره: مسكين... يحبج هو دانه: بس انا مااحبه ساره: هذي حياتج... يعني انتي الي تقررين فيها... دانه: الله يرزقه بالبنت اللي تسعده... وتستاهله اكثر مني ساره: انزين... هنادي طلعوا ثيابها حلوين؟ دانه: اي وايد... بس بقى تخيط لها من تحت... قالت لها يوم السبت بيبرز في بيت هنادي...هنادي قاعده بالصاله تكلم هيا في التلفون هنادي: انزين .. امر عليج انا والاانتي بتيين بروحج؟ هيا: بايي بروحي... بس لي وصلت يم بيت خالتج باتصل لج عشان تطلعين لي هنادي: اوكي.. بس عاد لاتتاخرين.. والا بنتغدى عنج هيا: من الحين انا مستحيه من ييتي باجر هنادي: وووووه.. عادي.. خالاتي شحليلاتهم... بعدين هناك احنا البنات نقعد بروحنا.. دانوا تعرفينها... بس اميره وساره بتتعرفين عليهم باجر.. زياده عليهم الضيوف اللي بيون هيا: باخلي امي تسوي ورق عنب ومحشي كوسه هنادي: اللااااااااااااي.. اي خليها تسوي وايد هيا: ههههه.. ماعلي بمجمع العالي سلمان وخلود افتروا المجمع كامل عشان بس يشترون هديه لابو سلمان (ابووليد) خلود: سلمان تعبت... خلاص هذي اخر محل ندخله.. والله مااقدر امشي سلمان: انتي اللي موب مقتنعه باي شي نشتريه خلود: بعد لازم نشتري شي عدل سلمان: الحين انتي اللي تمشيني وراج من مساعه للحين.. واخرتها تتحلطمين من التعب خلود: انزين خل ندخل هالمحل نجوف اشفيه دخلوا محل براويز ... عندهم رسومات مبورزه حلوه وااااااااااااايد خلود: صالتهم عوده؟؟ سلمان: اي خلود: اشرايك بهالرسمه.. وايد حلوه صح؟ سلمان: اجوف... اي وايد حلوه خلود: تناسب صالتهم؟ سلمان: يتراوى لي تناسب... عجبتج؟ خلود: اي.. يبين عليها فخمه... خلاص ناخذها سلمان: اخيرا حصلنا شي اعجبج خلود: يالله خل يغلفها وادفع له عشان نمشي غلفوها لهم ودفعوا قيمتها (كانت وايد غاليه, بس ماتغلى على ابو سلمان) وطلعوا من المجمع عشان يردون البيت.... بالليل بلندن... عبدالله دخل غرفته, قفلها عليه.. طلع الرساله من مخباه عشان يقرا رد منى كان ردها سطر بس... ( الحب ليس جريمة ولاعيب,, اذا كنت استحق ان اكون بطله قصة الحب هذه, اكون سعيدة الحظ) عبدالله بطل حلجه بابتسامه عريضه... موب مصدق اللي قراه.... على طول راح حق عادل بغرفته وقال له... اليوم الثاني .. منى رخصوها من المستشفى وردت الشقه بالسلامه... في بيت ام وليد.... بووليد وام وليد على نار يبون يجوفون مرت سلمان... حدهم متشوقين لها الريايل قاعدين بالميلس والنسوان بالصاله ام هنادي: ماقلتي لنا.. من هالضيوف اللي ياينكم؟؟ ام وليد: الحين لي يوا بتعرفونهم ام احمد: شكلهم ناس مهمين.. من جذي ماتبين تقولين لنا ام وليد: عليج نور... خلاص لا تسالون وايد بعد جهة البنات.. هنادي: هذي وايد تاخرت اميره: من؟ هنادي: هيا دانه: هيا بتيي هني؟؟ من عازمها؟ هنادي: خالتي ام وليد دانه: اووه.. خالتي من وين تعرفها هنادي: قلت لج لا.. هي اللي ودت خالتي الجمعيه دانه: اهاااا ساره: اي وحده هيا؟؟ اعرفها انا هنادي: اي تعرفينها ساره: اي وحده؟ هنادي: اللي جفتيها في بيت خالة خالد, اللي قلتي عنها هادئة وحدها ناعمه ساره: رفيجة لطوف بنت خالة خالد هنادي: اي .. رفيجة لطوف ساره: ياحليلها.. صج كيوت هالبنت هنادي: بس مواعيدها فاشله اميره: لاتحنين عالبنت.. يمكن صار عندها شي اخرها.. الحين بتيي رن تلفون هنادي.. هنادي: اخيرا.. الووو .. وينج انتي هيا: كاني بره.. لبسي شيلتج عشان تشيلين معاي الصحون هنادي: اوهووو.. شيطلعني انا.. انزين.. بالبس دفتي وشيلتي وباييج هيا: لاتتاخرين.. بسرعه هنادي: زين... لاتاكليني وليد كان ياي من بره... جاف سياره هيا.. استخف... هذي جنها سيارة الناعمه... النعومه كلها في بيتنا وانا ماادري... نزل وليد من سيارته . جاف هيا تنتظر عند الباب وبيدها صحنين.. وتحت على الارض صحن غير وليد: السلام عليكم هيا: عليكم السلام وليد: ليش واقفه هني؟؟ تبين مساعده؟؟ هيا: لالا.. انتظر هنادي تييني.. وليد: ييبيهم عنج.. باوديهم داخل هنادي كانت طالعه يم الباب.... هنادي: مابغيتي تيين... وليد: منقعه البنيه من مساعه في الحر... ومخليتها مع صحونها هني بروحها هيا: ههههه.. لا توني يايه انا هنادي: قالت لك توها يايه.. شالت هنادي الصحن اللي على الارض.. وعطت وليد الصحنين اللي بيد هيا هنادي: يود.. ودهم المطبخ داخل هيا: خليهم.. باشليهم انا وليد: باوديهم انا عنج.. هنادي ييبي الصحن اللي عندج بعد هنادي: تقدر تشيله وليد: اي اي.. حطي على ذي الصحن حطت هنادي الصحن على الصحن اللي بيد وليد... هنادي سحبت هيا داخل... ووليد راح المطبخ حط الصحون وهو يتشمم منهم ريحة هيا اليده كانت بالمطبخ: الحمدلله والشكر.. اشفيك يمه شتسوي وليد: هاا؟؟؟؟ مافيني شي.. اشفيني؟ اليده: كانك قطو تتشمم الاكل وليد: بعد ريحته حلوه اليده: من وين يايبه؟ وليد: رفيجة هنادي يايبته اليده: هيا؟؟ وليد: اي كانه اسمها هيا اليده: حلوه؟ وليد... اشفيها تسالني هالاسئله: اشدراني انا.. ماطالعت في ويها ( جانزين بس حلوه.... اللي ماخذه الحلا كله) اليده: هههههههههههههههه وليد: اشفيج يدتي تضحكين اليده: مافيني شي... طلع عنها وليد وراح الميلس للريايل في الصاله... هيا: السلام عليكم الكل: عليكم السلام ام وليد: هلا والله هلا.. هلا بهيا هيا وهي رايحه يم ام وليد عشان تسلم عليها: هلا بيج خالتي.. باستها على خدها.. شخبارج؟ ام وليد: الحمدلله... انتي شخبارج؟ هيا: الحمدلله خالتي بخير من بعيد اميره تكلم ساره: وايد ناعمه رفيجتها... كلش مايطيحون على بعض دانه: هههه.. سكتي لاتسمعج الحين.. وتمد لسانها الطويل هنادي تكلم هيا: هذي خالتي ام دانه.. وهذي مرة عمي... وهذي امي تعرفينها سلمت عليهم كلهم.. بعدين راحت يم البنات هنادي: مايحتاج اعرفج.. دانوا تعرفينها.. 24 ساعه تجوفينها في الجامعه... ساره اخت دانه بعد تعرفينها... هذي اميره بنت خالتي ام وليد... سلمت عليهم وقعدت يمهم تسولف.... شوي بس الا اليده يايه من المطبخ... على طول هنادي سحبت هيا عشان تسلم على يدتها... هنادي: وهذي.. ام العايله.. يدتي اليده: هلا بنيتي.. ِشلونج؟ هيا: الحمدلله... اليده: فديتها والله اللي تستحي.. ماطلعتي على رفيجتج ام لسان طويل الكل: هههههههههههه هنادي: يدتــــــــــــــــــــــــي اليده: تقلد عليها.. هااااااااااااااااااااااااااااا كلهم قعدوا يضحكون عليها مره ثانيه جهة النسوان نجاة: هذي هيا ام وليد: اي.. اشرايكم فيها ام احمد: ماشاء الله عليها حلوه... ويبين عليها ادب واخلاق ام وليد: يالله وليد يرضى عليها اليده وهي قاعده: ان شاء الله ام هنادي: عجبتج يمه البنت اليده: اي يبين عليها بنت ناس وعايله محترمه بعد نص ساعه من الضحك والسوالف .. سلمان ومرته وصلوا... سلمان اتصل في وليد عشان ايي يشيل معاه الاغراض وليد: هلا والله هلا.. سلمان: هلا بيك وليد: شخبارك؟؟ شمسوي سلمان: الحمدلله وليد: قوه ام خالد.. شلونج؟ خلود: الحمدلله سلمان: خلود.. هذي وليد اخوي خلود: اي عرفته سلمان: شلون عرفتيه خلود: لان ويهه كله اميره اخته وليد وسلمان: ههههههههههههه وليد: ماشا ءالله عليج تركزين بعد خلود:هههههه وليد: حياكم حياكم.. داخل... . وليد ناد امه عشان تدخل خلود الصاله.. ووليد خذ سلمان الميلس.. ام وليد: هلا والله هلا خلود: هلا خالتي.. بعد ماسلمت عليها: لا اله الا الله.. صدقت اميره.. شحليلاتها مرت سلمان... حياج . حياج هني دخلتها الصاله وعرفتها على خواتها وبناتهم واليده وبنجاة... اليده: الحين انتي عرفتينا عليها.. بس ماعرفتيها علينا ام وليد: الحين باعرفكم ... تعالي خلود قعدي يمي جهة البنات... دانه: واااااااااااي.. تينن ماشاء الله.. حلو شكلها وهي حامل اميره: اي.. انا حدي مستخفه على شكلها هنادي: اميرواااا.. منو هاذي؟؟ اميره: الحين بتقول لكم امي ام وليد قعدت تقول لهم من هذي خلود.. ومنو زوجها... في الميلس... ابوهنادي: هذا سلمان ولدك؟؟ بووليد: اي هذا سلمان ابو هنادي: بوووووو.. بعد كل هالسنين الله جمعكمم... سبحان الله نواف يكلم وليد: ماقلت لي ان عندك اخو؟؟ وليد: اكا دريت الحين ابو هنادي: حيا الله سلمان... شخبارك ياولدي؟؟ شمسوي؟؟ سلمان: الحمدلله عمي بخير سلمان يكلم وليد: عيل هذي نواف؟؟ وليد وهو يضحك: هههههههههه اي هذي نواف نواف: اشله تضحكون يعني.. اكيد قايل لك شي عني وليد: لالالا نواف: لا الا ايه.. قولي بسرعه اشقايل له عني سلمان: هههههههههه.. ماقال لي شي.. بس مره كان يتحجى عن جواتي وياب سيرتك وليد: ههههههههههههههههههههههههههههههههههههههههههههههههههههههههههههههههه نواف: يعني انت مافي على لسانك الا هالسالفه,, اراويك لكن الكل تموا يضحكون عليه.. وبطلوا السالفه مره ثانيه في الصاله... اليده: سبحان الله... بعد كل هالسنين اجتمعوا ؟ الحمدلله على كل حال خلود: الحمدلله ام هنادي: باي شهر انتي الحين خلود: بالخامس الكل مره وحده: الله يثبته ان شاء الله جهة البنات.. هنادي: وينه اخوج.. نبي نجوفه؟؟؟ اميره: بتجوفونه بعدين.. دانه: الحين انتي اشعليج من اخوها... عندج نواف هنادي: هاهاها.. ابي اجوفه.. موب اتزوجه دانه: متى بيحطون الغدا؟؟ حدي يوعانه اميره: الحين.. صبري شوي هنادي: هيا.. يبتي ورق عنب وكوسه؟ هيا: اي.. ويبت حلاوة ام علي بعد اميره: اممممممممممممممم.. شي شي حطوا الغدا .. وتغدوا الريايل والنسوان... وليد طاح طيحه بالكوسه اللي يابتها هيا... ( كل عشان هيا) بعد الغدا.. الريايل والنسوان قعدوا كلهم بالصاله... وتعرفوا على سلمان وزوجته عدل بهاللمه الحلوه.. طبعا. وليد عينه كانت تطارد هيا.. وبنفس الوقت قلبه يعوره لما يجوف دانه.. لي عينه طاحت بعين دانه بس يبتسم لها.. ودانه نفس الشي.. طرش لها مسج ( انا مو حاط في خاطري عليج... بالعكس.. احنا عيال خاله) دانه استانست بالمسج وطرشت له ( اعرف ان عندي ولد خاله اصيل ومتفهم) هيا كانت قاعده مع هنادي بغرفة اميره بعد ما دخلوا الريايل... هنادي: جفتي نواف بالغتره .. فديته هيا: اي اشحلاته صاير كانه معرس هنادي: متى ايي هاليوم.. اللي اصير فيه ا لعروس وهو المعرس هيا تضحك على خبالة رفيجتها هيا: خالتج. اشكثر عندها عيال؟ هنادي: عندها منى.. اللي تدرس بلندن.., اميره, ووليد اللي جفتيه يم الباب هيا: اهاا.. انت موب اوكي معاه؟؟ اقصد اسلوبج معاه كلش خايس يعني هنادي: ههههههههههه.. وي عادي.. الا ولد خالتي.. احنا جذي مع بعض من يوم كنا صغار.. هذا اسلوبنا.. حتى تصدقين.. صار له جم سنه يدرس بره... وتوقعنا ان نستحي نحاجي بهالطريقه.. بس بعدين عادي هيا: ليش هو وين كان يدرس؟ هنادي: بلندن.. هو للحين يدرس ماخلص.. بس عنده اجازه .. بعد اسبوعين برد مره ثانيه.. بقى عليه بس هالسنه هيا: اهاااا.. زين يعني مع منى هناك هنادي: اي,, مرت الايام والايام... منى تعيش قصة حب حاليا مع عبدالله... هيفا وعادل نفس الشي... دانه ومحمد حبهم قاعد يكبر يوم عن يوم..بس مايندرى اذا كان بتم حبهم على طول جذي او راح يتخلله بعض العواقب... سلمى واحمد ردوا من شهر العسل.. اللي قضوا فيه احلى ايامهم.. دنيا وايد تعلقت باحمد.. تناديه بابا الحين,,, وليد بقى له اسبوع بس ويرد لندن.. هيا ماخذه كل تفكيره... مع ان اخر مره جافها لما يات بيتهم عالغدا... اما هنادي فاليوم ملجتها... هنادي بغرفتها معاها هيا ودانه... دانه: اشفيج جذي ترتجفين... كل هاي خايفه هيا: هههههه. اللي يجوفها الحين. مايجوف لسانها الطويل دانه: تصدقين عاد هنادي: اوهووو.. سكتوا عني.. بروحي واصله حدي ام هنادي يات من الصاله لغرفة بنتها: ها يمه بارزه؟ هنادي حدها متوتره: اي يمه بعد موافقة هنادي بالزواج من نواف.. اللي حده تشقق من سمع كلمة موافقه.. شغلوا الاغاني.. ورقصوا الاهل... ويوا الخالات وبناتهم يصورون معاهم.. بعدين يو الريايل يباركون لهم ... وصوروا مع نواف... وليد اللي من دخل الصاله . وعينه تدور على هيا. لي ماجافها.. اللي نظراته لها خلتها تستحي وتنزل عينها.. اليوم الثاني سووا غدا للعايله بهالمناسبه.. .. .. الكل يه بارك لهم عالخطوبه.. الفرحه موب شايله نواف وهنادي...... بعد يومين في بيت ام وليد... وليد: يمه.. ام وليد: هلا وليد: بغيت اكلمج بموضوع.. بس ماعرف اذا كان وقته او لا ام وليد: خير . قول يمه وليد: ااااااا.. يمه في بنت بالي وابي اخطبها ام وليد: بس انت للحين ماخلصت دراسه ولا اشتغلت؟ وليد اي اعرف.. بس انا ماابي البنت تطير مني ام وليد.. تبي هيا لوليد.. فتضايقت ان في بال ولدها بنت ثانيه: من هي البنت؟ نعرفها؟؟ وليد: اي يمه تعرفونها ام وليد: من؟ وليد وهو مستحي: يمه.. هيا رفيجة هنادي ام وليد حدها تشققت من سمعت اسم هيا : ونعم الاختيار ياولدي... والله انك تقرا اللي ببالي. نفس البنت اللي خاطري اخطبها لك وليد مستانس: صج يمه؟ ام وليد: اي يمه وليد: بس تهقين بيتهم يوافقون احجزها لي ما ارد من لندن؟؟ واشتغل؟ ام وليد: والله ياولدي مادري... وليد: شلون بنعرف؟؟ ام وليد: انا باخذ رقم اهلها من هنادي.. وبنروح انا وخالاتك نكلمهم.. ونجوف شيصير وليد: اي عفيه عفيه يمه... تعرفين بقى جم من يوم بس وارد لندن.. ابي اخلص السالفه قبل لا ارجع ام وليد: هههههههه.. ان شاء الله.. بحاول خلال هاليومين.. نكلمهم وليد وهو يبوس راس امه: الله يخليج يمه نهاية الجزء الرابع عشر... انتظروا الجزء الياي اللي راح تكون فيه مفاجئات واحداث وايد.. بس عاد ماادري يعجبكم او يقهركم.. انتوا وحظكم هههه. تحياتي
  10. ههههههههههههههههههههه نينو لاتسوين بروحج جذي خلاص بانزله... الحين بس الكاتبه نزلت الجزء اليديد الجزء الثالث عشر... بلندن... العصر... سوزي ,هيفا ,عادل وعبدالله قاعدين بغرفة منى بالمستشفى.. سوزي: ماشاء الله... ده انتي زي الحصان اهو... مافيكيش اي حاجة... هيفا: عم تدلع بس عادل: ماعندنا بنات يدلعون... هذي اخر مره تخرعينا.. منى: ههههههههههههه... ان شاء الله.. عبدالله طول الوقت ساكت.. ماتحجى ولاكلمه... منى: عبدالله اشفيك ساكت؟؟ عبدالله بروحه متخسبق منها.. بعد تكلمه... : ها.. لالا مافيني شي.. عادي عادل: اللي ماخذ عقلك اقول بس منى ابتسمت في ويهه لما قال عادل هالحجي عبدالله.. فديت هالابتسامه: اي عقل.. عادل: اقول هيفا.. تعرفين وين تصير الكافتيريا هني؟؟ هيفا: لا مابعرف سوزي: انا اعرف.. عاوز حاجه من هناك؟؟ عادل: اي.. باخذ لي شي اكله... ماتغديت.. تعالوا خل نروح هناك هيفا: انا مابدي اروح.. عادل وهو يغمز لها: ليش؟؟ انتي بعد ماتغديتي.. امشي خل نروح ناكل لنا شي هيفا فهمت عليه اشيبي: طيب.. منى بدك شي من هناك؟؟ منى: لالا سلامتج سوزي: وانا كمان حاجي معاكم.. منى.. انتي بعد بتروحين معاهم؟؟؟ بتخليني بروحي مع عبدالله؟؟؟ : انتي بعد بتروحين؟؟ سوزي: اه.. عازوه حاجه؟؟ منى:لالا عادل: عبدالله تبي شي من هناك؟ عبدالله: لالا مايحتاي تتعبون روحكم.. بايي معاكم منى.. اشوه عادل: لالا اي تعب اخوك... اقعد هني انت واحنا بنييب لك.. قول اشتبي عبدالله: ماابي شي... عادل: زين .. احنا مابنتاخر...تحمل فيها بس اوكي منى استحت ونزلت راسها.. عبدالله حده منحرج منها في بيت سلمان.. خلود كانت بغرفتها تبدل ثيابها... اميره وسلمان قاعدين بالصاله يشربون شاي سلمان: هههههه.. شكلج يضحك بثياب خلود اميره: تتطنز.. عشان انا قزمه وضعيفه؟؟ سلمان: لا .. افا اميره: يابختك بس ياسلمان سلمان: على شنو؟؟ اميره: حصلت لك وحده بهالجمال والاناقه مثل خلود سلمان: ههههه.. اي... عشان تعرفين ذوقي في الاختيار شلون؟؟ اميره: صج صج ماشاء الله عليها جميله... والحمل محليها اكثر... سلمان: لا تقولين لها.. تخلينها تغتر علي اكثر.. خلود كانت يايه ... اميره: اقول لها؟؟ سلمان: يودي حلجج وسكتي اميره: هههههههه.. انزين انزين خلود: على شنو تضحكون؟ ضحكونا معاكم سلمان: قاعدين نضحك على الثياب اللي عليها خلود: هههه.. مسكينه.. زين بعد حصلت لها شي يناسبها شوي اميره: تضحكين انتي بعد علي... ماعلي ماعلي خلود: افا اميره.. تزعلين علي؟؟ اميره: لو ماكنت باصير عمه.. جان زعلت عليكم انتوا الاثنين خلود وسلمان: ههههههههههههه اميره: سويتي سونار؟؟ جفتي اذا صبي والا بنت؟ خلود: لا.. خل نعرف لي ولدت احسن اميره: اهااا.. في جسميز... على حظ دانه ومحمد ان محد كان هناك....محمد ودانه قاعدين عالطاوله مجابلين بعض... دانه حدها مستحيه من محمد.. لانها اول مره تقعد معاه... ونفس الوقت مرتبكه وخايفه ان احد يجوفهم.. محمد: دانه دانه بحيا: هلا محمد: احبج دانه ويهه انقلب كله احمر وتحس روحها موب عارفه تقعد محمد: هههههههههه.. جوفي ويهج شلون صار احمر.. هالكثر تستحين مني؟؟ دانه: لا تصير بايخ... محمد يقلد عليها: لا تصير بايخ دانه: اوهووو.. قولي بسرعه.. عشان اروح.. والله خايفه احد يجوفنا محمد: ان شاء الله... بس على شرط دانه: شنو؟؟ محمد: تسمعيني للاخر من غير ماتقاطعيني دانه: ان شاء الله.. قعد محمد يقول لها عن علاقته بابتسام من اول يوم عرفها لليوم اللي جافها في البندر.... في السوبرماركت.. ام وليد للحين تتشرى في الاغراض.. هنادي حدها تعبت من المشي ورا خالتها.. هيا بس تضحك عليها... هنادي: تضحكين مع ويهج ها... هيا: اشدراني فيج.. ماصارت ساعه مشيتي فيها هني هنادي: يعني ساعه شوي؟؟؟ من الصبح قعدتي... ماقعدت ولادقيقه في الجامعه هيا: ماعلي استحملي.. الحين بتخلص هنادي: خالتي.. خالتي افترت عليها ام وليد: شريتي اغراض الجمعيه كلهم... ام وليد: هههههههه.. شاسوي .. مافي شي في لبيت... بعدين يوم الجمعه بيونا ضيوف... باسوي عزيمه في البيت هنادي: واحنا معزومين... وهي تغمز لهيا ام وليد: اكيد.. بعد مايحتاي تسالين.. بس انا للحين ماقلت حق امج ولاخالتج.. هنادي: من الضيوف خالتي.. نعرفهم؟؟ ام وليد: لا ماتعرفونهم.. لي ييتوا الجمعه بتعرفونهم.. لازم تتسالين؟؟ هيا تضحك عليها... هنادي: اي.. ابي اعرف من يايين ام وليد: بتعرفينهم ان شاء الله.. بس موب تقولين حق امج.. انا باتصل فيها باقول لها.. هنادي: انزين ام وليد: انتي بعد معزومه عالغدا هيا هيا: لالا خالتي.. انا ماعرف احد هناك.. بعدين انتوا اهل متيمعين مع بعض.......... ام وليد: اشدعوه يابنيتي.. لا انتي غريبه ولاشي.. كاني عرفتج الحين... لازم تيين... هيا بحيا: لالا خالتي.. مايصير هنادي اشفيج تتعززين مع ويهج.. حمدي ربج احد عازمج ام وليد: خلاص تيين.. والاماخليج ترديني البيت هيا بنعومتها: ههههه.. ان شاء الله خالتي.. بايي هنادي: اوادم ماتمشي الا بالعين الحمره هيا: ههه.. خفيفه هنادي: ادري في سيارة صالح... وليد راد البيت بعد ماخلص من السوق .. وليد: انت لو جفتها بس... صج حلوه صالح: الحين انت اشفيك ذابح عمرك عالبنت... صج ماتستحي وليد: ليش؟؟ اشسويت انا؟؟ صالح: بعد تسال؟؟ الحين انت موب خاطب بنت خالتك؟؟ حاط عينك على هالبنت اللي جفتها ليش بعد؟؟ وليد: تدري شنو؟؟ انا لما جفت دانه.. تخرعت عليها...يمكن لانها كان شكلها غير لما كانت صغيره.. والحين صارت احلى,,, صالح: يعني شنو؟؟ مافهمت وليد: يعني... اني انصدمت من تغيرها مره وحده... من جذي حطيتها في بالي... صالح: ورفيجة ينت خالتك؟؟ بعد انصدمت من شكلها؟؟ وليد: ههههه.. لالا.. بس حسيت شي يجذبني لها.. ماادري شنو.. بس هاي اللي حسيته صالح: يعني بتهون عن بنت خالتك؟؟ وليد: لالالا.. موب لهالدرجه عاد.. انا بنت خالتي ابيها صالح: عيل اسكت.. وشيل البنت من تفكيرك في جسميز... دانه بعد ماسمعت كلام محمد..: ليش ماقلت لي من قبل؟؟ محمد: ماحبيت اقول لج عن الماضي.. لان هاي شي وانتهى... انتي الحاضر.. انتي المستقبل اللي راسمه في بالي دانه: وليش ماقلت لي انها تتصل فيك؟ محمد: والله ماحبيت اشككج فيني... وانا قلت لها اني ماابيها.. ومااحبها... وعشان خاطرج.. باجر بروح اطلع لي رقم ثاني دانه مستانسه من كلام محمد: اي .. طلع لك رقم ثاني احسن.. لاتطلع لنا بعد وحده غير محمد: هاااا.. ابتدينا نشك من الحين دانه وهي تضحك: لا والله موب قصدي.. اتغشمر معاك محمد: فديت هالضحكه وراعيتها دانه: محمد.. لاتحرجني محمد: فديت اللي ينحرجون انا دانه: اوهووو.. ترى بامشي عنك الحين محمد: افا... يطاوعج قلبج تمشين عني مره وحده دانه بحيا: لا محمد: فديتج...........دانه دانه: عيون دانه محمد: تسلم لي عيونج... صج اللي سمعته؟؟ دانه باستغراب: شنو؟؟؟ محمد: ان وليد تقدم لج دانه تضايقت لما تذكرت سالفة وليد محمد جافها متضايقه: اشفيج؟؟ دانه: متضايقه محمد: من شنو عمري؟؟ دانه: ماعرف شلون ارد على وليد اني ماابيه محمد حده مستنانس.. ان دانه كانت تبي تقول لا من قبل لا هو يكلمها اليوم: يعني انتي ماكنتي بتوافقين عليه عناد لي؟؟ دانه: ههههههه.. هاي اللي كنت خايف منه ها؟؟ محمد: اكيد دانه: لا ماكنت بوافق.. شلون اوافق عليه.. وقلبي عند واحد ثاني محمد: منو هالواحد؟؟ دانه: محمد محمد: حبيبتي والله دانه: بس شلون اقول له؟؟ اخاف تصير حساسيه ما بينا بعدين محمد: انا عندي لج حل دانه: شنو؟؟ محمد: اتصلي فيه وقولي له ان ماتبينه دانه: اتصل فيه!!!! لالالا.. استحي اقول له هالحجي محمد" ياحبيبتي... اذا انتي وضحتي له ليش ماتبينه...يعني ان بتقولين له تعتبرينه مثل اخوج بيقتنع.. بس ييبيها بطريقه حلوه عشان مايحط في خاطره دانه: تهقى يعني جذي!!! محمد: اي .. بعدين وليد يبين عليه انسان متفهم... وماراح يكبر الموضوع اذا قلتي له دانه: ماادري والله.. بس احاول اكلمه و اقول له محمد: عاد موب تتاخرين.. اليوم قولي له دانه: اشفيك خايف جذي ومستعيل؟؟ محمد: اكيد باخاف على مستقبلي وحياتي دانه: هههه.. ان شاء الله... ماراح اطول عليك.. يالله انا بامشي محمد: وين تو الناس؟؟ دانه: لا تاخرت... صار لي اكثر من ساعه معاك محمد: اوهووووو... متى بس تمين معاي طول الوقت رن تلفون دانه ... امها كانت متصله دانه تخسبقت حدها: بيـــــــــه... امي امي .. متصله محمد: زين ردي عليها دانه: شاقول لها؟؟ محمد: ردي انتي الحين بس دانه: الو ام احمد: الو.. دانه دانه وهي تاشر بيدها لمحمد انها خايفه: هلا يمه محمد يضحك عليها ام احمد: يمه متى بتردين؟؟ دانه: الحين يمه.. ليش تبين شي؟؟ ام احمد: اي يمه... مري بيت خالتج ام هنادي بتعطيج شوية اغراض لي دانه ارتاحت.. عبالها امها بتزفها: ان شاء الله... الحين بامر عليها ام احمد: عاد لا تتاخرين... دانه: اوكي ام احمد: يالله تحملي بروحج.. دانه: ان شاء الله.. دانه بعد ما سكرت التلفون: اشووووووووه... مازفتني محمد: هههههههه.. بو لهالدرجه تخافين منها دانه: بعد امي محمد: فديتها عمتي... دانه: ههههههههه.. يالله يالله خل امشي محمد: اوكي... تحملي بروحج عمري دانه: ان شاء الله.. انت بعد طلعت دانه من جسميز .. عشان تمر بيت خالتها وترد البيت.... بلندن.... الغرفه هدووووووووووء... منى وعبدالله يطالعون بعض من غير مايتكلمون.. كل واحد مستحي من الثاني... اخيرا عبدالله تشجع عشان يتكلم... عبدالله وهو يلعب بالكتاب اللي بيده: قالو لج متى بيرخصونج؟؟ منى بهدوء: اي.. باجر الصبح ان شاء الله عبدالله: وشلون عن الجامعه؟؟ منى: باداوم من يوم السبت عبدالله: اذا تبين اشرح لج عن المحاضرات اللي ماحضريتها انا حاضر منى: جم بتاخذ علي؟؟؟ عبدالله ماصدق ان يضحك: هههههههههههههههههههههههه... جم بتدفعين لي؟؟؟ منى: بل.. انت اللي تعرض علي.. بتدفعني بعد عبدالله: هههههه... اي لازم.. بعد اتعب اثنينهم: هههههههههههههههه عبدالله بتردد بطل الكتاب اللي بيده, طلع ورقه منه.. وراح يم منى: منى!! منى: نعم عبدالله وهو يمد يده: ابيج تاخذين هالورقه... بس ماتقرينها الا اذا مشينا عنج ورحنا البيت منى باستغراب: ليش؟؟ عبدالله: اذا قريتيها بتعرفين... منى: اوكي... خلتها تحت مخدتها عشان بعدين تقراها... عبدالله: لي طلعنا اقريها انزين منى: ههههه.. انزين عند بيت وليد... وليد واقف عند البيت ينتظر امه ترد عشان يجوف هيا.....( يحس روحه يبي يجوفها...) بعد ربع ساعه من وقفته في الحر يات امه.... ام ووليد بعد مانزلت من السياره: اشوه.. وليد هني عشان يشيل الاغراض.. وليد يمه تعال وليد وهو ياي.. حده مستانس ان بجوف ويه هيا: هلا يمه هنادي على طول تحجت: تعال شيل الاغراض بسرعه.. خل نمشي وليد وهو يطالع هيا: وانتي كلش ماعندج اسلوب في الحجي.... هنادي: لا ماعندي. علمني ام وليد: اشفيج صاير لسانج طويل... باعلم عليج نواف.. عشان يقصه لج شوي هنادي استحت من خالتها لما يابت طاري نواف: ها.. لالالا.. خلاص خلاص باسكت. .دام السالفه فيها نواف هيا ميته من الضحك عليها... وليد: ياويلي... حتى ضحكتها ناعمه.... : خفتي لي يابوا طاري الحبيب... عيل اليوم باقوله هنادي: ههههه.. خرعتني قول له وليد: وينهم الاغراض خل انزلهم.. عشان تفتك من ويهج هيا: لحظة بابطل الصندوق وليد: ياويلي ياويلي.. عالنعومه بس.. مااقدر... وليد وقف عند الصندوق كانه مسبه هنادي: اشفيك واقف جذي.. يالله نزلهم بسرعه وليد: يمه.. تم شي ماشريتيه من الجمعيه؟؟؟ هنادي وهيا يضحكون عليه....... هههههههههههههه هنادي: هذا انت جفتهم قلت جذي.. عيل شتقول عنا احنا اللي كنا نمشي وراها ونشيل بالاغراض ام ووليد: عن الطنازه اثنينكم الحين.. يالله بسرعه نزلوهم معاي هيا: باساعدج خالتي ام ووليد: لا يابنيتي خليهم عنج... خل هالاثنين يشيلونهم.. لاتعبين روحج وليد: لالا.. خليهم عنج باشيلهم انا هنادي: اشهالادب اللي حال عليك وليد: شيلي الاغراض وانتي ساكته نواف كان ياي بيت خالته حق وليد.... هنادي استخفت من الزين وليد: كاالحبيب يه... راويه لسانج الطويل هنادي: اشله ماقلت لي ان بيي؟؟؟ وليد: بس كيفي نواف بعد مانزل من السياره: السلام عليكم الكل: عليكم السلام نواف وهويبوس راس خالته: قوه خالتي... شلونج؟ ام وليد: الحمدلله.. انت شخبارك؟ نواف: تمام... وليد شخبارك؟ وليد: انا كنت زين.. بس من يات ام لسان طويل اعتفس مزاجي نواف: هههههه.. من ذي ام لسان طويل؟؟ وليد: بعد من... هذي اللي واقفه يمك هنادي حدها مستحيه من نواف... نواف: هااااا.. حدك عليها... كل شي ولاهنادي هنادي.. فديتك والله:اي قول له.. من مساعه يصارخ علي وليد: الله واكبر.. الحين صرت انا اللي اصارخ.. اسال امي ام وليد: عن المناجر الحين.. دخلوا الاغراض بسرعه.. قبل لايختربون نواف: عنج عنج خالتي... روحي انتي داخل واحنا نييبهم ام وليد: عاد عن السوالف..بسرعه ييبوهم دخلت ام وليد البيت... نزلوا الاغراض من سيارة هيا.. عشان يدخلونهم البيت وليد: مشكوره يالغاليه... مسامحه تعبناج معانا هيا: لا اشدعوه.. ماسويت شي هنادي: يالله يالله خل نروح... متنا من الحر نواف: تحملوا بروحكم هنادي بحيا: ان شاء الله وليد: لاينط لج عرج بس نواف طق وليد على راسه: اقعد عنها يالله.. شيل شيل الاغراض بسرعه هيا وهنادي بالسياره... هيا: هذي نواف؟ هنادي: اي.. فديته.. جفتيه؟ هيا: ماشاء الله عليه.. صج وسيم هنادي: لايق علي؟؟ هيا: اي.. بس هو احلى هنادي: هاهاهاهاه.. اصلا اثنينا حلوين هيا: هههههههههه.. اي اي اثنينكم حلوين.. لا تاكلينا بس المغرب في بيت دانه.. ام احمد: مااتصلت اختج دانه: بلى.. قالت مابترد الحين.. بتتعشى مع خالد بعدين بتيي ام احمد: يوم الجمعه خالتج ام وليد مسويه غدا في بيتهم ... بيوونهم ضيوف تبينا نتعرف عليهم دانه.. اوف.. يعني بعد باجوف وليد.... قعدت تفكر بكلام محمد... عشان تكلم وليد وتقول له ردها دانه: انا بروح داري ارتاح شوي... تبين شي؟؟ ام احمد: لا يمه.. روحي ريحي دخلت دانه غرفتها.. قعدت عالكرسي و حدها متردده ان تتصل في وليد وتقول له ردها....بعد ربع ساعه من تفكيرها تشجعت تتصل فيه...بس خافت ان يكون معاه احد.. وماتقدر تكلمه.. فطرشت له مسج عشان تجوف اذا تقدر تتكلم معاه.. ( مرحبا وليد... انا دانه.. اقدر اكلمك الحين اذا ماكنت مشغول) يوم دانه تطرش له مسج,, كان قاعد عالسرير سرحان بويه هيا,,, بطل المسج وقراه: هلا والله هلا...على طول طق الرقم في تلفونه واتصل فيها دانه لما جافت رقمه بتلفونها .. بل بل ماصدق طرشت له مسج...دانه حدها كانت خايفه وهي ترد عليه: الو وليد: هلا دانه دانه: هلا وليد وليد: شخبارج؟ دانه: الحمدلله بخير.. انت شخبارك؟ وليد: انا بعد بخير سكتت دانه .. ماعرفت تتكلم وليد:الو.. دانه دانه: هلا هلا وليد: اشفيج ساكته؟؟ عسى ماشر دانه: لالا. مافيني شي .......( ياربي شلون اقول له!!!!!!!!) وليد: كنتي تبين تكلميني... دانه: اي.. بس .. متردده وليد حس انها متصله فيه عشان ترد عليه... ومتوقع رفضها له لما جافها وايد تاخرت في الرد عليه وليد: خير دانه.. قولي لاتترددين.. دانه: وليد.. باقولك شنو ابي.. بس توعدني ان ماتزعل من الكلام اللي باقوله لك وليد تضايق شوي: ان شاء الله .. بس قولي لي دانه: الصراحه وليد.. ساره قالت لي انك تبي تخطبني... وان تنتظر موافقتي عشان تكلم بيتنا وتحجزني منهم وليد: اي دانه وهي تتنهد بقوه: انت صبي زين وخلوق ... ويشرفني ان اكون من نصيبك... بس.. بس وليد: بس انتي ماتقدرين ترتبطين فيني... لان تعتبريني مثل اخوج دانه بطلت عينها كلام وليد: هااا.. شلون عرفت اني باقول هالحجي وليد: جفت انج وايد تاخرتي في الرد علي.. وجفت شلون انتي متردده وانتي تتكلمين فعرفت اشتبين تقولين... دانه: يعني انت موب مضايق؟؟؟ وليد: لا.. بالعكس.. انا وايد مستانس انج قلتي لي هالحجي بلسانج... بعدين انا مااقدر اغصبج علي.. اذا انتي ماتبيني... دانه:لا تفهم اني رافضتك ان فيك شي.. لا .. بس صج انااعتبرك مثل اخوي.. مو اكثر وليد: مقدر شعورج انا.. دانه حسته ان متضايق: وليد... زعلت؟؟؟ وليد مايبي يحسسها بشي: هههه..لالا.. موب زعلان دانه: اكيد؟؟ وليد: هههههههه يابنت الحلال قلنا لج موب زعلان دانه ارتاحت لما جافته يضحك.. وشلون تفهم ردها دانه: زين اخليك الحين... واتمنى علاقتنا كعيال خاله ماتتغير.. وليد: اكيد... من غير ماتقولين دانه: يالله.. مع السلامه وليد: الله يسلمج بعد ماسكرت دانه من وليد... وليد وايد تضايق من ردها ... بس الشي اللي خلاه يتقبل الموضوع هيا.. صحيح هي مايات في باله لما دانه كانت تكلمه.. بس احساسه فيها خلاه جذي.. اتصل في نواف وقال له الحجي اللي صار بينه وبين دانه.. ونواف بدوره حاول يخفف عليه بكلامه له دانه على طول اتصلت في محمد وقالت له محمد: قلت لج وليد بيتفهم الوضع دانه: ماتعرف اشكثر انا مرتاحه الحين محمد: اعرف حبيبتي... ... دانه دانه: عيون دانه محمد: دام انتي مستانسه الحين... باخليج تستانسين اكثر دانه: شلون؟؟ محمد: بعد رمضان.. باخلي يدتي تحاجي اهلج دانه حدها مستانسه: صج عمري؟!!!!!!!1 محمد: اي صج.. مافيني شدة واحد ثاني ايي يخطبج بعد دانه: بس مافي ضغط عليك؟؟ محمد: لا مافي ضغط... الحمدلله كل شي اوكي دانه الفرحه موب شايلتها لما محمد قال لها ان بيخطبها بعد رمضان.... ونفس الشي محمد.. يتمنى رمضان ايي ويخلص بسرعه عشان يتقدم لها في المستشفى .. منى قاعده بروحها بالغرفه... تذكرت الرساله... خذتها من تحت المخده وقعدت تقراها... ( السلام عليكم ورحمة الله وبركاته العزيزه منى... اتمنى ماتزعلين من الكلام الي راح تقرينه بهالرساله... واتمنى بنفس الوقت اني احصل على رد بعد ماتقرينها.. بس ياريت يكون الرد بنفس الورقه... ماعرف شلون اقول لج ... الصراحه انا انعجبت فيج من اول ماجفتج.. والشي اللي خلااني انعجب فيج اكثر اخلاقج... لدرجه اني حبيتج من كل قلبي... ماعرف اذا كان هذا الشعور متبادل والا من طرف واحد بس!!!!!!!! ترددت وايد اني اصارحج... خوفي ان تزعلين مني... وتخترب علاقتنا ببعض... اذا حسيتي ان هالشي يضايقج.. انسي انج قريتي هالرساله بيوم من الايام...واوعدج اني ماراح اكلمج بالموضوع مره ثانيه... وعلاقتنا راح تم مثل ماهي... اصدقاء.. مع اني احس صعب علي اتقبلج كصديقه لي بس او اخت... اعذريني بس هذا شعوري اتمنى اني ماضايقتج برسالتي.. واعرف ان اسلوبي ركيك بالحجي... بس ماعرف اعبر الا جذي... انتظر ردج باقرب وقت... تحياتي.. عبدالله) بعد ماقرتها.. طلبت قلم من الممرضه... وكتبت ردها في الجهة الثانيه من الرساله نهاية الجزء الثالت عشر تحياتي
  11. بعد ماخلصت من تغيير السيلان: حسنا.. اتريدين شيئا اخر؟؟ منى: كلا شكرا طلعت الممرضه من غرفة منى وخلتها حايره تفكر في الشخص اللي قالت عنه خطيبها... بعد دوام المدرسه.. اميره واقفه مع رفيجاتها تنتظر اييون ياخذونها... سلمان كان توه واصل عند لفة المدرسه.. بس يقدرون يجوفونه سحر: اكا وصل المعذب؟؟ اميره تطالع منال وتبتسم لها: منو؟؟؟ سحر: هذي.. راعي السياره السوده... بينتظرج ا لين ماياخذج ابوج بعدين بيمشي منال: واشفيج تتتكلمين بحره جذي؟؟؟ سحر: هااا... انااا. ااا.. مافيني شي اميره ومنال يضحكون عليها... وصل سلمان ووقف يم منى سحر: من صجه واقف هني منال: خخخخخخ اميره: يالله مع السلامه اجوفكم باجر سحر: وين بتروحين.. للحين مايوج؟؟ اميره: بلى اخوي ياني.. يالله بااااااااااي منال وسحر: باي ركبت اميره سيارة سلمان وهي ميته من الضحك على سحر سحر وعلامات التعجب والاستغراب على ويهاا تكلم منال: اميره...راكبه في السياره السوده؟!!! شلون؟؟؟ منال وهي تضحك: ههههههههههه.. لايروح بالج بعيد... بس طلع اخوها سحر: شلون؟؟؟ منال قالت لها السالفه كلها... وانقهرت سحر زود لما عرفت ان يطلع اخوها بعد (والله حاله على هالبنت) في السياره... سلمان: ها.. استانستي الحين؟؟ اميره: ههههههههههه.. اي سلمان: اي وحده فيهم اللي تبين تقهرينها؟؟ اميره: اللي كانت لابسه مريول قصير سلمان: اهااا... ليش كانت راسمه علي هههههههههه اميره: تصدق عاد سلمان: عيل خل ارد ارقمها وهو يغمز لها اميره: هاااااااااااااا.. شنهوووووووو.. تبي اقول لمرتك روح رقمها سلمان: ههههههههه......ماتهون علي مرتي اخونها... بعد عمري والله... الله يخليها لي اميره: اي.. عيارتك بس... خايف اروح اقول لها سلمان: ههههههههههههه... تبين تجوفينها؟؟ اميره: توديني اجوفها؟؟؟ سلمان: اي بس بشرط اميره: شنو؟؟ سلمان: تتغدين عندنا اميره: ماطلبت شي... عطني عطني تلفونك خل اتصل في امي اقول لها سلمان: بل .. صج ملقوفه... ماتصدقين احد يعزمج بمكان اميره: هههههههه... بعد باجوف مرت اخوي.. اكيد باصير ملقوفه سلمان حده مستانس ان هو واميره تاقلموا مع بعض بهالسرعه... خذت تلفونه واتصلت في امها وقالت لها... طبعا امها زفتها في البدايه على لقافتها لكن لما عرفت ان سلمان طلب منها هالشي... وافقت.. نرجع لندن مره ثانيه.... سوزي وهيفا للحين ما راحوا لمنى المستشفى... بس عبدالله توه واصل... على طول دخل الغرفه عباله منى راقده... من بطل الباب شير بمكانه...جاف منى قاعده تقرا قران بكل خشوع... بس وقفت قراءه لما بطل عليها الباب منى: عبدالله؟؟ عبدالله تخسبق: سوري..سوري منى.. عبالي راقده منى... يعني انت اللي كانت تتحجى عنه الممرضه!!!... منى: لالا عادي.. تفضل عبدالله مستحي منها.. اول مره يحس بهالشي جدامها: شخبارج؟ منى: الحمدلله.. اشوه الحين عبدالله: كليتي شي منى وهي تبتسم: اي كليت من شوي عبدالله انهد في الحجي مره وحده بدون مايحس: اي اكلي... لاتطيحين علينا مره ثانيه بعد وتخرعينا عليج...كفايه البارحه مارقدت وانا خايف عليج.. اوبس.. قصدي مارقدنا بسبب خوفنا عليج منى تضحك من داخل قلبها عليه: انا سويت فيكم جذي؟؟؟؟ خلاص اخر مره.. ماراح اخرعكم مره ثانيه عبدالله.. ياريت كل يوم يصير فيج جذي.. عشان بس اكون يمج (عياار) عبدالله: سوري ... ييت ويدي خاليه.. عبالي للحين راقده منى: لالا.. اشدعوه... عبدالله موب عارف يقعد: انزين اترخص الحين انا.. عشان تاخذين راحتج..بعدين اييج لي يه عادل والبنات منى: ليش انت مارحت الجامعه اليوم؟؟ عبدالله: هااا.. لا.. بلى رحت. توني الحين راد منى .. عيارتك .. عبالك مادري انك كنت سهران هني من البارحه: اهااااا عبدالله: ازورج بعدين .... بالله مع السلامه منى: اوكي... عبدالله: تحملي بروحج منى: وانت بعد عبدالله متشقق على الكلمه.. فديت اللي تقولي وانت بعد .... منى من طلع عبدالله..قعدت تفكر بكلام الممرضه.. وشلون كان خايف ومهتم فيها....يعني تقدرون تقولون ابتدت تنعجب فيه من تصرفه ... على الساعه اربع هنادي ورفيجتها هيا وصلوا عند بيت ام وليد عشان يودونها تشتري اغراض... وليد طلع بره عباله رفيجه صالح... هنادي لما جافته نزلت له وليد: هذي انتي ... عبالي صالح رفيجي هنادي: الحين ويهنا ويه رفيجك...وين خالتي؟؟ وليد: الحين بتطلع...تحملي بامي.. شوي شوي عليها هنادي: يازعم تنكت مع ويهك؟؟ وليد: يام لسان طويل انتي... متى بتقصينه هنادي: لي قصوا لسانك وليد: هههه خفيفه هنادي: ادري..روح روح ناد خالتي.. لاتتاخر رفيجتي وليد: ارجوج عاد وانتي رفيجج ام وليد توها طالعه من البيت.. هيا نزلت من السيااره .. بطلت الباب الوراني عشان تشيل الاوراق المحذفه على السيت قبل لاتقعد ام وليد... وليد انتبه لهيا وهي نازله... هيا ماشاء الله عليها... جميله... لونها برونز.. عينها وساع... عندها خفسه في حنجها... وهالشي يلفت الانتباه فيها.. ويعطيها حلاوه اكثر وليد....صج حلوه ماشاء الله عليها...هنادي عندها رفيجه بهالحلاه وانا ماادري....: هذي رفيجتج؟ هنادي: اي... حطيت العين عليها؟؟؟ وليد: اي عين اي خرابيط انتي... بس اسال.. ممنوع السؤال يعني هنادي: اي ممنوع.. وهي تسلم على خالتها: هلاهلا خالتي.. شخبارج؟؟ ام وليد: الحمدلله.. انتي شخبارج؟؟ هنادي: تمام والله..وهي تعرفها على هيا,, وليد كان للحين واقف هنادي: هذي هيا رفيجتي خالتي ام وليد: هلا والله.. شلونج يمه هيا وهي تبوس ام وليد وتتحجى بكل نعومه: الحمدلله خالتي... وليد... ياعيني عالنعومه... هذي اللي تبي تذبحنا بنعومتها.. بعدين اشعلي انا منها الحين... خل ادخل البيت عن الحر احسن لي... مع ان هو كان وده يوقف لي مايروحون عشان بس يجوف هيا... ام وليد: هذي سيارتج يمه؟؟ هيا: اي خالتي ام وليد تكلم هنادي: ليش مكلفه عالبنت عاد.. لو دريت ماخليتكم تودوني هيا: اشدعوه خالتي... لا كلافه ولاشي... عادي مافيها شي ام وليد: الله يخليج... وهم في السياره... ام وليد: هنادي.. خلصتي اغراض ملجتج؟؟؟ هنادي: بقى بس الفستان هيا: يعني بس ملجه.!!!!. انا عبالي بتسوين حفله بعد هنادي: لالا.. باسوي حفله في العرس هيا: اهاااا ام وليد: الفال لج هيا هيا بحيا: ان شاء الله راحوا السوبر ماركت واشترت ام وليد اغراض للبيت... عند الجامعه... محمد قاعد ينتطر دانه تطلع ... يعرف ان عندها سيارة احمد ااخوها...بعد ربع ساعه لمح سيارتها طالعه من البوابه...على طول اتصل فيها بس هي جافت الرقم وسفهت له.. مع انها كانت متردده اذا ترد عليه او لا... لحقها بسيارته وصار وراها بالضبط... انتبهت دانه ان في احد لاصق وراها ,,,عبالها واحد مستعيل ماتدري ان محمد.. فخذت سيد اليمين عشان يطوف.. بس حست ان السياره قاعده تمشي بسيدتها وفي احد يأشر لها...فرت ويهها وانصدمت ان محمد اللي في السياره (كان ياي بسيارة اخوه عبدالرحمن الله يرحمه) تم يأشر لها بتلفونه بيبيها ترد عليه... خافت ان احد يجوفها في الشارع وهو يلاحقها بهالطريقه... محمد ماكان عنده الا هالحل عشان يكلمها...فردت على مكالمته وهي حده منقهره محمد: الو دانه: خير؟؟؟ محمد: بل.. شهالنفس الخايسه ؟؟ دانه: قول اشتبي بسرعه... محمد: يصير تتحجين بهدوء عشان اعرف اكلمج دانه: لا مايصير... قول اشتبي بسرعه؟؟ محمد حدها عصب من طريقتها .. قام يحاجيها بصراخ: يعني لمتى بتمين جذي؟؟ انتي ابد ماتعطين الواحد فرصه عشان يبرر لج موقفه؟؟؟ اكثر من اسبوع الحين وانتي ماتردين على مكالماتي؟ ماتحسين انتي.. تعرفين اشكثر متضايق انا من هالوضع؟؟ وهو يصارخ عليها طلعت عليه سياره مره وحده...طق بريك بقووووووووه... عشان مايدعمها.. ووقف السياره بنص الشارع.... طاح التلفون مره وحده من يده....... دانه جافت شلون طق بريك وخافت عليه وايد...خصوصا ان التلفون طاح من يده.. عبالها صار في شي دانه بخوف: الووو... الوووو.. محمد.. تسمعني.. الووو محمد شال التلفون من تحت ريله... حرك السياره مره ثانيه... سمع دانه تتكلم محمد: الوو دانه: عمري صار فيك شي؟؟ محمد: فديت هالكلمه وراعيتها... والله وحشتني دانه وهي مستحيه: تبي تخرعني عليك بس تسوي هالحركات محمد: انا موب ياهل عشان اسوي هالشي دانه: زين لاتعصب علي مره ثانيه.. كفايه صراخك مساعه.... خليتني اخاف منك محمد: هههه.. صج عمري خفتي مني؟؟ دانه: اي.. محمد: دانه.. ابي اكلمج الحين الحين دانه: كا انت تكلمني محمد: لا ابي اكلمج ويه بويه... لازم اقول لج على كل شي الحين قبل لايفوت الفوت دانه: اشتقصد؟؟ محمد: لي جفتج الحين باقول لج دانه: وين يتقول لي؟؟ محمد: تعالي وراي ..باوديج مكان نتكلم فيه دانه: اول قول لي وين؟؟ محمد: بووو.. لهالدرجه مافي ثقه؟؟ دانه: لا.. بس اخاف احد يجوفنا محمد: باكلمج في باركات مستشفى العسكري... اوكي هناك؟؟ دانه: لالالا. شنو مستشفى العسكري.. تبي تفضحنا محمد: انزين.. تدرين وين؟؟.. خل نروح جسميز (ارض الصغار) هناك مافي احد هالحزه.. نقدر نتكلم براحه.. اوكي... دانه: مممممممممممم محمد: ماله داعي تفكرين..تيين يعني تيين.. والابالحقج لي بيتكم دانه: شنو تلحقتني لي بيتنا.. خلاص خلاص بايي الحين.. بس خلني اتصل في امي اقول لها باتاخر محمد: اوكي.. انتظرج هناك انا سكر محمد من دانه على طول راح جسميز ينتظرها.. دانه اتصلت في امها وقالت لها انها بتتاخر بالجامعه.. نهاية الجزء الثاني عشر
  12. مرحبا... اخواتي العزيزات.. لاتزعلون مني على التاخير في تنزيل القصه... مثل ماتعرفون مو انا الكاتبه... الكاتبه هي اللي تتاخر في تنزيلها... يعني انا اول ماتوصلني انزلها لكم.... الجزء الثاني عشر...... في بيت بووليد... ام وليد واميره منصدمين من الموقف اللي جدامهم موب عارفين شالسالفه.... ام وليد تطالع وليد: شالسالفه؟؟؟؟ وليد وهو متوتر وخايف من ردة فعل امه: يمه...يمه... بوووليد: اسكت وليد ...وهو يسحب ام وليد... تعالي ام وليد تعالي.. سلمان واميره ووليد بس يطالعون بعض وعلامات الاستغراب في ويههم ام وليد: خير بووليد... شالسالفه ومنو هالصبي؟؟؟؟ سلمان كان حده متوتر من جوفة اخته ومرة ابوه بوووليد والفرحه موب شايلته: تعرفين هذا منو؟؟؟ ام وليد: من وين اعرف بوووليد... قولي شالسالفه؟!!! اميره حدها مستنكره الموقف اللي جدامها... هالشاب في بيتهم ولا وفي وسطهم قاعد؟؟؟ بوووليد: هذا سلمان ياام وليد... سلمان ولدي اللي انحرمت منه 24 سنه... اميره انصفق ويهها من الزين...سلمان؟؟؟ ولد ابوي؟؟؟؟ ام وليد: سلمان؟؟؟؟ سلمان ولدك اللي راح الامارات وانقطعت اخباره عنك من 24 سنه؟ بووليد وهو يضحك ويصيح بنفس الوقت: أي أي يام وليد!!! هذا ولدي سلمان... سلمان خايف من ردة فعل ام وليد ووليد نفس الشي وليد...امي تعرف عن السالفه يعني؟؟؟؟؟ ام ووليد: هلا يمه هلا... وهي تسحبه عشان تقعده عالكرسي.. هلا والله...وينك كل هالسنين عن ابوك؟؟ الله العالم اشكثر كان متضايق عليك؟؟؟ حتى انا اللي ماعرفك ولاجفتك تضايقت من السالفه... اميره وصلت حدها ماتدري شالسالفه وسلمان ماتوقع مرة ابوه ترحب فيه جذيه اميره: شالسالفه؟؟؟ منو سلمان هذا؟؟؟؟؟وهي تطالعه سلمان يدري ان اميره منصدمه من وجوده ويعرف ليش هي معصبه جذي... وليد راح يم اخته: تعالي اميره قعدي يمي... بنشرح لج السالفه كلها... ام وليد كانت حدها مستانسه كأن ولدها اللي انحرمت من جوفته كل هالسنين.... سلمان وايد ارتاح من تصرف مرة ابوه... قعدت اميره وشرحوا لها السالفه كلها ومنو هالسلمان...... نروح تايلند اللي سلمى واحمد غارقين بالحب في شهر عسلهم.... سلمى: حبيبي ماتبي عشى؟؟ احمد: انتي يوعانه؟؟ سلمى: ميته من اليوع احمد: بعد عمري والله... يوعانه وانا موجود.... ااكلج بيدي سلمى: هههههههههه... بس احمدي لا انا استحي احمحد: فديت اللي يستحون انا... وهو يرفع راسها بيده... اجوف الويه.. اجوف... ياعمري اللي خدودهم صايرين حمر سلمى: اوهووو احمــــــــــــــــــــــــد... يالله نقوم خل نروح نتعشى احمد: ان شاء الله .. خمس دقايق وتجوفيني جاهز طلعوا وراحوا تعشوا بمطعم الفندق بجو كلاسيكي ... (ياعيني هههه) محمد لما سمع خبر خطبة وليد من دانه... وايد تضايق... واستاذن بسرعه من نواف عشان يرد البيت نواف: وين وين؟؟.. تو الناس محمد: تذكرت عندي بروجكت لازم اسلمه باجر نواف: توك متذكر الحين؟؟؟ محمد: تصدق عاد نواف: عيل روح بسرعه خلصه لا يخلص عليك الوقت محمد: هههه.. أي خل الحق على عمري.. يالله اترخص انا نواف: في حفظه طلع محمد من بيت نواف...والضيق واصل له حده....ركب سيارته وهو يفكر بكلام نواف... وشنو راح يكون قرار دانه بهالموضوع.... في طريجه للبيت وهو يفكر يات على باله فكرة شلون يكلم دانه ويشرح لها اللي صار قبل لا تتسرع وتوافق على وليد...( ياريت تنجح فكرتي) نروح لندن ... وصلت سيارة الاسعاف المستشفى... عبدالله ماتباعد عن منى ولا دقيقه....الا يوم دخلوها غرفة الفحص.... بعد عشر دقايق عادل والبنات وصلوا المستشفى... عادل: ها عبدالله بشر؟؟ عبدالله: دخلوها غرفة الفحص... سوزي: ياربي تأوم بالسلامه هيفا: يارب قعدت سوزي تقرا قران وادعيه عشان منى تقوم بالسلامه... عبدالله من الخوف على حبيبية قلبه التوتر ماكله حده...موب عارف يقعد والايوقف.. تم رايح ياي عشان بس يسيطر على الارتباك اللي فيه عادل: عبدالله اشفيك؟؟ هدي من روحك شوي... البنت مافيها شي ان شاء الله عبدالله: ماادري ليش خايف عليها هالكثر...وهو يتنهد ياربي تقومها بالسلامه بس هيفا: عبدالله.. هدي بالك...لاتعمل بروحك هيك... هيفا تبي تهدي الوضع: لهالدرجه بتحبا... يابختها والله فيك عبدالله.. ياريت هي تحبني كثر ماانا احبها بس عادل: هههه.. الحب ماكله مسكين عبدالله: اوهوووو.. والله موحزاتكم انتوا الاثنين... عادل: انزين ياخي... لاتعصب ..كنا نبي نهدي الوضع... بعد ربع ساعه طلع الدكتور من الغرفه... على طول عبدالله راح يمه... عبدالله: طمانا يادكتور... كيف حالها الان؟؟؟ الدكتور: الحمدلله.. بخير.. بس كان لديها سوء تغذيه... هيفا: اجل يادكتور... ثلاثة ايام لم تأكل شئ عبدالله: ثلاثة ايام... شلون تسكتون عنها جذي؟؟؟؟ الدكتور: هدأ من روعك يابني... البنت بحالة جيده والحمدلله... تحتاج فقط للراحه والفيتامينات.... سوزي: طيب دكتور... هل ممكن ان نأخذها للمنزل اليوم؟؟؟ الدكتور: لالا,, يجب ان تبقى تحت رعايتنا لمدة يومين.. حتى يتحسن وضعها... هيفا: مين راح يبأى معها.. مابيصير نتركها لحالها ولايصير نترك الشقة لحالها!!! عبدالله: انا بابقى معاها انتوا روحوا... مايصير وحده منكم تنام في الشقة بروحها... عادل: أي عبدالله بس... وهو يتكلم بصوت خفيف.. يمكن البنت تتضايق لي جافتك؟؟؟ عبدالله: لاتخاف.. مابخليها تجوفني.. مايصير بعد اتم بروحها هني عادل: براحتك... سوزي حطت القران تحت راس منى قبل لايمشون عبدالله تم في المستشفى وعادل والبنات ردوا شقتهم... عبدالله وقف يم دريشة الغرفه يطالع منى.... بعد عمري والله... ليش تسوين في روحج جذي.. احد ماياكل ثلاثة ايام... ليش عاد؟ شالسبب؟؟ جوفي روحج شلون ذبلانه....والله حرام اللي قاعده تسوينه....وهو سرحان فيها قطعت عليه الممرضه... الممرضه: مرحبا عبدالله: اهلا الممرضه: هل انت قريبها؟؟ عبدالله: نعم نعم الممرضه: اختك؟ عبدالله: كلا الممرضه وهي تبتسم: اذا خطيبتك عبدالله: ههه اااااااااا... نعم انها خطيبتي الممرضه: علمت ذلك... عبدالله: كيف؟؟ الممرضه: من كثرة خوفك عليها.... كم هي محظوظة بشخص يخاف عليها لهذه الدرجه عبدالله بس يبتسم الممرضه: اتمنى لكم حياة سعيده... حسنا.. اذا احتجت أي شي لاتترد بطلبي عبدالله: حسنا... شكرا لك ياريت هي صج خطيبتي.. الله يسمع منج.... رجع يم الدريشه يتمنظر فيها مره ثانيه....وتم سهران يراقبها طول الوقت.... في سيارة التاكسي... سوزي: عبدالله... بحب منى؟؟ هيفا: أي تسدقي... من كان يتوقع عادل: ليش من كان يتوقع؟؟ هيفا: يعني ماكان مبين هالشي ابد.. عادل: لان عبدالله مايدري اذا منى تبادله نفس الشعور او لا هيفا: مسكين ...شفتوا كيف كان مخبول وخايف عليها سوزي: اااااااه والله... ربنا يأومك بالسلامه يامنى في بيت دانه... دانه قاعده بغرفتها منسدحه عالسرير تسمع شريط عبدالمجيد عبدالله وتفكر بمحمد.... كانت تسمع اغنية...روحي تحبك روحي تحبك غصب عني تحبك والمشكلة حبك بروحي جرحني واذا شكيت تقول واشكان ذنبك ذنبي هويتك يوم حبك ذبحني اااااااااااااه يامحمد.. ماتدري اشكثر احبك واشكثر معذبني بهالحب... بس ليش قصيت علي...ليش خليتني اصدق كل كلمة قلتها لي وانت عندك جو ثاني؟؟؟؟ ليش؟؟؟ طقت عليها ساره اختها الباب... ساره: دانواااا... بطلي الباب قامت دانه من عالسرير وبطلت الباب...: ها اشتبين. ساره: هنادي عالتلفون تبيج....اشفيه تلفونج؟؟ دانه: مافي شي... طلعت من الغرفه وراحت الصاله عشان تكلم هنادي دانه: الووو هنادي : وينج انتي؟؟ واشله تلفونج مقفول؟؟؟ دانه:اشفيج كليتيني... قولي اشتبين بسرعه هنادي: اول قولي لي اشله تلفونج مقفول؟؟؟ دانه: مافي كردت.. هنادي: مافيه كردت تقفلينه... عيارتج بس... دانه: خلصينا قولي اشتبين؟؟؟ هنادي: باجر مري علي الصبح..بروح وياج الجامعه دانه: ليش وين سيارتج؟؟ هنادي: ابوي بيوديها حق سيرفس دانه: اهااا.. اوكي بس موب تاخريني هنادي: انزين.. سباله وحده... دانه: يالله جب... نرجع بيت ام وليد.... اميره: معقوله؟؟؟ يبا عندك ولد وعندنا اخو احنا ماندري؟؟؟ بوووليد: انا ماقلت لكم لاني ماتخيلت يوم من الايام راح التقي معاه... وامكم تعرف السالفه بعد ام وليد: أي صح... بس الحمدلله الله رده لك سالم وخلاك تجوفه بعد كل هالسنين الكل: الحمدلله وليد: وين دنيا؟؟ اميره: بترقد بيت يدتها اليوم (ام سلمى) وليد: اهااا ابوووليد: بس ماقلت لي ياولدي... بروحك انت قاعد بالبيت؟؟؟؟ سلمان: لا يبا... معاي مرتي... بووليد: متزوج؟؟؟ والله وكبرت ياولدي سلمان: هههههه... توني من 7 شهور متزوج ومرتي حامل بعد بشهرها الخامس بووليد: صج والله؟؟؟ مبروك مبروك ام وليد: مبروك ياولدي... بس لازم تييبها وتعرفنا عليها سلمان: اكيد خالتي.. هذا اول شي لازم اسويه اميره: يعني انا بصير عمه!!! وليد: وانا بصير عم!!!! الكل : هههههههههههههههههههه امووليد: وابوكم بيصير يد... سلمان: ههههه.. وهم انتي بعد خالتي بتصيرين يده ام وليد وايد استانست لما قالها وليد هالشي ام وليد: الله يخليك.... اميره: مااقدر اتخيل ردة فعل منى لماتعرف ان لها اخو.. لا وبتصير عمه بعد... وليد: ههههههههههههه... اكيد بتطير من الفرحه... خل اتصل فيها اسال عنها... صار لي ثلاثة ايام ما كلمتها اميره: أي أي عفيه وليد... اتصل خل نكلمها وليد: زين زين .. كليتيني .. لحظة شوي اتصل وليد بمنى بس ماكانت ترد... وليد: يمكن رقدت... الكل في نفس الوقت: خساره شوي الا يرن موبايل سلمان.... سلمان: هذي مرتي... اكيد تحاتيني مسكينه... الو خلود: قوه سلمان سلمان: هلا هلا والله خلود: دامك مستانس جذي اكيد كل شي بخير!!! سلمان: أي حبيبتي الحمدلله.... هاج كلمي ابوي... خلود: لالا سلمان استحي سلمان: احد يستحي من عمه...هاج هاج كلميه عطى ابوه التلفون عشان يكلم خلود بووليد: قوه بنتي.. شلونج؟؟؟ خلود وهي مستحيه: هلا عمي.. الحمدلله... انت شخبارك؟ بووليد: دامج انتي بخير ... واللي في بطنج بخير انا بخير خلود: هههههههه... الحمدلله اثنينا بخير.. بووليد: تحملي بسلمان يابنتي... هذا الغالي... خلود: من غير ماتوصي عمي... سلمان بعيوني بووليد: الله يخليج... بعد ماسكرت خلود التلفون... ام وليد: خلاص ... يوم الجمعه اتيي انت ومرتك بيتنا عالغدا... بنسوي عزيمه عشانكم بووليد وايد مستانس من مرته... سلمان: لا خالتي.. مايحتاي.. ام وليد: خلاص مافي نقاش... انا قلت اللي عندي اميره وهي تكلم سلمان: سلمان سلمان: هلا اميره: ممكن طلب؟ سلمان: اكيد اميره راحت يمه وساسرته باذنه عشان محد يسمعها وكلهم مستغربين منها: ممكن باجر تيي تاخذني من المدرسه..ابي اقهر وحده من رفيجاتي سلمان على طول عرف ليش تبي تسوي جذيه: ههههههههههههههه ماطلبتي شي... خلاص باجر ايي اخذج من المدرسه ام وليد: اميره... شهالقافه... توج اليوم جايفه اخوج تطلبين منه هالطلب سلمان: افا خالتي.. بروحج قلتيها اخوج.. يعني من حقها تطلب...بعدين انا اعرف ليش هي طلبت مني وهو يغمز لها اميره بعد غمزت له: خلاص يبا مايحتاي تييني باجر... قعد معاهم شوي واستاذن منهم عشان يرد لمرته... ولو ان كان وده يتم طول الوقت مع ابوه يوم ثاني الصبح...بلندن... عبدالله دخل غرفة منى عشان يطمن عليها بعد ماكان سهران طول الليل يراقبها من الدريشه... وهو واقف يمها... هي غاطه بسامع نومه من التعب.... خذ يدها حطاها على يده.... يتحسس حرارة جسمها...بووووو يدج دافيه وناعمه ... وهو يحرك اصابعه على يدينها.. جانزين تعرفين اشكثر احبج.. وشلون خاطري اصارحج به.. بس للاسف ماظن هالشعور متبادل .... وهو يبي يباعد يده عشان يطلع من الغرفه... منى مسكتها بقوه فماقدر يتركها... ياله شعور غريب من هالمسكه... ... خاف على باله قعدت... بس هي للحين راقده... بعد عمري والله... منى كانت تسمع الكلام اللي يقوله عبدالله بس في بالها ان حلم... ومسكة اليد هم حلم بعد.... سحب عبدالله يده شوي شوي.. وطلع من الغرفه... جاف الممرضه واقفه عند الباب عبدالله: مرحبا الممرضه: اوه... لازلت هنا؟؟ عبدالله: اجل الممرضة: يبدو انك لم تنم؟ عبدالله: هههه.. صحيح الممرضه: هذا ليس جيدا لك.. عليك ان ترتاح عبدالله: كيف لي ان ارتاح... وهي بهذه الحاله المممرضه: اتريد ان تصبح بحالتها اذا؟؟؟ عبدالله: كلا الممرضه: اذا... اذهب للبيت لترتاح قليلا... بعدها يمكنك المجئ اذا استيقظت... فبقائك هنا لن يفيدك بشيئ عبدالله.. عرف ان كلام الممرضه عدل.. فقال ان بروح البيت يرتاح شوي واييها بعدين في شقة البنات... هيفا وسوزي بطلعون عشان يروحون الجامعه... هيفا: بعد الجامعه نزور منى سوزي: اه.. بس أبل كده.. ناخد لها حاجه على شان تاكولها... هيفا: وانا بقول هيك كمان.. يالله بسرعه لا نتاخر عالجامعه سوزي: يالله بينا في بيت ام وليد... ام وليد: وليد يمه.. تقدر توديني اليوم السوق.. ابي اروح اشتري شوية اغراض للبيت وليد: الساعه جم تبين تروحين؟؟؟ ام وليد: الساعه اربع العصر وليد: لا يمه مااقدر... الساعه اربع بييني رفيجي صلوح عشان اروح معاه السوق,, انزين ليش ماتخلين ابوي يوديج؟؟ ام وليد: ابوك اليوم عنده دوره... مايقدر يوديني... وليد: زين اتصلي في هنادي او دانه يودونج.. مابيقولون لج شي ام وليد: باتصل فيهم الحين باجوفهم... اتصلت في دانه... وطلع عندها محاضره للساعه خمس... وام وليد ماتبي تروح هالوقت .. تبي تروح قبل... فاتصلت بهنادي هنادي كانت قاعده مع رفيجتها هيا.. رن تلفونها وجافت رقم خالتها.. هنادي تكلم هيا: هذي خالتي ام منى... اشعندها؟؟؟ ام وليد: الو هنادي: هلا خالتي ام وليد: هلا هنادي.. شخبارج؟ هنادي: الحمدلله خالتي بخير.. انتي شخبارج؟ ام وليد: الحمدلله هنادي: خير خالتي؟؟ ام وليد: اقول يابنيتي... طالبتج هنادي: شنو... ام وليد: والله يابنيتي.. اذا تقدرين توديني الجمعيه الساعه اربع..ابي اشتري اغراض ناقصيني, وليد وابوه مايقدرون ايودوني هنادي: ماطلبتي شي خالتي......... بس خساره ماعندي سياره انا اليوم... ييت مع دانه ام وليد: صج؟؟ هنادي: تنتظرين للساعه خمس لي ماتخلص دانه من محاضراتها؟؟ ام وليد: ويه.. يابنيتي.. مااقدر انتظر ... ابيهم ضروري هيا وهي تاشر لهنادي.. هنادي: لحظة لحظة خالتي هيا: اشفيها خالتج؟؟ وين تبي تروح؟؟ هنادي: تبي تروح الجمعيه ماعندها احد يوديها هيا: انزين.. اذا تبين انا بوديها... ولا تتعطل اذا ضروريه روحتها هنادي: موب درب عليج يعني؟؟ هيا: لالا اشدعوه..موب هي بيتهم بالرفاع؟ هنادي: أي هيا: انزين نفس المنطقه... قولي لها اوكي... انا بوديها هنادي حطت التلفون عند اذنها مره ثانيه: اقول خالتي ام وليد: وينج نقعتيني هنادي: هههههههه.. اسفه خالتي.. بس اوكي.. برزي روحج على الساعه اربع بوديج ام وليد: من وين لج السياره؟؟ هنادي: لي ييت بتعرفين.. خلاص على الساعه اربع؟؟؟ ام وليد: أي يابنيتي.. انتظرج هنادي: اوكي بعد ماسكرت ام وليد من هنادي... وليد: ها بتوديج؟؟ ام وليد: أي بتوديني الساعه اربع وليد: قلت لج مابتقول لج شي هنادي بعد اتصلت في دانه وقالت لها انها مابترد معاها اليوم.. بترد مع هيا... في مدرسة اميره بالفرصه... اميره وصديقاتها قاعدين بالكافتيريا يتريقون... سحر: بيه.. نسيت احل واجب الرياضيات... اميره: المدرسه قالت بتستلمهم اليوم سحر: تدرون... انا بروح الصف احله قبل لا تبتدي الحصه.. اوكي اميره ومنال: اوكي راحت عنهم وتموا ثنتينهم... اميره: منالوااااااا... عندي لج خبر بمليون منال: شنو؟؟؟؟ اميره: تعرفين شنو طلعت سالفة راعي السياره السوده منال وهي حدها متشوقه تبي تعرف..شنو سالفته؟؟؟ اميره: بتنصدمين.. ومابتتوقعين منال: يبي يتعرف عليج؟؟؟؟ اميره: هههههههههههههه.. توقعتج تقولين جذي.. بس لا منال: اوهوووووو.. قولي لي بسرعه اميره: لاتنصدمين... بطلي اذنج وسمعيني منال: انزين قولي انتي بس اميره: طلع اخوي منال مبطله عينها عالاخر مو مصدقه كلامها: شنهووووووووووووووووووو؟؟؟ اميره: هههههههههههههههه.. صج منال: شلون؟ قعدت اميره تقول السالفه لمنال كلهاااااااااااااااااااااا بعدين قالت لمنال انها بتخليه اليوم ايي ياخذها عشان تقهر سحر ههههه في مكتب محمد... محمد اتصل في دانه اشكثر بس حاقرته ماترد عليه.. قعد يفكر شلون ينفذ الفكره اللي في باله عشان يكلمها ويشرح لها كل شي.... خلاص لقيتها........... ايوااااااااااااا... الساعه خمس بانتظرها عند بوابة الجامعه اجوف شيصير معاها  في المستشفى بلندن... منى توها صاحيه...استغربت من المكان اللي هي فيه...من يابها المستشفى وشلون؟؟... اللي تذكره بس لما طاحت في الصاله... جافت الممرضه تغير السيلان... منى: ماذا حدث؟؟؟ وكيف اني نائمة هنا؟؟ الممرضه: الذي حدث هو انك م تأكلي منذ ثلاثة ايام. السبب الذي جعلك تنامين هنا منى استغربت منها: اين صديقاتي؟؟ الممرضه: لم يحضرن.. ولكن خطيبك ذهب ليرتاح قبل ساعات قليله منى: خطيبي؟؟؟ الممرضه: نعم... يبدو انه يحبك كثيرا... تخيلي انه لم ينم منذ البارحه ولم يتحرك من مكانه...من شدة خوف عليك منى مستغربه من كلامها وماتعرف منو ذي اللي تتحجى عنه: هل هو موجود الان؟؟ الممرضه: لم يأتي بعد... لاتحزني.. سيأتي بعد قليل لزيارتك..
  13. الجزء الحادي عشر…. هنادي: اكا ابتسام…صج حلو اللي تسولف معاه اميره: يمكن خطيبها… او اخوها… ساره وهي تضحك على غبائهم: يالاغبيه… هذي محمد رفيج احمد اخوي دانه وهي منقهره بس ماتبي توضح لهم: اي اي صح…بس شتصير له ابتسام؟ هنادي: هذي محمد؟؟؟؟… شكله غير بدون النظاره…( محمد كان لابس نظاره شمسيه في المركب) اميره: اي والله غير… صج صج حلو… ساره: مايندرى والله… لاخطيبته ولااخته.. يمكن بنت خالته او بنت عمته.. بعدين اشعلينا منهم الحين.. يالله يالله خل نكمل مشينا.. دانه: انا بروح اييب شي ناكله من الغرفه وبايي هنادي: ايي معاج؟؟ دانه:لالالالا.. مايحتاي.. بسرعه بايي مابتاخر قعدت تمشي دانه للفندق وهي حدها منقهره من وقفة محمد مع ابتسام… محمد كان طول الوقت يطالعها وهي تجرب منهم…. ابتسام: محمد… انت ليش موب راضي تقتنع اني تغيرت… محمد: ابتسام قلت لج اني انسان مرتبط دانه صارت كلش يمهم يعني تسمع الكلام اللي يقولونه ابتسام: بس انا احبك.. والله احبك… واموت فيك بعد (صج عينها قويه) دانه لما سمعت هالحجي .. خلاص صارت في وادي ثاني… ركضت بسرعه ودخلت الفندق محمد جاف دانه لما ركضت وعرف انها سمعت كلام ابتسام… محمد وهو معصب عليها: انتي اشفيج … قلت لج ماابيج ….مااحبج… ماعندج كرامه انتي… ابتسام حدها انقهرت… ولاحظت شلون دانه ركضت وشلون محمد انفعل لما طافت… عرفت ان دانه هي اللي في بال محمد.. بس بعد تبي تتاكد اكثر… مشى عنها وراح غرفته على طول… دانه راحت الغرفه وقعدت تصيح بقوه… محمد قعد يتصل فيها اشكثر بس ماردت… حست انها تاخرت على بنات خالاتها… فخذت جم شي يناكل معاها وطلعت من الغرفه… محمد جافها في الممر وحاول يكلمها بس هي صدته ومشت عنها… على طول طرش لها مسج ( لاتفهمين اللي جفتي غلط… باشرح لج السالفه كلها.. بس انتي عطيني فرصه) دانه قرت المسج وردت عليه ( مالي داعي..... اللي جفته وضح لي كل شي) وقفلت تلفونها محمد وايد تضايق من اللي صار... بس ماحب يلفت انتباه احد رد للشباب مره ثانيه... لما نزلت دانه... جافت ابتسام عند باب الفندق واقفه... ابتسام: هاي دانه دانه: هلا ابتسام: اشفيها عينج حمره جذي؟؟؟ تصيحين؟؟ دانه: لالا.. بس دخل فيها غبار..رحت اغسلها وبارد لبنات خالااتي... ابتسام باستهتار: اها.. اوكي الحين صارت؟؟ دانه تلعب باصابعها حدها منقهره: أي أي.. اوكي الحين.. بنات خالااتي ينتظروني... يالله باي ابتسام: باي...... دخل فيها غبار؟؟؟ علي هالحركات.... هذي اللي ذابح عمره عليها... بس انا احلى ... لما جربت دانه عند بنات خالاتها.. هنادي: اشفيج جذي تاخرتي..؟؟ دانه وهي تفرك عينها: عيني دخل فيها غبار.. رحت اغسلها ساره: اجوفها حمره... اميره: عطيني عطيني عصير.. حدي عطشانه في تايلند... احمد وسلمى يتمشون عالبيج.. احمد وهو ميود يد سلمى: حياتي...تعرفين... احس روحي اسعد انسان بهالدنيا لان ارتبطت فيج سلمى وهي مستحيه من كلامه: صج!! احمد: أي حبيبتي... صج!!! لايكون في بالج اني قاعد اقول هالكلام بس لان اول ايام زواجنا...لا حياتي... دوم ان شاء الله راح تسمعين هالكلام.. اعرف عدل اللي اختارها قلبي شلون سلمى: بعد عمري والله.... الله يخليك لي ولبنتي احمد: بنتج؟؟؟ سلمى وهي مستغربه: أي بنتي.. احمد: يعني هي موب بنتي بعد سلمى: ههههههههههههههه... الله يغربل بليسك.. عبالي بتقول لي انك مالك خص فيها احمد: ههههههههه... لا حبيبتي.. هذي دنيا,,, لو ماهي جان ماتزوجتج سلمى: من صجك!!!! احمد: بعد عمري انتي... لا موصج... اصلا عشان حبي لكم انتوا الثنتين تزوجتج سلمى: فديتك احمد وهو يرص خدودها: انا اللي فديتج سلمى: احمد.. عيب نزل يدك.. الناس تطالعنا احمد: خل يطالعون... انا ومرتي كيفنا... هم اشعليهم... اسوي اللي بي اسويه بلندن...في الجامعه ( صحيح ان اليوم الجمعه بس هم يداومون) منى دخلت السكشن وحدها مزاجها متعكر... سوزي وهيفا حاولوا يفهمون منها اشفيها بس هي ماقالت لهم... عادل وعبدالله كانوا قاعدين يسولفون... عبدالله من دخلت منى مانزل عينه وجافها شلون متضايقه...وشلون قعدت بدون ماتسلم عادل من جاف هيفا بعد مانزل عينه...موب مستوعب اللي جافه... هيفا وسوزي: السلام عليكم عادل وعبدالله: عليكم السلام عادل: هذي هيفا هيفا: هههههههههه,,, أي اانا هيفا اشفيك استغربت؟؟ عادل: متى دخلتي الاسلام؟؟ سوزي: من مبارح عبدالله: يعني... خلاص صرتي مسلمه... وتحجبتي على طول هيفا: أي على طول عبدالله: زين زين... وهو يطق على جتف عادل: والله لك اجر من الله سبحانه وتعالى منى كانت حدها تتضايق لما تسمع اسم عادل وكلام عبدالله... عادل وهو يكلم منى: منى.. التفتت منى,, وهي تبي تخلي روحها عادي: هلا عادل: اشدعوه.. لا سلام ولاكلام.. عسى ماشر منى: ماشر... بس تعبانه شوي سوزي: من مبارح مانطقتش بحاجه...ماعرفناش مالها ايه منى وهي تطق سوزي بكوعها: اشفيني مبارح انتي بعد.. مافيني شي عبدالله.. معقوله متضايقه لاني قلت ابي اجوفها... اذا جذي وتضايقت عيل اذا قرت الرساله اشبتسوي... خلاص يبا... اقفل الموضوع احسن لي ولا اعطيها شي عبدالله: ماتجوفين شر منى منى: الله يسلمك عبدالله وايد تضايق... حس انها متضايقه منه... وماعرف يقعد اكثر في السكشن مع ان مافي شي كان يوضح ان منى متضايقه منه... عبدالله: عن اذنكم.. مااقدر احضر المحاضره... تذكرت شي لازم اسويه الكل استغرب منه.. حتى منى,.. خذ كتبه وطلع من السكشن سوزي: هوماله عبدالله؟؟ عادل: ماادري والله.. مساعه اشحلاته معانا... منى.. اشفيه؟؟؟ معقوله جافني امس لما رحت له ومشيت عنه؟؟؟ كيفه... خل يعرف ان مافي شي بقلبي اتجاهه... نرجع لجزيرة حوار... اللي دانه كانت حدها متضايقه من اللي صار...تعكر مزاجها كله... خلت البنات وراحت قعدت مع النسوان بحجة ان راسها يعورها... دنيا وهي تسحب يد دانه: دانواااا... دانواااا دانه: هلا حبيبتي دنيا: وديني البحر...ابي اتسبح دانه: مايصير الحين.. وايد شمس.. بعدين اوديج... زين حبيبتي دنيا: مااحبج.. ام هنادي: هههههههههههه... هذي من احد مايسوي لها شي تقول له ماتحبه.. تعالي ماما... شربي عصير.. راحت دنيا عند مرت عمها... ودانه سرحانه بس في محمد وابتسام... قطع عليها سرحانها صوت ام وليد.. ام وليد: حياكم يمه حياكم الشباب: الله يحيج خالتي ام احمد: محمد يمه شلونك؟ شخبارك؟ ان شاء الله مرتاح معانا محمد: تمام خالتي.. الحمدلله نواف يكلم دانه: بسنو سرحانه؟؟ اللي ماخذ عقلج بس دانه: ههه .. محد ماخذ عقلي .. ولا احد بياخذه ان شاء الله محمد انقهر من كلامها... (عطيني فرصه اشرح لج بس) نواف: اشفيج الحين انتي معصبه جذي... سوري اذا غلطنا عليج دانه: تتظيرف مع ويهك... وليد حس ان دانه فيها شي.. فراح بباله ان ساره كلمتها وتضايقت وليد: نواف.. اسكت عنها...دانه اشفيج؟ متضايقه من شي؟ دانه: لالا وليد مافيني شي وليد: انزين تعالي شوي ابيج.. قامت دانه وراحت يم وليد.. هالشي خله محمد ينقهر زود بعد خالد: عيل وين ساره؟؟ ام احمد: راحت تتمشى مع اميره وهنادي خالد يكلم نواف: وهذي خطيبة المستقبل لازم تسحب خطيبتي معاها نواف: انت اشدراك هي ساحبتها.. يمكن سارو اللي ساحبتها خالد: سارو عينك... اسمها ساره لو سمحت ام وليد: لا ساره ولا هنادي سحبوا بعض .. اميره اللي سحبتهم خالد ونواف: ههههههههههههههه ام هنادي: عيل وين ابو وليد وابو هنادي؟ نواف: للحين قاعدين في الفندق... خليناهم ويينا هني دانه مع وليد راحوا بعيد شوي عنهم.. بس عين محمد كانت ملاحقتهم.. وليد: اشفيج دانه؟ احد مضايقج هني؟؟ لاتستحين مني.. تقدرين تقولين لي دانه: لا وليد صدقني مافيني شي.. بس غبار دخل في عيني .. حرقتني وايد.. وسببت لي صداع راس وليد ارتاح.. عرف انها موب متضايقه منه.. بس ماعرف اذا ساره كلمتها او لا وليد: تبين اوديج العياده.. يجوفون اشفيها دانه: لالا مايحتاي... باصير اوكي بعد شوي وليد: زين براحتج...بس عاد لاتعكرين مزاجنا معاج.. ضحكي,, لاتمين وشكلج مبوز دانه وهي تضحك: ان شاء الله وليد: أي جذي... جوفي اشحلاتج لي تضحكين محمد انقهر اكثر لما جافها تضحك مع وليد...حس ان وليد يبي يتقرب منها... رن تلفون وليد... وليد يكلم دانه: عن اذنج... رد عالتلفون وراح بعيد شوي دانه ردت يم النسوان بدون ماتطالع بويه محمد.. وليد: هلاهلا سلمان سلمان: هلا اخوي.. شلونك, شخبارك؟ وليد: الحمدلله .. انت شخبارك؟ سلمان: تمام والله.. بس عيزت وانا اتصل فيك.. كل مغلق تلفونك وليد: لا موب مغلق,,, انا في حوار مع الاهل.. مافي تغطيه من جذي سلمان: اهاااا... وهو متردد يسال ... ابوي بعد معاكم؟؟ وليد وهو يتنهد: أي سلمان معانا... انا للحين ماكلمته بالموضوع.. بس لاتحاتي .. احاول اكلمه. جريب. سلمان: انا معتمد عليك وليد. وليد: ان شاءالله.. لا تحاتي...ادري انك خايف من ردة فعل امي.. بس والله امي طيبه وحليوه.. راح تتفهم الموضوع.. حتى اميره... راح تتقبل الشي... سلمان: اتمنى والله سكر وليد التلفون من سلمان وقعد يتذكر ذاك اليوم اللي راح مع سلمان (سلمان راعي السياره السوده) بذاك اليوم وليد قعد مع سلمان عند البحر (في بلاج الجزاير) سلمان: ماادري اذا راح تتقبل الموضوع اللي بقوله لك او لا.. بس هاي الصج واللي صار.. وليد: اسمعك انا.. قول اللي عندك كله.. سلمان: انا لما كان عمري سنه .. امي انفصلت عن ابوي... عشت مع امي حسب القانون... كان ابوي يزورنا عشان يجوفني.. وياخذني معاه من الصبح ويردني الليل بعد سنه تقريبا تقدم حق امي ريال اماراتي... وهي بحكم انها مره بروحها مامعاها ريال..وافقت على الزواج.. بس كانت خايفه ان اذا هي تزوجت ...ابوي ياخذني منها.. عشان جذي جذبت على ابوي.. وقالت له ان هي بتروح الامارات حق اهلنا.. وتبي تاخذني معاها.. وطلبت منه ان يطلع لي جواز... هو صدقها.. وافق على هالشي...وخلانا نسافر... امي من ذاك لوقت قطعت اتصالها بابوي.. ماخلته يعرف بالمكان الي احنا فيه... وتزوجت من الاماراتي اللي كان معيشها احسن عيشه... ابوي بذاك اليوم حسب ما انا ماسمعت... صادته حاله هستيريه.. ماقدر يتقبل اللي صار.. بس في الاخير رضى بالامر الواقع وعاش حياته.. تزوج وياب ثلاث عيال.. بنتين وولد.. اللي هم انتوا؟؟ وليد: بس انت شلون عرفت عن حياة ابوك؟؟ وعرفت عنا؟؟ سلمان: انا بعد ماتوفت امي الله يرحمها... رديت البحرين وقعدت مع يدتي..حاولت اشكثر اعرف مكان ابوي.. بس ماكانت تقول لي... كانت تقول ان متوفي وليد: ليش؟ سلمان: لما سمعت ان ابوي تزوج خافت ان تكون مرته ما تعاملني زين... على فكره انا امي توفت لما كان عمري 12 سنه... وليد: من عمرك 12 سنه... وتوك الحين عرفت ان ابوك عايش؟؟؟؟ سلمان: تصدق عاد... يدتي قبل لاتوفى قالت لي السالفه كلها...وقبل شهرين بس لقيت بيتكم وسالت عنكم وعرفت كل شي يتعلق فيكم... بس ماياتني الجراة اروح لابوي... حاولت اكثر من مره اني لما كنت الحق اميره للبيت.. انزل له واضمه بقوه عشان اقول له اني ولده... أي.. ابي اقول له ( يبا انا سلمان.. انا سلمان اللي انحرمت من جوفتك وانا عمري سنتين.. انا سلمان اللي انحرمت من كلمة يبا...انا سلمان اللي عشت طول عمري.. اقول انك متوفي.. ااااااااااااااااااااااااااااه وهو يصيح.. ماتعرف ياوليد اشكثر تعذبت لما عرفت ان ابوي عايش.. واشكثر كنت انقهر لما اجوفه ياخذ اميره من يم المدرسه.. كنت احسدكم عليه.. واتحسر على كل لحظة عشتها بدونه... وليد وهو يطق على جتف سلمان: لا تسوي بروحك جذي.. اللي صادك مكتوب لك... صحيح ان امك غلطانه باللي سوته... بس ماراح ينفعك شي الحين...دام انك عرفت ان ابوك موجود ولك اخوان يسندونك خلاص.. لاتحاتي... سلمان: بس شلون راح اقابله واقول له... امك.. راح تتقبل وجودي بحياتكم؟؟ منى واميره راح يرحبون باخو يديد بحياتهم؟ وليد: اكيد ياخوي... غصبا عنهم هالشي... انت اخوهم ولازم يتقبلونك مثل ماانا متقبلك.. امي لاتخاف منها.. وايد طيبه.. وراح تتفهم باللي مريت فيه... وابوي بعد.. اكيد منى عينه ان يشوفك... اللي سوته امك.. انت مالك ذنب فيه... خل كل شي علي ولاتحاتي,,, سلمان خذ وليد بيتهم وراروا صور ابوه وصوره لما كانوا صغار... وليد وهو يهز راسه: اااااااااااه.. شلون بافاتحك بالموضوع يايبا.. نواف: وليد... وليد وليد: هاا.. هلا نواف: تعال اشفيك واقف هناك... وليد: كاني كاني ياي... راح وليد يم الشباب عشان يبتدون برنامجهم.... العصر الكل تيمع يم البحر عشان يجوفون الشباب وهم يلعبون عالجيسكي....محمد ماركب معاهم... مزاجه حده متعكر من اللي صار فقعد مع ابوهنادي وابووليد... البنات والنسوان كانوا جريبين منهم... ابوهنادي: محمد . شخبارك مع الشغل والدراسه؟ ان شاء الله منظم وقتك بين الاثنين؟ محمد: الحمدلله عمي... كل شي اوكي ابوليد: ليش مارحت كملت دراستك بره مع رفجانك؟ محمد: الصراحه عمي انا كنت وايد متردد اني ادرس بره.. بعدين الوالده الله يرحمها ما كانت تبيني اروح بعيد عنها ابوهنادي وابو وليد: الله يرحمها محمد: وليد اشكثر بقى له ويخلص؟ ابووليد: السنه ان شاء الله راح يخلص محمد: الله يوفقه ابو هنادي وهو يطق على جتف محمد: يالله ياولدي... حط على روحك وخل نجوفك معرس محمد وهو يطالع دانه: ههههههههههه.. ان شاء الله دانه كانت تسمع كل كلامهم ولما محمد طالعها فرت عينها عينه... محمد... اووووووف... لمتى يعني بتمين جذي وقافله تلفونج...!!!!!!! مع الضحك والسوالف من صوب الريايل والنسوان... ابتسام يات يم النسوان... محمد عصب من الزين... هذي شتسوي هني.؟؟؟؟ ابتسام: السلام عليكم الكل: عليكم السلام ساره: هلا هلا ابتسام... حياج حياج... هذي امي.. وهذي خالتي ام هنادي... وخالتي ام اميره ابتسام: هلا .. شخباركم؟ النسوان: الحمدلله ساره: هذي ابتسام... تعرفنا عليها الصبح لما كنا نتمشى دانه انقهرت عدل لما جافتها يايه... اميره: وين بنات خالااتج وخواتج.. جان يبتيهم معاج؟ ابتسام: قاعدين بالفندق... انا كنت متملله قلت ايي اقعد معاكم ام احمد: زين سويتي يابنيتي.. احسن لج عن الملل ام هنادي تكلم ام منى: ماشاء الله عليها البنت.. جميله ام منى: أي لااله الا الله ابتسام تبي تكلم دانه باي طريقه وتحاول منها تعرف علاقتها مع محمد.. ابتسام: خل نقعد يم البركه الصغيره هناك.... المنظر حلو اميره: اوكي.. موب مشكله هنادي ماتبي تحرك من مكانها,. تبي تجوف نواف وهو عالجيسكي: انا باقعد هني.. مافيني شده اتحرك دانه: أي انا بعد اميره: تعالي دانوااا... هني شتسوين...قومي قومي دانه لاحظت نظرات محمد لها.. فعشان تقهره زود جافتها فرصه تكون مع ابتسام: انزين انزين راحوا ثلاثتهم وقعدوا يم البركه...... قعدوا يسولفون شوي مع بعض ويتعرفون اكثر على بعض...ابتسام بعد ماقعدت تسولف مع دانه... ابتدت تنعجب في شخصيتها... وتشيل الحقد الل كان بقلبها عليها شوي شوي... اميره: بوو حر.. بروح اييب ماي.. اييب لكم معاي؟ دانه: أي أي.. تموا ابتسام ودانه بروحهم.... ابتسام: اقول دانه دانه: هلا ابتسام: محمد رفيج من من الشباب؟ دانه: أي محمد؟؟؟ ابتسام: محمد اللي قاعد معاكم دانه تدري انها تقصده بس كانت تستهبل عليها: أي.. محمد رفيج احمد اخوي .. انتي من وين تعرفينه؟ ابتسام وهي تضحك: محمد معاي من ايام الجامعه دانه: يعني مايصير لج؟ ابتسام: لا مايصير لي.. بس... دانه: بس شنو؟ ابتسام: بس احنا على علاقه مع بعض دانه موب قادره تستوعب الكلام اللي تقوله ابتسام لها... تمنت الارض ابلعتها ولاسمعت اللي سمعته... ابتسام وهي تكمل السالفه: انا عرفت محمد من اول كورس لنا في الجامعه... صج حنون هالصبي... ماقدر اوصف لج اشكثر احبه... ماتتخيلين شنو صعب علي اني انساه بيوم من الايام...تعرفين انا كنت اعاني من مشاكل هو اللي ساعدني اتخطاها...بس خساره...دانه قطعت عليها كلامها... دانه: عن اذنج ابتسام... امي تناديني... ابتسام: اذنج معاج... دانه من مشت عن ابتسام دموعها على طول نزلت على خدها... حست ريولها ثقال... موب قادره تسحبهم اكثر عشان تمشي... خذت روحها وراحت الفندق...(ابتسام كانت تبي تقول لها ان العلاقه اللي بينها وبين محمد انتهت بس هي قطعت عليها الحجي)... راحت الفندق وقعدت تصيح من قلب على الكلام اللي سمعته من ابتسام.... لي مارقدت... بالليل بعد العشا... العايله كلهم شالوا اغراضهم... عشان يردون بيوتهم... هنادي وهي تقعد دانه: دنوااا.. دانوااا دانه: هااا هنادي: قومي يالله.... بنرد البيت دانه: زين... ساره: اشفيها دانواا راقده... اميره: شكلها تعبانه.. جوفيها شلون ساره: مايسوى عليها هالغبار اللي دخل عينها ام احمد وهي حاطه يدها على راس دانه: دانه يمه اشفيج؟؟؟ بووو جسمج حار,,, شكلج بتمرضين دانه: لا يمه مافيني شي... طلعت اميره من الغرفه وراحت لابوها اللي كان ينتظرهم تحت... اميره: يبا .. يبا ابووليد:... ها برزتوا؟؟؟ اميره: أي برزنا... بس دانه وايد تعبانه... محمد قلبه يدق بسرعه من سمع كلام اميره...دانتي تعبانه؟!!! وليد: اشفيها دانه تعبانه؟؟؟ اميره: ماادري.. بس خالتي تقول جسمها وايد حار. ابو هنادي: زين بسرعه عيل نزلوا عشان مانتاخر.... وانا باوديها العياده هني على ماتحطون اغراضكم في المركب اميره: اوكي... راحت اميره واستعيلتهم عشان ينزلون... دانه خذاها ابوهنادي العياده عشان يجوفون اذا تقدر ترد وهي بهالحاله او لا... بس الحمدلله.. قالوا ان عادي... بشرط مايتاخرون... الكل رد بيتهم... محمد كان وايد متضايق على دانه... ونفس الشي وليد.... دانه من ردت خذت شاور ودخلت غرفتها تنام... اليوم الثاني.... محمد اشكثر كان يتصل في دانه.. بس تلفونها للحين مغلق...حتى ماعرف يشتغل... استاذن من الشغل ورد البيت.... وليد لما سمع امه انها بتروح بيت دانه حشرها معاها عشان يجوف دانه ويتطمن عليها.. عرف انها ماداومت اليوم لما امه كانت تحاجي امها بالتلفون...فخذها حجه ان يوصلها بيت خالته.... في مدرسة اميره بالفرصه... منال: ها.. اشسويتوا في حوار... استانستوا؟؟؟ اميره: أي حده عجيب كان...بس خساره وليد اخوي مارضى يركبني الجيسكي سحر: احسن شي ذي...الا شخبار روميو؟؟ اميره عرفت قصدها: أي روميو؟ سحر: اللي كل يوم متعذب.. ينتظرج لي ماتركبين السياره اميره: اشدراني عنه انا.. الاخبار عندكم؟؟ يوم الاربعا انا ماداومت وانتي ادرى سحر: هو بعد ماداوم... شكله يعرف انج مابتيين اميره استغربت: صج!!! اشدراني عنه انا منال: يمكن صدفه... ماعلينا ماعلينا.... تصدقين... عرسكم كان روعه اميره: اهم شي استانستوا؟؟ منال: أي الحمدلله... الفال لنا هههههههههه سحر: انا مابي اعرس ... توني صغيره منال: انتي لوعليج...بتمين جذي بس مابتعرسين سحر: اشقصدج؟؟؟ اميره: ماتقصد شي... تتغشمر معاج في الجامعه هنادي قاعده مع رفيجتها هيا على كراسي البزنس هيا: الا وين بنت خالتج اليوم عنج؟؟ هنادي: مريضه مسكينه.... ماقدرت تداوم هيا: ماتجوف شر هنادي: الشر ماييج بلندن الصبح... سوزي: منى... منى... منى: هلا سوزي: تعالي افطري ...مالك؟ منى: لا ماابي شي... هيفا: مايصح هيك... بالامس مااكلتي شي... اليوم كمان!!1 منى: احس نفسي منسده... مااقدر اكل شي سوزي: ده مش كويز عشانك... منى: لا تحاتوني.. لي صرت يوعانه بعدين باكل منى من ذاك اليوم.. نفسها انسدت عن الاكل... وايد تاثرت بالموقف اللي صار معها... ولليوم موب قادره تنساه.. وتحس انها ماراح تنساه بعد في بيت اليده... اليده قاعده مع نجاة ينظفون الخضره... اليده: نواف بالزور قام الصبح للشغل نجاة: من تعب حوار اليده: ليش مارحتي معاهم؟؟؟ جان رحتي غيرتي جو؟؟ نجاة: مايصير اخليج هني بروحج... بعدين اناماكنت متشجعه لحوار اليده: انا متعوده عالقعده بروحي من قبل... بس دام ماكنتي متشجعه بعد شي راجع لج نجاة: اهم شي نواف راح واستانس معاهم ببيت دانه... دانه راقده بغرفتها من التعب... بس حرارتها خفت اليوم... ام احمد قاعده بالصاله مع ام وليد ووليد... ام وليد: شلونها دانه اليوم.. ان شاء الله اشوه ام دانه: أي الحمدلله... الصخونه راحت عنها ام وليد: اشوه... كريهه الصخونه لي تصيد الواحد وليد: هي داومت اليوم بالجامعه؟ ام احمد: لا ماداومت... راقده بغرفتها من التعب...بعد عمري بعد ربع ساعه دانه قعدت من النوم غسلت ويهها .. لبست جلابيه ... حطت الشيله على راسها عشان تروح تقعد بالصاله ( سمعت صوت وليد في الصاله... فعرفت ان هم هني) دانه: السلام عليكم ام وليد ووليد: عليكم السلام ام وليد: ليش قمتي يمه... روحي ارتاحي دانه: لا خالتي... الحمدلله صرت احسن وليد: شلونج دانه؟؟ ان شاء الله بخير وليد: الحمدلله ام احمد: تعالي قعدي يمه هني... قعدت دانه يم امها وتموا يسولفون مع وليد وامه.. وليد طبعا مانزل عينه من على دانه...حتى هي حست لنظراته.. بس سوت روحها انها موب منتبهة له... عند مدرسة اميره...نهاية الدوام.. اميره ورفيجاتها لاحظوا ان السياره السوده موب موجوده اليوم منال: غريبه... موب موجود اليوم.. اميره: احسن سحر: من قلبج؟؟ اميره: اشتقصدين؟؟ أي من قلبي حبيبتي سحر: ههه.. مااقصد شي اميره: ظريفه تعرفين منال: ماعليج منها... بلندن... وبالجامعه... منى قللت كلامها مع عادل وعبدالله... تحاول قد ماتقدر انها ماتحتك فيهم.... الكل مستغرب من تصرفاتها... محد عرف ليش هي متغيره جذي... بس عبدالله اللي كان حاس انها متغيره بسبته هو... ثلاثة ايام مرت...من غير محمد مايكلم دانه... وهي للحين قافله تلفونها وقاطته بالكبت....منى من بعد السالفه هملت روحها عدل... ماقامت تاكل شي,,, ساره قاعده مع دانه بغرفتها... ساره: اشرايج ؟؟؟ دانه: ساره.. انا احس ان وليد مثل اخوي... ماتخيل اني اكون زوجته ساره: وليد يحبج والله.. بخليج تكملين دراستج,, بعدين هو بيخطبج رسمي... لي خلص دراسته واشتغل... تقدرين بهالفتره تتعرفين عليه اكثر... وتغيرين نظرتج اتجاهه من اخو لزوج دانه ساكته ماردت عليها... ساره: دانواااا... اذا بتقولين انج ماتحبينه... الحب ايي بعد الزواج... اكا انا وخالد تزوجنا عن خطبه والحمدلله.. مرتاحين دانه: أي... بس... ساره: بس شنو؟؟؟ انتي في بالج احد ؟؟؟ دانه ارتبكت: هاا.. لا مافي احد ساره: عيل؟؟ دانه بهالوقت تذكرت ابتسام ومحمد.... وجافت انها مالها نهايه معاه... ساره: دانوااا... بشنو سرحتي؟؟ دانه: لا ولاشي... بس عطيني فرصه افكر... ساره: خذي راحتج... بس وليد يبي يعرف ردج قبل لا يرد لندن دانه: اوكي طلعت ساره من غرفة دانه... وتمت دانه تفكر وايد بالموضوع... وتفكر بكلام ابتسام لما قالت لها انهم يحبون بعض..... ساره من طلعت على طول اتصلت بوليد وقالت له ان دانه بتفكر وترد عليهم... المغرب في بيت وليد.... وليد وابوه قاعدين بالصاله... اميره وامها كانوا ببيت اليده اليوم وليد انتهزها فرصه ان يكلم ابوه بالموضوع... وليد: يبا بو وليد: خير وليد: بغيت اكلمك بموضوع.. بس موب عارف اشلون ابتدي معاك بوووليد: خير ياولدي... قول وليد قال الموضوع كله حق ابوه ( من طأطأ لسلام عليكم) بووليد وهو منفعل: انت جاد باللي تقوله؟ وليد: أي يبا... اللي قلت لك كله صج... وانا جفته بعيوني بووليد حده مستانس ونفس الوقت موب قادر يصدق كلام وليد: اتصل فيه الحين الحين.. خل اييني.. ابي اجوفه...( بووليد حده متلهف على ولده اللي انحرم من جوفته 24 سنه) وليد ماتفاجئ من ردة فعل ابوه لان كان متوقع هالشي: ان شاء الله . ان شاء الله يبا قعد بووليد وهو موب مصدق هالشي كلش... كان مستبعد فكرة ان يتلاقى مع ولده بعد هالعمر كله... سلمان ولدي هني بالبحرين... مو معقوله... لا وبجوفه بعد؟!!! الله يالدنيا... اتصل وليد بسلمان وطلب منه ان ايي... بلندن... وبالتحديد بشقة البنات... سوزي قاعده تعلم هيفا دروس بالدين... ومنى قاعده بغرفتها تقرا... لما حست بالملل قررت تروح تشارك سوزي وهيفا... طلعت من غرفتها ومشت لهم... بس قبل لاتوصل حست بدوخها في راسها وعى طول طاحت عالارض... سوزي وهيفا ركضوا لها بسرعه... منى... منى.... مالك؟؟ هيفا وسوزي حدهم مرتبكين .. مايعرفون يتصرفون... هيفا خذت التلفون بسرعه واتصلت في عادل عشان اييهم.. عطته العنوان وقالت له ايي بسرعه عبدالله: اشفيك؟؟ اشصاير؟؟ عادل: ماادري... هيفا اتصلت فيني قالت لي تعال بسرعه عبدالله: ماقالت لك اشفيها؟ عادل: لا ماقالت لي... بس كانت تصيح... قوم قوم بسرعه خل نروح نجوف اشفيهم طلعوا عادل وعبدالله بسرعه من الشقه عشان يروحون لشقة البنات في بيت يدة محمد... محمد قاعد على اعصابه موب عارف شلون يكلم دانه... طرش لها مسجات وايميلات.. بس مافي فايده...فلقى حل ان يكلم نواف ومنه يعرف منه اخبارها بالسياسه... محمد: الو. قوه نويف نواف: هلا هلا الحمد محمد: وين انت؟ نواف: هني بالبيت... خير محمد: حدي متملل... قلت امر عليك نطلع شوي نواف: تعال لي بيتنا...... بنقعد نلعب بلي ستيشن محمد: اوكي... نص ساعه بكون عندك نواف: حياك الله... سكر محمد من نواف وراح ياخذ دش سريع عشان يروح له في بيت اليده... ام وليد: يالله انترخص احنا اليده: وين يابنيتي... تو الناس نجاة: قعدوا تعشوا معانا... ام وليد: ان شاء الله مره ثانيه... وليد وابوه بروحهم بالبيت .. ماسويت لهم عشى اليده: عيل من بيوديج البيت ام وليد: انا يايه بالسياره اليوم اليده: تحملوا بروحكم يمه في بيت وليد... ابووليد على اعصابه قاعد ينتظر ولده... وليد كان متحمس يبي يجوف لقائهم... سلمان كان عند البيت... قلبه يدق بسرعه موب عارف يطق الجرس... موب متخيل لقاءه بابوه شلون... بعد عشر دقايق من وقفته عند الباب طق الجرس.... بووليد: خله يدخل بسرعه... اركض وليد راح لسلمان عشان يدخله البيت... ام وليد واميره كانوا في طريجهم للبيت... سلمان من جاف ابوه تصلب بمكانه ماقدر يخطي اكثر لابوه... ابووليد نفس الشي... سبحان الله.. شبه امك بالضبط... بس ماقدر يوقف اكثر كان متلهف لضمة ولده... على طول ركض لسلمان وضمه بقوه... وقعدوا يصيحون اثنينهم مثل اليهال.... بووليد: هلا بولدي... ماتوقعت اني راح الاقيك بيوم من الايام... ولااني اضمك لصدري مره ثانيه سلمان وهو يصيح: انا بعد يبا... عشت عمري كله وانا محروم منك... ضمني اكثر خلني احس بحنانك اللي فقدته طول هالسنين... خلني احس بوجودك معاي... خلني... قطع عليه بووليد: بس لا تكمل.. لاتعور قلبي اكثر من جذي... ماصدقت اني اجوفك جدامي... اااااااااااااااااااااااااااه وليد تاثر بحالتهم اثنينهم...ماقدر ايود روحه.. قعد يصيح معاهم دخلت ام وليد واميره البيت... وانصدموا من الموقف اللي جدامهم... موب عارفين شالسالفه... اميره انصدمت اكثر .. لان راعي السياره السوده موجود في بيتهم ولا واقف مع ابوها ويصيح... بلندن... عبدالله وعادل وصلوا للشقه.. طقوا الباب بسرعه.. بطلت هيفا الباب وقالت لهم اللي صار... سوزي على طول غطت شعر منى... دخلوا عادل وعبدالله جافوها مقطوطه عالارض... عبدالله كان خايف عليها وايد.. عبدالله: اتصلتوا بالاسعاف؟ هيفا: لا ... ماعرفنا شو نساوي عادل خذ تلفونه واتصل بالاسعاف بسرعه... عبدالله: اشفيها ... من شنو طاحت؟ سوزي: مانعرفش... متل ما أولناك لك... عبدالله حده على اعصابه.. كان متوتر وايد وخايف.. وصل الاسعاف... ركب عبدالله مع منى بالسياره... عادل والبنات راحوا بتاكسي المستشفى... في السياره... لاشعوريا عبدالله كان يصيح... مسك يدها وهو يطالع بويهها...يدعي لها انها تقوم بالسلامه...سلامتج يابعد عمري...ياريت فيني ولافيج... الممرض اللي كان بالسياره منكسر خاطره على عبدالله وخوفه على منى: خطيبتك؟ عبدالله وهو متوتر: هااا... نعم نعم الممرض: من الواضح انك تحبها كثيرا عبدالله: اجل الممرض: لاتخف.. كل شي بيكون بخير عبدالله: ان شاء الله في بيت اليده... محمد قعد مع نواف بغرفته يلعبون بلي ستيشن... نواف: شخبار الدوام؟؟ محمد: تمام...انت شمسوي؟ نواف: والله الحمدلله... بس متى اخطب.. محمد: هههههههههههه... هالكثر مستعيل؟؟؟ نواف: تصدق عاد.. ميت ابي اخطبها... ميننتني هالبنيه محمد: الله يخليكم حق بعض ان شاء الله نواف: ان شاء الله... وانت متى؟؟ محمد: ههه.. لا تو الناس انا نواف: اكا وليد بيخطب وانت تقول تو الناس محمد: اوووووووووووووه... صج؟!!! نواف: أي محمد: بس هو للحين ماخلص دراسه ولا اشتغل؟؟ نواف: أي.. هو بيحجزها الحين.. لي رد واشتغل يملجون محمد: اهااا... يعني يعرف البنت؟ نواف: أي... دانه بنت خالتي ام احمد محمد حس جنه صافعينه على ويهه... موب مستوعب محمد: دانه اخت احمد؟؟؟؟؟؟؟؟؟؟؟؟؟؟؟؟؟؟؟ نواف: أي أي.. بس هو ماحاجى بيتهم الحين.. قال بياخذ رايها واذا وافقت بيكلم بيتهم.. هي قالت بتفكر وترد عليهم محمد... وليد بيخطب دانه... موب معقوله.. محمد حس ان موقفه وايد حساس.. يعني ممكن دانه توافق على وليد عناد للموقف اللي صار بحوار... نهاية الجزء الحادي عشر..
  14. مرحبا... سوري عالتاخير بس مثل ماقلت لكم .. ان الكاتبه هي اللي تاخر في تنزيل الجزء... وانا اول ماهي تنزله على طول انزله في هالنتدى لكم... السموحه منكم.. الجزء العاشر.... بعد عرس البارحه العايله اليوم كلها متيمعه عالغدا في بيت دانه...عايلة سلمى كانت متواجده معاهم بعد... البنات كلهم متيمعين في غرفة دانه... النسوان في الصاله.. والريايل في الميلس.... بغرفة دانه..... طبعا اميره وهنادي قاعدين بعيدين عن بعض...ولو ان اميره ماكانت تبي تقعد معاهم بس ساره ودانه غصبوها في القعده... ومنها يحاولون يراضونهم شوي شوي.. دانه: صج استانسنا البارحه... احس لو كنا مسويينه في فندق او صاله مااستانسنا هالكثر هنادي: اي تصدقين... بس طلع علينا دبل اليوم... بالزور قمت من الرقاد... حدي تعبانه.. وجسمي متكسر ساره: هه.. من الرقص اللي رقصتيه... ماتمت اغنيه مارقصتي عليها... انتي واميره اميره: اول عرس يصير في عايلتنا اكيد بنطلع حرتنا... دنيا تكلم هنادي: هناادي... وين ماما؟؟ هنادي: حبيبتي الحين بتيي...وبتغديج بعد دنيا: سوي لها تلفوون هنادي: الحين بتيي... ليش اتصل فيها دنيا: ابي اكلمها.. الحين دانه: دنيا... حبابه... اتصلت انا في ماما .. جريب بتوصل... دنيا: لاااااا.. سوي تلفون... هنادي: اوهوووو... هذي اللي بتاذينا الحين... شلون بعدين بتقعد معانا لي سافروا؟!! ساره: بتعود بعدين... هي الحين اول مره ماتكون مع امها... اكيد بتحن...دنيا... حبيبتي.. تبين حلاوه دنيا فرحت من سمعت حلاوه: اي.. ابي حواوه عوووووووده.. ساره:ههههه ان شاء الله... تعالي معاي خذتها معاها بره عشان تعطيها حلاوه تموا اميره وهنادي ودانه بروحهم... دانه: يعني انتوا لي متى بتمون مخاصمين بعض ؟؟؟ محد رد عليها.... دانه: اشفيكم؟؟؟ ماتسمعون؟!! هنادي: مافينا شي... دانه: عيل ليش للحين ماتكلمون بعض؟.. اميره: انتي ناسيه اشصار ذاك اليوم!!! دانه: اشصار يعني... كل وحده طولت لسانها عالثانيه... عادي... بس موب لليوم ماتحاجون بعض... يالله جدامي ثنتيناتكم... اعتذروا من بعض بسرعه... هنادي واميره مترددين ... هم يبون يتصالحون بس كل وحده تبي الثانيه تعتذر قبل دانه: اوووووووووووف... تدرون شلون... راحت سحبت هنادي.. وسحبت اميره...وخذت يدينهم مع بعض... يالله سلموا على بعض بسرعه... وعن السخافه... اميره وهنادي بابتسامه سلموا على بعض دانه: ووووووووه.... الحين... مابغيتوا... صار فيكم شي.. ماصار شي... اصلا موب حلوه تتهاوشون... احنا يمعاتنا دايما مع بعض فموب حلوه تكونون قاعدين في مكان واحد وكل وحده حاقده عالثانيه.... دانه استانست وايد انها صالحتهم... صحيح ان هم قعدوا يسولفون قليل مع بعض... بس مردهم يرجعون مثل قبل.... بلندن... في الجامعه بالتحديد وفي السكشن.. سوزي: منى... كلمتي اهلك النهار ده؟؟؟ منى: لا للحين.. باتصل فيهم بعدين هيفا: مشان تعرفي شلون كان العرس مبارح؟؟؟ منى: ههههههه.. اي ميته ابي اعرف اشصار عادل حشرها (مايقدر يغير طبعه): عرس من؟؟ منى: ههههههههه... عرس ولد خالتي... عادل: اهااا.. الفال لج منى ابتسمت لعادل: ان شاء الله.. ولك عادل: لالالا.. انا تو الناس علي.. اشلي بعوار الراس ... خل اخلص دراستي ... واشتغل.. واكون روحي عدل... يعني قولي يبي لي 8 سنين يالله اكون روحي فيها بعد منى وهي مبطله عينها موب مستوعبه اللي قاله: شنو؟؟ 8 سنين؟؟؟ عبدالله: ههههه.. اي.. اذا على عادل.. يبي له 20 سنه بعد هيفا: بس هيك احسن.. عالاقل يكون كون روحو منيح.... عادل: والله محد فاهمني الا انتي... منى للحين موب مستوعبه كلامه عدل...8 سنين... يعني انا بانتظره هالكثر؟؟؟ عيل شنو سالفة قصايده اللي يطرشهم؟؟؟ يبي يضمن حبي له بس؟؟؟؟؟ عبدالله: منى... منى: هلا عبدالله: ممكن كتابج شوي؟؟ ابي انقل اجابات الدرس... نسيت انقلهم من على السبوره امس.. منى وهي تشيل الكتاب: اي اي.. افا عليك. عادي.. تفضل عبدالله: مشكوره منى: العفو سوزي تكلم عادل: طب لو حبيت!!!... تفتكر البنت راح تستناك هالأد؟ يمكن حد ييجي ويخطبها أبلك؟ عادل: اذا تحبني بتنتظرني... بس في هالحاله... اممممممممممم... راح ارتبط.. عشان ماياخذونها عني سوزي: هههههههه.. ااااااااااه.. أول كده بأى... يعني انت بتحب؟؟؟ عادل: ههههههههههههه... لالا شنو احب.. سوزي: ماتكدبش... ده الحب بينبان من عينك عادل وهو منحرج: ليش تقرين فال انتي... سوزي: هههههههههه\.. لاء انا بأرى الجبين الكل: ههههههههههههههه عادل وهو يطالع هيفا: بس تعرفين سوزي... اذا هي تحبني كثر ماانا احبها راح اخطبها بسرعه منى ابتسمت ونزلت عينها في الارض... سوزي: حتى لو ماكونتش نفسك؟؟ عادل: حتى لو ماكونت نفسي... باخطبها في البدايه.. ولي حسيت اوضاعي تعدلت بنتزوج.. عبدالله حط الكتاب يم عادل: يعني انت تحب؟؟؟؟ عادل: ههههههههههه... لازم تبون تعرفون عبدالله: اي لازم عادل: هههههههه... اي اي احب... بس ماراح اقول لكم من... اذا يه الوقت المناسب بتعرفونها عبدالله: يعني طيحت لك شقره اخيرا؟؟ عادل: هههههههههههه... بس مارد على عبدالله في بيت دانه..... بعد ماوصلوا سلمى واحمد... احمد راح قعد مع الريايل وسلمى في الصاله... اليده: مبروك سلمى... منه المال ومنج العيال سلمى: الله يبارك فيج يمه نجاة: الساعه جم طيارتكم؟ سلمى: المغرب... ام احمد: تروحون وتردون بالسلامه.. سلمى: الله يسلمج سلمى وهي تكلم دنيا: دنيا.. شلونج؟؟؟ ان شاء الله ماسويتي شطانه؟؟ دنيا: لا.. ماثويت هنادي: بس سندرتنا عليج... ماادري شلون بنستحملها لي سافرتي سلمى: والله احنا قلنا بنوديها معانا.. بس ماادري من طلع فيها وقال خلوها معانا... وهي تطالع هنادي هنادي: ههههههههه.. كلش ماتعرفين تنغزين الكل: ههههههههههههههه سلمى وهي تلعب بشعر بنتها: هنادي .. تحملي فيها.... اذا غربلتج اتصلي فيني عشان اكلمها... ام هنادي: لا تحاتين... هي بعينا.. سافري وانتي متطمنه عليها.... في ميلس الريايل... الكل بارك لاحمد.... ابو وليد: والله وصرت معرس احمد... مبروك مبروك احمد: الله يبارك فيك عمي.. والفال حق وليد ان شاء الله وليد في قلبه: ان شاء الله ابو هنادي: يالله بعد شهر بنفرح في نواف وخالد بعد نواف وخالد: ان شاء الله.. احمد وهو يكلم وليد بصوت خفيف: شنو الموضوع اللي كنت تبيني فيه؟؟ وليد: بعدين باقول لك... احمد: اوكي... وليد: انزين ياجماعه... اشصار عن حوار... خلاص اكيد باجر بنروح.؟؟ ابو وليد: اي ياولدي ... اكيد بنروح... بس انت لا تحن وليد: اكيد باحن... عشان موب بعدين تقولون ماتقدرون وتطقعون للرحله ابو هنادي: هههههه.. لا تخاف ان شاء الله بنروح محمد كان معاهم عالغدا.... وليد: انت بعد معانا محمد... لاتحسب روحك غريب... محمد: لالا.. انا عذروني مااقدر ايي نواف: شنو ماتقدر تيي... لا مافي تيي يعني تيي...مالاعت جبدك في هالحر.. تعال غير جو معانا محمد وتوه بينطق... قطع عليه ابو هنادي: اي ياولدي تعال غير جو ... خلاص احنا قلنا تيي.. بس مافي نقاش محمد: والله تحرجوني.. خالد: لا احراج ولاشي...واذا في بالك ان احمد مابكون معاك عادي.. نواف ووليد واحنا كلنا معاك.. مافي احد غريب... احمد: صح يامحمد... روح روح معاهم...والا اخلي وليد مايعطيك رسالة عبدالله وليد: اي صح محمد: هههههههههههه.. انزين انزين خلاص.. ان شاء الله بايي معاكم احمد: اي ماتمشي الا بالعين الحمرا الكل: هههههههههه وليد وهو يطلع الرساله من مخباته: تفضل محمد.. هذي الرساله...الامانه وصلت لك... والكل شاهد محمد: ههههه.. مشكور وليد رن تلفون محمد... كانت رنة مسج....( عمري... تغدى زين... السلطه انا مسويتها... قولي رايك فيها بعدين اوكي) محمد وهويبتسم طرش مسج لدانه: ( ان شا ءالله حياتي... انتي بعد تغدي... واكلي من الورق العنب اللي انا يبته... خليت يدتي تسويه مخصوص لج) ياله مسج ثاني ( صج والله... بعد عمري .. الله يخليها لك ان شاء الله... باخلصه كله) في الصاله... ام وليد: برزوا اغراضكم من وقت لحوار.. موب حزة الحزه تاخرونا هنادي: لا توصين خالتي.. دام بنروح حوار... اغراضنا بتكون بارزه كلهااا الليله دانه: اللاااااااااااااااي... اخيرا بنروح حوار منى: هذا اقتراح اخوي وليد...عشان تعرفون فايدتنا شلون ساره: هههههههههه... لا تصدقين عمرج عاد منى: اكيد باصدق عمري... في ذمتج.. متى اخر مره طلعنا كلنا مع بعض... موب قبل 7 سنين..لو ماوليد جان ماطلعنا الحين بعد دانه: فديت اخوج والله... هذا الاخو العدل... ( هم متعودين يقولون حق أي اذا مستانين منه كلمة فديته) بس اللي صار ان وليد كان يم باب الصاله وسمع كلمة دانه... وهالشي خلاه يصدق عمره زود عليها...انا اللي فديتج... وليد طق الباب... ام احمد: من؟ وليد: انا خالتي... تعالي ابيج... ام احمد: ان شاء الله... دانه: بووووووووو... صج عمره طويل... يبنه سيرته طق الباب ام احمد: خير وليد وليد: يالله خالتي.. ماصارت غدا.. قلنا عاد معاريس.. بس موب تيوعونا جذي ام احمد: ههههه.. ان شاء الله ياولدي.. الحين بننجب الغدا نرجع لندن... بعد ماخلصت المحاضره... سوزي وهيفا راحوا الكافتيريا يتريقون... منى رحت المكتبه تدرس... عادل وعبدالله... قاعدين بالحديقه.... في المكتبه... منى قاعده تدرس في كتاب المراسلات ( اقصد اللي يراسلون فيه القصايد) وهي تفرر الصفحات جافت ورقه اليوم بعد.. استغربت... متى عادل حط لي الورقه؟ انا مالاحظت هالشي؟؟؟ طلعتها وقعدت تقرا محتواها.. طرف جفن عيني لمكحولة العين عين ايقظت فيني من الشوق ما كان خيط الولع خلاني اتبعك يازين وخيط جذب في خاطري حد وجدان الابيات من كلمات الشاعر خالد عبدالرحمن... اخر الورقه مكتوب رساله قصيره... العزيزه منى... اقدر اجوفج بعد ساعه عند مبنى علوم الحاسوب؟؟؟ راح انتظرج عند الكرسي الازرق...ياريت تحضرين... بانتظارج.... بعد ماقرت منى الورقه... ترددت وايد انها تروح... كانت تحس.. ان وايد احراج لها روحتها...ونفس الوقت الفضول ماكلها تبي تعرف نتيجة هاللقاء... انتظرت الساعه تطوف ... خذت كتبها .. طلعت من المكتبه تتمشى لمبنى الحاسوب.. لما جربت عند المبنى... قلبها ابتدى يدق بسرعه.. كانت حدها خايفه... وكل خطوها تخطيها زود... تزيد دقاتها فيها.... شوي شوي ابتدت تلمح الكرسي الازرق... لما وضحت صورة الكرسي اكثر في عينها... وقفت مره وحده... الاصوات اللي كانت تسمعها كلها توقفت.. سواء كان صوت الطلبه ,, صوت الهوا... صوت الطيور... كلها ماتسمعها في هاللحظة... والسبب انها انصدمت لما جافت من قاعد عالكرسي... اكيد عرفتوه؟!!! عبدالله اللي كان قاعد.... منى وبصرخه داخلها... عبـــــــــــــدالله؟!!!!!!! مو معقول؟؟ هو اللي كان يطرش لي القصايد...ابتدت تربط الاشيا ببعض... لما عبدالله خذ منها الكتاب اليوم.... عادل وتصرفاته مع هيفا.. يدل على ان بينهم في شي... بس هي كانت توهم روحها ان يقصدها بالكلام...وانا طول الوقت عبالي عادل... لالالالا مو معقول...اكيد انا غلطانه....يمكن عبدالله ياي يعتذر عن عادل ان مايقدر ايي( كانت تحاول توهم روحها باي طريقه..ان موب عبدالله اللي يطرش القصايد) وفي الجهة الثانيه من المبنى وبنفس الوقت... جافت عادل قاعد مع هيفا....الشي اللي خلاها تنصدم بعد اكثر... مستحيـــــــــــــــــل.... معقوله عبدالله كان مهتم فيني لهالدرجه ومالاحظت هالشي...ليش ماكتب في القصايد ان هو اللي يطرشهم... على الكرسي عبدالله كان ينتظر منى على احر الجمر... بس للاسف.. خذت روحها وطلعت من الجامعه نهائيا.... قعدت تتمشى بشوارع لندن تصيح.... وتتذكر الموقف اللي انحطت فيه.....مو قادره تستوعب ان هي كانت تميل لعادل بس... وفي الاخير يطلع عبدالله اللي يحبها... وعادل مع هيفا....!!!!!!!!!!! عبدالله جاف مافي امل من حضور منى... فاستسلم للامر وتحرك من مكانه وهو محبط من هالشي...... اكيد مابتيي... هي يمكن ترد عالقصايد بس جذي... ماكانت تقصد شي من هالرد سوزي كانت تنتظر منى في الكافتيريا لاكثر من ساعه ونص... لما جافت تاخيرها... تلاقت مع هيفا وردوا الشقه على امل ان يلاقون منى هناك... نرجع للبحرين... في فوضى بيت دانه.. في الصاله... بعد الغدا... الحجي كله كان عن عرس البارحه... وبعدين قعدوا يتحجون عن حوار وشنو راح يسوون هناك.... في الميلس..... وليد واحمد استاذنوا من الريايل... وراحوا قعدوا في الحديقة الصغيره.... احمد: خير وليد.. وليد: موب عارف اشلون ابتدي معاك.. احمد: قول... اشعندك... كلي اذان صاغيه وليد: ههههه... احمد... الصراحه... انا ودي اطلب يد اختك دانه احمد: هذي الساعه المباركه... بس... وليد: بس شنو؟؟؟؟ احمد: بس انت للحين ما خلصت دراستك... ولا تشتغل.. شلون تخطبها وليد: أي اعرف...انا ابي احجزها الحين... ولي رديت من لندن واشتغلت نملج احمد: ماادري شاقول لك والله... هالشي مو بيدي انا... اقصد لازم ناخذ راي دانه بهالموضوع... من ناحيتي انا,,, موافق... بس الباقي عليها هي... وليد: كلامك صح... اهم شي اني خذيت موافقتك انت اول... بس دانه شلون باعرف رايها.. احمد: لا تخاف... باخلي ساره تفتح معاها الموضوع...وترد عليك خبر وليد وهو مستانس من موافقة احمد: خير ان شاء الله.. بس قول لها ابي اعرف رايها قبل لا ارجع لندن... تعرف بقى اسبوعين بس وارد... احمد وهو يطق على كتف وليد: ان شاء الله... مايصير خاطرك الا طيب بعد ماوليدكلم احمد... احمد في نفس الوقت نادى ساره وقالها الموضوع كامل... المغرب عايلة احمد وسلمى وصلوهم المطار... في المطار... احمد يكلم امه وخواته: تحملوا بروحكم يمه... أي شي تحتاجونه اتصلوا فيني... ثلاثتهم: ان شاء الله... ام احمد: لا تحاتينا ياولدي... اهم شي انتوا تحملوا بروحكم زين.. واتصلوا فينا كل يوم عشان تطمنونا عليكم سلمى واحمد: ان شاء الله ام احمد ضمت ولدها وهي تصيح.. سلمت عليه وعلى سلمى.. ساره ودانه سلموا عليهم... وقعدوا يصيحون... لان احمد اول مره يسافر ويخليهم... وليد طبعا مانزل عينه من على دانه...لا تصيحين يابعد عمري... ياريتني امسح دموعج بيديني... نواف وهنادي... بس طايحين قز في بعض... كل واحد يعد الايام عشان ايي يوم الملجه... على الساعه 7.30 طارت طياره احمد وسلمى الى تايلند... النسوان ردوا مع ابوهنادي في السياره.... والبنات ردوا في سياره وليدالفان.... كان معاهم خالد ونواف... خالد قاعد مع ساره باخر كرسي.. في السياره.... اميره تكلم دانه: صج بيستانسون هناك... تايلند محد يفوتها دانه للحين تصيح: أي.. هنادي: بسج دانوا... كلها اسبوعين وبيرد لكم بالسلامه نواف: بس لا.. عن الدلاعه يالله... دانه وهي تضحك على نواف: يازعم تزف مع ويهك هنادي: هي انتي.. تحجي عدل معاه نواف: هههههههههه,, اشوه عندي محامي دانه: لا تصدقون عمركم انتوا الاثنين بس اقول نواف: اشفيج محتره انسه دانه...لنا الحق نصدق عمرنا دنه: هاهاهاهاهاهاها... اضحكتوني وليد يبي يدخل في الموضوع باي طريقه: اشفيكم اثنينكم على بنت خالتي... جفتوا اخوها سافر خلاص.. عبالكم مافي احد يحامي عنها.. دانه وهي على نياتها اتجاه وليد: أي وليد.. زفهم... خل يسكتون عني وليد: هههه لا توصين انتي بس ساره كانت تضحك على تصرف وليد... هي تعرف ليش وليد حشرها معاهم خالد وهو يكلم ساره: اشفيج تضحكين؟؟ ساره: هاا,, لالا اضحك على هبالتهم اربعتهم خالد: متى احنا بعد نسافر شهر العسل ساره: مابقى شي عمري.... 20 يوم بس خالد: ههههههه... حاسبتهم بعد ساره: كله من هنادي... كل يوم تحسب لنا كم يوم بقى على ملجتها ,,, قمت احسب انا معاها بعد دانه: متخرعين اثنينهم لان هنادي: أي متخرعين... عندج مانع نواف: دانوااا.. سكتي عن خطيبتي لا بقوطي الكلينكس الحين دانه: خطيبتك؟؟؟ اقول انت للحين ماملجت عليها... يعني للحين ماصارت خطيبتك هنادي: ما بقى شي... 13 يوم بس خالد: ههههههههههه.. طلعت حاسبتهم صج الكل: هههههههههههههههههههههههههههههههههههههههه منى: وليد.. الساعه جم بنروح حوار؟ وليد: الساعه 6 الصبح نواف: بووووو.. شيقعدنا من الصبح... هنادي: انا باقعدك دانه: هههههههه... كا ليلى بتقعدك لا تحاتي وليد: أي اكيد بتقعد قيس... نواف: هههه... ظريفين دانه ووليد نفس الوقت: ندري... وليد طالع دانه وابتسم... بعد عمري.. قلبها على قلبي بلندن... منى المغرب ردت البيت...عينها كانت حدها متورمه من الصياح... ماعطت سوزي وهيفا فرصه يكلمونها على طول دخلت غرفتها... سوزي: اخيرا رجعت؟ بس مالها؟ هيفا: شو بيعرفني.. خلينا نشوفها طقوا على منى الباب بس مارضت تفتح لهم.. قالت لهم انها تعبانه... باجر الصبح تكلمهم منى بدلت ثيابها.. خذت دش سريع.. صلت المغرب وقعدت تقرى قرآن عشان تهدي من روحها... هيفا تكلم سوزي: بدي ابوح لك بشي بس مستحيه سوزي: ايه.. أولي أولي بسورعه (سوزي تموت على الاخبار ) هيفا: اااا... انا وعادل بنحب بعض سوزي بطلت عينها مره وحده: بتتكلمي جد؟ هيفا منزله راسها: ايه... عن جد سوزي: يعني اخر المشاكل حب؟ هيفا: ههههه.. ايه سوزي: الله يهنيكم.. ويوفأكم هيفا: تسلمي سوزي: بس... عادل مسلم.. وانتي مسيحيه هيفا: أي بعرف... عادل حكى لي كتير عن الاسلام.. ومشان هيك انا قررت اصير مسلمه.. واتحجب كمان سوزي: والله.. ده اجمل خبر سمعتوا النهار ده هيفا: يعني ممكن تساعدوني انتي ومنى... في لبس الحجاب؟؟؟ واتعلم قراء القران؟ سوزي: اكيد يا حبيبتي... من بكرى الصبح حاعلمك كل حاجه... الاحاديث والقران والحجاب...كل شي.. كل شي هيفا: هههههههه... الله يخليكي... محمد قاعد بغرفته يقرا رسالة عبدالله.... .....( السلام عليكم ورحمة الله وبركاته .... محمد شخبارك؟ شخبار اهل البحرين؟؟؟ والله وحشتوني ووحشتني ديرتي... اكيد انت مستغرب اني مطرش لك هالرساله... مع ان في اتصالات بيننا... ماقدرت ابوح لك مباشره.. ولااقدر ابوح بالموضوع لعادل.. انت الوحيد اللي تفهمني.... صحيح اللي باقوله شي عادي... بس انا احتاج لرايك.... محمد... انت تعرف اني ولامره بحياتي حبيت ولا تكلمت مع اي بنت... بس اللي قاعد يصيدني الحين اني معجب ببنت معانا في الجامعه... وماعرف شلون ابوح لها باعجابي فيها... احس ان كل يوم قاعد يزيد هالشي اتجاهها... اكيد بتسالني.. شنو اصلها هالبنت... وشاللي خلاك تنعجب فيها..وهل تحس انها بتبادلك نفس الشعور؟؟, البنت بحرينيه... ويبين عليها من عايله محافظه...صحيح هي موب جميله جميله... بس حلوه.. وانا اللي عجبني فيها اخلاقها... بس ماادري اذا ممكن انها تبادلني نفس الشعور؟؟؟ انا كتبت لها قصيده... وحطيتها بكتابها عشان تقراها اذا جافتها.. (تعتقد صح اللي سويته؟؟؟)... انا مالقيت الا هالطريقه عشان اوضح لها... ياريت تقول لي شنو اقدر اسوي (: تحياتي.. عبدالله ) والله طحت بالحب يا عبوود... ماعرف شاقول والله.. بس... خذ تلفونه وكتب مسج لعبدالله... ( سوري عبدالله ..توه اليوم واصلتني الرساله... بس اذا تبي رايي... روح كلمها مباشره وقول لها الحجي.. واذا حسيت ان صعب عليك اكتب لها رساله.. باللي نبي تقوله كله...وجوف شنو ردها) عبدالله لما استلم المسج... كان قاعد بغرفته يدرس... على طول خذ ورقه وقلم عشان يكتب رساله لها( ماصدق هههه)... وباجر يحطها لها في الكتاب مثل كل مره.. بعد ماكتب الرساله راح قعد مع عادل في الصاله... عادل كان سرحان بهيفا... شلون انا طحت في حبها جذي؟؟ هههه على اخر هواشنا حبينا بعض عبدالله جافه سرحان ويبتسم بروحه... عبدالله وهو يطقه على راسه: اللي ماخذ عقلك عادل تخرع: بسم الله الرحمن الرحيم.. من وين طلعت انت عبدالله: من وين بعد؟؟؟ سرحان في شنو وتبسم بروحك؟؟ عادل: ههههه... انت اشعليك؟؟ عبدالله: اشعلي؟؟؟ مايحتاج تقول لي... اعرف في شنو سرحان عادل: في شنو؟؟ عبدالله: في الجو بتاعك عادل: هههه.. بس ماتعرف انت من هالجو؟؟ عبدالله: من قال؟؟ انا اعرفه من اول يوم كلمته عادل: صج؟!! من؟ عبدالله: هيفا عادل مو مصدق ان عبدالله يدري: يعني تدري وساكت!!! عبدالله: ماحبيت احرجك.. قلت يمكن ماتبي احد يعرف.. عادل: انا في البدايه صج ماحبيت اقول بس لما تاكدت اليوم انها تبادلني نفس اشعور... قلت باقول لك بعدين.. بس طلعت موب هين. تعرف كل شي عبدالله: ههههه.. انا افهمها وهي طايره عادل: انا بعد فهمتها عنك وهي طايره عبدالله: اشتقصد؟؟؟ عادل: منى عبدالله مبطل عينه: منى؟!! اشفيها عادل: عبالك ماادري... ماجوف نظراتك لها؟؟ والاوراق اللي تحطها بكتابها كل يوم.. بدون ماتحس لك هي عبدالله: ههههههههههههه.. وانت شلون جفتني احط الاوراق عادل: بعد.. لمحتك عبدالله: والله انت اللي طلعت موب هين ... هههه عادل: عاد هي تبادلك نفس الشعور؟؟ عبدالله: ماادري... بحاول اعرف ردها بهاليومين يوم الجمعه في حوار... العايله كلها راحت... ومعاهم محمد... دانه ماكانت تدري ان محمد بيي معاهم... هو حب يسويها لها مفاجأة...فلما كانوا عالمركب... نظراتهم على طول تلاحق بعض... واللي نظراته داخله مابينهم.. نظرات وليد لدانه... في الفندق تحت... الشباب كانوا قاعدين يسولفون مع بعض... ماخذين عالغشمره والضحك.. ويتذكرون ايام اللي كانوا صغار وكل واحد فيهم يقول عن موقف صاده مايقدر ينساه لليوم... النسوان والبنات كانوا قاعدين عند البحر.. يتشمسون... اميره تكلم بنات خالاتها: خل نروح نتمشى شوي... تمللت من القعده... ساره: اي صج.. خل نتمشى... قاموا من عند النسوان وراحوا يتمشون... اميره خاطري اركب الجيسكي... هنادي: خلي وليد يركبج اميره: جانزين والله.. بس مابيرضى هنادي: ليش مايرضى.. عادي مافيها شي دانه: من صجج تبين تركبين.. يخرع اميره: لا يخرع ولاشي... مره لما كنا صغار وليد ركبنا انا وومنى... عجيــــــــــــــــب ساره: شخبار منى صج؟؟ شمسويه مع الدراسه؟؟ اميره وهي تحرك شنطتها فوق وتحت: زينه... كل يوم اكلمها عالماسنجر هنادي: نزلي شنطتج لا تطق راس احد اميره للحين تلعب بالشنطه مانزلتها دانه: بووووو.. من زمان ماقعدت عالماسنجر... باحاول اشبك هالايام .. يمكن اجوفها اون لاين واكلمها.. وحشتني وايد اميره: على طول تسلم عليكم... حتى رفيجاتها.. هيفا وسوزي يسلمون عليكم هنادي: شاصلهم ذلين؟؟ اميره: هيفا لبنانيه.. وسوزي مصريه هنادي: ليش مافي خليجيين هناك؟؟ اميره: بلى فيه.. بس تقول كل وحده رافعه خشمها فوق... وذلين وايد حليوين معاها هنادي: على شنو يجوفون روحهم فوق.. حالهم من حال اي ناس تدرس بره ساره: لا.. موب كلهم جذي... تلاقين ذلين بس اللي متخرعين دانه: ههههه.. اي والله اميره وهي تلعب.. طقت راس وحده كانت طايفه يمهم بالشنطه اميره انحرجت: اووووووبس... سوري...سوري... هنادي: قلت لج قعدي عاقله... زين.. بطيتي راس البنيه اميره: مسامحه اختي تعورتي... البنت وهي تبتسم: لالا عادي.. ماصار شي... ساره: مسامحه الشيخه... البنت: لا ... اشدعوه... ماصادتني الطقه عدل هههههه اميره تبي ترقع السالفه من الفشيله: انا اميره... تشرفنا البنت: هههههههههههههههه.. انا ابتسام الكل: تشرفنا ابتسام وهي تطالع البنات: وانتوا... ماتعرفت باساميكم الكل: هههههههههه ساره: انا ساره وهذي اختي دانه... هنادي بنت خالتي.. واميره بنت خالتي بعد.. اللي طقت راسج ابتسام: ههههه هنادي: انتي بروحج هني؟؟ ابتسام: لا.. انا يايه مع بنات خالاتي من امس هنادي: اها... يعني رقدتوا هني... والله زين ابتسام: اي... قلنا نغير جو عن الملل هنادي: احنا اليوم الصبح يينا...مع عايلتنا ابتسام: سويتوا لكم برامج؟؟ دانه: بعدين بنبتدي برامجنا... ابتسام: اخليكم انا الحين.. بنات خالاتي ينتظروني... فرصه سعيده الكل: واحنا اسعد ابتسام: اجوفكم بعدين.. باي الكل: باي اميره: ماشاءا لله.. شعرها طويل هنادي: وحلووووووووووووووه ساره: قولوا لا اله الله .. لايصير فيها شي من عينكم كملوا مشيهم..وراحوا لجريب الفندق.. عند الفندق محمد كان واقف بره بروحه... طلع من الفندق لان وايد بارد... ابتسام كانت تمشي عند الفندق رايحه لخواتها... وقفت في مكانها لما جافت محمد... على طول راحت يمه... ابتسام: قوه محمد.. محمد انصدم من جوفة ابتسام: هلا ابتسام ابتسام: اشفيك جذي... لهالدرجه مصدوم من جوفتي؟!!!! محمد: لا.. بس ماتوقعت اجوفج هني ابتسام: مع من ياي؟؟ بيتكم؟؟ ( ابتسام ماتدري ان عايلة محمد توفوا في الطياره المنكوبه.. وهو ماحب يقول لها بعد) محمد: لالا.. مع بيت رفيجي ابتسام: اهاا.. وهي تسولف معاه.. دانه وبنات خالاتها طافوا يمهم... دانه كلش ماتوقعت تجوف محمد يسولف مع بنت.. ولا نفس البنت اللي توهم متعرفين عليها هي تدري ان محمد ماعنده بنات خالاات ولا عمات بهالسن) فوحت لما جافتهم عدل واللي قهرها زود كلام بنات خالااتها.. هنادي: اكا ابتسام... صج حلو اللي واقفه معاه... اميره: يمكن خطيبها... او اخوها.. محمد وهو يسولف معاها جاف دانه من بعيد... واتخسبق من فوق لتحت... نهاية الجزء العاشر... تحياتي...
×
×
  • Create New...