ماحوزي85

الي يعشق من مشاركات منتدى فهو يعشق الوهم : )

الحياة تجارب ،،، الحياة قسمة ونصيب والناس مهما تتالم، تمشي بحياتها في النهاية، واييها النصيب "ولو بعد حين" ... ودايماً لازم نحسبها من منظور ان الله سبحانه وتعالى يكتب لنا الي فيه الخير ع الدوام ... حتى لو شفناه في "وقتها" شر

تعليم الثقافة الجنسية عن طريق المدارس ممكن تكون له مضار كبيرة ... خصوصاً ان مو الكل يناسبه الحديث بالموضوع بشكل عام جدام الطلاب بالصف، لا،،، والامتحان فيه بعد النت مليان مواقع ثقافة جنسية عربية "نظيفة" ... يعني مافيها اباحية ومثل هالشغلات ... بس افضل شي للتثقيف الجنسي، هو ان الوالدين ياخذون هالدور مع ابنائهم بالوقت المناسب مع ان الكثير من الاباء يعتبرون هالشي صعب جداً، بس هو ضروري ... والتوقيت مهم ... P.S في مواقع للفتاوي يقدر يرجع لها الشاب سواء شيعي او سني حتى يتحقق من مايحل ومالا يحل لو ما راودته شكوك ...

هو مو حلو الشاب يلبس وردي بصراحة : ) بس الزمن تغير، وصار شي مقبـــول ... لكن عن نفسي مااحب هاللون اصلاً

والله موضوع الاختلاف فيه عميق :× في عائلتنا، لو 2 ولد عم وبنت عمه تكلموا "سولفوا" ... زيادة عن السلام وعليكم السلام،،، راحت عليهم من الحجي مانتقبل هالشي، ومانعتبره عادي مثل بعض العوائل ... السالفة مو سالفة تخلف، كثر ماهي سالفة "الباب الي يجيك منه الريح سده واستريح" يرد علي البعض انهم مثل الاخوان، لكن الواقع يقـول انهم مو اخوان، وان الزواج بينهم ممكن ... وطبعاً لما اقول الزواج بينهم ممكن فهالحجي له دلالات كثيرة السلام وعليكم السلام ... كلام له داعي أو كلام في اشياء ضرورية مقبـول عدا ذلك ... هي تبقى غريبة عنه شرعاً، والشرع يتعامل معاه مثل مايتعامل مع غيره ( يعني هو محسوب غريب عنها ومو محرم ) So ... السوالف بناءاً ع انه ولد خالي ولا ولد عمي ولا عمتي ... مايدش نفوخي

ليش مانقلب السؤال: ليش البنت تسمح للشاب انه يقص عليها؟؟؟ ليش تعطيه شي هو مو من حقه؟؟؟ ليش تثق فيه كزوج وهو مو زوج؟؟؟؟ النقاش في هالموضوع هو نفسه النقاش في موضوع السرقات الي تصير للناس الي مايحافظون ع اشيائهم! لما انزل برادة، ومااقفل سيارتي،،، وارجع لها واشوف شنطة اللاب توب طارت، لا اروح الطم وابكي واقـول ليش يا شباب تبوقون،،، بس لازم اتعلم درس، اني لازم "أقفل" سيارتي :)

ضده قلباً وقالباً ومنطقاً وكل شي بعد الزوج بكرة يطلق البنت، شتسوي البنت؟ ترجع لبيتها مكسورة؟؟؟ تقبل تخسر رضا والدينها عشان "نزوة"؟؟؟ النصيب بيد الله، وهو يقسمه بعدالته، واذا ماكتب لها الزوج الي هي تبيه وميتة عليه، خل تعرف ان لله حكمة في هالشي، ودايمأً الخير في باطن الشر! لكن التهور باسم الحب، ومحاولة تكرار روايات روميو وجولييت، وقيس وليلى هو الي راح يدفع بالبنت "والشاب" لدوامة احداث بدون مساندة ولا مباركة اهاليهم ... وهالشي بالخط العريض" مايسوى"!

لول عجبني الموضوع ;d طبعاً انا لما كنت صغير كنت احاول استخدم بعض الاسلحة ضد اختي من هالنوع وضد اخوي الصغييير ;d اذا ماعندك اسلحة ثانية،،، ليش لأ؟ أمـــا الرجال الي يخاف من الوزغة أو الزهيوي،،، فشفت ناس جذي، وأنا لما كنت صغير كنت اشمئز من الوزغة، بس لما "حكتنا" الحياة، عرفنا ان الوزغ أقل الاشيــاء الي تخلي الواحد يشمئز في هالدنيا!

طريقتك في طرح الموضوع حلوة ،،، تسلم يدك وكيبوردك ... بالنسبة لموضوعك، طبعأً محد راح يقـــــول أنه "ريـّــال" ... بس هم البنت لها "يد" في الي راح يصير عليها الثقة بين الصديقات لازم تكون بحدود "في العالم الحقيقي والواقعي" ... مابالك بشاب، وع النت؟! حتى لو تعرفه من سنين ،،، البنت مثل القارورة، اقل شي يكسرهــا فما لازم تعطي احد مجال to take advantage of her مع ذلك، في شي نستفيده من الموضوع، وهو ان بعض الاحيان رفاق السوء يزينون لنا بعض الافعال المشينة، باعتبارها "رجولة" و"فتوة" و"فهلوة"! لكن الشاب لو فكر شوي بس، راح يشـــــــوف إن البنت حتى لو تركته وحتى لو بطريقة "بشعة" و "مرة" ... فهي ماتستاهل انه يضيع عليها دقيقة وحدة زيادة!

كل شي باعتدال يكون مقبول وكل شي "زيادة عن الحد" يكون شاذ ويلفت الانتباه بالنسبة لي مسك الكف شي عادي، بس عاد لما يمسك خصرها، ومايفج عنها كأنه "منزهق" تصير الشغلة ملفتة للنظر بدون داع! مرة في مجمع اللولو، أجنبي مع رفيجته/زوجته "فلبينية"،،، واقفين قبال "كشك" الايسكريم ... ومااسمع الا "طاخ"،،، التفت الا الأخ ماخذ راحته يفكر نفسه بروحه في المجمع :@ فــــ ،،، الاعتدال حلو وماله داعي تزيد عن "مسكة الكف للكف" ...

وليش نطلع فضايحنا ماأعتقد احد بيكتب اكبر غلطة في حياته اذا كانت غلطة كبيرة :× عموماً، حلو لو نتناقش في شلون تعالج اخطائك الكبيرة ... وشلون تتجنب الوقوع فيها once again بدل ما كل واحد ينشر غسيله

السبب مهم في تحديد "راينا" يعني واحد شايف اخته نازلة من سيارة واحد غريب لو طقها راح "نتفهم" موقفه، حتى لو البعض يمكن يطلعه غلطان بس اطقها ليش انها مثلاً مارضت تروح تييب لي كاس ماي؟ في ناس يسترجلون ع الاناث، وهذول يكسرون الخاطر بصراحة

الشي اذا اختياري، فالأهل أدرى بمصلحة ولدهم لكن لما يكون اجباري،،، طبيعي راح تكون له سلبيات كبيرة اعرف طالب كان معانا بابتدائي، كان عبقري زمانه، رفعوه صف،،، صار average مع ان مو كل الحالات راح تصير جذي، بس اعتقد ان الأفضـل يترك الخيار للأهــل يمكن تقل السلبيات بدل تعميم القانون ع الجميع!

شعندي أحضر بعدين هي لو تستحي شلون تكلم الصبي ( أو هو يكلم البنية ) اذا خلاص مشى بحياته وقرر يتزوج :@ الحمد لله مامريت بهالموقف ولا بمر

السيستاني يدير الأمور الي يقدر عليها بحكمة منقطعة النظير! لولا السيستاني لكان العراق في حال أردى من هالحال بمئة مليون مرة