5oshgel

أتقدم بأحر التعازي إلى مقام مولاي الإمام الحجة (عج) وإلى المراجع العظماء والأمة الإسلامية جميعاً بذكرة وفاة نبي الأمة محمد ويعطيكم العاااافية شباب سقاية ساقي الكوثر والله يعووودكم ان شاء الله ومأجــــورين

مشكورة اختي بس احنه ما نقدر نقول ان اخوي منامي متسبب على ايران بس يمكن عند وجهة نظر غير عنه ما يصير نظلمه ونقول عنه متسبب

عيد راس السنة الايرانية اختي

وانه بعد اقول جذيه والله يوفقها ثااانكس اختي عالمشاركة

اهي بعد تقول جذي بس ما يصير تتعذب طول عمرها وبعد يمكن يحس بشي صوبها بس ما بيقول لها يعني هالشي بيشجعه وحتى لو يعتبرها نفس اخته اهو راح يقول لها بطريقة ان ما يخليها تحس بالفشيلة واهمه مو من النوع اللي يحطون في بالهم عشان تتفشل البنية لان الاثنين ماشالله عليهم عقلهم كبيير وعن سالفة اللي خطبها اهي قالت له اصبر لين اتخرج وادش الجامعة كورس او كورسين بس اهو ما يبي يصبر في الطقاق اهو اصلا غبي ما بيحصل وحدة احسن منها والله بس احسن لان البنية تقول اذا خذيته ما بحبه مثل احب ولد عمي خاصة ان طاح من عينها لين قال لها انا مابي اصبر ابيج الحين وثااانكس اختي عالمشاركة

اخووي منامي .. اولا من قال ان ايران طلعت مسيرة وحدة ؟؟ انا اهلى كلهم هناك وادري شيصير هناك كل يوم محاضرات ومسيرات والآلاف يتجمعون وتدري ان آلاف الايرانيين راحين كربلاء للاحياء ذكرى الاربعين ؟ شلون تقول ان الايرانيين نسوا امام الحسين ؟ وثانيا نصك الموضوع احسن لان يمكن تون هناك حساسية بينك وبيني وانا ماحب احد يزعل علي ويتضايق ومسامحة

مشكووور اخوي على الموضوع بس ما احترامي لك بقولك ان ايران ما نست ذكرى اربعينية الامام الحسين عليه السلام وما كانت تحط احتفالات لان انا كنت اتابع قنواة ايران واهي ما احتفلت بعيد نوروز بيوم الاربعين بل احتفلت يوم بعد الاربعين وبس بعد تحط لطميات عن امام الحسين عليه السلام وثاني شي من قال ان ايران ما سوت شي عن اللي صار للمقام العسكريين في سامراء ؟؟ اهمه سوا نفس احنا اللي سويناه طلعوا مسيرات واعتصامات وايران كانت وبتظل الجمهورية الاسلامية الرجاء التأكد اول شي ومع احترامي لك اخوي

العفووو حاضرين ثاانكس عالمروور

وانتم كذلك ثاانكس عالمرووور مأجورين

ثاااانكس كوكاي عالمشاركة والافكار الحلوة بس تدري الصبي صاير شوي متدين وتفكيره ماشالله عليه ا اكبر يعني لين تكلمه ما تقول ان عمره 19 يعني يطلع لك الحجي من تحت الارض بس اخلاقه واايد حلوة ماشالله عليه وعنده قدرة ان لين انت مو مقتنع في شي يخليك تقتنع بكلامه خاصة في الدين انا وبنت عمه على طول نقعد ويا عشان نسأله ونطلب منه النصايح المهم واايد طولت علييك بس افكارك حلوة وانشالله تساعدها وانشالله ما تكون على طول معذب كوكاي نسألكم الدعاء

ما يندره والله كل شي يجوز ثااانكس اختي عالمشاركة

هاااي شخباركم ؟ مأجورين بقدوم اربعينية الحسين عليه السلام دشوا هني وسمعوا حق اعيال اعمامي مال السنة http://www.albaqee3.net/1427/aza.htm انشالله يعجبكم

طبعا انا بغييييب اذا انا ما غبت من بيروح المنامة من الصبح عيل انا مشجعة بنات صفنا عالغياب

طبعا ام الحبيب الذي يعاملك كأنك منه حريص عليكِ كحرصه على اخته بس وين نلاقيه ؟؟!!

ثانكس اخواني وخواتي عالمشاركة ما تقصرووون

يـــه رفيجتي واحبها والله انتي لو تجوفين شلون شكلها لين تجوفه او تتحجه عنه تقولين هاي 1000% تمووت عليه ايي ادري اهمه صغار بس انا اقول تقول له من الحين احسن اذا كبر وخذ وحدة غيرها اشبيصير فيها اعرفها رفيجتي حساسة وااايد يعني اكيد بيصير فيها شي

صوتك روووووووووعة ماشالله يعطيك العافية و يطول بعمرك لخدمة اهل البيت عليهم السلام

يسلموووو حبوبة

ثااانكس خواتي وخواني عالمرور والله انا عيزت ونا اقول لها هالكلام بس اهي مب راضية تقول له خاصة ان لين بنت عمتها دروا قالوا لها ان هالشي ما راح يصير لان اهو مو من النوع اللي يأيد علاقات الحب من الحين خاصة ان اهو للحين عمره 19 وفي الجامعة توه يعني محد قاعد يشجعها انها تقول له غيري وغيركم بس انا بقنعها انشالله عشان تقول له واذا ما اقتنعت انا بقول له ما اتحمل اجوف رفيجتي جذي حالتها

انا قلت لها سوي جذي تقول لا انا ما بقوله اني احبه ومابيه يحس حته اني احبه لان ما اظن انه بيعتبرني اكثر من اخته ما تبي تخترب علاقتهم جذي وتقول اللي الله كاتبه بيصير والله حرااام جذي تتعذب خاصة ان تقريبا كل يوم تجوفه او تكلمه ثاانكس اختي مهاوي عالمشاركة في الموضوع يالله عاااد ابي نصايحكم

وفي شي بعد .. اهي كل خميس اتيي المنامة (مشبر) واذا في مناسبات في المنامة وفاة او مولد المهم امس رحت لها بيت عمتها قلت لها تعالي وياي البرادة الا تقولي اهو عند الباب ؟ قلت لها ايي ويا اخوج واعيال عمتج الا تقولي اخاف اطلع ويقولي لا تطلعين وايد قلت لها الحين انتي ما تخافين من اخوج يقولج شي تخافين ان ولد عمج يقول لج شي قولي انج تحبينه تقولي قلبي ويهج يالله عااااد ساعدوني عاد انا قلت اذا تمت جذي تتعذب وساكته انا راح اقول له بنت عمك تبيك حس فيها عااد

رفيجتي عمرها 17 يعني قدي وبعد جم شهر بتدش ال 18 اهي كانت تتعرف على شباب من النت وتكلمهم وبعد مدة يصير شي ان تتركهم واهي عندها ولد عم ماشالله عليه اخلاقه واييد اوكي اهو عمره 19 بس لين يتكلم كأن واحد عمره 30 او اكبر عااد اهي تقوله كل شي واهو ينصحها وهالسوالف يعني اهي وايد اوكي وياه وماقص عليكم الصبي من كثر ما اخلاقه حلوة وملتزم واايد عنده معجبات ماشالله عليه واولهم انا المهم انا لاحظتها آخر الايام وايد تتكلم عنه يعني نسولف واهي تدخله في السالفة انا استغربت واهي كل مرة تقول لي يا ريت احصل واحد نفسه لانها تمللت من العلاقات خلاص عاد انا سكت عنها الا امس تقول لي تصدقين ان من اجوفه مادري شيصير فيني احس اني احبه وقعدت تسوالف لي وتقول ان ما تدري اشفيه متغير عليها واهي من تجوفه جذي ان ما يكلمها نفس قبل قلبها يعورها وايد قلت لها تره انتي تحبينه قالت لا اهو نفس اخوي واهو بعد يعتبرني اخته وحتى لو انا احبه اهو لا يمكن ان يعتبرني اكثر من اخته قلت لها انزين قولي له .. تقولي لا عقب اطيح من عينه لان اهو من قبل قايل لها انا اكره شي ان البنية اتيي تقول لي انها تحبني او معجبة فيني قلت لها انتي غير انتي بنت عمه .. عاد قالت مادري شاسوي خاصة ان اهي يي واحد خطبها اخو رفيجتها واهي كانت تكلمه وتعلقت فيه بس ابوها قال له اصبر لين البنية تتخرج عاد الصبي قال لها ماقدر اصبر انا اكثر وهدها يعني طلع الصبي اناني مع ان يبيها بس يقول انا يأست خلاص عاد اهي شكلها تحب ولد عمها بس ماتبي تعترف او تفتح قلبها لي خاصة ان ما تقدر تخش عنه شي وطريقة نظرتها له وكله تسولف عنه ابيكم تساعدوني شاسوي لها عشان اريحها والله البنية تعبت نفسيتها كلش وسؤال للشباب : البنية اذا تقول لكم انها تحبكم تطيح من عينكم ؟ عيل هالبنية شتسوي مسكينة ؟ تحبه والله بس تخاف يعرف وتطيح من عينه واهي ما تبي هالشي من جذي مو راضية تقول حق احد تقول علاقتنا تتم علاقة اخوة احسن .. واهي من تجوفه اتييها الصيحة ابي نصايحكم بليييز

يسلموووو حبيبتي zeeZEE يعطيج الف عااافية

لو سمحتوا ابي لطمية يا عين لنزار القطري يقول فيها ( هل يعود الركب يوما كي يلاقى بالورود ) شي جذي وبعد يقول (يا عيين لا تدمعي ) بلييييز ساعدوني

لو سمحتوا ابي لطمية يا عين حق نزار القطري يقول فيها( لا يعود الركب يوما كي يلاقى بالورود ) وبعد يقول( يا عين لا تدمعي ) بليييز ساعدوني