Jump to content
منتدى البحرين اليوم

ديرتي البحرين وأنا قمرها

الاعضاء الفعالين
  • مشاركات

    113
  • انضم

  • آخر زيارة

عن ديرتي البحرين وأنا قمرها

Previous Fields

  • الجنس
    انثى
  • سنة الميلاد
    1983

Contact Methods

  • Website URL
    http://

ديرتي البحرين وأنا قمرها الانجازات

Newbie

Newbie (1/14)

0

الشهرة

  1. من ناحية الستر: يعني مو إلى هالدرجه أحيانا وحده يكون لبسها غير مستور وما تضر الناس وتكون في حالها .. وكما قال رسولنا الكريم: (( المسلم من سلم الناس من لسانه ويده)) يعني انا ما اشجع واقول لبسوا الي يعجبكم بس لا تضرون الناس تكونون من أحسن ما يمكن !! من ناحية الشخصيه: ان اللبس يحدد الشخصيه ،، بالنسبه لي انا، و بالنسبه لرأيي نعم في بعض الاحيان احدد شخصية الواحد من لبسه،، يعني مو إني اعرف انه شخص طيب ولا شرير أو انه شخص فاسق.. لكن اعتبر لبسه .. كأنه نافذه لأخلاقه أو لأفكاره ..أو لمستواه الثقافي..والله أعلم تحياتي الجود جودي وأنا بنت الأجواد ديرتي البحرين وأنا قمرها
  2. كاتب الموضوع انت تتصور ان البنت لما تلبس الحجاب قصدها انها تلفت نظر الرياييل ناحيتها لا وبعد (( بأي طريقه)) ؟؟ هاذي النقطه خطأ 100% وإذا كانت صحيحه لازم انك ما تعم وتقول ((القسم الثاني من الفتيات))!!! إنما قل وبعض أو جزء من ((القسم الثاني من الفتيات))اللواتي يرتدين الحجاب .. يكون قصدهم انهم يلفتون نظر الشباب ناحيتهم ,, لان يدرون ان في شباب ما يلتفت على الي تمشي سفور ، يحب الي تلبس عباه وشيله .. فعشان يكون لها لاقط من جميع انواع الشباب..!! كل يوم تغير جلدتها يوم تمشي إمبقشه ويوم تمشي بدون.. الحجاب له معنى عظيم الا وهو (((الستر))) .. (ويوجد فتيات)يرتدونه والله يعلم ما وراء هذا اللبس يرتدونه بدون تذمر من مناخنا الحار في مناطقنا العربيه وهدفهم الرئيسي هو عدم جذب أنظار الرجال ذوو القلوب المريضه ناحيتهم ولا يريدون أي رجل ان يلتفت عليهم وهم في دروبهم إلى أعمالهم أو جامعاتهم وكل الي يتمنونه الستر والعفاف من ارتداءهم الحجاب .. وليس كما ذكر انها طريقه أخرى لجذب انظار الرجال.. وشكرا تحياتي الجود جودي وأنا بنت الاجواد ديرتي البحرين وأنا قمرها
  3. [align=right]السلام عليكم ورحمة الله وبركاته إنا لله وإنا إليه راجعون الله يرحم الملك فهد بن عبد العزيز آل سعود ويغمد روحه الجنه الله يرحم جميع أمة محمد والمسلمين واقول للشعب السعودي عظم الله أجوركم في الملك فهد ،والله يرحمه ويسكنه فسيح جناته .. [/align] أختكم في الله ديرتي البحرين
  4. اذا كان الكلام لي اخوي تره موضوعي الي انا كتبته .. مو عشان اي احد يقراه ولا يرد عليه.. بس خاص ل كاتب الموضوع وخاص ايضا للطلبه الجادين .. وفقط
  5. في موضوع في هالمنتدى للأخت (( هيا المحرقيه )) بإسم: مثبت: معلومات عن الجامعه الخاصه رجعي للموضوع وانشالله بيفيدك.
  6. السلام عليكم ورحمة الله وبركاته أختي اتمنى اني افيدك بالمعلومات الي عندي (راح تسمعين الكثير من الكلام عن كل جامعه الي يمدح والي يذم بسبب سهولة الحصول على اعلى الدرجات.. بس بتظل جامعة البحرين اقوى شهاده .. ) انا انصحك روحي التسجيل بجامعة نيويورك NYفي العدليه. وسأليهم وشوفي اذا تناسبك أو لا . وتراهم بيعادلون لك المواد الي اخذتيها في جامعة البحرين . وشهادتهم قويه لان اسمع وايد اشاعات تطلع على جامعة الAMA مع ان كل يوم الناس يسجلون فيها .. الي يمدحها والي يذمها . بس انصح بعدم المجازفه. والله اعلم واذا تبين انتساب (جامعة بيروت العربيه) شهادتها معترف فيها ومقبوله 100% وانا صديقتي تخرجت من الثانوي وحالا سجلت فيها وماشالله مشيه فيها ..تسافر بس حق الامتحان لبنان أو الاسكندريه تقدرين تختارين.. واذا حبيتي تسجلين تروحين # معهد الأمل# الي جمب (مقهى البحار)شارع ام الحصم. تحياتي الجود جودي وأنا بنت الاجواد ديرتي البحرين وأنا قمرها
  7. السلام عليكم أشكركم جميعا اخواني وأخواتي أنا انتهت اجازتي ورجعت لكم وان شاءالله نسعد بقضاء اسعد الاوقات معاكم .. تحياتي الجود جودي وأنا بنت الأجواد ديرتي البحرين وأنا قمرها
  8. مرحبا أنا ما عندي أي مشكله اني احط اسمي .. بالنسبه لي عادي بس المشكله ان أنا ما أعرف نوعية الناس الي قاعده اتعامل معاهم .. فيعني اتعامل معاهم بالمستور يكون افضل لي .. ويمكن مثلا الشخص الي كاتب موضوع يكون فيه خلل يعني في شخصيته أو عدم ثقه بنفسه _مع احترامي لجميع الاعضاء،انا ما اقصد احد معين_ ولما أرد عليه أو أي أحد يرد على موضوعه.. يمكن يفهم الرد أو الاسلوب بطريقه أخرى .. ,ويفسر طريقة ردودنا وأفكارنا بإسلوب آخر .. فقد تتواجد عداوات بين ناس وناس عن طريق هالمنتديات والمشكله ان كل شخص يعرف الثاني شخصيا .. وخصوصا اذا كان العضو (بنت) أحس انها يمكن تتعرض للإشاعات من خلال بعض المواضيع. لان مثل ما قلت احنا قاعدين نتعامل مع ناس عددهم كثير وما نعرف كل واحد ايش الي في باله وايش نوعيته .. تحياتي الجود جودي وأنا بنت الأجواد ديرتي البحرين وأنا قمرها
  9. لاحول ولا قوة إلا بالله كل شي في أمل ان ينسى او يتسامح فيه ..إلا اتهام الناس في اعراضهم. ... لو الله سبحانه وتعالى ما نعم علينا بنعمة النسيان راح تكون كل ثانيه وكل دقيقه في حياتنا كآبه وهم وغم بسبب موقف تعرضنا له ما نقدر ننساه طول عمرنا .. ولكن نعمة النسيان تنسينا هالمواقف .. بطبيعة الحال ان ما راح ننسى الي صار نهائيا .. إنما سنتذكره من فترة لأخرى .. وبعد ذلك قد يكون يمر على البني آدم ويتذكره في المواقف التي تشابه ذلك الموقف.. لكن الي صج بقى محفور في الذاكره والي غصبا عن الكل ما راح ينسي الإعاقه الي تعرضت لها الزوجه بعد الإعتداء عليها بالضرب.. والتشوه الذي لازمها بقية حياتها .. استغفر الله العظيم من كل ذنب عظيم... تحياتي الجود جودي وأنا بنت الأجواد ديرتي البحرين وأنا قمرها
  10. السلام عليكم ورحمةالله وبركاته اخوي صقر.. انا كتبت موضوع بعنوان الخطوبه .. وبعدين اكتشفت ان موضوعك وموضوعي نفس الفكره.. ومادمت انك طرحت موضوعك قبلي .. فاحب اني انقل الموضوع الي انا طرحته على شكل رد لموضوعك .. وشكرا لك.. وبطلب من الاخوه المشرفين انهم يا ليت يمسحون موضوعي لعدم تكرار المواضيع.. انا رأيي اني اوافق وجود خطبه بدون عقد (مرحلة الخطوبة) المفروض ان تكون فترة الخطوبه كامتحان للطرفين يعني كل واحد يمتحن الثاني ويشوف تصرفه في كل المواقف الي تمر بهم في هالفتره. بس فترة الخطوبه الاحسن الي تكون قبل العقد .. عشان قبل العقد الاهل يتأكدون من الي خاطب بنتهم ومن اهله.وطبعا يكون هالشي بالزيارات بين الاهل، او بتواجد البنت والشاب مع تواجد اهلهم طبعا في نفس المكان .. قبل ما يكون عقد بينهم.. لان اذا كان بينهم عقد زواج يعني خلاص متزوجين جدام رب العالمين واهمه حلال على بعض. يعني اذا لا سمح الله واختلفوا في فترة الخطوبه الي تكون بعد العقد وفكروا انهم يتفارقون .. راح تكون حالتهم الاجتماعيه مطلق ومطلقه ، والي نتمناه ان ما يزيد عددهم. فيعني لو كانت...... فترة الخطوبه الي انا اقصدها (الي خلااص بدأت بالانقراض هالايام) الي ما قبل العقد ، فلو البنت ما ارتاحت لاهل الخاطب او للخاطب نفسه ، فانتهاء علاقتهم ما راح يكون نهايته طلاق //, ولكن نقدر نقول ما توفقوا وانتهى الموضوع .. لان الطلاق زايد عدده هالايام (((انا ما اقصد من طرحي لموضوع فترة الخطوبه* قبل العقد* ان البنت تقعد معاه وياخذون راحتهم ,ويطلعون مع بعض))) وطبعا مو شي ضروري ان كل الديره وكل الناس تدري ان قد يكون يوم من الايام فلان زوج حق فلانه وان في تخطيط من احين لهالشي ... فلو ما صار نصيب لا سمح الله اولا: اهمه ما يربطهم عقد ، ثانيا: ما صارت خساير على حفلات خطوبه وشنيول .. وبعدين يدخلون فترة الخطوبة *قصدي بعد العقد* وكل واحد يمتحن الثاني ، ولا سمح الله كل واحد اكتشف انه غير مرتاح من الثاني وفي الاخير يقولون خلاااص تفارقنا، ثالثا: ياليت نحاول نقلل من اعداد المطلقين والمطلقات الي زايد بشكل غير طبيعي.لانهم بطبيعة الحال لو تفارقوا بعد العقد راح يكونون مطلق ومطلقه. رابعا: وبعد لو ما صار نصيب محد يقدر يتكلم على البنت او الشاب لان فترة الخطوبه تمت بتبادل الزيارات بين اهل العائلتين بكل احترام . *وبعدم وجود خلوه بين الخطيبين* تحياتي الجود جودي وأنا بنت الأجواد ديرتي البحرين وأنا قمرها
  11. انا اقترح .. للاخوان والاخوات الي ردوا على هالموضوع وخصوصا الي قالوا ان قلبهم يعورهم لما يشوفون حال هالريال.. شرايكم؟؟ حتى لو ما كنتوا عطشانين ولا تبون ماي.. بس نزل نافذة سيارتك... اذا الماي ب100 فلس،، عطه الضعف او اضعاف هالمبلغ لان الصراحه ما يأثر في رواد السيف ،،والحمدلله على كل حال. هالمره اذا انا صادفته ببتدي... و أتمنى الكل يساعده .. .. وشكرا تحياتي الجود جودي وأنا بنت الأجواد ديرتي البحرين وأنا قمرها
  12. السلام عليكم ورحمة الله وبركاته الصراحه .. هالموقع جدا جدا شيق .. وانا اشكر كل الي قاموا على اعداده..من اداريين ومشرفين .. وكذلك الاعضاء المجتهدين والمميزين بأقلامهم. ولكن سأتوقف لفتره بسيطه عن المشاركه ، ونراكم قريبا .. انشاالله. والله الموفق تحياتي الجود جودي وأنا بنت الاجود ديرتي البحرين وأنا قمرها
  13. على الاقل مواضيع العضو والاخ العزيز ((ابن الرفاع)) لها معنى يطرح مواضيع هادفه لها قيمتها .. ***والكل الصراحه المؤيد لها والمعارض يستفيدون منها تحياتي الجود جودي وأنا بنت الاجواد ديرتي البحرين وأنا قمرها
  14. اخوي كاتب الموضوع ..مسامحه ردي لك راح يكون شوي قاسي... انت تبي تتزوج .. مدري بعذر ولا بدون عذر .. قصدي زوجتك فيها مشكله .. ولا ما فيها مشكله بس هل انت في ((وحده)) في بالك حاط عينك عليها وتبيها ..مهما كان الثمن؟؟؟ أو انك تحب التغيير والتجديد؟؟ وبس تبي وحده اصغر منك تجدد شبابك معاها... وام العيال خلاص راحت عليها وخليها تربي عيالها وتتحمل مشاكل البيت ,وكل شي ..لانك طبعا بتلهى مع زواجك الجديد أخوي تذكر شي.. مثل ما انت تحب التجديد .. زوجتك اكيد بعد تحب التجديد مثل ما انت تحب انك تعيش في راحه واستقرار (اذا في بالك انك بتحصل هالشي بزواجك الجديد) زوجتك اكيد بعد تحب انها تكون مرتاحه ومستقره فلماذا لا تأخذ زوجتك وابناءك وتجدد حياتك معهم .. مثلا بسفر أو بتغيير شكل المنزل مثلا ومنها تكسب اجر منهم.. الاقربون اولى بالمعروف.. ريحهم نفسيا قصدي ..بدال ما تتعسهم بزواجك الجديد تره الصراحه حتى الابناء ما يتقبلون هالشي .. واحيانا اذا شافوا امهم تعيسه ومريضه راح تتدهور حالتهم (لا سمح الله) واكيد انت فيك عيوب مليانه الدنيا ( مع احترامي لك - انا مو قصدي انت فقط - انا قصدي كلنا فينا عيوب مليانه الدنيا) لكن ما نشوفها تأكد ان زوجتك متحملتك ومتحمله طبايعك ومشاكلك وعيالك ترضى انها يوم من الايام تجيك تقول لك يا بو .. فلان.... !! آنه خلاص قررت اتزوج.. أنا ابي اتزوج .. انا مرتاحه منك واحبك .. بس ابي اجدد واغير !!!!!!!!!!!!!!!!!!!!!!!!!!!! خلاص طلقني .. ولا راح اتطلق منك بالقوه بالمحكمة واتزوج الي ارتاح معه والي طبايعه زي طبايعي!!!!!!!!!!!!!!!!!!!!!!!! ايش مدى الاحباط الي راح يصيدك .. راح تحس انك فيك نقص رجوله.. او انك غبي عايش معاها سنين واهي .. طلعت انسانه طماعه ما تستاهل عشرة كل هالسنين .. وانك ضيعت عمرك معاها **الصراحه اخوي هاي القصه الي قلتها لك تراها من الحقيقيه مو من الخيال.. واحنا عندنا في البحرين صارت وايد .. زوجة تطلب من زوجها الطلاق فورا .. اوستطلب الخلع منه في المحكمه ..مع تنازلها و تركها وراءها كل حقوقها وابناءها لزوجها ( علما ان عيالها كانوا طولها ) وقت هذه القصه.. وتزوجت من اخر على آخر العمر!!!!!!!!!!!!!!!!!! ويا اخوي اذا كنت (مصمم) تتزوج تتزوج.. مهما كان الثمن.. راح اقول لك سالفه بعد حقيقيه .. كانوا طالبات كل يوم يروحون المدرسة ونفسيتهم تعبانه ,, مستواهم الدراسي نزل بكثير .. ليش؟؟ لان ابوهم تزوج .. وامهم مو موافقه نهائيا ولما عرفت .. صادها قهر ومرضت صادتها جلطه (اسم الله عليكم) .. وصادها انهيار .. واهمه ما عندهم احد غير امهم .. ونفسيتهم كانت جدا تعبانه والابو مستاااانس ومكيف بزوجته الجديد!!!!! الحمدلله رب العالمين على كل حال والله المستعان تحياتي الجود جودي وانا بنت الاجواد ديرتي البحرين وأنا قمرها
×
×
  • Create New...