~نعناعة~

هههههههههههههههههههههههههههه يسلمو ع الصووووور .. والله يعطيك الصحة والعافيه ان شاء الله ..

الصوووووووووووور يهبلوووووووووووووون عدل .. ما شاء الله ..

?????????

مشكووووووووووووووووووووووورة يالغاليه على التكملة .. بس الله يهدااااااااااش .. ليش جذي .. خليتين البطل يمووووووووت وعالعمووووووووووم القصصصصصصصة رووووووعة .. ونبي مثلهااااااااااااا .. ويسلمو ويعطيش العافيه ..

يسلمووووو .. القصة حللللليييييوة الف .. يسلمو مرة ثانيه ..

ويييييييييييييين البااااااااااااااااااااارت .. واااااااااااجد تأخرتين خيتوووووووووو .. في الانتظااااااااااااااااااااااار !!!!

بليييييييييييييييز .. لا تطولين علينا .. نحنا في الانتظااااااااااااااااااار !!

ههههههههههههههههههه يسلمو ع القصة

ههههههههههههههههههههههه

يا سبحان الله ..

يسلمو ع القصة ..

لالالالالالالا تبطيييييييين علينا .. ونحناااااااااااااااا في الانتظااااااااااااااااااااار ..

ليه متى خيتوووو .. الله يهادش بس فديتوني .. المهم لا تتأخرين .. ونحننننااااااا في الانتظاااااااااااااااار !!

الله يعطيكم الصحة والعافيه على هذي القصة .. وجعلها الله في ميزان حسناتكم ..

سوري لأني اتأخر .. بس لأني ما اشوف اي بارت .. لكن وعد اذا شفت بارت منززززل بحطه لكم .. والسموحة منكم !!

????????

في الانتظااااااااااااار !!

ننتظظظظررررررررر البااااااااااااارت الجاي .. وان شاء الله يكوووووووون حليوووووو .. في الانتظااااااااااااااار !!

في الانتظااااااااار !!

لالالالالالالا تبطييييييييييييييين علينااااااا .. كمليهاااااا لا نموووووت .. هالجززززء كللللش كشوووووووووووخي ورووووووعة .. في الانتظاااااااااااار !!

يسلموووووووووو على التكملة .. وحنا في انتظار الجزء الجديييييييد .. في الانتظاااار !!

ويييييييين التكملة خيوووووو ! بسرعععععه .. على شان ما ننسى شي .. في الانتظااااااااااااااااااار !!!

العفوووو حبيبتي .. بس يالله ملينااااا من كثر ما ننتظر !!

البنات جالسين يسولفون عن الملكه ...وطبعا وهم يسولفون .ريم ما تترك عوايدها ...قامت وخذت جوالها ودقت على مشاري ... ريم طلعت برا تكلم مشاري .. ريم : هلا والله .. مشاري: هلا... ريم : اخبارك .. مشاري : تمام ...انتي وش عندك مكلمه وش تبين ... ريم : اعووذ بالله وش فيه مزاجك ... مشاري: والله يا ريم مزاجي مو تمام ... ريم وهي تدخل غرفتها وتسكر الباب ... ريم : طيب ..قول لي وش فيك .... مشاري : والله يا ريم الفرووض انا افرح صح ... ريم : اكيد المفروض تفرح ... مشاري : بس انا ما ادري افرح لاخووي والا احزن لولد عمي ... ريم اللي حطت يدها على قلبها : ولد عمك ...من هو .. مشاري : فواز .. ريم شهقت : وش فيه .. مشاري : والله ما ادري وش فيه ...يعني تخيلي .موراضي نطلع سوا ...ابدا ..وطبعه متغير ..صاير عصبي ..قليل ما يضحك ...وناحف ..ووجهه دايما اصفر .. ريم وهي من جد خايفه على فواز : ليش طيب... مشاري : ما ادري علمي علمك ... ريم : يمكن فيه شي مزعله ... مشاري : ما ادري س هذا اقرب شي ممكن افكر فيه ... ريم : هو اكيد شي نفسي ..لاني سمعت من العنود انه حلل وطلع فيه فقر دم بس... مشاري : لا لا هوو ان شااء الله ما فيه الا العافيه ....ان شااء الله يكون شي نفسي.. ريم : ان شاااء الله ...ويمكن شي مضايقه فتره وتعدي... مشاري : المهم انتي وش عندك متصله ... ريم : هههههههههه انا كنت ابي اسالك مشعل عندك ... مشاري: ايه في غرفته ...وش عندك ..اكيد مقلب جديد .. ريم : اكييد ...شوووف انا بروح عند البنات وبشغل السبيكر ...وانت رح عند مشعل وبعد شغل السبيكر.. مشاري : اوووكي حركه حلوه يله تراني قمت بروح له ... ريم : اوكي وانا طلعت من الغرفه .. دخلت ريم الغرفه وجلست مع البنات وعبير ... ريم وجلست بين رنا ونجلاء ... ريم : الوو وين رحت .. نجلاء : من تكلمين .... ريم اللي حطت على السبيكر... ريم : اسمعي ...اقوول ترا نجوول معنا .. مشاري: اوه اوه نجلاء ...اخبارك .. نجلاء : مشااااااري ...اخباااااااارك . .مشاري : الحمد لله .... نجلاء : وينك يا اخي ما تقوول اختي بكلم عليها بسلم عليها ... مشاري : الحق لي وانا اخووك ...انا الكبير... نجلاء : ماما وبابا اخبارهم .. مشاري : هههههههههههههه لين الحين على ماما وبابا ... عبير : هههههه يعني تبيها تغير .... مشااري : والله ما ضني...الا رنا اخبارها .. رنا : انا الحمد لله ..انت اخبارك .. مشااري : انا كم مره بقول تمام .. رنا : لا تفشلني عاد ورد علي... مشاري: اوه اسفييين ....انا الحمد لله تمام ..طيب ...بخير......خلاص كذا حلوو.. ريم : هههههههههههههه رنا : اكيييد حلوو ... نجلاء : اقول ...مشعل اخباره (وتناظر رنا وتبتسم ) مستعد لبكره ... مشاري : هو عندي اساليه .. رنا شهقت ... نجلاء : ههههههههههههههه.. ريم : اخبارك يا عريس .. مشعل : انا تمام ....انتي اخبارك .. ريم : اكيد انا بخير....بكره ملكة اختي واخووي.. مشعل : ههههههههههههه ايه من قدك اخت العروس..واخت المعرس.. ريم : شفت عاد .... عبير : الحين انتم وش عندكم مكلمين .. مشاري: بل بل بل ....شرار شرار تطلعين يا مرت اخووي.. عبير: هههههههههههههههه .. لا قول لي جد وش عندكم .. مشاري : والله انا وريم قلنا بنسوي حلقت وصل بين العرووس والمعرس.. عبير : ولك عين بعد ... مشاري : طبعا ..حرام نساعدهم ... عبير: لا يا حبيبي ما فيه شي اسمه نساعدهم ..من بكره بيملكوون وبيكلمون بعض ...انت اطلع منها ... مشاري: ههههههههههههههههههههه ..طرده صريحه ذي.. ريم : عبير وش دخلك انتي ... عبير : هههههههههههه .. لا بس نجااسه ... نجلاء : ايه ..ايه ..صح .. لازم نسكر السماعه ..حرام ..وجه رنا صااار طاطه .. مشاري: ههههههههههههههههههههههه اوووه من الحين .. عبير : يله يله مع السلامه .. مشاري: مع السلامه ... اتمنى الجزء يعجبكم ... وابي اشووف توقعاتكم بالنسبه للملكه ؟؟....حل راح تعدي على خير .. او فيه شي بيخربها ؟؟ فواز ؟؟ وش فيه .. وش راح يصير عليه ؟؟ فيصل ونجلاء ؟؟ لين متى هذا الهدووء؟؟؟ طارق وش راح يسووي بالصوور .؟؟؟ نوف وش بتكون ردت فعلها اذا قالت لها ساره ابي صور نجلاء .؟؟ الجزء الثامن والعشرون -28- سكر مشاري من البنات ... مشعل : يا اخي استح ...وش ذا الحركات ... مشاري : ههههههههههههههه ...هذا جزاي بعد .. مشعل : لا والله بس حرام عليكم احرجتوا البنت .. مشاري : الله ..من الحين بدينا ندافع ... مشعل : ههههههههه والله ماعندك سالفه .. مشاري : الا قلي هدوول وينها ... مشعل : ههههههههههه .. هدوول هذي سالفتها سالفه ... مشاري: وش فيها .. مشعل : مزعجتني الا تبي تلبس فستانها وتشووف نفسها .. مشاري : وشلون يعني تشووف نفسها ... مشعل : هههههههههههه .. تقوول ابي اشووف نفسي في المرايه الطويله اللي في غرفة نجلاء.. مشاري وهو مطير عيونه : لا تقولي انها الحين في غرفة نجلاء... مشعل : هههههههههههههه ايه في غرفة نجلاء .. مشاري قام بسرعه ....: بروح اشوفها ... مشعل : خذني معك .. طلعوا ودخلوا غرفة نجلاء...وشافوا منظر روعه ..هدوول واقفه قادم المرايه ..وهي لابسه فستانها ..سكري طويل ومن فوق سيور ...كانت واقفه قدام المرايه وتهز عشان يتحرك الفستان ... مشعل يكلم مشاري وهو يناظر هدوول: تجنن صح .. مشاري : الله يخليها لك ان شاء الله .. مشعل : امين ...تصدق ..ما عمري شفتها فرحانه ..زي ماهي فرحانه الحين .. مشاري: هذا وهي ما تعرف وش معنا اللي بيصير بكره فرحانه ... مشعل : من يقووول ...هي فرحانه لاني قلت لها رنا بكره بتصير ماما ... مشاري : الله يوفقكم ... هدوول اللي شافتهم من المرايه ...: بابا ..انا حلوه صح .. مشعل يروح لها ويشيلها : اكيد حلوه انتي احلى البنات ... مشاري : قمر يا هدوول ... مشعل : لا يا مشاري بنتي مو قمر.. مشاري : هههههههههههههههههه ..يعني معترف ان بنتك شينه ... مشعل : انا ما اقوول شينه ..بس انا اقوول بنتي مهيب قمر.. مشاري: اجل ايش .. مشعل : هدوول الشمس... مشاري : وش معنا يعني ..القمر احلى .. مشعل : انتم ما خذينه كذا ...مع ان الشمس احلى...شووف نور الشمس ...الشمس اول ما تطلع تمحي ظلام الليل ...الشمس وجودها اقوى من القمر ...خل بنتي الشمس ...وانتم خذوا القمر .. مشاري : افحمتني ... مشعل : عشان ما تحط راسك براسي مره ثانيه .. مشاري: نشووف عاد اذا جت بنتي ... مشعل : ايه خلها تجي اول ...بس مع ذلك ..ماراح تجي مثل شمسي ... مشاري: ههههههههههههه ...خل شمسك لي ...انا بنتي على امها ان شااء الله ... مشعل : وانت وش عرفك عن امها ....او انها بتصير حلوه اصلا ... مشاري ابتسم وتذكر لمى شاف العنود اول مره ..وتذكر عيونها اللي مجننته .. مشاري : انا ادري.. مشعل : وش دراك .. مشاري ياشر على قلبه : هذا ... مشعل مطير عيونه يبي يستوعب اللي جالس يسمعه : وشووو .. مشاري اتسعت ابتسامته : اللي سمعت يا اخوووي ... مشعل اللي حط هدوول على الارض وقرب من مشاري وابتسم ابتسامة غباء.. : تحب يا مشاري..؟؟ مشاري: افكوووورس... مشعل : مين ؟؟... مشاري: مو لازم تعرف ... مشعل : الا لازم ..ما راح اتركك ...لين اعرف؟؟؟ مشاري : نو نو ... مشعل : اخلص ترا الفضوول ذبحني ... مشاري اللي يروح ويجلس على الكنبه الوحيده اللي في غرفة نجلاء : بس هي ما تحبني ... مشعل : طيب من هي .. مشاري : العنود بنت عمي ... مشعل : والنعم والله ...بس ما تحبك ...وانت وش دراك ... مشاري : لا بس ادري... مشعل مستغرب كيف مكن يعرف مشاري عن مشاعر العنود تجاهه : وشلون تدري ...انت تكلمها ... مشاري : مهبووول انت ..ما سويتا مع بنات الناس اسويها مع بنت عمي.. مشعل : اجل وش دراك انها ما تحبك ... مشاري : لا بس وحنا في الشرقيه صار بينا مشكله .. ومن وقتها وهي تكرهني ... مشعل : الله ...من يومك في الشرقيه ...؟؟ قل لي وش السالفه .... مشاري ارتاح انه لقى احد يقول له اللي في باله .. مشاري : طيب بس هدوول .. مشعل : ايه صح نسيت هدوول .....انا بروح اغير ملابسها ...ونومها واجي .انت اسبقني على غرفتك ... مشاري يبتسم : طيب يا ابو الشمس .. مشعل : فارق تكفى ... طلع مشعل وهدوول ...ومشاري جلس يتفرج في غرفة نجلاء وتذكر انه قد عطا نجلاء البوم صور له ...فتح الدرج عشان يدوره وقال اكيد انها بتحطه هنا .. فتح الدرج ولقى الالبوم ..وفوقه دفتر وردي ...خذا الدفتر والبوم الصور ... فتح الدفتر اول ...لقى في اول صفحه ..مكتوب .. مذكرات الخبر ....بخط العنود .. ابتسم مشاري ..واسغرب كيف وصل الدفتر هنا ...( معلومه الدفتر هذا للعنود ...كان في شنطة ريم بالغلط والعنود قالت لنجلاء تجيبه من ريم ..وحرصت نجلاء ان محد يقرا الدفتر حتى هي ..ونجلاء خذته من ريم ...بس نست توديه للعنود ) وفتح الصفحه الثانيه ... قرا اللي مكتوب وجلس يضحك ....لانها كانت تصف شكلهم في الباص .. تحمس وخذا الدفتر والالبوم .وطلع من الغرفه وراح لغرفته ... دخل لغرفته وانسدح على السرير ...وفتح على الصفحه الثانيه وجلس يقرا .. مشاري : الحين انا من صدقي جالس اقرا دفتر البنت ...بس هي ان شاء الله بتكون زوجتي ...بس حتى ولو ما اتلقف على خصوصياتها ....ابقرا الصفحه هذي وبعدها برجعه مكانه ... جلس يقرا كيف كانت تصف لعبتهم في الباص ...وصل لحد يوم كانوا يرقصون في الباص ... كانت توصف رقص فواز وفيصل .. مشاري : اكيد ماراح توصفني ...هم خوانها ... بس العكس انصدم ..لمى كمل القرايه ... لا مو معقوول اللي تقوول الكلام هذا هي العنود ...وجلس يعيد الكلام يمكن ولا عشر مرات .. "اما مشاري ..كان رقصه فظيع ...صح مهوب احلى من رقص فيصل ..بس كان حلو ...وحتى وهو متلثم عيونه حلوه باللثمه ..يعني طالع رزه ..انا كنت اول مره اشوفه من قريب ..اعجبتني بعد حنيته علينا ...شكله مره طيب انا الصراحه ما اعرفه ..ما اعرف أي شي عنه ..غير انه ولد عمي ...بس اليوم ترك انطباع عندي ان شخصيته حلوه .." مشاري يا ربيه مو معقول ....بس هذا قبل ..كيف يوم طقيتها ... جلس مشاري يقلب في الصفحات لحد ما وصل لليوم اللي هو ضربها فيه ...وجلس يقرا وهو متحمس.. " اليوم اول يوم نطلع فيه طلعنا مع مشاري ..طلعنا ..الرحله كانت حلوه ..لحد ما انا قمت اغسل ..وجاني واحد ماصل قام يثقل دمه علي ..انا بدون قصد قلت له اسمي ...وهو يمسكها علي..وبعدها جا مشاري وهو قال اسمي له ...مشاري عصب ...وقال لي اروح ...انا رحت وجلست اصيح ..وبعدها هو جاني وتهاوشت معه ..بعدها ضربني ...تجرأ ورفع يده علي ...انا بنت سليمان ..عمري ما احد مسني بطرف ..يجي هو يضربني ..ومن هو اصلا ..يعني عشانه ولد عمي يضربني ..." قلب مشاري الصفحه ...وقرا بس ما لقى شي غير وصف العنود كرهها له ...انقهر ..وسكر الدفتر .. وبعدين رجع الفضول مره ثانيه ..يبي يعرف شعورها يوم قالها احبك ....بس غير رايه ... مشاري : ناقص انا بعد ....اقعد اقرا كلامها اللي يطعني .. حط مشاري الدفتر في الدرج اللي جنبه ... مشاري : اوووف الحين بيجي مشعل .. وش اقوله .. اقوله انا احبها وهي تكرهني ..انا اموت فيها وهي ما تطيقني ..بس وشلون بخطبها وهي تكرهني .. بس انا تاسفت لها اعتذرت لها ...وهي قبلت اعتذاري ..ورضت علي.. يعني خف كرهها لي.. رجع مشاري طلع الدفتر من الدرج ..لان فضوله ذبحه .. فتح الدفتر وجلس يقرا .. " اليوم مشاري تاسف لي .. الصراحه رحمته كنت ابي اقوله خلاص ما صار شي ..وانت ولد عي..بس كبريائي منعني ..انا عندي كرامه وما اقدر اقوله خلاص مشاري انا سامحتك ..لانه ضربني ..يعني هو صح يقهرني ..بس حتى ولو ما يستاهل اسووي فيه كذا وهو طيب .. انا ادري انه طيب...بس انا طنشته ومشيت ..بس هو مسك يدي..انا ما اعجبتني حركته ..وحتى هو شكله من دون قصد مسكها وبسرعه فكها بس ما ادري ليش انقهرت لمى فك يده " مشاري مسك راسه : الله يا العنود راضيه على من اول مره قلت لك فيها آسف جالسه تعذبيني وانتي راضيه...حرام عليك ..آآآه يعني انتي ما تكرهيني .. ورجع يقرا "امس صارت احداث كثيره ...أولها ..طلعنا للملاهي كانت وناسه والجو حلو ..ما فيه رطوبه كثير..بس كان فيه واحد خايس جالس يلحقنا انا وريم ...الصراحه نرفزني ورحت وتهاوشت معاه ..بس المصيبه ان فواز ومشاري شافونا ..وجو لعندنا ...وجلسوا يكلمون الرجال ..وبعدها جلس مشاري يتهاوش معاه ويضربه ..وشفت الرجال وهو يضرب مشاري ..قهرني من هو عشان يضربه ..تقطع قلبي وانا اشووفه ينضرب .. ما ادري ليش حسيت كذا ..بس كان فيني احساس يقول مو مشاري اللي ينضرب يمكن لانه ولد عمي.... بس انا لاشعوريا صرخت .. صرخت ومن قلبي ..صرخت وناديته ..مشاري ... هو بعد لمى ناديته وقف .. وبعد ضرب الرجال .. ورفع راسه وطاحت عيني في عينه .. ما ادري ليش وقف لمى صرخت عليه ..مع ان الكل صرخ عليه .. ليش انا بالذات وقف لمى صرخت . ما ادري . بعدها بعده فواز وجت ريم واخذت مني منديل لان مشاري تعور وصار الدم ينزل من عند فمه .. .. وبعدها رجعنا للبيت .." مشاري ظل مصدوم من الكلام اللي يقراه ...كل هذا كنتي تحسين فيه يا العنود .. كل هذا تحسين فيه وانا ما ادري.. طيب ليش تكابرين .. ليش .. معذبتني معاك .. وبعدين خوفك علي .. وش تفسيره .. وش المعنا منه .. خليني اكمل واشوف .. فتح مشاري يمكن ثلاث صفحات لانها كانت فيها سوالفهم يا البنات وهو ما همه الا انه يقرا ردات فعل العنود على اللي يصير بينهم .. وبعدها وصل لليوم اللي خوفهم فيه فواز ... وصف العنود كيف كانوا خايفين منه .. " وبعدها انا لاحظت ان مشاري مو موجود معهم ..وسمعت فواز يقول انه تحت .. انا نزلت له يمكن هو عيب اني انزل له وهو لحاله ..بس ما فيه وقت اتاسف منه غير الحين " مشاري رجع يقرا مره ثانيه وهو مستغرب .. تتاسف لي.. متى هذا .. وشلووون .. ورجع يقرا .. " نزلت له .. لقيته واقف عند المسبح ..رحت له ..بس هو شكل مزاجه زفت .التفت علي يحسبني فواز ...بس يوم لقاني العنود .. عصب .. قال لي فوق .. انا انقهرت منه وانا جايه اتاسف له كذا كذا يسوي فيني .. حتى لو هو ما يدري ما يكلمني كذا . ليش يا مشاري .. انت رجعت هدمت كل شي من اول وجديد .. رجعت على ورى عشان اروح فوق لانه قهرني نرفزني بس انا طحت وصارت مصيبه انكسرت رجلي.. جا مشاري عشان يساعدني .. بس انا رفضت لانه قاهرني . وانا ما احتاج مساعده منه ..بس الالم كان شديد ..عقلي يقولي خليه يساعدك ..وقلبي يقول لا لا ..لا تخلينه يقرب منك ....بعدها مشاري راح وتركني ..ورجع وفواز معه ." وجلست العنود توصف وش صار بالمستشفى .. في اللحظه هذي فتح مشعل الباب ...ودخل ... مشاري ارتبك ..ودخل الدفتر تحت المخده .. مشعل يرفع حاجب: وش عندك .. مشاري : هاااه .. لا لا ولا شي.. مشعل وهو يجلس على السرير : طيب يله قل لي وش السالفه ... قال مشاري السالفه كامله لمشعل ..حس براحه لانه اول مره يتكلم عن اللي صار بس كان خايف من ردة فعل مشعل اللي ماقال ولا كلمه .. ولا بان على وجهه أي تعبير... مشاري وهو يتفحص في وجه مشعل : وش رايك ؟؟.. مشعل اللي اخيرا رفع راسه : انت تحبها يا مشاري ..؟؟ مشاري : ايه احبها يا مشعل ..والله احبها ..والله .. مشعل يبتسم : اعصابك ..درينا تحبها ...بس.. مشاري خاف : وشو بس..؟؟ مشعل : انت ناوي تتزوجها ..او... مشاري : لا مافيه او ..انا ما اشتغلت الا عشان اتزوج .. مشعل : خلاص اجل اخطبها ... مشاري : ناوي ...بس مهوب الحين .. مشعل : اهم شي خلك واثق من نفسك ...واتركك من كلمة تكرهني ...واخطبها وانت واثق انها ما بتلقى احسن منك .. مشاري : بس انا خايف عمي يغصبها علي.. مشعل يبتسم : لا تخاف مو عمي اللي يغصب بنته ... مشاري يناظر اخوه نظره ما يدري وش تفسيرها غير انها نظرة امتنان وشكر ..: شكرا يا اخووي.. مشعل : لا شكر على اجب ..انا اخوك لا تنسى .. مشاري : اكيد ...وشلون انسى وانت في وجهي ليل ونهار.. مشعل : ههههههههههههههههه ما تقدر تصير جدي لوقت طويل... شاري ..: المهم قلي ....هدوول ..لمى تتزوج وش بتسوي بها .. مشعل : وشلون وش بسوي بها .. مشاري : اقصد حطها في غرفه لحالها .. مشعل : بس هي ما تحب تنزم لحالها .. مشاري : لين متى يعني بتنوم معك ...خل عنك الحنيه الزايده ....انا من بكره بقعد اسوولف معها ..واقولها ليش ما تنومين في غرفة عميمه نجلاء ...اذا وافقة رحت انا واياها وشرينا لها غرفه ... مشعل : يعني انت بسرعه ترد الجميل ..جا دوري الحين انا اشكرك .. مشاري : هههههههههههه انا اخوك لا تنسى ... مشعل : بصير احسن منك ...وما راح انسى .. مشاري : اقوول رح نم يا الله يا المعرس... مشعل : ههههههههههه ..يله تصبح على خير... مشاري : وانت من اهل الخير... طلع مشعل ومشاري حط راسه على المخده ونام ... في بيت ابو فهد ...الكل نايم الا فيصل اللي قلبه متقطع على اخوه يحس انه يبي يصرخ يبي يقول شي بس ما يدري لمين و وش يقول ...اخوي قال لي بموت ..قالها والله سمعته .. هذي ثاني مره يقولها قدامي ..حتى لو مهما كابرت انا ادري ان اخوي فيه شي خطير.. مو معقوله فقر دم يسوي كذا .. ا خذا جواله لا شعوريا يبي يكلم على نجلاء .. بس غير رايه ....حرام هي فرحانه الحين .. اكلم عليها اضيق صدرها ....انوم احسن لي.. حط الجوال ...وحط راسه على المخده ...بس الجوال رن .. خذاه ولمى شاف الرقم ابتسم .. فيصل : هلا والله .. نجلاء : يا هلا بك .. فيصل : اخارك ..؟؟ نجلاء : الحمد لله .. تمام ...انت اخبارك ..؟؟ فيصل : انا ..؟ نجلاء حست ان فيه شي : ايه انت .؟؟ فيك شي... فيصل : قولي وش ما فيني ... نجلاء قامت من عند البنات ودخلت غرفة ريم : فيصل خوفتني وش صاير.. فيصل يبي يتكلم بس يحس السانه ثقيل .. فيصل يتنهد .... نجلاء : فيصل والله خوفتني وش فيك ...؟؟ وش صاير ...؟؟ فيصل: فواز يا نجلاء .. نجلاء عقت حواجبها : وش فيه .. فيصل : تعبان يا نجلاء ... نجلاء : ليش هو وافق يروح للدكتور ...رحتوا ...شفتوا وش صار معه .. فيصل : لا ..بس اليوم كنت معه في الغرفه شفته وهو يتالم ..قدام عيوني ..وكان ودي اسووي له شي .. نجلاء : انت ما قصرت معه ...وحاولت فيه .. فيصل : بس هو يتعذب قدام عيوني يا نجلاء ..... نجلاء : طيب سالته وش اللي يعوره .. فيصل : ايه .. نجلاء : وش قال ... فيصل : قال لي كلمه هزتني يا نجلاء ...هزتني .. نجلاء : وش قال .. فيصل : قال لي بموت ................. نجلاء شهقت .. فيصل : والله قالها ...نجلاء فواز شمعة البيت .. لو صار له ...ما ادري وش بيصير لي.. نجلاء : ان شاء الله مافيه الا العافيه ...وبيقوم ان شااء الله وبيرجع لنا .. فيصل : ان شاء الله ... نجلاء : وهو الحين وشلونه .. فيصل : الحمد لله . هو نايم الحين .. نجلاء : ان شاء الله ما فيه الا العافيه .. فيصل : انتي اخبارك ... نجلاء : الحمد لله ... فيصل بحنيه : تصدقين يا نجلاء.. نجلاء باتسامه : وشو ... فيصل : اشتقتلك .. نجلاء بحيا : حتى انا ... فيصل : خلصتوا شغل ... نجلاء : لا جينا لقيناه مخلصين كل شي ...وباقي الاشياء كلها بتكون بكره ... فيصل : بكره متى اجيك ...والا غيرتي رايك .. نجلاء : ههههههههههه لا ما غيرة رايي ... اصلا ملابسي في البيت وما جبته .. فيصل : تمام ...متى اجيك اجل .. نجلاء : مدري بس بعد العصر .. يعني اربع ونص ..او خمس.. عشان عاد يمديني البس ..واتزين .. فيصل : خلاص اوكي. اخليك عاد ترتاحين بكره عند شغل .. نجلاء : الله يعين بس.. فيصل : اجمعين ان شاء الله ....يله مع السلامه .. نجلاء : مع السلامه ... الساعه 11 في بيت ام عبير.. اول من قام .هم عبير ونجلاء ..نزلوا تحت عند ام عبير.. نجلاء: صباح الخير خالتي ... ام عبير..: صاح النور .. عبير: صباح الخير.. ام عبير: صباح النور ..الا وين ريم ورنا .. نجلاء: نايمين ... ام عبير: هوو ..ورا ما قومتوهم ... عبير: والله يمه ما فكرنا نقومهم .. ام عبير: قوموا ريم ... بس رنا خلوها تنوم .. نجلاء: الا اقول خالتي ....وش بقى ما زينتوه .. ام عبير: والله معاد بقى الا الاشياء البسيطه .. عبير : انا بقوم اجيب الفطور ( وتلتفت على امها ) يمه انتي افطرتي .. ام عبير :ايه ..انتي بس جيبي فطورك انتي ونجلاء.. دق جوال نجلاء... نجلاء : الوووو .. مشاري : يا هلا والله .. نجلاء: هلا فيك ...وش عندك ...اليوم الخميس ..ليش قايم بدري.. مشاري : اقوول انتم ..نايمين او قايمين .. نجلاء : لا قايمين .. مشاري : اشو ..طيب يله افتحي لي الباب .. نجلاء مطيره عيونها : نعم ..؟؟ مشاري : بسرعه افتحي الباب ..احرقتني الشمس ...وحنا بعد في ذا الجو الخايس .. نجلاء وهي توقف : طيب هذاني جيت .. مشاري : بسرعه لاني شوي واستوي .. نجلاء : خلاص طلعت .. اعوذ بالله .. سكرت منه نجلاء وطلعت تفتح الباب .. بس يوم فتحت الباب مالقت احد .. نجلاء معصبه : قال ايش قال احرقتني الشمس .. وكلمة عليه .. نجلاء : وينك والله ترا بسكر الباب وبدخل .. مشاري : هههههههههههههههههه .. لا لا خلاص والله وصلت .. وفعلا وقف مشاري السياره عند الباب ...

الجزء السابع والعشرون .. -27- سكر طارق من ساره ... يوسف : الحين انت وش قصتك ...ماعرفت لك تراني.... طارق : اصبر وبتشووف ... يوسف : وش اصبر وانا اشووفك تلعب على الناس من كل جهه ... طارق : اقولك اصبر وبتشوووف ... يوسف : يا اخي حرام عليك .....بنات الناس مهوب لعبه في يدك ..تلعب عليهم وتفضحهم ... طارق: انت وش عندك مستلم فيني نصايح ...خلاص قلت اصبر وبتشوووف ... يوسف : طيب قل لي وش بتسووي في صور البنات .... طارق: لا حووووول ... يوسف : ايه ماراح اتركك لحد ماتقول لي على الاقل جزء من اللي بتسوويه ... طارق : اوكي بقول لك .... يوسف : يله .. طارق: انت وش تبي تعرف بالضبط ... يوسف : اول شي انت ليش كلمت على فيصل ...وقلت له اني انا العب عليك وانا ما اكلم زوجتك ... طارق : تبي الصراحه رحمته ..لاني قبل ما اكلم عليه مافكرة ....قالت لي ساره كلم وكلمت ...لكن بعدها جلست مع نفسي فكرة..انا ليش سويت كذا ... ومن ساره عشان تسووي كذا ...او عشاان توجهني انا وش اسوووي...يعني فيصل وزوجته وش ذنبهم نخرب حياتهم هم توهم في بداية زواجهم ..تجي هي تكلم عليها وتلعب في راسها ...وما يكفيها هذا كله وتبي زياده... تبيني اكلم على فيصل واخليه يشك في حرمته ....يعني هي وين تبي توصل بهم للطلاق ....ليش عاد ....يعني اكتشفت انها انسانه واطيه واطيه واطيه ....وتبي الصراحه انا ما ابي ربي يعاقبني وترجع المشكله علي... يوسف : طيب ليش طلبت صوور زوجته ...وطلبت صور ساره ... طارق: هذا عاد ما اقدر اقلك بس...اصبر وتشووف .. يوسف : اوكي ...بس بقولك زوجت فيصل ابعد عن صوورها ...لانك لو عطيت فيصل صورها انا اللي بكلم عليه وبقول له انك لعاااب... طارق: ههههههههههههههههه ..اقووول قووم خلنا نتغدى احسن لنا ... نجلاء جالسه في الغرفه تبي تطبق اللي قالها مشاري...بس كل مره تطلع لها ساره في بالها ...تحس انها ضعيفه ...ومع ذالك لازم تطبق لازم تنجح حياتها وتكون قوويه اكثر من العاده .... فيصل :نجلاء... نجلاء انتبهت لفيصل والتفت عليه : هلا .. فيصل : وينك من الصبح وانا اناديك ... نجلاء تبتسم : لا بس كنت سرحانه .. فيصل ويرفع حاجبه اليساار: اها سرحانه ... نجلاء: وش هالنظره ...وش عندك ... فيصل : لا بس اقووول يعني سرحانه في مين ... نجلاء: مو لازم تعرف .. فيصل يبتسم : ليش عاد .. نجلاء : كذا ... فيصل وهو يرقد على السرير : آآآآه يا زين النوم .. نجلاء تشهق : بتنوم ... فيصل وهو مغمض عيونه : يعني نص ساعه .. نجلاء : لاا ...قوم .. فيصل : ليش... نجلاء : لا قووم خلينا ننزل تحت ...انا لبست وخلصت .. فيصل : شوووي بس .. نجلاء : فيصل .. فيصل وهو يقوم نص قومه ويستند على يده ويناظرها ويبتسم : عيون فيصل ... نجلاء انصبغ وجهها من الحيا وطار الكلام ... فيصل : ههههههههههههههههههههه رجعنا .. نجلاء : يوووووووه ..يله قوم ... فيصل وهو يقوم من السرير: طيب هذانا قمنا ... نجلاء : يله .. فيصل : وين .. نجلاء: تحت .. فيصل : طيب ... ونزلوا فيصل ونجلاء تحت ...لقوا ابوفهد وام فهد وفواز وفهد ورغد والعنود والهنوف ولمى.. فيصل ونجلاء : السلام ... الكل : وعليكم السلام ... وراح فيصل وجلس جنب العنود وراحت جنبه نجلاء .. فيصل : هاااه وين عمي... ابوفهد : بيجي ابد نص ساعه وهو هنا ... نجلاء تسحب كم الثوب حق فيصل .. فيصل يلتفت عليها : نعم ...وش تبين نجلاء بهمس : خالتك بتجي او لا .. فيصل وهو بعد يهمس : ما ادري والله ..ليش تسالين ... نجلاء : هاااه ..لابس كذا بشوووف هي بتجي او لا ... فيصل : مدري والله (ويلتفت على امه ) اقول يمه خالتي بتجي ام فهد : ايه بتجي هي ونوف .. لمى : وش عندك تسال .. فيصل: لا بس من زمان عنها ... ابو فهد يوقف ..: يله يا عيال عمكم بيجي الحين ... فيصل وفهد وفواز : ان شاء الله .. وطلعوا فواز : يبه لا نقعد في المجلس... ابو فهد : ليش... فواز : لا بس نغير جو . فيصل : الله واكبر..الحين بتغير جو اذا جلست برا ..وبعدين الحين الظهر وشمس... ابوفهد : ايه والله فيصل صادق الحين شمس...لكن بعد الغداء ..يعني العصر نطلع ونجلس في الحديقه.. فواز : ايه هذا الكلام ... وسمعوا صوت السيارات برا البيت .. ابوفهد : فواز افتح الباب.. فواز : ليش يعني من ّقل الشغالات ..افتح الباب انا ... ابوفهد : اقول خل عنك كثر الكلام وافتح الباب .. فواز : ههههههه ان شاء الله .. راح فواز فتح الباب ..ودخلو ابو راشد وعياله كلهم ...الا مشاري اللي بيجب خالته وبيجي... الساعه 3 الكل مجتمع بعد الغداء .... عند الحريم ... نوف اللي طول الوقت حاطه دوبها من دوب نجلاء.. البنات كانوا جالسين في جهه بعيده شووي عن الحريم .. نوف: اقول يا نجلاء .. نجلاء الله يستر ورفعت راسها وابتسمت غصب : هلا .. نوف تبتسم بكمر : وش عندك صار لك يومين تنومين في بيت اهلك .. نجلاء وتبتسم ابتساامه كبيره : والله عاد انا وفيصل نبي كذا ..يعني عشان نشتاق لبعض...وبعدين انا اشتقت لبيت اهلي..فا قلت اقعد يومين هناك .. نوف مالت عليك يا الخايسه قال ايش قال نشتاق نوف: ايه اشوا ..والله قلت الله يستر ما يكون صار بينهم شي.. نجلاء : لا ان شاااء الله في عدوينا ان شااء الله ... ووقفت نجلاء... نجلاء : ريم تعالي معي شوي.. ريم : طيب.. راحوا ريم ونجلاء فوق ودخلوا غرفة نجلاء ... ريم جلست على الكنب وهي متحمسه ريم : هاااااه نجلاء ...طمنيني وش سويتي .. نجلاء: والله انا جلسه اطبق اللي قاله لي مشااري.... ريم : حلووو .. نجلاء: بس ما ادري احس بضعف.... ريم : وشلون يعني ... نجلاء : ما ادري س لمى اشووف فيصل ...احاول اتكلم معاه طبيعي ..مع اني اليووووم الصبح لمى جيت للبيت نسيت ان فيه بنت تكلم علي...بالعكس كنت فرحانه اني جيت اقووم زوجي....يعني فرحت اني جالسه اطبق اللي طلب مني مشاااري ..بس اليووم الظهر رجعت البنت في بالي ...يعني وش اسوووي ابي اعيش طبيعي ...ابي اعيش مع زوجي...من دون ما اخااف من مستقبلي معاه ...يعني شووفي الحين انا واثقه اني انا ابي فيصل ..بس مو واثقه انه يبيني... ريم وهي فاهمه قصد نجلاء: ليش يا نجول ....انتي سمعتي مشااري وش قال ...يقولك مستحيل مستحيل فيصل يكون يكلم البنت هذي .. نجلاء: وليش مستحيل ..طيب..ابسالك سؤال ... ريم : قوولي.. نجلاء : انتي كنتي متوقعه ان مشعل متزوج ... ريم : لا والله ابد ابد ابد .... نجلاء : اجل ليش مستغربين ان فيصل ممكن يكوون يكلم .. ريم : فيه فرق يا نجلاء والله فيه فرق... نجلاء : وشوو الفرق.. ريم : ان مشعل زواج ....وبعدين فيصل متزوج ... نجلاء: طيب عادي يكون متزوج مره ثانيه .. ريم : نجيل شيلي هالافكاار من بالك ...فيصل مستحيل يكون متزوج مستحيييييييييييييييييل ..... نجلاء : انا ادري انه مستحيل بس وشلوون جت هالفكره في بالي ما ادري... ريم : المهم انتي عيشي يومك ..وانسي ان كان فيه بنت تكلم عليك ....واذا دقت عليك لا تردين ...او ردي وكلميها بكل ثقه ...لا تخلين ولا كلمه منها تهزك ...واكسبي فيصل ...يا نجلاء انتي بنفسك تقدرين تحببينه فيك ...تقدرين تعلقينه فيك ....بحيث اذا صاار يكلم يترك عشاانك ...يعني طلعي شخصيتك اللي حنا نعرفها نجلاء الحبوبه الخبلا البارده الرقيقه الحساسه ...طلعي شخصيتك له ...هو زوجك خليه اقرب الناس لك ...اشكي له كل شي يجوول بخاطرك .....يعني حتى نوف و مضايقاتها لك عادي سوولفي عليه ....لانه هو زوجك يا نجلاء ..انتي ماراح تعيشين معه يوم او شهر او سنه ...انتي بتعيشين معاه عمر تعرفين وش معنا عمر .... نجلاء : ادري ادري والله ادري ....وان شااء الله اقدر اطبق كل اللي قلتيه .....بس انا ابي اطبقه براحتي بدون ما احس اني مغصووبه او اني العب عليه .. ريم : اكييييد نجوول ... نجلاء تبتسم لها : اوكي اتفقنا ... ريم : اتفقنا ... نجلاء: يله خلينا ننزل لا يقولون وش يسوون ذوولي فووق ... ريم : يله .. بعد مارجعوا الرجال من صلاة العصر ..جلسوا كلهم برا في الحديقه ..كانت الجلسه حلووه ...وطبها كلها ضحك ومواقف من جهة الشباب ... فواز طبعا كان معهم بس كان في عالم ثاني لانه جالس . يصلح في لعبة شهد بنت فهد ..وجالس يزينها بالباتكس ...خلص منها وعطاها لشهد وبالباتكس لحد الحين في يده .. رفع راسه وشااف مشاري واقفه والكرسي اللي جنبه فااضي ... فواز : مشاار ي: ليش واقف . مشاري : لا بجلس الحين ... فواز يبتسم بمكر وفتح الباتكس وحطه على الكرسي اللي جنبه .. فواز : مشاري تعال اجلس جنبي ... مشاري : وش عندك انت .. فواز اعووذ بالله دايم كاشفني .. فواز : لا ابد سلامتك ..ابيك تجلس جنبي ... مشاري جا بيروح ...بس ابو فهد قام .. ابوفهد : مشااري تعال اجلس هنا .. وانا بجلس عند الشمس... مشاري : ان شااء الله عمي .. فواز طبعا حط يده على راسه ... فواز : يبه تعال اجلس مكاني .. ابو فهد : لا مابي مكانك ..مافيه شمس.. فواز : طيب انتـ... بس ابو فهد ما سمع كلامه لانه جلس على الكرسي..يعني خلااص .. فواز : لااا ... ابو فهد : وشو لا .. فواز : لا ابد سلامتك ... وقف فواز فواز : مشاري تعال ابيك .. قام مشاري وراح وقف مع فوازفي مكان بعد عنهم شووي .. فواز : الحقني .. مشار ي: وشو وش صار .. فواز : ابووي جلس على الباتكس .. مشاري: نعم ؟؟؟... فواز : انا حطيت الباتكس في الكرسي عشان تجلس عليه .. بس ابووي جلس عليه .. مشاري : مهبوول انت جالس تلعب بالباتكس ... فواز : يا اخي وش اسووي .. كنت ابي اسووي فيك مقلب .. مشااري : لا بالله ماعلى البزران شرهه .. فواز : طيب وش اسووي الحين حلني .. مشااري : رووح قل لابووك .. قبل ما ينشف الباتكس .. ويعلق ثووب ابوويك في الكرسي.. فواز :لا يا عمي .. اروح اقووله ويدري انا اللي لزقته .. مشاري : قووم يله .. رجعوا مشااري وفواز .. مشاري يهمس لفواز : اقوول فواز انت مكثر الباتكس.. فواز : ايه يمكن نص العلبه .. مشاري : لا حوووول .. فيصل اللي جالس يطالعهم بنص عين .. فيصل يهمس لمشعل الللي جنبه : مشعل شوووف ذا الثنين .. مشعل : وش فيهم ... فيصل : مدري بس شكل وراهم شي... مشعل بغباء: شي .. ايش يعني ... فيصل : اعووذ بالله ..وش فيك غبي اليوم ... مشعل : وش اسووي ما فهمت قصدك .. فيصل : اقصد شكلهم مسووين شي .. شووف وجههم ... مشعل : ههههههههههههههه . ايه والله اشكالهم غريبه .. عند فواز ومشاري .. فواز : انا بروح للمطبخ اجيب سكينه ... مشار ي: ليش .. فواز : عشان اقص ثووب ابووي .. مشاري : لا والله منتاب صاحي .. جالس مع بزران انا .. فواز : خلااص ما عليك مني.. وراح فواز وتركه .. في المطبخ ...كانوا ريم والعنود كانوا داخلين عشان يشربون مويه وخذتهم السوالف... العنود : اقوول ريم .. ريم كانت تشرب مويه ونزلت الكاس : هلا .. العود : الحين مشاري صدق بيتزوج .. ريم : ههههههههههههه .. والله ما ادري عنه .. العنود : وشلوون ما تدرين عنه .. مهووب اخووك .. ريم : لا اخووي ... بس انا الصراحه سمعت انه اشتغل في الشركه .. العنود : اشتغل يعني بيتزوج .. ريم : وانتي وش عليك .. العنود ارتبكت . لا لا بس اقوول يعني .. لانه في بيتهم كان يقوول اه بيعرس .. وبعدين نبي عرس في الصيفيه .. ريم : اذا على العرس لا تخافين .. عندنا زواج رنا ومشعل ..بس مشاري ..والله ما اظني ..ما عنده سالفه هو .. العنود : وليش ما عند سالفه هو عمره 24 سنه صح .. العنود : كانت معطيه باب المطبخ ظهرها .. يعني اللي بيدخل بيشووف وجه ريم .. بس العنود لا . فواز طبعا دخل بدون لا احم ولا دستور . لانه محتاس وشلون بيقول لابوه يقوم .. ريم طبعا اللي شافته وفتحت فمها لانها ما تغطت ولا معها جلال اصلا .. العنود : هيه .. وش فيك .. فواز سمع صوت العنود والتفت .. وشاف ريم .. لا يا ربي امي داعيت لي اليوم .. ريم مره وحده تطلع في وجهي .. والله حتى ما فكرت اني بشوفها .. العنود : هيييه . انتي .. ريم تاشر على فواز .. العنود تلتفت ...شافت فواز . وشهقت .. العنود : وش تسووووي انت .. فواز استوعب الوضع .. العنود التفتت على ريم اللي دخلت للمخزن .. وترجع لفواز .. العنود : وش فيك .. يا اخي .. تنحنح .. قل شي . فواز : والله ما جا على بالي اني القى احد في المطبخ .. العنود : طيب وش تبي ... فواز : ابي سكينه .. العنود : سكينه ؟؟؟ فواز : ايه سكينه .. العنود : وش تبي فيها .. فواز : يا الله سالفتها سالفه ... العنود : يله عاد قوول .. وقال فواز للعنود السالفه ... العنود : لا عاد .. ابووي جالس الحين على الباتكس .. فواز : ايه .. العنود : طيب وش بتسووي الحين .. فواز : ما ادري.. العنود : شووف العبـــ .... لا لا ما يصلح .. فواز : انا بروح الحين واشوووف وش بيصير .. طلع فواز وراح للحديقه وهو يمشي كان يفكر وشلون بيقول لابووه بس ما امداه يفكر لان ابوه كان يحاول ويوقف .. بس المشكله ان ثووب ابو فهد عالق في الكرسي.. فواز وقف قدام ابوووه .. بينهم متر تقريبا وهو منصدم ... وفيه الضحكه .. ابوفهد : هووو وراني عجزت اقووم .. فواز يشهق .. فيصل يوقف : لحظه يبه خلني اشووف .. راح فيصل واكتسف الباتكس .. والتفت على فواز .. فواز وهو يوقف : يبه جلست على علبة الباتكس اللي على الكرسي .. واكييد انها انفتحت... فيصل وهو يناظر فواز : برئ .. برئ.... بسم الله عليك ... يعني مهوب انت اللي حاطه .. فواز : لا مهوب انا .. مشاري ... مشاري طبعا انصدم وفتح عيونه .... ابوفهد : حسبي اللله عليك من ولد .. ما اعرف حركاتك يعني .. انت اللي حاطه .. مهوومشاري ... فواز : والله يبه انا .. كنت حاط الباتكس لمشاري... ابوفهد : فارق بس عن وجهي....ولي تصرف ثاني معك ... ابو راشد : ما عليك منه ...يمزح يا ابو فهد .. ابو فهد : وهو المزح كذا .. ابوراشد : خلاص عاد .. عديها هالمره عشاني .. ابو فهد : وانا وشلون ابقوم الحين .. لازم افصخ الثووب والا اشقه .. فواز يمد السكينه ..لابووه : سم يبه .. ابو فهد : بعد ومجهز العده .. فواز : هههههههه وش اسووي بعد خفت منك ... ابوفهد : رح يله جب لي ثوب .. فواز : ان شاء الله ... طبعا في نهاية اليوم الكل رجع لبيته .... مر الاسبوع سريعا جدا على الكل ... نجلاء وفيصل في احسن حالاتهم متفاهمين طلعوا في الاسبوع ثلاث مرات يتعشوون برا ....نجلاء تحس براحه لان البنت ماكلمة عليها ولا مره خلال الاسبوع ...جاها فضول كذا مره ومسكت الجوال بتكلم عليها بس في الاخير تغير رايها ... اما فيصل اللي حس بتغير نجلاء وحس انها فرحانه ..هو بعد فرحان بالهدووء اللي بحياتهم وبالتغير المفاجئ اللي صارفيها ..وفرحان اكثر انه خلال الاسبوع هذا ماشاااف نجلاء ولا مره تصيح ...وهذا بحد ذاته تغير كبير... بالنسبه لفواز اللي يوم عن يوم يزيد التعب ...وجه اصفر وخلال الاسبوع هذا خسر 3 كيلو ...الكل ملاحظ تغيره ...وهدووئه العنود وفيصل اكثر اثنين ملاحظين هذا الشي...فيصل كل مره يكذب نفسه ويقول لا هو فقر الدم يسووي كذا ..وبعدين هو ما ياكل ...اما العنود اللي تعلقت بفواز خلال الاسبوع ..طول وقتها تجلس معاه ..كان عندها احساس انها بتفقد اخوها ..ما تبي تخسره ....تبي تقضي وقتها كله معه .... بالنسبه لرنا ...اللي بدت من الحين تجهز لان ملكتها الشهر الجااااي .كانت متحمسه لانها حلمها بيتحقق ...وبتتزوج مشعل اللي حبته من كل قلبها ...وهدوول بعد بتكون امها ...هي وريم كانوا مره متحمسين ومن محل لمحل ...ومشعل نفس الشي ...كان فرحان ..وحس بفرحه ماحسها لمى تزوج من غدير ..هو مستغرب هالشي غدير كنت احبها وتعذبت عشان اتزوجها ..رنا عادي يعني هي تعني لي كثيييييييير بس ما احس اني حبيتها ..يعني المفرووض كنت افرح بزواجي من غدير اكثر من رنا بس العكس فرحان برنا ومنتظر يوم الملكه بفارغ الصبر ... بالنسبه لساره ....سااره طوول الاسبوع هذا كانت مشغووله تفكر كييف تقدر تجيب صور لنجلاء ...فكرة تقوول لنوووف بس المشكله ان نووف اكييييد بترفض لانها جبانه ...بتخاف من هالحركه لانها حركه جريئه ..بس ساره كانت تبي تجيبها بطريقه ثاانيه ..بس المشكله ان مافيه حل ثااني غير نوووف ...وقضية الصوور نتها انها تكلم على نجلاء ..... يوم الاثنين من الاسبوع الثاني وبالتحديد في تاريخ 26/6/1426 .... الصبح الساعه 10 كانوا نجلاء وفيصل والعنود وام فهد وفواز جالسين في صاله .....فيصل ماراح للدوام لانه كان ماخذ اجازه ... نجلاء : العنود خلينا نرووح للسوق اليوم .. العنود : وش تبين في السووق .. نجلاء : خلااص الجامعه ماباقي عليها شي... العنود : وااااي الجامعه صح ....احم احم انا بدخل للجامعه ... فواز اللي كان راقد وحاط راسه على رجل امه : فرحانه يعني ...انك بتدخلين الجامعه العنود : اكيد فرحانه .. نجلاء تلتفت على فيصل : وش رايك تودينا ... فيصل يبتسم : ليش مهبول انا ... نجلاء : وليش مهبول ... فيصل : والله مابعد انهبلت عشاان اوديكم ..... نجلاء : لا عاد حرام عليك ماراح نطوول ...لانننا عارفين اغراضنا ... ام فهد : ودهم يا بووووي ... العنود : ايه فيصل تكفى ... فيصل : لا لا روحوا مع السواق... نجلاء : تكفى طلبتك .... فيصل يناظرها ويبتسم : طيب .. العنود : الله الله ..ما اقدر انا ترا ...علطووول طيب... فيصل : عنيده ترا بهون .. العنود : لا لا خلاص ... نجلاء اللي كانت عيونها في التلفزيوون شهقت.... فيصل التفت عليها : وش فيك ... نجلاء تاشر على التلفزيوون : الملك فهد ... فيصل شاااف التلفزيون وكان يقرا اللي مكتووب تحت في الشريط .:..خبرعاجل ...وفاة خادم الحرمين الشريفين الملك فهد بن عبد العزيز ... فواز اللي كان راقد قام : لا عااد . العنود والعبره خانقتها : لا تكفووون يمكن اشااعه .يمكن غلط . هو توه طاع من المستشفى الاسبووع اللي راح ... ام فهد : انا لله وانا اليه راجعون ... فيصل : لا مو اشاعه يا العنود ...لان الامور هذي ما فيها غلط.. نجلاء والحزن يعتصر قلبها : يعني خلاص فهدنا راح ..ملكنا راح ... فواز : لحظه ...لحظه ...انا مو راضي استوعب .. فيصل : خلاااص يا خوووي استوعب الفهد راح ...ادعوا له ...والله هو الحين ما يحتاج الا الدعاء ... فواز : الله يغفر له ويرحمه .. العنود اللي دموعها كانت تزل : الله يرحمه ... فيصل : خلاص العنود ...تعوذي من الشيطان .. العنود : وشلون يا اخوووي .هذا الفهد ...هذا ملكنا ..انا من وعيت على الدنيا ..هو ملكنا ...كيف تبيني في لحظه استوعب انه راح ... نجلاء : عنوود تكفين والله ما ابي اصيح ... العنود : لا صيحي ..مو خسااره الدمووع عليه .... ام فهد : ايه والله ما انا امك ... فهد العروبه اظلم نهار الناس واجتمعت غيوم واسودت الدنيا بعلم سمعناه في حين قالوا شيخنا فارق اليوم زاد الحزن في عيون وقلوب وشفاه اللي رحل يا ناس هو سيد القوم فهد العروبه يوم ودع رعاياه الصدر ضايق بين ونات وهموم شيخ ٍ كريم ضمّنا في حناياه كن الحشا عقب الخبر صيب بسهوم حتى المشاعر من فراقه مشقّاه شيخ ٍ بنا لبلادنا مجد مرسوم ساسه قوي حيل يوم انه ارساه خادم مكه وطيبه ومخدوم لا مالت الميله نعدد سجاياه والله فجيعه فيه والموت مقسوم لكن شعور الحزن يطري بفرقاه شيخ ٍ تحلا بالمواجيب وسلوم متمسك بدينه ووافي بدنياه غاب وترك تاريخ لاجيال وعلوم وزرْع المحبه عند مولاه يلقاه غاب الفهد من عقب ما حقق حلوم للمسلمين وللعرب جاد مسعاه وآحر قلبي كل ما قيل مرحوم جعل النعيم جنة الخلد مثواه من بعد هاليوم مره الشهر سريع .... الشهر هذا زاد التفاهم بين فيصل ونجلاء..زاد احترامهم لبعض فووق كل شي.... فيه اولفه فيه احترام فيه تفاهم واكيد فيه حب من الطرفين ...والشي اللي زاد ذا كله ..ان ساره ماكلمة طوول الشهر ...يعني الشهر كان رايق جدا جدا على نجلاء وفيصل ... رنا للي الشهر مره عليها سريع جدا جدا كانت طوول الوقت تجهز للملكه ...اللي خلاص ماباقي عليها شي .. ريم بعد محتاسه معها ومن سوق لسوق ومن محل لمحل....بس نجلاء كانت معهم وتساعدهم وعبير اكيد ...والعنود كانت احيانا تجي للبيت عندهم ويكملون تجهيز سوا ... مشاري اللي اشتغل مع ابووه من شهر ...كان متحمس انه قدر يثبت وجوده في الشركه عند ابووه بجهده وبتعبه من دوون ما ابووه ساعده .....و.فيه فكره في باله يوم عن يوم تكبر .... لمى اللي ولدة خلال هالشهر ...وجابت بنوته زي القمر ..وسمتها نجلاء زي ما وعدت نجلاء ...الكل فرح ..واكثر شي نجلاء اللي طول الوقت ماسكه البنوته ...وفيصل كل ما شافها جلس يدعي ان نجلاء تحمل عشان يشوفه اوهي شايلها بنتها هي ... فواز اللي بيشووفه ما يعرفه قليل ما يضحك ..واذا ضحك يضحك عشان يجامل اللي حووله ...خسر يمكن 10 كيلو او اكثر ....وجهه اصفر ازرق ...كئيب جدا ...وطول وقته نوم ... العنود اللي حاسه على اخووها ...وكانت دايما تقووله وش فيك يا اخووي ..هذا مو وجهه فواز البشوش ...واشتقت لمقالبك ..ارجع لنا .. فيصل كان يوم عن يووم يحاول فيه يروحون للمستشفى عشان يشوفون وشش فيه بس هو يرفض ....وفي الاخير وافق بس قال بعد ملكة مشعل ... ساره اللي قررت اخير انها تكلم نوف عن موضوع الصور ...ولان اصلا مافيه غيرها ...ولازم تجيب الصوور ..لان رضا طارق عندها فوق كل شي ..خاصة انه الاياام هذي صاير يضغط عليها يبي الصور ... وهي ما كلمة على نجلاء ولا مره خلال الشهر هذا ....بس كانت ناويه تكلم خلال هاليومين ... وفي نهاية الشهر بدأت الدراسه ...الكل كان محتاس مع الدراسه طبعا النووم مقلووب والنهار ليل والليل نهار...يعني خذوا كم يوم عشاان يتعودون على الوضع يوم الاربعااء قبل الملكه بيوم ...في بيت ابو فهد ..غرفة نجلاء وفيصل ... نجلاء : فيصل ...تكفى الله يخليك ... فيصل : لا ..لا... نجلاء : يعني وش فيها اذا نمت في بيت خالتي ... فيصل : لا والله وانا من يقعد معي... نجلاء : بليييز والله ابي اروح اساعدهم ..حرام هم لحالهم ريم ورنا ....وعبير بعد بتنام عندهم فيصل : عبير اختهم ...انتي وش شغلتك ... نجلاء : اولا مشعل اخوووي ...ثانيا ريم اختي ...ثالثا ..رنا بنت خالتي ... فيصل : اوافق بس بشرط ... نجلاء : موافقه .. فيصل : ههههههههههههههههه ..طيب اعرفي وش الشرط اول .. نجلاء : موافقه ..موافقه بدون ما اعرف ... فيصل : الشرط ان بكره ترجعين قبل الملكه ...يعني انا ارجع اجيبك .. نجلاء كشرت ورفعت حاجبها اليسار ..: طيب وش الفايده ... فيصل : لا بس ابي اذا لبست وجيت اكشخ ..تشوفيني ..بعدين ابي اشووفك اذا لبستي .. نجلاء تبتسم : طيب انت بتشووفني اذا رجعت .. فيصل يبتسم بحنيه : لا انا ابي اكوون اول من يشووفك .. نجلاء ظلت تناظر في عيون فيصل يا ناس والله احبه ...حلوني معاه يهبل ..يهبل ..الحين اذا انا حملت وجبت ولد بيطلع عليه ...نفس العين والله عيونك تعذبني مو معقووله انا قبل ما اتزوجك ما كنت اطيق العيون الناعسه ...والحين اموت فيها ..ونفس الخشم الفم ورسمت الوجه ...يا بختي يا ناس ابتسمت نجلاء لافكارها : اوكي موافقه .. فيصل : وش تفكرين فيه ... نجلاء : هاه ...ولا شي.. فيصل : نجوول علي انا ... نجلاء : طيب انت وش دراك اني افكر ... فيصل : لاني عارفك ..وفاهمك ... نجلاء ابتسمت بحيا : لا بس كنت افكر اذا جبت ولد ..بيطلع يشبهلك ... فيصل : هههههههههههههههههههه ...طيب يكمن ما يطلع يشبهني ... نجلاء بسرعه وبدوم ما تفكر : لا لا انا ابيه يشبهلك .. فيصل يرفح حاجب بشكل خلا نجلاء تنتبه لكلمتها وتستحي ... فيصل : قومي قومي البسي عشان اوديك بيت خالتك ....لانك لو ظليتي تتكلمين كذا قلت مافيه روحه واجلسي عندي... نجلاء علطوول قامت ..: دقايق واكوون جاهزه ... لبست نجلاء ونزلوا ...راحوا للغرفه اللي فيها لمى ....نجلاء زي كل مره اول ما تدخل الغرفه ترووح لنجلاء الصغنونه ... نجلاء : يا ربيه يا ناس تزنن .. لمى : ان شااء الله تجيبين مثلها ... نجلاء : وا قلبي عليها ..يا حظي كاني جبت مثلها .. فيصل : وتجيبين مثلها واحسن منها ..واحلى منها ... لمى : يا ربيه على الغرور ... فيصل : لا مو غرور بس بنتي بتطلع على امها ...وامها ما كليها كلام قمر .. نجلاء اللي استحت نزلت راسها وظلت تناظر نجلاء الصغنونه ... لمى : اقوول تكفى يله خذ حرمتك وفارقوا عن وجهي... فيصل : اصلا طالعين طالعين من دون ما تقولين ... في بيت ام عبير ... ريم : رنا عبير بتجي تنام عندنا ... رنا : صدق .. ريم : ايه والله ... رنا : بس حنا خلااص كل شي جاهز ..يعني ما فيه شغل .. ريم : احسن تجي عشاان نستانس ... مو لازم تجي عشان الشغل .. رنا : تدرين يا ريم ..على قد ماكنت استنى اليوم هذا ..على قد ما انا خايفه الحين ... ريم : ههههههههههه ..خايفه ..خايفه من ايش يا حسره ... رنا : ما ادري بس خايفه من حياتي مع مشعل ...خايفه من زوجته ... ريم : وش دخل زوجته .. رنا : انا خايفه تطلع في أي وقت ....وبعدين انا ادري ان مشعل يحبها ... ريم : لا مشعل كان يحبها يا رنا ...كان ... رنا : ما ادري .. ريم : رنو يا قلبي لا تخافين ...وعيشي يومك ...ومشعل ماراح يتزوجك الا وهو متاكد انه بيسعدك ...ومشعل يخاف ربه يعني ماراح يضرك .. رنا ابتسمت : وليش متاكده ... ريم : لانه اخووي ...وانتي توأمي ..وعارفه ان كل واحد منكم بيسعد الثاني ... رنا : ان شااء الله .. سمعوا احد يطق الباب .. ريم : عبير ادخلي ..من متى الادب ماشاء الله .. نجلاء تدخل : ماحزرتي انا نجلاء .. ريم وهي تقووم تسلم على نجلاء: وش جابك .. نجلاء : والله ماتعرفين للذوق .. رنا : هلا والله نجلاء ..اخبارك .. نجلاء : الحمد الله .. تعلمي الذووق يا ريم ...تعلمي من اختك ... ريم : ههههههههههههههه لا والله حرام عليك ...انا قصدي يعني وش عندك .. نجلاء : لا والله بس لقافه ...سمعت ان عبير بتنام عندكم ...قلت اجي انام انا بعد ... ريم : لا عااااااااد .. نجلاء : والله .. رنا : الله ..الله من قدي يا ناس ..كل ذا عشاني .. ريم تناظر نجلاء : اقوول كانها بدت تشووف نفسها .. عبير من عند الباب ..: خليها تشووف نفسها مو كل وحده بتقدر تاخذ مشعل بن عبدالله ... ريم اللي ارتاعت من عبير : بسم الله انتي متى دخلتي .. عبير : من يوم قلتي بتشووف نفسها ... نجلاء تسلم عليها : اخبارك .. عبير : الحمد لله بخير ..انتي اخبارك ...فيصل ..اخباره .. نجلاء : الحمد لله تمام كلنا بخير... ريم : خلو عنكم الرسميات وتعالوا خلونا نسولف ... رنا اللي راحت في عالم ثاني مع كلمت عبير ...مو كل وحده بتقدر تاخذ مشعل بن عبدالله ....يعني مشعل بن عبدالله خلاص بكره بيكون زوجي ...زوجي انا ...يعي انا بكره بكون حرم مشعل بن عبدالله ..واااي ..مع اني خايفه ..بس والله فرحانه حلمي بيتحقق ..ان شااء الله اقدر اسعدك يا مشعل ..وان شااء الله اقدر اعوض هدوول عن غياب امها ... ريم ونجلاء اللي كانوا بيجلسوون بس انتبهوا لرنا اللي كانت في عالم ثاني ..وقفوا قدامها ... ريم : رنا ... نجلاء : لا ما ينفع كذا ......حرم مشعل ... رنا انتبهت لهم وانصبغ وجهها بجميع الالواان: وشوو ريم : ابد سلامتك ...بس من كنتي تفكرين فيه .. نجلاء : ما يبي لها تفكر ...اكيد تفكر في ....في... رنا مطيره عيونها في نجلاء: في مين ... ريم : وفيه الغيره ...الزوج القادم ... عبير : حرام عليكم استلمتوا البنت ....تعالوا بس قولوا لي وش سويتوا ... في بيت ابو فهد ... العنود كانت جالسه عند فواز في غرفته ... فواز : تراك وجعتي راسي .. العنود : طيب طلبتك ...قوم تعشى معي ... فواز وهو معقد حوجبه : يا ربيه .يا عنود قلت ما اشتهيت .. العنود : وشو ما اشتهيت ..صار لك يومين ما اكلت شي ...فواز ارحمني اذا مو عشاانك كل عشاني .. فواز : يعني وشلون غصب ..قلت ما ابي .. العنود والعبره خاقتها : طيب ابتسم ..والله اشتقت لابتسامتك اللي طالعه من قلبك ..اشتقت لحنانك لطيبت قلبك لمواقفك لمقالبك .. فواز يبتسم غصب لعنود .. العنود اللي دموعها بدت تنزل على خدها : لا يا خوووي ..مو هذي ابتسامة فواز ..مو هذي ابسامة اخووووي ..اخوووي فواز اللي من يدخل البيت الكل يبتسم لابسامته ...الكل يضحك لمى هو يكون موجود ...فواز ضحكة البيت ...فواز اخوووي اللي لو يطلب روحي ..تفداه ...يا فواز ارحمني وارجع مثل ما كنت ...تدري يا اخووي امنيتي ارجع اشووف العرووق اللي تطلع عند عينك لمى تضحك ...... فواز يبتسم من قلب لاخته : تعالي عنوده ..تعالي .. قربت منه العنود وحضنته ..وجلست تصيح ... تصيح على فراق اخووها ..اخوها اللي ضااع ..تبي ترجع تشووف مقالبه وضحكاته اللي ما عرفت قدرها الا يوم فقدتها ... فواز يمسح على شعر اخته ... اخته اللي كل يوم يتعلق فيها زياده ...هو ما توقع ان العنود تكون تحبه لدرجه هذي ...يعني كل يوم ما تاكل الا عندي ..ما تنام الا لمى انام ... فواز يبعد عنود : اقوول عنوده ..خلاص عاد .. العنود : تمسح ادموعها ..وشو خلاص ..انت السبب .. فواز :هين يا عنيده انا السبب ... العنود : ايه انت .. فواز : المهم ..قومي وريني وش بتلبسين بكره في الملكه .. العنود : منيب .لحد ما تاكل معاي.. فواز يبتسم : طيب .. فيصل يدخل عليهم ... فيصل : هاااه اخبارك اليوم .. فواز : انت وش تشووف .. فيصل : مدري بس كانك احسن .. فواز : الحمد لله .. العنود : فيصل تتعشى معنا ... فيصل : ايه .. بتعشى معكم .. فواز : ليش .. .؟؟ فيصل : وشو ليش . .ما تبيني طلعت .. فواز : ههههههه .. لا بس اقصد وين نجلاء .. فيصل : نجلاء راحت نتنام عند خالتها .. عشان الملكه .. العنود : حركات والله نجيل .. تلقاها الحين مستانسه مع ريم ورنا .. فواز من سمع اسم ريم ابتسم.. وفيصل لاحظ هالشي ... فيصل بمكر : وش عدك تبتسم .. فواز : هااه ..يا خوك ماعرفنا لكم ...ان ابتسمنا قلتوا لا تبتسم ..وان ما ابتسمنا قلتوا ابتسم .. فيصل : ههههههههههه لا تضيع السالفه ...ليش ابتسمت .. فواز يا ربيه ذا دايما فاضحني : لا بس كذا . فيصل : مره .مره واضح ...على انا ...انا فيصل فاهمك .. فواز : طيب دامك فاهمني اسكت اجل .. العنود : لا والله وانا بنت البطه السودا ....صايره زي الاطرش في الزفه ...وش السالفه ...وش عندك .. فواز : رجعت للقافتها ... فيصل : انا مالي دخل ..اذا وافق فواز ... فواز : هيه ..هيه .. وشو اذا وافق فواز ..ما فيه شي يا ابوووي ..لا يصوور لك بالك شي غلط .. فيصل : اووكي غلط بس الايااام تاكد لي... فواز: طيب انا ابي انام ..ممكن تخلوني ... العنود : فواز فيه شي يعورك .. فواز وهو جالس يضغط على المخده اللي جنبه بكل قوته عشاان ما يبين على وجهه الالم اللي يحس به ... فواز : لا ما فيه شي يعورني... فيصل هو ملاحظ يد فواز : العنود خليني شووي مع فواز .. العنود : وش عندكم .. فيصل : العنود خليني معه . العنود تقووم : المهم اذا بغيتوني انا في غرفتي .... بعد ما طلعت العنود فواز حط راسه على المخده وصارت تطلع منه آهات مكتومه الم فظيع في كل جسمه فيصل راح وجلس جنبه ومسكه مع كتفه : وش فيك .. فواز : بموت ..والله بموت .. فيصل تنهد قلبه يعتصر على اخووه : لا تقوول كذا يا خووي.. فواز : والله يا فيصل كل شي يعورني (,صرخ فجأه ) آآآآآآآآآآآه .... فيصل : قووم ...قووم اوديك للمستشفى .. فواز : لا انا قلت لك بعد ملكة مشعل ... فيصل : طيب وانت بتقعد كذا .. فواز : اصلا تعودت كل يوم كذا ... فيصل : وتسكت يا اخوووي ...تكلم قوول انا فيني وفيني ..ليش ساكت .. فواز : ما ابي اعذبكم معي... فيصل : وشو تعذبنا معك ...انت اخوونا ..تعرف وش معنا اخوووي ...يعني حنا نحس فيك من دون ما تتكلم ..والا وش تفسر قعدة عنود معك طول ..لانها حاسه فيك ..والدليل قبل شووي لمى قلت اطلعوا ...وش اول شي قالته ...فواز فيه شي يعورك ..يعني هي حاسه فيك ...وكلنا حاسين فيك ...امك ..ابووك ...انا ولمى وفهد والعنود ورغد ..وحتى نجلاء...حنا اهلك يا فواز.. فواز: ..................... فيصل : اسمع ..ملكة مشعل بكره ....وبعدها بتروح للمستشفى تشيع وتحلل .. فواز : بس المره هذي نرووح لمستشفى ..مو مستوصف .. فيصل : اكييييييد ... فواز : يله طيب ابي انوم .. فيصل : طرده يعني ... فواز : لا مو طرده بس والله ابي انوم .. فيصل : طيب ..بس وشلونك الحين .. فواز : لا الحمد لله .. فيصل : الحمد لله .....يله طيب ...تصبح على خير .... فواز : وانت من اهله .. طلع فيصل ..واستغرب لمى شاف العنود واقفه عند الباب والدموع متجمعه في عيونها ..وتناظر فيصل بتوسل .. فيصل : وش فيك .. العنود : فواز وش فيه .. فيصل : سمعتي شي .. العنود : كل شي... فيصل : ليش اهلنا علمونا نتسمع على الغير يا العنود العنود ودموعها تنزل بشكل سريع : لا والله بس كنت راجعه اخذ ببسيتي (بدا صوتها يتقطع ) بس سمعته ..سمـ سمعتـــ سمعته وهو يقووول بمووت وزاد صياح العنود ..وطارت في حضن اخووها ... فيصل وهو يشد على العنود : العنود ..عنوده ..خلاص ..بس يقوول كذا لانه تعبان ...ناظريني ....ارفعي راسك وناظريني ... العنود ترفع راسها وتحط عينها في عين اخوها فيصل : انا بسالك هو فيه احد يعرف متى يومه ..متى يموت .. العنود تهز براسها يعني لا .. فيصل : طيب يعني فواز لمى قال كذا ...هو بس من الالم .. من الوجع يقول كذا ..مو معناته انه بيموت ..لان لا هو ولا انا ..ولا انتي ندري متى يومنا .. العنود وهي تشاهق من الصياح : والله البيت مو حلو من دونه ... فيصل : عنوده ..خلي عنك هالكلام ...وفواز ان شااء الله ما فيه شي...بس الم هاليومين ويروح .. العنود : بس هو تعبان يا فيصل انا ما اشووف فواز اخوووي ...والله مو موجود .. فيصل اللي وهي تتكلم كان يمشي معها لحد مادخلها لغرفتها : العنود كلنا فاقدين فواز ...بس خلي ايمانك بالله قووي...وفواز بيرجع لنا ان شااء الله ... العنود : ونعم بالله ....بس والله اشتقت له .. فيصل : ان شااء بترجعين تشووفينه مثل اول واحسن بعد ... العنود : ان شااء الله .. فيصل : يله امسحي دموعك ...ما احد قالك انك شينه وانتي تصيحين .. العنود رجعت تصيح : الااا .. فيصل يبتسم : من .. العنود : فواز ... فيصل آه آه يا فواز: طيب اسمعي كلام فواز وامسحي دموعك ... العنود وهي تمسح دموعها : ان شااء الله .. فيصل : يله ونومي وراك ملكه بكره ..عشان ما تطلعين شينه .. العنود تبتسم : ههههه طيب ... ودخلت العنود ...وتركت فيصل في افكار ..كان يتماسك بقوته مع ان قلبه يعتصر على اخوووه ...وعلى اخته ..يبي احد يشكيله ...يا ليتك يا نجلاء هنا ... ...