um_fhad

انا سمحولي اخواني مع احترامي للجميع تراني ما ادخل الموضوع إلا قبل ما أقره اسم كاتب الموضوع ,,إذا من النوع الي ما ا تفق وياهم مستحيل ادخل الموضوع واضيع وقتي.. من الكتاب الي اول ما اقره اسمهم حالا ادخل الموضوع واقره بعد الردود .. ص ق ر المحرق + ا ب ن الرفاع مع احترامي وتقديري لهم .. والله يجازيهم انشالله خير الجزاء ( يعني على الاقل غيره يستفيدون من المواضيع القيمه الي يطرحها وفي نفس الوقت يفيد نفسه).

شنو رايك في ها الحركة سواء كنت شاب ام فتاة؟؟؟ انا بالنسبه لي عادي..ما دام كاتب شي ما يضر الناس فيه ولا حاط صوره مخله ولا كاتب شي ضد الدين.. خلاص خل الشباب يستانسون اذا هالشي يونسهم.. اصلا لو مرت سياره مكتوب عليها شي احب اقراه.. احس انه يدل على شخصية صاحبها!!

.. الكل يقول ان البحرينيين رواتبهم ضعيفه والكل يشتكي من الرواتب الي ما تبقى إلا اسبوع..ومن المصاريف الي كل يوم وتزيد وطلبات العيال الي كل يوم تتجدد.. فوق ذي كله.. (ما أبي اعمم) بس اشوف وايد شباب بحرينيين متزوجين والله يستر على الجميع .. كله يبون يغازلون ويكلمون بنات في التلفون .. والي يحط له اكثر من تلفون عشان يكلم اكثر من وحده.. والي يتزوج مره ثانيه ويفتح بيت يديد.. واهو اصلا ما يكفيه راتبه!!!!!!!! ليش كل ذي ؟؟؟ هل بنات البحرين ليهالدرجه ما يسوى ان الواحد يضيع عمره وشبابه معاهم؟؟ ولا شبابنا صاروا عديمين المسؤوليه؟ انا بالنسبه لي لا الاول ولا الثاني .. يبقى مع زوجته الي اتوقع ان اكثر الشباب مختارين حريمهم على ذوقهم.. ويكملون مشوارهم مع بعض وماله اي داعي يشوف حرمه غيرها.. وطبعا في بعض الحالات تكون الزوجه لا سمح الله بها شي معين .. يخلي زوجها يشوف غيرها.. والله يهدينا ويهدي الجميع

هيفاء حسين .. من الناس الي احبهم وايد وايد .. وانا طبعا ما اعرفها شخصيا ،، بس كفنانه احبها وايد وايد وتعجبني والمسلسلات الي تطلع فيها احس انها انجح المسلسلات وخصوصا (حكم البشر) و ياليت لو انها _ ما تشارك في الوادي يا ليت

السلام عليكم بس اختي كاتبة الموضوع في ناس .. شكل الخطوط في يدهم مو 81 أو 18؟؟؟؟ انا اعرف وايد ناس عندهم في يدهم خطين بس (مع ان المعروف 3 خطوط) شنو يعني ؟؟؟

اشكرك اختي كاتبة الموضوع .. اذا الاب رب الاسره يأمر وينهي .. وكان اكبر عياله البكر مثلا في غياب الوالد او الوالده يلاحظ اخوانه ويحط باله عليهم ويسن عليهم نفس القوانين الي ابوهم حاطها لهم وطبعا في حدود وما ينسى ان اخوانه واخواته الي اصغر منه قاعدين في بيت ابوهم مثل ما اهو قاعد في بيت ابوه ولازم انهم يستانسون مو يصير لهم كأنه بعبع.. .. انا بالنسبه لي ان من مصلحتهم وهذه يدل على غيرته. لكن مثلا اذا سوه روحه سيد البيت .. وصار يضيق على اخوانه واخواته من كثرة أوامره و قوانينه الي يسنه على كيفه .. كأنه قاعد في بيته اهوه بروحه و (((اخوانه الصغار ضيوف عنده..وأمه وابوه كانهم الوزير والمستشار)))))))) فهالشي غلط ولازم يسوون له حل في هالحاله لازم رب الاسره يسوي له حل ويوقفه عند حده. والله ان في واحد توه ما طلع من قشوره عمره 19 مدري 18 سنه.. قايل حق اخته الصغيره.. والله ان سويتي شي اسمه عيد ميلاد .. تره بدش عليكم انتي وربعج وبخرب عليكم وبعفس كل شي. وبطرد صديقاتج جدامج ..واذا تبين تعزمينهم عزميهم الشهر الياي.. عشان يتأكد ان اخته ما بتنادي صديقاتها عشان عيد ميلادها!!!!!!!!!!!!!!!!!!!!!!!!!!!!!!!!!!!الحمدلله والشكر لله الكريم على هالعقليه والله لا يبلينا بهالناس الي هلون حتى لو كان اخو. اهو تصرف هالتصرف لان ابوه ملتزم شوي وما يحب انه يصير عيد ميلاد في بيته .. وبنته مع انها صغيره لكنها محترمه رغبة ابوها .. وقالت بعزم صديقاتي كعزيمه عاديه ما بحط زينة عيد ميلاد وشموع وغيره.. (وانا معاها في هالشي لان ابوها ما راح يعارض في هالحاله). وإذا كان الاب وافق ان العزيمه تكون بهالشكل،، يطلع لها الي مسوي روحه شخصيه ويطلع عضلاته عليها !!!!!! شرايكم انتو؟ وصديقتي تشكي لي تقول تتذكرين لما كنت في ابتدائي شسوا لي عشان بسوي عزيمة بنات؟؟ احين الله رزقه ببنت .. لا وكل سنه يسوي لها عيد ميلاد !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ شراايكم؟؟؟؟؟ انا الصراحه لو اكون رب اسره و انحط في هالموقف .. لازم امسك هالي مسوي روحه سبع .. واقوله لو سمحت لا تسن قوانين في هالبيت على كيفك... انا الي اسن القوانين وانت حالك حالهم انك تطبق.. او انك تلاحظ الي يعصي اوامري وتوجهه او تخبرني عنه وانا اتصرف وياه

لا سمح الله .. وانا الي كنت في هالموقف.. اولا ما بستعيل .. أو اتركه حتى لو كان العيب منه.. يمكن يكون في حل أو علاج مثلا.. واذا كان نصيبي في الدنيا اني اعيش بدون عيال .. حتى لو تركته وخذت ثاني ما بشوف العيال،، إلا إذا الله سبحانه كتب.. وطبعا العيال زينة الحياه الدنيا .. بس انا في رايي ان العيله ما فيها خير .. يعني شيصير اذا الواحد صبر سنه ولا سنتين ولا ثلاث بدون عيال.. بس اذا لا قدر الله وكان مني انا .. اتوقع يكون رايي بكل هدوء انه يواصل حياته يعرس وييب عيال.. وانا ابتعد عنه ( فور إيفر) ..

الموضوع الاول : بعدما اكلت العشاء وحمدت الله على نعمته بساعة .. جائك اتصال ولكن رقم الهاتف كان معروف لديك .. رقم (( الشرطة)) .. ولما رفعت السماعة تبي تستفسر قيل لك بان المطعم الذي اشتريت منه .. مشتبه به في شي ما وان اللحوم التي لديه.. ملوثة بامراض خطيرة وطلبو منك العنوان حالا لحضور لاخذك للفحص في هذه اللحظة.. ما ذا سيكون شعورك.. وبما ستشغل بالك.. ؟؟ انا بصراحه : حالا بقول ان احد مسوي لي كمين مثلا يمزح يبي يخفف دمه .. لاني واثقه من نفسي ان المطاعم الي اتعامل معاها ما اترك لهم رقم تلفوني ولا عنواني .. فكيف قدروا انهم يعثرون علي في نفس الوقت الي كملت فيه عشاي . مشالله تحريات عندهم ولا مطعم FBI ؟؟ الموضوع الثاني : في منتصف الليل .. سمعت صوت التلفون .. وكنت وحيدا في المنزل .. اذا رن في المرة الاولى ولكنك لم ترفع السماعة.. ونظرت للرقم.. وبعد ثواني جائك الاتصال نفسه.. هل سترفع السماعة..؟؟ عل ستكون خائفا؟؟ من تعتقد حينها؟؟ لما كنا صغار اذا رن التلفون عقب الساعه 12 في الليل ( يعني اسم الله عليكم) خبر مو زين وما يصير يتأجل إلى اليوم التالي.. لكن هالايام عاااادي كلش كوووووووووول الكل يتصل حق الثاني إلى الصبح التلفونات والمسجات ما تسكت حتى لو بنات في إعدادي إذا عندهم موبايلات.. عادي يتبادلون المسجات والاتصالات إلى وقت متأخر مع صديقاتهم.. فردي على الموضوع .. ان عااادي ارد على المكالمه .. الدنيا تغيرت ما في خوف ولا شي .. ام فهد

الصراحه كل وحده احلى من الثانيه،، تسلمين

السلام عليكم انا اخترت ذي النك لاني ، احب اسم ((فهد)) وايد وايد وبما اني بنت ، فما حبيت اكتب اسم يرمز اني ولد.. فاخترت (( أم فهد ))

مرحبا .. انا بعد سمعت ان العجم ما يطلبون مهر بس كم دينار وبس .. لكن يحطون (مؤخر) يكسر الظهر عشان، لا تفارقوا لا سمح الله .. خلاص الريال يدفع ذالك المبلغ العدل..! بس الباقي اعتقد ان بس يدفع الريال مهر، و مؤخرهم يكون 0 ولا شي عادة ، والله اعلم

بس في وايد بنات شرطهم مهر بذاك السعر وحفلة خطوبه أو عرس وطقطقه ..عشان يحس بقيمتها وبعد تراها تنطق وتنهان وتنطرد بيت ابوها، أو بروحها ساعات تطفش وتاخذ قشها وتمشي بعد كم سنه تكتشف انه له علاقه بوحده ثانيه.. والسوالف تظهر. السالفه ومافيها اختي .. ان لازم محد يستهين باحد.. سالفة ((اقط المهر بويهه)).. يبي لها وقفه.. ***انتي رجعي للموضوع الاصلي وبتعرفين شالسالفه عدل*** بس انتي تدرين بنصيبج ؟؟؟!!! يمكن انتي توصلين عمرج 35 سنه أو أكبر و لاااا أحد تقدم لج ..او كل الي تقدموا لج رفضتيهم ورفضتيهم .. ليما فتحتي عينج وانتي بهالسن. ذيك الحزه يمكن ما ((تقطينه في ويهه)) .. ذيك الحزه يمكن انتي تروحين تدورين عليه!!!!!!!!!!! وشكرا لكم .. واشكر كاتب الموضوع.. انا في اعتقادي ان (قيمة المهر) ليست تحديد لمستوى رجولة الخاطب .. أو حتى ليست تحديد لميزانيته.. (إنما في بعض الناس يسمونه عن الحلال والحرام لازم يعطي البنت شي) لو أي مبلغ كان _والله يبارك في القليل_ واذكر لكم ان في بعض البنات بعد العقد او بعد الزواج يردون المهر لازواجهن...بعضهم حتى تعدل حالة زوجها والبعض الاخر ترجعه لزوجها حتى يكون مصاريف لشهر العسل.

انا بعد وما ينسمع شي واحين انقطع خير شر هههه

مرحبا اول شي: اقول الحمدلله والشكر لله الكريم ، والحمدلله الذي عافانا مما ابتلاه بكثير من الناس. ثانيا : الي تسوي هلون يبيلها، كف كفين على ويها ما تنساهم طول عمرها ،،،عشان ما تعيدها مره ثانيه.

وانا بعد اقول جامعة البحرين هي الافضل والاقوى واعلى مستوى بس لازم تكونين متأكده من قدراتج قبل ما تضيعين على روحج سنه ولا سنتين وبعدين ما تييبين معدل زين إذا تحسين ان شوي بس شوي مهمله .. روحي جامعه خاصه احسن لج .. واختيارج لتخصص المحاسبه وايد زين

اخوي خالد .. انا بنصحك الدكتور الي يدرسنا محاسبه قال لنا بقول لكم شي لا تنسونا وخلانا نكتبه في مذكراتنا بعد انك اذا تبي تقدم لاي وظيفه وعندك ((( شهادة محاسبه+ لغة انجليزيه + شهادة خبره ))) راح تحصل وظيفه بكل سهوووولة والله يوفقك انشالله اخوي تخصص المحاسبه مهم جدا جدا .. لان ما في ولا شركه ما تحتاج لمحاسب (((كل الشركات تحتاج لمحاسب))) بعدين اذا انت متفوق في تخصص المحاسبه وتشوف روحك متكيف معاه... لا تتردد في اختيار هالتخصص . ما عليك من الي يقولون لك غير (اكيد غير لان الماده يمكن تتشعب مثلا وتزيد عليك المواضيع )

بس اهم شي اختي حاولي ان الGPA ما يكون نازل لان لازم ما ننسى ان الي بيتخرجون من الجامعات الخاصه بعد عددهم كبير .. فاحيانا راح يختارون بالي معدله اكبر. والله يوفقج ويوفقنا وياج

مرحبا اختي .. الكلام الي قلتيه عن جامعة الama ينطبق على جميع الجامعات الخاصه تقريبا انهم يعطون درجات مني والطريج.. صح هالكلام والي مستواه في الثانوي كان جيد يكون في الجامعه جيد جيدا والي جيد جيدا يقدر يحصل ممتاز بكل سهوله وكل درجاتهA بعد من جيذي راح تظل جامعة البحرين اقوى شهاده .. بس المشكله الي يعدون فيها قليلين

مرحبا .. انا اقدر اعطيكم رقم تبع جامعة اليرموك ، اذا تحبون انكم تسألون عنها لان راسلين لي مسج على موبايلي بالتعاون مع جامعة اليرموك تعلن عن كلياتها قانون ، حاسوب، محاسبة، 36462500

مرحبا اخوي .. انت الظاهر المعلومات الي قلتها صح والاخت قمر بعد صح اتوقع انك انت دفعت الدفعه الأولى .. وباقي لك الدفعات الباقيه فتتخرج في الاخير (بالمبلغ الي الاخت ذكرته) لان ما اعتقد في جامعه خاصه ب 1000 دينا ر بس وعلى طاري السياره .. لا اخوي اكيد تدرس احسن لك لان اذا صارت عندك السياره وماعندك شهاده .. راح تكون انسان غير جامعي في مجتمعنا (الي مشالله ما تم احد ما قاعد يسجل في الجامعات ويدرس) لكن اذا عندك الشهاده وما عندك السياره الي في بالك .. بتشتغل (على الاقل شغله عدله) وانشاالله ،الله بيعطيك وبتشتري بدال السياره اربع .. شرايك؟؟ والله يوفقك انشالله

تسلمين ، وحاضرين لج

مرحبا اخواني .. انا الصراحه احترم المذاهب اي مذهب ان كان سني أو شيعي .. ولكني لا اشجع الزواج من غير مذهبي (انا طبعا اتكلم عن نفسي).. يعني اذا احد غيري بيتزوج من مذهب اخر ، ما راح اكون ضده بالعكس يمكن يكونوون متفقين اكثر من الي مذهبهم واحد . أنا اعرف بنت زميلتنا في الدراسه .. امها وابوها مختلفين المذهب.. وهي (تقول عن مذهبها الله اعلم ، انا ما لي مذهب محدد عادي انا اي شي!!!)يعني ليحد الآن ما لها مذهب محدد أو شخصيه محدده وإذا كانت تصلي مثل الشيعه او السنه بعد تقول انه مدري اي شي فيمكن انها لما تكون مع اهل ابوها تصلي مثلهم ولما مع امها تصلي مثلهم..

ماحووووووزي عاد عيب عليك سلم على الريال..؟؟؟ شالحجي؟؟؟؟؟؟؟؟؟؟

تسبب إهمال بحرينيه في إدخال طفلتها الصغيره عمرها 3سنوات. إلى وحدة العناية المركزة بعد إصابتها بإعياء شديد ونزيف حاد من الفم والأنف بعد ان نسيتها في السيارة اكثر من ساعتين. وكانت الام قد نسيت ابنتها الصغيرة نائمة داخل السيارة ولم تحس بها عند وصولها إلى المنزل ظهر امس ونزلت الام من دون انتباه منها بان ابنتها لا تزال في السيارة حيث كانت مشغولة بالهاتف النقال وظنت انها نزلت من السيارة. ولكن بعد ان افتقدتها بعد ساعتين من غيابها اتضح لها ان الطفلة تسبح في حمام من الدماء بعد إصابتها بنزيف حاد من الانف والفم نتيجة الحرارة العالية التي تعرضت لها داخل السيارة . لاحول ولاقوة إلا بالله

السلام عليكم ورحمة الله وبركاته هلا والله شرفتنا بوجودك تحياتي ام فهد