روحي محرق

انه عمري 18

انه الصراحه الكمبيوتر 24 ساعه مشتغل ،، تلوع جبده وهو مشغل والمسنجر كله اواي، بس ماقعد عليه واايد ،، بس اخليه مبطل،، واذا بادش مواقع مادش الا بحرين توداي ومواقع الاغاني واذا كلش كلش موقع الجامعه اجوف شنو التطورات الي عندهم،، خخخخ

الحالات هي: 1-الهاتف يرن 2-الرضيع يبكي 3-شخص يدق في الباب 4-الغسيل في الخارج وبدأ ت السماء تمطر 5-حنفية المطبخ مفتوحة والماء قد فاض الياهل مرده وبيسكت التلفون الي يصيح الي يبيني بيتصل مرة ثانية الثياب باغسلهم مرة ثانية اول شي باصك الحنفية وبعدين بابطل الباب وعقب باتفرغ حق الي يصيح والي يتصل

روحي محرق

هلا وغلا فيج نورتينا

. دمعة مقهورة نزلت من عينك.. سببها ? يوم رسبت في التراي ظلم .2. اكثر شي تحتقره في حياتك ? الانسان الخاين .3. موقف تتمنى عدم تكراره ? المواقف الي اطيح فيها ، خخخخخ .4. من هو العضو اللي تفرح لما تشاهد ردوده على مواضيعك ? اعضاء واايد .5. صف نفسك في ثلاث كلمات? عصبية حساسة حنونة .6. أكثر شي ممكن انه يأثر فيك ? الدموع .7. موقفت ندمت عليه? وايد مواقف بس الحين مافي بالي موقف .8. لو طلبوا منك تغيير اسمك.. شو رح تختار ? صج اني ماحب اسمي ،، بس مابي اغيره .9. أكثر قسم في المنتدى ترتاح له؟ الديوانية .10. شو الكذبة اللي قلتها وندمت عليها لدرجة انك بكيت? ماجذبت وصحت على جذبتي .11. كلمة تشمأز منها ؟ حقير .12. كلمة تحب تسمعها؟ هلا يبه .13. شو معنى الحب بالنسبة لك ؟ الحب هو الحياة .14. شو تعني لك كلمة الأم؟ اغلى شي بهالوجود .15. شو نقطة ضعفك ؟ اجوف احد يصيح

انه ابي ينادوني ام عبادي

خالد الفردان الي كان في ستار اكاديمي

الصراحه الصراحه ثنينهم صعبين ،، بس انه عندي يتزوج ولا يموت ،، مهما يكون اهو عنده اهل وناس يحبونه ،، واكيد انه بعد احبه مدام اهو زوجي ،، ولو تزوج علي بيجرحني ،، بس بيبقى زوجي وابو عيالي،، لكن ماباتم معاه ،، يعني مدام اهو تزوج يعني مو محتاج لي،، فيطلقني احسن له ،،

عمري مابكون البنية الي تفرق بين واحد واهله ،، ولو صادني هالموقف اذا اهو يحبني بيقدر يقنعهم واذا ماصار ،، ماراح اقدر اسوي شي ،، والي الله كاتبه بيصير ،،

يسلموووووووو

فيه حب حقيقي بس مو عند كلمن ،، يعني الصبيان اهمه الي اذا حبو يحبون بصج ،، وماقول ان البنات مايحبون من صج ،، بس يعني نسبة حب الصبيا 90% ونسبة الحب الصجي عند البنات 68% او اقل بعد

انه اقول حق الي في بالي الحين ،، تصدق حيل انه تعبان ولكن ما ابين لك ،،

هلا اخووووي ،، انه باقولك رايي في الموضوع بصراحه،، سالفة اهي تحبني من صجها هاذي شيلها من بالك ،، صج انه مادري عنها ولا دشيت قلبها ولا عرفت اهي تحبك من صجها ولا لاء بس مافي بنية تحب من صجها وتكلم واحد ثاني ،، والي يحب مايخون ،، واهي بنفسها قالت لك هدني انه باتعبك وياي ،، معناته اهي ماتبيك ولو تبيك جان بتتخلى عن هالشي الي انته تسمية عادتها علشانك ،، والحين اهي بتقدر اتهدك وانته حبيبها مابتقدر اتهد ذيلاك علشانك ،، هاي سالفة ماتدش المخ،، وعن سالفة دموعك عليها ،، انته تحبها ومافيها شي لو طاحت دموعك على شي تحبه ومحد بيعاتبك على هاي الدموع ومابنقول اهي تستاهلها او لاء لنه الدموع ماكانت لها الدموع عليها ،، والي انته سويته عين العقل ،، وهديتها ومثل ماقلت محد بيرضه ان حبيبته اتكلم واحد غيره ،، ولو انته كنت مكانها جان اهي مابترضه ان الي تحبه وهو كل شي بحياتها يكلم بنات ثانيين ويقول لها هاذي طبعي ،، وسوري اخوي اذا طولت عليك ،،

يسلمووووووووو اختي احلى نوف ع الموضووع ،،

شي طبيعي ان اذا انه حبيت واحد بجوفه اجمل الناس بعيوني حته لو كان شكله عادي او كريه ،، لكن انه في داخلي ادري ان اهو بنظر غيري عادي او حته قبيييح ،، بس مو مهم ،، اهم شي نظرتي انه له ،، وعن الحلو يقولون عنه حلو ،، الناس اذوااق وكلن له وجهة نظره لكن بعد الحلو حلو لو شنو يصير ،، يعني الحين هاي الصبي حلو مثلا اييلك واحد يقول لا مو حلو ،، اهو مايعجبه شكله بس مو مو حلو ،، ادري مافهمتو ،، بعطيكم مثال يعني ،، نانسي عجرم ،، حلوة ،، بس اتييلك بنية اتقول لا مو حلوة ،، على كيفج مو حلوة ،، اهي ماتعجبج او مايعجبج شكلها ايي بس مو اهي مو حلوة ،،

اثنيناتهم نفس الشي ،، امج او اخووووج ،، بس الام افضل ،،

باقوله ،، جانك تبي ترحل مع السلامه روووووح ،، خخخخخ صج انه احبه بس مدامه باعني ببيعه مثل ماباعني ،، والي مايبيني ليش ابيه ،، ودنيتي مابتوقف عنده في الووووف غيره ،، والي الله كاتبة بيصير ،،

هاي عاد سخافه البنات الي ترفض الصبي عشان اسمه ،، ليش عاد ،، الواحد باخلاقه وبدينه مو باسمه ،، حدها عادي ،، لو انه جان مابارفض عشان اسمه،، ليلحين ماوصلت فيني الحقارة لي ذي الدرجه يعني

حده عادي خلها تتعدل ،، شنو يعني لين تعدلت حق عرس ولا حفلة ،، وبعدين التعدل غريزة في البنية ،، يعني اهي اتحب اتكون حلوة في كل مكان وكل وقت ،، (( ان الله جميل يحب الجمال))

الله لا يحطني في هالموقف انشالله ،، لا انه ولا على كل غالية علي،، لكن لو قدر الله وصادني جذي ،، اول شي انه عادتي مستامحه يعني ،، خصوصا مع الناس الي احبهم ويعزون علي بس مانسى الشي الي سووه لكن،، اقدر اسامحهم واتغاضى عنه اذا اهمه طلبو مني السماح، ، لكن في هاي الموقف،، مستحيييل عاد مع منو ؟ خدامتي ، يا الله قوية ،، يعني الحين اهو خله بنات الدنيا كلهم وبنات ديرته وراح حق الخدامه ،، يمكن لو خاينني مع وحده ثانية ويه يطلب مني اسامحه تهون شوي ،، لا تطنقرون علي بنات انه ماقلت باسامحه ،، قلت تهون ،، لكن مع خدامته مستحيييل، ، وفي حالة شنو باسوي ،، ماباسوي شي كللللش ،، غير اني باطلب الطلاق وباخذ عيالي اذا كان عندي عيال منه ،، وبامشي السالفة ببرود مثل ماهو خانني بكل برود، ، وكل غلا ومعزة في قلبي له بحاول اتناساها،، بس ماباحولها حق حقد او كره ،، في النهاية هاي الانسان كان ريلي او كان حبيبي ومدام اهو اختار غيري،، الله يسعده ويهنيه ،، مع الخدامه ،، وسوري اذا طولت عليكم ،،

هل تستطعين ان تعطي كل مالديكي للشاب الذي تحبينه ؟ لا طبعا ،، في اشياء ماقدر اعطيها اياه مثل شرفي،، هل لو طلب منك الزواج من غير علم اهلك توافقينه ؟ هم جوابي لا طبعا ،، انه مالي بالدنيا غير اهلي ،، همه كلشي بالنسبة لي، لو تقدم لخطبتك واهلكي رفضوا ماذا تفعلين؟ لو يحبني بيتقدم مرة ومرتين وعشر ،، ولو كانت اسباب رفض اهلي مقنعه ،، ماباخذه ،، ولو كان الي متقدم لي احبه ،، ماباخذ واحد غيره،، وبرضي الطرفين ،، متى تقلين كلمه احبك ؟ لما احس بها ،، خوب كلمة احبك هالايام تنقال حق كلمن ،، وماراح اقول الكلمة الا اذا طلعت من قلبي واحسها ،، الى من تعطين قلبك ؟ حق الانسان الي باخذ قلبه وفي النهايه سؤال مشترك ما معنى الحب لديكم ؟ الحب احلى واعظم شي في الوجود ،، وبدونه الحياة ماتكون حياة ،،

عاد انه قريت واايد اليوم بس مارديت على احد،، مو عشان شي بس لني مريضه وتعبانه ،، بس يوم قريت شعرج،، ماهياني قلبي اني مارد عليه،، الصراااحه حده حلووو،، وبدون ماحط بيت او بيتين الي عجبوني اكثر شي،، الكلام كله حلووووووو ،، والله يعطيج العافية وعسااج عالقوة دوووم،،

25- القلوب أوعية والشفاه أقفالها والألسن مفاتيحها فليحفظ كل إنسان مفتاح سره .. هاي الي طلع لي

- الإسم المستعار : روحي محرق 2- تاريخ الميلاد :25/2/1988 3-المهنة : طالبة 4 - التخصص :محاسبة 5- الهواية : كل شي حلو 6- حكمتك المفضلة : واايد بس ولا وحده في بالي الحين 7- أكلتك المفضلة : باستااا 8- مشروبك المفضل : موسي فراولة 9- أجمل أيام الأسبوع : الخمييس سابقا بس الحين بيصير اليمعه 10- أمنيه تمنيتها وتحققت : اييب في المدرسة 98 ويبت 11- أمنيه تمنيتها ولم تتحقق : واايد ،، بس الله كريم 12- أجمل رحله قمت بها : ولا مكان 13- خبر فرحت بسماعه : ولادة بنت اختي 14- خبر حزنت لسماعه : وفاة عمي 15- عضو أو عضوه ترتاح له : واايد 16- عضو أو عضوه حزنت لفراقها : محد 17- أجمل هديه حصلت عليها : شعر كتبته فيني صديقتي 18- موقف محرج أو مضحك مر عليك : دست على ريوول واحد في السينما 19- ماذا تحب بالدنيا : الحب 20- ماذا يحزنك : الخيانة 21- ما أجمل اسم من الاناث : حنين ،، همس 22- ما أجمل اسم من الذكور : سعود ، عبدالله 23- لونك المفضل : احمر 24- أجمل شهور السنة : 2 و 10 و 12 25- أجمل فصول السنة : الشتاء 26- ما أجمل مراحل عمرك : هاي المرحلة 27- أين نجد أسرارك : في قلبي 28- لمن تشكي همومك : حق روحي 29- كلمة أخيره : فديت منتدانه والله 30- نصيحة : ماعرفها بالضبط بس يقولون اعمل لآخرتك كأنك تموت غدا واعمل لدنيتك كانك تعيش ابدا