الحلاوة

صج ما تستحون تقولون حبي محمد الدوسوري و قلبي عيسى نوميني لا يمكن انشاالله لا اتوقع: منال^^انشاالله لا^^ فادي محمد ابراهيم

كانوا مريم و شمسة قاعدين بغرفتة مريم فوق .. و مريم قاعدة تراويي شمسة البومات صور لهم و هم في حوار و غيرها و تعرفها على اهلها هناك .. و هم بعز سوالفهم و اندماجهم سمعوا دق قووي عالباب ..و الجرس كان يرن و يرن .. اخترعوا مريم و شمسة .. و استغربوا من اللي يايهم هالحزة ؟؟!! نزلوا الصالة تحت و شافوا أبوهم سابقهم يفتح الباب .. غريبة .. من يايهم بذي الوقت ؟؟ فتح بو محمد الباب .. و شاف حد ابدا ما توقعه .. ولده فهد وشكله تعبان وااايد .. بالرغم من زعل بو محمد من ولده الا انه ما قدر ان يمنع نفسه من خوفه عليه لمن شاه بهالشكل بومحمد بخوف: فهد .. شبلاك بالرغم من قوة شخصية فهد و عناده و دلعه الا انه ما تحمل نبرة الخوف في صوت ابوه اللي حذله .. ابوه اللي ما قصر عليه بشي .. و هو راح و تزوج من وراه .. و من من ؟؟!! ما قدر فهد يقاوم نفسه انه يحضن ابوه بقوة و يصيح بصوت عالي .. يصيح نفسه و ابوه و امه .. و نورة آآآآآآآآآآه يا نورة غصبا عنه بو محمد نزلت دمعه من عينه و دخل فهد داخل شمسة و مريم واقفات مثل الاطرش فالزفه و لا هم بداريين شسالفة ؟؟!! بس مريم عورها قلبها و انقبض على "اخوها" فهد ركبوا فوق هيه و اختها و بو محمد راح مع ولدته غرفته و هو قلبه و فكره كله عند ولده .. بومحمد: فهد .. شبلاك؟؟!! تم فهد ساكت فترة مستحي من أبوه و من نفسه .. و هب عارف شو يقوله .. بس تحت اصرار ابوه و إلحاحه اضطر انه يقوله السالفة كاملة بومحمد بعصبية: شفت يا فهد .. شفت اخر استهتارك و لعبك!! فهد: ابويا .. انا و الله ندمان .. و هب قادر احط عيني بعينكم بومحمد صح فهد كسر خاطره بس ما حب يبين له انه تعاطف معاه .. عشان لا يتعود و يكرر اخطائه .. فهد لازم يعرف انه اللي سواه كبير و صعب ينغفر .. تركه بالغرفة و طلع غرفته .. و يحس انه مهموم .. توضى و قام صلى لربه ركعتين لين ما ياذن الصبح ....................... اليوم الثاني الصبح .. البيت كان ريحته كله بخور .. و الفرحة متوزعه فكل ركن من اركانه .. مايد اليوم رخصوه .. و هو و نورة يايين الحين بالدرب .. بس الحادث سبب اعاقة بسيطة بريل مايد .. و كان ناوي يسافر برع يتعالج .. لكنه يتريى نورة تربي و تقوم بالسلامة .. خصوصا انها مصرة تروح معاه وصلوا فهد نورة البيت نزل فهد و نورة كانت ماسكتنه .. نورة كانت الفرحة مو شايلتنها .. محد بالدنيا فرحان كثرها .. حتى غرفتها حلفت ان ما تدخلها من غير مايد .. دخلوا البيت و الكل قام يسلم على مايد .. و ام سعيد قامت تصيح من الفرحة مايد: اماية شبلاج .. انا الحمدلله بخير الحين ام سعيد و هي بعدها تصيح: هب مصدقة يا ولدي اني اشوفج صاحي جدام عيني .. و ردت تصيح اكثر بو سعيد: خلاص يا حرمة الريال بخير .. نشي بس خلني اسلم عليه مايد و هو يبوس راس ابوه: شحالك ابوية بو سعيد: الحمدلله على سلامتك يا ولدي خرعتنا عليك و يلس مايد .. و الكل يلس يسولف معاه .. و قاموا تغدوا رباعه الكل كان فرحان .. بس محد منهم فرحته كانت مثل فرحة نورة ............................ في بيت بو محمد و عقب الغدا بومحمد و مرته يالسين فالغرفة ام محمد: هب عدلة عليك يا بو محمد اللي تسويه .. الولد صح غلط .. بس ما يستوي تعامله جي بو محمد: خليه يا ام محمد .. الولد ما بيعرف غلطته و لا بيحس بجيمتها الا يوم يعرف حجم الغلطة اللي سواها ام محمد: و لو بس الولد يا يستسمح منك و انت رديته؟! بو محمد: طبعا برده .. هو لازم يعرف ان اللي سواه ما ينتسى بين يوم و ليلة ام محمد: بس يا بو محمد بو محمد و هو يقطع رمستها: هالرمسة سديها .. و ما بسوي الا اللي اشوفه صح .. انا ساير اصلي العصر ............................. بعد مرور اسبوع من الاحداث التالية هنادي حالها مثل ما هو .. كل يوم امل عن اللي قبله .. بس شوي تعودت عالوضع خصوصا ان جواهر ابدا هب مخليتنها فحالها .. و مريم كل يوم تتصل لها و تكلمها بالنت بعد جواهر و طلال .. سمن على عسل .. و علاقتهم كل يوم تتقرب .. جواهر قامت وايد تهتم فيه عشان ما يحس بالنقص .. و هو قد ما يقدر يسعدها عشان يكفر عن غلطته .. مريم بدت تتاقلم عالوضع .. خصوصا ان الكل يعاملها باهتمام الا "ام محمد" و مريم لاحظت هالشي لكن مريم مقررة تغير هالوضع .. و تحسن علاقتتها بمرت ابوها خليفة .. فرحته ما مثلها فرحه .. روحه و حياته طلعت بنت عمه .. و كل ايام و يتخذ الخطوة .. و يسوي اللي بباله فهد دوومه بروحه و حزين .. يا صاك على عمره الغرفة .. يا طالع البحر او أي مكان بروحه .. و ما يرد الا آخر الليل .. يحس انه كاره حياته .. و ماله خلق يجابل حد حتى هله .. خصوصا انه مستحي منهم وايد .. و عقب صد ابوه له و رفضه مسامحته نورة و مايد .. علاقتهم مثل أي اثنين توهم يحبون و يستكشفون بعض .. و اليوم موعد ولادة نورة و هيه نايمة حاليا بالمستشفى ام خليفة و هيه ياية ركض و معاها خليفة: ها يا مايد بشر شحالها نورة؟ مايد و هو يسلم عولد خالته: يقول الدخاترة بخير و ولادتها طبيعية .. بس بعدني احاتي ام خليفة: دام الدخاترة طمنوك خلاص ان شاءالله خير مايد: بس تاخروا وايد أم خليفة: اول ولادة يا ولدي لازم تتاخر .. لا تخاف ام سعيد: من مساع و انا اقولة يا اختي بس هو ابد .. مو قادر يقعد بمكان واحد ام خليفة: هههههه .. الله يفرحكم و يجعله او يجعلها من الذرية الصالحة و عقب فترة قضوها برع و مايد قاعد يقرى قران .. طلعت الدكتورة برع .. و على ويها ابتسامه عذبة الدكتورة: مبروووووك أم خليفة: ها بشري شيابت ؟؟!! الدكتورة: جابت بنوتة اقمورة .. ربنا يحفظها ليكم مايد: دكتورة المهم نورة شحالها الدكتورة: كويسة قوي .. بس تعبانة شوي من اثر الولادة مايد: اقدر اشوفها؟؟!! الدكتورة: تفضل هيا بالاودة دي راح مايد الغرفة يسلم على نورة و يتحمد لها بالسلامة .. و عقب راح يتطمن على بنته .. و ام خليفة و خليفة و ام سعيد راحوا سيدة للبنت .. و خذها خليفة و تم ياذن باذنها ................ في بيت أم محمد .. بو محمد طبعا كان بالدوام .. و ام محمد تحت بغرفتها .. شمسة كانت نايمة .. قعدت مريم تسبحت و نزلت تحت .. مالقت ام محمد و قالت لها البشكارة انها بغرفتها .. ام محمد و هي توها مخلصة صلاة الضحى .. سمعت صوت دق خيف عالباب ام محمد: ادخلي شسمة مريم و هي تدخل شافت ام محمد تطوي السيادة كانت خايفة من اللي بتسويه .. بس ربها وياها و بتحاول وياها بكل الطرق .. مريم: هذي انا خالتي هب شمسة ام محمد و هي لاوية بوزها: خير مريم بغيتي شي؟! مريم: ايه خالتي بغيت احاجيج شوي .. ممكن ادخل ام محمد بتافف: ادخلي .. شبغيتي مريم و خوفها زاد و قلبها قام يدق: خالتي انا من اول يوم ييت و احس انج هب متقبلة وجودي .. و متضايقة مني ام محمد: هذا اللي بغيتي تقولينه مريم و هي منزلة راسها: خالتي انا ما بغيتج تشيلين فقلبج علي .. انا ييت هنيه و مو قصدي اني اسوي مشاكل او اضايقكم .. انا انا بس من عقب وفاة امي يوم دريت ان ابوي عايش كان لازم ايي و اتعرف عليه و اعرف خواني .. الله العالم اني يوم ييت هنيه حبيتكم .. حتى انتي حبيتج نزلت راسها و كملت: ادري انج متضايقة مني لاني بنت مرت ريلج .. و انتي ببالج انه هيه خذت ريلج .. عشان جي كرهتيها و كرهتيني .. سكتت و ردت تكمل .. بعض النظر عن الماضي .. انا انولدت و ما اخترت امي و ابوي و لا اخترت الظروف اللي بعيش فيها .. فارجوج .. مو لازم تحبيني .. بس لا تعاقبيني بذنب انا ما ارتكبته .. و لا لي يد فيه .. سكتت مريم و تجمعت الدموع فعيونها و صارت عيونها تلمع .. بعدين امي الحين راحت .. سكتت تحاول ما تصيح .. امي راحت و لو كنتي عرفتيها اكيد بتحبينها .. مريم و هي تصيح عطيني فرصة و عقب قرري اذا تكرهيني او لا .. و لو ما تبوني انا برجع البحرين .. ام ومحمد بالرغم من جبروتها و قسوت قلبها لكن هي ام و الام مهما كان لازم بيكون فيها حنيه .. و لما فكرت بمريم و حالها و انها مالها ذنب كسرت خاطرها .. و قررت انها تعطيها فرصة و ما تعاملها و تعاقبها بذنب ابوها .. مريم مالها ذنب .. و لا امها لها ذنب ......................... في مستشفى العين مريم و شمسة و امها .. كانوا ماشين صوب غرفة نورة .. طبعا لازم ييون يباركون لها بالسلامة دخلوا الغرفة و لقوا نورة مع خليفة بالغرفة فز قلب شمسة و مريم بنفس الوقت لمن شافوا خليفة .. و خليفة فرح بشوفة حبيبة قلبه مريم .. و ما توقع يشوفها اليوم و هنيه دخلوا و سلموا على نورة و تشكروا لها بالسلامة .. طبعا شمسة كانت متغشية .. اما مريم فبحكم بيئتها ما كانت متغشية .. بس ملتزمة بحجابها و حشمتها .. من خلال ويهها مبين انها فرحت بشوفة خليفة ام خليفة: عيل وين امج و خالتج؟ نورة: كانوا هنيه توهم .. و وداهم مايد البيت .. و بيوون عقب عالساعه خمس خليفة بابتسامة: شحالج مريم و هي منزلة راسها: بخير نورة: شحالج شمسة؟ شمسة: الحمدلله .. شحالها البيبي نورة: تمام ربي يسر حالج مريم: شسميتوها؟؟ نورة: حمده على خالتي ام مايد مريم: تتربى بعزكم يا رب نورة: تسلمين و عقبالج خليفة على طول التفت يشوف مريم و هي استحت و نزلت راسها أم خليفة راحت الحمام تتوضى و تموا نورة و مريم و شمسة و خليفة بالغرفة مريم: وين البيبي عيل؟! نورة: بالحضانة .. بييوبونه بعدين مريم: ما شفتيه؟ نورة: لا مريم: يصير نروح نشوفه؟! خليفة بلقافة: هيه يصير مريم: شماس قومي نشوفه شمسة: ما فيني اقوم .. تريي عقب شوي بنروح مريم: خلاص انا بروح الحين و انتي لحقيني شمسة: اوكيه طلعت مريم من الغرفة و على طول طلع خليفة وراها .. خليفة: مريم .. مريم مريم و هي طبعا عرفت صوته قبل لا تلف خليفة: شحالج؟ مريم و هي منزلة راسها: بخير خليفة: شفتي الصدفة كيف قاعده تجمعنا .. و لا هي براضية تفرقنا مريم نزلت راسها و ابتسمت و شافت شمسة ياية من بعيد .. بس شمسة ما انتبهت لهم .. عقب ما شافوا البيبي سلموا على نورة و راحوا مع ام محمد بيت ام سعيد سلموا عليهم و تشكروا لهم بالسلامة عالسريع .. و صلوا المغرب و رجعوا بوظبي ................ في غرفة نورة .. و ما كان فيها الا خلفة و نورة و البيبي اللي توه يابوه نورة: خليفة .. انت شبينك و بين مريم خليفة بصدمة: شبيني و بينها بنت عمي مثل ما هي بنت عمج نورة: هب عليي هالحركات .. انا شايفة حركاتك من اول ما دشت .. و سالت عن احوالها من دون لا تسال شمسة .. حتى يوم طلعت برع لحقتها سيدة .. تراني هب هبلة و عارفتك زين خليفة و حس ان هيه كشفته خلاص: أحبها نورة بصدمة: خليفة انت صاحي .. حرام عليك .. و شمسة .. بعدين عيب عليك توك شايفها و تعلقت فيها .. معناته مشاعرك متقلبة خليفة: انتي تدرين من زمان اني ما احب شمسة و لا ابيها نورة: بغض النظر عن شمسة .. طريقة حبك لها غلط و متسرعه خليفةّ: و انتي شدراج؟؟!! انتي هب عارفة شي نورة: كل شي مبين خليفة: لا تظلميني و اسمعي اللي بقوله لج للنهاية .. و اباه بيني و بينج نورة: اسمعك قول و قال خليفة لنورة السالفة كلها من اول ما شافها فالبحرين لين ما قال لعمه و شافها فالامارات نورة بصدمة: معقولة .. انت اللي عرفت عمي على بنته؟! خليفة: هيه .. و انا حبيتها من قبل مثل ما قلت لج نورة و كسرت خاطرها مريم: يحليلها حرام ما تستاهل خليفة: هيه فديتها نورة و كاسرة خاطرها شمسة: بس حرام و شمسة؟! خليفة: ما يخصني فيها نورة: تحبك خليفة: و مريم بعد تحبني و احبها خليفة: هيه قالت لك ؟؟ خليفة: لا .. بس انا حسيت و قطع عليهم سوالفهم صوت مايد و امه و خالته و هم يايين من البيت .................... في غرفة شمسة فوق فبيت بو محمد مريم: يحليلها نورة .. شكلها طيوبة شمسة: وايد مريم: و شكلج تحبينها وايد شمسة: هيه و اموت فيها بعد مريم و طلعت منها عفوائية: حتى خليفة شكله طيب شمسة: هيه طيب وايد وايد وايد مريم: هههه مبين عليه شمسة: شخصية و جنتل مريم: بعد شمسة: بخجل هيه مريم باستغراب: و شفيج مستحية يا زعم؟! شمسة: لا ما شي .. بس من اشوفه اتلخبط .. و احس قلبي يدق دق مريم و هي حست بشي ما تمنته ابد و حبت تتاكد: شسالفة قوليلي؟! شمسة باستحياء: ابد .. انا و خليفة مخطوبين من زمان .. و من يوم وعيت عالدنيا و انا احبه هالكلام كله كان يطلع مثل سجاجين تقطع في قلب مريم شمسة تحبه .. و هم مخطوبين لا مستحيل عيل ليش تعرض لي و اوهمني بحبه .. ليش خلاني احبه نذل حقير و تجمعت عينها بالدموع شمسة: شفيج حووو اكلمج .. وينج مريم: ها .. لا هنيه .. بس تعبانة .. تصبحين على خير و راحت غرفتها .. و قطت عمرها عالسرير و تمت تصيح بحرقة .. يوم حبيته .. و صارت قريبة منه .. اكتشفت مدى نذالته و حقارته .. يدري انه هيه اخت شمسة و يكلمها اليوم و يقولها ان القدر قربهم .. اااه يا خليفة .. ليش سويت جذيه ليش .. و تمت مريم تصيح و تصيح تصيح ظلم الايام و غدر السنين .. تصيح الدنيا اللي عطتها ظهرها .. و يوم ردت لها الابتسامة .. قلبت الدنيا ويهها الثاني لمريم .... بس اللي مريم كان لازم تتاكد منه ان الله ما يضيع حق حد .. و مثل ما ياخذ يعطي استغفرت مريم ربها .. وقامت تصلي لها ركعتين و نامت من زووود تعبها .. و عوار راسها

فالعين و بالتحديد في احدى غرف مستشفى توام .. نورة كانت قاعده فصمت و هدوء .. الكل يتكلم و فرحان الا هي فرحانه بس هب عارفة تطلع فرحها و الكل من حواليها .. يا ربي متى بيطلعون عشان اقوله كل اللي بخاطري متى .. و فجاة قطع عليها صمتها صوت خالتها ام سعيد نورة: نعم خالتي سعيد: لا الظاهر نورة هب معانا ابد ابتسمت نورة و نزلت راسها بحيا .. نورة و هي تقوم: عن اذنكم انا بسير اصلي طلعت نورة .. و هي بالاصل كانت تبي تطلع لانها تحس الكل يطالعها .. و جنهم يقرون و يشوفون اللي فقلبها .. كانت تعد الساعات عشان يطلعون و تقعد معاه بروحها .. راحت صوب المصلى .. صلت العصر و السنة .. و صلت ركعتين شكر لربها طلعت من المصلى و شافت منى و فاطمة و ام سعيد يايين صوبها أم سعيد: امايا نورة نحن سايرين البيت نبدل و نريح و بنرجع عقب صلاة المغرب نورة بابتسامة: الله وياكم خالتي ام سعيد: ما بتيين ويانا بنتي؟؟ نورة: لا خالتي انا بقعد مع مايد يمكن يحتاج شي أم سعيد: ارتاحي يا بنتي ما باقي شي عولادتج نورة: خالتي انا مرتاحة جذيه فاطمة: امايا خليها براحتها .. تبي تقعد مع القلب بروحها نورة استحت و نزلت راسها تحت و هي تبتسم استاذنوا ام سعيد و البنات و راحوا مع سعيد البيت يريحون شوي .. اما نورة فما صدقت تييها الفرصة .. راحت ركض صوب الغرفة .. لكنها لما وصلت قريب من الغرفة .. حست ريولها ما تشلها و انها تسحبها سحاب .. خايفة من المواجهة .. يا ترى كيف بتواجهه .. بيسامحها او لا .. استغلت الفرصة ان محد موجود و دخلت الغرفة .. شافت مايد لاف بويها صوب الدريشة و شكله كان سرحان .. دخلت نورة و تعمدت تسوي صوت ان مايد يحس ابها .. مايد لف ويهه صوب نورة و ابتسم ابتسامة باهته عقب رد يطالع صوب الدريشة .. نزلت نورة راسها .. و راحت يلست عالكرسي اللي مجابله .. نورة بصوت واطي بالكاد ينسمع: الحمدلله عالسلامة مايد مايد بحزن دون لا يلف صوبها: الله يسلمج نورة: اااه مايد مايد: نعم نورة: ممكن تطالع فيني و انا اكلمك؟! مايد و هو يطالعها: انا عارف شو بتقولين .. و ما ابي اسمعها منج نورة .. اصبري عليي شوي نورة: تعرف اللي بقوله مايد: هيه .. سكت شوي و كمل .. اعرف انج تبين الطلاق .. خصوصا عقب الحادث اكيد كرهتيني اكثر .. سكت شوي تنهد و كمل .. صبري عللييي شوي على الاقل عقب ما تولدين نورة نزلت راسها بحزن .. و حست ان مهمتها صعبت .. مايد فهمها غلط!! قوت قلبها و قامت و يلست عدال مايد و مسكت ايده .. مايد استغرب حركتها .. بس سمعها و هي ترمس نورة: ااه مايد .. انا فالبداية ما كنت .. ما كنت احبك .. و لا احس باي شعور اتجاهك .. و اتضايقت وايد لما حملت .. ما كنت ابي شي يربطني بك .. مايد تضايق و سحب ايده من ايدها: خلاص نورة ارجوج .. ما في داعي تكملين نورة: ارجوك خلني اكمل .. مايد انا كنت ضايعة و حسيت بلحظة انه زواجك غلطة و عناد مني .. ما احس بشعور يربطني تجاهك .. بس كنت امجذب لك احيانا .. افكر فيك و ما كنت اعرف افسر هالشعور .. احس نفسي متناقضة كنت ردت مسكت ايد مايد: و يوم اللي صار الحادث و حسيت اني بفقدك .. كرهت نفسي .. و تمنيت لو اموت معاك .. سكتت نورة و دموعها بدت تنزل مايد انا حسيت بقيمتك .. انا كنت احبك بس كنت اكابر .. او يمكن ما حسيت لانك كنت دايم معاي .. بس لمن فقدتك .. كرهت نفسي و كرهت البيت بكبره .. و كل االلي كان هامني انت .. و اللي ببطني منك .. سكتت نورة و تمت تصيح فجاة رفعت راسها و حاولت تمسح دموعها و تستجمع قواها .. لازم تقولها لازم نورة: مايد انا .. انا احبك هنيه مايد سكتت .. و قعد يحاول يستوعب الوضع .. هذي فعلا نورة و لا هو قاعد يتحلم مايد: شكلي بعدني ما وعيت من الغيبوبة نورة: لا مايد انته واعي .. و انا معاك .. و ما بخليك ابد ان شاءالله مايد قعد و ابتسم ابتسامه باهته: نورة من صجج و الا انتي شفقانة عليي عشان الحادث ؟؟!! نورة: لا مايد انا احبك .. احبك صج .. و حياتي مالها معنى بدونك .. و بحركة عفوائية .. قطت نورة نفسها فحضن مايد و تمت تصيح و تقول احبك مايد احبك .................. فبيت بو محمد .. الكل كان متجمع فالصالة بما فيهم محمد و حرمته اللي يوو من دبي مخصوص عشان مريم .. الكل كان فرحان الا ام محمد اللي تحس انه مريم هم و كابوس حل عليها بو محمد: انا باجر عازم اخوي عالغدا محمد: بمناسبة شو ابويا؟! بو محمد و هو يلتفت على مريم و يبتسم: بمناسبة يية الغالية مريم .. خواني لازم يعرفون ان عندهم بنت اخو .. و مريم بعد لازم تعرف اهلها .. ام محمد لوت بوزها و قالت: هب لازم العزيمة .. خبرهم بالتلفون بو محمد فهم قصدها و كمل غياضا فيها: لا .. لازم الكل يي و يطالع بنتي المزيونة .. و تتعرف عليهم ابتسمت مريم و حست بفرح من داخلها انه ابوها فرحان فيها .. و يبي يعرفها على هله .. حست ان ابوها ما بيتخلى عنها ابد .. صح ما راح يعوضها عن امها .. بس على الاقل بيقوم بشوي من دورها .............. فالبحرين و بالتحديد فغرفة طلال و جواهر .. طلال كان قاعد يقرى الجريدة .. و جواهر كانت عند هنادي بالغرفة .. عقب شوي طلعت و يت عند طلال طلال و هو يغايض جواهر: تو الناس جواهر: حرام عليك كنت عند هنادي طلال: لا و الله .. و انا ريلج لي الله؟؟!! جواهر: شدعوه .. انته حبيبي .. بس يحليلها هنودة متضايقة شوي .. عشان مريومة طلال: صح الا على طاري مريم .. ما اتصلت فيكم؟؟!! جواهر: امبلة اتصلت مساعه فبيت يدي .. و احين طلعت عن جواهر و اهي تكلم مريوم طلال: شخبارها؟؟!! جواهر: الحمدلله بخير .. تقول مرتاحة .. المهم .. قوم يلا انا حطيت لك العشى عقب ما طلعت من غرفة جواهر طلال: يلا .................. في غرفة هنادي هنادي و هي تصيح: البيت مو حلو من دونج و الله مريم و هي شوي و تصيح و بالغصب ماسكة عمرها: خلاص هنادي .. انا الا جريبة منكم .. و كل يوم بحاجيج بعد هنادي ما تكلمت و تمت تصيح مريم: يلا عاد هنوود ارجوج لا تخليني اصيح .. و الله بحاجيج كل يووم .. وعد هنادي و سكتت ما تبي تزعل مريم .. بروحها بغربة عقولتها: اوكي خلاص .. تحملي بروحج عدل .. و لا تنسيني مريم و هي تدمع: نساج الموت .. انا انسى روحي و لا انساكم .. انتوا حياتي و كل عالمي .. خصوصا انتي هنادي: خلاص تحملي بعمرج مريم: و انتي بعد هنادي: مريم .. اكيد انتي مرتاحة و يعاملونج اوكي ؟؟!! .. ما يضايقونج ؟؟!! مريم: لا بالعكس .. و التفتت على شمسة .. كلهم طيبين و بالاخص اختي شماس و ابتسمت هنادي: خلاص عيل تصبحين على خير مريم: و انتي بخير .. مع السلامة هنادي: مع السلامة سكرت مريم التلفون و التفتت على شمسة و هي تبتسم و تمسح دموعها شمسة: هذي بنت خالج صح؟؟!! مريم: صح .. و مو بس جذيه .. هنادي اكثر من اختي .. هذي رفيجة عمري و حياتي شمسة: يبين انكم تحبون بعض ما شاءالله مريم: هنادي وايد طيبة .. و من وعيت على الدنيا و احنا ما تفارقنا .. تعرفين ما كان عندي خوات .. هي كانت بالنسبة لي الاخت و كل شي .. خصوصا عقب وفاة امي .. صارت هي كل دنيتي شمسة: الله يرحمها .. و الله يخليكم لبعض .. ابتسمت و كملت: و الحين انتي هب بروحج .. عندج اخت و 3 خوان مريم و هي تبتسم: مم انا شفتكم كلكم باقي بس فهد شمسة: هيه هذا خله لاهي بدنيته مريم: ليش تتكلمون عنه بهالطريقة .. حتى ابوي يوم يتكلم عنه احسه شايل عليه؟؟!! شمسة: قلت يا ريم .. فهد ساففر و تزوج من غير لا يقولنا .. مريم: غلط .. يمكن حبها .. و خاف على نفسه من الغلط؟؟!! شمسة: فهد وايد متدلع من امي يا مريم .. تدرين كان يحب بنت عمي نورة .. و يموت فيها بعد و هي نفس الشي و اكثر مريم تقطع عليها: نورة اللي حاطة صورتها بغرفتج ؟؟ شمسة: هيه .. فهد خذلها و خذلنا كلنا مريم: بالاخير هو منكم و فيكم .. و مرده لكم .. و مردكم له شمسة: الله كريم .. المهم قومي ننزل نتعشى تحت مريم بابتسامة: اوكي يلا ......... في احدى شقق امريكا .. فهد كان واقف و الشرار طالع من عينه و جولي كانت ماعطته ظهرها فهد: هل تعنين ما تقولين جولي joly .. do you mean what you are saying?? جولي: نعم فهد .. اعني ما اقول .. انا لا امزح Joly: sure fahad I am not joking فهد: كيف استطعتي ان تفعلينها .. كيف جولي How can you did it?? How can joly جولي: انظر فهد .. زواجي منك كان غلطة .. و انا حاولت ان احبك و لكن لم استطع Joly: see fahad .. our marriage was a wrong thing and I tried to love you but I couldn’t فهد هنيه ما قدر يقاوم نفسه .. صفعها كف و طلع من الشقة للمطار على طوووول .. معقولة جولي اللي حبها و هد هله عشانها .. تسوي جذيه .. الولد اللي يابته مو ولده ولد واحد ثاني .. معقولة تزوجتني عشان بيزاتي بس .. كيف اقنعتني باسلامها و برائتها كيف .. كان فهد منهار عالاخر و ركب الطيارة و هو حالته حاله .. ينتظر متى يرد البلاد ................... في مستشفى توام فالعين مايد: تعبت خلاص ابا اظهر .. متى بيظهروني من هنيه؟! نورة: حبيبتي هنيه احسن لك .. يتطمنون عليك .. بعدين انا معاك و بنام معاك بعد مايد: اولا حبيبتي سيري البيت ارتاحي انتي حامل و قريب تولدين .. بعدين انا تعبت من هنيه ابا ارد البيت نورة: حتى انا كارهة من عقبك .. بس هذي اوامر الطبيب مايد: نورة تحبيني نورة و هي منزلة ارسها و بابتسامة عذبة: و اموت فيك بعد فهد: متى موعد ولادتج نورة: الاسبوع الياي ان شاءالله فهد: خلاص ما يخصني انا بطلع ابي اكون موجود معاج نورة: انا ما بولد الا و انت معاي ان شاءالله .. محد بيدخل معاي غرفة العمليات غيرك .. بعدين الدكتور قال انك ما بتطول عن اسبوع مايد و هو يمسك ايد نورة: احبج نورة نورة بابتسامة: و انا بعد احبك مايد ......................... اليوم الثاني بو خليفة و عياله كلهم كانوا متجمعين فبيت بو محمد الا نورة طبعا .. بو محمد كلهم و خبرهم بسالفة بنته مريم .. طبعا بو خليفة كان يدري بسالفة زواج اخوه من البحرينية .. عشان جذيه ما استغرب من الموضوع وايد بعكس عياله اللي استغربوا باستثناء خليفة طبعا عقب الغدا الكل كان مجتمع فالصالة .. باستثناء شمسة و مريم كانوا قاعدين فوق بالصالة .. و ياهم راشد راشد: مريم ابوية يقولج انزلي تحت .. عمي يبا يسلم عليج مريم و هي تلتفت على شمسة: شماس خايفة انزل شمسة: شدعوه مريم .. خلج قوية .. بعدين انتي ما بتدشين حرب مريم سكتت و تمت تطالع تحت شمسة: يلا عاد مريم .. ما فيها شي و الله قومي يلا قامت شمسة .. و خذت مريم من يدها من بعد ما لبست شيلتها .. و نزلوا ثنتيناهم تحت .. مريم من الارتباك ما انتبهت للي قاعدين تحت .. كانت منزلة راسها .. و شمسة راحت تسلم على فاطمة و على عمها .. عمها كان يحبها وايد .. بومحمد: مريم .. تعالي سلمي على عمج يت مريم و سلمت على عمها و باسته على راسه و من عقبها سلمت على فاطمة و مرت عمها بومحمد: مريم .. هذول عيال عمج .. سلطان و خليفة ابتسم و كمل .. خليفة كان يدرس عندكم فالبحرين رفعت مريم راسها و كلها ذهول .. اهو اهوو خليفة يا ربي .. صج ان الدنيا صغيرة .. ابتسم خليفة بعذوبة و ردت له مريم الابتسامة بمثلها .. خليفة بابتسامة: شحالج مريم؟؟ مريم و هي منزلة راسها: الحمدلله .. عن اذنكم .. راحت و قعدت مع الحريم فالصالة الثانية .. و فكرها مو معاها .. خليفة طلع ولد عمها و جدامها كان توه .. يا ربي صج الدنيا صغيرة .. ما تدري ليش بس حست بشعور غريب و استانست حييييييييل لمن شافته .. و جاه قطع عليها سرحانها صوت شمسة شمسة: لا الاخت ابدا هب معانا .. فاطمة بابتسامة: اللي ماخذ عقلج مريم: لا بس افكر بيدي و يدتي ام خليفة: بتتعودين عالعيشة هنيه ان شاءالله ابتسمت مريم .. اما ام خليفة لوت بوزها .. و قالت بصوت واطي سمعته ام خليفة: عساها ما تتعود سكتت ام خليفة و قالت بخاطرها الله يعينج يا مريم .. ام خليفة كانت تعرف ام محمد زين و انها ما بتخلي مريم فحالها .. كفاية اللي سوته بامها و خلو بو محمد يطلقها .. الله يعينج يا مريم الله يعينج ........... خليفة اول ما طلع من بيت عمه راح على طول البحر .. و تم سارح و يفكر بمريم .. يالله يا مريامي .. القدر قاعد يجربج مني .. لما خلصت دراستي و بعدت عنج .. انتي ييتيني لي محلي .. مريم بنت عمي .. و قريبة مني .. كل ما اشتاق لها اقدر اروح لها هناك .. او عالاقل امر هناك .. و اتطمن عليها لو من بعيد .. او احس بها عالاقل .. يعني المهمة اسهل الحين من قبل .. كلها فترة بسيطة و مريم تصير زوجتي .. ابتسم خليفة و قام و ركب سيارته و راح البيت و فكره كله عند مريم

حاضرين قلبي الحين بانزل علشان عيونج

الجزء الثالث و العشرين نزلت الطيارة ارض الامارات و معاها دقت الف دقة من قلب مريم اللي كانت متوترة طول الطريج .. حتى خالها اللي كان قاعد يمها حس بمدى توترها التفت مريم على الدريشة و تمت تشوف الامارات .. ابتسمت و التفتت على خالها مريم: خالي .. قط ييت الامارات من قبل؟؟ بو طلال: ييت من قبل .. كان عندي شغل بس فدبي مو هنيه ردت مريم تطالع من الدريشة و تفكر باهلها هنيه .. يا ترى هل بيستقبلونها اوكي او لا ؟؟!! شوي و ان الليت يومض يعلن باشارة هبوط الطيارة بشكل تام .. قاموا مريم و خالها .. و نزلوا المطار يمشون .. وقفوا شوي عند موظف الجوازات .. تالي راحوا ينطرون اغراضهم .. طلعوا برع و كان في انظارهم تاكسي الغزال .. اللي اتفق معاه بو طلال من يوم و اهو فالبحرين .. مشى التاكسي و طول الوقت و مريم عيونها برع تطالع .. و فنفس الوقت خايفة و متوترة .. ما باقي الا ساعات و تكون بين احضان "ابوها" .. بو طلال حس بخوف مريم و توترها .. حط ايده على ايدها عساس يحسسها بالامان شوي مريم بابتسامة متوترة: خايفة خالي .. يا ترى شلون بيستقبلني ؟؟ بو طلال: لا تخافين يا مريم .. ابوج يحبج و وده بقربج من زمان .. بس انا هب عارف انتي ليش رفضتي اخبره بييتج؟؟!! مريم: خالي انا ما بغيته يدري و يخبر خواني و مرته .. و ادري هم ما بيتقبلوني .. ما بي اسوي له مشاكل بو طلال: تراهم بيدرون بيدرون مريم: انا هب رايحة له البيت .. بروح له الشركة .. و بجذيه هله ما بيدرون .. و برجع وياك تالي بو طلال: بس الشركة مكان شغل .. شلون بتقابلينه هناك؟؟!! مريم: احسن خالي .. ما بي اسوي له مشاكل بالبيت بوطلال: خلاص يا مريم شورج و هداية الله ................ انفتحت الغرفة .. و طلع منها الدكتور و على ويهه علامات حزن و اسى .. قال بصوت واطي محد تمنى انه يسمعه ابدا الكتور: عظم الله اجركم نورة بصرخة: لا مستحيل .. انت شتقول .. مايد ما مات مايد يحبني و مستحيل يهدني مشى الدكتور و الكل كان يهدي بنورة .. اللي حالتها حالة و لا هي بدارية عن هوى دارهم .. مايد مات معقولة .. كيف .. و ليش .. استغفر الله .. استغفر الله قامت نورة بهدوء .. و راحت الغرفة اللي طلع منها الدكتور .. شافت مايد و كان شكله مرتاح .. و مبتسم بعد .. نورة و دموعها تطيح .. مايد حبيبي ليش رحت .. ما تدري اني اباك و أحبك و ما اقدر اعيش من دونك .. اه يا مايد اه و فجاة حست نورة بصوت مزعج و ايد تدقها على ظهرها منى: نورة .. نورة .. قومي عاد يلا ما صار رقاد نورة و هي تفتح عيونها و تستوعب الوضع: منى شفيكم منى: انتي اللي شفيج .. شكلج كنتي تحلمين .. قومي يلا الساعه صارت 11 نورة عقب ما عرفت ان اللي كانت فيه حلم و ارتاحت شوي: اه .. مايد شحاله؟؟!! منى: توه اتصلوا المستشفى يبوونا نروح .. امي سارت و قالت لي نوعيج نورة و هي تشهق و تقوم بسرعه من عالسرير: مايد شفيه اكيد فيه شي اكيد .. انا حاسة منى: يا بوج الله يهداج ما فيه شي .. لو فيه شي جان خبرونا المستشفى بدت نورة بمناحة و تمت تصيح و تقول: يا ويلي عليك يا مايد يا ويلي عليك منى: نورة الله يهديج شفيج لا تفاولين عالريال .. انتي قومي بدلي بسرعه و تطمني عليه .. بروح وياج الدريول ينطرنا قامت نورة بسرعه من عالسرير .. و غسلت و بدلت ثيابها .. و طلعت بسرعه مع منى عالمستشفى .. و طول الطريج تصيح و هي تحن عالدريول يسرع و منى تهديها .. ام سعيد ما اتصلت و هالشي اللي خرع نورة .. اكيد مايد فيه شي اكيد ............. وصلوا مريم و خالها شركة بومحمد اللي يشتغل فيها و اللي هيه مالته بالاساس .. طبعا كل خطوة كانت تخطيها مريم تحس بمدى ثقلها و تحس ريولها ما تشيلها و ركبها متدقدقة عليها .. قلبها يدق دق .. و خالها حاس فيها .. و يحاول يساندها وصلوا فوق وين مكتبه و سؤلوا السكرتيرة عنه مرام: و اللهي الاستاز ابو محمد مش موقود دلواتي .. هو انتوا عندكم موعد معاه بوطلال: لا .. هو بيتاخر؟! مرام: معرفشي .. هو باجتماع .. و مش عارفة امته حييقي بس عاوزلوا يمكن 10 دأأيأ تموا بوطلال و مريم ينطرون حوالي النص ساعه .. عقبها قاموا و قرروا يينوه باليوم الثاني .. و هم راكبين الاصانصير شافوا بومحمد كان توه راكب من الاصانصير الثاني .. نزلوا و ردوا ركبوا و راحوا المكتب بو طلال: ممكن نشوفه مرام: بس حضرتك معيندكش موعد سابق معاه بوطلال: قوليله واحد من الاهل يبيه و شوفيه شيرد مرام و هي تلوي بوزها: حاضر بومحمد: ما قالج من مرام: لأ بيأول من الاهل و معاه انسة كمان بو محمد: خليهم يدشون مرام: تفضلوا بو طلال: مريم تبيني ادش معاج..!! مريم بكل ارتباك فالكون: ما ادري خالي بوطلال: شوفي دشي بروحج انا بنطرج هنيه اوكيه هزت مريم راسها .. و قلبها كان يدق دق .. فتحت الباب و شافت ابوها مشغول ببعض الاوراق جدامه .. ما عرفت مريم شتسوي مريم و هي تتحمم و تقول: السلام عليكم بو محمد و هو يرفع راسه و باستغراب: و عليكم السلام .. خير اختي .. من انتي مريم بكل ارتباك: انا .... انا .... يبا انا بنت .... مريم بنتك وقف بكل ذهول و تخالطت بويهه عدت تعبيرات ذهول على استغراب على فرحة على حزن و هالشي اللي حسته مريم و شافته بوييه بدون مقدمات ما حست مريم الا و بيد ابوها تحضنها بكل حب و حنان .. غصبا عنها حست بحنانه و تشبصت فيه اكثر و تمت تصيح .. و بو محمد بعد نزلت دموعه غصبا عنه .. هو من اول ما شافها حزن لانه تذكر امينة الله يرحمها .. اللي مريم كانت ماخذه نفس رسمة عيونها الناعسة .. و الحين نزلت دموعه من فرحته و شوقه لبنته .. و عدم تصديقة للي صار .. معقولة مريم بنته في حضنه الحين .. هو راح لها البحرين و هي رفضت حتى تشوفه .. و اليوم هي فجاة و بدون مقدمات بين احضانه و عنده بومحمد: شحالج يا بنتي .. شحالج يا مريم؟؟ مريم و هي تمسح دموعها: انا بخير يبا .. مشتاقت لك .. انت شلونك؟؟ بومحمد: هب كثري يا مريم .. ااه شقد اشتقت لج .. و تمنيت اشوفج قبل لا اموت مريم: اسم الله عليك يبا .. انا اسفة اني حطيتك بهالموقف .. و ييتك الشركة هنيه بومحمد: احلى موقف يا مريم .. ما تتصورين يا بنتي فرحتي بج اليوم كيف؟؟؟ انتي ييتي بروحج؟؟ مريم: لا انا ييت مع خالي احمد .. بس اهوه برع قاعد ينطرني بومحمد: خله يدخل و لا اقولج .. احنا كلنا بنطلع مريم: وين بنروح يبا؟؟!! بومحمد: البيت بنتي .. يلا قومي معاي مريم بتردد و توتر: لا يبا انا ما بروح معاك البيت بومحمد: افا ليش بنتي .. انا و الله متوله عليج .. و ما صدقت اشوفج مريم: ادري يبا .. و انا بعد متولهة عليك وايد .. بس انا ما ابغي اسبب لك مشاكل مع هلك و البيت بو محمد: هلي هم هلج يا مريم ... و بيتي و هو بيتج .. و مثل ما هم هلي و عيالي انتي بعد بنتي و انا ملزوم فيج مريم: يبا .. سامحني ذاك اليوم .. انا كنت زعلانة على وفاة امي الله يرحمها .. بو محمد: الله يرحمها و يغمد روحها الجنة يا رب .. انتي اللي سامحيني يا بنتي انا قصرت فيج و في امج وايد مريم: لا يبا مسموح .. وامي ما ظنها زعلانه عليك .. طول عمرها الله يرحمها ما كانت تذكرك الا بالخير بومحمد: امج كانت وايد طيبة الله يرحمها .. المهم الحين قومي معاي .. مريم: و شغلك يبا؟! بومحمد: أي شغل هذا يا مريم .. انا هب مصدق ان الله استجاب لدعاي كل يوم و انتي معاي الحين .. بعدين الشغل ما باقي له الا ساعه و نص .. قومي الحين معاي لازم انروح البيت قامت مريم و الابتسامة ما فارقت شفاها بسبب فرحتها بشوفة ابوها شقد ارتاحت .. و احساسها بحبه و حنانه لها .. طلعوا برع .. و سلم بومحمد على بوطلال و خذاه معاهم البيت .. لازم يتغدى معاه اليوم ........... وصلوا نورة و منى المستشفى .. و نزلت نورة ركض حتى ما نطرت منى تيي وياها .. راحت ركض .. و وصلت لي مكانما مرقد مايد بالمستشفى في عنبر العناية المركزة بس الكارثة انها مالقته منى و هي توها توصل: انتي وين خليتيني بروحي و رحتي؟؟!! نورة و دموعها متجمعه فعيونها: منى .. مايد هب موجود منى بدهشة: شوه .. تعالي تعالي نسال الدكتور راحوا منى و نورة عند غرفة الدكتور ركض نورة و هي تتكلم بسرعه: دكتور مايد سلطان وينه هب موجود فالعنبر الدكتور: اه .. ماجد سلطان .. ده نألناه النهارده اودة رقم 7 نورة طلعت بسرعه و ردت مرة ثانية: دكتور عفواً .. بس أي غرفة قلت لي؟! الدكتور: غرفة رقم 7 طلعت نورة ركض و منى تركض وراها .. تحاول تلحقها بس هب قادرة وصلت نورة للغرفة و قلبها يدق دق من الركض و من الخوف .. ريولها هب قادرة تشلها .. حصلت باب الغرفة مفتوح .. و صوت حشرة و ضحك داخل .. طلت براسها .. شافت مايد واعي و معاه امه و اخوه .. ما قدرت تقاوم ابتسامة وسيعة ارتسمت على شفاها .. و حمدت ربها شكر ............ في البحرين هنادي كانت قاعده فالحوش و ملانة .. اليوم اول يوم من عقب مريم لها بالبيت .. صح هي و مريم ما كانوا يسكنون في بيت واحد .. بس اغلب وقتهم ويا بعض لانهم جيران بالاصل .. و اغلب الايام ينامون ويا بعض .. ما افترقوا من يوم ما انوالدوا الا لمن ماتت ام مريم الله يرحمها لبتعدوا شوي مو عشان شي بس عشان ظروف مريم و حزنها .. و طبعا هنادي كانت تحاول ما تخليها بروحها .. هنادي طول اليوم كانت زعلانة و مالها خلق تكلم احد او تاكل و الكل لاحظ هالشي و هي فعز سرحانها قطع عليها صوت حد يتحنن .. قدرت تميزه هنادي انه صوت جواهر هنادي: جواهر؟! جواهر: هلا باللي مالها خلق لاحد كلش هنادي بابتسامة باهته و حزينة بنفس الوقت: انتوا تعرفون غلاة مريم عندي .. و اهية شنو بالنسبة لي جواهر: اكيد ندري .. و مريم غالية على قلوبنا كلنا .. بس اهيه مو عند حد غريب عشان تخافين عليها اهية عند اهلها هنادي: انا مو خايفة عليها انا مشتاقة لها .. ما عندي ربع غيرها احس بفراغ من دونها جواهر عقب ما زعلت على حالة هنادي: حبيبتي احنا كلنا وياج و حواليج .. و بعدين مريم قايلة ما بتطول هنادي: الله يسمع منج يا رب جواهر: انزين يلا .. قومي لبسي هنادي: ليش وين بنروح؟؟!! جواهر: بنطلع نتغدى برع هنادي: لالا انا مالي بارض جواهر: شدعوه عاد .. عشان خاطري انا و طلال .. احنا طالعين عشانج هنادي: طلعوا انتوا .. انا بقعد مع امي و ابوي جواهر: اهمه بعد بييون معانا .. قلنا لهم .. خل نغير جو شوي كلنا .. ملينا من الروتين .. بعدين بعد بنقول ليدي بو احمد و يدتي ام احمد ييون معانا بعد يغيرون جو هنادي: لالا ما اظن ييون .. تعرفين حالة يدي من عقب وفاة عمتي الله يرحمها .. ما يهد البيت .. و يدتي ما تهده كلش جواهر: احنا بنحاول فيهم .. يلا عاد قومي انتي يلا هنادي بابتسامة: انزين ...................... في الامارت و فبوظبي .. و بالتحديد فبيت بو محمد .. وصل البيت و معاه مريم بنته و بو طلال نسبه .. فرحته كانت ما توصف بهاليوم .. معقولة بنته مريم عنده .. و معاه الحين بالبيت خلاهم بالميلس .. و دخل هو داخل البيت عساس يخبرهم باللي صار .. بو محمد و هو يصارخ: يا ام محمد يا عذيجة وينكم طلعت شمسة من المطبخ و يت تسلم على ابوها كعادتها اليومية شمسة: هلا و الله باباتي .. شحالك اليوم .. جنج راد من وقت؟؟!! بو محمد: هيه و عندي لج مفاجاة بعد شمسة: و الله .. و شوه يبت لي بو محمد: بعدين اقولج الا وين امج؟؟!! شمسة: امايا راحت بيت عمي .. مايد و ريل نورة قام بالسلامة بومحمد: شهالاخبار الحلوة اليوم شمسة: انت وراك شي اليوم .. شكلك فرحان و مو طبيعي بومحمد: اختج مريم شمسة: شفيها؟؟!! بومحمد: معاي هنيه بالبيت شمسة استغربت و بلمت بويه ابوها باستغراب: هنيه؟؟!! بو محمد: هيه يت اليوم من البحرين هيه و خالها و يبتها معاي هنيه شمسة: و الله .. ابتسمت ابتسامة وسيعه: مبروك ابوية .. هيه وين بومحمد: في الميلس هناك شمسة: عيل بسير اشوفها بومحمد: تعالي .. وين رايحة .. وين وقايتج .. خالها معاها ترى شمسة: انزين ييبها داخل .. نبى نشوفها بو محمد: وين اخوج راشد؟؟!! شمسة: فوق بومحمد: ناديه و تعالوا نادت شمسة اخوها .. و نزلت تحت لقت مريم قاعده بالصالة مع ابوها .. شمسة: السلام عليكم وقفت مريم و ابتسمت: و عليكم السلام .. هلا بومحمد: مريم هذي اختج شمسة .. و عمرها بعمرج .. و هذا راشد يت شمسة و سلمت على مريم .. شكلها كان هادي و ينبان عليها طيبة و حبوبة .. و نفس الشي مريم ارتاحت لشمسة راشد اونه مستحي: احم .. شحالج مريم مريم بابتسامه: انا بخير .. انتوا شلونكم؟؟!! راشد بلقافة: ازرق شمسة: ماعليج منه هذا .. انتي وصلتي اليوم مريم: ايه بومحمد: خلاص انا بخليكم .. و لا تاذون اختكم .. انا بسير اجابل الرايال .. و خل البشاكير يحطون الغدا .. تعال راشد سلم عالريال راح راشد و يا ابوه داخل الميلس عن الريال اللي اهو خال مريم .. و تموا مريم و شمسة .. يسولفون بالصالة مريم: ممممم .. انتي و راشد بس فالبيت؟؟!! شمسة: هيه .. انا و رشود بس .. عندج اخوي محمد الكبير .. هذا معرس و عايش فدبي مع مرته .. و عقبه فهد .. هذا كان يرس برع .. و رجع لنا بزوجة اجنبية حضرته .. و الحين هو وياها لانها ربت ببلادها .. و عقبه انا و اخر العنقود رشود و هم بنص سوالفهم دخلت ام محمد البيت .. عرفت ان في حد فالميلس عند بو محمد فدخلت داخل على طول و شافت بنت بعمر شمسة تقريبا قاعده ام محمد: السلام عليكم وقفت مريم و ابتسمت: و عليكم السلام .. هلا أم محمد: مرحبا الساع .. شحالج بنتي ؟؟ مريم: بخير شمسة تقطعهم: امايا هذي اختي مريم ابتسمت مريم اما ام محمد فكشرت بويهها و بانت على ويها العصبية .. و سكتت و تركتهم و دخلت غرفتها داخل .. و تركت مريم واقفة في ذهول و لا هي بعارفة شسالفة؟؟!! نهر حبك

قعدت من النوم من وقت و تحس نفسها احسن بوايد من امس .. قعدت و ببالها قرار لازم تنفذه .. يمكن هو جواب الاستخارة اللي امس صلتها .. تسبحت و نزلت تحت .. ما شافت لا يدها و لا يدتها .. بس راحت على طول بيت خالها تقوله بقرارها مريم و هي تدخل بيت خالها: السلام عليكم جواهر: هلا مريمي .. شلونج حبيبتي؟؟ مريم عورها قلبها لانه امها كانت دايما تقول لها مريمي: انا بخير الحمدلله .. انتي اللي شفيج .. شكلج تعبانة؟! جواهر: لا ما فيني شي .. بس تعب الحمال .. تريقتي؟؟!! مريم: بتريق بعدين .. خالي قعد؟! جواهر: ايه قاعد فمكتبه مريم: خلاص انا بروح له جواهر: اوكيه قعدت جواهر فالصالة تتريا طلال .. اما مريم فكملت دربها حق مكتب خالها و في المكتب سمع بو طلال طق خفيف عالباب بوطلال: من مريم: خالي هذي انا مريم بو طلال قام بنفسه و فتح لمريم الباب بوطلال: هلا و الله .. هلا بالغالية .. تعالي دشي داخل مريم عقب ما دشت و قعدت مجابلة خالها مريم: خالي ابي اقولك شي بو طلال: تفضلي خالي قولي اللي عندج و لا تستحين .. خالج كله تحت امرج مريم عقب ما استحت و ابتسمت: افا خالي ما يامر عليك عدو بوطلال: يلا قولي اسمعج مريم: احم .. خالي انا فكرت وايد و استخرت ربي و صليت .. و .. و قررت اني اروح حق ابوي بوطلال انصدم .. استغرب من رايها المفاجئ .. بس هو اليوم يشوفها احسن من كل يوم .. و هذا شي يبشر .. و اذا رجعتها لابوها بتريحها .. اكيد هو ما بيوقف بطريجها .. صح فراقها صعب .. بس مصلحة مريم فوق كل شي مريم: شقلت خالي؟؟ بوطلال: و الله يا مريم ابوج كاهو كل يوم يتصل يتطمن عليج .. و وده يشوفج و اللي تبينه انا تحت امرج مريم: شكرا خالي .. بس بغيت اطلب منك طلب بوطلال: تفضلي الغالية مريم: ما ابي ابوي يعرف بييتي بوطلال: شلون .. ليش ما تبينه يعرف؟؟ مريم: بس خالي .. انا بروح بدون لا هو يعرف ارجوك خالي بوطلال: خلاص اللي تامرين به يا مريم مريم: خالي .... متى بنروح بو طلال: أي وقت تبين حتى لو باجر مريم: لالا باجر وايد من وقت انا ابي اسبوع على الاقل ارتب نفسي بوطلال بابتسامة: خلاص صار يا مريم طلعت مريم من مكتب خالها .. و ردت البيت و هنادي بعدها نايمة .. نزلت مريم تحت عند يدها و يدتها تخبرهم بقرارها .. و تنطر هنادي تقوم عشان تقولها على شنو اهي قررت ............. جواهر عقب ما ملت من الانتظار فالصالة ردت ركبت فوق .. بتنطر ربع ساعه لو ما عرفت عنه شي خلاص بتخبر امه و ابوه .. بروحها ميتة من الخوف ما كملت عشر دقايق الا و طلال داخل عليها الغرفة جواهر فرحت من داخلها انه بخير و ما فيه شي .. صح شكله شوي تعبان بس هو واقف جدامها بخير .. طبعا جواهر المفروض انها زعلانه من طلال فيات بتطلع من الغرفة .. الا و طلال ماسك ايدها طلال بصوت مبحوح: جواهر جواهر من غير لا تلف عليه: نعم طلال بترجي: جواهر ارجوج ابي اقعد وياج .. ابي اكلمج تنهدت جواهر و ردت تقعد عالكرسي .. هي تحب طلال و ما تقدر ترفض له طلب طلال: اه جواهر انا هب عارف شلون ابتدي بالكلام .. انا قصرت معاج وايد .. وايد جواهر جواهر كانت ساكتة و تسمع طلال طلال و هو هب عارف شلون يرتب الكلام .. كمل و هو يطالع تحت: جواهر انا اسف جواهر: وين اصرفها اسف هذي انا طلال: جواهر انا متاكد انه قلبج كبير جواهر: و شاللي غيرك الحين .. كاني ييتك من قبل و صديتني و لا هي شبعت منك خلاص .. و التفت على غيرك؟! طلال: معاج حق في كل اللي تقولينه جواهر .. انا ادري اني غلطان .. رحت لها و هديتج و احنا فبداية زواجنا .. لكنها ما تسوى ظفرج صدقيني .. و الحمدلله الله كشفها و عرفتها على حقيقتها جواهر و هيه خلاص هب قادرة تتحمل و قامت على طولها: لا و الله و الحين عقب ما هيه هدتك ييت لي .. ايه انا الطوفة الهبيطة .. تيي لي متى ما تبي و تهدني لي شبعت مني .. لا يا طلال انا هب لعبة عندك و عندها .. و انا اللي عفتك الحين طلال خاف من اللي بيسمعه و سكت و تم يطالعها جواهر: طلقني طلال طلال و هو يقوم: لا جواهر انتي شتقولين .. اطلقج .. مستحيل جواهر مستحيل جواهر: طلال انا صبرت عليك وايد .. و كنت اتمنى و احلم باليوم اللي تحس به بغلطك و ترجع لي .. بس انا تمنيت انك ترجع لي من نفسك .. لانك حسيت بغلطك .. هب ترجع لي و انت مهزوم .. لانها هيه باعتك .. لا طلال .. انا لو سامحتك بترد تعيدها مرة و ثنتين و ثلاث لي متى بسامح لي متى ؟؟ طلال: اوعدج اوعدج اني ما بعيدها .. ارجوج جواهر عطيني فرصة ارجوج جواهر فهاللحظة كانت تحس بضغط .. ضغط فضيع اول مرة تحس به .. كرامتها تمنعها ترجع له .. فنفس الوقت هيه تحبه و ما تقدر تشوفه يتذلل لها اكثر من جذيه .. و هالياهل اللي ببطنها .. انهارت جواهر و قعدت على الارض تصيح مثل الياهل .. بالفعل ما كانت عارفة شتسوي ياها طلال: جواهر ارجوج لا تصيحين .. عشاني ارجوج لا تسوين بنفسج جذيه .. خذ طلال جواهر بحضنه و هي استسلمت بحضنه تصيح مثل الياهل اما هو فتم يمسح على شعرها .. يمكن تحن عليه شوي .. طلال و هو يبوس جواهر على راسها: قومي قومي معاي حبيبتي لا تقعدين تصيحين عالارض جذيه قامت جواهر و فجاة حست بدوخة طلال: شفيج؟؟ جواهر: ما اشوف شي .. حاسة بدوخة .. طلال يودني يه طلال و قعدها عالكرسي .. طلال: شفيج حبيبتي؟؟ قومي قومي بوديج المستشفى جواهر: لالا ما في داعي طلال: شلون مافي داعي .. قومي يلا جواهر و هي تاخذ نفس و تتنهد: طلال عادي لا تخاف .. انا حامل و الارهاق هب زين عليي طلال و هو جنه سمع شي بس يبي يتاكد: شقلتي؟؟ جواهر: ايه طلال .. انا حامل و بثلاث شهور بعد طلال بفرح: و الله .. و الله جواهر انتي حامل .. و ليش ما قلتي لي ليش؟؟ جواهر: كنت بقولك بس كان نفس اليوم اللي قلت لي انك بتتزوجها طلال: الله يلعنه من يوم .. لا تذكريني حبيبتي طلال: جواهر .. جواهر التفتت عليه دون لا تتكلم طلال بهمس: احبج جواهرابتسمت و قطت نفسها بحضن طلال جواهر: احبك طلال .. احبك .................... في العين .. و بالتحديد في مستشفى توام .. الكل متجمع بما فيهم شمسة بنت عم نورة اللي يت لها تواسيها .. مايد من أمس طايح في غيبوبة .. و الله العالم يقوم منها او لا .. و متى بيقوم .. هذا اذا قام .. الكل قاعد برع يدعي ربه و يرجيه انه يقومه بالسلامة و يصحى من الغيبوبة .. بسبة الحادث اللي سواه مايد .. صارت عنده تشوهات في فقرات العمود الفقري لازمها عملية .. بس لازم يقوم قبل من الغيبوبة نورة و شمسة كانوا قاعدين بعيد شوي عن الباقيين .. نورة مموتة نفسها من الصياح و شمسة واقفة معاها شمسة: بس خلاص بسج عاد .. خافي ربج انتي حامل نورة: ما باسامح نفسي يا شمسة اذا صار له شي شمسة: استغفري ربج .. انتي شذنبج .. بعدين ما بيدج شي نورة: من يوم خذني و انا معيشته فعذاب و هو يموت عالتراب اللي امشي عليه .. عمره ما زعلني بشي .. و الحين يوم بديت احبه و اتعلق فيه بيروح مني بيروح يا شمسة شمسة: استغفر الله .. استغفري ربج .. ان شاءالله بيقوم .. بعدين انا ياما نصحتج .. بس شيفيد اللوم الحين .. الله بيقومه ان شاءالله و تقولين له هالكلام بنفسج نورة: يا رب ادعي له يا شمسة ادعي له شمسة: مايد طيب و الله بينجيه ان شاءالله .. انتي بس قومي اكلي لج شي و روحي البيت ارتاحي .. انتي حامل و بالشهور الاخيرة بعد نورة: و وين يهنا لي الاكل و مايد بين الحيا و الموت شمسة: نورة حبيبتي على الاقل روحي البيت ارتاحي بغرفتج شوي نورة: حشى عليي ما طبيت الغرفة و مايد مو فيها .. انا ما بروح بتم هنيه شمسة: حرام عليج نورة .. كفاية امه شوفي حالها مسكينة نورة: و انا مو مسكينة .. مو كفاية انه ابو ولدي بين الحيا و الموت شمسة: لا اله الا الله .. قومي قومي حبيبتي .. امج تحاتيج وايد نورة: هب قايمة قبل لا يقوم مايد عيزت شمسة فنورة .. بس نورة بطبعها عنيدة اصرت انها اتم عدال مايد و ما ترجع .. و عقب الحاح من الكل اولهم امها ردت بالليل .. عقب ما اقنعوهم المستشفى ان قعدتهم ما منها فايدة .. و لو صار شي هم بيتصلون لهم ردوا كلهم البيت .. بس و كانت معاهم نورة اللي ما رضت تروح غرفتها .. بسبت حمالها و تعبها .. و لانها حلفت ما تبات فالغرفة ليلة من غير مايد .. سبحان الله نورة تمت تعاند فمايد و تعذبه .. و هو ميت عليها .. و اليوم يوم بعد عنها .. و هو بين الحياة و الموت .. ندمت و اخيرا اعترفت بحبها له سبحان الله الواحد ما يحس بقيمة الشي الا اذا فقده؟! .......... مر شهر عقب هالاحداث مايد بعده راقد فغيبوبة .. و نورة طبعا كل يوم عنده تتم .. ترد اليبت تريح و ترد تييه و تبات عنده ساعات .. و فهالفترة و بسبب خوفها على مايد زاد حبها له!! طلال و جواهر علاقتهم وايد احسن عن الاول .. طلال قام يهتم بجواهر اكثر .. و ابد ما يطلع من البيت بدونها الا للضرورة .. و هي نفس الشي و فهالفترة زادت علاقة طلال باهله خصوصا هنادي !! بو محمد على نفس حاله هالعيوز غاثيته و كل يوم يتصل يتطمن على بنته فهد سافر يلحق مرته ببلادها .. لانه راحت تولد هناك من يوم و هي بالشهر الخامس مريم خلاص باجر بتروح الامارات و قاعده تجهز أغراضها و هنادي وياها .. و كانت وايد حزنانة و طول هالشهر و هيه تحاول تخش زعلها عن مريم عشان لا تضايقها .. و مريم نفس الشي!! مريم و هي تحط اغراضها و هنادي يمها تساعدها .. و بداخلها حزن عميق .. و كانت ساكتة و لا تتحجى مريم: ممم هنادي هنادي بهدوء على غير عادتها: نعم مريم: شفيج؟؟ هنادي: ما فيني شي مريم: لا فيج شي صار لج فترة لا تتحجين و لا شي .. و كله ساكتة .. خصوصا معاي انا هنيه قامت هنادي و طلعت من الغرفة و راحت بيتهم على طول مريم قامت تلحق هنادي . و بنزلتها شافت يدها و يدتها قاعدين تحت .. "طبعا يدها من يوم وفاة ام مريم ما عاد يتكلم ابد و حاله من سيء لأسوء" .. اليدة نادت مريم اليدة: ها يما مريم برزتي اغراضج؟؟ مريم: ايه يما خلصت .. باقي بس شوية اغراض اليدة: و متى طيارتج باجر؟؟ مريم: الصبح يما .. الساعه 9 اتطير ان شاءالله اليدة: و الله ما ادري شلون بيكون البيت من غيرج يا مريم .. و بدت اليدة مناحة و قامت تصيح .. قامت لها مريم .. و حضنتها و تمت تصيح معاها مريم: يما انا ما بهدكم .. انا برجع لكم انا ما بتم هناك و تمت مريم تسكت فيدتها .. اللي بدت مناحة و ما رضت تسكت عقب ما سكتت مريم يدتها .. راحت صوب بيت هنادي و ركبت لها فوق .. شافتها قاعده على السرير و تصيح مريم و هي تقعد يمها: هنادي هنادي كانت ما ترد مريم: هنادي .. ردي عليي .. انا ادري انج متضايقة .. و انا اكثر منج .. بس انا مجبورة .. و انتي اكثر وحدة كنتي تشجعيني و تقنعيني باني اشوف ابوي .. سكتت و تنهدت .. اوهو عاد ردي عليي هنادي و هي تصيح: ادري مريم .. انا ابيج تسوين الصح و تشوفين ابوج .. بس انا بعد ما اقدر على فراقج .. بتم وحيدة مريم: أي فراق .. يالغبية لا تقولين هالحجي .. و لا أي شيء فالدنيا بيفرقنا ان شاءالله .. انا بروح اشوف ابوي و برد ما بتم هناك .. لا تتصورين اني بقدر اهدكم فيوم هنادي و هي تمسح دموعها: يعني ما بتعيشين هناك مريم بابتسامه: لا ما بعيش هناك .. قامت مريم و حضنت هنادي و قالت: انا ما اقدر ابتعد عنكم و تموا يسولفون هنادي: مريوم .. تتوقعين بتشوفين خليفة هناك؟! مريم و هي تبتسم: شدعوه فيلم هندي .. الامارات كبيرة وين بشوفه .. انا الا بشوف ابوي و برجع ان شاءالله هنادي و هي تغمز : بعد ربج .. يمكن قلبه يدله و يشوفج مريم: لا و الله .. تصدقين هنوود لولوة اليوم يوم يت تسلم عليي تقول ان خليفة كان ايي كل يوم عزا امي الله يرحمها مع سلمان هنادي: تدرين ميمي يوم كنتي بالمستشفى انا شفته مرتين موجود قريب من مكان الغرفة مالتج سكتت مريم و تمت تفكر بينها و بين نفسها هنادي: الا على طاري لولوة .. شخبارها و متى بتعرس؟؟ مريم: تقول بنص السنة ان شاءالله و تموا مريم و هنادي يسولفون لين الساعه 1 بالليل عقب قامت مريم .. تكمل ترتيب اغراضها و نامت عندها هنادي ............ فغرفة مايد فالعين .. كانت نورة نايمة عنده اليوم .. عاندت و ما رضت ترد معاهم البيت و تمت وياه نورة كانت قاعده قريب من مايد و تتامل بويهه شقد كان ويهه حلو.. اول مرة تحس بهالاحساس .. شافت اشياء وايدة بويه مايد ما كانت تشوفها فيه من قبل يا ترى هل هيه ما كانت تلاحظ كل هالاشياء بسبب كرهها له ؟! قربت نورة اكثر من مايد و تمت اتكلمه .. متى بتقوم حبيبي .. متى بتقوم و تنور حياتي .. ابي اقولك اشياء وايد .. ابي اقولك اني احبك .. احبك وايد .. و ترى فراقك مو سهل علي .. ااه فيوم من الايام ما كنت ابي منك ولد .. و لا ابي اتم على ذمتك و ابيك تطلقني .. بس اليوم ابيك انت و ما ابي احد غيرك .. و لا ابي عيال من غيرك .. ااه يا مايد متى بتقوم و تاخذني بحضنك و تريحني .. متى بشوف نظرات عيونك اللي كلها حب و حنان .. غصبا عنها نزلت دموعها .. باست مايد على خده و قامت تصلي لها ركعتين .. و تدعي ربها ان يشفي مايد "حبيبها" .................... في اليوم الثاني قامت مريم من وقت و هي بالاصل ما قدرت تنام من كثر ما كانت تحاتي هاليوم .. تسبحت و صلت الصبح و بدلت ملابسها و سلمت على اهلها و طبعا الكل تم يصيح بما فيهم اليدة و جواهر و هنادي اللي ابدا ما سكتت .. حتى مريم تمت تصيح معاهم .. ودعتهم و ركبت الطيارة شايلة معاها احلى ذكريات من دلمون أرض الخير .. و رايحة دار زايد دار الكرم و الجود

حاااااضرين انتوا ما طلبتوا شي

الصراحة انا اليوم وايد تعبانة و باروح ارقد سوري بس باحر بانزل لكم الباقي يالغاليين

قعدت من النوم من وقت و تحس نفسها احسن بوايد من امس .. قعدت و ببالها قرار لازم تنفذه .. يمكن هو جواب الاستخارة اللي امس صلتها .. تسبحت و نزلت تحت .. ما شافت لا يدها و لا يدتها .. بس راحت على طول بيت خالها تقوله بقرارها مريم و هي تدخل بيت خالها: السلام عليكم جواهر: هلا مريمي .. شلونج حبيبتي؟؟ مريم عورها قلبها لانه امها كانت دايما تقول لها مريمي: انا بخير الحمدلله .. انتي اللي شفيج .. شكلج تعبانة؟! جواهر: لا ما فيني شي .. بس تعب الحمال .. تريقتي؟؟!! مريم: بتريق بعدين .. خالي قعد؟! جواهر: ايه قاعد فمكتبه مريم: خلاص انا بروح له جواهر: اوكيه قعدت جواهر فالصالة تتريا طلال .. اما مريم فكملت دربها حق مكتب خالها و في المكتب سمع بو طلال طق خفيف عالباب بوطلال: من مريم: خالي هذي انا مريم بو طلال قام بنفسه و فتح لمريم الباب بوطلال: هلا و الله .. هلا بالغالية .. تعالي دشي داخل مريم عقب ما دشت و قعدت مجابلة خالها مريم: خالي ابي اقولك شي بو طلال: تفضلي خالي قولي اللي عندج و لا تستحين .. خالج كله تحت امرج مريم عقب ما استحت و ابتسمت: افا خالي ما يامر عليك عدو بوطلال: يلا قولي اسمعج مريم: احم .. خالي انا فكرت وايد و استخرت ربي و صليت .. و .. و قررت اني اروح حق ابوي بوطلال انصدم .. استغرب من رايها المفاجئ .. بس هو اليوم يشوفها احسن من كل يوم .. و هذا شي يبشر .. و اذا رجعتها لابوها بتريحها .. اكيد هو ما بيوقف بطريجها .. صح فراقها صعب .. بس مصلحة مريم فوق كل شي مريم: شقلت خالي؟؟ بوطلال: و الله يا مريم ابوج كاهو كل يوم يتصل يتطمن عليج .. و وده يشوفج و اللي تبينه انا تحت امرج مريم: شكرا خالي .. بس بغيت اطلب منك طلب بوطلال: تفضلي الغالية مريم: ما ابي ابوي يعرف بييتي بوطلال: شلون .. ليش ما تبينه يعرف؟؟ مريم: بس خالي .. انا بروح بدون لا هو يعرف ارجوك خالي بوطلال: خلاص اللي تامرين به يا مريم مريم: خالي .... متى بنروح بو طلال: أي وقت تبين حتى لو باجر مريم: لالا باجر وايد من وقت انا ابي اسبوع على الاقل ارتب نفسي بوطلال بابتسامة: خلاص صار يا مريم طلعت مريم من مكتب خالها .. و ردت البيت و هنادي بعدها نايمة .. نزلت مريم تحت عند يدها و يدتها تخبرهم بقرارها .. و تنطر هنادي تقوم عشان تقولها على شنو اهي قررت ............. جواهر عقب ما ملت من الانتظار فالصالة ردت ركبت فوق .. بتنطر ربع ساعه لو ما عرفت عنه شي خلاص بتخبر امه و ابوه .. بروحها ميتة من الخوف ما كملت عشر دقايق الا و طلال داخل عليها الغرفة جواهر فرحت من داخلها انه بخير و ما فيه شي .. صح شكله شوي تعبان بس هو واقف جدامها بخير .. طبعا جواهر المفروض انها زعلانه من طلال فيات بتطلع من الغرفة .. الا و طلال ماسك ايدها طلال بصوت مبحوح: جواهر جواهر من غير لا تلف عليه: نعم طلال بترجي: جواهر ارجوج ابي اقعد وياج .. ابي اكلمج تنهدت جواهر و ردت تقعد عالكرسي .. هي تحب طلال و ما تقدر ترفض له طلب طلال: اه جواهر انا هب عارف شلون ابتدي بالكلام .. انا قصرت معاج وايد .. وايد جواهر جواهر كانت ساكتة و تسمع طلال طلال و هو هب عارف شلون يرتب الكلام .. كمل و هو يطالع تحت: جواهر انا اسف جواهر: وين اصرفها اسف هذي انا طلال: جواهر انا متاكد انه قلبج كبير جواهر: و شاللي غيرك الحين .. كاني ييتك من قبل و صديتني و لا هي شبعت منك خلاص .. و التفت على غيرك؟! طلال: معاج حق في كل اللي تقولينه جواهر .. انا ادري اني غلطان .. رحت لها و هديتج و احنا فبداية زواجنا .. لكنها ما تسوى ظفرج صدقيني .. و الحمدلله الله كشفها و عرفتها على حقيقتها جواهر و هيه خلاص هب قادرة تتحمل و قامت على طولها: لا و الله و الحين عقب ما هيه هدتك ييت لي .. ايه انا الطوفة الهبيطة .. تيي لي متى ما تبي و تهدني لي شبعت مني .. لا يا طلال انا هب لعبة عندك و عندها .. و انا اللي عفتك الحين طلال خاف من اللي بيسمعه و سكت و تم يطالعها جواهر: طلقني طلال طلال و هو يقوم: لا جواهر انتي شتقولين .. اطلقج .. مستحيل جواهر مستحيل جواهر: طلال انا صبرت عليك وايد .. و كنت اتمنى و احلم باليوم اللي تحس به بغلطك و ترجع لي .. بس انا تمنيت انك ترجع لي من نفسك .. لانك حسيت بغلطك .. هب ترجع لي و انت مهزوم .. لانها هيه باعتك .. لا طلال .. انا لو سامحتك بترد تعيدها مرة و ثنتين و ثلاث لي متى بسامح لي متى ؟؟ طلال: اوعدج اوعدج اني ما بعيدها .. ارجوج جواهر عطيني فرصة ارجوج جواهر فهاللحظة كانت تحس بضغط .. ضغط فضيع اول مرة تحس به .. كرامتها تمنعها ترجع له .. فنفس الوقت هيه تحبه و ما تقدر تشوفه يتذلل لها اكثر من جذيه .. و هالياهل اللي ببطنها .. انهارت جواهر و قعدت على الارض تصيح مثل الياهل .. بالفعل ما كانت عارفة شتسوي ياها طلال: جواهر ارجوج لا تصيحين .. عشاني ارجوج لا تسوين بنفسج جذيه .. خذ طلال جواهر بحضنه و هي استسلمت بحضنه تصيح مثل الياهل اما هو فتم يمسح على شعرها .. يمكن تحن عليه شوي .. طلال و هو يبوس جواهر على راسها: قومي قومي معاي حبيبتي لا تقعدين تصيحين عالارض جذيه قامت جواهر و فجاة حست بدوخة طلال: شفيج؟؟ جواهر: ما اشوف شي .. حاسة بدوخة .. طلال يودني يه طلال و قعدها عالكرسي .. طلال: شفيج حبيبتي؟؟ قومي قومي بوديج المستشفى جواهر: لالا ما في داعي طلال: شلون مافي داعي .. قومي يلا جواهر و هي تاخذ نفس و تتنهد: طلال عادي لا تخاف .. انا حامل و الارهاق هب زين عليي طلال و هو جنه سمع شي بس يبي يتاكد: شقلتي؟؟ جواهر: ايه طلال .. انا حامل و بثلاث شهور بعد طلال بفرح: و الله .. و الله جواهر انتي حامل .. و ليش ما قلتي لي ليش؟؟ جواهر: كنت بقولك بس كان نفس اليوم اللي قلت لي انك بتتزوجها طلال: الله يلعنه من يوم .. لا تذكريني حبيبتي طلال: جواهر .. جواهر التفتت عليه دون لا تتكلم طلال بهمس: احبج جواهرابتسمت و قطت نفسها بحضن طلال جواهر: احبك طلال .. احبك .................... في العين .. و بالتحديد في مستشفى توام .. الكل متجمع بما فيهم شمسة بنت عم نورة اللي يت لها تواسيها .. مايد من أمس طايح في غيبوبة .. و الله العالم يقوم منها او لا .. و متى بيقوم .. هذا اذا قام .. الكل قاعد برع يدعي ربه و يرجيه انه يقومه بالسلامة و يصحى من الغيبوبة .. بسبة الحادث اللي سواه مايد .. صارت عنده تشوهات في فقرات العمود الفقري لازمها عملية .. بس لازم يقوم قبل من الغيبوبة نورة و شمسة كانوا قاعدين بعيد شوي عن الباقيين .. نورة مموتة نفسها من الصياح و شمسة واقفة معاها شمسة: بس خلاص بسج عاد .. خافي ربج انتي حامل نورة: ما باسامح نفسي يا شمسة اذا صار له شي شمسة: استغفري ربج .. انتي شذنبج .. بعدين ما بيدج شي نورة: من يوم خذني و انا معيشته فعذاب و هو يموت عالتراب اللي امشي عليه .. عمره ما زعلني بشي .. و الحين يوم بديت احبه و اتعلق فيه بيروح مني بيروح يا شمسة شمسة: استغفر الله .. استغفري ربج .. ان شاءالله بيقوم .. بعدين انا ياما نصحتج .. بس شيفيد اللوم الحين .. الله بيقومه ان شاءالله و تقولين له هالكلام بنفسج نورة: يا رب ادعي له يا شمسة ادعي له شمسة: مايد طيب و الله بينجيه ان شاءالله .. انتي بس قومي اكلي لج شي و روحي البيت ارتاحي .. انتي حامل و بالشهور الاخيرة بعد نورة: و وين يهنا لي الاكل و مايد بين الحيا و الموت شمسة: نورة حبيبتي على الاقل روحي البيت ارتاحي بغرفتج شوي نورة: حشى عليي ما طبيت الغرفة و مايد مو فيها .. انا ما بروح بتم هنيه شمسة: حرام عليج نورة .. كفاية امه شوفي حالها مسكينة نورة: و انا مو مسكينة .. مو كفاية انه ابو ولدي بين الحيا و الموت شمسة: لا اله الا الله .. قومي قومي حبيبتي .. امج تحاتيج وايد نورة: هب قايمة قبل لا يقوم مايد عيزت شمسة فنورة .. بس نورة بطبعها عنيدة اصرت انها اتم عدال مايد و ما ترجع .. و عقب الحاح من الكل اولهم امها ردت بالليل .. عقب ما اقنعوهم المستشفى ان قعدتهم ما منها فايدة .. و لو صار شي هم بيتصلون لهم ردوا كلهم البيت .. بس و كانت معاهم نورة اللي ما رضت تروح غرفتها .. بسبت حمالها و تعبها .. و لانها حلفت ما تبات فالغرفة ليلة من غير مايد .. سبحان الله نورة تمت تعاند فمايد و تعذبه .. و هو ميت عليها .. و اليوم يوم بعد عنها .. و هو بين الحياة و الموت .. ندمت و اخيرا اعترفت بحبها له سبحان الله الواحد ما يحس بقيمة الشي الا اذا فقده؟! .......... مر شهر عقب هالاحداث مايد بعده راقد فغيبوبة .. و نورة طبعا كل يوم عنده تتم .. ترد اليبت تريح و ترد تييه و تبات عنده ساعات .. و فهالفترة و بسبب خوفها على مايد زاد حبها له!! طلال و جواهر علاقتهم وايد احسن عن الاول .. طلال قام يهتم بجواهر اكثر .. و ابد ما يطلع من البيت بدونها الا للضرورة .. و هي نفس الشي و فهالفترة زادت علاقة طلال باهله خصوصا هنادي !! بو محمد على نفس حاله هالعيوز غاثيته و كل يوم يتصل يتطمن على بنته فهد سافر يلحق مرته ببلادها .. لانه راحت تولد هناك من يوم و هي بالشهر الخامس مريم خلاص باجر بتروح الامارات و قاعده تجهز أغراضها و هنادي وياها .. و كانت وايد حزنانة و طول هالشهر و هيه تحاول تخش زعلها عن مريم عشان لا تضايقها .. و مريم نفس الشي!! مريم و هي تحط اغراضها و هنادي يمها تساعدها .. و بداخلها حزن عميق .. و كانت ساكتة و لا تتحجى مريم: ممم هنادي هنادي بهدوء على غير عادتها: نعم مريم: شفيج؟؟ هنادي: ما فيني شي مريم: لا فيج شي صار لج فترة لا تتحجين و لا شي .. و كله ساكتة .. خصوصا معاي انا هنيه قامت هنادي و طلعت من الغرفة و راحت بيتهم على طول مريم قامت تلحق هنادي . و بنزلتها شافت يدها و يدتها قاعدين تحت .. "طبعا يدها من يوم وفاة ام مريم ما عاد يتكلم ابد و حاله من سيء لأسوء" .. اليدة نادت مريم اليدة: ها يما مريم برزتي اغراضج؟؟ مريم: ايه يما خلصت .. باقي بس شوية اغراض اليدة: و متى طيارتج باجر؟؟ مريم: الصبح يما .. الساعه 9 اتطير ان شاءالله اليدة: و الله ما ادري شلون بيكون البيت من غيرج يا مريم .. و بدت اليدة مناحة و قامت تصيح .. قامت لها مريم .. و حضنتها و تمت تصيح معاها مريم: يما انا ما بهدكم .. انا برجع لكم انا ما بتم هناك و تمت مريم تسكت فيدتها .. اللي بدت مناحة و ما رضت تسكت عقب ما سكتت مريم يدتها .. راحت صوب بيت هنادي و ركبت لها فوق .. شافتها قاعده على السرير و تصيح مريم و هي تقعد يمها: هنادي هنادي كانت ما ترد مريم: هنادي .. ردي عليي .. انا ادري انج متضايقة .. و انا اكثر منج .. بس انا مجبورة .. و انتي اكثر وحدة كنتي تشجعيني و تقنعيني باني اشوف ابوي .. سكتت و تنهدت .. اوهو عاد ردي عليي هنادي و هي تصيح: ادري مريم .. انا ابيج تسوين الصح و تشوفين ابوج .. بس انا بعد ما اقدر على فراقج .. بتم وحيدة مريم: أي فراق .. يالغبية لا تقولين هالحجي .. و لا أي شيء فالدنيا بيفرقنا ان شاءالله .. انا بروح اشوف ابوي و برد ما بتم هناك .. لا تتصورين اني بقدر اهدكم فيوم هنادي و هي تمسح دموعها: يعني ما بتعيشين هناك مريم بابتسامه: لا ما بعيش هناك .. قامت مريم و حضنت هنادي و قالت: انا ما اقدر ابتعد عنكم و تموا يسولفون هنادي: مريوم .. تتوقعين بتشوفين خليفة هناك؟! مريم و هي تبتسم: شدعوه فيلم هندي .. الامارات كبيرة وين بشوفه .. انا الا بشوف ابوي و برجع ان شاءالله هنادي و هي تغمز : بعد ربج .. يمكن قلبه يدله و يشوفج مريم: لا و الله .. تصدقين هنوود لولوة اليوم يوم يت تسلم عليي تقول ان خليفة كان ايي كل يوم عزا امي الله يرحمها مع سلمان هنادي: تدرين ميمي يوم كنتي بالمستشفى انا شفته مرتين موجود قريب من مكان الغرفة مالتج سكتت مريم و تمت تفكر بينها و بين نفسها هنادي: الا على طاري لولوة .. شخبارها و متى بتعرس؟؟ مريم: تقول بنص السنة ان شاءالله و تموا مريم و هنادي يسولفون لين الساعه 1 بالليل عقب قامت مريم .. تكمل ترتيب اغراضها و نامت عندها هنادي ............ فغرفة مايد فالعين .. كانت نورة نايمة عنده اليوم .. عاندت و ما رضت ترد معاهم البيت و تمت وياه نورة كانت قاعده قريب من مايد و تتامل بويهه شقد كان ويهه حلو.. اول مرة تحس بهالاحساس .. شافت اشياء وايدة بويه مايد ما كانت تشوفها فيه من قبل يا ترى هل هيه ما كانت تلاحظ كل هالاشياء بسبب كرهها له ؟! قربت نورة اكثر من مايد و تمت اتكلمه .. متى بتقوم حبيبي .. متى بتقوم و تنور حياتي .. ابي اقولك اشياء وايد .. ابي اقولك اني احبك .. احبك وايد .. و ترى فراقك مو سهل علي .. ااه فيوم من الايام ما كنت ابي منك ولد .. و لا ابي اتم على ذمتك و ابيك تطلقني .. بس اليوم ابيك انت و ما ابي احد غيرك .. و لا ابي عيال من غيرك .. ااه يا مايد متى بتقوم و تاخذني بحضنك و تريحني .. متى بشوف نظرات عيونك اللي كلها حب و حنان .. غصبا عنها نزلت دموعها .. باست مايد على خده و قامت تصلي لها ركعتين .. و تدعي ربها ان يشفي مايد "حبيبها" .................... في اليوم الثاني قامت مريم من وقت و هي بالاصل ما قدرت تنام من كثر ما كانت تحاتي هاليوم .. تسبحت و صلت الصبح و بدلت ملابسها و سلمت على اهلها و طبعا الكل تم يصيح بما فيهم اليدة و جواهر و هنادي اللي ابدا ما سكتت .. حتى مريم تمت تصيح معاهم .. ودعتهم و ركبت الطيارة شايلة معاها احلى ذكريات من دلمون أرض الخير .. و رايحة دار زايد دار الكرم و الجود

فالبحرين و بغرفة مريم بالتحديد .. كانت مريم قاعدة عالكرسي و بالها مشغول و ما هو بمعاها .. و مجابلة صورة امها و تصيح صياح مو طبيعي .. فجاة نقزت مريم على صوت هنادي هنادي استغربت صياح مريم .. لانها بالاونة الاخيرة هدت شوي .. بس اليوم تصيح صياح مو طبيعي .. هنادي خافت و راحت ركض لمريم هنادي: بسم الله عليج .. مريم حبيبتي شفيج؟؟ مريم كانت تشهق فالصياح و ما ترد هنادي: مريووم لا تخرعيني شفيج ردي!! مريم حضنت هنادي و زاد صياحها و بدى صوتها يعلى هنادي و هي تمسح على راسها: حبيبتي اهدي شوي و قولي لي شفيج .. حد زعلج .. مريووم شفيج؟؟!! مريم: امي زعلانة عليي هنوود هنادي استغربت: شنو .. مريم شهالكلام امج الله يرحمها .. ادعيلها حبيبتي .. ادعيلها مريم: انا حلمتها امس هنوود .. حلمت بامي زعلانة عليي و ما تبي تحاجيني .. احاجيها و ما ترد عليي .. بحياتها ما زعلت عليي .. شلون احين زعلانة عليي هنادي!! هنادي: حبيبتي تعوذي من الشيطان .. هذا الشيطان يلعب عليج مريم: لا انا حاسة .. من يوم ما رفضت اشوف ابوي و احسها زعلت عليي هنادي: ما ادري شاقولج مريم!! مريم: هنادي قوليلي انا غلطانة و لا لا .. هب عارفة شنو اسوي او اتصرف هنادي: سوات ربج ابرك .. قومي صلي لج ركعتين و ربي بيهديج ان شاءالله .. و عقب فكري عدل .. مريم بصراحة انا ما بيج تروحين عنا .. بس هذي ابوج و له حق عليج .. طول عمرج عقلج كبير و قلبج اكبر .. و هذا ابوج مريم: بس هو ما فكر حتى يسال عنا .. انا و امي الله يرحمها هنادي: ابوي قالج .. مرته اللي هي مرت ابوج كانت قوية و هيه بنت عمه .. و اهله جبروه يعني يدج و يدتج مريم: تصدقين هنادي .. على كل اللي سواه ابوي امي ما كانت تييب سيرته الا بالخير .. احسها كانت تحبه هنادي: مريم امج كانت طيبة وايد .. كفاية انها ما رضت تتزوج عقبه .. صح هي ما كانت تبي لج ريل ام .. بس بعد اكيد كانت تحبه و ما تبي غيره احد مريم: انزين نصحيني هنادي شاسوي؟؟ هنادي: قلت لج قومي صلي .. ربي اخير عني و عنج مريم: هنادي .. رقدي عندي اليوم .. الله يخليج .. محتاجتج و الله هنادي: و لا يهمج .. بروح اتصل فامي و بييب ثيابي و بيي مريم: كا تلفوني اتصلي منه .. و خذي ثياب من عندي هنادي بابتسامة دافية و حنونة: خلاص .. اوكيه ................ بو محمد قاعد بمكتبه و الحزن مغطيه .. من يوم ما رجع من البحرين و هو دايما قاعد زعلان و ماله خلق يكلم احد .. فجاة سمع دق خفيف عالباب بو محمد: ادخل شمسة: السلام عليكم ابوية بومحمد: هلا فيج الغالية .. تعالي ايلسي شمسة: شحالك ابوية؟؟ بومحمد: يسرج حالي .. خير شمسة؟؟ شمسة: بس ييت اسال عنك .. بعدين اماية حطت العشى بو محمد: لا انا ما ابي ااكل .. تعشوا انتوا شمسة: شدعوه ابويا .. شو بلاك ؟؟ من رديت من البحرين و انت حالك هب عايبني بومحمد: ما فيني شي حبيبتي .. روحي انتي تعشي بو محمد كان وده لو مرته الحين يمه .. و تخفف عليه .. لكنها بروحها فرحانه ان بنته ما رضت ترد معاه .. يا ربي شقد هالحرمة انانية و حقودة .. الام ماتت شيخص بنتي .. مو كفاية حرموني من امينة .. ااااه الله يرحمج يا امينة .. سامحيني .. سامحيني يالغالية شمسة: باباتي وينك .. ارمسك انا بو محمد: ها بنتي خير .. شو بغيتي شمسة: بويا شبلاك .. عشان اختي مريم؟؟ بومحمد: السالفة اكبر من اختج مريم .. مريم و امها الله يرحمها شمسة: ابوية .. انا بخاطري اقولك شي .. بس مستحية منك بومحمد: قولي اللي بخاطرج شمسة: اخافك تزعل مني !! بومحمد: هب زعلان يلا ارمسي باللي فخاطرج شمسة: ابوية .. انته يوم دريت ان فهد تزوج .. عصبت و كنت تبي تطرده من البيت .. و انت .. ترددت شمسة و سكتت عقب بو محمد: قصدج عشاني انا بعد تزوجت بدون علم هلي .. و تزوجت على امج؟! شمسة و هي منزله راسها و بصوت واطي: هيه بو محمد و هو ينتهد: شوفي يا بنتي يا شمسة .. انتي تعرفين ان امج هيه بنت عمي .. و تعرفين ان عندنا البنت لولد عمها .. وا نا كان عادي عندي .. لا ابي امج .. و لا انا ما ابيها .. يعني عادي وافقت .. من اول ايام زواجنا لي الحين عمرها ما حسستني انها تحبني .. كل همها انها هي اللي تتحكم بكل شي بحياتنا .. و عقب ما يابت محمد و فهد صارت تهتم فيهم .. و انا ما جني موجود بحياتها .. و لو انها من الاساس ما كانت تهتم فيني شمسة كانت ساكتة و تسمع ابوها باهتمام بو محمد يكمل: عقبها سافرت البحرين .. تراني كنت اشتغل فطيران الخليج .. و كانت عندنا دورة هناك لمدة 6 شهور .. سافرت هناك و اجرت بيت .. و كانوا جيراني اهم اهل امينة الله يرحمها .. و تعرفت على اخوها احمد .. و كنت اشوفها الله يرحمها كل يوم و هي ياية من المدرسة و الصبح و هي رايحة .. كانت في حال سبيلها .. ويها هادي و مريح .. باختصار اعجبت فيها وايد .. هي من بين كل البنات .. و تقدمت لها .. هلها بالبداية رفضوا لاني ييت من غير هلي .. لكني كنت مصر .. و خطبتها اكثر من مرة .. و بالاخير وافقوا .. لانهم كانوا يعرفوني و يحبوني شرات ولدهم احمد .. طبعا انا ما خبرت هلي لانهم اكيد بيرفضون خصوصا ان امج تصير بنت عمي شمسة حست من كلام ابوها شقد اهو يحب امينة الله يرحمها .. و شقد امها مقصرة وياه .. تعاطفت مع ابوها و كملت سماع عقب ما تزوجنا .. امينة طبعا عاشت معاي بالبيت .. و عقب ما خلصت الدورة رديت الامارات .. و وعدتها اني بخبر هلي قريب و اخذها تعيش معاي هنيه .. هيه الله يرحمها كانت وايد صابرة عليي .. و لا عمرها اصرت عليي او ضغطت عليي اني اخبر هلي .. كانت قمة فالهدوء و الطيبة .. لو شفتيها يا شمسووه جان حبيتيها انتي بعد .. ايامي معاها كانت من احلى ايام عمري .. تمنيت لو هالايام ما تنتهي .. لكن للاسف عقب فترة يوم كانت امج توها حامل فيج .. هلي بدوا يشكون بكثرة روحاتي للبحرين .. و عقبها دروا اني متزوج .. اجبروني و حلفوا عليي اني اطلقها .. و حلفوا انهم يتبروون مني لو ما طلقتها .. تنهد و كمل و انا ظلمت هالمسكينة و طلقتها .. و وقتها كانت حامل بمريم .. و انقطعت اخباري عنها و اخبارها عني .. انا قلت دام ما بينا يهال .. خلاص خلني ما ارجع لها .. عشان ترتاح .. لاني ادري لو رديت لها .. هلي و امج ما بيخلونها فحالها .. ساعتها ما كنت ادري بحملها شمسة سكتت و ما عرفت شتقول .. يالله يا ربي .. يعني ابوية متحمل كل هذا بقلبه 20 سنة و ما تكلم .. مسكين حالك يا بويا بو محمد: اما فهد يا شمسة فهو اللي اختار نورة بنت عمه برضاه .. و سافر عساس انه يخلص دراسته و بيرد ياخذ نورة .. حير البنت .. و سافر و خذ وحدة .. لاهي من ثوبة .. و لا هي من دينة .. و ما عليج من تدينها اللي قاصة عليه فيه .. يوم كانوا ساكنين عندنا شهرين و لا مرة شفتها تصلي .. و فوق هذا كله من ورانا .. امينة غير يا شمسة غير .. على الاقل هي خليجية .. من ثوبي و من نفس ديني .. كفاية انه اهلها ناس من خيرة الناس فالبحرين و متدينين و طيبين شمسة: و الله ما عرف شاقولك يا بويا .. بس الله يلم شملك و يا مريم ان شاءالله بومحمد و هو يتنهد و بحزن كبير: ما اظن يا شمسة .. مريم ما تبيني .. و معاها حق شمسة تحاول تخفف عن ابوها: لا ابوية لا تخاف .. الظفر ما يطلع من اللحم .. مصيرها بتهدى و بتسامح بو محمد: الله يسمع منج ان شاءالله شمسة بابتسامة: انا متاكدة .. بعدين هي لو عرفتك اكيد بتحبك بو محمد ارتاح من عقب ما فضفض لشمسة عن اللي فقلبه .. طول عمرها شمسة الوحيدة اللي قريبة منه و فاهمته فالبيت شمسة: يلا باباتي عشاني قوم نتعشى .. تراني ميتة من اليوع .. و لو ما ييت معاي ما بتعشى بومحمد و هو يبتسم: خلاص امري لله .. قومي نتعشى ..................... فاحد الشقق اللي في مملكة البحرين .. كان واقف معاها .. و عينة تطلع شرار .. و قاعد يصارخ طلال: ردي عليي من هذا؟؟ فاطمة بارتباك: محد قلت لك محد طلال: و هالارقام العجيبة اللي فتلفونج .. و الكلام اللي سمعته عنج فاطمة و هي تتخصر و ترد عليه: أي كلام هذا حبيبي اللي سمعته عني ها ؟؟!! طلال: كلام اشرف لي اني ما اقوله فاطمة: و لا انا واثقة من نفسي .. و عارفة اني ما اسوي شي غلط طلال و هي يطلع موبايله و يفتح بلوتوثه: و هذي من ان شاءالله .. لا تجذبين عاد و تقولين هب انتي .. كل شي واضح .. و من ذيه اللي معاج ها .. اذا هب حاشمتني انا حشمي هلج على الاقل .. و لا صح نسيت .. انتي اصلا ما عندج اهل يسالون عنج .. و لا جان ما وصلتي لهالمستوى من هالحقارة و القذارة فاطمة بالفعل انصدمت و غصبا عنها دموعها تجمعت بعينها .. صح هي كانت لعوبة .. و تلعب على طلال بعد .. بس بدت تحبه .. و كانت تبي تغير حياتها عشانه .. بس للاسف تمت تلعب بذيلها و هي معاه .. و الحمدلله انه الله كشفها .. قبل لا يغلط طلال و يتزوجها طلال: ردي و لا ما عندج كلام تقولينه فاطمة قعدت عالكرسي من الصدمة و بصوت متقطع: طلال انا احبك .. و كنت بغير من نفسي عشانك طلال باستهزاء: هه تحبيني .. و تغيرين من نفسج ؟؟ بس انا الغبي اللي صدقتج و ركضت و راج و هديت مرتي الطيبة عشانج .. كنت صج عمي .. بس الحمدلله كل شي انكشف قبل لا اتورط معاج و اتزوجج فاطمة: لا طلال لا تقول جذيه .. انا خلاص ما ابي غيرك طلال: لا و الله لعبيها على غيري احسن .. سمعي يا بنت الناس .. انا بستر عليج و ما بفضحج .. و هالبلوتوث محد بيشوفه و بمسحه .. لكن نصيحة مني .. ردي لعقلج و استري على روحج و حشمي هلج .. ترى الدنيا هب دايمة لج .. ارجعي لربج ابرك لج طلع طلال من الشقة و رقع بالباب من قهره .. و تمت فاطمة قاعدة بالصالة على الكرسي .. و دموعها تنزل رغم لعبها بس هي صج بدت تحبه على ما تقول .. طلع طلال و خلى كلمات تردد في بالها انتي اصلا ما عندج اهل يسالون عنج ............... انتي اصلا ما عندج اهل يسالون عنج ردي لعقلج و استري على روحج و حشمي هلج .. ترى الدنيا هب دايمة لج .. ارجعي لربج ابرك لج .............. في العين فبيت ام سعيد .. نورة كانت نازلة من عالدري و تصيح نورة و هي ماسكة ظهرها من الحمال و تصيح: خالتي ام سعيد .. عمي بو سعيد و هو يطلع من الغرفة: خير نورة شفيج بنتي؟؟ نورة و هي تصيح: مايد يا عمي مايد بو سعيد: خير يا بنتي مايد شفيه؟؟!! نورة: ما ادري يا عمي اتصل واحد يقول مايد سوى حادث و بالمستشفى عقب هالجملة طلع بو سعيد و خذ سعيد .. و نورة اصرت انها تروح وياهم .. اما ام سعيد .. فكانت نايمة و ما تدري بالدنيا .. و هم ما حبوا يصحوونها و يخرعونها بالليل .................. جواهر كانت قاعدة فالصالة اللي فوق .. رايحة و رادة .. و كانت وايد قلقة .. هنادي هب موجودة .. و هي وايد تحاتي .. يا ربي شفيه طلال ما يا للحين .. الساعه صارت ثلاث .. هو تعود يتاخر بالايام الاخيرة .. بس مو لهالدرجة الساعه 3 الحين .. سترك يا رب .. انا بنطر لين ما يطلع النور و اذا ما يا و لا رد على تلفوناتي .. بروح اقعد هنوود ................ على البحر .. طلال كان قاعد .. و هموم الدنيا كلها على راسه .. معقولة فاطمة اللي كان يشوف فيها براءة الدنيا كلها طلعت بهالوساخة و القذارة .. فاطمة اللي هد جواهر الطيبة عشانها .... ااااااااااه يا جواهر .. محد ذابحني غيرج .. على هاللي سويته فيج و للحين تحاتيني و قاعده تتصلين .. ارد عليج شاقوول .. اللي فضلتها عليج طلعت اوسخ وحدة فالبحرين مثل ما قالت هنادي .. ااه و هنادي اللي جذبتها و ضربتها بسبة هالوسخة .. ااه شلون اجابلكم .. شلون اجابلج يا جواهر .. شلون اجابلج يا هنادي .. يا رب ساعدني .. كان طلال يدق يده على الارض بقوة و يحذف الحصى فالبحر .. لين ما سمع اذان الفجر طلال: الله اكبر الله اكبر .. سامحني يا رب قام طلال .. و تعوذ من ابليس و راح المسيد عشان يصلي الصبح جماعه ..................... نهر حبك

حاضريين يالغاليين ..سوري بس الان كنت برع و الحين بانزل لكم

الجزء العاشر كان يمشي بالسيارة و عقله ابدا هب معاه .. يالله يالدنيا انا عندي بنت من امينة الله يرحمها .. بهاليوم بو محمد ما قدر انه يرجع البيت .. حس انه فكره مشوش و يبي يقعد مع نفسه شوي .. اتصل فالبيت و اللي ردت عليه شمسة شمسة: هلا ابوية .. شحالك؟؟ بو محمد: هلا بنتي .. بس خبري امج اني بنام فالمزرعة اليوم شمسة: خير ابوية .. فيك شي تعبان .. صوتك متغير؟! بو محمد: لا حبيبتي ما فيني شي .. بس شوية تعب شمسة: خلاص ابوية رد البيت .. و هب لازم تسير المزرعة بو محمد: لا بنتي لازم اسير ضروري .. انتي بس خبري امج اني بنام هناك .. و قولي لها تتصل في محمد اخوج و تقوله ايي باجر .. كلكم لازم تكونون موجودين العصر شمسة: خير ابوية .. شالسالفة؟؟ بو محمد: باجر ان شاءالله بتعرفون كل شي .. برايج الحين شمسة: فمان الله سكر بو محمد عن شمسة و راح المزرعه ملاذه الوحيد .. بالفعل كانت ضاربتنه ضيجة من عقب ما عرف عن امينة الله يرحمها ..... اه يا امينة ظلمتج معاي بحياتج الله يرحمج .. لكن ما بظلمج عقب موتج .. مريم خلاص لازم تيي تعيش عندي نزلت دمعه من عيون بو محمد غصبا عنه .. بو محمد قرر خلاص ييب بنته تتربى عنده و يعوضها عن كل الحنان و التيتم اللي عاشته و ابوها موجود!! بو محمد يبي يجمع عياله كلهم باجر عشان يبوح لهم بالسر اللي دفنه بقلبه 20 سنة !! ..... فغرفة هنادي فالبحرين هنادي كانت مستحمقة على طلال و تتكلم .. بس الغريب ان جواهر و لا على بالها .. فرحانه و تبسم من الصبح هنادي: انا بقول لابوي يوقفه عند حده جواهر: لا هنادي ارجوج .. لا تقولين لهم هنادي: انتي شايفة تصرفاته صح ؟! بعدين انتي شسالفتج .. لو انا منج و هذا ريلي جان ذبحته من زمان .. و انتي قاعدة لي تتبسمين لي من الصبح!!!!!!!!!!!! جواهر بابتسامة و فرح: هنادي انا اليوم فحصت .. و طلعت حامل هنادي بفرح و لا اراديا حضنت جواهر بالقوة و باستها على خدها: قولي و الله .. صج .. الف مبرووووووووووك جواهر: ايه هنادي .. انا مو مصدقة نفسي .. اكيد طلال بيفرح هنادي: انتي قلتي له؟؟ جواهر: لا ما قلت له .. بسويها له مفاجاة .. بنطره لين ما يي هنادي: يلا نروح نقولهم تحت .. و نقول حق مريوم .. اكيد بتستانس جواهر بابتسامة: يلا نزلوا تحت و بالفعل الكل فرح بهالخبر بما فيهم مريم .. من عقب المرحومة الله يرحمها .. ما دخل الفرح بيتهم .. بس اليوم الكل فرحان لطلال و جواهر ............. جواهر انا بتزوج نزلت هالجملة مثل الصاعقة على اذون جواهر .. هي صج سمعته و لا تتخيل .. ما كملوا سنة من تزوجوا و يقولها يبي يتزوج عليها .. لهالدرجة هي لاعبة بمخه!! جواهر: ها .. طلال انت شتقول من صجك؟!؟! طلال: ايه من صجي جواهر .. انا احب فاطمة جواهر: تحبها ؟؟ و غصب عنها نزلوا دموعها انهار على خدها .. افا يا طلال و انا اللي مجهزة لك خبر حملي .. عبالي انه فاطمة نزوة و بتنساها و بترجع لي .. طبعا جواهر من عقب كلام طلال ما قالت له عن حملها .. حطت ايدينها على ويها و قعدت تصيح .. و طلال طلع من الغرفة هنادي كانت طالعة تشرب ماي .. شافت الغرفة مفتوحة و دخلت هنادي بخوف: جواهر شفيج؟؟ جواهر كانت تصيح و هب مفهوم شي من كلامها هنادي: خرعتيني شفيج؟؟ جواهر: بيتزوجها يا هنادي بيتزوجها هنادي بصدمة شهقت و قالت: شنو .. قصدج طلال تمت هنادي تسكت فجواهر لين ما رقدت و تطمنت عليها .. و كانت بالفعل منقهرة و محترة من طلال و تصرفاته و حركاته اللي صج تقهر .. صح طلال اخوها جواهر المفروض انها غريبة عنها .. بس الحق ينقال .. و هنادي كانت تحب جواهر وايد .. جواهر كانت وايد طيبة و عهمرها ما ضرت أحد ................. اليوم الثاني الصبح كانت ام احمد طالعة برع الحوش شافت مريم قاعده بروحها .. و شكلها صايحة ام احمد: مريم يما .. شمقعدج من الصبح؟؟ مريم بعيون ذبلانة و صوتها شبه رايح: ما فيني رقاد يما ام احمد: زين تعالي تريقي معاي داخل مريم: يما مالي نفس ام احمد: على الاقل قعدي معاي مريم: الجو زين هنيه .. باقعد شوي تالي باييج ام احمد: على راحتج يما دخلت ام احمد داخل و قلبها محروق على هالبنت و بنتها المرحومة الله يرحمها .. اما مريم فكالعادة رجعت لسرحانها .. و دموعها على خدها ....................... عقب صلاة العصر فبوظبي و بالتحديد فبيت بو محمد .. كان مجتمع هو و عياله كلهم و مرته بالصالة .. الكل مستغرب من هالشي بما فيهم ام محمد بو محمد: انا جمعتكم كلكم اليوم .. لاني بغيت اكلمكم بسالفة ضرورية وايد .. تخصني و تخصكم كلكم الكل كان يطالعه باستغراب .. و محد منهم تكلم .. ينتظرونه يكمل بو محمد: هالسالفة يا عيالي صار لها 20 سنة مدفونة بقلبي .. و محد منكم يعرفها .. انا و امكم ما حبينا نخبركم بها ام محمد و هي توقف و بكل عصبية من عقب ما حست بالسالفة و عرفتها: هالسالفة هب لازم العيال يعرفونها يا يوسف بو محمد بحزم: انا ما خلصت كلامي حسوا العيال انه فيه شي .. و شي جايد بعد .. امهم و ابوهم خاشينه عنهم بو محمد يكمل: انا عقب ما تزوجت امكم و يابت محمد و فهد .. انا طلعت لي دورة 6 شهور فالبحرين .. و سافرت هناك .. سكت بو محمد شوي عقب كمل: و هناك كانوا جيراننا ناس وايد طيبين تعرفت على ولدهم .. و كانت عنده اخت .. ادب و جمال و اخلاق هنيه ام محمد عصبت و قالت: انا طالعة بو محمد بعصبية: انا ما خلصت كلامي .. جانج طلعتي و ما كملتي الرمسة يا انج طالق يا موزة و تحرمين عليي ليوم الدين قعدت ام محمد بعصبية و رد بو محمد يكمل كلامه: انا يوم شفت هالبنت عجبتني .. سكت و عقب كمل .. و تزوجتها هنيه الكل انصدم .. جنه حد صب عليهم ماي بارد .. بالفعل كانت صدمة قوية عليهم .. ابوهم متزوج على امهم .. الكل كان ساكت الا راشد اللي قال من الصدمة: يبا انت متزوج ؟؟ بو محمد: انا تزوجت امينة .. و كانت انسانة وايد طيبة و على نياتها .. كملت الدورة مالتي و عقبها رجعت الامارات .. و طبعا ما قلت لهلي و محد كان يعرف اني متزوج .. كنت اروح لها البحرين بين الفترة و الثانية قعد بو محمد عالكرسي و كمل: عقبها بفترة دروا هلي اني متزوج .. و حلفوا عليي امي و ابوي الله يرحمهم ان ما طلقت امينة راح يغضبون عليي ليوم الدين .. ساعتها امينة بنفسها قالت لي اشتري رضا امك و ابوك .. تنهد بو محمد و نزل راسه بحزن و قال: و طلقت امينة و رديت الامارات .. و انقطعت اخباري عنها .. و انا قلت خلاص ما بحاول ارجع لها .. عشان اخليها تعيش حياتها بعيد عني و تنساني .. لاني ادري لو رجعت لها ما بقدر اسعدها .. و هلي بيعترضون طريجنا طبعا الكل منصدم يسمع و محد تجرأيتكلم او يقول أي شيء .. الا ام محمد اللي تكلمت بقهر و قالت: و شالجديد بالسالفة .. عشان تيي تقولها لهم الحين؟؟ بو محمد: اليديد فالسالفة اني امس بس اكتشفت انه امينة الله يرحمها توفت .. قالها بحزن و سكت شوي عقب كمل و قال: و عندي منها بنت فالبحرين بسن شمسة بنتي و اسمها مريم هنيه عاد خلاااااص .. كل واحد يطالع الثاني و فاتح حلجه .. اخبار يديده و مفاجاة يتهم جذيه مرة وحدة .. بس طبعا بو محمد يضطر يسوي جذيه و يفتح هالسالفة اللي ما كان ناوي يتكلم عنها ابد لانه لازم ييب مريم .. و طبعا لازم يخبرهم قبل ام محمد بصدمة و هي توقف: شو ؟؟؟؟؟؟؟؟؟؟؟ عندك بنت .. متى صار هالكلام؟؟ بو محمد: الظاهر اني لمن تركت امينة الله يرحمها كانت حامل .. عموما انا بروح البحرين و بييب البنت تعيش هنيه ام محمد هنيه عاد خلاص طفح الكيل عندها: شوووو .. تييب البنت ... ليش ان شاءالله بو محمد: هذي بنتي .. و حالها حال اخوانها بتيي تعيش فالبيت ام محمد: البنت ما تدري عنك .. خلها هناك .. احسن لها و لنا بو محمد: قلت لج البنت بتيي هنيه تعيش مع اخوانها فبيت ابوها ام محمد: يا انا يا اهيه فالبيت بو محمد: قلت لج بنتي بتيي هنيه .. و لو ما تبين تقعدين .. هكوه الباب جدامج .. و الرب حافظنج هنيه طلعت ام محمد من الصالة .. رايحة غرفتها تلت ثيابها .. و لحقوها العيال يهدون فيها .. اما بو محمد فطلع من البيت و راح مكتب الطيران يحجز تذكرة للبحرين حق باجر ...................... في بيت بو طلال فالصالة .. كانوا جواهر و هنادي قاعدين يشوفون التلفزيون .. و ام طلال رايحة بيت الجيران تسير عليهم .. و ابوطلال فالشركة .. دخل طلال الصالة .. و سلم عليهم .. هنادي ما ردت عليه و قامت على طول من الصالة .. طلال ناداها هنادي من غير ما تلتفت و هي تتافف: ها طلال: يوم احاجيج طلعيني .. بعدين يقولون نعم مب ها!! هنادي لفت عنه بتركب فوق طلال و هو يسحب يدها بقوة: هي هي انتي .. احاجيج مني .. تقومين تلفين عني هنادي و هيي تتافف: شتبغي؟؟ طلال: انتي شسالفتج .. محد عاجبج فالبيت؟؟ هنادي: لا و انت الصاج انت بس اللي هب عاجبني طلال: و ليش ان شاءالله اخت هنادي .. شمسوي لج انا هنادي: مو مسوي لي شي .. بس مسوي بمرتك و نفسك طلال يضحك باستهزاء: ها جواهر قالت لج .. قصدج فاطمة هنادي: ايه فاطمة اللي هديت جواهر مرتك عشانها طلال و هو يلتفت على جواهر: هذا موضوع بيني و بينها و انتي ما يخصج فيه هنادي: يوم يكون صج موضوع يخصك .. بس هالشي يخصنا كلنا .. خصوصا انك اللي تبغيها فاطمة طلال: و شفيها فاطمة مو عاجبتج هنادي تضحك باستهزاء: الا قول شبقى اهي مو مسويته طلال: اقولج تحجي انتي تعرفينها؟؟ هنادي: اللي حضرتك تبي تاخذها على جواهر .. اوسخ بنت فالبحرين .. سمعتها على كل لسان خصوصا بالجامعه .. و معروف عنها انها من حضن واحد للثاني طلال: ججججججججججججججججب .. و بكل عصبية صفع هنادي كف على ويها خلى خشمها ينزل دم .. طلع من البيت و يت جواهر لعند هنادي تهديها و توديها غرفتها فوق قبل لا يي حد و يشوفها جذيه ....................... اليوم الثاني العصر الساعه 4 بتوقيت البحرين .. نزلت طيارة بو محمد واصلة من الامارات و عقب ما سال عن بيت بو طلال كان واقف جدام بابهم عاساعه 5 و نص تريزا: بابا هزا في نفر يريد انته بو طلال: ما قال شسمه تريزا: قول نيم بو مهمد بو طلال: دخلي الريال الميلس و انا بييه الحين دخل بو طلال الميلس و شاف واحد ما عرفه بالبدايو لكن عقب ما سلم عليه و ساله من اهوه .. عرف انه يوسف ريل امينة الله يرحمها .. عقب السوالف و اخذ العلوم .. طبعا بومحمد قال لبو طلال انه يبي ياخذ مريم معاه .. صح بو طلال تضايق بس هذي بعد ابوها .. و من حقه ياخذها .. و وصية امينة الله يرحمها لبوطلال قبل لاتموت انه يقول للبنت الحقيقة .. استاذن بو محمد من بو طلال لانه بوطلال قاله ما يصير نفاجا البنت .. هو بيكلمها اليوم فالموضوع و باجر بيرد عليه عقب ما طلع بو محمد راد الفندق .. وصله بو طلال .. و عقب راح على طول بيت امه و ابوه عساس يكلم مريم بالسالفة ................ فغرفة مريم فوق كالعادة هدوء و خالية من أي صوت باستثناء صوت مريم و هي تقرى قران .. خلصت قراية .. حطت المصحف و توها تفصخ بشارها "شيلتها" جان تسمع صوت دق خفيف عالباب مريم: دخلي يدتي بو طلال و هو يفتح الباب و يدش: هذي انا هب يدتج مريم و هي تبتسم: هلا خالي .. تفضل دش اقعد بو طلال: ها مريم شلونج الحين؟؟ مريم: الحمدلله على كل حال .. عايشة بو طلال: مريم بنتي .. ابغي اكلمج فسالفة و ابيج تسمعيني زين مريم: تفضل خالي بو طلال: امج الله يرحمها وصتني اقولج هالسالفة قبل لا تموت مريم: خير خالي قول لا تخرعني .............. فالعين مايد و نورة علاقتهم تحسنت شوي عن قبل .. نورة بدت تحس انها بدت تحب مايد و تصير اقرب له .. بس طبعا كرامتها و كبريائها على قولتها يمنعونها انها تبين لمايد هالشي .. و مايد يحليله حايس وياها يحبها .. بنفس الوقت يتعذب من معاملتها .. خصوصا ان نورة وايد تعاند مايد ................. نرجع لمريم و خالها مريم و جنه حد صب عليها ماي بارد: شنو .. خالي انت متاكد هالكلام صحيح؟؟!! بو طلال: ايه حبيبتي هالكلام كله صج مريم و دموعها متجمعه بعيونها: و ليش امي ما قالت لي هالسالفة كلها !! بعدين شلون ابوي عايش و اماراتي بعد .. و انا بحرينية بو طلال و هو يتنهد: اول شي يوم ابوج طلق امج يا مريم .. ابد ما يا يسال عنها و احنا خفنا نقوله عنج و ياخذج من عند امج .. عقب كبرتي و امج ياما حاولت تقنعنا نقولج .. بس احنا كنا نرفض .. خايفين عليج يا مريم مريم: و شلون انا بحرينية؟؟!! بو طلال: انتي تعرفين ان امج بحرينية و ابوج مطلق امج و لا كان يسال عنج حتى .. ففي فرصة ان يطلع لج جواز البحرين .. و انا كان عندي معارف فالجوازات .. فكان هالشي سهل نزلت مريم عيونها تطالع الارض بحسرة و دموعها غصب عنها تموا ينزلون .. لسان حالها يقول .. شهالمفاجات و الصدمات اللي تينمي وحدة ورى الثانية .. بالاول وفاة امي الله يرحمها .. و الحين هالابو المفاجئ اللي مادري من وين طلع !! بو طلال: مريم حبيبتي لا تسوين بنفسج جذيه .. كلنا معاج مريم: خالي .. انا احس راسي بينفجر من التفكير بوطلال: مريم بنتي ترى ابوج بيي باجر يشوفج مريم: ما ابي اشوفه بو طلال: مريم شهالكلام .. هذا ابوج .. و يوم درى عنج اتعنى لج .. و يا لج مريم و هي تصارخ: و وينه عني انا و امي من زمان .. و ينه عني يا خالي .. انتوا اللي ربيتوني .. انتوا هلي .. انته و يدي مثل ابوي .. بس هو ما بيه بوطلال: مريم حبيبتي انا بخليج تفكرين احين براحتج و بييج باجر باسها على راسها و نزل .. و خلى مريم تسبح في انهار دموعها .. لين ما داخت من الصياح و نامت ....... باليوم الثاني رفضت مريم تشوف ابوها .. و اليوم الثاني و الثالث .. لين ما مر اسبوع و مريم رافضة .. و طبعا محد يقدر يصر عليها .. يخافون لا تزعل .. هالشي حز بخاطر بو محمد و يوم يئس من بنته رجع الامارات و تم يتصل من هناك في خالها يتطمن عليها .. و ام محمد عقب ما درت ان مريم ما رجعت مع ابوها فرحت طبعا و رجعت البيت عقب ما هدته من عقب هوشة ذاك اليوم

الجزء الثامن عشر في أحد عنابر مستشفى السلمانية .. و في وحدة من الغرف .. برودة فضيعة فالغرفة .. قامت مريم من النوم .. و فراسها صداع فضيع .. و فايدها واير المغذي .. قامت و ما تتذكر شي من امس .. كل اللي تتذكره .. انها فالمستشفى .. بس ليش ما تدري .. لفت و شافت جواهرو هنادي قاعدين بصوب و هنادي كانت منهارة .. و عالكرسي الثاني كانت قاعدة خالتها منيرة و تصيح و تقرى قران .. مريم: خالتي منيرة و هي تصك القران: صدق الله العظيم .. ها يما مريم قمتي .. يعورج شي .. تبين انادي لج الدختر؟؟ مريم: انا شفيني .. متى ييت هنيه .. صوت مريم قام يعلى: وين امي ابي امي هنيه هنادي انهارت اكثر بالصياح و جواهر معاها تصيح و تحاول تهديدها منيرة: لا حول و لا قوة الا بالله .. لا تسوين بنفسج جذيه .. ذكري الله مريم و هي تصيح: انتوا شفيكم انا ابي امي نادوا امي .. سكتت شوي و جنها تذكرت شي مريم: شلونها امي الحين .. هيه بخير ؟؟ ردوا عليي ؟؟ منيرة: امج مرتاحة ادعي لها يا بنتي ادعي لها مريم: انزين ابي اشوفها منيرة: ما يصير يا بنتي ما يخلونج .. انتي استهدي بالله بس مريم و هي تصيح: ليش ما يخلوني؟؟ توج تقولين ما فيها شي و مرتاحة!! منيرة: امج راحت عند ربها يا مريم .. لا تعذبينها و ادعي لها مريم بويه باهت: خالتي انتي شتقولين .. امي ما فيها شي انا متاكدة و ان خالها بو طلال توه داخل الغرفة مريم: خالي .. ابي اشوف امي .. الله يخليك بوطلال: لا يا بنتي ما يخلونج .. مريم تبي تتاكد: خالي يعني امي صج ماتت؟؟.. و انهارت صياح بو طلال: يا بنتي قومي توضي و صلي لج ركعتين و ادعي لامج مريم و هي تتشبص بخالها: و اللي يعافيك يا خالي .. عشان خاطري ابي اشوف امي .. الله يخليك .. ابي اشوفها بوطلال و دموعه بعينه: مريم حبيبتي امج بالثلاجة خلاص و ما يصير تشوفينها .. ادعي لها .. و أمج بتتم بقلبج مريم: يعني خلاص ما راح اشوفها مرة ثانية ما راح اشوفها و طاحت منهارة عالارض تصيح و تصيح .. مريم خلاص مو متصورة انها ما راح تشوف امها مرة ثانية .. امها كانت اقرب انسانة لها و كانت لها الام و الابو .. و اليوم فقدت هالاحساس لانه امينة خلاص راحت عند ربها و صارت جثة هامدة و ما راح ترجع للأبد!! .......... خليفة بصدمة: شو .. شو تقول انته؟؟!! سلمان: هذا اللي صار توها لولوة متصلة و تقول انها بتروح لها المستشفى خليفة بحزن: لا حول و لا قوة الا بالله .. اهي شحالها الحين؟؟ سلمان: ما ادري تقول لولوة وايد تعبانة و منهارة خليفة: انته بتسير العزى سلمان: هيه تراني بودي لولوة و بنزل عزى الرياييل خليفة: خلاص انته قولي وين البيت و انا بيي سلمان: صار .. يلا فمان الله خليفة: سلمان .. اقول مريم باي مستشفى سلمان باستغراب: ليش؟؟ خليفة: ابا اسير اتطمن عليها سلمان: خليفة شفيك؟؟ لا تمشكل البنت ترى اهلها دووم عندها .. و اللي فيها مكفيها .. مو ناقصة تراها خليفة: سلمانو لا تنرفزني .. يعني انته بتخاف عليها اكثر مني .. انا ما ابي لها المشاكل بس بسال عنها سلمان: اكيد؟؟؟؟؟ خليفة و هو يتافف: هيه اكيد سلمان: اهي بالسلمانية .. بس ما اعرف أي عنبر و جذيه خليفة: خلاص برايك سلمان مشكور .. اشوفك عقب فالعزى سلمان: فمان الله ....... "يا أيتها النفس المطمئنة ارجعي الى ربك راضية مرضية .. فادخلي في عبادي و ادخلي جنتي" مرت ايام العزى ثقيلة على كل هل البحرين .. المكان كان كئيب وايد .. البيت اللي كان كله ضحك و هواش تحول الى مكان هادي و كئيب .. و يملاه اصوات المعزين و اللي يصيحون .. امينة كانت انسانة طيبة و كل اللي يعرفونها يحبونها .. و الكل زعلتهم وفاتها طبعا مريم كانت بعيد جدا عن كل هالاجواء .. لانها من عقب ذاك اليوم .. نايمة بالمستشفى .. حالتها كل يوم تزيد عن اللي قبله .. خصوصا انه صادها انهيار عصبي بخصوص عزى الرياييل كان زحمة واااايد .. بو طلال ما شاءالله معارفه وااايد .. و الكل حب انه يواسيه في فقدانه اخته الوحيده في زاوية من زوايا الميلس .. كان قاعد بروحه بويه حزين .. و لا حاس باللي حواليه .. من يوم ما صار اللي صار و راحت المرحومة اللي كانت وايد غالية على قلبه .. و هو ما نطق بولا حرف .. و لا قال أي شي .. كل الوقت ساكت و يطالع تحت .. الشي الوحيد اللي يسويه ان يطلع حق المسيد للصلاة و بس .. الكل خايف عليه خصوصا انه صاده هبوط اكثر من مرة طلال: يبا لي متى بنخلي يدي على هالحال .. ما يصير .. 3 ايام لا كل و لا شرب شي بو احمد بحزن: و الله ما ادري شقولك .. الكل يدري شكثر امينة الله يرحمها غاليه على قلبه .. انا وايد خايف عليه .. و الدكاترة يقولون هذي صدمة ..بس لي متى ما ادري .. من ذاك اليوم و هو حتى ما يتحجى .. حتى مع امي طلال: يدي .. يدي قوم الله يهديك قوم كل لك شي طبعا بو احمد كالعادة ما رد عليه .. و تم منزل راسه و سارح ........... في الريسيبشون تحت في مستشفى السلمانية .. كان خليفة واقف .. يتكلم مع الموظفة .. يبي يسال عن مريم خليفة: اختي حبيت اسالج عن مريضة دخلت من يومين اسمها مريم؟؟ الموظفة: عفوا اخوي بس عطني اسمها الثلاثي على الاقل خليفة: مم و الله ما اعرف كل اللي اعرفه انه اسمها مريم الموظفة: عفوا اخوي اول امس مدخلين ثلاث وحدات اسمهم مريم .. شلون بعرف اهي أي وحدة؟؟ خليفة: مم هي امها كانت متوفية بحادث .. و بسبتها هي انهارت الموظفة: لحظة .. ايه قصدك مريم يوسف خليفة ال..... ؟؟ خليفة: شو .. ممكن تعيدين الاسم!! الموظفة: ترى هذي داخلة من يومين .. و كانت امها متوفية هنيه عندنا .. و اهيه للحين مرقدة طلع خليفة من المستشفى بسرعه حتى ان الموظفة استغربت و رفعت كفوفها مستغربة من حركته اما خليفة فعلى طول ركب سيارته و اتصل بسلمان سلمان: هلا .. وينك ما شفتك يوم طلعت من العزى خليفة: تراك يوم ظهرت حق لولوة انا سرت .. سلمان اباك فخدمة سلمان: امر خليفة: ما يامر عليك عدو .. اباك تسال لولوة عن اسم مريم الكامل سلمان باستغراب: ليش؟؟ خليفة: لا تسالني ليش .. لو لي عندك غلاة اسالها و بترياك سلمان لاحظ ان خليفة جاد: خلاص انت خلك عالخط دقايق بحاجي لولوة من الحجرة و ارد عليك خبر عقب ثلاث دقايق سلمان: هلا خليفة: ها عرفت؟؟ سلمان: ايه تقول ان اسمها .. مريم يوسف خليفة ال..... خليفة بصدمة: خلاص برايك سلمان مشكور سلمان: خليفة شفيك؟؟ خليفة: برايك الحين استغرب سلمان من حركة خليفة .. و ما لاحظ ان اسم مريم هو نفسه اسم خليفة مع اختلاف اسم الابو بس!! ........... اليوم اول يوم مريم تدخل فيه البيت من عقب وفاة امها .. اليوم رخصوها الدختر عقب اسبوعين نامت فيهم هناك و كانت معاها هنادي و منيرة مرت خالها دخلت مريم البيت و شي عصر قلبها .. تعودت لما اتدش البيت تشوف سيارة امها موقفة في الكراج .. بس اليوم لا السيارة و لا امها موجودين .. عورها قلبها .. و تجمعت دموعها في عينها .. بس حاولت تتماسك و دخلت داخل .. يالله يا هالبيت تعودت من صغري ادش و اشوف امي الغالية تنتظرني .. بس وينها الحين .. سرحت شوي بخيالها و تخيلت طيف امها موجود بالصالة .. الله يصبرني .. و تمت دموعها تنزل .. منيرة: مريم حبيبتي بسج عاد .. يدج بروحه حالته حاله إذا شافج جيه بيتعب مريم: غصب عني خالتي هنادي بصوت مبحوح: مريم تعالي قعدي معانا بالصالة مريم: لا انا بروح حجرتي فوق ركبت مريم بس و هي راكبة شافت غرفة امها فوق كانت يم غرفتها .. عورها قلبها زوووود .. بس تعوذت من الشيطان و دشت غرفتها ...... الساعة وحدة بالليل و جواهر للحين ما ياها نوم .. تنطر طلال اللي مسكر جهازه و تاخر وايد .. جواهر: يا ربي اكيد هو معاها الحين .. مو عارفة شسوي يا رب ساعدني .. الحين صار اسبوعين من توفت المرحومة .. بس احس الجو بعده حزين و متوتر .. فما اعرف شلون اكلمه اه .. تنهدت جواهر و سرحت بافكارها بعيد .. تذكرت اول يوم عرس لهم طلال: و ليش هالدموع .. كل هذا فرح عشان تزوجتيني؟! جواهر: هههه .. اول مرة افارقهم طلال: كلها شهر و نرجع لهم .. بعدين لا تخافين انا بحاول قد ما اقدر اسعدج .. و اكون لج مثل اهلج و احسن جواهر: اه يا طلال .. شاللي غيرك عليي .. و غصب عنها نزلت دموع من عينها و غفت .. و ما حست بطلال يوم يه و وقتها الساعه كانت 2 و نص!! .............. في بيت بو أحمد فوق .. في ليت مفتوح .. مشت ام احمد و تبعت الليت .. دخلت شافت مريم قاعدة بغرفة امها و تصيح و ماسكة صورة امها و تكلمها مريم: يما ردي عليي .. قوليلي انا شسوي الحين .. مو متخيلة البيت من غيرج و الله ام احمد عورها قلبها على هالبنت اللي لا لها لا ام و لا ابو .. و دخلت داخل أم أحمد: مريم بنيتي .. مو زين اللي تسوينه بروحج مو زين مريم و هي تصيح: يا يدتي امي راحت خلاص .. راحت من غير ردة .. من غير ما تودعني حتى ام احمد بحنان: حبيبتي هذي ارادة ربج .. و انتي مو ياهل عشان تعترضين على ارادة ربج .. قومي حبيبتي قومي صلي لج ركعتين .. و اقري قران باقي على الاذان نص ساعه مريم و هي للحين تصيح: يدتي مو قادرة اتخيل البيت بدونها احس عمري بحلم .. و بقوم و بحصلها جدامي اليدة: بتلاقينها فالجنة ان شاءالله .. انتي بس قومي معاي .. لا تعذبيني يا بنتي .. تراني راكبة لج لي فوق .. و كفاية يدج و الحالة اللي اهو فيها .. سكتت شوي و نزلت دموعها غصبن عنها و قالت: انا بعد حالي مو احسن عنكم و قلبي محروق على بنتي الوحيدة .. بنتي اللي راحت فغمضة عين .. بس هذي ارادة ربج .. قو مي معاي صلي و بننتظر الاذان .. و تعالي رقدي معانا فالغرفة قامت مريم مع يدتها .. و قلبها عورها لانها نزلت دموع يدتها اليوم اول يوم لمريم بالبيت من عقب امها و هاي حالها .. و الله يعينها بباقي الايام الياية

حاضرين حبيبتي و انشاء بانزل لكم

الجزء السابع عشر اليوم اول يوم يداوم فيه مايد من عقب فترة اجازة من طويلة وايد قضوها بين العين و دبي و بوظبي فتحت عينها من النوم شافت الساعه 12 و نص شهقت و قامت بسرعه نورة: يا ويلي هالقد نمت و لا حسيت بالوقت .. اووف خل اقووم بسرعه اتسبح و اصلي و انزل اشوف خالتي فالصالة نورة: السلام عليكم شحالج خاالووه أم سعيد: هلا و الله ببنيتي .. شحالج ربج الا بخير؟؟ نورة: الحمدلله .. الا اليوم ما ادري شياني وعيت متاخر ما حسيت بعمري ام سعيد: خير يا بنتي .. شبلاج .. اصلا ويهج غادي اصفر نورة: ما ادري و الله بس احس نفسي مكسلة شوي و خملانة ام سعيد بابتسامة: جان سرتي فحصتي يمكن حامل نورة بخاطرها الله لا قال ان شاءالله: لا خالتي مو اللي ببالج بس شوية تعب أم سعيد: الله يعطيكم على قد نيتكم و يصلح بينكم و يهدي سركم اكتفت نورة بابتسامة باهتة و تنهدت .. و التفتت صوب خالتها نورة: تامريني بشيء خالتي انا بسير المطبخ ام سعيد: ما في داعي تتعبين عمرج الخدامات بيسوون كل شي نورة: لا عادي خالتي ما فيها كلافة ام سعيد: ايلسي ايلسي .. بسولف وياج ظبية حرمة سعيد نايمة ببيت اهلها محد يالس وياي نورة: ان شاءالله ....... البخور ريحته شايلة المكان .. و البيت الغرفة كانت مرتبة و من احسن ما يكون هنادي و هي توها رادة من الجامعه: يما للحين ما ردوا طلول و مرته ام طلال: توهم متصلين راحوا بيت اهلها تسلم عليهم و الحين اهمه بالدرب يايين هنادي: كاهو صوت الباب .. اكيد يوا مريم و امها و هم يدخلون من الباب: السلام عليكم ام طلال: هلا و الله تفضلوا حياكم مريم: عيل ما وصلوا المعاريس ؟؟ توها بترد عليها هنادي الا و طلال و جواهر داخلين من الباب .. و الكل فز يسلم عليهم ............ كانت قاعدة بالصالة و تحاول تقنع امها بوجة نظرها .. بس طبعا كالعادة .. امها ما تبي الا اللي في راسها شمسة: امايا الله يهديج بس .. انا ما ابي ادرس كمبيوتر .. ما احبه اصلا ام محمد: الشور هب عندج .. شوفي نوير بنت عنج تبى تدرس كمبيوتر شمسة: اصلا نورة موقفة هالكورس ام محمد: بس لو كملت كانت بتدرس كمبيوتر .. انزين خلي عنج نوير .. شوفي مريووم بنت ام خالد بعد تدرس شمسة: نورة مبونها تحب الكمبيوتر انا ما ادانيه أم محمد: و انتي حضرتج تبين تدرسين لي تلفزون و هالخرابيط شمسة: امايا انا احب الرسم .. و ابا ادرس إعلام أو Graphic Design أم محمد: شو .. و تبين تتنططين فالتلفزيون؟؟ شمسة: امايا شو هالرمسة .. انتي تدرين اني مستحيل اشتغل .. يعني ما بيفرق لو درست رسم او كمبيوتر أم محمد و هي قايمة: انا ما بعيد رمستي بتدرسين كمبيوتر و لا يلسي فالبيت شمسة و دموعها فعيونها: و الله حرام بو محمد و هو توه يدخل: السلام عليكم شمسة وهي تمسح دموعها: و عليكم السلام .. هلا بويا شحالك؟؟ بو محمد: شبلاج بنتي؟؟ شمسة: ما بلاني شي فديتك .. تعشيت؟؟ بو محمد: لا سيري حطيلي عشى و ايلسي برمس وياج شمسة: ان شاءالله بو محمد حس ان بنته فيها شي مع امها لانه يعرف مرته شقايل عنيدة .. و ياما تنازع بنتها .. و شمسه يحليلها ما عندها الا ابوها تشكي له .. اما شمسة فيلست تسولف مع ابوها بس ما قالت له عن امها .. لانه تدري شكثر هي غالية على ابوها و لو درى بالسالفة ممكن يعاند امها .. و هي ما تبي مشاكل .. فسلمت للامر الواقع كالعادة .. و بتضطر تدرس شي ما تحبه .. عشان خاطر امها و المظاهر مالتها!! .............. مبروك انتي حامل طاحت هالجملة مثل الصاعقة على اذن نورة .. طاحت عالكرسي و فتحت عينها و فمها من الصدمة .. اما مايد فيلس عالكرسي من الفرح نورة و هي مصدومة: شقايل حامل!!؟؟ الدكتورة و هي تضحك: يا لهوي هو ايه ده شقايل .. مش حضرتك متجوزة و بأا لك 5 شهور كمان طبيعي انك تبإي حامل .. و فالشهر الثاني كمان نورة: بس انا كنت اكل حبوب منع الحمل بانتظام كيف صار و حملت مايد بصدمة و خيبة امل: ها!!!!!!!!! الدكتورة: مش ضروري انوا الحبوب تمنع الحمل .. لما ربنا يكتب حاجة .. محدش يقدر يردها .. بعدين انتي زعلانة على إيه .. احمدي ربك دول في ستتات حيتشحتفو على حتة عيل .. و كمان حبوب منع الحمل مش كويسة اول الجواز نورة: بس انا مو مستعدة كانت نورة تتلفظ بكل هالجمل و كانت تطعن بمايد مثل الخناجر .. و حسسته بخيبة أمل .. معقولة نورة ما تبي تييب ياهل مني؟؟!! الدكتورة: بلاش دلع بأه .. أومي روحي بيتك و احمدي ربنا على نعمتوه .. و ما تنسيش مواعيدك و الحلاوة كمان قامت نورة من على الكرسي و طول الدرب و هي ساكتة لا هي نطقت بكلمة .. و لا حتى مايد نطق اللي كان بالفعل مصدوم من ردة فعل نورة .. معقولة نورة تكرهني .. عيل ليش تزوجتني .. و لا هي انغصبت عليي !!!!! ........ في غرفة هنادي فوق كانت قاعده تسولف مع حرمة اخوها جواهر عقب ما راحت عنهم مريم جواهر: يحليلها مريوم .. ما كان ودها تقوم هنادي: خلها متفلسفة تبي هندسة .. باجر اخر يوم .. كاني انا اسم الله عليي .. خلصت امس جواهر: الله يوفقها ان شاءالله هنادي: انتي خلج من مريوم و قولي لي .. شلونج مع طلول؟؟ جواهر بابتسامة باهته: الحمدلله ماشي الحال هنادي: جواهر شفيج؟؟ شكلج هب عاجبني جواهربابتسامة مصطنعه: ما فيني شي .. انا مستانسة مع طلال الحمدلله هنادي: جذابة .. شكلج مبين فيج شي .. شفيج .. انا مثل اختج الحين .. قولي لي شفيج .. و تاكدي اني بساعدج قد ما اقدر تنهدت جواهر و سكتت هنادي: يلا عاد قولي لي شفيج .. طلال مزعلج بشي .. يا ويله ترى جواهر: ما ادري يا هنادي .. احس طلال متغير.. فيه شي بس شنو ما ادري هنادي: متغير شلون يعني ؟؟ صار من بينكم شي ؟؟!! جواهر: بالعكس متفاهمين على كل شي الحمدلله .. اخاف تاخري بالحمل هو اللي مغيره عليي!! هنادي: لالا لا يروح بالج بعيد .. اصلا انتي ما تاخرتي بالحمل في ناس ياخذون سنه و ثنتين .. انتوا ما عقتوا .. الا 5 شهور جواهر: ما ادري و الله هنادي: اهوه متغير من أي ناحية جواهر: شوفي انا بقولج .. اول ايام الملجة و بداية شهور زواجنا لما كنا مسافرين كان غير .. كان وايد يتحجى معاي .. و يحسسني بمدى سعادته بزواجه مني .. كنا وايد قراب من بعض .. و ما يخش عليي شي .. بس الحين نادرا ما يكلمني .. و احسه معاي مو مثل قبل .. كله طالع .. و احسه مو معاي ابد هنادي: ما حاولتي تعرفين منه شالسالفة؟؟ يمكن عنده ضغط بالدوام؟؟!! جواهر: حاولت و سالته .. بس هو ما يتكلم ما يقول شي هنادي: شيلي هالوساوس من بالج .. و كا جني اسمع صوته يا روحي له و الله يهدي لج جواهر بابتسامه عقب ما ارتاحت شوي لانها فضفضت حق هنادي: خلاص .. تصبحين على خير ..... فالعين و بالتحديد فغرفة نورة و مايد الصمت سايد من بينهم من عقب ما ردوا من المستشفى .. مايد منصدم .. و نورة منصدمة و مستحية بنفس الوقت من كلامها اللي قالته و حست انه جرح مايد نورة بينها و بين نفسها .. يا ربي انا شفيني مهتمه له .. حتى لو زعل برايه .. بس هو ماله ذنب .. شذنبه اني ابا انتقم من فهد .. يالله يا رب ساعدني .. و قطع عليها افكارها .. صوت مايد اللي كان فيه درجة كبيرة من البرود .. و تغلغلت في اعماق نورة مايد: نورة انتي مغصوبة عليي؟؟ نورة و هي منزلة راسها: لا مايد و هو يتنهد: عيل شفيج .. ليش ما تبين تيبين عيال مني؟؟!! نورة: ممممممم مايد بعصبية: ردي .. مو مساع لسانج شطوله بالمستشفى .. و لا انبلع الحين نورة بخوف: انا مو مستعده الحين مايد: و متى ان شاءالله حضرتج بتكونين مستعده عشان نييب عيال!! نورة ساكتة مايد و هو يصارخ: انتي شسالفتج بالضبط؟؟ فالبداية قلت يمكن بعدج زعلانه عهذيج السالفة .. تحملت و صبرت .. و مو مقصر معاج باي شي .. طلباتج اوامر .. شتبين بعد نورة بعناد: انا ما ابيك زواجي منك غلطة مايد بسخرية: و شقايل بتصلحينها حضرتج نورة: انا ما ابيك ما احبك طلقني مايد بصدمة: شوفي الحشمة مو لج بس لهلج اللي ما يستاهلون المغثة .. اللي تبينه بيصير اول ما تولدين و تخلصين الاربعين بطلقج .. انا ما بطلقج الحين هب حبا فيج .. لكن حشمة لهلج مو حلوة بحقهم اطلقج و انتي ما كملتي الا 5 شهور .. طلع مايد من البيت بكل عصبية و رقع بالباب وراه .. و مشى و هو هب عارف وين يروح .. نورة قهرته و جرحته بنفس الوقت .. هو صح يحبها .. لكن كرامته فوق كل شي .. و دامها هي اللي تبي الطلاق .. راح اطلقها اول ما تولد و تخلص الاربعين!! أما نورة فتمت قاعدة مكانها .. بروحها اصدمت من كلامها اللي قالته .. فهد باعها و خسرته .. و شكلها بتبيع مايد و بتخسره .. مايد اللي شراعها بنور عينه .....كانت نايمة و تتقلب و مو يايها نووم .. دموعها على خد .. كانت معطية طلال ظهرها و تفكر بالكلام اللي سمعته قبل لا اتدش الغرفة عقب ما خلصت سوالف مع هنادي .. قبل ات اتدش الغرفة سمعت طلال يتكلم بالتلفون و بصوت واطي شوي طلال: لا حياتي .. ما عليج انتي انا بتصرف جواهر انصدمت و حست الدم وقف عن المشي بجسمها .. و قالت يمكن انها سمعت و كملت سماع طلال: افا عليج انتي الغلا كله .. بس و الله حبيبتي ظروف غصب عليي .. باجر اكيد بمر عليج قعدت جواهر على اقرب كرسي و ما حست الا و الارض تدور بها .. و عقب ما تاكدت انه سكر "عنها" دخلت و لا حسسته بشي مر هالشريط سريع بمخيلة جواهر .. اللي بالرغم من قهرها و صدمتها الا انها كبرت عقلها و قررت تكلم طلال باجر بهدوء و تفاهم عشان ما تخسره .. هي ما قصرت معاه بشيء .. و لا لانها للحين ما حملت ؟؟!! ...... كانت مريم قاعدة ويا امها بالصالة .. باجر اخر يوم بامتحاناتها .. فكانت تراجع و امها تقرى قران مريم: يما انا قلبي مقبوض و وايد خايفة .. اكيد بيكون الامتحان صعب أمينة: توكلي على الله حبيبتي .. و ربج ما بيخيب رجاج .. و انتي شاطرة .. ما ينخاف عليج مريم: ما ادري يما ذي 3 مرة اراجع بس المادة صعبة أمينة: لا تراجعين وايد بعدين تنسين .. قومي الحين الوقت تاخر صارت وحدة بالليل .. و باجر من الصبح قومي راجعي مريم: صار بس قلبي وايد مقبوض أمينة: خلاص كاني خلصت قراية .. قومي رقدي وياي .. قومي عشان ترتاحين .. يوم كنتي صغيرة دايما .. ايام الامتحانات تردقدين عندي عشان ما تخافين مريم: مو بس و انا صغيرة .. حتى الحين ما ارتاح الا معاج أمينة بابتسامة دافية و حنونة مثل ما تعودت منها مريم دووم: قومي حبيبتي ..صلي لج ركعتين قيام و اقري لج لو صفحة قرآن .. بتهدى نفسج و بترتاحين .. و ادعي التوفيق من ربج مريم: و انتي بعد ادعي لي يما أمينة: ادعي لج ليل نهار .. ان الله يوفقج و يهدي سرج حظنت مريم امها و باستها على راسها مريم: الله لا يحرمني منج يا اغلى ام بالدنيا أمينة: و يخليج لي يا رب عقبها راحت تصلي و تقرى قران و ترقد مع امها ...... من امس لليوم ما نامت .. من طلع مايد ما اتصل لها .. و لا حتى رد البيت .. هو عليه دوام اليوم .. و ما رجع البيت غريبة نزلت تحت و قعدت مع خالتها .. يمكن تعرف شي عن مايد ام سعيد: هلا ببنيتي .. مبروك حبيبتي حملج تستاهلين .. امس ما شفناج نورة: الله يبارك فيج خالتي .. الا من قالج؟؟ أم سعيد: مايد توه قالي قبل لا يروح الدوام نورة: هو كان هنيه ام سعيد: هيه ليش ما شفتيه فوق؟! نورة بارتباك: امبلة كان فوق .. بس ما حسيت به كنت نايمة أم سعيد: الله يهنيكم .. خبرتي امج نورة: بتصل لها الحين افف منو يتحرى عمره هذا .. ما فكر ايي يشوفني حتى .. عشان يطمني .. بس الغلط مني انا اللي استهميت عليه .. مالت عليه ..... و هم يمشون باحد ممرات الجامعه .. عقب ما خلصوا اخر امتحان و افتكوا لولوة: افف ما بغينا نفتك مريم: سكتي لاعت جبدي .. الله يعين النتايج بس قبل لا تتكلم لولوة .. يا خليفة و قطع عليهم كلامهم خليفة: السلام عليكم مريم ما ردت لولوة: هلا خليفة .. شلونك؟؟ شسويت بالبريزينتيشون؟؟ خليفة و عينه على مريم اللي كانت هادية و مو ماعطته ويه: تخرجت الحمدلله لولوة: مبروك و التفتت على مريم لولوة: من بيي ياخذج مريم: امي لولوة: خلاص انا سلمانوه ينطرني بروح عنج راحت و خلت مريم واقفه بروحها مع خليفة خليفة: احم شحالج؟ مريم: بخير و مشت عنه صوب البوابة امها تاخرت عليها فاتصلت لها بس محد كان يرد .. و خليفة واقف جريب منها مريم بينها و بين نفسها .. اووف شيبي ذي بعد مريم: تقدر تروح البيت اخ خليفة خليفة: و انتي ما بتروحين مريم: مالك خص خليفة: خلاص برايج .. ما بروح الا يوم تروحين مريم فخاطرها اووف ياللزقة .. صح هي فرحانمه باهتمامه بس هي ما تبي تبين هالشي .. و فنفس الوقت فيها رقاد و تبي تروح البيت بسرعه .. و امها تاخرت وايد شافت من بعيد سيارة طلال و كانوا معاه جواهر و هنادي .. راحت بسرعه بدون حتى لا تودع خليفة مريم: السلام عليكم طلال بصوت هادي: و عليكم اما الباقي فكانوا ساكتين و هاديين بشكل غير طبيعي مريم: شفيكم ساكتين؟؟ طلال: ما فينا شي مريم: امبله .. بعدين ليش امي ما يتني هنيه هنادي صاحت و جواهر كان مبين عليها الحزن مريم و حست بالخوف و ان امها فيها شي امتلت عينها بالدموع و صرخت: شفيها امي؟؟ طلال بهدوء: ما فيها شي .. بس امج و هي ياية تاخذج سوت حادث بسيط .. و هي فالمستشفى الحين شهقت مريم و صرخت: يا ويلي عليج يا يما .. طلال احلف ان ما فيها شي جواهر: مريم حبيبتي اهدي .. امج ان شاءالله ما فيها شي اهدي مريم و هي تصيح و صوتها مب مفهوم: ابي اشوفها جواهر: بنروح لها الحين حبيبتي و طول الطريج و مريم منهارة و تصيح و جواهر و طلال يهدون فيها اول ما وصلوا السلمانية ركضوا على طول فوق من وين ما موديين ام مريم .. عقب ما سالوا عنها .. و هناك شافوا اليد و اليدة و الخال و مرته مريم اول ما شافت يدها .. انهارت بحضنه تبجي و تصيحو الكل حالته حاله .. يدعون ربهم و يرجونه يطلع الدكتور و يطمنهم و فلحظة طلع الدكتور و قال جملة محد تمنى ان يسمعها الدكتور: عظم الله اجركم "لا مستحيل" كانت هذي اخر كلمة لفظتها مريم قبل لا تطيح مغشي عليها و مخليه الكل في ذهول و صدمة و حزن

الجزء السادس عشر في صالة بيت بو خليفة فوق نورة كانت تكلم شمسة و هي تصيح نورة و هي تصيح: ما ابيه و الله ما ابيه شمسة: نورة شهالكلام؟؟ انتي تلعبين .. باجر عرسج .. هالكلام خلاص ما منه فايدة ابد نورة و هي تشهق: مو قادرة اتقبله و الله شمسة: نورة .. انتي وافقتي من البداية عشان تقهرين فهد صح .. و تثبتين له انج قوية و عادي عندج فراقه .. و انج قادرة تتزوجين من عقبه صح نورة تكابر: لا شمسة: عيل ليش وافقتي .. نوار انا قريبة منج وايد و يمكن اكثر وحدة افهمج .. لا تكابرين نورة و صياحها يزيد: شماس .. مو عارفة شسوي بموت شمسة: ارضي بالامر الواقع .. انتي اللي دخلتي عمرج بهالسالفة و محد اجبرج .. و حسب كلامج مايد يحبج .. يمكن نصيبج وياه احسن من نصيبج مع فهد اللي باعج .. خلاص ارضي بالواقع .. و عيشي حياتج .. و مصيرج بتتعودين عليه و بتحبينه شمسة تعمدت تقول "باعج" عشان نورة خلاص تشيل فهد من بالها .. اما نورة فكانت تدري ان كلام شمسة كله صح .. لكن هي مستحيل تحب مايد نورة: مستحيل احبه .. يعله الموت شمسة: بسم الله .. استحي على ويهج و خافي ربج .. شذنبه الريال تدعين عليه؟؟ نورة: ما ابي اعرس ما ابي .. شمّاس دخيلج تعاليلي الحين شمسة: تدرين مع ان الوقت متاخر بس عشان خاطرج بستاذن امايا و بييج نورة: خلاص اترياج سكرت شمسة عن نورة و قلبها يعورها على بنت عمها .. الله يسامحك بس يا فهد .. مع ان الساعه تسع و اهلها مستحيل يرضون تطلع بهالوقت .. بس شمسة تمت تحن على امها .. و اللي انقذها ان ابوها موجود فاقنعته ان بنت عمها محتاجتها في ترتيب الاغراض .. راحت لنورة و نامت عندها و تمت تهديها و تقنعها بمايد و ترتب معاها الاغراض .. ارتاحت نورة شوي من عقب يية شمسة .. اما شمسة فقعدت ثاني يوم من الصبح عساس ترد بيتهم و تتجهز "للعرس" و هي نازلة الصالة ما شافت حد و سمعت صوت بالمطبخ فراحت تسلم على مرت عمها قبل لا ترد شمسة: السلام عليكم بس اتفاجات ان اللي فالمطبخ مو مرت عمها .. اللي فالمطبخ كان "خليفة" اللي رد من البحرين حق عرس اخته خصوصا ان هالكورس ما عنده الا بحث التخرج و بس .. فمو مضطر يداوم خليفة و هو يطالعها: و عليكم السلام .. هلا شمسة شمسة و قلبها يدق من الفرحة: شحالك ؟؟ و الحمدلله عالسلامة خليفة: الله يسلمج .. و انتي شحالج؟؟ شمسة: بخير ربي يعافيك .. عيل وين عمتي؟؟ خليفة: سارت الخياط تقول اليوم بتزهب كندورتها شمسة: برايها عيل سلم عليها خليفة: و مع منو بتسيرين؟؟ شمسة: فهد يترياني برع مع السلامة انقهر خليفة من عقب ما سمع اسم فهد .. ما يداني يشوفه من عقب اللي سواه باخته .. و من عقب ما طلعت شمسة بينه و بين نفسه .. ما احلاها .. كبرت و تغيرت من زمان ما شفتها .. انا شو خصني فيها حلوت و لا لا .. انا ما ابي الا مريومتي فديتها .. ابتسم يوم تذكر مريم .. و راح فوق يرمس مع اخته شوي ...... في بيت بو احمد دخلت هنادي و حاست بالبيت و ما حصلت احد .. سمعت حوسة بالمطبخ و دخلت شافت مريم محتشرة بين الاغراض بالمطبخ هنادي بصوت عالي: صباح الخير مريم عقب ما نقزت: بسم الله .. خرعتيني .. و هي حايسة بوزها: صباح النور هنادي: ههههههه .. شدعوة اوي البك "قوي قلبك" مريم: شنو .. تسوين دعاية "ديو" حضرتج هنادي: هههههههههههههههه مريم: الحمدلله و الشكر.. يالله بنعمة العقل .. شفيج منشكحة اليوم هنادي: و لا شي بس قاعده نشيطة .. الا شتسوين مريم: اسوي كيكة تمر هنادي: عشتوا شعندج؟؟ مريم: ما عندي شي بس مليت و ما عليي دراسة السبت هنادي: انا عندي بروجكت ادب مريم: ايهه عاد انتي بتستذبحين عليه عشان تاخذين علامة كاملة هنادي بارتباك: شقصدج؟؟ مريم: لا سلامتج .. بس من فترة ما عندج سالفة الا الدكتور محمد و مادته هنادي: عادي اتحجى عنه مثل ما اتحجى عن غيره .. و انتي تعرفين انه كل المواد تهمني .. الا انتي تتخيلين و تتوهمين مريم: اتمنى .. انزين قومي يالله خلصت قومي نروح الصالة هنادي و هي تقوم: عيل وين عمتي؟؟ مريم: راحت مع يدي و يدتي سوق السمك و طلعوا و قعدوا بالصالة يشوفون التلفزيون ................ كانت واقفة جدام المنظرة بكامل زينتها .. اليوم خلاص راح تصير زوجة مايد و راح تعيش معاه ببيت واحد و غرفة وحدة!! دخلت عليها امها و قعدت تكلمها و تنصحها عشان تكون ربة بيت سنعة .. نورة كانت تسمع امها و دموعها تنزل على خدها و عقب حضنت امها و تموا يصيحون هم الثنتين .. ام خليفة كانت اغلب طلعاتها مع نورة و الحين بتطلع من البيت و بتسكن فالعين .. اما نورة فمصيبتها مصيبتين .. راح تفارق اهلها اللي تحبهم .. و الادهى انها بتتزوج واحد ما تحبه!! دخلت القاعه و العيون كلها عليها .. الكل يناظرها .. كانت محلوة وايد و تسريحتها و مكياجها وايد حلوين .. حتى فستانها اللي اضطرت تصممه بسرعه كان وايد حلوو .. نظرة الحزن ما فارقت ويها و اكثر وحدة كانت حاسة فيها هي ربيعتها شمسة .. شمسة ركبت عالستيج .. و راحت تسلم على نورة شمسة: مبروك نورة: الله يبارك فيج .. وينج من اول ما دخلت ادورج شمسة: كنت موجودة بس انتي اللي ما انتبهتي .. وايد مرتبكة .. بس ما شاءالله عليج قمر نورة: تسلمين .. من ذوقج شمسة: يا بخت مايد فيج و الله نورة و هي تنزل راسها: لا تيبيلي طاريه شمسة و هي تتنهد: انا بنزل الحين و بييج عقب شوي عقب فترة من الرقص و الاغاني .. دخل مايد و معاه ابوه و ابوها و اخوانها .. باس راسها و وقف عدالها .. عقبها سلموا عليها اخوانها و ابوها و باركوا لها و تصوروا وياها و طلعوا مايد: مبروك نورة من غير ما تطالعه: الله يبارك فيك مايد كان فرحان و يسولف مع نورة .. و هي يا اما ترد بردود مختصرة .. او ما ترد من الاساس .. هو كان يتحسبها مستحية منه .. و هي كان مخها بمكان ثاني!! عقب ما زفوهم .. طلعوا من الخيمة .. و ودعوا اهلهم .. راحوا العين على طول .. و بالطريق مايد: اسف الغالية اني ما بقدر اسفرج شهر عسل .. تعرفين ظروف الشغل .. بس اوعدج اول ما احصل فرصة .. بسفرج احلى شهر عسل نورة بابتسامه باهته: لا عادي و لفت الصوب الثاني .. و حطت راسها على الكرسي .. مايد تحراها نامت .. بس هي كانت قاعده .. و تفكر بحياتها اليديدة كيف راح تكون عقب ما صارت حرم مايد!! و هل راح تقدر تتقبله!! و كيف راح تكون حياتهم اليديدة!! كل هالاسئلة كانت ببال نورة و تفكر فيها لين ما نامت ........ في مدينة الضباب .. جواهر كانت متكشخة فالصالة و تنتظر طلال ايي من الدورة و يبدل .. عشان يطلعون و يتغدون برع .. و رن تلفونها و المتصلة كانت امها جواهر: هلا و الله يما ام يعقوب: هلا و الله ببنيتي .. شلونج يما جواهر: بخير الحمدلله .. و لهت عليج وايد الام: و انا اكثر يما جواهر: انتوا شلونكم و شلون ابوي و خواني و شلون البحرين؟؟ .. ولهت عليكم وايد الام: كلهم بخير و يسلمون عليج .. عيل وين طلال عنج جواهر: فالدورة انا لابسة و انطره بنطلع الام: خلاص عيل سلمي عليه .. و تحملي بروحج حبيبتي جواهر: ان شاءالله يما .. سلمي على اللي عندج سكرت الام عن جواهر و قلبها مرتاح على بنتها عقب ما حست من صوتها انها سعيدة و مستانسة و مرتاحة شوي و دخل طلال .. بدل و عقبها طلعوا يتغدون و يدخلون السينما .. طلال مو مقصر عن جواهر بشيء .. و ما باقي لهم الا اسبوعين و يرجعون نهر حبك

الجزء الخامس عشر اليوم ثالث ايام العيد .. و فهاليوم ام خليفة كانت سايرة ويا نورة و فطوم و سلطان و سيف بيت امها فالعين عسب تعيد عليهم .. و هناك كانوا موجودين بيت اخت ام خليفة بيت ام سعيد عقب الغدا البنات طلعوا الحديقة .. لانه الجو كان حلوو فاطمة: بس وااااايد ضعفتي .. شسالفة لا يكون تسوين رجيم نورة: لا بس تعرفين الدراسة تعب خصوصا برمضان فاطمة: الله يعينج ..متى يخلص الكورس؟؟ نورة: يعني اسبوعين جي و فالصالة اليدة دخلت تصلي فتموا ام سعيد و ام خليفة بروحهم بالصالة ام سعيد: و الله يا ختي في موضوع بكلمج فيه يمكن المكان مو مناسب بس احنه اهل ام خليفة: افا عليج احنا خوات و ما من بينا هالرمسة .. قولي اللي بخاطرج ام سعيد: عاد انا رمستج من قبل ان نبا نورة لمايد .. تدرين الولد يبي البنت و هي بنت خالته اولى فيه .. و هو مستعد يخليها تكمل دراستها ام خليفة استانست من داخلها يمكن هالموضوع ينسيها فهد: و الله ياختي مادري شقولج .. البنت بنتكم بس بعد لازم اشاورها و اشاور ابوها ام سعيد: خذوا وقتكم .. بس ترى الولد شاري البنت ام خليفة: مايد ريال و النعم فيه ما عليه كلام و هم بنص كلامهم دخلوا البنات ام خليفة: يلا عيل احنا نترخص منكم ام سعيد: يالسين .. تو الناس ام خليفة: نييكم مرة ثانية ان شاءالله .. تدرين سلطان بيسافر باجر .. و البنات دوام باجر .. ورانا درب ام سعيد: خلاص اتريا منج تلفون بخصوص هذيج السالفة ام خليفة: ان شاءالله خير .. فمان الله ........ انتهت ثلاث ايام العيد عقب ما الكل استانس بالاجازة و مرت الايام بين الامتحانات لين ما وصل اخر يوم مريم كانت تتمشى فالجامعه و تدور على لولوة بس ما حصلتها .. و هي بمشيها شافت خليفة واقف مع سلمان تمت واقفة فترة تتامله و يوم لف و شافها نزلت عيونها بسرعه .. تفشلت و راحت بسرعه خليفة: فديتها سلمان: صج ما تستحي .. احاجيك بصوب .. تقوم و تلف عني خليفة: اسمعك .. اسمعك سلمان: مبين خليفة: اقولك انا بروح المكتبة مشى خليفة حتى قبل ما يسمع رد سلمان .. هو كان متاكد ان مريم هناك راح و شافها .. يلس عالطاولة اللي هي قاعدة عليها خليفة: احم .. السلام عليكم مريم بابتسامة خفيفة و اللي كانت تجذب وايد: و عليكم السلام خليفة: شحالج؟؟ مريم و هي تطالع بالكتاب: الحمدلله خليفة: شحال الامتحانات وياج مريم: الحمدلله اوكي خليفة: مريم ابي اقولج شي مريم بابتسامة: اشش احنا بالمكتبة .. انت ياي تقرى و لا تسولف خليفة و هو خلاص بيموت من ابتسامتها: انا ياي عشانج مريم و انحرجت و ما عرفت شتقول .. تقوم او تقعد خليفة: مريم انا و الله احبج صدق و ما اضحك عليج .. و ربي شاهد عليي .. و اول ما اتخرج بتحصليني ببيتكم مريم هنيه خلاص ما قدرت تتم اكثر .. انحرجت قامت بسرعه حتى ما ردت عليه .. و لا طالعت بويهه .. مشت بسرعه و شافت لولوة بدربها .. قعدت معاها شوي تالي ردت البيت ............ في الامارات و بعد ما طلعت نتايج نورة و اللي كانت عالحافة و قررت توقف الكورس الياي ام خليفة: و بعدين معاج يا نورة نورة: امايا انا تغيرت خلاص و صرت بخير .. بس الدراسة ما ابيها .. على الاقل هالفترة ارجوج امايا ارجوج ام خليفة: زين في موضوع ثاني برمسج فيه نورة: تفضلي امايا ام خليفة: اختيه ام سعيد ردت رمستني بالموضوع .. و قالت تباج نورة و هي تقطع رمسة امها: امايا تعرفين رايي زين فهالموضوع ام خليفة: انا ما كملت رمستيه نورة: ما يحتاج اكملها اعرف شبتقولين ام خليفة بحزم: قلت لج اسمعيني للاخر .. مايد شارينج .. و امه قالت هو ما عنده مانع تكملين دراستج .. و اظن بروحج قلتي بتوقفين دراسة الكورس الياي!! نورة: بس انا ما ابي اعرس امايا دخيلج ام خليفة: و ان شاءالله بتتريين فهد لي ما يرجع لج عقب ما يودر حرمته!! نورة و هي خلاص بتصيح: انا ما ابيه فهد و لا ابي مايد ام خليفة: الشور هب عندج .. هذا اللي ناقص تتنقين فالرياييل نورة: امايا شو هالرمسة .. دخيلكم انا مابا مايد ماباااه و ركبت غرفتها فوق و تمت تصيح ........ فبيت بو محمد كانت العايلة مجتمعه بالصالة قاعدين يسولفون و فهد كان يالس وياهم بس حرمته كانت طالعة تزور وحدة من ربيعاتها ماخذة مواطن بعد!! فهد: ابوية انا اعتذرت لك .. و خلاص اول ما اشتغل و احصل سكن مناسب بنتقل ام محمد: هالبيت بيتك .. و ما راح تطلع منه بو محمد: اظن انا قلت الكلام اللي عندي و ما بعيده ام محمد: الولد خلاص تزوج لي متى بنعاقبه!! بو محمد: و تسمين هذا زواج و هله ما يدرون ام محمد: الولد تزوج .. و هي تطالع بو محمد بنظرة تذكره باللي طاف .. و اظن هو مو اول واحد يسويها بو محمد: انتي الكلام وياج ضايع شمسة: امايا و ابويا صلوا عالنبي بو محمد و هو طالع: اللهم صلي و سلم عليه .. انا طالع و انتي خلج ويا ولدج .. لي ما تضيعينه و طلع بو محمد و هو معصب حده .. هالمرة بتذبحه .. كل مالها و تذكره باللي طاف مع انه ما نساه يوم .. ااه يا ذيج الايام ليتها ترجع بس .. تنهد و ركب سيارته .. و راح ......... بعد ما طلع بو محمد الجو كان متوتر .. كانوا قاعدين بالصالة و شمسة خايفة على ابوها .. هي تحبه وايد .. و هو اقرب لها من امها .. و اليوم طلع متضايق شمسة: امايا اتصلي بابوي شوفيه وينه ؟؟ أم فهد: ما عليج بيرجع بروحه مثل ما طلع بروحه تنهدت شمسة و عرفت انها امها مثل ما هي و معاملتها مع ابوها ما تغيرت: شلت تلفون الصالة و اتصلت بابوها بس ما رد .. خذت موبايلها و جربت تدق و رد عليها ابوها على طول شمسة: ابويه وينك .. انشغل بالنا عليك؟! بو محمد: امج اللي قالت لج تدقين؟! شمسة بارتباك: هيه بو محمد عرف انها تجذب: انا سرت المزرعة ببات لي يومين هناك و برد شمسة: باباتي الله يهداك شموديك المزرعة الحين؟ بو محمد: تعرفيني ما اعزي عنها .. عموما قولي لامج عشان ما تحاتيني .. مع انها ما ظن مفتكرة شمسة: خلاص اوكي و انت دير بالك على نفسك بو محمد: ديري بالج على خوانج و امج و البيت شمسة: فمان الله ام محمد و هي تلف صوب شمسة: قلت لج ما فيه شي شمسة بضيج: امايا ابوي سار المزرعة .. بيبات هناك ام محمد: ابوج هذا حاله .. يستانس عالبوش و البقر شمسة: امايا الله يهداج .. انتي عصبتي به .. و لا هو ما يستغنى عن البيت ام محمد: ابوج هب ياهل مثل ما راح بروحه بيرد بروحه بو محمد كان بالفعل يعتبر المزرعه ملجاه الوحيد وقت الضيق .. التفاهم بينه و بين مرته اللي هي بنت عمه و انغصب عليها معدوم .. فكان يحب يروح المزرعه و هناك يعيش عالم ثاني .. يمكن لو حد شافه بيقول عنه مينون .. بس هو كان يعيش هناك عالم ثاني "معاها" و مع صوررتها المحتفظ فيها و ذكرياتها اللي ما بينساها لين ما يموت قامت شمسة بضيج .. بس سمعت امها تسولف عن شي مهم فوقفت عطرف الصالة ام محمد: الا ما دريت نوير بنت عمك انخطبت شمسة استغربت اما فهد فالتفت على امه و قال: و هم وافقوا؟! ام محمد: قالت لي ام خليفة انهم بيردون عليهم قريب فهد وقف و هو معصب: و كيف يوافقون عليه .. و هم يدرون ان نورة لي!!!!! هنيه شمسة ما قدرت تسكت تدخلت و قالت: لا و الله .. مو انت اللي قلت نورة مثل اختي و تزوجت وحدة ثانية فهد: و الله الشرع محلل اربع شمسة: مو نورة اللي ترضى بواحد باعها فهد: نورة لي من و احنا صغار و مجرد ما تولد حرمتي انا باخذها شمسة: و الله هي مو لعبة عندك ام محمد: و الله ولدي ما يعبيه شي .. و تحمد ربها يوم هو بيظويها شمسة انقهرت و ما قدرت تسمع اكثر ركبت غرفتها فوق و هي مقهورة من اللي قاعد يصير بهالبيت .. شمسة صح من النوع الهادي .. بس ما تحب تسكت عن كلمة الحق .. و هذا هو سبب خلافها الدايم مع امها .. عكس ابوها اللي تعتبره اقرب لها من امها .. لدرجة انها تسولف له عن ربعها و سوالفهم بالكلية اما فهد فطلع من بيتهم و هو متجه لبيت عمه و بباله يكلم عمه و يقوله انه يبا نورة .. فهد شخصيته كانت متقلبه .. و اناني بطبعه .. و هذا طبعا من دلع امه له اللي عمرها ما قالت له لا وصل بيت عمه و شاف فطوم قاعدة بالصالة تلعب بلاي ستاشون مع بنت جيرانهم فهد: السلام عليكم فطوم بدون ما تشل عينها عن اللعبة: و عليكم السلام فهد: فطوم تعالي .. اباج فطوم و هي تتافف لان ما تحب حد يقطع عليها البلاي ستاشون: هلا فهد: وين هلج عيل؟؟ فطوم: ابوي و امي و سيفو راحوا بيت عمووه فاطمة فهد بتردد: و نورة؟؟ فطوم: بغرفتها فهد: احم فطوم طالبنج بطلبة فطوم: شو فهد: اباج تزقرين نورة و تقولين لها تروح الميلس فطوم: ليش؟؟؟؟ فهد: اباها بسالفة ضرورية فطوم: بس هيه ما تبي تشوف حد .. و لو درت انك ياي مستحيل تنزل فهد: انزين قولي لها شمووس يت تحت فالميلس فطوم: اولا ما اقدر لانها بتنزل من غير وقاية ثانيا ما عرف اجذب فهد و هو يحيس بوزه: هذي مو جذبة بس انا اباها بسالفة وايد وايد ضرورية فطوم كانت متمللة من فهد و تبي تفتك منه عشان ترد تلعب فراحت تنادي نورة في غرفة نورة نورة: فطوم تراج لوعتي بجبدي فطوم: اووه اقولج فهد يباج تحت نورة بعصبية: شيبي؟؟ فطوم و هي طالعة من الغرفة: شدراني فيكم انا .. اذا ما تبين ترمسينه .. انزلي و قوليله بنفسج نورة بالاول فكرت تطنش فهد و تخليه يولي بس عقب خذها الفضول و قررت تنزل تشوف شيبي؟؟ نورة و هي تنزل من الدري: السلام عليكم فهد و هو يوقف على طوله و يبتسم: هلا و الله و عليكم السلام نورة: شتبي؟؟ فهد: احم ممكن تيين الميلس برمسج بشي ضروري نورة: ما من بينا شي عشان اقعد معاك "بروحنا" بالميلس .. و كون انك ولد عمي ما يعطيك الحق بهالشي فهد عقب ما فقد الامل انها تيي وياه: شحالج؟؟ نورة و هي تطالعه: بخير .. ممكن تقول شعندك لاني مو فاضية فهد: سمعت انج انخطبتي نورة: و شالغريب بالسالفة .. و لا قاصرني شيء فهد: محشومة .. و سمعت انج وافقتي!! نورة بتحدي: و ليش ما اوافق .. ولد خالتي و اولى فيني من الغريب و مايد ما يعيبه شي فهد: بس انتي تدرين اني ابيج نورة: هذاك اول .. بس الحين انا مثل اختك .. مو هذا كلامك فهد: بس الحين غيرت رايي .. انا اباج و انا اولى فيج نورة و هي توقف و بكل عصبية: لي هنيه وحدك و ما اسمح لك تكمل .. انت مالك حكم عليي و عندي ابو و اخوان الله يخليهم لي .. انساني و شلني من بالك .. انا خلاص صرت ملك شخص ثاني .. مايد بيصير ريلي .. و محد له حق عليي غيره هو و هلي .. و انت انا نسيتك و صرت فقلبي مجرد ذكرى سودة .. و هي تركب الدري: حياك الله .. و البيت بيتك نورة قالت هالكلام .. عشان تقهر فهد و تتحداه .. وافقت و هي ما تدري على مايد .. و السبة ردة فعلها على فهد!! ....... كانت قاعده فالصالة و فايدها كتاب .. فالاجازة اغلب وقتها تقضيه بالقراية او التلفزيون و الاكثر مع بنت خالها هنادي دخلت امينة الصالة و شافت مريم: شتقرين يما مريم و هي تنزل عينها عن الكتاب: هلا يما مسامحة كنت مندمجة ما انتبهت لج امينة: ههه قوليلي عاد شتقرين مريم: اقرى كتاب عن عجائب الدنيا السبع امينة: حلو مريم: تصدقين يما .. حدائق بابل المعلقة شي واااايد غريب سبحان الله .. الواحد يستغرب شلون جذيه متعلقة امينة: ما في شي بعيد عن ربج .. سبحانه قادر على كل شي مريم: و لا تاج محل .. الواحد يستغرب معقولة فيه حب جذيه بهالدنيا!!! امينة: اكيد فيه .. ما عليج من خرابيط هالايام لما واحد يقول لوحدة احبها و تالي يقص عليها ذي مو حب .. لكن بعد الحب موجود مريم: ممم بس هالايام ما نشوف هالحب اللي نقرى عنه بالروايات امينة: دشي أي بيت و بتلاقينه .. بعدين الحب مو بس الا حب الريال و المرة .. حب الاهل و الاصدقاء و غيره .. و ترى الحب اللي يبقى بين الريال و المرة هو الحب اللي عقب الزواج سرحت مريم بافكارها شوي تفكر بخليفة .. يا ترى صج يحبها .. و لا مثل حب هالايام !!!!! ...... فبيت بو خليفة نزلت نورة تحت و شافت الصالة هدوء .. دخلت غرفة امها و ابوها بو خليفة: هلا و الله ببنيتي .. تعالي يلسي ام خليفة: خير نورة شكلج عندج رمسة نورة و هي منزلة راسها و مرتبكة: هيه بو خليفة: ارمسي قولي شعندج؟؟ و اذا عن مايد .. تونا انا و امج كنا نرمس نحن ما بنغصبج على شي ام خليفة: خلاص يا بنتي دام ما تبينه .. انا برمس اختي و بعتذر منها اهم شي سعادتج نورة بارتباك واضح و هيه منزلة راسها: احم لا انا كنت ياية اقولكم اني .. اني موافقة بو خليفة: نورة احنا ما بنضغط عليج لو ما تبينه عادي .. احنا للحين ما عطيناهم كلمة نورة: لا انا فكرت و اقتنعت .. مايد ولد خالتي .. و بيصوني احسن من الغريب ام خليفة بابتسامه شاقة الحلج: الله يبارك فيج يا بنتي و يريح بالج مثل ما ريحتي بالي نورة: عن اذنكم .. تصبحون على خير ركبت نورة غرفتها و قعدت تصيح لانها خلاص بالفعل نهت كل امال فهد عليها .. ما تقدر تنكر انها للحين تحبه .. لكنه جرحها جرح لا يمكن تنساه .. لكنه للاسف عالجت الغلط بغلط اكبر .. لانها ظلمت نفسها و ظلمت مايد وياها يوم وافقت عليه بس عشان تقهر فهد!!! عكس مايد اللي الدنيا مو شايلته من الوناسة عقب ما ردوا عليهم بيت خالتهم بالموافقة!!!!!!!!! ........ مرت الايام سريعة فالبحرين بين التجهيزات لعرس طلال و جواهر اللي اصر طلال انه يعرس فشهر 2 عقب ما جدموا الدورة مالته .. اما نورة فكل يوم يمر عليها تذبل فيه اكثر و تحس انه نهايتها جريب بهالعرس اللي ما تبيه .. و وافقت عليه من باب "التحدي" .. امها كانت ملاحظة حزنها و قلبها يعورها عبنتها بس ما باليد حيلة .. ملجة نورة و مايد كانت بنفس يوم عرس جواهر و طلال و العرس عقبه بيومين .. مايد بعد ما عرف بموافقة نورة و انها وقفت دراسة هالكورس .. استعيل بالعرس .. لانه ما يقدر يبعد عنها .. و وده بقربها اليوم قبل باجر ..... من تحت الغشوة و بصوت مرتجف و بكل حيا قالت: هيه و ركبت فوق و الكل يبب و الاغاني بدت تشتغل و مع هالكلمة ارتسمت ابتسامة فرح على ويه مايد اللي ياما و ياما انتظر هاللحظة .. و عقب هالكلمة اللي طلعت من نورة .. بدت مظاهر الفرح اللي ارتسمت على ويوه الكل الا نورة!!! .. أما فالبحرين فكانت جواهر قاعده بالغرفة عقب ما ودعت اهلها و اهل طلال .. شعرها طول لحد جتوفها .. و كانت نازلة منه خصل على ويهها .. يا طلال و قعد يمها طلال: مبروووك جواهر و هي منزلة راسها من الحيا و بصوت مبحوح عقب الصياح و بابتسامة باهتة: الله يبارك فيك طلال: احم .. رفعي راسج عاد ابي اشوفج اكتفت جواهر بابتسامة بس و بعدها منزلة راسها طلال: و ليش هالدموع .. كل هذا فرح عشان تزوجتيني؟! .. طلال كان يقول هالكلام عشان يخفف جو التوتر بينهم .. خصوصا عقب ما شاف دموع جواهر على وداع اهلها لأنها اول مرة تفارقهم جواهر: هههه .. اول مرة افارقهم طلال: كلها شهر و نرجع لهم .. بعدين لا تخافين انا بحاول قد ما اقدر اسعدج .. و اكون لج مثل اهلج و احسن ابتسمت جواهر و ارتاحت بنفس الوقت من كلامه طلال: تعشيتي جواهر: ايه .. مع انها مو ماكلة شي من الصبح بس قالت جي لانها تستحي تاكل جدامه طلال: خلاص انا بطلب عشى و بتاكلين وياي .. ما احب ااكل بروحي تركها طلال و راح الصالة يبدل ثيابه .. و خلاها بالغرفة عشان تاخذ راحتها و هي تبدل ثيابها و من عقب هاليوم راح يبدؤون بحياة يديدة الله العالم اذا راح تكون سعادة و حب مثل ما ابتدوا .. او راح يتخللها بعض النواقص و المشاكل!! نهر حبك متـــــــعذبة بصمت : نكي اليديد

الجزء الرابع عشر مرت الايام سريعة عالكل الا على نورة اللي كانت كل يوم يمر عليها تذبل فيه اكثر.. و ما صارت تزور بيت عمها لانها كل ما تشوف "فهد" جرحها ينزف اكثر و اكثر .. الكل لاحظ انعزالها بغرفتها و قلة اكلها و صياحها الدايم .. هذا غير انها صارت حساسة زيادة عن اللزوم و على اقل شيء تزعل .. و علاقتها بشمسة بدت تقل .. مو لانه نورة تتهم شمسه .. بس لانه نورة تمر بمرحله حرجة .. كرهت خلالها كل شيء .. و مستواها بالكلية بدى ينزل!! .... رمضان اللي الكل كان متشفق عليه و ينطره خلص .. و خلاص باجر اول يوم عيد حسب ما اعلنوا اليوم بالتلفزيون مريم: و انتي عاد متفيجة .. الحين تلاقين السوق زحمة و السيارات لي برع هنادي: و انا شدراني ان باجر العيد .. قلت يمكن عقب باجر و بارووح ايبها باجر الصبح مريم: دايما تخلين عمرج لي ااخر حزة هنادي: انسة مريم هدي عنج القرقة و يلا قومي خل يمدينا نروح عشان عقب نروح الصالون مريم: شكلنا الليلة صباحي!! أمينة: شفيكم؟؟؟ مريم: الاخت هنادي دفتها للحين ما يابتها و تبي تروح تييبها الحين .. و ورانا الصالون بعد أمينة: خلاص انا باروح اوديكم السوق .. بقعد فالسيارة و انتوا حولوا ييبوا الدفة .. تالي بقطكم الصالون و بروح سعد الدين اشتري حلاوة العيد .. عقب باخذكم هنادي: عمتي الصالون اكيد زحمة احنا لي خلصنا بنتصل لج أمينة: صار .. يلا روحوا بدلوا ...... الله اكبر كبيرا .. و الحمد لله كثيرا .. و لا حول و لا قوة الا بالله بكرتا و اصيلا .. لا اله الا الله .. على هالصوت اللي يتغلغل في فؤاد كل مسلم .. و تطرب له المسامع .. قعدت مريم صلت الصبح و دخلت تتسبح عشان تبدل و تتعدل و تنزل تسلم على اهلها .. و عقب ما خلصت نزلت تحت مريم: عيدكم مبارك ام احمد: تعودينه بالصحة و السلامة يما بو احمد و هي تبوس راسه: تعالي مريمي تريقي معانا مريم: ان شاءالله .. الا امي وينها؟؟ ام احمد: امج كانت تسوي الكيكة و الحين راحت تتسبح مريم: انا باروح اسلم عليها تالي باييكم عقب ما سلمت مريم على امها طلعت لقت بيت خالها بوطلال موجودين بالصالة مريم: هلا و الله عيدكم مبارك الكل: ينعاد عليج و سلمت عليهم .. و قعدت مع هنادي شوي .. عقبها طلعوا بيت بوطلال يسلمون على اهل منيرة .. و مريم و امها و اليدين راحوا يسلمون على اهلهم و تلاقوا مع بيت بو احمد هناك ..... في بيت بو خليفة و بالتحديد فالصالة فطوم: اماية رمستها بس مو طايعه .. تقول ما بتسير ام خليفة: هالبنت بتذبحني .. شقايل ما تبى تسير بيت عمج .. الولد و تزوج خلاص .. و عمها ماله خص .. بروحه مو راضي عزواج ولده فطوم: انا شدراني فيها .. بنتج و تفاهمي وياها .. انا بسير العب بلاي ستاشون و يا لطوف بنت ييرانا .. يوم تجهزون ازقريني ركبت ام خليفة فوق .. و فغرفة نورة .. الجو كان قمة فالكئابة .. الغرفة ظلام و باردة .. و نورة منسدحة عالسرير و متغطية بالكامل .. اللي يشوفها ما يقول هذا اول يوم عيد!! أم خليفة و هي تدخل الغرفة: لا حول و لا قوة الا بالله .. و راحت و فتحت ستاير الغرفة عشان يدخل فيها النور أم خليفة و هي تيلس على السرير: نورة؟؟ نورة من دون ما تشل اللحاف: أماية ابي انام أم خليفة و هي قلبها يعورها عبنتها: شهالنوم يا نورة؟؟ امس نايمة من الساعه 11 .. و انتي مو من عوايدج تنامين هالكثر .. بعدين اليوم اول يوم عيد .. حتى ما سلمتي علينا!! نورة و هي تقعد على السرير: اسفة امايا .. عيدج مبارك و باست راس امها ام خليفة: عساج تعودينه ان شاءالله .. قومي الغالية .. نشي بدلي ثيابج و تكشخي و سلمي على ابوج .. بعدين بنسير بيت عمج نورة: امايا مالي خاطر .. احس نفسي تعبانة ام خليفة: و بعدين معاج يا نورة .. لي متى يعني على هالحالة .. الكلام اللي نقوله لازم نعيده كل يوم نورة: دخيلج امايا و هم بنص كلامهم سمعوا دق عالباب .. كان سلطان سلطان و هو يبوس راس امه: مباركن عيدج الغالية .. شحالج أم خليفة: هلا وليدي . كل عام و انت بخير .. متى رديت سلطان: توني الحين .. ما شفتج تحت و قالت لي فطيم انج هنيه سلطان لف صوب نورة: و انتي يالعيوز بعدج نايمة .. يلا قومي الناس عيد أم خليفة: قول لها فديتك .. انا عيزت منها سلطان: امايا ترى ابوي تحت يباج أم خليفة: ها يعني طردة سلطان: ههههه افا عليج الغالية .. ما عاش من يطردج يالغلا .. بس ابا اكلم نواري أم خليفة: هذيه عندك كلمها ..... على الله ينفع وياها طلعت ام خليفة و صكت الباب وراها سلطان: ها نواري .. مباركن عيدج شخبارج ؟؟ نورة و هي تتنهد: عايشة .. ينعاد عليك سلطان: افا .. شهاللهجة الغريبة .. و ليش كل هالضعف .. تعودتج اقوى عن جيه نورة: و كيف تباني ارمس!! سلطان: مو الا بس رمستج حالج كله هب عايبني .. انتي مو نورة اللي الكل يعرفها .. من يوم رجع فهد و صار اللي صار و انتي حالج متغير .. زعلتي اول الايام قلنا معليه بس لي متى!! نورة و الدموع مجتمعه فعينها .. و بشفايف مرتجفة: انت كنت تعرف و خشيت عليي سلطان: ما كنت اعرف و الله نورة: كيف ما تعرف و هو معاك يدرس .. و بنفس الدولة سلطان: فهد السنة اللي طافت تغير .. يعني قام يطلع بروحه و ما يخبرني .. و انتي تعرفين اني مو ساكن وياه .. و لما كنت ازوره الشقة صح كنت الاحظ تغيير بس ما اشوف مرته وياه .. و مرة من شهرين زرته فجاة و انصدمت يوم شفتها عنده .. و عرفت انه متزوج .. نزل راسه و كمل و انها حامل نورة و دموعها تهدد بالنزول: هو كيف تزوجها و حبها .. و من وين عرفها؟؟ سلطان: مو مهم .. المهم انتي نورة و دموعها خلاص نزلوا: انا خلاص انتهيت سلطان: من قال .. انتي اللي تسوين بنفسج جذيه .. يعني اللي صار مو اخر الدنيا .. فهد تزوج و مرته حامل و عايش حياته .. و انتي تعذبين بروحج نورة و كلام فهد مثل السجاجين: سلطان ما ابي اسمع شيء سلطان: لا بتكلم .. شوفي نفسج .. طالعي ويهج بالمنظرة جي غادي .. غير دراستج اللي اهملتيها .. امي و ابوي و اخواني قاطعتيهم عشان فهد .. هذا غير شمسة ربيعة عمرج ابتعدتي عنها مع ان مالها ذنب .. و فهد عايش حياته و لا هو بداري عنج نورة و هي تصيح: انا احس نفسي ضايعة و مو عارفة شسوي؟؟ سلطان: قومي طلعي .. شغلي نفسج باي شي .. حاولي تنسين نورة: حاولت بس ما قدرت سلطان: حاولي اكثر و اكثر و بتقدرين .. يلا قومي غيري ثيابج و نزلي تحت نورة: ما ابي اروح بيت عمي .. ما ابي اشوفه سلطان: بتروحين .. و هذا اول التحدي .. لازم تتعودين .. و تثبتين لنفسج انج قوية .. و هزة مثل هذي ما تاثر عليج .. صح فهد ولد عمي و ربيعي .. بس اللي باعج بيعيه يلا قومي .. عشان خاطر امايا اللي ركبت لج لي فوق نورة: فديتها و الله ولهت عليها سلطان: يلا اترياج تحت ............... فشقة خليفة فالبحرين .. خليفة كان يتكلم فالتلفون سلمان: اتصل لك من مساعه .. تلفونك كله مشغول .. اعترف تغازل من خليفة: هههههه مسود الويه .. كنت اكلم اماية سلمان: يلا بسوي نفسي مصدقك خليفة: غصبا عنك يا حمار .. انتي تدري اني ما ابي حد من عقب مريم سلمان: عاش قيس بن الملوح خليفة: هههه تعال ما سالت لولوة وين بتروح مريم اليوم؟؟ سلمان: ياخي لوعت جبدي انت و مريم مالتك .. خليفة: جب لا .. اسال لولوة انت شخاس عليك ... يعني جنكم تسولفون عادي سلمان: سالتها و قالت لي .. و هب قايل لك خليفة: مو بعيدة عنك .. نحيس على قولتكم بالبحريني سلمان: هههههههه .. الله يسلمك قالت لي لولوة انهم بيروحون يسلمون على اهلهم .. و بيتعشون فالابراج خليفة: الساعه كم؟؟ سلمان: احلف انت قبل .. لا يكون انا اعرف قصة حياتها .. زين مني عرفت كل ذي خليفة: بس بس لا تاكلني .. خلاص انا بروح انتظرها من المغرب سلمان: الحمدلله و الشكر .. الله يعطيك العقل خليفة: زين فارج الحين .. بسير اتسبح سلمان: بمر عليك عقب نص ساعه خليفة: غريبة! عيل وين لولوة عنك ؟؟ سلمان: طالعة مع اهلها .. شفتها الصبح خليفة: اها .. زين خلاص انا بروح اتسبح .. و لا تنسى عشانا فالابراج سلمان: ههههه الله يعطيك العقل طلعوا سلمان و خليفة و راحوا الابراج .. بس خليفة ما شاف مريم .. لانه مريم و اهلها غيروا رايهم و تعشوا فالمطعم الايطالي اللي يم السيف!! ......... فبيت بو محمد الكل كان مجتمع .. ولده محمد من دبي و بيت بو خليفة الكل كان مجتمع فالصالة الا نورة و شمسة اللي كانوا قاعدين فوق فغرفة شمسة شمسة: يعني ما بغيتي تحنين علينا و تيين نورة: انتي ادرى وحدة بالظروف .. اللي صار لي مو شوي شمسة: بس انا مالي ذنب .. الله العالم شقد تكدرت يوم دريت باللي صار .. نواري انتي تعرفين غلاتج عندي نورة: و الله انا ما كنت عتبانة عليج .. بس المشكلة انا بروحي ما كنت اطلع و لا اكلم حد حتى اهلي بالبيت شمسة و هي تغمز: زين يوم سمعتي كلام سلطان و تكرمتي علينا نورة: اشتقت لج و الله شمسة: حتى نحن .. بعدين كلام سلطان صح ودري عنج الدلع .. و خلج قوية مثل ما تعودنا عليج .. و الريال بداله الف نورة: هالكلام لو ما كان هالريال فهد شمسة: صدقيني الايام كفيلة انها تنسيج .. و بتصير هالايام ذكرى تضحكين عليها نورة: ما اظن شمسة: زين قومي ننزل تحت نورة: ما ابي اجابله هو و حرمته شمسة: و شقايل تبين تنسين اللي صار .. مثل ما قال سلطان .. اول خطوة المواجهة .. يلا عاد قومي .. و ما عليج منه نورة و هي تتنهد: امري لله يلا ....... في صالة بيت بو احمد الكل كان مجتمع بالصالة يشوفون التلفزيون الا بو احمد اللي كان نايم و لا يدري عن هواهم و شخيره وااصل لي وين ام احمد: الله يهديك يا سالم .. سالم سالم بو احمد: ها ام احمد: قوم ارقد داخل الله يهداك بو احمد: و من قال اني راقد .. انا قاعد و اسمعكم ام احمد: بس و انت هذا حالك كل يوم .. شخيرك لي وين و قاعد و قاعد بو احمد رد يشاخر و لا عليه من احد أمينة: هههههه يما الله يهديج خليه .. ابوي يحب اللمة .. تالي لي قمنا بنقعده ام احمد: ابوج ذيه حوبة .. يسندر راسي لين يقووم بو احمد: اسمعج ها .. عن العقرة مريم: افا يدي يعني صج قاعد ههههه هنادي و هي تساسر مريم: يمكن يدي يختبرنا يشوف من يعقر فيه مريم: هههه شكله جذيه ...... في غرفة بو محمد فالامارات ام محمد: و بعدين وياك الولد خلاص عرس و اللي صار صار لي متى بنعاقبه يعني بو محمد: هالسالفة ما بتنعاد .. الولد ما راح يتم فالبيت ام محمد: يطلع يروح وين .. الولد بيتم هنيه .. و حرمته قريب و تولد .. تبي الولد يتربى بعيد عن يده و يدته بو محمد: محد خربه بالدلع غيرج .. ترك بنت عمه و تزوج هالشقرا .. و هذا هو ترك الدراسة و اونه يبي يشتغل ام محمد: الولد ما يبي يدرس كيفه بو محمد: هذا ولد عمه سلطان ما شاءالله عليه جدامج ناجح و بامتياز بعد و ورى باجر بيرجع يكمل .. انا ياما و ياما سكت لج .. بس هالمرة ما بسكت و فهد اول ما يحصل شقة يطلع سامعه أم محمد شخصيتها قوية وايد و بالعادة رايها هي هو اللي يمشي على بومحمد اللي كان طيب وايد .. و يسكت لها و يتنازل وااايد طلع بومحمد من الغرفة و خلى ام محمد قاعده بحسرتها على ولدها فهد اللي مدللته وايد و ما تبيه يبعد عنها و هاي انا نزلت اجزاء وايد ويا بعض وعلشان عيونكم و عيون الغالية بحرينيه^مزيونة بانزل بعد والحين

الجزء الثالث عشر نورة فغرفتها قلبها كان مقبوض .. و تحس بشي غير طبيعي يصير من وراها .. اخوها شكله تغير من يابوله طاري فهد .. و اصر على امه تكنسل العزيمة باجر ببيت عمه بحجة انه عازم ربيعه .. و شمسة ما ترد عليها .. لا السالفة فيها إن .. انا باجر بقنع امي أروح بيت عمي عقب الصلاة .. لازم أروح!! ............ ردت من الجامعه تعبانة حيل .. راحت غرفتها ترتاح شوي عقب تعب اليوم .. كان عليها امتحان منتصف و امس سهرانة طوول الليل تدرس .. و داومت اليوم من الصبح .. فتحس راسها بينفجر عليها .. سمعت دق على الباب أمينة و هي تفتح الباب: ها مريم يما ما مريتي عليي يوم ييتي ؟؟ الا دريت من الخدامة انج وصلتي مريم و هي تحضن امها: يوم ييت كنتي تصلين فما حبيت ازعجج أمينة و هي تمسح عشعر بنتها: و شسويتي فالامتحان يما؟؟ مريم: الحمدلله كان سهل وااايد أمينة: و ليش ويهج جذيه اصفر؟؟ تعبانة شي؟؟ مريم: لا يما ما فيني شي بس مصدعه .. تدرين امس طول الليل سهرانة .. قلة نوووم بس أمينة: خلاص يما رقدي ارتاحي و بقعدج بعدين مريم: يما قعديني قبل صلاة العصر بساعة .. بقعد اقرى قراان شوي أمينة: ان شاءالله حبيبتي .. الا هنادي شسوت بامتحانها؟؟ مريم: لا اليوم ما عندها .. باجر اهيه امتحانها أمينة و هي تطلع من الحجرة: الله يوفقكم يميع .................. فبيت بو محمد الجو كان متوتر حده .. بو محمد كان معصب عولده .. و كل ما يشوفه يعق عليه كم من كلمة .. و فهد كان يتحاشى ابوه .. و هوه حاليا يدور عشقة .. عشان ينفصل عن اهله .. اللي كلهم يطالعونه بنظرة اجرام و بالاخص "شمسة" .......... فصالة بيت بو أحمد .. بو أحمد و أم أحمد و أمينة و أحمد قاعدين يشربون جاهي عقب ما ردوا من صلاة التراويح أمينة: البنت كبرت يا خوي و صار لازم تعرف بو طلال: لا يا امينة هالسالفة ماتت خلاص .. و مريم مو لازم تعرفها امينة: بس البنت كبرت و مصيرها بيوم تتزوج .. ما يصير نخش اكثر من جذيه .. اخاف بيوم تحاسبني ام احمد: السالفة صار لها 19 سنة .. خلاص مو لازم تنفتح نزلت امينة راسها بحزن .. تفكر ببنتها .. و بمستقبلها .. و بجرحها القديم اللي صار له 19 سنة و ما التئم بعده .............. فغرفة مريم كانت تكلم هنادي بنت خالها مريم: وين كنتي رايحة؟؟ هنادي: الا هنيه محل النظارات .. طلول وداني و سمعت مريم صوت طلال: طلول فعينج مريم: هههههه .. و شموديج محل النظارات .. خبري توج مسوية وحدة يديدة هنادي: احم نظارتي انكسرت عدستها مريم: الله و اكبر عليج .. جم مرة انتي تكسرين بنظاظيرج؟؟ اليديدة و لا العتيجة؟؟ هنادي: لا اليديدة .. بالغلط شسوي .. قعدت عليها بالغلط .. كنت باخذ كتابي من على السرير و بالغلط نسيت انها على السرير .. لا و المصيبة نظارتي العتيجة نظرها قاصر .. عاد وديت الثنتين و قلت له يبرز لي وحدة ضروري مريم: ههههه انتي يبيلج نظارة flexible عشان تستحمل مغامراتج هنادي: تطنزي شعليج!! مريم: المهم شخبار الدراسة؟؟ هنادي: بخير الا طافتني حلقة يوم ااخر اليوم .. شفتيها؟؟ مريم: نصها بس .. لاني قعدت متاخرة .. صليت و قريت قران .. شفت شوي عقب قمت اساعد امي فالمطبخ .. بشوفها فالبحرين يحطونها الساعة 11 هنادي: خلاص عيل لي يات سويلي رنة .. يلا انا وصلت البيت مريم: اوكيك .. خلاص باحاجيج تالي هنادي: ان شاءالله .. فمان الله ............. كانت نورة واقفة جدام بيت عمها مع اخوها سيف .. امها كانت بتيي وياها بس فاجاتهم جارتهم بييتها فقالت لنورة تستسمح من بيت عمها و تسلم عليهم .. وقفت نورة و قلبها يدق دق مو طبيعي .. بتشوف فهد .. بس بنفس الوقت خايفة و حاسة ان شيء صاير سيف: حووووو ساعتين ارمسج يلا نورة و نقزت من سرحانها: هذوو داخلة .. بسم الله كلتني دخلت نورة البيت و كان هدوء .. عمها و حرمته كانوا بالعيادة لان بو محمد ارتفع عليه الضغط .. و شمسة بدارها فوق .. و راشد برع يلعب كورة مع ربعه .. فطلع معاه سيف .. نورة طرشت مسج حق شمسة: "نزلي تحت .. انا ببيتكم" نقزت شمسة من محلها يوم قرت المسج .. و اكثر شي فكرت فيه ردت فعل نورة عقب ما تشوف فهد مع "حرمته" .. حمدت ربها ان فهد طالع يدور شقة مع حرمته .. و تمنت انه ما يرجع و نورة هنيه لبست كندورتها و نزلت تحت شمسة: هلا و الله نورة: بالمهلي .. اشوفج مطنشتني و لا انتي رادة على تلفوناتي .. حتى دوام ما داومتي .. قلت بسال انا شمسة: ما طنشتج و الله .. بس تعرفين امس انشغلنا .. و اليوم مصدعة عشان جيه غبت .. حتى توني كنت بتصل لج نورة: و لو اني اشوف بعيونج شي ثاني بس بسوي نفسي مصدقتنج شمسة تتكلم بسرعه ما تبي نورة تسالها عن فهد: شحالج انتي .. و وين امج و فطووم؟؟ نورة: امايا كانت بتيي وياي لولا حرمة ياتها .. و فطووم تدرس تعرفين ما باقي شي عن امتحانات نص السنة شمسة: بقوم اييب الفوالة نورة: لالا شدعووة انا مو غريبة شمسة: على الاقل عصير و قامت نورة: شفيها هذي تتهرب مني .. لا اكيد صاير شي .. لا يكون فهد فيه شي !! لالا بسم الله عليه اكيد ما فيه شي فهد بخير انا متاكدة شمسة: تفضلي نورة: شمّاس .. الا شخباره فهد؟؟ شمسة: بخير الحمدلله نورة: ما سال عني؟؟ شمسة: هيه اول ما وصل سالني عنج .. شمسة كانت مضطرة تجذب .. هي تحب بنت عمها و تدري نورة شكثر تحب فهد .. ما تبي تكسر بخاطرها و تفاجاها نورة: بس انا قلبي يقولي ان فيه شي شمسة: لا تتوهمين .. الا قولي لي شخبار الكلية اليوم و تموا يسولفون عن الكلية .. و خذتهم السوالف و مر الوقت و قطع عليهم كلامهم صوت موبايل نورة نورة: يلا انا برووح شمسة: خذنا الوقت و ما حسينا .. "هيه ما صدقت بنت عمها تقوم .. ما تبيها تشوف فهد" نورة: خلاص اشوفج باجر ان شاءالله نورة بخاطرها زعلت .. هيه ياية تتطمن على فهد .. بس حسافة ما شافته و هي طالعة شافت حرمة اجنبية داخله صوب بيت عمها و وراها كان فهد .. هو شافها .. قلبه دق و ما كان بوده يشوف نورة بس اضطر يوقف لانها كانت بويهه .. وقف و هي وقفت .. منو هالحرمة ؟؟ و ليش فهد ياي وياها .. يمكن وحدة من ربيعات عمووه .. طبعا كان تفكير سخيف من نورة .. حرمة عمها شعرفها بوحدة اجنبية!!! بس هذا اللي يا ببالها .. ما توقعت و لا يمكن تتوقع انها حرمة فهد فهد: شحالج نورة؟ نورة بفرحة: بخير الحمدلله .. الحمدلله عالسلامة فهد: الله يسلمج جولي كانت تنغز فهد تقوله من هذي فهد: هيه صح نورة حبيت اعرفج جولي حرمتي و التفت على مرته: جولي هذي نورة بنت عمي و مثل اختي جولي: Hi Noora Nice to meet you نورة طبعا ما كانت تسمع شي عقب ما سمعت "جولي حرمتي" "نورة مثل اختي" هيه فعلا سمعتها و لا تتخيل .. لالا هيه اكيد تتخيل نورة و هي مبلمة فويه فهد و بويه مليان خيبة امل: حرمتك؟؟ قالت هالكلمة و كلها رجا ان فهد يقول لا .. مستحيل ااخذ غيرج انتي حياتي فهد: احم .. هيه حرمتي و ام ولدي الياي بالطريج ان شاءالله .. قال هالكلام عشان يقطع كل اامال نورة .. و يفهمها ان جولي هي اللي شاغله باله "حاليا" نورة تمنت أي شي الا انها تنحط بهالموقف و تسمع هالكلام من فهد "حبيب القلب" تمت فترة واقفة .. اما فهد فاستاذن منها و دخل مع مرته .. و نورة تمت واقفة فترة و تقول بخاطرها .. لا فهد دخيلك لا تقول جيه .. قول انك تباني انا .. انا و بس .. ارجع .. ارجع فهد .. اجتمعت الدموع فعيون نورة و كانت تهدد بالنزول .. و كانت تحس براسها يدور و ما تشوف شي جدامها .. نزل سيف يستعيلها يوم شافها تاخرت .. راحت و راه للسيارة و تحس الارض مو شايلتها .. دخلت البيت و ركضت ركض صوب غرفتها .. حتى ما شافت امها .. قفلت عروحها الباب و تمت تصيح صياح مو طبيعي .. معذورة .. فهد الانسان الوحيد اللي حبته .. و انتظرته طول هالفترة و كانت مستعدة تترياه العمر كله و توقف وياه .. رفضت مايد عشانه .. و هذا هو فهد يرفضها و يقولها بصريح العبارة "نورة مثل اختي" عيل وين راح الحب!! ردت نورة تصيح و كانت امها تدق الباب بس نورة ما ترد عليها .. حتى بنت عمها شمسة عرفت باللي صار و كانت تدق لها و ميتة خووف عليها .. بس نورة غلقت موبايلها .. ما تبي تشوف حد .. و لا تسمع حد .. يكفيها اللي شافته و سمعته من "حبيب القلب"[/center][/b]

الجزء الثاني عشر قعدت بخمووول و تحس عمرها مصدعه و راسها يعورها .. حست بتعب و ان عيونها منفخات .. شافت الساعه لقتها 9 و نص .. شهقت و قامت من على سريرها مستعيلة لانها من كثر ما كانت تعبانة ما حست بعمرها و ما قحصت حق صلاة الصبح .. تسبحت و صلت ركعتين الصبح قضى نزلت تحت لقت ابوها و امها و اخوها قاعدين يتريقون هنادي: صِباح الخير الكل: صباح النور منيرة: تعالي تريقي امس ما تعشيتي .. طليت عليج عالعشر لقيتج راقدة ما حبيت أقعدج هنادي: تعشيت ويا البنات بعدين حسيت فيني رقاد رقدت منيرة: شخبار البنات عيل؟؟ هنادي: بخير الحمدلله نزلت تحت تريقت وياهم عقبها راحت كالعادة بيت يدها و قعدت تحل البروجكت مع بنت عمتها مريم ................................... خليفة كان نايم لولا صحى على التلفون و كانت امه متصلة فيه خليفة: هلا و الله الغلا أم خليفة: هلا فديت روحك شحالك .. شي بلاك فديتك؟؟ خليفة: لا الغلا بخير الحمدلله ما نشكي بااس .. بس امس يوم رجعت كنت هلكان و لا حسيت بعمري و رقدت أم خليفة: فديتك ولدي حط بالك عروحك زين خليفة: لا تحاتيني اماية انا بخير .. الا شحال الوالد و نوير و خواني أم خليفة: يسالون عنك فديتك .. الا هالبنت هاللي بتطلع لي قرون خليفة: منو منهم فطيم و لا نوير؟ أم خليفة: لا نوير خليفة: شبلاها؟؟ أم خليفة: من فترة رمستني شيخة اختي ... و تبى نورة حق مايد خليفة بدهشة: انزين أم خليفة: بس هالبنت راسها يابس ما تباه .. و اونه ابوك قال خلها على هواها خليفة: اماية كلنا نعرف ان نورة تبى فهد و هو يباها أم خليفة: بس الولد لا رمس و لا هو حير البنت .. يعني البنت تضيع عمرها تترياه .. و مايد ولد اختي ما عليه قصوور خليفة: مايد ما عليه قصور و لا فهد عليه قصور .. كلهم رياييل و البنت من حقها تختار .. و فهد ولد عمها و واثق ان بنت عمه له ليش يحيرها؟؟ أم خليفة: و لا ما ادري عنكم .. خلاص انا رديت على اختيه بس استحيت اقولها البنت رفضت .. قلت لها تبى تكمل دراستها .. و عقب يحلها الف حلال خليفة: خلها عهواها .. و نصيبها مع فهد ان شاءالله أم خليفة: انزين فديتك .. ما بتيي ترمض عندنا .. فهد و سلطان بيوون فرمضان خليفة: لا فديتج ما روم .. عندي دراسة و تعرفين هالسنة اخر سنة .. و عقبها بلاقيني دووم بويهج أم خليفة: موفق غناتي .. و الله يردك لنا بالسلامة خليفة: سلمي عابوي و اخواني أم خليفة: يوصل فديتك و اهتم بروحك و دروسك خليفة: فمان الله ................. بعد صلاة المغرب نزلت شمسة الصالة و هي متسحبة و لابسة جلابية مستعدة لصلاة التراويح .. و قعدت تسولف مع اخوها راشد لين الاذان .. طبعا اليوم مو اول يوم رمضان لكن لانه امس اعلنوا ان رمضان بيكون بالجمعه .. فصلاة التراويح تبدا من اليوم .. أذن العشا .. و معاه تراكضت مئات الالوف نحو المسايد .. طبعا محد يفوت صلاة التراويح ..لانه لها طعم غير .. كفاية انها من سنن رمضان .. و سنة مؤكدة للرسول اللهم صلي و سلم عليه .. اجواء رمضان طبعا خلاص طغت على العالم .. يعني تشوف برع خشوع و نور غير طبيعي ماليين الكون .. و كل الناس المؤمن و العاصي يحسون بنشوة و عظمة هالشهر أم محمد: شمسة سيري ودي المدخن بسرعه لابوج و اخوج بسرعه لا يتاخرون عن المسيد شمسة: ان شاءالله اماية طلعوا راشد و ابوه متوجهين صوب المسيد .. اما شمسة و امها فمروا على يارتهم ام خالد و ساروا رباعه صوب المسيد .............. بعد ما صلوا التراويح و طلعوا من المسيد .. و بما ان البيت جريب من المسيد .. فكانوا رايحين للبيت مشي .. و معاهم مجموعه من جيرانهم .. طبعا معروف عن اهل البحرين ان الفريج الواحد يكون عبارة عن أهل .. صح ما تربطهم رابطة الدم لكن تشوفهم اقرب حق بعض من الاهل .. و الجار يوقف مع الجار مثل لو كان اخوه .. و بمناسبة مثل رمضان .. تشوف كل الفريج حزة الصلاة يطلعون رباعه متجهيين للمسيد .. يعني ابدا ما تحس بالغربة هنادي: يا سلام من باجر بتبدأ سلسلة المسلسلات .. كل واحد احلى من الثاني .. الواحد ما يعرف شيختار .. الكويتية و لا القطرية و لا البحرينية .. هذا غير المسلسلات المصرية و السورية مريم: قولي الا من باجر ابداي بختمة يديدة هنادي: ادري .. بس يعني اللي يسمعج كلش ما بتطالعين مسلسلات مريم: امبلة بشوف .. بس بعد لازم انظم وقتي بين العبادة و التلفزيون .. رمضان شهر القران .. و بصراحة الواحد ما يلتزم عدل بالقراية الا فرمضان فحرام نضيعه بالتلفزيون هنادي: ايه و الله و هم بمشيهم و يوم جربوا يوصلون البيت شافوا مجموعه من الصبيان فيدهم طبول و ينشدون بأناشيد ترحيبية لشهر رمضان .. من عادة أغلب الفرجان فالبحرين الاحتفال بهالشهر الفضيل بان يطلعون الشباب بالطيران و يطبلون و يلفون عكل فريج و ينشدون باناشيد مثل "حياك الله يا رمضان" و غيره مريم و هنادي تموا يتفرجون عقبها دخلوا البيت .. و هم بداخلهم فرحة .. الفرحة اللي تصاحب كل مسلم بقدوم هالشهر الكريم ............ يوم السبت كان أول يوم دوام برمضان .. طبعا الكل يداوم و هو لايعة جبده من الدوام .. لانه برمضان الواحد يصدع و ماله خاطر يداوم من صباح الله خير .. الشي الوحيد الحلو فالدوام انه يكون اقصر مريم كانت تمشي و فيها نوم و لايعة جبدها مالها خلق المحاضرة و هي بطريجها شافت خليفة مار وقف .. شافها و ابتسم لها خليفة بتردد: مبارك عليج الشهر مريم التفتت صوبه: ينعاد عليك بالصحة ان شاءالله و راحت صوب محاضرتها خليفة استانس صح ما كانت تاخذ و تعطي معاه .. بس كفاية انها ردت عليه بويه باسم و ما نازعته .. و هو اصلا اكثر شي عجبه فيها صدها له !! راح هو الثاني صوب محاضرته و هو مستانس انه اصطبح اليوم بويه اغلى انسانة .......................... مرت اول اسابيع من رمضان سريعه عالكل ما بين العبادة و التلفزيون و تجهيزات العيد .. لين ما وصل اليوم المنتظر بالنسبة لنورة .. اليوم بيوصل حبيب قلبها فهد .. صار لها فترة وايد طويلة ما شافته و اشتاقت له وايد .. نورة: متى بيوصلون؟؟ أم خليفة: اليوم فالليل عالساعه 11:30 نورة: الله يردهم بالسلامة ان شاءالله أم خليفة: آمين .. بسير ارتب غرفة سلطان نورة: ههههه اماية هالمرة العاشرة تسيرين ترتبين الغرفة و تدخنينها أم خليفة: شاسوي يا بنيتي .. مشاقة مووووت لاخوج .. و لوما الطيارة متاخرة جان سرت له المطار و استقبلته نورة: كلنا و الله مشتاقين له .. انا بسير ارمس شموووس ............ فالبحرين عقب صلاة التراويح مريم و هنادي واقفين برع مع جواهر اللي كانت زايرتهم يشوفون احتفال يهال الفريج بالقرقاعون .. اليهال بهاليوم يطلعون عقب صلاة التراويح .. يلفون عالبيوت يقرقعون عليهم .. البنات الصغار يلبسون جلابية و بخنق .. اما الاولاد الصغار يلبسون ثوب و سديري و قحفية .. و يلفون عالبيوت بانشودة القرقاعون "قرقاعون .. عادت عليكم .. يالصيام .. الخ" .. هاليوم شبيه بيوم "حق الليلة" بالامارات اللي يسوونه بنص شعبان البنات كانوا وايد مستانسين .. قعدوا يطالعون و عالساعة تسع دشوا داخل هنادي: تعالي الا شبتسوين اذا حصلتوا حجز عشهر 4 .. شبتسوين مع الدراسة؟؟ جواهر: مب مشكلة هالكورس بوقف و برجع اكمل عقب ان شاءالله هنادي: و انتي الله يهديج ما لقيتي الا الطب ؟؟ 7 سنوات ؟؟ جواهر: صح سبع سنوات بس دامج تحبينه ما بتحسين مريم: يعني انتي اصلا تبين طب .. و لا عقب ما يبتي نسبة عالية فكرتي فيه؟؟ جواهر: لا انا اصلا درست و يبت هالنسبة عشان الطب .. تدرين انا اصلا مستواي كان جيد جدا بالاعدادي و ابدا ما يرتفع .. و ما كنت مفكرة بالعلمي لانه صعب .. بس كنت وايد احب البرامج الطبية و هالميول .. لكن رفيجتي الله يذكرها بالخير قالت لي ما في شي صعب .. و ان اللي يبي شي صج لازم يثابر له عشان يوصل .. يعني اتعبي 3 سنوات و ييبي نسبة .. عشان تدرسين الشي اللي تحبينه و اللي بيكون هو المستقبل لج .. عاد انا ذبحت عمري هالثلاث سنوات و محد توقع اني اييب 98.1 بالثانوية مريم: ما شاءالله عليج .. زين و الله جواهر: صدقيني ما في شي صعب على الله الواحد يتكل عربه و يسوي اللي عليه مريم: و النعم بالله جواهر: يعقوب يتصل اكيد وصل خلاص انا بستاذن منكم هنادي حست بقلبها يدق يوم طرت يعقوب بس حاولت تشيل هالفكرة من بالها خصوصا انه جريب بيصير خطيب رفيجتها اللي ما ضرتها بشيء مريم: شدعوة تو الناس .. ما قعدتي جواهر: ما يخالف هذي ثاني مرة اييكم المرة الياية دوركم مريم: ان شاءالله .. سلمي عالوالدة و عذاري جواهر و هي تسلم عليهم: يوصل ان شاءالله .. و هي بعد تسلم عليكم .. مع السلامة مريم + هنادي: فمان الله ...................... الساعة 12 و نص دخل سلطان البيت و معاه ابوه أم خليفة و هي تلوي عليه و تصيح: هلا و الله هلا بالغالي .. شحالك فديتك سلطان و هو يبوس راسها و يدها: هلا الغالية .. هلا فديتج مشتاق لكم و الله أم خليفة: اشتاقت لك العافية فديتك نورة بعد ما فج سلطان من امه: الحمدلله عالسلامة سلطان: هلا و الله نواري شحالج؟؟ نورة: بخير الحمدلله راح سلطان و لوى عابوه و حب راسه و سلم عليه .. عقبها سلم عفطووم و سيف فطووم: يلا وين الهدايا أم خليفة: فطوم استحي عويهج .. خلي اخوج يرتاح سلطان: ههه خليهم اماية .. يبت لج كل اللي وصيتي عليه و زود بعد سيف: يبت لي اشرطة البلاي ستشن اللي طلبتهم منك سلطان: اكيد و انا اقدر ارد سيف أم خليفة: و شحاله فهد ولد خالتك .. شمسوي بالدراسة سلطان عقب ما تغير لون ويهه و ارتبك: بخير الحمدلله نورة حست بسلطان: هو يه معاك؟؟ سلطان: هيه و سار بيتهم أم خليفة: ام محمد باجر عازمتنه عالفطور عردتكم .. قوم فديتك الحين كل لك شيء سلطان: هيه و الله ميت يوووع قام سلطان ياكل .. و ترك الف سؤال و سؤال براس نورة .. يا ترى ليش سلطان ارتبك يوم امه سالته عن فهد؟؟؟!!!! ................... فبيت بو محمد بو محمد: لا بارك الله فيك من ولد .. الله يسود ويهك مثل ما سودت ويهي أم محمد تصيح و مو عارفة شتقول عقب ما ياب لهم فهد هالمصيبة و حطهم أمام الأمر الواقع فهد: ابوية الله يهديك اسمعني انت بس .. انا ما سويت شي غلط انا تزوجتها عسنة الله و رسوله بو محمد: و أي زواج هذا من هالشقرة و هلك ما يدروون .. مفتخر حضرتك بهالزواج؟؟ فهد: جولي مسلمة حالها حالنا .. و انا تزوجتها عشان احصن نفسي عن الحرام بو محمد: و جان قلت لنا و كنا بنيوزك بنت عمك اللي ضيعت عمرها تترياك .. و لا ما حلت لك الا هالشقرا؟؟ فهد: نورة مثل اختي بو محمد: ما كان هذا كلامك قبل؟؟ فهد: قبل غير كان كلام مراهقة .. بس جولي هيه زوجتي الحين؟؟ بو محمد: و متى تزوجتها حسبي الله عليك من ولد فهد و هو منزل راسه: من سنة تقريبا بو محمد: و شاللي طرالك تخبرنا عن سواد ويهك الحين؟؟ فهد: جولي حامل .. عشان جيه يبتها ولدي راح يتربى هنيه بو محمد فج عينه من الغضب و ام محمد زاد صياحها .. بو محمد: اطلع برع لا باركة فيك .. لا انت ولدي و لا اعرفك .. فشلتنا فالعرب حسبي الله عليك أم محمد: و اللي يسلمك لا تسوي بنفسك جذيه هد نفسك طلعت ام محمد ورى ولدها .. أم محمد: ادخل غرفتك و ياها لا يشوفك ابوك و يعصب فهد: ابوية طردني أم محمد: ابوك معذووور .. و لا هذي سواه .. وين بنودي ويوووهنا من الناس .. و لا بنت عمك .. لا حول و لا قوة الا بالله .. لا حول و لا قوة الا بالله فهد: اماية هالكلام ما منه فايدة جولي حرمتي و ام عيالي ان شاءالله أم محمد و دموعها عخدها: سير داخل انت الحين لين ما نشوف حل لهالمصيبة شمسة فغرفتها فوق و كانت تسمع نقاشهم الحاد .. هيه بروحها كانت معصبة من اخوها و زعلانه عليه .. كيف سووى جيه باهلها .. ما فكر بامه و ابوه .. و شو بتقول عنهم الناس انزين نورة حب حياته مثل ما كان يقول .. ما فكر فيها .. ما فكر بعمرها اللي قضته و هي تعد الايام تترياه يرجع .. نورة تعد الايام عشان يرد و تشوووفه .. ااااه يا فهد .. ليش سويت جذيه .. الله يسامحك الله يسامحك نورة كانت تدق لشمسة بس شمسة ما ردت عليها .. شتقول لها اخوي ودرج و تزوج اجنبية .. مسكين حالج يا نورة !!!!! متـــــــــــــــــعذبة بصمت : نك اليديد

الجزء الحادي عشر في الصالة كانت قاعدة ويا امها تشوف التلفزيون .. رن التلفون و قامت مريم تشوف من المتصل مريم: الو هنادي: هلا و الله شلونج؟؟ مريم: تمامو .. وينج ما ييتي اليوم هنادي: توني قايمة من الرقاد .. شتسوين؟؟ مريم: قاعدة اطالع محاضرة عمرو خالد عن استقبال رمضان وايد حلوة هنادي: اها .. بس كنت متصلة باقولج متى بنروح نخيط دفاف "عبايات" حق رمضان؟؟ مريم: ايه و الله ما باقي شي .. تدرين انا باخيط ثنتين؟؟ هنادي: شدعوة اهوه الا شهر واحد مريم: لالا انا ابي البس حتى عقب رمضان هنادي: ويه شعندج؟ كل ذي تاثير عمرو خالد مريم: احسن يعني شمعنه نلبس بس برمضان!! نلبس على طوول أحشم هنادي: اوكيك .. بمر عليج عقب صلاة العصر مريم: ايه بس ما نتاخر عن المغرب لولوة بتييني عقب صلاة المغرب هنادي: صار مريم: فمان الله .................. في غرفة فاطمة في العين مايد: هزرج بعدها زعلانه؟؟ فاطمة: ما اظن .. خالوه قالت تبي تكمل دراستها ما قالت رافضة مايد: لو كانت صدق تباني بتوافق و بتحط شرطها تكمل دراستها!! فاطمة: انت شخسران اذا تبي انا برد اكلمها او كلمها انت إذا يت بيتنا .. او حتى خل اماية ترد ترمسهم و تقولهم انك موافق انها تكمل دراستها .. جرب انت مو خسران مايد: يصير خير ................ في سيارة هنادي هنادي: انا و مريوم رادين من سوق المحرق جواهر و هي تكلم هنادي بالتلفون: اها .. عذوور بتمر عليي اليوم و كنت ابيكم تيوون انتي و مريووم هنادي: بس رفيجة مريووم لولوة بتييها اليوم .. شرايج انتي و عذوور تيونا و بالمرة تتعرفون على لولوة وايد طيبة جواهر: ويه فشيلة توني مالجة على اخوج و تبيني ايي بيتكم!! هنادي: انتي ما بتيين بيتنا تعالي بيت يدي نفسه بيت مريووم جواهر: جيرانكم صح؟؟ هنادي: ايه لا تقولين لا خلاص احنا ننطرج و انا بتصل بعذوور و اقولها جواهر: اللي تشوفينه .. خلاص بروح استاذن من امي هنادي: اشوفج على خير ............. عقب صلاة العصر مريم و لولوة و هنادي و جواهر و عذاري كانوا مجتمعين بميلس بيت يد مريم و كانوا قاعدين يسولفون جواهر: ما شاءالله ما باقي شيء عن رمضان الايام تركض بسرعه مريم: كنا لاهيين بملجتج و الايام مشت لولوة: الا صح متى بتعرسين؟؟ جواهر: ما ادري .. طلال يحن عليي يقول عنده دورة بشهر 4 يبينا نعرس قبل و نروح هنادي: بس 4 وايبد جريب جواهر: ايه اذا حصلنا حجز بحاول ارتب اموري عذاري: و انتي لولوة متى بتعرسين ؟؟ لولوة: لما يخلص سلمان .. هذي اخر سنه له ان شاءالله مريم: يعني عالصيف؟؟ لولوة: ايه او نص السنة الياية هنادي: الله يتمم عليج بالخير لولوة: ان شاءالله .. و عقبالج انتي و مريوم و عذاري قاموا البنات يتعشون عقبها استاذنت عنهم لولوة حاولوا وياها تتم شوي بس كان سلمان ينطرها برع و ما قدرت تتاخر خذتهم السوالف عن الجامعه و غيره .. جواهر و مريم يسولفون بصوب و عذاري و هنادي يسولفون بروحهم بحكم انهم بجامعه و حدة و كلية وحدة عذاري: تدرين اليوم بيي ياخذني ولد خالتي اللي دوم اسولف لج عنه .. تعالي شوفيه هنادي: حلو عذاري: احم اكيد هنادي: تحبينه من زمان ؟؟ عذاري و هي مستحية: ايه بس لا تساليني من متى .. لاني وعيت عالدنيا و انا و هو نحب بعض هنادي: الله يوفقكم عقب شوية سوالف جواهر: يلا عذوور يعقوب وصل عذاري: يلا هنادي: شنو ما بتروحين مع ولد خالتج؟ عذاري: ايه ترى يعقوب اخو جواهر هو ولد خالتي هنادي!!!!! أكيد انتوا متصورين ردة فعلها جنه حد صب عليها ماي بارد .. الكل يتكلم و يسولف و هي مو وياهم .. تدري من زمان ان عذاري تحب ولد خالتها و هو يحبها و قريب بيخطبها .. بس عمرها ما توقعت ان هو حبيبها يعقوب .. ما تدري ليش بس عمرها ما ربطت ان جواهر و عذاري عيال خاله و عذاري من زمان تكلمها عن ولد خالتها .. بس شكلها هي ما تبي تحط بببالها ان يعقوب يحب "وحدة ثانية" جواهر: اللي ماخذ عقلج هنادي: ها؟؟ جواهر: لا الحبيبة مو يانا كلش هنادي: مسامحة بس حسيت بصداع شوي سلمت هنادي على عذاري و جواهر و راحت بيتهم على طول من غير ما تخبر مريم حتى او تسلم عليها!! أم مريم: ها حبيبتي راحوا رفيجاتج مريم و هي تقعد يم امها: ايه يما توهم طلعوا .. و سلموا عليج وايد أم مريم: الله يسلمج وياهم .. الا وين هنادي عيل؟؟ مريم: ايه و الله تعالي .. هذي كانت وياي يوم اسلم عالبنات عقب ما شفتها أمينة: يمكن راحت بيتهم مريم: بس ما قالت لي حتى .. بروح اتصل اشوفها اتصلت فموبايل هنادي بس محد رد عليها و تمت تتصل مرتين و ثلاث بس بعد محد رد .. اتصلت فالبيت الخدامة: هالو مريم: هلا تريزا .. اقولج هنادي فالبيت تريزا: ايوا ماما هنادي يجي من شوي ما يكلم حد يروح سيدة فوق مريم: غريبة شفيها هذي تريزا: شو يقول ماما؟؟ مريم: و لا شي .. بس بطلي الباب انا بايي الحين استاذنت مريم من امها و راحت مع الخدامة بيت هنادي و ركبت فوق دخلت الغرفة لقت الغرفة باردة و الليتات مسكرة و هنادي عالسرير و مموتة نفسها من الصياح مريم و هي ميته من الخوف على هنادي و تركض صوبها: شفيييج؟؟ هنادي: ما ترد بس صوتها يعلى بالصياح مريم: و الله خوفتيني شفيج حد فيه شي .. خالي او خالتي منيرة او طلال فيهم شي ؟؟ هنادي تهز راسها ان لا مريم: خرعتيني .. دخيل الله تحجي لا تعورين قلبي هنادي من بين دموعها: يعقوب مريم: شفيييه هنادي: طلع يحب عذاري مريم: شنو .. موب فاهمة شي و الله .. تححجي عدل هنادي: عذاري من زمان تتحجى لي عن ولد خالتها و انها تحبه و هو يحبها و يبيها .. و اليوم اكتشفت انه اهوه نفسه يعقوب اخو جواهر مريم سكتت شوي عقب قامت تضحك هنادي: انتي ياية تتطنزين عليي !! طلعي برع احسن مريم: تطرديني الله يسامحج .. بس معليه تمونين بنت خالي .. قاعده على جبدج لا تحاولين هنادي: مريوووم خليني فحالي مريم: لا تحاولين هنادي كانت تصيح و مريم قاعده تطالعها و كاسرة خاطرها .. تحس بعده عقلها صغير .. تحب واحد ما تعرف عنه شي .. و تصيح يوم درت انه يحب غيرها مريم بنبرة حنان: هنادي حبيبتي ممكن تسمعيني .. شوفي انتي غلطانة من البداية .. و انا ياما حذرتج و نصحتج .. شلون تحبين واحد ما تعرفين عنه شي .. من موقف واحد بس حبيتيه !! عشان شفتيه فحوار و عجبتج شخصيته .. و اوهمتي نفسج انج تحبينه .. و عشتي على هالوهم .. انزين انتي عرفتي اهوه شنو من جريب .. عرفتي شخصيته .. طبيعي جدا يطلع يحب و المفروض ما تستغربين انه يحب بنت خالته من حقه هنادي: بس انا ما اتوهم انا احبه صج مريم بابتسامة دافية: صدقيني تتوهمين .. انا و انتي تعودنا من البيت للمدرسة و طلعاتنا كله مع اهلنا .. يوم بديتي تكبرين .. و دخلتي الجامعه .. حبيتي تجربين الحب حالج حال البنات .. و اول واحد شفتيه كان يعقوب .. اعجبتي بشخصيته و اوهمتي نفسج انج تحبينه مريم تكمل كلامها: بعدين انتي يالدبة شلون تصيحين على شي ما تملكينه .. الواحد يندم على شي كان عنده و ضاع .. ما يصيح على شي تمناه و ما حصله .. يعني لو كل وحدة بتصيح على أي شي تبيه و بتحصله .. جان صحت الدهر كله عشان اشوف ابوي الله يرحمه لو دقيقة .. صح امي مو مقصرة .. بس اكيد وجود الابو غير هنادي سكتت و حست ان كلام مريم صح .. و حز بنفسها انها ذكرت مريم بابوها .. حظنت مريم .. و هدت شوي عن قبل عقب ما تاكدت مريم انه هنادي هدت .. هدتها و رجعت بيتهم .. سلمت مريم على امها كالعادة و راحت غرفتها .. لبست بيجامتها .. و طلعت ورقة صار لها فترة لازم تقراها مع انها حافظة اللي فيها بقلبها .. قرت ورقة خليفة .. و ابتسمت و انسدحت عالسرير .. طبعا هي ما بتشوف خليفة باجر لانه الخميس .. مريم ما بينت حق خليفة أي شي و لا كلمته .. بس بدت تحس بشعور يجذبها ناحيته .. على الاقل ما قامت تتضايق يوم تشوف بعيونه لهفه صوبها .. حطت راسها و رقدت و الا بتسامة ما فارقت ويها نهر حبك

الجزء العاشر في بوظبي و بالتحديد في غرفة نورة قاعدة تتكلم بالتلفون تكلم شمسة نورة: صج و الله حلفي حلفي شمسة: هههههه شو حضرتج تتحريني اتمسخر عليج نورة: لا بس مو مصدقة و الله شمسة: ما يسوى عليج ليش سلطان ما خبركم نورة: لا سلطانو ما اتصل ما ادري يمكن اليوم بيتصل .. مو مصدقة يعني فهوودي فديته بيرمض عندنا هالسنة .. يا بختي و الله شمسة: الحمدلله و الشكر يالله بنعمة العقل نورة: أقولج باي باي من الفرحة مو عارفة اتكلم شمسة: ههههه لا يكون بتروحين تتزهبين من الحين ترى تو الناس باقي اسبوعين او ثلاث نورة: ههههههه لا يا حمارة بس بروح ابشر اماية شمسة: خلاص عيل خلاف برمسج و سلمي نورة: يوصل فمان الله نزلت نورة تحت و بشرت امها و ابوها بردة اخوها و ولد عمها برمضان لانه عندهم اجازة صح ما بيطولون بس على الاقل بتشوف "حبيب القلب" ...................... دخلت مريم محاضرة التاريخ متاخرة شوي لانها تاخرت بالقعدة اليوم و قعدت يم لولوة مريم بصوت واطي: السلام عليكم لولوة: و عليكم السلام. وينج يا حمارة امس ما شفتج بالدوام و ادق و لا تردين و اليوم متاخرة بصراحة اخترعت عليج؟؟ مريم: لا انا امس داومت بس صدعت و هنوود يت خذتني لولوة: اوبس سكتي سكتي الدكتور يطالعنا ما فينا علسانه عقب المحاضرة نكمل ابتسمت مريم و التفتت صوب ما يشرح الدكتور و لو انها مرتبكة و عقلها عند خليفة و شلون بتعتذر له .. قلبها كان يدق و خايفة و متوترة ............ مو بعيد وايد عن مريم و لولوة .. بالفرع الثاني من جامعة البحرين هنادي و عذاري قاعدين بالكافتيريا يسولفون هنادي: صج و الله .. الله يالدنيا شلون صغيرة .. رفيجتي و معاي و فجاة اكتشف انج بنت خاله مرت اخوي عذاري: ايه سبحان الله انا بروحي انصدمت اول ما دريت من جواهر هنادي: ههههه يعني وراج وراج لامفر و من بعيد شافوا بنت جنهم يعرفونها لابسة تنورة جينز ضيقة و فوق الركب بشوي مع بودي أحمر و حاطة فول ميك اب و فالة شعرها المصبوغ بالميش و ياية هنادي: عذووور تعرفينها؟؟ عذاري: شفيج هذي فطووم اللي كانت ويانا فالمدرسة في فرقة أ توها كانت بتتكلم هنادي الا و البنت ياية فاطمة و بكل دلع: هاي بنات شلونكم؟؟ ولهت عليكم و الله هنادي: هلا و الله شلونج؟؟ وينج ما تنشافين فاطمة: و الله بعد تعرفين و هي تغمز بزنس عذاري كانت ساكتة و ما تتكلم جنه لا يعة جبدها من اللي تشوفه جدامها فاطمة: ها عذووور شلونج؟؟ شنو اشوفج ما تتصلين و لا شي حتى يدتي تسال عنج؟؟ عذاري: و الله تعرفين مشاغل الدنيا فاطمة بكل سخافة: عاد تمنعج من أعز ربعج؟؟ هنادي حست ان الجو متوتر فحبت تغير جو: اقول فاطمة انتي تدرسين معانا هنيه؟؟ ما اشوفج فاطمة: لا و الله بس ياية اسلم على ربعي و هي تلتفت صوب عذاري خصوصا اللي نسوني و لا عادوا يسالون هنادي: و مو ناوية تكملين؟؟ فاطمة: مو محتاجة اكمل شبتفيدني فيه الشهادة .. ناس تخرجوا بإمتياز و كاهم مقعدين بالبيت هنادي: و لو الشهادة سلاح و اكيد بييج يوم تحتاجين الشغل و ما تدرين مني لين ما نتخرج شبيصير؟؟ يمكن نلاقي وظايف فاطمة بدلع و هي تلعب بشعرها: مو محتاجة وظيفة .. راتبي ييني لحد عندي .. ليش العبالة!! هنادي و هي مب فاهمة شي: انزين فاطمة مسامحة بس عندي محاضرة و لازم اروح عذاري: خذيني معاج فاطمة: افا عذاري حتى قعدة ما تبين تقعدين .. خلاص رحوا انا بعد وراي اشغال و مواعيد و خلنا نشوفكم .. باي عذاري و هي تمشي صوب محاضرة هنادي: فكة ما بغت تروح؟؟ هنادي: متغيرة 180 درجة .. ما عرفتها .. بعدين شفيها جذيه .. و انتي شفيج وياها انتوا كنتوا اعز ربع بالمدرسة؟؟ عذاري: قلتيها "كنا" هنادي: عذوور شالسالفة؟ عذاري: هي اللي تغيرت وايد.. تعرفت على شلت شيخوو و ما يحتاج طبعا اقولج من شيخو!! هنادي: و ليش ما نصحتيها؟؟ عذاري: و شدعوة انا خليتها .. نصحتها لين ما قلت بس .. بس ما كانت تسمع لي و تقول انها تسولف معاهم بس بس ما تسوي مثلهم .. انا من داخلي ما كنت مقتنعه بس قلت بصبر .. لين ما يا جسووم اخوي و نصحني اهدها .. تخيلي؟؟ هنادي: كانت متعرفة عليه؟؟ عذاري: ما أدري عليه أو على واحد من ربعه المهم ان هو اللي قالي هالحجي .. و بعد رديت انصحها لكنها فرحانة على هالمظاهر و الفلوس .. ما تدري انها كسبت دنيتها و خسرت اخرتها هنادي: الله يهديها و يستر علينا يا رب عذاري: آمين فاطمة كانت مع هنادي و عذاري بالمدرسة .. رفيجة عذاري الروح بالروح .. أمها متوفية و أبوها متزوج و هي عايشة عند يدتها .. كانت بنت فقمة الشطارة و الأدب .. و لكن الصورة انقلبت و اغترت بمظاهر الدنيا .. و تعرفت على شلة فاسدة .. و غرها الربح السريع و خسرت الربح الدايم ............................ نرجع حق لولوة و مريم لولوة: ويه فكة ما بغى يخلص يا مال الضعفة يتحجى و لا يسكت مريم: ههههه يحليله بس طيب و الله كفاية امتحاناته سهلة و وايد متساهل معانا لولوة: تعالي جم خذيتي فبروجكت الرياضيات؟ مريم: سكتي قاهرتني حاطتلي 17 من 25 لولوة: بل ليش؟؟ روحي راجعيه و شوفي شنو اغلاطج مريم: لالا مابي استحي اصلا لولوة: حلفي انتي قبل ما فيها شي ذي حقج .. اقولج امشي بنروح له الحين مريم: لالا شنو الحين بعدين بعدين "مريم كان بخاطرها تدور على خليفة و تعتذر منه و تفتك" فمو قادرة تركز بشيء ثاني لولوة: مو بكيفج الحين يعني الحين .. و سحبتها غصبا عنها لغرفة الدكتور و دخلت عنده و عقب ما راجعت معاه الورقة اكتشفت ان الدكتور ناسية تصلح سؤال و عدل لها الدرجة من 17 لي 23 و نص لولوة: مو قلت لج مريم: سكتي بموت من الوناسة لولوة: لا يبا لاتموتين هنيه تبلشيني بعدين مريم: صج ما تستحين هذي ك... و قبل لا تكمل كلمتها شافت خليفة توه مار.. شكله توه كان ياي من البيت لانه داخل من البوابة الرئيسة .. خليفة بعد شاف مريم وقف شوي عقب نزل راسه و راح على طول .. مريم حز بخاطرها مو لانه ما عطاها ويه .. لا لانه حست انها يمكن جرحته بالكلام لولوة: انتي هيه احاجيج مريم: شنو ما سمعتج و الله لولوة: مو منج الحبيبة من اللي طاف توه و شافت خليفة و غمزت مريم: متفيجة و الله اقولج سبقيني الكافتيريا و انا شوي و بلحقج لولوة: وين بتروحين مريم: باروح المكتبة استلف كتاب و بايي لولوة: عادي بايي وياج مريم فخاطرها يا هالبلشة شاقولها الحين مريم: لا تعرفين المكتبة بعيدة شوي و انتي تمشين شوي شوي انا بروح بسرعه و بلحقج لولوة: على راحتج بس لا تاخرين مريم: ان شاءالله راحت مريم صوب المبنى اللي فيه محاضرة خليفة و سلمان هيه كانت تعرف مكان المحاضرة من لولوة راحت و هي ببالها شي و تمنت ربها يعديه على خير ............................... في الكافتيريا لولوة شافت سلمان قاعد بروحه راحت صوبه لولوة: قوة سلمان: هلا و الله هلا و غلا .. عيل وين مريم عنج؟ لولوة: راحت المكتبة و بتيي .. غريبة الا قاعد بروحك؟؟!! سلمان: ايه خلووف الحمار من امس اتصل له و لا يرد .. توه يه و سبقني المحاضرة سلمان و لولوة ما لاحظوا ان غياب مريم و خليفة كان بنفس الوقت .. و ان شي من بينهم غريبة شلوون راحت عليهم هذي !! .......... دخلت مريم مكان المحاضرة و ما كان فيه حد هي كانت تعرف من سوالف لولوة ان خليفة و سلمان يقعدون اخر ثنينه يم الطوفة خليفة عالطرف و سلمان يمه راحت صوب المكان و شافت كتب خليفة محطوطين عالطاولة .. هالشي سهل عليها المهمة طلعت ورقة من دفترها و كتبت " خليفة .. آسفة على اللي صار أمس .. ما كان قصدي أجرحك .. و يمكن كلامي كان وايد قاسي .. بس تصرفك معاي ما كان له داعي .. أرجوك لا تكرر تصرفاتك معاي .. آسفة مرة ثانية .. مريم" شقت الورقة و طوتها و فتحت أول صفحة بالكتاب و حطتها فيه لكن جذبها شي كان مكتوب بالورقة .. شافت اسمها مكتوب و تحته أنت هاجس خاطري .. و أنت فرحة ناظري يا قريب و يا بعيد .. فيك أمسي و حاضري وقفت مريم دقايق تتامل بيت الشعر حست شي غريب يسري فيها ما تدري شنو .. سمعت مريم صوت حد ياي حطت الورقة بسرعه و طلعت .. شافت خليفة ياي وقفت شوي و قلبها يدق خافت لا يكون شافها .. عقبها مشت بسرعه .. و راحت عنه .. اما هو فما شاف مريم و استغرب وجودها .. عقب قال يمكن ان هي يات تدور على وحدة من رفيجاتها .. مع ان هي ما عندها حد غير لولوة !!!!! .............. في الامارات بالتحديد فبيت ام سعيد بالعين فاطمة كانت بغرفة اخوها مايد تتكلم معاه فاطمة: حالك هب عايبني مايد: و شفيه حالي؟؟ فاطمة: انت تحبها؟؟ مايد: شو !! تتكلمين عن منو ؟؟ فاطمة: عن نورة طبعا مايد: شو .. نورة!! فاطمة: لا تلف و تدووور انا ادري انك تحبها .. و لا تخاف انا اختك يعني ما بضرك بالعكس بساعدك مايد: و الله يعني بتخبرينها عني فاطمة: لا طبعا انته بنفسك قولها مايد: شوه .. بنفسج شفتيها ذاك اليوم كيف حرجت و قالت ان انا ما اهمها .. تبيني اقولها احبج!! فاطمة: اخطبها مايد: شوه فاطمة: شفيك انت كل ما قلت لك شي شو و شو .. اخطبها .. هي زعلانه عليك من يوم هزبتها و واجعتها ذاك اليوم .. يمكن اعتذارك ما ياب نتيجة .. اخطبها .. ساعتها بتعرف انك تحبها صج و انك ندمان لانك واجعتها .. و بتفك عمرك مايد: هزرج فاطمة: هيه طبعا .. تشجع و خل ثقتك بربك كبيرة مايد: الله كريم ........................... في شقة خليفة فالبحرين كان توه راد من الجامعه و حط كتبه عالمكتب و غير ثيابه لبس شورت و فانيله و راح المطبخ يبي يشرب عصير .. و هو طالع من المطبخ شاف و رقة طايحة .. قراها .. و تم فترة يتاملها .. عقبها ابتسم و عرف ليش مريم كانت موجودة اليوم خليفة: فديتها و الله دخل غرفته و طلع ورقة و كتب لك حق تزعل ثم لك حق نرضيك ما اقوى زعل حبيب قلبي و عيني ما دام قلبي يا أريش العين مغليك أطلب و لك روحي و ما في إيديني لا تنشغل مالك وزين يضاهيك أبيك أنا لو كان غيرك يبيني يوم الله أحسن صورتك خصني فيك فيك الجمال و صادق الحب فيني شعري يزين بوصف زينك و طاريك و الأرض من ممشاك فيها تزيني أول غناتي صوت الأشواق يدعيك و آخر غناتي شق صدري حنيني آنا آسف يالغالية و أوعدج إني ما بتعرض لج أبدا .. و أوعدج إني أحبج .. و بتم أحبج طول عمري .. خليفة طوى خليفة الورقة و قرر يحطها باجر باللوكر مال مريم فالجامعه .. و راح يشرب العصير ماله و هو فرحان انه عنده شي من ريحة مريم "ورقة الاعتذار" ......................... مرت الايام سريعة خصوصا على اهل البحرين ما بين تجهيزاتهم حق ملجة طلال و جواهر .. و يه اليوم الموعود اللي كان يعتبر نقله خصوصا بحياة اثنين هم "جواهر و طلال" مريم و هنادي راحوا صالون جوليانا .. و طلال كان محتاس فالصالون و عقبها تجهيزات الاكل و غيره أما جواهر فكانت فغرفتها و عندها راعية الصالون و لانه جواهر شعرها قصير فسوت لها المزينة شعرها بحيث تخليه مفتوح و حطت لها مكياج اخضر ارتكواز .. لانه فستانها كان لونه اخضر ارتكواز جواهر كانت بالاصل جميلة و اليوم كانت اجمل .. و هدوئها و خجلها هم اللي محليينها أكثر عذاري: ما شاءالله عليج .. لالا لازم خالتي تبخرج عن الحسد استحت جواهر و نزلت راسها تحت و شوي و ان ام جواهر داخلة عليهم .. طبعا جواهر كانت البنت الوحيدة و مدللة وايد و امها تحبها وايد .. و فرحة امها الليلة ما تنوصف جواهر: يما شرايج فيني؟؟ أم يعقوب: تينين ما شاءالله عليج .. الله يحفظج من العين .. ها يما عذاري جهزتي؟؟ عذاري: إيه خالتي انا خالصة من زمان أم يعقوب: ترى المعازيم بدوا ييون عذاري: بيت خالتي أم طلال ما يووا أم يعقوب: لا للحين تلقينهم بالطريج عذاري: خلاص انا بانزل آتصل فيهم و أشوف المعازيم نزلت عذاري تحت و قعدت ام يعقوب مع بنتها تساعدها بلبس فستانها و سولف وياها شوي .. تالي حولت تحت تستقبل المعازيم وصلوا اهل طلال دخوا مريم و هنادي و كانوا بسيطات بس نعومات سلموا على اللي يعرفونهم من المعازيم و ركبوا فوق عند جواهر بيت اهل جواهر الحوووش ماله كان واااااااايد كبير فاهلها كانوا طامين الحوش و حاطين الكوشة و طاولات و كراسي للمعازيم .. المكان كمان كبير و راقي .. كانه مو فالبيت .. و الحفلة كانت عائلية جدا عاساعه 9 و نص عقب ما ملجوا الريايل فالميلس "طبعا جواهر وكلت ابوها عنها" نزلت جواهر مع امها و دخلت الخيمة على أغنية هب السعد و أمها كانت تمشي وراها .. جواهر كانت مرتجفة وايد .. و قلبها يدق دق أما أمها كانت تمشيها و دموعها بعيونها من فرحتها لبنتها الوحيدة لين ما وصلت جواهر الكوشة .. اختفت امها عن الانظار لانها دخلت داخل تصيح .. و ما كانت تبي بنتها تشوفها و تكسر بخاطرها بهالليلة عقب ما قعدت جواهر و ارتاحت شوي يووا رفيجاتها و أهلها يسلمون عليها .. و يتصورون معاها .. و بدى الرقص و كانوا البنات و اللي من بينهم هنادي و عذاري .. أما مريم فماكانت تحب أو تعرف ترقص فاكتف انها تشارك بالابتسامة و التصفيق من بعيد عقب ما تعشوا الناس و العشى كانت عبارة عن بوفيه فحوش بيت جواهر .. دخل طلال و كان معاه أبوه و أبو جواهر و اخوانها الثنينه .. عقب ما سلموا عليهم و تصوروا معاهم .. طلعوا و تموا المعاريس بروحهم عالكوشة طلال: مبرووك جواهر بصوت ما ينسمع و هي منزله راسها: الله يبارك فيك طلال أصلا معجب فيها بس اليوم زاد إعجابه فيها و بخجلها عقب دقايق يتهم أم طلال و أم جواهر و هنادي عساس طلال يلبس جواهر الشبكة عقبها بشوي طلعوا طلال و جواهر .. و عقب ما رقصوا الاهل و استانسوا خلصت الحفلة و كلن راح بيته ..................... في الامارات بالتحديد في بيت بو خليفة نورة كانت قاعدة فغرفة امها و ابوها بو خليفة: ها شقلتي يا بنتي؟؟ نورة نزلت راسها و سكتت و ما ردت أم خليفة: شبتقول بعد البنت ساكتة يعني اكيد موافقة و مايد ولد اختي ما يعيبه شي بو خليفة: ها يا بنتي نقول مبرووك؟ نورة: لاء أم خليفة: ليش يا بنتي مايد شاريج و ريال و النعم نورة: ابا اكمل دراستي أم خليفة: مايد ما عنده مانع نورة: أماية انا ما ابى اتزوج الحين بو خليفة حاس اصلا ان نورة تبي فهد و هو يبيها عشان جي ما حب يضغط على بنته بو خليفة: خلاص يام خليفة لا تضغطين عالبنت أم خليفة: البنت كبرت و الزواج سترة لها بو خليفة: بنتي انا مربينها و مو عيزان عنها .. نصيبها بييها ان شاءالله قامت نورة من مكانها و لوت على أبوها: فديتك باباتي أم خليفة: محد بيخرب البنت بالدلع الا انت بو خليفة: ما عندي أغلى من نواري أنا قامت نورة و حبت راس ابوها و طلعت فوق دارها و ما حبت تخبر حد بالسافة حتى "شمسة" توام روحها .. لأنها ما تبي يوصل خبر لفهد عن هالموضوع ابد .. فهد هو الانسان اللي نطرته من يوم و هو صغار شلون تتخلى عنه و تتزوج غيره .. و لا و منو "مايـــد" أما أم خليفة فاتصلت باختها و قالت لها ان البنت ما تبي تتزوج الحين لانها صغيرة و تبي تكمل دراستها!! الأبيات فهالجزء للشاعر خالد الفيصل من قصيدين كل ما نسنس لك حق تزعل

حاضر حبيبتي دقايق و التكملة عندج عيوني القصة

شرايكم الحين و انشا الله احاول اليوم انزل اجزاء ثانية

الجزء التاسع في غرفتها كانت نايمة و غرقانة فالنوم بعد .. لانها امس فالليل ما رقدت اوكيه عقب كلام لولوة لها .. قعدت على صوت التلفون .. اللي سكت و رد يرن مرة ثانية .. رفعت و شافت انه هنادي المتصله .. ردت عليها مريم و كلها نوم: الو هنادي: هلا يالساحرة صباح الخير مريم: شتبين؟؟ هنادي: صج ما تستحين .. مو منج من اللي متصل لج مريم: هنوود فيني رقاد و الله أمس رقدت متأخر هنادي: و انتي شعندج اصلا سهرانة!! يلا عاد بلا بلادة قومي الساعة 11 مريم: بل 11 و انا راقدة اوووف صج راحت عليي رقدة هنادي: قومي يلا و انا باييج الحين مريم: انزين حياج .. انا باقوم اتسبح هنادي: تدرين باييج عقب ساعه جذيه باييج عشان تكونين برزتي مريم: صار يلا انطرج عيل قامت مريم تسبحت و نزلت تحت تسلم على امها مريم و هي تقعد يم امها و تحضنها: شلونج يما ولهت عليج الأم: الحمدلله اسال عنج .. الا تاخرتي اليوم مريم: ايه يما امس ما رقدت عدل عشان جذيه تاخرت اليوم الام: قومي يما تريقي .. اكو مسوية بلاليط اليوم مريم: مدام انتي مسويته اكيد حلو و باكله بس بانطر هنوود الام: بتيي الحين .. الا وين يدي و يدتي غريبة ما اسمع هواشهم الام: ما شفتيهم الصبح مريم: ههههههه اكيد الموال المعتاد الأم: اليوم يتهاوشون على الادوية يدج يقول كل و امي تقول انه ما كل و بدا موالهم اليومي مريم: هههههههههههههه الام: راحوا سوق الخضرة يتمشون مريم: هههههه خوش تمشية في سوق الخضرة شوي و الا هنادي داخلة عليهم و في يدها صحن فطاير هنادي: السلام عليكم أمينة: هلا و الله بنتي شلونج؟ و شلون ابوج و امج؟ ما حاجيت منيرة اليوم هنادي: بخير الحمدلله .. راحوا بيت عمي راشد أمينة: قومي تريقي مع هنادي .. يلا انا باخليكم باروحآسير على جيراننا مريم: سلمي عليهم .................................................. .................................................. في العين و بالتحديد في صالة بيت أم سعيد بالتحديد نورة و فاطمة و فاطمة و منى و سلامة متجمعين كلهم بالصالة و قاعدين يشوفون التلفزيون منى: متى بنسير بيت يدوه فاطمة: عقب صلاة العصر سمعت اماية تقول سلامة: اوهو خسارة كان خاطري نسير المبزرة مع قووم خالوه فاطمة: و منوه بيوديج ان شاءالله سلامة: عادي بنخلي سعيد يودينا فاطمة: سعيد سار ويا حرمته دبي سلامة: انزين مايد نورة فخاطرها وع مالقوا الا هذا اسير وياه .. يحلمون منى: مايد مو موجود فاطمة: ليش وين سار .. ما أحيده يطلع مع ربعه الصبح!! منى: هو أصلا ما بات فالبيت أمس .. فاطمة: غريبة مو من عوايده منى: ما ادري فاخواج عاد اماية قالت جيه نورة سكتت حز فخاطرها شوي و كسر خاطرها .. لكن كبريائها منعها و خلاها تقول احسن خله يتادب من قاله يغلط عليي .. بعدين هو ما يهمني .. انا اللي يهمني "فهد" و بس و قطع عليها سرحانها صوت منى: حوووو وينج صار لي ساعه اكلمج!! نورة: ها شو كنتي تقولين؟؟ سلامة: لا الحبيبة بالها مو معانا .. اللي ماخذ عقلج نورة: ما شي كنت افكر بشمووس ما كلمتها اليوم الا شو كنتوا تقولون سلامة: سلامتج قوموا بنصلي الاذان اذن قاموا البنات يصلون و عقبها كلمت نورة شمسة و قالت لها بكل اللي صار .. شمسة: حرام عليج و الله نورة: حرمت عليه عيشته ان شاءالله شمسة: ما ادري شاقولج و الله بس هو يكسر الخاطر نورة: شرايج تحبينه و تريحيني شمسة: ولي لا اونه احبه .. و خليفة فديته نورة: اقول ولي انتي و ياه .. انا بروح فشلة البنات تحت ينطروني شمسة: اوكيك حبوبة .. ديري بالج عنفسج نورة: ان شاءالله و انتي بعد فمان الله .................................................. ...................................... مايد عقب ما طلع من البيت البارحة راح بيت يدته و نام هناك .. عقبها طلع اليوم الصبح و نزل بوظبي عند ربيعه .. خلاص قرر يبعد عن نورة لين ما ترجع بوظبي .. مايد قرر يبعد عن نورة و ينساها .. لازم ينساها ,, بس هل بيقدر ينساها !!!!!! .................................................. ........................................ في البحرين في غرفة مريم عقب ما صلوا البنات هنادي و هي تقعد عالسرير: يلا قولي لي شسالفتج؟؟ مريم و هي تلعب بشعرها: أي سالفة؟؟ هنادي: مريوم انا خابزتج عدل .. انتي فيج شي .. من امس عقب ما حاجتج لولوة و انتي متغيرة مريم و هي تتنهد: خليفة هنادي: شفيه بعد؟؟ مريم: لولوة تقول انه يحبني هنادي و هي مبهته: كملي .. قولي السالفة كاملة مريم: لولوة اتصلت امس فيابت طاري خليفة .. و قالت لي انه دوم يسولف لسلمان عني .. و انه لا هو و لا سلمان يدرون انه اهيه قالت لي انه خليفة يحبني .. يعني باختصار اهو قايل حق سلمان عني و ما قاله يوصل لي هالكلام عن طريق لولوة .. لولوة بروحها قالت لي من سوالف سلمان هنادي: انزين يمكن يحبج صج مريم: أي حب انتي ما تسمعين السوالف اللي تصير من ورى الحب .. ما عاد في حب في هالزمن هنادي: مريوم انتي غلطانة .. انا معاج ان البنت لازم تحافظ على نفسها .. بس الحب موجود و اكبر مثال جدامج لولوة و سلمان مريم: لولوة و سلمان غير اهم جيران و يحبها من يوم و هم صغار.. و الكل يدري بحبهم .. يعني حبهم فالنور مثل ما يقولون و عمره ما غلط عليها هنادي: ما ادري شاقولج و الله مريم: لا تقولين شي .. بتروحين معاهم اليوم هنادي: لا شيوديني .. ما احب الرزة انا مريم: من بيروح؟ هنادي: طلول و جواهر و امها و يعقوب و قالتها و هي تبتسم مريم: الله يعطيج العقل .. انزين شرايج نخلي امي تودينا الدانة او السيف نشوف ثياب حق الملجة .. ما باقي شي هنادي: شورج و هداية الله .................................................. ................................................. العصر راح طلال بيت جواهر و راح معاها هي و امها و اخوها يشترون الشبكة عقب ما عطوهم المهر قبل يومين أما هنادي و مريم راحوا مع أمينة أم مريم يشترون ثياب حق الملجة اشترت مريم تنورة و قميص مشكوكين بسيطين و بنفس الوقت يناسبون حفلة بسيطة لونه أزرق .. أما هنادي فاشترت بنطلون و قميص فيهم شك بسيط لونهم بنفسجي .................................................. .................................................. .................. مر الويك اند سريع و كلن لاهي بشي .. هل البحرين لاهين بتحضيرات الملجة .. مايد بنورة .. و نورة بفهد .. و شمسة بخليفة .. و خليفة فكره كله عند مريم هالويك اند ما شافها لانه لولوة كانت مشغولة و ما قدرت تكلم سلمان وايد عشان يعرف من طريقها هي وين بتطلع .. تم على نار ينطر يوم السبت .. عشان يشوف مريم .. و هو مقرر انه يصرح لها بحبه .................................................. .................................................. ... الساعة 5 و نص الصبح منبه مريم كان يرن و قامت بكل تثاقل لانه اليوم السبت بداية الاسبوع .. فتحسه يوم ثقيل بعد وراها 6 ايام دوام .. تسبحت و صلت و تلبست كالعادة و راحت الجامعه .. حضرت المحاضرة الاولى و اللي هي طبعا من غير لولوة .. عقب ما خلصت المحاضرة راحت مريم الكافتيريا تشرب كوفي و كانت معصبة و مقهورة من المدرس لانه حاطلها في البروجكت 17 من 25 و هي حاله اوكيه .. طلعت و راحت المكتبة .. طبعا كالعادة خليفة كان يلاحقها .. خلصت مريم كتابها و نزلت تحت و شافت خليفة كالعادة موجود فنفس المكان اللي هي فيه .. انقهرت منه مريم و قالت لازم اوقفه عند حده كان المكان فاضي شوي لانه مكان محاضرات و اغلب الطلاب فمحاضراتهم و اللي عندهم بريكات لاهين اللي يسولف و غيره لفت مريم و راحت صوب خليفة وقفت جدامه .. أما هو فاستغرب تصرفها مريم: آقولك انت تستحي على ويهك!! خليفة: خير مريم فيج شي؟؟ مريم: لو سمحت بطل هالحركات السخيفة .. كل ما اروح مكان ملاحقني جنك ظلي .. حتى برع الجامعه اشوفك فكل مكان .. انت ما عندك خوات تخاف عليهم .. و لا على بالك انا من هالخايسات !! احترم نفسك احسن لك .. و لا تظن اني مثل باقي البنات ميتة عليك .. انا وحدة محترمة و خلك محترم احسن لك خليفة: خليني اشرح لج انزين لكن مريم ما عطته فرصة يتكلم و لفت عنه و كملت طريجها .. اما خليفة اتمنى ان الارض تنشق و تبلعه .. حس بالفشلة و المهانة .. مع انه اليوم كان ياي يصرح لها بحبه .. شل بعمره و طلع من الجامعه بكبرها .................................................. .................................................. ......... مريم كان جسمها كلها ينتفض اهي بروحها ما حست بعمرها .. شلون راحت له و صارخت عليه .. هو صح مصخها .. بس بعد في اسلوب احسن فالكلام .. بس شكل حركات خليفة و عصبيتها على دكتور الرياضيات هي اللي خلتها تتصرف جذيه .................................................. ............................................... في الكافتيريا هنادي كانت قاعدة مع رفيجتها عذاري فوقت البريك مالهم كانوا قاعدين يتريقون عذاري: انزين ما قلتي لي .. متى تسليم البروجكت مالكم هنادي: السبت الياي عذاري: لاتقولين للحين ما اشتغلتي عليه هنادي: امبلة .. بس قلت لج في ذاك الجزء ما فهمته عذاري: قايلة لج شوفي أي وقت فاضي و تعالي انا بفهمج هنادي: ما ابي اكلف عليج عذاري: لا كلافة و لا شي و قطع عليهم سوالفهم صوت التلفون و مريم هي اللي كانت متصلة بهنادي هنادي: هلا مريوم مريم: هلا .. اقول هنادي .. تقدرين تيين تاخذيني من الجامعه الحين هنادي: مريوم شفيج .. صوتج متغير مريم: بقولج بعدين .. بليز تعالي لي الحين هنادي: خلاص باييج الحين مريم حست بعمرها مو قادرة تركز بشي عشان جذيه اتصلت بهنادي و قالت لها تيي تاخذها من الجامعه .. لانها ما قدرت تتصل بامها و هي بهالحالة .................................................. ............................................. في الامارات و بالتحديد في بيت بو محمد .. شمسة كانت قاعده بالصالة مع امها .. ما راحت الجامعه اليوم لانه ما عندهم شي مهم ... شمسة: أماية أبي اسير السوق الأم: و شتبين به السوق؟؟ شمسة: امايا تعرفين ما باقي شي عن رمضان ابا اتشرى قطع و افصل كنادير الأم: خلاص تزهبي العصر بنسير مع الدريول شمسة: خلاص بتصل بنوروه تيي ويانا الام: هي بعد ما سارت اليوم؟؟ شمسة: لا ما سارت الأم: خلاص برايج عيل انا بسير ازهب الغدا مع الخدامات .................................................. .................................................. .... فسيارة هنادي مريم كانت قاعدة ساكتة و هنادي مو فاهمة منها شي و كانت خايفة عليها .. فنطرت لين ما راحوا البيت .. و حمدت ربها ان ام مريم و اليد و اليدة ما كانوا موجودين و لا جان سووا لهم تحقيق هنادي: مريوم قولي لي شفيج مريم فالبداية كانت ساكتة و ما تتكلم بس عقب تحجت و قالت لهنادي السالفة كلها هنادي: معقولة .. انتي مريوم الهادية تسوين جذيه!! مريم: خلاص عاد لا تزيديني انا اللي فيني مكفيني هنادي: اللي فيج يدل على انج متاكدة انج غلطانة .. و متحسفة بعد مريم: اهوه غلطان .. بس انا مو من عوايدي اتحجى جذيه مع أي حد .. ما أحب اجرح أي احد .. انا شلون سويت جذيه هنادي: و مو أي احد الانسان اللي يحبج مريم: و شاللي يخليج متاكدة؟؟!! هنادي: كل شي يدل كل مواقفه مريم: هنادي انا تعبانه .. هنادي: بخليج بروحج شوي .. إذا تبين شي اتصلي لي طلعت هنادي .. و خلت مريم سارحة بافكارها .. تفكر بكل مواقف خليفة معاها .. تذكرت الاسبوع اللي طاف يوم تاخرت عليها امها .. و الكل راح من الجامعه الا خليفة تم واقف بسيارته .. و لا راح الا يوم راحت هي .. ليش يسوي جذيه .. اكيد هو يحبني .. بس خليفة تصرف غلط .. اه يا ربي من الصح و من الغلط الحين .. يا رب ساعدني .. قامت مريم صلت الظهر و كانت لولوة تتصل فيها بس مريم مالها خلق تكلم حد .. اتصلت بهنادي و تمت تسولف معاها .. و يوم يت امها قالت لها انها تعبت شوي و انها الحين بخير .................................................. ............................................. في الامارات طلعوا شمة و نورة و امهاتهم و راحوا لاسوق اشتروا قطع و ودوهم الخياط يفصولنهم لرمضان .................................................. .................................................. ........... في غرفة جواهر كانت جواهر كانت قاعدة مع عذاري بنت خالتها و تراويها الشبكة مالتها عذاري: وايد حلوة ما شاءالله .. عليج بالعافية جواهر: عقبالج .. انش اءالله عذاري: الله يسمع منج جواهر: ههههههه حشى ما شفت حد بيموت على العرس كثرج عذاري: مو على العرس على المعرس و حياتج و تغمز لها جواهر: هههههههه تعالي براويج صورة المعرس عذاري: و الله .. من وين لج؟ جواهر: اخته عطتني اياها .. بصراحة اهله ناس وايد طيبين عذاري: الل يهنيج ان شاءالله .. خواته شكبر جواهر: عنده اخت وحدة بس اسمها هنادي .. معاج فالجامعه عذاري و هي تعقد حواجبها: لحظة لحظة ريلج اسمه طلال احمد ال..... جواهر و هي مستغربة: ايه .. شعرفج فيه؟؟! عذاري: ويه تصدقين ذي اخو رفيجتي هنوود اللي فالجامعه .. شوف الدنيا شلون صغيرة جواهر: لحظة هنادي اخته اهي هنوود على قولتج اللي تسولفين عنها دايما عذاري: ايه اللي بنت خالتها مريم جواهر: ايه هذه اهمه .. تعرفت عليهم بحوار وايد طيبين عذاري: انا مريم ما شفتها .. بس هنادي معاي وايد حليوة جواهر: حتى طلال شكله طيب عذاري و هي تغمز: اكيد تمدحينه جواهر: حرام عليج اصلا انا عمري ما قعدت معاه عذاري: عيل شلون وافقتي عليه؟؟ جواهر: اهله ناس طيبين و ارتحت لهم .. بعدين هو وسيم و سالنه عنه الكل يمدحه .. شابغي اكثر من جذيه عذاري: الله يهنيج .. خلاص انا بترخص عيل جواهر: وين تو الناس؟؟ عذاري: أي تو الناس اذن العشا خلاص باروح و ازورج مرة ثانية ان شاءالله جواهر: يالله بوصلج لي الباب .................................................. .................................................. .. الساعة كانت 11 و مريم تتقلب مو يايها نوم .. قامت من سريرها و نزلت تحت و طقت على امها الباب أمينة: من؟ مريم: يما هذي انا مريم أمينة: تعالي يما دشي دخلت مريم الغرفة و قطت عمرها فحظن امها أمينة: ها يما ما رقدتي؟ مريم: لا ما ياني رقاد أمينة: شفيج انتي اليوم مو طبيعية؟؟ مريم: ما فيني شي يما .. بس تعب الجامعه أمينة: لا ترهقين عمرج زيادة حبيبتي مريم: ان شاءالله سكتت مريم شوي عقب قالت يما أبس اقولج شي أمينة: قولي يما مريم: آنا احبج وايد أمينة: حتى انا يما مريم: يما انا اليوم غلطت على بنت فالجامعه امينة: ليش يما؟؟ مريم: كنت متضايقة من علامة الرياضيات و صرخت عليها أمينة: لا حبيبتي مهما كان المفروض تفصلين بين الدراسة و معاملتج للناس .. لا تجرحين حد ابدا مريم: ادري يما عشان جذيه انا متضايقة أمينة: خلاص روحي اعتذري لها باجر .. و ترى حطي ببالج الاعتذار ما يقلل من قيمتج .. دامج غلطتي ما فيها شي تعتذرين .. على الاقل تكونين راضية عن نفسج مريم عقب ما ارتاحت شوي: كلامج صح يما أمينة و باست بنتها على راسها: يلا حبيبتي رقدي .. باجر وراج دوام مريم: برقد عندج اليوم أمينة: انزين حبيبتي يلا تصبحين على خير حطت مريم راسها يم امها عقب ما ارتاحت شوي و رقدت و قررت انها تعتذر باجر من خليفة نهاية الجزء التاسع