المنتخب خاســــــــــر !!!
من اول مافرح قلبي معاها قلت انا الظـــــــــاهر
شكلها مثل سابقـــــها ,, بضيعــــها بضيعـــها ..
متي مافرح انا بحبٍ لقيته للأسف عـــــــــــــابر
مع افراحي تجي دايم بلاوي الحب بكملــــــــــها
آخاف افتح لها قلبي وابدل طبعي الصــــــــــابر
وافشل كون اطباعي بعد ماقدر اغيــــــــــــــرها
وآخاف اسكت واتصبر بحكمه قالها الشــــــاعر
لودامت مره لغيري ماتوصل للي خابــــــــــرها
كثير افكار خلتني معاها .. الغايب الحــــــــــاظر
آحاتي اليوم او بكره !! على تقسى مشاعــــرها
ومثل ماكنت متوقع ,, تراجع اسمي للعــــــاشر
بعد ماكنت انا الأول ,, وحبي كان شاغلـــــــــها
ياحظي ليمتي تبقي بعمري اسمك العــــــــــاثر
متى بتحس بي مره .. ياحظي ايش آخــــــــرها
كرهت اقول يا عالم من الفرحه ,, انا طـــــاير
متي تضبط معي مره ؟؟ وأحلامي احققــــــــــها
ياقلبي ليه اطولها معك .. خذها من الآخـــــــر
بتعميــــــــــها اذا فكرت بعذارك .. تكحلـــــــــها
مثل سابقها ماتفرق واضنك عارف وخــــــابر
سوايا حظك العاثر ,, مثل سابقها يجعلــــــــــها
من اول مافرح قلبي وحالي,, يكسر الخـــاطر
افكر بس هالفرحه متى اقدر اكملــــــــــــــــها !!
تعبت اضحك على نفسي واردد غلطة الشاطر!!
يازين الشاطر اللي دوم اخطائه ,, يكـــــــررها
ترى موعيب كل مرة اكون ,, الخاسر الخاسر
مو قبلي (( المنتخب خاسر)) تعلمنا نرقعـــــها
بحاول قد ما اقدر بعدها ,, أملي الشــــــــاغر
وادور اللي تستاهل .. واكيد اني بحصلـــــــها
ابد ماتخلى هالدنيا ,, من اللي حبها طـــــاهر
لو القاها انا حالف .. وحيدة قلبي اجعلــــــــها
محمد الشيخ