الحارس علي حسن

يعطيكم الف الف الف عافيه شباب واتمنى اني كنت ضيف خفيف عليكم وان شاء الله اتكرر الزيارات وبيض الله ويهكم اخواني وانه الصاراحه جدا استمتع معاكم مع انهه اول زياره لكم وحسيت اني بين اهلي وربعي واخواني تحياتي لكم شباب وعلى الحب والخير ان شاء الله دووووووووووووم نتلاقه ( زينة الحلوين تامرين امر )

كلامك اخوي ولد المحرق تاج فوق راسي ومانسه اخوي حمد على وقفته في منتداي . واحنه كلنه في خدمة المحرق وانه بالنسبه عني اهم شي ان المحرق دايما يحصد البطولات. وانشاءالله نختمه بالبطوله الاسيويه. كلنه فدى للوطن والمحرق

بالتوفيق انشاءالله لكم وانشاءالله بنكون موجودين في الفلم

يعطيك الف عافيه على المجهود الطيب ياخوي وانشاءالله دوم وجودك معانه في المنتدى وعساك عل قوه ياخوي

علي حسن 10:21 م المكان البيت الحاله النفسيه مرتاح و لله الحمد التاريخ : 24/3/2008 م

الله يبارك فيك اخوي وان شاءالله تكتمل افراحنه بالثلاثيه والاسيويه

الله يبارك فيكم مشكورين والفال لكم انشاءالله

هلا بوسلمان شخبارك نورت منتداي علي بحر راح يطربنه في المباراه واحنه من دورنه راح انمتع الجمهور داخل الملعب

مشكور اخوي حمد على المجهود الطيب الذي تبذله في منتداي وعساك عل قوه وانه بعد بادردش معاكم في اي شي ومشكورين على تواصلكم معاي

السلام عليكم ورحمت الله وبركاته اول شي انه قرار ايقاف سالمين ظالم وغير عادل مايستحق الايقاف وثاني شي تغريم النادي 2000 دولار ظالم وثالث شي سالمين كان داش الملعب بعد نهايت المباراه عشان يفك الاحتكاك اللي صار بين جسي جون ولاعب العربي بس الشرطي افتكر انه سالمين داش يتهاوش وصار احتكاك بين الشرطي وسالمين وانه كنت جريب يم سالمين ولاعبين العربي بعد كانو يمنه انحاول ان نبعد سالمين عن الغجري الشرطي

مشكور اخوي الفنان القدير على السؤال السيد محمد من افضل الحراس في البحرين وراح يكون له مستقبل مع المنتخب والنادي ولا ننسه انه صغير السن وراح يخدم المحرق لسنوات طويله الله يوفقه ويوفق الحراس اللي معاه الكعبي وحارس الشباب علي حسن

الله يسلمكم مشكورين وانشاءالله انفرحكم في الكويت

مشكور اخوي حمد على الموضوع اللي اكثر من رائع ومحبكم لي وحق لاعبين المحرق تاج فوق راسنه مارح ننساه طول عمرنه ونشاءالله نرسم البسمه على وجوه اهل المحرق وجماهير المحرق على طول والله اديم التواصل بينه

مشكورين على الكلام الطيب واللي بصراحه يفرح كل لاعب امحرقي وانشاءالله بنعطي كل ماعندنه من اجل المحرق وجمهور المحرق الوفي اما فكره الاعتزال باشيلهه من بالي لين يحين الموعد والله يقدرني مع اخواني الاعبين على اسعادكم

الله يبــــــــــــــــــــــــــــــــــــارك فيكم تـــــــــــــــــــــره انتوا الخير والبركه ولاتنسون انتوا نمبـــــــــــــــــــــــــــــــ ون ــــــــــــــــــــــر

مشكوره اختي عاشقة 126 على هالكلام الطيب كل اللي ذكرتيه من طيبج اختي .. وانجان علينه احنه كلاعبين ودنه كل مباراة نطلع فايزين نرضيكم ونرضي كل جماهير المحرق اما عن ابتسامتي فهاذي نابعه من قلبي حق جماهيرنه الوفيه نرتاح لين انفرحهم ونشوفهم متواجيد في المدرجات و ( خلف شاشات التلفزيون ) انتوا نمبر ون بنسبه لنه

يعطيك العافيه اخوي ولد البحرين اتمنه اني اكون متواجد على طول بس الشغل وتمارين مع المباريات ماخذين كل وقتي انشاءالله اني مانقطع عنكم واكون معاكم على طول

وانه من دوري ابارك لكل امحرقي على فوزنه بدوري وانشاءالله نجمع البطولات المحليه والبطوله الاسيويه قولو امين

يعطيكم العافيه على الكلام الحلو اما عن الاعتزال في وايد من جمهور المحرق يبيني اعتزل وانشاءالله بيكون الاعتزال في الوقت المناسب

مشكور اخوي حمد المحرقي على المجهود الطيب انشاءالله يستمر الفريق في حصد البطولات

مشكور اخوي حمد وانه متواصل معاكم دايما بس بعض الظروف تمنعني من دخول المنتدى يوميا وانه سعيد بمشاركتك في منتداي وسعيد بمشاركت جميع الاعضاع

في عتقادي الهدف غير صحيح لانه الاعب واقف في موقف متسلل الا ان حكم الرايه ماكان واقف في المكان الصحيح مباراتنه مع الوحدات في البحرين صعبه اتوقع النتيجه لانه بتكون فيهه حسابات

مشكور اخوي ذيب حمر على كلامك الطيب وهذي مب غريبه على اهل المحرق 1- اولا اخوي من وجهت نظري المتواضعه في الحراسه ان تكون لديك موهبه في الحراسه وان يكون لديك مدرب ينمي هذي الموهبه وان تكون جريئ وجسمك مرن وان تكون عندك ثقه في نفسك . 2- الهدف اللي دخل علي في مباراتنه مع الفريق التركماني ماتحمل الهدف لانه الهدف جائه من سو ء المراقبه من جليانو اللي كان يراقب رقم 11 والهدف يه مباشره من راس الاعب رقم 11 وطقت القائم ودشت 3- المشاكل اللي حاصله في النادي ان شاءالله بتزول جريب وبترد المياه لمجاريهه 4- اكيد هذي المشاكل اتأثر على نفسيات الاعبين بس نحاول نبتعد عنهه قد مننقدر 5- حبكم لي منحبي لكم وهذي مب غريبه على اهل المحرق الطيبين 6- السؤال الاخير باخليكم اجاوبونه انتو عني

مشكور اخوي حمد المحرقي على الموضوع يعطيك العافيه اخوي

اخوي Member 18755 مابتكلم عن مباراه الرفاع اللي صار فيهه الهوشه وتم توقيفنه . باتكلم عن مباراه الاهلي الموسم اللي طاف يعني كلامك كله غلط اول شي انه الشرت اللي اتقول عنه انه شرت نادي الاهلي مب شرت نادي الاهلي شرت اصفر عادي وعليه شعار اديداس وليحين موجود عندي وواحد من جماهير المحرق كان لابسه واخذته منه ورجعته عليه. وعن الكلام اللي نشر في الجرايد او اوثير من قبل بعض الجماهير غير صحيح وعلى قولتك ان في شخص سمعني وانه اتلفظ بهذي الكلامات مستعد اواجهه على فكره تكلمت وايد في الموضوع وباختصر ردي في كلمتين ( مافي هل بلد لا هل ولد )