شوفي حبوبة انا متاكدة من فندق الخليج لان اللعام عرس اخوي هناك والسنة انا ان شاء الله في شهر 8 ...
بس لين تبين تسوين العرس لازم من قبل سنة تحجزين يعني تحددين من قبل لانه ما بتحصلين بعدين قبل جم شهر ,,
قاعة المؤتمرات لازم يكون عدد الاشخاص ما يقلون عن 400 شخص وكل شخص ب 9 دينار وطبعا لا تنسين انج مثلا لو بتسوين 400 تضربينهم في 9 بيطلع لج 3600 دينار وطبعا ياخذون عمولة على الخدمات والضرائب ب 20% يعني الرقم 3600 دينار تضربينها ب 20 بالمئة وتقسمينها على 100 يعني زيادة على 3600 زائد 720 اوكي هذه بالنسبة لقاعة المؤتمرات يعني بيطلع 4320 هذا اذا كان بس 400 شخص وكل ما زادت الاشخاص زادت لفلووووس ,,
بالنسبة لقاعة اوال يكونون اقل من 400 شخص والشخص ب 7.5 وياخذون عمولة على الضرائب والخدمات بعد 20 بالمئة .. يعني نفس الطريقة ..
بس ما تقدرين تقارنين اكل فندق الخليج مع الفنادق الثانية والبوفيه مالهم محد يقدر يطلع وينتقده .. وكل ما يكمل البوفيه يردون يجيبون يعني مو نفس الفنادق الثانية ,,
ويكون مع الصالة الكيكة للعروسين والعصير.. ويعطونكم غرفة بروحكم وبعد امم بطاقات عشان تروحون المطاعم مالهم بعدين كتغير جوو ...