الوافية كوول

الســـــــلام علــــيكم ورحمة الله وبركاته مرحبا في البداية حبيت اسلم عالجميع وانا سمعت حلقة هروب الفتيات ووايد اعجبتني الحلقة والحلقة كانت واااايد مؤثرة وناجحة وياريت يكون في تابع لها وكان ودي اني اشارك واخذ براايكم. وكلام المخرج حق المتصلين يعطي دافع وامل حقهم ويحسسهم انه الدنيا للحين بخير وانا احب اسمع البرنامج لان احس انه للحين في ناس يهتمون في مشاكل وهموم الناس لان اغلب برامج الحين ماتهدف الا حق الاشياء السخيفة وحتى لو تكلمت عن مواضيع اجتماعية ما بتكون مثل ماانتو تطرحونها لان اسلوبكم ناجح في انه يؤثر في المجتمع ويحسسه ان فعلا القضية يبيلها اهتمام ما اطول عليكم بس بصراحة باختصار انا عندي مشكلة تخص هالموضوع وماحب اقولها في المنتدى وابي راي فايز والبرنامج بشكل عام فيها بس مو عارفة طريقة التواصل معاكم فابي طريقة اقول فيها مشكلتي غير المنتدى ايميل اي شي كان لان هالمشكلة ماينفع اخذ رااي ربعي فيها لازم يكون الشخص فاهم واكبر مني في العمر وطبعا ما ينفع اقول حق احد من هلي لان تمللت وانا اسال ومحد راضي يعطيني الحل فياريت تســــــــــــــــاعدوني وبكون شاكرة لكم وفي الاخير بس ابي اسال سؤال فايز ونسرين ليش ماتقدمون في التلفزيون لانكم مبدعين وناجحين جدا في هالمجال واعتقد ان التلفزيون بيبرزكم اكثر واتمنى لكم المزيد من النجاح والتوفيق...

خلــــــــــــــنا عالـــــــــــــــــــــــــــبالك الصراحة موضوع امس كان واايد حلو وخاصة انه اجتموا المذيعين كلهم نسرين وفايز الحبوب و وليد وكانت الفكرة وااايد ناجحة واتمنى انها تتكرر و الحلقات الياية بعد الثلاثة الحلوين يقدمونه فايز ونسرين و وليد واما عن دور الامن مايحتاج احد يتكلم عنه وبخاصة شرطة المجتمع والاشياء اللي يوفرونها لراحة الشغب وانا كان خاطري اصير وحدة من شرطة خدمة المجتمع بس حسافة ما صار بس اوجه لهم تحية على كل شي قاعدين يسوونه والتعب والمجهود اللي يبذلونه وفي الختام مابقى غير السلام...

حلوة وايد القصيدة واتمنى انك تستمر لاني احس انك ممكن تواصل في مجال الشعر وتبع فيه وفقك الله يا كسير القلب

ليـه تطعنـي وانـا ميـت بليـا ماكفاك الي حصلّـي قبـل ساعـه كن بيـن همومـي وبينـك حميـا جيتكم واحـد وجيتونـي جماعـه انت منـا والمصايـب مـن هنيـا كلكم ضدي ترى ماهـي شجاعـه ما ابشع من جروح طعنات القفيـا غير سكيـنٍ تصيـب بهالبشاعـه لاتتـوب ولاتــذوب ولا تـريـا جرحها جرح وفظاعتهـا فظاعـه ترتوي من فيـض دمـي والتفيـا وصار قلبي مثل اخوها بالرضاعـه وانت ليل لـو ضويتـه مايضيّـا ضعت فيه وشفت نفسي في ضياعه اتهيـا ويـن مـا اشوفـه تهيـا وارسي بمرساه وشراعي شراعـه مـن عرفتـه والمحيـا بالمحيـا ومايروح الا ذراعي فـي ذراعـه ان رضيت ارضيه وان عييت عيـا وان طلبني قلت له سمع وطاعـه ما عشقت من النجوم إلا ((الثريا)) وماملكت من الكنـوز إلا القناعـه وانت وجيوش المـوادع والجفيـا كيف اوقف ضدكم وانتـم جماعـه لوبجيكـم بالشجاعـه والحمـيـا البلا ان الكثـره تغلـب الشجاعـه

مابقى الا سـود الايـام تحرمـك الرقـاد كيف الاوهـام اتجـرأ اتسريـك مغبـون من متى تجزع من الدمع وتخاف البعـاد؟ من متى تقفي بك ظنون وتجيبك ظنـون؟ صرت تاخذ كذبتي صدق، ومزاحي وكـاد لو بقول اني بخونك تحسب انـي بخـون ماتعرف ان كل شاعـر يهيـم بكـل واد؟ وانهـم دايـم يقولـون مـالا يفعلـون؟ ابك انا لاقلت ابنسـاك وانكـرت الـوداد والله انـي مانسيتـك وولاهـم يحزنـون من جزع من صفعة الشمس يطمع بالبراد ومن فقد وجهاته الخمس يلقى بك ركـون اعتبرها هفـوة انسـان او كبـوة جـواد لو بتسمح فانت غالي ولو تجـرح تمـون عـد صداتـك مـروة وطعناتـك ضمـاد خلهن لاراحـن طعـون ولا ردن طعـون خنجرك يستاهل الطعـن ومتونـي شـداد ومنك يازين الخناجر ويا بخـت المتـون ردلي حنيـة المـزح باحسـاس الجمـاد خلنا واحد يجي صلـب والثانـي حنـون موت فيني واندفن فيـك بثيـاب الحـداد وان حييت أموت لرضاك واحيا بك بهـون مره ارقد بالكفـن وانـت ترقـد بالمهـاد ومرة ارقد بالمهد وانـت ترقـد بالكفـون ادري ان شجونك شجون واعنـادك عنـاد والبلا ان عنادك عناد وشجونـك شجـون ربك اللي سخرك لـي تقـود ومـا تقـاد والله الخالـق ولله فـي خلقـه شــؤون ازرع ضلوعي من رضاك وابشر بالحصاد لعنبو من جيت ترضيه وتـرد امحـزون بس تسوالك بلد ؟ قـول تسوالـك بـلاد انت كل العالـم بكـون ولحالـك بكـون مابعـد محبتـك حـب ومـرادك مــراد غير كونك سيد حشاي تدري من تكـون ؟ نعمتين اختصوا الخلق من جـود الجـواد كافل الأرزاق مـن حيـث مـالا تعلمـون البنـون ونعمـة المـال بعيـون العبـاد زينة الدنيا بلا شـك فـي كـل العيـون مثل زينة دنيتي بـس عنـدي شـي زاد من عرفتك صاروا المال وانـت والبنـون انتشي بك نشوة التيـه لعنـاق الرشـاد وافزع الك فزعة القرم لشهـاب الزبـون واحصنك تحصين الأرزاق عن درب الفساد واعشقك عشق المظاليم لفراق السجـون لو تزيد الشـوق جمـرة تحولنـي رمـاد لو يزيد العشق شعـرة بوصـل للجنـون خـل هقواتـك كبيـرة ونظراتـك بعـاد كانك انت بكبرك تهون من اللي ما يهون ؟ ازعلك وارهن حياتي تحت رحمـة زنـاد تهبى لا والله الا انـت والمـوت تهبـون عاد اذا ما ارضاك هرجي ولا اللي قلت فاد انـنـا لله وانــا الـيـه راجـعــون وانت باكر بتعـرف علـى نـاس جـداد والكلام يجيك من كل شكـل وكـل لـون لاتحسب ان كل كلمـة بتسمعهـا وكـاد ولا تصدق هرج شاعر وتخدعك الظنـون دايم اعرف كـل شاعـر يهيـم بكـل واد وان هم دايـم يقولـون مـا لا يفعلـون حتى انا اللي قلت اعشقك وما اطيق البعاد يمكن اطلع ماعشقتك .. ولا هم يحزنـون