غازي الخلف

طق طق ،، ممكن ادش ،، اهل البيت ،،وينكم يالله يالله ، صبحكم الله بالخير وينكم ؟؟ يا أهل البيت !!! صباح الخير يايمه ( ام عبدالله ) شخباركم ؟ بشري اشصار على الفحوصات تراني قلق جدا ومتوتر وايد ، قاعد اسلي نفسي ولكن لا استطيع ان اجامل نفسي ، اتمنى المانع خير بليييز محتاجة رد يايمه ؟؟؟ اختي ( انين ) صباحج خير يا ام الخير ، عسى امورج خير ، اتمنى ان تزين ظروفج وتتواصلي ويانا ان شاء الله !! اخواتي ( لهفة ) و( نور) صباحكن عسل !! ( لهفة ) انا قدساوي لاني شرقاوي ، وبصراحة مالي بالتعصب اللي عندج بس فريق الهلال يستحق التشجيع ولكن مو لدرجة العنق والاستهتار مثل المراهقين تفحيط ومشاكل مع العالم لما يفوزون ؟؟ المرة الياية بشوفج عندج رخصة قيادة بحرينية مثل باقي البنات اللاتي يدرسن في البحرين . ( نور) حاولي تتواصلين مع ( محبة الكوثر ) لتعليم السواقة تراها تعلم وعندها ( ليسن ) هههههههههههههههه. ( محبة ) صباحج خير ، يالله عاد بطلي رقاد وينج البنات يتريونج تعلميهن ؟؟ محبة : اكتبي لوحة على سيارتج ( احذر السائق متدرب ) ههههههه ، والله وياج الخير صج فله !! . تحياتي غازي خلف

ماشاء الله عليج خيتوووو ، وينج انتي ؟ ان شاء الله بخير يارب ،، عموما انا وايد فاقدج ومشكورة ع الاطراء ومن ذوقج ، وبتشجيكم احاول ارضيكم باللي أقدر عليه !!! فعلا قلمج يحسسني بإرتياح فلا تفقديني إياه ،،، شكرا لج عزيزتي ،، اخوج غازي خلف

يسلمج اختي ( نور الصفا ) دائما تنوريني بمشاركاتي والله يديم المحبة يابنت الاجواد ، شاكرومقدر جهودج اختاه والله لايحرمنا منج اخت عزيزة . اخوج غازي خلف

والله جريمة صارت ،،، اختي ( لهفة ) اقول لج شي باجر تعرفين اللي تسوق لو صار شي لا سمح الله !!! انتي ماعليج بس تعلمي وخلاص عشان اذا صار شي لا سمح الله تنفعين تفكي ازمة . تصدقين عاد جربي سوقي بس هااااااا ، محد وياج بالسيارة راح تكوني رالية بجد . ع الاقل لو في مباراة للهلال تروحين بروحج ومحد يتجمل عليج مو .. عشان خاطر الهلال بس ضحي حتى لو السالفة فيها طق تحملي يالهلالية ههههههههههههههههه على راسي . 50 مرة وحدة حلوة ذي !! عاد تدررين شنو يبي لج دباب بو اربع كفرات و وايد عليج ههههههههههه ....................... اختي ( نور الصفا ) ياليت والله جان زين ع الاقل تخفوا علينا شوي ،، بس تعالي تصدقين نسيت ،،، يعني يالله نفتك من البنقالية والهنود والشياب اللي بالشوارع تجون انتوا ههههههههههه لالالالالالالالالا هونا خلاص. حيوووووووو

اختي ( لهفة ) ربي يحفظج وتسلمين ع الاطراء والاختيار البيت الاكثر من رائع ومن ذوقج يالغالية هذا شرف لي ان ارى تعليقج المميز . الف شكر غاليتي ... اخوج غازي خلف

اتكلم جد ( لهفة ) خبري ( محبة ) ماراح تقصر وياج ؟؟ وبعدين يعني احسن منج المبرقعات والمنقبات اكاهم يسوقون حالهم من حال العالم يازينهم ،، فديتهم اكثرهن حوادث وخاصة عند الدوارات ههههههههه. نور الصفا ، وعليكم السلام والرحمة والبركة ،،، الاحوال اوكي خيتو .. ها انتي بعد خاطرج تسوقين ،، من الاول ماكان فيه المبرقعة او المتنقبة تسوق بس القانون حلو عشان لمحافظين يسوقون شي حلو .. بصراحة نتمنى ان يطبقون السواقة بالسعوديةع الاقل تفكونا من ودينا وجيبنا اووووووووووف هههههههههههههه. صباحكم خير

هلا ومسهلا فيكم من جديدوارحب فيكم واحييكم من قرب وحاب اخذ رايكم بالعمل المتواضع هذا لعل وان شاء الله يعجبكم ؟؟ طبعا هاي العمل أغنية راح احاول ابحث لها لمحن يستحقها .. أخليكم من الاغنية ،،، أشبعد التعب ،،، أشبعد التعب أذوقــــــــه منك يرضي حتى تذوقني العلقم وأشربه حالي بكيفك تسايرني حبك ماهو بفرضي وكيفك تلزم عنادك في وصـــــــــالي لانت أعروقي من ندى غصنك الغضي واليوم تقسى بهواك ضنيتك الغــالي خل بردك على ناري وأطفي الضـــي لين ثلجك يذوب وأحــــــــــسك تبالي خلص صبري معاك والحـــــال مقضي مابين صمتك وبوحـــك عفتك أقبالي ... وسلامتكم ،،، أخوكم غازي خلف

تحت أمرج أختي ( محبة الكوثر ) ولان دوامي من الساعة 10 الصبح حتى 6 المساء ؟؟ بس انا مسؤول يعني اي وقت اروح عادي ب راح احسب لي 8 ساعات يعني لو اومت الساعة 12 الظهر راح اطلع الساعة 8 المساء مثلا . تعالي اشفيها سيارتج اختي وليش طفت؟ يمكن حاشها ماي من تحت ، تذكري يمكن مشيتي فيها بماي مرتفع مو !! واهم لايصيد الماي او المطر مكان البواجي ، عشان لايعطلج ؟ حاولي لاتمشين في ماي مرتفع عشان لايدخل الماي في الماكينة ؟؟ محبة بس ينشف الماي دقيها سلف وتشتغل. الا اذا كانت سيارتج عيارة ماتبي تشتغل اي راحت عليج الجامعة اذا انتي طالبة واذا العمل اخذي سكليف من الحين بعيد عنج ههههههههههههههه. لهفة قوة مساج خير ،، تبين تسوقين بسيطه عندج البحرين اقرب لج وبعدين راح تعلمج اختنا ( محبة الكوثر ) بس ها ببيزات ، لان البنزين والزيت وغير الوقت يعني يبي لج تتفاهمين مع محبة !!! محبة ،،، يالله حصلت لج شغلة اوفر تايم

هلا اخواتي اشلونكن ؟؟ امسيكن بخير ؟؟ اختي لهفة ، احسن لج ماتسوقين صج الطريج وايد زحم مليان شاحنات !! اليوم يومي عكر سبةالتأخير . محبة الكوثر : هلا اوخيتي هلا فيج ان شاء الله حاضر لاني شفت الموت قبل سنة بحادث . لاتحاتي راح اكون حذر بأذن الله ، ولاني احاتي امور العمل وا شاء الله تعدي . اختي ( انين ) يمكن عندها ظروف تمنعها بالدخول ، بس نقول الله يجيبها بالسلامة . يمه ام عبدالله فديتج طمنينا على الفحوصات بالله !!! نترياج وان شاء الله تتطلع سليمة يارب . اخوكم غازي خلف

هلا فيج اختي ( لهفة شوق ) قو شخبارج عساج ع القوة !! بصراحة كدت اليوم اغيب لان مشوار العمل طويل تقريبا 50 دقيقة بالسيارة وخبرج اسرع انا وايد يعني ( 160 كم ) / الساعة . مشكلتي اجلس متأخر والطريق السريع زحمة ، يعني لو زحمة ومتأخر مضطر ان يكون مساري اقصى اليسار ( مكان المواقف ) البارك وامشي فيه سهل . فديتكم ،،،

أختي ( لهفة شوق ) الغالية هلا والله فيج عزيزة وغالية والله لا يوريج اي مكروه آمين ولا توصلين الى حالتي الله يفرجها اللهم آمين ، وشاكر لج اختي بالفعل بني آدم ضعيف . لهفة شوق ، لج التقدير والاحترام وكلج ذوق ، عساني منحرم منج .

صباحكم عسل ؟؟ مشكورة اختي Miss Seven.7 موضوعج وايد حلو وسوف اشارك بــ مسجين لو سمحتي . 1- أن شاء الله أن أشوف والدتي بأحسن حال مرضها خطير جدا ولايوجد لها علاج ، بأذن الله وحده لاشريك له أن تكون متعافية ، وأرجوا من الوالد القدير أن يتحمل ويصبر على هذة المحنة وبدورنا اودهم الدعاء بالشفاء العاجل . تحية من لكم تقبلوها من ابنكم البار / غازي خلف .................................................................................................... 2- أقول لأم عبدالله وبوعبدالله الله يجيبكم بالسلامة وأن ترجعون بالسلامة ، وتكون الفحوصات سليمة بأذن الله تعالى ودي أقول لج يمه شدي حيلج وأنتي قوية ولله الحمد والله يعينج خلصتي تصوير والحين متابعة علاج عسى ربي يخليج ويرحج بالدنيا ، وماوصيج لابد من فترة نقاهه حاولي الابتعاد عن العالم وتكوني مع اسرتج فقط لاغير . من ابنج البار / غازي خلف الف شكر والعذر لان الكلمات نابعة من قلبي ولهذا لم استطع التعبير . غازي خلف

صباحكم ورد وفل وياسمين ؟؟ الحمدلله ام عبدالله بخير ، واخيرا فكت الضيقة كنت قلق عليها وايد ، والحين ان شاء الله تتطلع النتائج وتكون بخير يارب ، اتمنى من العلي القدير ان يكون ابوعبدالله بخير وان يتشافى يارب الدعاء متواصل يمه لاتقلقي . صباحج خير يالغايبة الحاضرة ، قوة شلونج ؟ اخيرا رديتي بس ع السريع ، الله يفك قيدج آمين . اليوم الجو ماطر وكانت الطرق كلها مياه الامطار ، حوداث ، ودوبي داخل المكتب متأخر وايد . المشكلة بصمة مو توقيع الموظف ولا كرت ، البصمة ؟؟ بس يبقى الجو حلو ؟؟ غازي

هلا فيج يمه شخبارج وحشتينا يا أم الخير ، ألف الحمدالله ع سلامتج وأن شاء الله طهور يارب ، واتمنى لج الشفاء العاجل ، بصراحة اعذريني لم اتوقع ردج واسمحي لي ع التأخير ، يمهماتشوفين شر ، الشر بره وبعيد عنج اجر وعافية. ألف لا بأس على زوجج ام عبدالله مايشوف شر أن شاءالله يقوم بالسلامة وترجعون للبلد وانتم معافون بأذن الله . بالله طمنينا عنكم ، وبليز ماوصيكم ديري بالكم على روحكم . الف لابأس عليكم . أبنج البار غازي خلف

اي والله اختي هديل من الشغل ؟؟ عاد لاتفضحونا ، هديل أنا المسؤول هنا ؟؟ وانا بصراحة في وقت البريك مالي افتحه بصراحة ، ولكن يظل المنتدى يعمل ، واذا صارت فرصة ارد ع السريع خيتوووووو . اما الجو فظيع بالشرقية السعودية غائم ومعتدل ورذاذ المطر الخفيف ، واحسن شي ان مكتبي زجاج ويطل على الخليج العربي واقدر اشوف ضواحي البحرين في البرج اللي فيه . منظر جميل جدا جدا ، بصراحة يفتح النفس للكتابة فيه. ربنا يخليكي ياهديل،،،،

اهلين قوة بنات ، حي الله أخواتي العزيزات وينكن ؟؟ ههههههه قاعد أدوركم وينكم ،،، عموما زين والله قاعدين بالكوفي شوب ، بس وناسة مكان العوايل اللي انتوا فيه ، اختي هديل ( ازيك والزي الأهل ) ان شاء بخير ،ومشكورة أقوي ع السؤال الحلو ده ، ربنا يخليكي لينا يا أختي . قوة محبة ، شلونج شخبارج عفية والله بأوخيتي قاعدة من الصبح !! يالله اشربين لج ( موكا ) زين من الصبح ترى وسالفة شغلي ، لا والله لو ما اني مسؤول لما استطعت فتح المنتدى ؟؟ لاتحاتي اكتب شوي واشوف شغلي الذمة والضمير طيب خليني احلل راتبي باي الا ام عبدالله هلا يمه العفو من العيلة ماشفت رسالتج يمه اعذريني ، واجر وعافية ماتشوفين شر . ترجعين بالسلامة يالغالية ، ديري بالج ع نفسج وماوصيج باللي قلته الصحة اولا ثم الصحة ..حتى لا نزعل كلنا يايمه . بحفظ الرحمن ..

مشكورة اختي ( لهفة ) بس للاسف ما اقدر اتابعه ؟؟ دوامي من الساعة ( 10 صباحا ) حتى ( 6 مساء ) . ولكن سوف اكلف حد من يسجل الحلقات واشاهدها . شكرا خيتوووووو

قوة بنات قوة شباب ، شلونكم وشخباركم ؟؟ وبعدين تعالوا ماتشبعون من الهذرة هههههههههههههههههههههه ، الأ ( أنين ) وينها ؟؟ اوووووه نسيتوني اقول لكم ،، صباحكم عسل ؟؟ ع فكرة ياجماعة حاس بركود المنتدى ليش ؟؟ قولوا لي بليز ؟؟ عموما اكيد ماراح حد يرد علي بس تدرون عندي هالطوفه اشوف شغلي فيها ؟؟ههههه يعطيكم العافية ...

هلا بج اختي ( قمر المسا ) يعطيج الف عافية لكل مجهود تبذليه ووقت للرد على مشاركاتي المتواضعة لج مني اجمل احترام وارقى سلام لتصلج وانتي بخير ، بصراحة لا اعرف ماذا اقول غير تسلم اناملج التي ردت ويسلم قلبج ياصاحبة الذوق ولله لا يحرمنا من ابداعج . الف شكر اخوج غازي خلف

دائما مبدعة بردودج الجميلة التي تخالجني وتدفعني للكتابة ها انا ارد عليج واقول لج مشكورة والله يرحم والديج وعسج ع القوة ، فعلا انتي انسانة ذويقة وتحملين مشاعر رومانسية رائعة كلج ذوق . ودام قلمج الرائع، سلمتي اختا عزيزة .

هلا فيج اختي العزيزة ، اول شي ارحب من جديد على نث مفرداتج على كلماتي وازدادت تألقا من خط تعبيرج الرائع ، واضيف لج شغلة بسيطة هنا ايضا اني مبدعة وتشجيعج لي هذا اثبات لكتابتي نصوصي وارسلها من دون خوف . اله يسلم ايدينج والله لا يحرمنا من ردودج الرائعة . الف شكر هلا اختي هديل الغالية ، يسعدني ويشرفني ان القى ردج مع باقي الاعضاء طبعا يهمني ذلك !! واشكرج للدعاء لأمي والى امهات المسلمين اجمع ، والله يخليج لأمج وأمج لج يارب . أختيارج للكوبليه هذا عظيم توقعت ان يعجبكم لانه نابع عن قصة حقيقة ولذلك حاولت ارمها بإحساسي وبفضل الله اعجبتكم ولله الحمد ، ورد الذي وضعته سام ع صدري ، كلج ذوق وستظلين اخت عزيزة اختي هديل ، الف شكر .

هديل محمود

أختي العزيزة ( دلوعة صفوى ) الغالية كيف حالج شاعرتنا المتميزة بسماء الشعر للمنتدى البحرين ، هناك من كتب الابداع بإحساس المشاعر الرقيقة التي مازالت تحلق وتطير ، هنا اصبح ابداعج الذي اتنفسه بين حين وآخر بأن أقراءه مفرداتج التي تعطر حروفي بكل الابجديات العالم ، وحين ذكرتي المفاجأه اصبحتي انتي التي دائما تفاجئينا بإبداعج المميز وقلمج الخطير . الف شكر لج اختي دلوعة وحاب اقول لج شي أيضا انتي لاتوقفون اقلامكم النيرة فأنا متعطش لأناملكم للكتابة . أخوج غازي خلف

أخوي العزيز ( يوسف خلف ) الغالي الشكر واصل أبوي ، وهذا من ذوقك ياشاعرنا ، هنا زادني شرف ان القى ردك الحلو بين مشاركتي المتواضعة ، لعلها ان تعجبك بالفعل ، وها انا ارد عليك بكل مودة واحترام ولا تحرمنا من قلمك النابض الذي يشعر بشعرك الرائع . طاب يومك عزيزي وكلي فخر اني ارى كلماتك الغالية على قلبي . فشكرا لك ،، أخوك غازي خلف

ماشاء الله عليج يمه ،،، أول شي اتقدم بالعزاء بأبن اختج ، رحمة الله فقيدكم واسكنه الجنه ، اعتذر للتأخير ؟؟ عفوا بالنسبة الى الموضوع وايد حلو ، فعلا الحوار كان جميل وبه انسيابية رائعة وسلسه ،، الى الامام يمه ودع الواشاة يغنون موالهم الشهير ( ردد ياليل مطولك ) . ستظلين شامخة بعزج ، والله يحفظج من كل شر ، والى جميع اعضاء منتدانا الغالي . شكرا اخوي ( غرامي ) الف شكر اخوك غازي خلف