برشلوني حتى النخاع

أما أن يكون ما كتب غير مفهوم أو صحيح 100% ونخجل من التعليق أو أن الموضوع لا يستحق النقاش 3 .. لا رابع لهم .. على العموم .. يعطيكم ألف عافية يا الغاليين

الحمد لله رب العالمين .. الخبر اليقين جمالي معذبهم رجعت من السعودية بعد زيارة الى والدتها بشرتنا وتقول صحتها أحسن من قبل الحين .. كانت والدتها تحت عملية جراحية والحمد لله رب العالمين على سلامتها .. وتستاهل أختنا جمالي سلامة والدتها قرة عينج يا جمالي معذبهم وبإذن الله وحسب جمالي ما قالت : يوم الأربعاء بترجع والدتها الى البحرين .. وتحتاج بعد الى بعض الوقت حتى تتشافى كلياً من آثار العملية الله يقومج بالسلامة يا من أنجبتي جمالي .. والله يخفف عليج والحمد لله رب العالمين

كفوووووو عليكم والله كفووو كفووو بيض الله ويهكم يا الغاليين .. وما قصرتوا على هالوقفة اللي أبد ما تنسي الله يمدكم بالعون متى ما أحتجتوا مثل ما عاونتوني

مثل ما قلتو اليوم اليمعة ... المفروض أنها الحين في السعودية عند امها ما اجوفها أون يعني أتوقع صج في السعودية نتظر جيتها ونتظر الاخبار منها على احر من الجمر يا رب .. ترجعها لنا فرحانة مستانسة .. ويا رب لا تكسر بخاطرها يا رب .. يا رب تقوم أمها بالسلامة يا رب العالمين

قطوة برونزية ولونلي بنوتة مشكورين وما قصرتوا بيض الله ويوهكم وكل الشكر لمن مر على هالموضوع وحط التوقيع وعلق وتعاون معانا جميلكم على الراس والعين

في الحقيقة .. من بعد غياب طويل جداً .. حابب أرجع الى القسم بمواضيع متجددة .. وعذروني على الغيبة موضوع طرحه علي شخص متزوج .. وقال لي : طلبتك جوف راي الجماعة اللي عندك انت مراقب في منتدى النقاش وقول لي .. شرط لك بتجوفوهم يوافقوني انه برشلوني قلت له طبعاً انه أعارض اللي يسوي هالفعل .. ولكن بانتظر راي الجماعة عشان أرجع لك بالنتيجة واثبت لك ان اللي تقوله غلط الـــــى الموضــــوع .. وعلى لسان صديقي نعيش في هالأيام في زمن ربما زاد فيه الإنفتاح .. وتوسعت فيه الحرية وأزيلت فيه العديد من قيودها وحدودها صارت هناك لخبطة ممزوجة بزغرطة ... في الجانب الرجالي .. أصبح طويل الشعر .. صاحب اللحية الغير مشذبة .. صاحب الملابس الضيقة .. صاخب النظارة الشمسية من ماركة (...) .. صاحب النظرة الساحرة .. صاحب الطلة البهية ... صاحب كوب القهوة من كوفي شوب (...) ... ذلك من تتهاتف عليه الآنسات والبنات وحتى السيدات ... ذلك الذي ملئ الفيس بوك بصوره .. ذلك اللي يتنعم ويتدلع ويمسك في يده قطة وفي بعض يكون منهمكاً في الرد على رسائل ( البيبي ) الخ .. دشي قوقل وأكتبي شاب وسيم ( صدر مفتوح والحلة حالة ) هاذي الوسيم هاذي جيل اليوم وزوج اليوم هاذي أمنية شابات اليوم في الجانب النسائي .. أصبحت صاحبة اللسان .. المتحررة .. الداعية الى الحرية .. المنفتحة .. الضاحكة .. البشوشة في وجه الجميع .. الجريئة والصريحة... الباحثة عن الثغرات الدينية من أجل تبرير موقفها .. المتبعة لآخر أساليب الموضة ( مهما بلغت قصر ثيابها أو انتشر ريح عطرها ..الخ).. دش ولا ما يحتاي تدش .. ( فاهم قصدي ومايحتاي اوصيك .. جايف بعينك ) .. هاذي أهي فارسة أحلام شباب اليوم وفارسة أحلامك يمكن أنت بعد قبل الخوض في الموضوع .. تستطيع أن تكتفي الى هذا الحد وان تجيب على الأسئلة التالية .. فما سيأتي بعد الأسئلة هو مجرد سرد لواقع مرير ولكن أعدك بأني سأخوض في امور وتفاصيل أكثر عمقاً فأرجو منك مواصلة القراءة هل يعجبك الشخصين اللي فوق؟؟ هل ما سردته في الأعلى من المثالين يصلحان أن يكونا زوجين يديران أمور بيت كامل .. زوج وزوجة؟؟!! اتوقع بأنكم تلعمون ما المقصود بالزواج .. الزواج مب بس رومانسية وحب .. المقصد المسؤولية !!! هل شريك حياتج .. تريدينه بطل فلم ذو عضلات مفتولة أم رجل ذو دين وخلق؟ هل شريكة حياتك .. تريدها بأقصر تنورة وقد شبع المارة من النظر اليها .. أم فتاة تستحي من تنظر الى نفسها ؟ نــــرجع الـــى الموضــــوع .. في البحرين .. نعم ولن نغادر بعيداً .. أصبحنا - وللأسف - على حد من الوقاحة والجرأة تصل الى أن يقول الزوج لزوجته ( جوفي أبي جسمج مثل هاذي !!!!!) ولو احط 16 علامة تعجب ما بوقف .. واهي : تهز راسها صج عجبك جسمها عيل من الأسبوع الياي رجيم لحظة : ترضين زوجج يتمقل في غيرج ؟؟؟!!!!!!!!!!!!!! يا جماعة شفيكم؟؟!! .. عادي من باب الصراحة .. عااااادي .. ما فيها شي .. ليش أنتي مب واثقة في روحج .. ترى والله زوجج يحبج .. شفيج الله يهديج عبالج قاعد يخونج أهو .. كل اللي فيها قعد يتمنظر في وحده غيرج .. شفيها يعني شفيها؟؟؟!! خلونا نسمع رد الزوجة علي ... بتجاوبني الأخت بجاوبين .. الأول : شاسوي وياه ما ابي عينه تروح على غيري ومن اول ما خذته وانه اقول له ليش تطالع غيري ليكون مب عاجبتك انه .. يسكتني بمقولته : ترى انه ما سويت شي غلط !! انه جفت وحده حلوة وقلت عنها حلوة وجفت وحده شعرها ناعم وقلت شعرها ناعم وتصدق يا اخوي صرت أنه اصدق كلامه وأقول اللي يسويه صح مب غلط الجواب الثاني : لا تحاتي احنا متفاهمين .. وانه بعد اذا اجوف شخص يعجبي ( ركزوا على يعجبني ) .. اقول له .. مافيها شي احنا متفاهمين .. ( يا حلوكم والله متفاهمين على التمقل !!) أصبحت المرأة بعد ما تقصر .. وااااااااااااااااااااااي تصدق .. جفت اليوم الشخص العلاني .. شنو يهبل .. شنو قطعة .. شنو أينن .. تبي الصج يدودهني وأين عليه .. وايد جميل .. ومن بعد ما توصله الى مقام الانبياء من الوصف .. طبعاً ما يبقى الا تقول تمنيته زوجي .. هني تراضي زوجهاعقب ما بدت تستحي على دمها شوي ( أكيد مب أحلى منك .. انه جفته بس عشان أتذكرك واتذكر أيام عرسنا ) .. ( واااااايه على الأعذااااار .. جان قلتي كان خاطري اعرس عليه بس عشان أفتقدك لأن ما بعرف قديرك الا لما أجرب غيرك .. صدقيني لها تأثير أقوى في نفسه) يا جماعة فهموني .. هالتصرف اللي أتكلم عنه يسمونه أعجاب؟ أو عدم كفاية بالموجود؟ اتوقع ان اللي عندك مب مكفيك فتلجأ حق غيره .. أو سوري ( عيييييييييييين زاااااااااااايقة ).. بعد مافي حل او عذر ثالث .. يقنعنا ويدش العقل يا جماعة فهموني .. انه بعيني جفت رياييل يصيدهم جذي .. ونسوان يصيدهم جذي .. الطرف الثاني ينعجب بشخص آخر وأيي يصارح الطرف الأول .. ( وعااادي .. ولا جنه .. اكا يقول لك متفاهمين ) .. شنو تأثيره على العلاقة الزوجية؟ يا جماعة .. ناقشوني في النهاية يا أنه غلطان .. أو اني قاعد أحلم .. ( هل وصلنا الى هالحد ؟ او يتراوالي ؟ او أبالغ ؟ أو أو او ) أنتظر مشاركاتكم .. وخلوني أثبت له العكس .. أو أن رايكم من رايه !! الله وأعلم

قررت إلا أوصل 20 المرة الأولية كنت جريب وكسرت رقمي الأولي المرة الثانية حصلت مبتغاي وكسرت الرقم الاول والثاني من يحطم ؟؟!! :ssm16:

شوق بحرينية وولف غيرل .. بيض الله ويوهكم وما قصرتوا على اللفتة الأخوية منكم وجزاكم الله خير

أحم أحم اللغز اللي بعده

مهمومة زمانها وبحر الأحزان بارك الله فيكن وما قصرتوا الصراحة الله يسمع منكن .. وفيكن الخير على هالتعاون

قبل شوي كنت عند صديقي في حجرته وجفت هالكتاب محطوط عنده وقلت له تصدق الجماعة في المنتدى قاعدين ينزلون كل فترة شمعة من هالكتاب قال لي .. قد ما تقدر استفيد منه لأن رائع هالكتاب وايد مفيد مشكووورة يا بحر الأحزان .. وما قصرررررتي على هالشموع المضيئة

جزاكم الله ألف خير وبيض الله ويهكم ورفع الله عنكم الضر والضرر ورفع من مقداركم والله يشافي أمها ويفرح قلبها ونظرتها مشكورين كلكم مشكورين جميعاً

أجمعين إن شاء الله الله يجزيكم كل خير ومشكورين على التعاون يا أخوان ويا أخوات .. نبي نرجع البسمة لها .. ونفرح قلبها باللي نقدر عليه

جزيل الشكر وعظيم الأمتنان على تعاونكم يا أخواني وخواتي مشكورين ما قصرتوا وعسى الله يبعد عنكم كل مكروه الله يسعد قلبها ان شاء الله وقلوبكم ويقوم والدتها بالسلامة

أخواني واخواتي أعضاء وعضوات منتدانا الغالي حبيت في هالموضوع فقط أن احنا نتواصل مع جمالي معذبهم اللي باجر بإذن الله وحسب اللي سمعناه راح تزور والدتها نبيكم بس تحطون هالصورة اللي تبين مدى تعاونكم معاها في تواقعيكم .. الفزععععة يا الطيبين والله يعطيكم الف عافية لا تخيبون أملنا .. رجانا فيكم كبير .. المخلصين .. أخوان وأخوات جمالي معذبهم وهاذي أهو رابط الصورة فقط نسخوه وحطوه في تواقيعكم http://store2.up-00.com/May10/86M67780.jpg ومشكوووووورين .. سامحينا جمالي على التصميم البسيط جداً جداً

سمعي ربج شيقول في كتابه بصوت مشاري العفاسي سمعيها لي آخر شي صج صج صج من روائع العفاسي .. تفنن وأبدع في التلاوة الحمد لله والشكر لله الكريم على كل نعمة انعمها علينا والله اياوه بينج وبين الوالدة باجر يا رب

ان شاء الله واكيد أبوج ما بيخلف بوعده .. اكيد يا اختي أهو ما قال لج جذي إلا لأنه خايف على مصلحة الثنتين أنتي وأهي .. أنتي بنتها ومستحيل يحرمج من شوفتها وبإذن الله يا الغالية ربج بيجمعج معاها يوم اليمعه وبتجوفينها وبتضحكين وياها وبترجعين تكتبين لنا اهني .. واااايد فرحت الحمد لله قرآنج يا جمالي .. لا تخلينه .. أقريه الحين يلااااا .. أمج يا الغالية بخير وربج بيقومها بالسلامة .. لاتخلين الشيطان الرجيم يوسوس لج .. ولا تخلين المحاتاة تخلق لج أوهام تعوذي من الشيطان الرجيم .. وأنتي دايم تقولين هالجملة ( حكمة .. رب العالمين ما يسوي الشي إلا لحكمة ) .. وان شاء الله بتجوفينها اليمعة وبتقعدين معاها ولا يصير خاطرج إلا طييييييب الله يقومها بالسلامة ويهون عليها وعليج .. وربي يجمعج وياها بإسرع وقت ممكن .. ورب العالمين يكتب لها الشفاء العاجل ويرجعها لكم سالمة غانمة يا رب

الله يقر عيونكم بها ويرجعها لكم سالمة غانمة الله يشافيها من أي مكروه ويفرح نظرتكم بجوفتها والله يجمعكم معاها بأسرع وقت ممكن الله يقومها بالسلامة ويشافيها ولا يحسسها بأي ألم والله يرد لج الفرح يا الغالية ( الحمد لله رب العالمين على كل حال )

جمعية الإصلاح أن سمعت أن يساعدون بعد

بسم الله الرحمن الرحيم أول شي ألف حمد وشكر لك يا رب العالمين على كل نعمة انعمتها علينا يا رب العالمين .. اللهم نشهد أن لا إله إلا أنت نستغفره وتوب إليه الخير بأمرك والسوء بأمرك .. وإن أحببت عبداً من عبادك أبتليته .. إن صبر وشكر .. جازيته الإحسان والأجر والثواب العظيم من بعد الضراء سبحانك لا ملجأ ولا ملجأ منك إلا إليك الأمر الثاني .. جمالي ألف الحمد لله على سلامتج يا أختي .. ورب العالمين مثل ما ذكرت فوق .. إذا حب المؤمن ابتلاه أهم شي ما صااار فيج شي ؟؟ أهم شي طلعتي سالمة غانة من دون أذى .. هاذي نعمة ولله الحمد ولله الحمد ولله الحمد أما أم سارة عسى الله يطول في عمرها ويحفظها ويخليها لج .. فرب العالمين ما راح يخليها .. والنعم فيها ام سارة .. طيبة خلوقة وأم ربت بنتها على اخلاقها فنعم الأخلاق كل لسان يدعي لها .. الله يحفظها ويحرسها ويقومها بالسلامة من كل شر .. الله يعجل في شفائها .. ويرزقها الصبر والأجر .. ويرجعها لكم اليوم قبل باجر سالمة غانمة متعافية يا رب العالمين ان شاء الله تسمعين الخبر اللي يرد لج روحج يا أختي يا جمالي أمج بخير يا أختي إن شاء الله الوالدة بخير وصحة وسلامة أخوانج وخواتج هني كلهم قلوبهم وياج .. كلنا ندعي حق الوالدة ولج بالتوفيق .. وعسى الله يحفظ الوالدة ويرجعها لج ويرجعها حق بيتها مثل الوردة يا رب قولي .. ( إنا لله وإنا إليه راجعون ) .. والحمد لله رب العالمين .. ما عليها إلا العافية أم سارة .. وما عليج إلا العافية يا جمالي تركي الهم والحزن والضيق والكدر .. وتذكري .. يونس عليه السلام عاش في بطن الحوت بروحه وقال ( لا غله إلا أنت سبحانك إني كنت من الظالمين) وسبحان الله .. الله على طول فرج كربته أقري معاي ( ألم نشرح لك صدرك ، و وضعنا عنك وزرك ، الذي أنقض ظهرك ، ورفعنا لك ذكرك ، فإن مع العسر يسرا إن مع العسر يسرا ، فإذا فرغت فأنصب ، والى ربك فأرغب) والنعم بالله ( إن مع السر يسرا) جمااااااااالي .. شقلت لج عن الحادث .. <_< شكللللله انتي ناوية تجوفين سياقة كل واحد في المنتدى وتلوع جبدج وعقب تقولين اللي سويته يسمونه حادث ؟؟ :ph34r: سألي العبد ( برشلوني ) .. كسر سيايير الدنيا والدين .. وأبوووي .. ههههههههه آآآية عليج يا جمالي .. والحمد لله رب العالمين .. إنتي بنت مسلمة مؤمنة عارفة ربج .. أقري قرآن و قولي يا رب سلمت لك أمري وأمر أمي وأنابهما إليك الحمد لله رب العالمين والشكر لله الكريم أما على طاري الكلمات الشعرية .. جداً جميلة وجداً معبرة وجداً جداً رائعة .. انه أقولها لج مو عشان تعيشين الحزن .. لاااا أنه أقول لج قلمج صفها بشكل ممتاااااز وجميل .. وأشجعج على الكتابة .. عسى ربي يحفظج يا جمالي ويشيلج من كل حزن وكرب وكل محنة بقدرتك يا أرحم الراحمين .. والحمد لله رب العالمين

lambo أنت اللي لك هيبة ما شاء الله عليك .. وتستحق التقدير والإحترام من الكل

بانك قيرل و حسين بن ابراهيم .. ما قصرتوا مشكورين وبيض الله ويوهكم.. الله يرزقكم بالذرية الصالحة

الله يبارك فيج يا بحر الاحزان وأكيد أنتي بعد ما قصرتي بهل التهئنة وبالمجهود الجبار في المجلة وعسى الله ينولج مرادج ويبلغج الذرية الصالحة اللي ترفعين بها راسج آمين ان شاء الله

عويشششششق مشكوووورة على الرد وما قصرتي هههههههه الله يلغنا ونجوف عواشق صغار جذي .. الفال لج ان شاء الله السماهيجي .. مشكووور يا الغالي دوووم أصيل وما تقصر .. والله يبلغنا ونحضر عرسك ونجوف عيالك .. الفال لك يا بوحسين لامبووو ... مشكور يا أخوي والله مشكور و غصب الواحد يحتار معاك في الكلام يا محترم .. الفال لك يا اخوووي الغالي فاتي .. الله يبارك في إيمانج وما قصرتي على التهنئة .. في ميزان حسناتج يا رب .. الفال لكم حشمة .. الله يسمع منج ان شاء الله .. مشكورة والله يبارك في إيمانج وفي ميزان حسناتج ان شاء الله .. الفال لكم نسيت أنساك .. الله يبارك في حياتك يا أخوووي وعسى الله يبلغك في الذرية الصالحة .. الفال لك ولف غيرل .. الله يبارك في إيمانج ومشكورة ما قصرتي على التهنئة .. في ميزان حسناتج والفال لج أخيراً .. جمااااااااااااالي ما قصررررررتي .. بيض الله ويهج .. ورفع الله من قدرج .. وجزاك الله ألف خير الله يرزقج الذرية الصالحة .. ويبلغج فيهم .. ويعطيج على قد امانيج مشكوووورة .. وصج صج صج ما قصرررررتي الفال لج .. قولي آمين يا جمالي يا اختي