lody_lody

صح لسانج مصرقعه قلبي وكلامج عدل 100% الله يخليهم حق بعضهم شبابنا وبصراحه ستار اكاديمي هالسنة غير عن السنه الي طافت هالسنه وايد حبوبين وطيبين الله يحفظهم ان شاء الله ولايفرقهم

اي والله كلامك عدل وايد كلام حلووو وبمحله مشكور اخوي وماقصرت ولاتحرمنا من هالمواضيع الرائعه بارك الله فيك

والله اول مره اسمع كلمة حلوه بمنتدى ستار اكاديمي كل الي اشوفه هواش ومعارك وحروب والله يستر شنو باجي بعد ماصار ..... تسلمين اختي كلامج عدل مهما صار احنا خليجين وايدنا وحده ولدنا اهو ولدكم والعكس صحيح يعني ما نخلي هالعنصريه والتعصب يفرقون بيننا بعدين احنا نشوفهم بالاكاديمية مشاء الله عليهم ايدهم وحده وحبهم لبعضهم كل يوم يزيد وهم مستانسين ليش كل يوم نطلع عليهم اشاعات ونحط حجي عليهم ما شفناه ولا سمعناه انا وبكل امانه كل الي اشوفه انهم وايد يحبون بعضهم وما بيوم تزاعلوا او تهاوشوا واقعد جذي متزاعلين كله يضحكون ويتغشمرون على بعضهم وهم مستانسين ليش نطلع عليهم اشاعات ماصارت وامس انا شفت حفلة جوي مع الشباب وشفتوا اشلون الخليجين اقعدو يم بعضهم بجلسة وحده ... وبعدين لاتنسون اكو غير الخليجين ناس وايد ماتحب الخليجين يعني مو شرط الي يدز هالمسجات يكون اكويتي او بحريني او سعودي ويتلفظ باللفاظ شينه حقنا ساعه يسبون الكويت وساعه يسبون البحرين وساعه يسبون السعودية وجذي هذيلن مب خليجين ولا بيكون هذا مستوى خليجين ابداً واكيد كل الي يغارون ويحقدون على الخليج لهم مصلحة من ورى هالمسجات يسون فتنه بيننا وبس الواحد يحكم عقله قبل مايحكم على الباجين ويسي الظن فيهم واتمنى كلمتي وصلت لكل عضو هني فاهم شنو معنى حبنا للخليج يجري بعروقنا ........ الله يحفظ الخليج دووووم خذو هالكلام بتفكير سليم وقلب صافي ولاحد يزعل من اي كلمة كتبتها

واااااااااوه رائعه الصوره مشاء الله عليكم اشلون صدتوها وهي بالكوفي صج شياطين حلووه وايد ومشكور على الصوره زين انت ليش ماخذيت صوره وياها ضيعت فرصة عمرك

ههههههههههههههههههههههههههههههههههههههههههههههههه الصج مت من الضحك شنو هذا كلكم خايفئن اشحقه يه انا بطمنكم فهد ولدنا بيطلع من الاكاديمية والي بيرد هشام واحمد بس ومتاكده من كلامي هذا بنسبة 100 % وبالنسبة لفهد والله مادري منو الي يتلصق بزيزي بس ماعليه انا مايهمني يتلصق ان شاء الله بارولا سعد المهم تطمنوا فهد بيودع الاكاديمية

مع الاسف ماتمنيت يصيرون عيال الخليج مره وحده نومنيه بس هذي اللعبة وانا اتوقع الترشيح بيكون جذي أعلى تصويت جمهور = هشام أعلى تصويت طلاب= أحمد صلاح الدين والي بيودع الاكاديمية = فهد

<_< يه يه يه اشفيكم خائفين جذي <_< أحمد صلاح بيرد للاكاديمية قلت بيرد يعني بيرد << واثقة من عمرها وأ واثق الخطى يمشي ملكاً بس بسالكم أحمد ماله ربع من البحرين يعني ليش المره الي طافت يون ربعه للاكادييمة بس طلعوا مصاروه ليش ماياء احد من البحرين حقه <_< ؟؟؟ وصح لسانك اخووي على الكلمات الحلوه هذي

والله اخوي المزيون الي سويته ماهو إلا من صفات المؤمنين وهالشي ربي يجازيك عليه وماعليك من الي انتقدوك... وانت مشاء الله عليك مشيت بقول الرسول صلى الله عليه وسلم في معنى الحديث "من راى منكم منكراً فليغيره بيده او بلسانه او بقلبه وذالك اضعف الايمان " وانت مشاء الله علييك غيرته بيدك وانشاءالله اقوى الايمان وبارك الله فيك وبالنسبة لي انا وكوني بنت ماقدر اتصرف جذي اقل شي بسويه اهو الدعاء له بالهداية ويكفيني اصلاً انا خوافه ماتحمل اشوف مثل هالاشياء جدامي

مصرقعه ياقلبي صوتي لحمد صلاح اذا تبين بتلفون والله يكون بعونج مب يخلص الكردت مالج تقولين وينج يأمه تعبين لي تلفوني بتذبحج امممم تصورو الشعب المصري اذا يعزون أحمد صلاح يصوتون حقه واواواواوه 80 مليون مصري والله خوش تصويت عيل بيصير ستار من الحين B)

اولاً اذا موضوعي مكرر على طووول دزوه للارشيف وسلمو عليهم بعد << من كثر ماطلعت انا وايد قديمه ماعليه المهم هذي صورة مشاري البلام وعائيلتة

ماكو غير انكم اتصوتون بتلفون لولدكم وبالتوفيق له ان شاء الله B) وانا ماراح اصوت حق احد والي يبي يطلع نومنيه يطلع مو مشكلتي وا وطنيتي أمثلها بقلبي و بحبي لديرتي مب حبي لواحد من هالطلبه

<_< امس قرات بحد المجلات عن اشلون اتصوتون حق الطلاب من موقع ستار اكاديمي 2 وطريقة التصويت كنت بحط لكم الصوره من المجله بس للاسف الاسكانر عندي سكه مب راضي يشتغل لسوء حظي بس طلع التصويت عبر الانترنت لموقع ستار اكاديمي طلع بفلوس تدفعون 10 دولارات وتتصفحون موقع التصويت وكل شوي يخصمون من عدد التصويت لين تخلص الــ 10 دولارات وبعدين تجددون الاشتراك من يديد وتحطون 10 دولارات يديده وجذي والاستغلال شغال صج قمة الاستغلال

انا بشارك مادري انتهى العرض او مانتهى المهم بقول الي بخاطري حتى لو ماكو جائزة امووت في شي اسمه تحليل سياسي << كونان المهم ...... تصويت الجمهور = فهد باذن الله تصويت الطلبة = أحمد صلاح الدين بأذن الله باي باي = بشار القيسي ولو تبون اقولكم بعد منو ان شاءالله النومني الاسبوع الياي أقولكم

اوكي بصراحه طلبي الوحيد ومابي غيره بقول للمارد وطبعا الشي من المستحيلات بس بتخيل جذي ........ B) بقولهم اذا سمحت تفصل دول الخليج عن كل الدول وترفعها فوووووووق هالعالم كله ثانياً امريكا تاخذها ابعد مكان عن العالم مابيها اتشوف الشمس تحطها بمكان ماتوصل لنا حتى لو بطايرات واتمنى اتحط بينا وبينها حاجز من حديد او حتى كهرباء المهم تتم بعيده عننا وما اكره لو يحر قها بعد ثالثاً ابي اتصير الخليج جنة صج جنة ومافيها اي فساد او حروب او مشاكل رابعاً تتحرر كل الدول المسلمة من الحروب والظلم ويعم السلام فيها بس الدول المسلمة اخ ياقلبي والله احلام اليقضة ذي

صحيح يطلع بكرامته احسن له لان الجمهور الخليجي اهو اقوى جمهور في التصويت وبعدين هالحركات صارت قديم يقعد يقول انا ابي انسحب جان انسحب من قبل لا يعلنون عن النومنييه بس اهو يقول جذي عشان يستعطف قلوب المشاهدين ويصوتون حقه اكثر ولا لو عليه يتمنى يتم بالاكاديميه ومايطلع منها وماعليه يخسر فهد او أحمد صلاح هالشي مايعنييه وبعدين انا سمعته امس مع جوي يقولها رجعتي للاكاديميه احتمال صعب لانهم حطوني وياءأقويا لهم جمهورهم مثل الي يقول يارب ماطلع ويطلع اي واحد فيهم وانا اظل بلاكاديميه بعدين ماعنده اي مميزات مثيرة للاهتمام على كل حال هذي قوانين اللعبه واليوم او باجر بيطلعونه ويارب يطلع

انا بحلل لكم النتيجة وانا بعزمكم والله يستر من النتيجة شوفوا فهد بتصويت الجمهور أحمد وبشار بتصويت الاصدقاء زين جوي = أكيد بشار عراقي كاتيا= أكيد بشار عراقي سلمى = أحمد صلاح أماني = بشار عراقي زيزي = أحمد صلاح أحمد حسين= أكيد احمد صلاح هشام= أكيد احمد صلاح سامر= أحمد صلاح بشار غزاوي= بشار عراقي يعني 4 أصوات حق بشار العراقي & 5 أصوات حق أحمد صلاح بأذن الله يرد للاكاديمية ويطلع بشار لاني ماحبه وبس <_<

هههههههههههههههههههههههههههههههههههههههههههههههههههههههههههههههههههههههههههههههههههههههههههههه انا أظن ولااحد فيهم حلووو بس الوسيم فيهم أحمد حسين وبس B)

احمد صلاح وفهد قالوا بنطلع نومنيه وأظن الي بيقول باي باي بأذن الله اهو بشار العراقي لان سمعت هشام يقول حق فهد المره الي طافت لو احد منكم طلع نومني والله ان ابصوتله لانه ولد ديرتي المهم خليجي وجان يرد عليه فهوود B) يقوله كفو ياهشام وانا متاااااااكده هالمره بيودع الاكاديمية بشار <<< مشكلتي بالحياة امشي وأ واثقه من خطواتي اقصد توقعاتي بعدين لاتخافو بيطلعون نومني ان ماجان اليوم باجر ماكو احد بيتم جذي بدون نومني عشان يستفيدون من ورى هالاتصالات خاصة اذا يات من الخليج

مشاء الله ياسلام الله يخليهم حق بعضهم ان شاء الله ولايفرقهم تسوى عليها الصراحه الحمدلله والشكر

هذي ايام حفلة انتخاب ملكة وملك الجمال بالكاديمية وين المشكله هني ؟؟؟؟ <_< بلعكس ذي اليوم الوحيد الي كانوا واايد مستانسين ودمهم خفيف وذي الي يوم الي حسو فيه بقمة الوناسه وبعدين الصور لمن كل واحد تقمص شخصية معينه وحبوا يضحكون على بعضهم شنو اليديد ؟؟

يه ماقالوا هربوا تلفونات وقعدو يتحجون فيها تحت الدش مو صحيح هالحجي السالفه ان هشام وانس زمان يدتي على ايام انس كان اهو هشام يتحجون تحت الدش ماقالوا استخدموا التلفون بعدين ماكو اي شي يدش الاكاديميه غير يفتشونه يعني من سابع المستحيلات يهربون تلفونات للاكاديمية

هذي السيدة الفاضله لازم تتصرف بعقل وبهدوء وتقول حق ريلها ياقلبي حاضر ولايهمك بصير لعيونك مثل روووبي وهيفاء وهبي لو تبي وخلال شهر بعد مو ثلاثة اشهر بس ابي منك شغله صغيييييره هالتوووبر ابيك اتصير خلال سته أشهر مثل وائل كفوري ماقلت توم كروز او جون ترفولتا قلت وائل كفوري بس << وشوف اشلون انا اكرم منك عطيتك فرصه سته أشهر مو ثلاثة اشهر مثل ما طلبت مني ............................. انتهت الغشمره والله أخوي انا افضل مرتة تعزمه جذي بيوم من الايام بمطعم وهو اكيد مستانس ماكو شي مضايقه ولا عنده اي مشاكل وتصارحه يافلان شنو الي مو عاجبك فيني و...و....و....و ....... الخ <<< عفواً هالطريقه فقط للي يعرفون حق المطاعم وهالسوالف الي مايعرفونها عاد يقعدون بالبيت يحلونها اهناك احسن لا نفس الشي اتشوف الوقت المناسب وتشوف شنو الي يحبه ريلها من أكل وشرب وقعده زينه وتساله بهالوقت شنو الي مغيره عليها جذي يعني تتفاهم ويا ريلها وتشوف شنو الي ناقصه وشنو الي مقصره وياه وتصلحه واذا لاوالله هالحجي يابه من راسه ويبي يسوي خرابيط وينكد على مرتة فا أنا افضل تعطي خبر حق احد من الاهل يكون عاقل شخص حكيم ويفهم للمواضيع الكبيره الي تصير بين المتزوجين . وسلامتك

صلي على النبي وقول لاإله إلاالله محمد رسول الله الحمدلله على سلامتك وفي الحديد ولافيك ولاتدعي على روحك جذي مايصير المرض والاصابات ماهي سهله خطاءك السوء اخوي ودفعت بلاء عنك ان شاء الله

والله موضوع غريب صج غريب اولاً البنات الي حاطين براسهم شي اكبر من الاعجاب والاحترام حق هالفنان بقولهم غلط هالشي واكيد غلط هالتصرف ياساتر عيل لو تدش مئة منتدى وبتشوف الف فنان بتحب الف فنان يه يه يه المهم انا مابي اصير حكم على تصرفات الاخرين انا ماانسى بالمنتدى اعضاء ( أعمارهم - وإدراكهم للمواضيع - وافكارهم - وتصرفاتهم) مختلفه من شخص لشخص ....... بس الحرص والاسلوب والاحترام مفروضين فرض بشخصية الانسان ولابد انه يوقف عند خطوط حمراء مايتجاوزها مع فنان اوغير فنان والاهم من هذا كله مايصير اني احكم على الكل واتهمهم بالغلط واخذهم بذنب شخص واحد او عينة صغيره من الاعضاء بالمنتدى لاتمثل العينة الاكبر او الشريحة الكبيرة من اعضاء المنتدى ..!! اكره اني اطبق المثل الي يقول الخير يخص والشر يعم <_< والانسان قدر المستطاع ما يحط نفسه بمواقف محرجه تتطلب منه مع مرور الوقت الاعتذار والي اعتبره اكبر ظلم وذل وعقاب حق النفس مشكوره اختي على الموضوع

مشكوره على الموضوع اختي بس عني أنا ماأظن ومن سابع المستحيلات أبوي يتزوج على أمي وحده ثانية لانها وصج بدون مجامله او جذب ومب عاشانها أمي اقول هالحجي .... بس لاني اعرف أمي شنو اولاً أبوي اخذ أمي عن حب والحمدلله وعايشين ويا بعضهم حياة وااايد حلووه ومرتاحين والدليل انهم يابوني هههههههههههههههاي الله يخليهم لنا وحق بعضهم ومشاء الله عليهم لاإله إلاالله ولو ان ابوي فكر يوم يتزوج وهالشي طبعاً مستحيل يصير بس بقول فرضاً اكيد ماراح اقوول له لا الله يديمهم تاج على رأسي ويخليهم لنا وهم بعد يخليلكم اهلكم آآمين